تازيون خبرون
پاڪستان هائوسنگ اسڪيم شروع ٿيڻ سان 40 صنعتن جو ڦيٿو هلڻ شروع ٿي ويندو: عمران خان - آصف زرداري ۽ شهباز شريف کي پيسا موڪليندڙ 4 ڪمپنيون گڏيل آهن: شهزاد اڪبر - ن ليگ پاران وزيراعظم، شهزاد اڪبر ۽ ٻين خلاف برطانوي عدالت ۾ وڃڻ جو اعلان - پ پ جا وڏيرا پاڻي چور آهن، نادر مگسي پاران رينجرز گهرائڻ جو مطالبو - پاڪستان ۾ 10 کان 15 سيڪڙو ماڻهو معذور آهن، انهن جو خيال رکڻ معاشري جي گڏيل زميواري آهي: عارف علوي - شهباز شريف جو خاندان ڏوهه قبول ڪري ڪرپشن کان توبه ڪري وٺي: فردوس عاشق اعواڻ - صادق سنجراڻي سان اسد قيصر ۽ عثمان بوزدار جون ملاقاتون، تحريڪ عدم اعتماد کي ناڪام بڻائڻ لاءِ ساٿ ڏيڻ جي خاطري - اڳوڻي صدر جي رمانڊ ۾ 14 ڏينهن جي واڌ، پرڏيهي امداد اسٽيٽ بئنڪ ۾ ايندي آهي: آصف علي زرداري - يونيسيف جي سهڪار سان پورهيو ڪندڙ ٻارڙن بابت سروي ڪري رهيا آهيون جئين انهن کي فني تعليم ڏئي سگهجي: وڏو وزير - ايڪنڪ داسو پن بجلي منصوبي جي منظور ڏئي ڇڏي آهي، ڪراچي ۾ پاڻي جي فراهمي بابت جلد خوشخبري ٻڌائينداسين: فيصل واوڊا

Daily Archives: June 21, 2019

ٽائيگر گهڻو آرام سان هلڻ وارو ماڻهو آهي: ڊيشا پٽاني

ممبئي (شوبز نيوز) ڊيشا پٽاني ۽ ٽائيگر شروف باليووڊ انڊسٽري سڀ کان وڌيڪ خبرن ۾ رهندڙ جوڙين مان هڪ آهن، ٻئي اداڪار پنهنجي/ڏسو صفحو 6 بقايا نمبر 36

لاڳاپن بابت گهڻي عرصي تائين نه ڳالهائڻ کانپوءِ هاڻ آهستي آهستي ان بابت وضاحت ڪندي نظر اچي رهيا آهن. ڊيشاتازي ڏنل انٽرويو ۾ ٻڌايو ته ٽائيگر گهڻو آرام سان هلڻ وارو ماڻهو آهي، مان گهڻي عرصي کان کيس متاثر ڪرڻ جي ڪوشش ڪري رهي آهيان. مون جمناسٽڪ سکي آهي، ان کانسواءِ مان هڪ اهڙي فلم ۾ به ڪم ڪيو آهي، جنهن جي هڪ سين ۾ مون خطرناڪ اسٽنٽ ڪيا، هو اڃا متاثر نه ٿيو آهي، هاڻ مان ان لاءِ ڇا ڪريان. ڊيشا پٽاني وڌيڪ چيو ته مان ٽائيگر لاءِ هڪ دوست کان وڌيڪ ٿيڻ چاهيان ٿي، پر کيس متاثر ڪرڻ تمام ڏکيو آهي. ٽائيگر منهنجو تمام سٺو دوست آهي پر مان نه ٿي چاهيان ته ٽائيگر رڳو منهنجو دوست ئي رهي، هو ان کان وڌيڪ آهي.

 

ايشان کٽر فلم“ ڌڙڪ” ۾ جوهر ڏيکارينديو

ممبئي (شوبز نيوز) باليووڊ اداڪار ايشان کٽر ۽ جهانوي ڪپور پهريون ڀيرو باليووڊ فلم “ڌڙڪ” ۾ گڏ ڪم ڪندي نظر آيا هئا، اها جهانوي /ڏسو صفحو 6 بقايا نمبر 41

ڪپور جي پهرين ۽ ايشان کٽر جي ٻي فلم هئي، ٻنهي نه رڳو پردي تي ڪمال جي ڪيمسٽري ڏيکاري پري حقيقي زندگي ۾ به هو ٻئي سٺا دوست آهن. ايشان ۽ جهانوي جي دوستي کي پيار جو نالو به ڏنو ويو پر ٻنهي اداڪارن صاف چيو ته هو رڳو سٺو دوست آهن ۽ سندن وچ ۾ اهڙو ڪجهه ناهي. تازو ئي هڪ چيٽ شو ۾ اڀرندڙ اداڪار ايشان کٽر کان پڇيو ويو ته جهانوي جي اها ڪهڙي عادت آهي، جيڪا کيس سڀ کان گهڻي خراب لڳندي آهي؟ جواب ۾ ايشان چيو ته جهانوي مستي خور آهي، هوءَ ڄاڻندي آهي ته ڪنهن وقت ڪهڙو بٽڻ دٻائڻو آهي، ڪيترائي ڀيرا اهو ٿورو چيڙائيندڙ ٿي ويندو آهي، ڇاڪاڻ ته ڪڏهن ڪڏهن اها صورتحال ان وقت شروع ٿي ويندي آهي، جنهن وقت ان جي ضرورت نه هوندي آهي ۽ هوءَ پوءِ به ان تي ضد ڪندي آهي.

 

حارث سهيل ون ڊي ڪرڪيٽ جو رانديگر ئي ناهي: عبدالرزاق

ڪراچي: (اسپورٽس نيوز) قومي ٽيم جي اڳوڻي آل رائونڊر عبدالرزاق حارث سهيل جي ٽيم ۾ سليڪشن تي حيرت جو اظهار ڪيو آهي. هن چيو ته حارث سهيل جي جڳهه تي ٽيم ۾ شعيب ملڪ کي کيڏايو وڃي. هن چيو ته حارث سهيل ون ڊي ڪرڪيٽ جو رانديگر ئي ناهي مون کي خبر نٿي پوي ته کيس ڪهڙي بنياد تي ورلڊ ڪپ کيڏڻ لاءِ وٺي ويا آهن.هن وڌيڪ چيو ته امام الحق کي به ٽيم مان ڊراپ /ڏسو صفحو 6 بقايا نمبر 05

ڪرڻ گهرجي. ٽرينٽ برج ۾ ويسٽ انڊيز جي خلاف 7 وڪيٽن تان مليل شڪست کان پوءِ قومي ٽيم تي سخت تنقيد ڪئي پئي وڃي ۽ اڳوڻا ڪرڪيٽر به پنهنجي خيالن جو اظهار ڪري رهيا آهن. ان سلسلي ۾ اڳوڻي ٽيسٽ آل رائونڊر عبدالرزاق چيو ته  مون 10 سال زرعي ترقياتي بئنڪ جي اڳواڻي ڪئي. پر مون حارث سهيل کي محدود اوورن جي مقابلن جي لاءِ به نه کنيو.هن چيو ته مون کي حيرت آهي ته سليڪٽر کيس ورلڊ ڪپ جي ٽيم ۾ چونڊ ڪيو آهي. 39 ساله عبدالرزاق چيو ته انگلينڊ جي خلاف مقابلي جي لاءِ حارث سهيل کي ٽيم ۾ شامل ڪرڻ جي بجاءِ شعيب ملڪ کي موقعو ڏيڻ گهرجي.

 

خبردار آئون ميڊيم نه پر فاسٽ بالر آهيان: آندر رسل

ناٽنگهم ( اسپورٽس نيوز ) عالمي ڪپ 2019ع ۾ ويسٽ انڊيز پنهنجي پهرين ئي ميچ ۾ بهترين اعليٰ ڪارڪردگي جو مظاهرو ڪندي ٽرينٽ/ڏسو صفحو 6 بقايا نمبر 01

برج ۾ پاڪستان کي ستن وڪيٽن تان هارايو هيو جنهن ۾ ويسٽ انڊين بالر آندر رسل شروعات ۾ ئي ٻه وڪيٽون وٺي پنهنجي ٽيم جي ڪاميابي ۾ ڪارائتو ڪردار ادا ڪيو هو.ڪرڪيٽ جي دنيا ۾ آندري رسل کي هڪ ڀلور آل رائونڊر طور به سڃاتو ويندو آهي ته پر سندس چوڻ آهي ته هو هڪ فاسٽ بالر آهي ۽ کيس ميڊيم پيسر چوڻ تي هن سخت ڪاوڙ جو اظهار ڪيو آهي .رسل جو چوڻ آهي ته ڪيترائي ماڻهو مونکي چوندا آهن ته مان بهترين بيٽسمين آهيان، پر آئون انهن سڀني کي ٻڌائڻ چاهيان ٿو ته مان هڪ فاسٽ بالر به آهيان.رسل چيو ته منهنجي خيال ۾ ماڻهو منهنجي صلاحيتن کي ڀرپور موٽ ناهن ڏيندا، جڏهن ته مان وڏي اسڪرين تي ڏسندو آهيان مونکي ميڊيم پيسر چيو ويندو آهي ! آئون پڇان ٿو ته اهي ڪير آهن جيڪي ائين ڪري رهيا آهن؟هن چيو ته مونکي اهو سڀ ڏاڍو برو لڳندو آهي ۽ جيڪي به اهڙي حرڪت جا ذميوار آهن کين ميڊيم پيسر کي فاسٽ بالر ۾ بدلائڻ گهرجي.رسل وڌيڪ چيو ته آئون ڪيئي ورهين کان گوڏي ۾ تڪليف هئڻ باوجود ميچون کيڏي رهيو آهيان، ڪڏهن، ڪڏهن منهنجي حالت بدترين ٿي ويندي آهي پر مان ڄاڻان ٿو ته آئون هڪ پروفيشنل ڪرڪيٽر آهيان ۽ مونکي ڪهڙي نموني ان تڪليف مان ٻاهر نڪرڻو آهي.

 

معيشت لاءِ گڏ ويهڻ جي آڇ، حڪومت نيب چيئرمين کي بليڪ ميل پئي ڪري: آصف زرداري

اسلام آباد (اين اين آءِ) اڳوڻي صدر ۽ پ پ پ جي شريڪ چيئرمين آصف علي زرداري چيو آهي ته ڪپتان جي حڪومت نيب جي چيئرمين کي بليڪ ميل ڪري رهي آهي موجوده حڪومت کي ڪڍڻ جي لاءِ سياسي طاقتن کي آگاهه ڪرڻو پوندو سياسي طاقتون نه اينديون ته ٻيو ڪوئي ايندو. اسان جيل وڃي نه ٿڪيا آهيون ۽ هي ٻاهر رهي ڪري به ٿڪجي پيا آهن. خميس جي ڏينهن پروڊيڪشن آرڊر تي قومي اسيمبلي اچڻ ۽ خطاب کان پوءِ پارليامينٽ هائوس ۾ ميڊيا سان ڳالهائيندي هن چيو ته اسان جيل ۾ وڃي نه ٿڪيا آهيون ۽ هي ٻاهر رهي ڪري به ٿڪجي پيا آهن. ان موقعي تي هڪ صحافي پاران اڳوڻي صدر کان سوال ڪيو ويو ته ڇا توهان کي حسين اصغر کي انڪوائري ڪميشن جو سربراهه بنائڻ تي اعتراض آهي جنهن جي جواب ۾ آصف زرداري چيو ته اسان کي مٿي کان هيٺ تائين سڀني تي اعتراض آهي هن چيو ته موجوده حڪومت کي ڪڍڻ لاءِ سياسي طاقتن کي آگاهه ڪرڻو پوندو آصف زرداري چيو ته ٻاهران کان ايندڙ ناڻي واري وزير کي ملڪ جي معيشت جي خبر ئي نه آهي هن چيو ته مون تي جيترا به ڪيس هلايا وڃن هلائين منهنجو خير آهي پاڪستان جو خيال رکيو وڃي 80 سال جي بزرگن جو خيال رکيو وڃي. پ پ پ جي شريڪ چيئرمين آصف علي زرداري چيو اهي ته مون کي پڪڙڻ سان فرق نه پوندو حساب ڪتاب بند ڪيو وڃي ۽ اڳتي جي ڳالهه ڪئي وڃي سڀ روئي رهيا آهن ڪو ته سبب آهي سرڪاري ملازمن جون پگهارون وڌايون وڃن. ان کان وڌيڪ ٽيڪس وڌايو ويو آهي. سيڙپڪار خوف ۾ آهن ته پنج لک واري چيڪ تي حساب ڏيڻو پوندو ڪير ڪير حساب ڏيندو ايئن نه ٿئي جو مهانگائي کان تنگ اچي عوام روڊن تي نڪري اچي ۽ سياسي پارٽيون پوئتي رهجي وڃن. ايئن نه ٿئي جو سياسي طاقتن کان به اها راند هٿن مان نڪري وڃي جيڪي طاقتون کڻي آيون آهن انهن کي به سوچڻ گهرجي خميس تي اڳوڻي صدر آصف علي زرداري پروڊيڪشن جاري ٿيڻ تي قومي اسيمبلي اجلاس ۾ شريڪ ٿيو ۽ بجيٽ تي خيالن جي ڏي وٺ ڪندي چيو ته پهريان ته پراڊيڪشن آرڊر جاري ڪرڻ تي اسپيڪر جو شڪريو ادا ڪيان ٿو هن چيو ته مان اختر مينگل، ايم ڪيو ايم ۽ اپوزيشن ليڊر ۽ ٻين پارٽين جو شڪرگذار آهيان جن منهنجي پروڊيشڪشن آرڊر لاءِ ڪوشش ڪئي هن چيو ته سانگهڙ تي ان وقت ڪپهه جي فصل تباهه ٿي رهيو آهي ۽ حڪومت پاران ان سلسلي ۾ ڪابه ڪوشش نه ڪئي ويئي هن چيو ته شايد ايئن نه ٿئي جو هن وقت تائين ته سعودي عرب کان امداد اچي ٿي ملڪ جو معاشي مسئلو سڀني جو گڏيل آهي هن چيو ته ان ۾ ڪوبه شڪ نه آهي ته هي بجيٽ انهن جي بڻايل نه آهي هن چيو ته ملڪ جي معاشي مسئلي کان سڀ واقف آهن پاڪستان آهي ته اسان سڀ آهيون پاڪستان نه آهي ته ڪجهه به نه آهي هن چيو ته مان نه کپي جي نعري وقت پاڪستان کپي جي ڳالهه ڪئي هن چيو ته جيڪڏهن آءِ ايم ايف کان پئسو ملي رهيو آهي ته ماڻهو ڇو روئي رهيا آهن. هن چيو ته اچو ته حڪومت اپوزيشن گڏجي معيشت تي ڪوئي معاهدو ڪيون هن چيو ته بجيٽ جون ڳالهيون ڪيون ويون ته سڀ روئي رهيا آهن ڪو ته سبب آهي. هن چيو ته حساب ڪتاب کي ڇڏي اڳتي وڌو هن چيو ته منهنجي پڪڙڻ سان پارٽي مضبوط ٿيندي. هن چيو ته ماڻهو سوچين ٿا ته جيڪڏهن زرداري کي پڪڙي سگهجي ٿو ته پوءِ ٻين کي ڇو نه. هن چيو ته مان پهريان به جيل ۾ ايندو ويندو رهيو آهيان ۽ اڄ ٻيهر ياد تازيون ٿي ويون آهن.

 

حيدرآباد لڳ ٻه ٽرينون پاڻ ۾ ٽڪرائجي ويون، 3 فوت، ڪيترائي زخمي، انگ وڌڻ جو خدشو

حيدرآباد(ويب ڊيسڪ) حيدرآباد جي ڀرسان مڪي شاهه ڦاٽڪ وٽ 2 ريل گاڏيون پاڻ ۾ ٽڪرائجي پيون جنهن جي نتيجي ۾ 3 ڄڻا فوت ٿي ويا جڏهن ته فوتگين جو انگ وڌڻ جو خدشو آهي. حيدرآباد اسٽيشن جي سپريٽنڊنٽ جو چوڻ آهي ته ڪراچي کان لاهور ويندڙ جناح ايڪسپريس پنهنجي ئي پٽڙي تي پهرين کان بيٺل مال گاڏي سان ٽڪرائجي پئي. حادثي جي نتيجي ۾ مسافر ريل جي انجڻ مڪمل طور تي تباهه ٿي وئي جڏهن ته ڪيتريون ئي بوگيون به پٽڙي تان لهي ويون. ريسڪيو ذريعن جو چوڻ آهي ته حادثي ۾ ٽرين ڊرائيور سميت 3 ڄڻا مارجي ويا جڏهن ته ٻين زخمين کي به اسپتال اماڻيو پيو وڃي. سنڌ جي وڏي وزير سيد مراد علي شاهه به ٽرين حادثي تي افسوس جو اظهار ڪندي ڪمشنر حيدرآباد کي مسافرن جي هر قسم جي مدد ڪرڻ جي هدايت ڪئي آهي. هوڏانهن ريلوي واري وفاقي وزير شيخ رشيد ٻڌايو ته هن وقت جي اطلاعن موجب حادثي ۾ مسافر ريل جو ڊرائيور، اسسٽنٽ ڊرائيور ۽ هڪ گارڊ به فوت ٿي ويو. هن چيو ته حادثو ڪوٽڙي ريلوي اسٽيشن ۽ حيدرآباد ريلوي اسٽيشن جي وچ ۾ پيش آيو جنهن ۾ ڪنهن به مسافر جي زخمي ٿيڻ جا اطلاع ناهن. ايس ايس پي ريلوي پوليس شهلا قريشي ميڊيا سان ڳالهائيندي ٻڌايو ته ڪراچي کان لاهور ويندڙ جناح ايڪسپريس معمول جي موجب پنهنجي پٽڙي تي هئي پر مال گاڏي پٽڙي تان لهي وئي جنهن جي ڪري حادثو پيش آيو.

 

ملڪ جو پوليس نظام ناڪام قرار، سنڌ سڄي ملڪ جو سڀ کان وڌيڪ ڪرپٽ صوبو آهي: سپريم ڪورٽ

اسلام آباد ( ويب ڊيسڪ /اين اين آءِ) سپريم ڪورٽ جي سينيئر جج جسٽس گلزار احمد هڪ ڪيس جي ٻڌڻي دوران ريمارڪس ڏيندي چيو ته سڄي سنڌ مڪمل طور تي ڪرپشن ۾ ٻڏل آهي ۽ بجيٽ جو هڪ پئسو به صوبي ۾ خرچ نه ٿيو آهي. لاڙڪاڻي ۾ ايڇ آءِ وي برو حال ڪري ڇڏيو آهي ۽ ڪوئي به پڇڻ وارو نه آهي خميس جي ڏينهن تي سپريم ڪورٽ ۾ سکر پريس ڪلب ايراضي بابت ڪيس جي ٻڌڻي جسٽس گلزار احمد جي اڳواڻي ۾ ٻه رڪني بئنچ ڪئي. هن چيو ته سنڌ صوبو مڪمل طور تي ڪرپشن ۾ ٻڏل آهي ۽ بجيٽ جو هڪ رپيو به سنڌ ۾ خرچ نه ٿيو آهي. هن چيو ته لاڙڪاڻي ۾ ايڇ آءِ وي ماڻهن جو برو حال ڪري ڇڏيو آهي هن چيو ته هاڻي اهو ايترو وڌندو جو سمورو لاڙڪاڻو ان جي لپيٽ ۾ اچي ويندو. هن چيو ته دنيا جو اهڙو ڪوبه شهر نه آهي جتي 50 ڊگري جي باوجود وڏيون عمارتون موجود هجن هن چيو ته سکر جي گرم شهر ۾ وڏيون عمارتون ته بڻايون ويون آهن پر سهولتون نه آهن هن چيو ته ماڻهن کي پيئڻ جو پاڻي ميسر نه آهي ۽ رات جو بجلي جي بغير ماڻهو سمهي رهيا آهن بنيادي ضرورتن کان محروم ماڻهو تشدد واري طرف مائل ٿيندا آهن ۽ ڪرائيم ريٽ وڌندو آهي هن چيو ته سکر جي ميئر کي به جاڳڻ گهرجي سکر جي ميئر چيو ته اسان ماسٽر پلان مرتب ڪيو آهي جسٽس گلزار احمد چيو ته توهان جو ماسٽر پلان ڇا آهي جتي به وڃو توهان جي ماسٽر پلان جي ڪابه اهميت نه آهي. هن چيو ته توهان سڀ ماڻهو سسٽم جو حصو آيو ۽ ڄاڻون ٿا ته سسٽم ڇا آهي صحافي به ايندا آهن توهان کي خبر آهي ته توهان ڇا ڪري رهيا آهيو ۽ سکر پريس ڪلب وارا ڇا ڪري رهيا آهن پنهنجي مرضي واريون خبرون ڇپرائين ٿا سکر پريس ڪلب وارن کان ڪو پڇڻ وارو ئي نه آهي. هن چيو ته صحافي به غريب ۽ حقدار جي خبر نٿا ڇپرائين. هن چيو ته اسان پهريان به وقت ڏيئي چڪا آهيون ۽ 15 ڏينهن جو وقت سکر جي وڪيل انتظاميه گهريو آهي ان کان پوءِ عدالت ٻڌڻي ٻن هفتن لاءِ ملتوي ڪري ڇڏي. سپريم ڪورٽ جي سينئر جسٽس گلزار احمد سڄي ملڪ ۾ پوليس جي نظام کي ناڪام قرار ڏيندي چيو آهي ته ملڪ ۾ پوليس جي نالي ڪابه شيءَ ناهي،  گهڻي قدر پوليس اهلڪار رات جو ڌاڙا هڻن ٿا، سرڪاري آفيسر آفيسن ۾ ويهي حرام کائي رهيا آهن، ماڻهو ڳلا وڍي رهيا آهن، پوليس ڪٿي آهي، سنڌ سڄي ملڪ جو سڀ کان وڌيڪ ڪرپٽ صوبو آهي؟ جسٽس گلزار احمد جي سربراهيءَ ۾ پنجاب جي ٽريفڪ وارڊن جي پگهارن بابت ڪيس جي ٻڌڻي ٿي. ٻڌڻي دوران جسٽس  گلزار احمد پنجاب جي ناڻي واري سيڪريٽري ۽ آءِ جي تي ڪاوڙ جو اظهار ڪندي چيو ته سموري ملڪ ۾ پوليس جو نظام ناڪام ٿي چڪو آهي، ملڪ ۾ پوليس نالي ڪابه شيءَ ناهي.  هن چيو ته پوليس آخر اهڙو ڇا ڪري رهي آهي جو پگهار وڌائي وڃي، وڏي پگهار وٺي به ٻه نمبري ڪئي ويندي آهي، سرڪاري آفيس آفيسن ۾ ويهي حرام کائي رهيا آهن، اڳو ان ڳالهه جي ڳڻتي آهي ته الائونس ڪيئن وڌايو وڃي. سندس چوڻ هو ته سڀ نه پر گهڻي قدر پوليس اهلڪار رات جو ڊيوٽي ڪن ٿا، وارداتون ٿي رهيون آهن، ماڻهو ڳلا وڍي رهيا آهن پوليس ڪٿي آهي،  پنجاب جي ناڻي واري سيڪريٽري کي خبر ئي ناهي ته سندس ڪم ڪهڙو آهي، پوليس ۽ سرڪاري آفيسر پگهار الڳ کڻن ٿا، عوام کان پئسو الڳ وٺن ٿا.  پنجاب جي ناڻي واري سيڪريٽري چيو ته منجمد ٿيل اضافي بنيادي پگهار بحال ڪري رهيا آهيون، منجمد ڊيلي الائونس بحال ٿيندو اضافي بنيادي پگهار نه،  ٽريفڪ وارڊن جي وڪيل چيو ته پگهار بحال ٿي وڃي ته مسئلو ئي ختم ٿي ويندو. جسٽس گلزار احمد پنهنجي بيان تان ڦرڻ تي ناڻي واري سيڪريٽري تي ڪاوڙ جو اظهار ڪندي چيو ته سنجيدگي جو اهو عالم آهي ته بيٺي بيٺي ڳالهه تان ڦري ويا آهيو، سموري پنجاب جو ناڻو توهان جي هٿ ۾ آهي ۽ توهان کي ڪم جي خبر ئي ناهي.

 

اسد عمر کنڊ تي ٽيڪس جي مخالفت ڪري ڇڏي، ڀاڻ تي 400 روپيا گهٽائڻ جو طالبو

اسلام آباد (اين اين آءِ) اڳوڻي خزاني واري وزير ۽ پاڪستان تحريڪ انصاف جي اڳواڻ اسد عمر واهپي واري شين جي قيمتن تي لڳل ٽيڪس واپس وٺڻ جو مطالبو ڪندي چيو آهي ته بجيٽ ۾ پينشن 10 کان 15 سيڪڙو جو وڌيڪ اضافو ڪيو وڃي (ن) ليگ جي حڪومت معيشت جي مهلڪ بيماري ڇڏي ويئي هئي حڪومتي ڪوششن سان ٿورن مهينن ۾ ڪرنٽ اڪائونٽ خساري ۾ 70 سيڪڙو گهٽتائي ٿي برآمد وڌائڻ تائين بين الاقوامي قوتن تي ڌارومدار ختم ٿي ويندو نئين سيڙپڪاري آڻڻ وارن کي 5 سالن لاءِ ٽيڪس کان رعايت ڏيڻ گهرجي مزدورن جي لاءِ وڌيڪ قدم کڻڻ جي ضرورت آهي جيڪڏهن پڪڙ سياسي انتقام جي لاءِ ٿي رهي آهي ته ملڪ جي لاءِ سٺو نه آهي جيڪڏهن ڪو ڏوهه ٿيو آهي ۽ ڪنهن قوم جي دولت لٽي آهي ته ان جي لاءِ سزا جو نظام ٺاهڻ آئيني حق آهي. خميس ڏينهن تي قومي اسيمبلي جي بجيٽ سيشن ۾ ڳالهائيندي اسد عمر اڳوڻي صدر آصف علي زرداري کي جواب ڏيندي چيو آهي ته جيڪڏهن پڪڙ سياسي انتقام لاءِ ٿي رهي آهي ته ملڪ جي لاءِ سٺو نه آهي جيڪڏهن سزا ۽ جزا جو نظام الله جو آهي ۽ ناچيز ماڻهن جو ان سان تعلق نه آهي جمهوريت قانون جي حڪمراني هوندي آهي هن چيو ته جيڪڏهن جرم ٿيو آهي ۽ ڪنهن قوم جي دولت لٽي اهي ته ان جي لاءِ جزا ۽ سزا جو نظام بنائڻ آئيني حق آهي. هن چيو ته اڳوڻي دور ۾ هڪٻئي کي منهن نه کوليو ۽ مون کي خبر آهي ته ڪهڙي چوري ٿي آهي اڄ ٻنهي جمهوريتن جي ڳالهه ڪري رهيا آهن هن چيو ته حڪومت وڏي ڏکي بجيٽ پيش ڪئي آهي. بجيٽ ٺاهڻ وارن کي خراج تحسين پيش ڪيان ٿو هن چيو ته ڏکئي وقت ۾ سفيد پوش طبقي تي ڪم جو بوجهه وجهڻو آهي ۽ ٻاهر کان ايندڙ آمدني کي وڌائڻو آهي. هن چيو ته جيستائين ايڪسپورٽ نه وڌائينداسين تيستائين ٻاهريان مالياتي ادارن جي ڌارومدار کي ختم نٿو ڪري سگهجي هن چيو ته هي نظام اهڙو نه آهي جو بٽڻ هڻي مسئلو حل ڪجي. هن چيو ته معيشت ۾ ڪيترائي مسئلا آهن جيڪي سالن کان هلندا پيا اچن. هن چيو ته فوري طور تي جي آءِ ڊي سي ختم ڪري يوريا جي ٻوري تي 400 رپيا ختم ڪري ان تي کنڊ تي ٽيڪس وڌائي وئي آهي ۽ ان تي ورڪنگ ڪرڻ گهرجي. کنڊ تي ٽيڪس مناسب نه آهي ان کي واپس وٺڻ گهرجي. کنڊ واهپي واريون شيون تيل ۽ گيهه تي لڳل ٽيڪس واپس وٺڻ گهرجي مزدورن جي لاءِ وڌيڪ قدم کڻڻ جي ضرورت آهي هن چيو ته اپوزيشن چوندي هئي ته هي ڪنفيوز آهن. آءِ ايم ايف سان معاهدو ڇو نٿا ڪن هن چيو ته جڏهن معاهدو ٿيو ته چيو ويو ته ملڪ آءِ ايم ايف جي حوالي ڪيو ويو هن چيو ته آءِ ايم ايف سان پنجن شين تي ڳالهه ٻولهه ٿي. بجلي جي قيمت، ايڪسچيج ريٽ شرح وياج ۽ ٽيڪس 2 جي ڊي پي تي ڳالهه ٻولهه ٿي هن چيو ته جنهن جي اربين رپين جي ملڪيت ٻاهر آهي اهي ملڪ جي لاءِ ڇا سوچيندا هن چيو ته جيڪي وڏيون تقريرون ڪن ٿا انهن کي شرم اچڻ گهرجي.

 

جيل ۾ پنهنجي ڀاءُ کان لائن وٺي يا پنهنجي دل جي ٻڌي. شهباز شريف ذهني مونجهاري جو شڪار آهي: فردوس عاشق

اسلام آباد (اين اين آءِ) وزيراعظم جي اطلاعات ۽ نشريات جي خاص مددگار ڊاڪٽر فردوس عاشق اعواڻ چيو آهي ته شهبازشريف صاحب ڪنفيزن جو شڪار آهي مفاهمت جي ڳالهه ڪري رهيو آهي ته ان جي پنهنجي سياسي انتهاپسند ان جي پيرن جون زنجيرون بڻجي وڃن ٿا هڪ پاسي ميثاق معيشت جي پيش ڪش ۽ ٻئي طرف حڪومت نه هلائڻ جي جذباني ڌمڪي ڏيئي رهيو آهي نااهل ليگ جو ڪوبه بيان هڪ نه آهي صرف ۽ صرف ذاتي ڪاروباري مفاد آهن خميس واري ڏينهن ڊاڪٽر فردوس عاشق اعواڻ پنهنجي ٽوئٽ ۾ چيو ته شهبازشريف مفاهمت جي ڳالهه ڪري ٿو ته ان جا پنهنجا ئي سياسي انتهاپسند ان جي پنهنجي ئي پيرن جي زنجير بڻجي وڃن ٿا. هن چيو ته شهبازشريف جي ذهني ڪشمڪش جو ثبوت ان جو خطاب آهي هن چيو ته ان کي سمجهه ۾ ڳالهه نٿي اچي ته هو جيل ۾ پنهنجي ڀاءُ کان لائين وٺي يا وري پنهنجي دل جي ٻڌي هن چيو ته نااهل ليگ جو ڪوبه بيان صحيح نه آهي صرف ۽ صرف ذاتي ڪاروباري مفاد آهي.

 

هڪ ئي ڏينهن ۾ پوليو جا 2 ڪيس ظاهر، انگ 26 ٿي ويو

اسلام آباد(ويب ڊيسڪ) ملڪ ۾ هڪ ئي ڏينهن ۾ 2 پوليو وائرس جا ڪيس سامهون اچي ويا، ٻنهي ڪيسن جو تعلق خيبرپختونخواهه سان آهي، جنهن بعد هلندڙ سال پوليو ڪيسن جو انگ 36 ٿي ويو. تفصيل موجب پوليو وائرس خطرناڪ صورتحال اختيار ڪندو پيو وڃي، هڪ ئي ڏينهن ۾ 2 ڪيس سامهون اچي ويا آهن، ٻنهي ڪيسن جو تعلق خيبرپختونخواهه سان آهي، ٻنون جي تحصيل وزير جي 21 مهينن جي ٻارڙي ۽ لڪي مروت جي يوسي ماماخيل جي 15 مهينن جي ٻار ۾ پوليو وائرس جي تصديق ٿي آهي. هلندڙ سال پوليو ڪيسن جو انگ 26 ٿي ويو، جنهن مان 3 جو پنجاب، 3 جو سنڌ، ڪي پي مان 13 ۽ قبيلائي ضلعن مان 7 ٻار متاثر ٿيا آهن.