تازيون خبرون
مودي نئين دور جو هٽلر قرار، ڪشمير تي حملو پاڪستان تي حملي جي برابر آهي: فردوس عاشق - الله جي ڳالهه ڪڏهن به تبديل ناهي ٿيندي، مسلمان پاڻ کي سياسي طور مضبوط ڪن: حج جو خطبو - وفاقي حڪومت جو اورسيز پاڪستانين لاءِ صحت کارڊ جاري ڪرڻ جو اعلان - وطن لاءِ حياتي ڏيڻ سڀ کان وڏي قرباني آهي، شهيد قوم جا هيرو آهن : آرمي چيف - ڀارت جو سمجهوتا ايڪسپريس ۽ ٿر ايڪسپرين بحال ڪرڻ جو مطالبو رد، آرمي چيف ۽ عمران خان هڪ ئي گاڏي جا ٻه ڦيٿا آهن: شيخ رشيد - فريال ٽالپر ۽ آصف زرداري خلاف ٽئڪس اوڳاڙي جو نوٽيس معطل، عدالت ايف بي آر کي ٽئڪس اوڳاڙڻ کان روڪي ڇڏيو - وفاقي حڪومت گيس ٽيرف ۾ 200 سيڪڙو تائين واڌ کان پوءِ  ڏيڍ مهيني اندر وڌيڪ 39 سيڪڙو واڌ ڪري ڇڏي - سپريم جوڊيشل ڪائونسل، جسٽس قاضي فائز عيسيٰ تي فرد جرم لاڳو ڪري ڇڏيو - ڪراچي سميت سنڌ ۾ سانوڻي جو وسڪارو، روڊ رستا ٻڏي ويا، مواصلاتي نظام درهم برهم، ڪرنٽ لڳڻ سبب 4 فوت - هزارين ڪشميرين جو پاڪستاني جهندي واري مارچ ڀارت جي لاءِ اڻٽٽ ڀت آهي: سراج الحق

Daily Archives: June 10, 2019

آصف ۽ فريال جي ضمانت رد، زرداري گرفتار، جيالا روڊن تي نڪري آيا، باهيون، پوري سنڌ ۾ احتجاج جو اعلان

اسلام آباد/ڪراچي (نمائندن وٽان/ ويب ڊيسڪ /اين اين آءِ) اسلام آباد هاءِ ڪورٽ اڳوڻي صدر آصف علي زرداري ۽ فريال ٽالپر جي مستقل ضمانت جي درخوست رد ڪندي نيب کي جوابدارن کي گرفتار ڪرڻ جي اجازت ڏيئي ڇڏي اهي سومر تي اسلام آباد هاءِ ڪورٽ ۾ جعلي بئنڪ اڪائونٽس ۽ ميگا مني لانڊرنگ ڪيس ۾ آصف زرداري ۽ فريال ٽالپر جي ضمانت جي درخواستن تي ٻڌڻي جسٽس عامر فاروق ۽ جسٽس محسن اختر ڪياني تي ٻڌل ڊويزن بئنچ ڪئي ٻڌڻي دوران آصف علي زرداري ۽ فريال ٽالپر عدالت ۾ موجود هئا ٻڌڻي شروع ٿي ته ايڊيشنل پراسيڪيٽر جنرل نيب جهانزيب ڀروانا دليل شروع ڪيا ته جسٽس محسن اختر ڪياني پڇاڻو ڪيو ته اوهان ته دليل ڏيئي چڪا آهيو نه، جسٽس عامر فاروق چيو ته ان کي اپيل نه بڻايو ايتري وقت ۾ ته ريفرنسز مڪمل ٿي وڃڻ جسٽس عامر فاروق چيو ته اوهان سڄو ڏينهن دليل ڏيئي چڪا آهيو هاڻي ڪائي شئي رهجي ويئي آهي ته ٻڌايو جهانزي بروانا چيو ته 30 منٽن ۾ آصف زرداري ۽ فريال ٽالپر جو ڪيس سان تعلق ٻڌائيندس جسٽس عامر فاروق چيو ته ايترا دليل ته ٽرائيل ۾ به ناهن ٿيندا نيب پراسيڪيوٽر چيو ته عدالت گذريل ٻڌڻي تي ڪيس سان تعلق جي پڇا ڪئي هئي اهو ئي ٻڌائيندس عدالت پڇاڻو ڪيو ته 4.5 بلين رپين جي رقم ڇا رڳو اي ون اڪائونٽ ۾ منتقل ٿي پراسيڪيوٽر نيب چيو ته رقم مختلف اڪائونٽس ۾ منتقل ٿي عدالت کي ان حوالي سان فهرست فراهم ڪري ڇڏي آهي نيب جي پراسيڪيوٽر چيو ته چارج سيٽ کي ريفرنس ۾ تبديل ڪيو ويو آهي پر 28 جعلي اڪائونٽس تي جاچ جاري آهي هي 4.5 ارب جي ٽرانزيشن جو معاملو آهي پرسيڪيوٽر جهانزي بروانا چيو ته ان حوالي سان سموريون لستون مهيا ڪري ڇڏيون آهن ۽ ڪيتري رقم اڪائونٽ ۾ آئي ۽ ڪيتري استعمال ٿي جهانزيب بروانا چيو ته 28 بئنڪ اڪائونٽس بابت جاچ هاڻي به ٿي رهي آهي، اي ون انٽرنيشنل ۽ عمير ايسوسيئيٽس سان اربين رپين جي ٽرانزيڪشن ٿي انهن اڪائونٽس سان زرداري گروپ ۽ پارٿينون ڪمپنين جي ٽرانزيشڪن ٿي نيب پراسيڪيوٽر چيو ته هي 29 مان صرف هڪ اڪائونٽ جو تفصيل آهي باقي 28 اڪائونٽس جي جاچ ٿي رهي آهي پراسيڪيوٽر نيب پاران پاڪ لينڊ ڪيس جي ذڪر تي عدالت ڪاوڙ جو اظهار ڪيو جسٽس عامر فاروق چيو ته پارڪ لينڊ کي ڇڏي ڏيو اهو ٻڌايو ته جعلي اڪائونٽس سان ڪهڙو تعلق آهي مون کي سمجهه ۾ نه پيو اچي ته اوهان ڪيس کي ڪيڏانهن وٺي وڃي رهيا آهيو جسٽس عامر فاروق چيو ته سمورو ڪيس ليفٽ اوور ڪري ڇڏيو آهي هن ڪيس کي ٻڌڻ لاءِ عدالت چيو ته هن ڪيس کي ختم ڪرڻو آهي ايتري ڊيگهه ڇو ڏيئي رهيا آهن هي ٽرائيل نه آهي جسٽس عامر فاروق چيو ته اوهان ضمانت جي حد تائين محدود ڇو نٿا رهو ضمانت جي درخواست تي پيرا ميٽرز ڪجهه ٻيا هوندا آهن اوهان ان حد تائين محدود رهو پراسيڪيوٽر نيب چيو ته هي عدالت صرف غيرمعمولي حالتن يا هارڊ شپ جي صورت ۾ ضمانت ڏيئي سگهي ٿي هن ڪيس ۾ ڪي خاص حالتون آهن نه ئي هارڊ شپ ڪي اهڙا گرائونڊ ناهن بڻايا ويا پراسيڪيوٽر نيب چيو ته سپريم ڪورٽ جي فيصلن ۾ طئي ٿيل معيار موجب ضمانت نٿي ڏيئي سگهجي نيب پراسيڪيوٽر چيو ته سپريم ڪورٽ جي ٻنهي گائيڊ لائين مطابق آصف زرداري جون درخواستون ٻڌڻي جوڳيون نه آهن نيب پراسيڪيوٽر چيو ته آصف زرداري ڪمپني جي 25 سيڪڙو جو شيئر هولڊر آهي ۽ ان جي فئملي جا به شيئر آهن پراسيڪيوٽر نيب چيو ته بئنڪ آفيسر ڪرسٽوفر اي ون جو جعلي بئنڪ اڪائونٽ بنا طريقيڪار اختيار ڪري بند ڪري ڇڏيو نيب پراسيڪيوٽر جا دليل مڪمل ٿيڻ تي آصف علي زرداري ۽ فريل ٽالپر جي وڪيل فاروق ايڇ نائڪ جواب مٿان جواب ڏنا فاروق يڇ نائڪ چيو ته نيب پراسيڪيوٽر فرنٽ ڪمپنين جو ذڪر ڪيو هن ڪيس ۾ ڪائي فرنٽ ڪمپني نه آهي فاروق نائڪ چيو ته هي ڪيس ته احتساب عدالت ۾ ٻڌڻي هيٺ آهي. هن ڪيس ۾ سڄو الزام ڪجهه بئنڪ ملازمن تي آهي فاروق ايڇ نائڪ چيو ته الزام آهي ته بئنڪ آفيسرن جعلي اڪائونٽس کوليا فاروق نائڪ چيو ته هارڊ شپ گرفتاري کان پوءِ ضمانت جي درخواستن ۾ لاڳو ٿئي ٿو فاروق ايڇ نائڪ چيو ته آصف زردري جو جعلي اڪائونٽس سان ڪوبه تعلق نه آهي فاروق ايڇ نائڪ چيو ته آصفزرداري تي اهڙو ڪوئي الزام نه آهي جو هن ڪنهن اڪائونٽ کي کولڻ ۾ مدد ڪئي هئي فاروق ايڇ نائڪ چيو ته جعلي اڪائونٽ کولڻ جي حد تائين آصف زرداري ملزم نه آهي فاروق ايڇ نائڪ چيو ته صرف زرداري گروپ تي انهن اڪائونٽس مان ڏيڍ ڪروڙ رپيا اچڻ جو الزام فاروق ايڇ نائڪ چيو ته گهڻي وقت کان چيو پيو وڃي ته زرداري جعلي اڪائونٽ کوليا، ڪٿي آهن اهي اڪائونٽ جيڪي آصف زردري کوليا فاروق نائڪ چيو ته نيب جا مهيا ڪيل دستاويز به پڙهي ڇڏيا ٿو فاروق نائڪ چيو ته ايف آءِ آر سميت سمورن دستاويزن ۾ لکيل آهي ته اڪائونٽ اومني گروپ کوليا فاروق نائڪ چيو ته ڪٿي به آصف زرداري جو نالو ناهي لکيل جڏهن ته بئنڪ اڪائونٽس اوپننگ فارم موجود آهن فاروق ايڇ نائڪ چيو ته اڪائونٽس اوپنن فارم تي برانچ مئنيجر جون صحيحون موجود آهن برانچ مئنيجر کان پوءِ ري چيڪ لاءِ آپريشن مئنيجر جون صحيحون به موجود آهن فاروق ايڇ نائڪ چيو ته آصف زرداري جو نالو ڪنهن ايف آءِ آر ۾ به ساٿي جوابدار طور نه آهي هي رقم بئنڪ مان بئنڪ کي منتقل ٿي ان ۾ ڪائي ڳالهه لڪائي ناهي ويئي فاروق ايڇ نائڪ چيو ته آصف زرداري کي ايف آءِ آر ۾ نه جوابدار قرار ڏنو ويو نه ئي ان جو ڪردار ٻڌايو ويو هن چيو ته پراسيڪيوشن چئن ٻڌڻين سان 4.4 بلين جي ڳالهه ڪري رهي آهي منهنجو ان رقم سان ڪوبه تعلق نه آهي زرداري گروپ کي ان مان صرف ڏيڍ ڪروڙ رپيا منتقل ٿيا فاروق ايڇ نائڪ چيو ته پراسيڪيوشن جي دستاويزن مان تصديق ٿيل آهي ته اي ون اومني گروپ جو اڪائونٽ آهي فاروق ايڇ نائڪ پاران 2009 جي سپريم ڪورٽ جي فيصلي جو حوالو ڏنو ويو فاروق ايڇ نائڪ چيو ته سپريم ڪورٽ نيب کي ٻن مهينن ۾ جاچ مڪمل ڪري ريفرنس داخل ڪرڻ جو حڪم ڏنو فاروق ايڇ نائڪ چيو ته ٻن مهينن تائين ريفرنس داخل نه ٿيو ۽ نه ئي سپريم ڪورٽ وقت ۾ واڌ ڪئي واڌ نه ٿيڻ کان پوءِ نيب جي جاچ جو اختيار ختم ٿي وڃي ٿو فاروق ايڇ نائڪ چيو ته نيب جي سموري ڪارروائي بدنيتي تي ٻڌل آهي نيب هن ڪيس ۾ آصف علي زرداري جا گرفتاري وارنٽ جاري ڪيا آهن فاروق ايڇ نائڪ چيو ته هن ڪيس ۾ وارنٽ جاري ڪرڻ نيب جي چيئرمين جو اختيار نه آهي فاروق نائڪ چيو ته نيب جي چيئرمين وٽ گرفتاري وارنٽ جاري ڪرڻ جو اختيار ئي نه آهي فاروق ايڇ نائڪ چيو ته هن ڪيس ۾ چيئرمين نيب گرفتاري وارنٽ جاري ڪيا فاروق نائڪ چيو ته ريفرنس داخل ٿيڻ کان پوءِ چيئرمين نيب پاران گرفتاري وارنٽ جاري ڪيا ويا ٻڌڻي دوران اڳوڻو صدر اصف علي زرداري پنهنجي سيٽ تان اٿي روسٽرم تي آيو ۽ اڳوڻي صدر فاروق ايڇ نائڪ سان گفتو ڪري ٻيهر پنهنجي سيٽ تي وڃي ويٺو فاروق نائڪ چيو ته مان قانون پڙهي ٻڌائي ڇڏيان ٿو ته وارنٽ ڪهڙي وقت جاري ڪري سگهجن ٿا وارنٽ انڪوائري يا انويسٽيگيشن دوران جاري ڪيو وڃي ٿو فاروق نائڪ چيو ته هن ڪيس جو عبوري ريفرنس احتساب عدالت ۾ ٿي چڪو آهي هي ڪيس هاڻي انڪوائري يا انويسٽيگيشن جي سطح تي نه آهي فاروق نائڪ چيو ته نيب جي چيئرمين وٽ اختيار نه آهي ته هن مرحلي تي گرفتاري وارنٽ جاري ڪري سگهي فاروق ايڇ نائڪ چيو ته اڃا ته لاڳاپيل عدالت چارج به فريم ناهي ڪيو لاڳاپيل عدالت جي جج جو اختيار آهي ته هو وارنٽ جاري ڪري سگهي ٿو جسٽس محسن اختر ڪياني پڇاڻو ڪيو ته ڇا ٽرائيل ڪورٽ مچلڪا منظور ڪيا آهن فاروق ايڇ نائڪ چيو ته لاڳاپيل ٽرائيل ڪورٽ مچلڪه منظور ڪري حاضري يقيني بنائڻ جو حڪم ڏنو آهي عدالت پڇاڻو ڪيو ته ڪراچي جي بئنڪنگ ڪورٽ به مچلڪه منظور ڪيا هئا فاروق ايڇ نائڪ چيو ته نه احتساب عدالت پهريون ڀيرو مچلڪه منظور ڪيا آهن فاروق ايڇ نائڪ مچلڪه منظور ڪرڻ جو احتساب عدالت جو حڪم نامو عدالت ۾ پڙهي ٻڌايو فاروق ايڇ نائڪ چيو ته ميڊيا تي روزانو هڪ پارٽي جي سربراهه آصف زرداري جي ڪردار ڪشي ٿيندي رهي آصف زرداري ۽ فريال ٽالپر تي اربين رپين مني لانڊرنگ جو الزام مڙهيو وڃي ٿو فاروق نائڪ چيو ته نيب پاران ڪجهه ڏينهن پهريان به سوالنامو موڪليو ويو آگاهه ڪيو ويو ته اومني گروپ جا شگرملز آهن رقمون اتان ملن ٿيون هن چيو ته عدالت ڪچي ضمانت ۾ واڌ جي درخواست منظور ڪري اڳوڻي صدر آصف زرداري ۽ فريال ٽالپر جي وڪيل فاروق ايڇ نائڪ جا دليل مڪمل ٿيڻ تي هاءِ ڪورٽ ضمانت جي درخواستن تي فيصلو محفوظ ڪري ڇڏيو جنهن کان پوءِ هاءِ ڪورٽ فيصلو ٻڌائيندي اڳوني صدر آصف زرداري ۽ فريال ٽالپر جي مستقل ضمانت جي درخواست رد ڪندي نيب جي آصف زرداري ۽ فريال ٽالپر کي گرفتار ڪرڻ جي اپيل منظور ڪري ورتي آصف زرداري 28 مارچ کان 10 جون تائين 2 مهينا 12 ڏينهن لاءِ عبوري ضمانت تي رهيو آصف زرداري جي ڪچي ضمانت ۾ 5 ڀيرا واڌ ڪئي ويئي. ٻئي پاسي اسلام آباد هاءِ ڪورٽ نيب جي اڳوڻا آصف زرداري جا گرفتاري وارنٽ جاري نه ڪرڻ کي نيب جي بيان تي هريش اينڊ ڪمپني ڪيس ۾ آصف علي زرداري جي ضمانت واري درخواسدت اڪلائي ڇڏي جڏهن ته اسلام آباد هاءِ ڪورٽ نيب عدالت تي سخت ڪاوڙ ڪندي چيو ته اوهان کي هڪ درخواست ڏني ويئي ته ان تي قانوني تقاضا ته پورا ڪيو نيب ڊائريڪٽر انويسٽيگيشن بلال احمد ايندڙ ٻڌڻي تي ذاتي حيثيت ۾ عدالت ۾ پيش ٿئي نيب جي ڪري ڪيس اڃا تائين پيو آهي 8 مئي تي عدالت نيب کان جواب گهريو. نيب جي  جاچ ڪندڙ لکت جواب ڇو ناهي ڏنو اوهان ماڻهن جي اهڙي ئي پڪڙ ڌڪڙ ڪري رهيا آهيو جوابدارن جو جيڪو حق آهي اهو ته کين ڏيڻو پوندو سومر تي هاءِ ڪورٽ ۾ ٻڌڻي دوران نيب پاران عدالت ۾ بيان جمع ڪرايو ويو ته هريش اينڊ ڪمپني ڪيس ۾ آصف علي زرداري جا وارنٽ جاري ناهن ڪيا نيب جي بيان تي عدالت درخواست اڪلائي ڇڏي.  ٻئيِ طرف اسلام آباد هاءِ ڪورٽ طرفان ضمانت رد ٿيڻ کان پوءِ نيب جي ٽيم آصف زرداري کي گرفتار ڪري ورتو آهي. ذريعن موجب قومي احتساب بيورو ( نيب ) جي ٽيم جعلي اڪائونٽ ڪيس ۾ پيپلز پارٽي جي شريڪ چيئرمين آصف زرداري جي گرفتاري لاءِ پوليس جي وڏي نفري سان گڏ زرداري هائوس اسلام آباد پهتي. ذريعن موجب نيب ٽيم جي زرداري هائوس پهچڻ تي آصف زرداري جي وڪيلن نيب جي ٽيم کان عدالت طرفنا گرفتاري جا حڪم طلب ڪيا. زرداري هائوس کي چئني پاسن کان پوليس جي وڏي نفري گهيري ورتو آهي، وڏي انگ ۾ اهلڪار مقرر آهن، پوليس زرداري هائوس جي ڀرپاسي وارا رستا سيل ڪري ڇڏيا ۽ مک روڊ پڻ عام اچ وڃ لاءِ بند ڪيو ويو آهي. نيب ذريعن موجب جعلي اڪائونٽ ڪيس ۾ نامزد آصف زرداري جي ڀيڻ فريال ٽالپور کي فوري طور گرفتار نه ڪرڻ جو فيصلو ڪيو ويو آهي. ذريعن جو چوڻ آهي ته آصف زرداري جي پارليامنٽ ميمبر هئڻ سبب نيب کي سندس گرفتاري کان اڳ قومي اسيمبلي جي اسپيڪر کي آگاهه ڪرڻ ضروري هو، جنهن لاءِ نيب جي ٽيم  پارليامنٽ هائوس پهتي جتي ٽيم اسپيڪر کي آصف زرداري جي وارنٽ بابت آگاهه ڪيو.هوڏانهن  اسلام آباد هاءِ ڪورٽ طرفان ڪوڙي اڪائونٽ ڪيس ۾ پاڪستان پيپلز پارٽي (پ پ پ) جي شريڪ چيئرمين آصف علي زرداري جي ضمانت رد ٿيڻ ۽ قومي احتساب بيورو (نيب) طرفان کيس گرفتار ڪرڻ خلاف ملڪ جي مختلف شهرن ۾ پ پ پ ڪارڪنن مظاهرن جو آغاز ڪري ڇڏيو. تفصيل موجب آصف علي زرداري جي گرفتاري کان پوءِ پيپلز پارٽي ڪراچي ڊويزن طرفان احتجاج جو فيصلو ڪيو ويو ۽ سڄي سنڌ ۾ 11 جون تي يوم سياهه ملهائڻ جو اعلان ڪري ڇڏيو. پ پ اڳواڻ نثار کهڙي جو چوڻ هو ته احتجاج سڄي سنڌ جي ضلعي هيڊڪوارٽر ۾ ٿيندو ۽ هي مڪمل طور تي پرامن هوندو. هوڏانهن سکر ۾ آصف زرداري جي گرفتاري جي خلاف پ پ جي جيالن احتجاج ڪيو ۽ قومي شراهه کي بلاڪ ڪري ڇڏيو. قومي شاهراهه بلاڪ ٿيڻ جي نتيجي ۾ سنڌ ۽ پنجاب جي وچ ۾ ٽريڪ جي اچ وڃ معطل ٿي وئي. ان کان سواءِ لاهور جي علائقي ڳڙهي شاهو ۽ فيروزپور روڊ تي به پ پ جيالن طرفان احتجاج ڪيو ويو ۽ ٽائر ساڙي روڊ بلاڪ ڪري ڇڏيو. ان کان اڳ آصف زرداري جي گرفتاري کان اڳ قومي اسيمبلي ۾ مخالف ڌر احتجاج به ڪيو. سنڌ جي مختلف شهرن ۾ پيپلز پارٽي جا جيالا آصف زرداري جي خلاف رستن تي نڪري آيا، ٽائرن کي باهيون ڏنيون ويون ۽ روڊ بلاڪ ٿي ويا، پيپلز پارٽي سڀاڻي ڪارو ڏينهن ملهائڻ ۽ سموري سنڌ ۾ پرامن احتجاج جو اعلان ڪري ڇڏيو. آصف زرداري جي اباڻي شهر شهيد بينظير آباد ۾ پ پ ڪارڪنن مظاهرو ڪيو ۽ ٽائرن کي باهيون ڏنيون. دولتپور صفن ۾ جيالا رستن تي نڪري آيا ۽ اڳوڻي صدر جي گرفتاري خلاف مظاهرو ڪيو. ڄام صاحب شهر جي مُک چوڪ تي پ پ ڪارڪنن مظاهرو ڪري ٽائرن کي باهيون ڏنيون، نتيجي ۾ ڪيتري ئي دير تائين ٽرئفڪ بند رهي. قاضي احمد شهر جي مختلف رستن تي پ پ جي جيالن آصف زرداري جي گرفتاري خلاف احتجاج ڪيو. جيڪي نيب خلاف نعريبازي ڪري رهيا هئا. سکر ۾ پ پ يوٿ طرفان احتجاجي مظاهرو ڪيو ويو، اُن موقعي تي ڪارڪن نعريبازي ڪري رهيا هئا، جڏهن ته پنو عاقل ۾ به قومي شاهراهه تي جيالن مظاهرو ڪيو، جنهن جي نتيجي ۾ ڪيتري ئي دير تائين ٽرئفڪ معطل رهي.ٻئي پاسي پيپلز پارٽي طرفان سڀاڻي سموري سنڌ ۾ ڪارو ڏينهن ملهائڻ جو اعلان ڪيو ويو آهي. پ پ سنڌ جي صدر نثار کهڙو بيان جاري ڪندي چيو ته سڀاڻي سمورن ضلعي هيڊڪوارٽرز ۾ ڪارڪن ٻانهن تي ڪاريون پٽيون ٻڌي احتجاج ڪندا، جيالا پُرامن نموني احتجاج ڪندا. نثار کهڙو چيو ته عدالت جي تڪراري فيصلن ذريعي پيپلز پارٽي کي جهُڪائي نٿو سگهجي، عدالتن جو احترام ڪريون ٿا پر تڪراري فيصلن تي پُرامن احتجاج جو حق رکون ٿا.

 

ناڪامي جو اعتراف، ملڪي معيشت کي خطرو آهي: حفيظ شيخ

اسلام آباد (ويب ڊيسڪ) ناڻي بابت وزيراعظم عمران خان جي صلاحڪار عبدالحفيظ شيخ اقتصادي سروي رپورٽ ۾ 19-2018 پيش ڪندي چيو آهي ته ملڪي معيشت کي خطرو آهي، ان جي مضبوطي لاءِ قدم کڻي رهيا آهيون. اسلام آباد ۾ پريس ڪانفرنس دوران اقتصادي جائزي واري رپورٽ پيش ڪندي حفيظ شيخ ٻڌايو ته وڏي عرصي کان ملڪي وسيلن تي ڌيان نه ڏنو ويو، ماضي جي حڪومتن ملڪ کي قرضن جي ڌٻڻ ۾ ڦاسايو ۽ موجوده حڪومت اقتدار سنڀاليو ته معيشت تباهه هئي پر معاشي استحڪام لاءِ هاڪاري قدم کڻي رهيا آهيون. سندس چوڻ هو ته هلندڙ مالي سال معاشي ترقي جو هدف 6.2 سيڪڙو هو پر معاشي ترقي جي شرح 3.3 سيڪڙو رهي، هلندڙ مالي سال زرعي شعبي جي شرح 0.85 سيڪڙو رهي، جڏهن ته زرعي شعبي جي شرح جو هدف 3.8 سيڪڙو هو. اقتصادي سروي رپورٽ موجب وڏن فصلن جي گروٿ 3 سيڪڙو هدف جي ڀيٽ ۾ ناڪاري 6.55 سيڪڙو رهي، جڏهن ته ٻين فصلن جي ترقي جي شرح 3.5 سيڪڙو هدف جي ڀيٽ ۾ 1.95 سيڪڙو رهي. اهڙي ريت ڪاٽن جننگ جي شعبي جي گروٿ 8.9 سيڪڙو هدف جي ڀيٽ ۾ ناڪاري 12.74 سيڪڙو رهي، لائيو اسٽاڪ جي شعبي 4 سيڪڙو جي شرح سان ترقي ڪئي، ان شعبي جي گروٿ جو هدف 3.8 سيڪڙو هو.  مهاڻن جي شعبي جي ترقي جي شرح 0.79 سيڪڙو رهي، جڏهن ته ان شعبي جي ترقي جو هدف 1.8 سيڪڙو هو، صنعتي شعبي جي ترقي جي شرح 7.6 سيڪڙو هدف جي ڀيٽ ۾ 1.40 سيڪڙو رهي. کاڻ جي شعبي جي گروٿ ناڪاري 1.96 سيڪڙو رهي، ان شعبي جي گروٿ جو هدف 3.6 سيڪڙو هو، ننڍي صنعتن جي گروٿ هدف موجب 8.2 سيڪڙو رڪارڊ ڪئي وئي، جڏهن ته تعميراتي شعبي جي ترقي جي شرح 10 سيڪڙو هدف جي ڀيٽ ۾ 7.57 سيڪڙو رهي. خدمتن جي شعبي جي ترقي جي شرح 4.71 سيڪڙو رهي پر خدمتن جي شعبي جي ترقي جو هدف 6.5 سيڪڙو هو، ڪنفيڪشنري ۽ پرچون جي ڪاروبار جي ترقي جي شرح 3.11 سيڪڙو رڪارڊ ٿي، انهن شعبن جي ترقي جو هدف 7.8 سيڪڙو هو. ٽرانسپورٽ اسٽوريج ۽ ڪميونيڪيشن جي شعبن ۾ 3.34 سيڪڙو جي شرح سان گروٿ ٿي، انهن شعبن جي ترقي جو هدف 4.9 سيڪڙو مقرر هو، فنانس اينڊ انشورنس جي شعبن ۾ ترقي جي شرح جو هدف 7.5 سيڪڙو مقرر هو پر انهن شعبن ۾ ترقي جي شرح 5.14 سيڪڙو رهي. هائوسنگ سروسز جي شعبي ۾ هدف موجب چار سيڪڙو جي شرح سان ترقي ٿي، عمومي سرڪاري خدمتن جي شعبن ۾ ترقي جي شرح 7.99 سيڪڙو رهي، انهن شعبن ۾ ترقي جي شرح جو هدف 7.2 سيڪڙو مقرر هو.

 

 وزيراعظم کان عهدو ڇڏڻ جو مطالبو، بجيٽ ۾ عوام لاءِ  ڪو رليف نظر نه پيو اچي: مراد علي شاهه

ڪراچي (اسٽاف رپورٽر ) سنڌ جي وڏي وزير سيد مراد علي شاهه چيو آهي ته وفاقي منتقلين ۾ تقريباً 140 ارب رپين جو شارٽ فال سبب صوبائي حڪومت صوبي جي غريب ماڻهن کي ڪنهن به قسم جو ريليف ڏيڻ جي حوالي سان وڏي ڏکائين کي منهن ڏئي رهي آهي. هن اها ڳالهه اڄ علامه عباس ڪميلي جي رهائش گاه سولجر بازار ۾ ڪٽنب واسين سان تعزيت ڪرڻ کانپوءِ ميڊيا سان ڳالهيون ڪندي چئي. صوبائي وزير سعيد غني، امتياز شيخ ۽ کيس معاون خاص راشد رباني پڻ ان سان گڏ هئا. هن چيو ته وفاقي حڪومت جون ۾ هڪ خط ذريعي سنڌ حڪومت کي ٻڌايو ته هو هلندڙ مالي سال ۾ 666 ارب رپيا ڏيندي پر اسان (صوبائي حڪومت) کي اڃان تائين فقط 492 ارب رپيا وصول ٿيا آهن ۽ وفاقي حڪومت  هلندڙ مهيني جي آخر تائين تقريباً 174 ارب رپيا جاري ڪرڻا آهن. هن چيو ته اڄ صبح ناڻي کاتي کي هڪ خط موصول ٿيو جنهن تحت 35 ارب رپيا وڌيڪ صوبائي حڪومت جي حصي مان ڪٽيا ويا آهن. مراد علي شاهه چيو ته هن جي سنڌ حڪومت ماڻهن ڪجهه ريليف ڏيڻ جي قابل ٿيندي جيڪڏهن وفاقي حڪومت سنڌ کي 130 ارب رپيا جاري ڪري.  ھن چيو تھ اھا غير معمولي صورتحال فقط سنڌ حڪومت سان ئي نھ آھي پر ٻين صوبن بھ اھڙي قسم جي صورتحال آھي. وڏي وزير چيو تھ ھو گذريل 10 سالن کان صوبائي حڪومت جو بجيٽ ٺاھي رھيو آھي پر ھن ڪڏھن بھ اھڙي طرح جي سنگين مالي صورتحال نھ ڏٺي جنھن ۾ بجيٽ بڻائڻ ھڪ ڏکيو ڪم بڻجي وڃي. هڪ سوال جي جواب ۾ مراد علي شاهه چيو ته حڪومت بجيٽ تي هميشه تنقيد ٿيندي آهي پر هن ڀيري وفاقي حڪومت کي عوام پاران ناپسنديدگي درپيش اچڻ کيس پنهنجي نااهلي سبب هوندو ڇوته اهي ريونيو گڏ ڪرڻ جا هدف حاصل نه ڪري سگهي آهن ۽ هن ملڪ جي ماڻهن کي ڪنهن به قسم جي ريليف ڏيڻ کان مڪمل طور انڪار ڪيو آهي. هن چيو ته مونکي افسوس سان چوڻو پوي ٿو ته وفاقي حڪومت جو نه ڪو وزن آهي ۽ نه ئي کين پاڪستان جي غريب ماڻهن کي ريليف فراهم ڪرڻ جو خيال آهي. هڪ ٻئي سوال جي جواب ۾ هن چيو ته هو اهو توقع ڪري رهيو ته وزيراعظم 10 جون جو قوم جي نالي پنهنجي پيغام ۾ ڪا سٺي خبر ڏيندو پر هن 5 منٽ جي ويڊيو ٽاڪ ۾ ڪابه مثبت ڳالهه نه هئي. ڪي فور منصوبي بابت ڳالهائيندي وڏي وزير چيو ته پي ٽي آئي جا اڳواڻ هروڀرو جو هل هنگامو ڪري رهيا آهن ته صوبائي حڪومت منصوبي کي تباه ڪري ڇڏيو. ها! ٿي سگهي ٿو ته مون يا ڪنهن ٻئي منصوبي سان ڪجهه غلط ڪيو هجي پر انهيءَ جو اهو مطلب نه آهي ته اوهان (وفاقي حڪومت) ڪراچي جي ماڻهن کي اهو منصوبو ختم ڪندي سخت سزا ڏيو.  ھڪ سوال جي جواب ۾ مراد علي شاھھ چيو تھ حادثاتي طور تي پي ٽي آئي 2018 جي چونڊن ۾ ڪجھھ سيٽيون کٽي آھي، نھ تھ ڏٺو وڃي تھ ھن جي عوام  ۾ نھ پاڙون آھن ۽ نھ ئي انھن کي عوام ۾ پنھنجيون پاڙون بڻائڻ ۾ ڪابھ دلچسپي ۽ خيال آھي. ھن ميڊيا تي زور ڀريندي چيو تھ ھو ايم ڪيو ايم پاڪستان کان پڇي تھ پي ٽي آئي کيس روايتي حلقن خاص طور 90 جي علائقي مان ڪھڙي ريت ڪامياب حاصل ڪئي. ھن چيو تھ اھو ئي آئون چوڻ چاھيان ٿو تھ اھي حادثاتي طور تي اسيمبلين ۾ آيا آھن انھيءَ ڪري ھو ھن شھر جي تعمير ۽ ترقي بابت نھ پيا سوچين.  ان کان پھرين مراد علي شاھھ علامھ عباس ڪميلي جي لاڏاڻي تي کيس پٽ ڪاظم عباس ڪميلي سان تعزيت ڪئي ۽ مرحوم لاءِ فاتحھ خواني ڪئي. ھن چيو تھ علامھ عباس ڪميلي ھڪ عظيم انسان ھو ۽ ھن ھميشھ فرقيوارانھ ھم آھنگي لاءِ ڪم ڪيو. ھن جي لاڏاڻي سان ھڪ خلا پيدا ٿيو آھي جنھن کي ڀرڻ تمام ڏکيو ھوندو. ھن چيو تھ علامھ عباس ڪميلي جي خدمتن کي ھميشھ ياد رکيو ويندو.  ان کانپوءِ وڏو وزير سنڌ ميجر معيز شھيد جي گھر پھتو جيڪو 7 جون تي ڏکڻ وزيرستان ۾ شھيد ٿيو ھو. وڏي وزير شھيد ميجر معيز جي پيءُ مقصود بيگ سان تعزيت ڪئي. ان موقعي تي ميڊيا سان ڳالھائنيدي وڏي وزير چيو تھ قوم ۽ ميجر معيز جي گھرڀاتين کي کيس قرباني تي فخر آھي ۽ ھو ھميشھ قوم جو ھيرو طور ياد رکيو ويندو. ھڪ سوال جي جواب ۾ وڏي وزير چيو تھ صوبائي حڪومت ھميشھ پوليس ۽ رينجرز جي جوانن جي خاندانن کي معاوضو ڏيندي آھي جيڪو پنھنجي فرض کي انجام ڏيندي پنھنجيون جانيون قربان ڪندا آھن. ھن چيو تھ آئون شھيد ميجر معيز جي خاندان کي معاضو ڏيڻ لاءِ طريقيڪار ۽ رستو ڳوليندس.

 

حڪومت طئه ٿيل هدف پورا ڪرڻ ۾ ناڪام ٿي وئي: اقتصادي سروي

اسلام آباد (بيورو رپورٽ) اقتصادي سروي رپورٽ ۾ انڪشاف ڪيو ويو آهي ته پاڪستان ۾ حڪومت هلندڙ مالي سال دوران طئه ٿيل هدف پورا ڪرڻ ۾ ناڪام ٿي وئي آهي. اقتصادي سروي رپورٽ 2018-2019 ۾ ٻڌايو ويو آهي ته حڪومت هلندڙ مالي سال لاءِ طئه ٿيل هدف پورا ڪرڻ ۾ ناڪام ٿي وئي، زراعت، صنعت، مينوفيڪچرنگ، خدمتن ۽ ٻين شعبن ۾ اهم معاشي هدف حاصل نه ٿي سگهيا. رپورٽ موجب ملڪ ۾ مجموعي معاشي ترقي 6.2 سيڪڙو هدف جي مقابلي ۾ 3.3 سيڪڙو رهي، زرعي شعبي جي ترقي 3.8 سيڪڙو جي ڀيٽ ۾ 0.8 سيڪڙو رهي، جڏهن ته هلندڙ مالي سال صنعتي شعبي جي ترقي لاءِ 1.9 سيڪڙو هدف مقرر ڪيو ويو، پر اُن جي مقابلي ۾ 1.4 سيڪڙو ترقي رهي، خدمتن جي شعبي ۾ واڌارو 6.5 سيڪڙو هدف جي مقابلي ۾ 4.7 سيڪڙو رهيو، جڏهن ته بجلي جي پيداوار ۽ گئس جي پهچ ۾ نمايان اضافو ٿيو آهي. اقتصادي سروي رپورٽ موجب هلندڙ مالي سال ڪپهه، ٻيلن ۽ فشريز جي شعبن لاءِ به طئه ٿيل هدف پورا نه ٿي سگهيا، لائيو اسٽاڪ شعبي طئه ٿيل 3.8 سيڪڙو کا وڌيڪ يعني 4 سيڪڙو ترقي ڪئي، جڏهن ته هول سيل ۽ ري ٽيل شعبي لاءِ 7.8 سيڪڙو هدف مقرر ڪيو ويو، پر اُن جي ترقيءَ جي شرح 3.1 سيڪڙو رهي. ٻيلن جي شعبي ۾ پيداوار جي شرح 8 سيڪڙو مقرر ڪئي وئي، پر هدف جي اُبتڙ اُها شرح رڳو 4 سيڪڙو رهي، ماهيگير شعبي جي پيداواري شرح 1.8 سيڪڙو مان 0.8 سيڪڙو رهي، اُن کانسواءِ اڏاوتي شعبي جي ترقي 10 سيڪڙو جي اُبتڙ ڪاٽو 3 سيڪڙو رهي.

 

 

عوام ايمنسٽي اسڪيم ۾ شامل ٿئي ۽ پنهنجا اثاثا ظاهر ڪري، 30 جون کان پوءِ موقعو نه ملندو: وزيراعظم

اسلام آباد (اين اين آءِ) وزيراعظم عمران خان هڪ دفعو ٻيهر عوام کي اپيل ڪئي ته عوام ايمنسٽي اسڪيم ۾ شامل ٿئي ۽ پنهنجا اثاثا ظاهر ڪري 30 جون کان پوءِ موقعو نه ملندو جيستائين اسان ٽيڪس نه ڏينداسين اسان جو ملڪ ترقي نٿو ڪري سگهجي عظيم قوم بڻجڻ لاءِ اسان کي پنهنجو پاڻ تبديل ڪرڻو پوندو گذريل 10 سالن ۾ پاڪستان جو قرض 6 کان 30 هزار ارب رپين تائين پهچي ويو ساليانو اسان 4 هزار ارب ٽيڪس گڏ ڪريون ٿا جنهن مان اڌ رقم گزريل حڪومتن لاءِ ورتل قرض ادا ڪرڻ ۾ وڃي ٿي بچيل پئسن مان ملڪ جا خرچ پورا نٿا ٿي سگهن اسان ۾ جذبو اچي ويو ته اسان ساليانو 10 هزار ارب رپين تائين به ٽيڪس جمع ڪري سگهون ٿا سومر تي پاڪستان ٽيليويزن ۽ ريڊيو تي قوم جي نالي وزيراعظم عمران خان چيو ته اسان ساليانو 4 هزار ارب رپيا جيڪا ٽيڪس گڏ ڪيون ٿا ان مان اڌ 200 ارب رپيا انهن قرضن جون قسطون ادا ڪرڻ تي خرچ ٿي وڃن ٿا باقي بچيل رقم مان ملڪ جا خرچ پورا نٿا ٿي سگهن هن چيو ته پاڪستاني اها قوم آهي جيڪا بدقسمتي سان سڀ کان گهٽ ٽيڪس ڏي ٿي پر خيرات سڀ کان وڌيڪ ڪري ٿي هن چيو ته جيستائين اسان ٽِڪس نه ڏينداسين اسان ترقي نٿا ڪري سگهون بنا نالي اثاثا بئنڪ اڪائونٽس ۽ ٻار پيل پئسا ظاهر ڪرڻ جو 30 جون تائين وقت آهي هن چيو ته سڀني کي اپيل آهي ته اثاثا ظاهر ڪرڻ جي اسڪيم ۾شامل ٿيو هن چيو ته اسان جي حڪومت وٽ اها ڄاڻ آهي جيڪا اڳ ڪنهن حڪومت وٽ نه هئي وزيراعظم چيو ته جيستائين ڪائي قوم پاڻ ڪوشش نه ڪري الله تعاليٰ ان جي حالت تبديل نٿو ڪري اثاثا ظاهر ڪرڻ جي اسڪيم مان فائدو وٺو ۽ پنهنجن ٻارڙن جو مستقبل محفوظ بڻايو.

 

تڪراري فيصلن کي عوام ڪڏهن به قبول ناهي ڪيو، جيالا پر امن رهن: بلاول زرداري

ڪراچي(ويب ڊيسڪ) پاڪستان پيپلز پارٽي جي چيئرمين بلاول ڀٽو زردراي ڪارڪنن کان پرامن رهڻ جي اپيل ڪري ڇڏي. تفصيل موجب پيپلز پارٽي جي شريڪ چيئرمين جي امڪاني گرفتاري جي ڪري هن چيو ته ڪارڪن ڪاوڙ ۾ نه اچن. پيپلز پارٽي جي چيئرمين بلاول ڀٽو زرداري جو چوڻ هو ته تڪراري فيصلن کي عوام ڪڏهن به قبول ناهي ڪيو. بلاول ڀٽو زرداري چيو ته اسان هميشه عدالتن ۾ بي گناهي کي ثابت ڪيو آهي. هن وڌيڪ چيو ته پيپلز پارٽي طرفان فيصلن جي باوجود قانون جي بالادستي تي يقين رکي ٿي.

 

“چور جي ڏارهي ۾ ڪک” ماضي شاهد آهي ته نواز شريف جو پارليامينٽ ۾ چيل ڪوڙ عدالت ۾ پڪڙيو ويو: فردوس عاشق

اسلام آباد(ويب ڊيسڪ) وزير اعظم جي سڌُ سماءَ ۽ نشريات بابت خاص مددگار فردوس عاشق اعواڻ مخالف ڌر جي رڙين کي چور جي ڏاڙهي ۾ ڪک قرار ڏيندي چيو ته ماضي شاهد آهي ته نواز شريف جو پارليامينٽ ۾ چيل ڪوڙ عدالت ۾ پڪڙيو ويو، هن جو عمران خان ڏانهن آڱر کڻڻ بي معنيٰ آهي. تفصيل موجب وزير اعظم جي سڌُ سماءَ ۽ نشريات بابت خاص مددگار فردوس عاشق اعواڻ پنهنجي بيان ۾ چيو آهي ته وزير اعظم جو بيان ڪوڙي اڪائونٽس، ٽيڪس چورن ۽ بي نامي دارن جو نالو هو 30 جون کان پهرين ئي مخالف ڌر جو رڙيون نڪرڻ شروع ٿي ويو هيون جيڪي چور جي ڏاڙهي ۾ ڪک آهي، مخالف ڌر جي رڙين مان ظاهر آهي ته وزير اعظم جو موقف درست آهي. فردوس عاشق اعواڻ جو چوڻ هو ته اڃان ته 30 جون ناهي آئي مخالف ڌر جي رڙين جو آواز اچڻ شروع ٿي ويو آهي، نواز شريف ۽ زرداري پرڏيهه ۾ ملڪيتون بڻائڻ جي لاءِ جڏهن ته عمران خان قرضن جي ادائيگي جي لاءِ قرض وٺي رهيو آهي. سڌُ سماءَ ۽ نشريات بابت خاص مددگار چيو ته مخالف ڌر سان ڪرپشن جي ڳالهه ڪيو ته هو وزير اعظم جي ذات تي حملو ڪري ڇڏيندو آهي، مخالف ڌر اڳواڻن ۽ ترجمان ڪرپشن ڪنگز جي قصيده گوئي ڪرڻ بدران عوام جي چوڪيداري ڪن. سندس چوڻ هو ته مخالف ڌر اڳواڻ جيل جي ڊپ کان اجتماعي بيماري ۽ وزير اعظم تي عوام جي اعتماد جي ڪري حسد جو شڪار آهن، هنن کي خبر آهي ته معيشت ٺيڪ ٿي وئي ته انهن جو سياسي پتو ڪٽجي ويندو. هن چيو ته مخالف ڌر اڳواڻ پنهنجي فرار ۽ پرڏيهه ۾ لڪيل  اڳواڻن، نياڻن ۽ ٻارن کي واپس پاڪستان آڻن ۽ عدالتن ۾ پيش ڪن، ماضي شاهد آهي ته پارليامينٽ ۾ بيهي ڪوڙ ڳالهائڻ شريف ڀائرن جي عادت آهي. هن عوام صنعت ڪارن ۽ واپارين کي اپيل ڪندي چيو ته وزير اعظم جي پيغام جو جواب اثاثا ظاهر ڪري ڏيڻ ۽ ٽيڪس ريفارمز ايجنڊي جو حصو بڻجن.

 

آصف زرداري جا پروڊڪشن آرڊر جاري ڪرڻ جو مطالبو، گرفتاري جي نوبت آڻڻ جي ضرورت نه هئي: شهباز شريف

اسلام آباد (ويب ڊيسڪ) قومي اسيمبلي ۾ مخالف ڌر اڳواڻ شهباز شريف اڳوڻي صدر آصف علي زرداري جا پروڊڪشن آرڊر جاري ڪرڻ جو مطالبو ڪري ڇڏيو. اسد قيصر جي صدارت هيٺ قومي اسيمبلي اجلاس ۾ تقرير ۾ شهباز شريف چيو ته آصف زرداري کي گرفتار ڪرڻ جا حڪم ڏنا ويا آهن پر منهنجي گذارش آهي ته هو نيب ۾ پيش ٿيندو رهيو آهي ۽ هر سوال جو جواب ڏيندو رهيو آهي، هن دير جو ڪو به حربو استعمال ناهي ڪيو، ڪاش نيب ان ڳالهه کي ساراهي ها ۽ گرفتاري جي نوبت آڻڻ جي ضرورت نه هئي، ڇو ته جڏهن هڪ شخص پاڻ کي قانون سامهون پيش ڪري ٿو ته اهڙي قسم جو قدم کڻڻ جو جواز ناهي. هن قومي اسيمبلي اسپيڪر کي مخاطب ٿيندي چيو ته منهنجي توهان کان سڄي جماعت طرفان ۽ هتي ويٺل مخالف ميمبرن طرفان گذارش آهي ته آصف زرداري جا پروڊڪشن آرڊر جاري ڪري ماضي جي روايت کي برقرار رکيو وڃي، توهان سدائين منهنجا پروڊڪشن آرڊر جاري ڪندا رهيا آهيو ۽ توهان جو ٿورائتو آهيان، توهان جمهوري ۽ پارلياماني روايتن کي جيئرو رکيو، تنهن ڪري آصف زرداري جا به پروڊڪشن آرڊر جاري ڪيو. شهباز شريف او آءِ سي اجلاس جي حوالي سان ڳالهائيندي چيو ته وزيراعظم عمران خان ان اجلاس ۾ ويو ۽ پاڪستاني حڪومت جو موقف پيش ڪيو، ڪشمير ۽ فلسطين تي ڳالهه ٻولهه ٿي، سڄي پاڪستاني قوم ڪشميرين ۽ فلسطنين سان يڪجهتي جي اظهار لاءِ آواز بلند ڪندي آهي پر سڄي قوم کي صدمو پهتو ته او آءِ سي جي پڌرائي ۾ ڪشمير جو ذڪر ئي نه هو، اهڙي فورم جي پڌرائي ۾ ڪشمير جو ذڪر نه ڪرڻ افسوس جي ڳالهه آهي ۽ اسان جي ناڪامي آهي، جنهن لاءِ اسان کي ڪردار ادا ڪرڻو پوندو نه ته تاريخ اسان کي معاف نه ڪندي. هن وزيراعظم جي تازي ٽوئيٽ جو ذڪر ڪندي چيو ته عمران خان توانائي واري وزير عمر ايوب کي چيو ته مبارڪ هجي توهان لوڊشيڊنگ جو مسئلو حل ڪري ڇڏيو پر اهو صديءَ جو سڀ کان وڏو ڪوڙ آهي، ان تي اسپيڪر چيو ته هن ڀيري اسان سٺو رمضان گذاريو، جڏهن ته گذريل رمضان ڏاڍي تڪليف ۾ گذريو هو، جنهن تي شهباز شريف جواب ڏنو ته 31 مئي 2018 کان اڳ مان سڄي قوم کي حقيقت ٻڌائي هئي ته ڏکيائين باوجود نواز شريف جي قيادت ۾ اسان 4 سالن ۾ 11 هزار ميگا واٽ بجلي پيدا ڪئي ۽ اهو ان جو ئي نتيجو آهي ته سخت ترين گرمي ۾ حڪومت جي نالائقي باوجود لوڊشيڊنگ نه هجڻ برابر رهي.

 

قانون ۽ احتساب سڀني لاءِ برابر هجي ها ته جعلي وزيراعظم ڪٽهڙي ۾ هجي ها: مريم نواز

ڪراچي (ڊيسڪ رپورٽ) نواز ليگ جي نائب صدر مريم نواز آصف زرداري جي گرفتاري تي ردعمل ظاهر ڪندي چيو آهي ته قانون ۽ احتساب سڀني لاءِ برابر هجي ها ته جعلي وزيراعظم ڪٽهڙي ۾ هجي ها. سماجي رابطن واري ويبسائيٽ ٽوئيٽر تي بيان جاري ڪيل بيان ۾ مريم نواز اڳوڻي صدر آصف زرداري جي گرفتاري تي ردعمل ظاهر ڪيو ۽ چيو ته قانون سڀني لاءِ برابر ۽ احتساب غيرجانبداراڻو هجي ها ته چور دروازي کان آيل جعلي اعظم پنهنجو ۽ پنهنجي ڀيڻ جو حساب ڏيڻ لاءِ اڄ ڪٽهڙي ۾ هجي ها. هُن چيو ته اپوزيشن اڳواڻن کي چونڊي چونڊي گرفتار ڪيو پيو وڃي،جعلي اعظم اُن جواب کان نٿو ڀڄي سگهي، جيڪو کيس هر صورت ۾ڏيڻو پوندو.

 

وزيراعظم جو پيغام ٻڌي مايوسي ٿي، آصف زرداري تي سياسي ڪيس آهن، پ پ پنهنجي ايجنڊا نه ڇڏيندي: مرتضيٰ وهاب

ڪراچي ( ويب ڊيسڪ ) صوبائي صلاحڪار مرتضيٰ وهاب چيو آهي ته آصف علي زرداري تي ڪيس سياسي بنيادن تي ٺاهيا ويا آهن ۽ ان جو مقصد اسان جي قيادت کي هراسان ڪرڻ آهي پر پيپلز پارٽي پنهنجي ايجنڊا کان پوئتي نه هٽندي. خانگي ٽي وي چئنل سان ڳالهائيندي مرتضيٰ وهاب چيو ته عدالت جي تفصيلي فيصلي کان پوءِ حڪمت عملي ڏينداسين، اها نئين روايت آهي، ڪيس کي مختلف تاريخن تي ٻڌو ويو ۽ اڄ ان جو فيصلو ٻڌايو ويو، نه ٻڌايو ويو ته ڪهڙي قانون جي بنياد تي ضمانت رد ڪئي وئي. هن چيو ته هي ڪيس سياسي بنيادن تي ٺاهيا ويا ۽ ان جو مقصد پيپلز پارٽي جي قيادت کي هراسان ڪرڻو آهي، ماضي ۾ به اهو شيون ٿينديون رهيون آهن، بلاول ڀٽو زرداري ان ڏس ۾ سينٽرل ايگزيڪٽو ڪميٽي سان مشاورت کان پوءِ ايندڙ حڪمت عملي طئي ڪندو. مرتضيٰ وهاب جو چوڻ هو ته هي سڀ اسان لاءِ نئون ناهي، آصف زرداري 12 ورهيه قيد ڪاٽي چڪو آهي، هراسان ڪرڻ باوجود آصف زرداري بهادري سان ڪيسن کي منهن ڏنو، ماضي ۾ ڇا ۽ هاڻي ڇا ڪندا، اسان عوامي سياسي پارٽي آهيون ۽ عوام سان گڏ رهنداسين. سنڌ حڪومت جي صلاحڪار وڌيڪ چيو ته بلاول ڀٽو زرداري حڪومت مخالف تحريڪ اڃا شروع ناهي ڪئي، جڏهن کان عمران خان وزيراعظم بڻيو آهي ته 90 ڏينهن کان پوءِ ڏٺو ته هي پاليسي سان ڪم نه ڪري سگهيو ۽ پارليامنٽ کي اعتماد ۾ نه ورتو، حڪومت عوام دشمن معاشي پاليسي جوڙي ۽ ان جي بلاول کلي مخالف ڪئي. سندس چوڻ هو ته عوامي رابطا مهم هڪ الڳ ايجنڊا هو، پرهاڻ فيصلو اچي ويو آهي ته پوءِ ڪيس جي نوعيت ڏسنداسين، اڄوڪو سي اي سي جو اجلاس معمول جو هو پر هاڻ عدالتي فيصلي تي غور ويچار ڪنداسين، پيپلز پارٽي پنهنجي ايجنڊا کان پوئتي نه هٽنداسين، اسان عوامي مسئلن تي سياست ڪرڻ چاهيون ٿا، اسان ملڪ گير سياست ڪنداسين ۽ جتي احتجاج ڪرڻو پوندو اسان ڪنداسين. مرتضيٰ وهاب چيو ته آصف زرداري جي معاملي تي قانوني طريقيڪار کي فالو ڪنداسين، شايد انصاف فوري نه ملي پر ملندو. ٻئي طرف ويراعظم عمران خان جو پيغام ٻڌي مايوسي ٿي، يارنهن مهينن ۾ هڪ به سٺي خبر ناهي ملي. خانگي ٽي وي چئنل جي پروگرام ۾ ڳالهائيندي مرتضيٰ وهاب چيو ته وزيراعظم عمران خان جي اڄ قوم جي نالي پيغام کي تنقيد جو نشانو بڻايو. صوبائي صلاحڪار وڌيڪ چيو ته عمران اقتدار ۾ ايندي ئي معاشي ۽ سماجي انقلاب آڻن جون دعوائون ڪيون هيون، وقت اچي ويو آهي عمران خان ماضي ۾ رهڻ ڇڏي ڏئي