تازيون خبرون
ڪاري ناڻي کي اڇو ڪرڻ جو موقعو، وفاقي ڪابينا ايمنسٽي اسڪيم جي منظوري ڏئي ڇڏي - ڪشمور: مسافر وين کي باهه،3 عورتن ۽ ٻارڙي سميت 5 ڄڻا سڙي فوت، 6 زخمي - حڪومتي ادارا سياسي انتقام لاءِ استعمال ٿي رهيا آهن: ن ليگ - سنڌ اسيمبلي ۾ رڳو هڪٻئي جا پٽڪا لاهڻ لاءِ بحث ٿيندو آهي: سنڌ هاءِ ڪورٽ - سڌ سماءِ صلاحڪار جي صدر سان ملاقات، صدر ميڊيا جا مسئلا حل ڪرڻ بابت ذميواري ڏني آهي: فردوس عاشق اعواڻ - آمريڪا پاڪستان تي ڪا ويزا پابندي نه لڳائي آهي، ميڊيا ۾ ڪوڙيون خبرون آيون هيون: شاهه محمود قريشي - حڪومت شهرين جي حفاظت بدران سياسي انتقام ۾ رُڌل آهي: آصف زرداري - پاڪستان پن بجلي جي پيداوار صلاحيت ۾ تازي واڌ جي حوالي سان سڄي دنيا ۾ ٽئين نمبر تي رهيو: رپورٽ جاري - انجينئر امير مقام جي پٽ ۽ سئوٽ جي گرفتاري جي مذمت، ٻه نمبري نئون پاڪستان نه کپي : شهباز شريف - ڪراچي مان ٻه مهينا اڳ پراسرار نموني گم ٿي ويل ايم بي بي ايس جي شاگردياڻي عروج صديقي جي ڊرامائي انداز ۾ گهر واپسي

Daily Archives: May 8, 2019

ڪرپشن تي ڪو به سمجهوتو نه ٿيندو، چورن ۽ ڦورن کي نه ڇڏينداسين: عمران خان

اسلام آباد(ويب ڊيسڪ) وزير اعظم عمران خان جي صدارت هيٺ وفاقي ڪابينا جي اجلاس ۾ فيصلو ڪيو ويو آهي ته پيٽروليم شين جي قيمتن ۾ گهٽتائي نه ٿيندي. تفصيل موجب اڄ وزير اعظم عمران خان جي صدارت هيٺ وفاقي ڪابينا جو اجلاس ٿيو، وزير اعظم هڪ ڀيرو ٻيهر وفاقي ڪابينا اجلاس ۾ ڪرپشن جي خاتمي تي زور ڏنو. اجلاس ۾ فيصلو ڪيو ويو ته پيٽروليم شين جي قيمتن ۾ گهٽتائي نه ٿيندي، پيٽروليم شين جي قيمتن بابت اي سي سي جو فيصلو برقرار رهندو. ڪابينا اجلاس ۾ وزير اعظم هڪ ڀيرو ٻيهر ڪرپشن جي خاتمي تي زور ڏنو، هن چيو ته ڪرپشن تي ڪو به سمجهوتو نه ٿيندو، چورن ۽ ڦورن کي نه ڇڏينداسين. وزير اعظم عمران خان جو چوڻ هو ته گهٽ زور واري معيشت وراثت ۾ ملي آهي، معيشت ۾ بهتري جي لاءِ اهم فيصلا ڪيا ويا. وزير اعظم جي هدايت ڪئي ته وزير سحري ۽ افطار ۾ غريبن جو خيال ڪن، مصنوعي مهانگائي ۽ ذخيري اندوزي تي نظر رکي وڃي. ان کان سواءِ وفاقي ڪابينا اجلاس ۾ وزير اعظم وفاقي وزيرن کي وڌيڪ اختيار ڏيڻ جو به فيصلو ڪيو، پر ان سلسلي ۾ وفاقي وزيرن کي وڌيڪ بااختيار بڻائڻ جي لاءِ اهم فيصلا ڪجهه ڏينهن ۾ ڪيا ويندا. وزير اعظم اڄ قومي اسيمبلي جي اجلاس ۾ به شرڪت جو فيصلو ڪيو، عمران خان پي ٽي آءِ پارليماني پارٽي جو اجلاس به اڄ طلب ڪري ورتو، هي اجلاس سڀاڻي منجهند پارليامينٽ هائوس ۾ ٿيندو.

 

اين ايف سي ايوارڊ ۾ دير جو ذميوار سنڌ قرار، صدارتي نظام نه پيو اچي: وفاقي سرڪار

اسلام آباد ( ويب ڊيسڪ ) پرڏيهي وزير شاهه محمود قريشي چيو آهي ته اين ايف سي ايوارڊ ڏيڻ اسان جي آئيني ذميواري آهي، آرٽيڪل 160 واضح آهي ته هر پنجن سالن بعد اين ايف سي ايوارڊ اچڻ گهرجي، اين ايف سي ايوارڊ ايندو ۽ بهتر ايندو. سينيٽ جي اجلاس ۾ ڳالهائيندي شاهه محمود قريشي چيو ته ايوارڊ بابت ڊاڪٽر صاحب جي سربراهيءَ ۾ جوڙيل ڪميٽي ڪو ڪم نه ڪري سگهي، سڀ کان وڌيڪ ذميوار سنڌ سرڪار آهي، سوچڻ جي ڳالهه آهي ته پاڪستان آءِ ايم ايف وٽ ڇو ويو؟  هن چيو ته ميڪرو اڪنامڪ جي عدم توازن سبب اسان کي آءِ ايم ايف وٽ وڃڻو پئجي ويو، صوبائي حڪومتن پنهنجا اميدوار نامزد ڪيا، صوبائي حڪومتن اين ايف ايوارڊ لاءِ نامزدگي ڏيڻ ۾ دير ڪئي. سندس چوڻ هو ته جڏهن پ پ جي حڪومت ايندي آهي ته آءِ ايم ايف وٽ وڃڻو پوندو آهي، سينيٽ اجلاس ۾ سينيٽر مشتاق اين ايف سي ايوارڊ ببات جواب ڏيڻ جو مطالبو ڪيو. شاهه محمود قريشي چيو ته مان اين ايف سي ايوارڊ جي ڳالهه ڪري رهيو آهيان، آءِ ايم ايف تي به، چيو پيو وڃي ته آءِ ايم ايف جي چوڻ تي حفيظ شيخ کي لڳايو ويو آهي.  هن چيو ته ڇا پ پ به حفيظ شيخ کي آءِ ايم ايف جي چوڻ تي لڳايو، 10 سال معيشت جا ترا ڪڍندڙ ڪير آهن، هاٿي جا ڏند کائڻ جا هڪ ۽ ڏيکارڻ جا ٻيا هوندا آهن، ڪيترا ڀيرا آءِ ايم ايف وٽ وياسين اها به عوام کي خبر آهي. سندس چوڻ هو ته ملڪ ون يونٽ طرف نه وڃي رهيو آهي، ڪو به صدارتي نظام نه اچي رهيو آهي،  پاڪستان جي ائٽمي پروگرام کي ڪو به خطرو ناهي، واضح چئي رهيا آهيون، پاڪستان جي نيو ڪليئر اثاثن کي ڪو خطرو ناهي، پاڪستان جي ائٽمي پروگرام تي اتفاق راءِ آهي ۽ رهندو. شاهه محمود قريشي چيو ته توهان معيشت جو جنازو ڪڍي ويا، رضا باقر پاڪستان جو پٽ آهي ۽ گهٽ پگهار تي  پاڪستان اچي رهيو آهي، رضا باقر ملڪ جي خدمت لاءِ گهٽ پگهار تي آيو آهي. هن چيو ته رضا باقر کي سندس اهليت جي بنياد تي اسٽيٽ بئنڪ جو گورنر مقرر ڪيو ويو آهي.

81 سياسي پارٽين جي اثاثن جا تفصيل جاري، حڪمران پارٽي امير ترين سياسي پارٽي قرار

اسلام آباد (اين اين آءِ) اليڪشن ڪميشن 81 سياسي پارٽين جي اثاثن جو تفصيل جاري ڪري ڇڏيو جنهن موجب تحريڪ انصاف سڀ کان امير سياسي پارٽي بڻجي اڳيان اچي وئي آهي، دستاويزن موجب تحريڪ انصاف 31 ڪروڙ 66 لک رپين جي اثاثن جي مالڪ نڪتي، دستاويز موجب تحريڪ انصاف جي اثاثن ۾ هڪ سال اندر 22 ڪروڙ رپيا وڌي ويا، عمران خان جي سرٽيفڪيٽ موجب تحريڪ انصاف پابندي پيل فنڊنگ وصول نه ڪئي، دستاويز موجب تحريڪ انصاف سمنڊ پار پاڪستانين کان 6 ڪروڙ 58 لک رپين کان وڌيڪ جا فنڊ ورتا، تحريڪ انصاف هڪ ڪروڙ 26 لک آمريڪا ۾ رهندڙ سمنڊ پار پاڪستانين کان وصول ڪيا، تحريڪ انصاف 4 ڪروڙ 92 لک رپين کان وڌيڪ فنڊ برطانيا ۾ رهندڙ پاڪستانين کان ورتو، تحريڪ انصاف پارٽي جا 6 اڪائونٽ اليڪشن ڪميشن ۾ ظاهر ڪيا، ن ليگ جي اثاثن جي ماليت 25 ڪروڙ 33 لک 77 هزار 9 سئو 95 رپيا نڪتي، ن ليگ پارٽي ٽڪيٽون 11 ڪروڙ 97 لکن ۾ ڏنيون، هڪ سال ۾ ن ليگ جي اثاثن ۾ 2 ڪروڙ کان وڌيڪ واڌ ٿي، پ پ پارليامينٽرين وٽ 16 ڪروڙ 70 لک رپين کان وڌيڪ جو بينڪ بيلنس آهي، پ پ 9 ڪروڙ 37 لک کان وڌيڪ ٽڪيٽن جي مد ۾ وصول ڪيا، تحريڪ لبيڪ پاڪستان کي چندي جي مد ۾ 50 لک رپيا مليا، ق ليگ 4 ڪروڙ 99 لک رپين کان وڌيڪ رقم جي اثاثن جي مالڪ آهي، شيخ رشيد جي عوامي مسلم ليگ سڀ کان غريب سياسي پارٽين ۾ شامل آهي، عوامي مسلم ليگ رڳو هڪ لک 38 هزار رپين جي مالڪ آهي، ايم ڪيو ايم پاڪستان کي هڪ ڪروڙ 75 لک رپين جو چند مليو، جماعت اسلامي 10 ڪروڙ 63 لک رپين جي اثاثن جي مالڪ آهي.

 

لاکڙا ڪول فيلڊ ۾ ڪوئلي جي کاڻ اندر باهه، 4 مقامي پورهيت سڙي فوت

مانجهند (م.ڊ) لاکڙا ڪول فيلڊ ۾ ڪوئلي جي کاڻ اندر باهه ڀڙڪي پوڻ سبب 4 مقامي پورهيت فوت ٿي ويا. لاکڙا ڪول فيلڊ جي پي ايم ڊي سي ڪمپنيءَ ۾ ڪوئلي جي کاڻ اندر اوچتو باهه ڀڙڪي پئي، جنهن جي نتيجي ۾ 4 پورهيت سڙي فوت ٿي ويا. افسوسناڪ واقعي ۾ فوت ٿيل پورهيتن ۾ مانجهند جي ڳوٺ نهالاڻي جو رهواسي 45 ورهين جو محرم علي ولد علي لاکو نهالاڻي، 40 ورهين جو علي اصغر ولد رمضان مريداڻي، خاڻوٺ واسي الله بخش ۽ گل حسن دائيداڻو شامل آهن. جڏهن ته پورهيت منٺار مريداڻي ۽ رسول بخش تنگهياڻي سڙي زخمي ٿي پيا، جن کي ڳڻتي جوڳي حالت ۾ ڪراچي نيو ويو آهي.

مڪمل فتح تائين شدت پسندي خلاف جدوجهد جاري رهندي، دهشتگرد بندوق جو استعمال ڪري چونڊن ۾ پ پ جو رستو روڪيو : بلاول ڀٽو

اسلام آباد (اين اين آءِ) پ پ چيئرمين بلاول ڀٽو چيو آهي ته مڪمل فتح تائين شدتپسندي خلاف جدوجهد جاري رهندي، دهشتگرد بندوق جو استعمال ڪري چونڊن ۾ پ پ جو رستو روڪيو، مان انهن وحشين کي ڪيئن ڌرتي جو وفادار سمجهان جن بارود جي باهه ٻاري، اڱاري تي پختونخواهه جي شهيد اڳواڻ ظاهر شاهه جي ورسي جي موقعي تي بلاول ڀٽو پنهنجي پيغام ۾ چيو ته دهشتگردن کي قوم کي وڏا گهاءَ ڏنا آهن، هن چيو ته محترمه بينطير شهيد دهشتگردن ۽ سندن پٺ ڀرائي ڪندڙن جي مزاحمت ڪئي، شهيد محترمه دهشتگردي، شدپسندي خلاف مضبوط آواز هئي، هن چيو ته آرمي پبلڪ اسڪول ۾ گلن جهڙن ٻارن جو رت وهايو ويو، هن چيو ته عوام پ پ جا هٿ مضبوط ڪري ته جيئن هر قسم جي شدتپسندي کي شڪست ڏئي مهذب معاشرو اڏيو وڃي.

 

اميد آهي ته جاتي امرا ۾ ڇهه هفتا گذارڻ بعد نواز شريف جو ذهني دٻاءُ گهٽ ٿي ويو هوندو ، الله ڪري هو وري بيمار نه ٿئي: فردوس عاشق

اسلام آباد ( ويب ڊيسڪ ) وزيراعظم جي سڌ سماءَ بابت خاص مددگار فردوس عاشق اعواڻ چيو آهي ته اميد آهي ته جاتي امرا ۾ ڇهه هفتا گذارڻ بعد نواز شريف جو ذهني دٻاءُ گهٽ ٿي ويو هوندو، الله ڪري نواز شريف جيل ۾ وري بيمار نه ٿئي.  سماجي رابطن جي ويب سائيٽ ٽوئٽر تي بيان جاري ڪندي فردوس عاشق اعواڻ چيو ته نواز شريف هن وقت سياست کان لاتعلق آهي، لائو لشڪر سان روڊ تي نڪرندو ڏسون ٿا ته هو پنهنجي پارٽي يا پنهنجي حڪومت کي للڪاري ٿو. هن چيو ته الله ڪري ڪوٽ لکپت جيل ۾ نواز شريف وري بيمار نه ٿي پوي.

 

وفاقي منتقلي ۾ کوٽ سبب سنڌ جي مالي پوزيشن غير مستحڪم آهي: مراد علي شاهه

ڪراچي (اسٽاف رپورٽر) سنڌ جي وڏي وزير سيد مراد علي شاهه صوبي جي موجوده مالي صورتحال ۽ نئين سال جي ترقياتي منصوبن جي رٿابندي لاءِ ناڻي کاتي ۽ رٿابندي و ترقيات کاتي جي گڏيل اجلاس جي صدارت ڪندي ايندڙ مالي سال لاءِ ترقياتي ڪمن جي سمت مقرر ڪئي. اجلاس ۾ آبپاشي ۽ ورڪس اينڊ سروسز کاتن وارو صوبائي وزير سيد ناصر هسين شاهه، وڏي وزير جو معاون خاص اشفاق ميمڻ، چيئرمين پلاننگ اينڊ ڊيولپمنٽ ناهيد شاهه، وڏي وزير جو پرنسپل سيڪريٽري ساجد جمال ابڙو، سيڪريٽري آبپاشي جمال شاهه، سيڪريٽري ناڻو نجم شاهه، سيڪريٽري ورڪس، رٿابندي ۽ ترقي وارو چيف اڪنامڪسٽ فتح تنيو ۽ ٻين لاڳاپيل عملدارن شرڪت ڪئي. وڏي وزير چيو ته وفاقي منتقلين ۾ گهٽتائي سبب صوبي جي مالي پوزيشن غير مستحڪم آهي جنهن صوبائي حڪومت جي ترقياتي پورٽ فوليو کي متاثر ڪيو آهي. هن وڌيڪ چيو ته جاري اسڪيمن جي تڪميل ايندڙ مالي سال تي ٻڌل آهي. هن چيو ته اسان شايد ئي ڪي نيون اسڪيمون شامل ڪريون ڇوته اسان جي گهڻي ڀاڱي توجه هلندڙ ترقياتي ڪمن جي پڄاڻي تي مرڪوز آهي. وڏي وزير چيو ته ايندڙ بجيٽ ۾ کيس توجه پاڻي جي فراهمي، صحت جي سهولتن ۽ اسڪولن جي منصوبن جي پڄاڻي تي ٻڌل آهي.  هن پلاننگ اينڊ ڊيولپمينٽ کي هدايت ڪئي ته روڊن جي ڄار، سنڌوءَ درياءَ تي پلن ۽ اسپتالن جي ترقي سان ماڻهن کي پهچندڙ فائدي جي جائزي لاءِ هڪ سروي ڪيو وڃي. هن چيو ته اسان ڄاڻون ٿا ته ڇا ڪرڻو آهي ۽ اسان کي سنڌ جي ماڻهن لاءِ ڪهڙيون سهولتون پيدا ڪرڻ گهرجن. وڏي وزير چيو ته موجوده ختم ٿيندڙ مالي سال دوران صوبائي اي ڊي پي 230 ارب رپيا رهي جيڪا اپريل 2019 جي پڄاڻي تائين خرچن جي مد ۾ 72.88 ارب رپين تائين پهچي ويو آهي ۽ جون 2019 جي پڄاڻي تائين 30 ڪروڙ رپيا استعمال تائين پهچي ويندو. هن وڌيڪ چيو ته روڊن جي ڄار وڇائڻ واري ڪم ۾ 56.6 ارب رپيا رکيا ويا هئا جنهن مان 27.8 ارب رپيا استعمال ٿيا. اهڙي ريت آبپاشي کاتي جي رٿائن لاءِ 35.8 ارب رپيا رکيا ويا جنهن مان 17.8 ارب رپيا استعمال ڪيا ويا. هن وڌيڪ چيو ته روڊن ۽ آبپاشي جي شعبن ۾ 45.66 ارب رپين جو بجيٽ استعمال ٿيو آهي جيڪو مجموعي خرچ جو 64 سيڪڙو بڻجي ٿو. وڏي وزير اها پڻ نشاندهي ڪئي ته پاڻي ۽ سينيشن اسڪيم لاءِ 42.5 ارب رکيا ويا پر فقط 6.5 ارب استعمال ٿي سگهيا. صحت کاتو 15.8 ارب رپين جي بجيٽ مان 4.3 ارب رپيا استعمال ڪري سگهيو. تعليم کاتي 15.8 ارب رپيا رکيل بجيٽ مان 5.9 ارب رپين جو استعمال ڪري سگهيو آهي. هن وڌيڪ چيو ته ترقياتي فنڊن جي استعمال ۾ گهٽتائي جو رجحان ٻن سببن جي ڪري پيش ٿيو جنهن مان سڀ کان پهرين مالي بحران سبب گهٽ کان گهٽ بجيٽ جاري ڪرڻ هو ۽ ٻيو آفيسر چڱڙا نه مليا. هن چيو ته اسان جي ڀرپور ڪوشش هئي ته آفيسر دستياب فنڊن جو استعمال ڪري سگهن. ورڪس اينڊ سروسز واري وزير سيد ناصر حسين شاهه اجلاس کي ٻڌايو ته 25.8 ارب رپين جي روڊن لاءِ 326 منصوبا شروع ڪيا ويا جنهن لاءِ 21.4 ارب رپيا جاري ڪيا ويا آهن ۽ خرچ 16.8 ارب رپيا آهي. هن چيو ته حيدرآباد ۽ سکر ضلعن ۾ 70 کان وڌيڪ منصوبا مڪمل ٿي چڪا آهن. اجلاس ۾ ناصر حسين شاهه درخواست ڪئي ته ورڪس اينڊ سروسز کاتي جي ايندڙ اي ڊي پي جو بجيٽ 40 سيڪڙو وڌايو وڃي، جنهن تي وڏي وزير چيو ته اهو ممڪن نه آهي. هن وڌيڪ چيو ته منهنجي ڪوشش هوندي ته اوهان کي ايندڙ مالي سال جي اي ڊي پي ۾ ڪجهه حد تائين وڌائي ڏيان پر فنڊز فقط هلندڙ ترقياتي رٿائن جي پڄاڻي لاءِ رکيا ويا آهن. چيئرمين پلاننگ اينڊ ڊيولپمينٽ ناهيد شاهه اجلاس کي ٻڌايو ته ايندڙ مالي سال لاءِ مختلف کاتن مان اي ڊي پي ڊرافٽ مليا آهن ۽ مالي مختص ڪيل رقم موجب غور ويچار ڪري رهيا آهيون جنهن کي وڏي وزير جي منظوري کانپوءِ آخري شڪل ڏني ويندي. آبپاشي کاتي اجلاس ۾ ۾ هڪ تجويز پيش ڪئي ته لانڍي جي طويل ڪينال جي خاتمي ۽ ڊڪ بنگلوز جي تعمير ڪئي وڃي پر وڏي وزير چيو ته جيڪڏهن اها تجويز حڪومت جي مالي پوزيشن لاءِ بهتر ٿي ته ضرور منظور ڪئي ويندي.

 

نواز شريف جي ضمانت جو وقت پورو، ڪوٽ لکپت جيل انتظاميه جاتي امرا پهچي وئي

لاهور (ويب ڊيسڪ) اڳوڻي وزيراعظم نواز شريف جي ضمانت جو وقت پورو ٿي ويو آهي ۽ ڪوٽ لکپت جيل انتظاميا کيس ٻيهر جيل وٺي وڃڻ لاءِ جاتي امرا پهچي وئي آهي. سپريم ڪورٽ 26 مارچ تي نواز شريف جي طبي بنيادن تي 6 هفتن لاءِ عبوري ضمانت منظور ڪئي هئي، جنهن کانپوءِ اڳوڻي وزيراعظم جي ضمانت جو وقت اڄ 7 مئي تي ختم ٿي ويو آهي. ڪوٽ لکپت جيل جو عملو اسسٽنٽ سپرنٽينڊنٽ جيل شهزاد جي سربراهي ۾ جاتي امرا ۾ موجود آهي ۽ ان حوالي سان سيڪيورٽي جا سخت انتظام ڪيا ويا آهن، اسسٽيٽ سپرنٽينڊنٽ جيل جاتي امرا مان نڪرندڙ هر گاڏي جي پاڻ چيڪنگ ڪري رهيو آهي. ان کان اڳ نواز شريف پنهنجي گهر ڀاتين ۽ سياسي ساٿين سان گڏ افطاري ڪئي ۽ اڳوڻي وزيراعظم جي پسند جا کاڌا تيار ڪيا ويا. نواز شريف جو سامان جيل پهچايو ويو آهي، جتي هو قافلي جي صورت ۾ پهچندو، مريم نواز سان گڏ ٻيا گهر ڀارتي، پارٽي اڳواڻ توڙي ڪارڪن به قافلي سان گڏ هوندا.

 

ڪوٽڏيجي لڳ هٿياربندن معصوم ٻارڙن سامهون سندس امڙ ۽ والد کي قتل ڪري ڇڏيو، لاش 2 ڪلاڪن تائين روڊ تي پيل رهيا

ڪوٽڏيجي (م.ڊ) ڪوٽڏيجي روڊ تي جاڙا ٽڪر واري علائقي ۾ اڻڄاتل هٿياربندن فائرنگ ڪري زال مڙس کي قتل ڪري ڇڏيو. گلبهار چنو زال ۽ ٻارن سان گڏ چونڊڪو کان ڪوٽ بنگلو وڃي رهيو هو ته ڪوٽڏيجي روڊ تي ڪار سوار هٿياربندن روڪي مٿن سڌي فائرنگ ڪري ڏني، جنهن جي نتيجي ۾ زال مڙس مارجي ويا، جڏهن ته هٿياربند فرار ٿي ويا. ڄاڻ ملڻ باوجود سوراهه ۽ ڪوٽڏيجي ٿاڻي جي پوليس دير سان پهتي، جنهن جي ڪري لاش ٻن ڪلاڪن تائين رستي تي پيل رهيا ۽ مقتول جوڙي جا چار ٻارڙا اڀ ڏاريندڙ رڙيون ڪري مدد لاءِ ٻاڏائي رهيا هئا. ٻڌايو پيو وڃي ته گلبهار چنو اصل ٺري ميرواهه جو رهواسي هو، جيڪو 8 سال اڳ پسند جي شادي ڪرڻ بعد چونڊڪو ۾ رهڻ لڳو.

 

جون ۽ جولاءِ مهينو اهم قرار، رڳو نواز شريف ئي نه پر ٻيا به وڃڻ وارا آهن، عمران حڪومت 2020 تائين ختم ٿي ويندي: منظور وساڻ

ڪراچي ( ويب ڊيسڪ ) پ پ اڳواڻ منظور وساڻ اڳڪٿي ڪندي چيو آهي ته جون ۽ جولاءِ جو مهينو اهم آهي، رڳو نواز شريف ئي نه پر ٻيا به وڃڻ وارا آهن، هڪ دفعو ٻيهر چوان ٿو ته عمران خان جي حڪومت 2020ع تائين ختم ٿي ويندي.  هڪ بيان ۾ منظور وساڻ چيو ته موجوده حڪومت جو هلڻ مشڪل آهي، 2020ع حڪمرانن لاءِ وڏو مشڪل سال ثابت ٿيڻ وارو آهي. هن چيو ته جون، جولاءِ جو مهينو اهم آهي، ڪو جيل ۾ هوندو ته ڪو وري ٻاهر، رڳو نواز شريف نه سندس ساٿي به جيل وڃڻ وارا آهن، هڪ دفعو ٻيهر چوان ٿو ته عمران خان جي حڪومت 2020ع تائين ختم ٿي ويندي. سندس چوڻ هو ته جلد حڪومت جا وزير به جيل ۾ هوندا، احتساب سڀني جو هئڻ گهرجي جن تي ريفرنس آهن تن سان رعايت آهي ۽جن خلاف انڪوائريون هلي رهيون آهن اهي جيل ۾ آهن، احتساب رڳوپ پ جو ٿي رهيو آهي. منظور وساڻ چيو ته پهريون رمضان آهي جنهن ۾ غريب عوام پاڻي تي روزو رکي ۽ کولي رهيا آهن، سبزي ۽پئٽرول جي اگهن۾ اضافي سان مهانگائي جو جن بوتل مان ٻاهر نڪري آيو آهي، ڪڻڪ ۾ مٽي آفيسرملائين ۽ بدنام پ پ کي ڪيو پيو وڃي.