تازيون خبرون

Monthly Archives: December 2017

ملڪي سلامتي جي تحفظ لاءِ سمورا ادارا گڏ آهن، آخري دهشتگرد جي خاتمي تائين جنگ جاري رهندي: جنجوعه

لاهور(ويب ڊيسڪ) اڳوڻي وزير اعظم سان قومي سلامتي واري صلاحڪار جنرل (ر) ناصر جنجوعا ملاقات ڪئي آهي جنهن ۾ ملڪي سلامتي سميت خطي جي گڏيل صورتحال تي ڳالهيون ڪيون ويون ٻنهي اڳواڻن وچ ۾ ملاقات پنجن ڪلاڪن تائين جاري رهي. ميڊيا جي رپورٽن موجب قومي سلامتي واري صلاحڪار جنرل ريٽائرڊ ناصر خان جنجوعا لاهور ۾ اڳوڻي وزير اعظم سان ملاقات ڪئي جنهن ۾ دهشتگردي، ملڪي سلامتي ۽ خطي جي صورتحال تي ڳالهيون ڪيون ويون جڏهن ته پاڙيسري ملڪن سان لاڳاپن ۽ سرحدي معاملن تي به ڳالهيون ٿيون. ملاقات ۾ نواز شريف هڪ ڀيرو ٻيهر افغانستان سميت سمورن پاڙيسري ملڪن سان دوستاڻن ۽ پرامن لاڳاپن تي زور ڏنو. ان موقعي تي ناصر خان جنجوعا جو چوڻ هو ته ملڪي سلامتي جي تحفظ لاءِ سمورا ادارا گڏ آهن ۽ آخري دهشتگرد جي خاتمي تائين جنگ جاري رهندي، سرحد پار کان دهشتگردن کي سپورٽ ڪنهن به صورت ۾ برڊاشت نه ڪنداسين جڏهن ته هشتگردي لاءِ پاڪستان ڪيتريون ئي قربانيون ڏنيون آهن جنهن کي دنيا کي قبولڻو پوندو.

 

ملڪي حفاظت لاءِ هر قرباني ڏبي، ڪنهن جي چوڻ تي ڊو مور نه ڪنداسين: پاڪ فوج

راولپنڊي (اين اين آءِ) ڊي جي آءِايس پي آر ميجر جنرل آصف غفور خواجه سعد رفيق جي غير ذميواراڻي بيان تي ڳنتي جو اظهار ڪندي چيو آهي ته پاڪ فوج منظم ادارو آهي بيان ۾ پاڪ فوج جي چين آف ڪمانڊ کي نشانو بڻايو ويو ايئن نه ٿيڻ گهرجي ها ڪا سازش آهي ته ان جو ثبوت به هجڻ گهرجي آرمي آئين جي احترام جي عزم تي قائم آهي هر شهري به آئين جي دائري ۾ رهي ۽ آئين جو احترام ڪري حڪومت ادارا ۽ پاڪستان جي فوج ڪم ڪري رهيون آهن انهن جا حوصلا وڌائڻ گهرجن مشرف جي بيان تي انهيءَ کان وضاحت ورتي وڃي ميڊيا به اينٽي پاڪستان لائين سان ڪجهه نه ڏيکاري ڪابه خبر هجي ان جي جاچ ڪري پاڪ فوج سي پيڪ جي سيڪيورٽي جي ضمانت ڏني آهي ڀارتي جاسوس ڪلبوشن جي رحم جي اپيل آرمي چيف وٽ اهي ان تي جلد وڌيڪ معلومات ڏيندس فاٽا سڌاران تي به آرمي چيف جي وفد سان ملاقات ٿي آهي هاڻي فيصلو وزيراعظم کي ڪرڻو آهي ميڊيا کي بريفنگ ڏيندي ڊي جي آءِ ايس پي آر ميجر جنرل آصف غفور چيو ته 2017 ۾ عام شهرين جو موت گهٽ ٿيو آهي اسان چاهيون ٿا ته هڪ به ماڻهو نه مري پر ان لاءِ ڪافي ڪم ڪرڻ جي ضرورت آهي جيڪو اسان ڪنداسين هن ٻڌايو ته ردالفساد جي تحت سڄي ملڪ ۾ انٽيليجنس بيس آپريشن ڪيا صرف مذهب جي تحت اپريشن ظاهري طور تي ڪيا ويا پر انٽيليجنس بيس آپريشن نظر نٿا اچن سڄو سال هزارن جي ويجهو انٽيليجنس بيس آپريشن ڪيا ويا جن سان دهشتگردن جي سهولتڪارن جا ڪمانڊر سان لاڳاپا هئا اهي ٽٽي ويا هن ٻڌيو ته 96 سيڪڙو آءِ ڊي پي پنهنجي گهر وڃي چڪا آهن انهن جي آبادڪاري تي ڪم ٿي چڪو آهي ۽ جيڪي رهجي ويا آهن اهي جتي اباد ٿي ويا اتي رهڻ چاهين ٿا هن چيو ته فاٽا جي نوجوانن کي ٻاهرين ملڪ موڪليو ويو انهن فوج ۾ به ڪميشن حاصل ڪيو جنهن جو هڪ وڏو انگ آهي فاٽا ۽ خيبرپختونخواهه ۾ 800 ڪلوميٽر روڊ جو منصوبو هو جيڪو 700 ڪلوميٽر کان وڌيڪ مڪمل ٿي چڪو آهي ۽ ڪم جاري آهي ميجر جنرل چيو ته 2017 ۾ ستن وڏن دهشتگردن جا نيٽ ورڪ ٽوڙيا ويا خودڪش حملي آورن کي گرفتار ڪيو ويو جن ۾ گهڻا افغاني آپگهاتي حملي آور آهن هن چيو ته 2017 ۾ ماهوار 75 کان 80 ٿريٽ وارننگز جاري ڪيون ويون ۽ جملي طور تي 483 دهشتگردي جا منصوبا ناڪام ڪيا ويا دهشتگردي جي واقعن ۾ ڪيتريون ئي شيون ٿينديون آهن ان لاءِ جيڪي واقعا ناهن ٿيندا ان بابت عوام کي خبر ناهي هوندي ڊي جي آءِ ايس پي آر چيو ته 15 کان 16 سالن ۾ جيڪو ڪم ڪيو ان جو اثر موجود آهي جيڪڏهن هاڻي به واقعا ٿي رهيا آهن ته دنيا جي ڪافي ملڪن يعني يورپ تائين به ٿين ٿا پر پاڪستان ۾ خوشيون موٽي آيون آهن اسان پي ايس ايل جو فائينل لاهور ۾ ٿيندي ڏٺو انٽرنيسنل رانديگر پاڪستان آيا ورلڊ اليون جي ٽيم پاڪستان آئي ۽ سڀ کان سٺي ايونٽ ميرانشاهه ۾ پيس ڪپ ڪرايو ويو هن چيو ته اوهان جي حڪومت ادارا ۽ فوج ڪم ڪري رهيون آهن انهن جا حوصلا وڌائڻ گهرجن ميجر جنرل آصف غفور چيو ته سعد رفيق جو بيان غير ذميواراڻو هو، غير ارادي نٿو لڳي پاڪ فوج منظم ادارو آهي بيان ۾ پاڪ فوج جي چين آف ڪمانڊ کي نشانو بڻايو ويو بيان کي ڳڻتي جي نظر سان ڏسون ٿا ايئن نه ٿ يڻ گهرجي ها ڇو ته جيڪڏهن اهڙن معاملن کي نشانو بڻايو ويندو ته ڪيترائي سوال پيدا ٿيندا ترجمان چيو ته ڪجهه ادارا آهن جن کي آئين به تحفظ ڏي ٿو آرمي آئين جي احترام جي عزم تي قائم هڪ ٻئي سوال تي ڊي جي آءِ ايس پي آر چيو ته هڪ سياسي سوال آهي ان تي جواب نه ڏيندس ملڪ ۾ سياسي سرگرمي هلي رهي آهي ان جو پنهنجو دائره اختيار آهي آرمي ان تي ردعمل نٿي ڏيڻ چاهي عوام پاڻ ڏسي ته جيڪڏهن ڪا سازش آهي ته ان جو ثبوت هجڻ گهرجي هن چيو ته موجوده آرمي چيف جو ترجمان آهيان مشرف جي بيان تي ان کان ئي وضاحت وٺڻ گهرجي ته هو ڇا چوڻ چاهي پيو اسلام آباد ڌرڻي جي حوالي سان هن چيو ته جتي فوج جي جنرل جي سائن آهي اتي ڪٿي ناهي لکيو ته ڪائي گارنٽي لکي ويئي اهي ان تي وزيراعظم به وضاحت ڏني آهي گارنٽي واري ڪائي ڳالهه نه آهي گارنٽرز پارٽي خود آهي جنهن قسم جو حساس مسئلو هو ويراعظم جي هدايت تي ان کي حل ڪيو ويو جڏهن ته ڌرڻي تي انساني حقن جي بنيادن تي ڏنا ويا ڪرائي لاءِ پئسا ڏنا ته اهو چوڻ ته پئسا ورهائجي رهيا هئا. افغانستان بابت سوال تي هن چيو ته پاڪستان ۽ افغانستان جي فوج جي سطح تي رابطا اهم آهن آرمي چيف جي دوري کان پوءِ لاڳاپا بهتر ٿيا آهن هڪ سوال جي جواب ۾ پاڪ فوج جي ترجمان چيو ته جيڪو برو ڪم ڪندو اهو ماريو ويندو جتي به هوندو ماريو ويندو.

 

نواز ۽ عمران ٻئي لاڏلا آهن، مشرف جهڙو ڊڄڻو سڄي دنيا ۾ ڪير به ناهي: بلاول ڀٽو زرداري

سکر(ويب ڊيسڪ) پاڪستان پيپلز پارٽي جي سربراهه بلاول ڀٽو زرداري چيو آهي ته مشرف جهڙو بزدل دنيا ۾ ڪير به ناهي، عدالت ويندي ئي چيلهه جي سور جو بهانو ڪيو ۽ رڙيون ڪيون ته مون کي پاڪستان مان ڪڍو، اعتزاز احسن درست چيو هو ته ٻن لاڏلن جي وچ ۾ ويڙهه ٿي رهي آهي، نواز شريف ۽ عمران خان ٻئي لاڏلا آهن ۽ هن وقت ٻنهي لاڏلن جي وچ ۾ اقتدار  جي ويڙهه جاري آهي. سکر پريس ڪلب ۾ ميڊيا سان ڳالهائيندي بلاول ڀٽو زرداري چيو ته نواز شريف ڪڏهن به نظرياتي نٿو سگهي، هن وٽ ڪو به نظريو ناهي ۽ نه ئي ڪو ويزن جيڪو ملڪ کي ترقي جي رستي تي ڪامزن ڪري سگهي.  اسان نواز شريف تي اعتماد نٿا ڪري سگهون ۽ ايندڙ عام چونڊن ۾ مسلم ليگ ن خلاف ڀرپور تياري سان ميدان ۾ اينداسين. ايندڙ عام چونڊن جي حوالي سان اڄ تائين افواهه هلي رهيا آهن پر اليڪشن تي ٿيندي، حڪومت مدو پورو ڪندي ۽ ملڪ ۾ اليڪشن پرامن ٿيندي. بلاول جو وڌيڪ چوڻ هو ته عمران خان سنڌ ۾ ايندو ته وڌيڪ ناراض ٿي ويندو آهي. سيوهڻ شريف ۾ ناڪام جلسي کان پوءِ هن ڊرامو ڪيو ۽ سنڌ ۾ پنهنجين ناڪامين تي پردو وجهڻ لاءِ پيپلز پارٽي خلاف بي بنياد ۽ ڪوڙي پروپيگنڊه ڪئي. ماڊل ٽائون ۾ معصوم ماڻهن تي گوليون هلايون ويون، اسان ماڊل ٽائون سانحي جي شهيدن جي وارثن سان گڏ آهيون ۽ شهيدن کي انصاف ڏيارڻ لاءِ طاهر القادري جي مڪمل حمايت ڪنداسين.  سندس چوڻ هو ته هن ۾ ڪو به شڪ ناهي ته پرويز مشرف قاتل آهي، محترمه جي قتل ۾ به اڳوڻي صدر پرويز مشرف جو هٿ هو جڏهن ته نواب اڪبر بگٽي جو قاتل به مشرف آهي.

 

قوم کي دوکي ۾ رکي ڪيميڪل کي کير بڻائي وڪرو ڪرڻ نه ڏينداسين: چيف جسٽس

لاهور( ويب ڊيسڪ ) چيف جسٽس ميان ثاقب نثار چيو آهي ته قوم کي دوکي ۾ رکي ڪيميڪل کي کير بڻائي وڪرو ڪرڻ نه ڏينداسين. سپريم ڪورٽ جي چيف جسٽس ميان ثاقب نثار ۽ اعجاز الحسن تي ٻڌل 2 رڪني بئنچ سپريم ڪورٽ لاهور رجسٽري ۾ ناقص کير جي وڪري بابت پاڻمرادو نوٽيس ڪيس جي ٻڌڻي ڪئي.  چيف جسٽس ميان ثاقب نثار ۽ جسٽس اعجاز الحسن تي ٻڌل 2 رڪني بئنچ سپريم ڪورٽ لاهور رجسٽري ۾ ناقص کير جي وڪري خلاف پاڻمرادو نوٽيس ڪيس جي ٻڌڻي ڪئي. چيف جسٽس پنهنجي رمارڪس ۾ چيو ته اهڙين رپورٽن تي ڀاڙي نه ٿو سگهجي جنهن سان معاشري ۾ ڏڦيڙ پکڙجي، جيڪي معياري کير وڪرو ڪري رهياآهن عدالت سندن ڪم بند ڪرڻ جي اجازت نه ڏيندي، عدالت جو مقصد ڪنهن جو ڪاروبار ختم ڪرڻ ناهي. چيف جسٽس چيو ته کليل کير جي وڪري ۾ تمام گهڻا مسئلا پيدا ٿي رهيا آهن، ناقص کير جي وڪري سان ٻارڙا متاٿر ٿي رهيا آهن جنهن تي عدالت کي سخت ڳڻتي آهي. ٻڌڻي دوران ڊي جي پنجاب فوڊ اٿارٽي نورالامين مينگل عدالت ۾ پيش ٿيو. ڊي جي فوڊ اٿارٽي عدالت کي آگاهه ڪيو ته آگسٽ ۾ کليل ۽ بند کير جا نمونا وٺي ٽيسٽ ڪرايا ويا، صحت لاءِ خراب پائوڊر واري کير جي وڪري تي پابندي لڳائي وئي. هن چيو ته فوڊ سيفٽي سان کير سيفٽي جون ٽيمون ٺاهي رهيا آهيون، کير جي سيفٽي جون ٽيمون روزاني بنيادن تي کير جي نمونن جو جائزو وٺنديون.  چيف جسٽس چيو ته ٻارڙن کي دٻي جي کير تي لڳايو ويو آهي جيتوڻيڪ اهو کير ناهي،  قوم کي دوکي ۾ رکي ڪيميڪل کي کير بڻائي وڪرو ڪرڻ جي اجازت نه ڏينداسين. ڊي جي فوڊ عدالت کي آگاهه ڪيو ته   سجاڳي مهم هلائي پئي وڃي جنهن تي چيف جسٽس چيو ته ڇڏيو سجاڳي مهم کي، مان پاڻ متاثر آهيان، دبي تي واضح ۽ وڏن لفظن ۾ لکو هي کير ناهي ڪنهن جي دوکي ۾ نه اچو. چيف جسٽس چيو ته پيمرا کي چونداسين ته کير بابت اشتهاري مهم هلائي وڃي. عدالت سڪي کير يا ڪيميڪل کي کير بڻائي وڪرو ڪندڙ ڪمپنين جا تفصيل طلب ڪري ورتا ۽ ڪمپنين کان جواب طلبي لاءِ نوٽيس به جاري ڪيا. ٻڌڻي دوران چيف جسٽس چيو ته مينهن تي لڳندڙ انجيڪشن تي پنجاب ۾ پابندي لڳائي وئي آهي يا نه، ڪڪڙين کي جيڪي انجيڪشن اوراسٽرائيڊز لڳائي ويندا آهن تن جا اثر اسان جي جسم تي اچي رهيا آهن، چڪن کائڻ سان ٻارڙن جا هارمونز تبديلي ٿيڻ جون شڪايتون عام آهن. عدالت انجيڪشن جي وڪري ۾ ملوث ڪمپنين کي منع نامو جاري ڪرڻ جي ڪيس جو رڪارڊ طلب ڪري ورتو.

 

اليڪشن ڪميشن وزير اعظم جي ڏنل چونڊن جي تاريخ مان غير مطمئن، 15 جولاءِ تي اليڪشن ڪرائڻ ناممڪن آهي: اي سي پي

اسلام آباد(ويب ڊيسڪ) اليڪشن ڪميشن آف پاڪستان (اي سي پي) کي ذرو به اندازو نه هو ته وزير اعظم شاهد خاقان عباسي کي ايندڙ عام چونڊن لاءِ 15 جولاءِ 2018ع جي تاريخ ڪنهن ٻڌائي، ٻئي پاسي اليڪشن ڪميشڻ 15 جولاءِ تي عام چونڊون ڪرائڻ واري معاملي ۾ غير مطمئن نظر اچي رهي آهي. اليڪشن ڪميشن جي ذريعن موجب ان معاملي ۾ ڪميشن سان صلاح ڪئي وئي ۽ نه ئي ان کي اها خبر آهي ته وزير اعظم اليڪشن جي تاريخ جو اعلان ڪيئن ڪري ڇڏيو. قانون جي تحت، اليڪشن ڪميشن ان معاملي تي سمري پيش ڪندي، جنهن کان پوءِ ملڪ جو صدر اليڪشن جي تاريخ جو اعلان ڪندو. ذريعن وضاحت ڏني آهي ته جيسيتائين اسيمبليون ايندڙ سال مئي جي وچ تائين وقت کان ختم نٿيون ڪيون وڃن، ان وقت تائين اي سي پي لاءِ 15 جولاءِ تي اليڪشن ڪرائڻ ناممڪن آهي. موجوده قومي اسيمبلي ۽ حڪومت جو مدو پهرين جون 2018ع تي ختم ٿيندو. جيڪڏهن اسيمبلين کي وقت کان پهرين ٽوڙيو نه ويو ته ايندڙ چونڊون 60 ڏينهن جي اندر ڪرائڻيون پوندو يعنيٰ پهرين آگسٽ 2018ع تي مدي جي پڄاڻي تائين. وزير اعظم چيو آهي ته حڪومت پنهنجو مدو مڪمل ڪندي ۽ ائين حڪومت جو مدو جون 2018ع تي ختم ٿيندو جڏهن ته ايندڙ چونڊون 15 جولاءِ تي ٿينديون. اي سي پي جي ذريعن جو چوڻ آهي ته اسيمبلين جي مدي جي پڄاڻي تي ڪميشن جولاءِ 2018ع جي ڪنهن به تاريخ تي اليڪشن ڪرائڻ جي تجويز پيش ڪري سگهي ٿو. اميدوارن جي حتمي فهرست مڪمل ٿيڻ کان پوءِ ڪميشن کي 21 ڏينهن گهربل هوندا جيئن پرنٽنگ ڪارپوريشن آف پاڪستان مان بيلٽ پيپر ڇپرائي سگهجن.

 

پاڪستان ڪلبوشن سان گهرڀاتين جي ملاقات کي ڀارت خلاف پروپيگنڊا طور استعمال ڪري رهيوآهي: ڀارتي پرڏيهي وزير جو الزام

نئين دهلي (اين اين آءِ) ڀارتي پرڏيهي وزير سشما سوراج الزام مڙهيو آهي ته پاڪستان ڪلبوشن ياديو سان گهرڀاتين جي ملاقات کي ڀارت جي خلاف پروپيگنڊا طور استعمال ڪري رهيو آهي انسانيت جي نالي تي ٿيندڙ ميٽنگ ۾ انسانيت ۽ خيرسگالي نظر نه آئي ڀارتي پارليامينٽ ۾ ڪلبوشن ياديو سان ماءُ ۽ زال جي ملاقات جي حوالي سان سشما سوراج الزام هنيو پاڪستان ڀارت جي خلاف پروپيگنڊا ڪرڻ جي ڪوشش ڪري رهيو آهي ملاقات دوران ڪلبوشن انتشار جو شڪار هو هن اهو ئي چيو جيڪو ان کي چوڻ لاءِ چيو ويو هو ڪلبوشن گهرڀاتين کي پاڪستان ۾ حراسان ڪيو ويو جڏهن ته ان جي ماءُ ۽ زال جا ڪپڙا به تبديل ڪرايا ويا. سهاڳڙين کي بيواهن وانگر پيش ڪيو ويو ۽ ملاقاتن کان اڳ منهي عورتن جا منگل سوتر بنديا ۽ چوڙيون به لاٿيون ويون ڪلبوشن ملاقات جي دوران سڀ کان پهريان ماءُ کان پنهنجي پيءُ بابت سوال ڪيو ۽ ميءُ جي ڳلي ۾ منگل سوتر نه ڏسي هو سمجهي ويو ته سندس والد فوت ٿي چڪو آهي سشما سوراج چيو ته ڪلبوشن يادو جي گهرڀاتين کي ٻئي دروازي مان ملاقات لاءِ نيو ويو جڏهن ته ڀارتي ڊپٽي هاءِ ڪمشنر کي ڪجهه دير کان پوءِ اندر وڃڻ جي اجازت ڏني ويئي ماءُ مادري زبان مراٺي ۾ ڳالهائڻ گهري پئي جنهن جي اجازت نه ڏني ويئي ان جو انٽرڪام بند به ڪيو ويو پاڪستان هن ميٽنگ جا ته انساني همدردي جي بنياد تي ڏني آهي پر انسانيت جي نالي ٿيندڙ هن ميٽنگ ۾ انسانيت غائب هئي ۽ خيرسگالي به غائب هئي.

 

ڄامشورو سيوهڻ روڊ کي ڊبل ڪرڻ لاءِ ڪم شروع آهي، روڊ کي چئن حصن ۾ مڪمل ڪيو ويندو: وڏو وزير

قمبر(ويب ڊيسڪ) وڏي وزير مراد علي شاهه چيو آهي ڄامشورو- سيوهڻ روڊ کي ڊبل ڪرڻ لاءِ ڪم شروع ڪيو ويو آهي، روڊ کي چئن حصن ۾ مڪمل ڪيو ويندو. وڏو وزير مراد علي شاهه قمبر ويجهو ڳوٺ نورمحمد شيخ  پهچي 4 ڏينهن اڳ سن ڀرسان روڊ حادثي ۾ فوت ٿي ويل هڪ ئي خاندان جي 10 گهرڀاتين جي وارثن سان تعزيت ڪئي. ان موقعي تي ميڊيا سان ڳالهائيندي وڏي وزير مراد علي شاهه چيو ته ڄامشورو- سيوهڻ روڊ کي ڊبل ڪرڻ سان حادثن ۾ گهٽتائي ايندي ۽ عوام کي سفر جون سهولتون ملنديون. هن چيو ته روڊ چئن حصن ۾ ٺهندو، پهرين حصي جو ڪم ڄامشورو کان مانجهند تائين شروع ڪيو ويو آهي، روڊ جي تعمير ۾ 2 سال لڳندا. وڏي وزير چيو سنڌ نه پر پنجاب ۾ به پيئڻ جو پاڻي 100 سيڪڙو خراب آهي. مراد علي شاهه چيو ته ملڪ مسئلن ۾ ڦاٿل آهي، پ پ ئي ملڪ کي مشڪل صورتحال  مان ڪڍي سگهي ٿي. هن چيو ته اين ٽي ايس ۽ سنڌ يونيورسٽي ٽيسٽ پاس استادن ٽن سالن لاءِ ڪانٽريڪٽ تي صحيحون ڪيون هيون. هن چيو ته ڪراچي ۾ استادن تي احتجاج دوران تشدد وارو عمل غلط هو، استادن جي مسئلي جي حل لاءِ حڪومت ڪوششون ڪري رهي آهي. وڏي وزير چيو ته پيپلزپارٽي ڪنهن کي بيروزگار ڪرڻ نٿي چاهي، اسان نوجوانن کي روزگار ڏئي رهيا آهيون. مراد علي شاهه چيو ته صوبائي حڪومت تعليم جي معيار کي بهتر ڪرڻ لاءِ ڀرپور ڪوششون ڪري رهي آهي.

 

موجوده حڪومت پنهنجو مدو پورو نه ڪندي، عام چونڊون ملتوي ٿينديون: منظور وساڻ جي اڳڪٿي

خيرپور(ويب ڊيسڪ) پيپلز پارٽي جي اڳواڻ ۽ صوبائي وزير منظور وساڻ اڳڪٿي ڪئي آهي ته موجوده حڪومت پنهنجو مدو پورو نه ڪندي ۽ عام چونڊون ملتوي ٿي وينديون. ميڊيا سان ڳالهائيندي منظور وساڻ چيو ته ميان نواز شريف هميشه جمهوريت جي خلاف رهيو آهي، ماضي ۾ 2 ڀيرا پيپلز پارٽي جي حڪومت ڪيرائي، سندس چوڻ هو ته پيپلز پارٽي نواز شريف جي جيان خراب ٻولي ناهي ڳالهائيندي،  نااهلي تي اڳوڻي وزير اعظم جو احتجاج سمجهه کان ٻاهر آهي. هن چيو ته تحريڪ انصاف جي چيئرمين عمران خان جو مستقبل اليڪشن سان آهي، جڏهن چونڊون ئي نه ٿينديون ته عمران خان جو مستقبل ڪهڙو؟  سندس چوڻ هو ته سينيٽ جون چونڊن ڪرائڻ نواز شريف جي وس جي ڳالهه ناهي، ن ليگ جو صدر ملڪ ۾ ڏڦيڙ پکيڙي رهيو آهي.

 

چونڊن کان پوءِ ڌانڌلي خلاف اسان جو ڌرڻو درست ثابت ٿيو: عمران خان

اسلام آباد(ويب ڊيسڪ) پاڪستان تحريڪ انصاف جي چيئرمين عمران خان چيو آهي ته 2013ع جي عام چونڊن ۾ ڌانڌلي خلاف اسان جو ڌرڻو درست ثابت ٿي هاڻ ايندڙ چونڊون شفاف هونديون. سماجي رابطن واري ويب سائيٽ ٽوئيٽر تي پنهنجي ٽوئيٽ ۾ عمران خان چيو ته 2013ع جي عام چونڊن ۾ مسلم ليگ ن، پيپلز پارٽي ۽ ايم ڪيو ايم پنهنجا ايمپائر بيهاريا ۽ هنن انهن کي پاڻ سان گڏائي ڄمي ڌانڌلي ڪئي ۽ بعد ۾ تحريڪ انصاف کي ڌانڌلي جي جاچ ڪرڻ لاءِ روڪڻ جي به ڪوشش ڪئي وئي. سندس چوڻ هو ته  چونڊن کان پوءِ ڌانڌلي خلاف اسان جو ڌرڻو درست ثابت ٿيو، اسان هدف هو ته گهٽ ۾ گهٽ ايندڙ چونڊن کي شفاف بڻائجي، اسان جي ڌرڻي کان پوءِ ئي عوام کي سڪون مليو ۽ ن ليگ جو ووٽ بينڪ 86 لک کان وڌي ڏيڍ ڪروڙ تائين ڪيئن پهتو.

 

ف ليگ اڳواڻ سائره نصير جو قاتل سندس پٽ نڪتو، ايس ايس پي جي دعويٰ

حيدرآباد(ويب ڊيسڪ) ايس ايس پي پير محمد شاهه چيو آهي ته مسلم ليگ فنڪشنل جي اڳواڻ سائره نصير جو قاتل سندس پٽ ئي آهي. تفصيل موجب هلندڙ مهيني فنڪشنل ليگ جي اڳواڻ سائره نصير کي بي دردي سان قتل ڪرڻ پوءِ کيس گاڏي سميت ساڙيو ويو هو ۽ 7 ۽ 8 ڊسمبر جي وچولي رات سندس سڙيل لاش هٿ ٿيو هو. سائره نصير قتل ڪيس هاڻ رخ اختيار ڪيو آهي ۽ سندس ئي پٽ فهد شاهه قتل جو جوابدار قرار ڏنو ويو آهي. ايس ايس پي حيدرآباد پير محمد شاهه پريس ڪانفرنس ڪندي چيو ته سائره نصير قتل ڪيس هڪ چيلينج هو، ان حوالي سان ڪيترن ئي ماڻهن کان جاچ ڪئي وئي ۽ بدقسمتي سان قتل جي حوالي سان مقتولا جي گهر ۾ لڳل سي سي ٽي وي ڪيميرائن ۾ ويڊيو قتل جي هڪ ڪلاڪ اڳ تائين ئي هئي. هن چيو ته سائره نصير جي ويجهين ڌرين ۽ پاڙيسرين کي پهرين ئي ڏينهن کان سندس گهر جي ماڻهن تي شڪ هو تنهن هوندي حڪتم عملي جي تحت پوليس طرفان سائره نصير جي فيملي کي تنگ نه ڪيو ويو ۽ نه ئي انهن کان جاچ ڪئي وئي. ايس ايس پي پير محمد ٻڌايو ته گذريل رات جاچ جي حوالي سان سائره نصير جي پٽ فهد شاهه کي ٿاڻي طلب ڪيو ويو جاچ دوران جوابدار ٻڌايو ته هن هر روز ماءُ سان تلخ ڪلامي ٿيندي هئي ۽ قتل جي رات به تلخ ڪلامي وڌي هٿين پوڻ تائين پهتي هئي. جوابدارن جو چوڻ هو ته آئون ماءُ جي ڪمري ۾ قتل جي ارادي سان نه ويو هيس پر ماءُ سان سندس گهرواري جي حوالي سان تلخي ٿي جنهن تي ماءُ مون کي چمات وهائي ڪڍي ۽ مون کي ڪاوڙ اچي وئي، غصي جي صورت ۾ مون رنڌڻي مان اوزار کنيو ۽ ماءُ جي مٿي تي وهائي ڪڍيو، ڌڪ جي شدت سبب هوءَ هيٺ ڪري پئي ۽ تڙپڻ لڳي ۽ بعد ۾ هوءَ مري وئي. ايس ايس پي جو چوڻ هو ته جوادبدار کي ڪيترائي ثبوت ملڻ کان پوءِ گرفتار ڪيو ويو جنهن مان هڪ سندس گهر ڀرسان ٻئي گهر مان مليل سي سي ٽي وي فوٽيج ۽ سائره نصير جي گاڏي جو ٽريڪر هو جنهن مان خبر پئي ته قتل جي رات 12 مقتولا جي گاڏي جو دروازو رڳو 2 منٽن لاءِ کليو ۽ بند ٿي ويو ۽ ان دوران جوابدار پنهنجي ماءُ جو لاش گاڏي جي پوئين سيٽ تي رکيو، رات 2 وڳي جوابدار گاڏي کي تيزي سان هوسڙي موڙ وٽ ڪاهي آيو ۽ اتي وڃي تقريبن 7 منٽن تائين ريڪي ڪندو رهيو ۽ بعد ۾ هن پيٽرول هاري گاڏي کي باهه لڳائي ڇڏي. پوليس کي مقتولا جو سڙيل لاش 7 ڊسمبر تي مليو جنهن کي وارن ۽ منڊين جي ذريعي سڃاتو ويو ۽ بعد ۾ ڊي اين اي ٽيسٽ ذريعي به تصديق ڪئي وئي.