تازيون خبرون

Daily Archives: December 19, 2017

راني مکرجي جي فلم هچڪي جو ٽريلر منظرعام تي اچي ويو

ممبئي (شوبز نيوز) بالي ووڊ جي مشهور اداڪاره راني مکرجي 3 سالن کانپوءِ فلم هچڪي سان بالي ووڊ نگري ۾ واپسي ڪري ورتي. فلم جو ٽريلر به سامهون اچي ويو. ڀارتي ميڊيا مطابق اها فلم ان جي ور آديتيا چوپڙا جي پروڊڪشن هائوس يش راج فلمز جي بينر هيٺ ٺهي آهي. هدايتڪار سڌارت پي ملهوتر جي هدايتڪاري ۾ ٺهندڙ فلم هچڪي جو ٽريلر به جاري ڪيو ويو آهي جنهن کي ڪجهه ڪلاڪن ۾ ئي 4 لک کان وڌيڪ ماڻهو يوٽيوب تي ڏسي چڪا آهن. فلم جي ٽريلر کي مداحن طرفان تمام گهڻو پسند ڪيو پيو وڃي.

 

ويرات ۽ انوشڪا جي هني مون تصوير سان پاڪستانين ڇا ڪيو؟

ممبئي (شوبز نيوز) ڀارتي ڪرڪيٽ اسٽار ويرات ڪوهلي ۽ اداڪارا انوشڪا شرما جي شادي جون تصويرون ته سوشل ميڊيا تي وائرل ٿيون ئي، پر سندن هني مون جي هڪ تصوير به خوب وائرل ٿي جنهن تي پاڪستاني مداحن وڏو ئي دلچسپ رد عمل ڏنو ۽ فوٽو شاپ جو خوب استعمال ڪيو ويو. پاڪستان ۾ ويرات ۽ انوشڪا جي مداحن جو انگ ڪجهه گھٽ ناهي تنهن هوندي مداحن سندن هني مون جي تصوير کي ايترو ته پسند ڪيو جو کين پاڪستان جي هر ڪنڊ ۾ پهچائي ڇڏيو. مداحن سندن هني مون تصوير تي ايتري ميمز ٺاهي جو جيڪو ڏسندو آهي ان جي چپن تي مرڪ اچي ويندي آهي. ويرات ۽ انوشڪا جي هني مون تصوير تي مداحن ايڊيٽنگ ڪري ان جي منظر ۾ ڪراچي، لاهور، ملتان، اسلام آباد ۽ پاڪستان جي ٻين علائقن جو بيڪ گرائونڊ لڳائي ڇڏيو، جنهن سان ڀارتي مداح به گھڻو ئي لطف اندوز ٿي رهيا آهن. هڪ ميم ۾ مداحن لاهور جو بيڪ گرائونڊ وجھندي لکيو ته ويرات ۽ انوشڪا لاهور جي هڪ اسڪول جو دورو ڪيو ۽ پنهنجي فيس جون قسطون جمع ڪرايون. هڪ ميم ۾ ويرات ۽ انوشڪا کي اسلام آباد جي هڪ ريسٽورنٽ ۾ ڏيکاريو ويو، جتي مختلف ڊشز کائڻ بعد هو اڳوڻي وزير اعظم نواز شريف جو شڪر ادا ڪندي نظر پئي آيا. ڀارت جي ان اسٽار جوڙي کي لاهور ۾ مينار پاڪستان جو دورو ڪندي به ڏيکاريو ويو. هڪ تصوير ۾ کين لاهور جي شاهي قلعي آڏو ڏيکاريو ويو ته ڪنهن ان اسٽار جوڙي کي ڪراچي جي مشهور تين تلوار چورنگي تي ڏيکاريو. ۽ ماڻهن جو چوڻ آهي ته اهو جوڙو”پاڪستان“ اچي ۽ قائد اعظم جي مزار تي حاضري نه ڏئي،ايئن ته ٿي نٿو سگھي، ان ڪري ان حوالي سان به هڪ ميم بڻائي وئي. اهو ته سوشل ميڊيا صارفن مذاق پئي ڪيو، پر ڪجهه ماڻهو واقعي اها اميد ڪري رهيا آهن ته ڀارت جو اهو اسٽار جوڙو پاڪستان جو دورو ضرور ڪري.

 

نيئن ٽيسٽ رينڪنگ: اسمٿ بهترين بيٽسمين، اينڊرسن بالر ۽ شڪيب ٽاپ آل رائونڊر قرار

ڪراچي(اسپورٽس نيوز)انٽرنيشنل ڪرڪيٽ ڪونسل رانديگرن جي نئين ٽيسٽ رينڪنگ جاري ڪئي جنهن موجب آسٽريلوي ڪپتان اسٽيون اسمٿ بيٽنگ، جيمز اينڊرسن بالنگ ۽ شڪيب الحسن آل رائونڊر جي لسٽ ۾ ٽاپ پوزيشن تي آهن. آءِ سي سي طرفان جاري ڪيل ٽيسٽ رينڪنگ ۾ شروعاتي 10 بيٽسمينن ۾ پاڪستان طرفان اظهر علي اٺين پوزيشن تي آهن جڏهن ته 10 بهترين رانديگرن بيٽسمينن ۾ آسٽريليا، نيوزي لينڊ ۽ ڀارت جا 2،2 جڏهن ته پاڪستان، انگلينڊ، سري لنڪا ۽ ڏکڻ آفريقا جو هڪ هڪ بيٽسمين شامل آهي. آسٽريلوي ڪپتان اسٽيوم اسمٿ مسلسل ٻه سال ٽيسٽ رينڪنگ ۾ پهرين نمبر تي آهي ۽ انگلينڊ خلاف تازي ئي پرٿ ٽيسٽ ۾ ڊبل سنچري کان پوءِ هو ماضي جي مشهور بيٽسمين باز ڊان بريڊمن جي سڀ کان وڌيڪ رينڪنگ ويجهو پهچي ويو. اسمٿ 945 پوائنٽس سان بهترين بيٽسمينن جي لسٽ ۾ پهرين نمبر تي آهي جڏهن ته ڀارتي ڪپتان ويرات ڪوهلي 893 پوائنٽس سان ٻئي ۽ ڀارت جي ئي چتسور پجارا هڪ درجوترقي حاصل ڪري ٽئين پوزيشن حاصل ڪري ورتي. بهترين بالرن جي لسٽ ۾ انگلينڊ جي جيمز اينڊرسن 892 پوائنٽس سان ٽاپ پوزيشن تي موجود آهي ۽ 10 بهترين بالرن ۾ پاڪستان جو ڪو به بالر شامل ناهي. ڏکڻ آفريقا جو ڪگيسو رابادا 876 پوائنٽس سان ٻئي، ڀارت جو روندرا جديجا ٽئين، روي چندرن ايشون چوٿين، هيزلي وڊ پنجين، رنگنا هيراٿ ڇهين، نيل ويگنر ستين، مچل اسٽارڪ اٺين، ليون نائين ۽ ڏکڻ آفريقا جو ڊيل اسٽين ڏهين نمبر تي موجود آهي. پنج بهترين آل رائونڊرز جي فهرست ۾ به پاڪستان جو ڪ ورانديگر شامل ناهي، بنگلا ديش جي شڪيب الحسن ٽاپ آل رائونڊر پوزيشن تي قبضو ڄمايو جڏهن ته ڀارت جو روندرا جديجا ٻئي، انگلينڊ جو بين اسٽوڪ ٽئين، روي چندر ايشون چوٿين ۽ معين علي پنجين پوزيشن تي موجود آهي.

 

آسٽريليا ۾ کيڏڻ جو خواب پورو ٿيو: شاداب خان

برسين (اسپورٽس نيوز) قومي ٽيم جي بالر شاداب خان چيو آهي ته بگ بيش ليگ کيڏڻ سان سندس آسٽريليا ۾ کيڏڻ جو خواب پورو ٿي ويو. قومي ٽيم جو ليگ اسپنر شاداب خان بگ بيش ليگ ۾ برسين هيٽ جي نمائندگي ڪندو ۽ اهڙي ريت پهريون ڀيرو ليگ ۾ جلوا ڏيکاريندو. شاداب بگ بيش لاءِ گھڻو پرجوش آهي ۽ سندس چوڻ آهي ته آسٽريليا ۾ کيڏڻ سندس خواب هو جيڪو بگ بيش ليگ جي صورت ۾ پورو ٿي ويو. ليگ اسپنر جو چوڻ هو ته ”بي بي ايل ۾ کيڏڻ لاءِ گھڻو پرجوش آهيان، آسٽريليا ۾ کيڏڻ خواب هو جيڪو هاڻ حقيقت بڻجي ويو آهي، آسٽريليا ۾ کيڏي گھڻو ڪجهه سکڻ جو موقعو ملندو“.

 

تعليم جو ڪرندڙ معيار۽ حڪومتي زميواريون..!: غلام مصطفيٰ جمالي

تعليم هميشه ملڪ،معاشري ۽ قوم جي ترقي ۾ اهم ڪردار ادا ڪيو آهي ۽ اها ڳالهه به بلڪل درست آهي ته تعليم کان سواءِ ڪو به ملڪ ڪو به معاشرو،۽ ڪا به قوم ترقي نه ٿي ڪري سگهي،قوم ۽ معاشري جي ترقي صرف ۽ صرف تعليم آهي. ڪنهن قوم يا ملڪ اندر تعليم وڪامڻ لڳي ته اها قوم ۽ ملڪ ترقي بجاءِ تباهي جي ڪناري پهچي ويندو آهي،۽ پوءِ جنهن کي انهي تباهي کان ڪير به بجاءِ نه ٿو سگهي.۽ اهڙي ئي ڪجهه صورتحال اسانجي ملڪ جي تعليم جي پڻ آهي.جيڪا ٻهڙاين مان ختم ٿي نظر پئي اچي.جڏهن ته شهري آبادي اندر اها تعليم پرائيوٽ اسڪولن ۾ تبديل ٿي چڪي آهي.جن اسڪولن جي فيءِ آسمان سان ڳالهيون ڪرڻ پئي اچي ۽ انهن اسڪولن اندر غريب جي ٻار لاءِ تعليم پرائڻ مشڪل ئي نه پر ناممڪن آهي.جڏهن ته اهڙي ماحول اندر تعليم نه هجڻ ڪري نه رڳو تعليمي ادارا تباهي جي ڪناري تي پهچي چڪا آهن. پرملڪ جي ڪروڙين معصوم زندگين جي تعليم به تباهه ٿي رهي آهي.جڏهن ته مهاڳن اسڪولن ۾ ٻار پڙهائڻ والدين جي وس کان ٻاهر ٿيندو پيو وڃي.۽ والدين انهي آسمان سان ڳالهيون ڪندڙ فيءَ کان مجبور ٿي ڪري پنهنجي ٻارن کي پرائيوٽ اسڪولن مان ڪڍي ڪري سرڪاري اسڪولن ۾ داخل ڪرائي رهيا آهن.وڌندڙ مهنگائي ۽ ڳري فئين ڪري والدين نه صرف پنهنجي ٻارن کي تعليم ۽ انهن جي مسقبل جي ڪري به تمام گهڻا پريشان آهن.پر افسوس جهڙي ڳالهه آهي ته حڪومت جي طرفان تعليم جي عمل کي بهتر بنائڻ وارا ادارا ۽ سرڪاري ڪامورا اهڙي ته اگهور ننڊ ستل آهن جو کين تعليم جي تباهي جو منظر ڏسڻ ۾ ئي به پيو اچي.جڏهن اسان تعليم ۽ ايڪويهين صديءَ جي اندر چئلينج جي ڳالهه ڪريون ٿا ته سڀ کان پهريائين ان ڳالهه جو جائزو وٺڻ کي نظر انداز نٿا ڪري سگهون ته پوين صدين مان اسان ڇا حاصل ڪيو ۽ ڇا وڃايو آهي. جيڪڏهن ان جائزي ۾ اسان وڃائڻ کان وڌيڪ حاصل ڪيو آهي،!ته پوءِ اسان کي اڳئين صديءَ ۾ پير پائڻ وقت گهڻين مشڪلاتن کي منهن ڏيڻو ڪونه پوندو، پر جيڪڏهن ڳالهه ان جي ابتڙ آهي ته پوءِ صورتحال نهايت ئي سنگين آهي، جنهن جا اثرات ايندڙ تعليم ۽ مستقبل تي تمام گهڻا هاڃيڪار پوندا.. جنهن لاءِ قوم کي انقلاب مان گذرڻو پوندو آهي. انقلاب جو نالو وٺندي ئي اسان جي ذهنن ۾  مار ڌاڙ، خون خرابي ۽ هر شيءِ کي مٽائي نئين اڏاوت جو  تصور ذهن ۾ ڦري ٿو اچي. حالانڪه ڳالهه ائين ڪونهي.

اسان وٽ انقلاب جي عمل جي باري ۾ گهڻين غلط فهمين ماڻهن کي ان کان ٽهائي رکيو آهي ۽ ان ٽاهه جي تسلسل هاڻي ته ماڻهن جي ذهن تان ان جو تصور به گهڻي قدر ميساري ڇڏيو آهي. حقيقت هي آهي ته انقلاب پنهنجي مخصوص عملي دائري سبب پنهنجي نوعيت ۾ هڪٻئي کان الڳ رهندا آيا آهن سياسي، اقتصادي، سماجي، تعليمي، سائنسي، فڪري ۽ ذهني انقلاب وغيره. اهو تصور بلڪل غلط آهي ته ڪنهن به قسم جو انقلاب پوين سڀني شين کي بلڪل ڊاهي ڇڏيندو آهي ، بلڪه ٿيندو ايئن آهي ته جيڪي شيون به انقلاب ۾ ڊهڻ جهڙيون هونديون آهن انقلاب انهن کي ڊاهيندو آهي ۽ جيڪي شيون انقلاب جي ان عمل ۾ رڪاوٽ نه ٿيون بڻجن يا ايندڙ تبديليءَ لاءِ ڪي به ناڪاري اثر نٿيون رکن ته انهن کي جيئن جو تيئن رهڻ ڏنو ويندو آهي. اسان ڳالهه پنهنجي تعليمي نظام جي پوئين دور جي جائزي وٺڻ جي ڪري رهيا هئاسون. انهيءَ جائزي لاءِ ڪا ڊگهي ڪاوش ڪرڻ جي ضرورت اسان کي هن ڪري به محسوس نٿي ٿئي جو موجوده تعليمي حالت جي حوالي سان ان جو اندازو لڳائڻ مشڪل ڪونهي. سنڌي سماج جي سڀني طبقن جو انهيءَ تي اتفاق آهي ته هينئر اسان جي تعليم تباهه ٿي چڪي آهي،جڏهن ته سنڌ جي تعليم جو اهڙو حال آهي جو لفظن ۾ بيان به ڪرڻ جهڙو ناهي.

سنڌ جي اسڪولن تي هڪ نظر وجهنداسين ته هزارين نه پر لکين اسڪولي عمارتون زبون حالت ۾ نظر اينديون .جيڪي معصوم ٻارن جون زندگيون ڳڙڪائڻ لاءِ واڳون وارو وات ڦاڙيو ويٺيون آهن.۽ لکين اهڙا اسڪول ملندا جن اندر پاڻي پيئڻ جي سهولتون به موجود ناهي.جڏهن ته ڪيترائي اهڙا اسڪول آهن جن ۾ ٻارن جي ويهڻ لاءِ بينچون  ناهن ويچارا معصوم ٻار پٽ تي ويهي تعليم پرائي رهيا آهن.جڏهن ته ڪيترائي اهڙا به اسڪول آهن جن ۾ مقرر استاد سرڪاري پگهار به کڻي رهيا آهن پر انهن اسڪولن جو سرڪار وٽ رڪارڊ به موجود آهي پر انهن اسڪولن اندر نه ئي تعليم آهي ۽ نه ئي استاد ڊيوٽي ٿا ڪن ۽ ڪيترن ئي سالن کان وٺي اهي اسڪول بند پيا آهن.جڏهن ته ڪيترا اهڙا به اسڪول آهن جن ۾ استاد ته موجود آهن پر انهن اسڪولن اندر ٻارن جو نالو نشان ئي ناهي.۽ انهن اسڪولن لاءِ ايندڙ فنيچر۽ ڪتاب ڪاپيون اسڪولن بجاءِ بازارن ۾ وڪرو ٿي رهيا آهن،انهي ڪري اها اسان جي بدقسمتي چئجي يا سرڪار جي نااهلي پر اهو سمورو سچ آهي ته انهي غفلت جي ڪري ڪروڙين ٻارن جي زندگي داءُ تي لڳل آهي.اهو به سچ آهي ته انهي کان وڌيڪ بدقسمتي ڪهڙي چئبي جو جنهن ملڪ اندر وڏيرو ۽  جاگيردراڻي نظام هجي ۽ اتي تعليم کي هڪ عيب سمجهي انهي کان نفرت ڪئي وڃي ٿي.! ته پوءِ اها قوم ترقي ڪئين ٿي ڪري سگهي.اڳواڻ ايوانن ۾ ويهي ڪري چون ٿا ته پوري ملڪ اندر ٻين صوبن جي ڇڏي ڪري صرف ۽ صرف سنڌ جي تعليم تباه آهي ۽ سنڌي پوئتي پيل آهن.پر انهن کي ڪير سمجهائي ته انهن سنڌين کي پوئتي ڌڪڻ وارو ڪير آهي. انهن جي هٿن مان قلم بجاءِ گاهه جا ڏانٽا ڏيڻ وارا  ڪير.آهن، ڪو آهي جيڪو انهي سوال جو جواب واضاحت اسانکي سمجهائي.جڏهن ته اها ڳالهه به سچ آهي ته اسانجا وزير وڏيرا هڪ پرائيوٽ اسڪولن ۾ ٿيڻ واري تقريب ۾ مهمان خاص ٿيڻ ۾ فخر محسوس ڪندا آهن. پرانهن ڪڏهن سرڪاري اسڪول ۾ ٿيڻ واري تقريب ۾ ويهڻ گوارا ناهي ڪيو.مان سمجهان ٿو ته انهن وڏيرن ۽ وزيرن هميشه انهي ۾ آر محسوس ڪئي آهي.ڇو؟

آخر اسان جو اهڙو نّظام ڇو ٿي ويو آهي جو اسان پنهنجي پير تي پاڻ ڪهاڙو هڻي رهيا آهيون.جڏهن ته ٿيڻ اهي کپي ته پرائيوٽ اسڪولن بجاءِ سرڪاري اسڪولن ۾ تعليم جي رجان کي وڌائڻ لاءِ اهڙا پروگرام ضرورت طور تي رکيا وڃن ۽ انهن پروگرامن ۾ سرڪاري ادارن جي آفيسرن،وزيرن کي شرڪت ڪرڻ گهرجي.جيئن سرڪاري اسڪولن جي تعليم بهتر ٿي سگهي ۽ ٻار ۽ استاد ۾ تعليم لاءِ جذبو پيدا ٿي ۽ سندن ذهن اندر تعليم جو شعور سجاڳ ٿي،پر وري به افسوس ٿي رهيو آهي ته ائين اسان جي ملڪ اندر ٿيڻ ممڪن ئي نه پر ناممڪن آهي.اوهان اندازو لڳايو ته جنهن ديس اندر غريب کي ڀر ۾ ويهارڻ ۾ وزير وڏيرا آر محسوس ڪن، اهي ڪيئن چاهيندا ته غريب جو ٻار پڙهي ڪري اعليٰ مقام تائين پهچي.انهي ڪري انهن پنهنجي ٻارن کي سٺي تعليم لاءِ پرائيٽ اسڪولن ۾ پڙهايو ته جيئن غريب جي ٻار جو پاڇو به انهن جي ٻارن تي نه پوي.ڇا اهڙي معاشري ۾ تعليم سڌري سگهي ٿي.اهڙي معاشري اندر جهوپڙي ۾ رهندڙ غريب جو ٻار پڙهي ڪري اعليٰ مقام تائين پهچي سگهي ٿو،؟جڏهن ته پاڪستان اهو واحد ملڪ آهي جنهن اندر تعليمي تدرسي عمل بلڪل به درست ناهي.سنڌي نصاب مان سنڌي ختم ڪرڻ.پراڻي نصاب ۾ تبديليون ڪري کين ڏکيو ڪرڻ ۽ تعليميي نصاب ۾ اکرن جون غلطيون انهي ڳالهه جو چٽو ثبوت آهي ته سرڪار تعليم جي طرف بلڪل به ڌيان نه ڏئي رهي آهي.اگر حڪومت جو ڌيان تعليم ڏانهن هجي ها ته تعليم اهڙي تباهي جي ڪناري تي هزگز نه پهچي ها.

مان سمجهان ٿو ته تعليم کي جيستائين معياري بنائڻ لاءِ حڪومت سنجيدا نه ٿيندي انهي وقت تائين نه تعليم ۾ سڌارو ايندو ۽ نه ئي اسان جي معاشري ۾ خوشحالي ٿيندي..هن وقت سنڌي قوم تعليم جي معيار تي پريشان ِضرور آهي پر مان سمجهان ٿو ته انهي مونجهاري جو حل حڪومت وٺ ضرور آهي ليڪن حڪومت انهي ڳالهه تي بلڪل به سنجيدا ناهي.جڏهن ته حڪومت جي گهرجي ته تعليم جي معيار کي بهتر بنائڻ لاءِ هر ممڪن ڪوشش ڪري.خاص طور سنڌ جي علائقن اندر جتي ڏينهن به ڏينهن تعليم ختم ٿيندي پئي وڃي.انهي ڪري حڪومت کي اهڙيون ٽيمون تشڪيل ڏيڻ گهرجن جيڪي پنهنجي ايمانداري سان ڪم ڪن، جت اسڪول بند آهن انهن اسڪولن کي کولائي انهن اندر تدرسي عمل کي شروع ڪيو وڃي ۽ جيڪي اسڪول زبون حالت ۾ آهن انهن جي مرمت ڪرائي انهي اسڪول کي تعليم جي قابل بنايو وڃي ته جئين اهي زبون اسڪول ڪنهن معصوم جي جان ضايع ٿيڻ جو ڪارڻ نه بڻجن.جڏهن ته استادن کي تعليم لاءِ باقده پابند ڪيو وڃي.انهي حڪومتي ڪرادر ڪرڻ تي تعليم ۾ سڌارو اچي سگهي ٿو.انهي لاءِ حڪومت کي ڏينهن رات محنت ڪرڻي پوندي.اگر اهي نه ٿي سگهيو ته پوءِ سنڌ جي معصوم ٻارن جي مستقبل کي تمام گهڻو نقصان پهچي سگهي ٿو جنهن جو ڪارڻ صرف ۽ صرف اهي سياسي ڪامورا هوندا.جيڪي تعليم جي نالي تي قومي خزاني مان ڪڙورين رپين جي ڪرپشن ڪندا پيا اچن.۽ لفظن ۾ وڏيون ڳاليهون ڪري چوندا آهن ته اسان ملڪ اندر تعليم جو معيار بهتر بنائڻ لاءِ ڏينهن رات ڪوششون ڪري رهيا آهي.انهي ڪري ملڪ جو هر فرد اهو ئي چاهي ٿو ته حڪومت صرف لفظن تائين محدود نه رهي.تعليم جي معيار کي بهتر ڪرڻ لاءِ سنجيدا ٿي.باقي ٺلهن بيانن مان نه ملڪ جي تعليم بهتر ٿيندي ۽ نه ئي قوم معاشرو،۽ ملڪ اندر ترقي ڪري سگهندو

 

سنڌ جتي جي نياڻِين جي چولن کي چتيون لڳن سامراجن جا ڪتا به ڪڪڙ کائن…!!!!: عزيزالله ناريجو خيرپورميرس

ضروري ناهي جن جي مقدر ۾ لاشا هجن اهي فتح ناهن ماڻي سگهندا…! پراهو به سچ آهي ته فتح هميشه لاشن ۾ لڪل آهي جڏهن ڌرتي جي ڪوندر ڪسبا آهن جڏهن ڪربلا جون يادون تازيون ٿينديون آهن جڏهن ڀيڻ جا پلو لڙڪن جي موتين سان مالا ٺاهيندا  آهن جڏهن جهوني پيءُ جا ڪنڌ نوجوان پٽ جا لاشن بار کڻڻ لاءِ خوشي مان اڳ ڀرا هجن جيڪي مائرو پٽن جا لاش مرڪندي  گهر مان الوداع ڪن انهي ڌرتي تي فتح جي صبح جا آثار صبح جي ڪرڻن وانگر مرڪندي ڀرندا آهن                           اهڙي ئي ڌرتي آهي جتي جون مائرون اڄ به پنهنجون جهوليون خالي ٿيندي ڏسي رهيون آهن جتي جا پوڙها پيءُ اڄ به ڪونڌر ڪلهن تي کڻي مٽي ماءُ حوالي ڪيو اچن..جت ڀينريون ڀائرن جون ساٿي بڻجي گهر مان گهوٽ سمجهي لاشن کي روانيون ڪن….ها اها ڌرتي سنڌ ڌرتي آهي جيڪا اڄ سڄي رت مان رنڱجي جي چڪي آهي جتي جا ڪوندر ڪسجي رهيا آهن جتي ماني جي ڳڀي گهرڻ لاءِ موت ۾ ملي جتي انڌن ۽ ٻوڙن حڪمرانن جون حڪمرانيون هجن جت حق جي آواز جي کي هميشه لاءِ خاموش ڪيو وڃي جت مينار لاشن جا ٺاهيا وڃن جت ڌرتي بي ڌڻي هجي ان ڌرتي جون هوائون به سڏڪندي گذريون آهن سنڌ اڄ لاشن جو گهر بڻيل آهي کيس لاش مٿان لاش طوفعي طور ملي رهيا آهن

هت قومن جو وجود ختم ڪرڻ جون سازشون ٿي رهيون آهن اڄ قهر جا ڏينهن اچي ڪڙڪيا آهن ڪير آهي جنهنن سنڌي ڀيڻ جي اکيڻ ۾ لڙڪ ماءُ جي جهولي خالي پوڙهي پيءُ جي پوڙهائپ جو سهارو کسيو آهي ڪير آهي جيڪو ايڏو قهر جو ڪاريهر آهي ڪير آهي جيڪي ڪنهن کان ڳجهو آهي……؟ هزارين سوال آهن جن جو جواب ان ڌرتي جي هر فرد جي زبان تي آهي.آخر ايڏن وڏن حادثن جو زميوار ڪير آهي..؟ڇا چچريل لاش رڳو سنڌين جا ڇو..؟رڳو حق جو آواز سنڌ جو ڇو پيو دٻايو وڃي..؟ڇو..؟پنهنجو حق وٺڻ ڏوهه آهي…؟پنهنجي ديس واسين جي دردن جو بار حلقو ڪرڻ لاءِ حق وٺڻ ڪو جرم آهي..؟اسان کي ڪهڙا ته سک مليا آهن هن ڌرتي تي ڪير ٻڌائيندو…؟ اسان جي حقن تي ڌاڙا ڪنهن کان ڳجها آهن..!!پر افسوس آهي جو ڪير اسان جو ناهي جيڪو اسان جي ڪتاب پڙهي انهي جي ورق ورق جو حساب ڪري ڪير آهي جيڪو هن مظلوم ماڻهن جي مالڪي ڪري..! ڪير آهي جيڪي روئندل اکين جا ڳوڙها اگهي ڪير آهي جنهن کي ترس اچي سنڌي قوم سنڌ ڌرتي تي جيڪا اڄ ڌڻي هوندي به بي ڌڻي بڻيل آهي جتي اڄ ڪو به محفوظ ناهي رهيو جت ماڻهو مارڻ آسان ۽ ماني ڳڀوملڻ مشڪل ٿي ويو آهي جت ڀوتار شاهي مظلومن جون دانهون ڪوڪون ٻڌڻ بجاءِ ڪنن ۾ آڱريون وجهي ڇڏيون هجن  جتي جي نياڻِين جي چولن کي چتيون لڳل هجن ۽ سامراجن جا ڪتا به ڪڪڙ کائن اها ڌرتي ۽ عوام رت نه روئيندي ته ٻيو ڇا ڪندي پر انهن رڙين ۽ ڪوڪن جو اثر ڪنهن تي به اثر ڇو نه ٿو ٿئي..!ڇا.؟هت اقعي انڌن ٻوڙن جي حڪومت آهي پر نظرياتي طور ڏسجي ته جيڪو حق قومن جو آهي اهو سڀ حق جهڙو آ.پوءِ اهو چاهي سنڌي هجي پنجابي هجي پٺاڻ هجي مهاجر هجي بلوچي هجي پر ڏسڻ ۾ ۾ اهي پيو اچي ته اقتدار جون واڳون سنڀاليندڙن جي نظر صرف سنڌين تي نه پئي پوي يا انهن جي اکين جي نقشي مان سنڌ ۽ سنڌي لفظ جي نقش کي مٽايو ويو آهي جو انهن کي اهو سمورو قهر ڏسڻ ۾ ئي نه ٿو اچي

سري عام سنڌ جي قومپريت پارٽين جي ڪارڪنن جا لاشا چچريل لاش ماضي جي ڪال ڪوٺڙين ۾ ڌڪيندا ٿا وڃڻ اهڙا واقعا جن جي پوري دنيا عجب ۾ پئجي وئي آهي جهنهن تي پورِي دنيا ۾ بحت مباحثا ٿي رهيا آهن اتي سنڌ سرڪار ڪهڙو ڪردار ادا ڪري رهي آهي ڇو سنڌ سرڪار کان اهڙن درد ناڪ واقعن جي روڪ لاءِ ڪي خاص اپاءُ ڇو نه ٿا ورتا وڃن ڇا سرڪار وٺ اهڙا ماڻهو ناهن جيڪي اهڙا ڪارناما ڪري ڏيکارين يا سنڌ سرڪار وٺ جيڪي ٽيم آهي اها ننڊ جي شوقين آهي..؟بهرحال اها واِضع ڇٽو ثبوت آهي ته سنڌ ۾ قتل جون واردتون ڏينهن ڏينهن وڌي رهيو آهيون ملڪ انهن مسئلن کي منهن ڏيڻ ۾ مسلسمل ناڪام ٿي چڪو آهي جنهن ڪري ڳلي ٿو ته انهن مسلئن کي روڪڻ ۾ حڪومت انا پرستي وارو ضد رکيو اچي ڪٿي وفاق ۽ سنڌ سرڪار جي ضد ته سنڌ واسي سڀ ڪجهه ته نه وڃائي رهيا آهن پر امن هميشه قومن جا لاشا ڳڻيندي آيو آهي هي وقت صبر جو آهي هن وقت سنڌ تي هڪ  وڏو امتحان آهي جنهن ۾ گذرڻ ڏکيو ضرور آهي پر صبر به ضروري آهي اهو ڏينهن پري ناهي جڏهن سنڌ تي سورن جي سج جي شام ٿيندي خوشين جي نئون سج اڀرندو جنهن ۾ ڪا به اک لاهي نه هوندي جنهن لڙڪ جون قطارون نه هونديون جنهن پوڙهي پيءُ جا درد نه هوندا جنهن ۾ ماءُ جيجل جو جهول ماتم سان نه ڀربو پر اهو وقت ضرور ايندو بس اکين کي آس ضرور آهي ۽ دعا آهي ته اهي سفر جي آخري مرحلي ۾ هجن جئين سنڌ مرڪي پوي

 

قومي سلامتي جو اجلاس…!

وزيراعظم جي صدارت هيٺ قومي سلامتي ڪميٽي جي اجلاس ۾ وفاقي گهرو وزير احسن اقبال، آرمي چيف جنرل قمر جاويد باجوه، قومي سلامتي جو صلاحڪار ناصر جنجوعه، چيئرمين جوائنٽ اسٽاف ڪميٽي جنرل زبير محمود حيات سميت ٽنهي فوجن جي سربراهن شرڪت ڪئي، اجلاس ۾ پرڏيهي سيڪريٽري تهمينه جنجوعه استنبول ۾ ٿيل او آءِ سي سربراهي ڪانفرنس تي بريفنگ ڏني، ڪميٽي چيو ته دهشتگردن جا حملا اسلام جي امن ۽ رواداري جي تعليم خلاف آهن، ڪوئيٽا جي گرجا گهر تي حملي جي ڀرپور مذمت ڪريون ٿا، آمريڪي صدر پاران والاريل بيت المقدس کي اسرائيلي گادي وارو هنڌ تسليم ڪرڻ تي مسلم دنيا کي ڳڻتي آهي، ٽرمپ انتظاما اهڙو فيصلو واپس وٺي، آمريڪي انتظاميا جي اها ذميواري آهي ته اها مسئلي جي منصفاڻي حل لاءِ قدم کڻي، ان موقعي تي نيشنل ايڪشن پلان تي گهرو سيڪريٽري بريفنگ ڏني، جنهن دوران سندس چوڻ هو ته نيشنل ايڪشن پلان تي عملدرآمد ۾ موثر اڳڀرائي ٿي آهي، پاليسي ۽ اداره جاتي سڌارن تي وڌيڪ ڌيان ڏيڻ جي ضرورت آهي، پاڪستان فنانشل ايڪشن ٽاسڪ فورس جي ذميوارين کي پورو ڪرڻ لاءِ پرعزم آهي، پاڪستان عالمي برادري جو هڪ ذميوار ملڪ آهي، ڪميٽي هدايت ڪئي ته نيشنل سيڪيورٽي پاليسي کي سمورن اسٽيڪ هولڊرز جي مدد سان جلد کان جلد حتمي شڪل ڏني وڃي.اجلاس م چيو ويو آهي ته آمريڪي صدر ڊونلڊ ٽرمپ جي والاريل بيت المقدس کي اسرائيلي گادي واري هنڌ تسلم ڪرڻ تي ڳڻتي آهي، ٽرمپ انتظاميا جو هڪ طرفي فيصلو پاڪستان کي قابل قبول ناهي، آمريڪا اهڙي قسم جي کنيل قدمن کي واپس وٺي،