تازيون خبرون
ڪاري ناڻي کي اڇو ڪرڻ جو موقعو، وفاقي ڪابينا ايمنسٽي اسڪيم جي منظوري ڏئي ڇڏي - ڪشمور: مسافر وين کي باهه،3 عورتن ۽ ٻارڙي سميت 5 ڄڻا سڙي فوت، 6 زخمي - حڪومتي ادارا سياسي انتقام لاءِ استعمال ٿي رهيا آهن: ن ليگ - سنڌ اسيمبلي ۾ رڳو هڪٻئي جا پٽڪا لاهڻ لاءِ بحث ٿيندو آهي: سنڌ هاءِ ڪورٽ - سڌ سماءِ صلاحڪار جي صدر سان ملاقات، صدر ميڊيا جا مسئلا حل ڪرڻ بابت ذميواري ڏني آهي: فردوس عاشق اعواڻ - آمريڪا پاڪستان تي ڪا ويزا پابندي نه لڳائي آهي، ميڊيا ۾ ڪوڙيون خبرون آيون هيون: شاهه محمود قريشي - حڪومت شهرين جي حفاظت بدران سياسي انتقام ۾ رُڌل آهي: آصف زرداري - پاڪستان پن بجلي جي پيداوار صلاحيت ۾ تازي واڌ جي حوالي سان سڄي دنيا ۾ ٽئين نمبر تي رهيو: رپورٽ جاري - انجينئر امير مقام جي پٽ ۽ سئوٽ جي گرفتاري جي مذمت، ٻه نمبري نئون پاڪستان نه کپي : شهباز شريف - ڪراچي مان ٻه مهينا اڳ پراسرار نموني گم ٿي ويل ايم بي بي ايس جي شاگردياڻي عروج صديقي جي ڊرامائي انداز ۾ گهر واپسي

Daily Archives: May 7, 2019

صوبا ٽيڪس گڏ ڪرڻ ۾ ناڪام رهيا، 18هين ترميم وفاق جو ڏيوالو ڪڍي ڇڏيو: عمران خان

اسلام آباد ( ويب ڊيسڪ ) وزيراعظم عمران خان چيو آهي ته ارڙهين ترميم وفاق جو ڏيوالو ڪڍي ڇڏيو ۽ ان ترميم تحت صوبا به ٽيڪس گڏ ڪرڻ ۾ ناڪام رهيا. اسلام آباد ۾ سينيئر صحافين سان ڳالهائيندي وزيراعظم عمران خان چيو ته نئين مڪاني نظام سان نئين ليڊرشپ سامهون ايندي، هن نظام تحت فنڊ سڌو سنئون ڳوٺن تائين ويندا آهن، ٻاويهه هزار ڳوٺن ۾ سڌو سنئون پئسو ويندو، پراڻي نظام تحت مقامي سطح تي گهڻي ڪرپشن ٿيندي هئي. وزيراعظم چيو ته خيبرپختونخوا ۾ وليج ڪائونسل جي سڌو سنئون  چونڊيون ٿينديون آهن ۽ هاڻ پنجاب ۾ پنجائيت جون سڌو سنئون چونڊيون ٿينديون، پنجاب ۾ 22 هزار پنچائيتن کي 40 ارب رپيا فنڊ ڏينداسين جڏهن ته شهرن ۾ ميئر جون چونڊون به سڌو سنئون ٿينديون، اسان جا شهر کنڊر بڻجندا پيا وڃن، اتي سهولتون ختم ٿينديون پيون وڃن ڪراچي جي حالت ڏسو، اهو ٺيڪ ٿي ئي نٿو سگهي، شهر جيستائين پنهنجو پئسو گڏ نه ڪندا تيستائين ٺيڪ نه ٿي سگهندا.

 

اسٽيٽ بئنڪ گورنر جي مقرري: پيپلز پارٽي پاران ڀرپور مخالفت جو فيصلو

اسلام آباد (ويب ڊيسڪ) پيپلز پارٽي اسٽيٽ بئنڪ گورنر جي مقرري جي ڀرپور مخالفت جو فيصلو ڪيو آهي. پ پ چيئرمين بلاول ڀٽو زرداري چيو آهي ته ناڻي واري وزير، ايف بي آر چيئرمين ۽ اسٽيٽ بئنڪ گورنر جي اوچتي تبديلي سنگين مسئلو آهي، حڪومت ۾ قائداڻيون صلاحيتون ناهن، لڳي رهيو آهي اسان معاشي خود مختياري تي ٺاهه ڪري رهيا آهيون، هاڻ آءِ ايم ايف جو ناڻي وارو وزير، ايف بي آر چيئرمين ۽ اسٽيٽ بئنڪ گورنر فيصلا ڪندا، ائين نظام نه هلندو. هن چيو آءِ ايم ايف وٽ وڃي عوام لاءِ ويڙهه وڙهڻي هئي، رڳو اسان کي نه پر آءِ ايم ايف کي به پاڪستان جي ضرورت آهي، اسان کي به پرويز مشرف خزانو خالي ڪري ڏنو هو، اسان آءِ ايم ايف جي مرضي خلاف نوڪريون ڏنيون ۽ ٻيا قدم کنيا پر موجوده حڪومت آءِ ايم ايف جي هر ڳالهه مڃي رهي آهي، اسان پارليامينٽ اندر ۽ ٻاهر انهن مسئلن تي ڀرپور آواز اٿارينداسين، اسان انهن مسئلن جو مقابلو ڪنداسين. سندس چوڻ هو ته اسٽيٽ بئنڪ گورنر جي ملازمت جو مدو 3 سال هوندو آهي، ان کي زبردستي نٿو هٽائي سگهجي، آءِ ايم ايف ملازم کي اسٽيٽ بئنڪ گورنر بڻائڻ جي قانون ۾ گنجائش آهي؟ هوڏانهن آصف علي زرداري صحافين سان غير رسمي گفتگو ڪندي پي اي سي چيئرمين ۽ اسٽيٽ بئنڪ گورنر جي مقرري تي ردعمل ڏنو. چيئرمين شپ جي تبديلي توهان جي صلاح سان ٿي؟ جو جواب ڏيندي آصف زرداري چيو ته خورشيد شاهه سان ضرور ٿي هوندي، مون سان ڇو ڪندا. آءِ ايم ايف گورنر جي مقرري جي حوالي سان سوال تي جواب ڏيندي اڳوڻي صدر چيو لڳي ٿو ته آءِ ايم ايف جي آفيس پاڪستان ۾ شفٽ ٿي رهي آهي، آءِ ايم ايف جا ماڻهو اسٽيٽ بئنڪ ۾ ويٺا هوندا ته اسان ڇا ملڪ هلائينداسين. راڻا تنوير جي حمايت بابت سوال تي آصف زرداري جو چوڻ هو ته راڻا تنوير ماڻهو ته سٺو آهي، ڏسون ٿا، پي اي سي جي چيئرمين شپ تي صلاح مشورو ڪنداسين.

 

جهلم ۾ مسافر وين ۾ باهه، 8 ڄڻا سڙي فوت، 4 سخت زخمي

جهلم (ويب ڊيسڪ ) جهلم ۾ جي ٽي روڊ ڀرسان مسافر وين ۾ اوچتو باهه لڳڻ سبب 8 مسافر سڙي فوت ۽ چار سخت زخمي ٿي پيا آهن. لاهور کان روالپنڊي ويندڙ مسافر وين ۾ ترڪي ٽول پلازا ويجهو اوچتو باهه لڳي وئي جيڪا ڏسندي ئي ڏسندي سڄي وين کي وڪوڙو وئي . وين ۾ سوار 16 مان اٺ مسافر سڙي فوت ٿي ويا جڏهن ته چار ڄڻا سخت زخمي ٿي پيا ، جن کي فوري طور ويجهي اسپتال منتقل ڪيو ويوآهي. وين ۾ سوار هڪ زخمي مسافر ٻڌايو ته هلندڙ وين ۾ اوچتو باهه لڳي وئي، جڏهن ته ريسڪيو ذريعن موجب باهه لڳڻ جو سبب شارٽ سرڪٽ يا گئس ليڪيج ٿي سگهي ٿو.

 

ملڪ ۾ رياست پنهنجو ڪردار ادا نه پئي ڪري: سپريم ڪورٽ

اسلام آباد ( ويب ڊيسڪ ) سپريم ڪورٽ خانگي اسڪولن جي فيسن ۾ واڌ بابت ڪيس ۾ عدالت رمارڪس ڏيندي چيو آهي ته رياست جي ذميواري آهي ته فيس ايتري نه هجي جيڪا ادا نه ڪري سگهجي پر پاڪستان ۾ رياست پنهنجو ڪردار ادا نه پئي ڪري ۽ والدين وٽ اسڪولن جي حوالي سان جوائس ناهي. سپريم ڪورٽ ۾ چيف جسٽس پاڪستان جي سبراهي ۾ ٽي رڪني بئنچ خانگي اسڪولن جي فيسن ۾ واڌ بابت ڪيس جي ٻڌڻي ڪئي. ٻڌڻي دوران چيف جسٽس پاڪستان جسٽس آصف سعيد کوسا چيو ته نجي اسڪول هلائڻ پيشو آهي يا ڪاروبار ٻنهي جون قانوني معنيٰ موجود آهن، پيشي کي لائسنس جي ذريعي ريگوليٽ ڪيو ويو آهي، پيشي يا ڪاروبار لاءِ تعليمي قابليت جو هئڻ ضروري آهي. چيف جسٽس پاڪستان پرائيوٽ اسڪول جي وڪيل مخدوم علي خان پڇاڻو ڪيو ته ڇا 17 هزار اسڪولن مان ڪو به هڪ انگ اکر آهي جو ڪنهن اسڪول 5 سيڪڙو کان گهٽ فيس ۾ واڌ ڪئي هجي ؟ خانگي اسڪول جي وڪيل پنهنجن دليلن ۾ چيو ته جيڪڏهن ڪو هڪ سال کان پوءِ 5 سيڪڙو واڌ جا سبب نه ڏئي سگهي ته پوءِ واڌ به نه هئڻ گهرجي ۽ جيڪڏهن ڪو پنج سيڪڙو کان وڌيڪ واڌ جا سبب بيان ڪري ته پوءِ ان کي 5 سيڪڙو کان وڌيڪ وڌائڻ جي اجازت هئڻ گهرجي. ان تي چيف جسٽس پاڪستان چيو ته نجي اسڪولن جي قانونن پويان ڪا اسڪيم ٿي سگهي ٿي جنهن کي اسان کي حل ڪرڻو آهي، آرٽيڪل 18 انفرادي ناهي پر انڊسٽري ۽ ادارن جي ڳالهه ڪري ٿو، ان جي تحت انفرادي نه، انڊسٽري جا قانون جوڙڻا آهن، تنهنڪري ان جي زبان به مختلف آهي. جسٽس آصف سعيد کوسا جو چوڻ هو ته رياست جو حق آهي ته هو انڊسٽري کي ريگوليٽ ڪري. جسٽس اعجاز الحسن وڌيڪ چيو ته سڀني وڏن اسڪولن هڪ ڪارٽيل ٺاهي ڇڏيو آهي، رياست جي ذميواري آهي ته فيس ايتري نه هجي جيڪا ڪو به ادا نه ڪري سگهي، پاڪستان ۾ رياست پنهنجو ڪردار ادا نه پئي ڪري، پاڪستان ۾ والدين وٽ اسڪولن جي حوالي سان جوائس ناهي. مخدوم علي خان عدالت کان استدعا ڪئي ته فيس ۾ واڌ ته تعين لاڳاپيل اختيارين کي ڪرڻ لاءِ ڏنو وڃي. جنهن تي چيف جسٽس پاڪستان چيو ته رياست کي پنهنجن ادارن ۽ آفيسرن جي ڄاڻ آهي، پنج سيڪڙو جي پابندي رياست ڪرپشن روڪڻ لاءِ لڳائي، خانگي اسڪولن جي آڊٽ رپورٽ اکيون کولڻ لاءِ ڪافي آهي، نجي اسڪولن جي شاخن ۾ واڌ ٿي رهي آهي، خانگي اسڪول هرسال اربين رپيا ڪمائي رهيا آهن، اربين رپيا ڪمائي به چون ٿا ته پنج سيڪڙو واڌ گهٽ آهي، آرٽيڪل 25 چوي ٿو ته رياست ٻارن کي تعليم مهيا ڪندي، رياست پاڻ ٻارن نه پڙهائيندي، سرڪاري ۽ خانگي تعليمي ادارن جي مدد سان تعليم ڏني ويندي،  تنهنڪري آرٽيڪل 25 کي اوپن رکيو ويو آهي. جنهن کانپوءِ عدالت ڪيس جي وڌيڪ ٻڌڻي سڀاڻي منجهند ٻارنهن وڳي تائين ملتوي ڪري ڇڏي.

 

ن ليگ راڻا تنوير کي ( پي اي سي) جو چيئرمين نامزد ڪرڻ تي مخالف ڌر پاڻ ئي ڏڦيڙ جو شڪار آهي: شاهه محمود قريشي

اسلام آباد(ويب ڊيسڪ) پرڏيهي وزير شاهه محمود قريشي چيو آهي ته مسلم ليگ ن طرفان راڻا تنوير کي پبلڪ اڪائوڻٽس ڪميٽي ( پي اي سي) جو چيئرمين نامزد ڪرڻ تي مخالف ڌر پاڻ ئي ڏڦيڙ جو شڪار آهي. قومي اسيمبلي ۾ پنهنجي خيالن جو اظهار ڪندي پرڏيهي وزير شاهه محمود قريشي جو چوڻ هو ته مسلم ليگ ن جي صدر شهباز شريف پي اي سي جي چيئرمين شپ تان استعيفيٰ ڏيندي راڻا تنوير کي ان عهدي جي لاءِ نامزد ڪري ڇڏيو هو. سندس چوڻ هو ته پاڪستان پيپلز پارٽي جو چيئرمين بلاول ڀٽو زرداري به اِهو ئي چئي رهيو آهي ته راڻا تنوير کي اهم عهدي تي نامزد ڪرڻ کان اڳ ڳالهيون ناهن ڪيون ويون. پرڏيهي وزير شاهه محمود قريشي چيو ته چيو ته مخالف ڌر طرفان اهم پارٽي سان ڳالهين کان سواءِ پي اي سي جي چيئرمين شپ ائين منتقل ڪري ڇڏي جيئن وراثتي لاڏاڻي وقت ڪيو ويندو آهي جيڪو جمهوري تقاضن جي ابتڙ آهي. هن چيو ته مسلم ليگ ن جي اهڙي ريت ان اهم عهدي بابت فيصلو ڪندي ته ايوان ۾ ڏکيائيون پيش اينديون. شاهه محمود قريشي جو چوڻ هو ته قومي اسيمبلي جي اسپيڪر طريقي سان پي اي سي جو مسئلو حل ڪيو هو، حالانڪ ان مسئلي تي اسان کي فواد چوڌري ۽ شيخ رشيد جا طعنا به ٻڌڻا پيا هئا پر سڀني جي ڪردار جي ڪري اِهو مسئلو حل ٿيو، پر مخالف ڌر اڳواڻ پاڻ ئي پي اي سي تان استعيفيٰ ڏيڻ جو فيصلو ڪيو ۽ راڻا تنوير کي نامزد ڪري ڇڏيو. هن چيو ته پي اي سي سڀني کان اهم اسٽيڊنگ ڪميٽي آهي، ان معاملي تي مخالف ڌر سان به ڳالهيون ناهن ڪيون ويون، بلاول ڀٽو به اِهي ئي لفظ استعمال ڪيا آهن، پيپلز پارٽي ۽ متحده مجلس عمل سان به ڳالهيون ناهن ڪيون ويون. پرڏيهي وزير جو چوڻ هو ته ميثاق جمهوريت جي تقاضا هئي ته مخالف ڌر کي پي اي سي چيئرمين شپ ڏني وڃي جڏهن ته شهباز شريف پاڻ ميثاق جمهوريت کي چيڀاٽي ڇڏيو آهي. شاهه محمود قريشي مسلم ليگ ن ڏانهن اشارو ڪندي چيو ته کيس ايوان کي اعتماد ۾ وٺڻ گهرجي ها، ٻڌايو وڃي ته ان جا سبب ڪهڙا آهن، اهڙي قسم جا فيصلا اسان کي قبول ناهن. بعد ۾ ڌيان ڇڪايو نوٽيس دوران مخالف ڌر مختلف پلي ڪارڊ کڻي بيٺي رهي، پلي ڪارڊن تي مهانگائي بم نامنظور، آءِ ايم ايف جون پاليسيون نامنظور جا نعرا لکيل هئا، ان دوران مخالف ڌر حڪومتي پاليسين جي خلاف احتجاج ڪيو، سخت شور سبب قومي اسيمبلي جو اجلاس ملتوي ڪيو ويو.

 

ٿر ۾ ڪوئلي مان بجلي پيدا ٿيڻ سان سنڌ ۾ ترقي ۽ خوشحالي جو هڪ نئون دور جي شروعات ٿيندي: مراد علي شاهه

ڪراچي (اسٽاف رپورٽر) سنڌ جي وڏي وزير سيد مراد علي شاهه ٿرڪول مائين بلاڪ ٽو جي واڌاري ڪم کي جل اڪلائڻ جي هدايت ڪندي چيو آهي ته ٿر انرجي لميٽڊ ۽ ٿل نووا پاور لميٽڊ ٿر ۾ 330 ميگاواٽ جي گڏيل طور پنج پاور پلانٽ لڳايا ويندا. جنهن مان 330 ميگاواٽن جي ٻن پاور پلانٽن جو پهريون افتتاح ٿي چڪو آهي جڏهن ته ٽي وڌيڪ پاور پلانٽ لڳايا ويندا. هن اها ڳالهه اڄ وزيراعليٰ هائوس ۾ ٿر انرجي لميٽڊ ۽ ٿل نووا ٿر وچ ۾ سيڙپڪاري ۽ رٿائون مڪمل ڪرڻ بابت ڪوٺايل هڪ اهم اجلاس جي صدارت ڪندي چئي. اجلاس ۾ صوبائي وزير توانائي امتيا شيخ، آبپاشي وارو وزير سيد ناصر شاهه، چيئرمين پي اينڊ ڊي ناهيد شاهه، پرنسپل سيڪريٽري ساجد جمال ابڙو، سيڪريٽري آبپاشي جمال شاهه، سيڪريٽري ناڻو، سيڪريٽري انرجي مصدق خان، چيئرمين هائوس آف حبيب علي حبيب، سي اي او حبڪو خالد محمود، سي اي او ايس اي سي ايم سي خورشيد جمالي شرڪت ڪئي. وڏي وزير انرجي کاتي کي ٿرڪول جي نئين پاور منصوبن جا اگهه مقرر ڪرڻ لاءِ سمري اماڻڻ جي هدايت ڪئي. هن آبپاشي کاتي کي ڪول فيلڊ لاءِ جلد پاڻي پهچائڻ جي پڻ هدايت ڪئي. وڏي وزير چيو ته ٿر ۾ ڪوئلي مان بجلي جي پيداوار شروع ٿيڻ سان ملڪ خاص طور سنڌ ۾ ترقي ۽ خوشحالي جو هڪ نئون دور جي شروعات ٿيندي. سنڌ حڪومت جي اڻٿڪ جدوجهد جي نتيجي سبب اڄ ٿر جي ڪوئلي مان بجلي جي پيداوار ممڪن ٿي سگهي آهي. وڏي وزير چيو ته ٿر ۾ سنڌ حڪومت جي دوستاڻي سيڙپڪاري پاليسي ڪارڻ سيڙپڪاري ۾ واڌ ٿي آهي ۽ هن وقت مختلف ملڪن جون ڪمپنيون ٿر ۾ ڪوئلي جي کوٽائي واري ڪم ۽ ڪوئلي مان بجلي جي پيداوار لاءِ ڪوشان آهن.

 

وزيراعظم وضاحت ڪري ته ملڪ کي ڪهڙي قيمت تي آءِ ايم ايف وٽ گروي رکيو ويو: مريم اورنگزيب

اسلام آباد (ويب ڊيسڪ) ن ليگ اڳواڻ مريم اورنگزيب چيو آهي ته وزيراعظم وضاحت ڪري ته ملڪ کي ڪهڙي قيمت تي آءِ ايم ايف وٽ گروي رکيو ويو آهي. پنهنجي بيان ۾ مريم اورنگزيب جو چوڻ هو ته عمران خان پارليامينٽ ۾ هڪ ڪلاڪ سوالن جا جواب بيشڪ نه ڏئي پر هو پارليامينٽ ۾ وضاحت ڪري ته ملڪ کي ڪهڙي قيمت تي آءِ ايم ايف وٽ گروي رکيو ويو آهي، وزيراعظم هڪ منٽ اچي رمضان کان اڳ آءِ ايم ايف جي حڪم تي پيٽرول بم ڪرائڻ جي به وضاحت ڪري. سندس چوڻ هو عمران صاحب! ٻڌايو ته توهان آءِ ايم ايف ملازم کي راتورات اسٽيٽ بئنڪ جو گورنر ڇو بڻايو ۽ پاڪستان ۾ ڪهڙين شرطن تي آءِ ايم ايف جي آفيس کولي.

 

رتوديرو ۾ موضي مرض “ايڇ آئي وي”بي قابو، وڌيڪ 11 ماڻهن جون رپورٽون پازيٽيو ، انگ 166 ٿي ويو

رتوديرو(رپورٽ) رتوديرو ۾ موضي مرض بي قابو، وڌيڪ 11 ماڻهن جون رپورٽون پازيٽيو آيون، انگ 166 ٿي ويو، تعلقه اسپتال ۾ نائين ڏينهن به ايڇ آء وي ٽيسٽ ڪئمپ جاري، ايڇ آء وي بلڊ اسڪريننگ دوران 5 سئو کان وڌيڪ ماڻهن جون ٽيسٽون ٿيون 9 ماڻهن جي رپورٽ پازيٽو آئي، ايڇ آء وي پازيٽيو ايندڙ ٻارڙن ۾ تونگر، زبیر احمد، بختاور، رضوان شامل، مثاثر ٻارن جي والدين کي لاڙڪاڻي وڃڻ لاء پرچي ڏني وئي،رپورٽ موجب رتوديرو تعلقي ۾ (H.i.V) جي متاثرن جي تعداد ۾ ڏينهون ڏينهن اضافو تعلقه اسپتال ۾ ايڇ آء وي بلڊ اسڪريننگ ڪئمپ نائين ڏينهن به جاري جتي پنج سئو کان وڌيڪ ماڻهن جا ٽيسٽ ڪيون ويون جهن ۾ 9 ماڻهن جا رپورٽ پازيٽيو آيا، پازيٽيو ايندڙن ۾ تونگر، زبیر احمد، بختاور، رضوان ۽ ٻيا شامل آھن، بلڊ اسڪريننگ ٽيم پاران (H.i.V) پازيٽيو ايندڙ متاثر مريضن جي والدين کي لاڙڪاڻي اسپتال ۾ علاج ڪرائڻ لاء پرچي لکي ڏني وئي، جڏهن ته بلڊ اسڪريننگ ٽيم جي ماڻهن جي تعداد گهٽ هجڻ ڪري ڪيترائي ماڻهون خالي واپس وڃڻ لڳا، شهر ۽ پرپاسي کان ايندڙ ماڻهڻ صحافين اڳيان داهيندي چيو ته ٻارن،  جا ٽيسٽ ڪندڙ عملو گهٽ هئڻ ڪري اسان سخت ڏکيائين کي منهن ڏئي رهيا آھيون ڪهر جي گرمي ۾ معصوم ٻار وٺي نمبر جي انتظار ۾ ويٺا آھيون پر شام ٿيڻ وقت چيو ويو ته هاڻ ٽيسٽ ڪٽ ختم ٿي ويا آھن سڀاڻي اچو، عملو وڌايو وڃي جئين ماڻهون ڏکيائين کان بچي سگهن،

 

خيرپور ۾ هينانءُ ڏاريندر واقعو، پرائمري استاد جي گهر واري، سس ۽ 9 ورهين جو معصوم پٽ قتل

خيرپور (ڊ.ر) خيرپور ۾ هينانءُ ڏاريندر واقعو پيش آيو آهي. شاهه لطيف جي ٿاڻي حد ۾ مراد شاهه پاڙي ۾ پرائمري استاد سجاد لاڙڪ جي غيرموجودگيءَ ۾ جوابدار سندس گهر ۾ داخل ٿيا، جنهن بعد جوابدارن ڇريون هڻي پرائمري استاد جي گهر واري 35 ورهين جي شهناز زال سجاد لاڙڪ، سندس 9 ورهين جو پُٽ عبدالباسط ولد سجاد لاڙڪ ۽ پرائمري استاد جي سَسُ 63 ورهين جي ثريا زال خادم ڪٽوهر کي قتل ڪري ڇڏيو. پوليس لاش پوسٽ مارٽم بعد وارثن حوالي ڪيا، ٽئي لاش گهر پهچڻ تي ڪهرام برپا ٿي ويو، جڏهن ته علائقي ۾ خوف واري صورتحال پکڙجي وئي. پوليس واقعي جي معلومات وٺڻ بعد واپس رواني ٿي وئي، جڏهن ته پوليس دعويٰ ڪئي آهي ته جوابدارن جي گرفتاري لاءِ ڪارروائيون ڪيون پيون وڃن.

 

ڊگهڙي جي نوجوان سنيل عرف سونو اسلام قبول ڪرڻ بعد مسلمان ناري ماريا سان شادي ڪري ورتي، ناري خلاف اغوا جو ڪيس داخل

ڊگهڙي (م.ڊ) ڊگهڙي شهر جي مالهي پاڙي سان واسطو رکندڙ نوجوان سنيل عرف سونو اسلام قبول ڪرڻ بعد مسلمان ناري ماريا سان شادي ڪري ورتي آهي. ساماري ۾ نوجوان جو نئون نالو علي رکيو ويو آهي. نوجوان جو چوڻ آهي ته هو رضا خوشي سان مسلمان ٿي ماريا سان شادي ڪئي آهي، ناري طلاق يافته ۽ هڪ ٻار جي ماءُ آهي. ٻئي پاسي نوجوان سونو جي والد مدن لال ڊگهڙي ٿاڻي تي ڪيس داخل ڪرائيندي چيو آهي ته ناريا ماريا سندس پُٽ کي اغوا ڪيو آهي. پوليس طرفان رابطو ڪرڻ بعد جوڙي نڪاح نامو ۽ سندَون ڏيکاريون، جنهن بعد پوليس واپس موٽي وئي.