تازيون خبرون

Daily Archives: November 26, 2017

رنوير گڏ هجي ته ڪنهن شيءَ جي ضرورت نه هوندي آهي: دپيڪا

ممبئي ( شوبز نيوز ) ڀارتي اداڪاره دپيڪا پدوڪون چيو آهي ته جڏهن رنوير ۽ مان گڏ هجون ته اسان کي ڪنهن به شيءَ جي ضرورت نه پوندي آهي. ڀارتي اداڪاره دپيڪا پدوڪون جي ڳڻپ اهڙن اداڪارئن ۾ ٿئي ٿي جن نهايت گهٽ عرصي دوران بالي ووڊ ۾ خاص مقام حاصل ڪيو آهي. دپيڪا جي اداڪاري جا چرچا نه رڳو بالي ووڊ پر هالي ووڊ ۾ به ٿي رهيا آهن. هالي ووڊ اسٽار ون ڊيزل سان اداڪاري ڪندڙ  دپيڪا پدوڪون جا ساڻس دوستي جا به چرچا رهيا آهن پر سندس رنوير سان دوستيءَ جي ڳالهه ئي ڪجهه ٻي آهي. دپيڪا پدڪون جو چوڻ آهي ته جڏهن هو ۽ رنوير سنگهه گڏ هوندا آهن ته کين ڪنهن به شيءَ جي ضرورت نه پوندي آهي. هن چيو ته مان ڪڏهن به ڪجهه اهڙو نه ڪرڻ چاهيو آهي جيڪو وقت جي قيد ۾ هجي، مون کي پڪ آهي ته رشتا پاڻ ئي رستو ٺاهيندا آهن جڏهن ته جيستائين منهنجي ۽ رنوير سنگهه جي واسطي جي ڳالهه آهي ته هڪ ڏينهن پنهنجي طريقي سان پاڻ واضح ٿي ويندو.

 

 

 

والد کان پڇڻ بغير فلم سائن ناهيان ڪندو: سلمان خان

ممبئي (شوبز نيوز) بالي ووڊ جو دبنگ سلمان خان هڪ ڀيرو جيڪا ڪمٽمينٽ ڪندو آهي ته ٻيهر پنهنجي به ناهي ٻڌندو پر هو پنهنجي والد سليم خان جي ڪڏهن به نافرماني ناهي ڪندو. سلمان خان پنهنجي والد سليم خان جي سالگرهه جي موقعي تي پنهنجي مداحن کي ٻڌايو ته هو سڀني کي انڪار ڪري سگهي ٿو پر پنهنجي والد جي ڪنهن به ڳالهه تي ڪڏهن به انڪار ناهي ڪندو ۽ جيڪو سندس والد چوندو آهي ان تي فوري طور تي عمل ڪندو آهي. سلمان خان چيو ته ان جي سمورن اهم معاملن جو فيصلو ان جو والد ئي وٺندو آهي ۽ ٻارن کي گهرجي ته هو والد جي ڳالهه مڃي.

 

ليونل ميسي بارسلونا سان ۳۰۳۲ع تائين معاهدو ڪري ورتو

بارسلونا (اسپورٽس نويز) ليونل ميسي بارسلونا سان 2021ع تائين معاهدو ڪري ورتو، ارجنٽائن جو سپر اسٽار ميسي هاڻ 2021ع تائين بارسا لاءِ کيڏندو، معاهدو ست سئو ملين يوروز ۾ طئه ٿيو.ارجنٽائن جي اسٽرائيڪر ليونل ميسي اسپينش فٽبال ڪلب بارسلونا سان معاهدي جي تصديق جولاءِ ۾ ڪري ڇڏي هئي.جڏهن ته ان سلسلي ۾ باضابطه تقريب نه ٿي هئي. گذريل ڏينهن بارسا ۽ ميسي وچ ۾ معاهدي جي آفيشل سائننگ تقريب ٿي، ميسي 2021ع تائين بارسلونا سان گڏ هوندو جڏهن ته ايگريمينٽ 700 ملين يوروز جو آهي

 

فٽبالر ميراڊونا پاران پنهنجي ڌيئرن تي چوري جو الزام

لنڊن(اسپورٽس نويز)ليجنڊ فٽبالر ڊياگو ميراڊونا پنهنجي ڌيئرن تي 34 لک پائونڊ چورائڻ جو الزام لڳائي ڇڏيو.پرڏيهي ميڊيا مطابق ليجنڊ فٽبالر ميراڊونا پنهنجي ڌيئرن تي 34 لک پائونڊ چورائڻ جو الزام لڳائيندي اڳوڻي گهرو اري کي چوري جو ماسٽر مائنٽ قرار ڏئي ڇڏيو.جڏهن ته ٻنهي ڌيئرن کي جلد کان جلد گرفتار ڪرڻ جي درخواست داخل ڪرائي ڇڏي آهي.

 

اسلام آباد ڇڪتاڻ جا جمهوريت تي پوندڙ اثر..!!: صاحب خان ڀٽي

اسلام آباد  ۾ فيض آباد انٽر چينج وٽ مذهبي جماعتن پاران قانون واري وزير زاهد حامد جي استعيفيٰ لاءِ لڳل احتجاجي ڌرڻو 20 ڏينهن تائين جاري رهيو، عدالت پاران سوال به ڪيو ويو ته آخر انهن جي کاڌي پيتي جو خرچ ڪير پيو ڪري؟ ايتري قدر جو اسلام آباد هائيڪورٽ وفاقي گهرو وزير احسن اقبال خلاف توهين عدالت نوٽيس به جاري ڪيو ۽ عدالتي حڪم تي عمل ڪرائڻ لاءِ حڪم به جاري ڪيو پر ان باوجود ڌرڻوختم نه ٿي سگهيو، وفاقي حڪومت پاران عدالت کي ٻڌايو ويو ته جيڪڏهن هون ڌرڻي خلاف ڪو قدم کڻندا ته حالتون به خراب ٿي سگهن ٿيون، ڇاڪاڻ ته کين خبر پئي آهي ته  ڌرڻي تي ويٺل مذهبي جماعتن جي  ڪارڪنن وٽ هٿيار به موجود آهن،  جيڪڏهن حڪومت انهن خلاف آپريشن ڪيو ته حالتون خراب  ٿيون وينديون، عدالت پاران به ريمارڪس ڏيندي چيو ويو هو ته عدالتي حڪومت باوجود آپريشن نه ڪرڻ عدالتي حڪمن کي گهٽ ڏيکارڻ برابر اهي،

بهرحال گذريل ڏينهن حڪومت ٿرٿلي ۾ آئي ۽ الٽيميٽم خمت ٿيڻ بعد گذريل ڏينهن 12 وڳي آپريشن شروع ڪيو ويو، جنهن بعد ريڊ زون علائقو جنگ جو ميدان بڻجي ويو، هر طرف والاريل ڪشمير جهڙا منظر ڏسڻ ۾ اچي رهيا آهن، ڪراچي، لاهور ۽ ملڪ جي ٻين علائقن ۾ احتجاج ڪندڙن جي حمايت ۾ روڊن تي نڪري احتجاج رڪارڊ ڪرايو، اسلام آباد ۾ جڏهن آپريشن شروع ٿيو ته ان وقت ڌرڻي تي ويٺل ماڻهن کي هٽائڻ جي ڪوشش ڪئي وئي ۽ شيلنگ ڪئي وئي، آپريشن ۾ پوليس، ايف سي ۽ رينجرز اهلڪارن حصو ورتو، جن مظاهرين کي ڇڙو ڇڙ ڪرڻ واٽر ڪينن جو استعمال ڪيو ۽ ڳوڙها آڻڻ واري گيس جي شيلنگ ڪئي. جنهن کانپوءِ ڇڪتاڻ پيدا ٿي وئي ۽ احتجاج ڪندڙن گاڏين کي باهيون ڏئي ڇڏيون ۽ ريڊ زون واري علائقي کي جنگ جو ميدان بڻائي ڇڏيو، احتجاج ڪندڙن پاران اهلڪارن تي پٿراءُ به ڪيو ويو ۽ ڏنڊا بردار ماڻهن روڊن تي لڳل ٽريفڪ سنگنل ۽ گاڏين کي باهه ڏئي ساڙي ڇڏيو ۽ ايندڙ ويندڙ گاڏين تي به پٿراءُ ڪيو،

ڪجهه ڏينهن اڳ جڏهن اهو ڌرڻو جاري هو ته ان وقت ايمبولينس کي رستو نه ملڻ سبب هڪ ڄڻو فوت به ٿي ويو هو، جنهن مسئلي کي ميڊيا تمام گهڻو  کنيو هو، ڇاڪاڻ ته اسلام آباد ۽ راولپنڊي کي ملائيندڙ فيض آباد انٽرچينج بند ٿيڻ سبب شاگردن، شاگردياڻين، پورهيتن، وڪيلن ۽ ٻين سرڪاري ملازمن کي تمام گهڻيون ڏکيائون پيش اچي رهيون هيون ۽ هي ڌرڻو ڪو هڪ يا ٻه ڏينهن تائين جاري نه هو پر گذريل 20 ڏينهن کان اسلام آٻاد جي فيض آباد انٽر چينج وٽ لڳل هو، جيڪڏهن ڪراچي ۾ هڪ ڏينهن ڌرڻو لڳندو آهي ته لکين ماڻهو پريشان ٿي ويندا آهن ۽ اهڙي صورتحال مان ڪراچي جا شهري به گذري چڪا آهن،

بهرحال  20 ڏينهن کانپوءِ جڏهن قانون لاڳو ڪندڙ ادارن پنهنجي ڦڙتي ڏيکاري ته ان ۾ سندن اهلڪار ئي شهيد ٿيو ۽  ڪيترائي اهلڪار زخمي به ٿيا، جن کي پمز اسپتال سميت مختلف اسپتالن  ڏانهن منتقل ڪيو ويو هو، پمز اسپتال جي ترجمان ته ميڊيا کي ٻڌايو هو ته زخمين ۾ پوليس ۽ ايف سي جا اهلڪار به شامل آهن. ٻي طرف انتظاميا پاران  اسلام آباد جي هوائي نگراني به ڪئي وئي، مري روڊ بند ٿيڻ سبب اسڪول  به بند رهيا،  حڪومت جڏهن  احتجاج ڪندڙن تي ضابطو نه آڻي سگهي  ته چينلن جي نشريات اف ايئر ڪرڻ جو حڪم  ڏنو ويو، پيمرا جي حڪم تي عمل به ڪيو ويو، ڇاڪاڻ ته پيمرا ڌرڻي جي سڌي ريت ڪوريج تي پابندي لڳائي هئي، پيمرا  جي هدايت تي ڪيترن ئي نيوز چينلن جي نشريات کي بند ڪري ڇڏيو هو.

اسلام آباد ڌرڻي سبب اسٽاڪ ايڪسچينج ۾ ٻاڙائي جو رجحان رهيو، ڪي ايس اي 100 انڊيڪس 80 .17 پوائنٽس لاٿ سان 41 .40248 پوائنٽس جي سطح تي بند ٿيو، جنهن سبب مارڪيٽ ۾ سيڙپڪارن جا هڪ ارب 78 ڪروڙ 15 لک 34 هزار 972 رپيا ٻڏي ويا. ايتري قدر جو مذهبي جماعتن جي ڪارڪنن پاران اڳوڻي وفاقي گهرو وزير چوڌري نثار جي گهر تي حملو به ڪيو ويو ۽ سندس گهر  جي درين جا شيشا به ٽوڙيا ويا، جماعت اسلامي  جي امير سراج الحق چيو ته اسلام آباد ڌرڻي تي حڪومت طاقت جو استعمال ڪري معاملي کي الجهائي ڇڏيو آهي. جيڪڏهن ڏٺو وڃي ته هن ڌرڻي سبب ملڪ تي تمام گهڻا اثر پئجي رهيا آهن، هڪ طرف اڳوڻي وزيراعظم نوازشريف خلاف نيب ريفرنسز جي ٻڌڻي  هلي رهي آهي ته ٻي طرف وري ناڻي  واري وزير اسحاق ڊار خلاف به گرفتاري وارنٽ جاري ڪيا ويا آهن، جڏهن ته سندس ضامن  کي به عدالت طلب ڪيو هو، جنهن   ناڻي واري وزير کي پيش ڪرڻ لاءِ وقت گهريو هو، هن وقت  هڪ سياسي ڇڪتاڻ هلي رهي آهي ته ٻي طرف وري مذهبي ڇڪتاڻ به شروع ٿي وئي آهي، حلف نامي ۾ غلطي ڪنهن ڪئي ۽ ڪنهن جي چوڻ تي ٿي، ان جي جاچ ٿيڻ به تمام ضروري آهي،  کي مڃي به ورتو آهي ۽ ان کي درست به ڪيو آهي پر مذهبي جماعت پاران  اهو مطالبو ڪيو ويو آهي ته جيستائين ذميوارن خلاف ڪارروائي نه ٿيندي تيستائين احتجاج جاري رکيو ويندو ۽ اهو  احتجاج 20 ڏينهن جاري رهيو، جنهن کانپوءِ  وڃي حڪومت قدم کنيا.

هن وقت سڄي ملڪ ۾ ڇڪتاڻ جي صورتحال آهي، هر طرف باهه ٻري رهي آهي، اسلام آباد ڌرڻو ختم ڪرائڻ خلا ف سڄي ملڪ ۾  ماڻهو مڇرجي پيا آهن ۽ مذهبي جماعتن جي ڪارڪنن پاران ڪيترن ئي شهرن ۾ احتجاج ڪيا ويا آهن، ڪراچي، لاهور، فيصل آباد سميت ملڪ جي مختلف شهرن ۾ ٻاهه ٻري رهي آهي، اهلڪارن تي حملا ۽ گاڏين تي پٿراءُ واريون خبرون  به رپورٽ ٿينديون رهيون، ايتري قدر جو حڪومت پاران پاڪ فوج کان مدد طلب ڪرڻ جي درخواست به ڪئي وئي،  ڪيترائي ايف سي ۽ پوليس جا اهلڪار زخمي به ٿيا، هڪ شهادت به ماڻي،  جيئن  ته نوازشريف هر طرف کان جڪڙيل نظر  اچي رهيو آهي ۽ سندس  پارٽي جي حڪومت ختم ٿيڻ ۾ به باقي ٿورو وقت رهيو آهي، ان وقت اهڙيون حالتون پيدا ٿيڻ سان صاف ظاهر ٿئي ٿو ته ايندڙ اليڪشن وقت تي نه ٿي سگهندي،

هونئن به تاريخ ۾ پهريون ڀيرو پنجاب جي ڪنهن وڏي پارٽي کي عدالت پاران نااهل قرار ڏنو ويو آهي ۽ ان جي حڪومتي دور ۾ اهڙيون حالتون پيدا ٿيڻ سمجهه کان ٻاهر آهن، جيڪهن نوازشريف کي چونڊون وقت تي ڪرائڻيون هجن ها ته اڄ ملڪ ۾ اهڙيون حالتون نه هجن ها، جيئن ته پيپلزپارٽي به هن ڏکئي وقت نوازشريف  جو ساٿ نه ڏئي رهي آهي، ڇاڪاڻ ته چونڊون به تمام گهڻو ويجهو اچي چڪيون آهن ۽ پيپلزپارٽي ڪڏهن به نه چاهيندي ته هو هن وقت نواز ليگ جو ساٿ ڏئي پنهنجو سياسي ڪيريئر تباهه ڪري، هڪ طرف نوازشريف عدالتن کي منهن ڏئي رهيو آهي ته ٻي طرف وري ڪپتان عمران خان به هاڻ عدالتن ۾ پيش ٿي رهيو آهي، مطلب ته ٻنهي جو جهيڙو هاڻ عدالتن ۾ ئي حل ٿيندو، باقي رهي ڳالهه پيپلزپارٽي جي ته اها صر ف وقت جو انتظار ڪري رهي آهي ته جئين انهن ٻنهي جو جهيڙو انجام تائين پهچي سگهي. بهرحال پيپلزپارٽي جي سينيئر اڳواڻ اعتزاز احسن چيو آهي ته نوازشريف ميموگيٽ ۾ ڪارو ڪوٽ پهري پيپلزپارٽي خلا ف عدالتن ۾ پهتو هو ۽ هاڻ هو ڪهڙي منهن سان کانئن مدد گهري رهيو آهي. جيڪڏهن ڏٺو وڃي ته هن وقت سياسي بحران پيدا ٿي چڪو آهي ۽ سموريون پارٽيون هڪ ٻئي جون ڄنگهون ڇڪڻ ۾ پوريون آهن ۽ انهن جي جهيڙي سان صرف جمهوريت دشمنن کي ئي فائدو ٿي سگهندو.

بهرحال هن وقت ملڪ ۾ جيڪي حالتون پيدا ٿي چڪيون آهن ان جو ذميوار ٻيو ڪير نه نواز ليگ، تحريڪ انصاف ۽ ٻين جماعتن جي ڪري ئي پيدا ٿيون آهن ۽ ان جو فائدو صرف نواز ليگ کي ئي ٿيندو. هن وقت  ملڪ ۾ صرف مذهبي جماعتن جو احتجاج هلي رهيو آهي، سوشل ميڊيا ۽ نيوز چينلز جي بندش سبب نوازشريف وارو معاملو به دٻجي ويو آهي، هاڻ ان احتجاج سان چونڊون دير سان ڪرڻ جو به جواز ملي ويو آهي ۽ عدالتن ۾ نوازشريف خلا ف هلندڙ ڪيسن جي ٻڌڻين ۾ به دير ٿي سگهي ٿي، جنهن جو سڌو سنئون فائدو نوا زشريف کي ئي ٿيندو. هڪ ٻن وزيرن جي استعيفيٰ سان جيڪڏهن نوازشريف جي نااهليت ختم ٿي وڃي ته نوازليگ اهو به ڪرڻ لاءِ تيار ٿي ويندي، جيئن دان ليڪس ۾ هڪ ٻن وزيرن کي قرباني جو ٻڪرو بڻايو ويو هو. بهرحال اسلام آباد ڌرڻي کانپوءِ پيدا ٿيل صورتحال جا جمهوريت تمام گهڻا خراب اثر  پوندا جن بابت ڪو سوچي به نٿو سگهي، نوازشريف  کي انهن احتجاجن سان ته فائدو  ٿي سگهي ٿو پر عام ماڻهو جو نقصان اڳ به ٿي رهيو هو ۽ هاڻ به ٿي رهيو آهي،

جڏهن اسلام آباد ۾ ڌرڻو لڳو ته ان وقت به ماڻهو پريشان هئا ۽ اڄ ان کان وڌيڪ آهن، جيڪڏهن وفاقي سرڪار طاقت جو استعمال ڪرڻ بدران مذهبي جماعت سان ڳالهيون ڪري ها ته اڄ اهڙيون حالتون پيدا نه ٿين ها۽ اهلڪار به شهيد نه ٿين ها ۽ نه زخمي ٿين ها، جيڪڏهن ڏٺو وڃي ته جڏهن به سنڌ ۾ ڪو احتجاج ٿيو آهي ته پوليس پاران انهن تي وحشياڻو تشدد ڪيو ويو آهي پر ان جو ڪو به نوٽيس ناهي وٺندو پر اسلام آباد ڌرڻي کي ختم ڪرائڻ لاءِ شروع ٿيل آپريشن ۾ صر ف سيڪيورٽي ادارن جو ۽ عام ماڻهو جو نقصان ٿيو آهي، حڪومت جي رٽ ته اڳ به ڪا نه هئي پر گذريل ڏينهن قانون لاڳو ڪندڙ ادارن جي به ڪٿي به رٽ نظر نه آئي. هاڻ اسان جي حڪومت کي اهو ئي عرض آهي ته ٻيهر جيڪڏهن ڪو اهڙو احتجاج ٿئي جيڪو ڪنهن مذهبي جماعت پاران ڪيو وڃي ته ان تي طاقت جو استعمال ڪرڻ بدران ڳالهيون ڪري، باقي رهي ڳالهه پورهيتن جي، سرڪاري ملازمن جي ته  اهي جڏهن جائز حقن لاءِ احتجاج ڪن ته انهن تن لٺين جو وسڪارو ۽ وحشياڻو تشدد ڪيو وڃي، جيئن ماضي ۾ ٿيندو رهيو  آهي، ان سان نه ته قانون لاڳو ڪندڙ اهلڪارن کي نقصان ٿيندو ۽ نه ئي وري حڪومت کي ڪو نقصان ٿيندو ۽ حڪومت جي به رٽ برقرار رهندي.

sahibalisindhi@gmail.com

 

اسلام آباد جي امن ڪرائڻ لاءِ فوج کي مليل اختياريون..!!: غلام مصطفيٰ جمالي 

تحريڪ لبيڪ يا رسول الله ويهه ڏينهن مسلسل ڌرڻو هڻي،گادي واري شهر اسلام آباد جو مين علائقو فيض آباد پنهنجي گهيري هيٺ آڻي ڇڏيو هوُ،جڏهن ته ڌرڻي بعد حڪومتي وفد ۽ ڌرڻي جي قيادت وچ ۾ پنجاب هائوس ۾ ڳالهيون پڻ ٿيون هنيون تنهن هوندي به ڪو حتمي فيصلو نه ٿيو سگهيو هو جنهن اندر حڪومت پاران ڏنل ڊيڊ لاڪ بدستور برقرار رهي. اسلام آباد ۾ ڌرڻي جي مسئلي جي حل لاءِ حڪومتي وفد ۽ تحريڪ لبيڪ يا رسول الله جي اڳواڻن وچ ۾ ڳالهيون پنجاب هائوس ۾ ٿيون هينون. حڪومت ۽ انتظاميا طرفان ڳالهين ۾ راجا ظفر الحق، خواجا سعد رفيق، قانون واري وزير زاهد حامد، ڪيپٽن صفدر، راڻا ثناءُ الله، انوشا رحمان، چيف سيڪريٽري پنجاب، آءِ جي پنجاب ۽ ڪمشنر کي مقرر ڪيو ويو هو. جڏهن ته تحريڪ لبيڪ جي نمائندن واري وفد ۾ ڊاڪٽر شفيق اميني، پير اعجاز اشرفي، عنايت الحق شاهه ۽ مولانا ظهير نور شامل هئا. ان وقت تحريڪ ليبڪ يا رسول الله قانون واري وزير زاهد حامد جي استعيفيٰ جي معاملي تي ڊيڊ لاڪ برقرار رهي ۽ ڳالهين ۾ ڪا به اڳڀرائي نه ٿي سگهي.

حڪومت استعيفيٰ جو مطالبو مڃڻ کان انڪار ڪري ڇڏيو.جنهن ڪري  حڪومت ۽ ڌرڻي جي قيادت وچ ۾ ڳالهين جون آخري دور به ناڪام رهيو. ان وقت وفاقي گهرو وزير احسن اقبال جي صدارت هيٺ عالمن جو اجلاس پڄاڻي تي پهتو، جنهن دوران اسلام آباد ۾ تحريڪ لبيڪ يا رسول الله صه جي ڌرڻي جي صورتحال جو جائزو ورتو ويو، ان ڏس ۾ پير حسين الدين شاهه جي سربراهي ۾ ڪميٽي پڻ جوڙي وئي هئي، جنهن چيو ته هر مسئلي جي پرامن حل لاءِ رابطا ڪندي.! اجلاس ۾ راجا ظفر الحق جي سربراهي ۾ قائم ڪميٽي جي سفارشن کي سامهون آڻڻ جو مطالبو به ڪيو ويو هو. احسن اقبال جي صدارت هيٺ ٿيل عالمن جي اجلاس کانپوءِ مذهبي معاملن جي وفاقي وزير سردار يوسف ميڊيا اڳيان تفصيل پيش پڻ ڪيا هئا، جنهن ۾ چيو ويو هو ته اجلاس سچي نيت ۽ دل سان ان امر جو اعلان ٿو ڪري ته ختم نبوت تي عقيدو اسان جي روح جو حصو آهي ۽ ان ۾ ڪنهن به قسم جي تبديلي برداشت نه ڪئي ويندي.

ان وقت ٿيل اجلاس ۽ گڏيل بيانن سبب حالتون ڪجهه اهڙيون ئي ڏسڻ ۾ آيون پئي ته پاڪستان جو امن مڪمل طور خطري ۾ پئجي ويندو، ۽ حالتون اسان لاءِ ڳڻتي جوڳيون ٿي وينديون، جنهن جي حل لاءِ سڀني ڌرين کي ڪردار ادا ڪرڻو هو ۽ خاص طور تي پنجاب حڪومت کي جنهن هڪ وزير تي استيفيٰ جي ڪري پوري پاڪستان جي امن کي خطري ۾ وجهي ڇڏيو،جڏهن ته حڪومت کي اها به خبر ته اهو معاملو اهڙي نونيت جو آهي جيڪو ڳالهين سان حل ئي نه ٿيندو ڇو ته انهي جو حل ئي وزير احسن اقبال سان ئي جيڪا ن ليگ ڪهڙي به صورت ۾ نه پئي ڏني،ٻئي ڳالهه ته حڪومت کي جيڪڏهن خبر هئي ته معاملو تمام گهڻو پيشيدا ٿيندو ته حڪومت پلان اي بي سي ڇوڪون جوڙيا،صرف هڪ پلان کڻي اچي ڪري ڇنڇر جي ڏينهن صبح جو ساڍي ستين وڳي ڌاري پنهنجي اٺ هزار اهلڪارن سان اچي ڌرڻي واري هنڌ پهتي،جڏهن ته سموري معاملي جو ڪارڻ هڪومت کان معلوم ڪيو ويو ته حڪومت پنهنجي ڪنڌ مان رسو ڪڍي ڪري اهو واضع لفظن ۾ چيو ته اسان جي مٿان سپريم ڪورٽ آف پاڪستان ۽ هاءِ ڪورٽ جو دٻاءُ هو جنهن جي ڪري مجبورن اسانکي ڌرڻ ختم ڪرائن لاءِ پوليس ۽ ايف سي جي اهلڪارن کي ڌرڻي واري منتقل ڪيو جيڪي تحريڪ ليبڪ يا رسول  جي لڳل ڌرڻي کي ختم ڪرائي مقرر ڪيو ويو هو ۽ پوءِ ٿيو اهو ئي جنهن جو ڊپ هوُ.

فيض آباد ۾ لڳل ڌرڻي جي ڪري پاڪستان جي دارالحڪومت جو امن امان خطري ۾ پئجي ويو،نه رڳو اسلام آباد پر پورو پاڪستان انهي ڌرڻن جي زد ۾ اچي ويو،پنجاب کي ڇڏي ڪري سنڌ جي گادي واري شهر ڪراچي، حيدرآباد، ميرپورخاص، سکر ۽ ٻين شهرن ۾ به مظاهرا ٿيڻ لڳا ۽ تحريڪ لبيڪ يا رسول الله جي ڪيترائي ڪارڪنن هٿن ۾ پٿر ۽ گلولون کڻي روڊن تي نڪري آيا جن ڪيترائي سڪيورٽي اهلڪار زخمي ڪري ڇڏيا،جڏهن ته اسلام آباد ڪالهه سڄو ڏينهن جنگ جو ميدان بڻيل هوُ،وفقي وقفي سان تحريڪ لبيڪ يا رسول الله ۽ سڪيورٽي اهلڪارن جي وچ ۾ پٿرن جي ڏي وٺ ٿيندي رهي،جنهن ڪري ڪيترائي پوليس اهلڪار زخمي ٿي پيا،پوليس سڄو ڏينهن آنسو گئيس ۽ پاڻي جي شيلنگ ۽ رٻڙ جي گولين جو استعمال ڪندي رهي ته سندن هر حربو ناڪام ويو،۽ تحريڪ لبيڪ يا رسول الله جا ڪارڪنن گهٽ ٿيڻ بجاءِ وڌڻ شروع ٿي ويا ۽ آهستي آهستي وڌندي وڌندي ايتري حد تائين اچي پهتا جو مجبور ٿي ڪري پوليس ۽ ايف سي جي اهڪارن کي پوتئي هٽڻو پيو.اهڙي صورتحال اندر حڪومت جي ڪو به گس ڏسڻ ۾ نه پئي آيو ته هو ڇا ڪري،هيٺ حڪومت پنهنجو ٻانهون مٿي کڻي ڪري سموريون زميواريون ۽ اسلام آباد جو امن فوج حوالي ڪري پاڻ روايتي موجب پاسي تي ويهي رهي،۽ وزير داخلا هڪ نوٽيس جاري ڪيو جنهن امن اسلام آباد جي امن لاءِ فوج کي مقرر ڪيو ويو،وزيرداخلا جي نوٽيس ۾ /ڏسو صفحو 3 بقايا نمبر 01

اهو واضع ڪيو ويو ته حالتون سندس قابو ۾ نه اچي رهيون آهن ۽ ماحول اندر تمام گهڻي گرما گرمي ٿي وئي آهي ۽ ڪو به افسوسناڪ واقعي پيش اچڻ کان اڳ ۾ فوج پنهنجون زميواريون سنڀالي،

آرٽيڪل245جي تحت نوٽيس جاري ڪيو ويو هو ته فوج اچي ڪري سولين جي مدد ڪري،ان وقت اهو طعه ڪيو ويو هو ته جيڪا فوج اسلام آباد ۾ امن ڪرائيندي انهي جي اڳواڻي ٽي ڪمانڊر 111برگيڊيئر ڪندا،جڏهن ته اسلام آباد جي امن لاءِ فوج کي پوري اسلام آباد ۾ مقرر ڪيو ويندو،ٻڌايو پئي ويو ته اهڙو فيصلو پاڪستاني وزيراعظم  شاهد خاقان عباسي پاران ڪيو ويو هو جنهن هڪ سمري ٺاهي ڪري چيف ڪمشنر اسلام آباد کي موڪلي جنهن جي منظوري بعد اهو نوٽيفڪيشن جاري ڪيو ويو ته سموري اسلام آباد ۾ امن لاءِ فوج کي مقرر ڪيو ويندو. ڇو ته اسلام آباد گادي جو شهر هجڻ ۽ سموري سياسي ماڻهن جو گهر هجڻ ڪري به هڪ وڏي اهيمت رکندڙ شهر آهي جنهن اندر ايڏي ڪشيدگي يقينن سنگين مسئلو هو.

اسلام آباد ۾ لڳل ڌرڻي جي ڪري مختلف جهڙپن اندر 200کان وڌيڪ ماڻهو زخمي ٿي پيا هئا ۽ 10پوليس گاڏيون هڻ ساڙيون ويون هنيون،معاملو ايتري حد تائين خراب ٿي ويو هو جو مظاهرو ڪندڙ سابق وزيرداخلا چوڌري نثار جي گهر جو پڻ گهيراءُ ڪيو هو جنهن اندر مظاهرو ڪندڙن چوڌري نثار جي گهر کي باهه ڏئي ڇڏي هئي،ان وقت سڪيورٽي اهلڪار موقعي جي پهچي ويا هئا جن چوڌري نثار جي بڪتربند گاڏي جي سڪيورٽي ڏئي ڪري ڪنهن محفوظ جاءِ تي پهچايو،ڌرڻي دوران حڪومت ڌر پاران پاڪستاني جي نچي ٽي وي چئنلن جي نشريات کي پڻ بند ڪيو ويو هوُ،جڏهن ته سوشل ميڊيا جو سموريون سائيٽون پڻ بند ڪيو ويون هنيون جنهن ۾ فيس بڪ،ٽوئير،يوٽيوپ،انسٽاگراف وغيره جهڙيون سائيٽون مڪمل بند ڪري ڇڏيو هنيون،ٻئي پاسي فيض آباد واري علائقي اندر پاڻي سپلاءِ پڻ بند ڪئي وئي هئي،۽ بجلي جو نظام نه ختم ڪيو ويو هو،ان وقت نه رڳو زميني پر هوائي رستن ذريعي به ڌرڻو هڻندڙن پارٽي خلاف ڪاروايون ڪيون پئي ويون،۽ آپريشن جي نگراني هيلي ڪاپٽر ذريعي پڻ ڪئي پئي،آپريشن کان پهرين پوليس ۽ ايف سي اهلڪارن جي دستا فيض آباد واري علائقي ۾ پهچي چڪا هئا،

فيض آباد ڌرڻي جي پڄاڻي افسوس جهڙي هوندي افسوس جهڙي انهي ڪري آهي جو پاڪستان اندر ڪو اهڙو قانون ناهي جيڪو اهڙي ڌرڻن کي روڪي سگهي،اهڙو ڪو قانون ناهي جنهن اندر اهو واضع ڪيل هجي ته شهرن جي مين روڊن ۽ چونڪن تي هزارين ماڻهو جو ڌرڻو هڻي ويهي رهڻ قانون جي خلاف آهي،مان سمجهان ٿو ته پاڪستان جي حڪمرانن کي پاڪستان اندر مظبوط جهموريت ۽ امن گهرجي ٿو ته انهن کي سڀ کان پهرين انهن ڳالهين طرف ڌيان ڏيڻو پوندو،اسلام آباد جي علائقي فيض آباد جي ڌرڻي جي پڄاڻي پاڪستان جي سڪيورٽي ادرارن لاءِ وڏي ۾ وڏي چئلنج هوندي،ڇو ته سامهون به انساني زندگيون آهن،۽ انهن کي ائين اٿارڻ به سولو ناهي، ڌرڻي واري جاءِ تي حڪومت پاڻي شيلنگ واريون ٽئيڪون،آنسو گئيس،جو وڌ کان وڌ استعمال انهي ڪري ڪيو آهي جئين ڪا زندگي ضايع نه ٿي،پر انجي باوجود پنج انساني زندگيون انهي ڌرڻي جي نظر ٿي ويون آپريشن اندر پوليس رينجزس ۽ ايف سي جي 8هزار کان مٿي اهلڪارن حصو ورتو،جڏهن ته اهي اهلڪار ڌرڻي واري جاءِ تي پهتا ته فيض آباد جو علائقو جنگ جو ميدان بڻجي ويو،مظاهرو ڪندڙ مختلف جاين کي باهيون ڏئي ساِڙي ڇڏيو ۽ اهلڪارن احتجاج ڪندڙ مٿان آنسو گئيس ۽ پاڻي شيلنگ شروع ڪري ڏني،مظاهرو ڪندڙ اهلڪارن مٿان پٿرن جو وسڪارو شروع ڪري ڏنو جنهن جي ڪري وڏي تعداد اندر سڪيورٽي اهلڪار زخمي ٿي پيا هئا ۽ سڪيورٽي اهلڪار ڌرڻي وارن مان 300کان وڌيڪ ماڻهن کي گرفتار ڪري ورتو هو،جنهن اندر اهم شخصتيون به شامل هنيون،هڪ مليل ڄاڻ موجب اسلام آباد جي فيض آباد واري علائقي ۾ لڳل ڌرڻا مٿان ڪاروائي جو حڪم هاءِ ڪورٽ جاري ڪيو جنهن بعد آپريشن شروع ڪيو ويو هو،آپريشن کان پهرين ٽن طرفن کان مظاهرو ڪندڙن  جو گهيرو تنگ ڪيو ويو هو،جنهن اندر احتجاج ڪندڙ مٿان لاٺي چارج به ڪئي وئي هئي،جنهن جي ڪري احتجاج ڪندڙ جو وڏو تعداد پويان هٺڻ شروع ٿي ويو هو،

پوليس اهلڪارن ڌرڻن جي مخلتف پاسن کان احتجاج ڪندڙن کي گهيري ۾ آڻي ڇڏيو جنهن جي ڪري مظاهرو ڪندڙن جي هڪ وڏي تعداد گرفتار ڪئي وئي هئي،مظاهرو ڪندڙن تي ڪاروائي ڪرڻ کان پهرين اسلام آباد،راولپنڊي،۽ ٻين شهرن جي اسپتالن اندر ايمرجنسي لاڳو ڪئي وئي هئي ۽ ڊاڪٽرجون موڪلون بند ڪيون ويون هنيون،اهڙي ريت لٺ بازي،آنسو گئيس،پاڻي شيلنگ،گرفتارين ۽ پوليس اهلڪارن ۽ احتجاج ڪندڙ جي وڏي تعداد زندگي زخمي ٿيڻ کانپوءِ اهو احتجاج پنهنجي پڄاڻي تي پهتو،پر ڌرڻو ڪيترائي سوال ذهن جي آسري ۾ بند ڪري ويو ته هن ملڪ ۾ اهڙو ماحول آخرڪيسائين رهندو، اها به هڪ حوالي سان سياسي خلا جي ڪيفيت هئي جنهن کي حڪمرانن جا ڌڙا ڀرڻ جي ڪوشش ڪري رهيا هئا. اهو ئي ڪارڻ آهي ته پارٽين مان ڪابه اڳ وانگر عوامي تحريڪ نه هلائي سگهي.

برحال معاملو هاڻ تمام گهڻي سنگين صورتحال اختيار ڪري ويو آهي،جنهن اندر هاڻ ڪجهه به ٿي سگهي،انهي ڪري حڪومت سموريون زميواريون هن وقت فوج جي حوالي ڪري ڇڏيون آهن،مان سمجهان ٿو ته فوج لاءِ اهو وڏو چئلج هوندو ڇو ته فوج هن وقت سولين جو زميواريون کڻي رهي آهي جنهن اندر کيس انهي ڳالهه جو پورو پورو خيال رکڻو پوندو ته اسلام آباد ۾ امن ڪرائڻ دوران ڪابه زندگي ذيان نه ٿي ۽ هو اسلام آباد جي امن امان ڪرائڻ به پوري طرح ڪامياب وڃي.انهي ڪري ڏسڻو هاڻ اهو آهي ته اسلام آباد ۾ امن ڪرائڻ لاءِ فوج ڪهڙو ڪردار ادا ٿي ڪري..

 

ڇڪتاڻ جي ور چڙهيل ڌرڻي خلاف آپريشن…!

اسلام آباد ۾ ڌرڻي خلاف آپريشن بعد حالتون ڇڪتاڻ جي ور چڙهي ويون، سڄو ڏينهن چڪرين، فائرنگ ۾ پوليس، ايف سي اهلڪار، ايڊيشنل ڊپٽي ڪمشنر ۽ مذهبي ڪارڪنن سميت 200 کان مٿي زخمي ٿي پيا آهن. فورسز سڄو ڏينهن ڪارروائي باوجود مڪمل طور علائقو خالي ڪرائي نه سگهي. مذهبي ڪارڪن مختلف هنڌن تي پکڙجي ويا. هوڏانهن حڪومت آرٽيڪل 245 تحت فوج طلب ڪري ورتي آهي. گهرو وزارت موجب فوج حساس عمارتن جي حفاظت لاءِ موجود هوندي. اسلام آباد انتظاميه طرفان فيض آباد وٽ ڌرڻي ۾ شريڪ ٿيلن کي رات جو 12 وڳي تائين ڏنل ڊيڊ لائين ختم ٿيڻ بعد ڇنڇر تي صبح جو مظاهرو ڪندڙن خلاف آپريشن شروع ڪيو ويو.آپريشن ۾ پوليس، ايف سي ۽ رينجرز جي وڏي نفري حصو ورتو، جن مظاهرو ڪندڙن کي ڇڙ وڇڙ ڪرڻ لاءِ شيلنگ ڪئي ۽ واٽر ڪينن جو استعمال ڪيو.شديد شيلنگ بعد مظاهرو ڪندڙ ڇڙ وڇڙ ٿي ويا ۽ پوليس ڪيترن ئي مظاهرين کي گرفتار ڪري ورتو آهي، ،200 کان وڌيڪ ماڻهو زخمي ٿي پيا.مظاهرو ڪندڙن طرفان پٿراءَ ڪرڻ سبب ڪيترائي پوليس اهلڪار زخمي به ٿيا. پاڪستان انسٽيٽيوٽ آف ميڊيڪل سائنسز(پمز) جي ڊاڪٽر الطاف ٻڌايو ته پوليس جي 53 اهلڪارن، ايف سي ٻن اهلڪارن ۽ ڪجهه عام شهرين سميت 168 زخمين کي پمز ۾ داخل ڪيو ويو آهي.خانگي ٽي وي چئنلن جي رپورٽ مطابق صبح جو ساڍي 7 کان شروع ٿيل آپريشن بعد هيل تائين 300 کان وڌيڪ ماڻهن کي گرفتار ڪيو ويو آهي.ضلعي انتظاميه جي ذريعن مطابق فيض آباد انٽرچينج آپريشن سبب هن وقت اختيارين جي ڪنٽرول ۾ آهي،فيض آباد کي ملائيندڙ رستن ۽ گهٽين کي انتظاميه بند ڪري ڇڏيو آهي جڏهن ته گادي واري شهر جي سمورين اسپتالن ۾ ايمرجنسي لاڳو ڪئي وئي آهي،آپريشن شروع ڪرڻ جو حڪم ضلعي ميجسٽريٽ محمد مشتاق ڏنو هو جنهن بعد اٽڪل 800 اهلڪار پنڊال ۾ داخل ٿيا ۽ پوليس طرفان مليل هدايتن موجب آپريشن شروع ڪيو. آپريشن دوران سيڪيورٽي اهلڪارن درجنين مظاهرين کي گرفتار ڪري ورتو جن کي اسلام آباد جي مختلف ٿاڻن ۾ منتقل ڪيو ويو آهي،  انتظاميه طرفان سيف سٽي پروجيڪٽ تحت لڳايل ڪئيمرائن جي مدد سان آپريشن جي مڪمل نگراني ڪئي وئي آهي. جاڙن شهرن کي ملائيندڙ فيض آباد ۾ پوليس ۽ مظاهرين وچ ۾ چڪرين جو سلسلو جاري رهيو، هڪ ٻئي سان اکٻوٽ کيڏندا رهيا، وقفي وقفي سان پوليس ڳوڙها گيس جو استعمال ڪندي رهي، جوابي طور تي مظاهرين پوليس تي شديد پٿراءُ ڪيو. چڪرين جي نتيجي ۾ هڪ اسسٽنٽ ڪمشنر عبدالهادي، ڊي ايس پي ستار شاهه، 4 ايس ايچ اوز، بني گاله جو ايس ايچ او ذوالفقار، آئي نائين جو قاسم نيازي، کنه جو عبدالجبار ۽ نذر قريشي، جوان شديد زخمي ٿيا جڏهن ته لڳ ڀڳ 160 مظاهرين به زخمي ٿيا. زخمين کي فور طور تي جاڙن شهرن جي اسپتالن پمز، پولي ڪلينڪ، هولي فيملي، بي نظير ڀٽو شهيد اسپتال ۽ سول اسپتال ۾ پهچايو ويو . مظاهرين هڪ بڪتر بند گاڏي سميت پوليس جي 5 گاڏين کي باهه ڏئي ساڙي ڇڏيو. پوليس ترجمان مطابق پوليس وڏي صبر ۽ تحمل جو مظاهرو ڪيو پر مظاهرين شديد پٿراءٌ ڪري پوليس اهلڪارن ۽ ايف سي جي جوانن کي شديد زخمي ڪري ڇڏيو.