تازيون خبرون

Daily Archives: October 25, 2017

عتيق الرحمان منهنجو مڙس نه پر ڪوڙو انسان آهي، نڪاح نامو  رد ڪيو وڃي: ميرا

لاهور(شوبز نيوز) اداڪارا ميرا جي تڪذيب نڪاح ڪيس جي فيملي ڪورٽ ۾ ٻڌڻي جڏهن ته لولي ووڊ اداڪارا پنهنجو بيان ريڪارڊ ڪرائي ڇڏيو آهي. تفصيل موجب فيملي ڪورٽ ۾ اداڪارا ميرا جي تڪذيب نڪاح ڪيس جي ٻڌڻي ٿي ته اداڪارا بيان ريڪارڊ ڪرائيندي چيو ته عتيق الرحمان منهنجو مڙس نه پر ڪوڙو انسان آهي، مان ان سان نڪاح ناهي ڪيو، عتيق الرحمان جيڪو نڪاح نامو پيش ڪيو اهو جعلي آهي ۽ ڪنهن يونين ڪونسل نڪاح نامي جي تصديق ناهي ڪئي، هن جو چوڻ هو ته عتيق الرحمان جو پيش ڪيل نڪاح نامو رد ڪيو وڃي ۽ ان ڪي روڪيو وڃي ته مونکي زال نه چوي، اداڪارا ميرا پنهنجو بيان ريڪارڊ ڪرائڻ کان پوءِ پيپر تي صحيح ڪئي.

 

اسان جو هر دور ايندڙ ڏينهن کان وڌيڪ خراب رهيو : انور مقصود

ڪراچي (شوبز نيوز)ناليواري ڊرامه نگار انورمقصود  چيو آهي ته پاڪستان جي تاريخ ۾ 13 اگسٽ 1947 اسان جو سڀ کان بهترين ڏينهن هيو، پر 14 اگست کان پوءِ هر ايندڙ ڏينهن گذريل ڏينهن کان وڌيڪ خراب رهيو آهي. ڪراچي آرٽس ڪائونسل آف پاڪستان ۾ ساجد حسن جو  لکيل ڊرامون “هوا ڪڇ يون”  جي ميڊيا  بريفنگ جي دوران صحافين سان ڳالهائندي  ناليواري ڊراما نگار انور مقصود  جو چوڻ هيو ته “هوا ڪچ يو”  منهنجو لکيل ڊرامون ناهي، هي ساجد حسن لکيو آهي،  ان جو نالو نه مان تجويز ڪيو ۽ نه ئي ساجد حسن ڏنو آهي.  هي داور جو ڏنل نالو آهي، ان  ڪهاڻي ۾ پاڪستان ۽ ڀارت جي الڳ ٿيڻ کان پهريان ۽ پوءِ  جي هڪ رومانوي داستان کي بيان ڪيو ويو آهي، هن چيو ته پاڪستان جي تاريخ ۾ 13 اگسٽ 1947جو سڀ کان بهترين ڏينهن هيو. 14 اگست کان پوءِ هر ايندڙ ڏينهن گذريل ڏينهن کان وڌيڪ خراب رهيو آهي. ساجد حسن چيو ته مان سمجھندو هيس ته ڊرامون لکڻ آسان آهي  پر هن ڊرامي کي لکڻ ۾ مونکي چار سال لڳي ويا آهن، ۽ مونکي احساس ٿيو ته ڊرامون  لکڻ ڪيترو ڏکيو آهي. داور محمود چيو  ته اسٽيج هڪ ايڪٽر جو ميڊيم آهي، جيڪڏهن موومينٽ سٺِي ناهي پر ايڪٽر سٺا ۽ سڌا سڌا جملا ڳالهائي وڃي ٿو ته اهو هڪ سٺو ايڪٽر آهي. واضع رهي ته “هوا ڪڇ يو”  22 نومبر کان پشاور ۾ پيش ڪيو ويندو ۽ مارچ ۾ ڪراچي آرٽس ڪائونسل ۾ ڏيکاريو ويندو.

 

سري لنڪا ڪرڪيٽ ٽيم جو پاڪستان جو دورو، سيڪورٽي اختيارين جو ڪنهن به خطري کي منهن ڏيڻ کان جواب

لاهور(اسپورٽس نيوز)پاڪستان سيڪورٽي اختيار ڪنهن به خطري کي منهن ڏيڻ لاءِ تيار ناهن ان لاءِ سري لنڪا ٽيم ٽي20 ميچ کيڏي وطن واپس ٿيندي.سري لنڪ ڪرڪيٽ ٽيم پاڪستان خلاف ميچ کان ڪجهه ڪلاڪ پهريان لاهور پهنچندي.مهمان ٽيم لاهور اچڻ کان پوءِ پوءِ قزافي اسٽيديم ۾ ٽي ٽوئنٽي انٽرنيشنل ميچ کيڏندي ۽ ميچ کيڏڻ کان پوءِ وطن واپس رواني ٿيندي.لاهور ۾ مهمان ٽيم جي ميچ کان پهريان پريس ڪانفرنس رکي وئي آهي.جڏهن ته پاڪستان ۽ سري لنڪا وچ ۾ ابوظهبي جي شيخ ريد اسٽيديم ۾3 ميچن تي ٻڌل سيريز جي ٻي ميچ جمعي تي کيڏي ويندي.ذريعن موجب پاڪستان ۽ سريلنڪا جي ميچ ڏسڻ لاءِ آئي سي سي جنرل ميجر ڪرڪيٽ جيف ايلڊيزاڊ، ٻه ٻيا آفيسر ۽ هڪ اينٽي ڪرپشن آفيسر به لاهور  ميچ ڏسڻ لاءِ پڻ پهچندا.

 

ڪابه راند حڪومتي ۽ اسپانسر سرپرستيءَ کانسواءِ ترقي نٿي ڪري سگهي: مدثر آرائين

اسلام آباد(اسپورٽس نيوز) پاڪستان نيٽ بال فيڊريشن جي صدر مدثر آرائين چيو آهي ته ملڪ ۾ ڪابه راند حڪومتي ۽ اسپانسر جي سرپرستيءَ کان سواءِ ترقي نٿي وٺي سگهي. حڪومت ٻين راندين وانگر نيٽ بال جي راند تي پڻ ڌيان ڏي. صحافين سان ڳالهائيندي هن چيو ته ملڪ ۾ نيٽ بال جو گهڻو ٽيلنٽ موجود آهي. ضرورت ان ڳالهه جي آهي ته ڪرڪيٽ وانگر ٻين راندين تي پڻ اسپانسر ڌيان ڏيڻ شروع ڪن ته اهي رانديون پڻ انٽرنيشنل سطح تي ملڪ جو نالو روشن ڪري سگهن.

 

ٽلرسن ۽ سشمتا جي الزام تراشي ۽ پاڪستان ..!!: غلام مصطفيٰ جمالي

آمريڪا جو وزيرخارجه (ريڪس ٽلرسن)ڪالهه پاڪستان ۾ چار ڪلاڪ جي دوري تي پاڪستان آيو ۽ پراڻي آمريڪي پالسي تحت چاپلوسي واري زبان مان ڊي مور جو بهاشن ڏيندي پاڪستان مان ڀارت روزانو ٿي ويو جتي هو دهلي اندر ٽي ڏينهن رهندو.

آمريڪا جي وزيرخارجه ريڪس ٽلرسن جئين پاڪستان ۾ انڊيا پهتو ته نه رڳو سندس تيور تبديل ٿيا پر مون پاڪستان مٿان مسلسل الزام بازيون لڳائيندو رهيو.انڊيا جي سشمتا سوراج ۽ آمريڪي وزيرخارجه ميڊيا کي بريفنگ ڏيندي چئي رهيا هئا ته پاڪستان اندر دهشتگردن جا مظبوط ٺڪاڻا آهن.انهي ڪانفرس اندر نه رڳو آمريڪا جي وزيرخارجه پاڪستان تي الزام لڳايا پر آمريڪا جي وزيرخارجه ريڪس ٽلرسن به پاڪستان خلاف خوف ڀڀڪيون ڏينون.جنهن ڳالهه مان صاف ظاهر آهي ته ڀارت جا ارادا پاڪستان لاءِ ناپاڪ آهن ۽ آمريڪي پاليسي ۽ آمريڪي حڪومتي سوچ به پاڪستان لاءِ تمام گهڻي خطرناڪ حد تائين صورتحال پيدا ڪري سگهي ٿي.آمريڪا بار کان ڊور مور جو مطالبو ڪري رهيو آهي جڏهن ته پاڪستان پنهنجي ملڪ اندر دهشتگردن خلاف هڪ وڏي جنگ وڙهي انهن جو خاتمو آندو آهي.پر آمريڪا جي اها سوچ يقيني پاڪستان لاءِ هڪ وڏو چئلنج آهي.جنهن جي اصل ڪڙي سي پيڪ منصوبو ئي آهي جيڪو ڀارت توڙي آمريڪا کي هضم نه پيو ٿي.

آمريڪا جو وزيرخارجه پاڪستان اچڻ کان پهرين افغانستان جي گادي واري شهر ڪابل آيو ۽ عراق به آيو ليڪن آمريڪي ٽي وي مطابق ته وزيرخارجه جو عراق ۽ ڪابل وارو دور طعه نه ٿيل هو.مان سمجهان ٿو ته آمريڪا جا ٽي وي چيئنل به عوام کي ٽوپي پارائڻ جا ماهر ٿي ويا آهن،ڇو ته آمريڪا جي وزيرخارجه جو دور هجي اهو به افغانستان ۽ عراق جهڙن ملڪن ۾ اهو ٿي نه ٿو سگهي.ڇو ته هن وقت سڀني کي خبر آهي ته افغانستان اندر آمريڪا جو طالبانن وايون بتال ڪري ڇڏيو آهن اهڙي ماحول ۾ آمريڪا جي وزير خارجه جو اوچتو دور ممڪن ئي ناهي.گذريل هفتي کان وٺي طالبانن افغانستان اندر حملا ڪندي 200ماڻهن کي ماري ڇڏيو آهي.جڏهن ته 200جي تعداد کان وڌيڪ ماڻهو شديد زخمي ٿي پيا هئا.ان اهو خوف جي آمريڪا جي وزيرخارجه کي به هوندو ته ڪو راڪيٽ سندس مٿان اچي نه ڪري انڪري هوُ سمورا سڪيورٽي جي انتظام مڪمل ڪري پوءِ افغاستان پهتو هوندو.

آمريڪي (وي آئي پيز)جي سڪيورٽي جي لاءِ هر جڳهه بڊول پروف انتظام ڪيا ويندا آهن ۽ انهن جي مڪمل تفصيل به جاري ڪئي ويندي آهي تنهن کانپوءِ ئي آمريڪي پي آءِ پيز پنهنجي دوري تي نڪرندو آهي.جهڙي ريت آمريڪا پاڻ کي سپرقاطت سمجهندو آهي اهڙي ريت انهن جي وي آءِ پيز کي به سپرطاقتن جو خوف وڪوڙيل هوندو آهي.ڪابل جي دوري اندر آمريڪا جي وزيرخارجه افغانستان ۾ مقيم پنهنجي جنرل (نڪوسن)سان ملاقات ڪئي ۽ افغانستان جي صدر اشرف غني ۽ چيف ايگزيڪيٽو آفسيرعبدالله سان پڻ ملاقاتون ڪيون،انهي ملاقاتن اندر به پاڪستان جي ڊي مور جي ڳالهائين کي دهرايو ويو جڏهن ته ڪجهه ڏينهن پهرين انهي ڊي مور جي حوالي سان پاڪستان جي چيف آف آرمي به شفاف بيان ڏنا هئا ته پاڪستان اندر ته ڪيترائي ڊي مور ڪري ڏٺا آهن ۽ هاڻ دنيا جي واري آهي انڪري دنيا مان مراد ڪهڙا ملڪ آهن انهن جي ٻڌائڻ جي ڪابه ضروت ناهي

آمريڪا جي خدا ايترو ڪجهه ڏنو آهي ۽ هو ڪيتري عرصي کان وٺي افغانستان اندر موجود آهي ۽ افغانستان جي گلي گلي اندر سندس فوجي موجود آهي ۽ ڪيترائي زور لڳائي چڪو آهي ۽ پنهنجي ڪمپيوٽر منشيون به استعمال ڪري چڪو آهي ته اڄ تائين سندس قبضي ۾ افغانستان جا طالبان نه اچي سگهيا آهن.اساما بن لادن به پاڪستان اندر مارجي ويو نه ته اهو هن وقت تائين آمريڪا جي قبضي ۾ نه اچي ها.۽ افغانستان اندر آمريڪا پنهنجي هار جي لڪائڻ لاءِ هميشه پاڪستان تي الزام بازيون لڳائيندو رهيندو آهي ۽ بنا جواز جي پاڪستان جي سرحدن اندر ڊرون حملا ڪندو رهيو آهي ۽ چوندو رهندو آهي ته پاڪستان ڦاٽا جي علائقي اندر افغانستان جي خطرناڪ دهشتگردن جا ٺڪاڻا موجود آهن.مونکي اها ڳالهه حيرت ۾ وجهندڙ آهي ته آمريڪا جهڙي سپرطاقت ملڪ ڪجهه انتهاپنسندن ٽولي جي اڳيان ايڏو ڪمزور۽ لاچار ٿي ويو آهي.

ان وڌيڪ حيرت اندر ڳالهه اها آهي جو دنيا جو سپرطاقت ملڪ جو صدر سياست جي الف ب مان به ڪجهه ڪون ٿو ڄاڻي اوهان جي سامهون آهي ڊونلڊ ٽرمپ جيڪو 2016ع جي الڪيشن پهرين سندس نالو ئي سياست اندر موجود نه هو.۽ قوم پوءِ به کيس صدر بنائي ڇڏيو انهي ڪري چئي سگهجي ٿو ته بينل اقوامي سياست جو قعلو ايترو مظبوط ناهي ايترو عوام سمجهي ٿي.جڏهن ته اليڪشن کان پهرين جيڪي ڊونلڊ پرمپ ڊاڙو هڻي رهيو هو اهي سڀ بيڪار ۽ بي بنياد نڪتيون ڇا ڪيو آهي آمريڪا..؟

ڊونلڊ ٽرمپ کي اقتدار ۾ ايندي ڏهه مهينا نه ٿيا آهن پر انهن ڏهه ميهنن اندر ڊونلڊ ٽرمپ ڏهه کان وڌيڪ ڊاڙون هڻي چڪو آهي.پاڪستان سان ته هو هميشه ڪندو رهندو آهي پر چين سندس جهاز ڪرايا ۽ اترڪورتا کيس ميزائين جا تجربا ڪري خوف ڊڄاريو پر آمرڪي انهن ملڪن جو به ڪجهه به ڪري سگهيو پر پوءِ به پنهنجي ڊاڙوئن کان باز نه ٿو اچي.پر خير هاڻي آمريڪا جو وزيرخارجه انڊيا وڃي ڪري مودي جي ڦوڪڻي ۾ هوا ڀريندو ۽ کيس چين جو همسر ثابت ٿيڻ جي ڪوشش ڪندو.انکان پهرين انڊيا کي (انڊوفيسڪ)جو لالي پاپ ڏيکاريو ويو آهي.۽ اترڪوريا کي روهه زمين سان ختم ڪرڻ جو اعلان باربار ڪيو ويو آهي.پر آخر ۾ ٿيندو ڇا آهي جو بس ڳالهيون ڀڀڪيون ۽ صرف ڀڀڪيون ٻيو ڪجهه به.

اڃان ٻه ڏينهن پهرين اچر22آڪٽوبر2017ع تي ڪوٽلرسن سعودي رياض جو درو ڪيو جتي هڪ اعليٰ سطح تي اجلاس ڪوٺايو ويو هو جنهن اندر اهو چيو ويو هو ته عراق جي مڪمل قبضو ڪيو ويو آهي ۽ عراق مان داعش به خاتمو ڪيو ويو آهي ۽ داعش جي دهشت کي عراق مان ختم ڪيو ويو آهي.۽ هاڻ ايران کي گهرجي ته سندس عسڪري وزير ملائيشا مان واپس گهرائي ۽ سڄو انتظام عراق واپس ڪري.!پر اها به خبر هجڻ گهرجي ته ڪيرڪون ٿو ڄاڻي ته داعش کي ڪنهن جي حمايت آهي ۽ هئي.؟هڪڙي طريقي سان ڏسجي ته داعش جي شڪت عرب رياستن جي شڪت ۽ ايران جي فتح آهي.

عراق جي عوام جي بي پناهه قربانين کانپوءِ داعش کي شڪت آئي آهي اوهانکي ياد هوندو ته 2014ع ۾ عراق جي مشهور شعيا مذهبي رهنا اهو اعلان ڪيو هو ته عراق جا سمورا شعيا هڪ ٿي ڪري داعش خلاف آواز اٿارين ۽ انهن عراق مان داعش کي ٻاهر ڪڍن.انهي فتوا کانپوءِ ايران جي مدد سان هڪ طاقت ور عراقي مليشيا وجود ۾ آئي جن جي تعداد هڪ لک کان مٿي کان هئي.جڏهن تازو عراق مان داعش جي دهشتگردن جا ماري انهن جي ٺڪاڻن جي قبضو ڪري ورتو هو ۽ اتي عراقي حڪومت کي بحال ڪيو هو،انڪري هاڻ آمريڪا کي ڏسڻ ۾ اچي رهيو آهي ته ايران جي طاقت ايران مان نڪري ڪري عراق شام لببان تائين پهچي چڪي آهي ۽ اهو هڪ اهو خطرو آهي جيڪو نه رڳو آمريڪا لاءِ نقصانڪار آهي پر اتي اسرائيل به انهن خطري ۾ آيل آهي.۽ سعودي کي به خطرو آهي،انهي ڪري شايد هن وقت سعودي اڳواڻ شاهه سلمان روس جو دور ڪري رهي ايران ۽ سعودي تعلقات بهتر بنائڻ لاءِ ڪوششون ڪري رهيو آهي.هڪڙِي پاسي ايران ۽ اترڪوريا جهڙا ملڪ آمريڪا ۽ سندس حامين لاءِ ايڏيون مصيبتون پيدا ڪري رهيا آهن اتي آمريڪا پاڪستان خلاف ڀڀڪيون ڏئي رهيو آهي جيڪي هاڻ پاڪستان جي برداشت کان ٻاهر آهن.

 

ڪرپشن الزام گرفتار شرجيل ميمڻ ۽ پ پ جو موقف …!!: مسرورسيال

اڳوڻو طاقتور سمجھيو ويندڙ صوبائي وزير  وڏي شهرت ماڻيندڙ،  وزير ٿيڻ کان اڳ سندس ايتري شهرت نه هئي اڪثريت کيس سڃاڻيندا به نه هئي پر جڏهن پ پ کيس ٽڪيٽ ڏئي  چونڊن ۾ ڪامياب ڪرايو ۽ هُو ارباب رحيم جي اثر هيٺ علائقي مان ايم پي اي چونڊجي ويو ته کيس قائم علي شاھه جي ڪابينا ۾ اطلاعات کاتي جو وزير مقرر ڪيو ويو ۽ ان سان گڏ مڪاني ادارن سميت ڪجهه ٻين کاتن جا به قلمدان ڏنا ويا ، قلمدان ته کيس طاقتور بڻايو پر اصل ۾ جن کيس قلمدان ڏيارا اُهي وڏا طاقتور هئا جن شرجيل ميمڻ کي ميڊيا جي اڳيان آندو ان ڏينهن کان وٺي اڄ ڏينهن تائين ميڊيا اڳيان ئي آهي اڳوڻو  صوبائي وزيرِ اطلاعات ته هاڻ وري ڪرپشن ڪرڻ جي الزام هيٺ گرفتار ٿيو آهي پهرين صوبائي وزير جي حيثيت سان هُو ملڪ کان ٻاهر هليو ويو هو پر پ پ وري کيس ڪنهن ڊيل هيٺ واپس گھرايو هو عدالتن مان ضمانتون ورتيون  وين هيون ۽ ضمانت تي آزاد گھمي ڦري رهيو هو کيس صوبائي وزير جيترو پروٽوڪول مليل هو. ملڪ واپسي تي سندس ساٿين هن کي سون جو تاج پارايو هو اِها خبر ناهي ته سونو تاج کيس ڪهڙي چڱي ڪم سبب پارايو ويو هو ، چڱو ڪم ته خير ڪوبه نظر نه آيو پر پوڻا ڇھه ارب روپين جي ڪرپشن جو جيڪو ڪارنامو انجام ڏنو هو ان عيوض پارايو ويو هوندو خير هن جي  دوستن ۽ پارٽي ورڪرن رڳو سونا تاج نه پارايو پر هن کي  خود سون بڻائي ڇڏيو مطلب لٽيل قومي دولت جو مالڪ هوندي به  هو قانون کان بچي نه سگھيو . گذريل ڏينهن سنڌ هاءِ ڪورٽ پاران سندس ضمانت رد ٿيڻ کان پوءِ عدالت کان ٻاهر ايندي  ئي کيس گرفتار ڪيو ويو اُهو به منظر ڏسڻ وٽان هو عدالت اندر ويهي گرفتاري کان بچڻ جا سمورا هيلا وسيلا هلآئيندو رهيو خرڪار 12 ڪلاڪن کا پوءِ جڏهن سمورا  رستا بند ٿي ويا ته نيب کي گرفتاري ڏئي ڇڏي .سندس گرفتاري ڏيڻ جو انداز به بلڪل ائين هو جئين ڏوهاري  ڏيندا آهن ٻئي طرف وري ڪجھه صوبائي وزير سندس کي حوصلو ڏيارڻ لاءِ پهتل هئا اِهو ئي سبب هو جو شرجيل ميمڻ حوصلو ڪري گرفتاري ڏني آهي شرجيل ميمڻ  توڙي سندس ساٿاري بيوروڪريٽس  گرفتار ڪيا ويا آهن .  جيڪي پڻ ساڳئي  الزام هيٺ آيل آهن هن سموري صورتحال تي وري پ پ پ وارن جو موقف آهي ته شرجيل ميمڻ جي گرفتاري ٻٽو معيار آهي جڏهن ته نوازشريف کي پڻ گرفتار نٿو ڪيو وڃي  اِها ڳالھه به صحيح آهي ته نون ليگ وارن کي اهڙي ڪابه تڪليف نٿي ڏني وڃي جڏهن ته پ پ پ وارا وڏي  مشڪلاتن سان منهن ڏئي رهيا آهن پر اِهو الزام بي اثرائتو ٿيندو پيو وڃي . ان ڪري به ته جيتري ڪرپشن پ پ پ وارن ڪئي آهي اوتري ٻئي ڪنهن نه ڪئي آهي نوازشريف جي ڀاءُ جي حڪومت پنجاب ۾ آهي پر پنجاب ۾ ڪم ڪيا ويا آهن جڏهن ته سنڌ ۾ پ پ پ جي حڪومت آهي جيڪا گذريل 9 سالن کان هلندي پئي اچي ۽ ايندڙ دور ۾ به حڪومت ڪرڻ لاءِ منصوبابندي ۾ رڌل آهي پر سنڌ جي صورتحال اِها آهي ته هر ادارو ناڪاره بڻيل آهي روڊ رستا اکڙيل آهن شهر کنڊرات جو ڏيک ڏئي رهيا آهن ڪوبه اهڙو شهر ناهي جيڪو مثال طور پيش ڪجي ته هي شهر ٻين صوبي جي شهر سان ڀيٽ لاءِ ڏيکاري سگھجي  لاڙڪاڻو جيڪو شهيدن جو اباڻو ضلعو آهي ان جو حشر ڇا آهي لاڙڪاڻي جي ترقياتي ڪمن جي اربين روپيا فنڊن کي ڦٻايو ويو نه رڳو اُهي فنڊ پر مڪاني ادارن جا فنڊ به هڙپ ڪيا پيا وڃن جنهن ڪري مڪاني ادارا پڻ ناڪاره بڻيل آهن ۽ اُهي مقامي وڏيرن کي جاگير طور ڏنا ويا آهن اڪثريت ۾ اتي اُهي چئيرمين مقرر ڪيا ويا آهن جيڪي ايم پي اي ، ايم اين اي جي ڪوٽا تي رکيل آهن ظاهر آهي اهڙي حالت ۾ شهرن ۾ بهتري ڪهڙي اچي سگھي ٿي . وري جڏهن اُهي چور قانون جي پڪڙ ۾ اچن ٿا ته وري سياسي بيان ڏنا وڃن ٿا جيڪي پڻ بليڪ ميلنگ جيان هجن ٿا جئين مثال طور شرجيل ميمڻ جي گرفتاري تي پ پ پ  موقف ڏنو آهي ته گرفتارين جي مامري ۾ به ٻٽو معيار رکيو وڃي ٿو مثال پنجاب جو ڪرپٽ گرفتار نٿو ٿئي پر سنڌ جو ڪرپٽ گرفتار ڪيو وڃي ٿو مطلب اهو ٿيو  ته جيڪڏهن پنجاب جو ڪرپٽ گرفتار نٿو ڪيو وڃي ته  پوءِ سنڌ جي ڪرپٽ وزيرن ۽ ڪامورن کي به گرفتار نه ڪيو وڃي .  سٺي سوچ آهي چور ، چور جو مثال ڏئي تحفظ پيو گھري ، ڏسجي ته شريف خاندان جنهن احتسابي مرحلي مان گذري رهيو آهي اُهو سندن لاءِ قيامت کان گھٽ ناهي جيڪڏهن ڀيٽ جي ڳالھه ڪجي ته شرجيل جي گرفتاري جو بيلنس ڪرڻ لاءِ نوازشريف کي گرفتار ڪيو وڃي ته اِهو بيلنس ناهي پر بيلنس اِهو آهي ته پنجاب جو به ڪو ڪرپٽ وزير گرفتار ڪيو وڃي ، نوازشريف جي ڀيٽ ته وري هن جي ڪاٺ ڀت واري سان ٿيندي هاڻي پ پ پ وارا ٻڌائين ته نوازشريف جي گرفتاري عيوض هُو ڪنهن جي گرفتاري پيش ڪرائيندا ظاهر آهي اُهو به نوازشريف جھڙو مها چور ۽ ڪرپٽ هجي ، پ پ وٽ ظاهر ان ڪاٺ بت جا موجود آهن اُهي به ڪرپشن جا بادساھه سڏيا وڃن ٿا پر اُهي به ته آزاد گھمندا ڦرندا وتن ٿا ، اسان جي سياسي پارٽين جو اِهو حال رهيو آهي ته انهن جو  اقتدار عوام کي تحفظ ڏيڻ بجاءِ پنهنجن  ڪرپٽ ساٿين کي تحفظ ڏيڻ لاءِ استعمال ٿي رهيوآهي  سو ڏسجي ته پ پ پ سنڌ جا حڪمران پنهنجن ڪرپٽ وزيرن کي ڪئين تحفظ ٿا ڏيارين . اسان وٽ اِهو به اڪثريت سان عوامي رايو رهيو آهي ته شرجيل ميمڻ هجي يا ٻيا هجن اُهي لک دفعا گرفتار ٿين پر ٿيڻو ڪجهه به  ناهي  ان ڪري ته وري به ساڳيا ڪرپٽ چوندجي اچن ٿا ۽ حڪومت ڪن ٿا سو گرفتاري سان گڏ انصاف به هئڻ گھرجي ڏوهارين کي سزا به ملڻ گھرجي باقي گرفتاريون ته اڳ به ٿينديون رهيون آهن ۽ ساڳيا گرفتار وري اقتدار ۾ به ايندا رهيا آهن ….. ڪهڙي خبر هاڻوڪا گرفتار به ثبوت نه ملڻ جي صورت ۾ باعزت بري ٿي وڃن جئين شرجيل ميمڻ به چوي ٿو ته هُو باعزت بري ٿي ويندو هاڻي اِها به خبر ناهي ته هُو ڪهڙي بنياد تي ائين چئي رهيو آهي شايد هن بنياد تي چوندو هجي ته اسين ڪو ثبوت ڇڏيو ئي ناهي ته پوءِ سزا ڪئين کائينداسين  . هاڻي ڏسجي ته کيس گرفتار ڪندڙ عدالت سڳوري کي ڪهڙا ٺوس ثبوت ڏين ٿا . جيڪڏهن ٺوس ثبوت مليا ته عدالت جو فيصلو ٻڌڻ جھڙو هوندو پر ثبوت نه مليا ته پوءِ واقعي فيصلو شرجيل ميمڻ اڳ واٽ ٻڌائي ڇڏيو آهي سو اسان وارا سياسي مخالف به ايترو خوش نه ٿين تجزيا نگار به هٿ هلڪو رکن ان ڪري ته هن ۾ به ڪو شڪ ناهي ته شرجيل ميمڻ وري اطلاعات جو وزير يا ان کان مٿين ذميواري تي نه اچي وڃي منهنجي هن ڳالھه سان اختلاف ڀلي رکيو وڃي  پر اسان وٽ چٽا پٽا ثبوت موجود آهن ته ڇا ڪالھه جا ڪرپٽ جن مٿان ڪيس به هليا جيل به ويا ڇا اُهي وري حڪمران ناهن ٿيا يا ناهن ٿي رهيا … !ان ڪري اسين ته رڳو سياستدانن جي راند ڏسي رهيا آهيون جيڪا راند به اک ٻوٽ واري آهي مطلب هڪ ٻئي جي ڪرپشن ڳولهي رهيا آهن هڪڙا لڪيو وڃن ته ٻيا ظاهر ٿين وري ظاهر ٿيل وري لڪيو وڃن پاڻ ته رڳو انهن کي ڏسي رهيا آهيون جيڪي ظاهر ٿين ٿا ۽ پڪڙيا وڃن ٿا سو ڏسندا رهون ٿا ته ڪهڙا ڪهڙا لڪيل آهن جيڪي اڃا ظاهر ٿيندا ۽ پڪڙيا ويندا ..

 

ٽلرسن جي پاڪستان ياترا ۽ ڊومور جو راڳ…!

آمريڪا هڪ ڀيرو ٻيهر پاڪستان کان ڊومور جو مطالبوڪندي چيو آهي ته دهشتگردن جي سمورن گروهن خلاف ڪارروائي ڪريو. آمريڪي پرڏيهي وزير ريڪس ٽيلرسن مختصر دوري تي پاڪستان آيو ۽ وزيراعظم سان ملاقات ڪئي جنهن ۾ آرمي چيف جنرل قمر جاويد باجوه، پرڏيهي وزير خواجه آصف، ڊي جي آءِ ايس پي آر ميجر جنرل آصف غفور، دفاع وارو وزير خرم دستگير خان، گهرو وزير احسن اقبال سميت اعليٰ عملدار شريڪ هئا. ملاقات ۾ پاڪستاني قيادت آمريڪي پرڏيهي وزير کي نئين آمريڪي پاليسي بابت پنهنجي خدشن کان آگاهه ڪيو جڏهن ته ڀارت طرفان پاڪستان کي غيرمستحڪم ڪرڻ جي قدمن تي به ڳالهيون ڪيون ويون. ملاقات ۾ پاڪ آمريڪا لاڳاپن، افغانستان ۾ امن قائم ڪرڻ ۽ دهشتگردي خلاف جنگ سميت خطي ۾ سلامتي جي معاملن تي به غور ويچار ڪيو ويو. پاڪستان آمريڪا تي واضح ڪيو آهي ته ڀارت خطي ۾ امن قائم ڪرڻ جي ڪوششن جي لاءِ خطرو آهي، پاڪستان دهشتگردي خلاف سڀ کان وڌيڪ قربانيون ڏنيون آهن، خطي ۾ دهشتگردي جي خاتمي لاءِ دنيا کي ڪردار ادا ڪرڻو پوندو، پاڪستان جي دهشتگردي خلاف جنگ جاري آهي، ڀارت بلوچستان ۽ ايل او سي ۾ مسلسل جارحيت ڪري رهيو آهي. آمريڪي پرڏيهي وزير کي دهشتگردي جي خاتمي لاءِ پاڪستان جي قربانين کان به آگاهه ڪيو ويو. وزيراعظم شاهد خاقان عباسي چيو ته پاڪستان دهشتگردي خلاف سڀ کان وڌيڪ قربانيون ڏنيون آهن ۽ خطي ۾ دهشتگردي جي خاتمي لاءِ گڏيل قومن کي ڪردار ادا ڪرڻو پوندو. پاڪستان جي دهشتگردي خلاف جنگ جاري آهي ۽ دهشتگردي خلاف جنگ ۾ اهم نتيجا حاصل ڪيا آهن. ڀارت خطي ۾ امن جي ڪوششن لاءِ خطرو آهي ۽ ڀارت بلوچستان ۾ مداخلت ڪرڻ سان گڏوگڏ ايل او سي تي مسلسل جارحيت ڪري رهيو آهي. آمريڪا سان بهتر لاڳاپا قائم ڪرڻ چاهيون ٿا.

ريڪس ٽلرسن چيو ته پاڪستان خطي جو اهم ملڪ آهي. دهشتگردن جو خاتمو ٻنهي ملڪن لاءِ فائديمند آهي. هن پاڪستان تي زور  ڏنو ته سمورن دهشتگرد گروهن خلاف ڪارروائي ڪئي وڃي. پاڪستان خطي ۾ اهم آمريڪي اسٽريٽجڪ اتحادي آهي، پاڪ آمريڪا لاڳاپا گڏيل هدف حاصل ڪرڻ جي لاءِ اهم آهن.  پاڪستان سان آمريڪا جي پراڻي حصيداري آهي ۽ پاڪستان خطي ۾ آمريڪا جو اهم اسٽريٽجڪ اتحادي ملڪ آهي.خطي ۾ امن قائم ڪرڻ ۽ سيڪيورٽي جي لاءِ پاڪستان جو ڪردار انتهائي اهم آهي، دهشتگردي خلاف پاڪستان جي قربانين جو قدر ڪريون ٿا، پاڪ آمريڪا لاڳاپا گڏيل هدف حاصل ڪرڻ جي لاءِ تمام اهم آهن. پاڪستان سان سيڪيورٽي سميت سمورن شعبن ۾ لاڳاپن کي وڌيڪ مضبوط بڻائڻ چاهيون ٿا.

نجي ٽي وي پروگرام ۾ ڳالهائيندي بچاءَ واري وزير خرم دستگير چيو ته آمريڪا اهو باور ڪرائڻ چاهي ٿو ته ڀارت اوهان جو مخالف ناهي. اسان اهو چيو ته ڀارت خطرو آهي. افغانستان ۾ ڀارت جو ڪردار قبول ناهي. اسان ٽلرسن کي چيو ته پاڪستان خلاف افغانستان مان حملا ڪندڙن کي سوگهو ڪيو وڃي.