تازيون خبرون

Monthly Archives: July 2018

انتقامي ڪارروائي نه ڪرڻ جو اعلان، عوام جي ٽيڪس جي پيسن جي حفاظت ڪندس: عمران خان

اسلام آباد (اين اين آءِ) پاڪستان تحريڪ انصاف جي چيئرمين عمران خان چيو آهي ته 22 سالن جي جدوجهد کانپوءِ الله مون کي پنهنجا خواب پورا ڪرڻ جو موقعو ڏنو آهي،ا سان جي حڪومت احتساب مونکان شروع ٿيندو، ان کانپوءِ منهنجي وزيرن جي احتساب ٿيندو، قانون جي بالادستي قائم ڪنداسين، ڪنهن کي سياسي انتقام جو نشانو نه بڻائينداسين، سموريون پاليسيون غريب طبقي لاءِ جوڙينداسين، ملڪ کي ائين هلائينداسين جو اڳ ڪڏهن ڪنهن نه هلايو هوندو، ثابت ڪري ڏيکاريندس ته اسان گورننس بهتر ڪري سگهون ٿا، سادگي قائم، خرچ گهٽائينداسين ۽ پيسو انسانن جي فلاح تي خرچ ڪنداسين، ٽيڪس ڪلچر ٺيڪ، اينٽي ڪرپشن، ايف بي آر ۽ نيب کي مضبوط ڪنداسين، پيداوار وڌائڻ لاءِ هارين جي مدد ڪنداسين، سمورون پيسو انساني ترقي تي خرچ ڪنداسين، عوام سان واعدو ڪريان ٿو ته سندن ٽيڪس جي پيسي جي حفاظت ڪندس، وزيراعظم هائوس هڪ وڏو محل آهي ان ۾ رهڻ منهنجا لاءِ شرم جي ڳالهه هوندي، ٿيندڙ چونڊون تاريخي هيون، ماڻهن قربانيون ڏنيون سيڪيورٽي اهلڪارن پنهنجون جانيون ڏنيون، عوام جي ٽيڪس جي پيسن تي عياشيون ڪرڻ جي روايت تبديل ڪندس، اسان کي پاڻ انهن مسئلن مان نڪرڻو پوندو، ڪير ٻاهران اچي اسان کي نه ڪڍندو، پرڏيهي پاليسين تي ڌيان ڏينداسين، چين ۽ ايران سان لاڳاپا وڌيڪ بهتر ڪنداسين، افغانستان سان اهڙا لاڳاپا چاهيون ٿو جو سرحدون کليل هجن، پاڪ آمريڪا لاڳاپن سان ٻنهي ملڪن کي فائدو ٿئي، وچ اوڀر ۾ ويڙهاند ختم ڪرڻ ۾ ٽياڪڙ جو ڪردار ادا ڪرڻ جي ڪوشش ڪنداسين، ڀارت ۽ پاڪستان جا لاڳاپا بهتر ٿيڻ گهرجن، ٻنهي ملڪن ۾ واپار وڌڻ گهرجي ان سان ٻنهي ملڪن کي فائدو ٿيندو، ڪشميرين پنهنجي آزادي لاءِ وڌ ۾ وڌ جانيون قربانيون ڏنيون آهن، ڪوشش هئڻ گهرجي ته ڪشمير جو مسئلو ميز تي ويهي هلون ڪيون، هن چيو ته الزام لڳندا رهيا ته مسئلو حل نه ٿيندو، ڀارت ڳالهين لاءِ تيار آهي ته اسان به آهيون، ڀارت هڪ وک اڳتي کڻندو ته اسان 2 وکون اڳتي کڻنداسين، هيءَ پاڪستان جي شفاف چونڊ ٿي آهي، اپوزيشن جا خدشا ان سان گڏجي ويهي ختم ڪرڻ لاءِ تيار آهيون، عام چونڊن ۾ پنهنجي پارٽي جي واضح سرسي کانپوءِ خميس تي بني گالا مان پهريون خطاب ڪندي عمران خان چيو ته مان 1996 ۾ جدوجهد شروع ڪئي، االله جو شڪر ادا ڪريان ٿو جنهن مون کي هن مقام تي پهچايو، هن چيو ته چاهيان ته آرام سان زندگي گذاري پئي سگهيس، سياست ۾ ان لاءِ آيس ته مان پاڪستان کي مٿي ويندي ۽ هيٺ ايندي ڏٺو، هتي ڪرپشن ۽ گورننس جو نظام بهتر نه هو، پاڪستان کي قائد اعظم جو پاڪستان ٺاهڻ چاهيو پيو، هن چيو ته بلوچستان جي ماڻهن کي جس ڏيان ٿو جو اهي دهشتگردي جي باوجود ووٽ ڏيڻ لاءِ ٻاهر نڪتا، اتي اڪرم الله گنڊاپور ۽ هارون بلور آپگهاتي حملن ۾ شهيد ٿيا، سخت گرمي ۾ چونڊن ۾ حصو وٺندڙن کي مبارڪ ڏيان ٿو، هن چيو ته چونڊ اميدوارن سميت سيڪيورٽي اهلڪارن لاءِ اليڪشن عمل لاءِ قربانيون ڏنيون جنهن تي کين خراج تحسين پيش ڪريان ٿو، هن چيو ته مان جنهن شخصيتن کان متاثر آهيان اهو نبي ڪريم صلي الله عليه وسلم آهي، پاڻ سڳورن انسانيت جو اهڙو نظام لاڳو ڪيو جنهن جو مثال دنيا ۾ نٿو ملي، هن چيو ته مان پاڪستان کي اهڙي فلاحي رياست بڻائڻ چاهيان ٿو جيئن اسان نبي ڪريم صلم بڻائي هئي، پر اسان جي رياست ۾ اهو نظام ابتو آهي جتي اڌ کان وڌيڪ آبادي غربت جي لڪير کان هيٺ زندگي گذاري رهي آهي، هن چيو ته هتي جنهن جي لٺ ان جي مينهن وارو نظام آهي، غريب هاري محنت ڪري ٿو پر ان کي پيسو نٿو ملي ته جيئن اهو پنهنجي ٻارڙن کي خوراڪ ڏئي سگهي، 45 سيڪڙو ٻارڙا بيمارين سبب واڌ ويجهه نٿا ڪري سگهن، اڍائي ڪروڙ پاڪستاني ٻار اسڪولن کان ٻاهر آهن، ايتري ته ڪيترن ئي ملڪن جي آبادي به نه آهي، هن چيو ته دنيا ۾ سڀ کان وڌيڪ اسان جون عورتون ويم دوران فوت ٿين ٿيون، پيئڻ جو صاف پاڻي نه ملڻ سبب دنيا ۾ سڀ کان وڌيڪ پاڪستاني ٻارڙا فوت ٿين ٿا، هن چيو ته اقتدار ۾ اچي منشور تي عمل ڪرڻ جو وقت اچي ويو آهي، هن چيو ته اسان جي ڪوشش هوندي ته سڀ کان وڌيڪ پيسو انساني ترقي تي خرچ ٿئي، ڇو ته ڪو به ملڪ ترقي نٿو ڪري سگهي جتي هڪ ننڍڙو ٻيٽ اميرن جو هجي ۽ غريبن جو سمنڊ هجي، مديني جي رياست پهرين فلاحي رياست هئي جتي اصول طئه ڪيا ويا هئا، جتي قانون جي نظر ۾ سڀ برابر هئا، ميرٽ جي بالادستي هئي، انصاف هو، هن چيو ته اسان به اهڙن ئي اصولن تي هلڻ جي ڪوشش ڪنداسين، هن چيو ته 3 سال مون تي وڌ ۾ وڌ ذاتي حملا ڪيا ويا پر سڀ ڪجهه وساري ويٺو آهيان، منهنجو مقصد منهنجي ذات کان وڏو آهي، هن چيو ته هيءَ پهرين حڪومت جيڪا سياسي مخالف جي خلاف انتقامي ڪارروائي نه ڪندي، عمران خان چيو ته جيڪو ملڪ جي قانون خلاف ڪم ڪندو ان جي خلاف ايڪشن ڪنداسين، هتي قانون ننڍي وڏي لاءِ هڪجهڙو هوندو، جيڪڏهن اسان جو ڪو ماڻهو غلط ڪم ڪنداسين ان جي خلاف به ڪارروائي ڪنداسين، هن چيو ته اهڙا مضبوط ادارا ٺاهينداسين جيڪي ڪرپشن کي روڪيندا، هن چيو ته احتساب مون کان شروع ٿيندو، پوءِ منهنجي وزيرن جو احتساب ٿيندو، صرف اپوزيشن جو احتساب نه ٿيندو، هن چيو ته مثال قائم ڪنداسين ته قانون سڀني لاءِ هڪجهڙو هوندو، هن چيو ته اولهه ان ڪري اسان کي اڳتي آهي جو ان جو قانون ڪنهن سان فرق نٿو ڪري، انصاف جو نظام موجود آهي، هن چيو ته اسان ملڪ ۾ اهڙا ادارا قائم ڪنداسين جيڪي ملڪ جو گورننس سسٽم ٺيڪ ڪندا. هن چيو ته اسان جو سڀ کان وڏو اثاثو اورسيز پاڪستاني آهن، ملڪ ۾ گورننس ٺيڪ نه هئڻ ۽ ڪرپشن سبب سيڙپڪاري نٿي ٿئي، سيڙپڪار پنهنجو پيسو لڳائڻ بدران ٻاهر هليا وڃن ٿا، گورننس جو نظام ٺيڪ ڪري ٻاهرين ملڪ رهندڙ انويسٽرز کي ملڪ ۾ واپس آڻي کين سيڙپڪاري جو موقعو فراهم ڪنداسين. هن چيو ته وزيراعظم هائوس جو فيصلو حڪومت ڪندي ته ان لاءِ ڇا ڪرڻو آهي، سمورن گورنر هائوسز کي عوام جي استعمال لاءِ ڪتب آڻينداسين، ريسٽ هائوس کي ڪمرشل استعمال ڪنداسين، هن چيو ته بزنس ڪميونٽي سان گڏجي پاليسيون ٺاهڻيون پونديون ته جيئن ٽيڪس گڏ ٿئي ۽ نوڪريون پيدا ٿين، ٽيڪس ڪلچر ٺيڪ ڪنداسين، عوام جو ٽيڪس چوري نه ٿيندو، هن چيو ته موجوده اليڪشن ڪميشن پ پ ۽ ن ليگ گڏجي بڻايو هيو، اليڪشن ڪمشنر اسان جو نه آهي، نگران حڪومت سمورين سياسي پارٽين مشاورت سان ٺاهي هئي، 2013 ۾ ڌانڌلي جي ڳالهه ڪئي ته سمورين پارٽين مخالفت ڪئي هئي ڪنهن پارٽي کي ڪنهن به تڪ ۾ ڌانڌلي جي شڪايت آهي ته اسان تعاون ڪنداسين ۽ اهي تڪ کولرائينداسين، انهن سان گڏجي ڌانڌلي جي جاچ لاءِ تيار آهيون، هن چيو ته هيءَ پاڪستان جي شفاف چونڊ ٿي آهي، اپوزيشن جا خدشا ان سان گڏجي ويهي ختم ڪرڻ لاءِ تيار آهيان، هن چيو ته شفاف چونڊن تي قوم کي مبارڪ ڏيان ٿو.

 

2018 جي چونڊن ۾ تحريڪ انصاف کي تاريخي فتح، پ پ ٽئين نمبر تي هلي وئي

ڪراچي(ويب ڊيسڪ) پولنگ جو عمل مڪمل ٿيڻ بعد چونڊ نتيجا اچڻ جو سلسلو جاري آهي آهي، غيرحتمي ۽ غيرسرڪاري نتيجن موجب پاڪستان تحريڪ انصاف کي قومي اسمبلي جي 120 جڏهن مسلم ليگ ن کي 61 سيٽن/ تي برتري حاصل آهي.غير حتمي ۽ غيرسرڪاري نتيجن موجب پيپلز پارٽي کي قومي اسمبلي جي 40، متحدا مجلس عمل کي 8، اڪيو ايم پاڪستان 8 ۽ گرينڊ ڊيموڪريٽڪ الائنس کي 5 سيٽن تي برتري حاصل آهي. اهڙي طرح بي اين پي مينگل 4، مسلم ليگ(ق) 4، عوامي مسلم ليگ ۽ اين اين پي کي هڪ هڪ سيٽ تي برتري حاصل آهي، قومي اسمبلي جي 18 سيٽن تي آزاد اميدوارن کي برتري حاصل آهي. پنجاب اسمبلي جي 46 سيڪڙو سيٽن جي غير حتمي ۽ غيرسرڪاري نتيجن موجب مسلم ليگ ن 129، تحريڪ انصاف کي 122 ۽ آزاد اميدوارن کي 31 سيٽن تي برتري حاصل آهي. سنڌ اسمبلي جي 35 سيڪڙو غير حتمي ۽ غيرسرڪاري نتيجن موجب  پاڪستان پيپلز پارٽي 76، تحريڪ انصاف کي 21 ۽ متحدا قومي موومنٽ پاڪستان کي 17 سيٽن تي برتري حاصل آهي. ڪي پي ڪي اسمبلي جي 40 سيڪڙو غيرسرڪاري ۽ غير حتمي نتيجن موجب تحريڪ انصاف 64 سان اڳتي جڏهن ته متحدا مجلس عمل 11 سيٽن سان ٻئي نمبر ۽ عوامي نيشنل پارٽي 8 سيٽن سان ٽئين نمبر تي آهي. بلوچستان اسمبلي جي 33 سيڪڙو سيٽن جي غيرحمتي ۽ غيرسرڪاري نتيجن موجب بلوچستان عوامي پارٽي 12 سيٽن سان اڳتي بلوچستان نيشنل پارٽي 9 ۽ آزاد اميدوار 8 سيٽن سان اڳتي آهن. قومي اسمبلي جي غيرسرڪاري ۽ غير حتمي نتيجن موجب قومي اسمبلي جي تڪ اين اي 108 فيصل آباد 8 جي غيرحتمي، غير سرڪاري نتيجن موجب تحريڪ انصاف جي فرخ حبيب 112740 ووٽ حاصل ڪري ڪامياب جڏهن پاڪستان مسلم ليگ ن جو چوڌري عابد شير علي 111529 ووٽ حاصل ڪري ٻئي نمبر تي رهيو. اين 38 ڊيرا اسماعيل خان 1 جي غيرحتمي، غيرسرڪاري نتيجن موجب تحريڪ انصاف جي علي امين خان 80236 ووٽ حاصل ڪري ڪامياب جڏهن ته متحدا مجلس عمل جي مولانا فضل الرحمان 45457 ووٽ حاصل ڪري سگهيو. اين اي 57 روالپنڊي 1 جي غيرحتمي، غير سرڪاري نتيجن موجب تحريڪ انصاف جي صداقت علي عباسي 97104 ووٽ حاصل ڪري ڪامياب جڏهن ته مسلم ليگ ن جي شاهد خاقان عباسي 91381 ووٽ حاصل ڪيا. اين اين 232 ٺٺي جي غير حتمي، غيرسرڪاري نتيجن موجب پيپلز پارٽي جي شمس النساءَ 152691 ووٽ حاصل ڪري ڪامياب جڏهن سندس مقابلي ۾ بيٺل پاڪستان تحريڪ انصاف جي ارسلان بخشل بروهي 18900 ووٽ کڻي ٻئي نمبر تي آهي. اين اي 217 سانگهڙ 3 جي تڪ جي غيرسرڪاري ۽ غير حتمي نتيجن موجب پاڪستان پيپلز پارٽي جو روشن الدين جوڻيجو 102361 ووٽ کڻي ڪامياب جڏهن گرينڊ ڊيموڪريٽڪ ڪ الائنس جي مهر علي 43757 ووٽ حاصل ڪري ٻئي نمبر تي آهي. اين اين 129 لاهور 7 تان مسلم ليگ ن جي سردار اياز صادق 103021 ووٽ حاصل ڪري ميدان ماڻيو جڏهن ته تحريڪ انصاف جي عليم عادل شيخ 94879 ووٽن سان ٻئي نمبر آهي. اين 125 لاهور 3 جي غير حتمي، غيرسرڪاري نتيجن موجب مسلم ليگ ن جي وحيد عالم خان 122327 ووٽ حاصل ڪري ڪامياب جڏهن ته پاڪستان تحريڪ انصاف جي ڊاڪٽر ياسمين راشد 105857 ووٽ حاصل ڪري ٻئي نمبر تي موجود آهي. اين اي 128 لاهور جي 6 جي غير حتمي ۽ غير سرڪاري نتيجن موجب مسلم ليگ ن جو شيخ روحيل اصغر 98199 ووٽ کڻي ڪامياب رهيو جڏهن ته تحريڪ انصاف جو اعجاز احمد ڊيال 52774 ووٽ کڻي ٻئي نمبر تي رهيو. اين اي 225 حيدرآباد 1 جي غير حتمي غيرسرڪاري نتيجن موجب پيپلز پارٽِي جي سيد حسين طارق 81983 ووٽ حاصل ڪري ڪامياب جڏهن ته تحريڪ انصاف جو خاوند بخش 50968 ووٽ کڻي ٻئي نمبر تي رهيو. قومي اسمبلي جي تڪ اين اي 10 شانگلا مان پاڪستان مسلم ليگ ن جي عبادالله خان 33804 ووٽ کڻي ڪامياب رهيو جڏهن ته عوامي نيشنل پارٽي جي صدرالرحمٰن 32780 ووٽ حاصل ڪري سگهيو. اين اي 223 مٽياري جي غيرحتمي ۽ غير سرڪاري نتيجن موجب پپيلز پارٽي جي مخدوم جميل الزمان 85042 ووٽ کڻي ڪامياب رهيو جڏهن ته گرينڊ ڊيموڪريٽڪ الائنس جي مخدود فضل حسين 79341 ووٽ حاصل ڪيا.اين اي 84 گوجرانوالا 6 جي غير سرڪاري ۽ غير حتمي نتيجن موجب پاڪستان مسلم ليگ ن جي اظهر قيوم مرزا 119612 ووٽ حاصل ڪري ڪامياب رهيو جڏهن ته پي ٽي آءِ اميدوار چوڌري بلال اعجاز 89728 ووٽ کڻي ٻئي نمبر تي رهيو.اين اي 211 نوشهروفيروز 1 جي غيرحتمي ۽ غيرسرڪاري نتيجن موجب پپيلز پارٽي جي سيد ابرار علي 92500 ووٽ کڻي ڪامياب جڏهن ته گرينڊ ڊيموڪريٽڪ الائنس جي ظفر علي شاهه 59870 ووٽ کڻي ڪامياب رهيو. اين اي 22 مردان 3 جي غيرحتمي ۽ غيرسرڪاري نتيجن موجب  تحريڪ انصاف جو علي محمد خان 58577 ووٽ کڻي ڪامياب جڏهن ته متحدا مجلس عمل جي مولانا محمد قاسم 56318 ووٽ کڻي ٻئي نمبر تي رهيو.اين اي 58 روالپنڊي 2 تان پيپلز پارٽي اڳواڻ ۽ اڳوڻو وزير اعظم راجا پرويز اشرف 125090 ووٽ حاصل ڪري ڪامياب جڏهن ته پاڪستان تحريڪ انصاف جي چوڌري عظيم 96574 ووٽ حاصل ڪري ٻئي نمبر تي رهيو.قومي اسمبلي جي غيرسرڪاري ۽ غير حتمي نتيجن موجب اين اي 111 ٽوبا ٽيڪ سنگهه 1 جي غيرسرڪاري، غير حتمي نتيجن موجب مسلم ليگ ن جي خالد جمال وڙائچ 110556 ووٽ حاصل ڪري ڪامياب جڏهن سندس مقابلي ۾ بيٺل پي ٽي آءِ  جي اساما حمزا 85448 ووٽ حاصل ڪري ٻئي نمبر تي رهيو. قومي اسمبلي جي تڪ اين اي 236 ڪراچي ملير 1 تان غير سرڪاري ۽ غير حتمي نتيجن موجب پيپلز پارٽي جي اميدوار ڄام عبدالڪريم 66623 ووٽ کڻي ميدان ماري ويو جڏهن ته پي ٽي آءِ اميدوار مسرور علي 26456 ووٽ حاصل ڪري ٻئي نمبر تي رهيو مسلم ليگ ن جي اميداور قادر بخش 9839 ووٽ حاصل ڪيا.قومي اسمبلي جي تڪ اين اي 216 سانگهڙ 2 تان پيپلز پارٽي جي شازيه مري 82667 ووٽ حاصل ڪري ڪامياب جڏهن ته گرينڊ ڊيموڪريٽڪ الائنس جي ڪشن چند پارواڻي 70135 ووٽ کڻي ٻئي نمبر تي رهيو. اين اي گجرات 1 تان پاڪستان مسلم ليگ (ق) جي چوڌري حسين الاهي 60172 ووٽ حاصل ڪري ڪامياب جڏهن ته مسلم ليگ ن جو نوابزادا غضنفر علي گل 29610 ووٽن سان ٻئي نمبر تي رهيو. قومي اسمبلي جي تڪ اين 77 نارووال 1 تان مسلم ليگ ن جي اڳواڻ دانيال عزيز جي گهرواري مهناز عزيز 66434 ووٽ کڻي ڪامياب رهي جڏهن آزاد اميدوار ميان طارق انيس 36351 ووٽ حاصل ڪري ٻئي نمبر تي رهيو. قومي اسمبلي جي تڪ اين اي 157 ملتان تان پاڪستان تحريڪ انصاف جي زين حسين قريشي 71113 ووٽ حاصل ڪري ڪامياب جڏهن ته پاڪستان پيپلز پارٽي جي سيد علي موسيٰ گيلاني 63912 سان ٻئي نمبر تي رهيو. قومي اسمبلي جي تڪ اين اي 53 اسلام آباد تان پي ٽي آءِ چيئرمين عمران خان 92891 ووٽ کڻي ڪامياب ٿي ويو جڏهن ته اڳوڻو وزير اعظم ۽ مسلم ليگ ن جو اڳواڻ شاهد خاقان عباسي 44314 ووٽن سان ٻئي نمبر تي رهيو. قومي اسمبلي جي تڪ اين اي 65 تله گنگ جي غيرسرڪاري، غير حتمي نتيجن موجب مسلم ليگ  (ق) جي چوڌري پرويز  الاهي 89415 ووٽن سان اڳتي آهي جڏهن ته ن ليگ جي فيض ٽمن 60939 ووٽ حاصل ڪري پوئتي آهي. اين اي 30 پشاور تان تحريڪ انصاف جي شير علي ارباب 73781 ووٽ حاصل ڪري ڪامياب رهيو جڏهن ته متحدا مجلس عمل(ايم ايم اي) جو ارباب نجيب الله خان 18111 سان ٻئي نمبر تي آهي. قومي اسمبلي جي تڪ اين اي 66 جهلم 1 جي غيرسرڪاري، غير حتمي نتيجن موجب تحريڪ انصاف جي چوڌري فرخ الطاف 112356 ووٽ حاصل ڪري ڪامياب رهيو، جڏهن ته مسلم ليگ ن جي چوڌري نديم خادم 92912 ووٽ سان ٻئي نمبر تي موجود آهي.قومي اسمبلي جي تڪ اين اي 63 روالپنڊي تان پي ٽي آءِ جي غلام سرور خان 64301 ووٽ کڻي ڪامياب ٿي ويو جڏهن ته آزاد اميدوار چوڌري نثار 48497 ووٽن سان ٻئي نمبر تي رهيو. قومي اسمبلي  تڪ اين اي 120 شيخوپورا 2 تان پاڪستان مسلم ليگ ن جي رانا تنوير حسين 99674 ووٽ کڻي ڪامياب ٿي ويو جڏهن ته پاڪستان تحريڪ انصاف جي علي اصغر چوڌري 74165 ووٽ کڻي ٻئي نمبر تي رهيو. قومي اسمبلي جي تڪ اين اي 224 ٽنڊو الهيار تان پاڪستان پيپلز پارٽي جي ذوالفقار بچاڻي 80،230 ووٽ کڻي ڪامياب ٿيو جڏهن ته گرينڊ ڊيموڪريٽڪ الائنس (جي ڊي اي) جي محمد محسن 51،536 ووٽ کڻي ٻئي نمبر تي رهيو. قومي اسمبلي جي تڪ اين اي 8 مالاڪنڊ جي سمورين 336 پولنگ اسٽيشنز جي غير حتمي ۽ غير سرڪاري نتيجا اچي چڪا آهن جنهن ۾ پ پ پ چيئرمين بلاول ڀٽو زرداري کي تحريڪ انصاف جي اميدوار جنيد اڪبر 20 هزار کان وڌيڪ ووٽ تان شڪست ڏني.  بلاول ڀٽو زرداري ان سيٽ تي 26 هزار ووٽ حاصل ڪيا جڏهن سندس مقابلي ۾ جنيد اڪبر 46 372 ووٽ حاصل ڪيا. قومي اسمبلي جي تڪ اين 52 اسلام آباد جي سمورين 245 پولنگ اسٽيشن جي غيرسڪاري ۽ غير حتمي نتيجن موجب تحريڪ انصاف جي خرم شهزاد نواز 64 هزار 690 ووٽ ڪري ڪامياب قرار، جڏهن سندس مخالف ن ليگي اميدوار طارق فضل چوڌري 34 هزار 72 ووٽ حاصل ڪيا. اين اي 52 اسلام آباد جي سمورين پولنگ اسٽيشنن جي غير حتمي ۽ غيرسرڪاري نتيجن موجب تحريڪ انصاف جي خرم نواز 64 هزار 690 ووٽ حاصل ڪري ڪامياب ۽ سندس مقابلي ۾ بيٺل افضل کوکر 34 هزار 72 ووٽ کڻي ٻئي نمبر تي رهيو. اين اي 54 اسلام آباد مان ملندڙ 216 پولنگ اسٽيشنن جي غيرسرڪاري ۽ غير حتمي نتيجن موجب پاڪستان تحريڪ انصاف جي اسد عمر 56 هزار 945 ووٽ حصل ڪري ڪامياب قرار جڏهن ته مسلم ليگ ن جي انجم عقيل خان 32 هزار 991 ووٽ حاصل ڪري سگهيو.  لاهور جي تڪ اين اي 133 جي سمورين 250 پولنگ اسٽيشنن جي غيرسرڪاري ۽ غيرحتمي نتيجن موجب مسلم ليگ ن جي پرويز ملڪ 87 هزار 506 ووٽ کڻي ڪامياب، ۽ سندس مقابلي ۾ بيٺل پاڪستان تحريڪ انصاف جي اعجاز چوڌري 75 هزار 731 ووٽ ٻئي نمبر تي رهيو. قومي اسمبلي جي تڪ اين اي 124 لاهور تان مسلم ليگ ن جي اميدوار حمزا شهباز هڪ لک 39 هزار 443 ووٽ حاصل ڪري ڪامياب قرار جڏهن ته پاڪستان تحريڪ انصاف جي نعمان قيصر 69 هزار 251 ووٽ حاصل ڪري سگهيو. اين اي 171 بهالپور جي مڪمل 286 پولنگ اسٽيشنن جي غيرسرڪاري ۽ غيرحتمي نتيجن موجب ن ليگ جي رياض پيرزادا 95 هزار 500 ووٽ حاصل ڪري ڪامياب جڏهن ته سندس مقابلي ۾ بيٺل تحريڪ انصاف جي اميدوار چوڌري نعيم الدين وڙائچ 53 هزار 109 ووٽ حاصل ڪيا.

 

سنڌ ۾ پ پ جي سوڀ، ذوالفقار مرزا، جلال شاهه، پليجو ۽ مگسي هارائي ويا

ڪراچي(ويب ڊيسڪ) ملڪ جي ٻئي نمبر وڏي صوبي سنڌ ۾ صوبائي اسمبلي جي 130 سيٽن تي سڌو سنئون چونڊون ٿيڻو هيون جڏهن ته 129 سيٽن تي پولنگ ٿي، سنڌ اسمبلي جي تڪ پي ايس 6 ڪشمور  تان پاڪستان پيپلز پارٽي جو مير شبير بجاراڻي اليڪشن کان اڳ ئي بنامقابلي چونڊجي چڪو آهي. سنڌ اسمبلي لاءِ 2 هزار 382 اميدوار ميدان تي لٿل هئا جن مان ڪجهه غير سرڪار ۽ غيرحتمي نتيجا هيٺ ڏيجن ٿا.سنڌ اسيمبلي جي تڪ پي ايس 80 تي سنڌ جي اڳواڻي وڏي وزير سيد مراد علي شاهه ڪاميابي ماڻي ورتي آهي. سيد مراد علي شاهه 42 هزار 442 ووٽ حاصل ڪري سيد جلال محمود شاهه کي شڪست ڏني.ايس يوپي سربراهه سيد جلال محمود شاهه 17 هزار 499 ووٽ حاصل ڪيا .ٻئي طرف پي ايس 81 تي پ پ اميدوار  ۽ اڳوڻو صوبائي وزير گيانچد ايسراڻي 34 هزار 297 ووٽ کڻي ڪامياب ٿيو سندس مقابلي ۾ ڄامشورو اتحاد جو اڳواڻ ملڪ چنگيز خان 26 هزار 975 ووٽ حاصل ڪري سگهيو .ڄامشوري ضلعي جي تڪ پي ايس 82 تي پ پ اميدوار ملڪ اسد سڪندر 35 هزار 920 ووٽ کڻي ڪاميابي ماڻي  ملڪ اسد سڪندر جي مقابلي ۾ ڊاڪٽر سڪندر شورو 32 هزار 400 ووٽ حاصل ڪيا . گهوٽڪي جي تڪ پي ايس 21 تي پ پ جي نامزد اميدوار علي نواز عرف راجا خان مهر ڪاميابي حاصل ڪري ورتي آهي.گهوٽڪي  جي تڪ پي ايس 21  تي  پيپلزپارٽي جي اميدوار علي نواز عرف راجاخان مهر 32 هزار 195 ووٽ کڻي ڪاميابي ماڻي .راجا خان مهر جي مقابلي ۾ ايم ايم اي جو اميدوار   سيف الله ڌاريجو 28 هزار 537 ووٽ کڻي شڪست کائي ويو آهي.نتيجا اچڻ بعد پ پ ڪارڪن پاران علي نواز مهر جي رهائشگاهه تي پهچي جمهيون هنيون ۽ جشن ملهايو .سکر ضلعي ۾ ٻن قومي ۽ چئن صوبائي تڪن تي پيپلز پارٽي جي اميدوارن کي سرسي حاصل   آهي .غير سرڪاري ۽ غير حتمي نتيجن موجب اين اي 206 تي پي پي جي اميدوار خورشيد احمد شاهه کي سرسي حاصل آهي هن  62 هزار 720ووٽ حاصل  ڪيا اهن جڏهن ته سندس مقابلي ۾ پي ٽي آءِ جي اميدوار طاهر شاهه 34 هزار 991 ووٽ حاصل ڪري سگهيو آهي .پي ايس 22 پني عاقل تي پ پ جي اميدوار اڪرام الله ڌاريجو 33 هزار 334 ووٽ حاصل ڪري ڪياميابي حاصل ڪئي آهي جڏهن ته علي گوهر مهر 26 هزار 136 ووٽ حاصل ڪري شڪست کاڌي آهي .اين اي 207 تي پ پ جي اميدوار نعمان اسلام شيخ کي سرسي حاصل آهي 330 پولنگ مان 135 پولنگ اسٽيشنز جا نتيجا اچي ويا آهن .غير سرڪاري ۽ غير حتمي نتيجن موجب نعمان اسلام شيخ 32 هزر 218 ووٽ حاصل ڪيا آهن جڏهن ته پي ٽي آءِ جي اميدوار 32 هزار 222 ووٽ حاصل ڪيا آهن .پي ايس 25 تي پي پي جي ناصر حسين شاھ ه کي سرسي حاصل آھي 173پولنگن مان 45 پولنگن جي نتيجن موجبپ پ اميدوار   28023 ووٽ کڻي اڳتي آھي جڏھن ته آزاد اميدوار مير مھر 3507ووٽ کڻي سگھيو آھيپي ايس 24 تي پي پي جي فرخ شاھ 157 پولنگن مان 75 پولنگ اسٽيشنز تي 3 هزار 222 ووٽ حاصل ڪيا آهن .پي ايس 23 تي پي پي جي اويس شاھ 131 پولنگن مان 82 پولنگن تي 32 هزار 426 ووٽ حاصل ڪيا آهن جڏهن ته جي ڊي اجي اميدوار محمد علي شيخ ٻه هزار 310 ووٽ حاصل ڪري سگهيو آهي .ڄامشوري ضلعي جي تڪ اين اي 233 تي پ پ اميدوار سڪندر علي راهوجو ايس يو پي جي اميدوار سيد جلال محمود شاهه کي شڪست ڏئي ڪاميابي حاصل ڪئي.قومي اسيمبلي جي تڪ اين 233 تي جي غير سرڪاري ۽ غير حتمي نتيجن موجب پ پ اميدوار سڪندر علي راهپوٽو 87 هزار  8سئو 60 ووٽ کڻي ڪاميبابي ماڻي سڪندر راهپوٽي جي مقابلي ۾ سيد جلال محمود شاهه 42 هزار 630 ووٽ حاصل ڪيا ياد رهي ته سڪندر علي راهپوٽو اڳوڻي وڏي وزير سيد مراد علي شاهه جو ويجهو ساٿي آهي ۽ سيوهڻ جو تعلقه ناظم به رهي چڪو آهي .بدين ضلعي ۾ پاڪستان پيپلز پارٽي جي ڊي اي جا تڏا ويڙهائي ڇڏيا ، پ پ لڳ ڀڳ سمورين سيٽن تي ڪاميابي حاصل ڪري ورتي ،  رڳو هڪ تڪ تي جي ڊي اي جي اميدوار ڪاميابي حاصل ڪئي.ضلعي جي ٻن قومي ۽ پنج صوبائي سيٽن تي پيپلز پارٽي  ڪاميابي حاصل ڪري ورتي آهي .جڏهن ته  ھڪ تڪ پي ايس 72 تي حسنين مرزا ڪاميابي ماڻي.پيپلز پارٽي ٻن قومي اسيمبلي جي  تڪن اين اي 229 تي پيپلز پارٽي جي اميدوار مير غلام علي ٽالپر 96430.  وو ٽ کڻي ڪامياب ٿي ويو جڏھن ته جي ڊي اي جي اميد وار حسام مرزا 81100 .ووٽ حاصل ڪيا. پي ايس 70 ماتلي تي پيپلز پارٽي جي اميد وار بشير ھاليپوٽو 42250 .ووٽ کڻي ڪامياب ٿي ويو جڏھن ته جي ڊي اي جي اميد وار رياض نظاماڻي 21454. ووٽ کنيا. پي ايس 71 تلھار تي پيپلز پارٽي جي اميد وار مير الھبخش ٽالپور 37745 .ووٽ کڻي ڪامياب ٿي ويو جي ڊي اي مير عبدالله ٽالپور 30187. ووٽ حاصل ڪيا. پي ايس 72 ٽنڊو باگو تي جي ڊي اي جي اميد وار حسنين مرزا 43111.  وو ٽ حاصل ڪري  ڪاميابي ماڻي  سندس مقابلي ۾  پيپلز پارٽي جي اميد وار سيد علي بخش عرف پپو شاھ  35588. ووٽ حاصل ڪيا. پي ايس 73 بدين تي پيپلز پارٽي جي اميد وار حاجي تاج محمد ملاح 40530. ووٽ کڻي ڪامياب ٿي ويو جي ڊي اي جي اميد وار ڊاڪٽر فھميده مرزا 38091.ووٽ  حاصل ڪيا . پي ايس 74 گولاڙچي تي پيپلز پارٽي جي اميد وار اسماعيل راھو 43145. ووٽ کڻي ڪامياب ٿي ويو جي ڊي اي جي اميد وار ڊاڪٽر ذوا لفقار مرزا 28995.ووٽ کنيا. ٽنڊي آدم جي  پي ايس 44 تي پ پ اميدوار فدا ڏيرو ڪياميابي حاصل ڪري ورتي ٽنڊو آدم جي تڪ  پي ايس 44  تي پ پ اميدوار فراز ڏيرو 54هزر 119 ووٽ کڻي ڪاميابي حاصل ڪري جي ڊي اي جي اميدوار نياز حسين مري کي شڪست ڏني .جي ڊي اي جي اميدوار نياز حسين مري 13 هزار  704 ووٽ حاصل ڪرڻ ۾ ڪامياب ٿيو . ٻئي طرف پي ايس 45 تي شهداد پور تي غير سرڪاري ۽ غيرحتمي نتيجن موجب شاهد ٿهيم ڪاميابي حاصل ڪري ورتي .پي ايس 45 تي پ پ اميدوار شاهد ٿهيم 43 هزار 970 ووٽ حاصل ڪري ڪاميابي ماڻي ورتي.جڏهن ته جي ڊي اي جي اميدوار محمد بخش خاصخيلي 38 هزار 142 ووٽ حاصل ڪيا . ڏهرڪي ميرپور ماٿيلي جي تڪ پي ايس 19 تي پ پ جي نامزد اميدوار باري پتافي ڪاميابي حاصل ڪري ورتي آهي جڏهن ته اين اي 204 تي خالد احمد لنڊ فتح ماڻي ورتي آهي.پي ايس 19 تي  باري پتافي جي ڊي اي جي اميدوار علي گوهر مهر کي شڪست ڏني آهي.گهوٽڪي  ضلعي جي تڪ اين 204 تي پ پ جي اميدوار  خالد احمد لنڊ ڪاميابي حاصل ڪري ورتي آهي خالد احمد لنڊ  جي ڊي اي جي اميدوار  ميان عبدالحق عرف ميان مٺو کي شڪست ڏئي ڪاميابي حاصل ڪئي آهي.ٽندي آدم ۽ سانگهڙ تي ٻڌل تڪ اين 216 تي پ پ اميدوار شازيه عطا مري ڪاميابي حاصل ڪري ورتي آهي، جڏهن ته جي ڊي اي جي ڪشنچند پارواڻي کي شڪست نصيب ٿي.اين اي 216 تي غير سرڪاري ۽ غير حتمي نتيجن  موجب پ پ جي شازيه عطامري 82 هزار 660 ووٽ حاصل ڪري ڪاميابي حاصل ڪري ورتي .ڪشنچند پارواڻي کي  شڪست ملي جنهن 70 هزار 120 ووٽ حاصل ڪيا .سانگهڙ ضلعي جي تڪ اين اي 217 تي پ پ اميدوار روشن دين جوڻيجو ڪاميابي حاصل ڪري ورتي آهي.سانگهڙ ضلعي جي تڪ اين اي 217روشن دين جوڻيجو 98 هزار 89 ووٽ حاصل ڪري شاندار ڪاميابي حاصل ڪري ورتي آهي.سانگهڙ جي تڪ اين اي 217 تي جي ڊي اي جي اميداور ماهي خان وساڻ 55 هزار 645 ووٽ حاصل ڪيا . عام چونڊن جا نتيجا اچڻ جو سلسلو جاري آهي ۽ تازي نتيجي موجب پ پ چيئرمين بلاول ڀٽو زرداري کي ڪراچي جي علائقي لياري مان اپ سيٽ شڪست ملي آهي. هيل تائين غير سرڪاري ۽ غير حتمي نتيجن موجب تحريڪ انصاف کي قومي اسيمبلي جي 119، جڏهن ته ن ليگ کي 63 سيٽن تي سرسي حاصل آهي. پ پ کي قومي اسيمبلي جي 40، متحدا مجلس عمل کي 12 ۽ آزاد اميدوارن کي 15 سيٽن تي سرسي حاصل آهي. اين اي 246 ڪراچي ۾ بلاول ڀٽو کي اپ سيٽ شڪست ملي آهي. ڪراچي جي علائقي پ پ جي ڳڙهه لياري ۾ تحريڪ انصاف جو شڪور شاد 52750 ووٽ کڻي ڪامياب رهيو آهي، جڏهن ته تحريڪ لبيڪ پاڪستان جو احمد 42345 ووٽ کڻي ٻئي نمبر تي رهيو آهي. پ پ چيئرمين بلاول ڀٽو زرداري رڳو 39325 ووٽ کٽي ٽئين نمبر تي رهيو آهي.27

 

انتظام اڻپورا: ايڇ آر سي پي چونڊ عمل ۾ ٿيندڙ خامين جي نشاندهي ڪري ڇڏي

لاهور (اين اين آءِ) هيومن رائٽس ڪميشن آف پاڪستان جي رپورٽ ۾ چيو ويو ته چونڊ عمل دوران ڪجهه هنڌن تي پولنگ اسٽاف هڪ مخصوص سياسي جماعت پاران جانبدار هو ۽ هن ٻئي پارٽي جي اسٽال کان پرچي حاصل ڪندڙ ووٽرز کي ڪمزور سببن جي بنياد تي واپس موڪلي ڇڏيو. ميڊيا رپورٽ موجب ايڇ آر سي پي جي مبصرن انگن اکرن تي ٻڌل شروعاتي رپورٽ ۾ چيو ويو ته گهٽ ۾ گهٽ هڪ مثال اهڙو آهي جنهن ۾ عورتون ووٽرز ٻڌايو ته انهن کان اها پڇا ڪئي ويئي ته اهي کين ووٽ ڏيڻ جو ڇا ارادو آهي ان کان علاوه ڪميشن کي مختلف علائقن مان اهي شڪايتون به مليون ته عورتن کي ووٽ وجهڻ جي اجازت نه ڏني ويئي. انساني حقن جي اداري پاران چيو ويو ته اهڙي قسم جون حالتون قانون جي سخت خلاف ورزي آهي تنهنڪري اميد آهي ته اهڙن معاملن کي فوري طور شفافيت سان حل ڪيو ويندو ايڇ آر سي پي پاران جاري ڪيل پريس رليز مطابق چونڊن واري ڏينهن ڪميشن جي نگران ٽيم قومي اسيمبلي جي 67 سيٽن جو مشاهدو ڪيو انهن سيٽن ۾ 12 بلوچستان، 14 خيبرپختوخنواه ۽ قبائلي علائقا 21 پنجاب ۽ اسلام آباد ۽ 20 سنڌ مان هيون ڪل ايڇ آر سي پي مشاهدو ڪيو ته اليڪشن ڪميشن پاڪستان جي ڪارڪردگي ڪافي حد تائين بهتر رهي رپورٽن ۾ چيو ويو ته ڪميشن پنهنجي محڪمي طور ڪم بهتر نموني سان نڀايو جڏهن ته سياسي مواد ۾ انهن جو ڪم اميدن کان گهٽ رهيو ان کان علاوه پولنگ اسڪيمون مطمئن ڪندڙ نه هيون ۽ لاهور ڪنٽومينٽ جي مختلف ووٽرز کي اها خبر نه هئي ته انهن کي ڪٿي ووٽ وجهڻو آهي ايڇ آر سي پي مطابق ڪافي پولنگ اسٽيشن گڏ ٺاهيون ويون هيون پر ووٽرز جي تعداد جي حساب سان تمام ننڍيون هيون جنهن جي نتيجي ۾ سڄو ڏينهن پولنگ جو عمل سست رهيو ان کان علاوه مختلف ڪيسن ۾ سيکراٽ عملو به ڏٺو ويو ان کان سواءِ ايڇ آر سي پي کي پرزائيڊنگ آفيسر پاران شڪايت به ملي ته ان سڄي رات پولنگ اسٽيشن ۾ گذاري جڏهن ته ان کي سرڪاري طور تي پنهنجن ساٿين لاءِ ماني جي سهولت فراهم نه ڪئي ويئي.

 

ايون فيلڊ ڪيس ريفرنس جو فيصلو: نواز شريف کي 10، مريم نواز کي 7 ڪيپٽن صفدر کي هڪ سال جي سزا

اسلام آباد(ويب ڊيسڪ) احتساب عدالت ايون فيلڊ ريفرنس ۾ اڳوڻي وزيراعظم نواز شريف کي 10سال، سندس نياڻي مريم نواز کي 7 سال ۽ ڪيپٽن(ر) صفدر کي هڪ سال قيد جي سزا ٻڌائي ڇڏي. احتساب عدالت نواز شريف تي 80 لک پائونڊ ۽ مريم نواز ت لک پائونڊ جو ڏنڊ پڻ هنيو ويو آهي جڏهن ته ايون فيلڊ اپارٽمنٽس کي سرڪاري قبضي ۾ وٺڻ جو حڪم پڻ ڏنو ويو آهي. مريم نواز عدالت طرفان سزا واري فيصلي بعد چونڊ وڙهڻ لاءِ نااهل ٿي وئي آهي. مريم نواز کي ڪوڙن دستاويز جمع ڪرائڻ تي به هڪ سال قيد جي سزا ٻڌائي وئي آهي. ان کان اڳ عدالت طرفان فيصلي کي ٽي ڀيرا دير ان کي ساڍي ٽئين وڳي ٻڌائڻ جو وقت ڏنو هو پر فيصلو وري ديري جو شڪار ٿي  ويو، هڪ ڀيرو وري احتساب عدالت جي جج طرفان ٻڌايو ويو ته فيصلو ٻڌائڻ ۾ 30 کان 40 منٽ لڳي سگهن ٿا. عدالت ايون فيلڊ جو فيصلو ساڍي ٻارهين وڳي ٻڌائڻ جو اعلان ڪيو هو، پر ان فيصلي کي اڍائي وڳي، وري 3 وڳي ۽ بعد ۾ ساڍي ٽئين وڳي تائين لاءِ دير ڪيو ويو .احتساب عدالت جي جج مسلسل ٽيون ڀيرو فيصلو دير ڪرڻ جو سبب ٻڌائيندي چيو ته فوٽو ڪاپيون ڪرائڻ ۾ وقت لڳي ويندو آهي، ڪجهه صفحا اڳتي پوئتي ٿي وڃڻ ٿا، جن جي ترتيب درست ڪرڻي پوندي آهي. اڳوڻي وزيراعظم نواز شريف ۽ سندس نياڻي مريم نواز لنڊن موجودگي سبب اڄ پيش نه ٿيا، ۽ انهن اهو فيصلو ايون فيلڊ اپارٽمنٽ ۾ ئي ٻڌو، جڏهن نواز شريف جي ناٺي ڪيپٽن،(ر) محمد صفدر مانسهرا ۾ موجودگي عدالت ۾ پيش نه ٿيو، جتي هو پنهنجي چونڊ مهم هلائي رهيو آهي.

 

ن ليگ احتساب عدالت جي فيصلي کي رد ڪري ڇڏيو، نواز شريف پاران فوري وطن واپسي جو اعلان

 

لنڊن(ويب ڊيسڪ) اڳوڻي وزير اعظم نواز شريف وطن واپسي جو اعلان ڪندي چيو آهي ته ان سازش ۾ ڪهڙا ماڻهو شريڪ آهن؟ مون پنهنجي ۽ پنهنجي ڌيءَ لاءِ ناهي سوچيو احتساب ۽ سپريم ڪورٽ فيصلا نه پر منهنجي هر خلاف سازش ڪئي وئي جنهن جو ڪو به مثال ناهي.  مون پنهنجي خلاف غداري جا فيصلا به ٻڌا جڏهن ته ڪارڪنن ۽ اڳواڻن تي تشدد به برداشت ڪيو.  لنڊن ۾ پريس ڪانفرنس ڪندي نواز شريف چيو ته ميڊيا کي جبرن خاموش ڪرايو ويندو آهي ۽ چينلن بند ڪرايا ويندا آهن، اخبارن کي عوام تائين پهچڻ کان زبرستي روڪيو ويندو آهي ۽ صحافين تي ظلم ڪيو ويندو ۽ تشدد ڪيو ويندو آهي.  اهڙي جدوجهد ۾ ڪنهن کي ڦاهي تي چاڙهيو ويندو آهي؟ جنهن جدوجهد جو آغاز ڪيو ان ۾ اهڙا فيصلا ۽ سزائون ملنديون آهن. مون پنهنجي خلاف غداري جا فتويٰ به ٻڌا، هڪ عام شخص کي سينيٽ جو چيئرمين ٻنايو ويو. هن چيو ته اها سزا ڪرپشن تي ناهي ڏني وئي، فيصلي ۾ لکيل آهي ته فرديادي تي ڪرپشن جو ڪو به الزام ثابت ناهي ٿيو.  اها سزا ڪرپشن تي نه، سرڪاري ناڻي ۾ ڦيرڦار ۽ ڦرلٽ تي نه پر اها سزا پاڪستان جي 70 سالن جي تاريخ جو منهن موٽڙڻ جي ڏوهه ۾ ڏني وئي آهي. سپريم ڪوريٽ ۽ نيب چار سزائون ڏيڻ بعد به اڄوڪي ۾ فيصلو اِهو ناهي ٻڌايو ويو ته مون ڪهڙو ڏوهه ڪيو آهي ۽ ڪهڙي چوري ڪئي ڪڏهن ڪئي ۽ ڪنهن جي چوڻ تي ڪئي آهي اهي سزائون منهنجي جدوجهد جون رستو نه روڪينديون.  آئون پنهنجي اها جدوجهد ان وقت تائين جاري رکندس جيستائين هن  ملڪ ۾ رهندڙ پاڪستاني ان خوف جي زنجير کان آزاد نٿا ٿين جنهن ۾ حق جي ڳالهه چوڻ تي کين جڪڙيو ويندو آهي، جيستائين هن ملڪ ۾ رهندڙن کي غلامي کان آزادي  نٿي ملي جنهن ۾ چند جج ۽ چند ٻيا ماڻهو هن قوم تي مڙهيندا آهن ۽ جيستائين هن ملڪ ۾ ووٽ کي عزت نٿي ملي ۽ جيستائين عوام کي سندس حق حڪمراني نٿي ملي ايستائين منهنجي جدوجهد جاري رهندي، اسان انگريزين جي زماني کان آزادي کان پوءِ مٺ جيترن ماڻهن جا غلام بڻجون، اهڙي ماڻهن جي غلامي جيڪي آئين ۽ قانون جو حلف کڻي ساڻس غداري ڪندا آهن، ته اڄوڪو اهو فيصلو منهنجي جدوجهد جو حصو آهي، پاڪستان جي 70 سالن جي تاريخ ۾ ڏسي رهيو آهيان.  جنهن تيزي سان اهو ڪيس هلي رهيو آهي ڪاش اهڙي رفتار سان ملڪ آئين ۽ قانون ٽوڙڻ وارن جي خلاف به ڪارروائي ڪئي وڃي ها.  اهو فيصلو منهنجي جهدوجهد جو فيصلو آهي آئون ان جدوجهد جي تسلسل لاءِ پاڪستان واپس اچي رهيو آهيان، آئون جيل ۾ به جدوجهد تي جاري رکندس، عوام ۽ پاڪستان منهنجو ساٿ ڏئي. هن چيو ته مون ايندڙ نسلن جي آزادي ۽ غيرت ۽ خودداري سان جيئڻ جو جهنڊو کنيو آهي عوام منهنجو ساٿ ڏئي ۽ مون سان گڏ هلي. 25 جولاءِ تي ووٽ جي ذريعي انهن زنجيرن کي ٽوڙيو آئون توهان جو منتظر آهيان، آئون ن ليگ جي هر ورڪر ۽ اميدوار جي جذبي جي قدر ڪيان ٿو ۽ عوام کي سلام پيش ڪيان ٿو  جنهن منهنجو ساٿ ڏنو ۽ بدترين حالتن کي منهن ڏنو.  بدترين جبر جي باوجود ن ليگ سمورين پارٽين کان اڳتي آهي ۽ 2018ع جي چونڊن ۾ ڪامياب ٿينداسين. عوام ووٽ کي عزت ڏيڻ وارو  جيڪو سفر شروع ڪيو آهي ان ۾ ساٿ لاءِ اچي رهيو آهيان، ان جي قيمت جيل يا موت آهي ته آئون اچي چڪائندس، ووٽ  چوري ڪندڙ ۽ توهان جي خوشهالي ۽ ترقي تي ڌاڙو هڻن کي روڪڻ لاءِ اچي رهيو آهيان.

پاڪستان مسلم ليگ ن جي صدر شهباز شريف پارٽي سربراهه نواز شريف جي خلاف عدالتي فيصلو رد ڪرڻ جو اعلان ڪري ڇڏيو. مسلم ليگ ن جي صدر شهباز شريف عدالتي فيصلي کان پوءِ پريس ڪانفرنس ڪئي جنهن ۾ هن چيو ته احتساب عدالت جو فيصلو سراسر زيادتي ۽ ناانصافي تي ٻڌل آهي جنهن ۾ ڪيتريون ئي قانوني خاميون موجود آهن. هن چيو ته پاڪستاني عوام ۽ مسلم  ليگ ن ان فيصلي کي رد ڪري ٿي ۽ احتساب عدلت جي ان فيصلي کي تاريخ ۾ ڪاري لفظن ۾ لکيو ويندو. هن چيو ته اهو ڪيس عدالت عظميٰ جي 3 بينچ ٻڌو ۽ پوءِ جي آءِ ٽي 10 جلدن تي ٻڌل رپورٽ مرتب ڪئي، سڄي ڪيس ۾ ڪو به خاص قانون دستاويز مهيا ناهي ڪيو ويو، پاناما، ايون فيلڊ ۽ آف شور ڪمپنين ۾ نواز شريف جو نالو ناهي. شهباز شريف جو چوڻ آهي ته اها ڳالهه دنيا ڄاڻي ٿي ته نواز شريف اُهو شخص آهي جنهن پاڪستان کي ايٽمي ملڪ بڻايو ۽ ايٽمي قوت بڻائڻ وقت پرڏيهي دٻاءُ، لالچ ۽ ڌمڪين کي ٺڪرايو، عوام جي آواز تي لبيڪ چوندي ملڪ کي ايٽمي قوت بڻايو. هن چيو ته موٽرويز جو موجد نواز شريف آهي، ديامر ڀاشا کي سرد خاني مان ڪڍي عملي ميدان ۾ آڻڻ وارو نواز شريف آهي. هن چيو ته اڄ هن قوم جي سپوت کي سزا ٻڌائي وئي  جنهن هن ملڪ  جي بي پناهه خدمت ڪئي، نواز شريف هميشه جبر ۽ دٻاءَ حوصلي سان مقابلو ڪيو. مسلم ليگ ن جي صدر جو چوڻ هو ته انصاف حاصل ڪرڻ جي لاءِ هو 109 ڀيرا احتساب عدلت ۾ پيش ٿيو ۽ ملڪي 70 سالن جي تاريخ ۾ اهڙو ڪو به مثال موجود ناهي. هن چيو ته جنهن پاڪستان جي معيشت کي تباهه ڪيو، اربين کربين کاڌا، ان جي باري ۾ نيب ڪهڙو فيصلو ڪيو، نيب عدالت پنهنجو فيصلو ٻڌائي ڇڏيو پر 25 جولاءِ تي عوامي عدالت لڳڻ واري آهي ۽ اُها عوامي عدالت فيصلو الله جي فضل سان ثابت ڪندي ته اهو عوامي عدالت جو فيصلو ٺيڪ آهي.  شهباز شريف جو چوڻ هو ته آئون پاڪستان جي ڪنڊ ڪڙڇ ۾ ويندس ۽ وڃي ان زيادتي ۽ ناانصافي کان عوام کي آگاهه ڪندس، 25 جولاءِ تي فخر جي نماز کان پوءِ عوامي عدلت ۾ صحيح معنيٰ ۾ گواهي ڏيندس. هن چيو ته انصاف کي حاصل ڪرڻ جي لاءِ سمورا آئيني ۽ قانوني رستا اختيار ڪندس، مسلم ليگ جا اميدوار ڀرپور چونڊ مهم هلائيند ۽ چونڊ جلسن کي پرامن احتجاج جو ذريعو بڻائيندا جيئن سڄي قوم ۽ دنيا کي خبر پئي ته انصاف جو پيمانو اهو ئي آهي.