تازيون خبرون

Daily Archives: September 8, 2017

آمريڪا سلامتي ۽ خودمختياري جو احترام ڪري، قوم کي قربانيءَ جو ٻڪر ٿيڻ نه ڏينداسين: پاڪستان

اسلام آباد( ويب ڊيسڪ ) پرڏيهي وزير خواجه آصف چيو آهي ته پاڪستاني قوم کي قربانيءَ جو ٻڪرو ٿيڻ نه ڏينداسين، آمريڪا کي پاڪستان جي سلامتي ۽ خودمختياريءَ جو احترام ڪرڻ گهرجي، سفيرن جي ڪانفرنس ۾ خطي جا سمورا مسئلا حل ڪرڻ جي حڪمت عملي طئي ڪئي وئي آهي. اسلام آباد ۾ سفيرن جي ڪانفرنس کانپوءِ پريس ڪانفرنس ڪندي خواجه آصف چيو ته سندن سڀ کان پهرين ترجيح پاڪستان کي دهشتگرديءَ کان محفوظ ڪرڻ آهي. هن چيو ته دنيا قبول ڪري يا نه اسان دهشتگرديءَ خلاف جنگ کٽي رهيا آهيون. سندس چوڻ هو ته پاڪستان جو 20 ڪروڙ عوام دهشتگرديءَ خلاف جنگ ۾ ڪاميابيءَ جي شاهدي ڏئي رهيو آهي. خواجه آصف چيو ته سفيرن جي ڪانفرنس ۾ ڪشمير ۾ جيڪو ٿي رهيو آهي تنهن کي نظر ۾ رکندي ڀارت سان لاڳاپن تي غور ويچار ڪيو ويو. هن چيو ته اسان جي بقا داءُ تي لڳل آهي تنهن ڪري اسان کان بهتر ڪو به اها جنگي وڙي نه ٿو سگهي.  سندس چوڻ هو ته اڄ هو چين وڃي رهيو آهي، ٻن ٽن ڏينهن اندر ايران جو دورو به ڪندس. خواجه آصف چيو ته ڪشمير مسئلي کي هر فورم تي اجاگر ڪرڻ جو فيصلو ڪيو ويو آهي. هن چيو ته  گڏيل قومن جي جنرل اسيمبليءَ جي اجلاس کان اڳ دوست ملڪن جو دورو به ڪندس. سندس چوڻ هو ته ايراني صدر ۽ پرڏيهي وزير سان به سندس ملاقات طئي ٿيل آهي. پرڏيهي وزير خواجه آصف چيو ته آمريڪا سان گڏيل احترام جي بنياد تي لاڳاپا چاهيون ٿا. هن چيو ته  وزيراعظم به نئين پيرا ڊيم تي زور ڀريو آهي. سندس چوڻ هو ته موجوده صورتحال ۾ محتاط نموني سان چوندس ته اسان نيون پيرا ڊيم آڻينداسين. خواجه آصف چيو ته آمريڪا سان لاڳاپا ختم نه ڪري رهيا آهيون، معاملن کي ملڪي مفادن جي نظر سان ڏسنداسين. هن چيو ته آمريڪا سميت ڪنهن به ملڪ سان لاڳاپن کي گڏيل احترام جي بنياد تي ڏسڻ چاهيون ٿا. سندس چوڻ هو ته آمريڪا پاڪستان جي سلامتي ۽ خودمختياري جو احترام ڪري، پاڪستاني قوم کي قرباني جون ٻڪرو ٿيڻ نه ڏينداسين.  خواجه آصف چيو ته واشنگٽن ۾ ويٺل ماڻهن کي پاڪستان ۽ خطي جي حقيقي صورتحال جو اندازو ناهي. هن چيو ته اڳوڻي سفير عبدالباسط جو هاڻي ڪنهن به اداري سان تعلق ناهي، اڳوڻن سفيرن کي ذاتي شڪايتون آهن پر سندن طريقو درست ناهي.

 

نيب شريف خاندان ۽ اسحاق ڊار خلاف 4 ريفرنس داخل ڪرڻ جي منظوري ڏئي ڇڏي

اسلام آباد (اين اين آءِ)نيب ايگزيڪٽو بورڊ نوازشريف ۽ ان جي ٻارن جي خلاف 3 رفرنسز ۽ اسحآق ڊار جي خلاف رفرنس داخل ڪرڻ جي منظوري  ڏئي ڇڏي. رفرنسز اڄ جمعي تي راولپنڊي ۽ اسلام آباد جي عدالتن ۾ داخل ڪيا ويندا. جڏهن ته  ٻن رفرنسز جي منظوري جون ڪاپيون نيب لاهور ٽو ۾ وڌيڪ رفرنس جي منظوري  جون ڪاپيون نيب راولپنڊيءَ ڏانهن موڪليون ويون. ميڊيا رپورٽ موجب خميس تي نيب جي چيرمين قمر زمان  چوڌري جي صدارت ۾ نيب ايگزيڪٽو بورڊ جو اجلاس نيب هيڊڪوارٽر م ٿيو جنهن ۾ ڊپٽي چيرمين نيب، پراسڪيوٽر جنرل، ڊي جي آپريشن ۽ ٻيا اختيار شريڪ ٿيا. اجلاس ۾ نوازشريف ان جو پٽ حسن، حسين نواز ۽ ڌيءُ مريم نواز ۽ ڪيپٽن رٽائرڊ صفدر سميت اسحاق ڊار جي خلاف چئن رفرنسز تي غور ڪيو ويو. ايگزيڪٽو بورڊ جي اجلاس ۾ شريف خاندان ۽اسحاق ڊار جي خلاف رفرنس داخل ڪرڻ جي منظوري ڏني وئي جنهن جي تحت نوازشريف ۽ ان جي اولاد جي خلاف رفرنس داخل ڪيا ويندا. رفرنس اڄ جمعي تي راولپنڊي ۽ اسلام آباد جي عدالتن ۾ داخل ڪيا ويندا، اڳوڻي وزيراعظم  ۽ ان جي اولاد جي خلاف ايون فيلڊ پراپرٽي جڏهن وفاقي ناڻي واري وزير اسحاق ڊار جي خلاف آمدني کان وڌيڪ اثاثن بابت رفرنس ايگزيڪٽو بورڊ ڏانهن منظوري لاءِ موڪليو ويو. انکانسواءِنيب راولپنڊي پاران شريف خاندان عزيزيه  اسٽل ملز ۽ 11 ڪمپنين بابت ٻه رفرنسز الڳ ايگزيڪٽو بورڊ اجلاس ۾ منظوري لاءِ موڪليا ويا .

 

آمريڪا پاڪستان کي دهشتگردي خلاف ويڙهه لاءِ 33 ڏهائي 4 ارب ڊالر امداد ڏني: رپورٽ

اسلام آباد(ويب ڊيسڪ) آمريڪا گذريل 15 سالن دوران پاڪستان کي دهشتگردي خلاف جنگ وڙهڻ لاءِ 33 ڏهائي 4 ارب ڊالر ڊالرن جي امداد ڪري چڪو آهي، هي انهن خرچن جو رڳو 44 سيڪڙو حصو آهي جيڪو پاڪستان ان جنگ ۾ لڳائي چڪو آهي. خابرو ادارن موجب آمريڪا دهشتگردي خلاف جنگ ۾ پاڪستان کي هن وقت تائين 33 ڏهائي 4 ارب ڊالرن جي امداد ڪري چڪو آهي. ان مان 14 ڏهائي 573 ارب ڊالر لاجسٽڪس جي مد ۾ ادا ڪيا ويا جڏهن ته پاڪستان کي سول ۽ فوجي امداد جي صورت ۾ 2002 کان 2016 دوران رڳو 18 ڏهائي 8 ارب ڊالر ڏنا ويا. اهي انگ اکر آمريڪي اختيارين طرفان جاري ڪيا ويا آهن جنهن جي ترتيب لاءِ آمريڪي پرڏيهي وزارت، بچاءَ، زراعت ۽ يو ايس اينڊ گڏجي ڪم ڪيو آهي. جيڪڏهن آمريڪي امداد جو جائزو ورتو وڃي ته ناڻي واري وزارت جي انگن اکرن موجب پاڪستان کي امداد جي صورت ۾ رڳو 18 ڏهائي 8 ارب ڊالر مليا آهن، جڏهن ته نائن اليون کان پوءِ دهشتگردي جي جنگ ۾ پاڪستان جو نقصان 123 ڏهائي 13 ارب ڊالر ٿي چڪو آهي.  2014 کان پوءِ آمريڪا جي پاڪستان کي ڏيندڙ امداد ۾ مسلسل گهٽتائي آئي آهي. 2002 کان 2013ع دوران آمريڪا تقريبن پاڪستان کي 2 ڏهائي 3 ارب ڊالر ڏنا جيڪي گهٽ ٿي 1 ڏهائي 6 ارب ڊالرن تائين اچي ويا. ان ۾ اهو پيسو به شامل آهي جيڪو اتهادي نيٽو جي فنڊ جي مد ۾ ادا ڪيو ويندو رهيو، جيڪو اصل ۾ امداد نه پر آمريڪي فوج کي لاجسٽڪس ۽ آپريشنز ۾ مدد ڏيڻ جو معاوضو آهي. جيڪڏهن ان معاضي کي آمريڪي امداد مان ختم ڪيو وڃي ته آمريڪا پاڪستان کي 2014 کان 2016 دوران تقريبن سالياني 810 ملين ڊالر امداد ڏني جڏهن ته ساڳي امداد 2002 کان 2013 دوران 1 ڏهائي 4 ارب بڻجي ٿي. 2017ع ۾ آمريڪا جي پاڪستان کي ڏيندڙ امداد ۾ گهٽتائي آئي آهي ۽ اها اسلام آباد جي گڏيل بجيٽ جي رڳو هڪ سيڪڙو رهجي وئي آهي. جيڪڏهن پاڪستان آمريڪا کان امداد نه وٺي تڏهن به ان هڪ سيڪڙي کي ٻين ذريعن سان آساني سان پورو ڪري سگهي ٿو. 2002 کان هن وقت تائين آمريڪا پاڪستان کي فوجي سهڪار جي صورت ۾ 7 ڏهائي 96 ارب ڊالر ڏنا جيڪي تقريبن 530 ڏهائي 4 ملين ڊالر ساليانا بڻجن ٿا. ان امداد مان به 3 ڏهائي 8 ارب ڊالر پرڏيهي فوجي امداد جي پروگرام تحت ادا ڪيا ويا جڏهن ته باقي 2 ڏهائي 35 ارب ڊالر پاڪستان ۾ آپريشنز ۽ 911 ملين ڊالر دهشتگردي ۽ منشيات جي خاتمي جي مد ۾ ڏنا ويا.

 

هاءِ ڪورٽ آءِ جي سنڌ اي ڊي خواجه کي عهدي تي برقرار رکڻ جو حڪم ڏئي ڇڏيو

ڪراچي(اين اين آءِ) سنڌ هاءِ ڪورٽ انسپيڪٽر جنرل سنڌ پوليس الله ڏنو خواجا کي عهدي تي برقرار رهڻ جو حڪم ڏئي ڇڏيو آهي، سنڌ هاءِ ڪورٽ آءِ جي سنڌ جي مقرري برقرار رکندي 30 مئي تي محفوظ ڪيل فيصلو ٻڌائي ڇڏيو، جڏهن ته عدالت پوليس ايڪٽ 1861 موجب آءِ جي جي مقرري برقرار رکي، عدالت اي ڊي خواجا کي مستقل ذميداري سنڀالڻ جو حڪم ڏيندي فيصلي ۾ چيو آهي ته سنڌ پوليس جي ڪمانڊ آءِ جي سنڌ وٽ آهي، عدالت پنهنجي فيصلي ۾ قرار ڏنو ته اي ڊي خواجا عهدي تي ڪم ڪندو رهيو ۽ جيڪڏهن ڪو آفيسر آءِ جي سنڌ کانسواءِ ڪنهن ٻئي جو حڪم مڃي ته کيس ڪارروائي جو اختيار آهي، سنڌ هاءِ ڪورٽ 31 مارچ ۽ پهرين اپريل تي سنڌ حڪومت طرفان پوليس آفيسرن جي مقرري ۽ بدلين جا جاري ڪيل 2 نوٽيفڪيشن به ڪالعدم قرار ڏئي ڇڏيا، عدالت فيصلي ۾ چيو ته قانون موجب کاتي جي خودمختياري لاءِ ڪمانڊ آءِ جي وٽ هجڻ ضروري آهي، جڏهن ته آءِ جي سنڌ کي عهدي تان هٽائڻ لاءِ قانوني طريقي کي فالو نه ڪيو ويو، سنڌ هاءِ ڪورٽ فيصلي ۾ قرار ڏنو ته پي ايس پي آفيسرن سميت هر سطح جون مقررين ۽ بدلين جو اختيار آءِ جي سنڌ وٽ آهي، عدالت قرار ڏنو ته سنڌ بزنس رولز 1986 ۾ آءِ جي سنڌ جي مدت ملازمت جو طريقو موجود آهي، جيڪڏهن آءِ جي سنڌ کي هٽائڻ ضروري هجي ته سبب ٻڌائڻ لازمي آهن، عدالت فيصلي ۾ چيو ته آءِ جي سنڌ جي مقرري ۽ بدلي لاءِ انيتا تراب ڪيس کي نظر ۾ رکيو وڃي، عدالت سنڌ ۽ وفاقي حڪومتن کي پوليس سان لاڳاپيل وڌيڪ قانون سازي ڪرڻ جي هدايت ڪندي چيو ته وفاقي حڪومت آءِ جي سنڌ جي مقرري ۽ اختيارن بابت رولز بڻائي، عدالتي فيصلي بعد درخواست گذار جي وڪيل فيصل صديقي ايڊووڪيٽ ميڊيا سان ڳالهائيندي چيو ته عدالت تفصيلي حڪم جاري ڪري ڇڏيا آهن ۽ هي فيصلو پوليس ريفارمز طرف پهريون قدم آهي، وڪيل چيو ته عدالت پوليس ايڪٽ 1861 بقرار رکيو ۽ هي ايڪٽ به آءِ جي جي خودمختياري ۽ ڪمانڊ کي هٿي ڏئي ٿو، جڏهن ته ٽرانسفر پوسٽنگ آءِ جي سنڌ جو اختيار آهي، ياد رهي ته آءِ جي کي عهدي تان هٽائڻ جو اختيار وفاق وٽ آهي پر صوبائي حڪومت اختلافن سبب اي ڊي خواجا کي عهدي تان هٽائي ڇڏيو هيو، جنهن بعد سنڌ هاءِ ڪورٽ ان کي هٽائڻ جو حڪم 3 اپريل تي معطل ڪيو هيو. ٻئي طرف سنڌ سرڪار آءِ جي سنڌ اي ڊي خواجه بابت فيصلو سپريم ڪورٽ ۾ چئلينج ڪرڻ جو اعلان ڪيو آهي. ايڊووڪيٽ جنرل سنڌ جو چوڻ آهي ته عدالت تفصيلي حڪم جاري ڪيا آهن، فيصلي ۾ خاميون آهن جنهن سبب سپريم ڪورٽ ۾ اپيل داخل ڪئي ويندي. هن چيو ته پوليس سڌارا تمام گهڻا ضروري آهن، بدليون ۽ مقرريون آءِ جي سنڌ جو اختيار آهي، جڏهن ته پوليس ايڪٽ به آءِ جي جي خودمختياري ۽ ڪمانڊ کي هٿي ڏئي ٿو.هوڏانهن آئي جي سنڌ اي ڊي خواجا عدالتي فيصلي تي رد عمل ڏيندي چيو ته عدالتي فيصلو گڊ گورننس ۽ ادارن جي فتح آهي فيصلي تي الله تعاليٰ جو شڪر گذار آهيان، مان پنهنجي سمورن دوستن جو به شڪر گذار آهيان، جن منهنجي ڀرپور سپورٽ ڪئي. آئي جي سنڌ چيو ته پوليس ۾ سڌارن جو عمل اهڙي طرح جاري رهندو، الله اسانکي توفيق ڏئي رته اسان غريبن جي خدمت ڪري سگھون، ياد رهي ته سنڌ هائي ڪورٽ صوبائي حڪومت جي آئي جي اي ڊي خواجا کي هٽائڻ واري فيصلي کي ڪاالعدم قرار ڏيندي پوليس جي سڌارن  کي جاري رکندي ڪم جاري رکڻ جو حڪم ڏنو آهي.

 

نساسڪ جي ٻن منصوبن بابت رپورٽ رد، سنڌ ۾ 90 سيڪڙو پاڻي پيئڻ جي لائق ناهي: سپريم ڪورٽ

اسلام آباد(ويب ڊيسڪ) سپريم ڪورٽ جي جج جسٽس فيصل عرب پنهنجي ريمارڪس ۾ چيو آهي ته سنڌ ۾ 90 سيڪڙو پاڻي پيئڻ جي لائق ناهي.  سپريم ڪورٽ ڪراچي رجسٽري ۾ شهرين کي صاف پاڻي جي فراهمي بابت درخواست جي ٻڌڻي ٿي جنهن ۾ ايڊووڪيٽ جنرل سنڌ عدالت کي ٻڌايو ته ٻه تعمير هيٺ منصوبن مان هڪ 85 سيڪڙو ۽ هڪ 100 سيڪڙو مڪمل ٿي چڪو آهي. عدالت نساسڪ جي ٻنهي منصوبن بابت رپورٽ رد ڪري جڏهن ته  پنهنجي ريمارڪس ۾ جسٽس مشير عالم اسان کي ڪاغذي ڪارروائي نه پر نتيجا گهربل آهن. جسٽس مشير عالم جو چوڻ هو ته اهڙي آڊٽ جي رپورٽ جو ڪهڙو فائدو جنهن جو ثمر عوام تائين نه پهچي، عوام جو پيسو عوام تي خرچ ٿيڻ گهرجي جڏهن ته جسٽس فيصل عرب ريمارڪس ڏيندي چيو ته سنڌ ۾ 90 سيڪڙو پاڻي پيئڻ جوڳو ناهي.

 

افغانستان جو امن پاڪستان لاءِ ضروري آهي: وزيراعظم شاهد خاقان عباسي

اسلام آباد (ويب ڊيسڪ): وزيراعظم شاهد خاقان عباسي جي صدارت هيٺ وفاقي ڪابينا جو اجلاس ٿيو آهي، اجلاس کي خطاب ڪندي وزيراعظم شاهد خاقان عباسي چيو آهي ته پاڪستان جي افغانستان لاءِ پاليسي واضح آهي، هن چيو ته افغانستان جو امن پاڪستان لاءِ ضروري آهي، پاڪستان دهشتگردي خلاف لازوال قربانيون ڏنيون آهن، وزيراعظم چيو ته پاڪستان جي اندر ۽ سرحدن جي حفاظت لاءِ فوج ۽ سڪيورٽي ادارا مقرر آهن، هن چيو ته دهشتگردي خلاف پورو حڪومتي نظام جامع ۽ فعال انداز ۾ ڪم ڪري رهيو آهي، چين واضح ڪيو برڪس پڌرائي هارٽ آف ايشيا ڪانفرنس جي موقف مطابق آهي، وزيراعظم چيو ته پاڪستان اڳ ۾ ئي پابندي مڙهيل تنظيمن خلاف ڪارروائي ڪري رهيو آهي، پاڪستان به برڪس ڪانفرنس ۾ بيان ڪيل دهشتگرد ۽ انتهاپسند تنظيمن جي خلاف آهي، پاڪستان سميت پوري خطي جي امن لاءِ هر سطح تي ڪوششون ڪري رهيا آهيون.

 

يونيورسٽي روڊ جو آڪٽوبر ۾ افتتاح ڪندس، مختلف ترقياتي رٿائن تي جاري ڪم جي رفتار کي تيز ڪيو وڃي: وڏو وزير

ڪراچي (اين اين آءِ): سنڌجي وڏي وزيرسيدمرادعلي شاهه چيوآهي ته مان نيپا کان صفوران چورنگي يونيورسٽي روڊ جو آڪٽوبر ۾ افتتاح ڪندس ۽ مختلف ترقياتي رٿائن تي جاري ڪم جي رفتار کي تيز ڪيو وڃي. اها ڳالهه هن ڪراچي پئڪيج تحت جاري ترقياتي ڪمن جي حوالي سان وزيراعليٰ هائوس ۾ هڪ جائزي اجلاس جي صدارت ڪندي ڪئي. اجلاس ۾ مڪاني ادارن واري صوبائي وزير ڄام خان شورو، چيئرمين رٿابندي ۽ ترقيات محمد وسيم، وڏي وزير جو پرنسپل سيڪريٽري سهيل راجپوت، ناڻي وزير سيڪريٽري حسن نقوي، سيڪريٽري بلديات رمضان اعواڻ، ڪراچي پئڪيج جو پروجيڪٽ ڊائريڪٽر نياز سومرو ۽ خالد مسرور سميت ٻين اعليٰ آفيسرن شرڪت ڪئي. وڏي وزير سيد مراد علي شاهه اجلاس ۾ جاري ترقياتي رٿائن جو جائزو وٺندي شرڪت ڪندڙ سان مخاطب ٿيندي چيو ته شهر ۾ ترقياتي ڪم وڌيڪ تيز ٿيڻ گهرجن ۽ جيترو جلد ٿي سگهي رٿائون مڪمل ڪيون وڃن. وڏي وزير ڪراچي پئڪيج تحت 8004 ملين رپين جي 14 نيون اسڪيمون منظور ڪندي چيو ته نيپا کان صفوران چورنگي يونيورسٽي روڊ جو آڪٽوبر ۾ افتتاح ڪندس. منظور ڪيل نئين اسڪيمن ۾ (1) 350 ملين رپين جي لاڳت سان ٽينڪ چورنگي کان سپرهاءِ وي کان ٿڌو نالو روڊ جي تعمير (2) شاهراهه فيصل تي ڪارساز کان ٽيپو سلطان روڊ جي تعمير (3) 1.5 بلين رپين جي لاڳت سان شهيد ملت روڊ تي ٽيپو سلطان ۽ خالد بن وليد روڊ جي تعمير (4) 270 ملين رپين جي لاڳت سان يونيورسٽي روڊ کان راشد منهاس روڊ تائين اسٽيڊيم روڊ کي وسيع ڪرڻ (5) 644 ميلن رپين جي لاڳت سان لي مارڪيٽ ۾ پراڻي بازار جي بحالي، نيڪالي ۽ پاڻي جي فراهميءَ جا منصوبا (6) 1.5 بلين رپين جي لاڳت سان لانڍي روڊ تي ڪورنگي ڪراسنگ کان دائود چورنگي تائين ٻن نون فلاءِ اووز جي تعمير (7) 240 ملين رپين جي لاڳت سان ڪينٽ ريلوي اسٽيشن روڊ جي تعمير (8) 650 ملين رپين جي لاڳت سان ڦوارو چوڪ کان چڙيا گهر تائين ۽ صدر کان ميٽروپول هوٽل تائين روڊ جي تعمير (9) هڪ بيلن رپين جي لاڳت سان آءِ سي آءِ چوڪي تي انٽرچينج برج جي تعمير (10) 200 ملين رپين جي لاڳت سان حبيب بينڪ سائيٽ ويجهو نالي تي برج جي تعمير (11) 700 ملين رپين جي لاڳت سان سن سيٽ بليو وارڊ، گذري بليو وارڊ / التمش اسپتال برج جي تعمير (12) 70 ملين رپين جي لاڳت سان حسن اسڪوائر کان لياريءَ تائين نيڪالي واري نظام جي تعمير (13) 200 ملين رپين جي لاڳت سان شاهراهه فيصل تي اسٽار گيٽ کان چڪورا نالي تائين نيڪالي واري نالي جي تعمير (14) 400 ملين رپين جي لاڳت سان پاڻيءَ جي فراهميءَ کي بهتر بڻائڻ لاءِ حبيب بينڪ سائيٽ کان بلديا تائين نئين پاڻيءَ جي لائين وڇائڻ جا منصوبا شامل آهن. اجلاس ۾ وڏي وزير سيد مرا علي شاهه فيصلو ڪيو ته هُو يونيورسٽي روڊ (نيپا کان صفوران چورنگي) جو آڪٽوبر ۾ افتتاح ڪندو ۽ هن پي ڊي ڪراچي پئڪيج نياز سومري کي هدايت ڏيندي چيو ته مونکي سب ميرين انڊرپاس نومبر ۾ عوام لاءِ کولڻو آهي انڪري ڪم جي رفتار وڌيڪ تيز ڪئي وڃي. هن لاڳاپيل آفيسرن کي حڪم جاري ڪندي چيو ته ٽيپو سلطان روڊ تي فلاءِ اوو جو ڪم آڪٽوبر جي پهرين هفتي ۾ شروع ڪيو وڃي، ان حوالي سان لاڳاپيل آفيسرن کي هدايت جاري ڪندي هن چيو ته برج جي تعمير دوران ٽريفڪ جي رواني لاءِ متبادل رستا بڻايا وڃن. وڏي وزير اسٽيڊيم روڊ تي ٽائيمز اسٽور واري هنڌ تي جتي ٽريفڪ آغا خان اسپتال، لياقت نيشنل اسپتال کان اچي اسٽيڊيم روڊ وٽ ٽريفڪ جام ٿيندي آهي، اتي هن انڊرپاس تعمير ڪرڻ جو حڪم ڏيندي چيو ته انڊرپاس فلاءِ اوور جي هيٺان تعمير ڪيو وڃي. اجلاس ۾ لي مارڪيٽ، جوڙيا بازار، صرافا بازار، جهونا مارڪيٽ جي روڊن جي تعمير ۽ علائقن جي ترقيءَ لاءِ فيصلو ڪيو ويو. هن لاڳاپيل آفيسر کي ڪينٽ اسٽيشن روڊ جي تعمير جلد شروع ڪرڻ جو حڪم ڏيندي چيو ته روڊ جي هيٺ جيتريون به پراڻيون پاڻي ۽ نيڪاليءَ واريون لائينون آهن اهي نيون وڇائڻ سان گڏوگڏ برسات جي پاڻيءَ جي نيڪاليءَ جو به انتظام ٿيڻ گهرجي. وڏي وزير سيد مراد علي شاهه ڪراچي پئڪيج تحت جاري تمام رٿائن کي مقرر ڪيل مدي ۾ مڪمل ڪرڻ ۽ ڪم جي معيار کي يقيني بڻائڻ جا حڪم ڏيندي چيو ته جيترو ٿي سگهي جلد ترقياتي اسڪيمون مڪمل ڪيون وڃن ڇاڪاڻ ته جيئن عوام ان مان جلد لاڀ حاصل ڪري سگهي، انڪري جاري ۽ نئين اسڪيمن تي ڪمن جي رفتار کي وڌيڪ تيز ڪيو وڃي. ٻئي طرف سنڌجي وڏي وزير سيدمراد علي شاهه سان اڄ پاڪستان پيپلز پارٽيءَ جي هڪ وفد سان وزيراعليٰ هائوس ۾ ملاقات ڪئي. وفد ۾ پيپلز پارٽي ڪراچي ڊويزن جو صدر ڊاڪٽر عاصم حسين، ڊپٽي اسپيڪر سنڌ اسيمبلي شهلا رضا، پيپلز پارٽي سنڌ جو جنرل سيڪريٽري وقار مهدي، ايم پي اي سعيد غني، راشد رباني، تيمور سيال، راجا رزاق، امان الله مسعود، سردار خان، خالد لطيف، ذوالفقار قائمخاني ۽ ٻيا شامل هئا. هنن سنڌ جي وڏي وزير کي ڪراچي ۾ جاري مختلف اسڪيمن خاص طور تي ڪچي آبادين کي درپيش مسئلن سميت ڪيترن ئي معاملن تي خيالن جي ڏي وٺ ڪئي. وڏي وزير وفد کي يقين ڏياريو ته ڪراچي جي ڪچي آبادين جي بحالي، ترقي ۽ اتي بنيادي سهولتن جي فراهمي لاءِ ترجيحي بنيادن تي ڪم ڪيو ويندو. هن چيو ته ڪراچي شهر جي ترقيءَ لاءِ ڪراچي پئڪيج تحت اربين رپين جا مختلف ترقياتي منصوبا شروع ڪيا ويا آهن ۽ سموري شهر ۾ ترقياتي ڪمن جو ڄار وڇايو ويو آهي. هن چيو ته ڪراچي شهر جي ترقيءَ جي حوالي سان پاڪستان پيپلز پارٽي جي چيئرمين بلاول ڀٽو زرداري خاص دلچسپي وٺي رهيو آهي ۽ کين هدايتن تحت هن وقت ڪراچي سميت سڄي صوبي ۾ ترقياتي ڪمن جو ڄار وڇايو ويو آهي. هن چيو ته پاڪستان پيپلز پارٽيءَ جي حڪومت عوام جي خدمت ۾ يقين رکندي آهي. وڏي وزير سيد مراد علي شاهه پيپلز پارٽي ڪراچي ڊويزن جي وفد کي يقين ڏياريو ته ڪراچي کي درپيش سمورا مسئلا ترجيحي بنيادن تي حل ڪيا ويندا.

 

پاڙيسري ملڪن ۾ پناهه وٺندڙن کي محفوظ رستو ڏنو وڃي ۽ عالمي برادري واقعن جي غيرجانبداراڻي جاچ ڪرائي: پيپلز پارٽي

اسلام آباد(ويب ڊيسڪ) پيپلز پارٽي ميانمار ۾ مسلمانن تي ظلم خلاف ٺهراءُ قومي اسيمبلي ۾ جمع ڪرائي ڇڏيو آهي. ٺهراءَ تي مخالف ڌر اڳواڻ خورشيد شاهه، نويد قمر ۽ يوسف ٽالپر سميت ٻين ميمبرن صحيح ڪئي. ٺهراءَ جي متن ۾ چيو ويو آهي ته ايوان ميانمار ۾ مسلمانن جي قتل عام ۽ ظلم جي سخت مذمت ڪري ٿو، حڪومت ميانمار حڪومت سان رابطو ڪري مسئلو فوري طور حل ڪرائي ۽ گڏيل قومن سان رابطي ڪري ميانمار ۾ قتل عام بند ڪرائي. ٺهراءَ ۾ چيو ويو ته پاڙيسري ملڪن ۾ پناهه وٺندڙن کي محفوظ رستو ڏنو وڃي ۽ عالمي برادري واقعن جي غيرجانبداراڻي جاچ ڪرائي.

 

چين ۽ پاڪستان سان هڪ ئي وقت جنگ جي امڪان کي رد نه ٿو ڪري سگهجي: ڀارتي آرمي چيف

نئين دهلي( ويب ڊيسڪ ) ڀارتي آرمي چيف جنرل بپن راوت ڌمڪي ڏني آهي ته چين ۽ پاڪستان سان ٻن محاذن تي جنگ جي امڪان کي رد نه ٿو ڪري سگهجي، ننڍيون ننڍيون جنگيون وڏي جنگ جو سبب بڻجي سگهن ٿيون، حالتن کي منهن ڏيڻ لاءِ تيار رهڻو پوندو. هڪ انٽرويو ۾ جنرل بپن روات چيو ته هو اترين سرحد تي چين ۽ اوڀر جي سرحد تي پاڪستان سان ٻنهي محاذن تي جنگ جي امڪان کي رد نه ٿو ڪري سگهجي. هن چيو ته جيستائين اترين سرحد جو تعلق آهي ته پنهنجو پاڻ ڏيکارڻ جو سلسلو شروع ٿي ويو آهي، هلڪي ڦلڪي انداز ۾ واقعا ٿي رهيا آهن، اسان جي حدن کي پرکيو پيو وڃي، اسان کي ان معاملي تي سوچڻو پوندو ۽ مسلسل پيدا ٿيندڙ صورتحال کي منهن ڏيڻ لاءِ تيار رهڻو پوندو. سندس چوڻ هو ته چين سان جنگ جي صورت ۾ سندس پراڻو ساٿي پاڪستان به شامل ٿي سگهي ٿو، اولهه جي سرحد تي ڇڪتاڻ محدود پئماني يا مختصر عرصي تي ٻڌل هجي يا وري مڪمل جنگ هجي، اتر جي سرحد تي پيد اٿيل

 

اهڙو پاڪستان چاهيون ٿا جتي حڪمران ڪرپشن ڪندڙ نه هجن: سراج الحق

اسلام آباد( ويب ڊيسڪ ) جماعت اسلاميءَ جي امير سراج الحق چيو آهي ته اسان اهڙو پاڪستان چاهيون ٿا جتي حڪمران ڪرپشن ڪندڙ نه هجن. اسلام آباد ۾ ريلي کي خطاب ڪندي سراج الحق چيو ته اسان چاهيون ٿا ته رياست ۽ حڪومت ماءُ وانگر عوام جو خيال رکن. هن چيو ته اسان ملڪ مان بيروزگاري، مهانگائي ۽ لوڊشيڊنگ جو خاتمو چاهيون ٿا. سندس چوڻ هو ته اسان اهڙي حڪومت چاهيون ٿا جيڪا عوام کي محبت ۽ پاڇو فراهم ڪري. سندس چوڻ هو ته دنيا کي پرامن ۽ خوبصورت بڻائڻ اسان جو خواب آهي. سراج الحق چيو ته سڄي دنيا ۾ عورتون هن وقت پنهنجي بنيادي حقن کان وانجهيل آهن، حق ۽ باطل جي هر جنگ ۾ عورتن اهم ڪردار ادا ڪيو آهي. هن چيو ته انساني ۽ اسلامي تاريخ به عورتن جي ذڪر کانسواءِ اڌوري آهي.