تازيون خبرون
ڪاري ناڻي کي اڇو ڪرڻ جو موقعو، وفاقي ڪابينا ايمنسٽي اسڪيم جي منظوري ڏئي ڇڏي - ڪشمور: مسافر وين کي باهه،3 عورتن ۽ ٻارڙي سميت 5 ڄڻا سڙي فوت، 6 زخمي - حڪومتي ادارا سياسي انتقام لاءِ استعمال ٿي رهيا آهن: ن ليگ - سنڌ اسيمبلي ۾ رڳو هڪٻئي جا پٽڪا لاهڻ لاءِ بحث ٿيندو آهي: سنڌ هاءِ ڪورٽ - سڌ سماءِ صلاحڪار جي صدر سان ملاقات، صدر ميڊيا جا مسئلا حل ڪرڻ بابت ذميواري ڏني آهي: فردوس عاشق اعواڻ - آمريڪا پاڪستان تي ڪا ويزا پابندي نه لڳائي آهي، ميڊيا ۾ ڪوڙيون خبرون آيون هيون: شاهه محمود قريشي - حڪومت شهرين جي حفاظت بدران سياسي انتقام ۾ رُڌل آهي: آصف زرداري - پاڪستان پن بجلي جي پيداوار صلاحيت ۾ تازي واڌ جي حوالي سان سڄي دنيا ۾ ٽئين نمبر تي رهيو: رپورٽ جاري - انجينئر امير مقام جي پٽ ۽ سئوٽ جي گرفتاري جي مذمت، ٻه نمبري نئون پاڪستان نه کپي : شهباز شريف - ڪراچي مان ٻه مهينا اڳ پراسرار نموني گم ٿي ويل ايم بي بي ايس جي شاگردياڻي عروج صديقي جي ڊرامائي انداز ۾ گهر واپسي

Daily Archives: April 25, 2019

سڌائين سج ناهي چمڪندو، ڪڏهن برسات به ٿيندي آهي: عاليه بٽ

ممبئي (شوبز نيوز) اداڪاره عاليه بٽ فلم ڪلنڪ بابت ڳالهائيندي چيو ته ضروري نه آهي ته سدائين سج ئي چمڪندو رهي ڪڏهن ڪڏهن /ڏسو صفحو 6 بقايا نمبر 13

برسات به پوندي آهي عاليه ممبئي ۾ گذريل ڏينهن ٿيندڙ ڪرٽڪس چوائس فلم ايوارڊ جي موقعي تي پنهنجي فلم ڪلنڪ جي باڪس آفيس تي ناڪامي جي حوالي سان ڳالهه ڪئي آهي. تفصيل موجب اداڪاره عاليه بٽ فلم ڪلنڪ بابت ڳالهائيندي چيو ته ضروري نه آهي ته سدائين سج ئي چمڪندو رهي ڪڏهن ڪڏهن برسات به پوندي آهي عاليه ممبئي ۾ گذريل ڏينهن ٿيندڙ ڪرٽڪس چوائس فلم ايوارڊ جي موقعي تي پنهنجي فلم ڪلنڪ جي باڪس آفيس تي ناڪامي جي حوالي سان ڳالهه ڪئي آهي

 

ماڊل ۽ اداڪاره آمنه الياس جي نئين فلم ريڊي اسٽيڊي نو جو پهريون ٽريلر جاري

ڪراچي: (شوبز نيوز) پاڪستاني ماڊل ۽ اداڪاره آمنه الياس جي نئين فلم(ريڊي اسٽيڊي نو) جو پهريون ٽيلر جاري ڪيو ويو آهي. فلم/ڏسو صفحو 6 بقايا نمبر 08

(ريڊي اسٽيڊي ٽو) حيشام  بن منور جي هدايتڪاري ۾ ٺاهي وئي آهي. جنهن جي  اداڪارن ۾ آمنه الياس سميت شاهد، فيصل سيف، زين افضل، نرگس رشيد ۽ اسماعيل تارا شامل آهن.فلم جو پهريون ٽيلر پنجويهه سيڪنڊن تي مشتمل آهي جنهن کي ڏسي فلم جي حوالي سان وڌيڪ خبر ته نٿي پوي ها پر ان ڳالهه جو اندازو لڳائي سگهجي ٿو ته (ريڊي اسٽيڊي ٽو) هڪ مزاحيه فلم آهي جنهن ۾ ڪاميڊي ۽ رومانس جو ڀرپور مزو آهي. فلم جي ڪهاڻي ٻن  محبت ڪندڙن تي مشتمل آهي جيڪي شادي ڪرڻ لاءِ بي تاب آهن ۽  کين شادي ڪرڻ لاءِ وڏن مسئلن ۽ مشڪلاتن کي منهن ڏيڻو پئجي رهيو آهي. ٽيلر ۾ ڏسي سگهجي ٿو ته آمنه الياس ۽ فيصل سيف ڀڄي شادي ڪري رهيا آهن جڏهن ته هڪ جڳهه تي اداڪاره هڪ شادي ۾ نچي به رهي هئي. جنهن ۾ هن خوبصورت بليو رنگ جو لهنگو پاتو آهي. آمنه الياس هن وقت پنهنجي ٻئي فلم (باجي) سميت ريڊي اسٽيڊي نو جي عڪس بندي ۾ مصروف آهي.

 

عالمي ڪرڪيٽ ۾ ميچ فڪسنگ تي آواز اٿارڻ سبب رانديگر طور هن جو ڪيريئر مختصر رهيو :عاقب جاويد

لاهور(اسپورٽس نيوز)پاڪستان سپر ليگ (پي ايس ايل) فرنچائز لاهور قلندرز جي ڪوچ ۽ اڳوڻي ٽيسٽ ڪرڪيٽر عاقب جاويد چيو آهي ته عالمي ڪرڪيٽ ۾ ميچ فڪسنگ تي آواز اٿارڻ سبب رانديگر طور هن جو ڪيريئر/ڏسو صفحو 6 بقايا نمبر 05

مختصر رهيو.ڪرڪيٽ ويب سائٽ کي ڏنل  انٽرويو ۾ عاقب جاويد چيو ته جيتوڻيڪ سندس جو ڪيريئر ننڍو رهيو پر سندس کي ميچ فڪسنگ بابت پنهنجي موقف تي پشيماني نه آهي. پاڪستان جي ورلڊ چيمپيئن ٽيم جي فاسٽ بالر چيو ته هن کي جيئن ئي ميچ فڪسنگ بابت خبر پئي ته هن ان خلاف آواز اٿارڻ جو فيصلو ڪيو. ڪجهه ماڻهن مونکي پاڪستان ٽيم جي عالمي دورن کان پري ڪرڻ جون ڪوششون ڪيون.عاقب جاويد چيو ته هن ميچ فڪسنگ خلاف آواز اٿاريو جنهن سبب سندس جو ڪيريئر مختصر ٿي ويو. هن ورلڊ ڪپ 2019ع ۾ پاڪستاني ٽيم جي ڪاميابي جي اميد جو اظهار ڪندي چيو ته ٽيم هن وقت باصلاحيت رانديگرن تي ٻڌل آهي. عاقب جاويد زور ڏنو ته فهيم اشرف ۽ عماد وسيم کي قومي ٽيم جي بيٽنگ لائن کي وڌيڪ مضبوط بڻائڻ لاءِ آخري نمبرن تي گھڻي مددگار ثابت ٿي سگھي ٿي.آل رائونڊر محمد حفيظ جو ذڪر ڪندي سندس جو چوڻ هو ته حفيظ جو صحتياب ٿيڻ ٽيم لاءِ گھڻو ضروري آهي جيڪو بيٽنڪ سان گڏوگڏ بالنگ جي شعبي ۾ توازن فراهم ڪندو آهي.پي ايس ايل 2019ع ۾ پنهنجي ٽيم لاهور قلندرز جي ناڪامي تي ڳالهائيندي عاقب جاويد چيو ته محمد حفيظ انجري جو شڪار ٿيا، ڪارلوس بريٿ ويٽ پنهنجي قومي زميواري نڀائڻ لاءِ ويسٽ انڊيز واپس هليو ويو.ڳالهه جاري رکندي عاقب چيو ته جڏهن سندس جي ٽيم پي ايس ايل ميچز لاءِ پاڪستان پهتاسين ته اها ٽيم بي ٽيم بڻجي چڪي هئي ڇو ته ان وقت اي بي ڊي ويليئرز به ٽيم جو ساٿ ڇڏي ويو هو. عاقب جاويد پنهنجي انٽرويو دوران لاهور قلندرز سان گڏ پنهنجي مستقبل بابت وائڙائپ جو شڪار نظر آيو.

 

ٽنڊوڄام: آل پاڪستان انٽريونيورسٽيز وشو چيمپئن شپ ۾ يونيورسٽي آف سينٽرل پنجاب ڪامياب

ٽنڊوڄام(اسپورٽس نيوز) آل پاڪستان انٽريونيورسٽيز وشو چيمپئن شپ يونيورسٽي آف سينٽرل پنجاب 172 پوائنٽ حاصل ڪري ڪامياب، /ڏسو صفحو 6 بقايا نمبر 34

پنجاب يونيورسٽي لاهور 135 پوائنٽ کڻي ٻئي نمبر ۽ گورنمينٽ ڪاليج يونيورسٽي 83 پوائنٽس سان ٽين نمبر تي رهي. خبر موجب سنڌ زرعي يونيورسٽي ٽنڊوڄام ۾ هائير ايجوڪيشن ڪميشن جي سهڪار سان منعقد ڪرايل آل پاڪستان انٽر يونيورسٽيز وشو چيمپئن شپ پڄاڻي تي پهتي، وشو چيمپئن شپ جي مقابلن ۾ يونيورسٽي آف سينٽرل پنجاب 172 پوانٽس حاصل ڪري پهرين پوزيشن ماڻي ورتي.جڏهن ته پنجاب يونيورسٽي لاهور 135 پوائنٽس کڻي ٻي ۽ گورنمينٽ ڪاليج يونيورسٽي لاهور 83 پوائنٽ حاصل ڪري ٽين پوزيشن ماڻڻ ۾ ڪامياب ٿيون. وشو چيمپئن شپ جي مقابلن ۾ بهترين ڪارڪردگي ڏيکاريندي مختلف يونيورسٽين جي رانديگرن گولڊ ميڊل حاصل ڪيا، جن ۾ 52 ڪلوگرام ويٽ جي ڪيٽيگري ۾ يونيورسٽي آف لاهور جو امين الله، 56 ڪلو گرام ۾ پنجاب يونيورسٽي جو دائود جان، 60 ڪلوگرام ۾ يو ايم ٽي لاهور جو محمد عاطف، 65 ڪلوگرام ۾ پنجاب يونيورسٽي جو سيد خليل، 70 ڪلوگرام ۾ پنجاب يونيورسٽي جو حيدر علي، 75 ڪلوگرام ۾ يو ايم ٽي لاهور جو سلمان فضل، 80 ڪلوگرام ۾ يو سي پي لاهور جو احسن اقبال، 85 ڪلوگرام ۾ يو سي پي لاهور جو محمد عمر، 90 ڪلوگرام ۾ يونيورسٽي آف لاهور جو غلام محمد ۽ اوپن ويٽ ڪيٽيگري ۾ يو سي پي لاهور جو علي اصغر شامل آهن. آل پاڪستان انٽريونيورسٽيز وشو چيمپئن شپ جي پڄاڻي تي انعام ورهائڻ واري مختصر تقريب منقعد ڪئي وئي.اختتامي تقريب جي مهمان خاص زرعي يونيورسٽي جي ڪراپ پروٽيڪشن فئڪلٽي جي ڊين عبدالغني لنجار ۽ اطهر علي خانزادي پوزيشن حاصل ڪندڙ ٽيمن ۾ جي رانديگرن ۾ انعام ورهايا. انهي موقعي تي مختلف فئڪلٽين جي ڊينز ڊاڪٽر اعجاز احمد کونهارو، سنڌ زرعي يونيورسٽي جي ڊائريڪٽر اسپورٽس انوار حسين خانزادو، شوڪت علي سانگي سميت ٻيا موجود هئا.

 

بلاول صاحبه وانگر پرچي تي ناهيان آيو، اين آر او ڏيندس نه معاف ڪندس: عمران خان

وانا(اين اين آءِ/ ويب ڊيسڪ ) وزيراعظم عمران خان چيو آهي ته مان ڊگهي جدوجهد ڪري هتي پهتو آهيان بلاول ڀٽو صاحبه وانگر پرچي تي ناهيان آيو مان نه اين آر او ڏيندس نه معاف ڪندس.  اسان جا کوڙ سياستدان پخونخوا ۽ قبائلي علائقن ۾ فرق نٿا ڄاڻين، پر آئون قبائلي علائقن کي مڪمل طور سمجهان ٿو، مان قبائلي علائقن جي رهڻي ڪهڻي ۽ روايتن تي ڪتاب لکي چڪو آهيان. وزيرستان جي عوام 1947ع تائين آزادي جي جنگ وڙهي، انگريزن جا سڀ کان گهڻا فوجي وزيرستان ۾ مارايا ويا هئا، ڪشميري مسلمانن تي جڏهن ظلم ٿيو ته قبائلي ماڻهو ڪشميرين جو ساٿ ڏنو ، قبائلي ماڻهن 1965ع ۾ فوج سان ڪلهو ڪلهي ۾ ملائي جنگ وڙهي.  وزيراعظم عمران خان جو چوڻ هو ته قبائلين جي تاريخ بابت ڄاڻ آهي، سڀ مسئلا سمجهان ٿو، اڳوڻن سربراهن کي قبائيلي علائقن جي خبر نه هئي، قبائلي ماڻهن سدائين ملڪ لاءِ قربانيون ڏنيون آهن پر قبائلي علائقا سڀ کان پٺتي رهجي ويا آهن. هن چيو ته قبائلي علائقا پختونخوا ۾ ضم ٿي ويندا، هر سال هڪ سئو ارب رپيا قبائلي علائقن تي خرچ ٿيندا، ايترو پئسو خرچ ڪنداسين جيڪو ستر سالن ۾ ناهي ٿيو، ڪمزور علائقن کي مٿي آڻڻ بنا ملڪ ترقي نه ڪندو،  قبائلي علائقن کي ترقي ۽ روزگار ۽ تعليم گهرجي. وزيراعظم جو چوڻ هو ته آمريڪا جي چوڻ تي پنهنجي فوج قبائلي علائقن ۾ نه موڪلڻ لاءِ سڀ کان گهڻو مون آواز بلند ڪيو، اسان جي فوج قرباني ڏني آهي، جڏهن قبائلي علائقن ۾ تباهي متل هئي تڏهن کان اوهان لاءِ آواز اٿاري رهيو آهيان. قبائيلي علائقن تي ڌيان نه ڏنو ويو، جيڪا رياست ڪمزور طبقي کي انصاف ڏيندي آهي ته پوءِ ان رياست کي ڪو به شڪست ناهي ڏئي سگهندو. عمران خان وڌيڪ چيو ته سنڌ، ڏکڻ پنجاب ۽ بلوچستان جي علائقي جي پٺتي پيل علائقن کي اڳتي آڻينداسين، ثابت ڪري ڏيکاريندس ته تبديلي تيزي سان ايندي آهي، ملڪ هلائڻ لاءِ في الحال پئسو گهٽ آهي پر عوام ڳڻتي نه ڪري، پئسو اچي رهيو آهي، بس ٿورو صبر ڪرڻو پوندو. تبديلي نظر اچڻ شروع ٿي ويندي.  رمضان ۾ فنڊ اچڻ شروع ٿي ويندا ته تبديلي نظر ايندي، اسپتالن ۾ ڊاڪٽر ۽ عملو مقرر ڪيو ويندو، نوجوانن کي قرض ڏينداسين، زبون عمارتن لاءِ فنڊ ڏينداسين.وزيراعظم عمران خان هڪ ڀيرو ٻيهر واضح ڪيو آهي ته جيستائين جيرو آهيان ملڪ لٽيندڙن کي معاف نه ڪندس، حڪومت ڪيرائڻ جون ڳالهيون ڪندڙن جو مقصد آهي ته عمران خان کان اين آر او ملي وڃي، سياست ۾ اچڻ جو مقصد ئي ملڪ جي دولت چوري ڪندڙن کي جيل ۾ بند ڪرڻ هو، انهن ماڻهن کان لٽيل پيسا واپس وٺڻ کانسواءِ اسان جي ملڪ جو ڪو مستقبل نه آهي، بلاول ڀٽو وانگر پرچي تي ناهيا آيو، پاڪستاني مطمئن ٿي وڃن، اسان ڪرپٽ عنصرن جو گڏجي مقابلو ڪنداسين، مولانا فضل رحمان کي ڪشمير ڪميٽي ۽ ڊيزل جي پرمنٽ ڏجي ته هو گڏ اچي ويندو، قبائلي عوام لاءِ اهو ڪم ڪندس، جيڪو اڳ ڪنهن به ڪيو ۽ نه ڪو ڪري سگهي ٿو، وزيرستان جي ماڻهن کي انصاف ملندو پر ڪجهه صبر ڪرڻو پوندو، فنڊ اچڻ سان گڏ هتي تبديلي اچي ويندي، وانا ۾ ڊگري ڪاليج ۽ اسپورٽس ڪامپليڪس جوڙينداسين، تعليم تي پيسا خرچ ٿيندا، صلاح مشوري کانپوءِ قبائلي علائقي ۾ ضلعي جو اعلان ڪندس، قبائلي علائقا ڪي پي ڪي ۾ ضم ٿي ويندا، هر سال هڪ سئو ارب رپيا قبائلي علائقن تي خرچ ٿيندا، اربع تي  وانا ۾ جلسي کي خطاب ڪندي وزيراعظم چيو ته 10 سالن ۾ ملڪ کي ٻن پارٽين قرض جي ڌٻڻ ۾ ٻوڙي ڇڏيو، پيسا لٽي ٻاهر کڻي ويا، انهن ٻنهي پارٽين جي سربراهن پيسا چوري ڪري مني لانڊرنگ ڪئي، هن چيو ته چوري ٿيل پيسن کي بينڪ ۾ رکيو وڃي ته پڇا ڪئي وڃي تنهنڪري هي پيسا لڪائڻ لاءِ مني لانڊرنگ ڪئي وڃي ٿي جنهن سان ملڪ کي ٻيڻو نقصان ٿئي ٿو. انهن ماڻهن ڊالرن سان رقم ملڪ مان ٻاهر موڪلي جنهن سان ڊالر گهٽجي ويو ۽ رپئي جو ملهه ڪري پيو ۽ ملڪ ۾ مهانگائي ٿي، هن چيو ته 10 سالن ۾ انهن ٻنهي پارٽين قوم تي 24 هزار ارب رپيا قرض چاڙهي ڇڏيو، جڏهن ته عوام سوال ڪري ٿو ته هي پيسا ڪيڏانهن ويا ان لاءِ هي سڀ جيڪي جمهوريت بچائڻ جي نالي تي گڏ ٿيا آهن، چون ٿا ته حڪومت ڪيرائي ڇڏينداسين، حڪومت صحيح ڪم نه پئي ڪري، عمران خان چيو ته انهن جو هڪ ئي مقصد آهي ته عمران خان تي پريشر وجهون ته اين آر او وٺنداسين ته جيئن انهن جي ڪرپشن کي معاف ڪيو وڃي پر مان آصف زرداري بلاول ڀٽو، شهيد خاندان ۽ احتساب کان ڊنل سڀني کي پيغام ڏيڻ چاهيان ٿو ته منهنجي زندگي مقابلا ڪندي گذري آهي، 21 سال راندين جي گرائونڊ ۾ مقابلو ڪيو، 22 سال سياست ۾ مقابلو ڪيو، وڏي محنت سان هتي پهتو آهيان، ڇو ته سياست ۾ اچڻ جو مقصد ڪرپٽ ماڻهن کي شڪست ڏيڻ هو جيڪي اقتدار ۾ اچي عوام جا پيسا چوري ڪن ٿا. وزيراعظم چيو ته مان هتي يقين ڏيارڻ آيو آهيان ته پاڪستان جو هڪ اهڙو وزيراعظم آيو آهي جيڪو توهان جي ڏک سور کي سمجهي ٿو، جيڪو نئون پاڪستان آهي ان کي مديني جي رياست جي اصولن تي قائم ڪرڻو آهي ۽ان کي هڪ عظيم ملڪ بڻائڻ آهي، هن چيو ته رياست عدل انصاف تي بيٺي هوندي، آهي، وزيرستان جا ماڻهو پاڪستان سان تڏنهن گڏ بيهندا جڏهن انهن سان انصاف ٿئي، يقين ڏياريان ٿو ته مان توهان کي انصاف ڏياريندس. عمران خان چيو ته قبائلي علائقن مان سکي ٻين هنڌن تي سڌارا ڪري رهيا آهيون، جرڳي جو نظام ٿاڻي ۾ آڻي رهيا آهيون ته جيئن جرڳو ٻنهي کي ٻڌي فوري انصاف فراهم ڪري، هي نظام ڪي پي ۾ ڪامياب رهيو، اسان چاهينداسين ته قبائلين جا فيصلا سندن روايت موجب جلد ٿين. هن چيو ته سنڌ، ڏکڻ پنجاب ۽ بلوچستان جا علائقا جيڪي پوئتي رهجي ويا انهن کي ترقي ڏيارينداسين، ثابت ڪري ڏيکاريندس ته تبديلي تيزي سان ايندي، ساڍا 4 ارب رپيا ٽيس جمع ٿئي ٿو جنهن مان 2 هزار ارب رپيا قرض ڏيڻ ۾ هليا وڃن ٿا، رمضان ۾ فنڊ اچڻ شروع ٿيندا ته تبديلي اچڻ شروع ٿي ويندي، نوجوانن کي قرض ڏينداسين، تباهه ٿيل گهرن جي اڏاوت لاءِ فنڊ فراهم ڪنداسين.

 

وزير اعظم تي سنگين غداري جو ڪيس هلڻ گهرجي: پيپلز پارٽي

اسلام آباد/ڪراچي(ويب ڊيسڪ) اسلام آباد ( ويب ڊيسڪ ) پ پ اڳواڻ سيد خورشيد شاهه چيو آهي ته وزيراعظم تي آرٽيڪل 6 لڳڻ گهرجي. قومي اسيمبلي ۾ خيالن جو اظهار ڪندي پيپلز پارٽي اڳواڻ خورشيد شاهه ايران ۾ دهشتگردي بابت ڏنل بيان تي وزيراعظم عمران کي ڇتي تنقيد جو نشانو بڻائيندي چيو ته وزيراعظم عمران خان تي آرٽيڪل 6 تحت سنگين غداري جو ڪيس هلڻ گهرجي.  هن ايران وڃي اهو مڃو آهي ته دهشتگرد اسان جي سرزمين تان وڃي حملا ڪندا آهن، هن اها ڳالهه ڪئي جيڪا اڄ تائين ڪنهن نه ڪئي هئي، مٿس آرٽيڪل 6 لڳڻ گهرجي، عمران خان کي ايران ۾ وڃي اهو چوڻ گهرجي ها ته ايران مان دهشتگرد آيا ۽ اسان جي 14 جوانن کي شهيد ڪري هليا ويا.

خورشيد شاهه چيو ته خدا کي مڃو رحم ڪيو اوهان پاڪستاني آهيو، پاڻ چئو ٿا ته ڇهه ڀيرا مودي فون ڪئي پر اها ڳالهه ڪرڻ لاءِ تيار ناهيو، اوهان پاڪستان ۽ مسلمانن جي دشمن مودي جي ڪاميابي لاءِ دعائون پيا ڪريو ، پاڪستان جو وزيراعظم غيرت مند هوندو آهي جيڪو ڀارت ۽ مودي جي اڳيان جهڪي نٿو سگهي.

وزير اعظم عمران خان طرفان بلاول ڀٽو کي ”صاحبه“ چوڻ تي پيپلز پارٽي سخت رد عمل ڏيندي چيو آهي ته بلاول ڀٽو هڪ قومي سياسي پارٽي جو چيئرمين آهي، اهڙي قسم جا جملا وزير اعظم جي منصب جي شان ۾ ناهن. پيپلز پارٽي جي مرڪزي ترجمان مولا بخش چانڊيو چيو ته جلسن ۾ بيهي گدڙ ڀڀڪيون ڏيڻ آسان آهي، بلاول ڀٽو زرداري وٽ  پرچي ناهي شهيدن جي ميراث آهي، احتساب جي نالي تي انتقام کان نه پهرين ڊناسين ۽ نه هاڻ ڊڄنداسين جڏهن ته آصف زردراي پهرين به باعزت بري ٿيو هاڻ به ڪامياب ٿيندو.

هوڏانهن بلاول ڀٽو زرداري جي ترجمان سينيٽر مصطفيٰ نواز کوکر پريس ڪانفرنس ڪندي چيو ته تحريڪ بي انصاف جي چيئرمين ڪجهه ڳالهيون هڪ اجتماع ۾ ويهي ڪيون آهن اُهي ئي ڳالهيون هو ايوان ۾ ڪري ڏيکاري، عمران خان وزير اعظم بڻجڻ کان پهرين چيو هو ته آئون هن ايوان ۾ باقاعدگي سان ايندس پر اهڙا ماڻهو اچي ويا آهن جنهن سان عمران خان اڄ تائين مليو ئي ناهي.

مصطفيٰ نواز کوکر چيو ته هاڻ حڪومت سندس پارٽي جي نالي پر ٽيڪنوڪريٽس جي آهي، عمران خان ٻڌائي ته هو ڪڏهن حفيظ شيخ سان مليو؟ ۽ گهرو وزير اعجاز شاهه عمران خان جو ٽيم جو حصو ناهي رهيو.

سينيٽر شيري رحمان وزير اعظم کي تنقيدن جو نشانو بڻائيندي چيو ته جرمني ۽ جاپان جا بارڊر گڏائيندڙ عمران خان پنهنجي ذات ۾ هڪ لطيفو آهي جيڪڏهن پ پ ملڪ تباهه ڪيو ته عمران خان اسان جي ڪابينا سان پنهنجي حڪومت ڇو هلائي رهيو آهي؟ حيراني ٿي رهي آهي ته هڪ ملڪ جو وزير اعظم ايتري سطح ۽ ڪريل تنقيد به ڪري سگهي ٿو، عمران خان کي سليڪٽ ڪرڻ وارا پهرين هن کي ميانوالي جو ڪونسلر بڻائن ها.

ٻئي پاسي سنڌ جي سڌُ سماءَ بابت صلاحڪار مرتضيٰ وهاب وزير اعظم جي بيان تي رد عمل ۾ چيو ته بلاول ڀٽو هڪ قومي سياسي پارٽي جو چيئرمين آهي، وزير اعظم جيان سليڪٽڊ ناهي.

 

 

سپريم ڪورٽ موبائيل فون ڪارڊن تي سمورا ٽيڪس بحال ڪري ڇڏيا

اسلام آباد ( ويب ڊيسڪ ) سپريم ڪورٽ موبائيل فون ڪارڊن تي سمورا ٽيڪس بحال ڪري ڇڏيا. چيف جسٽس پاڪستان جسٽس آصف سعيد کوسا جي سربراهي ۾ ٽي رڪني بئنچ موبائيل فون ڪارڊن تي ٽيڪسز بابت اهم ڪيس جي ٻڌڻي ڪئي. ٻڌڻي دوران هڪ اهم قانوني نڪتي تي بحث ٿيو ته 184 ٿري جي پاڻمرادي نوٽيس ڪيس ۾ ٽيڪسن جي معاملن کي ٻڌي سگهجي ٿو يا معطل ڪري سگهجي ٿو.

عدالت وفاق ۽ صوبن جي وڪيلن جا دليل ٻڌڻ کانپوءِ فيصلو محفوظ ڪيو هو جيڪو ڪجهه دير کانپوءِ ٻڌايو ويو .

عدالت پنهنجي فيصلي ۾ موبائيل فون ڪارڊن تي معطل ڪيل سمورا ٽيڪس بحال ڪري ڇڏيا. عدالت پنهنجي فيصلي ۾ چيو آهي ته سپريم ڪورٽ ٽيڪسن واري معاملي تي ڪو به حڪم جاري نٿي ڪري سگهي.

 

نشوا ڪيس: هيلٿ ڪيئر ڪميشن جي رپورٽ رد، اسپتال جي آڊٽ جو حڪم

ڪراچي (اسٽاف رپورٽر) سنڌ سرڪار نشوا ڪيس ۾ هيلٿ ڪيئر ڪميشن جي رپورٽ کي رد ڪري ڇڏيو. وڏو وزير مراد علي شاهه اسپتال ۾ ڊاڪٽرز جي غلط انجيڪشن لڳڻ ڪري فوت ٿيل ٻارڙي نشوا جي گهر پهتو. اُن موقعي تي وڏي وزير سان گڏ آءِ جي سنڌ ڪليم امام، صحت جي صوبائي وزير عذرا فضل پيچوهو، ڪمشنر ڪراچي ۽ ٻيا به موجود هئا. ٻارڙي نشوا جي والدين سان ملاقات دوران وڏي وزير طرفان اسپتال انتظاميا خلاف ٿيندڙ ڪارروائين جي حوالي سان آگاهه ڪيو ويو، جڏهن ته ٻارڙي جي والدين وڏي وزير آڏو خدشن جو اظهار ڪيو آهي. نشوا جي والد سان تعزيت بعد ميڊيا سان ڳالهائيندي وڏي وزير چيو ته ٻارڙي جا والد خدشن جو اظهار ڪيو، آءِ جي سنڌ کي اُها خدشا ختم ڪرڻ ۽ سمورن ذميوارن کي گرفتار ڪرڻ جي هدايت ڪئي آهي. ايف آءِ آر داخل ٿيل آهي ۽ اُن ۾ نامزد سمورا جوابدار پڪڙ ۾ ايندا، ڪنهن سان به ناانصافي ٿيڻ نه ڏينداسين. هڪ سوال جي جواب ۾ وڏي وزير چيو ته صحت کاتي جي وزير ۽ آئون واقعي جي حوالي سان هيلٿ ڪيئر ڪميشن جي رپورٽ مان مطمئن نه آيون، دار الصحت اسپتال جي انتظاميا تي 5 لک رُپيا ڏنڊ مڙهڻ ڪافي ناهي. ڪمشنر ڪراچي کي هدايت ڪئي ته دار الصحت اسپتال جي سموري عملي جي آڊٽ ڪرايو. نشوا ڪيس کانپوءِ سنڌ سرڪار دار الصحت اسپتال سيل ڪرڻ جو فيصلو ڪري ورتو، ڪشمنر ڪراچي جو چوڻ آهي ته اسپتال ۾ اڻ سکيل عملو ڪم ڪري رهيو آهي، سنڌ جي وڏي وزير سيد مراد علي شاهه نشوا جي والدين سان ملاقات بعد دار الصحت اسپتال سيل ڪرڻ جون هدايتون جاري ڪري ڇڏيون، وڏي وزير جو چوڻ آهي ته اسپتال ۾ مسئلا آهن، تنهنڪري بند ڪرڻ جو فيصلو ڪيو ويو آهي، ڪشمنر ڪراچي جو چوڻ آهي ته اسپتال کي سيل ڪيو پيو وڃي، ڇاڪاڻ ته اتي اڻ سکيل 80 ماڻهو ڪم ڪري رهيا آهن ، ان کان اڳ سنڌ سرڪار نشوا ڪيس ۾ هيلٿ ڪيئر ڪميشن جي رپورٽ کي رد ڪري ڇڏيو هو. وڏو وزير مراد علي شاهه اسپتال ۾ ڊاڪٽرز جي غلط انجيڪشن لڳڻ ڪري فوت ٿيل ٻارڙي نشوا جي گهر پهتو. اُن موقعي تي وڏي وزير سان گڏ آءِ جي سنڌ ڪليم امام، صحت جي صوبائي وزير عذرا فضل پيچوهو، ڪمشنر ڪراچي ۽ ٻيا به موجود هئا. ٻارڙي نشوا جي والدين سان ملاقات دوران وڏي وزير طرفان اسپتال انتظاميا خلاف ٿيندڙ ڪارروائين جي حوالي سان آگاهه ڪيو ويو، جڏهن ته ٻارڙي جي والدين وڏي وزير آڏو خدشن جو اظهار ڪيو آهي. نشوا جي والد سان تعزيت بعد ميڊيا سان ڳالهائيندي وڏي وزير چيو ته ٻارڙي جا والد خدشن جو اظهار ڪيو، آءِ جي سنڌ کي اُها خدشا ختم ڪرڻ ۽ سمورن ذميوارن کي گرفتار ڪرڻ جي هدايت ڪئي آهي. ايف آءِ آر داخل ٿيل آهي ۽ اُن ۾ نامزد سمورا جوابدار قانون جي پڪڙ ۾ ايندا، ڪنهن سان به ناانصافي ٿيڻ نه ڏينداسين. هڪ سوال جي جواب ۾ وڏي وزير چيو ته صحت کاتي جي وزير ۽ آئون واقعي جي حوالي سان هيلٿ ڪيئر ڪميشن جي رپورٽ مان مطمئن نه آيون، دار الصحت اسپتال جي انتظاميا تي 5 لک رُپيا ڏنڊ مڙهڻ ڪافي ناهي. ڪمشنر ڪراچي کي هدايت ڪئي ته دار الصحت اسپتال جي سموري عملي جي آڊٽ ڪرايو.

 

نئين ڪابينا کي معشت کي بهتر ڪرڻ وارو ڪم ڏنو ويو آهي: فردوس عاشق اعواڻ

اسلام آباد(ويب ڊيسڪ) وزير اعظم عمران خان جي سڌُ سماءَ ۽ نشريات بابت خاص مددگار ڊاڪٽر فردوس عاشق اعواڻ چيو آهي ته نئين ڪابينا کي معشت کي بهتر ڪرڻ وارو ڪم ڏنو ويو آهي ۽ وزيرن کي عوام جي ڏکيائين ۾ گهٽتائي لاءِ ڪم ڪرڻ جي هدايت ڪئي وئي جڏهن ته وزير اعظم چين کان آزاداڻي واپار جو معاهدو ڪرڻ لاءِ وڃي رهيو آهي.

اسلام آباد ۾ وفاقي ڪابينا جي اجلاس کان پوءِ ميڊيا کي بريفنگ ڏيندي فردوس عاشق اعواڻ چيو ته وزير اعظم جو ايران جو دورو نهايت مثبت رهيو، پاڙيسري ملڪ ايران سان مذهبي ۽ سماجي رشتا آهن.

سندس چوڻ هو ته ايران سان لاڳاپن ۾ ڪجهه ماڻهو غلط فهميون وجهڻ چاهن ٿا جنهن جو تدارڪ ضروري هو ۽ ان حوالي سان اِهو دورو انتهائي اهم هو، ايران ۽ پاڪستان گڏجي خطي جي امن ۽ مضبوطي کي وڌيڪ مضبوط ڪندا.

سڌُ سماءَ بابت خاص مددگار چيو ته پاڪ-چين اقتصادي راهداري (سي پيڪ) سان ايران به سلهاڙيل هوندو ان سان گڏوگڏ ٻنهي ملڪن جي وچ ۾ واپار وڌائڻ جي ضرورت آهي.

وزير اعظم جي چين جي دوري بابت منصوبابندي تي ڳالهائيندي هن چيو ته واپار واري صلاحڪار ڪابينا کي وزير اعظم جي چين جي دوري بابت آگاهه ڪيو آهي جتي ساڍا چار سئو واپاري ماڻهن جو وفد چيني فورم ۾ شرڪت ڪندو.

هن چيو ته گذريل حڪومت جي دور ۾ مقامي انڊسٽري کي تحفظ فراهم ناهي ڪيو ويو ۽ چين طرفان ان کان پهرين مقامي صنعت کي تحفظ فراهم ڪرڻ جي ڳالهه تي به اختلاف راءِ هو.

فردوس عاشق اعواڻ چيو ته ٻين ملڪن جيان پاڪستان چين سان آزاداڻي واپار جو معاهدو ڪندو.

ڪابينا اجلاس جي ڪارروائي بابت آگاهه ڪندي سندس چوڻ هو ته دوائن جي اگهن تي صحت بابت خاص مددگار ڪابينا کي بريفنگ ڏني جنهن ۾ هن ڪيترين ئي دوائن جي اگهن کي واپس پراڻي سطح تي آڻڻ جون تجويزون ڏنيون آهن.

هن چيو ته جن ڪمپنين اگهه وڌائي فائدا حاصل ڪيا انهن مان اِها رقم وصول ڪري بيت االمال جي صحت فنڊ ۾ جمع ڪرائي ويندي.

مهانگائي جي حوالي سان ڳالهائيندي سندس چوڻ هو ته ڪابينا کي مهانگائي تي به بريفنگ ڏني وئي ۽ فيصلو ڪيو ويو ته ذخيرو ڪندڙن خلاف ڪارروائيون ٿينديون ۽ مصنوعي مهانگائي پيدا نه ٿيڻ ڏينداسين.

وفاقي حڪومت جي نئين معاشي ٽيم جو حوالو ڏيندي سندس چوڻ هو ته معاشي ٽيم کي هدف ڏنا ويا آهن ته معيشت ۾ مثبت تبديلون اچڻ گهرجن ۽ لاڳاپيل وڏن وزيرن کي به هدايت ڏني وئي آهي ته مهانگائي تي ضابطو آڻي عوام کي سهولتون ڏنيون  وڃن.

هن چيو ته مهانگائي وڏو چيلينج آهي، ان تي ضابطو آڻڻ جي لاءِ مختلف بندوسبتن تي غور ڪيو ويو، ضرورتن جي شين جي اگهن تي ڪرڙي نظر رکڻ جو فيصلو ڪيو ويو آهي ۽ مهانگائي تي ضابطو آڻڻ جي لاءِ مڊل مين جو ڪردار ريگوليٽ ڪرڻ جو فيصلو ڪيو ويو آهي.

ڊاڪٽر فردوس عاشق اعواڻ چيو ته ڄاڻان ٿي ته بجلي ۽ گيس جا اگهه وڌائڻ سان عوام تي بار وڌي ويو آهي ۽ وزير اعظم کي به عوام جي تڪليف ۽ سور جو احساس آهي.

سندس چوڻ هو ته گذريل حڪومت جي ڀيٽ ۾ شروعاتي 8 مهينن ۾ مهانگائي گهٽ ٿي آهي.

عمر ايوب کي پيٽروليم وارو چارج ڏيڻ جي حوالي سان آگاهه ڪندي سندس چوڻ هو ته گيس ڪمپنين جو خسارو ڏيڍ سئو ارب رپيا هو.

هن چيو ته درآمدات ۽ برآمدات جي وچ ۾ فرق کي ختم ڪرڻ جي لاءِ پنج رڪني ڪميٽي قائم ڪئي وئي آهي ۽ ان کان سواءِ ايمنسٽي اسڪيم کي سنواريو پيو وڃي.

 

حڪومت عالمي طاقتن اڳيان جهڪي وئي آهي: بلاول ڀٽو زرداري

اسلام آباد (ويب ڊيسڪ ) پ پ چيئرمين بلاول ڀٽو زرداري چيو آهي ته وزيراعظم عمران خان ايران جي دوري ۾ پاڪ-ايران گيس پائپ لائين منصوبي کي جاري رکڻ جو اعلان ناهي ڪيو.  حڪومت کي توانائي جي وڌندڙ ضرورت گيس جي قيمتن ۾ واڌ ۽ لوڊشيڊنگ تي ڪا ڳڻتي ناهي. حڪومت ضرورتن بدران عالمي طاقتن  اڳيان جهڪي وئي آهي. سماجي رابطن واري ويب سائيٽ ٽوئيٽر تي جاري ڪيل بيان ۾ ڪيو آهي. پ پ چيئرمين بلاول ڀٽو زرداري ان کان اڳ به سماجي رابطن واري ويب سائيٽ  ٽوئيٽر تي وزيراعظم عمران خان جي ايران جي دوري بابت سندس مٿان سخت تنقيد ڪري چڪو آهي.