تازيون خبرون

Monthly Archives: December 2018

ملڪ ڇڏڻ تي پابندي، آصف، بلاول، فريال، مراد ، رياض، سيال، چاولا جا نالا اي سي ايم ۾ شامل

اسلام آباد (اين اين آءِ/ ويب ڊيسڪ ) حڪومت  آصف علي زرداري، فريال ٽالپر، بلاول ڀٽو زرداري سميت 172 ماڻهن جا نالا اي سي ايل ۾ شامل ڪري ڇڏيا.  حڪومت مني لانڊرنگ بابت جي آءِ ٽي جي رپورٽ ۾  شامل 172 ماڻهن جي لسٽ جاري ڪري ڇڏي آهي ۽ سمورن ماڻهن جي نالن کي اي سي ايل ۾ شامل ڪيو ويو آهي. لسٽ ۾ اڳوڻي صدر آصف علي زرداري جو نالو 24 هين نمبر تي آهي جڏهن ته بلاول ڀٽو زرداري جو نالو 27 هين ۽ فريال ٽالپر جو نالو 36 هين نمبر تي آهي. سنڌ جي وڏي وزير مراد علي شاهه، اڳوڻي وڏي وزير قائم علي شاهه، توانائي واري وزير امتياز شيخ، اڳوڻي صوبائي وزير سهيل انور سيال جو نالو به اي سي ايل ۾ شامل ڪيو ويو آهي.  اومني گروپ جي سربراهه عبدالغني مجيد، نمر مجيد،  ملڪ رياض، سندس پٽ زين ملڪ، مڪيش ڪمار چاولا،  سيڪريٽري انڊسٽريز ضمير حيدر، حسين لوائي، سنڌ بئنڪ جي چيئرمين بلال شيخ، ڊاڪٽر ڊنشا ايڇ انڪل سريا، محمد اعجاز هارون، منظور قادر ڪاڪا، سيڪريٽري لينڊ يوٽلائيزيشن، عبدالغني ماجد جو نالو به اي سي ايل ۾ شامل آهي. اي سي ايل ۾ شامل ماڻهن جي لسٽ وزيراعظم جي صلاحڪار افتخار گيلاني طرفان جاري ڪئي وئي آهي. علي ڪمال مجيد، انور ماجد خواجه ۽ احسن رضا دراني جو نالو به اي سي ايل ۾ شامل ڪيو ويو آهي. ٻئي طرف جعلي بئنڪ اڪائونٽس ۽ مني لانڊرنگ ڪيس 31 ڊسمبر تي ٻڌڻي لاءِ مقرر ڪيو ويو آهي. ڪيس جي ٻڌڻي لاءِ چيف جسٽس ثاقب نثار ۽ جسٽس اعجاز الحسن تي ٻڌل بئنچ جوڙي وئي آهي. جي آءِ ٽي سربراهه، ميمبرن، آصف زرداري، فريال ٽالپر ۽ ٻين جوابدارن کي نوٽيس جاري ڪيا ويا آهن. مني لانڊرنگ بابت جاچجندڙ جي آءِ ٽي جي رپورٽ تحت وفاقي سرڪار جن 72 اهم شخصيتن جي نالا اي سي ايل ۾ شامل ڪيا آهن. اُهي هيٺين ريت ترتيبوار ڏنا ويا آهن. عبدالغني انصاري، اومني گروپ جي عبدالغني مجيد، پنڪ ريزيڊنسي جي عبدالجبار، سنڌ واسي عبدالمومن ڏاهري، چاچڙ اينڊ سنسز جي عبدالقدوس چاچڙ، ابوبڪر، عديل شاهه راشدي، آفتاب حسين پٺاڻ، توانائي جي سيڪريٽري آغا واصف، احسن احسن، سمٽ بينڪ جي صدر احسن رضا دراني، سنڌ بينڪ جي صدر احسن طارق، ايڪسيئن سنڌ ڪول اٿارٽي علي اڪبر ابڙو، ايس اِي سي پي جي ايگزيڪيوٽو ڊائريڪٽر علي عظيم اڪرام، اومني گروپ جي علي ڪمال مجيد، ايم پي اي علي نواز مهر، عامر پٽ محمد الياس، ڪمرشل اينڊ ريٽيل جي سربراهه عامر صديقي، امجد آفتاب ۽ اومني گروپ جي سربراهه انور مجيد خواجا جا نالا اي سي ايل ۾ شامل ڪيا ويا. اشفاق احمد لغاري، ٿڌاڻي انٽرپرائيزز جي اشوڪ چتر ٿڌاڻي، اشرف ڊي بلوچ ڪنسٽرڪشن جي شهزاد جتوئي، اڳوڻي صدر ۽ ايم اين اي آصف علي زرداري، حوالا ڊيلر بشارت محمود، سنڌ بينڪ جي صدر بلال شيخ، پ پ چيئرمين ۽ ايم اين اي بلاول ڀٽو زرداري، دائود خان، دائود مورڪس، احسان علي چوڌري، احسن الاهي، سيد عامر شهزاد، فهد حسين، فهد سلطان احمد، فرمان علي، ايم پي اي فريال ٽالپر، غلام حسين، غلام مصطفيٰ ميمڻ، سيڪريٽري لينڊ يوٽلائيزيشن غلام مصطفيٰ ڦل، غلام قادر، غلام النبي، حافظ ربنواز اينڊ ڪمپني جي حافظ ربنواز، حاجي مريد اڪبر، حاجي سراج دين سومرو، حماد شاهد، حارس اينڊ ڪمپني جي حارس ۽ سي اي او ايس ٽي ڊي سي حسن رضا عباسي جا نالا اي سي ايل ۾ وڌا ويا. چيئرمين پي ڊي ايس آءِ ڊي حسن ميمڻ، سمٽ بينڪ جي سربراهه حسين لوائي، عمران حيدر، عمران خان پٽ ظهير خان، عمران منصور علي جيواڻي، سنڌ جي توانائي جي وزير امتياز شيخ، مدني ٽي وي جي اقبال احمد خان، عرفان سليمان، جگديش جڳديش، نياز محمد خان اينڊ برادرس جي جهانزيب خان، جسوت ڪمار، ڪامران علي، ڪنول ڪمار، ڊپٽي ڪمشنر ملير قاضي جان محمد، خالد حسين، خالد مسعود چنا، اومني گروپ جي چيف آفيسر خواجا ايم سلمان يونس، خدا بخش ڪرٽيو، خرم نياز، سي اي سو ايم اي ڪنسلسٽنٽ خورشيد جمالي، پنڪ ريزيڊنسي جي اسلم قريشي، ايم عمير، گئليڪسي ڪسنٽرڪشن جي ڊاڪٽر دنشا، مجين فاطمه، بحريه ٽائون جي سربراهه ملڪ رياض، ڊي جي ايس بي سي اَي منظور قادر ڪاڪا، مسعود نقوي، مسعود الحسن، نيشنل بينڪ جي هيڊ ڪارپوريٽيڊ مسعود ڪريم شيخ، مئراج، محمد منعاف، سنڌ بينڪ جي مينيجر ثروت عظيم، محمد افضل، محمد احسن، محمد اعجاز هارون، محمد اڪمل، ايم اي سي انجنيئرنگ محمد علي چنا جا نالا اي سي ايل جي فهرست ۾ شامل آهن. اومني گروپ جو محمد عارف خان، محمد اسد علي، نور محمد مغل جو پُٽ محمد اشرف مغل، محمد آصف، محمد فيصل پُٽ عبدالحبيب، محمد حنيف پُٽ شڪور، اومني جو ملازم محمد حسن بروهي، محمد عمران، محمد اقبال، ودود انجنيئرنگ جو محمد طيب اقبال، اوسز ڊرلنگ ڪارپوريشن جو محمد جهانگير يوسف، محمد جلال، محمد جاويد علوي، سنڌ بئنڪ جو مئنيجر محمد اختر احمد، محمد مشتاق پُٽ عبدالعزيز، محمد نعيم، سمٽ بئنڪ جو آپريشن مئنيجر محمد ناصر شيخ، محمد قدير، محمد رديف قريشي، محمد رفيق قريشي، محمد رشيد، محمد ساجد، محمد شبير، محمد شهزاد عالم، محمد سهيل، محمد طاهر محمود، محمد يوسف، وسيم بلڊرز جو محمد وسيم، محمد ياسين، پارڪ لين پرائيويٽ لميٽيڊ جو محمد يونس ڪدوائي، محمد يوسف، محمد يوسف عباسي پُٽ فجو خان عباسي، پنڪ ريزيڊنسي جو محمد يوسف ايڌي، ايم پي اي مڪيش چاولا، اومني گروپ مصطفيٰ ذوالقرنين ماجد، پيرامائونٽ بلڊرز جو نديم احمد خان، سنڌ بئنڪ جو گروپ هيڊ ڪريڊٽ نعيم الطاف ۽ نيشنل بئنڪ آف پاڪستان جو سربراهه نديم انور الياس جا نالا شامل ڪيا ويا آهن. نديم حاڪم الدين مانڊوي والا، رياض لالجي، نويد اقبال، اومني گروپ جي نازلي مجيد، اومني گروپ جو نمر مجيد خواجه، ايڊيشنل سيڪريٽري فنانس نثار احمد شيخ، اڳوڻو وڏو وزير قائم علي شاهه، رائو محمد خالد، صاحبزاده ذيشان رحمان، سيف الدين، ٽيڪنومين ڪائنيٽڪس پرائيويٽ لميٽڊ جو سيد آصف محمود، سجاول خان، ساجد حسين، ساجد عباسي، سلمان سلمان، سيڪريٽري لينڊ يوٽيلائيزيشن ثاقب سومرو، سردار احمد، سعد سُمير، شبير وزير خان، شاهد علي، شاهد علي پُٽ محمد سلطان، شهزاده ڪامران انصاري، شيخ فيض الرحمان پُٽ شيخ منصور الحق، سراج شاهد پُٽ محمد شاهد، ايم پي اي سهيل انور سيال، سيڪريٽري فنانس سهيل راجپوت، نيشنل بئنڪ جو صدر سيد علي رضا، ٽيڪنومين ڪائنيٽڪس پرائيويٽ لميٽيڊ سيد عارف علي، سيد اسد عباس زيدي پُٽ توقير حسين زيدي، سيد ڪاشف رضا پُٽ سيد علي نقي اعجاز، وڏو وزير مراد علي شاهه، سيد نصرت علي پُٽ سيد ثروت علي، علي حسن زرداري پُٽ مير خان زرداري، ايس ٽي ڊي سي ڊائريڪٽر سيد شاهنواز نادر، سيڪريٽري انڊسٽريز سيد ضمير حيدر، ٽيڪنومين ڪائنيٽڪس اومني جو سيد زيشان علي وارسي، طٰحه رضا پُٽ نقي رضا، ايس اي سي پي جو وقت چيئرمين طاهر محمود، ايم بي سي اينڊ سنز جو طارق عزيز چنا، طارق بيگ پُٽ مرزا رب بخش، اي ون انٽرنيشنل جو طارق سلطان، ووڊ انجنيئرنگ جو سي اي او عذير تحسين، سمٽ بئنڪ جو ظهير اسماعيل، ذيشان احمد پُٽ محمد اقبال ۽ ميمبر آر اينڊ ايس (بي او آر) ۽ ايگزيڪيوٽو ڊائريڪٽر ايس اي سي پي عابد حسين جا نالا شامل ڪيا ويا آهن.

 

ڳالهه نڪتي ته پري تائين ويندي، ڪو ڊيڄاري ۽ جهڪائي نٿو سگهي ٿو: آصف زرداري

گهوٽڪي (اين اين آءِ) اڳوڻي صدر آصف زرداري جي آءِ ٽي رپورٽ ۾ نالو اچڻ ۽ اي سي ايل ۾ نالا وجهڻ تي سخت رد عمل ڏيندي چيو آهي ته ڪنهن شيءِ کان ڊڄڻ جي ڪا به ڳالهه نه آهي جنهن قوم ۾ ٻڌي هجي ۽ ان پنهنجا حق سمجهي ورتا هجن ته ان قوم کي ڪير به جهڪائي نٿو سگهي، جيڪڏهن اسان 18 هين ترميم ۾ قدرتي وسيلن ۾ صوبن کي حق ڏنو آهي ته گهوٽڪي جو ڪهڙو ڏوهه آهي، جمعي تي جلسي کي خطاب ڪندي هن چيو ته اردو ۾ ان ڪري تقرير ڪريان ٿو جو اسلام آباد ۾ ٻوڙا گونگا ۽ انڌا ماڻهو رهن ٿا، هن چيو ته جيڪڏهن اسان 18 هين ترميم ۾ قدرتي وسيلن ۾ صوبن کي حق ڏنو آهي ته گھوٽڪي جو ڪهڙو ڏوهه، ان جو حق ان کي نٿو ملي، اها ڪا ننڍي ڳالهه نه آهي، جيڪڏهن اها ڳالهه نڪري ته گهڻو پري تائين ويندي، هن چيو ته منهنجون گيس فيلڊز يا ڪوئلي جون کاڻيون نه آهن، اسان انهن کي پبلڪ پرائيويٽ پارٽنرشپ ۾ غريب جي ملڪيت بڻائي ڇڏيو آهي ڇو ته پ پ جي فلاسافي آهي ته پهريون حق غريب ۽ مقامي ماڻهو جو آهي، هن چيو ته توهان جي چوڻ سان پاڪستان مضبوط نٿو ٿئي، ملڪ تڏهن مضبوط ٿئي ٿو جڏهن عوام خوش هجي، اسان ڪهڙو ڏوهه ڪيو، اسان جيڪي ڪم ڪيا اها ايندڙ تاريخ لکندي، پ پ جي صدر چيو ته توهان کي ان ڳالهه جي تڪليف آهي ته ايتري ڌانڌلي سنڌ ۾ نه ڪرائي سگهياسين جيتري ڪنهن ٻئي هنڌ ڪرائي ته ڪوشش ڪري ڏسو ته اسان ان جو به مقابلو ڪنداسين، اسان اليڪشن کٽي به اپوزيشن ۾ ويهي ڏٺو آهي، اسان ماڻهن جي خدمت ڪرڻ اچون ٿا، پنهنجي خدمت ڪرڻ نٿا اچون، جلسي کي خطاب ڪندي مراد علي شاهه وفاقي حڪومت تي الزام مڙهيو ته سنڌ جا وسيلا کسڻ جي ڪوشش ڪئي پئي وڃي، هن چيو ته اهڙن حرڪتن کان گهٻرائڻ وارا نه آهيون، اسان جي قيادت کي ته اليڪشن ئي نه وڙهڻ ڏني وئي، اسان سمجهندا هئاسين ته نواز شريف کي سنڌ پسند نه هئي، عمران خان به ان کان وڌيڪ سنڌ پسند نه پئي اچي، جيڪي ماڻهو چوندا هئا ته سنڌ تي قبضو ڪنداسين اهي سنڌ مان ڀڃي ويا، مراد علي شاهه چيو ته پ  پ قيادت متحد ۽ مضبوط آهي، سنڌ حڪومت پنهنجو حق وفاقي حڪومت کان وٺي ڏيکاريندي، هن چيو ته سنڌ حڪومت ٿر ۾ ڪوئلي مان توانائي پيدا ڪرڻ جو پلانٽ بڻايو ته اتان جي ماڻهن کي ان جو مالڪ بڻايو، ڪول مائينگ سائيٽ لاءِ جيڪي ڳوٺ لڏايا ويا انهن کي پهريا 11 سئو اسڪوائر فوٽ تي گهر ٺاهي ڏنا ويا، عوام کي روزگار ڏنو، سنڌ حڪومت ايس ايس جي سي کي ڳوٺن ۽ ٻهراڙي ۾ گيس جي فراهمي لاءِ قرض ڏئي ٿي، ايس ايس جي سي جو چوڻ آهي ته قرض واپس نٿو ڪري سگهجي، گرانٽ ۾ تبديل ڪري ڇڏيو، هن چيو ته اسان ماڻهن لاءِ ائين ڪرڻ لاءِ تيار آهيون پر سنڌ جي معدنيات تي آئيني طور تي سنڌ جو حق آهي اهو ضرور وٺنداسين، هن چيو ته هي ماڻهو سنڌ ۾ پ پ کي هارائڻ چاهين پيا پر سنڌ جي عوام ائين ٿيڻ نه ڏنو، هن ٻڌايو ته سنڌ جي عوام کي ڀرپور نموني اليڪشن ۾ حصو وٺڻ نه ڏنو ويو، وڏي وزير مراد علي شاهه اها اميد ڏيکاري ته اڳ کان وڌيڪ عوام جي خدمت ڪنداسين.

 

پي ٽي آءِ وڏي وزير کان استعيفيٰ جو مطالبو ڪري ڇڏيو

ڪراچي (اين اين آءِ) جعلي اڪائونٽس جي ذريعي ميگا مني لانڊرنگ ڪيس جي جي آءِ ٽي ۾ سنڌ جي وڏي وزير مرادعلي شاهه جو نالو اچڻ کان پوءِ پاڪستان تحريڪ انصاف سنڌ جي وڏي وزير کان استعيفا جو مطالبو ڪندي چيو آهي ته پيپلزپارٽي صوبي ۾ بددترين ڪرپشن ڪندي رهي آهي سڀ کان پهريان سنڌ جو وڏو وزير استعيفا ڏي وڏي وزير کان استعيفا جو مطالبو رڳو اي سي ايل ۾ نالو اچڻ تي ناهي ڪيو پر سنڌ جو وڏو وزير ڪيترن ئي معاملن جي پويان آهي هر کاتي ۾ اربين نه پر کربين رپين جي ڪرپشن ٿي آهي اسان پنجن سالن جو انتظار نٿا ڪري سگهون هر فورم تي ان جي خلاف آواز اٿارينداسين. جمعي تي پاڪستان تحريڪ انصاف ڪراچي ڊويزن جي صدر ۽ سنڌ اسيمبلي ميمبر خرم شيرزمان سنڌ اسيمبلي ٻاهران ميڊيا سان ڳالهائيندي چيو ته مرادعلي شاهه جو نالو ايڪگزٽ ڪنٽرول لسٽ ۾ شامل ڪيو ويو آهي سندس نالو جعلي بئنڪ اڪائونٽس ڪيس ۾ به آهي مرادعلي شاهه وڏي وزير طور سهولتڪاري ڪئي آهي هن چيو ته تحريڪ انصاف سنڌ ۾ هڪومت بڻائي رهي آهي پيپلزپارٽي جي پنجن سالن جو انتظار نه ڪنداسين اسان حڪومت ٺاهينداسين هن چيو ته سنڌ حڪوپمت اربين رپين جي ڪرپشن ڪئي جي آءِ ٽي رپورٽ کان پوءِ سنڌ حڪومت وٽ جواز نه آهي سنڌ حڪومت خاموش رهي ان جو ڪم رڳو ڪرپشن هو ثابت ٿي چڪو آهي ته سندس دور ۾ هي سڀ ڪجهه ٿيو آهي خرم شيرزمان چيو ته تحريڪ انصاف هڪ سال اڳ تحريڪ التوا جمع ڪرائي هئي تحريڪ انصاف سنڌ ۾ حڪومت ٺاهي رهي آهي جي آءِ ٽي ۾ جن جا نالا آيا ان جي خلاف اليڪشن ڪميشن وينداسين حليم عادل شيخ چيو ته عليمه خان اڄ تائين ڪنهن سرڪاري عهدي تي نه رهي آهي تحريڪ انصاف جي ڪنهن عهديدار ڪرپشن ۾“ هجي ته ان کي بين نقاب ڪنداسين فريال ٽالپر جي نالي تي زمينون به آهن هن چيو ته سنڌ ۾ 10 سالن کان غريب عوام تي تير وسايا ويا آصف زرداري بلاول ڀٽو ۽ فريال ٽالپر آڏو اچي چڪا آهن جن جا نالا اي سي ايل ۾ آهن انهن جا اڪائونٽ سيل ٿيڻ گهرجن وائيٽ ڪالر چور وڏي وزير کان استعيفا وٺنداسين حليم عادل شيخ چيو ته مرادعلي شآهه کي استعيفا ڏيڻي پوندي مرادعلي شاهه جيترو رحم ڪيو اومني گروپ تي ڪيو سنڌ بئنڪ مان اربين رپين جو قرض ورتو جيڪو مرادعلي شاهه وٽ آهي ساڍا ست ارب جي هارين کي ڏني ويندڙ سبسڊي به اومني گروپ ۾ اچي ويئي گذريل 10 سالن جو فارنزڪ  آرڊٽ ٿيڻ گهرجي ان کان وڌيڪ ڪرپشن نڪرندي هنن سڀني جا بئنڪ اڪائونٽ سيل ٿيڻ گهرجن اثاثا منجمند ٿيڻ گهرجن هن چيو ته پيپلزپارٽي جي خلاف موجود ڪيس ۽ جي آءِ ٽي تحريڪ انصاف ناهي بڻائي ادارا پنهنجي ڪمن ۾ آزاد آهن.

 

پاڻي ۽ صحت جي معاملن ۾ دير برداشت نه ڪنداسين: سپريم ڪورٽ

لاهور ( ويب ڊيسڪ ) سپريم ڪورٽ نئين گاج ڊيم جي اڏاوت بابت وفاقي سرڪار کان ٽائيم شيڊول طلب ڪندي چيو آهي ته صحت جي معاملي ۾ دير برداشت نه ڪئي ويندي. سپريم ڪورٽ لاهور رجسٽري ۾ نئين گاج جي اڏاوت بابت ڪيس جي ٻڌڻي ڪئي وئي جنهن دوران وفاقي وزير خسرو بختيار ۽ فيصل واوڊا پيش ٿيا. چيف جسٽس وفاقي سرڪار کان نئين گاج ڊيم جي اڏاوت بابت ٽائيم شيڊول طلب ڪندي چيو ته توهان سڀني کي افتتاح ڪرڻ جي ضرورت هوندي آهي، اسان کي ڊيم جي اڏاوت بابت ڊيم فريم ڏيو.  پلاننگ ۽ ڊولپمينٽ واري وفاقي وزير خسرو بختيار عدالت کي ٻڌايو ته حڪومت آبي وسيلن کي خاص اهميت ڏئي رهي آهي، ڀاشا ۽ مهمند ڊيم به اسان جي اوليتن ۾ شامل آهن، جڏهن ته نئين گاج ڊيم لاءِ ناڻي ۽ پاڻي واري وزارت رابطو ڪري رهيون آهن.  چيف جسٽس ثاقب نثار رمارڪس ڏيندي چيو ته پاڻي ۽ صحت جي معاملن ۾ دير برداشت نه ڪئي ويندي، جيڪڏهن عدالت مداخلت نه ڪري ته معاملا رولڙي جو شڪار ٿي ويندا آهن، بيورو ڪريسي جي معاملن سبب معاملا التوا جو شڪار نه ٿين تنهن ڪري سمورا اسٽيڪ هولڊر گڏجي هلن. هن چيو ته پنجاب ۾ گهڻن معاملن جي سمري پنجاب جي وڏي وزير وٽ پئي هوندي آهي،  وٽس ڪيتريون ئي اهڙيون سمريون آهن جيڪي 2 ڪلاڪ به نه رڪجڻ گهرجن.

 

 

مني لانڊرنگ خلاف ملڪي تاريخ جي سڀ کان وڏي آپريشن جو اعلان، غربت جو خاتمو حڪومت جي پهرين ترجيح آهي: عمران خان

اسلام آباد(ويب ڊيسڪ) وزير اعظم عمران خان مني لانڊرنگ جي خلاف ملڪي تاريخ جي سڀ کان وڏي آپريشن جو اعلان ڪري ڇڏيو. وزير اعظم آفيس ۾ صحافين سان ڳالهائيندي وزير اعظم عمران خان چيو ته سڀ کان وڏا مسئلا مني لانڊرنگ جي ڪري آهن، اسٽيٽ ڊيپارٽمنيٽ موجب پاڪستان مان ساليانو 10 ارب ڊالر جي مني لانڊرنگ ٿي رهي آهي اسان مني لانڊرنگ جي خلاف ملڪي تاريخ جو سڀ کان وڏو آپيرشن ڪرڻ پيا وڃون. وزير اعظم پيپلز پارٽي جي جلسي ڏانهن اشارو ڏيندي چيو ته سنڌ مان رڙيون پيون اچن، اِهي رڙيون مني لانڊرنگ جون آهن. عمران خان جو چوڻ هو ته اسان چار مهينا  وڏي ڏکيائي سان گذاريا آهن، بجلي گيس ۽ پي آءِ اي سميت هي جاءِ تي خسارو ئي خسارو هو، هاڻ به پاڪستان چيلنجن کي منهن پيو ڏئي پر بحران صورتحال ناهي، آئون جيترو اڄ مطمئن آهيان پهرين نه هيس. هن وڌيڪ چيو ته سمورين مسئلن جو سبب بدانتظامي آهي، ان کي درست ڪيو ته مسئلا حل ٿي ويندا، ماضي ۾ اسٽرڪچرل سڌارن تي ڪنن عمل ناهي ڪيو. وزير اعظم آءِ ايم ايف  کان مالي امداد بابت ڳالهائيندي چيو ته آءِ ايم ايف وٽ وڃڻ جي ڪا به جلدي ناهي، آءِ ايم ايف پاڪستان کي بهتر شرطن تي قرض ڏيندي، آءِ ايم ايف آمدن وڌائڻ ۽ خرم گهٽ ڪرڻ تي زور ڏئي رهي آهي. عمران خان جو چوڻ هو ته اسان جا آمريڪا سميت سڄي دنيا سان لاڳاپا بهتر ٿي رهيا آهن، ڀارت سان لاڳاپن ۾ به بهتري اچي رهي آهي، ان ۾ رڳو رنڊڪ اِها آهي ته ڀارت ۾ اليڪشن ٿي رهي آهي. وزير اعظم ٻڌايو ته پاڪستان 12 ڪروڙ نوجوانن جي آبادي تي ٻڌل آهي، اسان غربت جي خاتمي لاءِ ملڪي تاريخ جو سڀ کان وڏو پروگرام آڻي رهيا آهيون، جلد ان حوالي سان گڏيل پروگرام جو اعلان ڪندس. ٻئي پاسي اسلام آباد ۾ سفيرن جي ڪانفرنس کي خطاب ڪندي وزير اعظم عمران خان چيو ته جتي اڄ پاڪستان آهي، آئون سمجهان ٿو ته هي اسان جي وڏو موقعو آهي، ان مان هڪ شئي واضح ٿي ويندي ته پاڪستان ائين اڳتي نٿو وڌي سگهي، ان مان نڪرڻ جي لاءِ اسان کي مائنڊ سيٽ تبديل ڪرڻو پوندو. فراڊ قسم جي مائنڊ سيٽ سان اسان کي گهڻو نقصان رسايو ويو. هن چيو ته ملڪ هڪ گهر جيان هوندو آهي ۽ گهر قرض تي ناهي هلندو، وڏا وڏا پيسي وارا ماڻهو قرض وٺي تباهه ٿي ويا، ملڪ جي آمدني وڌائڻ بدران شارٽ ڪٽ وٺندا رهيا، قرض وٺندا رهيا، اسان اُهي فيصلا شاٽ ٽرم ۾ ته فائدو مليو پر ان کان پوءِ معاشري تي اثر پيا. عمران خان جو چوڻ هو ته اسان هڪ قوم نٿا بڻجي سگهون، اسان مختصر مدي جي مفاد لاءِ غلط فيصلا ڪيا، ٻاهرين قرضن سان اشرافيه فائدو ورتو هن ملڪ جي ايليٽ پنهنجي پاڻ کي لبرل بڻائي ڇڏيو ۽ ورڇ پيدا ڪري ڇڏي، اسانن جي ايليٽ دنيا ۾ پاڻ پنهنجي ساک خراب ڪئي، هن ملڪ جي اميج خراب ڪرڻ اسان جو پنهنجو وڏو هٿ آهي. وزير اعظم وڌيڪ چيو ته اسان کي پنهنجي سفيرن جي ضرورت آهي، انهن کان اُهو ڪم ورتو وڃي جيڪو اڄ تائين ناهي ورتو ويو، پرڏيهي کاتي، سفيرن ۽ گهرو وزارت کي ڪو آرڊينيشن ضروري آهي. هن چيو ته اسان کي ٻين تي دارومدار واري پاليسي ترڪ ڪرڻي پوندي، پرڏيهي سيڙپڪاري لاءِ اسان کي رنڊڪون ختم ڪرڻيون پونديون، اسان کي ٽيم ورڪ گهرجي جيڪو اڄ تائين ناهي رهيو. هوڏانهن وزيراعظم عمران خان چيو آهي ته غربت جو خاتمو ۽ ڪمزور طبقي کي سهارو ڏيڻ حڪومت جي پهرين ترجيح آهي. وزيراعظم عمران خان بينظير انڪم سپورٽ پروگرام جي چيئرپرسن ڊاڪٽر ثانيه نشتر ملاقات ڪئي. ملاقات ۾ ڊاڪٽر ثانيا بينظير انڪم سپورٽ پروگرام بابت مختلف معاملن تي وزيراعظم کي بريفنگ ڏني. وزيراعظم عمران خان چيو ته غربت جو خاتمو ۽ ڪمزور طبقي کي سهارو ڏيڻ حڪومت جي پهرين ترجيح آهي. هن چيو ته رياست احساس جو نالو آهي، جيڪا معاشري جي ڪمزور طبقي کي مٿي کڻڻ ۾ ڪردار ادا ڪندي آهي. سندس چوڻ هو ته  اهڙا پروگرام جوڙي رهيا آهيون جيڪي  ماڻهن کي غربت جي چنبي مان ڪڍن، غربت جي خاتمي، بيروزگاري ماڻهن کي هنر جي فراهمي جي پروگرام کي جلد اخري شڪل ڏني وڃي جڏهن ته وزيراعظم ڊاڪٽر ثانيا نشتر کي هدايت ڪئي ته غربت جي لڪير کان هيٺ رهندڙ خاندانن جي خوراڪ جون ضرورتون پوريون ڪرڻ جو پروگرام جوڙيو وڃي.

 

 

 

اي سي ايل ۽ نوٽيس کان ناهيون ڊڄندا، اسان سرڏيڻ وارا آهيون، ڀڄڻ وارا ناهيون، بزدل خان ڀڄي ويندو: بلاول ڀٽو زرداري

لاڙڪاڻو(ويب ڊيسڪ) پاڪستان پيپلز پارٽي جي چيئرمين بلاول ڀٽو زرداري چيو آهي ته اسان اي سي ايل ۽ نوٽيس کان ناهيون ڊڄندا، اسان سرڏيڻ وارا آهيون، ڀڄڻ وارا ناهيون، بزدل خان ڀڄي ويندو، ڪٺ پتلي حڪومت وارا ڀڄي ويندا. لاڙڪاڻي ۾ ميڊيا سان ڳالهائيندي بلاول ڀٽو زرداري چيو ته اين آر او عليم خان، عليمه خان ۽ ٻين جي لاءِ آهي، مخالف ڌر وارن جي لاءِ ڪو به اين آر او ناهي ۽ مخالف ڌر اين آر او چاهي به نٿي، جيڪڏهن احتساب ڪرڻو آهي ته سڀني جو ڪيو، ڪير به مقدس ڳئون ناهي. هن چيو ته هن وقت وفاق ڪمزور ٿيندي پئي وڃي ۽ سڄي پاڪستان ۾ چئني پاسن کان ماڻهو ناراض هن، ملڪ جون حالتون خراب آهن، مهانگائي جي ٻوڏ ملڪ کي ٻوڙي ڇڏيو آهي. هن وڌيڪ چيو ته مراد علي شاهه تي منهنجو 100 سيڪڙو اعتماد آهي، پيپلز پارٽي ڪو به فارورڊ بلاڪ ناهي بڻجي رهيو البت ماڻهن جي دماغ ۾ بڻجي رهيو آهي.

 

 

عمران خان کي زال ياد ڏياريندي آهي ته هو وزيراعظم آهي، مڙهڻو هو ته حڪومت ڪرڻ سيکاريو وڃي ها: مراد علي شاهه

گهوٽڪي ( ويب ڊيسڪ ) سنڌ جي وڏي وزير مراد علي شاهه چيو آهي ته جيڪڏهن عمران خان کي مڙهڻو هو ته حڪومت ڪرڻ سيکاري وڃي ها. گهوٽڪي ۾ جلسي کي خطاب ڪندي وڏي وزير مراد علي شاهه چيو ته  جڏهن حڪومت نه هلائي سگهن ته اهو ئي ڪندا آهن جيڪو ڪري رهيا آهن، هي 100 ڏينهن يا جيترا ڏينهن به رهن هنن کان ڪجهه نه ٿيندو. هن چيو ته سنڌ جي ماڻهن سان دشمني ڪئي پئي وڃي، رڳو پ پ ئي اچي ماڻهن جي خدمت ڪندي.  سندس چوڻ هو ته وفاقي سرڪار ٻن کان ٽن مهينن ۾ پنهنجو ڪم ظاهر ڪري ڇڏيو آهي، عمران خان کي مڙهڻو هو ته ڪم ڪرڻ سيکاري وڃي ها. وڏي وزير مراد علي شاهه چيو ته عمران خان کي زال ياد ڏياريندي آهي ته هو وزيراعظم آهي، مرشدياڻيءَ کي چئو کيس ٻڌائي ته حڪومت ڪئين ڪئي ويندي آهي.

 

 

مارچ کان اڳ سمورا گندا آنا گڏ ٿي ويندا، ڪرپٽ ماڻهن کي سزائن تائين ملڪ ۾ استحڪام نه ايندو: شيخ رشيد

اسلام آباد ( ويب ڊيسڪ ) ريلوي واري وزير شيخ رشيد چيو آهي ته سنڌ جي وڏي وزير مراد علي شاهه کي هاڻي استعيفيٰ ڏيڻ گهرجي، ڪرپٽ ماڻهن جي احتساب تائين ملڪ ۾ استحڪام نه ايندو. اسلام آباد ۾ پريس ڪانفرنس ڪندي شيخ رشيد چيو ته مارچ کان اڳ سمورا گندا آنا گڏ ٿي ويندا، 30 مارچ تائين ٻهارو ڦري ويندو. هن چيو ته آصف زرداري پٽ بلاول کي استعمال ڪري رهيو آهي، افسوس آهي ته بلاول به پنهنجي والد جي سياست پويان لڪي رهيو آهي. سندس چوڻ هو ته  آصف زرداري جو ٻيو گهر جيل آهي،  آصف زرداري جيل وڃي سمورن ڏوهارين سان واسطا قائم ڪيا،  شهباز شريف جي معاملي تي وزيراعظم سان ڳالهائيندس. شيخ رشيد چيو ته چيف جسٽس ريلوي تي ٿورو ڪيو آهي، هن ڪيترائي سال پراڻن ڪيسن جي فيصلي جو حڪم ڏئي ڇڏيو آهي،ريلوي 28 سالن بعد اڄ ٻيهر زنده ٿي آهي، جڏهن ته رائل پام بابت فيصلو 4 جنوري تي اسلام آباد ۾ ٿيندو.

 

 

مخالف ڌر ۽ حڪومت جو انگ برابر آهي، مخالف ڌر 6 مهينن کانپوءِ حڪومت ڪيرائي سگهي ٿي: راڻا ثناءَ الله

اسلام آباد (اين اين آءِ) پاڪستان مسلم ليگ (ن) جي اڳواڻ رانا ثناءُالله چيو آهي ته حڪومت کي ڇهن مهينن کان پوءِ جي صورتحال جي ڄاڻ نه آهي ۽ اپوزيشن حڪومت کي ڪيرائي سگهي ٿي اپوزيشن ۽ حڪومت ميمبرن جو انگ اٽڪل برابر آهي ۽ پوري اپوزيشن متفق آهي ته هي سليڪٽڊ وزيراعظم  آهي هن جو مينڊيٽ جعلي آهي هڪ انٽرويو ۾ رانا ثناءُالله چيو ته حڪومتي اتحادي جماعتن ۾ ڪابه شئي هڪ جهڙي نه آهي ڪائي مقناطيسي طاقت آهي جيڪا کيس ڳنڍيو پئي اچي جڏهن ته اپوزيشن کي ڀت سان لڳائڻ لاءِ وڏي پئماني تي ڌانڌلي ڪئي ويئي مسلم ليگ جي اڳواڻ چيو تهج مخالف ڌر جو ڪم نظام کي اڳيان وڌائڻ آهي سمورين زيادتين ۽ ڌانڌلين جي باوجود اسان سسٽم جو حصو بڻياسين ۽ گذريل چئن مهينن ۾ اپوزيشن کي گاريون ڏيڻ کان سواءِ ٻيو ڪم ڪوبه ناهي ڪيو ويو رانا ثناءُ الله شيخ رشيد ۽ فواد چوڌري تي تنقيد ڪندي چيو ته انهن جو رويو ايئن ئي رهيو ته اسان سان تعاون جي اميد نه رکن.

 

سانگهڙ لڳ زير تعمير گهر جي ڇت جو ڀيم ڪري پيو، هڪ عورت سميت 2 معصوم ٻارڙين سميت فوت، هڪ ٻارڙو زخمي

سانگھڙ (ڊ.ر) سانگهڙ ويجهو ڳوٺ گهنڊڻ ۾ ڇت جي ڀيم ڪِرڻ جي ڪري ٽي ڄڻا موت جو شڪار جنهن ۾  هڪ عورت 2 ٻارڙيون فوت جڏهن ته هڪ ٻارڙو شديد زخمي،  تفصيل موجب؛ سانگهڙ ويجهو گهنڊڻ ۾ اڄ صبح سويري پير بخش چانگ جي گهر هن وقت قيامت صغره جو ماحول پيدا ٿي ويو جڏهن نئون تعمير ٿيندڙ ورانڊي جي ڀيم سندس ٻن ڌيئرن 9 سالا گلستان، 5 سالا گلشن ۽ سندس ڀاڄائي 25 سالا پوپري ۽ سندس پٽ 9 سالا گلزار تي مٿيان اچي ڪِريو جنهن جي دٻجڻ سان موقعي تي ئي گلستان، گلشن ۽ پوپري موقعي تي فوت ٿي ويا جڏهن ته گلزار کي انتهائي ڳڻتي جوڳي حالت ۾ نوابشاهه روانا ڪيو ويو آهي. پير بخش چانگ پنهنجي ورانڊي جي ڇِت جي ڀيم ڀرائڻ لاءِ ٺيڪو جهول جي هڪ مقامي ٺيڪيدار کي ڏنو هو جنهن 5 ڏينهن اڳ گهر جي ڀيم مڪمل ڪري سپورٽون ڪڍيون هيون ۽ اڄ اچانڪ اهو پيلر ڪِرڻ سان سندس گهر جا ڀاتي فوت ٿي ويا. ان موقعي تي چانگ برادري چڱي مڙس علي خان چانگ جو چوڻ هو ته حادثو قدرتي آهي اسان ڪنهن به قسم جي پوليس ڪاروائي نه ڪنداسين. مرحومين جي نمازي جنازه جمع نماز کانپوءِ هاءِ اسڪول گهنڊڻ ۾ ادا ڪئيوئي جنهن ۾ سياسي توڙي سماجي نمائندن شرڪت ڪئي جن کي اباڻي قبرستان ۾ مٽي ماء حوالي ڪيو ويو هن وقت گهر ۾ ڪهرام مچل آهي.