تازيون خبرون

Daily Archives: December 25, 2017

سامونڊي فوج گوادر پورٽ ۽ راهداري سميت سامونڊي حدن جي حفاظت لاءِ پرعزم آهي: وزيراعظم

ڪراچي( ويب ڊيسڪ ) وزيراعظم شاهد خاقان عباسي چيو آهي ته سامونڊي فوج گوادر پورٽ ۽ پاڪ چين اقتصادي راهداري سميت ملڪ سامونڊي حدن جي حفاظت لاءِ پرعزم آهي. سامونڊي فوج جي ترجمان موجب سامونڊي فوج جي جنگي يونٽس اتر عربي سمنڊ ۾ آپريشنل صلاحيتن جو شاندار مظاهرو ڪيو  جنهن ۾ وزيراعظم شاهد خاقان عباسي شرڪت ڪئي ۽ سامونڊي جهاز نصر جي آپريشنل مشقن جو جائزو ورتو. ان موقعي تي هوائي جهازن ۽ هيليڪاپٽرن فلائي پاسٽ جو مظاهرو ڪيو. سامونڊي فوج جي ترجمان موجب وزيراعظم شاهد خاقان عباسي سامونڊي فوج جي آپريشنل صلاحيتن تي اطمينان جو اظهار ڪندي چيو ته سامونڊي فوج گوادر پورٽ ۽ پاڪ چين اقتصادي راهداري سميت ملڪ جي سامونڊي سرحدن جي حفاظت لاءِ پرعزم آهي، ملڪي سامونڊي حدن جي حفاظت لاءِ سامونڊي فوج جي آفيسرن ۽ جوانن جون پيشور مهارتون تعريف جوڳيون آهن. ترجمان موجب مشقن ۾ فردي طاقت سامان جي هڪ کان ٻي جهاز تي منتقلي، راڪيٽ چارج فائرنگ ۽ سرچ اينڊ سيزر شامل آهن.

 

سيوهڻ ۾ ٻن مسافر بسن جو سوزوڪي کي ٽڪر، 6 ٻارڙن سميت 10 ڄڻا اجل جو شڪار

سيوهڻ (اين اين آءِ) سيوهڻ ۾ انڊس هاءِ وي تي ٻن تيز رفتار بسن جو سوزوڪي تي ٽڪر جنهن جي نتيجي ۾ 10 ڄڻا فوت ۽ ڪيترائي زخمي ٿي پيا صبح جو سوير سن ويجهو انڊس هاءِ وي تي سامهون ايندڙ ٻه تيز رفتار مسافر بسون هڪ ٻئي کي اوورٽيڪ ڪري رهيون هيون ان دوران لاڙڪاڻي کان ڪراچي ايندڙ سوزوڪي گاڏي ٻنهي ڪوچن جي وچ ۾ اچي حادثي جو شڪار ٿي پئي نتيجي ۾ 10 ڄڻا ٿڏي تي ئي فوت ٿي جن ۾ 6 ٻارڙا 3 عورتون ۽ سوزوڪي جو ڊرائيور شامل آهي جڏهن ته لاش سن جي مقامي اسپتال منتقل ڪيا ويا حادثي ۾ فوتين جي سڃاڻپ ريشما، سائره، صائمه، ڪامل، احمد جميل، جمشيد، اقراء، اجوا، خشبو ۽ بدرالدين جي نالي سان ٿي آهي حادثي کان پوءِ ٻنهي مسافر بسن جا ڊرائيور فرار ٿي ويا جڏهن ته پوليس گاڏيون پنهنجي تحويل ۾ وٺي ڇڏيون آهن.

 

جمهوريت جي حمايت تي آرمي چيف کي ساراهڻ گهرجي، بند ڪمري جو فيصلو نه هلندو: سعد رفيق

لاهور( ويب ڊيسڪ ) ريلوي واري وزير خواجه سعد رفيق چيو آهي ته جمهوريت جي حمايت ڪرڻ تي آرمي چيف کي ساراهڻ گهرجي، ڪنهن بند ڪمري جو فيصلو نه هلندو، طاهر القادري کي ڌرڻو هڻڻ بدران عدالت سان رابطو ڪرڻ گهرجي. لاهور ۾ سيمينار کي خطاب ڪندي خواجه سعد رفيق چيو ته پاڪستان عالمي چئلينجن کي منهن ڏئي رهيو آهي جنهن جو ڪا به پارٽي، حڪومت يا ادارو مقابلو نه ٿو ڪري سگهي، آرمي چيف وڏي واڪي جمهوريت جي حمايت ڪئي جنهن کي ساراهڻ گهرجي، ڪنهن بند ڪمري جو فيصلو نه هلندو، چونڊون وقت تي ٿينديون ۽ سموريون پارٽيون گڏجي نئين پارليامينٽ ٺاهينديون. هن چيو ته پاڪستان ٺاهي ٿڪجي ايندڙ  پنهنجي بحالي ۾ لڳي ويا، جڏهن ته اقتدار ۽ پاليسي تي آمراڻي ۽ جاگيردارڻي سوچ جو قبضو ٿيو، ملڪ ۾ جمهوريت سان ڪيترائي ڀيرا ويساهه گهاتي ڪئي وئي، اڄ تائين جمهوريت حقيقي مقصد حاصل نه ڪري سگهي آهي. سندس چوڻ هو ته جمهوريت جي ٽرين  ڪانٽو يا پٽڙي تبديل نه ٿي ڪري سگهي ان کي سڌو وڃڻ گهرجي. خواجه سعد رفيق چيو ته نواز شريف خلاف فيصلي سان جمهوريت کي نقصان پهتو، جهانگير ترين خلاف فيصلي يج حمايت نه ٿو ڪيان سياسي پارٽين کي جمهوري روين کي هٿي ڏيڻ گهرجي.

 

سنڌ صوبو تعليمي ميدان ۾ سڀ کان آخري 7 نمبر تي اچي ويو: الف اعلان جي رپورٽ

ڪراچي (اين اين آءِ) سال 2017 ۾ سنڌ صوبو تعليمي ميدان ۾ سڀ کان آخري ستين نمبر تي اچي ويو آهي تعليم لاءِ ڪم ڪندڙ سرڪاري اداري الف اعلان سنڌ ۾ تعليمي ايمرجنسي تي ڇرڪائيندڙ انڪشاف ڪري ڇڏيا الف اعلان پنهنجي رپورٽ ۾ ٻڌايو ته 2017 ۾ پاڪستان جي سمورن صوبن ۾ سنڌ هڪ درجو گهٽجڻ سان تعليمي ميدان ۾ ستين ۽ آخري نمبر تي آهي سنڌ صوبي ۾ اسڪولن جو ڪل انگ 38 هزار 132 آهي جن مان 16 هزار کان وڌيڪ اسڪول بجلي ۽ 7 هزار کان وڌيڪ اسڪول پيئڻ جي پاڻي جي سهولت کان محروم آهن 23 هزار کان وڌيڪ اسڪولن ۾ صرف هڪ بيت الخلا آهي ۽ 15 هزار 769 اسڪولن کي چوڌاري ڀتيون ڪونهن جڏهن ته 25هزار 588 اسڪولن جي عمارتن جي صورتحال ڳڻتي جوڳي آهي ڪراچي جي اسڪولن ۾ اوڀر ضلعن جي اسڪولن جي انفرااسٽيڪچر سڀ کان بهر جڏهن ته ملير جا اسڪول سڀ خراب ڄاڻايا ويا آهن هلندڙ سال تعليمي ميدان ۾ پهرين نمبر تي آزدڪشميرآهي اسلام آباد ٻئي نمبر تي پنجاب ٽيون ۽ گلگت بلتستان چوٿون خيبرپختونخوان پنجون بلوچستان ڇهون ۽ سنڌ ستين نمبر تي آهي.

 

دهشتگردي کي منهن ڏيڻ لاءِ اسان فوج مهارت رکي ٿي، پاڙيسري ملڪ به فائدو وٺي سگهن ٿا: صدر ممنون حسين

اسلام آباد (اين اين آءِ) صدر ممنون حسين چيو آهي ته دهشتگردي کي منهن ڏيڻ لاءِ اسان جي هٿياربند فوج خاص تجربو ۽ مهارت رکندڙ آهي جنهن مان اسان جا پاڙيسري ملڪ به فائدو وٺي سگهن ان ڏس ۾ اسان پنهنجن سمورن دوستن سان مخلص سهڪار جي آڇ ڪيون ٿا اقتصادي راهداري وانگر آپٽڪ هاءِوي مواصلاتي رابطن کي وڌيڪ آسان بڻائي ڇڏيندي ۽ هن خطي جي ريگستانن جبلن ۽ سمڊن مان لنگهدڙ تيل ۽ گئس جون پائپ لائينو صنعت ۽ ٽيڪنالوجي جو هڪ نئون جهان تخليق ڪنديون آچر تي ڇهن ملڪن جي پهرين اسپيڪر ڪانفرنس کي خطاب مهمان جي حيثيت سان خطاب ڪندي صدر چيو ته خطي جي اهم دوست ۽ برادر ملڪن جي اسپيڪر جي ميزباني منهنجي لاءِ خوشي جو سبب آهي مان اسلام آباد جي خوبصورت هوائن ۾ دل سان اوهان سڀني جي آجيان ڪيان ٿو اميد آهي ته هي ڪانفرنس خطي جي چئلينجز کي منهن ڏيڻ ۽ علائقائي ترقي ۽ خوشحالي جي موقعن مان فائدو وٺڻ جي سلسلي ۾ فائديمن ثابت ٿيندي ڇو ته ان دوران اوهان جون گڏيل ملاقاتون ۽ صلاح مشورا هڪٻئي کي وڌيڪ سمجهڻ ۽ تعاون جي نون امڪانن جا دروازا کولڻ جو ذريعو بڻجندو هن چيو ته پاڪستان ايران چين ترڪي روس ۽ افغانستان اهڙا پاڙيسري دوست ۽ برادر ملڪ آهن جن جي جاگرافيائي گڏيل قدر ۽ خيال ۽ هڪ جهڙيون حالتون پنهنجي عوام جي ترقي ۽ خوشحالي لاءِ گڏجي ڪم ڪرڻ جا وسيع موقعا فراهم ڪن ٿا پاڪ چين اقصادي راهداري جا رستا ۽ ريلوي لائيون خطي کي پاڪستان جي ذريعي سڄي دنيا سان ڳنڏي رهيون آهن ان جذبي سان اسان خطي جي سمورن ملڪن کي اقتصادي راهداري ۾ شرڪت جي پرخلوص دعوت ڏيون ٿا هن چيو ته هي خطو جنهن اقتصادي استحڪام ۽ خوشحالي جو خواب ڏسي رهيو آهي ان تعبير عوامي ۽ علائقائي امن استحاڪ ۽ هڪٻئي سان خيرخواهي جي پاڪ جذبي سان مشروط آهي. صدر چيو ته عوام جي حق خوداختياري ۽ بنيادي حق ڦٻائڻ سان مسئلا پيدا ڪري ٿي جنهن جو هڪ مثال ڪشمير جو مسئلو آهي جنهن جو عوام گذريل ستن ڏهاڪن کان پنهنجي بنيادي انساني حقن کان محروم آهي پاڪستان سمجهي ٿو ته هن مسئلي ننڏي کنڊ جو امن داءُ تي لڳائي ڇڏيو آهي انلاءِ ضروري آهي ته هي پراڻو مسئلو والاريل ڄمون ۽ ڪشمير جو عوام ۽ گڏيل قومن جي قرارداد مطابق فوري طور تي حل ڪيو وڃي تهجيئن هن خطي مان جنگ جا ڪڪر ٽري سگهن. هن چيو ته آخر ۾ مان اوهان جو پاڪستان ۾ هڪ دفعو ٻيهر اچڻتي تي خيرمقدم ڪيانٿو ۽ وڏي خوشي سان پهرين اسپيڪر ڪانفرنس جو باقاعده افتتاح ڪيان ٿو مون کي يقين آهي ته هتي اوهان جو قيام خوشگوار رهندو.

 

اسان دلين کي ٽوڙيندا نه پر جوڙيندا آهيون، 2 پارٽيون جي ٽي روڊ جي سياست پيون ڪن: بلاول ڀٽو زرداري

حيدرآباد( ويب ڊيسڪ ) پ پ چيئرمين چيئرمين بلاول ڀٽو زرداري چيو آهي ته اسان دلين کي ٽوڙيندا نه پر جوڙيندا آهيون، اسان جون دليون تڏهن ٽٽيون جڏهن آمر جي دور ۾ ڀٽو کي ڦاهي ڏني وئي ۽ جڏهن ته آمر جي دور ۾ بينظير ڀٽو کي شهيد ڪيو ويو. حيدرآباد ۾ اين آءِ سي وي ڊي ۾ دل واري وارڊ جي افتتاحي تقريب کي خطاب ڪندي بلاول ڀٽو زرداري چيو ته سنڌ ۾ هر شخص کي گهر ويجهو دل جو علاج ملندو، سنڌ ۾ اين آءِ سي وي ڊي جي ٽين اسپتال آهي، جتي دل جي علاج جون جديد سهولتون فراهم ڪيون ويون آهن ۽ اسپتال ڪنهن به عالمي اسپتال جو مقابلو ڪري سگهي ٿي، جتي مريضن جو علاج بلڪل مفت ٿي رهيو آهي. هن چيو ته 2 جڙتون پارٽيون چئن سالن کان جي ٽي روڊ جي ويڙهه ڪري رهيون آهن، پ پ ٻين شعبن وانگر صحت جي شعبي ۾ به ڪم ڪيو. سندس چوڻ هو ته ڪراچي ۾ سائبر نائف روبرٽڪ سرجري جي ڪينسر جو علاج ڪيو پيو وڃي، سڄي دنيا ۾ سائبر نائف سرجري تي 50 کان 60 لک خرچ ٿيندو آهي، سنڌ ۾ ان ٽيڪنالوجي ذريعي مفت علاج ڪيو پيو وڃي. بلاول ڀٽو زرداري چيو ته مان پنهنجي وڏن وانگر عوام جي خدمت ۾ پنهنجي زندگي گذاري ڇڏيندس.

 

حڪومتي قدم عوام جي ڀلائي لاءِ کنيا ويندا آهن، ان ڪري ميڊيا پڻ انهن کي مناسب جڳهه فراهم ڪري: ناصر حسين شاهه

ڪراچي(اسٽاف رپورٽر):اطلاعات، ليبر۽ ٽرانسپورٽ کاتي واري صوبائي وزير سيد ناصر حسين شاهه  چيو آهي ته ميڊيا معاشري جي برائين سان گڏوگڏ معاشري ۽ حڪومت طرفان ڪيل ڪمن کي به پنهنجي ميڊيا چينلن ذريعي اجاگر ڪري ۽ عوام کي ٻنهي طرفن کان معلومات فراهم ڪري.اهڙن خيالن جو اظهار هن اڄ مقامي هوٽل ۾ پاڪستان ميڊيا ڪلب طرفان منعقد ڪيل پروڊيوسرز ورڪشاپ جي تقريب سان خطاب ڪندي ڪيو. سيد ناصر حسين شاهه چيو آهي ته پي ايم سي هڪ سٺي مقصد لاءِ بڻايو ويو آهي ۽ حڪومت انهن سان مڪمل سهڪارفراهم ڪندي جيڪا به سفارش يا قرارداد هوندي ان جي مڪمل تائيد لاءِ مثبت جواب ڏيندا سين. حڪومتي قدم عوام جي ڀلائي لاءِ کنيا ويندا آهن، ان ڪري ميڊيا پڻ انهن کي مناسب جڳهه فراهم ڪري ته جيئن عوام کي معلومات مهيا ٿي سگهي. صوبائي وزير چيو ته پي ايم سي کي سنڌ اطلاعات کاتي پاران هر ممڪن سهولتون فراهم ڪرڻ لاءِ قدم کنيا ويندا. ان کان اڳ معروف اينڪر مجاهد بريلوي، ضياءُ الله خان چيئرمين پي ايم سي ۽ ٻيا پروڊيوسر ورڪشاپ ۾ پروڊيوسرز لاءِ سهولتون فراهم ۽ پيشه ورانه معاملن ۾ پيش ايندڙ چئلينجز ۽ مسئلن بابت تفصيلي گفتگو ڪئي. بعد ۾ اطلاعات کاتي واري  صوبائي وزير  سيد ناصر حسين شاهه شرڪت ڪندڙ پروڊيوسرز ۾ سرٽيفڪيٽس ورهايا.

 

اتر وزيرستان جي بارودي سرنگهه جي ڌماڪي ۾ 3 سيڪيورٽي اهلڪار شهيد

اتروزيرستان (اين اين آءِ) وفاقي جي انتظام هيٺ فاٽا جي اتر وزيرستان ايجنسي ۾ بارودي سرنگهه جي ڌماڪي ۾ 3 سيڪيورٽي اهلڪار شهيد ٿي ويا ايف سي جا اهلڪار گشت تي هئا ته سندن گاڏي هڪ بارودي سرنگهه سان ٽڪرائجي ويئي جنهن سان ڌماڪو ٿيو سيڪيورٽي فورسز علائقي کي گهيري ۾ آڻي ڇڏيو جڏهن ته اتي سرچ آپريشن شروع ڪيو ويو هي واقعو اتر وزيرستان ۾ پاڪ افغان سرحدي علائقي غلام خان ۾ پيش آيو.

 

 

ن ليگ جي حڪومت ۽ شريف خاندان جي حڪمراني جو خاتمو ضروري آهي: سراج الحق

ڊيرا غازي خان (ويب ڊيسڪ) جماعت اسلامي جي امير سراج الحق چيو آهي ته ڪرپٽ قيادت مان ملڪ کي جاگرافيائي خطرو آهي، پاڪستان ۾ ايماندار قيادت جي ضرورت آهي، شريف خاندان پاڪستان جو نظريو تبديل ڪرڻ جي ڪوشش ڪئي، ن ليگ جي حڪومت ۽ ان خاندان جي حڪمراني جو خاتمو ضروري آهي. ڊي جي خان ۾ جلسي کي خطاب ڪندي سراج الحق چيو ته ووٽ وٺي حڪمران بڻجڻ جو مطلب اهو ناهي ته مغل بادشاهه بڻجي وڃو، پاناما ڪيس ۾ هڪ قابو ۾ اچي ويو، باقي 436 چورن خلاف به ڪارروائي ٿيڻ گهرجي. سندس چوڻ هو ته ڏکڻ پنجاب جو ڪو ضلعو خوشحال ناهي، پنجاب جي 65 سيڪڙو بجيٽ لاهور تي خرچ ٿي رهي آهي، پڙهيل لکيل نوجوان بي روزگاري سبب پريشان آهن. هن چيو ته منهنجي جنگ انهن جي خلاف آهي، جن عوام کي غربت جي اونداهه ۾ ڌڪيو آهي.27

 

نوازشريف جي تحريڪ عدل لاءِ نه آهي، شهبازشريف جي خلاف هوندي: عمران خان

اسلام آباد (اين اين آءِ( پاڪستان تحريڪ انصاف جي چيئرمين عمران خان چيو آهي ته نوازشريف جي تحريڪ عدل جي لاءِ نه آهي پر شهبازشريف جي خلاف هوندي عمران خان پنهنجي هڪ بيان ۾ چيو ته جمهوريت اخلاقي جرئت تي هلندي آهي ۽ جمهوريت ۾ چونڊن سان نئين مينڊيٽ ڏانهن وڃبو آهي هن چيو ته ماڊل ٽائون مسئلي تي آل پاڪستان ڪانفرنس کان پوءِ حڪمت عملي بابت خبر پوندي چيئرمين تحريڪ انصاف چيو ته حديبه ڪيس ۾ نوان ثبوت سامهون آيا آهن هٿ تي هٿ رکي نه ويهنداسين شهبازشريف جي هوندي اسان ان جي ڪرپشن ڪـڍي وٺنداسين عمران خان چيو ته هن وقت جيڪڏهن ڪوئي اهو چئي ٿو ته نئون جنرل سيڪريٽري رکو ته اهو پارٽي سان مخلص نه آهي هن چيو ته جهانگيرترين جي نااهلي بابت نظرثاني اپيل ۾ جيڪو فيصلو ايندو ان کان پوءِ جنرل سيڪريٽري جو فيصلو ڪنداسين.