تازيون خبرون

Daily Archives: December 21, 2017

نيب ملڪ کي تباهه ڪري ڇڏيو آهي: سپريم ڪورٽ

ڪراچي(ويب ڊيسڪ) سپريم ڪورٽ جي جج جسٽس گلزار احمد پنهنجي ريمارڪس ۾ چيو آهي ته نيب ملڪ کي تماشو بڻايو ان سان ملڪ کي ذلت کان سواءِ ٻيو ڪجهه به نه پيو ملي. سپريم ڪورٽ ڪراچي رجسٽري ۾ جيٽ فيول جي اوپن مارڪيٽ ۾ وڪري ۽ 2 ارب 37 ڪروڙ رپين جي ڪرپشن بابت ڪيس جي ٻڌڻي ٿي. ٻڌڻي دوران جسٽس گلزار احمد انڪوائري مڪمل نه ٿيڻ تي نيب پراسيڪيوٽر منصف جان ايڊووڪيٽ ۽ جاچ آفيسر تي سخت ڪاوڙ جو اظهار ڪندي چيو ته 14 ڏينهن ۾ انڪوائري ۽ هڪ مهيني ۾ ڪيس فائنل جي قانوني پابندي آهي. عدالت نيب کان جوابدار خلاف ڪيس جي تفصيلي رپورٽ سڀاڻي طلب ڪري ورتي. جسٽس گلزار احمد پنهنجي ريمارڪس ۾ چيو ته هڪ سال ٿي ويو آهي نب کان انڪوائري مڪمل ناهي ٿي رهي. هنن پڇاڻو ڪيو ته ڇا جاچ آفيسر نيب معاملو ڪهڙو آهي ڇا توهان پيسا کائي رهيا آهيو؟ جنهن تي جاچ آفيسر چيو ته پنهنجو ڪم ايمانداري سان ڪري رهيو آهيان، جسٽس گلزار چيو ته توهان جي ايمانداري اسان ڏٺي آهي.  جسٽس گلزار احمد جو چوڻ هو ته کن کولي ٻڌو، نيب اختيارين کي سمهڻ جي اجازت ناهي، هٿ وڌا آهن ته ان کي انجام تائين پهچايو. معزز جج جو چوڻ هو ته ملڪ جون پاڙيون کوکليون ٿي رهيون آهن، اهو ٻڌڻ پئي چاهيو ته ٻڌو، نيب ملڪ کي تماشو بڻائي ڇڏيو آهي، نيب ملڪ کي تباه ڪري ڇڏيو.

 

اڳتي وڌڻ لاءِ جمهوري عمل ئي بهترين آپشن آهي: وزير اعظم

فيصل آباد(ويب ڊيسڪ) وزير اعظم شاهد خاقان عباسي چيو آهي ته اڳتي وڌڻ لاءِ جمهوري عمل ئي بهترين آپشن آهي. ڪندي وزير اعظم شاهد خاقان عباسي هڪ ڀيرو ٻيهر ان عزم جو اظهار ڪيو ته پنهنجو پنهنجو مدو پورو ڪندي. سندس اهو به چوڻ هو ته چونڊون پنهنجي مقرر وقت تي ٿينديون ۽ فيصلو عوام ئي ڪندو. وزير اعظم چيو ته اڳتي وڌڻ لاءِ جمهوري نظام ئي بهترين آپشن آهي جڏهن ته موجوده حڪومت بجلي ۽ گيس جي بحران تي ضابطو آندو آهيشاهد خاقان عباسي چيو آهي ته مختلف شعبن ۾ پرڏيهي سيڙپڪاري حڪومت جي مثبت پاليسين تي اعتماد جو مظهر آهي، حڪومت سيڙپڪارن کي سهولتون فراهم ڪري رهي آهي، مستحڪم حڪومتي پاليسي ۾ تلسلس جا نتيجا اچي رهيا آهن، هونڊائي ۽ نشاط گروپ جي سيڙپڪاري تي انهن جا ٿورائتا آهيون، ترقي لاءِ جمهوري نظام بهترين آپشن آهي، موجوده حڪومت پنهنجو مدو پورو ڪندي، چونڊون مقرر وقت تي ٿينديون، وزيراعظم اها ڳالهه اربع تي هونڊائي ڪار جي پيڙهه جي پٿر کي خطاب ڪندي ڪئي، ان موقعي تي پرويز ملڪ، عابد شير علي، طلال چوڌري، پارلياماني ميمبر، مشهور صنعتڪار ۽ ڪاروباري شخصيتون به موجود هيون، وزيراعظم چيو ته پاڪستان ۾ خانگائڻ واري پاليسي خاص ڪامياب ٿي رهي آهي، حڪومت جو ڪم ڪاروبار ڪرڻ، ان ڏس ۾ اڳوڻي وزيراعظم نواز شريف ملڪ ۾ خانگائڻ وارو عمل شروع ڪيو، اڄ هر ڪو ان جي ڳالهه ڪري ٿو. هن چيو ته ماضي ۾ سياسي عدم استحڪام ۽ پاليسين ۾ عدم تسلسل جي ڪري مسئلا وڌيا پر هاڻ پاليسين جي استحڪام ۽ تلسلس جي نتيجي ۾ ڪاميابيون ماڻي رهيا آهن، مختلف شعبن ۾ پرڏيهي سيڙپ وڌي رهي آهي، هي اهو اصل پاڪستان آهي جتي سيڙپڪار اچي رهيا آهن، مقامي ۽ پرڏيهي سيڙپڪار حڪومت پاليسين تي اعتماد جو اظهار ڪري رهيا آهن.

 

عالمي بينڪ پاڪستان لاءِ 82 ڪروڙ 50 لک ڊالر قرض جي منظوري ڏئي ڇڏي

اسلام آباد(ويب ڊيسڪ) عالمي بينڪ پاڪستان لاءِ 82 ڪروڙ 50 لک ڊالر قرِ جي منظوري ڏئي ڇڏي آهي جڏهن ته اها رقم مان بجلي جو نظام بهتر بڻايو ويندو. عالمي بينڪ پاڪستان کي 82 ڪروڙ 50 لک ڊالر قرض ڏيندي جنهن جي منظوري به ڏني وئي آهي جڏهن ته قرض جي رقم سرڪاري ملازمن جي پگهارن، پينشن ۽ بجلي جي نظام کي بهتر بڻائڻ لاءِ خرچ ڪئي ويندي. عالمي بينڪ موجب قرض جي گڏيل رقم مان 42 ڪروڙ 50 لک ڊالر نيشنل ٽرانسميشن سسٽم کي جديد بڻائڻ تي خرچ ٿيندا ۽ ان سان پاڪستان ۾ ٽرانسميشن سسٽم بهتر ٿيندو. عالمي جي قرض مان 500 ۽ 220 ڪي وي ٽرانسميشن لائنز ۾ وسيع ۽ اب گريڊيشن ڪئي ويندي جڏهن ته 40 ڪروڙ ڊالر سرڪاري ملازمن جي پگهارن ۽ پينشن جي نظام جي بهتري تي خرچ ٿيندا.

 

نيب ڪورٽ کي ڊار خلاف ڪارروائي کان روڪيو ويو، منع نامو جاري

اسلام آباد(ويب ڊيسڪ) اسلام آباد هاءِ ڪورٽ نيب ڪورٽ کي اسحاق ڊار خلاف ڪارروائي کان روڪي ڇڏيو ۽ 17 جنوري تائين وارو منع نامو جاري ڪري ڇڏيو. تفصيل موجب اسحاق ڊار جا گرفتاري وارنٽ ۽ اشتهاري قرار ڏيڻ وارو فيصلو اسلام آباد هاءِ ڪورٽ ۾ چيلينج ڪيو ويو هو، جسٽس اطهر من الله ۽ جسٽس ميان گل حسن تي ٻڌل ذويزنل بينچ درخواست جي ٻڌڻي ڪئي. ٻڌڻي دوران درخواستگذار جي وڪيل موقف اختيار ڪيو ته اسحاق ڊار دل جي عارضي ۾ منتلا آهي ۽ سندس علاج لنڊن ۾ جاري آهي، ميڊيڪل سرٽيفڪيٽ پيش ڪرڻ جي باوجود نيب ڪورٽ اڳوڻي ناڻي وري وزير  کي اشتهاري قرار ڏئي ڇڏيو آهي ۽ سندس گرفتاري وارنٽ جاري ڪيا آهن، عدالت کان اپيل آهي ته نيب ڪورٽ جي اڳوڻي ناڻي واري وزير اسحاق ڊار خلاف ڪارروائي کي روڪيو وڃي. عدالت درخواستگذار جي وڪيل جو موقف ٻڌڻ کان پوءِ نيب ڪورٽ کي اسحاق ڊار ۽ سندس ضامن خلاف ڪارروائي کان روڪي ڇڏيو ۽ 17 جنوري تائين جو منع نامو  جاري ڪندي ٻڌڻي ملتوي ڪري ڇڏي.

 

اسان هن ملڪ کي شهيد راڻي جي خوابن جي تعبير بڻائينداسين: بلاول ڀٽو زرداري

نوشهرو فيروز (اين اين آءِ) پ پ جي چيرمين بلاول ڀٽو زرداري چيو ته پ پ اقتدار ۾ نه هوندي به جمهوريت جو علم بلند ڪيو شهيد بيبي جمهوريت جي بحالي دهشتگردن کي للڪارڻ آئين جي رکوالي جي لاءِ پاڪستان  آئي اهڙن خيالنجو اظهار هن پڊعيدن ۾ بينظير ڀٽو جي ورسي جي تيارين جي حوالي سانپارٽي ڪارڪنن ۽ عوامي ميڙاڪ کي ويڊيو لنڪ هولوگرام جي ذريعي خطاب ڪندي ڪيو، بلاول  ڀٽو زرداري چيو تهگذريل 10 سالن کان ڪراچي کان ڪشمور تائين بي بي  شهيد جو قافلو نه رڪيو آهي نه رڪجندو.  محترمه بينظير 18 آڪٽوبر تي هن ڌرتي تي قدم رکيو ته کيس روڪڻ لاءِٰ ان جي قافلي تي ڌماڪا ڪري خوفناڪ حملو ڪيو پر هن پوءِ به همت نه هاري ۽ ملڪ جي ڪنڊ  ڪڙڇ ۾ عوام ڏانهن وئي هر هنڌ  آمرن ۽ دهشتگردن  کي للڪاريندي رهي، بي بي شهيد کي پنهنجي عزيز ڌيءُ جا اهي لفظ ڪڏهن به وسريا جيڪي هن موت جي ڪوٺڙي مان هڪ خط جي ذريعي لکيا هئا ته تون ان وقت تائين پنهنجي ڌرتي جو دفاع نه ٿي ڪري سگھين جيستائين پنهنجي ڌرتي جي خوشبو کان وقف نه هجين، هوءَ ٽيهن سالن تائين پنهنجي ڌرتي جو دفاع ڪندي رهي ۽ وڙهندي رهي، عوامي رابطا مهم ۾ پ پ نوابشاهه جو جنرل سيڪريٽري ممتاز چانڊيو، فيروز جمالي، نوشهرو فيروز جوانفارميشن سيڪريٽري خان محمد اعواڻ ۽ ٻين پڻ خطاب ڪيو.

 

عالمي منڊي ۾ تيل ۽ ڊالر جي قدر ۾ اضافو، پاڪستان ۾ پيٽرول 7 روپيا مهانگو ٿيڻ جو امڪان

ڪراچي(م.ڊ) عالمي منڊي ۾ تيل ۽ ڊالر جي قدر ۾ اضافي بعد پيٽرول 7 رپيا في ليٽر مهانگو ٿيڻ جو خدشو آهي، ذريعن موجب ان مهانگائي جا اثر پيٽرول جي مقامي قيمت تي پئجي سگهن ٿا، ان ڪري 10 ڏينهن بعد پيٽرول وڌيڪ مهانو ڪرڻو آهي يا نه،؟ فيصلو حڪومت جي لاءِ وڏو امتحان بڻجي ويو، انڊسٽري ذريعن ڊيزن جي قيمت ۾ 5 روپيا، گاسليٽ جي تيل جي قيمت ۾ 6 روپيا في ليٽر اضافي جي اڳڪٿي ڪئي اهي،  ذريعن جو چوڻ آهي ته پهرين جنوري کان پيٽرول جي قيمت ۾ 7 رپيا في ليٽر اضآفي جو امڪان آهي، ان حوالي سان حتمي فيصلو حڪومت ڪندي، گذريل مهيني حڪومت پيٽرول جي قيمت ۾ 2 روپيا 49 پيسا ۽ ڊيز جي قيمت ۾ 5 روپيا 19 پيسا اضافي ڪيو هو، هن وقت سڄي ملڪ ۾ پيٽرول 77 روپيا کان وڌيڪ في ليٽر ۾ وڪرو ٿي رهيو آهي.

 

ڏنڊي ۽ ڌرڻي تي زور تي استعيفائون ملڪ کي جهنگ بڻائي ڇڏينديون: سعد رفيق

لاهور (ويب ڊيسڪ) ريلوي واري وفاقي وزير خواجا سعد رفيق چيو آهي ته ڏنڊي ۽ ڌرڻي جي زور تي استعيفائون ملڪ کي جهنگ بڻائي ڇڏينديون، ڪنهن کي استعيفيٰ وٺڻي آهي ته قانون يا عوام جي عدالت ۾ وڃي. سماجي رابطن جي ويب سائيٽ ٽوئيٽر تي پنهنجي بيان ۾ سعد رفيق چيو ته عدل جو مطالبو هڪ ڪنهن جو بنيادي حق آهي، طاهر القادري ڌرڻي بدران پنهنجو ڪيس عدالت ۾ ڇو نٿو کڻي وڃي. هن چيو ته پنهنجا حق حاصل ڪرڻ لاءِ ٻين جا حق غصب ڪرڻ وارو عمل قبول ناهي، عدالتن ۾ پيش نه ٿيندڙ عدليا جي آزادي جا علمبردار ڪيئن ٿا بڻجي سگهن؟ اسان عدليا جي آزادي ۽ بحاليءَ لاءِ تاريخي جدوجهد ڪئي.27

 

 

عدليه جي آزادي لاءِ نواز شريف عمران خان کان اڳتي آهي: احسن اقبال

حويليان (اين اين آءِ) وفاقي گهرو وزير احسن اقبال چيو آهي ته آرمي چيف جو پارليامينٽ کي بريفنگ ڏيڻ سٺو سنوڻ آهي، سول ۽ عسڪري گڏجي دهشتگردي جو مقابلو ڪري رهي آهي، آخري دهشتگرد جي پاڙ پٽڻ تائين جنگ جاري رهندي، فيض آباد ڌرڻو ڀوائتو خواب هو، محمد نواز شريف جي انصاف جي تحريڪ هلائڻ جي بيان کانپوءِ عمران خان جي رستن تي نڪرڻ واري ڳالهه فساد ڪرائڻ آهي، سي پيڪ تي ڪم تيزي سان جاري آهي، حويليان، ٿا ڪوٽ موٽر وي جو افتتاح جلد ڪيو ويندو، وفاقي وزير اها ڳالهه اربع تي حويليان ٿا ڪوٽ موٽر وي تي ترقياتي ڪمن جو جائزو وٺڻ جي موقعي تي صحافين سان ڳالهائيندي ڪئي، هن چيو ته مان سڄي قوم کي مبارڪ ڏيان ٿو ته پاڪ چين اقتصادي راهداري تي ڪم تيزي سان ٿي رهيو آهي، هن چيو ته حويليان ٿا ڪوٽ موٽر وي جو جلد افتتاح ڪيو ويندو، اهو حصو مڪمل ٿيڻ سان ٻنهي ملڪن وچ ۾ دوستي جو رشتو اڃا به وڌيڪ مضبوط ٿيندو، هن چيو ته سي پيڪ جي اولهندي حصي ۾ ڊيرا اسماعيل خان کان هڪلا تائين رستا تيزي سان تعمير ڪيا پيا وڃن.

 

نواز شريف تحريڪ عدل جي تاريخ ڏئي، اسان ساڳئي ڏينهن تحريڪ قصاص شروع ڪنداسين: طاهر القادري

لاهور (اين اين آءِ) پاڪستان عوامي تحريڪ جي اڳواڻ طاهر قادري چيو آهي ته نواز شريف پنهنجي تحريڪ عدل هلائڻ جي تاريخ ڏئي، ان ڏينهن ماڊل ٽائون جي رتو ڇاڻ خلاف سندس خلاف قصاص قتل جي تحريڪ شروع ڪنداسين، منهنجو اندازو آهي ته هي مارچ ۾ داخل ٿيندي نظر نٿا اچن، 31 ڊسمبر جي ڊيڊ لائين حتمي آهي، سياسي جماعتن جي اڳواڻن سان مشاورت جاري آهي، اهڙن خيالن جو اظهار هن مسلم ڪانفرنس جي سربراهه سردار عتيق احمد سان گڏ عوامي تحريڪ جي مرڪزي سيڪريٽريٽ ۾ پريس ڪانفرنس کي خطاب ڪندي ڪيو. هن چيو ته نواز شريف ظلم ۽ بريبت جو مثال آهي جيڪڏهن ان جا ٽِيليفون ٻڌا وڃن، مرضي جا فيصلا اچن ته اهو خوش، ذاتي رعايت کي انصاف سمجهي ٿو، نواز شريف هاڻ صرف ميڊيا تي تحريڪ هلائيندي نظر ايندو، رستن ۾ نڪرڻ جي ان ۾ سگهه ناهي رهي، ماڊل ٽائون جي رتو ڇاڻ کانپوءِ نواز شريف، شهباز شريف کي عدل ۽ انصاف جو نالو وٺندي شرم اچڻ گهرجي، طاهر قادري سردار عتيق احمد ۽ ان جي سينيئر اڳواڻن جو مرڪزي سيڪريٽريٽ اچڻ ۽ ماڊل ٽائون شهيدن جي وارثن سان ٻڌي جو اظهار ڪرڻ تي شڪريو ادا ڪيو، ان موقعي تي سردار عتيق احمد خان چيو ته جسٽس باقر نجفي جي رپورٽ پنجاب حڪومت کي ذميوار قرار ڏنو، اسان سربراهه عوامي تحريڪ پاران استعيفائن جي مطالبي کي حق به جانب سمجهندي حمايت ڪريون ٿا، ماڊل ٽائون سانحو رياستي دهشتگردي جو بدترين سانحو آهي، طاهر قادري انصاف حاصل ڪرڻ لاءِ جيڪا تاريخ ڏيندو مسلم ڪانفرنس آزاد ڪشمير سميت هر هنڌ ساڻس گڏ هوندي.

 

ڪشمير مسئلو هڪ رات ۾ حل ٿيڻ وارو ناهي، تحريڪ هلائڻي پوندي: فضل الرحمان

اسلام آباد (ويب ڊيسڪ) جي يو آءِ ف جي سربراهه مولانا فضل الرحمان چيو آهي ته ڪشمير مسئلو ننڍي کنڊ جي تاريخ سان ڳنڍيل آهي، ڪشميرين جو چوٿون نسل آزادي جي جنگ وڙهي رهيو آهي، اسان کي ڪشمير مسئلو تحريڪ جي صورت ۾ ڏسڻ گهرجي. ڪشمير سيمينار کي خطاب ڪندي مولانا فضل الرحمان چيو ته ڪشمير مسئلو هڪ رات ۾ حل ٿيڻ وارو ناهي، ان لاءِ تحريڪ هلائڻي پوندي، جنهن لاءِ حڪمت عملي ضروري آهي، اسان وٽ تحريڪ جي تصور کي جيئرو رکڻ کانسواءِ ٻيو ڪو رستو ناهي. هن چيو ته اسرائيل اڄ فلسطينين جي آزادي واري جنگ کي رياستي دهشتگردي قرار ڏئي رهيو آهي، بيت المقدس اسرائيل جو تخت گاهه نٿو بڻجي سگهي، ان فيصلي تي آمريڪا به اڪيلائي جو شڪار آهي.27