تازيون خبرون
عمران خان جي سعودي ولي عهد سان ملاقات، تيل ٺڪاڻن تي حملي جي مذمت، ڪشمير صورتحال تي ڳالهيون - پنڊي جو موسم تبديل ٿي رهيو آهي، حڪران ڀلي شوق پورا ڪن: آصف علي زرداري - ميڊيا کي ذميوار ڪردار ادا ڪندي ڏسڻ چاهيون ٿا، ڪو به قانون زبردستي مڙهيو نه ويندو: فردوس عاشق - بلديا فيڪٽري سانحو: مالڪن مرڪزي جوابدارن رحمان ڀولا ۽ زبير چريا کي سڃاڻي ورتو آهي جڏهن ته ڇرڪائيندڙ انڪشاف به ڪيا آهن. - تحقيق ۽ تجربن سان ئي علم جي ميدان ۾ ترقي ڪري سگهجي ٿي: صدر عارف علوي - مدرسا اسڪول سميت تعليمي ادارن ۾ جديد ٽيڪنالاجي نه هوندي ته اسان گهڻو پوئتي رهجي وينداسين: چيف جسٽس - ڪتي جي ڏاڙهڻ سان ٻارڙي جي موت تي ڏک جو اظهار، فوتي ٻارڙي تي سياسي ڪئپنگ ڪئي ويئي: بلاول ڀٽو زرداري - سي پي اين اي پاران سڀني ڌرين سان گڏجي ميڊيا ٽربيونلن خلاف جدوجهد جو اعلان - حڪمرانن جي اشرافيا ۾ واحد سياستدان آهن جو هڪ ٻئي جي دشمني ۾ سبقت وٺڻ جي ڪوشش ڪندا آهن: خواجه آصف - ٿر جي معصوم ٻارڙن تي موت جو رقص،مٺي سول اسپتال ۾ وڌيڪ 4 ٻارڙا فوت

Daily Archives: June 10, 2019

داڪاره ماهره خان جي فلم سپر اسٽار ۾ آئٽم نمبر پڪچرائيز ڪرائيندي

لاهور (شوبز نيوز) مشهور اداڪاره ڪبريٰ خان عالمي شهرت رکندڙ اداڪاره ماهره خان جي فلم سپر اسٽار ۾ آئٽم نمبر پڪچرائيز ڪرائيندي/ڏسو صفحو 6 بقايا نمبر 22

. فلم جي مرڪزي ڪردارن ۾ ماهره سان گڏ بلال اشرف به شامل هوندو. ميڊيا رپورٽ موجب ڪبريٰ خان کي فلم ميڪر مومنه دريد پنهنجي فلم جي آئٽم سانگ ۾ ڪاسٽ ڪيو آهي، فلم جي هدايتڪاري اختشام الدين ڪري رهيو آهي. هن فلم جي شوٽنگ خوبصورت لوڪيشنز تي ڪراچي سميت مختلف شهرن ۾ ڪئي پئي وڃي. ڪبريٰ خان ڪجهه عرصو اڳ ئي فلمن ۽ ڊرامن ۾ جاندار اداڪاري ڪري ڀرپور نموني پنهنجون صلاحيتون مڃايون آهن. فلم “جواني ڦِر نهين آني 2” ۾ ڪبريٰ خان جي اداڪارين کي ڏسندڙن خوب پسند ڪيو، جنهن بعد اداڪاره جي شهرت ۾ اڃا به واڌ ٿي وئي آهي.

 

سارا لورين پاڪستاني فلمن جي ڪاميابي تي خوش

لاهور (شوبز نيوز) من موهڻي اداڪارا ۽ ماڊل سارا لورين چيو آهي ته پاڪستاني فلمن کي کلي کيڏڻ جو موقعو مليو ته نتيجو سڀني جي سامهون آهي،/ڏسو صفحو 6 بقايا نمبر 42

جنهن مان ثابت ٿي ويو ته فلم ڏسندڙن کي هڪ اهڙي فلم پسند ايندي آهي، جنهن جي ڪهاڻي جاندار، ميوزڪ شاندار ۽ جدت جو انداز انوکو هجي. تازي ڳالهه ٻولهه ۾ سارا لورين چيو ته عيد جي موقعي تي نمائش لاءِ پيش ڪيل فلمن شوقينن کي گھرن مان نڪرڻ تي مجبور ڪيو، جنهن جو وڏو سبب فلم جي مشهوري مهم آهي، جنهن کي ڀرپور انداز ۾ هلايو ويو ۽ ان جو نتيجو عيد تي ڪاروبار جي صورت ۾ اسان جي سامهون آهي، اهو سٺو عمل آهي، ان مان هڪ ڳالهه ثابت ٿئي ٿي ته فلم ڏسندڙ کي رڳو هڪ سٺي ۽ معياري تفريح گهرجي، ڀلي پوءِ اها فلم هالي ووڊ جي هجي، بالي ووڊ جي هجي يا لالي ووڊ جي. اداڪارا چيو ته هڪ شخص پنهنجي فيملي سان گڏ ٽڪيٽ خريد ڪري سينيما گھرن ۾ ويهندو آهي ته اها ڳالهه ذهن ۾ رکندو آهي ته کيس 2 يا 3 ڪلاڪن اندر بهتري تفريح حاصل ڪرڻي آهي ۽ پنهنجي اداس چهري تي کل آڻي ٻاهر نڪرڻو آهي، جڏهن اها رزلٽ ملندي آهي ته هو ٻيهر به سينيما گھرن جو رخ ڪندو آهي. اهو  ئي سبب آهي ته عيد جي موقعي تي لڳندڙ پاڪستاني فلمن کي شوقينن پسند ڪيو ۽ اهي ئي ماڻهو هر هر سينيمائن ۾ نظر اچي رهيا آهن، جنهن کي پاڪستان فلمن جي ڪاميابي ڏانهن پهريون قدم قرار ڏنو وڃي ته غلط نه هوندو. سندس چوڻ هو ته آئون بالي ووڊ ۾ به ڪم ڪري چڪي آهيان، ان ڪري سمجهان ٿي ته بالي ووڊ ۾ پنهنجي فلمن کي ڪامياب بڻائڻ لاءِ جهڙيءَ ريت مشهوري مهم تي پئسو خرچ ڪيو ويندو آهي ۽ فنڪار وقت ڪڍندا آهن، ان جو نتيجو اسان جي سامهون هوندو آهي، هر ڪو فلم جي رليز ٿيڻ جو شدت سان انتظار ڪندو آهي ۽ جڏهن اهي فلمون مارڪيٽ ۾ اينديون آهن ته پوءِ سينيما گھرن ۾ ٽڪيٽ وٺڻ ڏکيو بڻجي ويندو آهي، اسان کي به پنهنجي ڊائريڪشن کي درست رخ ۾ اڳتي وڌائڻ تي ڌيان ڌيڻ گھرجي، ڇو جو انهيءَ ۾ ئي پاڪستاني فلمن، سئنيمائن ۽ فنڪارن جو مستقبل محفوظ آهي.

 

آءِ سي سي ڪمينٽيٽرن کي امپائرن مٿان تنقيد ڪرڻ کان روڪي ڇڏيو

دبئي(اسپورٽس نيوز) انٽرنيشنل ڪرڪيٽ ڪائونسل(آءِ سي سي) ورلڊ ڪپ 2019ع ۾ ڪمنٽيٽرن کي امپائرن جي غلطين تي تبصرن ۾ هٿ هلڪو /ڏسو صفحو 6 بقايا نمبر 08

رکڻ جي هدايت ڪئي آهي. آءِ سي سي ورلڊ ڪپ 2019ع دوران ڪمنٽيٽرن کان غير معمولي درخواست ڪئي آهي ته ۽ چيو آهي ته ايونٽ دوران امپارن تي هٿ هلڪو رکو. انگلينڊ ۾ جاري ڪرڪيٽ ورلڊ ڪپ ۾ امپائرنگ جون ڪيئي غلطيون سامهون آيون، جن تي ڪمنٽيٽرن کين تنقيد جو نشانو بڻايو. آسٽريليا ۽ ويسٽ انڊيز جي ميچ ۾ 4 ريويوز صحيح ثابت ٿيا، ويسٽ انڊيز 4 ڀيرا امپائرن جي فيصلن کي غلط ثابت ڪيو، ورلڊ ڪپ ۾ امپائرنگ جي معيار تي ڪيئي سوال اٿاريا پيا وڃن. آءِ سي سي براڊ ڪاسٽرن کي اي ميل ذريعي ڪمنٽيٽرز کي امپائرن تي تنقيد جو نشانو به بڻائڻ جو چيو آهي. آءِ سي سي جي اي ميل بعد ڪيترن ئي اڳوڻن ڪرڪيٽرن ۽ موجوده ڪمنٽيٽرن آءِ سي سي جي هدايت تي اعتراض واري ڇڏيا آهن. ذريعن موجب ڪيترن ئي ڪمنٽيٽرن آءِ سي سي جي ڊڪٽيشن تي اعتراض ڪيو ته آءِ سي سي کي ٻيهر اي ميل ڪرڻي پئي ۽ چيو ويو ته جائز تنقيد ضرور ڪيو پر ان ڳالهه کي ڊيگهه نه ڏيو. مائيڪل هولڊنگ آسٽريليا خلاف ميچ ۾ امپائرنگ تي اعتراض واريا هئا، ميچ دوران مچل اسٽارڪ جي نو بال امپائر نه ڏني هئي.

 

ڇا آسٽريلوي بالر بال ٽيمپرنگ ڪئي آهي

لنڊن ( اسپورٽس نيوز) انگلينڊ ۽ ويلز ۾ جاري ورلڊ ڪپ دوران آسٽريلوي اسپنر ايڊم زمپا جي هڪ شڪي ويڊيو منظرعام تي آئي آهي جنهن کان /ڏسو صفحو 6 بقايا نمبر 01

پوءِ مٿس بال ٽيمپرنگ جو شڪ ظاهر ڪيو پيو وڃي.ڀارت خلاف آچر تي کيڏيل ان ميچ ۾ آسٽريلوي اسپنر ايڊم زمپا پنهنجي کيسي مان ڪجهه ڪڍي بال تي مليندي نظر آيو جنهن سينڊ پيپر گيٽ اسڪينڊل جي ياد تازي ڪري ڇڏي.
2018ع ۾ ڏکڻ آفريڪا خلاف ڪيپ ٽائون ٽيسٽ ۾ ڪيمرون بين ڪرافٽ کي کيسي مان ڪجهه ڪڍي بال تي مليندي ڏٺو ويو هو جنهن کان پوءِ بال ٽيمپرنگ جو تڪرار شروع ٿيو هو.اُن وقت آسٽريلوي ڪپتان اسٽيو اسمٿ بال ٽيمپرنگ جو الزام قبول ڪيو هو جنهن کان پوءِ آسٽريلوي ڪرڪيٽ بورڊ اسمٿ ۽ سندس نائب ڊيوڊ وارنر تي هڪ، هڪ سال جي پابندي لاڳو ڪئي هئي جڏهن ته بين ڪرافٽ تي 9 مهينن جي پابندي مڙهي وئي هئي. آسٽريليا جي ورلڊ جي شروعاتي ٻن ميچن ۾ چار وڪيٽون حاصل ڪندڙ ايڊم زمپا ڀارت خلاف ميچ ۾ شروع کان ئي بي اثر رهيو ۽ ميچ ۾ هن 6 اوورن ۾ 50 رنسون ڏنيون ۽ وڪيٽ نه وٺي سگهيو.هاڻ ڏسون ٿا ايڊم زمپا جي ان حرڪت خلاف ڪو به ايڪشن کنيو ٿو وڃي يا نه ڇاڪاڻ ته جيڪڏهن ائين ٿئي ٿو ته پوءِ ورلڊ ڪپ دوران آسٽريلوي اسپنر وڏي مشڪل ۾ ڦاسي سگهي ٿو.