تازيون خبرون
پاڪستان هائوسنگ اسڪيم شروع ٿيڻ سان 40 صنعتن جو ڦيٿو هلڻ شروع ٿي ويندو: عمران خان - آصف زرداري ۽ شهباز شريف کي پيسا موڪليندڙ 4 ڪمپنيون گڏيل آهن: شهزاد اڪبر - ن ليگ پاران وزيراعظم، شهزاد اڪبر ۽ ٻين خلاف برطانوي عدالت ۾ وڃڻ جو اعلان - پ پ جا وڏيرا پاڻي چور آهن، نادر مگسي پاران رينجرز گهرائڻ جو مطالبو - پاڪستان ۾ 10 کان 15 سيڪڙو ماڻهو معذور آهن، انهن جو خيال رکڻ معاشري جي گڏيل زميواري آهي: عارف علوي - شهباز شريف جو خاندان ڏوهه قبول ڪري ڪرپشن کان توبه ڪري وٺي: فردوس عاشق اعواڻ - صادق سنجراڻي سان اسد قيصر ۽ عثمان بوزدار جون ملاقاتون، تحريڪ عدم اعتماد کي ناڪام بڻائڻ لاءِ ساٿ ڏيڻ جي خاطري - اڳوڻي صدر جي رمانڊ ۾ 14 ڏينهن جي واڌ، پرڏيهي امداد اسٽيٽ بئنڪ ۾ ايندي آهي: آصف علي زرداري - يونيسيف جي سهڪار سان پورهيو ڪندڙ ٻارڙن بابت سروي ڪري رهيا آهيون جئين انهن کي فني تعليم ڏئي سگهجي: وڏو وزير - ايڪنڪ داسو پن بجلي منصوبي جي منظور ڏئي ڇڏي آهي، ڪراچي ۾ پاڻي جي فراهمي بابت جلد خوشخبري ٻڌائينداسين: فيصل واوڊا

Daily Archives: June 19, 2019

هر پاسي کان مايوس ڪندڙ خبر ملي رهي آهي: چيف جسٽس

اسلام آباد (ويب ڊيسڪ) چيف جسٽس آف پاڪستان جسٽس آصف سعيد کوسا ملڪي سياست، معيشت ۽ ڪرڪيٽ بابت خبرن تي مايوسيءَ جو اظهار ڪيو آهي. جسٽس آصف سعيد کوسا اسلام آباد مادل ڪورٽس جي جڊيشل آفيسرن کي خطاب ڪندي چيو ته ڪيس جلد نه اُڪلائڻ سبب ڪيترائي ماڻهو جيلن ۾ آهن، جيلن ۾ قيد ماڻهن جا ٻار به اذيتون برداشت ڪري رهيا آهن. هن چيو ته تڪڙي انصاف جي فراهمي پهرين ترجيح آهي ۽ ماڊل ڪورٽون تڪڙو انصاف فراهم ڪري رهيون آهن، ڏوهن جي خاتمي لاءِ نظام کي بهتر ڪري رهيا آهيون. سندس چوڻ هو پارليامينٽ جي ڪارروائي ڏسندا آهيون ته اپوزيشن ليڊر ۽ قائد ايوان کي ڳالهائڻ ناهي ڏنو ويندو، اهو ڏسي ڊپريشن ٿيندي آهي، ان کان بچڻ لاءِ چئنل تبديل ڪندا آهيون، ڪرڪيٽ ورلڊ ڪپ لڳائيندا آهيون ته وري مايوس ڪندڙ خبر ملندي آهي، معيشت جون خبرون ٻڌي به مايوسي ٿيندي آهي، معيشت بابت ٻڌندا آهيون ته اها آءِ سي يو ۾ آهي، آءِ سي يو مان ٻاهر اچي وئي آهي، ان جو ذميوار ڪير آهي، ان حوالي سان سٺيون خبرون نه پيون اچن. چيف جسٽس چيو ته اسان جي معاشري جو هڪ شعبو آهي، جتان سٺي خبر اچي رهي آهي ۽ اهو عدليا جي انصاف جي فراهمي جو شعبو آهي، آئين تحت سستي ۽ تڪڙي انصاف جي فراهمي عدليا جي ترجيح آهي، ماڊل ڪورٽس 45 ڏينهن ۾ 5800 ڪيسن جا فيصلا ڪيا. هن چيو ته ڪوڙي شاهدي ۽ انصاف جي فراهمي ۾ دير جهڙن مسئلن تي ڀرپور ڌيان ڏئي رهيا آهيون، ديواني ڪيس کي منهن ڏيندڙ شخص پنهنجي گهر ۾ رهندو آهي، جڏهن ته فوجداري ڪيس کي منهن ڏيندڙ جيل ۾ رهندو آهي. جسٽس آصف سعيد کوسا چيو ته اسان سپريم ڪورٽ دنيا جي پهرين سپريم ڪورٽ آهي، جتان آن لائن ڪيسن جي ٻڌڻي شروع ٿي.

 

مخالف ڌر بجيٽ کي عوام دشمن قرار ڏئي رد ڪري ڇڏيو، تحريڪ انصاف کي ميثاق جمهوريت جي آڇ

اسلام آباد (اين اين آءِ) قومي اسيمبلي ۾ مخالف ڌر اڳواڻ شهبازشريف ايندڙ مالي سال جي بجيٽ کي عوام دشمن قرار ڏيئي ردڪندي گهر ڪئي آهي ته تحريڪ انصاف جي حڪومت جي بجيٽ آءِ ايم ايف جي بجيٽ آهي حڪومت بجيٽ واپس وٺي عوامي خواهشن جي عڪاسي ڪندڙ بجيٽ ٻيهر پيش ڪري. عمران خان ڪنٽينر تي چيو هو ته روينيو 8 هزار ارب تي آڻيندس هي ته 4 هزار ارب جو ٽارگيٽ به پورو نه ڪري سگهيو ته 5500 ارب تي ٽيڪس جو حدف ڪٿان پورو ڪندا. جنهن وزيراعظم جي قول ۽ فعل ۾ ايترو تضاد هجي ان تي دنيا ڪيئن اعتماد ڪندي بجيٽ ۾ 5500 جي روينيو ٽارگيٽ لاءِ 7 سيڪڙو ٽيڪسز آهن هي نئون پاڪستان ٺاهڻ آيا هئا. بدترين قدمن سان پاڪستان کي معاشي جهنم بڻائي رهيا آهن مهانگائي غريب عوام جي زندگي عذاب ڪري ڇڏي آهي اسان حڪومت سنڀالي ته مهانگائي جي شرح 12 سيڪڙو هئي ڏينهن رات محنت ڪئي مهانگائي جي شرح 12 سيڪڙو مان گهٽائي 3 سيڪڙو تي آندي گيهه ۽ تيل تي ٽيڪس واپس ورتي وڃي مزدور جي گهٽ ۾ گهٽ اجرت 20 هزار رپيا ڪئي وڃي گريڊ 16 تائين جي ملازمن جي پگهارن ۾ 50 سيڪڙو واڌ ڪئي وڃي ۽ هڪ لک رپيا ماهوار پگهار وارن کي تيڪس کان آجو ڪيو وڃي. بجلي گئس اگهن کي 31 مئي گذريل سال تي آندو وڃي گيهه کاڄرو تيل تان ٽيڪس ختم ڪئي وڃي ۽ دوائون مفت فراهم ڪيون وڃن پنجاب ايجوڪيشن فائنڊيشن کي سڄي پاڪستان ۾ ڦهلايو وڃي ايڪسپورٽ کي زيرو ريٽ ڪيو وڃي، ٽيڪس ري فنڊ جو بهترين نظام بڻايو وڃي. پي ٽي آءِ سان چارٽر آف اڪانامي لاءِ تيار آهيون عمران خان الزام لڳائڻ ڇڏي ملڪي ترقي جي ڳالهه ڪري وزيراعظم ملڪ جي ترقي لاءِ هڪ قدم وڌائيندو ته اپوزيشن 2 قدم اڳتي وڌايندي عمران خان نيازي صاحب پشاور ۾ چوندو هو ته جنگلا بس 70 ارب ۾ ٺهي ۽ ان ۾ بدترين ڪرپشن ٿي آهي مان ڪڏهن به پشاور ۾ ميٽرو بس نه ٺاهيندس پوءِڇو نه وفاقي حڪومت فنڊ ڇو نه ڏي هي پئسو تعليمي ادارن ۽ اسپتالن تي لڳائينداسين پوءِ اوچتو ميٽرو جو اعلان ڪري ڇڏيو. سرڪاري گرانٽ کي رد ڪري ايشين ڊيولپمينٽ بئنڪ ۽ ٻين ادارن کان قرض ورتو ويو مان ڪميشن کي چوان ٿو ته هن قرض جي ڪهڙي وضاحت آهي ڪميشن ٺهيو آهي وڏي شوق سان قرضن جو تفصيل وٺي وڃو مسلم ليگ (ن) ۽ پيپلزپارٽي به ويندي تحريڪ انصاف جي حڪومت روزانو 19 ارب رپيا قرض وٺي رهي آهي شروعات ڊي آر ٽي پشاور کان ٿيڻ گهرجي آصف زرداري، خواجه سعد رفيق، حسن ڌاوڙ، علي وزير هزارين نوٽ کڻي اسيمبلي ۾ آيا بنا دير پروڊيڪشن آرڊر جاري ڪيا وڃن اميد آهي ته اسپيڪر انهن ميمبرن کي ايوان ۾ آڻيندو نيب جي چيئرمين جي وڊيو اسڪينڊل معاملي تي پارليماني ڪميشن ٺاهيو وڃي آءِ ايم ايف سان ٿيل واعدو پارليامينٽ ۾ آندو وڃي اربع تي قومي اسيمبلي جو اجلاس اسپيڪر اسد قيصر جي سربراهي ۾ ٿيو اٽڪل ٽن ڏينهن جي گهوڙ ۽ هنگامي کان پوءِ اسيمبلي اجلاس جو ماحول بهتر رهيو ايندڙ مالي سال 2019-20 جي بجيٽ ۾ بحث شروع ڪندي شهبازشريف چيو ته خدا ڪري هي موقعو آيو ته اسان هڪٻئي جي ڳالهه ٻڌون گذريل ڏينهن ۾ ايوان جو جيڪو وقت وڃايو ويو اهو هن ايوان جي خلاف آهي شهبازشريف چيو ته گذريل ڏينهن حڪومتي بئنچن کي چيو ويو ته پي ٽي آءِ اپوزيشن ۾ هئي ته ان هميشه ليڊر آف هائوس کي آرام سان ٻڌو مان حڪومتي بئنچن جي ان ڳالهه کي حقيقت جي بنياد تي رد ڪيان ٿو پنجاب اسيمبلي ۾ جڏهن اسان جي حڪومت هئي آخري ٽن بجيٽ تي پي ٽي آءِ جي اپوزيشن سخت بداخلاقي ڪئي اسان نهايت تحمل ۽ برداشت سان هي وقت گذاريو هن چيو ته بجيٽ مان عوام جون اميدون لاڳاپيل هونديون آهن ان جون گهرجون پوريون ڪيون وڃن اسان وڌ ۾ وڌ تعاون ڪنداسين ته جيئن ايوان کي بهتر نموني سان هلايو وڃي هن چيو ته 2013 ۾ عوام جي اصولي ووٽن سان مسلم ليگ (ن) جي حڪومت چونڊي ويئي ته پهريون چئلينج بجلي جي لوڊشيڊنگ جئي جيڪا جنرل مشرف جي دور کان هلي پئي آئي هن چيو ته جنرل مشرف ڪجهه مشينون رکي افتتاح ڪري چيو ته مان ڀاشا ڊيم جي پيڙهه جو پٿر رکي ڇڏيو جڏهن ته قوم ڄاڻي پئي ته هي پيڙهه جو پٿر ڪهڙي دور جي ڳالهه آهي پر ان جي زمين لاءِ هڪ ٽڪو به مهيا نه ڪيو ويو هو صرف ماڻهن کي ورغلائڻ سان ان ڊيم جو پيڙهه جو پٿر رکڻ جي ڪوشش ڪئي جڏهن ته عوام چونڊن ۾ کيس رد ڪري ڇڏيو جڏهن ته اهڙي طرح پاڪستان لاءِ ضروري منصوبن تي به ڪوئي ڪم نه ٿيو شهبازشريف چيو ته جڏهن اسان کي ذميواري ڏني ويئي ته بجلي جو بحران هڪ چئلينج هو مان جذبات ۾ اچي چيو ته الله اسان کي موقعو ڏنو ته اسان ڇهن مهينن ۾ بجلي جو مسئلو ختم ڪري ڇڏينداسين ڇو ته اها منهنجي خواهش هئي جڏهن ته الله تعاليٰ اسان جي مدد ڪئي پر پي ٽي آءِ جي اپوزيشن بدترين افراتفري ۽ سازش جو ڄار بڻي ان جي شاهدي سڄي قوم ڏيندي ته ڪيئن 7 مهينا ڊي چوڪ تي افراتفري جو ماحول رهيو ۽ ملڪ جي معيشت کي تباهه ڪرڻ جي ڪوشش ڪئي ويئي پنهنجي ڳالهه جاري رکندي چيو ته سيپٽمبر 2014 ۾ چيني صدر پاڪستان اچي رهيو هو ۽ حڪومت ڪوشش ڪئي ته ان جو دورو ٿي وڃي ۽ پي ٽي آءِ جي اپوزيشن جي سمورين سازشن افراتفري جي باوجود درخواست ڪئي ويئي ته ٽن ڏينهن لاءِ ڊي چوڪ تان اٿي وڃون پر ڳالهه نه ٻڌي ويئي پر چيني صدر جو دورو ملتوي ٿي ويو مخالف ڌر اڳواڻ چيو ته چيني صدر جي دوري کي ملتوي ڪرائڻ جو پي ٽي آءِ جو فيصلو ملڪ دشمني برابر هو. هي اهي سبب هئا جنهن جي ڪري اسان کي هي چئليج قبول ڪرڻا پيا ۽ پوءِ چيني صدر جو 7 مهينا دير سان دورو ٿيو هن چيو ته دنيا ۾ پاڪستان جا ڪجهه دوست آهن سعودي عرب، ترڪي، چين اسان جي بهترين دوستن ۾ شامل هوندا آهن پر هن دور ۾ جڏهن دهشتگردي ۽ بجلي جو بحران هو ته ان وقت چين اسان جي مدد لاءِ آيو ۽ نوازشريف سان گڏجي پاڪ چين اقتصادي راهداري جو معاهدو ڪيو ۽ ان جي ذريعي 60 ارب ڊالر پاڪستان جي حوالي ڪيا ۽ ملڪ ۾ منصوبا ٺاهيا ويا شهبازشريف چيو ته هي بجيٽ عوام جي لاءِ مايوسي ان کي اونداهي ۾ رکڻ جو پيغام روزگار کسڻ بيواهن جو رزق کسڻ، مريضن کان دوائون کسڻ، شاگردن جو حق کسڻ آيو آهي اسان هن عوام ۽ پاڪستان دشمن بجيٽ کي رد ڪريون ٿا هن چيو ته بجيٽ ظلم جي تلوار آهي جيڪا معاشي طور تي عام ماڻهو جو ڪنڌ لاهڻ لاءِ آئي آهي هي هاري جي ماني ان کان کسڻ چاهين ٿا جيڪڏهن عوام جي ڀلائي لاءِ بجيٽ ٺاهڻي هجي ها ته هي پنجن سعبن تي لازمي ڌيان ڏنو وڃي ها جنهن ۾ سڀ کان پهريان نوجوانن لاءِ نوڪريون ڏسن ها، مهانگائي کي ختم ڪن ها، جي ڊي پي کي وڌائين ها، ڪاروبار ۽ ايڪسپورٽ کي وڌائين ها ۽ سماجي ۽ معاشي انصاف کي ڏسڻ گهرجي ها هن چيو ته بجيٽ ۾ هي پنج اهم شعبا غائب آهن ۽ هي بجيٽ بين الاقوامي مالياتي فنڊ آءِ ايم ايف سان مشاورت سان ناهي ٺهي پر آءِ ايم ايف پاڪستان جي لاءِ ٺاهي آهي. شهبازشريف چيو ته آءِ ايم ايف جي پي رول تي پاڪستان جي اهم ادارن ۾ وهاريل ماڻهن کي ڪهڙي خبر ته يتيم ٻار هجي يا بيوه زندگي ڪيئن گذري رهيا آهن انهن کي ڪهڙي خبر ته اسپتالن ۾ دوائون ملي رهيون آهن يا نه هتان جي تعليمي ضرورتن بابت انهن کي ڪهڙي خبر جڏهن ته کين بيروزگاري بابت ڪهڙِ خبر ڇو ته هو ته صرف هڪ ڳالهه ڄاڻين ٿا ته ترقياتي رڪم کي گهٽائڻ، پريميم ريٽ وڌائڻو آهي ڀلي ان سان غريب ماڻهن جون رڙيون نڪري وڃن هن چيو ته انهن ماڻهن کي غريبن جي پرواهه نه آهي کين صرف پنهنجي مقرر ٿيل پيٽرن جي پيروي ڪرڻ آهي جنهن جو مثال مصر ۽ وينزويلا آهي. تحريڪ انصاف تي تنقيد ڪندي هن چيو ته هي يوترن جا ماهر آهن ۽ پنهنجي ڳالهه جي پنهنجي عملي قدم سان ترديد ڪن ٿا هي 5500 جو جيڪو آمدني جو حدف آهي ان ۾ 70 سيڪڙو بلاوسطه ٽيڪس آهي پاڪستان کي جنت بنائڻ آيا هئا اهي انهن قدمن سان ان کي معاشي جهنم ڏانهن ڌڪي رهيا آهن هن چيو ته اسان جي دور ۾ مينيوفيڪچرن جي شعبي ۾ پيداوار جي شرح ساڍا 6 سيڪڙو هئي جڏهن ته هن حڪومت جي 10 مهينن ۾ بدترين نااهلي جي ڪري هي شرح گهٽجي 2 ٿي ويئي آهي ۽ هي ان جا پنهنجا انگ اکر اهن سهبازشريف چيو ته اڄڪلهه ڪڪڙ ۽ آنن جون ڳالهيون گهڻيون ٿين ٿيون جيڪا ڪڪڙ اوهان ڪهي ڇڏيندا ته پوءِ آنا ڪٿان ايندا اهڙي طرح مينيوفيڪچرنگ شعبي جي پيداوار گهٽجي 2 ٿي ويئي آهي ته ان سان ٽيڪس ڪٿان لڳندا هن چيو ته هلندڙ مالي سال ۾ پي ٽي آءِ حڪومت ٻه ڀيرا مني بجيٽ پيش ڪئي تنهنڪري هي ناقابل ترديد حقيقت آهي ته هي ٽئين مهيني آءِ ايم ايف وٽ ويندا ته اسان حدف پورا ناهن ڪري سگهيا اوهان اسان کي ڇوٽ ڏيو پوءِ اهڙي سخت قومي مفاد تي سوديبازي ڪندا جنهن سان پاڪستان جي معاشي ۽ سياسي صورتحال ويڪ خراب ٿي ويندي صوبائي فنڊن جي حوالي سان چيو ته صوبن جو احتجاج رهيو ته وفاق کان فنڊ نه پيو ملي جڏهن ته وفاقي حڪومت 10 مهينن ۾ جيڪا ٽيڪس اڳاري ڪئي ان جو نتيجو اهو نڪتو ته ڪٿي به نئين منصوبي جي هڪ سر به نه رکي ويئي هن چيو ته مان انهن ماڻهن کي اسپيڪر جي معارفت هڪ گولڊ ميڊل ڏيڻ چاهيان ٿو ته اسان جي دور جي منصوبن تي تختيون لاهي هي ماڻهو پنهنجون تختيون لڳائڻ لاءِ هڪٻئي لاءِ ڄنڊاپٽ ڪري رهيا آهن منصوبا ته هي ٺاهي نه سگهيا هاڻي هي قوم کي اهڙِ طرح ڪارڪردگي ڏيکاري رهيا آهن ان تي اسد قيصر شهبازشريف جي ڳالهه ڪٽيندي چيو ته اوهان جي ڄاڻ ۾ اها ڳالهه آڻڻ چاهيان ٿو ته خيبرپختونخواهه ۾ ست يونيورسٽيون ٺاهيون ويون جڏهن ته مان پنهنجي صوابي ضلعي ۾ ٻه يونيورسٽيون ۽ ميڊيڪل ڪاليج ۽ اسپتال ٺاهي بجيٽ تجويزن تي هن چيو ته عمران خان وڏي دعويٰ جي ابتڙ اسان جي دور ۾ تعليم جي لاءِ 97 ارب رپين جي بجيٽ مان 30 ارب رپيا گهٽائي ڇڏيا ۽ 77 ارب رپيا رکياآهن اهڙي طرح صحت جي شعبي جو وفاقي بجيٽ 13 ارب کان گهٽ ڪري 11 ارب رپيا ڪئي ويئي سب کان پوءِ ان ۾ ڪوئي شق نٿو رهي ته هي يوٽرن جا ماسٽر آهن ۽ اها ئي انهن جي عادت آهي. شهبازشريف چيو ته خدا ڪري هي موقعو آيو ته اسان هڪٻئي جي ڳالهه ٻڌون گذريل ڏينهن ۾ ايوان جو جيڪو وقت وڃايو ويو اهو هن ايوان جي خلاف آهي شهبازشريف چيو ته گذريل ڏينهن حڪومتي بئنچن کي چيو ويو ته پي ٽي آءِ اپوزيشن ۾ هئي ته ان هميشه ليڊر آف هائوس کي آرام سان ٻڌو مان حڪومتي بئنچن جي ان ڳالهه کي حقيقت جي بنياد تي رد ڪيان ٿو پنجاب اسيمبلي ۾ جڏهن اسان جي حڪومت هئي آخري ٽن بجيٽ تي پي ٽي آءِ جي اپوزيشن سخت بداخلاقي ڪئي اسان نهايت تحمل ۽ برداشت سان هي وقت گذاريو هن چيو ته بجيٽ مان عوام جون اميدون لاڳاپيل هونديون آهن ان جون گهرجون پوريون ڪيون وڃن اسان وڌ ۾ وڌ تعاون ڪنداسين ته جيئن ايوان کي بهتر نموني سان هلايو وڃي هن چيو ته 2013 ۾ عوام جي اصولي ووٽن سان مسلم ليگ (ن) جي حڪومت چونڊي ويئي ته پهريون چئلينج بجلي جي لوڊشيڊنگ جئي جيڪا جنرل مشرف جي دور کان هلي پئي آئي هن چيو ته جنرل مشرف ڪجهه مشينون رکي افتتاح ڪري چيو ته مان ڀاشا ڊيم جي پيڙهه جو پٿر رکي ڇڏيو جڏهن ته قوم ڄاڻي پئي ته هي پيڙهه جو پٿر ڪهڙي دور جي ڳالهه آهي پر ان جي زمين لاءِ هڪ ٽڪو به مهيا نه ڪيو ويو هو صرف ماڻهن کي ورغلائڻ سان ان ڊيم جو پيڙهه جو پٿر رکڻ جي ڪوشش ڪئي جڏهن ته عوام چونڊن ۾ کيس رد ڪري ڇڏيو جڏهن ته اهڙي طرح پاڪستان لاءِ ضروري منصوبن تي به ڪوئي ڪم نه ٿيو شهبازشريف چيو ته جڏهن اسان کي ذميواري ڏني ويئي ته بجلي جو بحران هڪ چئلينج هو مان جذبات ۾ اچي چيو ته الله اسان کي موقعو ڏنو ته اسان ڇهن مهينن ۾ بجلي جو مسئلو ختم ڪري ڇڏينداسين ڇو ته اها منهنجي خواهش هئي جڏهن ته الله تعاليٰ اسان جي مدد ڪئي پر پي ٽي آءِ جي اپوزيشن بدترين افراتفري ۽ سازش جو ڄار بڻي ان جي شاهدي سڄي قوم ڏيندي ته ڪيئن 7 مهينا ڊي چوڪ تي افراتفري جو ماحول رهيو ۽ ملڪ جي معيشت کي تباهه ڪرڻ جي ڪوشش ڪئي ويئي پنهنجي ڳالهه جاري رکندي چيو ته سيپٽمبر 2014 ۾ چيني صدر پاڪستان اچي رهيو هو ۽ حڪومت ڪوشش ڪئي ته ان جو دورو ٿي وڃي ۽ پي ٽي آءِ جي اپوزيشن جي سمورين سازشن افراتفري جي باوجود درخواست ڪئي ويئي ته ٽن ڏينهن لاءِ ڊي چوڪ تان اٿي وڃون پر ڳالهه نه ٻڌي ويئي پر چيني صدر جو دورو ملتوي ٿي ويو مخالف ڌر اڳواڻ چيو ته چيني صدر جي دوري کي ملتوي ڪرائڻ جو پي ٽي آءِ جو فيصلو ملڪ دشمني برابر هو. هي اهي سبب هئا جنهن جي ڪري اسان کي هي چئليج قبول ڪرڻا پيا ۽ پوءِ چيني صدر جو 7 مهينا دير سان دورو ٿيو هن چيو ته دنيا ۾ پاڪستان جا ڪجهه دوست آهن سعودي عرب، ترڪي، چين اسان جي بهترين دوستن ۾ شامل هوندا آهن پر هن دور ۾ جڏهن دهشتگردي ۽ بجلي جو بحران هو ته ان وقت چين اسان جي مدد لاءِ آيو ۽ نوازشريف سان گڏجي پاڪ چين اقتصادي راهداري جو معاهدو ڪيو ۽ ان جي ذريعي 60 ارب ڊالر پاڪستان جي حوالي ڪيا ۽ ملڪ ۾ منصوبا ٺاهيا ويا شهبازشريف چيو ته هي بجيٽ عوام جي لاءِ مايوسي ان کي اونداهي ۾ رکڻ جو پيغام روزگار کسڻ بيواهن جو رزق کسڻ، مريضن کان دوائون کسڻ، شاگردن جو حق کسڻ آيو آهي اسان هن عوام ۽ پاڪستان دشمن بجيٽ کي رد ڪريون ٿا هن چيو ته بجيٽ ظلم جي تلوار آهي جيڪا معاشي طور تي عام ماڻهو جو ڪنڌ لاهڻ لاءِ آئي آهي هي هاري جي ماني ان کان کسڻ چاهين ٿا جيڪڏهن عوام جي ڀلائي لاءِ بجيٽ ٺاهڻي هجي ها ته هي پنجن سعبن تي لازمي ڌيان ڏنو وڃي ها جنهن ۾ سڀ کان پهريان نوجوانن لاءِ نوڪريون ڏسن ها، مهانگائي کي ختم ڪن ها، جي ڊي پي کي وڌائين ها، ڪاروبار ۽ ايڪسپورٽ کي وڌائين ها ۽ سماجي ۽ معاشي انصاف کي ڏسڻ گهرجي ها هن چيو ته بجيٽ ۾ هي پنج اهم شعبا غائب آهن ۽ هي بجيٽ بين الاقوامي مالياتي فنڊ آءِ ايم ايف سان مشاورت سان ناهي ٺهي پر آءِ ايم ايف پاڪستان جي لاءِ ٺاهي آهي. شهبازشريف چيو ته آءِ ايم ايف جي پي رول تي پاڪستان جي اهم ادارن ۾ وهاريل ماڻهن کي ڪهڙي خبر ته يتيم ٻار هجي يا بيوه زندگي ڪيئن گذري رهيا آهن انهن کي ڪهڙي خبر ته اسپتالن ۾ دوائون ملي رهيون آهن يا نه هتان جي تعليمي ضرورتن بابت انهن کي ڪهڙي خبر جڏهن ته کين بيروزگاري بابت ڪهڙِ خبر ڇو ته هو ته صرف هڪ ڳالهه ڄاڻين ٿا ته ترقياتي رڪم کي گهٽائڻ، پريميم ريٽ وڌائڻو آهي ڀلي ان سان غريب ماڻهن جون رڙيون نڪري وڃن هن چيو ته انهن ماڻهن کي غريبن جي پرواهه نه آهي کين صرف پنهنجي مقرر ٿيل پيٽرن جي پيروي ڪرڻ آهي جنهن جو مثال مصر ۽ وينزويلا آهي. شهازشريف چيو ته ڀارت سان ڳالهيون چاهيون ٿا هن چيو ته نوازشريف کي ڀارت سان ڳالهيون ڪرڻ تي غدار سڏيو ويو پر مان ڪنهن کي نه چوندس هن چيو ته ڪشميري عوام پاڪستاني جهنڊي ۾ دفن ٿي رهي آهي هن چيو ته آءِ ايم ايف سان ٿيل معاهدو پارليامينٽ ۾ آندو وڃي هن چيو ته صحافين برادري جي معاشي قتل جي خلاف بيٺا آهيون هن چيو ته حڪومت احتساب جي نالي تي انتقام وٺي رهي آهي هن چيو ته جيڪڏهن حڪومت بجيٽ ۾ ترميم نه ڪئي ته هلڻ نه ڏينداسين.

 

گهريلو صارفين لاءِ پهرين جولاءِ کان گئس جي اگهن ۾ 200 سيڪڙو اضافي جو فيصلو

اسلام آباد ( ويب ڊيسڪ ) حڪومت گهريلو صارفين لاءِ پهرين جولاءِ کان گئس جي اگهن ۾ 200 سيڪڙو اضافي جو فيصلو ڪيو آهي. تحريڪ انصاف حڪومت هلندڙ مالي سال دوران گئس جي قيمتن ۾ 143 سيڪڙو اضافو ڪيو آهي. پئٽروليم ڊويزن گهريلو گئس صارفين لاءِ پهرين سليب ۾ گئس جي قيمتن ۾ 25 سيڪڙو اضافو ۽ ٻئي سليب لاءِ 50 سيڪڙو، ٽئين سليب لاءِ 75 سيڪڙو اضافو ڪيو آهي.  چوٿين سليب لاءِ 100 سيڪڙو ۽ پنجيب سليب لاءِ 150 سيڪڙو ۽ ڇهين سليب لاءِ 100 سيڪڙو اضافي جي تجويز آهي. تجويز ڪيل اضافي موجب پهرين سليب جي صارفين جو هر مهيني بل 285 رپيه مان وڌي 422 رپيه ٿي ويندو، ٻئي سليب جي گئس صارفين جو هر مهيني بل 572 مان وڌيڪ هڪ هزار 219 ٿي ويندو.

 

سنڌ حڪومت جو پوليو ويڪسين کان انڪاري والدين تي ڪيس داخل ڪرڻ جو حڪم

ڪراچي (اين اين آءِ) سنڌ جي وڏي وزير سيد مراد علي شاھ چيو آھي ته پوليو جو خاتمو صوبائي حڪومت لاءِ ھڪ وڏو چئلنج بڻجي ويو آھي انڪري سندس ٽيم کي ھدايت ڪئي تھ اھي ان کي ھڪ چيلنج سمجھندي نئين حڪمت عملي ۽ صلاحيت اختيار ڪئي وڃي ۽ پوليو جا ڦڙا پيارڻ کان انڪار ڪندڙن خلاف ڪيس داخل ڪيو وڃي. ھن اھو فيصلو اڄ وزيراعليٰ ھائوس ۾ پوليو جي خاتمي بابت صوبائي ٽاسڪ فورس واري اجلاس جي صدارت ڪندي ڪيو. اجلاس ۾ صوبائي وزير صحت ڊاڪٽر عذرھ پيچوھو، مڪاني ادارن وارو وزير سعيد غني، چيف سيڪريٽري سنڌ سيد ممتاز شاھھ، انسپيڪٽر جنرل پوليس ڊاڪٽر ڪليم امام، وڏي وزير جو پرنسپل سيڪريٽري ساجد جمال ابڙو، صوبائي صحت وارو سيڪريٽري، ناڻي وارو سيڪريٽري، سمورا ڊويزنل ڪمشنرز، وفاقي حڪومت جو نمائدو ڊاڪٽر ملڪ ايم شيفع، ڊي ايم جي ايف سيٽل جو ٽم پيٽرسن، يونيسيف جو جون ايگبور، ڊبليو ايڇ او جو ڊاڪٽر عابدي، روٽري انٽرنيشنل جو عزيز ميمڻ ۽ ٻين لاڳاپيل آفيسرن شرڪت ڪئي. وڏي وزير چيو تھ پاڪستان ۽ افغانستان دنيا ۾ واحد ملڪ آھن جتي اڃا تائين پوليو جا ڪيس سامھون اچي رھيا آھن. ھن چيو تھ پاڪستان ۾ پوليو جا 24 ڪيس ۽ افغانستان ۾ 8 ڪيس سامھون آيا آھن. سنڌ ۾ 2019ع دوران 3 ڪيس سامھون آيا جيڪي مون لاءِ نھايت ڏکوئيندڙ ڳالھھ آھي ڇاڪاڻ تھ گذريل سال 2018 ۾ ھڪ ڪيس ۽ 2017 ۾ ٻھ ڪيس سامھون آيا ھئا. ھن چيو تھ ان مان ظاھر ٿئي ٿو تھ پوليو ڪيسن ۾ گھٽتائي اچڻ بدران واڌ ٿي رھي آھي. مراد علي شاھھ چيو تھ صوبائي حڪومت ۽ ان جي ٽيڪنيڪل ٽيم کي گھرجي تھ پوليو ڪيسن ۾ اضافي لاءِ پنھنجو احتساب ڪري تھ اسان ڪٿي ناڪام ٿيا آھيون ۽ اسان جو ڪاوشون نتيجا ڏيڻ ۾ ڇو ناڪام ٿي رھيون آھن. وڏي وزير کي ٻڌايو ويو تھ پاڪستان ۾ گڏيل طور تي 24 پوليو ڪيس سامھون آيا آھن جن مان سنڌ ۾ 3 بشمول ھڪ لاڙڪاڻي ۽ ٻھ ڪراچي، 3 پنجاب، 12 خيبر پختون خواھھ ۽ ڪي پي ڪي جي قبائلي علاقن ۾ 6 ڪيس سامھون آيا آھن. واضح رھي تھ لياري جي صفيھ، لاڙڪاڻي جي بيبي فضا ۽ گلشن اقبال جو عبدالنثار کي فيبروري ۽ اپريل 2019ع ۾ ترتيبوار پوليو ظاھر ٿي. اجلاس ۾ ٻڌايو ويو تھ ڪراچيءَ جي 11 مختلف علائقن بشمول سھراب ڳوٺ، مڇرڪالوني، خميسو ڳوٺ گڏاپ، ڇاڪرو نالو، راشد منھاس روڊ، محمد خان ڪالوني، بختاور ڳوٺ، اورنگي نالو، ڪورنگي نالو، حاجي منير ڳوٺ ۽ ھجرت ڪالوني شامل آھن ۾ پوليو وائرس جي نشاندھي ماحولياتي سرويلنس ذريعي ٿي آھي. صوبي جي ٻھراڙين نئين سکر، حيدرآباد ۽ دادو ۾ پوليو وائرس جي نشاندھي ٿي آھي. ان تي وڏي وزير سندس ڪاوڙ جو اظھار ڪندي چيو تھ سال 2015ع کان مارچ 2019ع تائين دادو پوليو وائرس کان ڪليئر ھو ۽ ھاڻي ٻيھر پوليو وائرس جي موجودگي سان لاڳاپيل آفيسرن جي نااھلي ثابت ٿئي ٿي. وڏي وزير چيف سيڪريٽري کي ھدايت ڪئي تھ ھُو آفيسرن بشمول لاڳاپيل ڊپٽي ڪمشنر جتي پوليو وائرس ظاھر ٿيو آھي انھن خلاف ڊسيپلينيري ايڪشن ورتو وڃي. ھن چيو تھ اسان جا ڊي سيز، ڊي ايڇ اوز، پوليو جي خاتمي جون ٽيمون ۽ لاڳاپيل لوڪل باڊيز جا آفيسر سندن علائقن ۾ ڇا ڪري رھيا آھن جو اتي پوليو وائرس ڏٺا ويا آھن. ھن چيو تھ ڊپٽي ڪمشنرز ۽ ٻين لاڳاپيل آفيسرن کي سندن علائقن مان پوليو ڪنٽرول ڪرڻ ۾ ناڪاميءَ تي شوڪاز نوٽس جاري ڪيو وڃي. اجلاس ۾ ٻڌايو ويو تھ ڪراچيءَ ۾ 203733 ٻارن کي پوليو جا ڦڙا پياريا ويا ۽ اڃا بھ 251806 ٻار رھيل آھن. ان تي وڏي وزير سندس ڪاوڙ جو اظھار ڪندي پوليو ٽيمن کي ھدايت ڪئي تھ انھن ٻارن جي والدين خلاف ڪيس داخل ڪيو وڃي جيڪي سندن ٻارن کي پوليو جا ڦڙا کان انڪار ڪري رھيا آھن. ھن چيو تھ ان حوالي سان آءِ جي پوليس سندس ھدايت تي عمل ڪندي پوليس اسٽيشن لاءِ ھدايت جاري ڪري. ھن چيو تھ اھي ڪيس علائقي جي پوليو ٽيم جي شڪايت تي داخل ڪيا ويندا. واضح رھي تھ شھيد بينظير آباد، ميرپورخاص، لاڙڪاڻي ۽ سکر ڊويزنن ۾ سمورن ٻارن کي پوليو جا ڦڙا پياريا ويا آھن سواءِ حيدرآباد جتي رڳو 5827 ٻارن رھيل آھن. وڏي وزير پوليو ٽيمن کي ھدايت ڪئي تھ اھي رھيل ٻارن لاءِ خاص مھم شروع ڪئي وڃي. وڏي وزير چيف سيڪريٽريءَ کي ھدايت ڪئي تھ ھُو ٻارن کي لازمي پوليو جي ويڪسينيشن بابت ھڪ ڊرافٽ قانون تيار ڪيو وڃي. ھن ناڻي واري سيڪريٽري کي ھدايت ڪئي تھ ھُو پوليو ورڪرز لاءِ 412 ملين رپيا جاري ڪيا وڃن. وڏي وزير سيد مراد علي شاھھ چيو تھ سندس پوليو ٽيمن جي ھمت وڌائڻ ۽ لاڳاپيل کاتي کي فعال بڻائڻ لاءِ پوليو مھم ۾ ذاتي طور تي شرڪت ڪندو.

 

وزيراعظم خانڳڙهه پهتو، علي محمد مهر جي پوئنرن سان تعزيت

خانپور مهر (م.ڊ) وزيراعظم عمران خان خانڳڙهه پهچي مرحوم علي محمد مهر جي پونيئرن سان تعزيت ڪئي آهي. وزيراعظم عمران خان ڪابينا جي ميمبرز ۽ اتحادي اڳواڻن سان گڏ گهوٽڪي جي دوري تي خانڳڙهه پهچي ويو. وزيراعظم عمران خان وفاقي وزير علي محمد مهر جي لاڏاڻي تي پونيئرن سان تعزيت ڪئي. اُن موقعي تي علي گوهر مهر ۽ ٻيا موجود هئا. جڏهن ته وزيراعظم عمران خان گڏ سنڌ جو گورنر عمران اسماعيل، محمد ميان سومرو، ڊاڪٽر فهميده مرزا، غوث بخش مهر ۽ ٻيا به موجود هئا. اُن موقعي تي اين اي 205 تي پ پ مخالف اُميدوار ۽ مرحوم علي محمد مهر جو پُٽ احمد علي مهر به موجود هو. وزيراعظم عمران خان مانجهاندي ۾ به شرڪت ڪئي.

 

اخباري ملازمن لاءِ 8 ويج بورڊ جي گڏيل عبوري ايوارڊ جو اعلان ، اپوزيشن وارا ڀڀڪين سان بجيٽ جي منظوري نٿا روڪي : فردوس عاشق

اسلام آباد (ويب ڊيسڪ/اين اين آءِ) اخباري ملازمن لاءِ 8 ويج بورڊ جي گڏيل عبوري ايوارڊ جو اعلان ڪيو ويو اربع تي ڊاڪٽر فردوس عاشق اعواڻ جي صدارت هيٺ ويج بورڊ بابت اجلاس ٿيو جنهن ۾ صحافين جي نمائنده تنظيمن جا عهديدار شريڪ ٿيا. پارلياماني رپورٽرز ايسوسيئيشن جي صدر بحزاد سليمي اجلاس ۾ پي آر اي جي نمائندگي ڪئي اخباري ملازمن لاءِ 8 ويج بورڊ گڏيل عبوري ايوارڊ جو اعلان ڪيو ويو اعلان ويج بورڊ جيچ يئرمين جسٽس رخسنات ڪيو. جسٽس ريٽائرڊ حسنات چيو ته ويج بورڊ ايوارڊ جو عمل پهرين فيبروري 2019 کان ٿيندو جسٽس حسنات چيو ته پگهارون ادا نه ڪندڙ اخبارن کي سرڪاري اشتهار نه ڏيڻ گهرجي فردوس عاشق اعواڻ چيو ته حڪومت ۽ ميڊيا هڪ گاڏي جا ٻه ڦيٿا آهن چيلينج حڪومت جا نه پر ملڪ ۽ عوام جا هوندا آهن هن چيو ته ميڊيا چيلينجز کي منهن ڏيڻ جو هٿيار آهي عبوري ويج بورڊ درست رخ ۾ هڪ قدم آهي هن چيو ته عبوري ويج بورڊ جو مستقبل ويج بورڊ سان ڳنڍيو ويندو. فردوس عاشق اعواڻ چيو ته خواهشن تي ٻڌل قانون ۽ قدم مڙهڻ جا درست نتيجا حاصل نه ٿيندا صحافتي تنظيمن جي عهديدارن پاران ويج بورڊ تي عملدرآمد جي حوالي سان خدشن جو اظهار ڪيو ويو فردوس عاشق اعواڻ چيو ته صحافتي تنظيمن جي اڳواڻن جي تجويزن جي آجيان ڪيان ٿي هن چيو ته مستقل ويج بورڊ ايوارڊ کي وڌيڪ بهتر بڻايو ويندو ٽربيونلز جي انگ کي هڪ کان وڌايو ويندو هن چيو ته نيئن ميڊيا ۽ ايڊوٽائيزنگ پاليسي کي ڪابينا ۾ پيش ڪرڻ کان اڳ صحافتي تنظيمن سان صلاح مشورا ڪنديس، هن چيو ته موجوده پاليسي ۾ ايڊورٽائيزنگ ايجنسين جو کل جوڳو ڪردار آهي هن چيو ته ميڊيا ورڪرز جي پگهارن کي اشتهارن سان ڳنڍڻ ليگل ڪور ضروري آهي هن چيو ته پي آءِ ڊي صحافين جو مڪمل ڊيٽا تيار ڪري.

اطلاعات بابت وزيراعظم جي خاص مددگار فردوس عاشق اعواڻ چيو آهي ته اپوزيشن وارا ڀڀڪين سان بجيٽ جي منظوري نٿا روڪي سگهن. اسلام آباد ۾ پريس ڪانفرنس ڪندي فردوس عاشق اعواڻ چيو ته وزيراعظم ڪڏهن ناهي چيو پارليامينٽ هلڻ نه ڏيندس، هو جمهوريت ۽ پارليامينٽ جي بالادستي تي يقين رکي ٿو ۽ ادارن کي بااختيار بڻائڻ چاهي ٿو. هن چيو ته عوام ڦرلٽ ڪندڙ ٻن خاندانن کي رد ڪيو ۽ عمران خان کي اقتدار بخشيو، هن بجيٽ کي عوامي نمائندا پاس ڪندا، ڀڀڪيون هڻندڙ بجيٽ جو ڪجهه نٿا بگاڙي سگهن. سندس چوڻ هو ته اپوزيشن عمران خان کي پنهنجي مشن تان پوئتي نٿي هٽائي سگهي، اپوزيشن ليڊر اڄ قومي اسيمبلي ۾ حقيقتن جي ابتڙ بيان ڏنو، شهباز شريف پارليامينٽ کي ذاتي مشهوري جو ذريعو بڻايو. فردوس عاشق اعواڻ چيو پراميد آهيان ته اپوزيشن عوام سان پنهنجو ناتو نه ٽوڙيندي، مخالف ڌر اڳواڻ غنڊي گردي سان نه پر آئيني ۽ پارلياماني طريقي سان عوامي مفاد ۾ ترميمون آڻي، اسان منظور ڪرائينداسين. اپوزيشن ميمبرن جا پروڊڪشن آرڊر جاري ڪرڻ جي سوال تي جواب ڏيندي هن چيو ته پروڊڪشن فلمن ۽ ڊرامن ۾ هوندي آهي، سياسي اداڪارن کي ڇو نه پيو آندو وڃي، ان بابت اسپيڪر ئي ٻڌائي سگهي ٿو.

 

نوابشاهه، لاهور ۽ ڏکڻ توڙي اتر وزيرستان جي عوام کي ڪيئن بجيٽ جي عمل کان ٻاهر رکي سگهجي ٿو : بلاول ڀٽو زرداري

اسلام آباد( ويب ڊيسڪ ) پ پ چيئرمين بلاول ڀٽو زرداري قومي اسيمبلي جي چئن ميمبرن جا پراڊڪشڻ آرڊر جاري ڪرڻ جو مطالبو ڪيو آهي، آصف زرداري جا پراڊڪشن آرڊر جاري ڪرڻ جي حمايت تي ايم ڪيو ايم جي واکاڻ ڪئي آهي. قومي اسيمبليءَ ۾ بجيٽ بحث ڪندي پ پ چيئرمين بلاول ڀٽو زرداري چيو ته آصف علي زرداري ملڪ جو صدر رهيو آهي، هن 11 سال جيل ۾ گذاريا پر هو هر ڪيس ۾ آزاد ٿيو، اڄ به هر فورم تي وڙهي رهيو آهي، آصف زرداري بري ٿيندو. هن چيو ته نوابشاهه، لاهور ۽ ڏکڻ توڙي اتر وزيرستان جي عوام کي ڪيئن بجيٽ جي عمل کان ٻاهر رکي سگهجي ٿو. سندس چوڻ هو ته جيڪو سڀ ڪجهه هلي رهيو آهي اهو جمهوريت ۽ ايوان جي توهين آهي، افسوس سان اهو محسوس ٿي رهيو آهي ته اسپيڪر جي ڪرسي سان جيڪا واعدا ڪيا ويا اهي پورا نه ٿي سگهيا آهن.  بلاول ڀٽو زرداري چيو ته  اسان جي حق ۽ ايوان جي روايت کي پورو ڪندي آصف زرداري ۽ ٻين قومي اسيمبلي جي ميمبرن جا پراڊڪشن آرڊر جاري ڪيا وڃن.

 

 

مسلم ليگ ن ۽ پ پ ملڪ کي 24 هزار ارب رپين جو قرضي ڪيو: عمر ايوب

اسلام آباد ( ويب ڊيسڪ ) توانائي واري وزير عمر ايوب چيو آهي ته ملڪي قرض جون 2008ع تائين 6 هزار 800 ارب رپيه هو، سيپٽمبر 2018ع تائين پاڪستان تي 30 هزار 846 ارب رپيه قرض ٿي ويو، پ پ  ۽ ن ليگ جيڪو قرض ورتو گنيز بڪ آف ورلڊ رڪارڊ ۾ اچي ٿو.  قومي اسيمبلي جي اجلاس کي خطاب ڪندي عمر ايوب چيو ته ٻن ڏينهن کان جو رويو ڏسي رهيو آهيان اهو سٺو نه آهي، ان ڳالهه ۾ وڃڻ نه ٿو چاهيان جنهن ڪري صورتحال پيدا ٿي آهي. هن چيو ته بجيٽ پيش ڪرڻ دوران هڪ وزير جو گهيرو ڪيو ويو، مخالف ڌر جي ميمبرن به چيو ته هو مجبور هئا جنهن ڪري گوڙ ڪيو ويو. سندس چوڻ هو ته شهباز شريف پاڻ تي ئي آپگهاتي حملو ڪيو آهي، پنج هزار 500 ارب رپين جو هدف انشاءَ الله هلندڙ سال ئي پورو ڪنداسين. عمر ايوب چيو ته ملڪي قرض جون 2008ع تائين 6 هزار 800 ارب رپي هو، سيپٽمبر 2018ع تائين پاڪستان تي 30 هزار 846 ارب رپيه قرض ٿي ويو، پ پ ۽ مسلم ليگ ن جيڪو قرض ورتو اهو گنيز بڪ آف ورلڊ رڪارڊ ۾ اچي ٿو.  هن چيو ته 10 سالن ۾ ٻنهي پارٽين ملڪ کي 24 هزار ارب رپين جو قرضي ڪري ڇڏيو آهي، 2008ع کان 2014ع تائين ڪرنسي اشو ۾ 100 سيڪڙو اضافو ٿيو،  مسلم ليگ ن جي دور ۾ ڪرنسي ڇاپڻ ۾ 101 سيڪڙو اضافو ٿيو.  عمر ايوب چيو ته 10 سالن ٻنهي پارٽين ملڪ کي 24 هزار ارب رپين جو قرض ڪري ڇڏيو، 2008ع کان 2014ع تائين ڪرنسي اشو ۾ 100 سيڪڙو اضافو ٿيو، مسلم ليگ ن جي دور ۾ ڪرنسي ڇاپڻ ۾ 101 سيڪڙو اضافو ٿيو، روئڻ سولو آهي، ٿورو آئينو به ڏسي وٺو،نوٽ ڇاپڻ جي جيڪا مشين ڇڏي ويا تنهن ڪري رد ڪيو آهي، تحريڪ انصاف نظام کي درست ڪندي.

 

سينيٽ چيئرمين جي چونڊ بلاول جي غلطي هئي: مريم نواز

اسلام آباد(ويب ڊيسڪ) پاڪستان مسلم ليگ ن جي اڳواڻ مريم نواز چيو آهي ته سعد رفيق جي غلطي آهي جو هن نالائق اعظم جي خلاف 2 ڀيرا اليڪشن وڙهڻ جي جرعت ڪئي، خواجا ڀائرن کي سياسي انتقام جو نشانو بڻايو پيو وڃي. خواجا ڀائرن جي وارثن سان ملاقات کان پوءِ ميڊيا سان ڳالهائيندي هن چيو ته اسان کي اميد هئي ته سڀاڻي سلمان رفيق ۽ سعد رفيق جي ضمانت ٿي ويندي، سلمان رفيق کي دل جو مرض آهي ۽ سندس طبعيت به بهتر ناهي. بلاول ڀٽو سان ملاقات بابت سوال تي مريم نواز چيو ته بلاول ڀٽو سان سينيٽ جي چيئرمين جي تبديلي، اِن هائوس تبديل ۽ حڪومت جي خلاف احتجاج تي ڳالهيون ٿيون، جلد ئي مخالف ڌر پارٽين جي اي پي سي ٿيندي ۽ ان ۾ سمورن معاملن تي ڳالهيون ٿينديون. سندس چوڻ هو ته هن نااهل ۽ نالائق حڪومت جي ڪري عوام تي جيڪا ڏکيائي آئي آهي، هنن کي انهن ڏکيائين مان ڪڍڻ جي لاءِ حڪوتم جي خلاف مزاحمت ڪرڻ تي به بلاول سان ڳالهيون ٿيون هيون. اڳوڻي وزير اعظم جي ڌيءَ جو چوڻ حو ته منهنجو اِهو ئي خيال آهي ته مخالف ڌر پارٽيون حڪومت جي پاليسين جي خلاف عوام جي مئسلن جي درست  عڪاسي ناهن ڪري رهيون، جيڪڏهن هو عوام جي اميدن تي پورو نه لهنديون ته انهن کي به جلد عوام جي غيظ عضب کي منهن ڏيڻو پوندو. هن چيو ته مون وٽ ڊڄڻ لاءِ ڪجهه به ناهي، اسان جڏهن کان سياست شروع ڪئي تڏهن کان سزائون ڪاٽي رهيا آهيون، مون سڀ ڪجهه ڏسي ورتو آهي، منهنجو سڄو شيڊول تيار آهي ۽ هاڻ آئون عوام ۾ نڪرنديس. وفاقي بجيٽ تي تبصرو ڪندي مريم نواز جو چوڻ هو ته بجيٽ جي ڪري عوام مهانگائي جي چڪي ۾ پيڙهجي چڪو آهي، عام ماڻهو جي زندگي ڏکيائين جو شڪار ٿي وئي آهي. بجيٽ کي جيڪو منظور ڪرائيندو اُهو عوما جي عدالت ۾ ڏوهاري هوندو. هن چيو ته حڪومت کي بجيٽ منظور ڪرائڻ ۾ ڏاڍين ڏکيائين کي منهن ڏيڻو پيو پوي ڇو ته جهڙي ريت مخالف ڌر جي ميمبرن کي ڳولي ڳولي گرفتار ڪيو پيو وڃي، وٺ وٺان ڪئي پئي وڃي، ان مان اِهو ئي ٿو لڳي ته حڪومت کي خدشو آهي ته بجيٽ منظور نه ٿي سگهندي.، ان موقعي تي مخالف ڌر کي گهرجي ته هو حڪومت ٽف ٽائم ڏئي. قومي ترقياتي ڪونسل جي جڙڻ بابت سوال تي هن چيو ته ڪونسل بڻائڻ جو فيصلو سمجهه کان ٻاهر آهي، پارليامينٽ ۽ ٻيا چونڊيل ادارا موجود آهي ته پوءِ ان جي ڪهڙي ضرورت هئي. آصف زرداري جي گرفتاري بابت سوال تي مريم نواز صحافي کي مخاطب ڪندي چيو ته مون کي اهڙي قسم جي سوالن جا جواب ڏيڻ سٺي نموني ايندا آهن، جيڪڏهن ڪا غلطي ٿي آهي، ڪا ڪرپشن ٿي آهي ته گرفتار ٿيڻ گهرجي، پر نيب جو ڪردار ان حوالي سان تڪراري آهي، نيب کي پيپلز پارٽي ۽ مسلم ليگ ن جي ماڻهن کي معاملا پري کان نظر ايندا آهن،  ۽ بنا ثبوتن جي گرفتاريون به ڪيون وينديون آهن. هن وڌيڪ چيو ته پر عليمه خانم جي معاملي ۾ نيب خاموش آهي، هن کان سندس دولت ۽ ملڪيت بابت ڪي به سوال ناهن ڪيا ويندا حالانڪ هو ڏنڊ ڏئي پنهنجي ڪرپشن جو اعتراف ڪري چڪي آهي. هن هڪ سوال تي چيو ته اسان کي حق جي ڳالهه ڪرڻ گهرجي، اِها حڪومت ووٽ چوري ڪري آئي آهي ته اسان کي ان کي ووٽ چور چوڻ گهرجي، عوام ڏکيائين ۾ آهي ان جو سڌو اظهار ڪرڻ گهرجي ۽ ان تي احتجاج ڪرڻ گهرجي. سينيٽ چيئرمين جي تبديلي جي باري ۾ سوال تي مريم نواز چيو ته سينيٽ چيئرمين کي چونڊيندڙن جي حوالي سان جيڪڏهن بلاول ڀٽو کي پنهنجي غلطي جو احساس ٿي ويو آهي ۽ هو ان کي سڌارڻ چاهي ٿو ته اِها سٺي ڳالهه آهي. گرفتارين بابت سوال تي هن چيو ته عمران خان چاهي ته مخالف ڌر جي ميمبرن کي به اندر ڪري ڇڏي پر پوءِ به ان جي حڪومت نه هلندي، سندس واڌ ويجهه ڪنٽينر واري ماحول ۾ ٿي آهي، هو اڃان به ان ماحول مان ناهي نڪري سگهيو. هڪ صحافي آخر ۾ وينا ملڪ بابت سوال ڪيو ته مريم نواز چيو ته اهڙي قسم جا سوال رڳو وقت ضايع ڪرڻ جي لاءِ هوندا آهن.

 

اسلامو فوبيا نسل پرستي ۽ مذهبي نفرت جي بدترين شڪل آهي: مليحا لوڌي

نيو يارڪ ( ويب ڊيسڪ ) گڏيل قومن ۾ پاڪستاني سفير ڊاڪٽر مليحا لوڌي چيو آهي ته اسلامو فوبيا نسل پرستي ۽ مذهبي نفرت جي بدترين شڪل آهي.  گڏيل قومن ۾ خطاب ڪندي مليحا لوڌي چيو ته اسلامو فوبيا نسل پرستي ۽ مذهبي نفرت جي بدترين شڪل آهي. هن چيو ته اسلامو فوبيا کي منهن ڏيڻ لاءِ قدم کڻڻ جي ضرورت آهي. سندس چوڻ هو ته دنيا ۾ ڊجيٽل ٽيڪنالوجي جو غلط استعمال ڪيو پيو وڃي، سوشل ميڊيا تي نفرت جوڳا پيغام پکيڙڻ جو خاتمو ٿيڻ گهرجي. مليحا لوڌي چيو ته  سوشل ميڊيا کي تشدد جو حوصلو وڌائڻ جي پليٽ فارم طور استعمال نه ٿيڻ ڏنو وڃي، جڏهن ته اڪثر ملڪن ۾ سياسي ۽ چونڊ فائدي لاءِ نفرت جوڳيون تقريرون ڪيون وينديون آهن.