تازيون خبرون

Monthly Archives: October 2017

ن ليگ جو لنڊن ۾ اجلاس، مائنس نواز شريف ۽ غير آئيني قدم قبول نه ڪرڻ تي اتفاق

لنڊن (ويب ڊيسڪ) ن ليگ جو لنڊن ۾ اجلاس، مائنس نواز شريف ۽ غير آئيني قدم قبول نه ڪرڻ تي اتفاق، تفصيل موجب: لنڊن ۾ ن ليگ جو اجلاس اڳوڻي وزير اعظم نواز شريف جي صدارت ۾ ٿيو، اجلاس ۾  وزير اعظم شاهد خاقان عباسي، وفاقي وزير  اسحاق ڊار ۽ پنجاب جي وڏي وزير شهباز شريف سميت حسين نواز ۽ حسن نواز به شرڪت ڪئي، اجلاس ۾ فيصلو ڪيو ويو ته مائنس نواز شريف ۽ غير آئيني قدم قبول نه ڪيا ويندا، هوڏانهن  اڳوڻي وزيراعظم نواز شريف چيو آهي ته مون کي فيئر ٽرائل نه مليو، لنڊن ۾ ميڊيا سان ڳالهائيندي نواز شريف چيو ته 2 نومبر تي واپس پاڪستان وڃي رهيو آهيان، هن چيو ته ڪوئي مائنس نواز فارمولا ناهي، پارٽي ۾ ڪا ورهاست ناهي، عدالت ۾ جيڪو ٽرائل ٿي رهيو اهي، اهو سڀني سامهون آهي، مون کي فيئر ٽرائل نه مليو، احتساب عدالت ۾ پيش ٿيڻ لاءِ پاڪستان اچي رهيو آهيان، مان سڀ ڪجهه ڏسي ۽ سمجهي رهيو آهيان ته ڇا ٿي رهيو آهي. ٻئي طرف وزيراعظم شاهد خاقان عباسي چيو آهي ته هي وڏن وزيرن جو اجلاس نه هيو، هڪ صحافي پاران ٻين وڏن وزيرن جي اجلاس ۾ نه هئڻ واري سوال جي جواب ۾ وزيراعظم شاهد خاقان عباسي چيو ته تمام سٺو سوال ڪيو پر اهو وڏن وزير جو اجلاس نه هيو، هي ذاتي نوعيت جي ملاقات هئي، حڪومت کان هڪ ڏينهن جي موڪل ورتي آهي.

 

ڪرپشن ڪيس ۾ اڳوڻي آءِ جي غلام حيدر جمالي سميت ٻين تي فرد جرم لاڳو

ڪراچي (اين اين آءِ) احستاب عدالت اڳوڻي  آئي جي سنڌ غلام حيدرجمالي ۽ ٻين جي خلاف ڪرپشن جو فرد جرم لاڳو ڪري ڇڏيو آهي، سومر تي ڪراچي جي احتساب عدالت ۾ اڳوڻي آئي جي سنڌ غلام حيدر جمالي ۽ اڳوڻي آئيجي فدا حسين شاهه سميت اٺن  آفيسرن جي خلاف رفرنس جي ٻڌڻِ ٿي ، عدالت آئي جي سنڌ غلام حيدرجمالي ۽ ٻين جي خلاف ڪرپشن جو فرد جرم لاڳو ڪري ايندڙ ٻڌڻي تي شاهدن کي طلب ڪري  ورتو ۽ ڪيس جي ٻڌڻي 8  نومبر تائين ملتوي ڪري ڇڏي. آئي جي سنڌ غلام حيدرجمالي ۽ ٻين تي اختيارن جي  ناجائز استعمال ۽غير قانوني ڀرتين جو الزام آهي جڏهن جوابدارن جي خلاف سپريم ڪورٽ جي   هدايت تي جاچ کان پوءِ رفرنس داخل ڪيو ويو هو. ٻئي پاسي احٽساب عدالت ۾ سنڌ پوليس جي ٻن آفيسرن  تنوير احمد طاهر ۽ فدا حسين شآهه جي خلاف رفرنس جي ٻڌڻي ٿي جيل پوليس ٻنهي جوابدارن کي عدالت ۾ پيش ڪيو، نيب پراسيڪيوٽر عدالت ۾ بيان ڏنو ته سيد فدا حسين ۽ تنوير  حسين تي  5 ڪروڙن جي ڪرپشن جو ڪيس آهي، رقم سي اين جي اسٽِشن جي نالي تي جاري ڪئي وئي.  جڏهن ته پوليس کي پيٽرول نه ممليو ۽ چيڪ وٺي هيڊڪانسٽيبل محمد رفيق جا اڪائونٽ ۾ جمع ڪرائي وئي، ٻنهي جوابدارن  جي ضمانت سنڌ هائيڪورٽ ۽ سپريم ڪورٽ مان رد ٿي چڪي آهي جوابدارن جي وڪيل عدالت کان مهلت گھري عدالت جي وڪيلن کي مهلت ڏيندي رفرنس جي وڌيڪ شاهدن کي طلب  ڪري ورتو جڏهن ته ڪيس جي ٻڌڻِي 8 نومبر تائين ملتوي ڪري ڇڏي.

 

شرجيل ميمڻ ۽ ڊاڪٽر عاصم ڪيس جو رڪارڊ طلب، ڪنهن سان ناانصافي نه ٿيندي: جاويد اقبال

اسلام آباد( ويب ڊيسڪ ) نيب چيئرمين جسٽس رٽائر جاويد اقبال اڳوڻي صوبائي وزير شرجيل ميمڻ ۽ ڊاڪٽر عاصم جي ڪيسن جو رڪارڊ طلب ڪري ورتو آهي. نيب هيڊ ڪوارٽر ۾ چيئرمين جسٽس رٽائرڊ جاويد اقبال جي صدارت هيٺ اجلاس ٿيو. اجلاس ۾ ميگا ڪرپشن ڪيسن ۽ پراسيڪيوشن ڪارڪردگي جو جائزو ورتو ويو. نيب چيئرمين جسٽس جاويد اقبال اڳوڻي صوبائي وزير شرجيل ميمڻ ۽ ڊاڪٽر عاصم جي ڪيسن جو رڪارڊ طلب ڪري ورتو. اجلاس کي خطاب ڪندي جسٽس رٽائرڊ جاويد اقبال چيو ته هن وقتي چيف جسٽس طور چيو هو ته انصاف سڀني لاءِ هوندو. هن چيو ته نيب چيئرمين جي حيثيت ۾ احتساب سڀني لاءِ تي کيس پورو يقين آهي. سندس چوڻ هو ته ضمانت نه ٿيڻ جوڳا گرفتاري وارنٽ جاري ڪرڻ عدالت جو اختيار آهي. نيب چيئرمين چيو ته ڄاڻايل الزام جي قانوني گهرجن موجب جاچ ڪئي ويندي. جسٽس جاويد اقبال چيو ته ڪنهن به صوبي يا شخص سان اڻ برابري وارو سلوڪ برداشت نه ڪيو ويندو. هن چيو ته نيب طرفان ڪنهن سان به ناانصافي ٿيڻ نه ڏني ويندي.

 

نيب جا اين ٽي ايس جي ٻن آفيسن تي ڇاپا، اداري جو سربراهه گرفتار

اسلام آباد(ويب ڊيسڪ) نيب جي جاچ ٽيمن نيشنل ٽيسٽنگ سروس (اين ٽي ايس) جي 2 آفيسن تي ڇاپا هڻي اداري جي سي اي او ڊاڪٽر شيرزاده سميت ٻين ملازمن کي حراست ۾ وٺي ڇڏيو آهي. تفصيل موجب بدعنوانين ۽ پرچو ليڪ ٿيڻ جي شڪايت تي نيب چيئرمين نوٽيس ورتو هو ۽ نيب جون جاچ ٽيمون جوڙيون ويون هيون، اڄ نيب جي جاچ ٽيمن اسلام آباد ۾ اين ٽي ايس جي ٻن آفيسن ۾ پهچي اين ٽي ايس جي رڪارڊ جو جائزو وٺڻ کان پوءِ قبضي ۾ ورتو. نيب اين ٽي ايس جي چيف ايگزيڪٽو آفيسر ڊاڪٽر شيرزاده ۽ ايڊمن انچارج سميت 5 ماڻهن کي حراست ۾ ورتو. نيب اختيارين اين ٽي ايس جي عملي کان پڇا ڳاڇا به ڪئي وئي. نيب جي ٽيمن سان گڏ ايف بي آر جو عملو به موجود هو.

 

سپريم ڪورٽ نيب جي گرفتاريءَ واري پاليسي تي بي اعتمادي ظاهر ڪري ڇڏي

اسلام آباد (اين اين آءِ) سپريم ڪورٽ قومي احستاب بيورو تي ڪاوڙ جو اظهار ڪندي چيو آهي ته پاڪستان ۾ نيب جي پاليسي ڪنهن کي سمجھه نه پئي اچي جڏهن ته عدالت مرڪزي جوابدار مطيع الرحمان جي ضمانت رد ڪرڻ جي درخواست خارج ڪري ڇڏي. سومر تي ٻڌڻي دروان سپريم ڪورٽ نيب جي پاليسي تي ڇوهه ڇنڊيا، جسٽس عظمت سعيد پنهنجي رمارڪس ۾ چيو ته نيب ڪنهن جوابدار ڪلهي تي هٿ رکي گھمي ٿو ۽ ڪنهن کي وري گرفتار ڪري وٺي ٿو، نيب جي گرفتاري جي پاليسي   پاڪستان ۾ ڪنهن کي سمجھه  ۾  نه پئي اچي. اهڙا ڪيترائي رفرنس ۾ هلي رهيا آهن جن ۾ جوابدار  گرفتار ناهن ٿيندا، جسٽس عظمت سعيد شيخ چيو ته نيب جي جنهن مهل  پنهنجي دل چاهي ته ڪنهن کي به  گرفتار ڪري وٺي ٿي ۽ جڏهن پنهنجي مرضي نه هجي ته جوابدارن  کي گرفتار ئي نه پئي ڪري ڪو به نه ٿو ڄاڻي ته ڪهڙي ڪيس ۾ ماڻهون اندر ٿيئ ٿو ۽ ڪهڙي ۾ اندر نه  ٿو ٿئي، جڏهن ته هاڻي نيب جو نئون چيرمين آيو ان لاءِ مان وڌيڪ ان معاملي تي نه ڳالهائيندس، نيب پراسيڪيوٽر چيو ته جوابدار عوام سان 386 ملين جو فراڊ ڪيو آهي ۽ انهن جي خلاف 36 گواهه به بيان رڪارڊ ڪرائي چڪا آهن، جسٽس عظمت  سعيد چيو ته ٻن سالن کان جوابدار گرفتار اهي وڌيڪ ڪيترو عرصو ان کي جيل ۾ رکڻون آهي ڪيس ۾ ايتري ته سزا  ناهي هوندي جيترو عرصو جوابدار کي جيل ۾ رکيو وڃي ٿو.

 

نواز  شريف کي ڏيهه واپس اچڻ گهرجي، عمران خان مان پ پ کي خطرو ناهي: خورشيد شاهه

ڪراچي( ويب ڊيسڪ ) پ پ جي مرڪزي اڳواڻ ۽ قومي اسيمبليءَ ۾ مخالف ڌر جي اڳواڻ خورشيد شاهه چيو آهي ته نواز شريف کي ڏيهه واپس اچڻ گهرجي. پارليامينٽ کي نظر ڪرڻ تي کيس اڄ اهڙا ڏينهن ڏسڻا پئجي رهيا آهن. ڪراچيءَ ۾ ميڊيا سان ڳالهائيندي خورشيد شاهه چيو ته عمران خان جي سنڌ ۾ سياست سان پ پ کي ڪو به خطرو ناهي. هن چيو ته اڳوڻو وزيراعظم نواز شريف ڏيهه واپس نه آيو ته سندس سياست کي نقصان پهچندو. سندس چوڻ هو ته پارليامينٽ کي نظرانداز ڪرڻ سبب نواز شريف کي اڄوڪا ڏينهن ڏسڻا پئجي رهيا آهن. خورشيد شاهه چيو ته عمران خان جي ڪهڙي مجال آهي جو پ پ جو مقابلو ڪري سگهي، ٻار هيٺ مار کائن ٿا ۽ عمران خان اسٽيج تي ويٺل هوندو آهي. هن چيو ته پ پ جا اڳواڻ جانيون قربان ڪري سياست ۾ ايندا آهن، پ پ خطرن سان کيڏندي آهي. سندس چوڻ هو ته پي ٽي آءِ وارا ظاهري طور ڪا آسماني مخلوق آهن، کين ڪير آڻي ٿو، سڀني کي خبر آهي، عمران خان امپائر جي آڱر کڻڻ جو انتظار ڪندو آهي.

 

پيپلز پارٽي نيشنل يا ٽيڪنوڪريٽ سيٽ اپ برداشت نه ڪندي: بلاول ڀٽو زرداري

ڪراچي (ويب ڊيسڪ): پيپلز پارٽي چيئرمين بلاول ڀٽو زرداري چيو آهي ته پيپلز پارٽي نيشنل يا ٽيڪنوڪريٽ سيٽ اپ برداشت نه ڪندي، نجي ٽي وي کي انٽرويو ڏيندي بلاول ڀٽو زرداري چيو ته احتساب ۾ ڪو فرق ن هئڻ گهرجي، هن چيو ته پارٽي ۾ ڪو بدعنواني ۾ ملوث مليو ته ان جو ساٿ نه ڏينداسين، هن چيو ته ننڍين چڍونڊن ۾ پيپلز پارٽي ڪراچيءَ ۾ ڪاميابي حاصل ڪئي، عام چونڊن ۾ پيپلز پارٽي جي ڪارڪردگي بهتر ٿيندي، بلاول ڀٽو زرداري چيو ته نوجوانن ۾ عمران خان جي مقبوليت جو تاثر غلط آهي، هن چيو ته نفرت جي سياست ملڪ جي مفاد ۾ بهتر ناهي، ڪرپشن خلاف ڳالهائيندڙ ان جو حل ڪڍڻ نٿا چاهين، ڪرپشن جي خاتمي لاءِ قدم کڻڻا پوندا، هن چيو ته مون چيو جمهوريت اسان جو انتقام آهي، ڳالهه اها آهي ته يا ته اوهان جمهوريت سان گڏ آهيو يا ڪرپشن سان گڏ آهيو، پيپلز پارٽي هميشه جمهوريت سان گڏ هوندي آهي، بينظير ڀٽو جي شهادت تي سڄو ملڪ لڏي ويو هيو، عمران خان خطرناڪ راند کيڏي رهيو آهي.

 

ميڊيا ۾ هلندڙ خبرون بي بنياد قرار، ن ليگ اڳواڻن جو لنڊن ۾ اجلاس هنگامي نه اتفاقي آهي: چوڌري نثار

اسلام آباد (ويب ڊيسڪ): مسلم ليگ ن اڳواڻ چوڌري نثار چيو آهي ته هن وقت ن ليگ ۾ ذاتيات تي ڌيان ڏنو پيو وڃي، اسان کي ذاتيات مان نڪري پارٽي جي مفاد کي ڏسڻو پوندو ۽ جيڪڏهن پارٽي جو مفاد ڏٺو وڃي ته ذاتيات کي به ان سان فائدو ٿيندو، مسلم ليگ جي قيادت جو لنڊن ۾ ڪو اجلاس ناهي ٿي رهيو پر سمورا اڳواڻ اتفاقي طور گڏ ٿي ويا آهن، اڳوڻي گهرو وزير لنڊن ۾ پارٽي جي اعليٰ قيادت جي ٿيندڙ هنگامي اجلاس کي اتفاقي قرار ڏئي ڇڏيو آهي ۽ ميڊيا تي هلندڙ خبرن کي به بي بنياد قرار ڏئي ڇڏيو آهي، سندس چوڻ هيو ته مسلم ليگ (ن) ۾ ڪا به گروهه بندي نه ٿي رهي آهي، ڪنهن به قسم جي ورهاست جا ڪي امڪان ناهن پر معمولي اختلاف راءِ آهي، مون کي مفاهمتي ۽ مزاحمتي گروپس جي لفظن کان چڙ آهي، هن وقت پارٽي کي 1999 کان وڌيڪ چئلينجز سامهون آهن، مسلم ليگ اڳواڻ جو وڌيڪ چوڻ هيو ته پاناما انڪشافن بعد مان به انهن ماڻهن ۾ هيس، جن نواز شريف جي عدالت وڃڻ ۽ وزيراعظم جي خطاب جي مخالفت ڪئي پر هاڻي جڏهن ڪيس عدالتن ۾ آهن ته اسان کي رليف عدالتن مان ئي ملي سگهي ٿو، عدالت جي فيصلن تي اعتراض ڪري سگهجي ٿو پر اسان کي عدالت سان محاذ آرائي نه ڪرڻ گهرجي، جڏهن عدالتن بابت بيان ڏنا ويندا ته محاذ آرائي ته ٿيندي.

 

حاضري کان ڇوٽ جي درخواست رد، اسحاق ڊار جا ضمانت ٿيڻ جوڳا گرفتاري وارنت جاري

اسلام آباد (اين اين آءِ)اسلام آباد جي احتساب عدالت اثاثا رفرنس ۾ ناڻي واري وزير اسحاق ڊار جي  حاضري کان ڇوٽ جي درخواست رد ڪندي ضمانت جوڳا گرفتاري جا و رانٽ جاري ڪري ڇڏيا، سومر تي نيب جي احتساب عدالت جي جج محمد بشير ناڻي واري وزير اسحاق ڊار جي خلاف اثاثا رفرنس جي ٻڌڻي ڪئي. نيب جي ٽيم ۽ گواهه عبدالرحمان گوندل ثبوت کڻي عدالت پهتو جڏهن ته جوابدار  اسحآق ڊار  پيش نه ٿيو، ٻڌڻي  شروع ٿي ته اسحاق ڊار جي وڪيل ناڻي واري وزير اسحاق ڊار جي حاضري جي ڇوٽ درخواست داخل ڪئي  ۽ عدالت ۾ ان جي  ميڊيڪل رپورٽ پڻ پيش ڪئي خواجا حارث چيو ته ناڻي واري وزير اسحاق ڊار طبي معائني جي لاءِ لنڊن ۾ موجود آهي ، سندس لنڊن ۾ طبي معائنون ٿيڻون آهي، اسحاق ڊار جا بلڊ ٽِسٽ اي سي جي ۽ ٻيا ٽيسٽ ڪرڻ جي لاءِ چيو آهي، اسحاق ڊار خميس تي عدالت ۾ پيش ٿي ويندو،  جيڪڏهن اوهان گواهن جا بيان رڪارڊ ڪرڻ چا هيو ته ڪوئي اعتراض ناهي، نيب ڇوٽ جي درخواست جي مخالفت ڪري ڇڏي، نيب جي پراسيڪيوٽر جو چوڻ هيو ته جوابدار کي عدالت جي اجازت کانسواءِ پرڏيهه نه وڃڻ گھرجي ها، احتساب  عدالت جي جج اسحاق ڊار جي حآضري کان ڇوٽ جي درخواست رد ڪري ڇڏي ۽ جوابدار کي عدالت  2 نومبر تي پيش  ٿيڻ جو حڪم ڏنو.

 

اسانجي تاريخ جمهوريت ۽ آمريت جي چوڌاري گھمي ٿي : احسن اقبال

اسلام آباد (اين اين آءِ)وفاقي گھرو وزير احسن  اقبال چيو ته اسانجي تاريخ جمهوريت ۽ آمريت جي چوڌاري گھمي  رهي آهي، نجي ٽي وي موجب احسن اقبال هڪ ٽوئيٽر پيغام ۾ آمري دور ۽ جمهوري دورن  تي ڳالهائندي چيو ته اسانجي تاريخ جمهوريت ۽ آمريت جي آس پاس گھمي رهي آهي صرف اهو ئي نه پر ملڪي تاريخ مارشل لا ۽ جمهوريت وچ ۾ به نظر اچي ٿي، هن چيو ته ڪجھه ڳجھا هٿ  وري جمهوري  عمل ۾ رنڊڪ وجھڻ چاهين ٿا انشاءُ الله اسان جي انهن جي سازش کي ناڪام ڪنداسي، ملڪي بقا ۽ روشن مستقبل تي ڪنهن به قسم جي سوديبازي نه ڪنداسي، گھرو وزير جمهوريت ۽ آمريت جي  ڪجھه ان طرح ڀيٽ ڪئي ته سن 50 ۾ ملڪ ۾ ڊيموڪريسي رهي ته 60 ۾ مارشل لا لاڳو ٿيو، ستر  ۾ هڪ دفعو ٻيهر جمهوريت کي هٿي ڏني وئي ته سن 90 ۾ آمريت حڪومت جو تختو اونڌو ڪيو،  ڊگھي جدوجھد  کان پوءِ وري جمهوري عمل بحال ٿيو ان سان گڏ ئي احسن اقبال سوال ڪيو ته هر 10 سالن کانپوءِ آمريت ملڪ  تي قابض ٿي وڃي ٿي هاڻي 2020 ۾ ڇا ٿيندو.