تازيون خبرون
آخري دم تائين وڙهنداسين، مودي ياد رک سر جو جواب پٿر سان ڏينداسين: عمران خان - “آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو - سنڌو ديش ڳالهه مناسب ناهي، صوبائي خودمختياري تي يقين رکون ٿا: شاهه محمود - آفيسر شاهي هلڻ نه ڏبي، عهدن تي ويٺل ماڻهن جي اڪثيريت عوام جي خدمت نٿي ڪري: سپريم ڪورٽ - اسان کي هر محاذ تي سفارتي ڪاميابي ۽ ڀارت کي شڪست ٿي رهي آهي: فردوس عاشق اعواڻ - مهاجرن جو قرض اسان کي نه وسارڻ گهرجي (اسد عمر) سڀ کان پهرين بنگال ۽ سنڌ ٺهراءُ پاس ڪيا: خورشيد شاهه - ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ٽيبل هيٺان ڪشميرين جو سمجهوتو ناهي ٿيڻ وارو: شيخ رشيد - بلاول ڀٽو زرداري جي بيان مان ملڪ دشمني ڪڍي ڏيکاريو: پيپلز پارٽي جو حڪومتي ميمبرن کي چئلينج - ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي - آزاد ڪشمير تي قبضي لاءِ مڪمل تيار آهيون، آخري فيصلو حڪومت ڪندي: ڀارتي آرمي چيف پاران ڌمڪي

Daily Archives: June 27, 2019

ٽائيگر شروف ۽ ڊيشا پٽاني هڪٻئي کان رستا ڌار ڪري ڇڏيا

ممبئي (شوبز نيوز) باليووڊ جي مشهور جوڙي ٽائيگر شروف ۽ ڊيشا پٽاني هڪٻئي کان رستا ڌار ڪري ڇڏيا آهن. ٽائيگر ۽ ڊيشا وچ ۾ گذريل 3 سالن کان قربتون ڏسڻ ۾ اچي رهيون هيون، اڪثر ٻئي اداڪار هر هنڌ هڪٻئي سان گڏ نظر ايندا هئا پر هنن ٻنهي ڪڏهن به کلي هڪٻئي لاءِ ڪڏهن به تعلق جو اعتراف نه ڪيو ۽ نه ئي اهڙيون خبرون رد ڪيون. ٻنهي ادڪارن وچ ۾ ڪيترائي ڀيرا تڪرار پيدا ٿيو، شروعات ۾ هريٿڪ روشن کي به ان تڪرار جو سبب قرار ڏنو ويو پر ڪجهه ڏينهن کانپوءِ جوڙي سمورا اختلاف وساري هڪ ٿي ويندي هئي هاڻ ٻنهي اداڪارن جي مداحن لاءِ خراب خبر اها آهي ته ٽائيگر ۽ ديشا هڪٻئي کان رستا ڌار /ڏسو صفحو 6 بقايا نمبر 16

ڪري ورتا آهن. ڀارتي ميڊيا موجب ٽائيگر ۽ ڊيشا جي ويجهن ذريعن تصديق ڪئي ته ٻنهي اداڪار گڏيل رضامندي سان هڪٻئي کان ڌار ٿيا آهن. ذريعن ٻڌايو ته ٻنهي اداڪارن وچ ۾ تڪرار هو پر هو ان کي ميديا تي نه پيا آڻڻ چاهن، ڇاڪاڻ ته هو هڪٻئي سان گڏ رهڻ به چاهن پيا، جنهن کانپوءِ هنن ٻنهي هاڻ فيصلو ڪيو آهي ته محبت جي رشتي بدران سندن وچ ۾ دوستي جو رشتو قائم رهندو.

 

بولڊ اداڪاره سني ليون تمام جلد هڪ هارر ڪاميڊي فلم ۾ نظر ايندي

ممبئي (شوبز نيوز) باليووڊ جي مشهور ۽ بولڊ اداڪاره سني ليون تمام جلد هڪ هارر ڪاميڊي فلم ۾ نظر ايندي. خبرن موجب تمام گهٽ عرصي ۾ تمام زبردست نموني هندي ٻولي ڳالهائيندڙ اداڪاره سني ليون پنهنجي ايندڙ هارر ڪاميڊي فلم “ڪوڪا ڪولا” ۾ ڪردار سٺي نموني نڀائڻ لاءِ اتر پرديش جو هندي لهجو سکي رهي آهي. ان بابت هڪ بيان ۾ سني ليون چيو ته جڏهن ڳالهه ڪم جي اچي ويندي آهي ته مان نيون شيون سکڻ لاءِ سدائين دماغ کليل رکندي آهيان، پوءِ اها نئين ٻولي سکڻ جي ڳالهه ڇو نه هجي./ڏسو صفحو 6 بقايا نمبر 25

سني وڌيڪ چيو ته ان سان هڪ سٺو اداڪار ٿيڻ ۾ مونکي وڌيڪ مدد ملندي آهي ۽ ڪم دوران نيون شيون سکڻ جو پنهنجو مزو آهي. مشهور اداڪاره چيو ته مان هڪ نئين ٻولي سکي رهي آهيان، جيڪا سٺي نموني ڳالهائڻ لاءِ گهڻي محنت به ڪري رهي آهيان. سني ليون ڪينيڊا ڄائي ڀارتي اداڪاره ۽ ماڊل آهي، جنهن باليووڊ انڊسٽري کي ڪيتريون ئي بهترين فلمون ڏنيون آهن ۽ پنهنجي بولڊ انداز سان سڄي دنيا ۾ سڃاڻ ٺاهي آهي.

 

تيز ترين 3 هزار رنسون: بابر اعظم پهريون ايشيائي ڪرڪيٽر بڻجي ويو

برمنگهم (اسپورٽس نيوز) قومي ڪرڪيٽ ٽيم جو نوجوان بيٽسمين بابر اعظم ون ڊي ڪرڪيٽ ۾ تيز ترين 3 هزار رنسون مڪمل ڪندڙ پهريون /ڏسو صفحو 6 بقايا نمبر 01

ايشيائي پليئر بڻجي ويو آهي.بابر اعظم اهڙو اعزاز نيوزيلينڊ خلاف اهم ميچ ۾ پنهنجي ڪيريئر جي 68هين اننگز دوران سينٽنر جي بال تي سنگل وٺي حاصل ڪيو.نوجوان بيٽسمين اهو ڪارنامو انجام ڏيندڙ تيز ترين پاڪستاني ۽ تيز ترين ايشين بڻجي ويو آهي، جڏهن ته هو دنيا جو ٻيو بيٽسمين آهي، جنهن تيز ترين 3 هزار رنسون مڪمل ڪيون آهن.تيز ترين 3 هزار رنسن ۾ ڏکڻ آفريڪا جو هاشم آملا پهرين نمبر تي آهي، جنهن 57 اننگز ۾ اهو ڪارنامو انجام ڏنو هو.

 

92ع جي هڪ ٻي نشاني پوري، پاڪستان نيوزيلينڊ کي هارائي ڇڏيو

برمنهگم (اسپورٽس نيوز) پاڪستان ورلڊ ڪپ جي اهم ميچ ۾ بابر اعظم ۽ حارث سهيل جي شاندار بيٽنگ عيوض نيوزيلينڊ کي 6 وڪيٽن تان شڪست ڏئي سيمي فائنل تائين پهچڻ جون اميدون برقرار رکيون آهن./ڏسو صفحو 6 بقايا نمبر 03

نيوزيلينڊ طرفان مليل 238 رنسن جو هدف پاڪستان 5 بال اڳ ۾ 4 وڪيٽن جي نقصان تي حاصل ڪري ورتو.پاڪستان طرفان نوجوان بيٽسمين بابر اعظم شاندار بيٽنگ جو مظاهرو ڪندي 101 رنس ٺاهي ۽ ناٽ آئوٽ موٽيو، جڏهن ته حارث سهيل پڻ 68 رنسن جي بهترين اننگز کيڏي.محمد حفيظ 32، امام الحق 19 ۽ فخر زمان 9 رنسون ٺاهي آئوٽ ٿيا.ان کان اڳ ٽاس کٽڻ کانپوءِ پهريان بيٽنگ ڪندي ڪيوي ٽيم مقرر اوورن ۾ 6 وڪيٽن جي نقصان تي 237 رنسون ٺاهيون.رڳو 83 رنسن تي 5 وڪيٽون ڪرڻ کانپوءِ ڪولن ڊي گرينڊ هوم ۽ جيمز نيشن ذميواراڻي بيٽنگ ڪندي ٽيم کي مڪمل تباهي کان بچائي ورتو.ٻنهي وچ ۾ سئو رنسن کان وڌيڪ جي ڀائيواري قائم ٿي ۽ نيوزيلينڊ کي ڇهون نقصان 215 جي مجموعي اسڪور تي ٿيو، جتي گرينڊ هوم 64 رنسون ٺاهڻ کانپوءِ رن آئوٽ ٿي پويلين موٽي ويو، جڏهن ته نيشم 97 رنسن جي شاندار اننگز کيڏي ناٽ آئوٽ موٽيو.ان کان اڳ نيوزيلينڊ جون وڪيٽون تڪڙي ڪرنديون رهيون ۽ اهو محسوس ٿيو ته ڪيوي ٽيم 2 سئو رنسون به نه ٺاهي سگهندي.مارٽن گپٽل 5، ڪولن منرو 12، ڪپتان ڪين وليمسن 41، روز ٽيلر 3 ۽ ٽام ليٿم هڪ رنس ٺاهي آئوٽ ٿيا.پاڪستان طرفان شاهين آفريدي بهترين بالنگ ڪرائيندي 3 وڪيٽون ورتيون، جڏهن ته محمد عامر ۽ شاداب خان جي حصي ۾ هڪ – هڪ وڪيٽ آئي.

 

گڏيل مخالف ڌر جي اي پي سي، حڪومت کي ٽف ٽائيم ڏيڻ جو فيصلو، سينيٽ چيئرمين هٽائڻ تي اتفاق

اسلام آباد (اين اين آءِ) گڏيل اپوزيشن سينيٽ جي چيئرمين صادق سنجراڻي جي جاءِ تي آئيني ۽ قانوني طريقي جي ذريعي نئون چيئرمين آڻڻ جو فيصلو ڪندي اعلان ڪيو آهي ته 25 جولاءِ 2019 تي ڌانڌلي ٿيل چونڊن خلاف گڏيل طور تي ڪارو ڏينهن ملهايو ويندو بجيٽ جي خلاف سموريون اپوزيشن جون پارٽيون، پارليامينٽ جي اندر ۽ ٻاهر ڀرپور احتجاج جاري رکنديون عوام جي جعلي مينڊيٽ، ڌانڌلي ٿيل نااهل حڪومت جي پيدا ڪيل عذاب ڏيندڙ مهانگائي ۽ معاشي ڏکيائيون کان ڇوٽڪاري ڏيڻ جي ڀرپور ڪوشش ڪئي ويندي پهرين مرحلي ۾ سموريون سياسي پارٽيون عوامي رابطا مهم شروع ڪنديون، وزيرستان واقعي بابت پارلياماني ڪميٽي جوڙي ويندي ۽ وزيرستان اسيمبلي ميمبرن جا پروڊڪشن آرڊر جاري ڪيا وڃن. اعليٰ عدليه جي ججن خلاف حڪومتي ريفرنس عدليه مٿان حملو آهي حڪومت فوري طور تي ريفرنس واپس وٺي. گم ٿيل ماڻهن جي بازيابي لاءِ قانون جوڙيو وڃي، سيڪيورٽي ادارن جي تحويل ۾ موجود ماڻهن کي عدالتن آڏو پيش ڪيو وڃي. پارلياماني نظام حڪومت ۽ 18 هين ترميم جي خلاف اعلان ۽ پردي پويان ڪوششن جي ڀرپور مزاحمت ڪئي ويندي. هڪ طرفي انتقامي احتساب کي رد ڪيون ٿا. 2018 ۾ ٿيندڙ ڌانڌلي جي جاچ بابت بڻايل پارلياماني ڪميٽي کان اپوزيشن جي سمورا ميمبر فوري طور تي استعيفيٰ ڏين. اڳوڻي وزيراعظم نواز شريف ۽ آصف علي زرداري سميت سمورن قيدين جي زندگي جي بنيادي دستوري ۽ قانوني حقن جي فراهمي کي يقيني بڻايو وڃي. ايندڙ ڏينهن جماعتِ رهبر ڪميٽي جوڙي ويندي جيڪا ايندڙ حڪمت عملي جي نقطن تي عمل کي يقيني بڻائيندي. مولانا فضل الرحمان جي اڳواڻي ۾ آل پارٽيز ڪانفرنس اربع تي اسلام آباد ۾ ڪوٺائي وئي جنهن ۾ مسلم ليگ (ن) جي صدر شهباز شريف، پ پ چيئرمين بلاول ڀٽو زرداري، مريم نواز، اڳوڻي وزيراعظم ۽ پ پ اڳواڻ يوسف رضا گيلاني، سينيٽر رضا رباني، فرحت الله بابر، سينيٽر شيري رحمان، پيپلز پارٽي ڪي پي ڪي جي صدر همايون خان، پ پ پنجاب جي صدر قمرالزمان ڪائره پاڪستان مسلم ليگ (ن) جي اڳواڻ احسن اقبال، مرتضيٰ جاويد عباسي، عبدالقادر بلوچ، اڳوڻي اسپيڪر سردار اياز صادق، راجا ظفرالحق، رانا ثناءُ الله، مريم اورنگزيب، اويس نوراني، شفيق ترين، اسفند يار ولي، امير حيدر خان هوتي سميت جي يو آءِ جي اهم اڳواڻن شرڪت ڪئي. جڏهن ته جماعت اسلامي آل پارٽيز ڪانفرنس ۾ شرڪت کان ٻه ڏينهن اڳ ئي معذرت ڪئي هئي. بلوچستان نيشنل پارٽي جي اڳواڻ اختر مينگل کي حڪومت مڃائي ورتو. ان کانپوءِ اختر مينگل به ان ۾ شرڪت نه ڪئي. ان کانپوءِ اپوزيشن اڳواڻ شهباز شريف ۽ پ پ چيئرمين بلاول ڀٽو زرداري آل ڪانفرنس ۾ ڳالهائيندي چيو ته اسلام آباد ۾ پاڪستان جي اپوزيشن سان لاڳاپيل پارلياماني سياسي پارٽين جي هڪ ڪل جماعت ڪانفرنس ڪوٺائي وئي جنهن جي صدارت جي يو آءِ ف جي صدر مولانا فضل الرحمان ڪئي. اجلاس ۾ سمورين پارٽين جا اڳواڻ ۽ سينئر اڳواڻن شرڪت ڪئي. اجلاس تقريبن 7 ڪلاڪن تائين جاري رهيو. اجلاس بجيٽ 2019 کي عوام دشمن، واپاري دشمن، صنعت دشمن، صحت ۽ تعليم دشمن قرار ڏئي رد ڪري ڇڏيو ۽ اعلان ڪيو ته اپوزيشن سان تعلق رکندڙ سموريون سياسي جماعتون ان جي خلاف پارليامان جي اندر ۽ ٻاهر ڀرپور احتجاج ڪنديون. اجلاس ۾ چيو ويو ته ڌانڌلي ٿيل حڪومت جي ڌانڌلي سان بجيٽ پاس ڪرڻ جي مذمت ڪئي ۽ مطالبو ڪيو ويو ته وزيرستان سان تعلق رکندڙ ٻن قومي اسيمبلي ميمبرن جا پروڊڪشن آرڊر جاري ڪيا وڃن ته جيئن هو پنهنجي عوام جي نمائندگي ڪري سگهن. اجلاس ۾ عدليه ۾ سڌارن، ججن جي مقرري جي طريقيڪار تي به نظرثاني ۽ پاڻمرادو ورتل نوٽيس جي اختيارن بابت قانونسازي جي ضرورت تي زور ڀريو ويو. اجلاس دوران مطالبو ڪيو ويو ته گم ٿيل مانهن جي بازيابي لاءِ قانونسازي ڪئي وڃي جيڪي ماڻهو سيڪيورٽي ادارن جي تحويل ۾ آهن ڪنهن به عدالت آڏو پيش نه ڪيا ويا انهن کي عدالتن آڏو پيش ڪيو وڃي. تشدد ۽ ٽارچر جي استعمال خلاف قانونسازي ڪئي وڃي. اجلاس مطالبو ڪيو ته اڳوڻي قبائلي علائقن ۽ ڪي پي ڪي ۾ گذريل ڪيترن ئي سالن کان ٽائيم حراست وارن مرڪزن کي عام جيلن ۾ تبديل ڪري انهن ۾ قيد ٿيل ماڻهن خلاف کليل عدالت ۾ ڪيس هلايا وڃن. اجلاس ميڊيا تي پابنديون ۽ سينسر شپ جي مذمت ڪئي اجلاس پارلياماني نظام، حڪومت ۽ 18 هين ترميم خلاف ٿيندڙ سازشن جي مذمت ڪئي ۽ اعلان ڪيو ته اهڙن قدمن جي ڀرپور مزاحمت ڪئي ويندي جنهن جو مقصد پارلياماني نظام ۽ حڪومت کي ڪمزور ڪرڻ هجي مطالبو ڪيو ويو ته احتساب جو هڪ نئون موثر قانون جوڙيو وڃي جنهن تحت ڪجهه خاص طبقن جو نه پر سمورن جو هڪ ئي قانون ۽ هڪ ئي اداري تحت احتساب ڪيو وڃي.

 

اقتصادي رابطا ڪميٽي گهريلو واهپيدارن لاءِ گئس اگهن ۾ واڌ جي منظوري ڏئي ڇڏي

اسلام آباد (ويب ڊيسڪ) اقتصادي رابطا ڪميٽي گهريلو واهپيدارن لاءِ گئس اگهن ۾ واڌ جي منظوري ڏئي ڇڏي. ناڻي بابت صلاحڪار عبدالحفيظ شيخ جي صدارت هيٺ اقتصادي رابطا ڪميٽي جو اجلاس ٿيو، جنهن ۾ گهريلو واهپيدارن لاءِ گئس اگهن ۾ واڌ جي منظوري ڏني وئي. ذريعن موجب گهريلو واهپيدارن لاءِ گئس 190 سيڪڙو تائين مهانگي هوندي ۽ ٻين سمورين ڪيٽيگرين لاءِ گئس اگهن ۾ 31 سيڪڙو کان وڌيڪ اضافي جي منظوري به ڏني وئي. ذريعن جو چوڻ آهي ته گئس جا نوان اگهه پهرين جولاءِ کان لاڳو ٿيندا. ذريعن موجب گئس اگهن ۾ واڌ آءِ ايم ايف جي شرطن ۾ شامل هئي، اگهن ۾ واڌ سان حڪومت کي 5 سئو ارب رپين کان وڌيڪ روينيو حاصل ٿيندو ۽ حڪومت ڊسمبر ۾ گئس اگهن جو ٻيهر جائزو وٺندي.

 

جڏهن 8 لاش پيل هجن ته الله ياد اچڻ گهرجي، ڪجهه ته سچ ڳالهايو: چيف جسٽس

اسلام آباد (ويب ڊيسڪ) سپريم ڪورٽ 8 ڄڻن جي قتل ۾ ملوث جوابدارن مان ٽن جي موت جي سزا ختم ڪري ڇڏي، جڏهن ته ٻن جوابدارن جون بريت خلاف درخواستون خارج ڪري ڇڏيون. چيف جسٽس آصف سعيد کوسا جي سربراهي ۾ بئنچ 8 ڄڻن جي قتل جي جوابدارن جوابدارن جي موت جي سزا خلاف اپيل تي ٻڌڻي ڪئي. چيف جسٽس پڇاڻو ڪيو ته توهان ايف آءِ آر ۾ 30 جوابدارن کي نامزد ڪري ڇڏيو، ڇا توهان اهو الزام 35 يا 40 ڄڻن تي هڻي ڇڏيو ها ته اسان مڃون ها، جنهن تي سرڪاري وڪيل چيو ته اهو واقعو عدالت جي ٻاهران ٿيو آهي، جنهن ۾ 8 حياتيون ويون ۽ 5 زخمي به ٿيا. چيف جسٽس ريمارڪس ڏنا ته اهو واقعي افسوسناڪ واقعو آهي پر اهو نٿو ٿي سگهي ته توهان جيترن ماڻهن تي الزام لڳايو ته اسان انهن کي ڦاهي تي چاڙهي ڇڏيون. چيف جسٽس جو چوڻ هو ته جڏهن 8 لاش پيل هجن ته الله ياد اچڻ گهرجي، ڪجهه ته سچ ڳالهايو، ان تي سرڪاري وڪيل چيو ته 8 ماڻهن کي قتل ڪرڻ ٻن يا چئن ماڻهن جو ڪم نٿو ٿي سگهي، جنهن تي چيف جسٽس ريمارڪس ڏنا هڪ ڳالهه طئي آهي ته انهن شاهدن جو سچ سان ڪو واسطو ناهي، اهي شاهد جيڪو چاهيندا آهن بيان ڏئي ڇڏيندا آهن. ٻڌڻي دوران چيف جسٽس ريمارڪس ڏنا ته الله لاءِ سچي شاهدي ٿيو، ڀلي ماءُ، ڀيڻ، ڀاءُ يا پٽ خلاف ئي ڇو نه هجي، انصاف جو بنياد سچ تي ئي هوندو آهي، هتي ته سچ جي ڪا خبر ئي ناهي پوندي. هن چيو 2، 4 شاهدن کي سزا ٿيندي ته ڪجهه بهتر ٿيندو، ڪجهه شاهد ڪيس ڀڳتي به رهيا آهن. ٻڌڻي دوران چيف جسٽس طرفان ڪرمنل ڪيسن تي به ريمارڪس ڏنا ويا، هن چيو ته اسان وٽ اسلام آباد جون ڪرمنل اپيلون ختم ٿي چڪيون آهن، هاڻ اسان هتي لاهور جون اپيلون ٻڌي رهيا آهيون، هاڻ اسلام آباد جي ڪا به مجرماڻي اپيل باقي ناهي رهي، جلد سموريون ڪرمنل اپيلون ختم ٿي وينديون. پوءِ عدالت 8 ڄڻن جي قتل ۾ ملوث جوابدارن مان 3 جوابدارن مهدي خان، ميان خان ۽ لياقت علي کي بري ڪري ڇڏيو، جڏهن ته ٻن جوابدارن لال خان ۽ عرفان جي بريت خلاف درخواستون خارج ڪري ڇڏيون.

 

اپوزيشن جي سخت احتجاج ۽ مخالف باوجود سنڌ حڪومت جي بجيٽ منظور

ڪراچي (اين اين آءِ) سنڌ اسيمبلي اربع تي ايندڙ مالي سال جي صوبائي بجيٽ جي منظوري ڏئي ڇڏي اپوزيشن جي ڀرپور مخالفت ۽ احتجاج جي باوجود ايوان ۾ حڪومت سنڌ پاران پيش ڪيل 11 کرب 86 ارب 50 ڪروڙ رپين کان وڌيڪ جي 159 مطالبن کي به منظور ڪيو ويو ۽ اپوزيشن جي 544 ڪٽوتي واريون رٿون رد ڪيون ويون اسپيڪر آغا سراج درانيج ي صدارت هيٺ ٿيندڙ اجلاس ۾ نئين سال 20-2019 جي بجيٽ اڪثريت سان منظور ڪئي وئي سنڌ جي بجيٽ 12 کرب 70 ارب رپين کان وڌيڪ هوندي جڏهن ته بجيٽ خسارو زيرو آهي منظور ٿيل بجيٽ ۾ سنڌ جي سرڪاري ملازمن جون پگهارون ۽ الائونس ۾ 5 کان 15 سيڪڙو واڌ، بک ختم ڪرڻ جي پروگرام جي شروعات ، پورهيتن جي گهٽ ۾ گهٽ پگهار 17500 هزار رپيا مقرر ڪرڻ سرڪاري خانگي اسپتالن لاءِ گرانٽ جو اعلان به شامل آهي سنڌ اسيمبلي مان فنانس بل جي منظوري خميس تي ورتي ويندي. اپوزيشن ميمبرن پنهنجي ڪٽوتي واريون رٿون پيش ڪندي اهو موقف اختيار ڪيو هو ته سنڌ پهريان کان ئي وڏي مالي ڏکيائين مان گذري رهي آهي ان لاءِ سنڌ حڪومت جي سمورن مطالبن جي منظوري اکيون بند ڪري نه ڏيڻ گهرجي. سنڌ جي وڏي وزير مراد علي شاهه جنهن وٽ ناڻي کاتي جو قلم به آهي اپوزيشن ميمبرن پاران پيش ڪيل ڪٽوتي جون سمورين رٿن جي مخالفت ڪئي. سندس چوڻ هو ته هلندڙ مالي سال اسان 7 ارب رپين جي بچت ڪئي آهي ۽ آئنده به سنڌ جي عوام جي مفاد جي هر شيءِ کي فوقيت ڏينداسين. ان کانپوءِ اسپيڪر سنڌ اسيمبلي جو اجلاس خميس جو صبح يارهين وڳي تائين ملتوي ڪري ڇڏيو.

 

اي پي سي مان حڪومت کي ڪو به خطرو ناهي، اپوزيشن کي پنهنجو پاڻ مان خطرو آهي : فردوس عاشق

اسلام آباد ( ويب ڊيسڪ ) سڌ سماءَ بابت خاص مددگار فردوس عاشق اعواڻ چيو آهي ته اي پي سي ڪچي هنڊي آهي جيڪا وچ چوواٽي تي ٽٽندي، اي پي سي جي ناڪي کانپوءِ مولانا فضل الرحمان پاڻ کي دين جي خدمت لاءِ وقف ڪري.  سماجي رابطن جي ويب سائٽ ٽويٽر تي بيان جاري ڪندي فردوس عاشق اعواڻ چيو ته اي پي سي جي شاهڪار فلم اسڪرين تي اچڻ کان اڳ ئي لهي وئي آهي، مفادن جي قيدي قيادت هر ڀيري مولانا کي گهرائي سندس ڪرسي ڪڍي ڇڏيندي آهي. هن چيو ته مولانا صاحب سان دلي همدردي آهي ڇو ته مخالف ڌر جا ڪچا ڪلها سندس سياسي محرومي جو بار کڻڻ لاءِ تيار نه آهن،  حڪومت کي مخالف ڌر مان ڪو به خطرو ناهي، اپوزيشن کي پنهنجو پاڻ مان خطرو آهي. فردوس عاشق اعواڻ چيو ته مولانا فضل الرحمان جي ان منصوبي جو نتيجو اهو ئي نڪرندو  جيڪو اليڪشن ايڊونچر جو نڪتو، اي پي سي جي ناڪامي کانپوءِ مولانا صاحب ايندڙ چار سال لاءِ پاڻ کي رڳو دين جي خدمت لاءِ وقف ڪري.  هن چيو ته مخالف ڌر جي اي پي سي ۾  ڌيان رڳو کائڻ پيئڻ تي هوندو، پنهنجا ڏک سور ٻڌائڻ لاءِ فضل الرحمان اي پي سي رکي آهي. فردوس عاشق اعواڻ چيو ته ٻه خاندان نسل کان نسل پاڪستان تي حڪمراني ڪندي آيا آهن، هي چون ٿا ته هي ٻه خاندان نه ته ڪنهن جي به حڪمراني نه هئڻ گهرجي.

 

 

وزير اعظم سان اختر مينگل جي ملاقات، گم ٿيل ماڻهن جي معاملي ۾ جلد اڳڀرائي ٿيندي: جهانگير ترين

اسلام آباد ( ويب ڊيسڪ ) وزيراعظم عمران خان سان بي اين پي مينگل جي سربراهه اختر مينگل جي ملاقات ۾ 10 مهينن ۾ ڏکيائيون حل ڪرڻ جو طريقيڪار تيار ڪيو ويو آهي، جهانگير ترين جو چوڻ آهي ته اختر مينگل ۽ سندس وفد کي مطمئن ڪيو ويو آهي.  وزيراعظم عمران خان جي اختر مينگل جي قيادت ۾ بي اين پي وفد سان ملاقات ٿي. ملاقات ۾ پرويز خٽڪ، نعيم الحق، جهانگير ترين، نديم افضل چن ۽ شهزاد ارباب به موجود هئا. ملاقات دوران اهم اڳڀرائي ٿي ۽ 10 مهينن ۾ ڏکيائون ختم ڪرڻ جو طريقيڪار تيار ڪيو ويو ۽ ٻنهي پارٽين وچ ۾ طئه ٿيل معاملن تي مڪمڪل عمل يقيني بڻائڻ جو فيصلو به ڪيو ويو.  وزيراعظم جي بي اين پي وفد سان ملاقات کانپوءِ پي ٽي آءِ اڳواڻ جهانگير ترين ميڊيا سان ڳالهائيندي چيو ته گم ٿيل ماڻهن جي معاملي ۾ جلد اڳڀرائي ٿيندي، وفاقي نوڪرين ۾ بلوچستان جي 6 سيڪڙو ڪوٽا تي اتفاق ٿيو آهي. هن چيو ته اختر مينگل ۽ سندس وفد کي مطمئن ڪيو ويو آهي، اڳتي وڇوٽيون نه ٿين تنهن بابت به طريقيڪار طئه ڪيو ويو آهي، 10 ارب رپين جي ترقياتي بجيٽ ملڻ بي اين پي جو حق آهي.