تازيون خبرون

Daily Archives: February 11, 2019

حڪومت شفاف ٿيندي ته ملڪ تيزي سان ترقي ڪندو: عمران خان

دبئي (اين اين آءِ) وزيراعظم عمران خان چيو آهي ته 60 جي ڏهاڪي ۾ پاڪستان تيزي سان ترقي ڪندڙ ملڪ هو پر بدقسمتي سان ترقي جي رفتار برقرار نه رکي سگهيو ماضي ۾ ٽيڪس جا پئسا حڪمرانن جي عياشين تي خرچ ٿيندا رهيا سڌارا مشڪل پر ضروري آهن اسان کي پنهنجي ٽيلنٽ کي اڳيان آڻڻو پوندوپاڪستان کي گهڻو مٿي وٺي وڃڻ چاهيان ٿو مان پنهنجي غلطين مان سبق سکيو آهي هي وقت پاڪستان ۾ سيڙپ ڪرڻ جو آهي سيڙپڪار بهترين موقعي کي نه وڃائين آچر تي هتي ٿيندڙ ورلڊ گورنمينٽ سمٽ کي خطاب ڪندي هن چيو ته خوشي آهي ته اسلامي دنيا ۾ به اهڙِ قسم جي ڪانفرنس ٿي رهي آهي عمران خان چيو ته 60 جي ڏهاڪي ۾ پاڪستان تيزي سان ترقي ڪري رهيو هو ۽ يو اي اِي جي ايئرلائين کي پي آءِ اي مدد فراهم ڪئي پر بدقسمتي جو پاڪستان ترقي جي رفتار برقرار نه رکي سگهيو هن چيو ته ترقي جو بنياد ئي بهتر نموني حڪمراني آهي عراق ۾ اسان سڀ کان اڳتي ۽ ٽيڪس ڏيڻ ۾ سڀ کان پوئتي آهيان جڏهن ماڻهو ايترا سٺا آهن ته پوءِ ٽيڪس ڇو ادا نٿا ڪن ان جو سبب ماڻهن جو حڪمرانن تي اعتماد نه آهي ڪرپشن سان ٽيڪس جو پئسوچوري ٿئي ٿو هن چيو ته سڌارا مشڪل آهن پر ضروري آهن. جڏهن اوهان هار مڃي وٺو ٿا تڏهن اوهان هارائي وڃو ٿا جڏهن اوهان سڌارا ڪريو ٿا ته ماڻهن کي ڏکيائينکي منهن ڏيڻو پوي ٿو اسان معاشي سڌارا ڪري رهيا آهيون سيڙپڪار پاڪستان اچي رهيا آهن وزيراعظم چيو ته ماضي ۾ گڏيل عرب امارات جي ايئرلائين جي جوڙجڪ ۾ پي آءِ اي مدد ڪئي هئي. سيڙپڪارن کي چوان ٿو ته هي وقت آهي پاڪستان ۾ سيڙپڪاري ڪرڻ جو هن چيو ته آءِ ايم ايف جي پاڪستان سان تعاون کي ساراهيون ٿا اسان ايڪسپورٽ ۾ واڌ امپورٽ ۾ لاٿ مالياتي خسارو گهٽائڻ جي ڪوشش ڪري رهيا آهيون پرڏيهي سيڙپڪارن لا3 آساني پيدا ڪري رهيا آهيون آسٽريليا ۾ ٽيلينٽ کي مٿي آڻڻ لاءِ بهتري طريقيڪار آهي دنيا جي پهرين فلاحي رياست مديني ۾ قائم ڪئي ويئي رياست مديني ۾ قانون جي حڪمراني هئي رياست مديني ۾ پوڙهن ماڻهن جي مدد ڪئيويندي هئي هن چيو ته موسمياتي چئلينجز کي منهن ڏيڻ لاءِ ٻوٽا پوکي رهيا آهيون وزيراعظم چيو تهڪانفرنس ۾ موجود ماڻهن کي ٻڌائڻ چاهيان ٿو ته ڪرڪيٽ مان سياست ۾ ڪيئن آيس اهو به ٻڌا.ئڻ چاهيان ٿو ته مانپاڪستان لاءِڇاچاهيان ٿو منهنجي ماءُ جڏهن ڪينسر سبب لاڏاڻو ڪيو ته احساس ٿيو تهپاڪستان ۾ ڪينسر جي ڪائي اسپتال نه ڪرڪيٽ کان رٽائرڊمينٽ کان پوءِ اسپتال ٺاهڻ تيڌيان ڏنو وزيراعطم چيو ته قومن جي تاريخن ۾ لاها چاڙها ايندا رهن ٿا پاڪستاني قوم مصبوط پرعزم ۽ سرندي واري آهي عمران خان چيو ته سمجهدار قيادت هميشه موقعن مان فائدو وٺي قوم کي ترقي ڏي ٿي وزيراعطم چيو ته سياحت مان ملائيشا 22 ارب ۽ ترڪي 42 ارب ڊالر ڪمائي ٿو پاڪستان ۾ هڪ هزار ڪلوميٽر جي سامونڊي پٽي آهي پاڪستان 5 هزار سال پراڻي تهذيبن جو مرڪز آهي جڏهن ته مذهبي سياحت جا به پاڪستان ۾ اڻ ڳڻيا موقعا آهن وزيراعظم چيو ته پهريون ڀيرو پاڪستان ۾ حڪومت آئي آهي جيڪا سيڙپڪاري کي هٿي ڏيڻ چاهي ٿي سيڙپڪاري ٿيندي ته روزگار جا موقعا وڌندا.

 

ارشاد رانجهاڻي جا قاتل گرفتار نه ٿيا، پوري سنڌ سراپا حتجاج، رحيم شاهه جي گرفتاري جو مطالبو

اسلام آباد/ڪراچي/ورڪشاپ/  (نمائندن وٽان) ڪراچي جي ڀينس ڪالوني ۾ قومپرست ڪارڪن ارشاد رانجهاڻي کي بيدرديءَ سان قتل ڪندڙ يوسي چيئرمين رحيم شاهه جي گرفتاري لاءِ مختلف شهرن ۾ مظاهرا ڪيا ويا. مٺياڻي ۾ حبيب مشوري، فياض شيخ، رياض سولنگي، وقارشيخ ۽ امداد ملڪ جي اڳواڻيءَ ۾ سياسي سماجي تنظيمن طرفان پريس ڪلب آڏو مظاهرو ڪيو ويو. موري ۾ سنڌ نيشنل پارٽي جي سڏ تي پريس ڪلب اڳيان علامتي بُک هڙتال ڪئي وئي، جنهن ۾ ايس ٽي پي، جسقم آريسر، رانجهاڻي برادري، قومي عوامي تحريڪ، جسقم ۽ ٻين سياسي سماجي تنظيمن جي ڪارڪنن توڙي اڳواڻن شرڪت ڪئي. اُن موقعي تي اعزاز رانجھاڻي، راشد سولنگي، محمود اعواڻ، خادم بالادي، شاھنواز ڀٽي، امير لغاري، اشفاق پنھور، نادر ڪورائي، الطاف بھڻ، عرفان عباسي، فھيم لانگاھ، صدام ڪلھوڙو، جاويد عالماڻي ۽ ٻين ارشاد رانجهاڻي جي قاتل رحيم شاهه کي فوري گرفتار ڪرڻ جو مطابو ڪيو. ميرو خان ۾ جسقم ۽ شهري اتحاد جي سڏ تي صوبدار جتوئي، شعبان چنو، رضوان تنيو ۽ ٻين جي اڳواڻيءَ ۾ مظاهرو ڪيو ويو. فيض گنج ۾ جسقم ۽ سوسل سوسائٽي جي نمائندن طرفان عطا حسين شر، خادم شر، مصدق ميمڻ ۽ ٻين جي اڳواڻيءَ ۾ ارشاد راجهاڻي جي بيرحماڻي قتل واقعي خلاف احتجاج ڪيو ويو. ٺري ميرواهه ۾ بدرالدين شر، ياسين حيدر شر، فيضان ٻانڀڻ، راحيل ٻانڀڻ، شرجيل شر، صداقت شر، تنوير ٻانڀڻ، ممتاز سومرو، نسيم اعجاز ۽ ٻين جي اڳواڻيءَ ۾ وڏي انگ ۾ ماڻهن ريلي وئي. جنهن کانپوءِ ناڪه چوڪ تي مظاهرو ڪري قومپرست ڪارڪن جي قاتل کي فوري گرفتار ڪرڻ جو مطالبو ڪيو ويو. دادو ۾ ايس يو پي جي سڏ تي قاضي زاهد، اعظم ترين ۽ ٻين جي اڳواڻيءَ ۾مظاهرو ڪيو ويو. هٿن ۾ بئنر ۽ پلي ڪارڊ کڻي احتجاج ڪندڙ ڪارڪن قاتل رحيم شاهه جي گرفتاري لاءِ نعريبازي ڪري رهيا هئا. مظاهرين چيو آهي ته ارشاد رانجهاڻي جي قتل واقعي جي شفاف جاچ ڪرائي قاتل يوسي چيئرمين رحيم شاهه کي ڪيفرِ ڪردار تائين پهچايو وڃي. دادو ۾ جي ڊي اي اڳواڻ نصرت سحر عباسي ۽ پي ٽي آءِ ايم پي اي حليم عادل شيخ جي اڳواڻيءَ ۾ وڏي انگ ۾ ماڻهو رستن تي نڪري آيا، مظاهري دوران ارشاد رانجهاڻي جي قاتل جي گرفتاري لاءِ نعرا هنيا ويا. ڪڙيو گهنور، ڪي اين شاهه، ٽنڊو ڄام، ميهڙ، سن، مانجهند، هالا، مٽياري، ڪوٽري، نصير آباد، ٺل ۽ ڪشمور۾ به قومپرست، سياسي سماجي تنظيمن طرفان مظاهرا ڪيا ويا. لاڙڪاڻي ۽ سکر ۾ به تعداد ۾ ماڻهن مظاهرو ڪري ارشاد رانجهاڻي جي قتل واقعي خلاف مظاهرا ڪيا ويا. دولتپور، گهارو، لالو رائنڪ، مديجي، ڀان سيد آباد، ميرپور بٺورو، شهدادڪوٽ، شهدادپور، جوهي ۽ ٻين ننڍن وڏن شهرن ۾ارشاد رانجهاڻي جي قاتل جي گرفتاري لاءِ مظاهرا ڪيا ويا. سڄي سنڌ ۾ ٿيل مظاهرن دوران ڪراچي ۾ بيدرديءَ سان قتل ٿيل ارشاد رانجهاڻي جي جوابدارن کي ڪيفرِ ڪردار تائين پهچائڻ جو مطالبو ڪيو ويو آهي.ٻئي طرف اسلام آباد (بيورو رپورٽ) ڪراچي ۾ انتهائي وحشياڻي انداز ۽ بيدردي سان قتل ٿيل سياسي ورڪر ارشاد رانجهاڻي جي قتل خلاف پريس ڪلب اسلام آباد ٻاهران احتجاجي مظاهرو ڪيو ويو آهي، مظاهري ۾ سنڌي شاگردن، سول سوسائٽي جي ماڻهن وڏي انگ ۾ شرڪت ڪئي، جن جي هٿن ۾ بينر ۽ پلي ڪارڊ هئي، ان موقعي تي اهي مسلسل نعريبازي ڪري رهيا هئا ته ارشاد رانجهاڻي جي قاتل يوسي چيئرمين رحيم شاهه کي گرفتار ڪيو وڃي. هوڏانهن ورڪشاپ جي نوجوان پاران ارشاد رانجهاڻي جو ڪيس وڙهندڙ وڪيل کي 2 ايڪڙ زرعي زمين کپائي رقم ڏيڻ جو اعلان ڪيو آهي. قادربخش چانڊيو پنھنجي اخبار سان ڳالھيندي اھڙو اعلان ڪيو . هن چيو ته ٻه ايڪڙ زرعي زمين آهي جيڪو به وڪيل ارشاد رانجھاڻي جو ڪيس وڙھي قاتل کي سزا ڏياريندو ان کي پنهنجي 2 ايڪڙ زرعي زمين وڪرو ڪري رقم ڏيندس.

 

ڪامورا شاهي کي ڪم ڪرڻ نه ٿو ڏنو وڃي، نظام کي خطرو آهي : ن ليگ

سيالڪوٽ ( ويب ڊيسڪ ) مسلم ليگ ن اڳواڻ خواجه آصف چيو آهي ته عمران خان جي لهجي مان لڳي ٿو ته هو نهايت پريشان آهن، سياسي ماڻهو هر وقت اليڪشن لاءِ تيار هوندا آهن. سيالڪوٽ ۾ ميڊيا سان ڳالهائيندي خواجه آصف چيو ته حڪومت پاڻ ئي پنهنجي دشمن آهي، ڪامورا شاهي کي ڪم ڪرڻ نه ٿو ڏنو وڃي، گذريل 6 مهينن ۾ حڪومت رڳو پراڻن منصوبن تي تختيون لڳايون آهن. هن چيو ته نظام کي خطرو آهي، اسان کي خدشا آهن پوءِ به چاهيون ٿا ته نظام هلي، حڪومت نوٽ ڇاپي رهي آهي ۽ هن وقت تائين 1400 ارب ڇاپي چڪي آهي.  هن چيو ته عمران خان جيڪو 22 سالن تائين چوندو رهيو تنهن تي عمل نه ڪيو آهي،  هاڻي کيس معاشي صلاحڪاربه ڇڏي وڃي رهيا آهن، پهريون ڀيرو  هڪ وزيراعظم آءِ ايم ايف وٽ وڃي رهيو آهي، هن چيو هو ته آءِ ايم ايف وٽ وڃڻ کان بهتر آهي ته آپگهات ڪيو. سندس چوڻ هو ته شهباز شريف کي پبلڪ اڪائونٽس ڪميٽي جي چيئرميني تان هٽائڻ جو ڪو فائدو ناهي پر حالتون خراب ٿينديون، اسان ڪنٽينر تي نه ٿاچڙهڻ چاهيون، اسان به نظام کي منجمد ڪري سگهون ٿا.  خواجه آصف چيو ته پرڏيهي پاليسي درست رخ ۾ ناهي، هڪ وزير چئي رهيو هو ته ڪلڀوشن کي کپايو ويو آهي، جهڙو وزيراعظم آهي تهڙا ئي سندس وزير آهن، خوف آهي ته پراڻو دوست اسان کان ناراض نه ٿي وڃي. خواجه آصف چيو ته اين آر او رڳو وزيراعظم کي جي ڀيڻ کي مليو آهي، حڪومت نواز شريف جي بيماري جو فائدو وٺڻ چاهي ٿي، دل جي مرض لاءِ ڊاڪٽر جي راءِ کي قبول ڪيو وڃي.

 

پاڪ سامونڊي فوج جي سربراهه گڏيل قومن کي ناڪام قرار ڏئي ڇڏيو

ڪراچي(ويب ڊيسڪ) ملڪ جي سامونڊي فوج جي سربراهه ايڊمرل ظفر محمود عباسي چيو آهي ته گڏيل قومون فلسطين ۽ ڪشمير کي حق ڏيارڻ ۾ ناڪام ٿي چڪيون آهن. ڪراچي ۾ سامونڊي فوج جي سربراهه ايڊمرل ظفر محمدو عباسي جو ميري انٽرنيشنل ٽائم ڪانرنس کي خطاب ڪندي چيو ته امن مشق 2019ع ۾ 45 ملڪ شريڪ ٿيا، دنيا جو 90 سيڪڙو واپار سمنڊ ذريعي ٿيندو آهي، جنهن جي لاءِ سمنڊ ۾ امن قائم ڪرڻ ضروري آهي، پر سمنڊ ۾ هن وقت تائين امن قائم نٿو ٿي سگهي جيستائين زمين تي امن نه هجي. پاڪستان سمنڊ ۾ امن جي قيام لاءِ عالمي اتحاد جو حصو آهي، سامونڊي فوج دهشتگردي ۽ خاتمي ۽ سامونڊي ڦورن جي خلاف ڪيترائي آپريشن ڪيا آهن جڏهن ته ريجنل ميري ٽائم آپريشن به ڪيو پيو وڃي. ايڊمرل ظفر محمود عباسي چيو ته گڏيل قومون فلسطين ۽ ڪشمير کي حق ڏيارڻ ۾ ناڪام رهيون آهن، دنيا ۾ جنگ سٽيل ملڪ اسلامي آهن، جنهن ۾ مصر، شام، افغانستان ۽ سوڊان شامل آهن ڇا اسلامي ملڪم ۾ عدم مضبوطي ڪنهن منصوبي جو حصو آهي.

 

 

وزير اعظم سان آءِ ايم ايف جي ايم ڊي ڪرسٽين لوگارڊ جي ملاقات، ملڪي معاشي صورتحال ۽ بيل آئوٽ پيڪيج تي ڳالهيون

دبئي (اين اين آءِ) پاڪستان ۽ آءِ ايم ايف عملارن ٻنهي طرفن کانسڌارن ۽ پاليسي ترجيحن ۾ گڏيل تعاون جاري رکڻ جو فيصلو ڪندي چيو آهي ته پاڪستاني آءِ ايم ايف عملدار نئين پروگرام لاءِ ڳالهيون جاري رکندا جڏهن ته آءِ ايم ايف جي سربراهه ايم ڊي ڪرسٽين ليگارڊ معاشي استحڪام لاءِ حڪومت جي قدمن جي ساراهه ڪندي چيو ته آءِ ايم ايف پاڪستان جي مدد ڪندو رهندو آچر تي وزيراعطم عمران خان سان آءِ ايم ايف جي ايم ڊي ڪرسٽين ليگارڊ ملاقات ڪئي دبئي ۾ ٿيل عالمي حڪومتن جي اجلاس جي موقعي تي هي ملاقات ٿي وزيراعظم آءِ ايم ايف جي پاڪستان لاءِ سپورٽ جي تعريف ڪئي ملاقات ۾ هن قومي تعمير لاءِ پنهنجي سوچ کان به آءِ ايم ايف سربراهه کي آگاهه ڪيو. وزيراعظم اسٽڪچرل ۽ حڪومتي سڌارا ۽ سماجي شعبي جي بهتري لاءِ حڪومت جي عزم کي ورجايو آءِ ايم جي سربراهه معاشي استحڪام لاءِ حڪومت جي قدمن جي تعريف ڪئي. ذريعن موجب ملاقات ۾ ملڪي معاشي صورتحال ۽ بيل آئوٽ پئڪيج تي ڳالهه ٻولهه ڪئي ويئي عالمي مالياتي اداري جي مئنيجنگ ڊائريڪٽر ڪرٽين لوگارڊ چيو ته وزفاعظم عمرانخ ان سان تعميري ملاقات ٿي جنهن ۾ پاڪستان ۾ تازو ئي معاشي ترقي ۽ مستقبل جي امڪانن تي ڳالهه ٻولهه ٿي آءِ ايم ايف جي ايم ڊي مطابق فيلائتي پاليسين ۽ معاشي سڌارن جي مضبوط پئڪيج سان پاڪستان جي معيشت ۾ استحڪام ايندو.

 

 

 

موجوده اپوزيشن ملڪي تاريخ جي غيراخلاقي اپوپزيشن آهي، آءِ ايم ايف سان مسئلو ڊيل نه پر نه ڊيل بابت شرطن جو آهي: فواد چوڌري

اسلام آباد (اين اين آءِ/م.ڊ) سڌسماءِ جي وفاقي وزير چوڌري فواد حسين چيو آهي ته موجوده اپوزيشن ملڪي تاريخ جي غيراخلاقي اپوپزيشن آهي چيئرمين پي اي سي کي ڪرپشن جي خلاف ڍال طور به استعمال نه ڪنداسين. پارليمان ۾ اسان جي اڪثريت آهي مخالف ڌر کان سواءِ به پارليمانکي هلائي سگهون ٿا هڪ انٽرويو ۾ چوڌري فواد چيو ته شهبازشريف به پنهنجي عهدي تان استعيفا ڏي ڇو ته جڏهن کان شهبازشريف پي اي سي جو چيئرمين ٿيو آهي تڏهنک ان لاڳيتو نيب جي جاچ تي اثرانداز ٿيڻ جي ڪوشش ڪئي پئي وڃي ۽ هو پنهنجي عدالتي ڪلارروائي ۾ به پيش نه پيو ٿئي هو مسلسل منسٽر اڪليوز ۾ رهي ٿو ۽ مڪمل پروٽوڪول مان به مزو وٺي رهيو آهي هن چيو ته شهبازشريف سعد رفيق کي به پي اي سي ڪارڪن بنائڻ لاءِ چيو ته جيئن جيڪڏهن هو اسيمبلي سيشن ۾ ناهي ته کيس به پي اي سي ۾ آندو وڃي جنهن مان اهو واضح ٿئي ٿو ته شهبازشريف ۽ مسلم ليگ (ن) احتساب جي عمل کان بچڻ لاءِ پبلڪ اڪائونٽس ڪميٽي کي هڪ ڍال طور استعمال ڪيو آهي جنهن کي اسان قبول نه ڪدناسين هڪ سوال جي جواب ۾ چيو ته جيڪڏهن شهبازشريف پاڻ اخلاقي طور تي پي اي سي جي چيئرمين شپ تان استعيفا ڏنو 0ئي ته پوءِ پبلڪ اڪائونٽس ڪميٽي جا ميمبر ووٽ جي ذريعي شهبازشريف کي ڊي سيٽ ڪري سگهن ٿا ۽ قانون ۾ به اهو آپشن موجود آهي.

فواد چوڌري چيو آهي ته آءِ ايم ايف سان مسئلو ڊيل نه پر نه ڊيل بابت شرطن جو آهي. برطانوي خابرو اداري کي انٽرويو ڏيندي فواد چوڌري چيو ته اهڙي شفاف ڊيل چاهيون ٿا جيڪا ننڍي مدي ۾ پاڪستان لاءِ مددگار ثابت ٿي ۽ اسان جي ڊگهي معاشي مقصدن تي اثرانداز نه ٿي. هن چيو ته پاڪستان ڪنهن اتفاق راءِ سان بيل آئوٽ پيڪيج جو خواهشمند آهي، اهڙا شرط نه ٿا چاهيون جنهن سان پاڪستان جي معيشت کي نقصان پهچي. سندس چوڻ هو ته وزيراعظم عمران خان دبئي ۾ ٿيل عالمي اجلاس ورلڊ گورنمينٽ سمٽ کانپوءِ آءِ ايم ايف سربراهه سان ملاقات ڪندو جنهن سندن موقف سمجهڻ ۾ موقعو ملندو اسان کي به پنهنجو موقف پيش ڪرڻ ۾ موقف ملندو.

 

 

حڪومت پهريون ئي آءِ ايم ايف جا شرط پورا ڪري چڪي، ملاقات جو ڊرامو ڇو؟ مريم اورنگزيب

اسلام آباد ( ويب ڊيسڪ ) مسلم ليگ ن ترجمان مريم اورنگزيب چيو آهي ته حڪومت پهريون ئي آءِ ايم ايف جا شرط پورا ڪري چڪي  آهي پوءِ اڄ ملاقات جو ڊرامو ڇو آهي؟  مريم اورنگزيب هڪ بيان ۾ چيو ته پهرين حڪومت آهي جنهن چور دروازي کان آءِ ايم ايف جي شرطن تي اڳواٽ عمل ڪيو. هن چيو ته  ناڻي واري وزير موجب حڪومت آءِ ايم ايف وٽ وڃڻ کان اڳ پهريون ئي شرط مڃي چڪي آهي، حڪومت آءِ ايم ايف کان پيڪيج وٺڻ کان اڳ مهانگائي جو بم ڪيرائي چڪي آهي، رپئي جي ملهه ۾ 35 سيڪڙو گهٽتائي، بجلي ۽ گئس جي اگهن ۾ رڪارڊ اضافو ڪيو ويو آهي. سندس چوڻ هو ته آءِ ايم ايف جي پيڪيج کان اڳ حڪومت هر سبسڊي حج سميت ختم ڪئي، وزيراعظم جي آءِ ايم ايف سان پاڪستان ۾ ملاقات ڇو نه ٿي ٿي سگهي. مريم اورنگزيب چيو ته قوم کي ٻڌايو وڃي ته آءِ ايم ايف سان ڪهڙا وڌيڪ شرط طئي ڪيا پيا وڃن، قوم کي وڌيڪ مهانگائي جي ڪهڙي چڪي ۾ پيڙهڻ جي تياري ڪئي پئي وڃي، قوم کي ٻڌايو وڃي ته هاڻي رپئي جي ملهه ۾ وڌيڪ ڪيتري گهٽتائي ٿيندي ڊالر ڪيتري اگهه تي ملندو.  هن چيو ته پارليامينٽ ۽ قوم سان سچ جا واعدا ڪندڙ سمورو ڪم ڳجهو ڪري رهيا آهن، قوم حڪومت جي نااهلي سبب مهانگائي جي هڪ وڌيڪ طوفان جي تياري ڪري.

 

 

ق ليگ ۽ پي ٽي آءِ جو حڪومتي معاملا اتفاق سان اڳتي وڌائڻ جو فيصلو

لاهور ( ويب ڊيسڪ ) وزيراعظم جي صلاحڪار نعيم الحق چوڌري شجاعت ۽ مونس الاهي سان ملاقات ڪئي جنهن ۾ حڪومتي معاملا اتفاق سان اڳتي وڌائڻ جو فيصلو ڪيو ويو.  وزيراعظم عمران خان جي صلاحڪار نعيم الحق مسلم ليگ ق جي صدر چوڌري شجاعت حسين ۽ مونس الاهي سان سندس رهائشگاهه تي ملاقات ڪئي. ملاقات ۾ چوڌري سالڪ، ڪامل علي آغا ۽ بائو رضوان به شرڪت ڪئي. ملاقات ۾ پنجاب کانپوءِ مرڪز ۾ به اقتدار جي ڀائيواري تي ڳالهيون ٿيون ۽ حڪومتي معاملا اتفاق سان اڳتي وڌائڻ جو فيصلو ڪيو ويو. ملاقات ۾ اتفاق ڪيو ويو ته پنجاب کانپوءِ مرڪز ۾ اقتدار جي ڀائيواري جي ٺاهه تي عمل ٿيندو.  وزيراعظم جي صلاحڪار نعيم الحق خاطري ڪرائي ته مرڪز ۾ مسلم ليگ سان ڪيل واعدا پورا ڪيا ويندا.

 

 

خيرپور ويجهو موٽر سائيڪل ۽ ٽريڪٽر ٽرالي ۾ ٽڪر، 2 سئوٽ نينگر چيڀاٽجي فوت

خيرپور(م.ڊ)خيرپور ويجهو موٽر سائيڪل ۽ ٽريڪٽر ٽرالي وچ ۾ ٽڪر ٿيڻ جي نتيجي ۾ 2 سئوٽ نينگر چيڀاٽجي ٿڏي تي فوت ٿي ويا. خبر موجب پراڻي قومي شاهراهه تي ٺيڙهي ڦاٽڪ وٽ موٽر سائيڪل ۽ سرن سان ڀريل ٽريڪٽر ٽرالي ۾ ٽڪر ٿي پيو، جنهن جي نتيجي ۾ موٽر سائيڪل سوار ٻه سئوٽ 16 سالن جو انور پٽ خالد شيخ ۽ 9 سالن جو ڪامران پٽ عمران شيخ چيڀاٽجي ٿڏي تي فوت ٿي ويا. اطلاع تي پوليس حادثي واري هنڌ پهچي فوتي نينگرن جا لاش تحويل ۾ وٺڻ بعد سول اسپتال خيرپور منتقل ڪيا، جتان ضروري ڪارروائي کانپوءِ مڙهه وارثن حوالي ڪيا ويا. ٻڌايو پيو وڃي ته ٻئي سئوٽ شهيد آباد پاڙي کان فيض آباد ڪالوني موٽرسائيڪل ۾ پيٽرول ڀرائڻ لاءِ وڃي رهيا هئا ته حادثو پيش آيو. فوت ٿيل ڪامران ٽئين ڪلاس جو شاگرد ۽ انور ستين ڪلاس جو شاگرد هو. ٻنهي ڄڻن جا لاش گهر پهچڻ تي قهرام مچي ويو. بي سيڪشن ٿاڻي جي پوليس ٽريڪٽر ٽرالي تحويل ۾ وٺي وڌيڪ جاچ ڪري رهي آهي.

 

نقيب الله قتل ڪيس جي اهم شاهد جي گم ٿيڻ جي رپورٽ غلط ثابت، هو قائد آباد ٿاڻي تي وڏي منشي طور مقرر

ڪراچي( ويب ڊيسڪ ) نقيب الله قتل ڪيس ۾ اکين ڏٺو شاهد قائد آباد ٿاڻي تي مقرر آهي جڏهن ته ڪيس جي جاچ آفيسر ڊاڪٽر رضوان سنڌ هاءِ ڪورٽ ۾ سندس گمشدگي جي رپورٽ داخل ڪرائي. سنڌ هاءِ ڪورٽ ۾ نقيب الله قتل ڪيس جي ٻڌڻي ٿي جنهن ۾ جاچ آفيسر ايس پي ڊاڪٽر رصوان رپورٽ جمع ڪرائي ته اکين ڏٺو شاهد شهزادو جهانگير گم ٿي ويو آهي جڏهن ته هو قائد آباد ٿاڻي تي وڏي منشي طور مقرر آهي. وڏي منشي شهزادي جهانگير کي 6 نومبر 2018ع تي قائد آباد ٿاڻي تي وڏو منشي مقرر ڪيو ويو جڏهن ته ان کان اڳ ميمڻ ڳوٺ ۾ مقرر هو.  حيرت انگيز طور شهزادي جهانگير جي گم ٿيڻ جي رپورٽ شهر جي ڪنهن ٿاڻي ۾ داخل نه آهي. ٻئي طرف اڳوڻي ايس ايس پي رائو انوار ميڊيا سان ڳالهائيندي ڊاڪٽر رضوان خلاف قانوني ڪارروائي جو اشارو ڏنو.  هن چيو ته اکين ڏٺي شاهد جي گم ٿيڻ جي رپورٽ تي ڊاڪٽر رضوان خلاف ڪارروائي ڪئي ويندي.