تازيون خبرون

Monthly Archives: December 2017

مشهور ڳائڻي شڪيرا راڳ کان پري رهڻ جو اعلان ڪري ڇڏيو

ڪولمبيا(شوبز نيوز) مشهور ڳائڻي شڪيرا راڳ کان پري رهڻ جو اعلان ڪري ڇڏيو. تفصيل مطابق مشهور ڳائڻي شڪيرا ڳلي جي مرض ۾ مبتلا ٿي وئي آهي، جنهن سبب ڊاڪٽرن ان کي گانو نه ڳائڻ جي هدايت ڪري ڇڏي.ڳائڻي ميڊيا سان ڳالهائيندي چيو ته ايندڙ سال جون تائين راڳ جا جوهر نه ڏيکاري سگهنديس منهنجو علاج جاري آهي ۽ ڊاڪٽرن مون کي آرام ڪرڻ جي هدايت ڪري ڇڏي آهي.ڳائڻي چيو ته مان جلد ميوزڪ انڊسٽري ۾ واپسي ڪنديس، شڪيرا پنهنجي بهترين راڳ سبب هزارين ڪروڙين دلين ۾ پنهنجي جاءِ ٺاهي ورتي.ان جو گانو واقا واقا ان جي شهرت جو سبب بڻيو هو ۽ ڳائڻي چيو ته هوءَ صحتياب ٿي وڌيڪ بهتر گانا ٺاهيندي.

 

ثانيا مرزا پاران پاڪستان جي دوري دوران مختلف دعوتن ۾ شرڪت

لاهور(اسپورٽس نيوز) مشهور ڀارتي ٽينس اسٽار ثانيه مرزا ۽ پاڪستاني ڪرڪيٽر شعيب ملڪ جي جوڙي اڪثر خبرن ۾ ان رهندي آهي ۽ اڄ ڪلهه بحث جو موضوع آهي ثانيا مرزا هاڻوڪي پاڪستان جي دورو ڪيو جنهن دوران هن گهڻيون ئي دعوتون کاڌيون ۽ پنهنجن جي محبت به حاصل ڪئي.ثانيا مرزا پنهنجي مڙس شعيب ملڪ سان گڏ پاڪستان جي دوري تي آئي، جتي هن پنهنجي سست سان وقت گذاريو ۽ دوستن جي دعوتن ۾ شرڪت ڪئي.پاڪستان ڪرڪيٽ ٽيم جي نيوزيلينڊ دوري لاءِ روانگي کان اڳ ڪرڪيٽر محمد حفيظ، شعيب ملڪ ۽ ۽ ثانيا مرزا لاءِ دعوت جو بندوبست ڪيو، جنهن جون تصويرون محمد حفيظ جي گهرواري نازيا ٽوئيٽر تي شيئر ڪيون

 

سپر اسٽارز جي گرل فرينڊز جي چوڻ تي مون کي فلمن مان ڪڍيو ويو: پريانڪا چوپڙا

ممبئي (شوبز نيوز) ناليواري ڀارتي اداڪارا پرينڪا چوپڙا چيو آهي ته آئون پنهنجي ڪيريئر دوران ڪيترائي ڀيرا طاقت جي نشي جو شڪار بڻي آهيان ۽ ڪيترائي ڀيرا مون کي سپر اسٽارز جي گرل فرينڊز جي چوڻ تي فلمن مان پڻ ڪڍيو ويو آهي. بالي ووڊ اداڪارا پريانڪا چوپڙا پنهنجي هڪ انٽرويو ۾ چيو ته هن پنهنجي زندگي ۾ اهڙي صورتحال کي به منهن ڏنو آهي جڏهن کيس ڪنهن جي چوڻ تي فلم مان ٻاهر ڪڍيو ويو هو. جنهن جي چوڻ يا سفارش تي مون کي ٻاهر ڪڍيو ويو هو ممڪن آهي ته اها هيرو يا هدايتڪار جي گرل فرينڊ هئي ۽ ان جي چوڻ تي مون کي ان وقت ٻاهر ڪڍيو ويو جڏهن آئون فلم سائن ڪري چڪي هئس ۽ آئون ڪجهه به نه ڪري سگھيس. مون کي فلم مان ان حالتن ۾ ٻاهر ڪڍيو ويو جڏهن آئون طاقتور ماڻهن جون خواهشون پوريون نه ڪري سگھيس. پريانڪا چوپڙا چيو ته هر ملڪ جون پنهنجون ثقافتي حدون هونديون آهن، هالي ووڊ اداڪارا ميريل اسٽريپ آمريڪا جي صدر ۽ بااثر ماڻهن خلاف آواز اُٿاريو ۽ هن پنهنجي گھر ٻاهران ٽرمپ جون مخالف شيون وڪڻڻ شروع ڪري ڇڏيون اسان جي ۽ ان جي سوچ ۾ گھڻو فرق آهي ۽ اسان کي ميريل اسٽريپ جي ان قدم کي ساراهڻ گھرجي. اداڪارا مستقبل جي حوالي سان اُميد ظاهر ڪندي چيو ته اسان جو نئون نسل جڏهن عورتن جي عزت ڪرڻ شروع ڪندو ته صورتحال تبديل ٿي ويندي. پريانڪا وڌيڪ چيو ته آئون عورتن کي متاثرين نه سمجهندي آهيان پر کين باهمت عورت جي روپ ۾ ڏسندي آهيان جيڪي پنهنجي هٿان ٿيندڙ ناانصافين باوجود زندگي ۾ اڳتي وڌنديون آهن.

 

انوشڪا ۽ ويرات شادي جون تقريبون ختم ٿيڻ تي ڏکڻ آفريڪا روانا

نئين دهلي(اسپورٽس نيوز) بالي ووڊ اداڪارا انوشڪا شرما ۽ ڪرڪيٽر ويرات ڪولهي پنهنجي شادي جون تقريبون ختم ٿيڻ کانپوءِ ڏکڻ آفريڪا روانا ٿي ويا آهن.ڀارتي ميڊيا جي رپورٽن مطابق انوشڪا ۽ ويرات کي گذريل رات جو دير سان ايئرپورٽ تي ڏٺو ويو. ان موقعي تي ويرات کي ٽريڪ سوٽ جڏهن ته انوشڪا کي ڪارو ۽ اڇو پٽا پٽي جمپ سوٽ ۽ بليڪ جيڪٽ پهريل هئا. ڀارتي اسٽار جوڙي نئين سال جي آجيان گڏ ڪندي جنهن کانپوءِ ويرات ڪولهي ڏکڻ آفريڪا سان شيڊول واري ڪرڪيٽ سيريز ۾ مصروف ٿي ويندو.واضح رهي ته ڀارتي ڪرڪيٽ ٽيم ڏکڻ آفريڪا خلاف پهرين ميچ 5 جنوري تي کيڏندي. ٻئي طرف انوشڪا واپس وطن اچي ممبئي ۾ آنند ايل راءِ جي فلم جي شوٽنگ شروع ڪندي، جنهن ۾ سندس سامهون هيرو جو ڪردار شاهه رخ خان ادا ڪري رهيو آهي، جڏهن ته فيبروري ۾ انوشڪا ورن ڌون سان گڏ فلم ”سئي ڌاگا“ جي شوٽنگ پڻ شروع ڪندي

 

محبوب سبحاني،قطب رباني،پيران پير غوث اعظم دستگير  ….حضرت سيدناعبدالقادر جيلاني رحمت الله عليه: عبدالفتاح عباسي

الله پاڪ پنهنجي محبوب سرڪار مدينه صلي الله عليه وسلم سان بي انتها محبت کي ئي پنهنجي محبت قرار ڏنو آهي۽ يارسول الله صلي الله عليه وسلم وري پنهنجي پيارن صحابه اڪرام،اهلبيت پاڪ جي محبت کي پنهنجي محبت سڏيو آهي.حضرت سيدنا غوث اعظم محبوب سبحاني عبدالقادر جيلاني رحمت الله عليه جو پاڪ شجره مبارڪ حضرت سيدنا مولي! علي شير خدا رضي الله عنه جن سان ملي ٿو.پاڻ والد جي طرف کان حضرت سيدنا امام حسن رضي الله عنه ۽ والده جي طرف کان حضرت سيدنا امام عالي مقام امام حسين رضي الله عنه جن سان ملي ٿو.والد جو اسم مبارڪ حضرت ابوصالح رضي الله عنه ۽ والده جو اسم مبارڪ حضرت فاطمه رضي الله عنها آهي.سيدنا غوث اعظم پيران پير دستگير جون ڪرامتون سلسلي عاليه قادريه جي طالبن لاءِ بي مثال دنيا جي مسلمانن لاءِ قائم دائم آهن.بشير بن محفوظ جو بيان آهي ته هڪ ڏينهن منهنجي ڌيءَفاطمه گهر جي ڇت تان هڪدم غائب ٿي وئي. مان پريشان ٿي ڪري سرڪار بغداد حضور غوث پاڪ رضي الله عنه جي خدمت بابرڪت ۾ حاضر ٿي ڪري عرض ڪيو،سائين جن فرمايو ته ڪرخ وڃي اتي ويراني ۾ رات جي وقت هڪ مخضوص جڳهه تي پنهنجي چوڌاري دائرو ڪڍي ويهي رهجانءِاتي منهنجو تصور ڪري بسم الله چئي ڇڏجانءِ.رات جي انڌيري ۾ توهانجي اردگرد جنن جا لشڪر گذرندا.انهن جون شڪليون عجيب و غريب هونديون.انهن کي ڏسي دڄجانءِ نه،سحري جي وقت جنن جو بادشاهه تون جي اڳيان حاضر ٿيندو۽ توکان تنهنجي حاجت پڇا ڪندو. ان کي چئجانءِ ،مون کي سيدنا عبدالقادر جيلاني رضي الله عنه بغداد کان موڪليو آهي. تو منهنجي ڌيءَ کي تلاش ڪر.ائين ئي مان ڪرخ جي ويراني ۾ هليو ويس ۽ حضور غوث اعظم جي ٻڌايل طريقي تي عمل ڪيو.رات جي انڌيري ۾ خوفناڪ جن منهنجي چوطرف گهمندا رهيا.جنن جون شڪليون ايتري قدر هيبتناڪ هيون جو ڏسي نه پئي سگهجن. سحري جي وقت جنن جو بادشاهه گهوڙي تي سوار آيوان جي اردگرد به جنن جو هجوم هيو.دائري کان ٻاهرئي ان مون کان حاجت پڇا ڪرائي.مان ٻڌايو ته مون کي حضور غوث اعظم سائين توهان ڏي موڪليو آهي.ايترو ٻڌڻ هيو جويڪدم هو پنهنجي گهوڙي تان لهي آيو۽ زمين تي ويهي رهيو.ٻيا سڀئي جن به دائري کان ٻاهر ويهي رهيا.مان پنهنجي ڌيءِ جي گمشدگيءَ جو واقعو ٻڌايو.ان سڀني جنن ۾ اعلان ڪيو ته ڇوڪري ڪير کڻي ويو آهي؟ ٿوري ئي ٽائيم ۾ جن هڪ چيني جن کي پڪڙي بطور ڏوهي حاضر ڪيو.جن جي بادشاهه ان کان پڇيو ته ”قطب وقت جي شهر مان تون ڪيئن ڇوڪري کنيي؟“هن ڏڪيندي چيو ته مان ان کي ڏسندي ئي ان تي فدا ٿي ويس.بادشاهه ان چيني جو سر قلم ڪرڻ جو حڪم ڪيو۽ مون کي پنهنجي ڌيءِ ڏني. مان جنن جي بادشاهه جو شڪريو ادا ڪندي چيو ته ماشآ الله توهان سيدنا غوث اعظم سائين جا وڏا چاهيندڙ آهيو. ان تي هن چيو ته ”خدا جو قسم! جڏهن حضور پاڪ رضي الله عنه اسانجي طرف نظر فرمائيندا آهن ته سڀئي جن ڏڪندا آهن. جڏهن الله تبارڪ وتعالي! ڪنهن وقت جي قطب جو تعين فرمائيندو آهي ته تمام جن ۽ انسان ان جي تابع ڪيا ويندا.

تهر تهراتي هين سڀهي جنات تيري نام سي،

هي ترا وه   دبدبه     يا غوث اعظم دستگير.

سگ مدينه محمد الياس ”عطار“ قادري عفي عنه جي آباڻي ڳوٺ ڪتيانه (انڊيا) جو هڪ واقعو ڪنهن ٻڌايو هيو ته اتي هڪ شخص رهندو هو جيڪو غوث اعظم جو بي حد ديوانو هيو.جيڪويارهين شريف وڏي اهتمام سان ملهائيندو هيو.هڪ خاص ڳالهه ان ۾ هي به هئي ته هو سيد سادات جي بي حد تعظيم ڪندو هيوننڍن ٻارڙن سيد زادن تي شفقت جو هي حال هيو جو انهن کي کڻي کڻي گهمائيندو هيو۽ انهن جي خدمت ۾ ڪا مٺي يا ٻي ڪا شيءِ پيش ڪندو هيو.هو گذاري ويو.ميت تي چادر وڌل هئي،سوگوار جمع ٿيل هيا ته اوچتو چادر هٽائيندي ديوانو اٿي کڙو ٿيو.ماڻهو گهٻرائيندي ڀڄڻ لڳا،ان پڪاريندي چيو ته ڊڄو نه،ٻڌو ته ! ماڻهو جڏهن ويجهو پهتا ته چوڻ لڳو ” اصل ۾ ڳالهه هيءَ آهي ته هاڻي هاڻي منهنجو يارهين وارو پيران پيردستگير،روشن ضمير،قطب رباني،محبوب سبحاني،غوث صمداني،قنديل نوراني،پير پيران،مير ميران الشيخ عبدالقادر جيلاني قدس سره الرباني تشريف کڻي آيا هئا.ان مون کي فرمايو ”اسان جو مريد ٿي ڪري بغير توبهه جي مري ويو! اٿي ۽ توبهه ڪر ڇڏ“.۽ مون ۾ روح واپس اچي ويو جيئن مان توبهه ڪري سگهان.ايترو چوڻ بعد ان غوث پاڪ جي ديواني پنهنجي تمام گناهن جي توبهه ڪئي ۽ ڪلمه پاڪ جو ورد ڪرڻ لڳو.اوچتو ئي وري ان جو چهرو هڪ طرف ٿيڻ لڳو۽ ان جو وصال ٿيو.حضور غوث پاڪ رضي الله عنه جي محبت ڪندڙ مريدن کي مبارڪ هجي ته سرڪار بغداد فرمائن ٿا ” منهنجو مريد ڀلي ڪيڏو به گهنگار هجي اهو ان وقت تائين نه مرندو جيستائين توبهه نه ڪري.“

آپ جيسا پير هوتي ڪيا غرض  در در پهرون،

آپ سي سب ڪڇهه ملا يا غوث اعظم دستگير.

اسان جا غوث اعظم مادر زاد ولي هيا. جڏهن ماءُ جي پيٽ ۾ هيا ته ماءُ کي نڇ ايندي هئي ته هو الحمد الله چوندي هئي ته غوث پاڪ جواب ۾ يرحمڪ الله چوندا هئا.پاڻ پهرين رمضان المبارڪ بروز سومر صبح صادق جي وقت دنيا ۾ آيا ان وقت چپ مبارڪ حرڪت ڪري رهيا هئا ۽ الله ،الله جو آواز اچي رهيو هو.جنهن ڏينهن غوث پاڪ جي ولادت ٿي ته انهيءَ ڏينهن ئي جيلان شريف ۾ يارهن سو ٻارڙن جو جنم ٿيواهي سڀئي ڇوڪرا هئا ۽ سڀ ولي الله بڻيا.غوث پاڪ رحمت الله عليه پيدا ٿيندي ئي روزو رکي ڇڏيو۽ جڏهن سموري ڏينهن گذرڻ بعدسج لهي ويوان وقت امڙ جو کير پيتو.سڄو مهينو سندن جو اهو ئي معمول رهيو.5 سالن جي عمر ۾ جڏهن پهريون دفعو بسم الله پڙهڻ جي رسم جي لاءِ ڪنهن بزرگ وٽ ويٺا ته اعوذ ۽ بسم الله پڙهندي سوره فاتحه ۽ الم کان ويندي 18 سيپارا پڙهندي ٻڌايا . ان بزرگ چيو ته ،پٽ وڌيڪ به پڙهه ! فرمايو ويو ته مون کي ايترو ئي ياد آهي.ڇو ته منهنجي ماءُ کي به ايترو ئي ياد هيو.جڏهن مان پنهنجي ماءُ جي پيٽ ۾ هيس ته ان وقت هوءَ پڙهندي هئي.مان ٻڌندي ياد ڪري ڇڏيو هيو.ڪڏهن ڪڏهن ماڻهو ڪرامات اولياءَ الله جي معاملي ۾ شيطاني وسوسن ۾ اچي ڪري الله وارن جون ڪرامتون پنهنجي عقل سان تورڻ لڳندو آهي۽ ائين گمراهه ٿي ويندو آهي.ياد رکيو وڃي ته ڪرامت چيو ئي ان ڳالهه کي آهي جيڪا  ظاهري طرح ناممڪن هجي پر الله جي عطا سان اولياءِ الله ڪاملين کان اهڙيون ڳالهيون ڪنهن وقت صادر ٿي وينديون آهن.

عقل ڪو تنقيد سي فرصت نهين،

عشق پر اعمال    ڪي   بنياد رک.

دور حاضر جو سڀ کان وڏو سائنسدان آئن اسٽائن چئي ويو آهي ته ”مان ريڊيو،دوربين جي ذريعي هڪ اهڙو ڪهڪشان ته ڏسي ڇڏيو آهي جيڪو زمين کان ٻه ڪروڙ نوي سال پري آهي يعني روشني جيڪا في سيڪنڊ هڪ لک ڇهاسي هزار ميل طي ڪندي آهي اتي ٻه ڪروڙ سالن ۾ پهچندي پر جيستائين ڪائنات  جون سرحدون معلوم ڪرڻ جو تعلق آهي. جيڪڏهن منهنجي عمر ملين يعني ڏهه لک سال به ٿي وڃن تڏهن به دريافت نٿو ڪري سگهجي“.سائنسدان جي برعڪس الله سائين جي ولي حضور غوث اعظم رحمت الله عليه جي نظر جي عظمت ڏسو سائين جن فرمائن ٿا ته ترجمو.يعني الله پاڪ جا سڀئي شهر منهنجي نظر ۾ اهڙي طرح آهن جيئن هٿ تي چانورن جا داڻا هجن“.

تري هاٿ مين، هاٿ مين ني ديا هي،

تري هاٿ هي،  لاج يا غوث اعظم .

قادري ڪر، قادري رک، قادريون مين اٽها،

قدر عبدالقادر    ،قدرت نما ڪي واسطي.

ياد رکڻ کپي ته يارهين ٻارهين جن تنهنجي ڪئي رزق ۾ برڪت تن کي پئي آهي۽ پوري دنيا جي اندر سيدنا غوث پاڪ دستگير بادشاهه پير جوقادري سلسلو جيڪو سيدنا علي المرتضي! شير خدا رضي الله عنه کان جاري آهي ان غوث پاڪ جو فيضان نه رڳو قادري سلسلي وارن لاءِ آهي پر سندن جو ڪامل فيض سڀني سلسلن چشتي،سهروردي توڙي نقشبندي سلسلي لاءِ به يڪجاءَ آهي ۽ سڄي دنيا ۾ قادري سلسلو غوث پاڪ جي حوالي سان عاشقان رسول جماعت لاءِ آٿت ۽ قرب جو ذريعو آهي.انٽر نيشنل سطح تي دعوت اسلاميءَ جا امير علامه محمد الياس ”عطار“قادري پنهنجي اصلاحي نيڪيءَ جي دعوت کي عام ڪندڙ دعوت اسلامي جي پليٽ فارم تان قادري فيضان کي اعلي حضرت امام احمد رضا خان فاضل بريلوي رحمت الله عليه جي نقش قدم مطابق جاري و ساري ڪري رهيا آهن.

گو ذليل وخوار هون،بدڪار و بدڪردار هون،

آپ ڪا هون،آپ ڪا يا غوث اعظم دستگير .

*****

 

 

استادن جا مٿا ڦاڙيندڙ ٻيا ڪهڙا ڦاڙا ماريندا …….؟

هڪ پاسي شهيد راڻي جي ورسيءَ جون تياريون هلي رهيون هيون ته ٻئي پاسي قوم جي ٻچن کي تعليم ڏيندڙ استادن جا مٿا ڦاڙيا پئي ويا  هي مٿا ڦاڙيندڙ حڪمران جن جو تعلق پ پ پ سان آهي ۽ پ پ شهيد ڀٽو ۽ شهيد راڻي جي اُها پارٽي آهي جيڪا عوامي پارٽي آهي جيڪا آمريت خلاف ڊگهي جدوجھد ڪندڙ پارٽي آهي پر شهيد راڻي کان پوءِ هن پارٽي جا طور طريقا تبديل ٿيندي نظر پيا اچن آمريتي انداز چٽو پٽو نظر اچي رهيو آهي جنهن پارٽي جي قائد ۽ قوم جي امڙ بيگم نصرت ڀٽو پنهنجو مٿو ڦاڙاڻي عوام جي حق لاءِ هڪ جدوجھد جي شروعات ڪئي اڄ ان پارٽي جا حڪمران استادن جا مٿا ڦاڙي  رهي آهي مٿن ڳوڙها گئس اڇلايا پيا وڃن ۽ ڏنڊا وسايا پيا وڃن کين روڊن رستن تي گھيلي پوليس موبائلن ۾ اڇلايو پيو وڃي ۽ ٿاڻن تي بند ڪيو پيو وڃي  ، حڪومت اهري عمل کان پوءِ اِهو سوال پيدا ٿي رهيو آهي ته  آخر استادن جو ڏوھه ڪهڙو آهي …؟ استادن جو ڏوھه اِهو آهي ته هُو پنهنجن حقن لاءِ وڏي وزير جي گھر آڏو احتجاج ڪرڻ پيا چاهين ، اسان جي سنڌ جو وڏو وزير استادن جي جيڪا مهمان نوازي ڪئي آهي ان کي شايد خبر هجي ته اِهي ئي استاد آهن جن کيس پڙهايو آهي ۽ سندس اولاد کي پڙهائي رهيا آهن ڀل ته اِهو دليل ڏنو وڃي ته وڏي وزير سميت سمورن وزيرن ۽ ڪامورن جي اولاد سرڪاري ادارن ۾ نه پڙهندي آهي  پر خانگي اسڪول ۾ به ته کين استاد پڙهائي رهيا آهن استاد ته استاد هجي ٿو جنهن کي  ابي امان جو رتبو حاصل آهي هنن مٿان ڪيل تشدد شرم جوڳو عمل آهي اسان کي حيرت آهي سنڌ پوليس تي جنهن جو سربراھه اي ڊي خواجه آهي جيڪو ميرٽ جو حامي آهي سو به پنهنجي پوليس کي اهرڙي عمل کان روڪي نه سگھيو باقي پوليس بدلين جا آڊر روڪڻ ۾ ماهر آهي . پ پ پ جو سربراھه نوجوان قيادت بلاول ڀٽو زرداري تي پڻ افسوس آهي جيڪو هن تشدد تي رڳو ڳڻتي ظاهر ڪري ٿو باقي استادن جا مسئلا حل ڪرائڻ ۾ پنهنجو ڪردار ادا نٿو ڪري کيس اِها ڄاڻ وٺڻ گھرجي ۽ استاد اڳواڻن سان ملاقات ڪرڻ گھرجي ته سندن مسئلا ڪهڙا آهن هي استاد ئي آهن جيڪي اليڪشن ۾ وڏي تعداد ۾ ڊيوٽيون ڏين ٿا جمهوريت جي بحالي ۾ استادن جو اهم ڪردار رهيو آهي ۽ اُن جمهوريت وارو ڦل کائيندڙ پ پ حڪمران انهن ئي استادن جا پوليس جي ڏنڊن سان مٿا ڦاڙائي رهيا آهن جنهن مان ثابت ٿئي ٿو ته موجود حڪمران جمهوري قدرن جو خيال رکندڙ نه آهن ظاهر آهي جيڪي جمهوري قدر لتاڙيندڙ هوندا ته اُهي جمهوريت جي بحالي لاءِ شهيد ٿيندڙن جي روح کي رنجائيندڙ ئي هوندا . سنڌ حڪومت جي پاران استادن مٿان ڪيل تشدد تي جتي هر ساڃاھه وند ، باشعور انسان ڏکارو آهي اُتي شهيد ڀٽو ، شهيد راڻي جا روح به غمگين هوندا . اسان جي حڪمرانن کي سوچڻ گھرجي ته ميرٽ تي استاد اوهان ئي مقرر ڪيا ۽ وري هاڻ انهن جي ميرٽ جو مذاق ئي اوهان ڪري رهيا آهيون ، هتي سوال پيدا ٿئي ٿو اوهان پنهنجي عمل سان دنيا کي ڪهڙو پيغام ڏئي رهيا آهيو ته ميرٽ تي ڀرتي ڪيل استاد به اهل ناهن مطلب ته اوهان ميرٽ ڪرڻ ۾ نااهلي جو مظاهرو ڪندڙ آهيو يا سنڌ جو نوجوان ايترو نااهل آهي جيڪو ميرٽ تي هجڻ باوجود به ميرٽ تي نٿو لهي …….! ٻئي طرف پنجاب سميت ٻين صوبن ۾ استادن کي پڪو ڪيو ويو آهي نه صرف پڪو پر پرائمري استاد کي ڀرتي وقت 14 اسڪيل ڏنو ويو آهي ۽ 16 کان 17 اسيڪيل تائين ترقي ڏني وڃي ٿي پر سنڌ ۾ پرائمري استاد کي 16 اسڪيل ڏيڻ لاءِ به شرط لاڳو ڪيا ويا آهن ۽ ان جو حق به سمورن استادن کي نه ڏنو ويو آهي سندن شرطن سان سينئير استاد 16 اسڪيل کان محروم رهجي وڃي ٿو ، استاد جا مسئلا سندن ترقي واري عمل ۾ رڪاوٽ سان گڏ کين فرض نڀائن واري تائين آهن مطلب کين ڏوراهن علائقن ڏانهن موڪليو وڃي ٿو اسڪولن ۾ سهولتون نه هجڻ آهي هزارين اسڪول اڄ به پاڻي سميت بنيادي سهولتن کام محروم آهن ، ڪيترا اسڪول بنا ڇت جي آهن ، ڪيترائي اسڪول اوطاقن ۾ هلي رهيا آهن ، ڪيترن ئي اسڪولن ڏانهن ويندڙ رستا پاڻي هيٺ آيل آهن ، ڪيترائي اسڪول اڄ به ڀوتارن جي قبصي هيٺ آهن ، ڪيترن ئي اسڪولن ۾ فرنيچر ناهي ٻارڙا پٽ تي ويهي پڙهي رهيا آهن ، ڪيترن اسڪولن ۾ ليٽرين جي سهولت ناهي جنهن سبب ٻارڙا پرشان هجن ٿا جنهن جو اعتراف پاڻ تعليم جو سيڪريٽري ڪري چڪو آهي  انهن مسئلن کي حل ڪرڻ بجاءِ استادن کي ٽارگيٽ بڻايو پيو وڃي جنهن مان ثابت ٿئي ٿو ته حڪمران تعليم کاتي لاءِ ملندڙ بجيٽ ڦٻائن لاءِ اهڙا مسئلا هٿ وٺي پيدا ڪري رهيا آهن ته جئين استاد پنهنجن مسئلن ۾ ڦاٿل هجن ۽ عوام کي پڻ اِهو تاثر ڏنو وڃي ته اسين سڀ مسئلا حل ڪري چڪا آهيون اسڪولن ۾ ڪوبه مسئلو رهيو ناهي استاد رڳو پنهنجن مسئلن لاءِ روڊن تي اچن ٿا …! حڪومت جو اهڙو تاثر پيدا ڪرڻ سندن غلط عمل آهي جنهن کي عوام پڻ سمجھي رهيو آهي ، حڪومت جو استادن کي ڪمزور ڪرڻ واري پاليسي ۾ اِهو پڻ شامل آهي ته هنن استاد تنظيم کي ٻن حصن ۾ ورهائي ڇڏيو آهي جنهن سان استاد جي طاقت به ٻن حصن ۾ تقسيم ٿي وئي آهي ۽ ان جو فائدو حڪمران وٺي رهيا آهن اسين سمجهون ٿا ته جيڪي استاد لٺيون کائي رهيا آهن مٿا ڦاڙائي رهيا آهن ، گرفتار ٿي رهيا آهن اُهي استاد ڪاز لاءِ وڙهندڙ آهن ، جيڪي استادن مٿان ٿيل تسدد باوجود به خاموش تماشائي بڻيل آهن يا پنهنجي دڪانداري ڇڏڻ لاءِ تيار ناهن مِڙي مُٺ ٿيڻ لاءِ تيار ناهن اُهي استاد حڪومت جي پاليسي جو حصو بڻيل آهن تنهن ڪري استادن کي گھرجي ته اهڙي ٽولي جي  اڳواڻي ڪندڙن کان پاسو ڪن ۽ استادن جي جدوجھد ۾ شامل ٿي وڃن . اسان جي سنڌ حڪومت گھرجي ته استادن مٿان تشدد ڪرڻ کان پاسو ڪن ان ڪري ته هن عمل سان اوهان جو آمراڻو ڪردار ظاهر ٿئي ٿو جيڪو هڪ جمهوري پارٽي جي حڪمران کي نٿو سوهين . جتي وزيِر اعليٰ هائوس تائين ايم ڪيو ايم وارن ۽ مذهبي ڌرين کي احتجاج جي اجازت ملي سگھي ٿي ته اتي استادن کي اجازت نه ڏيڻ ڪا دانشمندي ناهي وڏي وزير سيد مراد علي شاھه  ۽ تعليم کاتي جي وزير ڄام مهتاب علي ڏهر کي گھرجي ها ته هُو استادن جو آڌر ڀاءُ ڪن ها  کين مان ، مرتبو ڏين ها ٿڌي دماغ سان سندن مسئلا ٻڌن ۽ مطالبن تي غور ڪري فوري طور حل ڪرڻ جھڙا /ڏسو صفحو 3 بقايا نمبر 01

مطالبا تسليم ڪري وٺن ها ۽ هڪ بهترين انداز ۾ مسئلي جو حل ڪڍن ها پر هنن جيڪو عمل ڪيو ۽ پوليس گردي ڪرائي استادن جا مٿا ڦاڙايا ان سان اِهو تاثر پيدا ٿيو ۽ اِهو سوال اڀريو ته جيڪي حڪمران استادن جا مٿا ڦاڙين ٿا اُهي ٻيا ڪهڙا ڦاڙا ماريندا ، مطلب ته عوام کي ڪهڙا فائدا ڏيندا ۽ ڪهڙي سٺي حڪمراني ڏيندا جڏهن ته ايندڙ چونڊن ۾ باقي وڃي 6 مهينا بچيا آهن ۽ کين وري عوام وٽ اچڻو آهي  ڇا هي ڪارڪردگي کڻي عوام ۽ استادن وٽ ايندا ته اسان کي ٻيهر ووٽ ڏئي ڪامياب ڪيو اسين استادن جا مٿا ڦاڙيندڙ آهيون ۽ ايندڙ وقتن ۾ به اهڙا ڦاڙا ماريندا سين ۽ سندن اهري ڪارڪردگي تي کين ووٽ ملندا خير سنڌ حڪومت جي ڪارڪردگي مجموعي طور تي جيڪا سٺي رهي آهي اُها سنڌ جي حالت مان ڏسي سگھجي ٿي  ايندڙ وقت ۾ ووٽ ڪارڪردگي جي بنياد تي وٺڻ  واري حام ته شرم جوڳي حام هوندي باقي پوليس گردي ۽ ڀوتارگردي  کي نظر انداز نٿو ڪري سگھجي ………..

 

بي بي سي جي بينظير ڀٽو قتل جي جاچ بابت سنگين لاپرواهين جي نشاندهي..!

بي بي سي بينظير ڀٽو بابت تفصيلي رپورٽ شايع ڪئي آهي جنهن ۾ ڪيس جي جاچ دستاويزن جو حوالو ڏيندي چيو ويو آهي ته پوليس ڪيس جي جاچ انتهائي بي دلي سان ۽ گرفتار ڪيل حملي آورن ۽ سهولتن جي اصل ڏوهارين تائين پهچڻ جي ڪوشش ئي نه ڪئي وئي. رپورٽ مطابق جاچ آفيسر سعود مرزا هڪ بمبار جو حليو ٻڌايو جيڪو ڪراچي جي هڪ مخصوص علائقي جو لڳي پيو جڏهن ته اها انتهائي اهم ڄاڻ ڪڏهن سامهون نه آندي وئي. گڏيل قومن واري ڪميشن جي سربراهه چيو ته جاچ ۾ اسٽيبلشمينٽ ۽ ڪجهه حڪومتي وزيرن به تعاون نه ڪيو. هن اسٽيبلشمينٽ ۾ ڪجهه ماڻهن جو بيان وٺڻ چاهيو پر ايئن نه ڪرڻ ڏنو ويو ۽ ان کانپوءِ ان جي آفيس ۽ سيڪيورٽي به واپس ورتي وئي. ٻن سهولتڪارن کي 15 جنوري 2008ع جي هڪ چيڪ پوسٽ تي مبينا مقابلي ۾ ماريو ويو. ان کانپوءِ ڪيترن ئي شڪي ماڻهن کي به ماريو ويو جن ۾ بينظير ڀٽو جي سيڪيورٽي تي مقرر خالد شهنشاهه به شامل آهي ان واقعي جو هڪ جوابدار اڪرم الله اڃان زندا آهي ۽ ڪيس ۾ سزا صرف ٻن آفيسرن کي ٻڌائي وئي جن حادثي واري جاءِ ڌورائي. بينظير ڀٽو قتل کان اڳ حياتي کي خطرن بابت آئي ايس آئي ۽ فوج جا گھرو وزارت کي لکيل خط به سامهون اچي ويا آهن. اڳوڻي وزيراعظم محترمه بينظير ڀٽو جي قتل جي 10 ورهين بعد انٽر سروسز (آئي ايس آئي) ۽ پاڪ فوج جا گھرو وزارت کي لکيل خط بينظير ڀٽو جي حياتي کي خطري بابت آهن. هڪ رپورٽ موجب 19 ڊسمبر 2007ع تي لکيل خط ۾ اڳوڻي صدر (ر) جنرل پرويز مشرف، بينظير ڀٽو ۽ مولانا فضل رحمان جي قتل جو ذڪر آهي.آئي اسي آئي جي خط بعد ملٽري آپريشنز ڊائريڪٽوريٽ به گھرو وزارت کي خط لکي خطري بابت آگاهه ڪيو. جڏهن ته القاعده جي اڳوڻي سربراهه اسامه بن لادن جي ڪمپائونڊ مان مليل دستاويزن مان به ان حوالي سان ڄاڻ ملي، رپورٽن ۾ چيو ويو ته ڳجھن ذريعن وٽان ڄاڻ ملي آهي ته اسامه بن لادن پرويز مشرف، بينظير ڀٽو ۽ مولانا فضل رحمان جي قتل جا حڪم جاري ڪري ڇڏيا آهن. اڳوڻي وفاقي گهرو وزير ۽ پيپلزپارٽي جي مرڪزي اڳواڻ رحمان ملڪ انڪشاف ڪيو آهي ته  بينظير ڀٽو تي آپگهاتي حملو ڪرڻ وارا  2 دهشتگرد هئا، جنهن مان اڪرام الله نالي آپگھاتي  بمبار اڄ به زنده آهي جنهن بيت الله محسود کي وڃي حملي بابت آگاهي ڏني، حملي آور اڪرام الله هن وقت افغانستان جي قنڌار ۾ موجود آهي، جنهن بينظير ڀٽو تي گولي هلائي، افغان صدر اشرف غني بمبار کي گرفتار ڪري پاڪستان حوالي ڪري، آمريڪي صدر ڊونلڊ ٽرمپ جيڪو دهشتگردي خلاف ڳالهائي ٿو اهو ٻڌائي ته بينظير ڀٽو تي حملي جي سهولتڪار عبيدالرحمان کي سي آءِ اي ڊرون حملي ذريعي ڇو مارايو، پيپلزپارٽي شهيد بينظير ڀٽو جي قاتلن جو پيڇو ڪندي ۽ ان کي ڪنهن به صورت ۾ بخش نه ڪندي. مشرف جيڪڏهن سچو هجي ها ته پاڪستان اچي پنهنجي ڪيسن کي منهن ڏي ها، پرويز مشرف بينظير ڀٽو کي سيڪيورٽي ذاتي رنجشن سبب نه ڏني.

 

بلاول مشرف کي بي بي جو قاتل قرار ڏئي ڇڏيو، بينظير ۽ پ پ خلاف سازشون ٿيون: آصف زرداري

لاڙڪاڻو(ويب ڊيسڪ/اين اين آءِ) پاڪستان پيپلزپارٽي جي چيئرمين بلاول ڀٽو زرداري چيو آهي ته هو بينظير ڀٽو جي قتل جو ذميوار ذاتي طور تي اڳوڻي فوجي صدر جنرل رٽائرڊ پرويز مشرف کي سمجهي ٿو جنهن حالتن مان فائدو وٺندي سندس ماءُ کي قتل ڪرايو بي بي سي کي ڏنل انٽرويو ۾ بلاول ڀٽو زرداري چيو ته هو ان نوجوان ڇوڪري کي بينظير جو قتل نٿو سمجهي جنهن 27 ڊسمبر 2007 جي شام راولپنڊي ۾ سندس ماءُ تي حملو ڪيو هو ان دهشتگرد شايد گولي هلائي هجي پر مشرف منهنجي ماءُ جي سڪيورٽي ڄاڻي واڻي هٽائي ته جيئن کيس منظر تان هٽائي سگهجي بلاول ڀٽو چيو ته پرويز مشرف بينظير ڀٽو کي سڌي ڌمڪي ڏني ۽ چيو ته ان جي تحفظ جي ضمانت ان سان سهڪار تي منحصر آهي ان کان پوءِ بلاول مطابق حملي واري ڏينهن پرويز مشرف بينظير جي سيڪيورٽي هٽائي ڇڏي حملي واري ڏينهن ان جي چوڌاري جيڪا سيڪيورٽي هوندي هئي ان کي به هٽايو ويو ته جيئن چيو ته مان اهڙي قسم جي اتفاقن تي يقين نٿو رکان ان کان جڏهن پڇا ڪئي ويئي ته راءِ عامه جا جائزه ٻڌائين ٿا ته ڪيترائي پاڪستاني اوهان جي والد کي بينظير ڀٽو جو قاتل سمجهن ٿا ته بلاول چيو ته هي مظلوم کي ظالم چوڻ برابر آهي منهنجي ماءُ جي قتل جي معاملي ۾ حقيقتون لڪايون پيون وڃن ۽ ميڊيا جي ذريعي هڪ خاص قسم جو تاثر ڏنو پيو وڃي صرف مشرف کي بچائڻ لاءِ بلاول مطابق حقيقتون هي آهن ته مشرف منهنجي ماءُ کي قتل ڪيو پاڪستان جي نظام ۾ ڪنهن جي مدد سان پرويز مشرف ايئن ڪيو ان سوال تي بلاول جو چوڻ هو ته کيس چڱي طرح اها خبر نه آهي ته ان جي مدد ڪنهن ڪئي پر مان ذاتي طور تي ان قتل جو ذميوار کيس سمجهان ٿو مون وٽ ان جو تفصيل نه آهي ته ان ڪنهن کي فون تي ان جي هدايت ڏني يا ڪنهن ميٽنگ ۾ ڪنهن کي ڳجهي ڪوڊز جي ذريعي پيغام ڏنو ته ان جو بندوبست ڪريو ان لاءِ مان ماڻهن يا ادارن تي اجازيو الزام نه هڻندس بلاول ڀٽو بينظير ڀٽو جي قتل جي ڪيس ۾ ملوث ماڻهن کي آزاد ڪرڻ جي فيصلي تي عدالت تي به ڇتي تنقيد ڪئي عدالت ان قتل تي ٿيل گڏيل قومن جي تفتيش کي نظرانداز ڪيو. عدالت حڪومت جي جاچ کي نظرانداز ڪيو هو فون ڪالز جي رڪارڊنگ کي نظرانداز ڪيو ڊي اين اي سان ملندڙ شاهدين کي نطرانداز ڪيو ان لاءِ مان چوان ٿ و ته ان فيصلي انصاف جو مذاق بڻايو رکيو بلاول چيو ته سندس خيال هو ته مشرف کي بچائڻ لاءِ انهن ماڻهن کي قربانين جو ٻڪر بڻائي سزائون ڏنيون وينديون جن عدالت آڏو ڏوهه جو اعتراف ڪيو پر ايئن به نه ٿيو انهن دهشتگردن کي ڪلين چٽ ڏيئي ڇڏي پوءِ انهن پوليس وارن کي سزا ڏني جن ڪرائيم سين کي پاڻي سان صاف ڪري ڇڏيو هو پر ان سان ئي ان جي ضمانت منظور ڪري ورتي ۽ هاڻي اهي واپس پنهنجي ڊيوٽي تي اچي چڪا آهن. مشرف جنهن کي غير حاضري ۾ سزا ڏيڻ گهرجي ها ڇو ته ان جي وڪيل ان جي نمائندگي ان ڪيس ۾ ڪري رهيو هو کيس سزا ڏيڻ بدران عدالت روپوش قرار ڏنو ۽ چيو ته ان تي ڪيس ان وقت هلندو جڏهن هو ملڪ ۾ اچڻ مناسب سمجهندو هي انصاف جي توهين ۽ ان جو مذاق اڏائڻ برابر ۽ شرمناڪ آهي هن چيو ته ڇا اهي ماڻهو جيڪي اوهان جي ماءُ قتل ۾ ملوث هئا ڪڏهن انهن جو احتساب ٿيندو هن چيو ته ان جو دارومدار ان ڳالهه تي آهي ته احتساب سان اوهان جي مراد ڇا آهي مان نٿو سمجهان ته پاڪستاني رياست ۾ ايتري طاقت آهي جو هو فوجي آمر جو قانون مطابق احتساب ڪري سگهي. پنهنجي ماءُ جي ميراث بابت پڇيل هڪ سوال تي بلاول چيو ته پاڪستان ۾ عورتن کي جيڪا آزادي مليل آهي اها بينظير جي ميراث آهي ان اهي زنجير ٽوڙيا جن پاڪستاني عورتن کي جڪڙي ڇڏيو هو اسان جي معاشري ۾ عورتن جيڪو مقام اڄ حاصل ڪيو آهي جيڪا آزادي کين ملي آهي اها بينطير ڀٽو جي ميراث آهي ڇا اوهان پنهنجي ماءُ جي ميراث تي عمل ڪري سگهندا ان سوال تي بلاول ڪڇ هٻڪجي پيو ۽ چيو ته هي ڏاڏو مشڪل آهي پنهنجي ماءُ جي ميراث تي عمل ڪرڻ مان پوري ڪوشش ڪندس ته پنهنجي زندگي جي هر ڏينهن اهي مقصد حاصل ڪرڻ لاءِ ڪم ڪندس جيڪي منهنجي ماءُ طئي ڪيا هئا پاڪستان ۾ جمهوريت کي مضبوط ڪرڻ ڪم ڪندس هتي مساوات تي ٻڌل ترقي پسند معاشرو قائم ڪرڻ لاءِ جدوجهد ڪندس بلاول ڀٽو چيو ته ان جي ماءُ ان لاءِ سياست ۾ اچڻ بابت وڌيڪ نه ڳالهائيندي هئي منهنجو سياسي ڪردار ان سان بحث يا ڳالهه ٻولهه جو حصو ڪڏهن به نه رهيو ان وقت منهنجي عمر 18 کان 19 سال هئي ته اسان جو سمورو ڌيان يونيورسٽي ۾ منهنجي داخلا تي هو مون کي آڪسفورڊ ۾ داخلا ملڻ تي امان ڏاڍو خوش ٿي هئي آڪسفورڊ کان پوءِ مون کي اعليٰ تعليم مون کي ٻين هنڌ وڃڻو پر مون کي نوڪري ڪرڻي هئي پوءِ شادي ۽ خاندان سنڀالڻو هو ۽ ان سڀ کان پوءِ جيڪڏهن منهنجي خواهش هجي ها ته مون کي پاڪستاني سياست ۾ اچڻو هو هي تمام پري جي ڳالهه هئي.

پاڪستان پيپلز پارٽي جي شريڪ چيئرمين آصف علي زرادري چيو ته ڀٽو جو نالو زندهه رهندو ۽ پنهنجي سڄي زندگي ۾ اڄ تائين بينظير ڀٽو جهڙو ڪو ٻيو بهادر مرد به نه ڏٺو. ڳڙهي خدا بخش ۾ شهيد محترمه بينظير ڀٽو جي 10هين ورسي جي موقعي تي جلسي کي خطاب ڪندي آصف علي زرداري چيو ته جيئن توهان ڀٽو، ۽ بينظير جا ٻار آهيو ائين بلاول، آصفه ۽ بختاور به بينظير جا ٻار آهن. آصف زرداري چيو ته بينظير هر طرح سان بينظير هئي، هن جيل ڪاٽيا ته بينظير ۽ مقابلي ڪيا ته بينظير ڪيا.  هن چيو ته بينظير ڀٽو جيڪڏهن دنيا کي پاڪستان جو چهرو ڏيکاريو ته اهو به بينظير چهرو هوندو.  اڄ بي بي جي 10هين ورسي تي پنهنجين ڌيئرن سان گڏ آيو آهيان، بلاول قوم جو پٽ ۽ منهنجون ڌيئرون به قوم جو ڌيئرون آهن، بلاول، بختاور ۽ آصفه قوم جا ٻار آهن، اڄ 10 سال ٿي ويا پر لڳي ٿو ته بينظير اسان کان ڪالهه وڇڙي وئي آهي. هن چيو ته تاريخ ۾ مون جهڙا ڪيترائي ليڊر ايندا ۽ ويندا، پر ڀٽو جو نالو هميشه رهندو،  مون کي پارٽي کي سنڀالي هلڻو آهي، اسان جي پارٽي جي خلاف سازش ٿي آهي، ۽ سازش هن وقت تائين جاري آهي، سمورا ليڊر آر اوز جا بڻايل آهن، اسان جو فلسفو اسان کي سبق سيکاري ٿو مخالف ڄاڻي وٺن ته اسان ۾ برداشت آهي پر توهان ۾ برداشت ۽ همت ناهي جڏهن به منهنجو هڪ ورڪر زخمي يا شهيد ٿيندو آهي ته دل روئندي آهي. هن چيو ته آئون هر ورڪر کي پنهنجو ٻار سمجهندو آهيان آنن مان خراب ٻار نڪري رهيا آهن جيڪي توهان جي خلاف ڪم ڪندا آهن جيڪڏهجن ڪنهن توهان کي اين آر او ڏيڻ جي ڪوشش ڪئي ته اسان مزاحمت ڪنداسين. سندس وڌيڪ چوڻ هو ته ملڪ ۾ ٻٽو انصاف نه هلندو جهڙي ريت توهان کي اسان کان مسئلا آهن ائين اسان کي به توهان کان مسئلا آهن منهنجون ڌيئرون، منهنجو پٽ ۽ ڀيڻ مون سان گڏ آهن توهان جو ليڊر، اسان جو ليڊر  ۽ قوم جو ليڊر بلاول آهي اڄ به هو ڪوشش ڪري رهيا آهيو ته اين آر او ملي. هاڻ ڪو به اين آر او مليو ته ان جو مقابلو ڪنداسين.

 

نواز شريف جيڪو چيو ڪري ڏيکاريو، مشرف، عمران ۽ پ پ پيسا ڇا تي لڳايا؟: وزير اعظم

حسن ابدال /پشاور (اين اين آءِ) وزيراعظم شاهد خاقان عباسي هزاره موٽر وي جي برهان کان شاهه مقصود انٽرچيج سيڪشن جو افتتاح ڪري ڇڏيو آهي ذريعن مطابق وزيراعظم هزاره موٽر وي اِي 35 جي برهان کان شاهه مقصود تائين 47 ڪلوميٽر انٽرچينج سيڪشن جو افتتاح ڪري ڇڏيو آهي 47 ڪلوميٽر هي منصوبو چين پاڪستان اقتصادي راهداري جو اهم حصو آهي خيبرپختونخواهه صوبي ۾ اين ون مڪمل ٿيڻ کان پوءِ موٽر وي جي تعمير جو هي ٻيو منصوبو آهي جيڪو ڪاميابي سان مڪمل ڪيو ويو آهي موٽر وي تي 30 پل ۽ فلائي اوورز، 31 انڊرپاسز ۽ 157 باڪس ڪلورٽس تعمير ڪيا ويا آهن موٽر وي جي هن حصي کي ٽن سالن کان به گهٽ عرصي ۾ مڪمل ڪيو ويو آهي هزاره موٽر وي جي ٺهڻ سان حطار انڊسٽريل ايريا، هريپور، حويليان، ايبٽ آباد ۽ اتر علائقن جي تقريبن 7 لک جي آبادي کي فائدو ٿيندو هزاره موٽر وي تي روزانو 28500 گاڏيون صفر ڪنديون هزاره موٽر وي جي اڏاوت هن علائقي جي عوام جو پراڻو مطالبو هو جيڪو پورو ڪيو ويو آهي ڪراچي لاهور موٽر وي جي منصوبي کي به اڳتي وڌايو پيو وڇي انهن سمورن منصوبن جو مقصد ملڪ ۾ بين الاقوامي معيار جو روڊ نيٽ ورڪ قائم ڪرڻ آهي روڊ نيٽ ورڪ سان نه فقط پاڪستان پر هن سڄي علائقي جي معيشت تي هاڪاري اثر پوندا ۽ پاڪستان ۾ روزگار جا موقعا سامهون اڄڻ سان ماڻهن جي زندگي جو معيار بهتر ٿيندو. ٻيئ طرف  وزيراعظم شاهد خاقان عباسي ڪيڊٽ ڪاليج حسن ابدال ۾ تعليم جو معيار برقرار رکڻ ۽ تدريسي خدمتن تي فئڪلٽي ميمبرن لاءِ انڊومينٽ فنڊ ۾ 2 ڪروڙ رپيا ڏيڻ جو اعلان ڪندي چيو آهي ته پنجاب حڪومت سان وفاقي حڪومت به ڪيڊٽ ڪاليج حسن ابدال لاءِ پنهنجي حصي جو ڪردار ادا ڪندي ڪيڊٽ ڪاليج مان پڙهي نڪتل شاگرد ترقي ماڻيندا ملڪ ترقي جي رستي تي هلي پوندو ۽ جمهوريت متحرڪ آهي هو اربع تي هتي ڪيڊٽ ڪاليج حسن ابدال ۾ والدين جي ڏهاڙي جي سالياني تقريب کي خطاب ڪري رهيو هو ان موقعي تي پنجاب جو گورنر ملڪ رفيق رجوانا خواجه محمد آصف انجنيئر خرم دستگير ۽ ٻيا اعليٰ عملدارن پڻ موجود هئا وزيراعظم ڪيڊٽ ڪاليج حسن ابدال ۾ انڊومينٽ فنڊ ۾ 2 ڪروڙ رپيا ڏيڻ جو اعلان ڪندي چيو ته ڪيڊٽ ڪاليج حسن ابدال اعليٰ روايتن ۽ معيار جو مالڪ آهي ڪيڊٽ ڪاليج حسن ابدال مستقبل جي قيادت پيدا ڪري رهيو آهي هن چيو ته ڪيڊٽ ڪاليج نه صرف ملڪ نه پر سڄي دنيا ۾ پنهنجو حصو وجهي رهيو آهي وزيراعطم پرنسپل ۽ فئڪلٽي ميمبرن کي معياري تعليم فراهم ڪرڻ لاءِ ان جي ڪوششن کي خراج تحسين پيش ڪندي چيو ته ڪاليج ۾ داخل شاگرد ڪنهن سفارش جي بنياد تي نه پر پنهنجي اهليت جي بنياد تي اچن ٿا هي مستقبل جي قيادت آهن انهن سياست عسڪري شعبو صنعتن ۽ ٻين شعبن قيادت ڪرڻي آهي هن چيو ته ڪيڊٽ ڪاليج مان پڙهي نڪتل شاگرد نه صرف ملڪ پر سڄي دنيا ۾ اهم ڪردار ادا ڪري رهيا آهن جيڪا هڪ ڪاميابي آهي کين دنيا ۾ قدر جي نگاهه سان ڏٺو وڃي ٿو هتي نظم ۽ ضبط مٿالي آهي هي شاگرد محب وطن پاڪستاني آهن سٺن ماڻهن جون خاصيتون انهن ۾ ظاهر اهن هي ڪردار ڪاليج ڏيئي سگهي ٿو وزيراعظم چيو ته پنجاب حڪومت سان گڏوگڏ وفاقي حڪومت به ڪيڊٽ ڪاليج حسن ابدال لاءِ پنهنجي حصي جو ڪردار ادا ڪن وزيراعظم استادن جي خدمتن تي 2 ڪروڙ رپيا ۽ 2 پگهارون اعزاز طور ڏيڻ جو اعلان ڪيو هن چيو ته هن ڪاليج ۾ شاگردن جو انگ 6 هزار تائين آهي جڏهن ته ان جو حصو بهترين آهي ان کان اڳ وزيراعظم کي روايتي انداز ۾ ساليانو يوم والدين جي تقريب ۾ آندو ويو جتي کيس ڪيڊٽ ڪاليج حسن ابدال جي شاگردن جي ڦڙت جٿي سلامي ڏني هن ڪاليج جي پرنسپل سان گڏ پريڊ جو معائنو ڪيو.

 

هاڻي ميڊيڪل ڪاليجز جي فيس وصولي جو طريقيڪار اسان طئي ڪنداسي: سپريم ڪورٽ

لاهور (اين اين آءِ) چيف جسٽس آف پاڪستان جسٽس ميان ثاقب نثار سڄي پاڪستان جي ميڊيڪل ڪاليجن جي فيسن جا ڪيس سپريم ڪورٽ ٽرانسفر ڪرڻ جو حڪم ڏيندي آبزرويشن ڏني آهي ته اڄ کان پوءِ ميڊيڪل ڪاليجن جي فيس اڳاڙي جو طريقو سپريم ڪورٽ طئي ڪندي جڏهن ته چيف جسٽس وڌيڪ فيس گهرڻ تي عدالت کي آگاهه ڪندڙ عورت وڪيل کي ٽيليفون ڪال ڪندڙ فيصل آباد ميڊيڪل ڪاليج جي وائيس چانسلر ڊاڪٽر فريد ظفر کي توهين عدالت تي معطل ڪندي اڄ خميس تي جواب طلب ڪري ورتو سمورن خانگي ميڊيڪل ڪاليجن کان ستن ڏينهن ۾ ڪاليجن جو اسٽريڪچر ليب بئنڪ اڪائونٽس ۽ ٻين سهولتن بابت لکت ۾ رپورٽ جمع ڪرائڻ جي هدايت ڪندي چيو ته جيڪڏهن مقرر مدي ۾ تفصيل فراهم نه ڪيو ويو ته هڪ لک رپيا ڏنڊ هوندو سپريم ڪورٽ انتظاميه کي وڌيڪ نون ميڊيڪل ڪاليجن جي منظوري ڏيڻ کان به روڪي ڇڏيو اربع تي سپريم ڪورٽ لاهور رجسٽري ۾ چيف جسٽس آف پاڪستان جسٽس ميان ثاقب نثار جي سربراهي ۾ ٻه رڪني بئنچ خانگي ميڊيڪل ڪاليجن پاران ڳرين فيسن جي خلاف پاڻمرادو نوٽيس ڪيس جي ٻڌني ڪئي عدالتي حڪم تي خانگي ميڊيڪل ڪاليجن جو چيف ايگزيڪيوٽ ۽ مالڪ عدالت ۾ پيش ٿيا جڏهن ته فاطمه ميموريل ميڊيڪل ڪاليج جو چيف ايگزيڪيوٽو ۽ مالڪ پيش نه ٿيا. ٻڌڻي دوران چيف جسٽس پڇاڻو ڪيو ته مون کي ڪالهه ٻڌايو ويو هو ته 6 لک 64 هزار رپيا فيس ورتي پئي وڃي پر اڄ خبر پئي ته خانگي ميڊيڪل ڪاليج 9 لک کان وڌيڪ فيس وٺي رهيا آهن مون کي اڄ خبر پئي ته هر خانگي ڪاليج فيسن ۽ ميرٽ جو پنهنجو معيار بڻائي رکيو آهي چيف جسٽس راشد لطيف ميڊيڪل ڪاليج جي عمارت بابت ايل ڊي اي کان وضاحت طلب ڪندي چيو ته رهائشي علائقي ۾ ڪيئن ڪاليج ٺاهيو ويو آهي چيف جسٽس خانگي ميڊيڪل ڪاليج جي مالڪن سان مخاطب ٿيندي چيو ته پهريان ته ميڊيڪل جا شاگرد هڪ ئي هنڌ اسپتال ۾ مريض ڏسندا هئا ڇا اوهان هاڻي بسن ۾ شاگردن کي کڻي مريض ڏيکاريو ٿا وقت اچي ويو آهي ته اسان هن قوم کي ڪجهه واپس ڪيون چيف جسٽس سڄي پاڪستان جي ميڊيڪل ڪاليجن جي فيسن جا ڪيس سپريم ڪورٽ ٽرانسفر ڪرڻ جو حڪم ڏيندي آبزرويشن ڏني ته اڄ کان پوءِ ميڊيڪل ڪاليجن جي فيس وٺڻ جو طريقو سپريم ڪورٽ ڪندي ۽ آئينده سپريم ڪورٽ پاران طئي ٿيل فيس ئي ورتي ويندي. 5-5 ڪروڙ وٺي ڪاليجن جو الحاق ڪيو پيو وڃي جڏهن ته اڄڪلهه جي ڊاڪٽرن کي بليڊ پريشر چيڪ ڪرڻ نٿو اچي چيف جسٽس چيو ته عدالت کي ٻڌايو وڇي ته هڪ ساگرد کان ساليانو ڪيتري فيس ورتي وڃي ٿي جنهن تي عدالت کي ٻڌايو ويو ته ساليانو هڪ شاگرد کان 18 لک رپيا ورتا وڃن ٿا چيف جسٽس چيو ته لاهور ميڊيڪل ڪاليج جي بئنڪ اڪائونٽ جو تفصيل پيش ڪيو وڃي ۽ ٻڌايو وڃي ته پرڏيهي شاگردن کان ڪيتري فيس ورتي وڃي ٿي جنهن تي عدالت کي ٻڌايو ويو ته پرڏيهي شاگردن کان 18 لک رپيا ساليانو فيس ورتي وڃي ٿي فاضل عدالت ڪانٽينيٽل ميڊيڪل ڪاليج اختر سعيد ميڊيڪل ڪاليج کي به سمورو رڪارڊ پيش ڪرڻ جو حڪم ڏنو چيف جسٽس حڪم ڏنا ته اسان ان ڪاليج جو قدر ڪيون ٿا جيڪو معياري تعليم ڏيئي رهيو آهي عدالت کي خبر هئڻ گهرجي ته حڪومت هڪ ڊاڪٽر تي ڪيترو خرچ ڪري رهي آهي ۽ پرائيويٽ ميڊيڪل ڪاليجن وارا ڇا ڪري رهيا آهن عدالت کي اوهان ماڻهو بهتر ٻڌائي سگهون ٿا ته معاملن کي ڪيئن بهتر ڪري سگهجي ٿو چيف جسٽس ڪيس جي ٻڌني دوران ايڊووڪيٽ جنرل پنجاب کي حڪم ڏنو ته جيڪا پوائنٽ نوٽ ڪري رهيا آهيو اها خادم اعليٰ کي ڏيو ٻڌني دوران عورت وڪيل انجم امين عدالت کي ٻڌايو ته ڊاڪتر فريد ظفر ان جي مائٽ جي داخلا لاءِ وڌيڪ فيس گهري هئي ۽ گذريل ڏ ينهن ڊاڪٽر فريد ظفر بابت عدالت کي آگاهه ڪيو ويو هو جنهن تي مون کي پنجاب جي گورنر جي پٽ سميت وڏن وڏن ماڻهن جا فون آيا چيف جسٽس چيو ته ڪيئن جرئت ٿي سگهي ٿي ته گورنر جو پٽ اوهان کي فون ڪري عدالت پنجاب جي گورنر جي پٽ کي طلب ڪندي چيو ته قانون ۾ ڏسو ته پنجاب جي گورنر کي طلب ڪرڻ جي ڇا گنجائش آهي جنهن کان پوءِ چيف جسٽس آف پاڪستان ٻڌڻي ڪجهه دير لاءِ ملتوي ڪري ڇڏي ٻيهر ٻڌني شروع ٿيڻ تي عورت وڪيل ٻڌايو ته وائيس چانسلر ڊاڪٽر فريد  ظفر ميسيج ۽ ٽيليفون ڪاليز ڪيون وائيس چانسلر ڊاڪٽر فريد ظفر عدالت آڏو موقف اختيار ڪيو ته ٽيليفون ڪنهن ٻئي ڪم لاءِ ڪئي هئي عدالت وائيس چانسلر فيصل آباد يونيورسٽي فريد ظفر تي ڪاوڙ جو اظهار ڪندي پڇاڻو ڪيو ته ٻڌايو وڃي ته عورت کي فون ڪئي يا نه اوهان يونيورسٽي جا وائيس چانسلر بڻجي پاڻ کي فيصل آباد جو گورنر سمجهي رها آيو اوهان جو اڄ تائين ڪنهن جج سان واسطو ناهي پيو منهنجي اڳيان ڪوڙ ڳالهائڻ جي جرئت ڪيئن ٿي ڪيئن اوهان عدالت جي حڪم کي نظرانداز ڪيو چيف جسٽس فيصل آباد ميڊيڪل ڪاليج جي وائيس چانسلر کي عدالت جي توهين تي معطل ڪندي اڄ تائين جواب طلب ڪري ورتو عورت پاران حراسان ڪرڻ جي خدشي جو اظهار ڪرڻ تي چيف جسٽس ريمارڪس ڏنا ته ڪنهن حراسان ڪيو ته ساهه ڪڍي ڇڏيندس، مذاق آهي جو عدالت ۾ معاملو هجي ۽ ڪوئي حراسان ڪري چيف جسٽس وڌيڪ ريمارڪس ڏنا ته ڇا تعليم کي پئسن سان مشروط ڪرڻ جي اجازت نه ڏينداسين جيڪي ڪاليج معيار تي پورو نه لهندا انهن کي بند ڪرائي ڇڏيندس غير معياري ڪاليجن تي ايترو ڏنڊ وجهندس جو ڪاليجن جا مالڪ پنهنجا گهر کپائيندا پوءِ ڏنڊ ادا نه ڪري سگهندا شريف ميڊيڪل ڪاليج پاران ڪوبه عدالت ۾ پيش نه ٿيو جنهن تي چيف جسٽس چيو ته ترت فون ڪري معلوم ڪيون ته شريف ميڊيڪل ڪاليج جي نظام کي هن وقت ڪير هلائي رهيو آهي جنهن جي حوالي هي نظام آهي ان کي سمن جاري ڪري گهرائينداسين فاطمه ميموريل ميڊيڪل ڪاليج جو چيف ايگزيڪيوٽو ۽ مالڪ پيش نه ٿيا سپريم ڪورٽ انتظاميه کي وڌيڪ نون ميڊيڪل ڪاليجن جي منظوري ڏيڻ کان روڪي ڇڏيو جڏهن ته عدالت فاطمه ميموريل ميڊيڪل اينڊڊينٽل ڪاليج ۽ لاهور ميڊيڪل اينڊ ڊينٽل ڪاليج کي به نون داخلائن کان به روڪي ڇڏيو. چيف جسٽس سمورن خانگي ميڊيڪل ڪاليجن کي ستن ڏينهن ۾ حلفي بيانن سان ڪاليجن جو اسٽريڪچر فئڪلتي ليب بئنڪ اڪائونٽس سهولتون متعلق لکت رپورٽ جمع ڪرائڻ جي هدايت ڪندي چيو ته مقرر وقت ۾ تفصيل فراهم نه ڪندڙن کي هڪ لک رپيا ڏنڊ وڌو ويندو فاضل بئنچ وڌيڪ ٻڌڻي اڄ خميس تائين ملتوي ڪري ڇڏي.+