تازيون خبرون
حڪومت جي يو آءِ سان ڳالهين لاءِ راضي، مولانا وزير اعظم جي استعيفيٰ جو شرط رکي ڇڏيو - اهي ماڻهو ضد تي آهن ته آئين ٽوڙيو وڃي، آئين جي ابتڙ ڪوبه ڪم ٿيڻ نه ڏينداسين: مراد علي شاهه - غريبن جي پئسن مان بنگلا ٺهرائيندڙن لاءِ 4-5 ڪروڙ رُپيا جمع ڪرائڻ ڪو مسئلو نه آهي: عدالت - موري  ڀرسان بس ڪلٽي، 6 ڄڻا فوت، 35  زخمي - مسلم امت جو گڏيل اتحاد ۽ اتفاق خطي ۾ امن ۽ معاشي استحقام جو ضامن آهي: فردوس عاشق اعواڻ - شاهي جوڙي جو چترال پهچڻ تي شاندار استقبال، روايتي ٽوپي پهرائي ويئي - مون کي يقين آهي ته ڌرڻو نه هنيو ويندو، سولائي سان ڌرڻي جي اجازت نه ملندي: شيخ رشيد - پ پ چونڊن دوران ڪيل واعدا پاڙي رهي آهي، صحافين جي جان مال جي تحفط  لاءِ  قانون جوڙي رهيا  آهيون: سعيد غني - حمزه شهباز کي ميڊيا سان ڳالهائڻ کان روڪڻ ۽ صحافين تي تشدد جي مذمت، ملڪ تي عمران سوچ مڙهيل آهي:مريم اورنگزيب - نيب انور مجيد سوڌو ٻين جوابدارن خلاف ريفرنس داخل ڪرڻ ۽ ايس بي سي اي ۽ ڪي ايم سي خلاف جاچ جي منظوري ڏئي ڇڏي

Monthly Archives: April 2019

فلم ڀارت مختلف ٻولين ۾ 5 جون تي رليز ڪئي ويندي، تياريون مڪمل

ممبئي(شوبز نيوز)بالي ووڊ اداڪار سلمان خان ۽ ڪترينه ڪيف جي فلم ”ڀارت“ مختلف ٻولين ۾ ريليز ڪئي ويندي،ميڊيا رپورٽن مطابق علي /ڏسو صفحو 6 بقايا نمبر 26

عباس جي هدايتڪاري ۾ ٺهندڙ فلم ڀارت مختلف ٻولين ۾ 5 جون تي ريليز ڪئي ويندي،فلم ۾ اداڪر سلمان خان ،ڪترينه ڪيف،تبو ۽ ديشا پتاني شامل آهن جڏهن ته اداڪار ورون ڌون فلم ۾ مختصر ڪردار ۾ نظر ايندو.

 

ماڊل ثنا سرفراز مڱڻي ڪري ڇڏي

ڪراچي (شوبز نيوز)  پاڪستان جي ناليواري ماڊل ثنا سرفراز مڱڻي ڪري ورتي جنهن جو اعلان هن سوشل ميڊيا تي دلچسپ تصويرون شيئر ڪندي ڪيو.ثنا سرفراز جلد ڪنوار بڻجي رهي آهي ۽ هن پنهنجي انسٽاگرام اڪائونٽ تي مداحن کي ٻڌايو ته هوءَ ان شادي جي آڇ کان انڪار ڪيئن ٿي ڪري سگھي ها.ثنا قريشي امين قريشي سان مڱڻي ڪئي آهي، جنهن جو واسطو هوا بازي جي شعبي سان آهي ۽ هو دبئي ۾ رهندو آهي. ان مڱڻيءَ جون تياريون ثنا جي ڀيڻ سارا ڪيون، جنهن جو ٿورو ماڊل هڪ ويڊيو شيئر ڪندي مڃيو. ثنا پوسٽ ۾ واضح ناهي ڪيو ته هوءَ شادي ڪڏهن ڪندي پر ان ڳالهه جو اشارو ضرور ڏنو آهي ته هوءِ جلد شادي ڪندي.

 

شعيب ملڪ انگلينڊ خلاف سيريز نه کيڏندو

لنڊن (اسپورٽس نيوز) قومي ڪرڪيٽ ٽيم جو آل رائونڊر شعيب ملڪ 10 ڏينهن جي لاءِ لنڊن کان پاڪستان واپس اچي رهيو آهي. جنهن سبب هو هاڻ انگلينڊ خلاف ٽي 20 ۽ هڪ ڏينهن واري ميچ ۾ حصو نه وٺي سگهندو. شعيب ملڪ ذاتي سببن جي ڪري پاڪستان ڪرڪيٽ بورڊ (پي سي بي) کي موڪل جي درخواست ڏني، جنهن کي منظور ڪيو ويو، شعيب ملڪ ڪالهه رات پاڪستان واپس اچڻ لاءِ روانو ٿيو /ڏسو صفحو 6 بقايا نمبر 06

۽ 10 ڏينهن پاڪستان ۾ رهڻ کان پوءِ واپس انگلينڊ وڃي قومي ڪرڪيٽ ٽيم جوائن ڪندو. واضح رهي ته شعيب ملڪ نه رڳو انگلينڊ خلاف سيريز پر آءِ سي سي ورلڊ ڪپ 2019ع لاءِ به قومي اسڪواڊ ۾ شامل آهي ۽ هي سندس آخري ورلڊ ڪپ آهي، جنهن ۾ شعيب ملڪ بهترين راند جو مظاهرو ڪري پنهنجو آخري ميگا ايونٽ يادگار بڻائڻ لاءِ پرعزم آهي.

 

فخر جي سينچري، پاڪستان نارٿمپٽن شائر کي هارائي ڇڏيو

نارٿمپٽن (اسپورٽس  نيوز) پاڪستان ٻي ٽور ميچ ۾ نارٿمپٽن شائر کي 8 وڪيٽن تان شڪست ڏئي ڇڏي.نارٿمپٽن طرفان مليل 274 رنسن جو هدف پاڪستان 41 اوورن ۾ ٻن وڪيٽن جي نقصان تي پورو ڪري ورتو. فخر زمان 101 رنسن جي شاندار اننگز کيڏڻ کانپوءِ پويلين موٽيو، جڏهن ته امام الحق 71 رنسون ٺاهي آئوٽ ٿيو. بابر اعظم 68 ۽ ڪپتان سرفراز احمد 30 رنسون ٺاهي ناٽ آئوٽ موٽيا.ان کان اڳ نارٿمپٽن مقرر اوورن ۾ 6 وڪيٽن جي نقصان تي 273 رنسون ٺاهيون هيون، پاڪستان طرفان محمد عامر، جنيد خان، محمد حسنين، عماد وسيم، ياسر شاهه ۽ حارث سهيل هڪ – هڪ شڪار ڪيو.

 

ايندڙ هڪ، ٻن سالن ۾ پاڪستان ترقي جا حدف حاصل ڪري وٺندو: عمران خان

بيجنگ ( ويب ڊيسڪ )  وزيراعظم عمران خان چيو آهي ته چين پاڪستان راهداري ڀائيواريءَ ۾ تبديل ٿي چڪي آهي، چين ٽيڪنالوجي جي شعبي ۾ به اسان سان سهڪار ڪري رهيو آهي. پاڪ چين سيڙپڪاري فورم کي خطاب ڪندي وزيراعظم عمران خان چيو ته چين ۾ بي آر آءِ لاءِ ٻن ڏينهن جو تجربو تمام گهڻو سٺو رهيو، ان دوران گهڻن پرڏيهي سربراهن سان ملاقات ٿي، چين پاڪستان راهداري ڀائيواري ۾ تبديل ٿي چڪي آهي، چين ٽيڪنالوجي جي شعبي ۾ پاڪستان سان سهڪار ڪري رهيو آهي. هن چيو ته اسان چين جي مدد سان سائنس ۽ ٽيڪنالوجي جي شاندار يونيورسٽي قائم ڪرڻ چاهيون ٿا. سندس چوڻ هو ته ايندڙ هڪ ٻن سالن ۾ پاڪستان جي ترقي جا هدف حاصل ڪري وٺندو ۽ زراعت جي شعبي ۾ چين سان گڏجي ترقي جون منزلون طئي ڪيون وينديون. وزيراعظم عمران خان چيو ته زراعت ۾ ترقي پاڪستان جي معاشي ترقي جي ضمانت هوندي، ماحولياتي تبديلي سان سموري دنيا متاثر ٿيندي. هن چيو ته  موزمبيڪ ۽ فلپائن ۾ ماحولياتي تبديلي سان وڏي تباهي آئي آهي،  سمورن ملڪن ۾ ماحولياتي تبديلين بابت ڳڻتي ڏٺي وئي تنهن ڪري پاڪستان ماحولياتي تبديلين سان مقابلي لاءِ وڏو قدم کنيو آهي، ايندڙ پنجن سالن دوران پاڪستان ۾ 10 ارب ٻوٽا لڳايا ويندا. سندس چوڻ هو ته پاڪستان پرڏيهي سيڙپڪارن لاءِ محفوظ ملڪ آهي، پاڪستان چين جي سيڙپڪارن کي پيش رنڊڪون ختم ڪندو ۽ چاهيون ٿا ته چيني پنهنجون صنعتون پاڪستان ۾ لڳائين، جيترو واپار ۽ رابطا هوندا پاڪستان ۽ چين ۾ لاڳاپا وڌندا.  وزيراعظم عمران خان چيو ته ڀارت ۾ جلد اليڪشن ٿي ويندي، نئين ڀارتي حڪومت پاڪستان سان سٺا لاڳاپا قائم ڪندي.  هن چيو ته ڪشمير مسئلي جو ڳالهين ذريعي ئي حل ڪڍي سگهجي ٿو، جڏهن ته چار ڏهاڪن جي جنگ کانپوءِ افغانستان کي امن جي ضرورت آهي. سندس چوڻ هو ته افغانستان ۾ امن سان وچ ايشيائي ملڪن سان رابطن ۾ اضافو ٿيندو، ڪجهه ملڪ پناهگيرن کي منهن ڏيڻ لاءِ وڇوٽيون قائم ڪري رهيا آهن.

 

مراد علي شاهه ۽ صادق سنجراڻي وچ ۾ ملاقات، سنڌ ۾ هلندڙ ترقياتي منصوبن تي ڳالهيون

ڪراچي (اسٽاف رپورٽر) سنڌ جي وڏي وزير سيد مراد علي شاهه چيو آھي تھ انڊس ھاءِ وي جي ڊوئلائيزيشن وارو ڪم سست رفتاريءَ سان جاري آھي، صوبائي حڪومتت تخميني لاڳت جو 50 سيڪڙو اڳئي وفاقي حڪومت کي ادا ڪري ڇڏيا آھن. ھن اھا ڳالھھ اڄ چيئرمين سينٽ محمد صادق سنجراڻي سان ملاقات ڪندي ڪئي جنھن ٻن سينٽرن احمد خان بلوچ ۽ خدا بابر اصر مرزا محمد آفريديءَ سان گڏ وزيراعليٰ ھائوس ۾ گڏجاڻي ڪئي. سينٽ چيئرمين وڏي وزير کي ٻڌايو تھ ميڊيا ذريعي انڊس ھاءِ وي تي وڌندڙ روڊ حادثن بابت خبر پوندي آھي جنھن جي نتيجي ۾ ڏھاڙي معصوم انساني جانين جو نقصان ٿي رھيو آھي، ان تي وڏي وزير چيو تھ سندس ڪاوشن ڪري ڄامشورو کان سيوھڻ تائين انڊس ھاءِ وي کي ڊوئلائيزيشن ڪرڻ وارو منصوبو جيڪو 108 ڪلوميٽر ڊگھو آھي 14 بلين رپين جي لاڳت سان 2017ع ۾ منظور ٿيو ھو، ان وقت وفاقي حڪومت نيشنل ھاءِ وي اٿارٽي (اين ايڇ اي) ذريعي اھو منصوبو شروع ڪيو، ان وقت صوبائي حڪومت ان جي مجموعي لاڳت جو 50 سيڪڙرو 7 بلين رپيا شيئر ڪيا. ھن چيو تھ اسان منصوبو شروع ڪرڻ لاءِ اپريل 2017ع ۾ 7 بلين رپيا اڳئي جاري ڪري ڇڏيا آھن پر روڊ تي ھلندڙ ڪم جي رفتار ناقابل فھم آھي. ھن چيو تھ اصل ۾ ان منصوبي کي شيڊول جي مطابق 18 مھينن واري مدت ۾ مڪمل ڪرڻو ھو. مراد علي شاھھ چيو تھ سندس وفاقي حڪومت کي اھا آڇ ڪئي ھئي تھ اھي 7 ارب رپيا صوبائي حڪومت کي واپس ڪري ڏين ۽ سندن حصي جا 50 سيڪڙو 7 ارب رپيا اسان (صوبائي حڪومت) کي ڏين، صوبائي حڪومت ان منصوبي کي جنگي بنيادن تي مڪمل ڪندي. ھن چيو تھ مواصلات واري وفاقي وزير مراد سعيد خاطري ڪرائي ھئي تھ ان منصوبي تي ڪم جي رفتار کي تيز ڪيو ويندو پر اڃا تائين نتيجو سٺو ظاھر ناھي ٿيو.  نئين گاج ڊيم بابت خيالن ڏي وٺ ڪندي وڏي زوير سيد مراد علي شاھھ چيو تھ اھو منصوبو اصل ۾ 48 ارب رپين جو آھي جيڪو وفاقي حڪومت شروع ڪيو ھو پر ان جي تڪميل ۾ دير سبب ان جي لاڳت ۾ واڌ ٿيندي 60 ارب رپيا ٿي وئي آھي، اسان اڳئي وفاقي حڪومت کي درخواست ڪئي ھئي تھ ان منصوبي کي مڪمل ڪيو وڃي تھ جيئن ان جي مقصدن تحت علائقي ۾ زمينن جي آبپاشيءَ وارن مقصدن کي حاصل ڪري سگھجي. چيئرمين سينٽ صادق سنجراڻيءَ چيو تھ سندس صوبائي حڪومت جو گذارشون ۽ مسئلن کي سينٽ ڪميٽيءَ اڳيان اٿاريندو ۽ انھن منصوبن کي مڪمل مڪمل ڪرايو ويندو. چيئرمين سينٽ وڏي وزير کي پھرين ٿر ڪول پاور پروجيڪٽ شروع ڪرڻ جي واڌايون ڏنيون، ان تي وڏي وزير سندن ۽ سينٽرن کي ٿر جو دورو ڪرڻ جي دعوت ڏني تھ جيئن اھي پاڻ صوبائي حڪومت جي ٿر ۾ ڪيل ترقيءَ وارين ڪاوشن کي ڏسن. چيئرمين سينٽ وڏي وزير جي دعوت قبول ڪندي چيو تھ سندس ٻين صوبن جي سينٽرن جي اڳواڻي ڪندي ٿر جو روڊ رستي دورو ڪندو. وڏي وزير چيو تھ جيڪڏھن اوھان روڊ ذريعي دورو ڪندا تھ سندن وفد ۽ پاڻ ان سفر مان مزو ماڻيندا. ھن  چيو تھ اسان ڪراچيءَ کان ٺٽو ۽ بدين کان ٿر تائين بھترين معيار جا روڊ تعمير ڪيا آھن. ھن چيو تھ صوبائي حڪومت سنڌوءَ درياھھ تي ٺٽي ۽ سجاول ضلعن ۾ ٻھ پل، روڊ، اسلام ڪوٽ ۾ ايئرپورٽ تعمير ڪيو آھي ۽ ٿر کي انٽرنل روڊن سان ڳنڍيو آھي. ھن چيو تھ ھاڻ ٿر ترقي يافتھ ضلعي جي صورت ۾ نظر اچي رھيو آھي.

 

حڪومت جي مقبوليت گهٽ ناهي ٿي: فردوس عاشق اعواڻ

اسلام آباد/لالا موسيٰ (اين اين آءِ) فردوس عاشق اعواڻ چيو ته ن ليگ پنجاب جي وڏي وزير عثمان بزدار جي تبديلي جي حوالي سان افواهه پکيڙي رهي آهي، نواز شريف علاج جو بهانو ڪري لنڊن وڃڻ چاهي ٿو، ان حوالي سان اڳ به عدالت ۾ درخواستون جمع ڪرايون ويون آهن، هڪ انٽروويو ۾ هن چيو ته نواز شريف ٻاهرين ملڪ وڃڻ ۽ ڏيهه نه اچڻ جي نيت سان بيماري کي بهاني طور استعمال ڪري رهيو آهي، هن نواز شريف کي ملڪ جي ڪنهن به اسپتال ۾ بهترين علاج ڪرائڻ جي صلاح ڏني، هن چيو ته ن ليگ اڳ ئي اعلان ڪري چڪي آهي ته سندن قائد طبي علاج لاءِ ٻاهرين ملڪ نه ويندو.

وزيراعظم جي سڌ سماءَ جي خاص مددگار بڻجڻ کانپوءِ جي ٽي روڊ ذريعي پنهنجي تڪ ۾ ويندي گجرات ضلعن جي شهرن سرائي عالمگير، خاريان، لالا موسيٰ، گجرات ۽ وزيز آباد جي مختلف هنڌن تي فردوس عاشق اعواڻ جي آجيان ڪئي وئي، وفاقي وزير اعظم سواتي، تاشفين صفدر مرالا ۽ ٻيا پارٽي اڳواڻ به ساڻس گڏ هئا، فردوس عاشق اعواڻ چيو ته زبان ترڪڻ، گرامر جي غلطي يا نيت جي خرابي نه آهي، سياستدانن جو موڊ خراب لڳي ٿو، هڪ سوال جي جواب ۾ هن چيو ته ناڻي وزير کي مٽائڻ ٻاهرين اشارن تي نه پر ملڪ ۾ ايترو بيروني سرمايو آهي جو ٻاهريان ادارا محفوظ ڪرڻ چاهيون ٿا، هن چيو ته پاڪستان جنهن بحران جو شڪار آهي ان ۾ ميڊيا جي ذميواري جو مظاهرو اهم آهي، هن چيو ته پاڪستان جي معيشت جي حوالي سان بي تڪيون ڳالهيون معاشي سرشتي کي خراب ڪرڻ جي برابر آهن، پاڪستان جو مفاد ان ۾ آهي ته غريب ماڻهو کي رليف ڏنو وڃي، اهڙون پاليسيون جوڙيون وڃن جنهن سان ڏکيايون گهٽجن، عمران خان حفيظ شيخ کي ناڻي وزير ان لاءِ آندو ته بين الاقوامي سطح تي پاڪستان کي بهتر پاليسي ڏجي ۽ معيشت جي حوالي سان سڄي دنيا ۾ پاڪستان جو ڪيس بهتر نموني اڳيان رکي.

 

2 ڪلاڪن ۾ تيل ۽ گيس جون قيمتون واپس گهٽائي سگهان ٿو: شاهد خاقان عباسي جي دعويٰ

اسلام آباد (اين اين آءِ) ن ليگ جي مرڪزي اڳواڻ ۽ اڳوڻي وزيراعظم شاهد خاقان عباسي دعويٰ ڪئي آهي ته ٻن ڪلاڪن اندر پيٽرول ۽ گيس جون قيمتون واپس آڻي سگهان ٿو، هڪ انٽرويو ۾ هن چيو ته پيٽروليم ۽ گيس اسمن ۾ واڌ حڪومت ڄاڻي واڻي ڪئي آهي، هن دعويٰ ڪئي ته مون کي توهان ٻن ڪلاڪن جو وقت ڏيو ته گيس ۽ پيٽرول جون پراڻيون قيمتون بحال ڪري ڇڏيندس، ان تي صحافي سوال ڪيو ته ايترو جلد ڪيئن ممڪن ٿي سگهي ٿو، شاهد خاقان عباسي چيو ته ائين بلڪل ٿي سگهي ٿو ڇو ته ڪرپشن جيڪڏهن نه ڪئي وڃي ۽ ڪوڙ ڳالهائڻ جي ضرورت نه هجي ته هي ڪم سولائي سان ٿي سگهي ٿو، پنهنجي حڪومتي دور ۾ سڀ ڪجهه عوام کي ڪري ڏيکاريو آهي، هن چيو ته ن ليگ جي گذريل دور ۾ گيس ۽ پيٽرول جون قيمتون نه وڌڻ جي برابر هيون، بجيٽ ۾ خسارو گهٽائڻ لاءِ بجيٽ ۾ هڪ روپيو نه وڌو ويو، صحافي سوال ڪيو ته قيمتون ته گهٽجي وينديون پر خزاني تي بار پوندو، ان تي شاهد خاقان عباسي چيو ته ائين نه ٿيندو، خزاني مان ڪجهه نه کڻندس، رڳو مئنجمينٽ جي سطح تي قيمتون ڪنٽرول ٿي وينديون، هن وڌيڪ چيو ته هن حڪومت ڪوڙ ڳالهائڻ کي پنهنجي عادت بڻائي ورتو آهي ۽ ڪوڙا ڪيس به ٺاهيا پيا وڃن ان سان ڪو به فرق نٿو پوي ۽ نه ان سان پريشان آهي، صحافي سوال ڪيو ته توهان جو نالو اي سي ايل ۾ وڌو ويو آهي ان تي شاهد خاقان عباسي چيو ته مان انهن جو شين جو عادي آهيان ۽ 8 سال اڳ به اي سي ايل ۾ نالي سميت ڀوڳي چڪو آهيان.

 

عمران خان ۽ چين جي صدر ۽ وزير اعظم سان ملاقاتون، ٻه طرفن لاڳاپن، خطي جي معاملن ۽ علائقائي امن تي ڳالهيون

بيجنگ (اين اين آءِ) چين جي دوري تي موجود وزيراعظم عمران خان، چيني صدر شي چن پنگ ۽ وزيراعظم ليڪي چيانگ سان ڌار ڌار ملاقاتون ڪيو جنهن ۾ ٻه طرفي لاڳاپن کي وڌيڪ مضبوط ڪرڻ تي خيالن جي ڏي وٺ ڪئي وئي، آچر تي وزيراعظم چين جي صدر شي چن پنگ سان ملاقات ڪئي، گريٽ هال ۾ ٿيل ملاقات ۾ پاڪستاني وفد جا ميمبر موجود هئا جنهن ۾ ٻه طرفي لاڳاپن سميت اهم معاملن تي خيالن جي ڏي وٺ ڪئي، پنهنجي دوري تي عمران خان چيني هم منصب ليڪي چيانگ سان ملاقات ڪئي جنهن ۾ ٻنهي ملڪن واپار وڌائڻ ۽ لاڳاپن کي وڌيڪ مضبوط ڪرڻ تي ڳالهيون ڪيون، ملاقات ۾ چين اڪنامڪ ڪوريڊور کي جلد کان جلد تعمير ڪرڻ ۽ گوادر بندر گاهه سميت سامونڊي حدن جي سيڪيورٽي بهتر بڻائڻ لاءِ گڏيل ڪوششن تي ڳالهيون ڪيون ويون، ٻنهي ملڪن وچ ۾ سياحت کي هٿي وٺرائڻ ۽ واپار وڌائڻ تي ڳالهه ٻولهه ڪئي وئي، ان کان اڳ بيجنگ جي عظيم عوامي هال ۾ چين جي صدر شي چن پنگ پاڪستان جي وزيراعظم جي آجيان ڪئي، پاڪستاني وفد ۾ شاهه محمود قريشي، حفيظ شيخ، فيصل واوڊا ۽ خسرو بختيار شامل هئا، واضح رهي ته عمران خان چين جي 4 ڏينهن جي سرڪاري دوري تي آهي، وزيراعظم ٻئي بيلٽ روڊ فورم ۽ گول ميز ڪانفرنس ۾ به شريڪ ٿيو.

 

وفاق سنڌ کي فنڊ گهٽ ڏنا جنهن ڪري صوبي جي ترقي بند ٿي وئي آهي: خورشيد شاهه

سکر ( ويب ڊيسڪ ) پ پ اڳواڻ خورشيد شاهه چيو آهي ته وفاق سنڌ کي فنڊ گهٽ ڏنا آهن جنهن ڪري صوبي جي ترقي بند ٿي وئي آهي. سکر سول اسپتال جي دوري کانپوءِ ميڊيا سان ڳالهائيندي خورشيد شاهه چيو ته سکر ۾ ايس آءِ يو ٽي تحت ڪڊني ٽرانسپلانٽ ٿيندي جڏهن ته گائني ۽ ٻارڙن جي سرجري لاءِ الڳ وارڊ ٺاهي رهيا آهيون. هن چيو ته مان هر هفتي اسپتال سميت سمورين سرڪاري اسپتالن جو دورو ڪندو آهيان، صحت کاتو سکر ۾ خاص ڌيان ڏي. سندس چوڻ هو ته سکر کي ملندڙ ڊاڪٽرن جو فائدو سکر کي نه ٿي رهيو آهي، جيڪي ڊاڪٽر سکر کي مليا اهي اسپيشلائيزيشن ڪرڻ هليا ويا آهن.  خورشيد شاهه چيو ته  وفاق سنڌ سرڪار کي 22 ارب بدران 16 ارب ڏنا آهن، پنجاب کي به فنڊ گهٽ مليا آهن پر هو خوف سبب رڙيون نه ڪري رهيو آهي. هن چيو ته وفاق طرفان فنڊن ۾ ڪٽوتي صوبن سان زيادتي آهي.