تازيون خبرون

Daily Archives: February 17, 2018

نقيب الله قتل ڪيس:  رائو انوار خلاف توهين عدالت نوٽيس جاري، اڪائونٽ منجمد ڪرڻ جو حڪم

اسلام آباد (اين اين آءِ) سپريم ڪورٽ آف پاڪستان عدالت کان مٿانهين قتل جي پاڻمرادو نوٽيس ڪيس واري ٻڌڻي دوران حفاظتي ضمانت جي باوجود پيش نه ٿيڻ تي اڳوڻي ايس ايس پي ملير رائو انوار کي توهين عدالت جو نوٽيس جاري ڪندي ڳجهين ايجنسي کي ڳولڻ جو حڪم ڏيئي ڇڏيو آهي جمعي تي چيف جسٽس آف پاڪستان ميان ثاقب نثار جي سربراهي ۾ بئنچ ڪراچي ۾ پوليس مقابلي ۾ مارجي ويل نقيب الله قتل کي پاڻمرادو نوٽيس جي ٻڌڻي ڪئي ان مقوقعي تي سنڌ جي آءِ جي اي ڊي خواجه سميت سنڌ پوليس جا اعليٰ آفيسر پڻ پيش ٿيا ٻڌڻي شروع ٿي ته چيف جسٽس سنڌ جي آءِ جي کان پڇاڻو ڪيو ته ڇا رائو انوار پيش ٿيو آهي جنهن تي هن ٻڌايو ته هو پيش ناهي ٿيو جنهن تي چيف جسٽس اي ڊي خواجه کي چيو ته اوهان جي ذميواري هاڻي به اتي آهي چيف جستس چيو ته اسان رائو انوار کي پيش ٿيڻ لاءِ شفاف موقعو ڏنو حفاظتي ضمانت به ڏني لڳي ٿو ته رائو انوار پيش نه ٿي وڏو موقعو وڃائي ڇڏيو ۽ ان جي گرفتاري لاءِ پوليس کي سموريون سهولتون ڏينداسين. ذريعن موجب ٻڌڻي دوران چيف جسٽس پڇاڻو ڪيو ته ڪيس جي ٻين جوابدارن جو ڇا ٿيو جنهن تي سنڌ جي آءِ جي عدالت کي ٻڌايو ته 21 مان 9 ماڻهن کي گرفتار ڪيو ويو آهي چيف جسٽس ريمارڪس ڏنا ته هي ته سنڌ پوليس جي 50 سيڪڙو ڪارڪردگي به نه آهي جڏهن ته 50 پوليس منهنجي حڪم تي 36 ڪلاڪن ۾ زينب جو قاتل گرفتار ڪري ورتو هو چيف جسٽس چيو ته اوهان جي ڪوششن جي باوجود رزلٽ نه پيو اچي اڄ مون کي اميد آهي ته ڪانه ڪا ڊيولومينٽ ٿيندي ٻڌڻي دوران وڏي انتظار کان پوءِ به رائو انوار پيش نه ٿيو ته اعليٰ عدالت اڳوڻي ايس ايس پي ملير کي توهين عدالت جو نوٽيس جاري ڪري ڇڏيو. ٻڌڻي دوران چيف جسٽس اي ڊي خواجه کان پڇاڻو ڪيو ته پوليس کي اڃا تائين ڪجهه ناهي ڪيو جنهن تي سنڌ جي آءِ جي اي ڊي خواجه جواب ڏنو ته گذريل ڏينهن شام جو رائو انوار سان واٽس ايپ تي رابطو ٿيو هو سنڌ جي آءِ جي ٻڌايو ته اربع تي رائو انوار مون کي واٽس اپ تي ڪالهه ڪئي هئي ۽ عدالت ۾ پيش ٿيڻ جي پڪ ڏني هئي هن سپريم ڪورٽ کي ٻڌايو ته عدالت معاونت ڪري سگهي ٿي گرفتار ڪرڻ پوليس جو ڪم آهي جڏهن ته معاملي کي شفاف رکڻ لاءِ نئين ٽيم جوڙي ڇڏي آهي ان موقعي تي چيف جستس ريمارڪس ڏنا ته رائو انوار جتي به هوندو ان کي ڳولي وٺنداسين پهرين ترجيحي ان جي هاضري آهي ۽ نقيب الله جي والدين کي ٻڌايو ته سپريم ڪورٽ ڪوشش ڪري رهي آهي سپريم ڪورٽ اسٽيٽ بئنڪ کي حڪم ڏنو ته رائو انوار جا سمورا اڪائونٽس منجمند ڪيا وڃن جڏهن ته عدالت حساس ادارن آءِ ايس آءِ اآءِ بي ۽ ايم آءِ کي هدايت ڪئي ته رائو انوار جي گرفتاري ۾ سهولت فراهم ڪن ۽ ان حوالي سان رپورٽ پيش ڪئي وڃي.

 

ضمني ريفرنس: نيب نواز شريف کي سڌوسنئون ڏوهي قرار ڏئي ڇڏيو

اسلام آباد (اين اين آءِ) قومي احتساب بيورو ٻن ضمني ريفرنسز ۾ اڳوڻي وزيراعظم نوازشريف کي سڌو سنئون جوابدار قرار ڏنو آهي ميڊيا رپورٽ موجب نيب پاران 14 فيبروپري تي احتساب عدالت ۾ العزيزيه اسٽيل ملز ۽ فليگ شپ انويسٽمينٽ بابت داخل ضمني ريفرنسز داخل ڪيا ويا ضمني ريفرنسز ۾ نيب پاران اڳوڻي وزيراعظم نوازشريف کي سڌي طرح جوابدار قرار ڏنو ويو آهي ۽ چيو ويو آهي ته نوازشريف سمورن اثاثن جو پاڻ مالڪ هو ضمني ريفرنسز مطابق نوازشريف اثاثا پنهنجن بارڙن جي نالي ڪري ڇڏيا هئا ضمني ريفرنسز ۾ ٻڌايو ويو ته نوازشريف جي سرمائي بابت جاچ ڪئي ۽ نيب لنڊن وڃي به نوازشريف جي اثاثن جي جاچ ڪئي ضمني ريفرنسز ۾ چيو ويو ته نوازشريف پنهنجن اثاثن بابت بيگناهي ثابت ڪرڻ ۾ ناڪام رهيو جڏهن ته کيس جاچ لاءِ گهرايو ويو پر هو پيش نه ٿيو نيب پاران ضمني ريفرنسز ۾ موقف اختيار ڪيو ويو ته جي آءِ ٽي جو مواد ايترو وڌيڪ آهي جو ان جي ڪري ڪارروائي اڳتي وڌائي سگهجي ٿي ان کان اڳ نيب اڳوڻي وزيراعظم نوازشريف سميت ان جي خاندان جي پنجن ماڻهن خلاف 22 جنوري 2018 تي احتساب عدالت ۾ ايون فيلڊ پراپرٽيز جي سلسلي ۾ هڪ ضمني ريفرنس داخل ڪيو هو.

 

سازش ڪندڙن جون سازشون مون کي ڪجهه به نه ڪري سگهيون: نواز شريف

لاهور(ويب ڊيسڪ) اڳوڻي وزير اعظم نواز شريف جو چوڻ آهي ته سازشين اقامي جي بنياد تي مون کي ڪڍيو هاڻ ڪو به ثبوت  ناهي ملي رهيو سندن سازشون مون کي ڪجهه به نه ڪري سگهيون. جاتي امرا لاهور ۾ ڪارڪنن سان غير رسمي ڳالهه ٻولهه ڪندي نواز شريف جو چوڻ هو ته عوام سان ڪيل سمورا واعدا پورا ڪيا، بجلي جو جن توانائي منصوبن سان بوتل ۾ قيد ڪيو،  سي پيڪ منصوبو تيار ڪيو جيڪو ملڪ جي تقدير تبديل ڪندو، دهشتگردي کي پاڙان پڙي ڇڏيو پر سازش ڪندڙن اقامي جي بنياد تي مون کي ڪڍيو، هاڻ ڪو به ناهي ملي رهيو ته وري ريفرنس تي ريفرنس بڻايا پيا وڃن. اڳوڻي وزير اعظم چيو ته سازش ڪندڙن جون سازشون مون کي ڪجهه به نه ڪري سگهيون،  آئون پريشان ناهيان ۽ نه ئي منهنجا چاهيندڙ پريشان آهن، ماضي شاهد آهي ته اسان عدليه کي بحال ڪيو ۽ هاڻ عدم بحال ڪري سک جو ساهه کڻنداسين.

 

اماراتي حڪومت 31 پاڪستانين جي 60 ارب ماليت جي 55 ملڪيتن جي تصديق ڪري ڇڏي

اسلام آباد ( ويب ڊيسڪ ) گڏيل عرب امارات جي حڪومت 31 پاڪستانين جي 60 ارب جي 55 ملڪيتن جي تصديق ڪئي آهي. امارات ٽيڪس اختيارين 53 پاڪستاني سيڙپڪارن جا تفصيل فراهم ڪيا آهن جنهن ۾ رڳو 5 پنهنجا اثاثا ايف بي آر وٽ ظاهر ڪيا آهن. ايف آءِ اي جي معاشي ڏوهن بابت ونگ گڏيل عرب امارات جي ناڻي واري وزارت کان 16 نومبر 2017ع تي درخواست ڪئي هئي ته هو امير پاڪستانين جا تفصيل فراهم ڪن. ايف بي آر جي تيار ڪيل دستاويزن موجب گڏيل عرب امارات جي ٽيڪس اختيارين 53 پاڪستاني شهرين جا تفصيل فراهم ڪيا آهن جنهن ۾ ڪيترائي ريئل اسٽيٽ سان واڳيل سيڙپڪار آهن. تفصيلن ۾ 31 ڪيسن ۾ پاسپورٽس جا نقل به فراهم ڪيا ويا آهن جيڪي 22 جنوري 2018ع ۽ 28 جنوري تي لکيل خطن ۾ موجود آهن.ايف آءِ اي اختيارين جو چوڻ آهي ته 31 پاڪستاني شهرين جا 60 ارب رپين جي ماليت جا 55 اثاثا دبئي ۾ موجود آهن.

 

 

واچ لسٽ ۾ پاڪستان جي نامزدگي روڪرائڻ لاءِ حڪومت دوست ملڪن سان رابطي ۾ آهي: خواجا آصف

اسلام آباد(ويب ڊيسڪ) پرڏيهي وزير خواجا محمد آصف چيو آهي ته دهشتگردي سان سهڪار ڪندڙ واچ لسٽ ۾ پاڪستان جي نامزدگي روڪرائڻ لاءِ حڪومت دوست ملڪن سان رابطي ۾ آهي. آمريڪا، فرانس، برطانيا، جرمني ۽ ٻين اهم ملڪن ۾ پنهنجي وزيرن کي موڪليو آهي جيئن انهن ملڪن کي اهو ٻڌايو وڃي ته پاڪستان دهشتگرد گروپن ۽ انتهاپسند تنظيمن  خلاف خاص قدم کڻندي سندن ٿاڪ ختم ڪيا. ميڊيا سان ڳالهائيندي خواجا آصف چيو ته دنيا کي ٻڌائينداسين ته انتهاپسند تنظيمن جي خلاف قانون سازي ڪئي وئي آهي، اهو قانون ايڪٽ آف پارليامينٽ بڻجي ويندو ڄاڻايل تنظيمن جا اثاثا حڪومت پنهنجي تحويل ۾ ورتا آهن جنهن جي اسڪولن، ايمبولينسن ۽ ٻين فلاحي ڪمن جي نگراني حڪومت پاڻ ڪندي، ڄاڻايل تنظيم جون ايمبولينسون هلال احمر پنهنجي نگراني ۾ آهي، دهشتگردي سان سهڪار ڪندڙ واچ لسٽ مان پاڪستان جي نامزدگي روڪرائڻ لاءِ ڪيترن ئي دوست ملڪن پنهنجي کي پنهنجي حمايت جو يقين ڏياريو آهي. پرڏيهي وزير چيو ته ملڪن ملڪ پاڪستان جي آزاداڻي پاليسي کي پنهنجو تابع ڪرڻ لاءِ سياسي دٻاءُ وڌائي رهيا آهن، اهڙي صورتحال کي منهن ڏيڻ لاءِ سمورا بندوبست ڪيا ويا آهن، خواجا آصف چيو ته اسان پهرين به اهڙين پابندين کي منهن ڏئي چڪا آهيون.

 

عائشه گلالئي جو بيان سياسي شهرت حاصل ڪرڻ جي ناڪام سازش آهي: مريم اورنگزيب

اسلام آباد(ويب ڊيسڪ) سڌُ سماءَ واري مملڪي وزير مريم اورنگزيب تحريڪ انصاف جي ناراض قومي اسيمبلي ميمبر عائشه گلالئي جي نواز شريف ۽ سينيٽ ٽڪيٽ جي آڇ واري بيان کي ڪوڙو ۽ سياسي شهرت حاصل ڪرڻ لاءِ بي بنياد سازش قرار ڏئي ڇڏي آهي. مريم اورنگزيب عائشه گلالئي جي بيان تي رد عمل ڏيندي چيو ته عائشه گلالئي جو ڪوڙ تي ٻڌل بيان انتهائي افسوس ۽ مذمت جوڳو آهي. مريم اورنگزيب جو چوڻ هو ته  عائشه گلالئي جو بيان رڳو سياسي شهرت حاصل ڪرڻ جي ناڪام ڪوشش آهي. هن چيو ته عائشه گلالئي تحريڪ تحريڪ انصاف ته ڇڏي ڏني پر پارٽي سربراهه جي سيکاريل ڪوڙ کي نه ڇڏيو، هو ڪنهن جي ايجنڊي تي ادارن ۾ غلط فهميون پيدا ڪرڻ جي ڪوشش ڪري رهي آهي، گلالئي ڪوڙا الزام هڻڻ بدرنا انهن ليگي اڳواڻن جا نالا ٻڌائي جن کيس سينيٽ جي سيٽ ڏيڻ جي آڇ ڪئي. هن چيو ته مسلم ليگ ن عائشه گلالئي جي بنياد ۽ ڪوڙن الزامن جي خلاف قانوني ڪارروائي ڪندي. هن وڌيڪ چيو ته مسلم ليگ ن جي وفادار ۽ مخلص ڪارڪنن جي موجودگي ۾ ڪنهن ٻاهرين کي ٽڪيٽ ڏيڻ جي نه ضرورت آهي ۽ نه ئي وري گنجائش آهي.

 

نواز شريف ڪرپشن ڪئي هجي ها ته اقامي جي درخواست ڪندڙ اڄ خالي ڪرسيون نه ڏسن ها: مريم نواز

مانسهره (اين اين آءِ) اڳوڻي وزيراعظم محمد نواز شريف جي ڌيءَ مريم نواز چيو آهي ته عوام جي چونڊيل نمائندن کي چور، ڦورو چئي ڪهڙي آئين جي تشريح ٿي رهي آهي، ڇا آئين پاڪستان ۾ گار ڏيڻ جي شق آهي، چيف جسٽس صاحب جڏهن عمران خان واري زبان استعمال ڪندو ته پوءِ جواب اهوئي ملندو جيڪو نواز شريف جي سياسي مخالفن کي ڏنو وڃي. ٿو دنيا جي ڪنهن عدالت جي غلط فيصلن تي تنقيد کي توهين عدالت ناهي سمجهيو ويندو، صحيح فيصلن تي وضاحتون، قسم کڻڻ ۽ ٽي وي تي اچي لائيو تقريرن ۾ صفايون ڏيڻ جي ضرورت ناهي هوندي نواز شريف جي خلاف بدلي جي اها ڪهڙي باهه آهي جيڪا اڃا تائين ٿڌي ناهي ٿي. نواز شريف هن ئي ڌرتي جو پٽ آهي اي سي ايل ۾ وجهڻ جي ضرورت ناهي، هو پاڪستان ۾ ئي رهندو هر ننڍي چونڊ دوران نواز شريف جي حق ۾ فيصلو اچي رهيو آهي مخالفن کي لڪڻ لاءِ جڳهه نه پئي ملي، لوڌران ۾ هارائڻ کانپوءِ عمران خان چوي ٿو ته غلطين مان سبق سکڻ گهرجي. هاڻي غلطين مان سبق سکڻ جو وقت ناهي، اعمال نالو ڏيکارڻ جو وقت آهي، محرو بڻجي عوام جي ووٽ تي ڌاڙو هڻندڙ عوام کي ڪهڙو منهن ڏيکاريندا، سموري صداقت ۽ امانت ڪوڙي آهي، خوش نه ٿين صداقت ۽ امانت جو سرٽيفڪيٽ نواز شريف جي مخالفت ۽ ساڙ ۾ مليو آهي پاڪستاني ووٽ جي حرمت جي سفر ۾ نواز شريف جا ساٿي بڻجي وڃو مانسهره ۾ ن ليگ جو سوشل ميڊيا ڪنوينشن کي خطاب ڪندي مريم نواز چيو ته مان سوشل ميڊيا ڪنوينشن سمجهي آئي هيس مون کي خبر نه هئي ته سڄو شهر ٻاهر نڪري ايندو. اوهان جي محبتن جو ٿورو مڃان ٿي. مريم نواز چيو ته نواز شريف جي ڌيءَ جي آجيان ڪرڻ لاءِ اوهان ماڻهو ايڏي وڏي انگ ۾ آيا آهيو جڏهن نواز شريف ايندو ته پوءِ ڇا ٿيندو ؟ هن چيو ته مون کي لڳي رهيو آهي ته نواز شريف کي عوام کان پري رکڻ جي سازش نواز شريف سان محبت کي عشق ۾ تبديل ڪري ڇڏيو آهي اهو ئي عشق ئي آهي ته هر جلسي ۽ هر ننڍي چونڊ ۾ نواز شريف جي حق ۾ فيصلو اچي رهيو آهي ان موقعي تي مريم نواز پنڊال ۾ موجود ماڻهن کان سوال ڪيو ته ڇا اوهان نواز شريف جي نااهلي وارو فيصلو مڃو ٿا جنهن تي نامنظور نامنظور جا نعرا هنيا ويا. مريم نواز چيو ته ٻه ڏينهن اڳ لوڌران جي عوامي عدالت انصاف ڪيو ۽ اهڙو انصاف ڪيو جو نااهل کي اهل ۽ اهل کي نااهل ڪري ڇڏيو جيئن انتقامي ۽ پاناما بئنچ ڪيس هلڻ کان اڳ نواز شريف کي سزا ٻڌائي هئي ساڳي طرح هڪ کانپوءِ هڪ عوامي عدالت ۾ چونڊن کان اڳ نواز شريف جي مخالفن کي سزا ٻڌائي ڇڏي آهي.

 

رائو انوار جي معاملي تي سپريم ڪورٽ جو هر حڪم قبول ڪيو ويندو: وڏو وزير

سيوهڻ شريف (اين اين آءِ) سنڌ جي وڏي وزير مراد علي شآهه چيو آهي ته رائو انوار جي معاملي تي سپريم ڪورٽ جي حڪمن کي مڃينداسين جمعي تي سيوهڻ ۾ ميڊيا سان ڳالهائيندي سنڌ جي وڏي وزير مرادعلي شاهه چيو ته صاف پاڻي جو اشو آهي جڏهن ته سپريم ڪورٽ جي حڪمن تي پلانٽ هڪ کان ٻئي کاتي ۾ ٽرانسفر ٿيو منهنجي خواهش آهي ته ايم ڪيو ايم پنهنجا اختلاف ختم ڪري گڏجي ڪم ڪري سيوهڻ شريف ۾ ٿيل ڌماڪي کي هڪ سال مڪمل ٿيڻ تي اوقاف کاتي پاران شهيدن جي ياد ۾ حضرت لعل شهباز قلندر جي مزار اندر قرآن خواني جو اهتمام ڪيو ويو جنهن ۾ سيد مرادعلي شآهه ۽ شهيدن جي وارثن شهرين ۽ عقيدت مندن وڏي انگ ۾ شرڪت ڪئي ان موقعي تي سيڪيورٽي جا خاص انتظام ڪيا ويا ميڊيا سان ڳالهائيندي وڏي وزير چيوت ه سنڌ گورنمينٽ حضرت لعل شهباز قلندر جي مزار تي دهشتگردي ڪندڙ دهشتگردن ۽ سندن سهولتڪارن کي آخري انجام تائين پهچايو آهي ۽ آئينده اهڙن واقعن کي روڪڻ لاءِ سڄي سنڌ جي سمورين درگاهن جي سيڪيورٽي کي وڌيڪ بهتر ڪيو ويندو هن هڪ سوال جي جواب ۾ چيو ته حضرت لال شهباز قلندر جي زيارتين کي سهولت ڏيڻ لاءِ وڌيڪ هڪ گيٽ کولڻ تي غور ڪيو ويندو هن چيو ته پيلزپارٽي هارس ٽريڊنگ جي سياست تي يقين نٿي رکي سينيٽ جي اليڪشن ۾ پيپلزپارٽي اڪثريت سان ڪامياب ٿيندي. هن چيو ته ايم ڪيو ايم جي مختلف ڌڙن پاران هڪٻئي مٿان الزام نه لڳائڻ گهرجن ۽ سينيٽ جي چونڊ ۾ هر ميمبر ووٽ ڏيڻ لاءِ آزاد آهي سنڌ جي وڏي وزير وڌيڪ چيو ته سڄي سنڌ ۾ پيئڻ جي صاف پاڻي لاءِ سپريم ڪورٽ پاران جوڙيل واٽر ڪميشن جي سفارشن تي عمل ڪيو ويندو ۽ ان ڏس ۾ سنڌ گورنمينٽ فنڊ به جاري ڪري ڇڏيا آهن هن چيو ته سيوهڻ شريف جي شهرين کي صاف پاڻي ڏيڻ لاءِ واٽر فلٽر پلانٽ اسڪيم تي جلد ڪم شروع ڪيو ويندو ان کان اڳ وڏي وزير حضرت لال شهباز قلندر جي درگاهه تي حاضري ڀري ۽ سيوهڻ واري سانحي ۾ شهيدن لاءِ دعا گهري.

 

بهادر آباد گروپ جو اجلاس غير قانوني قرار، فاروق ستار جو سينيٽ جي اميدوارن جي چونڊ تان هٿ کڻڻ جو اعلان

ڪراچي(ويب ڊيسڪ) متحده قومي موومينٽ پاڪستان جي اڳواڻ فاروق ستار سينيٽ اليڪشن جي سيٽ واري معاملي تي رابطا ڪميٽي کي آڇ ڪئي ته هو پنهنجي مرضي جي چار ميمبرن جا نالا ڏئي. ڪراچي ۾ ميڊيا سان ڳالهائيندي چيو ته الڳ ٿيل رابطا ڪميٽي اسان کي ميمبرن جا نالا ڏئي. اهي ئي اسان جا اميدوار هوندا، ٻيا اميدوار دستبردار ٿي ويندا. فاروق ستار چيو ته نالا چونڊڻ ۾ منهنجي ڪا به مرضي شامل نه هوندي ۽ نه ئي انهن سان ڪو  رابطو هوندو. فاروق ستار چيو ته اهو فيصلو هن تنظيم بچائڻ لاءِ ايم ڪيو ايم جي اڳواڻن سان صلاح مشوري بعد ڪيو. سندس چوڻ هو ته اهڙو تاثر ڏنو پيو وڃي ته آئون ضد ڪري رهيو آهيان، فيصلي سان اهو تاثر ختم ٿيندو ته آئون 4 سيٽن لاءِ ويٺو آهيان. هن چيو ته منهنجو ڪو به اميدوار ناهي، مون سان گڏ رڳو ڪارڪن آهن، قومي ۽ صوبائي اسيمبلين جي سمورن ميمبرن ۽ تنظيم جي سمورن شعبن جي اڳواڻن سان گڏ آهيان. هجن چيو ته بهادر آباد گروپ جو اڄ گلشن اقبال ۾ ٿيندڙ اجلاس غير قانوني آهي، سرڪاري وسيلا ۽ مشنري استعمال ڪئي پئي وڃي.

 

تحريڪ انصاف جو پارٽي آئين تي گڏيل انداز ۾ نظرثاني جو فيصلو

اسلام آباد (اين اين آءِ) پاڪستان تحريڪ انصاف پارٽي آئين تي خاص نظرثاني جو فيصلو ڪري ورتو ان ڏس ۾ عمران خان آئيني ماهرن ۽ سينيئر پارٽي اڳواڻن تي ٻڌل ڪميٽي جوڙي ورتي چيئرمين تحريڪ انصاف جي منظوري سان جاري نوٽيفڪيشن مطابق ڪميٽي ۾ بابر اعواڻ، سردار اظهر طارق، عارف علوي، عامر محمود ڪياني ۽ شاهد نسيم گوندل شامل ٿيندا ڪميٽي پارٽي آئين جو مفصل جائزو وٺندي ۽ پارٽي آئين کي بهتر ۽ جامع بنائڻ لاءِ سفارشون چيئرمين کي پيش ڪندي عمران خان چيو ته تحريڪ انصاف صحيح معنيٰ ۾ هڪ جمهوري سياسي پارٽي آهي ڪنهن به جماعت جي تنظيم ۽ جوڙجڪ جو دارومدار ان جي آئيني سرشتي تي هوندو آهي تحريڪ انصاف جو آئيني سرشتو پاڪستان جي ڪنهن به جماعت کان بهتر ۽ جديد آهي پر ان ۾ وڌيڪ نواڻ جي ضرورت آهي هن چيو ته سياست ۾ اڳڀرائي سان جماعت جي اندرين سرشتي جي تعمير سان غافل نه ٿينداسين ۽ ايندڙ نسلن کي بهتر پاڪستان سان گڏوگڏ بهرين سياسي پارٽي به ڏينداسين.