تازيون خبرون

Monthly Archives: November 2017

ايندڙ 24 ڪلاڪن کان 48 ڪلاڪن ۾ ڌرڻو ختم ڪرائڻ جو پرامن حل ڳولي وٺنداسين: احسن اقبال

اسلام آباد (اين اين آءِ) وفاقي گھرو وزير احسن اقبال چيو آهي ته عدالت کان وقت گھريو آهي ايندڙ 24 کان 48 ڪلاڪن ۾ ڌرڻي جو حل ڪڍي وٺنداسين ڪجھه سازشي چاهين ٿا لال مسجد ۽ ماڊل ٽائون جھڙو سانحو ٿئي، هن وقت اسانجي خلاف گھڻيون ٻاهريون سازشون آهن جن جو مقصد ملڪ کي ڪمزور ڪرڻ آهي اسان سڀ مسلمان آهيون ختم نبوت صه جو سڀني جو ايترو ئي عقيدو آهي جيترو ڌرڻي وارن جو آهي. ختم نبوت قانون جي محافظ پارليمينٽ ۽ عوام آهي، مستقبل ۾ ڪنهن کي ڌرڻي جي اجازت نه ڏني ويندي، سومر تي ميڊيا سان ڳالهائندي احسن اقبال چيو ته ڌرڻي وارن تي طاقت  جي استعمال سان رتو ڇاڻ جو خدشو آهي سازشي ماڻهون چاهين ٿا ته ملڪ ۾ لال مسجد ۽ ماڊل ٽائون جھڙو واقعو ٿئي، هن چيو ته اسان نه ٿا چاهيون ته ڪائي ڇڪتاڻ پيدا ٿئي هن وقت اسانجي خلاف ڪافي ٻاهريون سازشون  آهن جنهن جو مقصد ملڪ کي ڪمزور ڪرڻ آهي ، احسن اقبال چيو ته عدالت کي اپيل ڪئي ته موقعو ڏنو وڃي ته جيئن عالم سڳورا جيڪي ڪوششون ڪري  رهيا آهن ان سان ڌرڻي وارن کي ٻڌائي سگھن ته ختم نبوت تي ملڪ ۾ هن و قت ڪو مسئلو ناهي هي قانون اڳ کان و ڌيڪ مضبوط ٿي ويو آهي، هن حڪومت جو ڪارنامون آهي جيڪو قانون 2002 ۾ مشرف 10 ڏينهن جي لاءِ جوڙيو ويو، ان جي سيون بي ۽ سي جو شقو مفقود ٿي چڪيون هيون پر اسان انکي مستقل ڪرڻ جو حصو بڻائي ڇڏيو جيڪا ختم نبوت تي ايمان رکندڙن جي لاءِ وڏي ڪاميابي آهي ، گھرو وزير چيو ته ختم نبوت صه قانون جي محافظ پارليمينٽ ۽ عوام آهي اهو تاثر ڏيڻ ته هن قانون تي ڪائي سوديبازي ڪري سگھجي ٿي هي صرف نفرت پکيڙڻ آهي  جنهن جي اجازت نه ٿي ڏئي سگھجي.  هن چيو ته ڌرڻي وارن کي اپيل ڪريون ٿا هن وقت ملڪ جو حالتون ڪنهن  ٽڪراءَ جي اجازت نه ٿيون ڏين اسانکي رتو ڇاڻ نه ڪرڻ گھرجي تنهن ڪري ربيع الاول جي تقدس جي لاءِ ڌرڻون ختم ڪرڻ جو اعلان ڪريو هن چيوته ڌرڻي وارن خاطري ڪرائي هئي ته اهي ڌرڻون نه ڏيندا پر هتي پهچي انهن ڌرڻون هنيو ان ۾ اسانجي غفلت  کان وڌيڪ خوشفهمي جو دخل هيو اسانکي پڪ ڏياري وئي هئي ته ائين نه ٿيندو هاڻي مستقبل ۾ انتظاميا کي چٽن   لفظن ۾ هدايت  جاري ڪئي ويندي اهڙي صورتحال مستقبل ۾ پيش نه  اچي جنهن سان شهري پريشاني سان منهن ڏين. هن چيو ته اسان عالمن سڳورن سان گڏجي ڪوشش ڪري رهيا آهيون ۽ يقين آهي ته ڌرڻي تي  ويٺلن کي قائل ڪنداسي ايندڙ 24 کان 48 ڪلاڪن ۾ حل ڳولهينداسي، هن چيو ته عدالت کي خاطري ڪرائي آهي ته مستقبل ۾ ڪنهن کي ڌرڻون  هڻڻ جي اجازت نه ڏني ويندي.

 

ختم نبوت قانون ۾ تبديلي جا ذميوار وائکا ڪيا وڃن: سراج الحق

ڪوئيٽا (ويب ڊيسڪ) جماعت اسلامي جي امير سراج الحق چيو آهي ته حڪومت واعدو ڪيو هو ته سازش ۾ ملوث ماڻهن کي سامهون آندو ويندو، 28 ڏينهن گذري ويا، ڪنهن ذميوار کي سامهون ناهي آندو ويو، حڪومت بااثرن کي بچائڻ چاهي ٿي، ختم نبوت قانون ۾ تبديلي جي ذميوارن کي سامهون آندو وڃي. سيمينار کي خطاب ڪندي سراج الحق جو چوڻ هو ته پارٽي ۾ شموليت ڪندڙ عورتن کي ڀليڪار چئون ٿا، جماعت اسلامي جون عورتون سيمينار ڪرائڻ مبارڪ جون حقدار آهن. هن چيو ته شيطاني قوتون مايوس ٿي رهيون آهن، جيڪي پاڪستان کي سيڪيولر ۽ لبرل بڻائڻ چاهين ٿيون، اسان جيڪو انقلاب آڻڻ چاهيون ٿا، اهو عورتن جي مدد کانسواءِ ممڪن ناهي. سندس چوڻ هو ته تشدد تي يقين نٿا رکون، پرامن ماڻهو آهيون، اسان سڀ گڏجي ملڪ ۾ اسلامي انقلاب آڻينداسين. سراج الحق چيو ته سپريم ڪورٽ جو امتحان آهي ته پاناما پيپرن ۾ موجود 436 ڄڻن جو احتساب ڪري، حڪومت ڪنٽينر پويان لڪيل آهي.27

نواز شريف احتساب جي نالي تي عوام کي بيوقوف بڻائي رهيو آهي: عمران خان

اسلام آباد (اين اين آءِ) پاڪستان  تحريڪ انصاف جي چيرمين عمران خان  چيو آهي ته نوازشريف احتساب جي نالي تي عوام کي بيوقوف بڻائي رهيو آهي، بني گالا ۾عوامي مسلم ليگ جي سربراهه شيخ رشيد  سان ملاقات جي موقعي تي پي ٽي آئي جي چيرمين عمران خان چيو آهي ته نوازشريف مافيا هر قيمت تي پرڏيهه ملڪ لڪايل 300 ارب رپيا  بچائڻ چاهي ٿو.  انڪري اڳوڻي وزير اعظم نوازشريف عدليا ۽ آئين تي  حملا ڪري رهيو آهي. جنهن مان ثابت ٿئي ٿو ته ان وٽ پنهنجي ڏوهن کي بچائڻ جي لاءِ ڪجھه ناهي. عمران خان چيو ته نوازشريف دعوا ڪري رهيو آهي ته عوام ان جو احتساب ڪري .  نوازشريف چاهي ٿو عوام کي هر وقت بيوقوف بڻائي رکجي، پر هاڻي هي ممڪن ناهي ڇو ته عوام پاڻ ڄاڻي ٿي ته هن کي پنهنجو نمائندو چونڊ ڪرڻون آهي، ان موقعي تي عوام مسلم  ليگ جي سربراهه شيخ رشيد چيو ته حڪمرانن جي ڪرپشن جي خلاف جدوجھد جاري رهندي ۽ ايندڙ چونڊ ڪرپشن جي بنياد تي وڙهي ويندي ان ڪري اسان فيصلو ڪيو آهي ته حديبيا پيپر جو معاملو پهريان کان وڌيڪ ڀرپور انداز ۾ کڻڻ گھرجي.

 

پدماوتي تڪرار: بي جي پي اڳواڻ دپيڪا ۽ ڀنسالي جي سِرِ جي قيمت 10 ڪروڙ ڪري ڇڏي

ممبئي(شوبز نيوز) بالي ووڊ فلم ”پدماوتي“ جي ريليز واري تاريخ اڳتي وڌڻ تي به ڀارتي انتها پسندن جي ڪاوڙ گهٽ نه ٿي ۽ هريانا رياست ۾ ڀارتيا جنتا پارٽي جي چيف ميڊيا ڪوآرڊينيٽر سورج پال امو اداڪارا دپيڪا پڊوڪون ۽ هدايتڪار سنجي ليلا ڀنسالي جو سِرِ قلم ڪندڙ کي 10 ڪروڙ روپيا انعام ڏيڻ جو اعلان ڪري ڇڏيو. ۽ رڳو اهو ئي نه پر فلم ۾ مسلمان حڪمران علاوالدين خلجي جو ڪردار ڪرڻ تي رنوير سنگهه جون ٽنگون ڀڃڻ جي ڌمڪي پڻ ڏئي ڇڏي. هدايتڪار سنجي ليلا ڀنسالي جي فلم ”پدماوتي“ شوٽنگ کان ئي تڪرارن جو شڪار آهي، جنهن تي ڀارتي رياست راجسٿان ۾ سرگرم تنظيم شري راجپوت ڪرني سينا تاريخي حق غلط انداز ۾ پيش ڪرڻ جو الزام لڳايو هو. ان کان پوءِ انتها پسندن طرفان فلم جي هيروئن دپيڪا پڊوڪون جو نَڪُ وڍڻ جو اعلان ڪيو ۽ پوءِ انتها پسند ليڊر ٺاڪر اڀيشيڪ سوم، دپيڪا ۽ سنجي ليلا ڀنسالي جي سِرَ جي قيمت به 5 ڪروڙ مقرر ڪري ڇڏي. ٻئي پاسي ڀارتيا جنتا پارٽي ۽ بجرنگ دل جي حمايت کان پوءِ انتها پسندن اداڪارن جي حق ۾ بيان ڏيندڙن کي پڻ موت مار ڌمڪيون ڏنيون. ان سمورن تڪرارن بعد فلم ”پدماوتي“ جي پهرين ڊسمبر تي ٿيندڙ نمائش ملتوي ڪئي وئي هئي پر بي جي پي جي چيف ميڊيا ڪوآرڊينيٽر سورج پال امو جي ڪاوڙ گهٽ نه ٿي ۽ هن رنوير سنگهه سان مخاطب ٿيندي چيو ” جيڪڏهن تو پنهنجا لفظ واپس نه ورتا ته اسان تنهنجون ٽنگون ڀڃين هٿ ۾ ڏيندا سين“. هن دپيڪا ۽ سنجي ليلا ڀنسالي جي سِرَ جي قيمت 5 ڪروڙ رپيا مقرر ڪرڻ کي به ساراهيو ۽ چيائين ته ” جيڪو به اِهو ڪم ڪندو اسان ان کي 10 ڪروڙ رپيا انعام ڏيڻ سان گڏوگڏ هن جي ڪٽنب جي پڻ سار سنڀار لهندا سين“. اموپال اها دعويٰ ڪئي آهي ته هو پنهنجي انهن ريمارڪس کان پوءِ بي جي پي ڇڏڻ لاءِ تيار آهي، گڏ ئي هن وزير اعظم نريندر مودي ۽ وزير داخلا راج ناٿ سنگهه تي زور پڻ ڏنو ته هو ”پدماوتي“ جي ريليز خلاف آواز اٿارن. هدايتڪار سنجي ليلا ڀنسالي جي فلم ”پدماوتي“ ۾ دپيڪا پڊوڪون، رنوير سنگهه ۽ شاهد ڪپور مرڪزي ڪردار ادا ڪيا آهن.

 

پريانڪا کي 30 منٽن جي پرفارمنس لاءِ 12 ڪروڙ معاوضي جي آڇ

ممبئي(شوبز نيوز)بالي ووڊ اداڪارا پريانڪا چوپڙا کي ايوارڊ شو ۾ 30 منٽن جي پرفارمنس تي 12 ڪروڙ معاضي جي آڇ ڪئي وئي. پريانڪار چوپڙا بالي ووڊ ۾ ڪاميابين کان پوءِ هالي ووڊ ۾ به پير ڄمائي چڪي آهي ۽ مشهور سيريز  ” ڪوانٽيڪو“ سان گڏ فلمن ۾ به ڪم ڪري رهي آهي. پريانڪا هالي ووڊ فلمن جي ڪري هلندڙ سال  ڪا به بالي ووڊ فلم سائن ناهي ڪئي ۽ پنهنجو سمورو وقت هالي ووڊ کي ڏئي رهي آهي. اداڪارا جي بالي ووڊ فلمن ۾ ڪم نه ڪرڻ جو سبب هن کي ڪافي تنقيد کي منهن ڏيڻو پيو ۽ چيو ويو ته ڀارتي فلمن ۾ ڪم نه ڪرڻ جي ڪري سندس مقبوليت گهٽ ٿيندي. پر هاڻ هڪ ايوارڊ شو جي تقريب ۾ اداڪارا کي وڏي معاوضي جي آڇ سمورن خدشن تي پاڻي ڦيري ڇڏيو. ڀارتي ميڊيا موجب پريانڪا چوپڙا کي ڊسمبر ۾ ٿيندڙ هڪ ايوارڊ شو ۾ 30 منٽن جي پرفارمنس لاءِ 12 ڪروڙ معاوضي جي آڇ ڪئي وئي جنهن تي هن پرفارم ڪرڻ لاءِ ها ڪئي. اداڪارا شو ۾ بالي ووڊ ۽ انٽرنيشنل گانن تي پنهنجي فن جو مظاهرو ڪندي. هن وقت اداڪارا پريانڪا نيويارڪ ۾ پنهنجن 2 هالي ووڊ فلمن جي شوٽنگ ۾ مصروف آهي ۽ تقريب ۾ شرڪت لاءِ خاص طور تي هن کي ڀارت وڃڻو پوندو.

 

باڪسر وسيم پاڪستان لاءِ وڌيڪ فائيت نه ڪرڻ جو اشارو ڏئي ڇڏيو

ڪراچي(اسپورٽس نيوز)  پاڪستان جي پروفيشنل باڪسر محمد وسيم اسپانسر شپ نه ملڻ تي ڏکايل ٿي ويو ۽ هن پاڪستان لاءِ وڌيڪ فائيٽ نه ڪرڻ جو اشارو ڏئي ڇڏيو.محمد وسيم 8 پروفيشنلز فائيٽ کيڏيون آهن ۽ سمورين ۾ ڪاميابي حاصل ڪئي آهي هاڻ هو ڊبليو بي سي فلائي ويٽ جي ورلڊ رينڪنگ ۾ پهرين پوزيشن کي برقرار رکڻ لاءِ لاس ويگاس روانو ٿي رهيو آهي جتي هو ڪولمبيا جي باڪسرز سان مهاڏو اٽڪائيندو.هڪ وڊيو پيغام ۾ باڪسر محمد وسيم جو چوڻ هو ته ان جي پهرين ترجيح پاڪستان لاءِ کيڏڻ آهي ۽ هو نه ٿو چاهي ته هو ڪنهن ٻئي ملڪ جي نمائندگي ڪري.هن چيو ته ڪولميبا جي باڪسر سان ايندڙ فائيٽ پاڪستان لاءِ آخري هوندي، ان مقابلي کانپوءِ هو آرميڪا يا ڏکڻ ڪوريا جي شهريت حاصل ڪري وٺندو

 

پي سي بي پاران پيارن کي نوازڻ لاءِ آئين ۾ تبديلي جون تياريون

لاهور(اسپورٽس نيوز) پاڪستان ڪرڪيٽ بورڊ ۾ پيارن کي نوازڻ لاءِ آئين ۾ تبديلي جون تياريون جاري آهن جڏهن ته بورڊ چيئرمين نجم سيٺي گورننگ بورڊ اجلاس 22 نومبر تي لاهور ۾ طلب ڪري ورتو، نجم سيٺي پاڪستان ڪرڪيٽ بورڊ جو چيئرمين بڻجڻ کانپوءِ اڳوڻي بورڊ سربراهه شهريار خان جي باقيات خلاف ضروري قدم کڻڻ ۽ پنهنجن من پسند ماڻهن کي نوازڻ لاءِ تيار ٿي ويو آهي، ذريعن مطابق بورڊ چيئرمين گورننگ بورڊ جو اجلاس 22 نومبر تي لاهور ۾ طلب ڪيو آهي، نجم سيٺي جي چيئرمين بڻجڻ کانپوءِ گورننگ بورڊ جو اهو پهريون اجلاس هوندو. ميٽنگ جو حصو بڻجندڙ ميمبر عارف اعجاز، جنرل (ر) مزمل حسين واپڊا، نعمان ڪي ڊار ايڇ بي ايل، مفتاح اسماعيل سوئي سدرن گيس، منصور مسعود خان يو بي ايل، ڪوئيٽا جو مراد اسماعيل، سيالڪوٽ جو محمد نعمان بٽ ۽ لاهور ريجن جو شاريز عبدالله خان روکڙي شامل آهن. ذريعن مطابق اجلاس جي اهم ايجنڊا ريجن ڪرڪيٽ جي صدر جو مدو وڌائڻ لاءِ آئين ۾ ترميم تي غور ٿيندو، ان قدم جي صورت ۾ سڀني کان وڌيڪ فائدو چيئرمين نجم سيٺي جي پياري شڪيل شيخ کي ٿيندو جيڪو 2 ڀيرا اسلام آباد ريجن جو صدر رهي چڪو آهي، پي سي بي آئين ۾ ترميم جي صورت ۾ شڪيل شيخ کي ٽيون ڀيرو صدر بڻجڻ ۾ رڪاوٽ ٿي ويندي.

 

جيُ جهوريندڙ روڊ حادثا ۽ پنهنجن جا وڇوڙا..!!: غلام مصطفيٰ جمالي 

وين اها سواري آهي جنهن اندر گهٽ ۾ ويهه ماڻهو ئي ويهي سگهندا آهن،۽ ڏٺو وڃي ته سنڌ ۾ جيڪي به روڊ حادثا ٿيا آهن ۽ انهن حادثن ۾ جيڪي انساني زندگي ضايع ٿينديون آهن،انهن ۾ اڪثر تعداد وين جو آهي،ڪالهه به خيرپور ۾ انساني زندگيون ضايع ڪندڙ روڊ حادثو ٿيو جنهن اندر ويهه ماڻهو منهنجن پيارن کان هيمشه لاءِ وڇڙي ويا،خيرپورلڳ شاهه حسين باءِ پاس روڊ تي هڪ وين جنهن اندر 25ماڻهو سوار هئي جيڪا خيرپور کان سکر وڃِي رهي هئي ۽ ڪوئلي سان ڀريل ٽرڪ انهي وين مٿان ڪري پئي جنهن سبب ويهه ماڻهو موقعي تي فوت ٿي ويا ۽ پنج ڄڻا سخت زخمي ٿي پيا هئا،حادثو ايترو به خطرناڪ هو جو وين مٿان جئين ٽرڪ ڪلٽي تي ته سموري وين انهي ٽرڪ هيٺ دٻجي وئي،۽ پوءِ وين کي وڍي ڪري لاشن کي ٻاهر ڪڍيو ويو،مان سمجهان ٿو ته سنڌ اندر روڊ حادثا هاڻ وڏو الميو بڻجي چڪا آهن،ڪو ڏينهن خالي ناهي جنهن ڏينهن تي خوني حادثو نه ٿيو هجي،

پاڪستان ۾ جيتوڻيڪ روز ڪيترائي ماڻهو روڊ حادثن ۾ اجل جو شڪار ٿين ٿا پر ان جي باوجود روڊ جا حادثا گهٽ ٿيڻ بجاءِ ڏينهون ڏينهن وڌي رهيا آهن، خاص ڪري سنڌ جي باءِ پاسن تي اهي روڊ حادثا ٿيندا رهندا آهي يا وري وڏن کان ڪراچي ويندي جيڪي روڊ آهن انهن جي وچ تائين ڏسنداسين ته روز ڪونه ڪو حادثو ضرور پيش اچي ٿو،انجي ڀيٽ اندر ٻهراڙين ۾ به روڊ حادثا ٿيندا آهن پر انهن اندرايترو جاني نقصان ناهي ٿيندو جيترو وڏن روڊن تي ٿيندو آهي،جڏهن ته ٻهراڙين تي جيڪي روڊ حادثا  ٿين ٿا ته اسان پاڻ ئي چوندا آهيون ته روڊ خراب هيو، روڊ ون وي هيو يا روڊ جي آس پاس آبادي هئي جنهن جي ڪري حادثا پيش اچن ٿا. پر هاءِ  وي تي روڊ حادثو افسوس جيڪو عمل آهي، هتي ته حادثا پيش نه اچڻ گهرجن.

جنوري ۾ نوري آباد ۾ پيش آيل ڪوچ ۽ آئل ٽينڪر جو حادثو هڪ تاريخي حادثو هيو جنهن ۾ 33 جي لڳ ڀڳ فوت ۽ 60 جي لڳ ڀڳ ماڻهو زخمي ٿيا. ڪوچ ڊرائيور ۽ ڪلينڊر پڻ سڙي ڪوئلو ٿي ويا. هن حادثي ۾ ماڻهن جو جسم مڪمل طور سڙي ويو ، جنهن جي سڃاڻپ لاءِ بعد ۾ انهن جا ڊي اين اي رت جا جزا اسلام آباد موڪليا ويا ۽ تقريبن 10 کان 15 ڏينهن بعد ۾ اهي لاش وارثن کي ڏنا ويا.

اهو حادثو پيش ڇو آيو، هن جا سبب ڪهڙا هئا، جيڪڏهن ٻنهي گاڏين جا ڊرائيور سجاڳ ۽ هوشيار هجن ها ته هي ايتريون قيمتي جايون ضايع نه ٿين ها، حادثي جي ڪجهه ڏينهن بعد ۾ موٽر وي پوليس وارن ۽ ٻين پاران تحقيق ڪرڻ کان پوءِ اها ڳالهه واضح ٿي ته حادثي جو ذميوار ڪوچ ڊرائيور آهي، پر بعد ۾ هنن آئل ٽئنڪر جي ڊرائيور ۽ ڪوچ ڊرائيور ٻنهي تي ڪيس داخل ڪري ڇڏيو هو، جيڪي پڻ حادثي ۾ اجل جو شڪار بڻيا هئا، پر اصل ڳالهه ته ڪجهه رپورٽن موجب سمورو ڏوهه ڪوچ ڊرائيور جو هيو ۽ هو نشي ۾ هو، جڏهن هن کي ننڊ جا خمار اچي ويا ته ڪوچ بلڪل پويان اچي آئل ٽئنڪر ۾ لڳو، جيئن ئي ڪوچ آئل ٽئنڪر ۾ لڳو ته هڪدم پئٽرول ڪوچ ۾ داخل ٿيڻ لڳو جنهن سان باهه وڌي وئي، ايترا ماڻهو موت جو کاڄ بڻيا.

بهرحال روڊ حادثا هاڻي روز جو معمول بڻجي ويا آهن، هاڻي اسان کي انهن حادثن کان بچڻ لاءِ ڪجهه قدم کڻڻ گهرجي ۽ جديد ٽيڪنالاجي سان اهڙو سسٽم تيار ڪيو وڃي  ته جيئن هنن حادثن کان بچي سگهجي. صبح جو اخبار پڙهجي ٿي يا ٽي وي ڏسجي ٿي ته روڊ حادثن جون ايتريون خبرون ڏسجن ۽ پڙهجن ٿيون جو انسان جو هانُ جهڙي پوندو آهي.ڪو اهڙو ڏينهن نه آهي، جنهن انهن قيمتي انساني جانيون روڊحادثن ۾ پنهنجي عزيزن کان وڇڙي نٿا وڃن.روڊ حادثن جا سبب ڪيترائي آهن، پر خاص سبب روڊن جي ڀڳل ٽٽل حالت آهي، سنڌ جي روڊن جي حالت ڏسڻ کانپوءِ ايئن چوڻ اجايو لڳندو ته سنڌ ۾ حڪمرانيءَ نالي به ڪاشي آهي.گذريل اٺن ڏهن سالن کان روڊن ۽ رستن جي نالي ۾ حڪمرانن جيڪي خرچن جا انگ ڄاڻايا آهن  يا الڳ الڳ بجيٽ ۾ ڄاڻائيندا  رهيا آهن، ان بجيٽ جو پتو  نٿو پوي ته ڪٿي خرچ ٿي آهي. جڏهن ته سنڌ جي روڊن ۽ رستن جي حالت هر ٻئي ڏنهن پهرئين ڏينهن کان وڌيڪ خراب ٿي رهي آهي، جنهن سبب ڪجهه روڊن کي ڇڏي باقي سنڌ جي روڊ ن جي حالت قديم آثارن واري آهي.

مجموعي طور سموري سنڌ موهن جو دڙو بڻيل آهي، وقت آيو آهي ۽ اسان جا حڪمران به چونڊيل آهن کين جمهوري حق به آهي کين صلاح ڏجي ٿي ته سموري سنڌ کي قديم آثارن واري کاتي جي حوالي ڪري ڇڏين . حڪمرانن جون دعوائون هڪ پاسي  آهن، سنڌ جون حالتون ٻئي پاسي آهن، جيڪي سڀني جي اکين آڏو آهن.وقت جي گهرج اها آهي ته سموري سنڌ کي نئين سري سان ٺاهيو وڃي، جنهن جي شروعات سنڌ جي مختلف روڊن کان ڪئي وڃي ۽ سچ پچ اهي جڏهن ٺهي ويندا ته انهن جو نتيجو سامهون ايئن ايندو جو روڊن سان ٿيندڙ حادثن جون خبرون گهٽجي وينديون ۽ جڏهن خبرون گهٽجي وينديون ته سموري سنڌ اها ڳالهه پاڻ قبول ڪري وٺندي ته سنڌ جا روڊ ٺهيل آهن ان لاءِ نه حڪومت کي اشتهار ڇپرائي ماڻهن کي ٻڌائڻو پوندو ۽ ميڊيا تي واڪا ڪري چوڻو پوندو ته اسين سنڌ جي خدمت ڪري رهيا آهيون ڇاڪاڻ ته سندن اها ڪيل خدمت سنڌي ماڻهن جي سامهون هوندي، انهن کي ٻڌائڻ جي گهرج نه هوندي.

اڳئي وقت نه ٻڌائڻ واري عمل مان اهو فائدو ٿيندو ته جيڪي ڪُجهه حڪومت ڪجهه به نه ڪيل جي باري ۾ خرچ ڪري اشتهارن معرفت ٻڌائي رهي آهي، اهو خرچ بچائي ان مان ڪجهه ڪري ڏيکاريندي ته اهو به ڏسڻ ۾ ايندو.في الحال حڪومت کي اهو عرض آهي ته سنڌ جي روڊن کي سُچ پچ  ٺهرائي سنڌي ماڻهن کي ڏيکاري ته هيءُ اوهان جا روڊ آهن ۽ اهو به ثابت ڪري ته حڪومت ڪجهه ڪري رهي آهي، گهٽ ۾ گهٽ سنڌ حڪومت سموري سنڌ جي روڊن تي ايترو ته خرچ ڪري جيترو هن صرف ڪراچيءَ جي روڊن تي ڪيو آهي.ڪنهن  هڪ روڊ تي ايترو ته خرچ ڪيو وڃي، جيترو هوءَ سنڌ ۾ ڪرايل هڪ جلسي تي ڪري رهي آهي. سنڌ حڪومت جو اهڙو عمل انهن ماڻهن لاءِ آٿت هوندو، جن جا پيارا روڊ حادثن ۾ کانئن  جدا ٿي ويا آهن ۽ هر گهڙيءَ جدا ٿي رهيا آهن.اهڙو ڪو ڏينهن نه آهي، جنهن ڏينهن هڪ درجن ماڻهن جون زندگيون روڊ حادثا ڳڙڪائي وڃن ٿا.

خيرپور روڊ حادثو تمام گهڻو ڏکوئيندڙ آهي جنهن اندر ويهه انساني زندگيون موت جو کاڄ بڻجي ويون،ويهه انساني زندگيون اسان خالي ٻڌون ۽ پڙهو ٿا پر اسان اهو تصور ڪيو آهي ته ويهه انساني زندگين جي ضايع ٿيڻ ڪري انهن جي پنهنجن جي گهرن ۾ ڪهڙو ماتم هوندو ڪهڙو ڪهرام هوندو اسان اهو اندازو لڳايو آهي ته جڏهن انهن 20انساني زندگين جا لاشا گهرن مان کنيا ويا هئا ته انهن جي گهر ۾ ڪهڙو هانُ ڏاريندڙ ۽ جيُ جهموريندڙ منظر هوندو ان وقت مان سمجهان ٿو ته ماحول اهڙو هوندو جنهن ماحول کي ڏسي ڪري دشمن به روئي پيا هئا،خيرپور روڊ حادثو جو جيڪو به زميوار هجي مان سمجهان ٿو ته انهي کي ضرور سزا ملڻ گهرجي،سنڌ حڪومت کي گهرجي ته واقعي جي  مڪمل جانچ ڪرائي تحقيقات ڪري ۽ واقعي ۾ ملوث ماڻهو کي سزا ڏي،ٿي سگهي ٽرڪ اور لوڊ هجي جنهن جي ڪري پنهنجو وزن برداشت نه ڪري سگهي وين مٿان ڪري،جيڪڏهن ٽرڪ اور لوڊ هئي ته ڇو هئي.؟ائين ڪيترا سوال هوندا جنهن جا جواب به هوندا پر حڪومت رڳو تحقيقات جو دائرو وڌائي،۽ مان اپيل ڪندس سنڌ حڪومت کي خيرپور واقعي ۾ فوت ٿيندڙن جي پوئينرن جي سنڌ حڪومت مدد ڪري.

 

سنڌ پرست، روشن خيال، انقلابي عورت.ڪامريڊ بختاور مڱڻهار جي سالگره تقريب: سورٺ خاصخيلي

شاهپورچاڪر جي زرخير مٽي سان تعلق رکندڙ ڪامريڊ بختاور مڱڻهارجي زندگي جدوجهدن جي هڪ ڊگھي باب جي حيثيت رکي ٿي، هن انهن مارشلائي ڏينهن ۾ سياست جي دنيا ۾ پير پاتو جڏهن ”سنڌڙي تنهنجو نانءُ ورتم ڄڻ ڪاريهڙ تي پير پيم“ جهڙي صورتحال هئي، پنهنجي وڏي ڀاءُ ڪامريڊ امير بخش مڱڻهار جي ڇپر ڇانو ۾ سنڌياڻي تحريڪ جي پليٽ فارم تان سياست جي شروعات ڪندڙ ڪامريڊ بختاور مڱڻهار وڏين سياسي جدوجهدن جو حصو رهي، ايم آر ڊي تحريڪ ۾ هن عورتن جي اڳواڻي وارو ڪردار ادا ڪيو، ڪالاباغ ڊيم خلاف سکر کان ڪراچي تائين لانگ مارچ ۾ پنهنجا پير پٿون ڪيا، ان سان گڏ سڄي سنڏ اندر پارٽي توڙي عورتن جي حقن لاءِ ٿيندڙ سياسي سرگرمين جو حصو رهي، ميڊم زاهده شيخ، نذير قريشي، ادي صاحبزادي ڏاهري ۽ حور النساءِ پليجو جهڙين انقلابي عورتن جي سٿ جي ساٿياڻي رهي آهي، 70 سالن جي ڄمار ۾ به ڪامريڊ بختاور ساڳي سنڌ پرست ۽ عورتن ۾ سجاڳي لاءِ اڳري آهي،هن وقت به ميڊم زاهده ڏاهري، شبنم چانڊِيو، پروين ڏاهري، نوشاد بلوچ ۽ ٻين سرگرم عورت اڳواڻن سان سڏ ۾ سڏ ڏيندي سنڌ جي حقن ۽ عورتن جي حوالي سان ٿيندڙ پروگرامن ۾ شريڪ رهي ٿي، تازو عمر آباد ۾ ٿيل عورتن جي مچ ڪچهري ۾ سندس اهم ڪردار ادا ڪيو،  اهڙين عورتن تي سنڌ ناز ڪري ٿي.سنڌ جي نالي واري قومپرست عورت اڳواڻ، هميشه آمريت سان جنگ ڪندڙ، عورتن ۾ اتساه ڏيندڙ عظيم عورت رهنما شاعره ڪامريڊ بختاور مڱڻهار جي تاريخي سالگره تقريب زين گارڊن شاهپورچاڪر ۾ سنڌي عورت تنظيم پاران ملهائي وئي جنهن ۾ شرڪت ڪرڻ جو دعوتنامون ته نه مليو هو پر پوءِ به امان ڪامريڊ بختاور جي عظيم بهادري ۽ همٿ جو پڙاڏو ٻڌي اتي پنهنجي پياري ڀا۽ سان گڏجي شرڪت ڪيم.

اسان جڏهن شاهپورچاڪر پهتاسين ته ٿڌي ٿڌي هوائن جي شوشاٽن جو به ڪڙڪو لڳي رهيو هو ائين پئي محسوس ڪيم ڄڻ هي هوائون به امان ڪامريڊ بختاور جي سالگره جون جھر جھنگ ۾ مبارڪون ڏيندي گذري رهيون هجن  اسان جڏهن زين گارڊن ۾ پهتاسين ته امان بختاور جي سالگره تقريب ۾ پنهنجي عورت ڀينرن جي شرڪت ۽ ڀائرن جي شرڪت ڏسي بي انتها خوشي ٿي.پر جڏهن اسٽيج تي ويٺل ٻهڪندڙ خوشي ۾ به نه ماپجندڙ عظيم ۽ پياري چهري امان ڪامريڊ بختاور تي نظر پئي سندس بي انتها رونق واري ۽ دل کي سرور بخشيندڙ چهري منهنجي سفر جا ٿڪ ئي لاهي ڇڏيا ۽ دل ۾ باقي اهو ارمان هيو ته امان بختاور جي مونتي به صرف هڪ نظر پئجي پوي جنهن ڪري آئون مڙني عورتن کان اڳتي ٿي امان ڪامريڊ بختاور جي سامهون جھڪي سلام ڪيم جنهن تي امان ڪامريڊ بختاور به مسڪرائيندي پنهنجي ساڄي هٿ کي مٿي ڪري نهايت پيار محبت احترام سان منهنجو مانائتو آڌرڀاءُ ڪري سچ ته مونکي پاڻ ڏانهن جھوري وڌو ان ئي مهل ڀيڻ زاهده ڏاهري به اچي منهنجي ڪلهي تي هٿ رکندي سلام ڪري نهايت اهڙو پيار ڏنو جو وساري نٿي سگھان .عورتن ۾ اهڙو شعور اجاگر ڏسندي اهڙي تمام وڏي تعداد ۾ شرڪت ڏسي امان ڪامريڊ بختاور جي انٿڪ محنت جوش جذبو ۽ ولولو نظر آيو.عورتن جي حال ۾ تمام گھڻي رش سبب ٻارن جو به خاصو شور هيو ويهڻ لاءِ ڪابه ڪرسي وغيره نه هجڻ باوجود ڪافي دير تائين پيرن ڀر بيهي امان بختاور جو ديدار ڪندي رهيس ڪافي دير بعد مردن واري هال مان ڪجھ ڪرسيون گھرايون ويون جنهن تي ويهي رهيس سالگره تقريب جي هن پوري پروگرام کي تمام گھڻي دلچسپي سان ڏسندي رهيس پروگرام دوران ننڍڙين ٻارڙين پاران پڻ امان ڪامريڊ بختاور مڱڻهار کي ٽيبلوزذريعي ڀيٽا ڏني قومي گيتن تي جھومي داد حاصل ڪيوسنڌي عورت تنظيم جو هي پروگرام نهايت بهترين ڏٺم جنهن ۾ مرڪزي صدر زاهده ڏاهري کي اسٽيج تي ويهڻ بجاءِ سامهون ويٺل عورت ڪارڪنن جي وڄ ۾ ڏٺم جيڪو پڻ بهتر عمل هيو.

 

نظام بدلائڻ جا پڙاڏا…

مسلم ليگ ن جي صدر ۽ اڳوڻي وزيراعظم نواز شريف چيو آهي ته ڪو به عدالتي فيصلو منهنجو عوام سان تعلق ٽوڙي نه ٿو سگهي. ايبٽ آباد ۾ جلسي کي خطاب ڪندي نواز شريف چيو ته نواز شريف هڪ نظرئي جو نالو آهي، جيڪو پاڪستان ۾ انقلابي تبديلي آڻيندو. پاناما جو ڊرامو ڪيو ويو، جنهن پٽيشن کي فضول قرار ڏئي خارج ڪيو ويو بعد ۾ وري مقدس قرار ڏنو ويو، منهنجي خاندان کي ڪٽهڙي ۾ آندو ويو، واٽس ايپ جو تماشو ڪيو ويو پوءِ ڪجهه انمول هيرا ڳوليا ويا. جي آءِ ٽي جوڙي وئي جنهن سامهون مون سميت پٽ ۽ نياڻي به پيش ٿي پر سڀ ڪجهه ڪرڻ باوجود نواز شريف خلاف هڪ پائي جي ڪرپشن ثابت نه ٿي سگهي. جڏهن سموريون ڪوششون ناڪام ٿيون ته چيو ويو نواز شريف پنهنجي پٽ کان پگهار نه ورتي آهي جنهن ڪري کيس نااهل قرار ڏنو وڃي ٿو. عوام جي خدمت ڪري عوامي محبتون ميڙيون آهن. 2013ع ۾ بجلي جي لوڊشيڊنگ عروج تي هئي، امن امان جي صورتحال بدتر ٿيڻ سبب ملڪي معيشت ٻڏي رهي هئي پر اسان عوام کي امن جو تحفو ڏئي پرڏيهي سيڙپڪاري آندي ۽ بجلي جا نوان منصوبا لڳائي عوام کي لوڊشيڊنگ مان ڇوٽڪارو ڏياريو آهي.ايبٽ آباد جلسو ريفرينڊم آهي. چئن پنجن ڄڻن جي فيصلي کي عوام قبول ناهي ڪيو. 2018ع ۾ وري ايندس ۽ عوام سان واعدا ڪندس عوام ڄاڻي ٿو ته آئون واعدا پورو ڪندو آهيان. ڪو اهو سمجهي ٿو ته آئون هارائي ويندس ته اها سندس ڀل آهي.هارائڻ وارو هجان ها ته اڄ عوام ۾ نه هجان ها پر سياست ڇڏي آرام سان ويهي رهان هان. وزارت اعظميٰ سنڀاليندي ئي مون کي ڌرڻي وسيلي روڪڻ جي ڪوشش ڪئي وئي پر اسان ترقي ۽ خوشحالي جي ڪمن ۾ لڳاتار رهياسين. پوءِ وري پاناما جو تماشو لڳايو ويو.

عدالتي فيصلي بعد وزيراعظم هائوس ڇڏي گهر هليو ويس پر عوام اهو فيصلو قبول ڪرڻ کان انڪار ڪيو. توهان منهنجو ساٿ ڏيو نظام بدلائي ڇڏينداسين. ڪوڙا پئمانا بدلائڻا پوندا. ملڪ کي هڪ ڀيرو وري عدم استحڪام جو شڪار بڻايو ويو آهي. عوام ساٿ ڏئي ته واعدو ٿو ڪريان ته اسان گڏجي مارچ ڪنداسين پر توهان مون کي اڌ رستي ۾ نه ڇڏجو. نه جيل کان ڊڄان ٿو، نه سزا کان ۽ نه ئي موت کان، آمرن جي بيعت ڪئي وئي پي سي او تحت حلف کنيا ويا. آمرن کان وفاداري جو حلف کنيو ويو پر اڄ اهو آمر ملڪ مان ڀڄي ويو آهي پر آئون ڀڄڻ وارو نه آهيان. ڇاڪاڻ ته آئون آمر نه آهيان. عوام سان واعدو آهي ته اوهان جو ساٿ ڏيندس. هڪ ڊرامي باز چوندو هو ته 90 ڏينهن ۾ ڪرپشن ختم ڪري ڇڏيندس. پر هن پنهنجي صوبي ۾ احتساب جو نظام ئي بند ڪري ڇڏيو ۽ صوبو تباهه ڪيو. اربين وڻ پوکڻ جا دعويدار اربين رپيا کائي ويا پر ڪنهن به سوال نه ڪيو، مون ٽڪي جي به ڪرپشن ناهي ڪئي. پوءِ به منهنجو سڄو خاندان عدالتن ۾ پيش ٿيو. جج پنهنجي فيصلي ۾ چيو آهي ته ”تيري رهبري ڪا سوال آهي، ها اهو ئي سوال آهي. هنن ڪڏهن رهزنن کان سوال ته ڪڏهن ڪيو ئي ناهي. هن آمرن جو ساٿ ڏنو. نظرثاني جي اپيل عوام ۾ کڻي آيو آهيان. عوام ان جو فيصلو ڏيندو.