تازيون خبرون

Daily Archives: September 10, 2017

رنوير سنگهه سڄو ڏينهن سيلفيون ڪڍڻ ۾ مصروف

ممبئي(شوبز نيوز) بالي ووڊ اداڪار رنوير سنگهه چيو آهي ته هو سڄي ڏينهن ۾ ٻه درجن کان وڌيڪ سيلفيون ٺاهيندو آهي. ڀارتي ميڊيا موجب چاڪليٽي هيرو رنوير سنگهه ممبئي شهر ۾ هڪ موبائيل فون لانچنگ تقريب ۾ شرڪت ڪئي. جنهن ۾ ميڊيا سان ڳالهائيندي هن چيو ته مان روزانو پنهنجي موبائيل ۾ ٻه درجن کان وڌيڪ سيلفيون ٺاهڻ جو عادي آهيان. جڏهن ته ڪڏهن ڪڏهن انهن سيلفين جي تعداد ۱۰۰ کان به پڻ وڌي ويندي آهي. هن ٻڌايو ته سوشل ميڊيا سائٽ تي سندس موبائيل فون ورتل سيلفيون گهڻو مشهور ٿي رهيون آهن. هن چيو ته هو موبائيل هڪ اهم ايجاد آهي جنهن کانسواءِ رهڻ ناممڪن آهي. اداڪار رنوير سنگهه تازو ئي نئين فلم ”پدماوتي“ جي شوٽنگ مڪمل ڪئي آهي.

 

عدنان سميع جي زال ۽ ڌيءَ سميت ڀارتي وزيراعظم سان ملاقات

نئين دهلي(شوبز نيوز)  مشهور راڳي عدنان سميع پنهنجي گهرواري رويا ۽ ڌيءَ مدينه سان گڏ ڀارتي وزيراعظم نريندر مودي سان ملاقات ڪئي آهي جنهن ۾ هن ڌيءَ مدينه جي پيدائش جي خوشي ۾ نريندر مودي کي مديني شريف مان آندل مٺائي پيش ڪئي. ۴۰ منٽن تائين جاري رهندڙ ملاقات ۾ ٻئي ڪچهري ڪندا رهيا جنهن ۾ موسيقي سميت مختلف معاملن تي ڳالهه ٻولهه پڻ ڪئي وئي جڏهن ته ان دوران ڀارتي وزيراعظم عدنان سميع جي ننڍڙي ڌيءَ سان پيار ڪندو رهيو ۽ ساڻس کيڏندو پڻ رهيو. واضح رهي ته عدنان سميع کي ۲۰۱٦ع ۾ ڀارتي شهريت ڏني وئي آهي.

 

مارٽينا هنگس ۽ جمي مري يو ايس اوپن ٽينس ٽورنامينٽ مڪسڊ ڊبلز ايونٽ کٽي ورتو

نيويارڪ(اسپورٽس نيوز) ڪينيڊا جي مارٽينا هنگس ۽ سندس برطانوي جوڙيدار مري يو ايس اوپن ٽينس ٽورنامينٽ مڪسڊ ڊبلز ايونٽ کٽي ورتي. هن فائنل ۾ نيوزيلينڊ جي مائيڪل وينس ۽ ان جي تائيوان جي جوڙيدار چن هائو چنيگ کي هارائي ٽائيٽل پنهنجي نالي ڪيو. آمريڪا ۾ جاري سال جي چوٿين ۽ آخري گرينڊ سلام ٽينس ٽورنامينٽ جي سلسلي ۾ کيڏيل مڪسڊ ڊبلز فائنل ميچ ۾ ڪينيڊا جي مارٽينا هنگس ۽ ان جي برطانوي جوڙيدار جمي مري سخت مقابلي کان پوءِ نيوزيلينڊ جي مائيڪل وينس ۽ ان جي تائيوان جي جوڙيدار چن هائو چنيگ کي ۱_٦، ٦_۴ ۽ ۸_۱۰ تان هارائي ٽورنامينٽ کٽي ورتو.

 

کڏڙو ۾ شھيد محترمه بينظير ڀٽو جي ياد ۾ آل سنڌ نائيٽ والي بال ٽورنامينٽ، ٺري مير واهه ٽيم ميدان ماري وئي

کڏڙو(اسپورٽس نيوز)کڏڙو جي مين سانگهڙ_نوابشاهه روڊ سامهون پهريون شھيد راڻي محترما بينظير ڀٽو جي ياد ۾ آل سنڌ نائيٽ والي بال ٽورنامينٽ ٿي گذريو، جنهن ۾ سموري سنڌ جي شھرن نواب شاھ، خيرپور، ٺري مير واهه، سڪرنڊ، قاضي احمد، ڪرونڊي ۽ ٻين شھرن جي بهترين رانديگرن جي ٽيمن حصو ورتو، وڏي جدوجهد ۽ مقابلي کانپوءِ ٺري ميرواهه جي ٽيم کڏڙو شھر جي حمير فقير اسٽار کي ملھ ماري ٽورنامينٽ جو پهريون نمبر حاصل ڪري ڪپ پنهنجي نالي ڪري ورتو ۽ روق ويھ هزار انعام پڻ حاصل ڪيو. جڏهن ته هن ٽورنامينٽ جا مهمان خاص شير محمد ڏيرو، پ پ نوابشاھ ضلعي جنرل سيڪريٽري امير بخش عمراڻي، حاجي وارث رند، عبدلغفار عمراڻي ۽ ضلعي سانگهڙ ڊسٽرڪٽ ڪائونسل جي وائيس چيئرمين حاجي جمالالدين آرائين خصوصي شرڪت ڪري ٽورنامينٽ جي بهترين رانديگرن ۾ انعام پڻ تقسيم ڪيا. ٽورنامينٽ جي آرگرنائيزر مير ڌڻي بخش ٽالپر سموري سنڌ جي آيل ٽيمن جي رانديگرن ۽ مهمان کي اجرڪن جا تحفا پڻ پيش ڪيا. هوڏانهن ٽورنامينٽ کان اڳ شھيد راڻي محترما بينظير ڀٽو کي ڀيٽا پيش ڪرڻ لاءِ هڪ منٽ جي خاموشي اختيار ڪئي وئي ۽ سندس روح کي ايثا وثواب لاءِ خيرات جو لنگر پڻ تقسيم ڪيو ويو.

 

”ٻن ڏهاڪن بعد ٿيندڙ ملڪي ڇهين آدمشماري ۽ سنڌ سان ٿيندڙ ويساهه گهاتيون“: منصور خاصخيلي

ٻن ڏهاڪن بعد مارچ ۾ ڪرايل ملڪي آدمشماري جا نتيجا شماريات کاتي پاران تازو ئي جاري ڪيا ويا آهن، جنهن موجب ملڪ جي مجموعي آبادي 20 ڪروڙ 77 لک 74 هزار 520 ماڻهن تي مشتمل ظاهر ڪئي وئي آهي، جاري ڪيل نتيجن موجب 2017 جي آدمشماري ۾ 1981ع جي مقابلي ۾ ملڪي آبادي 146 ڏهائي 6 سيڪڙو وڌي وئي، ان ڇهين آدمشماري موجب پنجاب پهرين، سنڌ ٻئي، خيبرپختونخواهه ٽئين ۽ بلوچستان چوٿين نمبر تي آهي، جڏهن ته ڪجهه ملڪي علائقن جا نتيجا اڃان اچڻا آهن. تازي ٿيل ڇهين آدمشماري جي نتيجي ۾ سنڌ جي ڪل آبادي چار ڪروڙ 78 لک 86 هزار ڄاڻائي وئي آهي، ان موجب  تقريبن ٻن ڏهاڪن بعد سنڌ جي آبادي ۾ هڪ ڪروڙ 74 لک 46 هزار ماڻهن جو اضافو ٿيو آهي.

بهرحال آيل آدمشماري جي نتيجن تي ملڪ جي ٻين حصن مان عمومن ۽ سنڌ مان خصوصن عوامي سطح تي آدمشماري جي نتيجن جي شفافيت تي سخت اعتراض اچي رهيا آهن، ان ۾ ڪو به شڪ ڪونهي ته  ملڪي ڇهين آدمشماري جا ابتدائي نتيجا حيرت جوڳا ۽ مينج ڪيل ٿا لڳن توڙي جو اڃان ان جاري ڪيل ڇهين آدمشماري جي نتيجن جا تفصيل  پڻ اچڻا آهن پر تازن جاري ڪيل نتيجن موجب ملڪي سسٽم ۾ پراڻو ساڳيو اسٽيٽسڪو برقرار آهي ۽ وفاق ۾ هڪ صوبي جي ساڳي بالادستي پڻ برقرار آهي. تازو ڪرايل  ملڪي ڇهين آدمشماري جي نتيجن موجب سنڌ جي ڪل آبادي  چار ڪروڙ اٺهتر لک ڇا اسي هزار ڄاڻائي وئي آهي. 1998ع جي آدمشماري تحت سنڌ جي جي شهري آبادي 48.75 سيڪڙو هئي، جيڪا هاڻ ٻن ڏهاڪن بعد تازي آدمشماري جي نتيجن موجب شهري آبادي وڌي 52.02 سيڪڙو ٿي وئي آهي، جڏهن ته گذريل آدمشماري ۾ ٻهراڙين جي آبادي 61.25 سيڪڙو هئي، اها هاڻ گهٽجي هاڻوڪي آدمشماري جي  نتيجن موجب 47.98 سيڪڙو ٿي وئي آهي. سنڌ ۾ توڙي جو اربنائيزيشن ٿي رهي آهي، سنڌي ڳوٺاڻا ڳوٺن کان شهرن ڏي تيزي سان رخ ڪري رهيا آهن، سنڌ جي شهرن ۾ اها آبادي جي  واڌ جي سطح فطري ۽ متوقع آهي، پر اها سنڌ جي شهرن ۾ آبادي جي واڌ جيڪا اڳتي تفصيلي آدمشماري جي نتيجن ۾ ظاهر ٿيڻ گهرجي ته سنڌ جي شهرن ۾ سنڌي ڳالهيندڙن جي ڪثرت ۾ واڌ جي شڪل ۾ ٿيڻ کپي. ٻي طرف سنڌ جي ٻهراڙين ۾ پڻ غير معمولي اضافو ٿيو آهي.

هڪ ته سنڌ جي ٻهراڙين ۾ ٻارن جي  ڄم جي شرح شهرن کان وڌيڪ آهي ۽ گذريل تقريبن ٻن ڏهاڪن ۾ سنڌ جي ٻهراڙين ۾ ڄم پيداش جي سطح ۾ آيل  واڌ سان گهربل اضافو جاري ڪيل ڇهين آدمشماري جي انگن اکرن ۾  نظر نٿو اچي، جنهن سان سنڌ جي عمومن ۽ سنڌ جي شهرن جي خصوصن گهٽ ڄاڻايل آبادي ملڪي ڇهين آدمشماري جي آيل نتيجن جي شفافيت کي مشقوڪ قرار ڏي ٿي. اهوئي ڪارڻ آهي ته آدمشماري جي ابتدائي نتيجن تي سنڌ حڪومت سميت سمورن قومپرست سياسي ڌرين سخت اعتراض ظاهر ڪيا آهن، جيڪي اعتراض منتطقي، اصولي  ۽ انتهائي غور طلب پڻ آهن. آدمشماري هن ملڪ اندر انتهائي اهم عنصر آهي، جنهن تحت وفاق ۾ ناڻي جي صوبن ۾ وچمي ورڇ توڙي، ترقي جي بجيٽ ۽ نوڪرين جي ڪوٽا کان وٺي پارليامينٽ قومي توڙي صوبائي اسيمبلين جي سيٽن جو تعداد به ان تحت جڙي ٿو.

اها هڪ حقيقت آهي ته پاڪستان ۾ صحيح، شفاف، اڻڌري ۽ حقيقي آدمشماري کانسواءِ وفاق ۾ سنڌين سميت محڪوم قومن سان سياسي، اقتصادي انصاف نه ٿي سگهندو نه وري حقيقي وفاق جڙي سگهندو . هڪ ته ملڪ ۾ جيستائين بنگال شامل هو ته آبادي جي بنياد تي وسيلن جي ورڇ نه ٿيندي هئي ڇاڪاڻ ته بنگال جي آبادي جي لحاظ کان ان وقت ملڪي وفاق ۾ عددي اڪثريت هئي، ان وقت جبرن ون يونٽ مڙهيو ويو، نيٺ بنگال وفاق جي مسلسل ناانصافين کان تنگ ٿيو، بلڪ  ان وقت چونڊن ۾ اڪثريتي اليڪشن کٽي ايندڙ پارٽي عوامي ليگ ۽ مجيب رحمان کي اقتدار نه ڏئي، جبرن بنگال کي ٽوڙي جدا ٿيڻ تي مجبور ڪيو ويو، 1971ع ۾ بنگال جي بنگلاديش بڻجڻ کانپوءِ ٻن سالن بعد 1973 جي آئين تحت  وفاق ۾ ناڻي جي مالياتي ورڇ توڙي اسيمبلين جي سيٽن جي ورڇ آبادي جي بنياد تي رکي وئي ۽ ائين هڪ صوبي پنجاب جي وفاق ۾ سياسي ۽ اقتصادي هڪهٽي قائم ٿي، جيڪا هاڻوڪي آيل آدمشماري جي نتيجن تائين قائم آهي. هڪ ته گذريل اوڻهويهه سالن کان آدمشماري نه ڪرائي وفاق صوبن خصوصن سنڌ ۽ بلوچستان سان ڏاڍائي ۽ انتهائي ناانصافي پئي ڪئي آهي ۽ هاڻ وري جڏهن ڪجهه مهينا پهرين ملڪ ۾ سپريم ڪورٽ جي سخت دٻاءُ بعد عدالتي فيصلي تي حڪومت آدمشماري ته ڪرائي پر شفاف اڻڌري آدمشماري اڄ به سواليا نشان بڻيل آهي! ياد رهي ته اعلانيل آدمشماري ٿيڻ  کان پهرين ئي سنڌ جي جائز اعتراضن کي وفاقي سرڪار اڻٻڌو ڪري ڇڏيو هو ۽ جڏهن آدمشماري ٿي رهي هئي ته ان وقت به هلندڙ آدمشماري دوران سنڌ واسين سنڌ جي ڳوٺن ٿر، ڪوهستان سميت ٻهراڙين ۽ ڪراچي جي ڳوٺن ۾ ڳڻپ ڪندڙ عملي جو نه اچڻ ۽ وقت سر شناختي ڪارڊ نه ملڻ جا اعتراض اٿاريا ويا هئا پر اهي جائز شڪايتون ۽ سنڌ جا اعتراض ٻڌڻ لاءِ ان وقت به وفاق تيار ئي نه هو ۽ آدمشماري کان اڳ سنڌ واسين سنڌ ۾ رهندڙ لکين غير ملڪين افغانين، برمين، بهارين، ايرانين سميت سمورن غير قانوني رهندڙ ڌارين کي سنڌ مان نيڪالي ڏيڻ يا سنڌ ۾ غير قانوني رهندڙ ڌارين جي الڳ ڳڻپ ڪري انهن کي آدمشماري دوران ڳڻپ ۾ شامل نه ڪرڻ جو مطالبو ڪرڻ سان گڏ اهو به چيو ته سنڌ ۾ غير قانوني لکين ڌاريا رهن ٿا جن کي رشوت عيوض جعلي سنڌ جا شناختي ڪارڊ جاري ڪيا ويا آهن جيڪي آدمشماري کان اڳ رد ڪيا وڃن پر وفاقي سرڪار اسلام آباد سنڌ جي ان جائز مطالبن، اعتراضن ۽ احتجاجن کي هميشه جي دستور جيان اڻٻڌو ڪري نظرانداز ڪري ڇڏيو ۽ وري هلندڙ آدمشماري فارم ڀرڻ وقت به گهڻن جاين تي سنڌ ۾ پينسل  جو استعمال ڪيو ويو، جنهن تي پڻ سنڌ واسين سخت اعتراض اٿاريا پر ان جو به ڪو نوٽيس نه ورتو ويو. ٻي طرف سنڌ حڪومت آدمشماري جهڙي اهم  مسئلي  تي اڳ به ڪا به خاص سنجيده دلچسپي نه ورتي نه وري ڪا موثر حڪمت عملي جوڙي بلڪ  ويهه سال پراڻن نقشن تحت آدمشماري ڪرائي جيڪا نااهلي جي انتها هئي سنڌ حڪومت جيڪڏهن پنهنجو شماريات کاتي جي  انگن اکرن جو ڊيٽا رڪارڊ وقت سر اپ ڊيٽ رکي ها يا ڪو اهڙو موثر صوبائي سنڌ سطح تي شماريات کاتو تشڪيل ڏي ها  ۽ سنڌ ۾ وڌندڙ غير قانوني ڌارين آباد ڪاري جو وقت سر نوٽيس وٺي ها،

سنڌ ۾ رهندڙ ڌارين جا جعلي شناختي ڪارڊ رد ڪرائي ها يا ڌارين جي الڳ ڳڻپ ڪرائي ها  ته سنڌ سان آدمشماري ۾ ويساهه گهاتي نه ٿي سگهي ها. پر پ پ جي سنڌ سرڪار کي فقط هڪ ئي شي ۾ دلچسپي آهي اهو آهي  سنڌين کان  ووٽ وٺي اقتدار تي پهچڻ جيڪو ڪم هر اليڪشن ۾ ڀوتار ڪوڙا ڏٽا ڏئي مهارت سان ڪندا آهن ۽ اليڪشن بعد باقي پورو عرصو سنڌ جي صوبائي حڪومت هميشه جيان سنڌ جي قومي مسئلن ۽ قومي نااصافين تي مجرماڻه غفلت ڪري خاموش اختيار ڪندي آهي، هاڻ به تازو وري وفاقي سرڪار جي شماريات جي کاتي سنڌ جي آدمشماري جي اعتراضن کي بين الصوبائي اجلاس ۾ رد ڪري ڇڏيو آهي، ٿيڻ ته ائين کپندو هو جي بين الصوبائي جهڙي غير موثر پليٽ فارم بجا اهو مسئلو سنڌ حڪومت سي . سي آئي جهڙي وفاقي فورم تي کڻي ها توڙي جو ان مان به چـڱائي جي اميد گهٽ هئي بهرحال بين الصوبائي اجلاس ۾ سنڌ جي آدمشماري جي جائز اعتراضن کي جئين وفاقي شمارياتي کاتي يڪ طرفو رد ڪيو آهي ان مان صاف ظاهر آهي ته وفاق سنڌ سان امتيازي سلوڪ ختم ڪرڻ لاءِ اڃان تيار ئي نه آهي پر افسوس جي ڳالهه آهي ته ان بين الصوبائي آدمشماري واري ان وفاقي سطح جي ٿيل  اجلاس جنهن ۾ ٻين ٽنهي صوبن مان وڏن وزيرن يا نمائندن شرڪت ڪئي ان ۾ سنڌ جي وڏي وزير شرڪت ڪرڻ جي تڪيلف ئي  نه ڪئي، جنهن سان سنڌ حڪومت جو آدمشماري تي سنڌ جو سنجيده موقف رکڻ ۽ سنڌ جي حقيقي نمائندگي ڪرڻ جي پت وائکي ٿي ٿئي، ان ڳالهه ۾ ڪو به شڪ ڪونهي ته پ پ جي سنڌ حڪومت سنڌ جي عوامي، قومي حقيقي نمائندگي ڪندي سنڌ ڪيس بجاءِ فقط اقتداري سودي بازي ۾ مشغول رهي آهي ۽ اها ئي سنڌ حڪومت جي ترجيحات آهي نه ڪي سنڌ جا قومي مفاد.  اها سنڌ سان وڏي ويساهه گهاتي آهي، اها سنڌين پاران پ پ کي ڏنل ووٽن سان سنڌ حڪومت جي اها وڏي خيانت آهي، ڇا سنڌين پ پ  کي ان لاءِ ووٽ ڏنا آهن ته اهي سنڌ حڪومت ۾ اچي ڪرپشن ڪري ۽ سنڌ جي مسئلن تي اقتداري سودي بازي ڪن..؟

بدقسمتي سان پ پ سرڪار، سنڌ حڪومت جڏهن به سنڌ جو ڪو قومي  مسئلو وفاق آڏو کنيون به آهي ته اهو پنهنجي اقتداري مفادن کي طول ڏيڻ ۽ بچائڻ لاءِ اسلام آباد کي بليڪ ميلنگ ۽ بارگينگ سودي بازي طور  استعمال ڪيو آهي، ۽ هاڻ به سنڌ حڪومت آدمشماري جي نتيجن تي سنڌ سان ٿيل ويساهه گهاتي جي مسئلي کي انتهائي سنجيدگي بجاءِ سطحي طور کنيون آهي، توڙي جو عدالت ڏانهن به رجوع ڪيو آهي ۽ آدمشماري تي آل پارٽيز ڪانفرنس جي ڳالهه به ڪئي آهي پر اهو نه وسارڻ کپي ته آدمشماري سنڌ جي زندگي ۽ موت جيترو اهم سنجيده معاملو آهي. هاڻ  سنڌ حڪومت کي به پراڻا روايتي مدي خارج طريقا ڇڏي وفاق آڏو سنڌ سان آدمشماري جو مسئلو سنجيدگي ۽ ايمانداري سان رکي سنڌ سان انصاف لاءِ ڪردار ادا ڪري، ٻي صورت ۾ اها سنڌ واسين سان انتهائي وڏي ويساهه گهاتي هوندي، جنهن کي سنڌي ماڻهون ڪڏهن به نظرانداز نه ڪندا.  ٻي طرف اسلام آباد ۽ وفاقي سرڪار کي به گهرجي پنهنجون سنڌ سان امتيازي سلوڪ واريون  پاليسون ختم ڪري پر بدقسمتي سان ستر جي ڏهاڪي واريون استحصالي پالسيون ملڪ ٽٽڻ کان پو به اڄ تائين برقرار آهن ۽ اسلام آباد جا پاليسي ساز اهي استحصالي پالسيون ختم ڪرڻ لا تيار نه آهن. هاڻ ستر سالن بعد وفاق اسلام آباد کي کپي ته انهن غيرمنصافاڻا پاليسين تي نظر ثاني ڪر ااستحصالي پاليسيون ختم ڪري ۽ سنڌ واسين جي اعتراضن ۽ احتجاجن کي اڻٻڌو ڪرڻ واري روش به ختم ڪري سنڌ سان انصاف ڪرڻ گهرجي. سنڌ واسي ٻن ڏهاڪن بعد وڏي تاخير کان پو ٿيل آدمشماري جي غير شفاف نتيجن کي رد ٿا ڪن، ۽ هن ڇهين آدمشماري وسيلي غير قانوني سنڌ ۾ رهندڙ ڌارين کي سنڌين مٿان زور مڙهي سنڌين کي پنهجي ئي ڌرتي تي اقليت ۾ ڪرڻ جي سازش پڻ شامل آهي جنهن کي سنڌي قوم ڪنهن به ريت برداشت نه ڪندي اهو سنڌين جي قومي وجود ۽ بقا جو مسئلو آهي . وفاق پاران اهڙا غيرمنصفاڻا فيصلا محڪوم قومن خصوصن سنڌ جو بدترين استحصال آهي، اهو سنڌ جي ڦٽن تي لوڻ ٻرڪڻ جي برابر آهي.

khaskheli.mansoor17@gmail.com

 

 

برما ۾ مسلمانن جو ٿيندڙ قتلِ عام…!   : فرزانه نورمحمد چانڊيو/لاڙڪاڻو

اسلام دشمن قوتون شروع کان ئي اسلام مخالف رهيون آهن دنيا اندر ڪيترائي اهڙا ملڪ آهن جتي مسلمانن کي صرف ان بنياد تي قتل ڪيو وڃي ٿو ۽ ازيتون ڏنيون وڃن ٿيون ڇو ته هوُ مسلمان آهن. اهو چاهي اسرائيل هجي، برما هجي، آمريڪا يا ڀارت هجي اتي مسلمانن سان وڏو ظلم ڪيو پيو وڃي ۽ هنن کي جيئرو دفن يا انهن کي جانورن جيان ذبح ڪيو وڃي ٿو اهي واقعا ٻڌي لڱ ڪانڍارجيو وڃن ٿا، ۽ صدين کان وٺي هن وقت تائين مسلمانن تي ظلم ٿيندا رهن ٿا. وڏي عرصي کان فلسطينين جو قتلام جاري آهي. ڇا اسان مسلمانن کي هن دنيا ۾ رهڻ جو ڪوبه حق ناهين؟ جو مسلمانن کي ايتري وڏي سزا ڏني ويندي آهي. مسلمانن کي جيئرو ئي دفن ڪيو ويندو آهي. ۽ انهن مسلمانن کي هزارن جي تعداد ۾ ٻيڙين ۾ سٿي سمنڊ پار ڪيو ويندو آهي ۽ اهي مسلمان ان ٻيڙين ۾ تڙپي تڙپي حياتيون وڃائي ويهندا آهن ۽ مسلمانن کي زنده دفن ۽ سر قلم ڪيا ويندا آهن. اهو عمل ڪيڏو ته افسوس جوڳو عمل آهي ۽ انهن واقعن خلاف ڪوبه عالمي ادارو پنهنجي طاقت جو مظاهرو نه ڪندو آهي

تازو ئي فلسطينين جي قتلام بعد برما رهندڙ مسلمانن کي  اتان جي وزير اعظم عورت آنگ سانگ سوچي جنهن برما ملڪ ڇڏڻ جو چيو ۽ بعد ۾ معصوم مسلمانن کي انتهائي زيادتي جو نشانو بڻايو ويو آهي برما جي ميانمار واري علائقي ۾ هن وقت تائين هزارين مسلمانن کي قتل ڪيو ويو آهي ۽ ڪيترائي مسلمان زخمي آهن جيڪي هن وقت زنده لاش بڻيل آهي. برمي فوج ۽ ٻڌمت شرپسندن طرفان روهنگيا جي مسلمانن جي ٻارن جا سر قلم ڪيا ويا آهن جيڪو عمل صرف مسلمان مذهب تائين نه سموري انسانيت جي خلاف آهي برما ۾ رهندڙ مسلمانن جا 2 هزار کان وڌيڪ گھرن کي ساڙيو ويو آهي ۽ هڪ لک مسلمانن کي ملڪ نيڪالي ڏني وئي آهي انهن مان ڪجھ مسلمان بنگلاديش پهتا آهن ته ڪجھ وري رستن ۾ دربدريء واري زندگي گذارڻ تي مجبور آهن. سرڪاري ميڊيا موجب ته اختيارين لائوڍ اسپيڪر تي برما جي مسلمانن کي چيو آهي ته اهي سيڪيورٽي فورسز کي انهن جي ڳوٺ ۾ داخل ٿيڻ تي چئلينج نه ڪن اختيارين موجب ته سيڪيورٽي فورسز آراڪان روهنگيا. سيلويشن آرمي (اي آر ايس اي)  جي ويڙهاڪن جي ڳولا ۾ آهي حڪومت اي آر ايس اي کي ڪالعدم قرار ڏنو هو. جڏهن ته هميشه غير مسلم ملڪن ۾ مسلمانن کي ڪچليو ويندو آهي آخر ڇاجي ڪري ڪهڙي سبب جي ڪري مسلمانن کي زنده دفن ڪيو ويندو آهي ۽ زنده ساڙيو ويندو آهي، برما واقعو ٻڌندي ئي لڱ ڪانڍارجي وڃن ٿا ۽ اکين لڙڪ لڙي اچن ٿا!!! پر جيڪڏهن ڪنهن غير مسلم هڪ به فرد تي ٿورڙو به تشدد ٿيندو آهي ته سمورن عالمي ادارن ۾ ٿرٿلو مچي ويندو آهي پر هتي ته هزارين مسلمان شهيد ٿين ٿا پر انهن جي حفاظت لاءِ ڪي به جوڳا بندوبست نه ٿا ڪيا وڃن،  انڪري ضرورت ان ڳالهه جي آهي ته عالمي ادارن توڙي ٻين مسلم ملڪن کي گھرجي ته برما سميت ٻين ملڪن ۾ مسلمانن جو قتلام بند ڪرايو وڃي

 

 

پرنٽ ميڊيا جو گهيرو تنگ ڪرڻ جون تياريون….!!

وفاقي حڪومت صوبائي خودمختياري، 18هين آئيني ترميم، اظهار جي آزادي ۽ انساني حقن جي لتاڙ ڪندي اخبارن جي معاملن کي صوبن کان کسي وفاق حوالي ڪرڻ جو فيصلو ڪيو آهي، جنهن لاءِ جلد آرڊيننسلاڳو ڪري اخبارن جي ڊڪليئريشن جا اختيار وفاق کي ڏنا ويندا، جنهن جي سخت مخالفت ٿيڻ ۽ ملڪ ۾ سياسي مانڌاڻ مچڻ جو امڪان ظاهر ڪيو پيو وڃي. اطلاع آهن ته وزيراعظم هائوس جي ويجهن ذريعن انڪشاف ڪيو آهي ته وفاقي حڪومت ميڊيا خاص طور تي پرنٽ ميڊيا جي چوڌاري گهيرو تنگ ڪرڻ جو فيصلو ڪيو آهي، جنهن تحت پرنٽ ميڊيا جا معاملا به صوبن کان کسي وفاقي حڪومت حوالي ڪيا ويندا، ان مقصد لاءِ ميڊيا ريگيوليٽري آرڊيننس جاري ڪيو ويندو ۽ پارليامينٽ کي پاسيرو رکيو ويندو، ان آرڊيننس تحت اخبارن لاءِ ڊڪليئريشن جاري ڪرڻ واري قانون ۾ ترميم ڪئي ويندي ۽ ڊڪليئريشن جو اختيار صوبن کان کسي وفاق حوالي ڪيو ويندو. وفاقي حڪومت ڊڪليئريشن جاري ڪرڻ واري پاليسي تبديل ڪري ٽي وي چئنلن جيان اخبارن لاءِ به لائسنس جاري ڪيو ويندو، جنهن سان پرنٽ ميڊيا تي سخت نموني ڪنٽرول ڪرڻ ۾ مدد ملندي.

وفاقي حڪومت کي اخبار يا رسالي جو لائسنس ڪنهن به وقت ختم ڪرڻ جو اختيار حاصل هوندو. ان آرڊيننس وسيلي ڪتاب شايع ڪرڻ تي به ڪنٽرول ڪيو ويندو. پرنٽ ميڊيا تي ڪنٽرول ڪرڻ لاءِ هڪ ريگيوليٽر ادارو به قائم ڪيو ويندو، جنهن جو سربراهه رجسٽرار هوندو ۽ ان کي ميڊيا بابت تمام گهڻا اختيار حاصل هوندا. اطلاع اهي به آهن ته اڄ سومر ڏينهن پاڪستان پريس ڪائونسل جو اهم اجلاس اسلام آباد ۾ ٿيندو  جنهن ۾ اهو آرڊيننس جاري ڪرڻ لاءِ منظوري ۽ راضپو حاصل ڪرڻ جي ڪوشش ڪئي ويندي، ڇاڪاڻ ته پريس ڪائونسل ۾ سي پي اين اي، اي پي اين ايس ۽ پي ايف يو جي جا نمائندا به شامل آهن. سياسي ڌرين پرنٽ ميڊيا ريگيوليٽري اٿارٽي کي نه رڳو ان ۾ مليل بنيادي انساني حقن جي ڀڃڪڙي قرار ڏنو آهي پر ان کي صوبائي خودمختياري تي به وار قرار ڏنو آهي، جڏهن ته ان فيصلي کي آئين ۾ ڪيل 18هين ترميم کي واپس وٺڻ جي پهرين ڪڙي قرار ڏنو پيو وڃي.