تازيون خبرون
آخري دم تائين وڙهنداسين، مودي ياد رک سر جو جواب پٿر سان ڏينداسين: عمران خان - “آرٽيڪل 149” جو پڙاڏو: پ پ جو وفاقي سرڪار کان استعيفيٰ ۽ نئين سر چونڊن جو مطالبو - سنڌو ديش ڳالهه مناسب ناهي، صوبائي خودمختياري تي يقين رکون ٿا: شاهه محمود - آفيسر شاهي هلڻ نه ڏبي، عهدن تي ويٺل ماڻهن جي اڪثيريت عوام جي خدمت نٿي ڪري: سپريم ڪورٽ - اسان کي هر محاذ تي سفارتي ڪاميابي ۽ ڀارت کي شڪست ٿي رهي آهي: فردوس عاشق اعواڻ - مهاجرن جو قرض اسان کي نه وسارڻ گهرجي (اسد عمر) سڀ کان پهرين بنگال ۽ سنڌ ٺهراءُ پاس ڪيا: خورشيد شاهه - ڪشمير جو مسئلو حل ڪرڻ کان سواءِ ڳالهيون نٿيون ٿي سگهن، ٽيبل هيٺان ڪشميرين جو سمجهوتو ناهي ٿيڻ وارو: شيخ رشيد - بلاول ڀٽو زرداري جي بيان مان ملڪ دشمني ڪڍي ڏيکاريو: پيپلز پارٽي جو حڪومتي ميمبرن کي چئلينج - ڪراچي ۾ ٻوريون وجهي سيوريج لائيون ۽ گٽر بند ڪندڙن جي ڳولا جي ذميواري رينجرز حوالي - آزاد ڪشمير تي قبضي لاءِ مڪمل تيار آهيون، آخري فيصلو حڪومت ڪندي: ڀارتي آرمي چيف پاران ڌمڪي

Monthly Archives: September 2018

ڪلثوم نواز لاڏاڻو ڪري وئي، سندس ور نواز شريف، نياڻي مريم نواز ۽ ناٺي صفدر کي پيرول تي آزادي ڏني ويندي

اسلام آباد /لاهور( ويب ڊيسڪ ) اڳوڻي وزيراعظم نواز شريف جي گهر واري بيگم ڪلثوم نواز شريف لنڊن ۾ لاڏاڻو ڪري وئي. بيگم ڪلثوم نواز ڪيتري ئي عرصي کان لنڊن جي هارلي اسٽريٽ ڪلينڪ ۾ علاج هيٺ رهي پر سندس صحت ۾ سڌارو نه اچي سگهيو.  بيگم ڪلثوم نواز شريف جي ڦڦڙن جو مسئلو سنگين ٿيڻ کانپوءِ کيس هڪ دفعو ٻيهر وينٽي ليٽر تي منتقل ڪيو ويو پر سندس ساهه جو سڳو ٽٽي پيو. نواز شريف جي پٽ حسن نواز پنهنجي امڙ جي لاڏاڻي جي تصديق ڪري ڇڏي آهي. حسن نواز ميڊيا سان ڳالهائيندي چيو ته سندن امڙ بيگم ڪلثوم نواز لاڏاڻو ڪري وئي آهي. بيگم ڪلثوم نواز جو مڙس نواز شريف، نياڻي مريم نواز ۽ نياڻو ڪئپٽن رٽائرڊ صفدر اڊيالا جيل ۾ قيد آهن. ڪيترائي ڀيرا درخواستن باوجود نواز شريف، مريم نواز ۽ ڪئپٽن صفدر کي پرڏيهه وڃڻ جي اجازت نه ملي سگهي.اڳوڻي وزيراعظم نواز شريف، مريم نواز ۽ ڪيپٽن(ر) محمد صفدر کي بيگم ڪلثوم نواز جي تدفين لاءِ پيرول تي آزاد ڪيو ويندو. ذريعن وٽان مليل ڄاڻ موجب گهرو کاتي اڊيالا جيل ۾ قيد اڳوڻي وزيراعظم نواز شريف، سندس نياڻي مريم نواز ۽ ناٺي ڪيپٽن (ر) صفدر کي بيگم ڪلثوم جي جنازي نماز کان تدفين تائين آزاد ڪيو ويندو. گهرو کاتي جي ذريعن جو چوڻ آهي ته پيرول تي ضمانت لاءِ درخواست ملڻ ضروري آهي. ڪينسر جي بيماري مبتلا اڳوڻي وزيراعظم نواز شريف جي گهرواري بيگم ڪلثوم نواز گذريل ڪيترن کي مهينن کان لنڊن جي اسپتال ۾ علاج هيٺ هئي جيڪا اڄ لاڏاڻو ڪري وئي آهي.

 

ڪلثوم نواز جو لاڏاڻو: صدر، وزيراعظم، آرمي چيف ۽ ٻين طرفان گهري ڏُک جو اظهار

اسلام آباد (ويب ڊيسڪ) صدر، وزيراعظم، آرمي چيف، چيف جسٽس ۽ مختلف پارٽين جي سياسي اڳواڻن بيگم ڪلثوم نواز جي لاڏاڻي تي گهري ڏُک جو اظهار ڪيو آهي. صدر ڊاڪٽر عارف علوي پنهنجي آفيشل ٽوئيٽر اڪائونٽ تان جاري ڪيل بيان ۾ نواز شريف جي گهرواري جي لاڏاڻي تي افسوس جو اظهار ڪيو. وزيراعظم عمران خان ڏُک جو اظهار ڪندي چيو ته بيگم ڪلثوم نواز بهادر عورت هئي، حڪومت شريف خاندان کي قانون موجب سهولتون فراهم ڪندي. چيف جسٽس ميان ثاقب نثار طرفان به تعزيتي بيان جاري ڪيو ويو هو، جنهن ۾ هن بيگم ڪلثوم نواز جي لاڏاڻي تي گهري ڏُک جو اظهار ڪندي سندس مغفرت لاءِ دعا ڪئي. آرمي چيف جنرل قمر جاويد باجوا افسوس جو اظهار ڪندي چيو ته الله پاڪ بيگم ڪلثوم نواز کي جنت ۾ جاءِ عطا فرمائي. پرڏيهي وزير شاهه محمود قريشي جو چوڻ هو ته لنڊن ۾ پاڪستاني هاءِ ڪميشن کي مرحوما جي خاندان کي سموريون سهولتون فراهم ڪرڻ جي هدايت ڪئي آهي. پ پ چيئرمين بلاول ڀٽو زرداري چيو ته بيگم ڪلثوم نواز هڪ بهادر عورت هئي، جنهن جمهوريت لاءِ جدوجهد ڪئي. سنڌ جي اڳوڻي گورنر محمد زبير چيو ته ڪلثوم نواز هڪ اعليٰ شخصيت جي مالڪ هئي، منهنجو دعائون نواز شريف ۽ سندس گهرڀاتين سان گڏ آهن. جي يو آءِ (ف) جي سربراهه مولانا فضل الرحمان افسوس جو اظهار ڪندي چيو ته ڪلثوم نواز بهادر عورت هئي، جنهن جي لاڏاڻي تي ڏاڍو ڏُک پهتو. ايم ڪيو ايم پاڪستان جي ڪنوينر ۽ وفاقي وزير خالد مقبول صديقي دعا ڪئي ته الله پاڪ مرحوما جي مغفرت فرمائي ۽ کيس جنت ۾ جاءِ عطا فرمائي. ان سان گڏوگڏ ايم ڪيو ايم پاڪستان جي ڪاوڙيل اڳواڻ علي رضا عابدي، عوامي نيشنل پارٽي جي اڳواڻ زاهد خان، پاڪ سرزمين پارٽي جي سربراهه مصطفيٰ ڪمال، نيشنل پارٽي جي اڳواڻ حاصل بزنجي ۽ ٻين به بيگم ڪلثوم نواز جي لاڏاڻي تي گهري ڏُک جو اظهار ۽ سندس مغفرت لاءِ دعا ڪئي.27