تازيون خبرون
مودي نئين دور جو هٽلر قرار، ڪشمير تي حملو پاڪستان تي حملي جي برابر آهي: فردوس عاشق - الله جي ڳالهه ڪڏهن به تبديل ناهي ٿيندي، مسلمان پاڻ کي سياسي طور مضبوط ڪن: حج جو خطبو - وفاقي حڪومت جو اورسيز پاڪستانين لاءِ صحت کارڊ جاري ڪرڻ جو اعلان - وطن لاءِ حياتي ڏيڻ سڀ کان وڏي قرباني آهي، شهيد قوم جا هيرو آهن : آرمي چيف - ڀارت جو سمجهوتا ايڪسپريس ۽ ٿر ايڪسپرين بحال ڪرڻ جو مطالبو رد، آرمي چيف ۽ عمران خان هڪ ئي گاڏي جا ٻه ڦيٿا آهن: شيخ رشيد - فريال ٽالپر ۽ آصف زرداري خلاف ٽئڪس اوڳاڙي جو نوٽيس معطل، عدالت ايف بي آر کي ٽئڪس اوڳاڙڻ کان روڪي ڇڏيو - وفاقي حڪومت گيس ٽيرف ۾ 200 سيڪڙو تائين واڌ کان پوءِ  ڏيڍ مهيني اندر وڌيڪ 39 سيڪڙو واڌ ڪري ڇڏي - سپريم جوڊيشل ڪائونسل، جسٽس قاضي فائز عيسيٰ تي فرد جرم لاڳو ڪري ڇڏيو - ڪراچي سميت سنڌ ۾ سانوڻي جو وسڪارو، روڊ رستا ٻڏي ويا، مواصلاتي نظام درهم برهم، ڪرنٽ لڳڻ سبب 4 فوت - هزارين ڪشميرين جو پاڪستاني جهندي واري مارچ ڀارت جي لاءِ اڻٽٽ ڀت آهي: سراج الحق

Daily Archives: June 4, 2019

ڪو به وزير پنهنجي اختيارن جو ناجائز استعمال نه ڪري: عمران خان جي هدايت

اسلام آباد ( ويب ڊيسڪ ) وزيراعظم عمران خان موسمياتي تبديلي بابت مملڪتي وزير زرتاج گل وزير سان ڪاوڙ جو اظهار ڪندي کيس وفاقي ڪابينا جي اجلاس ۾ ڳالهائڻ روڪي ڇڏيو. ذريعن جو چوڻ آهي ته وزيراعظم عمران خان جي صدارت هيٺ ٿيندڙ وفاقي ڪابينا جي اجلاس ۾ عمران خان زرتاج گل وزير سان ڪاوڙ جو اظهار ڪيو. ذريعن موجب زرتاج وفاقي ڪابينا جي اجلاس ۾ ڳالهائڻ لاءِ هٿ مٿي ڪيو ته وزيراعظم کيس ڳالهائڻ کان روڪي ڇڏيو. ذريعن جو چوڻ آهي ته وزيراعظم چيو ته زرتاج گل اوهان کي ائين نه ڪرڻ گهرجي ها. وزيراعظم وفاقي ڪابينا جي اجلاس ۾ هدايت پڻ ڪئي ته وزير اختيارن جو ناجائز استعمال نه ڪن. ذريعن جو چوڻ آهي ته وفاقي ڪابينا اضافي حج ڪوٽا مان 40 سيڪڙو نجي ٽور آپريٽرز کي ڏيڻ جي منظوري ڏئي ڇڏي آهي. ذريعن موجب وزيراعظم توانائي واري وزارت کي هدايت ڪئي آهي ته عيد جي موڪلن دوران لوڊشيڊنگ نه ڪئي وڃي. واضح رهي ته موسمياتي تبديلي بابت مملڪتي وزير  زرتاج گل وزير پنهنجي ڀيڻ جي مقرري لاءِ نيڪٽا کي خط لکيو هو ۽ اهو معاملو ميڊيا تي اچڻ کان پوءِ وزيراعظم عمران خان واقعي جو نوٽيس ورتو هو. وزيراعظم عمران خان واقعي جو نوٽيس وٺڻ کان پوءِ زرتاج گل وزير پنهنجي ڀيڻ شبنم گل جي مقرري لاءِ نيڪٽا کي لکيل خط واپس وٺي ڇڏيو هو.

 

گمبٽ/کهڙا/ڪوئٽا ۾ خوفناڪ روڊ حادثا، 17 ڄڻا فوت

گمبٽ/کهڙا /زوب( ويب ڊيسڪ )گمبٽ ويجهو قومي شاهراهه تي  موٽر سائيڪل کي مسافر ڪوچ جو ٽڪر لڳڻ جي نتيجي ۾ هڪ ئي ڪٽنب جا چار ڀاتي فوت ٿي ويا.  اٽڪ پمپ وٽ تيز رفتار مسافر ڪوچ جو موٽر سائيڪل کي ٽڪر لڳڻ جي نتيجي ۾  کھڙا واسي پرڀومل. چندو مل. راجا  ۽ ڪنڊياري واسي سريش ڪمار اجل جو شڪار بڻجي ويا.   پورھيت رنگسازي  جو ڪم ڪند هئا مزدوري ڪرڻ لاءِ کھڙا کان راڻي پور وڃي رهيا هئا ته اوچتو تيز رفتار مسافر ڪوچ جو ٽڪر ٿي پيو.  حادثي کانپوءِ ھتان جي مقامي ماڻهن  فوتين مامڙهه  کڻائي گمبٽ گمس اسپتال منتقل ڪيا جتان قانوني ڪارروائي بعد لاش وارثن حوالي ڪيا ويا مڙهه گهرپهڇڻ تي ڪهرام مچي ويو جڏهن ته علائقي جو ماحول پڻ سوڳوار بڻجي ويو.

ڪوئيٽا قومي شاهراهه تي خطرناڪ ٽريفڪ حادثي جي نتيجي ۾ 13 ڄڻا فوت ٿي ويا، جڏهن ته ست زخمي ٿي پيا.بلوچستان جي شهر زوب ۾ ڪوئٽا قومي شاهراهه تي قلعا سيف الله ويجهو ٽرڪ ۽ وين ۾ زوردار ٽڪر ٿيڻ جي نتيجي ۾ 13 ڄڻا فوت ٿي ويا. پوليس موجب حادثي ۾ فوتين جو تعلق هڪ ئي خاندان سان آهي، مسافر وين ڪوئٽا کان زوب اچي رهي هئي ته خوفناڪ حادثي جو شڪار ٿي وئي.  لاشن ۽ زخمين کي ڊي ايڇ ڪيو اسپتال منتقل ڪيو ويو ۽ کين فوري طور امداد ڏني پئي وڃي. ذريعن موجب پوليس حادثي واري هنڌ کي سيل ڪري جاچ شروع ڪري ڇڏي آهي، جڏهن ته حادثي جو اصل سبب جاچ لاءِ جاچ جو سلسلو به جاري آهي.

 

سمورو ڌيان ميگا ڪرپشن تي آهي، احتساب جو عمل بنا خوف جاري رهندو: نيب چيئرمين

اسلام آباد ( ويب ڊيسڪ ) نيب چيئرمين جاويد اقبال چيو آهي ته احتساب جو عمل بنا ڪنهن خوف جاري رکيو ويندو، اسان جو ڌيان ميگا ڪرپشن تي آهي. نيب طرفان جاري ڪيل بيان ۾ چيو ويو آهي ته نيب هڪ اڻ ڌريو ادارو آهي، احتساب جو عمل بنا ڪنهن خوف ۽ فرق جاري رکيو ويندو، پاڪستان ۾ ڪرپشن خلاف وڏن نالن تي ڪڏهن به مڪمل هٿ نه وڌو ويو آهي. هن چيو ته ڪرپشن ۾ اضافو ٿيو آهي، هاڻي اسان جو ڌيان ميگا ڪرپشن تي آهي، جنهن جو اثر هيٺين درجي جي ڪرپشن کي به گهٽ ڪندو. سندس چوڻ هو ته هڪ تاثر آهي ته نيب سبب بزنس ڪميونٽي ۽ سيڙپڪارن کي خوف آهي، بزنس ڪميونٽي ۽ غير سرڪاري ماڻهو بنا ڪنهن خوف پنهنجو هاڪاري ڪم جاري رکن، نيب جو بنيادي ڪم سرڪاري عهديدارن ۽ پبلڪ فنڊ ۾ ڪرپشن خلاف آهي.  نيب چيئرمين جاويد اقبال چيو ته نيب ڪنهن به نموني ملڪي معيشت جي بهتري لاءِ ڪم ڪندڙن خلاف ناهي، اهڙن ماڻهن کي نيب مان ڪابه شڪايت نه هوندي.

 

وفاقي حڪومت (ايس ٿري) ۾ 50 سيڪڙو حصو ڏيڻ کان ڦري وئي: وڏو وزير

ڪراچي (اسٽاف رپورٽر): سنڌ جي وڏي وزير سيد مراد علي شاهه چيو آهي ته وفاقي حڪومت گريٽ سيوريج پلان (ايس ٿري) جي مجموعي اخراجات جو پنهنجو 50 سيڪڙو حصو ڏيڻ کان پوئتي هٽي وئي آهي جيڪا سنڌ جي ماڻهن سان ناانصافي آهي. هن چيو آهي ته هو ڪراچي جي ماڻهن جي وسيع تر مفاد ۾ وفاقي حڪومت کان کيس مجوزه حصو وٺڻ لاءِ فائيٽ ڪندو. هن اها ڳالهه اڄ وزيراعليٰ هائوس جي ڪميٽي نمبر 2 ۾ ايس ٿري پراجيڪٽ جي پڄاڻي بابت هڪ اجلاس جي صدارت ڪندي ڪئي. اجلاس ۾ صوبائي وزير  بلديات سعيد غني، چيف سيڪريٽري ممتاز شاهه، چيئرپرسن پي اينڊ ڊي ناهيد شاهه، سيڪريٽري ناڻو نجم شاهه، سيڪريٽري بلديات خالد حيدر شاهه، ممبر سروسز پي اينڊ ڊي خالد محمود، قائم مقام ايم ڊي ڪراچي واٽر سيورج بورڊ غلام قادر، پي ڊي ايس ٿري حنيف بلوچ ۽ ٻين لاڳاپيل عملدارن شرڪت ڪئي. صوبائي وزير بلديات سعيد غني وڏي وزير کي ڄاڻ ڏيندي ٻڌايو ته ايس ٿري منصوبي سان ڪراچي جي صفائي جي صورتحال ۽ ماحول بهتر ٿيندو ۽ هڪ ڪليڪشن، ٽريٽمنٽ ۽ سيوريج  جي نڪاي جو هڪ بهترين نظام دستياب آهي. هن چيو ته موجوده سيوريج ڊسپوزل سسٽم ٽريٽمنٽ جي سهولتن کانسواءِ سمنڊ ۾ وڃي ڪرندو آهي انهيءَ کي ٽريٽمنٽ پلانٽن ۾ تبديل ڪرڻ لاءِ نيٽورڪ جي ضرورت آهي.  چيئرپرسن پي اينڊ ڊي ناهيد شاهه چيو ته ان منصوبي لاءِ ايڪنڪ سيپٽمبر 2007 ۾ 7.98 بلين رپيا منظوري ڏئي چڪي آهي جنهن تحت وفاقي حڪومت جو منصوبي جي لاڳت جو 50 سيڪڙو حصو ڏيڻ هو ۽ باقي بچيل 50 سيڪڙو صوبائي حڪومت کي برداشت ڪرڻو هو. اسڪيم تي نظرثاني ڪئي وئي ۽ ايڪنڪ 7 فيبروري 2018 جو انهيءَ لاءِ 36.11 بلين رپين جي منظوري ڏني. منصوبي جا 2 حصا آهن هڪ لياري ريور بيسن جنهن جي لاڳت 121.31 بلين رپيا ۽ ملير ريور بيسن جنهن جي لاڳت 14.799 بلين رپيا آهي شامل ڪيا ويا. ايس ٿري منصوبي جو  جنهن تي نظرثاني ڪئي وئي جنهن جي نتيجي ۾ منصوبي جي لاڳت ۾ واڌ ٿيو. منصوبي ۾ لياري ۽ ملير ندي بيسن ۾ انڊر گرائونڊ آر سي سي ڪنڊيوٽ ذريعي سيوريج جي وهڪري جي ٽرانسميشن جو احاطو ڪيو ويو آهي ۽  انهيءَ جي ٽريٽمنٽ سيوريج ٽريٽمنٽ پلانٽن ذريعو سمنڊ ۾ ڪرڻ کان پهرين ڪرڻو آهي. ملير ۽ لياري ندين جو اضافو ۽ ٽريٽمنٽ پلانٽ جي تعمير، ملير ٽرنگ سيور ۽ هارون آباد سايئٽ ۾ 51 کان 100 ايم جي ڊي سيوريج ٽريٽمنٽ پلانٽ جي گنجائش ۾ واڌ ۽ اپگريڊيشن. ماڙيپور ۾ سيوريج ٽريٽمنٽ پلانٽ جو 54 کان 180 ايم جي ڊي گنجائش ۾ واڌ ۽ اپگريڊيشن ۽ ڪورنگي ۾ 180 ايم جي نعو سيوريج ٽريٽمنٽ پلانٽ جي تعمير، لياري ندي بيسن جي ڪمن جي موجوده اسٽيٽس بابت وڏي وزير کي ٻڌايو ويو ته ٽي پي –III لاءِ 77 ايم جي ڊي جي بحالي جو ڪم مڪمل ڪيو ويو آهي. سيوريج ٽرانسميشن جا پنج مختلف پيڪيجن جنهن جي ڊيگهه 20.151 ڪلوميٽر آهي اها به گهڻي حد تائين مڪمل ٿي چڪا آهن. 13.169 ڪلوميٽر جي ايل ايس-I، ايل ايس-II، ۽ ايل ايس-III جو ڪانٽريڪٽ پيڪيج مارچ ۾ ڪيو ويو. ٽي پي-I جي ڪانٽريڪٽ پيڪيج ، بحالي جو مرحلو 55 سيڪڙو مڪمل ٿي چڪو آهي ۽ اسٽيج –II ڪشادگي وارو ڪم 12 سيڪڙو ٿي چڪو آهي.

ملير روڊ بيسن:

سيوريج ٽرانسميشن لاءِ ايم ايس-I کان ايم ايس-III ڪانٽريڪٽ پيڪيج جنهن جي مجموعي ڊيگهه 14.950 ڪلوميٽر آهي جنهن جي بڊ ايوليوشن رپورٽس سيپرا جي ويب سائيٽ تي شايع ڪئي وئي. سيوريج ٽرانسميشن جنهن جي ڊيگهه 10.091 ڪلوميٽر آهي جو ايم ايس –IV کان ايس ايس-VI جو ڪانٽريڪٽ پيڪيج پڻ مشتهر ڪيو ويو ۽ بڊ موصول ٿيا جنهن کي ايويليوشن رپورٽ لاءِ پروڪيورمنٽ ڪميٽي کي اماڻيو ويو.

وڏي وزير چيو ته لياري ندي بيسن جتي 77 ايم جي ڊي ٽريٽ ڪيو ويندو اتي انهيءَ کي وڌيڪ ٽريٽ ڪندي انهيءَ کي سائيٽ ۾ صنعتي مقصدن لاءِ فرام ڪيو وڃي. هن چيف سيڪريٽري ممتاز شاهه کي پڻ هدايت ڪئي ته هو پبلڪ پرائيويٽ پارٽنرشپ شپ يونٽ سان به ڳالهه ٻولهه ڪري ۽ خانگي ڀائيوارن کي ڄانايل ٽئين درجي جي وهڪري (ٽريٽري افيولينٽ) کي صنعتي مقصدن جي استعمال لاءِ دعوت ڏئي ته هو انهيءَ حوالي سان ڪوبه پلان ترتيب ڏين. مراد علي شاهه چيو آهي ته ايس ٿري پڄاڻي سان سامونڊي پاڻي صاف ٿي ويندو ۽ انهيءَ سان مجموعي طور صحت ۽ حفظان صحت جي صورتحال به بهتر ٿي ويندي جنهن سان مڇين جي برآمداد ۾ واڌ ٿيندي ۽ انهيءَ سان ميرين اڪالوجي جي تحفظ ۾ مدد ملندي. وڏي وزير اجلاس جي آخر ۾ پنهنجي انهيءَ عزم جو اعادو ڪيو ته هو ڪراچي جو ڪيس وفاقي حڪومت آڏو رکي وڙهندو تههو پنهنجي ڪمٽمنٽ کي پورو ڪندي 50 سيڪڙو فنڊ ڏئي.

ايڪسائيز اينڊ ٽيڪسنيشن کاتي جي وهيڪ رجسٽريشن بڪ کي ڊجيٽل ڪرڻ:

وڏي وزير سيد مراد علي شاهه اڄ هڪ اجلاس جي صدارت ڪئي جنهن ۾ هن ايڪسائيز اينڊ ٽيڪسنشين کاتي کي هدايت ڪئي آهي ته هو وهيڪل رجسٽريشن بڪس جي جاءِ ريڊايبل ڊجيٽل ڪارڊ متعارف ڪرائي. هن چيو ته گاڏين جي رجسٽريشن بڪ سڄي دنيا مان ختم ٿي چڪا آهن. اسان کي گهرجي ته اسان جديد ٽيڪنالجي کان فائدو کڻيون ۽ ريڊايبل ڪاردز بيڪن جي طرز تي متعارف ڪرايا وڃن ته جيئن انهن جي تفصيل به چيڪنگ دوران پڙهي سگهجي. اجلاس ۾ ايڪسائيز اينڊ ٽيڪسيشن  وارو وزير مڪيش ڪمار چاولا، سيڪريٽري ايڪسائيز رحيم شيخ، سيڪريٽري ناڻو نجم شاهه، نارڪوٽڪس جي اي اينڊ ٽي دپارٽمنيٽ وارو ڊي جي شعيب صديقي، ڊي جي ايڪسائيز شبير شيخ ۽ ٻين شرڪت ڪئي. صوبائي وزير ايڪسائيز اينڊ ٽيڪسيشن مڪيش ڪمار چاولا وڏي وزير کي ٻڌايو ته ايڪسائيز اينڊ ٽيڪسيشن کاتي کي 72872 ملين رپيا وصولي جو هدف ڏنو ويو هو جيڪو هو هن مهيني جي آخر تائين حاصل ڪري وٺندو. ايڪسائيز اينڊ ٽيڪسيشن کاتي 7 ٽيڪس بشمول موٽروهيڪل ٽيڪس، ايڪسائز ان ايڪٽ منٽ، انفرااسٽڪرسيس ، ڪاٽن في، پروفيشنل ٽيڪس، پراپرٽي ٽيڪس ۽ انٽرٽينمنٽ ڊيوٽي وصول ڪرندو آهي.

 

ڪنهن به شعبي ۾ ڪير به مقدس ڳئون ناهي ۽ حڪومت انصاف جي فراهمي جي حوالي سان قدم جاري رکندي: فردوس عاشق اعواڻ

اسلام آباد (ويب ڊيسڪ) وفاقي ڪابينا اعليٰ عدليا جي ججن خلاف سپريم جڊيشل ڪائونسل ۾ داخل ڪيل ريفرنسز تي اپوزيشن جماعتن جي تنقيد کي رد ڪندي چيو آهي ته ڪنهن به شعبي ۾ ڪير به مقدس ڳئون ناهي ۽ حڪومت انصاف جي فراهمي جي حوالي سان قدم جاري رکندي. وزيراعظم جي اطلاعات بابت خاص مددگار فردوس عاشق اعواڻ ميڊيا کي بريفنگ ڏيندي ٻڌايو ته ڪابينا اجلاس ۾ 12 نڪاتي تي غور ڪيو ويو. هن چيو ته ٻن معزز جج صاحبن جي حوالي سان جيڪي شڪايتون آيون، انهن جي تصديق ڪري سپريم جڊيشل ڪائونسل موڪليون ويون آهن، فيصلو سپريم جڊيشل ڪائونسل ڪندي ۽ اهو حڪومت جو ذيلي ادارو ناهي، عدليا جي شڪست کي عدليا ئي ڏسي رهي آهي ته اهو عدليا تي حملو ڪيئن ٿو ٿي سگهي. سندس چوڻ هو ته اپوزيشن جي جيڪا واويلا ۽ پروپئگنڊا هئي، ان جي سوچ جي ڪابينا مذمت ڪئي ۽ اسان جي قانوني ۽ آئيني معاملن تي ڪنهن قسم جي سياست نه ٿيڻ گهرجي، سپريم جڊيشل ڪائونسل جو جيڪو رستو اختيار ڪيو ويو اهو عمران خان نه پر آئين ۽ ڀُٽي جي آئين مان ڪڍيو آهي ۽ آئيني حدن کان ٻاهر ناهن ناهيون ويا، ڪابينا ان قدم جي حمايت ڪئي. فردوس عاشق اعواڻ چيو ته وزيراعظم جي زيرو ٽالرنس سوچ موجب ڪنهن جاءِ ۽ ڪنهن اداري ۾ ڪير مقدس ڳئون ناهي، عمران خان ۽ موجوده حڪومت جو هڪ جهڙي احتساب جو تصور آهي، ان کي اڳتي کڻي هلڻو آهي. هن چيو ته مان پنهنجي ۽ وزيراعظم جي هدايتن موجب ميڊيا مان اميد ڪيان ٿي ۽ اپيل ٿي ڪيان ته جيستائين سپريم جڊيشل ڪائونسل ترجيحون طئي نٿي ڪري، تيستائين ميڊيا ۾ عدالت لڳائي گفتگو نه ڪيو ۽ جيستائين فيصلو نٿو ٿئي، ڪنهن به جج جي حوالي سان ڪا گفتگو نه ٿيڻ گهرجي. سندس چوڻ هو ته اسان 70 ورهين جي نظام مان ملڪ کي آجو ڪرائڻ آيا آهيون، قوم جيڪا ذميواري اسان تي لاڳو ڪئي آهي، اها قانون ۽ آئين موجب نڀائينداسين.

 

سنڌ جي موجوده ۽ اڳوڻي وڏن وزيرن مراد علي شاهه ۽ قائم علي شاهه خلاف نيب انڪوائري انويسٽيگيشن ۾ تبديل

اسلام آباد (ويب ڊيسڪ) سنڌ جي وڏي وزير مراد علي شاهه ۽ اڳوڻي وڏي وزير قائم علي شاهه خلاف نيب انڪوائري کي انويسٽيگيشن ۾ تبديل ڪيو ويو. نيب راولپنڊي طرفان جعلي اڪائونٽس ڪيس، دادو ۽ ٺٽو شگر ملز جي وڪري وارن معاملن تي جاچ ڪئي پئي وڃي، جڏهن ته نيب چيئرمين جاويد اقبال سنڌ جي وڏي وزير مراد علي شاهه ۽ اڳوڻي وڏي وزير قائم علي شاهه خلاف انڪوائري کي انويسٽيگيشن ۾ تبديل ڪرڻ جي منظوري ڏئي ڇڏي. مراد علي شاهه ۽ قائم علي شاهه انهن ڪيسن ۾ پنهنجا بيان نيب کي رڪارڊ ڪرائي چڪا آهن ۽ اومني گروپ جي سمورن عهديدارن کان به نيب جي جاچ مڪمل ٿي چڪي آهي.