تازيون خبرون
پاڪستان هائوسنگ اسڪيم شروع ٿيڻ سان 40 صنعتن جو ڦيٿو هلڻ شروع ٿي ويندو: عمران خان - آصف زرداري ۽ شهباز شريف کي پيسا موڪليندڙ 4 ڪمپنيون گڏيل آهن: شهزاد اڪبر - ن ليگ پاران وزيراعظم، شهزاد اڪبر ۽ ٻين خلاف برطانوي عدالت ۾ وڃڻ جو اعلان - پ پ جا وڏيرا پاڻي چور آهن، نادر مگسي پاران رينجرز گهرائڻ جو مطالبو - پاڪستان ۾ 10 کان 15 سيڪڙو ماڻهو معذور آهن، انهن جو خيال رکڻ معاشري جي گڏيل زميواري آهي: عارف علوي - شهباز شريف جو خاندان ڏوهه قبول ڪري ڪرپشن کان توبه ڪري وٺي: فردوس عاشق اعواڻ - صادق سنجراڻي سان اسد قيصر ۽ عثمان بوزدار جون ملاقاتون، تحريڪ عدم اعتماد کي ناڪام بڻائڻ لاءِ ساٿ ڏيڻ جي خاطري - اڳوڻي صدر جي رمانڊ ۾ 14 ڏينهن جي واڌ، پرڏيهي امداد اسٽيٽ بئنڪ ۾ ايندي آهي: آصف علي زرداري - يونيسيف جي سهڪار سان پورهيو ڪندڙ ٻارڙن بابت سروي ڪري رهيا آهيون جئين انهن کي فني تعليم ڏئي سگهجي: وڏو وزير - ايڪنڪ داسو پن بجلي منصوبي جي منظور ڏئي ڇڏي آهي، ڪراچي ۾ پاڻي جي فراهمي بابت جلد خوشخبري ٻڌائينداسين: فيصل واوڊا

Monthly Archives: July 2019

پاڪستان هائوسنگ اسڪيم شروع ٿيڻ سان 40 صنعتن جو ڦيٿو هلڻ شروع ٿي ويندو: عمران خان

اسلام آباد (ويب ڊيسڪ) وزيراعظم عمران خان چيو آهي گهر ٺاهڻ لاءِ آسان شرطن تي قرضن لاءِ آرڊيننس سڀاڻي جاري ڪيو ويندو. اسلام آباد ۾ نئون پاڪستان هائوسنگ پراجيڪٽ اسڪيم جي تقريب کي خطاب ڪندي وزيراعظم چيو ته 0.2 سيڪڙو گهرن لاءِ ناڻو ملندو آهي، رڳو اهي ماڻهو گهر وٺي ٿا سگهن جن وٽ پئسو هجي، پاڪستان ۾ هڪ ڪروڙ کان وڌيڪ گهرن جي گهرج آهي، پگهار کڻندڙ طبقي ۽ 19هين گريڊ کان هيٺ سرڪاري ملازمن لاءِ گهر ٺاهڻ جا وسيلا ناهن. هن چيو ته آرڊيننس آڻي رهيا آهيون، جنهن سان گهر ٺاهڻ لاءِ مالي وسيلن جي فراهمي ٿي سگهندي، اسڪيم جو مقصد ماڻهو رجسٽر ڪرڻ آهي، ٻڌائي سگهجي ته هر مهيني گهر جي ڪيتري قسطن ڏئي سگهبي، ان سان خبر پوندي ته شهرين وٽ گهر ٺاهڻ لاءِ ڪيترا وسيلا آهن. سندس چوڻ هو ته هائوسنگ سيڪٽر ۾ گهڻا ماڻهو اچڻ چاهين ٿا، اهو پهريون ڀيرو ٿي رهيو آهي ته هيٺين طبقي کي گهرن جي فراهمي ۾ هائوسنگ سيڪٽر اچي رهيو آهي، ڪوشش آهي ته گهر ٺاهڻ لاءِ ننڍيون ننڍيون ڪمپنيون وجود ۾ اچي سگهن، نئون پاڪستان هائوسنگ اسڪيم شروع ٿيڻ 40 صنعتن جو ڦيٿو هلڻ شروع ٿي ويندو. وزيراعظم چيو ته 10 هزار گهرن لاءِ ڪڻا ڪڍنداسين، انگوري وٽ شهرين کي ڏيڍ سال ۾ گهر ملي سگهندا، ڪوئيٽا، گوادر، لاهور ۽ اسلام آباد ۾ به هائوسنگ اسڪيمون شروع ٿي وينديون، ڊيٽا گڏ ڪنداسين ته ماڻهن کي ڪيترن گهرن جي ضرورت آهي، گهر ٺاهڻ لاءِ آسان شرطن تي قرضن لاءِ آرڊيننس سڀاڻي جاري ڪيو ويندو .

 

آصف زرداري ۽ شهباز شريف کي پيسا موڪليندڙ 4 ڪمپنيون گڏيل آهن: شهزاد اڪبر

اسلام آباد(ويب ڊيسڪ) وزير اعظم عمران خان جي احتساب بابت خاص مددگار شهزاد اڪبر چيو آهي ته شهباز شريف لنڊن ۾ منهنجي خلاف ڪيس ڪري آئون هڪ هڪ ثبوت عدالت ۾ پيش ڪندس. اسلام آباد ۾ پريس ڪانفرنس ڪندي شهزاد اڪبر چيو ته گذريل سال ن ليگ پنهنجي پنهنجي پريس ڪانفرنس ۾ هڪ سال پراڻي تصوير ڏيکاري ڄڻ برطانوي رسالي ۾ خبر اسان ڇپرائي هئي. هن چيو ته 2018ع جي اليڪشن جي مهم دوران برطانوي صحافي اليڪشن جي دوران عمران خان سان ملاقات ڪئي هئي ۽ اِها تصوير پاڪستان تحريڪ انصاف  پاڻ جاري ڪئي هئي. خاص مددگار جو چوڻ هو ته ڊيلي ميل طرفان شايع ڪيل خبر ۾ شهباز شريف جي خاندان جي ڪرپشن جو ننڍڙو حصو هو. شهزاد اڪبر چيو ته شهباز شريف فيملي جي اثاثن بابت شڪي ٽرانزيڪشن جڏهن سامهون آئي ته اسٽيٽ بينڪ سان گڏ ڪم ڪندڙ فنانشل مانيٽري يونٽ سان ڪيس جو آغاز ٿيو جنهن ۾ ٻاهر کان آيل رقم جو علم ٿيو. خاص مددگار چيو ته ان رقم جي ڇنڊ ڇاڻ ڪئي وئي ته 200 کان وڌيڪ پرڏيهي ذريعن سان شريف خاندان جي مختلف ماڻهن جي اڪائونٽن ۾ آئي هئي اِها رقم 2 ڪروڙ 60 لک ڊالر کان وڌيڪ جي آهي. سندس چوڻ هو ته سڀ کان وڌيڪ حيران ڪندڙ ڳالهه اِها آهي ته شهباز فيملي جيڪي اثاثا ظاهر ڪيا آهن انهن جو فرانزڪ  ڪيو وڃي ته ان مان ثابت ٿي ويندو ته حمزه شهباز جيڪو نيب جي تحويل ۾ آهي ۽ جسماني ريمانڊ تي آهي ان جا 95 سيڪڙو اثاثا ائين ئي ٺهيا. شهزاد اڪبر چيو ته حمزه شهباز جي اثاثن بابت اِها ڳالهه ثابت ٿي چڪي آهي، 3 مهينا لاهور هاءِ ڪورٽ ۾ گرفتاري کان اڳ ضمانت ٿيندي رهي ۽ هڪ هڪ دستاويز ڏيکارڻ کان پوءِ ان جي ضمانت رد ٿي. خاص مددگار چيو ته سليمان شهباز جيترا به اثاثا ظاهر ڪيا انهن مان 99 سيڪڙو ائين ئي بڻيا آهن، هتي جي ڪا به ڪمائي ناهي سمورو پيسو ٻاهران پيو اچي. هن چيو ته شهباز شريف جي پهرين گهرواري 80 سيڪڙو آمدن ۽ اثاثا انهيءَ طريقي سان بڻايا ويا، ان سموري رقم سان پنهنجون ڪمپنيون بڻايون. شهزاد اڪبر چيو ته 200 کان وڌيڪ ترسيلات زر موڪليندڙ انهن سمورن ماڻهن مان ڪنهن جي حيثيت ناهي جو لاهور کان ڪراچي وڃي سگهن، انهن مان هڪ منظور پاپڙ واري  20 لک ڊالر کان وڌيڪ جي رقم شهباز شريف جي پٽن جي اڪائونٽ ۾ موڪلي جيڪو جهلم جي ڳوٺ ۾ پاپڙ کپائيندو آهي، هن برطانيا ته ڇا ڪراچي به ناهي ڏٺو پر هو 20 لک کان وڌيڪ پيسا موڪلي رهيو آهي. خاص مددگار چيو ته ان ڪيس ۾ صورتحال اِها آهي ته حمزه شهباز حراست هيٺ آهي ۽ سليمان شهباز مفرور آهي خاندان جا ٻيا به فرار آهن ۽ انهن کي لکت ۾ سوالناما به موڪليا آهن تڏهن به ڪو جواب ناهي آيو. هن چيو ته شهباز شريف جي ناٺي علي عمران کي 6 سيپٽمبر 2002 تي 2 ڪروڙ رپين جو ڊيمانڊ ڊرافٽ ان جي خانگي ڪمپني جي نالي تي ڏنو ويو هو اِها رقم زلزلي متاثرن جي نئين سر بحالي جي اڪائونٽ سان جاري ٿي. شهزاد اڪبر چيو ته دستاويزن ۾ مارچ 2013ع ۾ علي عمران کي هڪ ڪروڙ 30 لک جي رقم منتقل ڪئي وئي، 2011ع ۾ 2 ڪروڙ 70 لک جي رقم هن جي ڪمپني ڏانهن منتقل ڪئي وئي. هن چيو ته نويد اڪرام جيڪو زلزلي متاثرن جي نئين سر بحالي بابت اٿارٽي جو ڊائريڪٽر هيو هن پنهنجي اعترافي بيان ۾ چيو هو ته علي عمران کي 13 ڪروڙ 1 لک جي ادائيگي ڪئي ۽ هن پاڻ زلزلي متاثرن جي فنڊ جي مد ۾ 49 ڪروڙ 90 لک جي ڪرپشن ڪئي. خاص مددگار چيو ته علي عمران جي هڪ اهڙي ڪمرشل پلازا کي مسواڙ جي مد ۾ رقم ڏني ويندي رهي جيڪا اڃان اڏجي ئي نه هئي اُها پلازه لاهور ۾ ضبط ٿيل آهي. شهزاد اڪبر چيو ته جڏهن هنن کي مڃڻو ئي ناهي ته ان جو اسان ڪو به حل نٿا ڪڍي سگهون ڇو ته جن ڪيسن ۾ سزا ٿيندي آهي ان ۾ به نه مڃڻ جا ثبوت موجود آهن. هن چيو ته ڪالهه برطانو رسالي ۾ جيڪا خبر شايع ٿي ان حوالي سان الزام لڳايو ويو آهي ته اِها خبر شهزاد اڪبر ڇپرائي آهي پر جيڪڏهن مون کي اسٽوري ڪرائڻي هجي ها ته اِهي دستاويز به ڇپجي وڃن ها. خاص مددگار چيو ته شهباز شريف دعويٰ ڪئي هئي ته منهنجي خلاف ڊيلي ميل ۽ صحافي جي خلاف ساک خراب ڪرڻ جو ڪيس  ڪندا مون ڪالهه به چيلينج ڪيو هو آئون وري چيلينج ڪيان ٿو ته پنهنجي ان دعويٰ تان ڦرندس نه. هن چيو ته شهباز شريف توهان کي ان دعويٰ کي اهڙو ناهي بڻائڻو ته آصف زرداري توهان کي روڊن تي گهليندو. شهزاد اڪبر چيو ته شهباز شريف لنڊن ۾ مون تي ڪيس ڪري ۽ ان عدالت ۾ توهان جي هڪ هڪ ٽرانزيڪشن ٻڌائيندس ته پيسا ڪيئن ويا، اسان سڄو پيسو عدالتي نظام ۾ کٽي آڻينداسين ۽ احساس پروگرام ۾ خرچ ڪنداسين. خاص مددگار چيو ته آصف زرداري ۽ شهباز شريف کي پيسا موڪليندڙ 4 ڪمپنيون گڏيل آهن. سندس چوڻ هو ته ان ڪيس ۾ واضح طور تي اِها پيسا ايندا آهن انهن مان 96 ايڇ کي خريدو ويندو آهي اڏاوت ٿيندي آهي، ڊونگا گلي ۾ گهر خريديو ويندو آهي، گاڏين جي ڪسٽم ڊيوٽي ادا ڪئي ويندي آهي، گهرواري کي 3 اپارٽمنٽ خريدي ڏنا، ڊيفنس هائوسنگ سوسائٽي ۾ انهن پيسن سان گهر خريديو ويو، احتساب آرڊيننس جي تحت اِهي گهر ضبط ٿي سگهن ٿا ۽ ضبط ٿيندا. شهزاد اڪبر چيو ته ايندڙ ڏيهن ۾ چوري جي ڪيسن سان بڻايل اثاثا قانون جي موجب ضبط ٿيندا ۽ ڪيس جي مڪمل ٿيڻ تي ان کي وڪرو ڪري پيسا قومي ناڻي ۾ جمع ٿيندا .

 

ن ليگ پاران وزيراعظم، شهزاد اڪبر ۽ ٻين خلاف برطانوي عدالت ۾ وڃڻ جو اعلان

اسلام آباد (اين اين آءِ) (ن) ليگ برطانوي اخبار جي خبر تي وزيراعطم عمران خان خاص مددگار شهزاد اڪبر ۽ ٻين جي خلاف برطانوي عدالت ۾ هرجاڻي جي دعويٰ داخل ڪرڻ جو اعلان ڪندي چيو ته شهزاد اڪبر جو ڪم پريس ڪانفرنس ڪرڻ نه آهي ثبوت پيش ڪري هي پاڪستاني عدالتن ۾ پيش نٿو ٿئي جنهن وٽ ثبوت آهن اهو برطانوي عدالت ۾ کڻي وڃي پشاور ميٽرو تي نه عمران خان نه شهزاد اڪبر ڳالهائي ٿو نه ئي نيب ڪارروائي ڪري ٿو اهڙن خيالن جو اظهار شاهد خاقان عباسي سومر تي پارٽي جي ترجمان مريم اورنگزيب سان گڏ پريس ڪانفرنس کي خطاب ڪندي ڪيو شاهد خاقان عباسي چيو ته هڪ صاحب شهزاد اڪبر کان اڄ تائين ڪوئي اثاثو رڪور ناهي ٿيو شهزاد اڪبر صاحب جو هڪ ئي اثاثو آهي اهو به لڳو ٿو ڪوڙي آهي هن چيو ته ڊيلي ميل ۾ بيان هڻائي حڪومت ڪرپشن ثابت ڪرڻ چاهي ٿي حالت ان حد تائين اچي ويئي آهي جو کيس هاڻي پاڪستان جو به خيال نه آهي هن چيو ته برطانوي ادارو ڊي فڊ پاڪستان ۾ فنڊنگ ڪري ٿو هن ڊيلي ميل جي خبر جي ترديد ڪري ڇڏي آهي هن چيو ته مان عمران خان شهزاد اڪبر ۽ ٻين بيان بازي ڪندڙن جي خلاف يو ڪي جي عدالت ۾ هرجاڻي جي دعويٰ داخل ڪري رهيو آهيان هن چيو ته جنهن وٽ ثبوت آهن اوڏانهن کڻي وڇي هن چيو ته جيڪڏهن ثبوت آهي ته نيب کي ضرور ڏيو ته جيئن ڪيس ٺهي سگهي هن چيو ته مون کي علم آهي ته انهن ڪوڙن وٽ ڪجهه نه آهي هن چيو ته لاهور ميٽرو تي عمران خان چيو هو ته 70 ارب خرچ ٿيا آهن ميٽرو 30 ارب ۾ ٺهي ۽ گذريل ڪيترن سالن کان هلي رهي آهي هن چيوت ه عمران خان اپوزيشن ۾ چيو هو ته شهبازشريف کيس پانامه ڪيس تي ڳالهه نه ڪرڻ جي 10 ارب جي آڇ ڪئي هئي. شهبازشريف ان تي دعويٰ ڪئي ۽ هاڻي هي ان ڪيس ۾ پيش نه پيو ٿئي هن چيو ته ميٽرو جيڪڏهن نه پئي هلي ته پشاور جي نه پئي هلي پشاور ميٽرو تي نه عمران خان نه شهزاد اڪبر ڳالهائي ٿو نه ئي نيب ڪارروائي ڪري ٿي. هن چيو ته ڪوڙ جي ڪائي حقيقت ته هئڻ گهرجي چون ٿا ته شهبازشريف ايرا جي فنڊن ۾ ڪرپشن ڪئي آهي هن چيو ته 12-2011 جا پي آرڊر پيش ڪيا ويا آهن اسٽيٽ بئنڪ کان معلوم ڪريو ته شهبازشريف جو انهن جي فنڊن سان ڪهڙو تعلق آهي دوستن کي چئلينج آهي ته نيب ۾ وڃن ۽ عوام آڏو ثبوت رکن هن چيو ته هڪ نويد اڪرام جو ذڪر ڪيو ويو جيڪو پنجاب پاور ڪمپني ۾ هو نويد اڪرام کي شهبازشريف ڪرپشن جي ڪيس ۾ ڪڍيو ويو هن چيو ته نويد اڪرام کي 50 ڪروڙ رپين جي گهوٻين جي الزام ۾ ڪيس نيب ڏانهن موڪليو هو هن چيو ته عمران خان جيڪا ڳالهه ڪئي آهي ان ۾ اڄ تائين سچ ناهي نڪتو هن چيو ته شهزاد اڪبر جو ڪم پريس ڪانفرنس ڪرڻ نه آهي ثبوت پيش ڪري. هن چيو ته عمران خان شهزاد اڪبر ۽ ٻين چمچن جي خلاف يو ڪي جي عدالت ۾ ڪيس داخل ڪرڻ وڃي رهيو آهي. هن چيو ته پاڪستان جي عدالتن ۾ پيش ٿئي نٿو هاڻي يو ڪي جي عدالتن ۾ پيش ٿيندو.  ٻئي طرف پاڪستان مسلم ليگ (ن) جي ترجمان مريم اورنگزيب چيو اهي ته عمران صاحب جيڪڏهن توهان ۾ جرئت ۽ همٿ آهي ته سامهون اچو ڪرائي جي ڪوڙن ترجمانن کان ڇا ڌمڪيون ڏياريو ٿا عمران خان شهباز شريف جي خلاف ڪوڙي اخبار جو ڪريڊٽ وٺڻو پيو ثبوت آهن ته ڪارروائي ڇو نٿا ڪيو اوهان ۾ اخلاقي جرئت ۽ همت آهي ته لنڊن جي عدالت ۾ ضرور پيش ٿيجو سومر تي (ن) ليگ جي ترجمان مريم اورنگزيب حڪومتي ترجمانن جي بيانن تي ردعمل ڏيندي چيو آهي ته عمران صاحب اوهان ۾ اخلاقي جرئت ۽ همٿ آهي ته لنڊن جي عدالت ۾ ضرور پيش ٿيجو اوهان شهبازشريف جي داخل ٿيندڙ هرجاڻي جي دعويٰ ۾ پيش ٿيڻ کان ڀڄي ويا هن چيو ته عمران صاحب نه اوهان پيش ٿيو ٿا نه ئي اوهان جو وڪيل پيش ٿو ٿئي جيڪڏهن اوهان سچا آيو ته ڇو ڀڄي رهيا آهيو عمران صاحب اليڪشن ڪميشن ۾ 18 جعلي بئنڪ اڪائونٽس جي ڪيس کان اوهان ڀڄي ويا اوهان جي ايسٽ ريڪوري يونٽ عليمه جي پرڏيهي ملڪيتن جي ڪيتري رڪوري ڪئي آهي هن چيو ته عمران صاحب ايسٽ رڪوري يونٽ جهانگير ترين جي بوچين ۽ مالين جي نالي تي مني لاندڙنگ جي ڪيتري رڪوري ڪئي آهي هن چيو ته عمران صاحب ايسٽ رڪوري يونٽ پشاور جي هڪ کرب جي کڏن جي ڪرپشن جي ڪيتري رڪوري ڪئي آهي هن چيو ته عمران صاحب وفاق ۽ پنجاب جو رڪارڊ اوهان وٽ موجود آهي پريس ڪانفرنس نه ڪيو ثبوت آهي ته ڪارروائي ڪيو.

 

پ پ جا وڏيرا پاڻي چور آهن، نادر مگسي پاران رينجرز گهرائڻ جو مطالبو

ڪراچي (اسٽاف پورٽر) پ پ ايم پي اي نادر مگسي پيپلز پارٽي جي وڏيرن کي پاڻي چوري جو ذميوار قرار ڏيندي رينجرز کان ڪارروائي جو مطالبو ڪيو آهي. نادر مگسي انڪشاف ڪيو آهي ته پارٽي اندر موجود اُهي ماڻهو رينجرز گهرائڻ جي مخالفت ڪري رهيا آهن، جيڪي پاڻ واٽر ڪورس ٽوڙي پاڻي چوري ڪري رهيا آهن. نادر مگسي احتجاج جو اشارو ڏيندي چيو آهي ته ڪنهن ڳالهه وڻي يا نه وڻي، افسوس آهي جو اسان جي هي اسان جي حڪومت آهي. سنڌ اسيمبلي ۾ پاڻي جي بدترين صورتحال جي حوالي سان پوائنٽ آف آرڊر تي ڳالهائيندي پ پ ايم پي اي نادر مگسي پنهنجي ئي حڪومت جي بدانتظامي تي تنقيد ڪئي. نادر مگسي چيو ته هاڻي ته درياءَ ۽ ڪئنالن ۾ پاڻي اچي ويو آهي، آبپاشي کاتي کي گذارش آهي ته پنهنجي انتظاميا کي ٺيڪ ڪري، ڪنهن کي ڳالهه وڻي يا نه وڻي! افسوس سان چوڻو پوي ٿو ته هي اسان جي حڪومت آهي. نادر مگسي چيو ته وڏي وزير مراد علي شاهه کي ٻڌائڻ گهران ٿو ته اسان جو جيئن مرڻ پاڻي سان آهي، اسان وٽ اُتي ٻيو ڪجهه به نه آهي. پوليس کان ڪم نٿو ٿئي، پيپلز پارٽي جي وڏيرن واٽر ڪورس ٽوڙي ڇڏيا آهن، توهان هلي ڏسو، جيڪڏهن منهنجي زمينن لاءِ واٽر ڪورس ٽٽل هجي ته پهرين مون تي ڪيس داخل ڪرايو، پوءِ ٻين تي داخل ڪريو. نادر مگسي چيو ته پيپلز پارٽي جي وڏيرن طرفان واٽر ڪورس ٽوڙي پاڻي چوري ڪرڻ سبب پارٽي بدنام ٿي رهي آهي، اسان به پنهنجي تڪن تي وڃي نه سگهنداسين. پ پ ايم پي اي رينجرز کان پاڻي چوري روڪرائڻ جو مطالبو ڪندي انڪشاف ڪيو ته اسان جي پارٽي اندر جيڪي ماڻهو پاڻي چوري ڪري رهيا آهن، اُهي ئي رينجرز کي گهرائڻ جي مخالفت ڪري رهيا آهن. نادر مگسي احتجاج جو اشارو ڏيندي چيو ته پاڻي جي چوري کي سنجيدگي سان نه ڏٺو ويو ته اسان سان گڏ ماڻهو رستن تي اچڻ لاءِ تيار آهن، رستن تي اچڻ ماڻهن جو حق به آهي، تنهن ڪري سنڌ سرڪار ۽ وڏي وزير مراد علي شاهه کي گذارش ڪريان ٿو ته هن معاملي کي سنجيدگي سان وٺو، گذريل ڀيري به مون پنهنجي علائقي ۾ پاڻي چوري جي حوالي سان شڪايت ڪئي هئي پر ڪوبه تدارڪ نٿو ٿئي، اسان جي علائقي سان اهڙو رويو ڇو اختيار ڪيو ويو آهي، جڏهن ته شهيد بينظير ڀٽو هن علائقي مان چونڊجي آئي هئي. واضح رهي ته پاڻي چوري خلاف بدين، دادو ۽ ٻين ضلعن ۾ لڳاتار مظاهرا ٿي رهيا آهن ۽ اُنهن علائقن ۾ آبادگار رستن تي اچي پاڻي چوري جون دانهون ڪري رهيا آهن، سنڌ اسيمبلي جي اجلاس ۾ شهدادڪوٽ سان واسطو رکندڙ ايم پي اي نادر مگسي پاڻي چوري خلاف ڀرپور آواز اُٿاريو، پر بدين ۽ ٺٽي سوڌو ٻين علائقن جا چونڊيل نمائندا خاموش رهيا. دادو ضلعي سان واڳيل ايم پي اي غلام شاهه جيلاني ته هڪ هفتي لاءِ موڪل وٺي ڇڏي آهي.

 

پاڪستان ۾ 10 کان 15 سيڪڙو ماڻهو معذور آهن، انهن جو خيال رکڻ معاشري جي گڏيل زميواري آهي: عارف علوي

اسلام آباد (اين اين آءِ) پاڪستان جي صدر عارف علوي چيو آهي ته معذور ماڻهن جو خيال رکڻ معاشري جي گڏيل ذميواري آهي مالي ڏکيائين جي باوجود حڪومت پيڙهيل طبقن لاءِ سپورٽ پروگرام ۽ احساس پروگرام جي بجيٽ ۾ ٻيڻي واڌ ڪئي آهي سومر تي اسپيشل ٻارڙن ۾ ويل چيئر ورهائڻ جي تقريب کي خطاب ڪندي صدر عارف علوي چيو ته معذور ماڻهن جو خيال رکندڙ معاشرن تي الله جي رحمت نازل ٿئي ٿي هن چيو ته هڪ اندازي مطابق پاڪستان ۾ 10 کان 15 سيڪڙو ماڻهو معذور آهن معذوري ڪوئي عيب نه آهي پر هي الله تعاليٰ جي نظام تحت آهي هن چيو ته معذور ماڻهن جو خيال رکڻ معاشري جي گڏيل ذميواري آهي معذور ماڻهن لاءِ نوڪرين جو پنج سيڪڙو ڪوٽا آهن معذور ماڻهن جي معذوري کي آڏو رکي کين مناسب نوڪرين جا موقعا فراهم ڪرڻ گهرجن سمورن شعبن ۾ معذور ماڻهن کي شامل ڪيو وڃي ته جيئن اهي ملڪ جي ترقي ۾ پنهنجو ڪردار ادا ڪري سگهن هن چيو ته معذور ماڻهن بابت قانونسازي لاءِ پارليمينٽ جي ميمبرن کي به پنهنجو ڪردار ادا ڪرڻ گهرجي نادره ۽ بيت المال گڏجي معذور ماڻهن جي رجسٽريشن جو عمل مڪمل ڪن ته جيئن معذور ماڻهن کي سموريون سهولتون فراهم ڪري سگهجن هن چيوت ه معذور ماڻهن لاءِ ايوان صدر جا دروازا هر وقت کليل آهن ۽ اسپيشل ماڻهو هر شعبي ۾ پنهنجي محنت سان ڪامياب ٿين ٿا مئنجنگ ڊائريڪٽر پاڪستان بيت المال عون عباس تقريب کي خطاب ڪندي چيو ته اسپيشل ٻارڙن لاءِ ايوان صدر کولڻ تي صدر جا ٿورائتا آهيون هن چيو ته معذور ماڻهن کي ويل چيئرز ڏيڻ لاءِ ايپ تيار ڪري رهيا آهيون جنهن جي ذريعي معذور ماڻهو آن لائين ويل چيئر لاءِ اپلاءِ ڪري سگهندا ۽ کين 15 ڏينهن ۾ گهر ويٺي کين ويل چيئر ڏني وڃي شروعاتي طور تي هي پروگرام سڄي ملڪ جي 12 ضلعن ۾ شروع ڪيو پيو وڃي ان موقعي تي مخصوص ٻارڙن ڪرڪيٽ کيڏي پنهنجون صلاحيتن جو مظاهرو ڪيو صدر معذور ٻارڙن ۾ ويل چيئرز ورهايون.

 

شهباز شريف جو خاندان ڏوهه قبول ڪري ڪرپشن کان توبه ڪري وٺي: فردوس عاشق اعواڻ

اسلام آباد ( ويب ڊيسڪ ) وزيراعظم جي سُڌ سماءُ بابت خاص مددگار فردوس عاشق اعواڻ چيو آهي ته شهباز شريف جو خاندان ڏوهه قبول ڪري ڪرپشن کان توبه ڪري وٺي. وزيراعظم جي خاص مددگار ڊاڪٽر فردوس عاشق سماجي رابطن واري ويب سائيٽ ٽوئيٽر تي جاري ڪيل پنهنجي بيان ۾  چيو ته زلزلي متاثرن جي امداد جو 8 ڪروڙ رپين جو سرڪاري چيڪ سڌي ريت شهباز شريف جي ناٺي علي عمران جي ذاتي اڪائونٽ ۾ جمع ٿيو. فردوس عاشق اعواڻ جو چوڻ هو ته جيڪڏهن شهباز جو ناٺي ۽ سند پٽ سچا آهن ته ملڪ مان ڇو ڀڳا؟ ارٿ ڪويڪ ري ڪنسٽر ڪس اينڊ ري هيبي لٽيشن اٿارٽي ( ايرا ) جي آفيسر جي اعتراف کانپوءِ بهتر اهو آهي ته شهباز شريف جو خاندان ڏوهه قبول ڪري ڪرپشن کان توبه ڪري وٺي، توبه جا دروازا سدائين کليل رهندا آهن، ايرا جي آفيسر اڪرام نويد نيب کان پلي بارگين ڪندي پنهنجي حلفي بيان جي صورت ۾ ان ڏوهه جو اعتراف ڪيو. وزيراعظم جي خاص مددگار چيو ته ليگي ترجمان ڪوڙ کي تحفظ ڏيڻ لاءِ ڪوڙ تي ڪوڙ ڳالهائي رهيا آهن، پر ڪوڙ جا پير ناهن هوندا، نوڪري جي زنجير ۾ جڪڙيل ن ليگي ترجمان ڪيستائين چوري، ڪرپشن ۽ مني لانڊرنگ جو دفاع ڪندا، شهباز ۽ سندس پٽن جي ڪاري ناڻي ۽ ٽي ٽيز جي فهرست ڊگهي آهي ته دفاع ڪندي جلد ترجمانن جا هٿ مٿي ٿي ويندا.

 

صادق سنجراڻي سان اسد قيصر ۽ عثمان بوزدار جون ملاقاتون، تحريڪ عدم اعتماد کي ناڪام بڻائڻ لاءِ ساٿ ڏيڻ جي خاطري

اسلام آباد(ويب ڊيسڪ) سينيٽ جي چيئرمين جي خلاف تحريڪ عدم اعتماد کي ناڪام بڻائڻ جي لاءِ حڪومت سرگرم ٿي وئي، صادق سنجراڻي سان هڪ ڏينهن دوران قومي اسيمبلي جي اسپيڪر اسد قيصر ۽ پنجاب جي وڏي وزير عثمان بوزدار الڳ الڳ ملاقاتون ڪيون ۽ سند ساٿ ڏيڻ جي خاطري ڪرائي. ميڊيا جي رپورٽن موجب قومي اسيمبلي جي اسپيڪر اسد قيصر ۽ سينيٽ چيئرمين صادق سنجراڻي ملاقات دوران ٻنهي ايوانن جي وچ ۾ لاڳاپن جي مضبوط تي زور ڏنو. ملاقات دوران هن چيو ته وڏي ايوان ۽ ننڍي ايوا جي وچ ۾ سهڪار تي ٻڌل هوا جي ڪري ئي قانون سازي جو عمل ۽ پارليماني معاملا خوش اسلوبي سان هلي رهيا آهن. سينيٽ چيئرمين جو چوڻ هو ته آئيني معاملن ۾ وڏي ايوان کي هميشه ننڍي ايوان جو مڪمل سهڪار حاصل رهيو آهي ۽ سينيٽ به انهن معاملن  بهتري آڻڻ ۾ مثبت ڪردار ادا ڪيو. قومي اسيمبلي جي اسپيڪر اسد قيصر جو چوڻ هو ته سينيٽ وفاق جي علامت آهي پر مخالف ڌر پارٽين کي به ايوان جو تقدس نظر ۾ رکڻ گهرجي ڇو ته ان ۾ سمورن صوبن جي گڏيل نمائندگي آهي. پنجاب جي وڏي وزير جي سينيٽ چيئرمين سان ملاقات: پنجاب جي وڏي وزير عثمان بوزدار صادق سنجراڻي سان ملاقات ۾ سينيٽ چيئرمين جي خلاف عدم اعتماد جي تحريڪ بابت خيالن جي ڏي وٺ ڪئي. ملاقات کان پوءِ ميڊيا جي نمائندن سان ڳالهائيندي پنجاب جي وڏي وزير جو چوڻ هو ته اسان سينيٽ چيئرمين سان گڏ هياسين آهيون ۽ رهنداسين. مخالف ڌر جي تحريڪ عدم اعتماد تي ڳالهائيندي عثمان بوزدار جو چوڻ هو ته ان معاملي ۾ ڪا به پريشاني واري ڳالهه ناهي. سندس چوڻ هو ته سياسي فيصلو وٺڻ کان پوءِ اڳتي جي حڪمت عملي طئي ڪئي ويندي. صوبي ۾ وزيرن جي ڪارڪردگي تي ڳالهائيندي پنجاب جي وڏي وزير جو چوڻ هو ته وزيرن جي ڪارڪردگي جو جائزو وٺي رهيا آهيون جنهن کان پوءِ جيڪڏهن ضرورت پئي ته قلمدان تبديل ڪري سگهجن ٿا.

 

اڳوڻي صدر جي رمانڊ ۾ 14 ڏينهن جي واڌ، پرڏيهي امداد اسٽيٽ بئنڪ ۾ ايندي آهي: آصف علي زرداري

اسلام آباد ( ويب ڊيسڪ ) احتساب عدالت جعلي بئنڪ اڪائونٽس ڪيس ۾ اڳوڻي صدر آصف علي زرداري جي جسماني رمانڊ ۾ 14 ڏينهن جي واڌ ڪري ڇڏي.  نيب جعلي بئنڪ اڪائونٽس ڪيس ۾ گرفتار اڳوڻي صدر آصف علي زرداري کي احتساب عدالت ۾ پيش ڪيو جنهن دوران حفاظتي انتظام سخت ڪيا ويا.  عدالت نيب پراسيڪيوٽر ۽ وڪيلن جا دليل ٻڌڻ کانپوءِ آصف زرداري جي جسماني رمانڊ ۾ 14 ڏينهن جي واڌ ڪري ڇڏي. عدالت حڪم ڏنو ته آصف زرداري کي 29 جولاءِ تي ٻيهر پيش ڪيو وڃي. ٻڌڻي دوران عدالت آصف زداري جي سندس ٻارڙن سان ملاقات جي درخواست به منظور ڪئي. عدالت ٻاهران ميڊيا سان ڳالهائيندي آصف علي زرداري شهباز شريف جي پرڏيهي امداد ڦٻائڻ بابت چيو ته پرڏيهي امداد اسٽيٽ بئنڪ ۾ ايندي آهي، اها سڌو ڪنهن وٽ نه ايندي آهي. صحافي سوال ڪيو ته توهان به ناصر بٽ جون خدمتون حاصل ڪيون آهن يا نه جنهن تي آصف زرداري چيو ته اسان اهڙا ڪم نه ڪندا آهيون.

 

يونيسيف جي سهڪار سان پورهيو ڪندڙ ٻارڙن بابت سروي ڪري رهيا آهيون جئين انهن کي فني تعليم ڏئي سگهجي: وڏو وزير

ڪراچي (اسٽاف رپورٽر) سنڌ جي وڏي وزير سيد مراد علي شاھھ چيو آھي تھ صوبائي حڪومت يونيسيف جي سھڪار سان ھڪ سروي جو اھتمام ڪري رھي آھي جنھن سان اھا ڄاڻ حاصل ڪري سگھبي تھ ڪيترا ٻار (چائلڊ) ليبر ليبر تحت ڪم ڪري رھيا آھن تھ جيئن انھن کي تعليم ۽ فني سکيا مھيا ڪري سگھجي جڏھن اھي مناسب ڄمار تائين پھچن تھ انھن کي باضابطا روزگار جا موقعا ملي سگھن. ھن اھا ڳالھھ اڄ جاپاني وفد جنھن جي اڳواڻي ايسوسيئيشن فار اوورسيز ٽيڪنيڪل ڪارپوريشن اينڊ سسٽينئيبل پارٽنرشپ (اي او ٽي ايس) جي مئنجنگ ڊائريڪٽر جوجي ٽاٽيشائي ڪري رھيو ھو سان ڳالھائيندي ڪئي، جڏھن تھ وفد جي ٻين ميمبرن ۾ ھوسائي يونيورسٽي آف ٽوڪيو جو پروفيسر ڊاڪٽر ھِرويوڪِي فيوجي مُرا ۽ ايجي ٽوشيما، مائيتو يوشيمرا شامل ھئا. اجلاس ۾ ايمپلائيز فيڊريشن آف پاڪستان (اي ايف پي) جي وفد بشمول صدرن مجيد عزيز، زڪي خان، فيروز عالم، اسماعيل ستار، سيد نذر علي، فصي الڪريم، رابيعا انور ۽ شمائل رضوي شامل ھئا. وڏي وزير جي معاونت صوبائي وزير محنت مرتضيٰ بلوچ، سيڪريٽري انويسٽمينٽ احسن منگي، سيڪريٽري ليبر رشيد سولنگي ۽ ڪمشنر سيسي ڪاشف گلزار ڪئي. وڏي وزير چيو تھ سنڌ فيڪٽريز ايڪٽ 2015ع تحت 14 ورھين کان گھٽ ڄمار وارن ٻارن لاءِ فيڪٽري ۾ ڪم ڪرڻ تي پابندي لاڳو ڪئي وئي آھي. ھن چيو تھ يونيسيف جي سھڪار سان سموري سنڌ چائلڊ ليبر سروي ڪرايو پيو وڃي جنھن لاءِ سندس حڪومت 96 ملين رپيا مختص ڪيا آھن. ھن چيو تھ ھڪ ڀيرو سروي مڪمل ٿي وڃي تھ حڪومت ٻارن کي فني تعليم فراھم ڪرڻ جي قابل ٿي سگھندي تھ جيئن اھي صنعتي شعبي ۾ اڳتي ھلي بھتر روزگار حاصل ڪري سگھن. سيڪريٽري ليبر رشيد سولنگيءَ وڏي وزير کي يقين ڏياريو تھ اھو سروي ڊسمبر 2019ع جي آخر تائين مڪمل ڪيو ويندو. ھن چيو تھ گھٽ ۾ گھٽ ويج تي عملدرآمد ۽ چائلڊ ليبر جي خاتمي جي حوالي سان منسٽرز ٽاسڪ فورس بڻائي وئي آھي جنھن جو سربراھھ ڊائريڪٽر ليبر آھي ۽ ان سان گڏ ناليوارو ليبر اڳواڻ ۽ ايمپلائيز فيڊريشن آف پاڪستان اينڊ چيمبرز جا نمائندا شامل آھن. وڏي وزير چيو تھ ضلعي ڄامشوري کي ”چائلڊ ليبر کان پاڪ“ قرار ڏنو ويو آھي ۽ سندس حڪومت ٻين ضلعن کي بھ چائلڊ ليبر کان پاڪ ڪرڻ لاءِ ڪم ڪري رھي آھي. ھن چيو تھ غيرھنرمند ورڪرز لاءِ گھٽ ۾ گھٽ اجرت 16200 رپيا مقرر ھئي ۽ ھلندڙ مالي سال دوران سندس حڪومت گھٽ ۾ گھٽ اجرت 17500 رپيا ڪري ڇڏي آھي. وڏي وزير دورو ڪندڙ اي او ٽي ايس جاپان جي وفد تي زور ڀريو تھ اھي چائلڊ ليبر ۾ ملوث ٻارن لاءِ فني سکيا/ بنيادي تعليم جو اھتمام ڪيو وڃي تھ جيئن اھي ھنرمند ورڪرز بڻجي سگھن. اي او ٽي ايس وفد ۽ اي ايف پي چيف مجيد عزيز وڏي وزير کي يقين ڏياريو تھ اھي ٻارن ۽ ٻين نوجوانن کي فني سکيا جا ڪورس ڪرائيندا تھ جيئن اھي صنعتن ۾ ايڊجسٽ ٿي سگھن. مراد علي شاھھ چيو تھ ڪم ڪندڙ ٻارن کي ورڪ فورس ۾ شموليت کان پھرين فني سکيا سان گڏ بنيادي تعليم پڻ ڏني وڃي. ھن چيو تھ اسان چائلڊ ليبر جي خاتمي جا خواشمند آھيون ۽ سندس انھن (ٻارن) کي تعليم ۽ ٽيڪنيڪل پروگرامن دوران ڪجھھ معاوضو پڻ ڏنو ويندو تھ جيئن انھن جي ھمت وڌائي سگھجي ۽ اھي پنھنجون خدمتون صنعتي شعبي لاءِ بھتر ريت انجام ڏئي سگھن. وڏي وزير دور ڪندڙ وفد کي سيڙپڪاريءَ جي موقعن کان فائدو وٺڻ جي پڻ آڇ ڪئي. ھن چيو تھ ڌاٻيجي اسپيشل اڪنامڪ زون کي صوبائي حڪومت ترقي ڏئي رھي آھي ۽ ھتي سيڙپڪارن لاءِ وڏا موقعا موجود آھن. ھن وفد کي ھتي سيڙپڪاري ڪرڻ جي دعوت ڏني. سيڪريٽري سيڙپڪاري احسن منگيءَ وفد کي ڌاٻيجي اسپيشل اڪنامڪ زون بابت بريفنگ ڏني ۽ انھن کي علائقي جي دوري جي دعوت ڏني ۽ جئين اھي اتان جي ترقي جي حوالي سان سھڪار ڪري سگھن. صوبائي وزير محنت مرتضيٰ بلوچ وفد کي سندس کاتي پاران محنت ڪندڙ لاءِ ڪيل اپائن بابت آگاھھ ڪيو. ھن محنت کاتي پاران صحت جي سھولتن، اسڪولن ۽ رھائشي ڪالونين کي قائم ڪرڻ جي حوالي سان آگاھھ ڪيو. وفد وڏي وزير کي يقين ڏياريو تھ اھي سکيا جي پروگرامن تي ڪم شروع ڪندا ۽ سنڌ ۾ سيڙپڪاريءَ لاءِ سيڙپڪارن کي آڻينداسين.

 

 

ايڪنڪ داسو پن بجلي منصوبي جي منظور ڏئي ڇڏي آهي، ڪراچي ۾ پاڻي جي فراهمي بابت جلد خوشخبري ٻڌائينداسين: فيصل واوڊا

ڪراچي ( ويب ڊيسڪ ) آبي وسلين بابت وفاقي وزير فيصل واوڊا چيو آهي ته ڪراچي ۾ پاڻي جي فراهمي بابت جلد خوشخبري ٻڌائينداسين. آبي وسيلن واري وفاقي وزير فيصل واوڊا ۽ آبي وسيلن جي سيڪريٽري محمد اشرف گڏيل پريس ڪانفرنس ڪئي، ان دوران فيصل واوڊا چيو ته ڪراچي ۾ پاڻي جي فراهمي بابت جلد عوام کي خوشخبري ٻڌائيندسين ۽ چيو ته ڪراچي جي عوام جي اميدن تي پورو لهنداسين. فيصل واوڊا چيو ته ايڪنڪ داسو پن بجلي منصوبي جي منظور ڏئي ڇڏي آهي، اهو منصوبو 4 هزار 320 ميگاواٽ جو آهي. داسو پن بجلي منصوبي جي دير ۾ ڏوهاري غفلط ڪئي وئي. وفاقي وزير جو چوڻ هوته صوبن کي گهرجي ته حددخلين جو خاتمو ڪن، ڇاڪاڻ ته ان ۾ چوماسي ۾ ٻوڏ جي خطري کي منهن ڏئي سگهجي ٿو. هن چيو ته ڀارت هنيئر تائين پاڪستان کي جولائي کان آڪٽوبر تائين جي ٻوڏ جي ڊيٽا ناهي ڏني، ڀارت اسان کي اها ڊيٽا فراهم ڪري. پريس ڪانفرنس دوران هن چيو ته ڪرپشن جي ور چڙهيل سمورا منصوبا ختم ڪيا ويا آهن جڏهن ته سنڌ جي عوام لاءِ بهترين منصوبا آڻي رهيا آهيون، ادارن کي بدنام ڪرڻ جي سازش کي ناڪام بڻائينداسين ۽ ڪنهن کي به قومي ادارن کي نقصان پهچائڻ جي اجازت نه ڏينداسين. ان کانسواءِ سندس چوڻ هو ته ڪنهن به صورت ۾ احتساب جو عمل نه رڪجندو، ويڊيو ڪوئين جيڪو به ڪيو، اسان ادارن کي برباد ٿيڻ نه ڏينداسين.