تازيون خبرون
پاڪستان هائوسنگ اسڪيم شروع ٿيڻ سان 40 صنعتن جو ڦيٿو هلڻ شروع ٿي ويندو: عمران خان - آصف زرداري ۽ شهباز شريف کي پيسا موڪليندڙ 4 ڪمپنيون گڏيل آهن: شهزاد اڪبر - ن ليگ پاران وزيراعظم، شهزاد اڪبر ۽ ٻين خلاف برطانوي عدالت ۾ وڃڻ جو اعلان - پ پ جا وڏيرا پاڻي چور آهن، نادر مگسي پاران رينجرز گهرائڻ جو مطالبو - پاڪستان ۾ 10 کان 15 سيڪڙو ماڻهو معذور آهن، انهن جو خيال رکڻ معاشري جي گڏيل زميواري آهي: عارف علوي - شهباز شريف جو خاندان ڏوهه قبول ڪري ڪرپشن کان توبه ڪري وٺي: فردوس عاشق اعواڻ - صادق سنجراڻي سان اسد قيصر ۽ عثمان بوزدار جون ملاقاتون، تحريڪ عدم اعتماد کي ناڪام بڻائڻ لاءِ ساٿ ڏيڻ جي خاطري - اڳوڻي صدر جي رمانڊ ۾ 14 ڏينهن جي واڌ، پرڏيهي امداد اسٽيٽ بئنڪ ۾ ايندي آهي: آصف علي زرداري - يونيسيف جي سهڪار سان پورهيو ڪندڙ ٻارڙن بابت سروي ڪري رهيا آهيون جئين انهن کي فني تعليم ڏئي سگهجي: وڏو وزير - ايڪنڪ داسو پن بجلي منصوبي جي منظور ڏئي ڇڏي آهي، ڪراچي ۾ پاڻي جي فراهمي بابت جلد خوشخبري ٻڌائينداسين: فيصل واوڊا

Daily Archives: June 26, 2019

ريشما کي هندي فلمن جي پهرين اسٽنٽ وومين چيو وڃي ٿو

ممبئي ( شوبز نيوز) شعلي فلم جي بسنتي ته سڀني کي ياد هوندي پر بستي جي جڳهه تي ان جا خطرناڪ اسٽنٽ ڪندڙ ريشمان پٺاڻ کي گهٽ ئي /ڏسو صفحو 6 بقايا نمبر 28

ماڻهو سڃاڻيندا هوندا. ريشما کي هندي فلمن جي پهرين اسٽنٽ وومين چيو وڃي ٿو. هن ڪيترين ئي فلمن ۾ اداڪارائن جي پاران اسٽنٽ ڪيا. هن ڪيترائي ڀيرا پنهنجي جان جوکم ۾ وجهي خطرناڪ شاٽ ڏنا. ريشما پٺاڻ ٻڌائي ٿي ته شعلي جو هڪ شاٽ هو ته ٽانگي کي ڊوڙائي هڪ پٿر سان ٽڪرائڻو هو جيئن ان جو هڪ ڦيٿو ٽُٽي پوي پر ٽانگو ڦاسي پيو ۽ ڦيٿو ڪونه ٽُٽو. جهٽڪي سان آئون ڪري پيس ۽ ٽانگو منهنجي مٿان اچي ويو، سڀني سمجهو ته بس آئون ختم ٿي ويس پر جڏهن انهن ٽانگو کنيو ته منهنجو ساهه هليو پئي پوءِ مون کي اسپتال کڻي ويا. ريشمان ننڍي هوندي کان ئي راند روند جي شوقين هئي ۽ هو پاڻ کي ٽام ڪروز سمجهندي هئي. 14 سالن جي عمر ۾“ ايڪ کلاڙي باون پتي” ۾ پهريون اسٽنٽ ڪيائين جنهن لاءِ کيس 100 رپيا مليا هئا. ريشما جي پيءُ کي هن جو فلمن ۾ ڪم ڪرڻ سخت ناپسند هو جنهنڪري هن سندس مار به کاڌي پر هو ريشما جي محنت ۽ لڳن جي سامهون هارائي ويو. ريشمان کي ان وقت بيحد خوشي ٿي جڏهن هن جي زندگي تي فلم“ دي شعلي گرل ريشمان پٺاڻ” ٺهي ۽ ريليز به ٿي. پروڊيوسر جو فون آيو مون کي يقين ڪونه پئي آيو. مون سوچو ته ڪو منهنجو مزاق اڏائي رهيو آهي، مون کي ڪير ٿو سڃاڻي جو مون تي فلم ٺاهيندو؟ ٻه ٽي ڀيرا فون آيو ته پوءِ اڌ پڪ ٿي ته هو واقعي منهنجي“ بايو پڪ” ٺاهڻ ۾ دلچسپي رکي ٿو. منهنجي بايو پڪ ٺهي ۽ مون کي خوشي آهي ته اها فلم ڏسڻ کان پوءِ آئون ماڻهن جي نظر ۾ آيس ۽ مون کي ماڻهن وٽ سڃاڻپ ملي ته آئون به هڪ اسٽنٽ وومين آهيان، آئون ريشمان پٺاڻ آهيان. آئون گمنام هئيس، مون کي نالو مليو. تازو ئي ريشمان پٺاڻ کي“ فلم ڪرٽڪس گلڊ” پاران ايوارڊ ڏنو ويو آهي. ريشمان پٺاڻ خوش آهي ته هاڻي اسٽنٽ وومين کي فلم جو اهم حصو مڃيو ٿو وڃي. 65 سالن جي ٿيڻ باوجود ريشمان اڄ به فلمن ۾ ڪم ڪرڻ جي خواهش رکي ٿي.

 

بالي ووڊ جي مشهور اداڪارا آرتي ڇابريا خاموشي سان شادي ڪري ورتي

ممبئي(شوبز نيوز) بالي ووڊ جي مشهور 36 ورهين جي اداڪارا آرتي ڇابڙيا خاموشي سان شادي ڪري پنهنجي مداحن کي حيران ۽ پريشان ڪري ڇڏيو آهي.تفصيل موجب آرتي ڇابريا تم/ڏسو صفحو 6 بقايا نمبر 10

سي اڇا ڪون هي، شادي نمبر ون، پارٽنر، اناميڪا ۽ هي بيبي سميت ڪيترين ئي بالي ووڊ فلمن ۾ ڪميو جڏهن ته هاڻ ڀارتي ميڊيا ۾ خبر باهه بڻجي ڦهلجي وئي آهي ته هن خاموشي سان شادي ڪري ورتي آهي جنهن جون تصويرون به انٽرنيٽ تي وائرل ٿي ويون آهن.ايستائين اهو امر به ذڪر جوڳو آهي اداڪارا ڪجهه عرصو اڳ اهو اعتراف ڪيو هو ته هن پنهنجي زندگي جي ساٿي جي چونڊ ڪري ور تي آهي جڏهن ته هاڻ ئي هن گهروارن جي اجازت حاصل نه ڪئي آهي.اداڪارا 2001ع ۾ فلم لجا سان پنهنجي ڪيريئر جي شروعات ڪئي جڏهن ته ان مان هوءَ شهرت حاصل نه ڪري سگهي پر ان جي فلم تم سي اڇا ڪون هي ماڻهن جي توجهه حاصل ڪرڻ ۾ ڪامياب رهي ۽ کيس تمام  گهڻي مقبوليٽ حاصل ٿي، سندس بالي ووڊ جي آخري فلم دس تولا 2010ع ۾ رليز ٿي هئي جڏهن ته سندس آخري پنجابي فلم وياهه 70 ڪلوميٽر 2013ع ۾ رليز ٿي هئي.

 

بابر اعظم وڌيڪ هڪ اعزاز حاصل ڪرڻ جي ويجهو

برمنگهم (اسپورٽس نيوز) قومي ڪرڪيٽ ٽيم جي اسٽار بيٽسمين بابر اعظم کي ون ڊي انٽرنيشنل ڪيريئر جون 3 هزار رنسون مڪمل ڪرڻ لاءِ وڌيڪ 29 رنسون گهربل آهن.ان ڳالهه جا پڪا امڪان آهن ته هو سڀاڻي اربع تي نيوزيلينڊ خلاف شيڊيول ورلڊ ڪپ ميچ ۾ 3 هزار رنسون مڪمل ڪري وٺندو، جيڪڏهن بابر ڪامياب ٿيو ته هو 3 هزار ون ڊي انٽرنيشنل رنسون مڪمل ڪندڙ 20هون پاڪستاني /ڏسو صفحو 6 بقايا نمبر 06

بيٽسمين بڻجي ويندو.بابر هيل تائين 69 ميچن ۾ 9 شاندار سينچرين ۽ 14 ففٽين جي مدد سان 2971 رنسون ٺاهي چڪو آهي، ان سان گڏوگڏ بابر اعظم وٽ تيز ترين 3 هزار رنسون مڪمل ڪري دنيا جو ٻيو بيٽسمين بڻجڻ جو به سنهري موقعو آهي.

 

آسٽريليا اهم ميچ ۾ انگلينڊ کي شڪست ڏئي ڇڏي، پاڪستان جا امڪان روشن

لارڊز (اسپورٽس نيوز) آءِ سي سي ڪرڪيٽ ورلڊ ڪپ جي اهم ميچ ۾ آسٽريلوي ٽيم انگلينڊ کي 64 رنسن تان شڪست ڏئي ڇڏي، جنهن کانپوءِ پاڪستان جون سيمي فائنل ۾ پهچڻ جون اميدون وڌي ويون آهن.لارڊرز/ڏسو صفحو 6 بقايا نمبر 03

۾ ٽاس هارائڻ کانپوءِ دعوت ملڻ تي پهريان بيٽنگ ڪندي آسٽريلوي ٽيم مقرر اوورن ۾ 7 وڪيٽن جي نقصان تي 285 رنسون ٺاهيون.ڪپتان ايرون فنچ 100 رنسن جي شاندار اننگز کيڏي، جڏهن ته ڊيوڊ وارنر 53، اسٽيون سمٿ ۽ ايليڪس ڪيري 38-38، عثمان خواجا 23 رنسن سان اڳڀرو رهيو.انگلينڊ طرفان ڪرس ووڪس 2، جڏهن ته فوجرا آرچر، مارڪ ووڊ، بين اسٽوڪس ۽ معين علي هڪ – هڪ وڪيٽ ورتي.جواب ۾ انگلش ٽيم شروعات کان ئي ڏکيائين جو شڪار رهي ۽ بين اسٽوڪس کانسواءِ ڪو به رانديگر گهڻي دير وڪيٽ تي نه بيهي سگهيو.اسٽوڪس 89 رنسن سان ٽاپ اسڪورر رهيو، جڏهن ته ٻين رانديگرن ۾ جوني بيئراسٽو 27، ڪرس ووڪس 26، جوز بٽلر ۽ عادل رشيد 25-25 رنسون ٺاهي اڳڀرا رهيا.انگلينڊ جي ان فارم بيٽسمين جو روٽ رڳو 8 رنسون ٺاهيون، جڏهن ته ڪپتان اين مورگن به 4 رنسن جو مهمان ثابت ٿيو.آسٽريليا طرفان بيرنڊورف ۽ مچل اسٽارڪ بهترين بالنگ ڪرائيندي ترتيب وار 5 ۽ 4 وڪيٽون ورتيون، جڏهن ته مارڪس اسٽوئنس هڪ شڪار ڪيو.

 

مخالف ڌر احتجاج جو شوق پورو ڪري، پرواهه ناهي، اين آر او نه ملندو: عمران خان

اسلام آباد ( ويب ڊيسڪ ) وزيراعظم عمران خان چيو آهي ته اين آر او لاءِ ڪنهن به مون سان سڌو رابطو نه ڪيو آهي. اسلام آباد ۾ وزيراعظم عمران خان جي صدارت هيٺ تحريڪ انصاف جي پارلياماني پارٽي جو اجلاس ٿيو. اجلاس ۾ بجيٽ جي منظوري ۽ مخالف ڌر جي تحريڪ بابت غور ويچار ڪيو ويو. اجلاس کي خطاب ڪندي وزيراعظم عمران خان چيو ته پارليامينٽ ميمبر به ٽيڪس ڏيڻ لاءِ عوامي آگاهي مهم هلائن. هن چيو ته مخالف ڌر احتجاج جو شوق پورو ڪري، مون کي ڪابه پرواهه ناهي. سندس چوڻ هو ته اسان کي ڪارڪردگي سان جواب ڏيڻو آهي. وزيراعظم عمران خان چيو ته  پارليامينٽ ميمبر عوام کي معاشي بحران جي ذميوارن کان آگاهه ڪن،  بجيٽ جي منظوري قانوني گهرج آهي،  سمورا پارليامينٽ ميمبر حاضري يقيني بڻائين.  هن چيو ته مون سان اين آر او لاءِ ڪنهن به سڌو رابطو نه ڪيو آهي، سڀني کي خبر آهي ته مان ڪرپشن ڪيسن تي سوديبازي نه ڪندس، مخالف ڌر اي پي سي گهرائي يا تحريڪ هلائي اين آر او نه ملندو.  وزيراعظم عمران خان چيو ته قبائلي علائقن ۽ بلوچستان جي لاءِ ترقياتي فنڊ ۾ اضافو ڪيو آهي جڏهن ته پاڪ فوج فاٽا ۽ بلوچستان لاءِ پنهنجي پگهارن ۾ اضافو نه ڪيو آهي.

 

پهرين جولاءِ کان گئس جي اگهن ۾ 190 سيڪڙو تائين اضافي جو امڪان، سمري تيار

اسلام آباد ( ويب ڊيسڪ ) گهريلو صارفين لاءِ پهرين جولاءِ کان گئس جي اگهن ۾ 190 سيڪڙو اضافي جو امڪان آهي. پئٽروليم ڊويزن گئس جي اگهن ۾ اضافي جي سمري تيار ڪري ڇڏي آهي جنهن تحت ايندڙ مهيني کان گئس مهانگي ٿيڻ جو امڪان آهي. ذريعن موجب هر مهيني 50 مڪعب ميٽر گئس استعمال تي في يونٽ اگهه 63 رپيه کان 52 سيڪڙو تائين اضافي جي تجويز ڏني وئي آهي،  جڏهن ته هر مهيني 100 مڪعب ميٽر استعمال تي في يونٽ گئس 242 رپين مان 190 ڏهائي 55 سيڪڙو مهانگي ڪرڻ جي تجويز آهي.  ذريعن موجب هر مهيني 200 مڪعب ميٽر گئس جي استعمال تي في يونٽ 289 رپين مان 109 ڏهائي 46 سيڪڙو جڏهن ته هر مهيني 300 مڪعب ميٽر گئس استعمال تي في يونٽ 463 رپين مان 168 ڏهائي 26 سيڪڙو مهانگي ڪرڻ جو امڪان آهي. ذريعن موجب هر مهيني 400 مڪعب ميٽر گئس استعمال تي في يونٽ گئس 327 رپين مان 41 ڏهائي 92 سيڪڙو ۽ هر مهيني 400 مڪعب ميٽر کان وڌيڪ گئس جي استعمال تي في يونٽ 16 رپين مان هڪ سيڪڙو مهانگي ڪرڻ جي تجويز آهي. ذريعن موجب هر مهيني 50 مڪعب تائين گئس جي استعمال تي بل 137 رپيه، 100 مڪعب ميٽر تائين گئس جي استعمال تي بل 647 رپيه، 200 مڪعب ميٽر تائين گئس استعمال تي بل 1704 رپيه وڌڻ جو امڪان آهي.  هر مهيني 300 مڪعب گئس جي استعمال تي بل 4406 رپيه ۽ 400 مڪعب ميٽر گئس جي استعمال تي بل 855 رپيه وڌڻ جو ڪاٿو لڳايو ويو آهي. ذريعن موجب هر مهيني 400 مڪعب ميٽر کان وڌيڪ گئس جي استعمال تي بل 6039 رپين ڪرڻ جو ڪاٿو لڳايو ويو آهي جنهن جو سبب ڪجهه ايڊجسٽمينٽس آهن.

 

نندي پور پاور پروجيڪٽ: بابر اعواڻ بري، راجا پرويز جي بريت واري درخواست رد

اسلام آباد (اين اين آءِ) اسلام آباد جي احتساب عدالت ننديپور ريفرنس ۾ بابر اعواڻ ۽ قانون واري اڳوڻي سيڪريٽري رياض ڪياني جي بريت جي درخواست منظور ڪندي اڳوڻي وزيراعظم راجا پرويز اشرف جي درخواست رد ڪري ڇڏي اڱاري تي ننديپور ريفرنس ۾ دير سان ناڻي کي 27 ارب رپين جو نقصان پهچائڻ جي ريفرنس ۾ بابر اعواڻ کي احتساب عدالت آزاد ڪري ڇڏيو جج ارشد ملڪ جوابدارن پاران داخل ٿيل بريت واري درخواستن تي فيصلو ٻڌايو ويو عدالت راجا پرويز اشرف پاران داخل ٿيل بريت واري درخواست رد ڪندي نيب کي پرويز اشرف سميت 5 جوابدارن خلاف شاهديون پيش ڪرڻ جو حڪم ڏنو. بابر اعواڻ آزادي لاءِ پهرين به هڪ درخواست داخل ڪئي هئي پر ٻيهر درخواست واپس وٺندي ٽرائيل سان منهن ڏيڻ جو اعلان ڪيو هو ڏوهه ثابت ٿيڻ کان پوءِ بابر اعواڻ ٻيهر بريت جي درخواست داخل ڪئي هئي بابر اعواڻ جو موقف هو ته ان دور ۾ پاڻي ۽ بجلي جي وزارت ڪابه سمري نه موڪلي هئي. سمري ان کان اڳ وزيرن جي دور ۾ موڪلي ويئي هئي ريفرنس ۾ هڪ ڏينهن اڳ 7 جوابدارن کي نامزد ڪيو ويو هو. انهن جوابدارن جي بريت کان پوءِ سڀاڻي ڏينهن پنجن جوابدارن جي خلاف ٽرائيل هلايو ويندو.

 

اسلام ڪوٽ: 2 ڳور هاريون عورتون ۽ 2 ٻارڙا فوت، سيشن جج نوٽيس ورتو

اسلام ڪوٽ(رپورٽ:سجاول بجير)مٺي ۾ ڊليوري لاءِ آيل ٻه ڳورهاري عورتون فوت،ٻه ٻارڙا به زندگي جي جنگ هارائي ويا،سيشن جج نوٽيس وٺندي ڊي سي ۽ ڊي ايڇ او کان رپورٽ طلب ڪري ورتي،خبرموجب:مٺي جي هڪ نجي اسپتال ۽ سول اسپتال ۾ ڊليوري لاءِ آيل ٻه ڳورهاري عورتون فوت ٿي ويون،نجي اسپتال ۾ ڳوٺ روهيلو واسي ڳورهاري خطيجه زال منظور جيڪو بهتر علاج نه ٿيڻ سبب فوت ٿي ويئي ۽ سول اسپتال مٺي ۾ ڊليوري لاءِ آيل هڪ وڌيڪ نوجوان ناري ٻار کي جنم ڏيڻ بعد ٻار سميت ڊاڪٽرياڻين جي لاپرواهي سبب فوت ٿي ويئي،ڳوٺ ھوٿيئر مان ڊليوري لاءِ آيل نوجوان ناري آملا زال ميوو ڀيل ٻار کي جنم ڏيڻ بعد اسپتال اندر تڙپي تڙپي فوت ٿي ويئي ۽ سندس ٻار به دم ڏيئي ڇڏيو،وارثن موجب ڊاڪٽرياڻين جي لاپرواهي سبب ناري جو موت ٿيو آهي،مٺي سول اسپتال علاج بدران ڪوس گهر بڻيل آھي،ٻئي پاسي سيشن جج ٿرپارڪر مشتاق احمد ڪلوڙ ٻنهي عورتن جي فوت ٿيڻ جو سختي سان نوٽيس وٺي ڇڏيو آهي ۽ ڊي سي سميت ڊي ايڇ او ٿرپارڪر کان رپورٽ طلب ڪري ورتي آهي،ٻئي پاسي چيلهار ۾ سرڪاري زمينن تي ٿيل قبضن بابت لڳل خبر جو پڻ سيشن جج ٿرپارڪر مشتاق احمد ڪلوڙ سختي سان نوٽيس وٺندي لاڳاپيل کاتي کان رپورٽ طلب ڪندي قبضا خالي ڪرائڻ جو حڪم جاري ڪيو آهي،جنهن بعد انتظاميا ۽ قبضيدار ڌرين ۾ ٿرٿلو متل آهي،ٻئي پاسي سول اسپتال مٺي ۾ هيتيش مهراج ۽ نواز ميانو جي تازن ڄاول ٻارڙن دم ڏنو،

 

فضل الرحمان پهريون ڀيرو اقتدار کان ٻاهر هئڻ جو درد محسوس ڪري رهيو آهي: فردوس عاشق اعواڻ

اسلام آباد ( ويب ڊيسڪ ) وزيراعظم جي سڌ سماءَ بابت خاص مددگار فردوس عاشق اعواڻ چيو آهي ته فضل الرحمان پهريون ڀيرو اقتدار کان ٻاهر هئڻ جو درد محسوس ڪري رهيو آهي. اسلام آباد ۾ ميڊيا سان ڳالهائيندي فردوس عاشق اعواڻ چيو ته دوست ملڪ پاڪستان کي معاشي حالتن مان ڪڍڻ لاءِ مدد ڪري رهيا آهن، اپوزيشن جون پيدا ڪيل ڏکيائيون ختم ڪرڻ لاءِ  حڪومت ڪوشش ڪري رهي آهي. هن چيو ته اپوزيشن کي خبر آهي ته صورتحال بهتر ٿيڻ کانپوءِ کين ڪير نه پڇندو، لفظن جو سهارو وٺي عوام کي گمراهه نه ٿو ڪري سگهجي، ٻنهي سياسي نابالغن جو نظريو سندن پنهنجون پارٽيون رد ڪري چڪيون آهن، مخالف ڌر سهڪي رهي آهي، اپوزيشن ڀڙڪون هڻي آڪسينجن ڳولي رهي آهي.  سندس چوڻ هو ته آئين ۽ قانون جي بالادستي يقيني بنائڻ حڪومت جو ڪم آهي. فردوس عاشق اعواڻ چيو ته مديني جي رياست عليم ذريعي ٿورڙي عرصي ۾ مقبوليت حاصل ڪئي، مديني جي رياست ۾ تعليم تي زور ڀريو ويو، معياري تعليم تحريڪ انصاف جي پهرين ترجيح آهي.