تازيون خبرون
آخري دم تائين وڙهنداسين، مودي ياد رک سر جو جواب پٿر سان ڏينداسين: عمران خان - “آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو - سنڌو ديش ڳالهه مناسب ناهي، صوبائي خودمختياري تي يقين رکون ٿا: شاهه محمود - آفيسر شاهي هلڻ نه ڏبي، عهدن تي ويٺل ماڻهن جي اڪثيريت عوام جي خدمت نٿي ڪري: سپريم ڪورٽ - اسان کي هر محاذ تي سفارتي ڪاميابي ۽ ڀارت کي شڪست ٿي رهي آهي: فردوس عاشق اعواڻ - مهاجرن جو قرض اسان کي نه وسارڻ گهرجي (اسد عمر) سڀ کان پهرين بنگال ۽ سنڌ ٺهراءُ پاس ڪيا: خورشيد شاهه - ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ٽيبل هيٺان ڪشميرين جو سمجهوتو ناهي ٿيڻ وارو: شيخ رشيد - بلاول ڀٽو زرداري جي بيان مان ملڪ دشمني ڪڍي ڏيکاريو: پيپلز پارٽي جو حڪومتي ميمبرن کي چئلينج - ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي - آزاد ڪشمير تي قبضي لاءِ مڪمل تيار آهيون، آخري فيصلو حڪومت ڪندي: ڀارتي آرمي چيف پاران ڌمڪي

Daily Archives: June 25, 2019

نيب ڪرپشن جي رقم سنڌ کان وڌيڪ ٻين صوبن مان اوڳاڙي ان باوجود سنڌ کي وڌيڪ ڪرپٽ صوبو چوڻ مذاق آهي: مراد علي شاهه

ڪراچي (اسٽاف رپورٽر) سنڌ جي وڏي وزير سيد مراد علي شاھھ چيو آھي تھ نيب پري بارگين ۽ رضاڪاراڻي طور تي واپس ڪندڙ ۾ سنڌ جي مقابلي ۾ ٻين صوبن مان برآمد ۽ وصول ڪيل رقم ڪئي ڀيرا وڌيڪ آھي پر ان جي باوجود سنڌ کي ملڪ جو سڀ کان وڌيڪ ڪرپٽ صوبو چيو پيو وڃي جيڪا ھڪ مذاق واري ڳالھھ آھي. ھن اھا ڳالھھ اڄ سنڌ اسيمبليءَ جي فلور تي بجيٽ بابت ڪيل سندس تقرير ۾ ڪئي، ھن 03:51 منٽن تي تقرير شروع ڪئي ۽ شام 06:06 منٽن تي تقرير کي ختم ڪيو، اھڙي ريت ھن ٻن ڪلاڪن کان وڌيڪ تقرير ڪئي. مراد علي شاھھ سندس تقرير شاھھ عبداللطيف ڀٽائيءَ جي ان شعر ”سائينم سدائين ڪرين مٿي سنڌ سڪار،. دوست مٺا دلدار، عالم سڀ آباد ڪرين.“ ھن چيو تھ ھُو ان ڳالھھ کي خراب نٿو سمجھي جيڪڏھن سندس تنقيد ڪئي وڃي پر ھو ڪنھن کي بھ ڌرتي ماءَ سنڌ تي تنقيد ڪرڻ جي اجازت نھ ڏيندو. سنڌ پيار، ڀائپي ۽ امن جي ڌرتي آھيڌ. ھن چيو تھ گذريل 45 کان 46 ڪلاڪن دوران 121 اسيمبلي ميمبرن بجيٽ تي ٿيندڙ بحث ۾ حصو ورتو. ھن چيو تھ پيپلز پارٽي جي 99 ميمبرن مان 62 ميمبرن تقريبن 20 ڪلاڪن دوران بجيٽ تي ٿيل بحث ۾ حصو ورتو، پي ٽي آءِ جي 30 ميمبرن مان 99 سيڪڙو ميمبرن بحث ۾ حصو ورتو، ايم ڪيو ايم جي 23 ميمبرن مان 19 ميمبرن بحث ۾ حصو ورتو جنھن مان انھن جي 90 سيڪڙو شرڪت ظاھر ٿئي ٿي، جي ڊي اي جي 14 ميمبرن مان 10 بحث ۾ حصو ورتو. ٽي ايل پي جي ٽن ميمبرن مان ٻن حصو ورتو. ھن چيو تھ ان مان ظاھر ٿئي ٿو مخالف ڌر کي بحث ۾ شرڪت ڪرڻ جو ڀرپور موقعو ڏنو ويو پر ان جي باوجود اھي چئي رھيا آھن ۽ شڪايت ڪري رھيا آھن تھ انھن کي تقرير ڪرڻ جي اجازت نھ ڏني وئي. مراد علي شاھھ چيو تھ قومي اسيمبليءَ ۾ بجيٽ تي 40 سيڪڙو بحث ڪئي وئي، پي ٽي آءِ جا 126 ميمبر آھن ۽ انھن کي 18 ڪلاڪ ڳالھائڻ جي اجازت ڏني وئي. پي ايم ايل (اين) جي 84 ميمبرن مان 30 سيڪڙو کي اجازت ڏني وئي. ھن چيو تھ پنجاب اسيمبليءَ ۾ 26 سيڪڙو ميمبرن کي بجيٽ بحث ۾ شرڪت جي اجازت ڏني وئي جڏھن تھ ڪي پي ڪي اسيمبلي ءَ 30 سيڪڙو ۽ بلوچستان اسيمبليءَ 14 سيڪڙو ميمبرن کي بجيٽ تي ٿيندڙ بحث ۾ شرڪت جي اجازت ڏني وئي. ھن چيو تھ سنڌ ۾ مخالف ڌر ۾ جيترو وڌيڪ بجيٽ تي ٿيل بحث ۾ شرڪت جو موقعو فراھم ڪيو ان مان اسان جي جمھوري سوچ جي عڪاسي ٿي رھي آھي. ھن چيو تھ اسان ملازمن جي پگھارن ۾ 15 سيڪڙو واڌ ڪئي جڏھن تھ وفاق 10 سيڪڙو واڌ ڪري 5 سيڪڙو ٽيڪس لاڳو ڪري ڇڏيو. چيو ويندو آھي تھ ڪي پي ڪي 13 ارب رپيا ۽ بلوچستان 6.5 ارب رپيا ٽيڪس وصول ڪندا آھن، سنڌ 193 بلين رپيا وصول ڪيا ان مان اندازو ٿي رھيو آھي تھ اسان جي ڪليڪشن وفاق کان وڌيڪ آھي. ڇا ايف بي آر 216 بلين رپين جي وصولي ڪئي آھي؟ پنجاب ھن سال 166 بلين وصوليون ڪيون جيڪي گذيل سال کان وڌيڪ ٻڌايون ويون. ھن چيو تھ اسان سوچيو تھ ھن سال جي 11 مھينن ۾ شايد بھتري آئي ھجي ھاڻ تھ شبر بھ اچي ويو آھي، ڪو بھ فرق نھ ايندو ڇاڪاڻ تھ مٿان کان ئي خرابي آھي. وفاق 3.27 ٽرلين وصوليون ڪيون آھن. 165 بلين ھن سال اسان وصول ڪيو آھي. اسان تي تنقيد ڪئي ويندي آھي تھ پنجاب ترقيءَ ۾ اسان کي اڳتي آھي تھ پنجاب جو ڊولپمينٽ بجيٽ بھ ڏسو جيڪو اسان کان ڪيترا ڀيرا وڌيڪ آھي. پنجاب حڪومت جي توجھھ پريزنٽيشن تي آھي ڪم تي نھ آھي. رنگ ھجي، ڊانس ھجي پر ملڪ تباھھ ٿئي. 2017ع ۾ پنجاب ۾ 635 بلين رپين جو بجيٽ ھو ھن سال 238 بلين رکيو ويو آھي. اسان فالو نھ ڪنداسين. اھڙي ڪارڪردگيءَ سان اسان ماڻھن کي بيوقوف نھ بڻائينداسين. 9 مھينن ۾ گذريل سال 389 ۽ ھن سال 108 ارب خرچ ڪيا آھن. اسان ڪجھھ سٺو ناھي ڪيو 138 ارب رپين جي بدران اسان 109 ارب رپيا گھٽ خرچ ڪيا آھن ڇاڪاڻ تھ وفاق کان منتقلي گھٽ ٿي آھي. 126 ارب رپيا گھٽ ملڻ ڪري اسان خرچ نھ ڪري سگھيا سين. ڪيپسٽي جي ڳالھھ ڪئي ويندي آھي. 252 بلين ھدف ھو، 126 ارب رپيا گھٽ ھوندا تھ ڪيئن خرچ ڪيا وڃن. 91.6 ارب ھن سال اسان خرچ ڪيا. خواجا صاحب اسيمبليءَ ۾ نھ آيو ايوان مان آواز آيو تھ کين طبيعت خراب آھي، ڌڻي سڳورو رحم ڪري، اڄ ڪيترن جي طبيعت خراب آھي. پي ٽي آءِ حڪومت ۾ ڊالر 121 رپين مان 157 رپين جو ٿي ويو. عام ماڻھو چوندو آھي اھو عذاب ڪڏھن ختم ٿيندو ۽ اھي چوندا آھن تھ خان آيو آھي. پي ايس ڊي مان سنڌ جون 36 رٿائون ختم ڪيون ويون. ڪراچيءَ جي ٽن اسپتالن کي وٺڻ لاءِ اسلام آباد مان نوٽيفڪيشن جاري ڪيو ويو، اڄ تائين وفاقي حڪومت جو اڃا تائين اين آءِ سي وي ڊي وٺڻ نھ آيو آھي. وفاقي حڪومت ڪراچيءَ جي ٽن اسپتالن لاءِ فنڊ ناھن رکيا. جي ڊي پي گروٿ بھتر ناھي ٿي، ڊالر جي مقابلي ۾ رپئي جي قدر ۾ ھڪ سال دوران ريڪارڊ گهٽتائي ٿي آھي. مون کي چيو ويو تھ وزيراعظم ڪي فور بابت اجلاس گھرايو آھي اوھان تياري ڪري اچو، اجلاس واري ڏينھن ٻھ ڪلاڪ اڳ ٻڌايو ويو تھ اجلاس ڪينسل ڪيو ويو آھي ۽ اڄ تائين اھو اجلاس ناھي گھرايو ويو آھي. نيب جي ويب سائيٽ مطابق ڪي پي ڪي ۾ 114 ڪيسز آھن جيڪي بارگينگ جا آھن. بلوچستان ۾ 46 ڪيسز، پنجاب ۾ 170 ڪيسز ۽ سنڌ ۾ 69 ڪيسز آھن. ھن ايوان ۾شعر ۽ شعري تھ گھڻي ڪئي وئي مون بھ لکيا آھن پر مان نھ پڙھندس. ھن چيو تھ مان تمام گھڻو ٿورائتو آھيان پنھنجي ليڊرشپ ۽ عوام جو جن اعتماد ڪيو آھي. صوبي جي رھواسين جو ٿورائتو آھيان جن پيپلز پارٽيءَ جي چونڊ ڪئي. اللھ پاڪ جي مھرباني آھي مون ڪيترائي ڀيرا بجيٽ پيش ڪيو آھي اھو مون لاءِ اعزار واري ڳالھھ آھي. سنڌ اسيمبليءَ جي اسپيڪر بھترين طريقي سان اجلاس ھلائڻ تي سلام پيش ڪريان ٿو. ڪرپشن جي نالي تي سنڌ کي ھٿرادو طور تي بدنام ڪيو ويو. نيب ۾ سڀ کان وڌيڪ ڪيس پنجاب ۾ آھن. ڪي پي ڪي ۽ بلوچستان مان ڪيترائي ڪيس آفيسرن تي بڻايا ويا. نيب ۾ رضاڪاراڻي واپسي ۽ پلي بارگين ۾ بھ سنڌ جي شرح گھٽ آھي سنڌ سان گڏ ٻين صوبن جي مقابلي ۾ تعصب وارو رويو رکيو ويو آھي. ايف بي آر جو ڊيٽا محفوظ نھ آھي بلڪھ تمام غيرمحفوظ آھي. نئون ديرو شگر ملز 2002ع ۾ پرائيوٽائيز ڪئي وئي. نئون ديرو شگر ملز ۾ قائم علي شاھھ کي گھرايو ويندو آھي. نئون ديرو شگر ملز جي نجڪاري مشرف دور ۾ ٿي، ڇا مشرف کان ڊڄي رھيا آھي؟ نئون ديرو شگر ملز ڪيس ۾ مشرف ۽ ان وقت جي ناڻي واري وزير کي بھ گھرايو وڃي. سنڌ پيار ڪرڻ وارن جي ڌرتي آھي جنھن ڌرتيءَ تي اوھان رھندا آھيو ان جي خوشحاليءَ جي ڳالھھ ڪريو. اسان تمام ميمبرن کي بجيٽ تي ڳالھھ ڪرڻ جو ڀرپور موقعو فراھم ڪيو.

 

 

شڪارپور ۾ ڪار ۽ ڪوچ ۾ ٽڪر 3 عورتن سميت 6 ڄڻا فوت، 20 زخمي

شڪارپور (اين اين آءِ) شڪارپور ۾ خانپور انڊس هاءِ وي تي ڪار ۽ ڪوچ ۾ ٽڪر جي نتيجي ۾ ڪار ۾ سوار ٽن عورتن سميت 6 ڄڻا فوت جڏهن ته 20 زخمي ٿي پيا حادثي ۾ ڪار مڪمل طور تي تباهه ٿي ويئي. جڏهن ته مسافر ڪوچ کي سخت نقصان پهتو واقعي کان پوءِ مسافر ڪوچ جو ڊرائيور فرار ٿي ويو پوليس موجب خانپور انڊس هاءِ جي نملاڙو جي جڳهه تي مسافر ڪوچ ۽ ڪار ۾ ٽڪر ٿيو حادثي ۾ هڪ ئي خاندان جي پنجن ڄڻن سميت 6 ڄڻا فوت ٿي ويا. جڏهن ته ڪوچ ڪلٽي ٿيڻ سان 20 مسافر زخمي ٿي پيا حادثي کان پوءِ علائقي واسين پنهنجي مدد پاڻ تحت لاشن کي ڪار مان ڪڍي تعلقي اسپتال خانپور منتقل ڪيو ويو. جڏهن ته زخمين کي به خانپور اسپتال ۽ سول اسپتال شڪارپور منتقل ڪيو ويو آهي.

 

آئين ۾ اهڙو ڪو به شرط ناهي ته سزا مليل شخص پارٽي عهدو نه ٿو رکي سگهي: مريم نواز

اسلام آباد ( ويب ڊيسڪ ) مسلم ليگ ن جي نائب صدر مريم نواز پارٽي عهدي خلاف درخواست تي پنهنجي لکت جواب ۾ چيو آهي ته آئين ۽ اليڪشن ايڪٽ ۾ اهڙو ڪو به شرط ناهي ته سزا کاڌل ماڻهو پارٽي عهديدار نه ٿو رهي سگهي.  اليڪشن ڪميشن مريم نواز جي سياسي عهدي خلاف تحريڪ انصاف جي درخواست تي ٻڌڻي ڪئي. مسلم ليگ ن طرفان جواب جمع نه ڪرايو ويو. مسلم ليگ ن جي وڪيل موقف اختيار ڪيو ته  درخواستگذار مريم نواز  جي پارٽي نائب صدر طور مقرري تي پريس ڪلپنگز ڏنيون آهن ان بابت نوٽيفڪيشن پيش نه ڪيو آهي. مريم نواز پنهنجي جواب ۾ چيو ته آئين ۽ اليڪشن ايڪٽ ۾ اهڙو ڪو به شرط ناهي ته سزا مليل شخص پارٽي جو عهدو نه ٿو رهي سگهي، آمريت ۾ عوامي نمائندن  کي چونڊڻ کان روڪڻ لاءِ اهڙي قسم جا قانون جوڙيا ويا، سياسي پارٽين جي آرڊر 2002ع ۾ شق رکي وئي ته سزا مليل شخص پارٽي عهدو نه ٿو رکي سگهي، پارليامينٽ اليڪشن ايڪٽ 2017ع ۾ ان شق کي ختم ڪيو ويو هو. مريم نواز چيو ته سپريم ڪورٽ جا فيصلا اليڪشن ڪميشن تي لاڳو نه ٿا ٿين، تنهن ڪري نواز شريف بابت سپريم ڪورٽ جو فيصلو هتي لاڳو نه ٿو ٿي، مليحا بخاري ۽ ٻيا درخواست گذار متاثر ڌر نه آهن تنهن ڪري درخواست نه ٻڌڻ جوڳي آهي تنهن کي خارج ڪيو وڃي.

 

نوري آباد لڳ ڪار ۽ ٽرالر ۾ ٽڪر، موري واسي 2 سڳا ڀائر فوت، 3 زخمي

ڪوٽڙي (رپورٽر) نوري آباد ڀرسان حادثي ۾ مورو واسي 2 ڀائر فوت ۽ 3 ڄڻا زخمي ٿي پيا. سُپر هاءِ وي وٽ تيز رفتار ڪار ۽ ٽرالر ۾ ٽڪر ٿيو، جنهن جي نتيجي ۾ مورو واسي 2 ڀائر وزير علي ۽ الهڏنو فوت ٿي ويو، جڏهن ته 3 ڄڻا تحصيل جتوئي، عرفان ملاح ۽ نثار احمد زخمي ٿي پيا. فوتين جا لاش ۽ زخمين کي ڄامشورو اسپتال منتقل ويو. ڪار سوار موري کان ڪراچي وڃي رهيا هئا ته حادثي جو شڪار ٿي ويا.

 

پوڻا 6 ارب رپيا ڪرپشن ريفرنس: شرجيل ميمڻ جي ضمانت منظور، آزاد ڪرڻ جو حڪم، اڳوڻي وزير پاران خوشي جو اظهار

ڪراچي (اين اين آءِ) سنڌ هاءِ ڪورٽ سنڌ جي اڳوڻي سڌسماءِ واري کاتي ۾ پوڻا 6 ارب ڪرپشن ريفرنس ۾ پاڪستان پيپلزپارٽي جي اڳواڻ شرجيل انعام ميمڻ جي ضمانت منظور ڪندي جيل کان ازاد ڪرڻ جو حڪم ڏنو آهي اڱاري تي عدالت شرجيل انعام ميمڻ جي ضمانت واري درخواست تي محفوظ ٿيل فيصلو ٻڌائيندي کيس جيل کان آزاد ٿيڻ جو حڪم ڏنو آهي عدالت شرجيل ميمڻ جو نالو اي سي ايل ۾ شامل ڪرڻ ۽ جوابدار کي 50 لک رپين جي ضمانت جمع ڪرائڻ جو حڪم به ڏنو هو جسٽس ڪريم خان آغا ۽ جسٽس عمر سيال تي ٻڌل ٻه رڪني بئنچ فيصلو ٻڌايو ته شرجيل ميمڻ جي وڪيل پنهنجي دليلن ۾ چيو ته شرجيل ميمڻ 2017 کان جيل ۾ آهي ڪيس جي ميرٽ تي درخواست داخل ڪئي اهي ايتري عرصي ۾ شرجيل ميمڻ جي خلاف 50 شاهدن مان صرف 3 شاهدن بيان قلمبند ڪرايو آهي شرجيل ميمڻ جي وڪيل چيو ته ان جي مئوڪل تي اشتهار مهانگا ڏيڻ جو الزام آهي وفاقي حڪومت جي اشتهارن جي نئين لسٽ موجب اشتهارن جي رقم پهريان به ان کان وڌيڪ آهي نيب پراسيڪيوٽر پنهنجي دليلن ۾ چيو ته شرجيل ميمڻ تي اختيارن جي ناجائز استعمال جو الزام آهي اسان کي شرجيل ميمڻ نه پر سنڌ حڪومت جي خلاف شڪايت موصول ٿي هئي. شرجيل ميمڻ ميڊيا سان ڳالهائيندي چيو ته خوش اهيان ته 21 مهينن کان پوءِ عدالت ضمانت منظور ڪئي آهي مون کي عدالتن تي مڪمل اعتماد آهي نالو اي سي ايل ۾ شامل آهي مان ڀڄي نه رهيو آهيان.

 

بالي ووڊ اداڪاره پريانڪا چوپڙا ٻيهر تنقيد جو سبب بڻجڻ لڳي

ممبئي (شوبز نيوز) اداڪاره پريانڪا چوپڙا انهن ڪجهه اداڪارن مان هڪ آهي، جيڪي سدائين خبرن جي زينت بڻيل رهندا آهن. ڪجهه ڏينهن اڳ نيويارڪ ۾ مڙس نڪ جونس سان گڏ اهڙو نيڪر پهري ٻاهر نڪري آئي، جو انٽرنيٽ صارف سندس مذاق اڏائڻ لڳا. ٽائمز آف انڊيا جي رپورٽ موجب فوٽوگرافرن پريانڪا جون مختصر نيڪر ۾ تصويرون سوشل ميڊيا تي رکيون ته اداڪاره مٿان تنقيد ٿيڻ لڳي، بلڪل اهڙو ئي خاڪي نيڪر ڀارت جي هندو انتهاپسند تنظيم راشٽريه سيوڪ سنگهه (آر ايس ايس) جا ڪارڪن /ڏسو صفحو 6 بقايا نمبر 27

به پهريندا آهن، صارف لکيو ته وزيراعظم نريندر مودي جي راڄ ۾ آر ايس ايس جو ڪم ٿي رهيو آهي. هڪ ٻئي صارف لکيو ته اداڪاره آر ايس ايس جي گڏجاڻي ۾ شرڪت لاءِ وئي هئي، هاڻ پريانڪا به وزيراعظم بڻجندي.

 

سپر ماڊل ۽ اداڪاره آمنه الياس پاڪستاني فلمن جو مستقبل روشن قرار ڏئي ڇڏيو

لاهور (شوبز نيوز) سپر ماڊل ۽ اداڪاره آمنه الياس پاڪستاني فلمن جو مستقبل روشن قرار ڏئي ڇڏيو. جاندار ڪهاڻي، مضبوط ڊائلاگ ۽ /ڏسو صفحو 6 بقايا نمبر 24

بهترين موسيقي ذريعي فلم کي پاڪستان سان گڏ انٽرنيشنل مارڪيٽ ۾ به نمايان ڪري سگهجي ٿو. شوبز ويب سائيٽ سان ڳالهائيندي آمنه الياس جو چوڻ هو ته پاڪستان ۾ ٽيلنٽ جي کوٽ ناهي پر نوجوان فنڪارن ۽ ٽينڪنيڪل ماڻهن کي بهتر موقعا فراهم ڪرڻ لازمي آهي. هن چيو ته دنيا ۾ ترقي ڪندڙ شوبز انڊسٽريز نوجوانن کي ترجيح ڏني، پاڪستاني فلم انڊسٽري کي مضبوط ڪرڻ لاءِ به نوجوان نسل کي اڳتي آڻڻو پوندو.

سڄي دنيا جي ترقي ڪندڙ فلم انڊسٽريز جو جائزو ورتو وڃي ته ان جي ترقي ۾ سڀ کان اهم ڪردار نوجوانن جو آهي، مان ان ڳالهه کان بلڪل انڪار نه ٿي ڪريان ته سينيئرز جو ڪردار نهايت اهم آهي. هن چيو ته هن وقت پاڪستاني فلم انڊسٽري ڏکئي وقت مان گذري رهي آهي پر مون پاڪستاني انڊسٽري جو مستقبل روشن نظر اچي رهيو آهي، ڇاڪاڻ ته وسيلن جي گهڻي کوٽ باوجود اسان معياري ڪم ڪري رهيا آهيون.

 

شڪيب جي بهترين آل رائونڊ ڪارڪردگي، افغانين کي لاڳيتي ستين شڪست

سائوٿموپٽن (اسپورٽس نيوز) ورلڊ ڪپ 2019 جي رائونڊ ميچ ۾ بنگلاديش جي ٽيم افغانستان کي 62 رنسن تان شڪست ڏئي ڇڏي.عالمي ڪپ جي مجموعي طور 31هين ميچ سائوٿموپٽن ۾ کيڏي وئي، جنهن ۾ بنگلاديش /ڏسو صفحو 6 بقايا نمبر 03

جي ٽيم ٽاس هارائڻ کانپوءِ دعوت ملڻ تي پهريان بيٽنگ ڪندي مقرر اوورن ۾ 7 وڪيٽن جي نقصان تي 262 رنسون ٺاهيون.مشفق الرحيم 83 رنسن سان ٽاپ اسڪورر رهيو، جڏهن ته شڪيب الحسن 51، تميم اقبال 36، مصدق حسين 35، محمود الله 27 ۽ لٽن داس 16 رنسون ٺاهيون.افغانستان طرفان مجيب الرحمان 3، گلبدين نائب 2، جڏهن ته داولت زدران ۽ محمد نبي هڪ – هڪ وڪيٽ ورتي.جواب ۾ افغانستان جي ٽيم 47 اوورن ۾ 200 رنسن تي آئوٽ ٿي وئي.سميع الله شنواري 49 ۽ ڪپتان گلبدين نائب 47 رنسن سان ٽاپ اسڪورر رهيا. ٻين رانديگرن ۾ رحمت شاهه 24، نجيب الله زدران 23، اصغر افغان 20،  حشمت الله شاهدي ۽ اڪرام علي خل ترتيب وار 11-11 رنسون ٺاهيون.بنگلاديش طرفان شڪيب الحسن بهترين بالنگ ڪرائيندي 5 شڪار ڪيا، جڏهن ته مستفيض الرحمان 2، محمد صيف الدين ۽ مصدق حسين هڪ – هڪ وڪيٽ ورتي.شڪيب الحسن کي بهترين آل رائونڊ ڪارڪردگي تي مين آف دي ميچ قرار ڏنو ويو.

 

ويسٽ انڊين ٽيم آندري رسل جي خدمتن کان محروم

جميڪا (اسپورٽس نيوز) ويسٽ انڊين ڪرڪيٽ ٽيم کي وڌو ڌڪ لڳو آهي ۽ اها ورلڊ ڪپ ۾ بهترين آل رائونڊر آندري رسل جي خدمتن/ڏسو صفحو 6 بقايا نمبر 01

کان محروم ٿي وئي آهي.آندري رسل گوڏي جي انجريءَ جو شڪار ٿيو هو، جنهن جي ورلڊ ڪپ کان ٻاهر ٿيڻ جي تصديق ٿي وئي آهي.ويسٽ انڊين ٽيم آندري رسل جي جاءِ تي سنيل امبريس کي اسڪواڊ ۾ شامل ڪيو آهي.آندري رسل پنهنجي جارحاڻي بيٽنگ سبب شهرت رکي ٿو ۽ سندس ورلڊ ڪپ کان ٻاهر ٿيڻ ويسٽ انڊين ٽيم لاءِ وڏو ڌڪ آهي.واضح رهي ته سنيل امبريس گذريل مهيني آئرلينڊ خلاف 148 رنسن جي شاندار اننگز کيڏي هئي.