تازيون خبرون
ڪاري ناڻي کي اڇو ڪرڻ جو موقعو، وفاقي ڪابينا ايمنسٽي اسڪيم جي منظوري ڏئي ڇڏي - ڪشمور: مسافر وين کي باهه،3 عورتن ۽ ٻارڙي سميت 5 ڄڻا سڙي فوت، 6 زخمي - حڪومتي ادارا سياسي انتقام لاءِ استعمال ٿي رهيا آهن: ن ليگ - سنڌ اسيمبلي ۾ رڳو هڪٻئي جا پٽڪا لاهڻ لاءِ بحث ٿيندو آهي: سنڌ هاءِ ڪورٽ - سڌ سماءِ صلاحڪار جي صدر سان ملاقات، صدر ميڊيا جا مسئلا حل ڪرڻ بابت ذميواري ڏني آهي: فردوس عاشق اعواڻ - آمريڪا پاڪستان تي ڪا ويزا پابندي نه لڳائي آهي، ميڊيا ۾ ڪوڙيون خبرون آيون هيون: شاهه محمود قريشي - حڪومت شهرين جي حفاظت بدران سياسي انتقام ۾ رُڌل آهي: آصف زرداري - پاڪستان پن بجلي جي پيداوار صلاحيت ۾ تازي واڌ جي حوالي سان سڄي دنيا ۾ ٽئين نمبر تي رهيو: رپورٽ جاري - انجينئر امير مقام جي پٽ ۽ سئوٽ جي گرفتاري جي مذمت، ٻه نمبري نئون پاڪستان نه کپي : شهباز شريف - ڪراچي مان ٻه مهينا اڳ پراسرار نموني گم ٿي ويل ايم بي بي ايس جي شاگردياڻي عروج صديقي جي ڊرامائي انداز ۾ گهر واپسي

Daily Archives: May 2, 2019

بيماري بابت ويجهن دوستن سان رابطي ۾ آهيان: عاليا ڀٽ

ممبئي (شوبز نيوز) تازو ئي فلم فيئر ايوارڊز 2019 ۾ ميدان ماريندڙ خوبصورت اداڪاره عاليه ڀٽ انڪشاف ڪيو آهي ته هوءَ به ٻين اداڪارن /ڏسو صفحو 6 بقايا نمبر 22

جيان ذهني دٻاءُ جو شڪار آهي. ڀارتي ميڊيا رپورٽن موجب اداڪاره عاليه ڀٽ پنهنجي هڪ انٽرويو ۾ ٻڌايو آهي ته گذريل ڪجهه مهينن کان هوءَ عجيب پريشانين سان منهن ڏئي رهي آهي، جنهن جو ڪو به بنيادي سبب ناهي. هن ٻڌايو ته ڪڏهن به ڊپريشن جي مريض نه رهي آهيان پر ڪجهه مهينن کان هوءَ اهڙي بيماري سان منهن ڏئي رهي آهي، جنهن بابت هوءَ پاڻ به نٿي ڄاڻي. عاليه ڀٽ وڌيڪ چيو ته شايد اهو سڀ انڪري ٿي رهيو آهي جو هن تازو ئي پنهنجي ڀيڻ جو لکيل هڪ ڪتاب پڙهيو هو، جنهن ۾ ذهني پريشاني بابت لکيل هو. اداڪاره اهو به چيو ته هوءَ ان بيماري جي خاتمي جي سلسلي ۾ هوءَ پنهنجي ويجهن ساٿين سان رابطي ۾ آهي، ان سان جلد ئي هوءَ ان بيماري مان جند ڇڏائڻ ۾ ڪامياب ٿيندي. ذهني پريشاني ۾ مبتلا هئڻ باوجود عاليه ڀٽ 3 باليووڊ فلمن ۾ پنهنجي اداڪاري جا جوهر ڏيکاريندي، جن ۾ “ڪلنڪ، تخت ۽ سڙڪ 2” شامل آهن. تازو ئي اداڪاره فلم فيئر ايوارڊز ۾ راضي فلم ۾ اداڪاري تي بهترين اداڪاره جو ايوارڊ پنهنجي نانءُ ڪيو آهي.

 

افغان امن ڳالهين ۾ عورتن جو هجڻ لازمي آهي: انجلينا جولي

نيويارڪ (شوبز نيوز) هالي ووڊ جي مشهور اداڪاره ۽ گڏيل قومن جي پناهگيرن بابت خاص نمائندي انجلينا جولي چيو آهي ته افغان امن ڳالهين ۾/ڏسو صفحو 6 بقايا نمبر 35

عورتن جي نمائندگي اڻٽر آهي. گڏيل قومن جي جنرل اسيمبلي ۾ خطاب ڪندي انجلينا جولي جو چوڻ هو ته عورتن جي شموليت کانسواءِ افغان امن ڳالهيون نتيجا نه ٿيون ڏئي سگهن. هن چيو ته هزارين افغان عورتون امن لاءِ ڳالهين ۾ پنهنجي عدم شموليت تي ڳڻتي جو اظهار ڪري چڪيون آهن ته طالبان سان ڳالهين ۾ کين ۽ سندن ٻارن جي حقن جو ضامن ڪير آهي. اداڪاره جو چوڻ هو ته عالمي برادري جي امن ڳالهين ۾ افغان عورتن جي عدم شموليت تي خاموشي خطري جي نشاني آهي. تازو ئي آمريڪا ۽ طالبان وچ ۾ ڳالهيون دوحه قطر ۾ 25 فيبروري تي شروع ٿيون، جنهن لاءِ پاڪستان اهم ڪردار ادا ڪيو آهي.

 

شاهد آفريدي پنهنجي سينيئر ۽ڪوچ وقاريونس کي گهٽ درجي جو ڪپتان ۽ خطرناڪ ڪوچ قرار ڏئي ڇڏيو

لاهور(اسپورٽس نيوز) اڳوڻي ڪپتان بوم بوم شاهد آفريدي پنهنجي سينيئر ۽ڪوچ وقاريونس کي گهٽ درجي جو ڪپتان ۽ خطرناڪ ڪوچ قرار ڏئي ڇڏيوآهي.پنهنجي ڪتاب گيم چينجر ۾ شاهد آفريدي اهو به انڪشاف /ڏسو صفحو 6 بقايا نمبر 04

ڪيو آهي ته جاويد ميانداد کيس پسند نه ڪندو هو.اڳوڻي ڪپتان شاهد آفريدي جي زندگي بابت ڪتاب منظر سامهون اچي رهيو آهي، جنهن ۾ ڪيترائي انڪشاف ڪيا ويا آهن.ڪتاب ۾ شاهد آفريدي وقاريونس کي گهٽ درجي جو ڪپتان قرار ڏيندي  چيوته وقاريونس ۽ وسيم اڪرم وچ ۾ همِيشه تڪرار  رهيو.شاهد آفريدي وڌيڪ لکيو آهي ته وقاريونس جڏهن کان ڪوچ ٿيو، تڏهن کان سندس ۽ وقاريونس وچ ۾ اختلاف وڌيا.ڪتاب ۾ شاهدي آفريدي جاويد ميانداد سان اختلافن بابت پڻ ٻڌايو آهي ته مياندار کيس پسند نه ڪندو هو.ڪوچ جي حيصيت سان جاويد ميانداد کيس وقت نه ڏيندو هو.

 

پاڪستان وومن ڪرڪيٽ ٽيم ڏکڻ آفريڪا ۾ پهرين پريڪٽس ميچ ۾ڇوڪرن جي انڊر 17ٽيم کي هڪ طرفي مقابلي بعد 136رنز تان شڪست ڏئي ڇڏي

لنڊن(اسپورٽس نيوز)پاڪستان وومن ڪرڪيٽ ٽيم ڏکڻ آفريڪا ۾ پهرين پريڪٽس ميچ ۾ڇوڪرن جي انڊر 17ٽيم کي هڪ طرفي مقابلي بعد/ڏسو صفحو 6 بقايا نمبر 17

136رنز تان شڪست ڏئي ڇڏي.پوچ فيسٽروم ۾ کيڏي ويل ميچ ۾ پاڪستان ويمنز ٽيم نارٿ ويسٽ انڊر 17بوائز ٽيم خلاف پهرين بيٽنگ ڪندي 8وڪيٽن جي نقصان تي 50 اوورس ۾ 232رنز اسڪور ڪيون.پاڪستان پاران عاليا رياض شاندار آلرائونڊ پرفارمنس جومظاهرو ڪيو.عاليا رياض بيٽنگ ۾ ففٽي اسڪور ڪرڻ سان گڏ ميچ ۾ ٽي وڪيٽون حاصل ڪيون.جواب ۾ ڇوڪرن جي ٽيم صرف 96رنز تي ڍير ٿي وئي.

 

افغان دهشتگردن جو پاڪ فوج جي جوانن تي حملو، 3 شهيد، 7 زخمي

اتر وزيرستان (اين اين آءِ) پاڪ فوج افغانستان مان آيل دهشتگردن جو وڏو حملو ناڪام بڻائيندڙ ڪيترن ئي دهشگردن کي ماري ڇڏيو، فائرنگ جي ڏي وٺ ۾ 3 جوان شهيد ۽ 7 زخمي ٿيا، پاڪ فوج واضح ڪيو آهي ته ڪنڊيدار تارون لڳائڻ جي ڪوشش جاري رهندي، افغان فورسز ۽ عملدارن کي سرحدي علائقن ۾ وڌيڪ موثر ڪنٽرول جي ضرورت آهي، اربع تي آءِ ايس پي آر موجب 60 کان 70 دهشتگردن جي گروپ افغانستان ۾ موجود پنهنجي بيسز کان سرحد ٽپي اتر وزيرستان جي علائقي الورهه ۾ ڪنڊيدار تار لڳائڻ ۾ مصروف پاڪ فوج جي جوانن تي حملو ڪيو، پاڪستاني سيڪيورٽي فورسز ان حملي جو جواب ڏيندي علائقي ۾ موجود فوجي جٿن جي مدد سان ان کي ناڪام ڪري ڇڏيو، جوابي ڪارروائي ۾ ڪيترائي دهشتگرد مارجي ويا ۽ ڪيترائي زخمي ٿيا، فائرنگ جي ڏي وٺ ۾ 3 فوجي شهيد ٿي ويا، جن ۾ لائنس نائيڪ نظير، لائنس نائيڪ علي، سپاهي امداد الله به شامل آهن، جڏهن ته 7 فوجي زخمي پڻ ٿيا.

 

اپوزيشن جو ڳوڙ اين آر او لاءِ آهي، ڪجهه به ٿئي اين آر او نه ملندو: عمران خان

اسلام آباد(بيورو رپورٽ) وزيراعظم عمران خان چيو آهي ته حڪمران ڪرپشن ڪندو آهي ته ملڪ ۽ قوم تباهه ٿي ويندي آهي، ڪنوينشن سينٽر اسلام آباد ۾ تحريڪ انصاف جي 23 هين يومِ تاسيس جي تقريب کي خطاب ڪندي وزيراعظم چيو ته تحريڪ انصاف جا 23 سال ٻڌائين ٿا ته جدوجهد ڪيئن ٿيندي آهي. هن چيو ته منهنجو سياست ۾ اچڻ دولت ڪمائڻ ناهي، منهنجو ويزن نظريهِ پاڪستان هو، جنهن جو مقصد ملڪ کي فلاحي رياست بڻائڻ هو، نظريه پاڪستان علامه اقبال ڏنو هو، جيڪو هن مديني جي رياست مان ورتو هو، هن چيو ته اسان به انهن اصولن تي هن رياست کي اڳتي وٺي هلنداسين ۽ پوءِ رياست تمام گهڻو اڳتي ويندي. وزيراعظم چيو ته 60 جي ڏهاڪي ۾ پاڪستاني حڪمران پرڏيهه ويندا هئا ته انهن جي عزت ڪئي ويندي هئي ور هاڻي اها عزت گهٽجي وڃڻ جو ڪارڻ اهو آهي جو حڪمرانن رڳو پنهنجي باري ۾ سوچڻ شروع ڪيو آهي، حڪمران ڪرپشن ڪندا آهن ته ملڪ ۽ قوم تباهه ٿي ويندي آهي. وزيراعظم اپوزيشن تي تنقيد ڪندي چيو ته اهي چون ٿا ته وڏي مهانگائي ٿي وئي آهي، ان ۾ ڪو شڪ ناهي ته مهانگائي آهي، اسان کي احساس به آهي ته ماڻهو پريشان آهن، وزيراعظم عمران خان چيو ته هڪ پاسي مولانا فضل الرحمان حڪومت خلاف تياري ڪري رهيو آهي ته ٻئي پاسي بلاول ڀٽو صاحب اسان جي خلاف ڳالهائي رهيو آهي، وزيراعظم چيو ته اپوزيشن وارا اسيمبلي ۾ گوڙ ڪندا آهن ۽ جمهوريت بچائڻ جون ڳالهيون ڪندا آهن، جمهوريت بچائڻ جو مطلب پنهنجي ڪرپشن بچائڻ آهي. اين آر او لاءِ اسيمبلي ۾ گوڙ ڪندا آهن، پر ڀل ڇا به ڪن، اسان انهن کي ڪنهن به صورت ۾ اين آر او نه ڏينداسين. هن چيو ته سمجهه ۾ نه ٿو اچي ته شام جو ٽي وي تي عجيب شڪليون ٺاهي چوندا آهن ته پي ٽي آءِ هي ڪري ڇڏيو، هو ڪري ڇڏيو، عمران خان نواز ليگ تي تنقيد ڪندي چيو ته جڏهن شهبازشريف ويو ته 1100 ارب رپين جو خسارو ڇڏي ويو، عمران خان هڪ ڀيرو ٻيهر پنجاب جي وڏي وزير تي ڀرپور اعتماد جو اظهار ڪندي چيو ته عثمان بوزدار ثابت ڪندو ته پنجاب ۾ هن کان بهتر ڪو به وڏو وزير ناهي آيو. وزيراعظم چيو ته ايگزون موبل ڪمپني جي ڊرلنگ ۾ 2 هفتا رهجي ويا آهن، مونکي يقين آهي ته سمنڊ مان گئس جو وڏو ذخيرو نڪرڻ وارو آهي ۽ ايگزون جي اندازي موجب جيڪڏهن گيس جو ذخيرو نڪتو ته ايندڙ 50 سالن تائين پاڪستان جو گئس جو مسئلو ختم ٿي ويندو. ٻئي پاسي وزيراعظم عمران خان پورهيتن جي عالمي ڏينهن جي موقعي تي محنت ڪشن لاءِ ” احساس پروگرام “ جاري ڪرن جو اعلان ڪيو آهي ۽ چيو آهي ته ان پروگرام تحت پورهيتن کي سماجي تحفظ فراهم ڪري سگهبو.وزيراعظم عمران خان مزدور ڏهاڙي تي جاري ڪيل پيغام ۾ شڪاگو جي پورهيتن جي تاريخي جدوجهد ۽ قربيانين تي کين ڀيٽا پيش ڪئي ۽ چيو ته شڪاگو جي محنت ڪشن پنهنجن بنيادي حقن ۽ سازگار وقت لاءِ تاريخي جدوجهد ڪئي، اڄوڪو ڏينهن سڄي دنيا جي پورهيتن لاءِ مشعل راهه آهي.عمران خان چيو ته نبي ڪريم صه اسان کي ميثاق مدنيا ڏنو جنهن تحت مثالي اسلامي رياست جو قيام عمل ۾ آيو، مديني ۾ اسلامي رياست جي بنياد قانون جي حڪمراني تي ٻڌل رهي، تحريڪ انصاف ٻن ڏهاڪن کان وڌيڪ جدوجهد ڪئي ۽ پي ٽي آءِ جي ان جدوجهد ۾ انصاف ۽ مساوات جي اصولن تي ٻڌل معاشري جي تصور جو احساس آهي.وزيراعظم چيو ته تحريڪ انصاف جي حڪومت مزدرون جي عظمت جي يقين رکي ٿي، ملڪ جي ترقي ۽ خوشحالي ۾ پورهيتن جو اهم ڪردار  آهي،  ڪارڪنن ۽ سندن ڪٽنب جي   ڀلائي لاءِ هڪ منصوبي جي شروعات ڪري رهيا آهيون، اڄ کان اسان مزدورن لاءِ ” احساس پروگرام “ جي شروعات ڪري رهيا آهيون، اهو پروگرام غربت جي خاتمي جي حوالي سان حڪومت پاران اهم قدم هوندو. وزيراعظم عمران خان وڌيڪ چيو آهي ته هن پروگرام تحت عام پورهيتن کي تحفظ فراهم ڪري سگهبو، احساس پروگرام تحت ۽ سمنڊ پار پاڪستاني پورهيتن لاءِ به قدم کنيا ويندا.

 

ڀٽو جو اٽي، لٽي ۽ اجهي وارو نعرو ڀٽو سان گڏ ئي دفن ٿي ويو: شاهه محمود قريشي

اسلام آباد ( ويب ڊيسڪ ) پرڏيهي وزير شاهه محمود قريشي افغان وفد سان ڳالهين دوران چيو ته چٽو امڪان آهي ته افغان ستان ۾ امن جي بحالي لاءِ اسان جون ڪوششون ڪامياب ٿينديون. افغانستان جي سياستدانن، صحافين ۽ ڪاروباري شخصيتن تي ٻڌل وفد پرڏيهي وزير شاهه محمود قريشي سان ملاقات ڪئي.  ان موقعي تي پاڪ افغان لاڳاپن، افغان مفاهمتي عمل سميت گڏيل دلچسپي وارن  معاملن تي خيالن جي ڏي وٺ ڪئي وئي . وفد افغان عمل ۾ ڌرين کي ڳالهين جي ميز تي آڻڻ لاءِ پاڪستان جي عزم کي ساراهيو وفد افغانستان ۽ پاڪستان وچ ۾ اعتماد سازي، ٻه طرفن سياسي ۽ واپاري سهڪار تي تجويزون پيش ڪيون. پرڏيهي وزير شاهه محمود قريشي چيو ته پاڪستان خطي ۾ خاص طور افغانستان ۾ امن جي بحالي لاءِ پنهنجون ڪاوشون جاري رکندو ۽ امن لاءِ  ڪيل ڪوششون ڪاميابي ٿينديون.  ٻِئي طرف  پرڏيهي وزير شاهه محمود قريشي چيو آهي ته ڀٽو جو اٽي، لٽي ۽ اجهي وارو نعرو ڀٽو سان گڏ ئي دفن ٿي ويو آهي، گذريل حڪومتن پورهيتن کي نظرانداز ڪيو.پرڏيهي وزير شاهه محمود قريشي پورهيتن جي عالمي ڏهاڙي تي پنهنجي پيغام ۾ چيو آهي ته هو اڄوڪي ڏينهن تي محنت ڪشن کي ڀيٽا پيش ڪيان ٿو.پرڏيهي وزير جو چوڻ هوته گذريل حڪومتن پورهيتن کي نظرانداز ڪيو، ڀٽو جو اٽي، لٽي ۽ اجهي وارو نعرو ڀٽو سان گڏ ئي دفن ٿي ويو .شاهه محمود قريشي جو چوڻ هو ته پي ٽي آءِ حڪومت محنت ڪشن ۽ مزدورن جي جدوجهد کي تسليم ڪري ٿي، پورهيت طبقو تبديلي آڻڻ ۾ هر اول سپاهي جو ڪردار ادا ڪندا آهن.پرڏيهي وزير وڌيڪ چيو ته سڄي دنيا جو مزدور اڄ پنهنجي روزي حاصل ڪرڻ لاءِ محنت ڪري رهيو آهي، تحريڪ انصاف حڪومت پورهيتن کي سندن حق ڏيندي.

 

پاڪ ترڪ فائونڊيشن ڪالعدم تنظيم قرار، پابندي لاڳو

اسلام آباد  (ويب ڊيسڪ ) حڪومت پاڪستان پاڪ ترڪ فائونڊيشن کي ڪالعدم تنظيم قرار ڏيندي ترڪ انٽرنيشنل سي اي جي ايجوڪيشن فائونڊيشن تي پابندي لاڳو ڪري ڇڏي، فائونڊيشن کي دهشتگردي جي انت واري ايڪٽ جي شق 11 بي تحت ڪالعدم قرار ڏنو ويو  آهي.پاڪستان حڪومت پاڪستان ۾ ترڪ انٽرنيشنل سي اي سي ايجوڪيشن فائونڊيشن تي پابندي لاڳو ڪندي پاڪ ترڪ فائونڊيشن کي پابندي مڙهيل تنظيم قرار ڏئي ڇڏيو ، فائونڊيشن کي دهشتگردي ٽوڙ  ايڪٽ جي شق  11 بي تحت ڪالعدم قرار ڏن ويو آهي.گهرو وزارت طرفان جاري ڪيل نوٽيفڪيشن ۾ ڄاڻايو ويو آهي ته فائونڊيشن جا دهشتگردن سان رابطا هئڻ جا ثبوت مليا آهن، دهشتگردي ٽوڙ ايڪٽ جي تحت فائونڊيشن کي شيڊول 1 ۾ شامل ڪيو ويو ، گهرو وزارت فائونڊيشن کي پابندي مڙهيل تنظيمن جي فهرست ۾ ارڙهين اپريل تي شامل ڪيو هو.

 

اختيارن جي جنگ، سنڌ جو وڏو وزير ۽ آءِ جي ٻيهر آمهون سامهون، ڪليم امام اختيار کسجڻ تي سنڌ حڪومت کي خط لکي ڇڏيو

ڪراچي (اين اين آءِ) سنڌ حڪومت ۽ پوليس عملدارن وچ ۾ اختيار حاصل ڪرڻ جي جنگ وڌي ويئي آءِ جي سنڌ ڪليم امام صوبائي حڪومت کي چتاءُ جو خط لکي ڇڏيو آهي تفصيل موجب سنڌ حڪومت پاران سنڌ پوليس ۾ اختيارن لاءِ مشرف دور جو پوليس آرڊر بحال ڪرڻ جي منظوري کان پو3 سنڌ ۾ پوليس آفيسرن جي مقرري ۽ بدلي جو اختيار ڪنهن جو هجي سنڌ پوليس ۽ صوبائي حڪومت هڪٻئي جي آمهون سامهون اچي ويون آءِ جي سنڌ ڪليم امام اختيارن جي آزادي کسجڻ تي سنڌ حڪومت کي هڪ خط لکي ڇڏيو آهي گهرو سيڪريٽري جي نالي لکيل خط ۾ چيو ويو ته پوليس جا انتظامي ۽ آپريشنل اختيار آءِ جي کي حاصل آهن پوليس سربراهه صوبائي حڪومت کي صلاح ڏني ته هو آءِ جي انتظامي خود مختياري ۽ آزادي کي يقيني بڻائي هن چيو ته سنڌ ۽ حڪومت جي مفاد ۾ آهي ته پوليس جو ڪوئي قانون عدالتي فيصلي جي خلاف نه هجي آءِ جي سنڌ پوليس ڪابينه ميمبرن کي درخواست ڪئي ته هو پوليس جي ورڪنگ پيپر جو جائزو وٺڻ نئين پوليس قانون تي اعتماد ۾ ناهي ورتو ويو صورتحال ڪهڙو رخ اختيار ڪري ٿي فيصلو ايندڙ ڏينهن ۾ ٿيندو.

 

آءِ ايم ايف سان ڳالهيون ايندڙ ڪجهه ڏينهن تائين جاري رهنديون ۽ ڳالهين جي ڪاميابي لاءِ پراميد آهيون: حفيظ شيخ

اسلام آباد ( ويب ڊيسڪ ) ناڻي واري صلاحڪار عبدالحفيظ شيخ چيو آهي ته آءِ ايم ايف سان ڳالهيون ايندڙ ڪجهه ڏينهن تائين جاري رهنديون ۽ ڳالهين جي ڪاميابي لاءِ پراميد آهيون. خانگي ٽي وي موجب پاڪستاني وفد جي قيادت ناڻي واري صلاحڪار عبدالحفيظ ڪئي ناڻي واري وزارت جا ٽي ايڊيشنل سيڪريٽري ۽ هڪ سينيئر جوائنٽ سيڪريٽري پڻ ڳالهين جو حصو هئا. ذريعن موجب ڳالهين ۾ معاشي ترقي، پاليسي حڪمت عملي آءِ ايم ايف پروگرام جو جائزو ورتو ويو. ذريعن موجب ڳالهين دوران ايف بي آر جي ٽيڪس ايمنسٽي اسڪيم تي بريفنگ ڏني وئي جڏهن ته آءِ ايم ايف وفد کي نجڪاري پروگرام، گئس ۽ بجلي جي قيمتن تي به بريفنگ ڏني وئي. ڳالهين کان پوءِ ميڊيا سان مختصر ڳالهه ٻولهه ڪندي ناڻي واري صلاحڪار عبدالحفيظ  چيو ته آءِ ايم ايف سان شروعاتي ڳالهيون ڪيون ويون آهن، آءِ ايم ايف کي اقتصادي سڌارن واري ايجنڊا کان آگاهه ڪيو ويو آهي.  حفيظ شيخ ٻڌايو ته ڳالهيون ايندڙ ڪجهه ڏينهن تائين جاري رهنديون ۽ پراميد آهيون ته آءِ ايم ايف سان ٿيندڙ ڳالهيون ڪامياب ٿينديون.