تازيون خبرون

Daily Archives: January 6, 2018

پاڪستانين کي ڊالرن ۾ وڪڻڻ وقت عمران مشرف سان گڏ بيٺل هو: مريم اورنگزيب

اسلام آباد (اين اين آءِ) سڌ سماءَ جي مملڪتي وزير مريم اورنگزيب چيو آهي ته عمران صاحب جي پريس ڪانفرنس هڪ اڻڄاتل نجومي جي هدايت تي هئي، عمران صاحب خود ذهني طور مفلوج آهي ۽ اڻڄاتل نجومي جو ڪٺ پتلي بڻيل آهي، اڄ ظاهر ٿي ويو ته عمران ڪنهن جي آڱر ۽ اشاري تي پاڪستان جي ترقي روڪي رهيو هو، عمران ڪٺ پتلي هيو ۽ ڪٺ پتلي آهي، سمنڊ پار ماڻهن لاءِ به اهو ئي ڪردار ادا ڪرڻ جي ڪوشش ڪري رهيو آهي، عمران صاحب ماڻهن جي خدمت ڪري، وزيراعظم بڻجڻ لاءِ پرڏيهي سهارا، اڻڄاتل نجومي ۽ ايمپائير نه ڳولي، جمعي تي پنهنجي بيان ۾ هن چيو ته عمران صاحب جڏهن مشرف پاڪستانين کي آمريڪي ڊالر عيوض وڪرو ڪري رهيو هو ته توهان ان سان گڏ هو، اوهان نائين اليون تي مشرف جي پاليسي جي حمايت جو جواب ڏيو، هن چيو ته عمران صاحب کي حقيقت ۾ شهباز شريف فوبيا ٿي ويو آهي، اوهان کي پاڪستان کان وڌيڪ آمريڪا وارن جو فقر ڇو آهي، هن چيو ته پاڪستان جو عوام وزيراعظم چونڊي ٿو پر توهان وزيراعظم بڻجڻ لاءِ ڪو نه ڪو سهارو ڳوليو ٿا، هن چيو ته پاڪستان جو عوام آزاد ۽ خودمختيار آهي، عمران صاحب ماڻهن جي خدمت ڪريو، وزيراعظم ٿيڻ لاءِ پرڏيهي سهارا، اڻڄاتل نجومي ۽ ايمپائير نه ڳوليو، هن چيو ته عمران صاحب ملڪي ادارا پنهنجو ڪم ڪري رهيا آهن پر ڪي پي ڪي ۾ احتساب ڪميشن بند آهي، هن چيو ته نواز شريف عوام جي خدمت ڪئي تنهنڪري عوام کيس 3 ڀيرا وزيراعظم چونڊيو.

 

ميان صاحب سڀ توهان جو آهي ته پوءِ رازداري ڇو؟، ڪجهه راز اسان به ڄاڻون ٿا: آصف زرداري

ميرپور خاص (مختيار ڪيريو/اين اين آءِ) اڳوڻي صدر آصف علي زرداري چيو آهي ته ان اندر ذوالفقار علي ڀٽو جو روح داخل ٿي ويو آهي، پ پ مزدورن ۽ مظلومن جي جماعت آهي، سمورن مظلومن کي حق ڏيارينداسين، مستقبل ۾ به مراد علي شاهه سنڌ جو وڏو وزير هوندو، نواز شريف ڇا پويان جا راز ٻڌائيندو هو ته پاڻ ئي راز آهي، حڪومت کي اهڙو وزير مقرر ڪرڻ گهرجي ها جنهن کي پرڏيهي به سمجهي سگهن ها، جمعي تي ميرپور خاص ۾ شهيد بينظير ڀٽو اسٽيڊيم ۾ ذوالفقار علي ڀٽو جي سالگره جي حوالي سان جلسي کي خطاب ڪندي هن چيو ته هو اها دعويٰ نٿو ڪري سگهي ته ڀٽو خاندان مان آهيان پر اهو ضرور چئي سگهان ٿو ته ان اندر پ پ جي شهيد ذوالفقار علي ڀٽو جو روح داخل ٿي ويو آهي، آصف زرداري چيو ته پ پ مظلومن ۽ مزدورن جي پارٽي آهي، سمورن مظلومن کي سندن حق ڏياريا ويندا ۽ اهو سڀ ڪجهه ذوالفقار علي ڀٽو سيکاريو آهي، هن چيو ته اڄ ٿر ۾ بجلي جو ڪارخانو لڳي رهيو آهي، ايئرپورٽ بڻجي رهيو آهي، اڄ تائين غريب عوام کي جيڪو ڪجهه به ڏنو اهو پ پ ڏنو، جيڪي واعدا عوام سان ڪيا اهي پورا ڪري ڏيکاريا، آصف زرداري چيو ته مستقبل ۾ به مراد علي شاهه سنڌ جو وڏو وزير هوندو، هن چيو ته پاڪستان کي هن وقت ڏکيائين کي منهن ڏيڻو پئجي رهيو آهي ڇو ته پاڪستان ۾ نااهل حڪمران حڪومت ڪري رهيا هئا، کين جنهن مقصد لاءِ حڪومت ۾ آندو ويو هو ان کانسواءِ ڪو به ڪم نه ٿيو پر ان جي دوستن جون صنعتون لڳنديون ويون، هن چيو ته پ پ چيئرمين هميشه مطالبو ڪندو رهيو ته پاڪستان جو باقائده پرڏيهي وزير مقرر ڪيو وڃي، هن چيو ته جڏهن پرڏيهي وزير مقرر ڪيو ويو ته هو انگريزي به پنجابي ۾ ڳالهائڻ لڳو، حڪومت کي اهڙو وزير مقرر ڪرڻ گهرجي ها جنهن کي پرڏيهي به سمجهي سگهن ها، نواز شريف تي تنقيد ڪندي هن چيو ته نواز شريف پردي جي پويان ڪهڙا راز ٻڌائيندو، هو ته پاڻ ئي هڪ راز آهي، هن سوال ڪيو ته ٻڌايو وڃي ته جيڪو ماڻهو يوسي جي سيٽ نٿو کٽي سگهي ته اهو ڪيئن هڪ لک کان وڌيڪ ووٽ حاصل ڪري سگهي ٿو. هاڻ اهو دور ناهي رهيو جو ڪنهن جي ڳالهه لڪي سگهي، هاڻ ڪنهن جي به ڳالهه نٿي لڪي، هن چيو ته اهان پنهنجي اسٽبلشمينٽ سان وڙهڻ ۽ جلوس ڪڍڻ لاءِ نڪتا آهيو، پروٽوڪول به پنهنجي حڪومت جو استعمال ڪري رهيا آهيو، سڀ ڪجهه اوهان جو ۽ ادارا به اوهان جا آهن ته ڪهڙي ڳالهه راز جي آهي، پ پ اڳواڻ چيو ته پنهنجي وزيراعظم کي چئو ته جيڪڏهن حڪومت نٿي هلي ته استعيفيٰ ڏئي، هن چيو ته چئو ته توهان نااهل آهيو پر اسان ڏي اهڙو پيغام نه موڪليو جنهن سان اوهان سمجهو ته اسان ڊڄي وينداسين نه اوهان اسان کي ڊيڄاري سگهو ٿا نه ڀڃائي سگهو ٿا، توهان پاڻ ڊڄي سگهو ٿا، لکي ڏئي سگهي ٿا، اسان جي پارٽي ۾ ڪو به اهڙو ڪلچر نه آهي، ان موقعي تي مراد علي شاهه، قائم علي شاهه، خورشيد شاهه، نثار کهڙو، منظور وساڻ ۽ فيصل صالح حيات به موجود هئا. ان کان اڳ سيد خورشيد شاهه چيو ته پاڪ چين اقتصادي راهداري جي خوشحالي صرف هڪ صوبي ۾ نظر اچي رهي آهي، خورشيد شاهه چيو ته شهادت پ پ جي ورثي ۾ آهي، ڇو ته پارٽي جو جيئڻ ۽ مرڻ عوام سان آهي، عوام کي اهڙي سياست جي ضرورت آهي، هن چيو ته وفاقي حڪومت عوام کي روزگار ڏيڻ لاءِ تيار نه آهي، خطاب کان اڳ آصف زرداري پارٽي جي ٻين اڳواڻن سان گڏ ذوالفقار علي ڀٽو جي سالگره جو ڪيڪ ڪاٽيو.

 

آمريڪا پاڪستان جي مالي ۽ فوجي امداد روڪڻ جو اعلان ڪري ڇڏيو

اسلام آباد/واشنگٽن ( ويب ڊيسڪ ) آمريڪا پاڪستان سان هر قسم جو سڪيورٽي سهڪار معطل ڪرڻ جو اعلان ڪري ڇڏيو جنهن تحت پاڪستان کي فوجي سامان ۽ مالي امداد فراهم نه ڪئي ويندي. آمريڪي پرڏيهي وزارت جي ترجمان بيدر نورٽ ميڊيا کي بريفنگ ڏيندي ٻڌايو ته هاڻي نه ته پاڪستان کي فوجي سامان ڏنو ويندو ۽ نه سڪيورٽي جي مد ۾ فنڊ فراهم ڪيو ويندو، انتظاميه پاڪستان جي امداد ۾ ڪٽوتي جو ڪاٿو لڳائي رهي آهي ته ڪيترا ملين ڊالر ڪاٽيا پيا وڃن. هن چيو ته پاڪستان جي امداد فيصلائتن قدمن سان بحال ٿي سگهي ٿي ۽ اهو تڏهن ٿيندو جڏهن پاڪستان حقاني نيٽ ورڪ ۽ افغان طالبان خلاف فيصلائتي ڪارروائي ڪندو. سندس چوڻ هو ته دهشتگرد گروپ جي خطي کي عدم استحڪام جو شڪار ڪري رهيا آهن ۽ افغانستان ۾ اسان جي اتحادين تي حملن ۾ ملوث آهن. ٻئي طرف پرڏيهي کاتي جي ترجمان ڊاڪٽر فيصل چيو آهي ته پاڪستان دهشتگردي جي خلاف جنگ پنهنجي وسيلن سان وڙهي آهي. پرڏيهي کاتي طرفان جاري بيان موجب پرڏيهي کاتي جي ترجمان ڊاڪٽر محمد فيصل جو چوڻ هو ته پاڪستان دهشتگردي خلاف ڳري رقم پنهنجي وسيلن تي خرچ ڪئي ۽ گذريل 15 سالن ۾ پاڪستان جا 120 ارب ڊالر خرچ ٿيا، اڳتي لاءِ به خطي ۾ امن ۽ پنهنجي شهرين جي جان ۽ مال جي تحفظ لاءِ پرعزم آهيون. پرڏيهي کاتي جي ترجمان چيو ته دهشتگردي خلاف پاڪ آمريڪا اتحاد حقيقت ۾ آمريڪي سلامتي جا مقصد پورا ڪندو آهي،  پاڪ آمريڪا دهشتگردي جي خاتمي جي سهڪار جو فائدو سڀ کان وڌيڪ آمريڪا ۽ عالمي برادري کي ٿيو، سيڪيورٽي معاملن تي آمريڪا سان رابطي ۾ آهيون ۽ ان معاملي تي آمريڪي اتنظاميا جي جواب ۽ تفصيل جو انتظار آهي.

 

 

پاڪستانين کي ڊالرن ۾ وڪڻڻ وقت عمران مشرف سان گڏ بيٺل هو: مريم اورنگزيب

اسلام آباد (اين اين آءِ) سڌ سماءَ جي مملڪتي وزير مريم اورنگزيب چيو آهي ته عمران صاحب جي پريس ڪانفرنس هڪ اڻڄاتل نجومي جي هدايت تي هئي، عمران صاحب خود ذهني طور مفلوج آهي ۽ اڻڄاتل نجومي جو ڪٺ پتلي بڻيل آهي، اڄ ظاهر ٿي ويو ته عمران ڪنهن جي آڱر ۽ اشاري تي پاڪستان جي ترقي روڪي رهيو هو، عمران ڪٺ پتلي هيو ۽ ڪٺ پتلي آهي، سمنڊ پار ماڻهن لاءِ به اهو ئي ڪردار ادا ڪرڻ جي ڪوشش ڪري رهيو آهي، عمران صاحب ماڻهن جي خدمت ڪري، وزيراعظم بڻجڻ لاءِ پرڏيهي سهارا، اڻڄاتل نجومي ۽ ايمپائير نه ڳولي، جمعي تي پنهنجي بيان ۾ هن چيو ته عمران صاحب جڏهن مشرف پاڪستانين کي آمريڪي ڊالر عيوض وڪرو ڪري رهيو هو ته توهان ان سان گڏ هو، اوهان نائين اليون تي مشرف جي پاليسي جي حمايت جو جواب ڏيو، هن چيو ته عمران صاحب کي حقيقت ۾ شهباز شريف فوبيا ٿي ويو آهي، اوهان کي پاڪستان کان وڌيڪ آمريڪا وارن جو فقر ڇو آهي، هن چيو ته پاڪستان جو عوام وزيراعظم چونڊي ٿو پر توهان وزيراعظم بڻجڻ لاءِ ڪو نه ڪو سهارو ڳوليو ٿا، هن چيو ته پاڪستان جو عوام آزاد ۽ خودمختيار آهي، عمران صاحب ماڻهن جي خدمت ڪريو، وزيراعظم ٿيڻ لاءِ پرڏيهي سهارا، اڻڄاتل نجومي ۽ ايمپائير نه ڳوليو، هن چيو ته عمران صاحب ملڪي ادارا پنهنجو ڪم ڪري رهيا آهن پر ڪي پي ڪي ۾ احتساب ڪميشن بند آهي، هن چيو ته نواز شريف عوام جي خدمت ڪئي تنهنڪري عوام کيس 3 ڀيرا وزيراعظم چونڊيو.

حديبيا پيپرز ملز ڪيس جو مقصد جوابدارن کي دٻاءَ ۾ آڻڻ هو: سپريم ڪورٽ

اسلام آباد( ويب ڊيسڪ ) سپريم ڪورٽ حديبيا پيپرز ملز ڪيس کولڻ بابت نيب جي اپيل تي تفصيلي فيصلو جاري ڪري ڇڏيو آهي. 36 صفحن تي ٻڌل فيصلو  جسٽس قاضي فائز عيسيٰ لکيو آهي. سپريم ڪورٽ پنهنجي فيصلي ۾ چيو ته ريفرنس جو مقصد جوابدارن کي دٻاءَ ۾ آڻڻ کانسواءِ ڪجهه نه هو،  جڏهن ته جوابدارن کي دفاع جو موقعو به فراهم نه ڪيو ويو. فيصلي ۾ چيو ويو ته ڪيس جي ٻيهر جاچ نه ڪرڻ جي لاهور هاءِ ڪورٽ جي فيصلي مان مطمئن آهن پر هاءِ ڪورٽ جي جج ٻيهر جاچ نه ڪرڻ جا سبب پنهنجي فيصلي ۾ بيان نه ڪيا آهن. سپريم ڪورٽ چيو ته ريفرنس کي اڻڄاتل مدي تائين التوا هيٺ رکي قانوني عمل جي ڀڃڪڙي ڪئي وئي جڏهن ته ريفرنس وقت نيب پرعزم نظڙ نه آيو ۽ نيب ٽرائل ڪورٽ ۾ جوابدارن خلاف هڪ به شاهد يا ثبوت پيش نه ڪيو. فيصلي ۾ چيو ويو ته ڪنهن شخص تي الزام جو فيصلو جلد کان جلد ٿيڻ گهرجي ته جئين جوابدارن کي سزا ۽ بي ڏوهي بري ٿي سگهي، اڻڄاتل مدي تائين التوا ۾ رهندڙ ڪيس انصاف ۾ دير ناانصافي برابر جي چواڻي کي سچو  ثابت ڪن ٿا، چئن سالن تائين نيب چيئرمين ريفرنس جي بحالي لاءِ ڪابه درخواست نه ڪئي پر جڏهن درخواست ڏني وئي ته پيروي نه ڪئي وئي. سپريم ڪورٽ جي فيصلي ۾ ميڊيا جي ڪردار جي واکاڻ ڪندي چيو ويو ته ٻڌڻي دوران ميڊيا طرفان سنجيده رپورٽنگ ڪي وئي، جڏهن ته ڪجهه ميڊيا گروپس ڪيس ۾ دلچسپي رکندڙ ماڻهن جي راءِ به شايع ڪئي.

 

شهيد ڀٽو اڄ به عوام جي دلين ۾ زنده آهي، هن اصولن تي سر قربان ڪيو پر سوديبازي نه ڪئي: بلاول ڀٽو زرداري

لاهور (اين اين آءِ) پ پ چيئرمين بلاول ڀٽو چيو آهي ته جيڪڏهن ٻيهر ن ليگ جي حڪومت ايندي ته دنيا ۾ ڪير ان سان ڳالهه ڪندو، جيڪڏهن تحريڪ انصاف جي حڪومت آئي ته اسان دنيا کي ڪهڙو منهن ڏيکارينداسين، پ  پ جي حڪومت بڻائڻي آهي ۽ پاڪستان کي بچائڻو آهي،جيالا متحد ٿي وڃن ۽ اسان سڀني کي ڏيکارينداسين ته پ پ ئي حڪومت ٺاهيندي، ڀارت جي ڪوشش آهي ته دنيا ۾ ڪو به پاڪستان جو دوست نه رهي، اسان ان کي به ڪاميابي ٿيڻ ناهي ڏنو ۽ ڊونلڊ ٽرمپ کي انگيج رکڻو پوندو، موجوده عالمي تناظر ۾ اسان کي گڏ ٿيڻو آهي ۽ اسان سڀ گڏ آهيون، اهڙن خيالن جو اظهار هن بلاول هائوس لاهور ۾ شهيد ذوالفقار علي ڀٽو جي 90 هين سالگره جو ڪيڪ ڪٽڻ واري تقريب کي خطاب ۽ صحافين سان ڳالهائيندي ڪيو، هن چيو ته ذوالفقار علي ڀٽو جي حڪومت کي ڪم ڪرڻ جو تمام ٿورو وقت مليو پر جيترو ڪم شهيد ڀٽو جي دور ۾ ٿيو پاڪستان ۾ ان کانپوءِ ٻيهر ايترو ڪم ناهي ٿيو، شهيد ڀٽو ملڪ کي آئين ڏنو، ون مين ووٽ جو تصور ڏنو، ملڪ ۾ ذوالفقار علي ڀٽو ئي هو جنهن سياسي ۽ اقتصادي اسٽيٽسڪو کي ٽوڙيو، اڄ پاڪستان کي ٻيهر ساڳين انقلابي سڌارن جي ضرورت آهي، هن چيو ته الحمد الله اڄ ملڪ ۾ جمهوريت آهي پر ڪمزور آهي، مضبوط ڪرڻ جي ضرورت آهي، اسان چاهيون ٿا ته سڀ فيصلا عوام ڪري، طاقت جو سرچشمو عوام هجي، هن چيو ته اسان پنهنجي دور ۾ سي پيڪ شروع ڪيو ۽ گوادر پورٽ کي چين جي حوالي ڪيو، سي پيڪ سان عام ماڻهو کي به فائدو ٿيڻ گهرجي. سنڌ ۾ ٿر ڪول منصوبي ۾ مقامي ماڻهن کي روزگار ڏئي رهيا آهيون، پ پ اقتدار ۾ آئي ته معيشت کي صرف امير ماڻهو لاءِ نه پر سڀني لاءِ بڻائينداسين، هن چيو ته اسان چونڊن ڏانهن وڌي رهيا آهيون، جيالو جتي به آهي تيار ٿي وڃي، 2018 ۾ سڀني کي ڏيکارينداسين ته پ پ ئي حڪومت ٺاهيندي، اسان تي فرض آهي ته اسان چونڊ وڙهون ۽ ڪامياب ٿيون، مون کي ڊپ آهي ته جيڪڏهن پ پ جي حڪومت نه آئي ته پاڪستان جي مستقبل جو ڇا ٿيندو، ن ليگ جي انتهاپسندي بابت تاريخ سڀني جي اڳيان آهي، پاناما جو معاملو به سڀني جي اڳيان آهي، جيڪڏهن ٻيهر ن ليگ جي حڪومت آئي ته پوءِ دنيا ۾ڪير ان سان ڳالهيون ڪندو. آمريڪا جي اکين ۾ اکيون وجهي ڪيئن ڳالهه ڪئي ويندي، جيڪڏهن تحريڪ انصاف حڪومت ۾ آئي ته دنيا کي ڪهڙو منهن ڏيکارينداسين ته هڪ صوبائي حڪومت تعليم جو 3 سئو ملين جو بجيٽ ان مدرسي کي ڏنو ويو جيڪو طالبان جي استاد جو، عمران خان طالبان کي پنهنجو وڇڙي ويل ڀاءُ سڏي ٿو ته پاڪستان ڪٿي وڃي بيهندو، اسان آمريڪا، ڀارت ۽ دهشتگردن کي جواب ڏيڻو آهي، پ پ جي حڪومت بڻائڻي آهي ۽ پاڪستان کي بچائڻو آهي. هن چيو ته پ پ هميشه عوام دوست رهي آهي پر نواز شريف جي غلط فهمي آهي ته اوهان ادارن جي مخالفت سان سياست ڪري سگهو ٿا، نواز شريف ڪڏهن به عوام دوست ناهي رهيو، هن چيو ته منهنجو واضح موقف آهي ته جيڪڏهن شرجيل ميمڻ ۽ ڊاڪٽر عاصم تي الزام سچا ثابت ٿين ٿا ته مان کين پارٽي مان ٻاهر ڪڍي ڇڏيان هان، ڪنهن کي اجازت نه ڏني ويندي ته اهو پارٽي کي بدنام ڪري، ڊاڪٽر عاصم کي دهشتگردي جي قلمن تحت گرفتار ڪيو ويو ۽ الزام لڳايو ويو ته ان جي اسپتال ۾ دهشتگردن جوعلاج ٿيو، کيس 90 ڏينهن لاءِ اندر ڪيو ويو ۽ ڪنهن سان ملڻ نه ڏنو ويو، اهو صاف سياسي انقام آهي، ڪيپٽن صفدر ۽ مريم نواز جي ڀيٽ ۾ شرجيل ميمڻ جو معاملو به سڀني جي اڳيان آهي، مان ذاتي طور ڪرپشن جي خلاف آهيان پر 2 قانون نه هئڻ گهرجن.

ذوالفقار علي ڀٽوجو 90هين سالگرهه آزاد ڪشمير ۽ گلگت بلتستان سميت سڄي ملڪ ۾ ملهائي ويئي

 

ڪراچي  (اين اين آءِ( پ پ پ جي باني ۽ اڳوڻي وزيراعظم ذوالفقار علي ڀٽو جي 90هين سالگرهه آزاد ڪشمير ۽ گلگت بلتستان سميت سڄي ملڪ ۾ ملهائي ويئي تفصيل مطابق پاڪستان جي پهرين چونڊيل وزيراعظم ذوالفقارعلي ڀٽو 5 جنوري 1928 تي لاڙڪاڻو ۾ سرشاهنواز ڀٽو جي جاگيردار گراڻي ۾ اک کولي جيتوڻيڪ ذوالفقار علي ڀٽو جو پيءُ/ سر شاهنواز ڀٽو مشير اعليٰ حڪومت ممبئي ۽ جوناڳڙهه جي مسلم رياست ۾ ديوان هو جڏهن ته ڀٽو سياست هميشه عوامي ڪئي ۽ پاڪستان ۾ قائد عوام يعني عوام جو رهبر ۽ پاڪستان جي آئين جو بابا به سڏيو ويندو هو. شهيد ذوالفقارعلي ڀٽو جي زندگي ۾ هن تضاد ئي ان جي شخصيت ۽ سياست ٻنهي کي منفرد بڻايو عوام کي ان جي سڃاڻپ ڏيارڻ ۽ سياست کي اميرن جي ڊرائينگ رومن مان ڪڍي گهٽي گهٽي تائين آڻڻ ۽ ان ۾ سياسي شعور پيدار ڪرڻ جو ڪريڊٽ ذوالفقارعلي ڀٽو ڏانهن ئي وڃي ٿو ڀٽو جو اٽو لٽو ۽ اجهو جو نعرو به گهڻو مشهور ٿيو ڳالهه اسلامي دنيا کي گڏ ڪرڻ جي هجي يا ملڪ کي گڏيل آئين ڏيڻ جي ذوالفقارعلي ڀٽو پنهنجي ئي انداز ۾ سياست ڪئي ۽ آمر آڏو ڪنڌ جهڪائڻ کان وڌيڪ جمهوريت ۽ عوام لاءِ مقتل کي ترجيحي ڏني.

 

 

پاڪستان کي ٻاهرين محاذ تي غير معمولي خطرا آهن، سموريون پارٽيون سهڪار ڪن: احسن اقبال

اسلام آباد (اين اين آءِ) وفاقي گهرو وزير احسن اقبال چيو آهي ته پاڪستان کي هن وقت پرڏيهي محاذ تي غير معمولي خطرا آهن تنهنڪري سمورين پارٽين جي مدد گهرجي ته جيئن گڏجي وڙهي سگهجي، پارليامينٽ هائوس اسلام آباد ۾ سينيٽ جي گهرو قائمه ڪميٽي جو اجلاس ٿيو جنهن ۾ احسن اقبال نيڪٽا جي ڪارڪردگي جي حوالي سان بريفنگ ڏيندي چيو ته اسان سمورن قبائلي علائقن کي ڪليئر ڪيو آهي، ڪراچي ۽ بلوچستان جي حالتن تي ضابطو آڻڻ ۾نيشنل ايڪشن پلان ڪافي مدد ڪئي، جڏهن ته هاڻ دهشتگردي جي لهر سرحد پار کان اچي رهي آهي، آمريڪا اسان کي چوي ٿو ته اسان دهشتگردي کي روڪڻ لاءِ ڪم ناهي ڪيو، جڏهن ته پاڪستان ۾ ڪا به اهڙي جاءِ نه آهي جتي اهي ماڻهو گڏ ٿيا هجن ۽ پاڪستان جي خلاف ڪارروائي ڪري سگهن، گهرو وزير چيو ته نيشنل ايڪشن پلان تي عمل ڪرڻ لاءِ صوبن کي نمائندگي ڏني آهي،مدرسا ريفارمز تي گهڻو ڪم ٿي چڪو آهي، افغان مهاجرن کي ڪنٽرول ڪرڻ لاءِ به قدم کڻي رهيا آهيون، فاٽا ريفارمز تي اتفاق سان معاملا حل ڪرڻ جي ڪوشش ڪري رهيا آهيون، هن چيو ته پاڪستان کي هن وقت خارجي محاذ تي غير معمولي خطرا آهن، اهڙا عنصر سرگرم آهن جيڪي جمهوريت جي خلاف آهن، رستن تي سياسي ڌرڻا ۽ تحريڪون ملڪ کي ڪمزور ڪن ٿيون تنهنڪري سمورين پارٽين جي مدد گهرجي ته جيئن داخلي ۽ خارجي محاذ تي گڏجي وڙهي سگهون، هن چيو ته ڪرمنل جسٽس سسٽم تي سفارشون نيڪٽا تيار ڪيون آهن، ڪجهه وڏن وڪيلن سان مشاورت ڪري رهيا آهيون ۽ جلد اهو بل اسيمبلي ۾ پيش ڪيو ويندو، هن چيو ته آمريڪا ئي سڄي دنيا ۾ دهشتگرد پيدا ڪيا، حڪومت کي گهرجي ته اها هر فورم تي آمريڪي صدر ٽرمپ جي بيان جي مذمت ڪري، ان موقعي تي ٽرمپ جي بيان تي هڪ مذمتي ٺهراءُ به پيش ڪيو ويو، جيڪو منظور ڪيو ويو، مزمتي ٺهراءُ سينيٽر رحمان ملڪ پڙهي ٻڌايو.

 

نيب چيئرمين سان تهمينه جنجوعا جي ملاقات، شريف فيملي جي معاملن بابت بريفنگ ڏني

اسلام آباد(ويب ڊيسڪ) نيب چيئرمين جسٽس (ر) جاويد اقبال سان پرڏيهي سيڪريٽري تهمينه جنجوعا نيب هيڊ ڪوارٽر ۾ ملاقات ڪئي ۽ شريف فيملي جي معاملن بابت بريفنگ ڏني. ميڊيا رپورٽن موجب نيب چيئرمين جسٽس (ر) جاويد اقبال پرڏيهي سيڪريٽري کي اڄ نيب هيڊ ڪوارٽر ۾ طلب ڪيو هو، نيب چيئرمين پرڏيهي سيڪريٽري سان برطانيا ۾ رولڙي جو شڪار معاملن بابت پڇاڻو ڪيو، تهمينه جنجوعا شريف فيملي جي معاملن بابت نيب چيئرمين کي بريفنگ ڏني. ان موقعي تي نيب چيئرمين چيو ته برطانيا ڏانهن موڪليل دستاويزن جي تصديق ۾ غفلت برداشت نه ٿيندي، هن پرڏيهي وزارت کي برطانيا ۾ بندوبست تيز ڪرڻ جي هدايت ڪئي.

 

ريڊ زون ۾ استادن ۽ آبادگارن جي پوليس رويي تي دل آزاري ٿي آهي ته معافي ٿو گهران: اي ڊي خواجا

دادو (ويب ڊيسڪ) آئي جي سنڌ اي ڊي خواجه چيو آهي ته ريڊ زون ۾ استادن ۽ آبادگارن جي پوليس رويي تي دل آزاري ٿي آهي ته معافي وٺان ٿو. هن اهڙو اظهار دادو ۾ اي سيڪشن ٿاڻي تي رپورٽنگ روم جي افتتاح بعد ميڊيا سان ڳالهه ٻولهه ڪندي ڪيو. اي ڊي خواجه چيو ته منهنجا سنڌ حڪومت سان ڪي به اختلاف نه آهن، اهو حڪومت جو ثوابديد آهي ته ڪنهن کي آئي جي مقرر ڪري ٿي ، وفاقي حڪومت ۽ صوبائي حڪومت گڏجي جيڪو فيصلو ڪن ٿا اهو سرڪاري ملازم کي قابل قبول هجڻ کپي. هن چيو ته ريڊ زون ۾ پوليس مظاهرين کي روڪڻ تي مجبور ٿيندي آهي ، استاد هن ملڪ ۽ سماج جو سڀ کان معزز طaبقو آهن اهي پنهنجي ڪردار کي اهڙو بڻائن جئين قوم انهن تي فخر ڪري ، هن چيو ته استاد ۽ آبادگار ريڊ زون ۾ احتجاج نه ڪن کين پوليس ڪجهه نه چوندي ريڊ زون پوليس جو نه پر سنڌ حڪومت جو تعين ڪيل آهي . اي ڊي خواجه چيو ته سندس دئور ۾ پوليس اندر ڪا به سياسي مداخلت نه آهي،  هن هڪ سوال جي جواب ۾ چيو ته ٿاڻا ڪلچر هڪ ڏينهن هفتي جا مهيني ۾ ٺيڪ نه ٿيندو اڻ لاءِ وقت لڳندو جنهن لاءِ ميرٽ تي ڀرتيون، گورننس جي شديد ضرورت آهي. سندس چوڻ هو ته پوليس جو نظام عوام جي تعاون کانسواء نه ٿو هلي سگهي پوليس ۽ عوام ۾ ويڇا ختم ڪرڻ لاء سي پي ايل سي جو قيام عمل ۾ آندو ويو سنڌ جي ٻين ضلعن ۾ ننڍا ننڍا مسئلا جيڪي سالن تائين عدالتن ۾ ٻڌڻي هيٺ رهن ٿا اهي سي پي ايل سي ۾ حل ڪرڻ لاءِ سي پي ايل سي ٽيمون جوڙيون وينديون. هن اڳوڻي ايس ايس پي دادو شبير سيٺار جي سي پي ايل سي جي قيام جي ساراهه ڪندي چيو ته سي پي ايل سي هڪ سال جي مختصر وقت ۾ 750 ننڍا ننڍا اختلاف بنا ڪيس داخل ڪرڻ جي حل ڪرائي ماڻهن کي کير کنڊ ڪيو. آئي جي سنڌ جو چوڻ هو ته مال جي ڀيل تي 100 ماڻهون مارجي وڃن ٿا اسان کي ننڍن اختلافن کي وساري سنڌ جي ماڻهن کي سنڌ جي مجموعي ترقي لاء ڪم ڪرڻو پوندو. هن چيو ته پوليس ۾ نوڪري ميرٽ تي ملندي.