تازيون خبرون

Daily Archives: October 31, 2017

متحده پاڪستان نه رهندي، هڪ نئين پارٽي ٺهندي جنهن ۾ سڀ پارٽيون گڏبيون: منظور وساڻ

ڪراچي(ويب ڊيسڪ) واپار ۽ صنعت واري صوبائي وزير خوابن جي شهزادي منظور وساڻ اڳڪٿي ڪندي چيو آهي هاڻ هڪ نئين پارٽي ٺهندي جنهن ۾ ايم ڪيو ايم پاڪستان، پاڪ سر زمين پارٽي ۽ مهاجر قومي موومينٽ سڀ گڏ ٿينديون. تفصيل موجب خوابن جي شهزادي ايم ڪيو ايم اڳواڻ ۽ ڪراچي جي ڊپٽي ميئر ارشد وهرا جي پاڪ سر زمين پارٽي ۾ شموليت بعد ايم ڪيو ايم جي لاهن چاڙهن بابت اڳڪٿي ڪندي چيو آهي ته هڪ نئين پارٽي بڻجندي جنهن ۾ سڀ شامل ٿينديون. هن چيو ته ايم ڪيو ايم پاڪستان نه رهندي، جڏهن ته پاڪ سر زمين پارٽي ۽ حقيقي ختم ٿي وينديون. هن وڌيڪ چيو ته نئين پارٽي جو سربراهه ڪير هوندو اها پوءِ خبر پوندي.

 

ٽي وي تي سفر وارو شو ڪري انجواءِ ڪرڻ چاهيان ٿي: تبو

ممبئي(شوبز نيوز) بالي ووڊ جي خوبصورت اداڪارا تبو ٽي وي اسڪرين تي سفر وارو شو ڪرڻ چاهي ٿي. ڀارتي ميڊيا مطابق تبو ۽ اجي ديوگن جي نئين رليز ٿيل فلم گول مال اگين سپرهٽ ثابت ٿي آهي پر هاڻي اداڪارا ٽي وي جو رخ ڪرڻ جو فيصلو ڪيو آهي. ان حوالي سان تبو چيو آهي ته مون کي مختلف ريئلٽي شوز جون آڇون ٿيون آهن پر اهي مون کي بهتر نه لڳا، آئون سفر وارو شو ڪرڻ چاهيان ٿي، جيئن مختلف ملڪ گهمي انجواءِ ڪري سگهان، مون کي سفر ڪرڻ تمام سٺو لڳندو آهي، انهي ڪري ڏکڻ آمريڪا، آسٽريليا ۽ اتر آفريڪا سميت مختلف جايون ڏسڻ چاهيان ٿي. هن وڌيڪ چيو ته ڪنهن ريئلٽي شو جي ميزبان ٿيڻ بدران جج ٿيڻ پسند ڪنديس، جيئن سٺا ڪپڙا پائي ماڻهن کي پرفارمنس ڪندي ڏسي سگهان، مون کي ڊانس پسند آهي. ياد رهي ته تبو اجي ديوگن ۽ ٻين ڪيترن ئي اداڪارن سان گڏ بهترين فلمون ڏنيون آهن.

 

عامر خان هڪ پرجوش شخصيت آهي ۽ پنهنجي ڪم سان مخلص آهي: زائره وسيم

ممبئي (شوبزنيوز) بالي ووڊ اداڪاره زائره وسيم چيو آهي ته هر ڪو اداڪار عامر خان کي مسٽر پرفيڪشنسٽ چوندو آهي پر منهنجي لاءِ هو مسٽر پيشنيسٽ آهي. ڀارتي ميڊيا موجب اداڪاره زائره وسيم چيو ته هو اداڪاره عامر خان کي پنهنجو دوست سمجهي ٿي، عامر خان هڪ پرجوش شخصيت آهي ۽ پنهنجي ڪم سان مخلص آهي. هر ڪو کيس مسٽر پرفيڪشنسٽ چوندو آهي پر منهنجي لاءِ هو مسٽر پيشنيسٽ آهي. هن چيو ته هو اڃا اداڪاري ۾ پنهنجو طريقيڪار رجسٽر ڪرڻ جي قابل ناهي ٿي پر آئون اداڪاره طور پاڻ کي اڀارڻ جي ڪوشش ڪري رهي آهيان

 

ون ڊي رينڪنگ ۾ پاڪستان جي ڇهين پوزيشن برقرار، ڪوهلي نمبر ون بيٽسمين

دبئي ( اسپورٽس نيوز ) آءِ سي سي ٽيمن ۽ رانديگرن ي نئين ون ڊي رينڪنگ جاري ڪري ڇڏي آهي، پاڪستان جو ڇهين پوزيشن تي قبضو برقرار آهي. آءِ سي سي جي ون ڊي ٽيمن جي رينڪنگ جي ٽاپ ٿري ٽيمن ۾ ڏکڻ آفريڪا جو پهريون نمبر آهي، جڏهن ته ڀارت جو ٻيو 7 آسٽريليا جو ٽيون نمبر آهي. آءِ سي سي جي ون ڊي رينڪنگ جي بيٽسمينن جي رينڪنگ ۾ ڀارتي ڪپتان ورات ڪوهلي پهرين نمبر تي آهي، ڏکڻ آفريڪا جو اي بي ڊيويليئرز ٻي ۽ آسٽريليا جو ڊيوڊ وارنر ٽين نمبر تي آهي. پاڪستان جي بابر اعظم جو چوٿون نمبر آهي. بيٽسمينن جي ٽاپ ٽين ريڪنگ ۾ بابر اعظم کانسوا3 ٻيو ڪو به بيٽسمين شامل نه آهي.  بالرن جي لسٽ ۾ پاڪستاني نوجوان بالر حسن علي پهرين نمبر تي آهي، جڏهن ته ٽاپ 20 لسٽ ۾ حسن علي کانسواءِ ٻيو ڪو به بالر شامل نه آهن. ون ڊي جي آل رائونڊرن ۾ پروفيسر محمد حفيظ بدستور پهرين نمبر تي آهي، جڏهن ته عماد وسيم جو 14 هون نمبر آهي.

 

مدئجي ۾ ٽيپ ٽينس ڪرڪيٽ ٽورنامينٽ جو فائنل، لائينز ڪرڪيٽ ڪلب کٽي ورتو

مدئجي(اسپورٽس نيوز) مدئجي جي شيهد علي حيدرشاهه ڪرڪيٽ اسٽيڊيم ۾ مرحوم امان الله ميراڻي ڪرڪيٽ ڪلب جي ميزباني هيٺ ڪوٺايل ٽئين مرحوم امان الله ميراڻي ٽيپ ٽينس ڪرڪيٽ ٽورنامينٽ جو فائنل ميچ مدئجي لائنز ڪلب ۽ ڀٽائي بي ڪرڪيٽ ڪلب وچ ۾ ٿي گذريو، جنهن ۾ پهريان بيٽنگ ڪندي ڀٽائي بي ڪرڪيٽ ڪلب مقرر ۸ اوورن ۾ ٦۳ رنسون ٺاهيون، جنهن جي جواب ۾ مدئجي لائينز ڪرڪيٽ ڪلب جي رانديگرن بهترين راند جو مظاهرو ڪندي پنجين اوور ۾ چئن وڪيٽن جي نقصان تي گهربل رنسون پوريون ڪري مئچ کٽي ورتو، فائنل مقابلو مدئجي لائينز پاران کٽڻ جي خوشي ۾ رقص ڪيو ويو. جڏهن ته فائنل مقابلي کانپوءِ تقريب جي مهمان خاص آل سنڌ لوڪل گورنمنيٽ ايمپلائيز شاهه لطيف پئنل جي جنرل سيڪريٽري عبدالهادي مرکياڻي، سيد عرفان حيدر شاهه، محمد عيسيٰ عيساڻي ۽ ٻين پاران کٽيندڙ توڙي هارايل ٽيم جي رانديگرن ۾ ونر ٽرافي ۽ رنر ٽرافيون ورهايون ويون. فائنل ميچ ۾ بهترين ڪارڪردگي تي نعيم ميراڻي کي مين آف دي ميچ جو ايوارڊ ڏنو ويو، جڏهن ته ٽورنامينٽ جي بهترين رانديگر جو ايوارڊ منير بروهي ۽ ٽورنامينٽ جي بهترين بالر جو رميز کي ايوارڊ ڏنو ويو. ڄاڻايل ڪرڪيٽ ٽونامينٽ ۾ لاڙڪاڻو ڊويزن جي ۲۴ ٽيمن حصو ورتو. جڏهن ته فائنل ڏسڻ لاءِ اسٽيڊيم ۾ ڪرڪيٽ شائقين وڏي انگ ۾ شرڪت ڪئي. ٽورنامينٽ جي آرگنائيزرن پاران فائنل تقريب ۾ آيل مهمانن ۾ سنڌي ٽوپي ۽ اجرڪ جا تحفا پڻ ورهايا ويا. ۰۰۱

 

شرمين عبيد چناءِ  ۽ سوشل ميڊيا تي هيسائڻ وارو مامرو: صاحب خان ڀٽي

آمريڪي صدر ڊونلڊ ٽرمپ چئي ٿو ته سوشل ميڊيا نه هجي ها ته هو آمريڪا جو صدر نه ٿي سگها ها،  هن اهو بيان ان وقت ڏنو، جڏهن سڄي دنيا ۾ سوشل ميڊيا تي پابنديون لڳائڻ جون تياريون ٿي رهيون آهن، ڪيترن ئي ملڪن ۾ ته سوشل ميڊيا تي رياست مخالف يا پنهنجي حقن بابت آواز اٿاريندڙن کي گرفتار  به ڪيو ويو آهي، پر ان باوجود ماڻهن جو سوشل ميڊيا تي آواز اٿارڻ جو سلسلو بند ٿي سگهيو آهي، ڇاڪاڻ ته اليڪٽرانڪ ميڊيا ۽ پرنٽ ميڊيا تي عوامي حقن جي لاءِ آواز اٿارڻ ۽ عوامي خبرون هلائڻ ايترو آسان نه آهي، ان بابت ناليواري صحافي حامد مير به سنڌ لٽريچر فيسٽيول ۾ چيو هو ته ڪهڙيون خبرون هلائڻون  آهن، ڪهڙيون نه هلائڻون آهن، ان جو فيصلو ٻيو ڪير ڪندو آهي. بهرحال سوشل ميڊيا هن وقت هر هڪ ماڻهو لاءِ هڪ وڏو ۽ مضبوط هٿيار بڻجي چڪو آهي، جتي هو پنهنجي حقن لاءِ آواز اٿاري رهيو آهي. جيڪو ڪجهه ماڻهن کي پسند نه آهي، جنهن سبب پابنديون لڳائڻ  واريون تياريون جاري ۽ ساري آهن.

جيڪڏهن ڏٺو وڃي ته ڪجهه ماڻهو سوشل ميڊيا جو درست استعمال ڪندا آهن ته ڪجهه وري ان جو استعمال صرف وقت گذارڻ لاءِ استعمال ڪندا آهن، مطلب ته سوشل ميڊيا هر هڪ ماڻهو کي مصروف ڪري ڇڏيو آهي ۽ ڪو به ماڻهو واندو ۽ بور نه ٿو ٿي سگهي، پر ڪجهه ماڻهن ته سوشل ميڊيا کي روزگار  جو به ذريعي بڻايو ڇڏيو آهي، جيڪي گهر ويٺي سوشل ميڊيا ذريعي پنهنجو روزگار ڪري رهيا آهن، جتي سوشل ميڊيا ڪيتريون سولايون پيدا ڪيون آهن، اتي وري ڪجهه ڏکيائون به پيش اچي رهيون آهن، جنهن جو مثال “ بلو وهيل گيم” مان به ملي سگهي ٿو، جنهن شخص ان گيم کي ٺاهيو هو، ان جو چوڻ هو ته هن اها گيم ان جي ڪري ٺاهي آهي، جيڪي واندا ماڻهو آهن، سڄو ڏينهن انٽرنيٽ استعمال ڪن ٿا، انهن کي هن دنيا مان ختم ڪري سگهي.  جيڪڏهن اسان فيس بڪ، ٽوئيٽر، واٽس ايپ، گوگل پلس ۽ ٻيون  سوشل ويب سائٽس جي ڳالهه ڪنداسين ته انهن ويب سائٽس سان ماڻهن کي فائدو به ٿي  رهيو  آهي، ڇاڪاڻ ته اڳ رابطو ڪرڻ تمام ڏکيو هو ۽ ڪنهن ماڻهو اهو به نه سوچيو هو ته ڪڏهن هڪ ٻئي جي تصوير  به ڏسي سگهبي پر اڄ سوشل  ميڊيا ذريعي اسان دنيا جي ڪنهن به ڪنڊ ۾ رهندڙ ڪنهن به شخص سان رابطو ڪري سگهون ٿا، ان سان ڳالهائي سگهون ۽ ان شخص  کي ڏسي به سگهون ٿا، مطلب ته سوشل ميڊيا تمام گهڻو فائد مند آهي،

جيڪڏهن اسان فيس بڪ جي ڳالهه ڪنداسين ته ان سوشل ويب سائٽ جا به ڪيترائي فيچرز آهن، جن جي  استعمال سان وقت جي خبر ئي نه پوندي، فيس بڪ ته اسان فلم به ڏسي سگهون، ٿا، گانا به ٻڌي سگهون ٿا، ايتري قدر جو  ڪنهن به پروگرام کي لائيو ڪوريج به ڏئي سگهجي ٿي، هڪ ٻئي سان ويڊيو ڪچهري به ڪري سگهجي ٿي. فيس بڪ ته اسان پنهنجيون تصويرون، ويڊيوز ۽ پنهنجو رڪارد به جمع ڪري سگهون ٿا.  دنيا جي مختلف ملڪن جي ماڻهن سان دوستي به ڪري سگهون ٿا. مطلب ته سوشل ميڊيا جا نقصان جي ڀيٽ ڪيترائي فائدا آهن. پر ڪجهه ڏينهن کان شرمين عبيد چناءِ ۽ سندس ڀيڻ جو مامرو سوشل ميڊيا تي باهه جيان ڀڙڪي اٿيو آهي، هر طرف سوشل ميڊيا تي جنسي طور هيسائڻ وارو معاملو هلي رهيو آهي، سوشل ميڊيا استعمال ڪندڙ جيڪي به ماڻهو آهن، انهن مان گهڻو انگ شرمين عبيد تي سخت تنقيد ڪري رهيو آهي، ڇاڪاڻ ته شرمين عبيد ٽوئيٽر تي هڪ پوسٽ ڪئي، جنهن ۾ هن لکيو ته پاڪستان ۾ جنسي طور هيسائڻ جي ڪا به حد نه آهي، ايتري قدر جو ٻه ڀيرا آڪسر ايوار ماڻيندڙ عبيد شرمين چناءِ پنهنجي ٽوئٽ ۾ اهو به چيو ته فيس بڪ تي “ فرينڊ رڪيسٽ ” موڪلڻ به  جنسي طو هيسائڻ جي برابر آهي. هن اها پوسٽ ان ڪري شيئر ڪئي جو سندس ڀيڻ کي ڪنهن ڊاڪٽر فيس بڪ تي فرينڊ رڪيسٽ موڪلي جيڪا ڳالهه کيس پسند نه آئي ۽ هن ڪاوڙ ۾ اچي اسپتال انتظاميا کي شڪايت ڪئي، جنهن کانپوءِ ان اسپتال جي انتظاميا دير ئي نه ڪئي ۽ خبرون آهن ته ان ڊاڪٽر کي اسپتال انتظاميا نوڪري مان برطرف ڪري ڇڏيو، جيڪڏهن شرمين عبيد  چناءِ جي جاءِ تي ڪا ٻي عورت هجي ها ته فرينڊ رڪيسٽ موڪلڻ واري شڪايت تي ڪنهن جي به نوڪري نه وڃي ها.

جيئن ته شرمين عبيد هن ملڪ جي مظلوم عورتن تي فلمون ٺاهي آڪسر ايوارڊ ماڻيا آهن ۽ سندس نالو ڏيهه توڙي پرڏيهه ۾ مشهو آهي، ان جي ڪري اسپتال انتظاميا سوچيو هوندو ته ان عورت جا تعلق دنيا ۾ الائي ڪٿي ڪٿي هوندا، متان اسپتال ئي کي تالو لڳي وڃي، ان کان سٺو آهي ته ڊاڪٽر کي نوڪري تان ڪڍي ڇڏجي ته بهتر آهي. هن وقت سوشل ميڊيا تي ڊاڪٽر ۽ شرمين عبيد جي ٽوئيٽ تي ئي بحث هلي رهيو آهي ۽ سمورا ماڻهو ڊاڪٽر جي سپورٽ ڪري رهيا آهن. جيتوڻيڪ شرمين عبيد هڪ عورتن لاءِ آواز اٿاريندڙ شخصيت آهي پر ان باوجود سوشل ميڊيا تي عورتون به سندس ٽوئيٽ جي مخالفت ڪري رهيون آهن، ڇاڪاڻ ته سوشل ميڊيا جو مطلب ئي اهو ئي  هوندو آهي  ته ماڻهو دنيا  جي مختلف ملڪن سان رابطا وڌائي، جيڪڏهن ڪنهن بئي سان رابطو ناهي رکڻو ته پوءِ آخر ڪهڙي ضرورت آهي سوشل ميڊيا تي اچڻ جي، خاموشي پنهنجو ڪم ڪار ڪيو وڃي.

بهرحال اڄ جي جديد دور موبائل فون هڪ ننڍڙو ڪمپيوٽر بڻجي ويو آهي، جنهن کي اسين ويڊيو، آڊيو ۽ انٽرنيٽ فون ڪالز جي لاءِ استعمال ڪري سگهون ٿا ۽ اڄ جي جديد موبائل فونز ۾  اهڙو سسٽم آهي جو جيڪو به  اوهان کي هڪ ڀيرو ڪال ڪري يا وري مس ڪال ڏئي ته ان نمبر تي ٺهيل واٽس ايپ، فيس بڪ اڪائونٽ ۽ٽوئيٽر اڪائونٽ ظاهر ٿي پوندو آهي ۽ اسان آساني سان ان کي سڃاڻي ويندا آهيون ۽ ان کي فرينڊ رڪيسٽ موڪلي سگهون ٿا يا ان کي فالو ڪري سگهون ٿا. جيئن ته شرمين عبيد ترقي يافته ملڪن ۾ رهي ٿي ۽ پرڏيهه ۾ پاڪستان جي مظلوم عورتن تي ٿيندڙ ظلم جون فلمون ٺاهي ناڻو ڪمائي رهي آهي، جنهن سبب کيس هر هڪ آزاد خيال ۽ عورتن جي حقن لاءِ جاکوڙ ڪندڙ عورت سمجهندا هئا پر جڏهن هن پنهنجي ڀيڻ بابت جيڪا سوشل ميڊيا تي پوسٽ شير ڪئي، تنهن کان پوءِ سندس اصليت دنيا آڏو اچي وئي آهي، ڇاڪاڻ  ته هو چاهي ٿي ته سوشل ميڊيا تي ڪو به مرد عورت سان دوستي نه ڪري ۽ نه ئي وري ڪا عورت مرد کي پنهنجو دوست بڻائي،

جيڪڏهن شرمين عبيد کي هڪ مرد پاران عورت کي فيس بڪ فرينڊ رڪيسٽ موڪلڻ جنسي طور هيسائڻ لڳي ٿو ته پوءِ سندس ويڊيوز جيڪي انٽرنيٽ تي گردش ڪري رهيون آهن، اهي جنسي طور هيسائڻ نه آهن، بهرحال سوشل ميڊيا تي کيس هڪ شخص تمام سٺو جواب  ڏيندي چيو آهي ته شرمميل عبيد جو خيال آهي ته پاڪستان ۾ جنسي طور هيسائڻ جي ڪا به حد نه آهي، جيڪڏهن واقعي ايئن آهي ته هوءَ هن ملڪ اچي رات جو يانهن کان 12 وڳي تائين روڊن رستن تي گهمي سگهي ٿي، کيس سڀ ڪجهه خبر پئجي ويندي، جيڪڏهن شرمين عبيد واقعي ايڏي بهادر آهي ته هوءَ نيويارڪ جي روڊن تي رات جو اٺين يا نائين وڳي روڊن تي اڪيلي گهمي ڏيکاري ته کيس خبر پئجي ويندي ته جنسي طور هيسائڻ جي زيرو حد ڪٿي آهي؟

شرمين عبيد چناءِ هڪ ڊاڪٽر جي نوڪري وڃائڻ سان گڏ سوشل ميڊيا  کي تڪراري بڻائڻ جي ڪوشش ڪئي آهي. پاڻ سوشل ميڊيا تي هزارين فرينڊ ايڊ ڪري ويٺي آهي، ٽوئيٽر تي به سندس هزارين فالو ورس آهن، پر ان باوجود شرمين عبيد چناءِ جو اهو چوڻ ته فيس بڪ تي هڪ مرد پاران فرينڊ رڪيسٽ موڪلڻ غلط آهي ته پوءِ جيڪي عورتون فرينڊ رڪيسٽ موڪلينديون آهن، اهي ڇا آهن، ڇا اسان به عبيد شرمين چناءِ  وانگر انهن تي اهو ئي الزام لڳايون، مون کي ته افسوس ٿو ٿي ته پرڏيهه ۾ رهندڙ ۽ آزاد خيال جي عورت هڪ ننڍڙي ذهنيت جي مالڪ به ٿي سگهي ٿي، اهڙي عورت کي مظلوم عورتن جي حقن جي باري ۾ ڪهڙي خبر هوندي جيڪي انهن مظلوم عورتن تي ٿيندڙ ظلم کي پنهنجو ڪاروبار سمجهنديون هجن.

بهرحال اهو معاملو اتي ختم نه ٿيندو، هن وقت سوشل ميڊيا تي شرمين عببد چناءِ جي اصليت سڀني جي سامهون اچي چڪي آهي، جيڪا عورت ٻين عورتن کي حق وٺي ڏيڻ لاءِ  جدوجهد ڪرڻ جي دعويٰ ڪندي آهي، ان جي سوچ بس ايتري آهي ته جيڪڏهن ڪو فيس بڪ تي فرينڊ رڪيسٽ موڪلي ته اهو به جنسي طور هيسائڻ جي برابر آهي، هاڻ ناليواري آڪسر ايوارڊ يافته شرمين عبيد کي گهرجي ته فيس بڪ استعمال ڪرڻ لاءِ  پنهنجي ڀيڻ کي ڪو استاد مقرر ڪري ته جيئن اهو استاد سندس ڀيڻ کي سيکاري ته فيس بڪ ۾ ڪيترئي اپشن آهن، جن استعمال سان نه ته ڪو اوهان کي آساني سان فيس بڪ تي ڳولي سگهي ٿو نه ئي وري اوهان کي اوهان جي اجازت کانسواءِ فرينڊ رڪيسٽ موڪلي سگهي ٿو، ايتري قدر جو جيستائڻ فيس بڪ استعمال ڪندڙ شخص پاڻ اجازت نه ٿو ڏئي ڪو ماڻهو تصوير به ٽيگ نٿو ڪري سگهي. ان کان علاه ٻيا به کوڙ سارا اپشن آهن، جيڪي استعمال ڪري سگهجن ٿا پر الائي ڇو  آڪسر ايوارڊ يافته شرمين عبيد ۽ سندس ڀيڻ کي خبر نه هئي.

sahibalisindhi@gmail.com

 

 ڇا آءِ جي سنڌ  کي هٽائڻ وارو فيصلو درست آهي..!!: غلام مصطفيٰ جمالي

سنڌ سرڪار هاءِ ڪورٽ جي فيصلي کان  آءِ جي سنڌ اي ڊي خواجا هٽائڻ جو فيصلو ڪري روتو آهي ،جڏهن ته اي ڊي خواجه جي جاءِ تي 20گريڊ جي پي ايس پي آفيسر عبدالمجيد دستي کي نئون آءِ جي سنڌ مقرر ڪرڻ جو اعلان ڪيو ويو آهي.آءِ سنڌ اي ڊي خواجه کي انهي موقت ذريعي هٽايو پيو وڃي ته سنڌ اندر 20گريڊ جي پي ايس پي آفسير موجود آهي انڪري اي خواجه کي پنهنجي سيٽ تي نه ويهڻ گهرجي بلڪه انهي آفيسر کي ويهڻ گهرجي جيڪو 20گريڊ جو آفيسر آهي.آءِ سنڌ کي هٽائڻ ۽ نئون آءِ جي سنڌ مقرر ڪرڻ لاءِ ڇنڇر جي ڏينهن هڪ سنڌ ڪابينا جو اجلاس  ڪوٺائي ويو هوجڏهن ته چيف سيڪٽري ڪالهه آءِ جي سنڌ اي ڊي خواجه کي پنهنجي عهدي تان هٽائڻ جو نوٽِيفڪيشن پڻ جاري ڪري ڇڏيو آهي،انهي نوٽيس اندر اي ڊي خواجه کي ڄاڻايو ويو آهي ته تي سنڌ اندر 20گريڊ جو آفيسر موجود آهي انڪري کيس انهي عهدي تان هٽائي ڪري ان جي جاءِ تي عبدالمجيد دستي کي آءِ سنڌ مقرر ڪيو ويندو.

اهو به هن وقت هڪ  تاثر عام آهي ته هڪ سنئير آفسير جي موجودگي ۾ ان جي جاءِ تي هڪ جوئينر آفسير ڪم نه ٿو ڪري سگهي.ڇو ته اها به هڪ ڳالهه اهم آهي ته هن وقت 20 گريڊ وارو آفيسر عبدالمجيد دستي سنڌ جي موجوده آءِ سنڌ جي سيئنر آهي انڪري آءِ سنڌ جو عهدو ان وٽ هجڻ گهرجي.برحال اها به هڪ حقيقت آهي ته پاڪستان پيپلزپارٽي ڪيتري عرصي کان وٺي آءِ جي سنڌ کي هٽائڻ لاءِ ڪوششون ڪري رهي هئي پر وٺس ڪو اهڙو جواز نه هو جنهن جي ڪري هو آءِ سنڌ کي هٽائي سگهي پر هاڻ مان سمجهان ٿو ته سنڌ حڪومت وٽ هڪ تمام گهڻو سخت جواز موجود آهي جنهن جي ڪري شايد سنڌ جي آءِ جي اي ڊي خواجه کي هٽايو وڃي.

سنڌ جي آءِ جي هٽائڻ جا وقت جيڪي سامهون آيا آهن ، تن جو تعلق نه ته سنڌ جي مفادن سان آهي نه وري ميرٽ ۽ صوبي جي ترقي پر ذاتي رنجش، پسند، ناپسند ۽ ڊڪٽيشن وٺڻ کان ڪَنَ بند ڪري  ڇڏڻ ئي اهي سبب آهن، جن جي ڪري کين هٽائڻ جو سوچيو ويو آهي، پهرين جڏهن سنڌ جي آءِ جي غلام حيدرجمالي کي هٽائي ڪري ان جي جاءِ جي اي ڊي خواجه کي مقرر ڪيو ويو هو ته ان وقت سموري جي سنڌ جي عوام اي ڊي خواجه ، جي آجيان ڪئي هئي، ته اي ڊي خواجا جو شمار ايماندار ۽ فرض شناس آفيسرن ٿئي ٿو، تنهن ڪري اهڙي پوليس عملدار جي سنڌ جي آءِ  جي طور مقرري سنڌ طرفان آجيان ڪرڻ هڪ فطري عمل هو، ٻن قسمتيءَ سان سنڌ ۾ پنهنجن توڙي پراون حڪمرانن هميشه امپورٽيد ۽ ” جي حضوري“ وارو واٽ تي هلندڙ عملدارن کي پئي سنڌ ۾ ادارن جو سربراهه مقرر ڪرڻ جي روايت ئي رهي آهي، سو اتي ورهين کانپوءِ ۽ سٺي ساک رکندڙ آفيسر جي آءِ جي سنڌ طور مقرري يقيني طور آجيان جوڳو قدم هو، جنهن جي سماج جي هر طبقي آجيان ڪئي  هئي ۽ ان کي حڪومت جو سٺو قدم قرار ڏنو هو سنڌ ۾ ڏهاڪن کانپوءِ جيئن ته هي ٽيئي مقرريون ميرٽ تي ٿيون هيون، جنهن جو نتيجو وري اهو نڪتو جو سنڌ ۾ سٺي حڪمراني جا بنياد پٽجي رهيا هئا، ان ڏس ۾ سنڌ جي نوجوان وڏي وزير سيد مراد علي شاهه جي محرڪ ڪرادر کي به نظر انداز نه ٿو ڪري سگهجي، پر سنڌ ۾سنڌ سرڪار بابت جيڪو ها ڪاري تصور جڙڻ شروع ٿيو آهي ، تنهن جو ڪريڊٽ هڪ عهدو نه پر پوري ٽيم ڏانهن وڃي ٿو.

سنڌ سرڪار پنهنجي عام ڪم کي بهتر بنائڻ لاءَءِ ڪنهن جاءِ تي ڪنهن کي مقررڪجي، اهو اختيار رکي ٿي پر هن مرحلي تي جڏهن سرڪار جو ناڪاري تصور جڙڻ ڏانهن وڃي رهيو آهي، ان وقت سٺي ساک رکندڙ ۽ فرضن شناس عملدارن کي اهم عهدن تان هٽائڻ پنهنجي ڪئي ڪمائي تي پاڻ ڦيرڻ ۽ پنهنجي پيرن تي پاڻ ڪهاڙو هڻڻ هوندو ڪو به سماج ان وقت تائين نه ترقي ڪري سگهي ٿو نه ئي  وري ادار پنهنجي پيرن تي بيهي يا مضبوط ٿي سگهن ٿا، جيستائين ميرٽ کي محترم نه ٿو سمجهيو وڃي ، پنهنجا نوازي اقربا پروي، ميرٽ جي لتاڙ ۽ چِٺي ڪلچر ته سنڌ کي هن بند تي پڄايو آهي جو سڄو صوبو مهين جي دڙي جو  ڏيک ڏئي رهيو آهي، سنڌ سرڪار خاص ڪري سنڌ جي حڪمران جماعت کي نااهل هئُڻ جي طعنن ۽ ٺٺولن کي مُنهن ڏيڻو پئجي رهيو آهي، بهتر سنڌ جيئن ته ميرٽ سان ئي تعمير ڪري سگهجي ٿي، آهي تنهنڪري بهتر ٿيندو ته سنڌ کي پسند ۽ ناپسند جي روين جي لتن هيٺيان لقاڙڻ کان پاسو ڪيو وڃي ته جيئن سنڌ ۾ جيڪو امن قائم ٿيو آهي، ميرٽ تي نوڪريون ملڻ جو جيڪو آسرو ۽ اميد پيدا ٿي آهي، ترقيا تي ڪمن جي جيڪا شروعات ٿي رهي آهي، سار ڪجڻ بدرا اڳتي وڌي سگهي،.پٺتي پيل سماجن ۾ ڪرپشن، جهالت، ڏاڍ مڙسي ۽ جاگيرداراڻي نظام جو ايترو داٻو رهندو آيو آهي جو ماڻهن جي سوچ ئي غلاماڻي ٿي وئي آهي. اها سوچ سندن هر پهلوءَ مان پاڻ پسائي ٿي. اهو سڄو معاملو نفسياتي طور تي عوامي زندگيءَ ۾ ايترو حاوي آهي جو ماڻهو پنهنجو پاڻ کي احتجاجي معاملن کان لاتعلق رکڻ ۾ ئي پنهنجي ڀلائي سمجهندا آهن. اها بي پرواهي ۽ اها غير ذميواري ئي سماج جا لاهه ڪڍي ڇڏيندي آهي. سماج جي اصلاح، ترقي ۽ خوشحالي جو تعلق ئي متحرڪ عوام سان هوندو آهي. جڏهن ماڻهو پنهنجي بنيادي انساني حقن کان غافل هجن ۽ ذميوار رياستي ادارن توڙي سياسي پارٽين ۽ حڪمرانن کان ڪنهن پڇاڻي جو ارادو نه رکندا هجن ته تباهيون ۽ برباديون ته اڻٽر ٿي ئي پون ٿيون پر کلي عام بدعنوانين جا دڳ به نڪري نروار ٿي پوندا آهن.

ان ۾ ڪو شڪ ناهي ته اي ڊي خواجه فرشتو ناهي، اي ڊي خواجه سنڌ پوليس ۾ توقع موجب ڪو انقلاب آڻي نه سگهيو آهي، اي ڊي خواجه نه ٿاڻا ڪلچر بدلائي سگهيو نه ئي هاف فراءِ ۽ فل فراءِ وارا ڊراما بند ڪرائي سگهيو، نه فضيلا سرڪي موٽي نه ئي سنڌ يونيورسٽيءَ جي شاگردياڻي نورين جو ڪو پتو پيو.ڪرپشن، ڏاڍ مڙسي ۽ لاپرواهي سنڌ پوليس ۾ جنهن آب تاب سان اي ڊي خواجه کان اڳ هئي، اها ساڳي تسلسل سان برقرار رهي، پر ان جي باوجود اي ڊي خواجه ۾ ايتري جرئت هئي جو هو حڪمرانن جي آڏو بنا ڪنهن خوف جي اهو چئي سگهندو ته سنڌ پوليس کان چونڊن کٽرائڻ وارو ۽ ماڻهن کي محڪوم ڪرڻ وارو ڪم نه وٺو، پر ان کي عوامي خدمتن لاءِ ڪتب آڻيو. اي ڊي خواجه هاف فراءِ ۽ فل فراءِ جي شديد لفظن ۾ مذمت ڪندو رهيو آهي. اي ڊي خواجه پنهنجي وس ۽ وت آهر جيتوڻيڪ عملي طور تي به پردي پويان گهڻو ئي متحرڪ رهيو آهي پر هن جيڪي ”واڪا“ ڪيا آهن سا به ڪا ننڍڙي ڳالهه نه آهي.

 

پاڪستان ۾ عالمي ڪرڪيٽ جي واپسي….!

قومي ڪرڪيٽ ٽيم سريلنڪا کي 36 رنسن تان شڪست ڏئي ٽي ٽوئنٽي سيريز ۾ 0-3 تان وائيٽ واش ڪري ورتو آهي. سريلنڪن ڪرڪيٽ ٽيم پاڪستان خلاف لاهور ۾ کيڏيل آخري ٽي ٽوئنٽي ميچ ۾ ٽاس کٽي پهريان فيلڊنگ جو فيصلو ڪيو ۽ دعوت ملڻ کانپوءِ پهريان بيٽنگ ڪندي گرين شرٽس مقرر اوورن ۾ ٽن وڪيٽن جي نقصان تي 180 رنسون ٺاهيون. پاڪستان طرفان شعيب ملڪ بهترين بيٽنگ جو مظاهرو ڪندي 24 بالن تي 51 رنسن جي شاندار اننگز کيڏي، جڏهن ته ٻين رانديگرن ۾ عمر امين 45، فخر زمان 31، بابر اعظم 34 ۽ فهيم اشرف 13 رنسون ٺاهيون. سريلنڪا طرفان سنجايا، مناويرا ۽ اوڊانا هڪ – هڪ وڪيٽ ورتي. جواب ۾ سريلنڪن ٽيم مقرر اوورن ۾ 9 وڪيٽن جي نقصان تي 144 رنسون ٺاهي سگهي. سريلنڪا طرفان شناڪا 54 رنسن جي شاندار اننگز کيڏي، ٻين رانديگرن ۾ چتورنگا 21، پراسنا 16، پٿيرانا 14 ۽ ڪپتان ٿسارا پريرا 10 رنسون ٺاهي اڳڀرا رهيا. پاڪستان طرفان محمد عامر 4، فهيم اشرف 2، جڏهن ته عماد وسيم، محمد حفيظ ۽ حسن علي هڪ – هڪ وڪيٽ ورتي. قومي ٽيم سريلنڪا کي ٽي ٽوئنٽي سيريز ۾ 0-3 تان ڪلين سوئيپ ڪري ورتو آهي.

پي سي بي چيئرمين ايندڙ سال ايشيا ڪپ پاڪستان ۾ ڪرائڻ جو اعلان ڪري ڇڏيو آهي،  سريلنڪا جي ڪرڪيٽ بورڊ جي عملدارن سان گڏ پريس ڪانفرنس ڪندي پي سي بي چيئرمين نجم سيٺي جو چوڻ هو ته 8 سال اڳ ڪرڪيٽ جتان ختم ٿي، واپس به اتان ئي شروع ٿي آهي، ايندڙ سال اپريل مهيني ۾ ٿيندڙ ايشيا ڪپ به پاڪستان ۾ ئي ٿيندو،  پاڪستان ۾ ڪرڪيٽ جو تاريخي ڏينهن سريلنڪن ڪرڪيٽ بورڊ جي بهادري سبب ڏسي رهيا آهيون، سريلنڪا جي پاڪستان ۾ موجودگي اسان لاءِ خوشي جي ڳالهه آهي، سريلنڪن ڪرڪيٽ بورڊ ۽ رانديگرن جو ٿورائتو آهيان، لاهور ۾ ايشين ڪرڪيٽ ڪائونسل جو اجلاس ٿيو آهي، ايندڙ سال اپريل جي مهيني ۾ ايمرجنگ ايشيا ڪپ پاڪستان ۾ ٿيندو، ٽورنامينٽ ۾ پاڪستان، ڀارت، سريلنڪا، بنگلاديش ۽ افغانستان جون ٽيمون حصو وٺنديون، جڏهن ته ڇهين ٽيم ڪوليفائنگ رائونڊ کيڏڻ بعد حصو وٺندي، جيڪا ڪرڪيٽ جي شوقينن لاءِ وڏي خوشخبري آهي.