تازيون خبرون
حڪومت جي يو آءِ سان ڳالهين لاءِ راضي، مولانا وزير اعظم جي استعيفيٰ جو شرط رکي ڇڏيو - اهي ماڻهو ضد تي آهن ته آئين ٽوڙيو وڃي، آئين جي ابتڙ ڪوبه ڪم ٿيڻ نه ڏينداسين: مراد علي شاهه - غريبن جي پئسن مان بنگلا ٺهرائيندڙن لاءِ 4-5 ڪروڙ رُپيا جمع ڪرائڻ ڪو مسئلو نه آهي: عدالت - موري  ڀرسان بس ڪلٽي، 6 ڄڻا فوت، 35  زخمي - مسلم امت جو گڏيل اتحاد ۽ اتفاق خطي ۾ امن ۽ معاشي استحقام جو ضامن آهي: فردوس عاشق اعواڻ - شاهي جوڙي جو چترال پهچڻ تي شاندار استقبال، روايتي ٽوپي پهرائي ويئي - مون کي يقين آهي ته ڌرڻو نه هنيو ويندو، سولائي سان ڌرڻي جي اجازت نه ملندي: شيخ رشيد - پ پ چونڊن دوران ڪيل واعدا پاڙي رهي آهي، صحافين جي جان مال جي تحفط  لاءِ  قانون جوڙي رهيا  آهيون: سعيد غني - حمزه شهباز کي ميڊيا سان ڳالهائڻ کان روڪڻ ۽ صحافين تي تشدد جي مذمت، ملڪ تي عمران سوچ مڙهيل آهي:مريم اورنگزيب - نيب انور مجيد سوڌو ٻين جوابدارن خلاف ريفرنس داخل ڪرڻ ۽ ايس بي سي اي ۽ ڪي ايم سي خلاف جاچ جي منظوري ڏئي ڇڏي

Daily Archives: June 22, 2019

ڪرپشن کان پوءِ ٽيڪس چورن جو وارو، قومي ناڻو ڦريندڙن کي احتساب جي عمل مان گذرڻو پوندو: عمران خان

اسلام آباد(ويب ڊيسڪ) وزير اعظم عمران خان قوم جي نالي پنهنجو پيغام ڏيندي چيو آهي ته ڪرپشن کان پوءِ ٽيڪس چوري جي خلاف ڪارروائي ڪئي ويندي. حڪومت طرفان متعارف  ڪرايل ٽيڪس ايمنسٽي جي حوالي سان قوم جي نالي پيغام ۾ وزير اعظم جو چوڻ هو ته توهان جي لاءِ اهم اسڪيم کڻي آيو آهيان ۽ توهان وٽ اثاثا ظاهر ڪرڻ جو سنهري موقعو آهي. وزير اعظم عمران خان چيو ته 30 جون تائين پنهنجا اثاثا ڊڪليئر ڪيو ۽ ٽيڪس ڏيو ۽ ان اسڪيم جي تحت توهان پنهنجا سمورا اثاثا ظاهر ڪري سگهو ٿا. سندس چوڻ هو ته اسان قرضن جي دلدل ۾ ڦاسي پيا آهيون ۽ قوم کي حڪومت جو ساٿ ڏيڻو پوندو ڇو ته اسان کي ايندڙ 5 سالن تائين ساڍا 5 ارب رپيا گهربل آهن. وزير اعظم چيو ته ٽيڪس جي چوري ختم ڪري ئي قرضن مان ڇوٽڪارو ملي سگهي ٿو. عمران خان پنهنجي پيغام ۾ چيو ته ڪرپشن ڪندڙن کي نه ڇڏينداسين ۽ هاڻ ٽيڪس چوري کي به منهن ڏيڻو آهي. نوٽ: هي شروعاتي خبر وڌيڪ تفصيل شامل ڪيا پيا وڃن.

ٻئي پاسي وزيراعظم عمران خان چيو آهي ته قومي ناڻو ڦريندڙن کي احتساب جي عمل مان گذرڻو پوندو. وزيراعظم عمان خان سان مسلم ليگ ق جي صدر شجاعت حسين ملاقات ڪئي. ملاقات ۾ پرويز الاهي، طارق بشير چيما،  مونس الاهي، جهانگير ترين موجود هئا. ملاقات ۾ چوڌري پرويز الاهي بجيٽ جي حمايت جي خاطري ڪرائيندي چيو ته مرڪز ۽ صوبي ۾ بجيٽ منظور ڪرائڻ ۾ پنهنجو ڀرپور ڪردار ادا ڪنداسين. ملاقات دوران وزيراعظم عمران خان چيو ته حڪومت جي غير مشروط حمايت تي مسلم ليگ ق جي قيادت جو ٿورائتو آهيان، اتحادين کي گڏ کڻي هلنداسين، قومي دولت ڦريندڙن کي احتساب جي عمل مان گذرڻو پوندو. ق ليگ وزيراعظم سان پنهنجي خدشن جو اظهار ڪندي ٻڌايو ته  ڪيل واعدن تي اڃا تائين عمل نه ٿي سگهيو آهي جڏهن ته مسلم ليگ ق مونس الاهي کي وفاقي ڪابينا شامل ڪرڻ جو مطالبو ڪيو. ٻئي طرف ميڊيا سان ڳالهائيندي پرويز الاهي چيو ته وزيراعظم سان ملاقات خوشگوار ماحول ۾ٿي،  ق ليگ بجيٽ ۾ حڪومت جي مڪمل حمايت ڪندي.

 

گڏيل قومن پرڏيهي اهلڪارن جي فيمليز جي پاڪستان ۾ ترسڻ تي پابندي کڻي ڇڏي

نيويارڪ ( ويب ڊيسڪ ) گڏيل قومن پرڏيهي اهلڪارن جي فيمليز جي پاڪستان ۾ ترسڻ تي پابندي کڻي ڇڏي آهي.  گڏيل قومن جي اداري انٽرنيشنل سول سروس ڪميشن  پاڪستان جي مستقل سفير مليحا لوڌي کي خط ذريعي آگاهه ڪيو ته 14 جون کان پاڪستان لاءِ نان فيملي اسٽيشن جو درجو ختم ڪيو ويو آهي. خط موجب اهڙو فيصلو  گڏيل قومن جي سيڪريٽري جنرل سيفٽي ۽ سڪيورٽي بابت اداري جي سفارشن جي روشني ۾ ڪيو آهي جنهن پاڪستان جي گادي واري هنڌ اسلام آباد جي سڪيورٽي جو مڪمل جائزو ورتو. خط ۾ چيو ويو آهي ته گڏيل قومن جي اهلڪارن جي فيملي تي لاڳو پابندي ختم ڪئي وئي آهي جنهن کانپوءِ اهلڪارن جي فيملي هاڻي پاڪستان ۾ رهي سگهي ٿي. گڏيل قومن ۾ پاڪستان جي مستقل سفير مليحا لوڌي ان حوالي سان گڏيل قومن جي فيصلي جي آجيان ڪندي چيو ته هڪ هاڪاري عمل آهي جنهن لاءِ هنن سڀني گڏجي ڪم ڪيو آهي.  پرڏيهي وزير شاهه محمود قريشي اهڙي فيصلي جي آجيان ڪندي چيو ته اها هڪ سٺي خبر آهي جنهن جو بنياد مضبوط سڪيورٽي تي غور ۽ ويچار آهي. پرڏيهي وزير شاهه محمود قريشي چيو آهي ته اسلام آباد کي ٻيهر نوٽيفڪيشن ذريعي فيملي اسٽيشن قرار ڏنو ويو آهي،گڏيل قومن جو اهڙو فيصلو وڏي  ڪاميابي آهي. اسلام آباد ۾ ميڊيا سان ڳالهائيندي شاهه محمود قريشي چيو ته 208ع ۾ ميرٽ هوٽل ۾ ڌماڪو ٿيو، واقعي کانپوءِ سفارتخانن ۽ گڏيل قومن جي آفيسن ۾ پريشاني هئي، گڏيل قومن پاڪستان کي نان فيملي اسٽيشن قرار ڏنو اهو سلسلو 10 سالن تائين جيئن جو تيئن برقرار رهيو. هن چيو ته صورتحال سنڀالڻ ۽ دهشتگردي کي شڪست ڏيڻ ۾ ڪاميابي ملي، پرڏيهي وزارت زور ڀريو ته هاڻي سڪيورٽي بهتر ٿي چڪي آهي،گڏيل قومن کي پنهنجي فيصلن تي نظرثاني ڪرڻ گهرجي، گڏيل قومن جامع تحقيق ڪئي ۽ اسان جي تجربي سان اتفاق ڪيو. سندس چوڻ هو ته هاڻي پاڪستان ۽ اسلام آباد ۾ سڪيورٽي جي صورتحال بهتر ٿي چڪي آهي،اسلام آباد کي ٻيهر نوٽيفڪيشن ذريعي فيملي اسٽيشن قرار ڏنو ويو آهي.  شاهه محمود قريشي چيو ته گڏيل قومن جو فيصلو وڏي ڪاميابي آهي، نوٽيفڪيشن عالمي ادارن جو پاڪستان تي اعتماد آهي. هن چيو ته  فيصلي سان اعتماد سازي سيڙپڪاري کي به ٿي ملندي،  ڪوشش هئڻ گهرجي ته سيڙپڪاري وفد ٻطرفي واپار کي وڌائن. شاهه محمود قريشي چيو ته ويزا لبرائيشن سان وڏي اميد آهي ته اقتصادي چرپر بهتر ٿيندي، ڪلائنٽس لاءِ ملڻ لاءِ دبئي وڃڻو پوندو هو هاڻي سولائي سان هتي اچي سگهندو.

 

اثاثا ظاهر ڪرڻ جي اسڪيم لاءِ آن لائن پروفائيل سسٽم جاري

اسلام آباد (اين اين آءِ) ايف بي آر جي چيئرمين شبر زيدي اثاثا طاهر ڪرڻ جي اسپيڪ لاءِ آن لائين پرفائيل سسٽم متعارف ڪرائي ڇڏيو جمعي تي مملڪتي وزير عماد اظهر سان گڏ پريس ڪانفرنس ڪندي ايف بي آر جي چيئرمين شبر زيدي چيو آهي ته اڄ کان وٺي ڊيٽا جي ڄاڻ عوام کي ڏني ويئي آهي اسان وٽ ٽريولنگ، يوٽيلٽي بل، بئنڪ ٽرانزيڪشن جي ڊيٽا موجود آهي شهري سڃاڻپ ڪارڊ جي بنياد تي پنهنجي باري ۾ عام لائين معلومات وٺي سگهندا. موجود ڊيٽا کان علاوه اضافي معلومات جي بنياد تي ٽيڪس اسٽيٽمينٽ هوندي. هن چيو ته ايمنسٽي اسڪيم جي لاءِ پنهنجي سڃاڻپ ڪارڊ ۽ موبائيل فون نمبر جي بنياد تي ويب سائيٽ تي ڊيٽا انٽري ممڪن ٿيندي ڪوبه ماڻهو ڪنهن ٻئي جو پروفائيل استعمال نه ڪري سگهندو. هن ٻڌايو ته نادره جي مدد سان سمورن شهرين جي معاشي سرگرمين جي ڊيٽا حاصل ڪئي ويئي آهي. بئنڪ ٽرازيڪشن ۽ يوٽيليٽي بل سميت سموري معلومات ايف بي آر وٽ آهي. ايف بي آر جي چيئرمين چيو ته ڪنهن جي به ذاتي معلومات ڪو ٻيو شخص حاصل نه ڪري سگهندو آن لاين پروفائيل سسٽم ۾ سيڪيورٽي فيوچرز جو به خيال رکيو ويو آهي. ان موقعي تي مملڪتي وزير حماد اظهر چيو ته ايف بي آر وٽ 5 ڪروڙ 30 لک ماڻهن جي ڊيٽا موجود آهي ان ڊيٽا جي بنياد تي نوٽيس به جاري ڪري سگهجن ٿا. هن چيو ته گذريل 10 سالن کان ٻه حڪومت ڪوڙ ڳالهائينديون رهيون. انهن ڪوبه ڊيٽا بيس تيار نه ڪيو هو پر موجوده حڪومت ساڍا پنج لک ماڻهن جو ڊيٽا تيار ڪيو آهي. شبر زيدي چيو ته سموري معلومات ايف بي آر ۽ نادره وٽ آهي. ماڻهو پنهنجا اثاثا ۽ ان جي تفصيل ايف بي آر جي ويب سائيٽ ۽ نادره جي ويب سائيٽ تي ڏسي سگهن ٿا. هن چيو ته ايمنسٽي اسڪيم ۾ ٽائيم گهٽ نه آهي ماڻهو فائدو وٺندا. اخيتارين ٻڌايو ته ڊيٽا جي تحفظ لاءِ قدم کنيا ويا آهن نادره اختيارن موجوب نادره جي ويب سائيٽ ۾ صرف انفرادي معلومات ملندي ايف بي آر اختيارين ٻڌايو ته ايف بي آر وٽ بئنڪ اڪائونٽس گهر دڪان ۽ پلاٽ ڪارون بجلي ۽ فون جا بل ڊيبٽ ڪارڊ ۽ پرڏيهي دورن جي تفصيل حاصل آهي.

 

عمران خان ٻڌي ڇڏي ته ڀاڙي جي ماڻهن سان ايجنڊا مڪمل نه ٿيندي: ن ليگ

اسلام آباد (اين اين آءِ) پاڪستان مسلم ليگ (ن) جي پارلياماني ليڊر خواجه محمد آصف ايندڙ مالي سال 2019-20 جي بجيٽ تي حڪومت کي سخت تنقيد جو نشانو بڻائيندي چيو آهي ته عمران خان ٻڌي ڇڏي ته ڪرائي جي ماڻهن کان ايجنڊا مڪمل نه ٿيندو ان جو پاڪستان ۾ ڪوبه اسٽيڪ نه آهي انهن جون ڏور ڪٿان کان هلائي وڃي ٿي توهان تنقيد ڪيو ٿا ته اهي علاج لاءِ ٻاهر وڃن ٿا ۽ توهان معيشت جو علاج ٻاهران ڪرائي رهيا آهيو ۽ ماضي جا ناڪام ماڻهو ٻاهران وٺي آيا آيو ٺاهه جي ڳالهه ڪئي وڃي ته چيو وڃي ٿو ته اين آر او گهري رهيا آهن نوازشريف جون پاڙون ڏينهون ڏينهن مضبوط ٿي رهيون آهن اسان مخالفن سان ڪوبه اهڙو ورتاءُ نه ڪيو هو آئين جي حرمت کي پائمال ڪيو ويو ته وفاق کي خطرو ٿيندو پارليامينٽ جي ڪشيدگي ۾ انهن ماڻهن جو ڪردار ۽ انهن جو هٿ آهي جيڪي پنهنجون وفاداريون تبديل ڪري ڇڏين ٿا چور دروازن کان سياسي پارٽين ۾ اچڻ وارن جو اڳين سيٽن تي ويهارڻ ڳڻتي جوڳي ڳالهه آهي منهنجو واسطو ضياءالحق سان هو اڄ ڏينهن تائين ان جي خلاف هڪ جملو به نه ڳالهايون اسان جي اکين ۾ شرم ۽ حياء آهي اڄ به اهڙا ماڻهو آهن جن پهريان بيت ورتي اڄ تقرير ڪري انهيءَ ليڊر کي گاريون ڏين ٿا جمعي تي قومي اسيمبلي جو اجلاس اسپيڪر اسد قيصر جي صدارت ۾ ٿيو جنهن ۾ بجيٽ تي بحث جو سلسلو جاري رهيو ۽ اپوزيشن ميمبرن پاران حڪومت تي تنقيد ڪئي وئي ليگي اڳواڻ خواجه آصف بجيٽ تي بحث ڪندي چيو ته اسان ٺاهه صفائي يا امن جي ڳالهه ڪيون ٿا ته ان جو مطلب ڪجهه ٻيو ورتو پيو وڃي. اين آر او وٺڻ جو الزام لڳايو پيو وڃي پر اسان خلوص سان گڏ چاهيون ٿا ته اها اسيمبلي عزت ۽ وقار سان هلي ڇو ته ان جي مقابلي ۾ جڏهن سينيٽ جي ڪارروائي ڏسندا آهيون ته سڪون ملندو آهي ڇو ته اتان جي حالت ڪجهه بهتر آهي مسلم ليگ (ن) جي اڳواڻ چيو ته جيڪڏهن اسان سان گڏ ايوان ۾ ڪشيدگي جو ماحول نه بڻايو وڃي ته اسان وٽ ڪوبه سبب نه آهي ته اسان ان جي ڪارروائي ۾ ڪا رڪاوٽ وجهون ڇو ته ايوان جي ڪشيدگي سان سڄي ملڪ ۾ اهڙي فضا ڦهلجي وڃي ٿي پنهنجي قائد نوازشريف جو ذڪر ڪندي هن چيو ته جهڙي طرح نوازشريف کي هٽايو ويو ۽ سندس کي قيد ڪيو ويو ان جي باوجود ان جون پاڙون ڏينهون ڏينهن مضبوط ٿي رهيون آهن خواجه آصف چيو ته جڏهن آئين ضد ۾ اچي ويندو يا ان جو احترام نه ڪيو ويندو ۽ ان جي حرمت کي پائمال ڪيو ويندو ته پوءِ وفاق کي خطرو ٿيندو. ملڪ جي وحدت کي خطرو ٿيندو هن چيو ته نوازشريف کي ڪابه لالچ نه آهي جو هو چوٿيون ڀيرو ملڪ جو وزيراعظم بڻجي اهو پاڪستان جي عوام جو حق آهي ته هو اسان جي پارٽي کي اقتدار ڏي ٿي يا نه. اهو معاملو عوام تي ڇڏيو ويندو آهي. هن چيو ته اسان جي جدوجهد ۾ ميثاق جمهوريت جو سنگ ميل آيو عدليه بحالي جي جدوجهد جو سنگ ميل آيو، خواجه آصف چيو ته نوازشريف هن ملڪ کي انڌيرن مان ڪڍيو هن چيو ته اڄ اقتدار جي ڪرسين تي ويٺل ماڻهن کي ڏٺو وڃي ته سڀاڻي هو اسان پاران به ڳالهائڻ عزت افزائي سمجهندا هئا جڏهن ته ان کان اڳ هو شوڪت عزيز جي حڪومت ۾ ڳالهائڻ عزاز سمجهندا هئا ان عمل کي ختم ڪرڻ گهرجي جيڪڏهن سياست جو احترام بحال ڪرڻو آهي ته اهڙن ماڻهن کي پارٽي ۾ اها جاءِ نه ڏيو جيڪا رسوائي جو سبب بڻجي. خواجه آصف چيو ته ذاتي مفادن لاءِ وفاداريون تبديل نه ٿيڻ گهرجن. هن چيو ته اسان جي معيشت جو زوال رڪيل نه آهي حڪومت جي ايڏي وڏي معاشي ٽيم جي هوندي معيشت ڪري پئي. اسان ان لسٽ مان نه نڪتاسين پر هن بليڪ لسٽ کان بچڻ لاءِ اسان کي وقت ڏنو آهي هاڻي ته اورسيز پاڪستاني به ڪنن ۾ هٿ وجهن ٿا. هن چيو ته حڪومت جي پهرين صف ۾ مسافر ويهن ٿا هن چيو ته ناڻي واري وزير کان پڇا ڪئي ويئي ته هو جڏهن به اقتدار مان خارج ٿيو هن پنهنجو وقت ڪٿي گذاريو بجيٽ بحث ۾ حصو وٺندي حڪومتي ميمبر فخر امام چيو ته زراعت جي شعبي کي پهريون ڀيرو ڪنهن سنجيدگي سان ورتو آهي هن چيو ته آبادي جي لحاظ کان اسان پنجين نمبر تي آهيون پر معاشي طور تي تمام پوئتي آهيون. آءِ ايم ايف مان جان ڇڏائڻ لاءِ واحد فصل ڪپهه جو آهي هن چيو ته تماڪ تي لڳايل ٽيڪس به گهٽ ڪيو وڃي. مڊل مين جو ڪردار گهٽ کان گهٽ رکيو وڃي حڪومت جي اتحادي پارٽي ايم ڪيو ايم جي اسامه قادري چيو ته آصف علي زرداري ٻڌائي ته ماضي ۾ ان جي اڪثريت ۽ سوچ جي سطح نه هجڻ جو مطلب ڇا هو هن چيو ته آصف زرداري جي ذهن ۾ رهي ته اسلحو ۽ اڪثريت جي ڌمڪي کان اسان نٿا ڊڄون هن چيو ته مرتضيٰ ڀٽو کي ڪنهن قتل ڪرايو ۽ هاڻي هتي اين آر او گهريو پيو وڃي. ملڪ کي لٽڻ وارا چئي رهيا آهن ته پويون حساب ڪتاب ختم ڪيو وڃي هاڻي خصوصي عدالتون ان ڪرپشن ڪيسن تي تيزي سان فيصلو ڪن. ان ڪرپٽ ماڻهن کان قومي ناڻو ورتو وڃي.

 

جعلي اڪائونٽس ڪيس: اڳوڻي صدر جي رمانڊ ۾ 11 ڏينهن جي واڌ، عمران خان ۽ مشرف جي حڪومت ۾ فرق رڳو وردي جو آهي : زرداري

اسلام آباد ( ويب ڊيسڪ ) احتساب عدالت جعلي اڪائونٽس ڪيس ۾ اڳوڻي صدر آصف علي زرداري جي جسماني رمانڊ ۾ 11 ڏينهن جي واڌ ڪري ڇڏي. اڳوڻي صدر آصف علي زرداري کي 14 ڏينهن جو جسماني رمانڊ ختم ٿيڻ تي اسلام آباد جي احتساب عدالت ۾ پيش ڪيو ويو.  جعلي اڪائونٽس ڪيس جي ٻڌڻي شروع ٿي ته نيب عدالت کي درخواست ڪئي ته جوابدار کان جاچ ڪرڻي آهي تنهن ڪري سندس جسماني رمانڊ ۾ 14 ڏينهن جي واڌ ڪئي وڃي.  ٻڌڻي دوران آصف علي زرداري جي وڪيل لطيف کوسا نيب طرفان وڌيڪ رمانڊ جي درخواست تي اعتراض واريندي چيو ويو ته هي نيب وارا 14، 14 ڏينهن جو رمانڊ ڇو گهري رهيا آهن؟  ان موقعي تي آصف علي زرداري چيو ته هڪ ئي ڀيرو 90 ڏينهن جو رمانڊ ڏنو وڃي. احتساب عدالت اڳوڻي صدر آصف علي زرداري کي وڌيڪ 11 ڏينهن لاءِ نيب حوالي ڪندي کيس 2 جولاءِ تي ٻيهر پيش ڪرڻ جو حڪم ڏئي ڇڏيو. اڳوڻي صدر آصف زرداري چيو آهي ته نواز ليگ ۽ پ پ گڏجي ڌڪ کاڌا آهن. عمران خان ۽ مشرف جي حڪومت ۾ فرق رڳو وردي جو آهي. پارليامينٽ هائوس ۾ ميڊيا سان ڳالهائيندي آصف زرداري چيو ته عمران خان ۽ مشرف جي حڪومت ۾ فرق رڳو وردي جو آهي، مشرف کي وردي پهريل هئي ۽ عمران خان نه پهري آهي. نواز ليگ ۽ پيپلز پارٽي ڌڪ کاڌا آهن، هاڻ حالتون بهتر ٿي وينديون. نيب وارا پنهنجي صلاحيت پٽاندڙ مون کان سوال ڪندا آهن ۽ آئون به نيب عملدارن جي عزت ڪريان ٿو. جيڪڏهن اين آر او گهريو هجي ها ته نيب ۾ نه ويٺو هجان ها. هڪ سوال جي جواب ۾ آصف زرداري چيو ته بلاول ڀٽو جي پنهنجي سوچ آهي، هو جيئن چوندو، تيئن ٿيندو، سينيٽ چيئرمين جي تبديلي جي حوالي سان واضح قف بلاول ڀٽو ئي ڏيندو. نواز ليگ سان ته گڏ ويهي رهياسين پر عمران خان سان گڏ ويهڻ ڏُکيو آهي، عمران خان کيس نه جمهوريت جو قدر آهي ۽ نه ئي وري عوام جي پريشانين جو احساس آهي، هو سياسي قوتن مان ناهي آيو. هڪ ٻئي سوال جي جواب ۾ آصف زرداري جواب ڏنو ته سنڌ جي وڏي وزير جي امڪاني گرفتاري واريون ڳالهيون افواهه آهن. هن چيو ته حڪومت کي ميثاقِ معيشت جي تجويز ڏني پر اُن تي حڪومت موٽ ناهي ڏني، ميثاق جمهوريت جو مذاق اُڏائڻ وارا به تاريخ جو حصو هوندا.

 

آصف زرداري حساب ڪتاب بند ڪرڻ جو مطالبو ڪري اين آر او گهريو آهي: فردوس عاشق

اسلام آباد (اين اين آءِ) وزيراعظم جي خاص صلاحڪار ڊاڪٽر فردوس عاشق اعواڻ چيو آهي ته وي آءِ پي قيدين اسيمبلي ۾ اين آر او گهريو ۽ چيو ته حساب ڪتاب جو عمل بند ڪيو ويندو طاقتور جو قانون جي چنڀي ۾ اچڻ وزيراعطم عمران خان جي ويزن جي ڪاميابي آهي جڏهن قانون جو اطلاق سڀني لاءِ هڪ جهڙو هوندو تڏهن ئي نئون پاڪستان ٺهندو اپوزيشن پارليامينٽ ۾ منفي ڪردار ادا ڪري رهي آهي حڪومت جي اتحادي پارٽين بجيٽ ۽ ٻين ترجيحن تي مڪمل حمايت جو يقين ڏياريو آهي جمعي تي ميڊيا سان ڳالهائيندي ڊاڪٽر فردوس عاشق اعواڻ چيو آهي ته وزيراعظم پاڪستان سان اهم اتحادي مسلم ليگ (ق) جي اڳواڻن ملاقات ڪئي وزيراعظم حڪومت جي پاليسي تي اعتماد جو اظهار ڪيو. هن چيو ته حڪومت جي اتحادي پارٽين بجيٽ ۽ ٻين ترجيحن تي مڪمل حمايت جو يقين ڏياريو مسلم ليگ (ق) وفاق ۽ پنجاب ۾ بجيٽ پاس ڪرائڻ ۾ هر اول دستي جو ڪردار ادا ڪري رهي آهي. هن چيو ته اپوزيشن پارليامينٽ ۾ مفي ڪردار ادا ڪري رهي آهي هن چيو ته ننڍين چونڊن جي حوالي سان اليڪشن ڪميشن جو نوٽيس نه وٺڻ حيرت جهڙي ڳالهه آهي هن چيو ته ادارن کي بااختيار رهڻ اسان جو عزم آهي. هن چيو ته قانون تي عمل ڪري ئي قائداعظم جو پاڪستان جو حصو ممڪن آهي هن چيو ته وزيراعظم عمران خان جي ڪردار جو ٻين سان ڀيٽ ڪرڻ غلط آهي. وزيراعظم جي خاص صلاحڪار ڊاڪٽر فردوس عاشق اعواڻ چيو آهي ته ڪابينه جي ميمبر علي محمد مهر جي لاڏاڻي تي ان جي وارثن سان تعزيت ڪرڻ تي وزيراعظم کي جاري ڪيل شوڪاز نوٽيس ڪنهن حيرت کان گهٽ نه آهي سنڌ حڪومت جا وزير اليڪشن ڪميشن جي قانون ۽ قاعدن جي ڀڄڪڙي ڪري رهيا آهن اليڪشن ڪميشن اهڙي عمل تي خاموش ڇو آهي. نوٽيس ڇو نٿو ورتو وڃي جمعي تي هڪ بيان ۾ خاص صلاحڪار فردوس عاشق اعواڻ چيو ته ڪابينه جي اڳوڻي ميمبر ۽ ايم اين اي علي محمد مهر جي لاڏاڻي تي ان جي وارثن سان تعزيت ڪرڻ تي وزيراعظم پاڪستان کي جاري ڪيل شوڪاز نوٽيس ڪنهن حيرت کان گهٽ نه آهي. هن چيو ته وزيراعظم ميڊيا سان ڪابه ڳالهه ٻولهه نه ڪئي ۽ نه ئي روايتي سياستدانن وانگر ترقياتي منصوبن جا اعلان ڪيا. هن چيو ته ٻئي پاسي سنڌ حڪومت سرڪاري وسيلن جو بيدردي سان استعمال ڪندي چونڊ کان اڳ ڌانڌلين ۾ ملوث آهي. هن چيو ته سنڌ حڪومت جي وزيرن جي چونڊمهم لاءِ باقاعده ديوٽيون لڳايون ويون آهن ۽ ان کان سواءِ هزارن جي انگ ۾ چوڪريون سنڌ جي وڏي وزير طرفان پئڪيج ۽ ترقياتي منصوبن جا اعلان ڪيا ويا آهن. ٻئي پاسي پيپلزپارٽي جي اميدوار سنڌ پوليس جي پرٽوڪول ۾ پنهنجي چونڊ مهم هلائي رهيا آهن.

 

جاچ ڪيو ته ڊيم فنڊ جا پيسا ڪهڙي اڪائونٽ ۾ رکيا ويا: خورشيد شاهه جو مطالبو

اسلام آباد (اين اين آءِ) پ پ اڳواڻ خورشيد شاهه مطالبو ڪيو آهي ته جاچ ڪئي وڃي ته ڊيم فنڊ جا پيسا ڪهڙي اڪائونٽ ۾ رکيا ويا، پي ايس ڊي پي تي 15 سيڪڙو رکي، ڊيم بڻجڻ ۾ 10 سال لڳندا، حڪومت کي ٺهيل پاڪستان مليو آهي، پ پ حڪومت سنڀالي ته نه چيو ته ڪيئن سڀ ٺيڪ ٿيندو، آمر صدر هجڻ جي باوجود پارلياماني حڪومت تسليم ڪرڻ لاءِ تيار نه هئي، ڊڪٽيٽر امن تباهه ڪيو، اسان بحال ڪيو، زراعت کي هٿي وٺرائي، قرض وٺڻ جي ضرورت نه آهي، وزيراعظم عمران خان عوام سان جيڪي واعدا ڪيا هڪ واعدو پورو نه ڪيو، ليڊر کي عوام سان سوچي سمجهي واعدو ڪرڻ گهرجي، غلطي بيان سان ووٽ وٺڻ سان پارٽيون ختم ٿي وينديون آهن، جمعي جي نماز کانپوءِ قومي اسيمبلي جو اجلاس ڊپٽي اسپيڪر قاسم سوري جي صدارت هيٺ ٻيهر شروع ٿيو ته ايندڙ مالي سال جي بجيٽ تي بحث جاري رهيو، بحث ۾ حصو وٺندي خورشيد شاهه چيو ته پيپلز پارٽي ڊالر جي قيمت تي برقرار رکيو هو ۽ ان جي دور ۾ پاڪستان ۾ زراعت جي ترقي جي شرح ۾ 13 سيڪڙو اضافو ٿيو هو، خورشيد شاهه چيو ته حڪومت جهڙي به بجيٽ پيش ڪري اپوزيشن تسليم نه ڪندي آهي، اپوزيشن جو حق آهي جيڪو ملڪي مفاد ۾ نه آهي ان جي مخالفت ڪجي، هن چيو ته حڪومت کي ٺهيل پاڪستان مليو آهي، هن چيو ته ڏک ٿئي ٿو ته اسان ڊيم ڊيم ڪري ڊيم کي سياست بڻايو، اسان جو چيف جسٽس ميدان ۾ نڪري آيو ته ڊيم بڻايو، ملڪ بچايو، بلڪل بڻايو، خورشيد شاهه چيو ته پاڪستان ۾ ڊيم نه بڻائي وڏي غفلط ٿي آهي، ڇو نه ڊيم بڻيو ۽ ڇاجي ڪري نه بڻيو ان جي پويان ڪهڙا سبب آهن اهي ڄاڻڻ لاءِ تيار آهيون پر اسان کي روڪيو ويو، ڊيم جو قصو هليو، اشتهار هلايا ويا، هاڻ به هلي رهيا آهن ته چندو ڏيو، ڪيترو پيسو مليو، لنڊن ويا اتي ڇا حشر ٿيو ته ڊيم ٺهندو، پ پ اڳواڻ چيو ته مون ان وقت جي چيف جسٽس کي چيو ته جيڪڏهن توهان سنجينده آهيو ته حڪومت کي گهرايو ۽ ان کي چئو ته بجيٽ، مني بجيٽ اجلاس ڪيو ۽ پي ايس ڊي پي تي ڊيم لاءِ جي ڊي پي جو 15 سيڪڙو رکي ڇڏيو ته ڊيم ٺهندو، خورشيد شاهه چيو ته ڊيم 10 ارب رپيا جمع ڪيا ويا، 11 ارب رپيا اشتهارن تي خرچ ڪيا ويا، جاچ ڪئي وڃي ته ڊيم فنڊ جا پيسا ڪهڙي اڪائونٽ ۾ رکيا ويا، هن چيو ته 1992 ۾ آدمشماري ساڍا 3 ڪروڙ هئي، هاڻ 22 ڪروڙ آهي، اکيون بند ڪري سوچي وٺو ته 30 سالن کانپوءِ اسان هن ملڪ ۾ پيادل گهمي سگهنداسين، هن چيو ته صحت جي بجيٽ گهٽ ڪري تعليم جي بجيٽ وڌائي وڃي، خورشيد شاهه چيو ته بجيٽ ۾ هائوسنگ اسڪيم لاءِ فنڊ رکيا ويا، خيال هو بينظير انڪم سپورٽ پروگرام ۾ شامل ماڻهن کي 5 لک گهر ملندا، هن چيو ته وزيراعظم عمران خان عوام سان جيڪي به واعدا ڪيا انهن مان هڪ واعدو پورو نه ڪيو، هن چيو ته حڪومت اهم ذميواري آهي ته آبادي ۾ واڌ واري مسئلي کي ڏسي، بجيٽ ۾ ان حوالي سان ڪو به قدم نه کنيو ويو آهي، هن چيو ته وفاقي حڪومت جي اها به ذميواري آهي ته ملڪ جي حالتن کي غور سان ڏسي، هن چيو ته محترمه جي شهادت کانپوءِ صوبن ۾ باهه لڳل هئي، نفرت هئي، سڄي ملڪ ۾ دهشتگردي جي لهر هئي، سوات مان پاڪستان جو جهنڊو لهي چڪو هو، هن چيو ته اسان ناڻي واري وزير کي تبديل ڪيو، اسان جي پارٽي جو فيصلو هو پر توهان ڇو 5 ناڻي وزير تبديل ڪيا، هن چيو ته پهريون ڀيرو آءِ ايم ايف وٽ ويا پر توهان ته 7 ڀيرا آءِ ايم ايف وٽ ويا هيو، ڇا اهو عمل درست هو، هن چيو ته 70 سال ۾ توهان جي زراعت جي پاليسي ڪهڙي هئي، ڪهڙو فصل ڪٿي ٿيندو هو، توهان حتمي فيصلو نه ڪري سگهيو، هن چيو ته 70 سالن ۾ پهرين بجيٽ غريب عوام لاءِ بجيٽ آهي، سئو ارب جي رقم ان بجيٽ ۾ نوجوانن لاءِ رکي وئي آهي. هن چيو ته گيس بجلي، ريلوي، اسٽيل ملز، پي آءِ اي سميت ٻين کاتن جو خسارو ڇڏيا ويا آهن، زرتاج گل چيو ته صاف ٽوپي پائي قدرتي آفتون ختم نه ٿينديون، هن چيو ته پهريون ڀيرو لاهور کانسواءِ پنجاب جي ٻين ضلعن لاءِ سوچيو ويو، پهريون ڀيرو بجيٽ ۾ ڏکڻ پنجاب کي ياد ڪيو ويو، هن چيو ته ن ليگ جي لنڊن ياترا جا پيسا عوام جي کيسن مان کسيا ويا، برجيس طاهر بحث ۾ حصو وٺندي چيو ته نواز شريف ملڪ مان دهشتگردي ۽ لوڊشيڊنگ جو خاتمو ڪيو، جيڪڏهن پرويز مشرف جي خلاف انڪوائري ٿئي ها ته ملڪ ترقي جي رستي تي هجي ها، هن چيو ته بجيٽ ۾ آبادگارن کي رليف ڏيڻ گهرجي، هن چيو ته بجيٽ پي ايم ايف جي ملازمن بڻايو، حڪومت بجيٽ لاءِ پنهنجو هڪ وزير قربان ڪري ڇڏيو، هن چيو ته بلوچستان ملڪ کي سي پيڪ ڏنو، گوادر آهي ته سي پيڪ آهي، هن چيو ته گوادر ۾ بجلي ڏني وڃي، 18 ڪلاڪ لوڊشيڊنگ آهي، خرم دستگير چيو ته قوم بيروزگاري ۽ مهانگائي مان تنگ ٿي چڪي آهي، هن چيو ته 10 مهينن ۾ 10 لک ماڻهو بيروزگار ۽ 40 لک غربت جي زندگي گذاري رهيا آهن، هن چيو ته 6 مهينن ۾ 40 ريلوي جا حادثا ٿيا آهن، هن چيو ته هن سال عوام 20 کرب رپيا گهٽ ٽيڪس ڏنو آهي، هن چيو ته 4 وڏن مافياز کي ٽيڪس ۾ ڇوٽ ڏني وئي، هن چيو ته اقتدار سنڀاليو ته معيشت تباهي جي ڪناري تي هئي، 18 هين آئيني ترميم اقليتن جو ٻيڙو ٻوڙي ڇڏيو، پنهنجي حڪومت کان مطالبو ڪريون ٿا ته اقيلتن جا فنڊ رکيا وڃن.

 

ڀارتي ڪوششون ناڪام، پاڪستان ايف اي ٽي ايف جي بليڪ لسٽ ۾ شامل ٿيڻ کان بچي ويو

نيويارڪ ( ويب ڊيسڪ ) پاڪستان ايف اي ٽي ايف جي بليڪ لسٽ  کان بچڻ لاءِ ٽن اهم ملڪن جو سهڪار حاصل ڪري ورتو آهي. ترڪ خابرو ايجنسي موجب ڪامياب سفارتي ڪوششن جي نتيجي ۾ پاڪستان ترڪي، چين ۽ ملائيشيا جي حمايت حاصل ڪري ورتي آهي جنهن کانپوءِ پاڪستان کي بليڪ لسٽ ۾ شامل ڪرڻ جا امڪان ختم ٿي ويا آهن. فنانشنل ايڪشن ٽاسڪ فورس طرفان پاڪستان کي بليڪ لسٽ ۾ وجهڻ يا نه وجهڻ بابت آخري اعلان آڪٽوبر مهيني ۾ ڪيو ويندو. 36 ملڪن تي ٻڌل ايف اي ٽي ايف جي چارٽر موجب ڪنهن ملڪ جو نالو بليڪ لسٽ ۾ نه وجهڻ لاءِ ٽن ملڪن جي حمايت لازمي آهي. فنانششل ايڪشن ٽاسڪ فورس جي ميمبرن جو تعداد 36 آهي جنهن ۾ آمريڪا، برطانيا، چين، ڀارت ۽ ترڪي سميت 25 ملڪ، نار سهڪاري ڪائونسل ۽ يورپي ڪميشن شامل آهن. تنظيم جون بنيادي ذميواريون عالمي سطح تي مني لانڊرنگ ۽ دهشتگردن جي مالي مدد روڪڻ لاءِ قدم کڻڻ آهي.  عالمي واچ لسٽ ۾ پاڪستان جو نالو شامل ٿيڻ سان عالمي امداد، قرضن ۽ سيڙپڪاري جي سخت نگراني ڪرڻي پوندي جنهن سان عالمي سيڙپڪاري متاثر ٿيندي ۽ ملڪي معيشت ناڪاري اثر پوندا.

 

پاڪستان کي ترقي يافته ملڪ بڻائڻ لاءِ هڪ جامع حڪمت عملي جي ضرورت آهي: ورلڊ بئنڪ

ڪراچي (م.ڊ) ورلڊ بئنڪ پنهنجي رپورٽ ۾ چيو آهي ته پاڪستان لڳ ڀڳ هڪ صديءَ جو عرصو مڪمل ٿيڻ باوجود ڪيترن ئي مسئلن کي منهن ڏئي رهيو آهي، نشاندهي ڪيل ڪمزوريون ختم ڪري 2047ع
تائين صورتحال بهتر بڻائي سگهجي ٿي. ان سلسلي ۾ ورلڊ بئنڪ جي رپورٽ ۾ سماجي ۽ اقتصادي صورتحال تي چيو ويو آهي ته مني صدي گذرڻ باوجود پاڪستان ۾ موجود سڀني طبقن لاءِ سماجي استحڪام ۽ خوشحالي جو پروگرام موجود ناهي. موقعن جي اڻبرابري، جيڪو سماج اسين جوڙڻ چاهيون ٿا ۽ جيڪو موجود آهي، ان ۾ وڏو گيپ موجود آهي، جنهن سبب ماڻهن جو هڪ وڏو انگ معاشي ترقي کان محروم بڻيل آهي. رپورٽ ۾ تجويز ڏني وئي آهي ته ان اڻبرابري جي خاتمي پوئتي پيل ۽ ڪمزور طبقن کي اڳتي آڻڻ لاءِ وڏي جاکوڙ جي ضرورت آهي. رپورٽ ۾ چيو ويو آهي ته پاڪستان کي ترقي يافته ملڪ بڻائڻ لاءِ هڪ جامع حڪمت عملي جي ضرورت آهي، جنهن ۾ موقعن جي برابري هجي، جڏهن ته سماجي رڪاوٽن جو خاتمو آڻي، ڪٽيل طبقن کي سماجي ڌارا ۾ شامل ڪيو وڃي. ان لاءِ ضلعي، صوبي ۽ ملڪ سطح تي ڪوششون وٺڻ گهرجن. اين ايف سي ايوارڊ تحت وفاق کان صوبن ۽ صوبن کان ضلعن تائين فنڊ منتقل ڪري احتساب جو نظام جوڙڻ جي ضرورت آهي، ايئن انفرااسٽرڪچر بهتر ڪرڻ ۽ عوام کي وڌيڪ سهولتون ڏيڻ سان گڏ استادن ۽ هيلٿ ورڪرن جي تربيت ڏيڻ وارو طريقيڪار تبديل ڪري سگهجي ٿو. رپورٽ ۾ جنسي، نسلي ۽ مذهبي اڻبرابري جي موجودگي جي نشاندهي ڪندي قانوني سڌارا آڻڻ تي زور ڏنو ويو آهي. رپورٽ ۾ چيو ويو آهي ته جنسي، نسلي، مذهبي اڻبرابري سميت هڪ نسل کان ٻئي نسل تائين منتقل ٿيندڙ روايتون موجوده پاور اسٽرڪچر ۽ سماجي ريتن رسمن تي بيٺل آهن، تن کي چئلينج ڪرڻو پوندو. رپورٽ مطابق قانون سازي ۾ سياست ۾ عورتن ۽ اقليتن جي وڌيڪ شموليت جي ضرورت آهي. اسڪول سطح تي ٻارڙن کي لائيف اسڪلز سيکارڻ ۽ ڇوڪرين کي وڌيڪ اسپيس ڏيڻ جا پروگرام شروع ڪيا وڃن، جنهن سان روين ۾ تبديلي ايندي.آبادي جي پوئتي پيل طبقن جي شموليت ۽ غربت جي خاتمي لاءِ پروگرام ۽ پاليسيون جوڙيون وڃن، جن ۾ اسڪول ۾ ٻارن جي داخلا وڌائڻ، ماءُ جي صحت، ٻارن لاءِ نيوٽريشن پروگرام، هنري سکيا، ماحوليات سبب متاثر ٿيندڙ ماڻهن لاءِ بينظير انڪم سپورٽ جهڙا پروگرام شامل هجن. ورلڊ بئنڪ پنهنجي رپورٽ ۾ چيو آهي ته مٿين سطح تي چند ماڻهن جي ڪرپشن پاليسي سازي تي اثرانداز ٿي آهي، سياستدانن ۾ عوام جي گهرجن پٽاندڙ پاليسيون جوڙڻ ۽ پاليسين تي عمل ڪرائڻ جي اهليت ناهي. ڪجهه ئي خاندانن جي حڪمراني آهي، جيڪا اقتدار کي پنهنجي ذاتي مفادن لاءِ استعمال ڪري ٿي، گذريل 20 سالن ۾ ڪجهه به بدليو ناهي. رپورٽ ۾ چيو ويو آهي ته بيورو ڪريسي ملڪ جي ٺهڻ شرط ئي سياسي لاهن چاڙهن دوران مچي مواڙ ٿي، جيڪا اڄ به پنهنجو اثر رکي ٿي. جڏهن ته هندن جي لڏپلاڻ کانپوءِ زمين جي غيرمنصفاڻي ورڇ ٿي، جنهن کانپوءِ زرعي سڌارا نه آيا آهن، نه ئي زميندار دوست زرعي نظام تبديل ٿي سگهيو آهي. وڏن زميندارن مان ڪيترائي سياست ۾ ويٺل آهن، 1950ع ۾ معاشي اڀار ۽ ان کانپوءِ وارين پاليسي واپاري طبقي کي وڏو فائدو ڏنو آهي، اهي پنهنجي معاشي طاقت پاليسين تي اثرنداز ڪن ٿا. ايوب خان جي دور ۾ آمريت شروع ٿي، جنهن جو اڄ تائين سويلين ادارن تي اثر برقرار آهي. رپورٽ ۾ چيو ويو آهي ته 2047ع تائين انهن ڳالهين تي ڌيان ڌيڻ جي ضرورت آهي ته جيئن ملڪ ۾ سماجي ۽ اقتصادي صورتحال بهتر ٿي سگهي.

 

ڏڪاريل ٿر ۾ ٻارن تي موت جو رقص جاري، مٺي سول اسپتال ۾ وڌيڪ 5 ٻارڙا زندگي جي جنگ هارائي ويا

اسلام ڪوٽ(رپورٽ:سجاول بجير)ڏڪاريل ٿر ۾ ٻارن تي موت جو رقص جاري آهي،مٺي سول اسپتال ۾ وڌيڪ 5 ٻارڙا زندگي جي جنگ هارائي ويا،مٺي سول اسپتال ۾ خوراڪ جي کوٽ ۽ مختلف بيمارين وگهي وڌيڪ 5 ٻارڙا موت جو کاڄ بڻجي ويا آھن،جنهن کانپوءِ هلندڙ مهيني فوتي ٻارن جو انگ 53 ۽ هلندڙ سال 389 ٿي ويو آھي،جڏھن ته رڳو مٺي سول اسپتال ۾ 80 ٻارڙا علاج هيٺ داخل ٻڌايا وڃن ٿا،سول اسپتال ۾ تازو فوت ٿيل 5 ٻارن ۾ ڪرن ڀيل،يامين جوڻيجو،وينجهو ڀيل ۽ پونو مل ميگهواڙ جا 4 تازا ڄاول ٻار ۽ 4 سالن جي ٻارڙي ذڪريه ھنڱورجو شامل آھن،