تازيون خبرون

Daily Archives: November 9, 2017

نواز شريف تي ٻيهر فردم جرم لاڳو، ججز جو بغض ۽ ڪاوڙ فيصلي ۾ سامهون اچي وئي: نواز شريف

اسلام آباد (ويب ڊيسڪ): اڳوڻي وزيراعظم نواز شريف چيو آهي ته انهن کي خبر هئي ته فيصلو انهن جي خلاف ايندو، ڇو ته ججز جو بغض ۽ ڪاوڙ فيصلي ۾ سامهون اچي چڪو آهي، اڳوڻي وزيراعظم نواز شريف تي نيب جي ٽن ريفرنسز ۾ اڄ ٻيهر فرد جرم لاڳو ڪئي وئي، جڏهن ته هن صحت جرم کان انڪار ڪيو، لنڊن فليٽس، العزيزيه اسٽيل ملز ۽ فليگ شپ انويسٽمينٽ ريفرنس ۾ باضابطه طور فرد جرم لاڳو ٿيڻ بعد عدالت کان واپسي تي نواز شريف ميڊيا سان مختصر ڳالهه ٻولهه ڪئي، سندس چوڻ هيو ته مون کي خبر هئي ته فيصلو منهنجي خلاف ايندو، ڇو ته هي جج صاحب بغض سان ڀريا ويٺا آهن ۽ انهن جي ڪاوڙ فيصلي جي لفظن جي صورت ۾ سامهون اچي وئي آهي، اڳوڻي وزيراعظم جو وڌيڪ چوڻ هيو ته جيڪي لفظ استعمال ڪيا ويا، اهي تاريخ جو ڪارو باب بڻجندا، ان کان اڳ فرد جرم جي ڪارروائي دوران نواز شريف جو عدالت ۾ چوڻ هيو ته ان کي فيئر ٽرائل جو حق نه ڏئي ان جي بنيادي حقن کان انڪار ڪيو ويو، اڳوڻي وزيراعظم نيب جي ٽنهي ريفرنسز کي گڏ ڪرڻ جي درخواست ڪئي هئي، جنهن کي عدالت رد ڪري ڇڏيو ۽ نواز شريف تي ضابطو فرد جرم جي ڪارروائي مڪمل ڪرڻ بعد ٻڌڻي 15 نومبر تائين ملتوي ڪري ڇڏي، خيال رهي ته اڳوڻو وزيراعظم نواز شريف اڄ پنجون دفعو احتساب عدالت جي سامهون پيش ٿيو، ان کان اڳ اهو 26 سيپٽمبر، 2 آڪٽوبر، 3 نومبر ۽ 7 نومبر تي ذاتي حيثيت ۾ پيش ٿيو هيو، سپريم ڪورٽ جي پاناما ڪيس بابت 28 جولاءِ جي فيصلي جي روشني ۾ نيب شريف خاندان خلاف 3 ريفرنسز احتساب عدالت ۾ داخل ڪيا هئا، جيڪي ايون فيلڊ پراپرٽيز، العزيزيه اسٽيل ملز ۽ فليگ شپ انويسٽمينٽ بابت هيا، نيب طرفان ايون فيلڊ اپارٽمينٽس ريفرنس ۾ اڳوڻي وزيراعظم نواز شريف ۽ ان جي پٽن حسن ۽ حسين نواز، ڌيءَ مريم نواز ۽ نياڻي ڪيپٽن ريٽائرڊ محمد صفدر کي جوابدار قرار ڏنو ويو، ٻئي طرف العزيزيه اسٽيل ملز جده ۽ 15 آفشور ڪمپنين بابت فليگ شپ انويسٽمينٽ ريفرنس ۾ نواز شريف ۽ ان جي ٻنهي پٽن حسن ۽ حسين نواز کي جوابدار نامزد ڪيو ويو آهي.

 

آصف زرداري نواز شريف سان ملاقات يا سهڪار کي ملڪ دشمني قرار ڏئي ڇڏيو

اسلام آباد (اين اين آءِ) پ پ جي ڪو چيئرمين آصف علي زرداري چيو آهي ته نواز شريف عدالتي فيصلي کي ججن جي ڪاوڙ ۽ بغض ڪوٺي پنهنجو جمهوريت دشمن ايجنڊا پاڻ ئي بي نقاب ڪري ڇڏيو، ۽ اسان جي ان موقف جي تصديق ڪئي ته موجوده حالتن ۾ نواز شريف سان ملاقات يا تعاون جو مقصد ان جي ملڪ دشمن سازش جو حصو بڻجڻ جي برابر آهي، اهڙن خيالن جو اظهار هن اسلام آباد ۾ پارٽي اڳواڻن سان ڳالهائيندي ڪيو، هن چيو ته نواز شريف قوم سان ڊبل گيم ڪري رهيو آهي، هڪ پاسي سندس ڀاءُ ۽ وزير منهنجي خلاف بيان ڏين ٿا، ٻئي پاسي مون سان ملاقات جا پيغام اماڻيا پيا وڃن، قوم ڄاڻي ته منهنجو ايجنڊا سڀني کي معلوم آهي، جمهوريت خلاف ڪنهن سازش جو ڪڏهن به حصو به بڻيو آهيان ۽ نه ئي بڻجندس پر نواز شريف ججن تي حملو ڪري پنهنجو نامعلوم ايجنڊا سڀني جي اڳيان رکي ڇڏيو، عدالت تي حملو آئين تي حملو آهي، آئين تي حملو جمهوريت تي حملو آهي، نواز شريف پنهنجو پاڻ کي قانون ۽ احتساب کان مٿانهون سمجهي ٿو، هن فوج کي پنهنجو غلام بڻائڻ جي ڪوشش ڪئي پر ڪامياب نه ٿيو ته پنهنجي وزيرن کي فوج خلاف متحد ڪري ڇڏيو، پوءِ عدليا کي بليڪ ميل ڪرڻ جي ڪوشش ڪئي، ناڪام ٿيڻ تي ججن تي ذاتي حملا شروع ڪري ڇڏيا، نواز شريف جمهوري نظام ناڪام ڪري سياسي شهيد بڻجڻ چاهي ٿو ۽ ڪجهه عالمي طاقتن جي ايجنڊا کي اڳتي وڌائي رهيو آهي، جلد نواز شريف جي جمهوريت دشمن پاليسين تي هڪ چارج شيٽ جاري ڪنداسين، هن چيو ته هڪ پنهنجا وارنٽ نٿو مڃي، هڪ عدالتي فيصلو مڃڻ لاءِ تيار نه آهي، ٻئي روزانو آئين ۽ قانون جون پٽيون پڙهائيندا رهن ٿا.

 

پاڪستان ۾ دهشتگردن جو ڪوئي ٺڪاڻو موجود ناهي : پاڪ فوج

تهران  (اين اين آءِ) پاڪ فوج جو ترجمان ميجر جنرل آصف غفور چيو آهي ته پاڪستان ۾ دهشتگردن جو ڪوئي ٺڪاڻو موجود ناهي، ڊي جي آئي ايس پي آر ميجر جنرل آصف غفور ايراني ميڊِيا کي دهشتگردي جي خلاف جنگ ۾ پاڪستان جي ڪووششن جي حوالي سان پريس بريفنگ ڏني ، هن  ٻڌايو ته پاڪستان افغانستان ۾ امن جو خواهشمند آهي ۽ ان حوالي سان هر قسم جي قدم جي همايت ڪري ٿو هن چيو ته پاڪستان  امن جي لاءِ پنهنجي سرحد اندر ڀرپور ڪاروايون ڪيون ۽ هن وقت پاڪستان ۾ دهشتگردن جو ٺـڪاڻو ناهي  هن چيو ته داعش افغانستان ۾ پنهنجا پير پختا ڪري رهي آهي. جنهن سبب خطي جي لاءِ وڏو خطرو آهي ۽ شدت پسند تنظيم کي شڪست ڏيڻ جي لاءِ خطي جي سمورن ملڪن کي گڏيل سوچ رکيڻي پوندي، ڊِي جي آئي ايس پي آر ٻڌايو ته آرمي چيف جنرل قمر جاويد باجوا پاڪ ايران سرحد کي دوستي ۽ امن جي سرحد ڪوٺِيو آهي، اسان پنهنجي سرحد ايران سميت ڪنهن به خطي جي لاءِ اسعمال ٿيڻ نه ڏينداسي، ميجر جنرل آصف غفور ايران جي روحاني پيشوا آيت الله اي خامنائي  پاران ڪشمير جي همايت ۾ بيان ڏيڻ تي ان جو  شڪريو  ادا ڪيو  ۽ چيو ته خطي ۾ جٽادار امن  ان وقت تائين ممڪن ناهي جيستائين ڪشمير مسئلي کي گڏيل قومن جي قراردادن جي مطابق حل نه ڪيو ويندو

 

پ پ تڪبندين واري تڪرار کي حڪومت پاران بيوقوف بڻائڻ جي عادت جو نتيجو ڪوٺي ڇڏيو

اسلام آباد (اين اين آءِ) قومي اسيمبلي ۾ مخالف ڌر اڳواڻ خورشيد شاهه تڪبنديون تڪرار کي حڪومت پاران بيوقوف بڻائڻ جي عادت ڪوٺيندي چيو آهي ته آدمشماري جي عبوري نتيجن کي آئين ڪور ڏيڻ کان اڳ سي سي آءِ جي منطوري لازمي آهي، حڪومت آئيني ترميم کان اڳو عمل مڪمل ڪرڻ ۾ وڌيڪ دير نه ڪري، اربع تي پارلياماني اڳواڻن جو اجلاس بنا نتيجي ختم ٿيڻ تي خورشيد شاهه رد عمل جو اظهار ڪندي چيو ته سپريم ڪورٽ جي چوڻ مطابق نواز شريف پارليامينٽ اندر ۽ ٻاهر بيوقوف بڻائيندو رهيو، خورشيد شاهه چيو ته ن ليگ جي حڪومت هاڻ به عوام کي بيوقوف بڻائڻ جي ڪوشش ڪري رهي آڙهي، هن چيو ته تڪبندين کي کڻي حڪومت پنهنجو بار ٻين تي وجهي رهي آهي، خورشيد شاهه چيو ته حڪومت الزام پ پ تي وجهي عوام کي بيوقوف بڻائي رهي آهي، هن چيو ته پ پ پهرين ڏينهن کان ان ڳالهه تي بيٺي آهي ته چونڊون وقت اندر ٿين، هن چيو ته حڪومت سي سي آءِ کان منظوري جو لازمي عمل ڪرڻ بنا معاملو ڪميٽي ۾ کڻي آئي، هن چيو ته ڪميٽي ۾ ٻڌايو ويو ته آئيني ترميم کان اڳ جون سموريون گهرجون مڪمل آهن، هن چيو ته اسان کي ته چيف منسٽر سنڌ ٻڌايو ته سي سي آءِ جي منظوري ٿي نه آهي، هن چيو ته حڪومت آئيني ترميم کان اڳ جو عمل مڪمل ڪرڻ ۾ وڌيڪ دير نه ڪري.

 

سامونڊي فوج ملڪ جي سامونڊي حدن جي بچاءَ لاءِ هر وقت تيار آهي: شاهد خاقان عباسي

اسلام آباد (اين اين آءِ) وزيراعظم شاهد خاقان عباسي سامونڊي سرحدن جي دفاع جي سلسلي ۾ سامونڊي فوج جي پيشور صلاحيتن تي مڪمل اعتماد جو اظهار ڪيو آهي، ان اعتماد جو اظهار هن 8 نومبر 2017 تي نيول هيڊڪوارٽر جي دوري دوران ڪيو، وزيراعظم چيو ته هو ميري ٽائيم سيڪٽر، ان سيڪٽر جي اقتصادي صلاحيت ۽ ان حقيقت کان مڪمل آگاهه آهي ته پاڪستان جي ترقي جي دارومدار ميري ٽائيم جي ڀرپور فعاليت تي آهي، هن وڌيڪ چيو ته اها تقويت جو سبب آهي جو اسان جي سامونڊي ملڪي اثاثن جي حفاظت، ملڪي سامونڊي سرحدن جو دفاع، گوادر بندرگاهه ۽ سي پيڪ کي سامونڊي سيڪيورٽي جي فراهمي لاءِ مڪمل تيار آهي، پاڪستان حڪومت، سامونڊي فوج کي مڪمل تعاون فراهم ڪندي ۽ ان ڳالهه کي يقيني بڻائڻ لاءِ ته سامونڊي فوج هڪ متوازن ۽ موثر سامونڊي طاقت آهي جيڪا مستقبل جي چئلينجز کي منهن ڏيڻ جي صلاحيت رکي ٿي، ان کان اڳ مهمانن کي پاڪستان کي لاحق ميري ٽائيم چيلينجز ۽ ميري ٽائيم سيڪٽر جي ترقي ۽ اضافي شپ يارڊ جي ضرروت تي بريفنگ ڏني وئي، لاڳاپيل وزارتن جا اعليٰ عهديدار بريفنگ ۾ شريڪ ٿيا، نيول هيڊڪوارٽر پهچڻ تي سامونڊي فوج جي سربراهه ايڊمرل ظفر محمود عباسي وزيراعظم جي آجيان ڪئي.

 

اقامي  تي آيل فيصلو عوام قبول نه ڪيو، پاڪستان جي حق ۾ فيصلو عوام ڪندو: مريم اورنگزيب

اسلام آباد(ويب ڊيسڪ)مملڪتي وزير  مريم اورنگزيب چيو آهي ته اقامي تي آيل فيصلو اڄ تائين عوام قبول نه ڪيو آهي. پاڪستان جي حق ۾ فيصلو پاڪستان جو عوام ڪندو.احستاب عدالت ٻاهران صحافين سان ڳالهائيندي چيو ته  نواز شريف پاڪستان کي ايٽمي قوت بڻايو. هو ملڪ جو 3 ڀيرا چونڊيل وزيراعظم آهي پر هو عدالتون ۾ پيش ٿي ڪري احتساب کي منهن ڏئي رهيو آهي.  پر اهي ماڻهو جنهن عدالتن تي حملا ڪيا پارليمنٽ کي گاريون ڏنيون  ملڪ جي آئين کي ٽوڙيو  اهي آزاد گهمي رهيا آهن. انهن پاناماڪيس ۾ سپريم ڪورٽ جي تفصيلي فيصلي تي اظهار خيال ڪندي چيو ته اقامي تي آيل فيصلو اڄ عوام قبول نه ڪيو. پاڪستان جي حص ۾ فيصلو پاڪستان جو عوم ڪندو.

 

سنڌ حڪومت سنڌو درياهه تي گهوٽڪي – ڪنڌڪوٽ پل جي تعمير جي منظوري ڏئي ڇڏي

ڪراچي (8 نومبر2017): سنڌ جي وڏي وزير سيد مراد علي شاهه برطانيا جي وزيراعظم جي پاڪستان ۾ تجارتي سفير ۽ ميمبر پارليامينٽ رحمان چشتيءَ سان تفصيلي ڳالهه ٻول ڪئي ۽ سنڌ ۽ برطنيا وچ ۾ واپار ۽ فني سهڪار ۾ واڌ بابت مختلف مامرن تي خيالن جي ڏي وٺ ڪئي. ملاقات ۾ ڪراچي ۾ برطانيا جي ڊپٽي هاءِ ڪمشنر مس ايلن برنس، چيئرمين پي اينڊ ڊي محمد وسيم، پرنسپل سيڪريٽري سهيل راجپوت شرڪت ڪئي. وڏي وزير چيو ته سندس پاڪستان ۾ برطانيا جي هاءِ ڪمشنر کي درخواست ڪئي آهي ته سکر بئراج جنهن تي سنڌ جي زرعي معيشت جو انحصار آهي جي بحاليءَ لاءِ فني سهڪار ڪري ۽ هن کين يقين ڏياريو هو ته هُو ان فرم جي ڳولها ڪندو جنهن اهو بيراج تعمير ڪيو هو. ان تي رحمان چشتيءَ چيو ته برطانيا جي حڪومت ان تي ڪم ڪري رهيا آهي. دورو ڪندڙ برطانيا جي تجارتي سفير چيو ته برطانيا جي حڪومت مختلف ملڪن سان گڏيل واپار ۾ واڌارو چاهي ٿي. هن چيو ته اسانجي اهم درآمدات ۾ سبزيون، مصالاجات، مرچون وغيره شامل آهن. وڏي وزير چيو ته صوبائي حڪومت زراعت جي واڌاري لاءِ ڪجهه اهم اپاءَ ورتا آهن، هن دورو ڪندڙ سفير کي چيو ته هُو شهر ۾ صنعتڪارن سان ملاقات ڪري ۽ واپار جي واڌاري جي امڪان جو جائزو وٺي. وڏي وزير وڌيڪ چيو ته صوبائي حڪومت جي ڪيٽي بند واري رٿا جي فزيبلٽي بڻائڻ ۾ به سهڪار ڪري. هن چيو ته صوبائي حڪومت هڪ ڪنسوريشم جوڙيو آهي جيڪو فزيبلٽي تيار ڪري رهيو آهي پر ان کي وڌيڪ فني سهڪار جي ضرورت آهي. هن چيو ته ڪيٽي بندر پروجيڪٽ هڪ ڪول جيٽي، پاور پارڪ ۽ صنعتي علائقو آهي. وڏي وزير چيئرمين پي اينڊ ڊي محمد وسيم کي برطانيا جي صنعتڪارن ۽ واپارين سان وڌيڪ رابطن لاءِ فوڪل پرسن نامزد ڪيو.

 

آدم شماري انگ اکرن تي رڳو کلي سگهجي ٿو، اعتبار نٿو ڪري سگهجي: تاج حيدر

اسلام آباد (ويب ڊيسڪ): پيپلز پارٽي سينيٽر تاج حيدر چيو آهي ته انگريز دور ۾ آدمشماري تي ڪڏهن اعتراض ناهي ڪيو ويو، اڄ آدمشماري جا نتيجا تڪراري آهن، هن چيو ته اڄ قوم متفق آهي ته آدم شماري ۾ گڙ ٻڙ ٿي آهي، گهر شماري نتيجن ۾ سنڌ جي آبادي ملڪ جي 31 سيڪڙو کان گهٽ نٿي بڻجي، هن چيو ته گهر شماري جي نتيجن ۾ پنجاب جي ابادي 46 سيڪڙو کان وڌيڪ نٿي بڻجي، لوڪل باڊي اليڪشن 2013 ۾ ڪراچي جي آبادي 2 ڪروڙ 13 لک ٻڌائي وئي، اڄ آدم شماري ۾ ڪراچي جي آبادي 2013 کان 50 لک گهٽ ٿي وئي، سنڌ جي وڏي وزير چيو هيو آدم شماري بلاڪس جا تفصيل شيئر ڪري وٺو، هن چيو ته وڏي وزير کي چيو ويو ته اهو راز جو معاملو آهي، آدم شماري انگ اکرن تي رڳو کلي سگهجي ٿو، اعتبار نٿو ڪري سگهجي، هن چيو ته اسان نادرا جي انگن اکرن تي اعتبار ڪريون يا شماريات ڊويزن تي، اسان واحد آبادي جو رجسٽر ڇو نٿا رکي سگهون، هڪ سٺي ڊيٽا کي خراب ڪرڻ لاءِ 18 ارب رپيا خرچ ڪيا ويا، آبادي جي تفصيلن کي انٽرنيٽ تي ڇو نٿو وجهي سگهجي، آدم شماري جي معاملي کي منجهايو پيو وڃي.

 

ڪرپشن بي نقاب ڪرڻ تي نواز شريف ججن تي حملا ڪري رهيو آهي: عمران خان

چترال/اسلام آباد(ويب ڊيسڪ) پاڪستان تحريڪ انصاف جي چيئرمين عمران خان چيو آيه ته ڪرپشن بي نقاب ڪرڻ تي نواز شريف ججن تي حملا ڪري رهيو آهي. جڏهن ته سماجي رابطن واري ويب سائيٽ ٽوئٽر تي تحريڪ انصاف جي چيئرمين عمران خان چيو آهي ته نواز شريف کي پنهنجي ان حرڪتن تي شرم اچڻ گهرجي. هو ڪرپشن بي نقاب ڪرڻ تي ججن تي حملا ڪري رهيو آهي. عمران خان جو چوڻ آهي ته نواز شريف قوم کان لٽيل ارب رپيا بچائڻ لاءِ رياستي ادارن کي تباهه ڪرڻ جي پويا آهي.

پاڪستان تحريڪ انصاف جي چيئرمين  عمران خان جلسي کي خطاب ڪندي چيو جيڪڏهن بلدياتي نظام صحيح ڪيو وڃي ته عوام جي زندگي آسان ٿي ويندي آهي جڏه نته غريب ماڻهن کي مسئلن مان ڪڍڻ ئي سٺي ليڊر جو ڪم آهي ملڪ جي تاريخ جو بهترين نظام اسان ڏنو ۽ اختيار بلدياتي نمائندن کي ڏنا هن وڌيڪ چيو ته ايندڙ بلدياتي نظام ۾ وڌيڪ تبديليون آڻينداسين ته جيئن عوام جا مسئلا جلد کان جلد حل ٿي سگهن عمران خان مخالفن کي به تنقيد جو نشانو بڻايو هن چيو ته مظلوم شڪل ٺاهي چيو وڃي ٿو ته مون ڇو ڪڍيو جڏهن ته وزيراعظم شاهد خاقان عباسي تي الزام لڳايو ته هن ۹۴ ارب روپيا ليگي ايم اين ايز ۾ ورهايا، پارليامينٽيرينز جو ڪم صرف قانونسازي ڪرڻ آهي پر انهن کي ترقياتي ڪمن تي لڳايو ويو جنهن سان قومي ۽ صوابئي اسميبلين جي اليڪشن مهانگي ٿي وئي عمران خان پنهنجي خطاب ۾ چيو ته پاڪستان جي تباهي ۱۹۸۵ع کان شروع ٿي ۽ ملڪ هاڻ قرضن ۾ ٻڏيو پيو آهي اڄ عوام تي پئسو خرچ ٿيڻ بجاءِ کيسن ۾ پيو وڃي هن وڌيڪ چيو ته اقتدار ۾ اچڻ کانپوءِ اسيمبلي ميمبرن کي پئسا نه ڏنا ويندا جڏهن ته اقتدار کانپوءِ پهرين ايمرجنسي تعليم ۾ لڳائينداسين ڇو ته ننڍي کنڊ ۾ اڄ سڀ کان گهٽ تعليم پاڪستان ۾ آهي ٻئين ايمرجنسي ماحوليات تي لڳائي ويندي ڇو ته ماحوليات جنهن تباهي تي آهي اهڙي ماضي ۾ ڪڏهن به نه هئي.

 

متحده ۽ پي ايس پي جو هڪ ٿيڻ جو فيصلو، ايندڙ چونڊن ۾ هڪ منشور ۽ هڪ پارٽي نالي سان حصو وٺنداسين: فاروق ستار/مصطفيٰ ڪمال

ڪراچي (ويب ڊيسڪ): ايم ڪيو ايم پاڪستان جي سربراهه فاروق ستار چيو آهي ته اڄ اهم واقعو پيش اچي رهيو آهي، اسان جي ڪوشش آهي ته سنڌ ۾ ووٽ جي ورهاست کي بچايو وڃي، پي ايس پي سربراهه مصطفيٰ ڪمال سان گڏ پريس ڪانفرنس ڪندي فاروق ستار چيو ته سنڌ ۽ ڪراچي ڪيترن مسئلن ۾ گهيريل آهن، ميڊيا ۽ پريس ڪلب ميمبرن جا ٿورا مڃا ٿو، اسان کي پاڪستان کي قيادت فراهم ڪرڻي آهي، ڪراچي ۽ صوبي سنڌ جي جماعتن مسئلن کي محسوس ڪيو، متحده ۽ پي ايس کي هڪ ٿيڻ جو فيصلو ڪري ورتو آهي، عدم تشدد ۽ ٽڪراءَ واري پاليسي کي هر حال ۾ ڪامياب ڪيو وڃي، پاڪستان، سنڌ ۽ ڪراچي ڪيترن مسئلن ۾ گهيريل آهن، هن چيو ته فيصلو ڪيو آهي ته ورڪنگ رليشن شپ يا سياسي اتحاد آڻيون، وڏيرن شهري علائقن ۾ به قبضا ڪرڻ جي ڪوشش ڪئي، فيصلو ڪيو آهي ته گڏيل ڪوششون ڪريون، سياسي اتحاد قائم ڪريون، ايندڙ چونڊون هڪ نالي ۽ منشور سان گڏ وڙهنداسين.