تازيون خبرون

Monthly Archives: September 2017

اسحاق ڊار کان پوءِ ڪنهن جو احتساب ٿيندو؟: صاحب خان ڀٽي

پاناما ڪيس کان پوءِ عوام کي خبر ته هن ملڪ اندر به احتساب نالي ڪا شيءَ موجود آهي، ڇاڪاڻ ته اڳ صرف پوليس، اهلڪار، رينجرز ۽ ٻيا ادارا صرف غريب ماڻهن جو ئي احتساب ڪندا هئا پر هاڻ سياستدانن جو احتساب ٿي رهيو آهي، ماضي ۾ جيڪو احتساب ٿيندو هو، ان احتساب ۾ سياسي اڳواڻن کي صرف جلا وطن ڪيو ويندو هو پر هاڻ  اسٽيبلشمينٽ جو طريقو تبديل ٿي ويو آهي. هاڻ اڳواڻ پاڻ جلاوطني اختيار ڪرڻ لاءِ ملڪ ڇڏيو هليا وڃن ٿا، ڪڏهن بيماري جي بهاني ته ڪڏهن وري ڪنهن ڪم سانگي هن ملڪ کان ٻاهر رهي ڪيسن کي منهن ڏين ٿا. بهرحال نواز ليگ تي هڪ ڀيرو ٻيهر جيڪو  دٻاءُ وڌو آهي، ان جو ڪارڻ پاناما معاملو هو، هونئن ته پاناما ۾ ڪيترن ئي ماڻهن جا نالا شامل هئا پر سڀ کان وڌيڪ احتساب ٿيو ته اها ٻي ڪا جماعت نه پر نواز ليگ هئي، هن وقت به نواز ليگ جو پاناما کان شروع ٿيل احتساب جاري ۽ ساري  آهي.

اڳوڻو وزيراعظم نوازشريف جنهن کي سپريم ڪورٽ نااهل قرار ڏنو هو، اهو اڄ به رڙيون ڪري رهيو آهي ته ساڻس انصاف نه ٿيو آهي. پاناما کان اڳ هن ملڪ ۾ ٻه ادارا اهڙا هئا جن خلاف ڳالهائڻ کان اڳ هر ڪو ماڻهو هزار بار سوچيندو هو، ڇاڪاڻ ته انهن ٻن ادارن خلاف ڳالهائڻ  جو مطلب هوندو هو ته پاڻ ڏانهن  نقصان کي دعوت ڏيڻ آهي.  پر هاڻ ٿورو  روايتون تبديل ٿيون آهن، ان جو ڪارڻ ٻيو نه پر نوازشريف آهي. جڏهن کان  نواز ليگ خلاف ڪيس شروع ٿيا آهن، تڏهن کان عدالتن ۾ ڪيسن کي اڪلائڻ وارو  سلسلو به تيز ٿي ويو آهي. هڪ طرف تحريڪ انصاف خلاف پارٽي فنڊنگ ۽ دهشتگردي ٽوڙ عدالت ۾ ڪيس هلي رهيو آهي ته ٻي طرف وري نواز ليگ  به عدالتن ۾ ڪيسن کي منهن ڏئي رهي آهي،

نوازشريف سان به اهو ئي حشر ٿيو آهي، جيڪو ڪجهه عرصو اڳ لنڊن واري ڀائي سا ٿيو هو، اڃا به ماڻهن کي اهي ڏينهن ياد آهن، جڏهن لنڊن وارو شخص ڪلاڪن جا ڪلاڪ ٽي وي چينلن تي ويهي هن ملڪ کي ٺاهيندڙ عوام کي ڌمڪيون ڏيندو هو پر ان کان ڪو به پڇڻ وارو نه هوندو پر جڏهن ان شخص هتان جي مقدس ادارن خلاف ڳالهائڻ شروع ڪيو ته جن ماڻهن کي  لنڊن واري شخص خلاف ڳالهائڻ جي همت به نه هوندي هئي، اهي ماڻهو سندس خلاف عدالتن جو در کڙڪائيندا هئا، جڏهن لنڊن واري شخص رياست خلاف تقرير ڪئي ته سڄي ملڪ ۾ ان شخص خلاف ڪيس داخل ڪرائڻ وارو سلسلو به شروع ٿي ويو هو، نوازشريف سان به اهو ئي ڪجهه ٿيو آهي، جڏهن نوازشريف عدالتن خلاف ڳالهايو ته اسلام آباد هاءِ ڪورٽ، لاهور هاءِ ڪورٽ  سميت مختلف عدالتن ۾ نوازشريف ۽ سندس پارٽي تي پابندي لڳائڻ جون درخواستون داخل ڪرايون ويون.

جيتوڻيڪ هن وقت نوازشريف عدليا ۽ فوج خلاف گهٽ ڳالهائي رهيوآهي ۽ پنهنجي رويي ۾ به نرمي آند آهي پر ان باوجود به تحريڪ انصاف سندس پيڇو نه پئي ڇڏي. بهرحال سپريم ڪورٽ جي فيصلي کان پوءِ عوام جون اکيون کليون ۽ نوازشريف جي بيانن  مان اهو ظاهر ٿيو ته ڀٽي کي ڦاهي ڏيڻ وارو فيصلو به مقدس ادارن جوغلط هو، ۽ نواز ليگ اهو ئي ڪجهه چئي رهي آهي. هونئن ته هن ملڪ ۾ حق سچ ڳالهائڻ سولو ڪم نه آهي پر ان باوجود نوازشريف وڏي بهادري سان پنهنجي ۾ دمادم مست قلندر ڪرڻ لاءِ نڪتو آهي ۽ عوام به سندس ساٿ  ڏئي رهيو آهي پر  نوازشريف جن مقدس ادارن کان جنگ کٽڻ جي ڪوشش ڪري رهيو آهي، اهو سندس لاءِ هڪ وڏو چيلينج بڻيل آهي ڇاڪاڻ ته هڪ عظيم ليڊر شهيد ذوالفقار علي ڀٽو به انهن مقدس ادارن کان نه کٽي سگهيو  هو.  بهرحال هن وقت حالتون تبديل ٿي چڪيون آهن ۽ عوام ميڊيا تي سڀ ڪجهه ڏسي رهيو آهي،صرف ڳالهائي نه پيوسگهي،

هن ملڪ جو عوام ته اهو به ڏسي رهيوآهي ته هڪ پارٽي خلاف پارٽي فنڊنگ جا ڪيس هلي رهيا آهن ته ٻي طرف وري ان تنظيم تي هلڪو هٿ رکيو پيو وڃي.  هن وقت ملڪ اندر هڪ طرف بدامني ۽ دهشتگردي آهي ته ٻي طرف وري عالمي دهشتگرد تنظيمون به هن ملڪ ۾ هيڏي وڏي سڪيورٽي جي باوجود پنهنجا جهنڊا لڳائي رهيون آهن. جيڪڏهن ڏٺو وڃي ته نوازشريف 1998ع  ۾ به انهن ادارن سان مهاڏو اٽڪايو هو ۽ هاڻ به اٽڪائي رهيوآهي. پر هن ڀيري کيس ماضي جي ڀيٽ ۾ ٿورو ريليف ضرور ملندو. اهو ان ڪري ملندو و اڄ ملڪ اندر ميڊيا  عوام کي سجاڳ ڪري ڇڏيو آهي. هونءَ ته هن ملڪ ۾ شهيد بينظير ڀٽو جو قتل ڪيس به هلي رهيو آهي، جنهن جي قتل کي ڪيترائي سال گذري چڪا آهن پر اهو ڪيس جيئن جو تئين آهي پر پاناما ڪيس جيترو جلدي حل ٿي ويو، شايد اهو ڪنهن معجزي کان گهٽ نه آهي.

پاناما ڪيس ۾ سڀ کان پهريان نوازشريف کي نااهل ڪيو  ويو، جنهن بعد شريف ڪٽنب ۽ ناڻي واري وفاق وزير اسحاق ڊار خلاف ريفرنس جي جاچ شروع ٿي. جيڪا هن وقت هلي رهي آهي. احتساب عدالت به غير قانوني اثاثن جي ڪيس ۾ ناڻي واري وزير اسحاق ڊار تي فرد جرم ڪيو پر اسحاق ڊار ڏوهه جو اعتراف ڪرڻ کان انڪار ڪري ڇڏيو هو ۽ آمدني کان وڌيڪ اثاثا ٺاهڻ جي الزام کي غلط قرار ڏنو هو، جڏهن ته اسحاق ڊارو اهو به چو هو ته مٿس آمدني کان وڌيڪ اثاثا ٺاهڻ جو الزام بي بنياد آهي تنهن ڪري هو پاڻ تي لڳل الزامن جو دفاع ڪندو ۽ بيگناهي ثابت ڪندو.جڏهن ناڻي وارو وفاقي وزير اسحاق ڊار اسلام آٻاد جي احتساب عدالت ۾ پيش ٿيو هو ته ان وقت حفاظتي انتظام سخت ڪيا ويا هئا، جڏهن ته نيب جي ڊپٽي پراسيڪيوٽر جنرل سردار مظفر عباسي ۽ اسپيشل پراسيڪيوٽر عمران شفيق کي به پوليس اندر وڃڻ کان روڪي ڇڏيو هو، ايتري قدر جو صحافين کي به اندر نه ڇڏيو ويو هو. عدالت به دير ئي نه ڪئي هئي اسحاق ڊار تي فرد جرم لاڳو ڪري ڇڏيو هو.جنهن تي نواز ليگ اڳواڻ به ميدان تي لهي پيا هئا،

نوازليگ جي وڪيل چيو هو  ته فرد جرم لاڳو ڪرڻ کان اڳ جوابدار کي وقت ڏنو ويندو آهي پر  اهو حق نوازشريف کي نه  ڏنو ويو آهي.  اڳوڻي وزيراعظم نواز شريف چيو آهي ته هن اڳ به سنگين حالتن کي منهن ڏنو هو ۽ اڄ به هو اهڙين حالتن کي ڏئي رهيو آهي، نوازشريف ته اهو به چيو هو ته هو ڪڏهن آمريت اڳيان جهڪيو ناهي. جيتوڻيڪ اسحاق ڊار تي فرد جرم لاڳو ٿي چڪو آهي ۽ نواز ليگ اڃا به ڏکيائن کي منهن ڏئي رهي آهي.  جڏهن ته  تحريڪ انصاف جو سربراهه عمران خان کي عدالت ڪيترائي ڀيرا طلب ڪيو هو   ڪڏهن به پيش نه ٿيو آهي پر  جڏهن به نوازشريف جي اولاد کي طلب ڪيو ويو هو عورتن ۽ ٻارڙن سميت عدالتن آڏو پيش ٿيو آهي. ايئن ناهي ٿيو جين اڳوڻي پرويز مشرف ڪيو هو، اها به ڪيتري ئي پراڻي ڳالهه آهي، جڏهن سپريم ڪورٽ  مشرف کي طلب ڪيو ويو هو ته هو عدالت بدران علاج بهاني اسپتال هليو ويوهو ۽ هاڻ به عدالتن۾  پيش ٿيڻ بدران پرڏيهه  ۾ علاج ڪرائي رهيو آهي. هاڻ ڏسڻو اهو آهي ته آخر نواشريف کي مقدس ادارا ريليف فراهم ڪندا يا وري جيڪو انصاف ڀٽو سان ڪيو ويو  هو، اهڙو ئي انصاف  نوازشريف سان ڪيو ويندو؟

sahibalisndhi@gmail.com

 

 

گوڙاڻي ڊيم وارو معاملو حل ڇو نه پيو ٿئي…؟: سجاول بجير

ٿرڪول بلاڪ ٽو جي ڪوئلي کي ڪڍڻ لا۽ کاڻ جي پاسن کان ٽيوب ويلن ذريعي نڪرندڙ پاڻي کي اينگرو ڪمپني بلاڪ ٽو کان 35 ڪلوميٽر پري ڳوٺ گوڙاڻي ۾ ڳوٺاڻن جي سخت اعتراضن دانهن ڪوڪن احتجاجن ۽ عدالت ۾ ڪيس هلندڙ هجڻ باوجود اتي تڪراري ڊيم ٺاهي پاڻي ڇڏي رهي آهي گوڙاڻي کان اڳ۾ ڪمپني پاران گوڙاڻي کان پري ڌڪڙڇو ڊيم ٺاهڻ جو فيصلو ڪيو هو پر اتي ڊيم ٺاهڻ بدران گوڙاڻي وٽ قدرتي پيالي ٽائيپ زمين ڏسي راتورات جي پيٽ ۾ اتي ٽپڙ لاهي ڳوٺاڻن کي اعتماد ۾ وٺڻ بنا زوري زبردستي ڪم شروع ڪري ڇڏيو جنهن بعد سال اڳ۾ ان وقت ڳوٺاڻن سخت اعتراض ڪري هتي ڊيم جي مخالفت ڪرڻ سان گڏ ٻارين ٻچين عورتن سميت اسلام ڪوٽ پريس ڪلب آڏو ڪئمپ قائم ڪري احتجاج شروع ڪيو اهو احتجاج عورتن مردن سميت ٻارڙن جوهڪ هفتو جاري رهيو ته سنڌجي وڏي وزير سيد مراد علي شاھ جي هدايتن تي صوبائي صلاحڪار کٽومل جيوڻ پريس ڪلب پهچي ڳوٺاڻن سان ڳالهيون ڪري ڊيم وارو مسئلو حل ڪرائڻ جي خاطري ڪندي هفتي جي مهلت ورتي ۽ احتجاج ختم ڪرايو پر انهي کٽومل جي واعدي کي هڪ مهينو گذري ويو پر کٽومل مسئلو حل ڪري نه سگهيو جنهن بعد مختلف وقتن تي پ پ ايم پي اي ڊاڪٽر مهيش ڪمار ملاڻي ايم اين اي شيرمحمد بلالاڻي سينيٽر انجنيئر گيانچند ۽ ٻين احتجاجي ڪئمپ تي پهچي احتجاج ڪندڙن سان ڳالهيون ڪري احتجاج ختم ڪرائڻ جون منٿون ڪيون پر ڳوٺاڻن ڊيم جو هنڌ تبديل ٿيڻ کانسو۽ احتجاج ختم ڪرڻ کان انڪار ڪري احتجاج جاري رکيو ۽ ٻئي پاسي 11 ڳوٺاڻن ان وقت سنڌ ها۽ڪورٽ سرڪٽ بينچ حيدرآباد ۾ ڊيم خلاف پٽيشن داخل ڪرائي جيڪو ڪيس هلي رهيو آهي.

انهي کانسوا۽ ڪافي دفعا اينگرو جو سي اي او سمش الدين شيخ به ميڊيا ۽ احتجاج جي پريشر بعد مجبورن احتجاج ڪندڙن وٽ آيو پر هن سمورن دورن دوران ڳالهين وقت سجينده ڳالهيون نه ڪيون ڳالهيون بهتر انداز ۾ نه ٿيڻ ڪري مسئلو حل ٿيڻ بدران ڏينهون ڏينهن وڌنڌو رهيو اهڙي نموني مسلسل پنج مهينن تائين مردن سان گڏ عورتون به پريس ڪلب آڏو احتجاج تي ويٺل رهيون پر اينگرو سي اي او جي رڪوسٽ تي گوڙاڻي واسين عورتن کي گهر موڪليندي مردن احتجاج جاري رکيو جيڪو اڄ به جاري آهي.

گوڙاڻي ڊيم جو مسئلو انهن ڏينهن ۾ حل ٿي وڃي ها جيڪڏهن سنڌ حڪومت اينگرو ڪمپني ۽ چونڊيل نمائيندا مسئلي کي سنجيدگي سان حل ڪرڻ جي ڪوشش ڪن ها پر سمورن ڌرين اناجومسئلو بڻائي احتجاج کي هڪ ٻن ڳوٺاڻن سان سلهاڙي مسئلي کي حل ڪرڻ بدران ويتر تنقيد جو نشانو بڻايو حڪومت به چيو ته صرف ٻه ماڻهو احتجاج ڪري رهيا آهن ۽ ڪمپني پڻ چيو هو ته صرف ٻن ماڻهن جو مسئلو  آهي جن جون ڊيم ايريا ۾ زمينون نه ٿيون اچن گوڙاڻي ڊيم وارو مسئلو اسلام ڪوٽ کان ٿيندي اسلام آباد  بعد انٽرنيشنل اشوز بنجي ويو جنهن بعد ڪمپني ۾ آيل اينگرو جي پريس ترجمان محسن ٻٻر احتجاج کي ناڪام بڻائڻ لا۽ روزاني من پسند صحافين جون لوڌو گهرائيندو رهيو ۽ انهن کي صرف اهي جايون ڏيکاري ائين محسوس ڪرايو ويو ڄڻ هتي گوڙاڻو ڊيم ٺهندو به نه هجي صرف ٿرڪول بلاڪ ٽو واري مائننگ جا دورا ڪرائي ڪوئلي جي ڪم بابت بريفنگ ڏيئي صحافين کي روانو ڪري اشوز کي ختم ڪرڻ جا حربا استعمال ڪيا پر سنڌي ميڊيا کي سلام آهي جنهن اڄ به حق ۽ سچ جو ساٿ ڏيندي احتجاج ڪندڙ غريب ڳوٺاڻن جي ڪوريج کي نه روڪيو آهي هڪ سال گذري وڃڻ جي باوجود گوڙاڻو اشوز کي اڇلايو ناهي ويو گوڙاڻي ڊيم اشوز جي آڙھ ۾ ڪيترائي ٿر توڙي سنڌ مٿان جان قربان ڪرڻ جون دعوائون ڪندڙ پڻ وڪجي وڃي ڪمپني جي غلامي قبول ڪيائون اينگرو ڪمپني ٿوري مخالفت ڪندڙن سان رابطو ڪري انهن کي نوڪرين ۾پڻ لڳايو جڏهن کان ميڊيا ترجمان محسن ٻٻر ڪمپني ۾ لڳو آهي انهي به ايندي ئي پنهنجا نواز پاليسي تي عمل ڪندي من پسندن کي نوڪرين تي لڳائي اينگرو جي ميريٽ وارين دعوائن کي سچو ثابت ڪري ڇڏيو  هن پهرين ڊيوٽي تي لڳندي پاڻ کي مليل گاڏي تي لڳل هڪ مسڪين ڊرائيور جيڪو مقامي بجير هو انهي کي ڪڍي پنهنجي رشتيدار ڊرائيور کي نوڪري تي لڳائي پنهنجا نواز پالسي کي واضع ڪيو جنهن بعد اڳتي هلندي وري هن ميريٽ جي لتاڙ شروع ڪندي ڪم کي اڳتي وڌايو گوڙاڻي ڊيم واري هلندڙ اشوز جي گنگاگنگا ۾ ڪيترن ئي پاڻ کي اديب ليکڪ صحافي سڌائي عوام جي درد جو راڳ آلاپيندڙن ۾ هٿ ڌوتا گوڙاڻي ڊيم جي اشوز جي آڙھ ۾ روزاني سوين اسلام آباد سميت ٻين شهرن جي صحافين کي گهرائي وڏو خرچ ڪري سنڌ حڪومت ۽ ڪمپني جي خزاني کي نقصان ڏنو جيڪو خرچ لکن ۾ ٻڌايوپيو وڃي پر انهي جي جانچ ناهي ٿي سگهي هاڻي ڳالھ ڪجي اصل اشوز جي ته گوڙاڻي ڊيم وارو مسئلو اڄ به حل ناهي ٿي سگهيو سگهيو.

گوڙاڻي 342 ڏينهن کان اسلام ڪوٽ پريس ڪلب آڏو ڌرڻو هڻي احتجاج ڪري رهيا آهن پر ڪير ٻڌڻ وارو ناهي انهي سلسلٿر۾ ٿرڪول بلاڪ ٽو جي کوٽائي دوران نڪرندڙ پاڻي کي ڇوڙ ڪرڻ لا۽ ٺاهيل تڪراري گوڙاڻي ڊيم جي هنڌ تبديل ناهي ٿي سگهي جنهن سبب مسئلو جتي هو اتي پيل آهي گوڙاڻي ڊيم جو پاڻي گهٽجڻ بدران وڌي رهيو آهي جنهن سبب روزاني پاڻي پوکيل فصل ٻوڙهي اڳتي وڌي رهيو آهي جنهن سبب هن وقت تائين 30 پوکيل ٻنيون پاڻي هيٺ اچي چڪيون آهن  انهي سلسلي ۾ رهواسين انور لوڍو عبدالله  چوهاڻ غلام مهراڻپوٽو ملهوڪولهي دارسي ڪولهي دوست علي حجام ڀاڻجي ميگهواڙ سوڀو ميگهواڙ ميوو ميگهواڙ صالو ميگهواڙ مڪيش ميگهواڙ لڇمڻ ميگهواڙ ملوڪ ميگهواڙ پرکو ميگهواڙ کنگهار ميگهواڙ ۽ٻين  ڊيم ۽ اينگرو ڪمپني خلاف اسلام ڪوٽ پريس ڪلب آڏو ڌرڻو هڻي سخت نعريبازي ڪندي ڊيم جو هنڌ تبديل ڪرڻ جو مطالبو ڪيو ڳوٺاڻن چيو ته اينگرو ڪمپني جا سمورا ڪوڙ ۽ پول پڌرا ٿي پيا آهن ڪمپني جو ڪيس عدالت ۾ ڪمزور ۽ اسان جو ڪيس مضبوط آهي اينگرو ڪمپني غيرقانوني ڊيم ٺاهي رهي آهي جنهن وٽ ڪي به قانوني گهرجون پوريون ناهن نه وري ڪاغذ موجود آهن جنهن سبب اڄ ظاهر ٿي ويندو ته ڪمپني غيرقانوني ڪم ڪيو آهي اسان کي عدالت سڳوري تي مڪمل اعتماد آهي فيصلو حق ۽ سچ جي بنيادن تي ٿيندو فتح اسان جي ٿيندي اسين ترقي جا مخالف نه پر حامي آهيون پر اينگرو ڪمپني رڳو ڪوڙ ڳالهائي سڄي ٿر تي قبضو ڪرڻ جا خواب ڏسي رهي آهي اسين ڪوئلي ۾ حصيدار ٿيڻ چاهيون ٿا پر هتي ڪم ابتو هلي رهيو آهي ڪمپني زوري ڏنڊي جي زور تي گوڙاڻي ۾ ڊيم ٺاهي پئي منظوري صرف ڌڪڙڇو ڊيم جي مليل آهي

گوڙاڻي وٽ قدرتي ڀٽون هجڻ ڪري ڪمپني پئسا بچائي اسان جون زرخيز زمينون تباھ ڪري رهي آهي اسان زمينون وڪرو ناهن ڪيون پر ڪمپني اسان جي زمينن تي زوري قبضو ڪري ورتو آهي ٻنين ۾ پاڻي ڇڏي فصل تباھ ڪيو ويو آهي چئن ورهين جي ڏڪارن بعد پوکيل فصل ڊيم جي پاڻي سبب ٻڏي ويا آهن،اسان شروع کان ئي دانھون ڪري رھيا ھئاسين ته ڳوٺ گوڙاڻي وٺ ٺھندڙ ڊيم جا ڪي به دستاويز ناھن پر اسان جي نه ته چونڊيل نمائندن ڪا ٻڌي نه ئي وري ڪنھن ڪمپني عملدار انھي معاملي کي سنجيده ورتو ڇو ته گوڙاڻو ڊيم معاملو صرف گوڙاڻي واسين جو ناھي انھي ٺھندڙ ڊيم جي ڪري سڄي ٿر جو ماحول خراب ٿيندو ۽ آس پاس جي ڳوٺن جا ماڻھو پنھنجي زمين  ۽ پنھنجي مال متاع کان  محروم ٿيندا اسان به پنھنجن گھرن ۽ اجھن کي بچائڻ لاء مسلسل يارھن مھينن کان دانھون ڪري رھيا آھيون جنھن کي ڪنھن به چونڊيل نمائندي يا ڪمپني عملدار نه ورنايو ھاڻي سڄومعاملو عدالت سڳوري ۾ آھي جنھن مان اسان کي انصاف جي اميد آھي جتي غريب ماڻھن جون دانھون ٻڌيون وڃن ٿيون ۽ حق رسائي ٿئي  ٿي ۔ٿر جيان ھر قدرتي معدنيات نڪرندڙ علائقن ۾ ڪمپنيون پنھنجن مفادن خاطر ڪم ڪنديون آھن پر مقامي ماڻھن کي ھر ڪمپني نظر انداز ڪيو آھي ھتي به اينگرو ڪمپني جو مقامي ماڻھن سان رويو اڍنگو آھي جنھن خلاف ٿر جا ٻيا به ماڻھو دانھي رھيا آھن۔ڪمپني ۾ ڪجھ مفاد پرست ماڻھن جي ھجڻ ڪري سڄا معاملا ٿي رھيا آھن جيڪي پنھنجو پاڻ کي وڌيڪ قابل ۽ سمجھندار سمجھن ٿا پر کين اھا خبر ناھي ته ٿر جا ماڻھو روپلي ڪولھي جا اصل وارث آھن انھن انگريزن کي ھن نموني مات ڏني انھن اڳيان توھان جي ڪا به حيثيت ڪجھ به ناهي،هوڏانهن ٻئي پاسي  ڊيم خلاف مسلسل سال کان احتجاج ڪندڙ غريب پورهيت بيروزگار ٿي ويا گهرن ۾ کاڌ خوراڪ کٽي ويئي مسڪين سيٺين کان وياج تي سامان کڻي قرضي ٿي پيا آهن جنهن سبب سخت پريشاني جو شڪار آهن احتجاج تي ويٺل بيروزگار ٿي وڃڻ ڪري گهرواسي بکون ڪاٽڻ تي مجبور ٿي ويا آهن احتجاج رڪارڊ قائم ڪري ڇڏيو يارنهن مهينن کان وڌيڪ عرصو گذرڻ باوجود ڳوٺاڻن جي احتجاج کي ڪمپني جا حربا جهڪو ناهن ڪري سگهيا متاثرين جا حوصلا اڄ به بلند آهن هو ڏينهن ۽ رات پريس ڪلب آڏو احتجاج ڪري گذارين ٿايارنهن مهينن کان احتجاج هلندڙ هجڻ باوجود اينگرو ڪمپني ۽ سنڌ حڪومت مڪمل طور خاموشي سان تماشو ڏسي چپ ٿي ويون اينگرو ڪمپني مختلف وقتن تي ڳالهين ذريعي مسئلو حل ڪرڻ جا واعد ڪرڻ بعد انهن واعدن تان فري ويئي آهي ڪمپني احتجاج تي ڪوبه ڌيان ناهي ڏنو جڏهن ته ساڳئي نموني سنڌ حڪومت ۽ چونڊيل نمائيندا به خاموش تماشائي بڻيل آهن گوڙاڻي ڊيم خلاف جاري احتجاج رڪارڊ قائم ڪري ڇڏيو يارنهن مهينن کان وڌيڪ عرصو گذرڻ باوجود ڳوٺاڻن جي احتجاج کي ڪمپني جا حربا جهڪو ناهن ڪري سگهيا متاثرين جا حوصلا اڄ به بلند آهن هو ڏينهن ۽ رات پريس ڪلب آڏو احتجاج ڪري گذارين ٿايارنهن مهينن کان احتجاج هلندڙ هجڻ باوجود اينگرو ڪمپني ۽ سنڌ حڪومت مڪمل طور خاموشي سان تماشو ڏسي چپ ٿي ويون اينگرو ڪمپني مختلف وقتن تي ڳالهين ذريعي مسئلو حل ڪرڻ جا واعد ڪرڻ بعد انهن واعدن تان فري ويئي آهي ڪمپني احتجاج تي ڪوبه ڌيان ناهي ڏنو جڏهن ته ساڳئي نموني سنڌ حڪومت ۽ چونڊيل نمائيندا به خاموش تماشائي بڻيل آهن ڳوٺاڻا صرف هڪ وقت ماني کائين ٿا ڏينهن جو هو بکئي پيٽ احتجاج ڪندي گذارين ٿا رات جو ماني نصيب ٿئي ٿي متاثرين رات جو پٽ جي سمهي گذارين ٿا جن جو ڪنهن کي به قدر ناهي ضلعي ڪائونسل پاران گوڙاڻي ڊيم جي مسئلي جي حل لا۽ جوڙيل ڪميٽي ڪوبه ٻوٽو ناهي ٻاريو ڪجھ مهينا اڳ۾ ضلعي چئيرمين غلام حيدر سميجي وائيس چئيرمين ڪنور ڪرني سنگھ جي سربراهي ۾ ڪميٽي ٺاهي هئي جنهن دورو ڪري مسئلا ٻڌا هئا ڪميٽي پاران اينگرو ڪمپني کان ڪجھ تفصيل طلب ڪيا هئا پر ڪمپني اڄ ڏينهن تائين ڪميٽي کي گهربل ڪاغذات ناهن ڏنا جنهن سبب جوڙيل ڪميٽي فائيلن ۾ بند ٿي ويئي آهي

 

اسحاق ڊا ر تي فرد جرم لاڳو ۽ پ پ پاران استعيفيٰ جي گهر…!

احتساب عدالت ناڻي واري وفاقي وزير اسحاق ڊار تي غير قانوني ملڪيت ٺاهڻ جي ڪيس ۾ تهمت لاڳو ڪري ڇڏي، 4 آڪٽوبر تي سرڪاري شاهدن کي پيش ٿيڻ جا نوٽيس جاري ڪري ڇڏيا. اسلام آباد جي احتساب عدالت اسحاق ڊار جي آمدني کان وڌيڪ اثاثن واري نئب ڪيس جي ڪالهه مختصر ٻڌڻي ڪئي جنهن بعد اسحاق ڊار تي فرد جرم لاڳو ڪيو ، اسحاق ڊار کي ججز گيٽ وسيلي عدالت ۾ داخل ڪيو ويو ، جڏهن ته عدالت ۽ آس پاس سيڪيورٽي جا غير معمولي انتظام ڪيا ويا هئا ، احتساب عدالت جي جج محمد بشير ڪيس جي ٻڌڻي ڪئي جنهن  فرد جرم جا نڪتا پڙهي ٻڌايا ته توهان تي الزام آهي ته اوهانجا آمدني کان وڌيڪ اثاثا آهن اوهان  ۽ اوهان جي خاندان جي 831  ملين روپين جي ثاثن  ۾ گهٽ عرصي ۾ 91  درجا واڌ ٿي آهي ، جڏهن ته اسحاق ڊار انڪار ڪندي چيو ته اثاثا ڪرپشن جي پيسن سان ناهن ٺاهيا ۽ نه ئي ڪرپشن جي پئسن سان انهن ۾ واڌ آئي آهي .جڏهن ته نيب پراسيڪيوٽر عدالت کي ٻڌايو ته اسحاق ڊار جي پرڏيهه ۾ ملڪ اثاثن جي جاچ پڙتال جاري آهي جيڪي تفصيل بعد ۾ جمع ڪرايا ويندا .فراڊ ۾ بئنڪ اڪائونٽن، بنا نالي اڪائونٽ ۽ مني لانڊرنگ جا الزام شامل ڪيا ويا.اسحاق ڊار ڏوهه قبولڻ کان انڪار ڪندي چيو ته الزام ڪوڙا آهن. اثاثا آمدني سان ٺهڪندڙ آهن. اسحاق ڊار جي وڪيل سندس حاضري کان ڇوٽ جي درخواست ڪندي چيو ته اسحاق ڊار تي فرد جرم لاڳو ٿي ويو. هاڻ هو پيش ٿيندو ته ٻيا معاملا رولڙي جو شڪار ٿيندا. نئب حاضري کان ڇوٽ جي مخالفت ڪئي. عدالت درخواست نظر انداز ڪندي 4 آڪٽوبر تائين ٻڌڻي ملتوي ڪري ڇڏي. پاناما ڪيس تحت عدالت کي 6 مهينن اندر فيصلو ڪرڻو هو.
اسلام آباد جي احتساب عدالت پاران اثاثا ريفرنس ۾ اسحاق ڊار تي فرد جرم لاڳو ڪرڻ بعد ان کان استعيفيٰجو مطالبو زور پڪڙيندو پيو وڃي ۽ تحريڪ انصاف بعد هاڻي پيپلز پارٽي به استعيفيٰ جو مطالبو ڪري ڇڏيو آهي، اسلام آباد ۾ پريس ڪانفرنس ڪندي پيپلز پارٽي اڳواڻ نيئر حسين بخاري، شيري رحمان، سليم مانڊوي والا چيو ته پيپلز پارٽي هميشه جمهوريت جي لاءِ قربانيون ڏنيون، ن ليگ وارا ملڪ ۾ افراتفري ۽ سسٽم ڊي ريل ڪرڻ چاهين ٿا پر اسان سسٽم کي ڊي ريل نه ٿيڻ ڏينداسين، نواز شريف ڪارو ڪوٽ پائي سسٽم کي ڊي ريل ڪرڻ عدالت ويو، ان وقت نواز شريف 184،3 تي عمل ڪرائڻ ويو هيو، هاڻي 184،3 تي عمل ٿيو آهي ته اوهان روئو ڇو ٿا، پيپلز پارٽي ڪوڙا، آمر ۽ جيل برداشت ڪيا آهن، ملڪي واپاري ۽ معاشي خسارو رڪارڊ سطح تي پهچي ويو آهي، هي ماڻهو ڄاڻي واڻي معيشت کي خراب ڪري رهيا آهن، اسحاق ڊار تي فرد جرم لاڳو ٿي وئي، هاڻي باقي ڇا رهجي ويو، سينيٽ ڪميٽي ۾ اسحاق ڊار کي عهدو ڇڏڻ جو مشورو ڏنو هيو، اسحاق ڊار کي ملڪي مفادن خاطر عهدو ڇڏي ڏيڻ گهرجي. اسحاق ڊار کي استعيفيٰ ڏيڻ گهرجي.

غير قانوني اثاثه ڪيس، احتساب عدالت اسحاق ڊا تي فرد جرم لاڳو ڪري ڇڏيو

اسلام آباد (اين اين آءِ) ناجائز اثاثن واري ڪيس ۾ احتساب عدالت وفاقي ناڻي واري وزير اسحاق ڊآر تي فرد جرم لاڳو ڪري ڇڏيو، جڏهن ته ان ڏوهه مڃڻ کان انڪاري ڪري ڇڏيو، اربع تي اسلام  آباد واري احتساب واري عدالت جي جج محمد بشير اسحاق ڊار واري ناجائز اثاثن واري ڪيس جي ٻڌني ڪئي، ناڻي وارو وزير اسحآق ڊار جڏهن عدالت پهتو ته دروازو بند هجڻ سبب کيس ٻآهرئي انتظآر ڪرڻون پيو جنهن سبب هو واپس پنهنجي گاڏي ۾ ويهي رهيو ، ڪجھه وقت کان پوءَ ناڻِي وارو وزير عدالت ۾ داخل ٿيو، ٻڌڻي دوران وفاقي وزير تي فرد جرم لاڳو ڪيو ويو، جج اسحاق ڊار کي الزام پڙهي ٻڌايا، جڏهن ته ناڻي واري وزير ڏوهه تسليم ڪرڻ کان انڪار ڪندي آمدني کان وڌيڪ اثاثا ٺاهڻ جي الزام کي غلط قرار ڏئي ڇڏيو، اسحاق ڊار چيو ته آمدني کان وڌيڪ اثاثا ٺاهڻ جو الزام بي بنياد آهي انڪري مان انهن الزامن جو بچاءِ ڪندس ۽ بيگناهي کي ثابت ڪندس.  عدالت پاران فرد جرم لاڳو ٿيڻ کانپوءَ اسحآق ڊار جي وڪيلن حاضري کان رعائت جي درخواست ڪڪئي جنهن جي نيب مخالفت ڪئي ، انکانپوءِ ڪيس جي ٻڌڻي 14 آڪٽوبر تائين ملتوي ڪئي وئي .

 

ڀارت افغانستان ذريعي پاڪستان ۾ مداخلت پيو ڪري: خواجه آصف

نيويارڪ( ويب ڊيسڪ ) پرڏيهي وزير خواجه آصف چيو آهي ته ڀارت افغانستان ذريعي پاڪستان جي اندروني معاملن ۾ مداخلت ڪري رهيو آهي، پاڪ افغان سرحد تي جٽادار نگراني اڻٽر آهي. نيويارڪ ۾ ايشيائي سوسائٽيءَ جي تقريب کي خطاب ڪندي پرڏيهي وزير خواجه آصف چيو ته افغانستان ۾ امن ۽ سلامتي جي ذميواري پاڪستان تي نه ٿي وجهي سگهجي ۽ نه وري اسلام آباد ڪابل ۾ امن قائم ڪرڻ جو ضامن آهي. هن چيو ته  ڪيترائي افغان اھوان پنهنجي مفادن لاءِ پاڪستان ۾ ڇڪتاڻ جاري رکڻ چاهين ٿا، آمريڪا جنگ سان افغانستان ۾ ڪامياب نه ٿي سگهندو. سندس چوڻ هو ته ڀات افغانستان ذريعي پاڪستان جي اندروني معاملن ۾ مداخلت ڪري رهيو آهي، تنهن ڪري پاڪ افغان سرحد تي جٽادار سرحدي نگراني ضروري آهي. خواجه آصف چيو ته ڀارت ۾ 66 کان وڌيڪ دهشتگرد تنظيمون آهن ۽ نريندر مودي اڃا تائين گجرات مان ٻاهر نه ڪري سگهيو آهي.

 

پ پ پاران اپوزيشن ليڊر هٽائڻ جي مذاحمت جو اعلان، اسحاق ڊار کان استعيفيٰ جو مطالبو

اسلام آباد (ويب ڊيسڪ): پاڪستان پيپلز پارٽي اڳواڻن ناڻي وزير اسحاق ڊار کان استعيفيٰ جو مطالبو ڪري ڇڏيو آهي، اسلام آباد جي احتساب عدالت اثاثا ريفرنس ۾ اسحاق ڊار تي فرد جرم لاڳو ڪري ڇڏي آهي، جنهن بعد ان کان استعيفيٰ جو مطالبو زور پڪڙيندو پيو وڃي ۽ تحريڪ انصاف بعد هاڻي پيپلز پارٽي به استعيفيٰ جو مطالبو ڪري ڇڏيو آهي، اسلام آباد ۾ پريس ڪانفرنس ڪندي پيپلز پارٽي اڳواڻ نيئر حسين بخاري چيو ته پيپلز پارٽي هميشه جمهوريت جي لاءِ قربانيون ڏنيون، ن ليگ وارا ملڪ ۾ افراتفري ۽ سسٽم ڊي ريل ڪرڻ چاهين ٿا پر اسان سسٽم کي ڊي ريل نه ٿيڻ ڏينداسين، نيئر بخاري چيو ته نواز شريف ڪارو ڪوٽ پائي سسٽم کي ڊي ريل ڪرڻ عدالت ويو، ان وقت نواز شريف 184،3 تي عمل ڪرائڻ ويو هيو، هاڻي 184،3 تي عمل ٿيو آهي ته اوهان روئو ڇو ٿا، شيري رحمان چيو ته پيپلز پارٽي ڪوڙا، آمر ۽ جيل برداشت ڪيا آهن، آصف زرداري بينظير جي شهادت وقت به پاڪستان کپي جو نعرو لڳايو ۽ بنا ڪنهن ڏوهه جي 12 سال قيد ڪاٽي، هن چيو ته اسحاق ڊار کي عزت سان استعيفيٰ ڏئي ڇڏڻ گهرجي، اڄ حڪمران ئي عدالت جو فيصلو نٿا مڃين ته عام ماڻهو ڇا ڪندو، هي ماڻهو هڪ ئي وقت ۾ ٻئي مزا وٺي رهيا آهن، اڄ هي 60 وزيرن سان گڏ حڪومت جا مزا وٺي رهيا آهن، سندن چوڻ هيو ته اپوزيشن ليڊر خورشيد شاهه کي هٽائڻ جي ڪوشش جي ڀرپور مخالفت ڪندا، ان موقعي تي سليم مانڊوي والا جو چوڻ هيو ته ملڪي واپاري ۽ معاشي خسارو رڪارڊ سطح تي پهچي ويو آهي، هي ماڻهو ڄاڻي واڻي معيشت کي خراب ڪري رهيا آهن، اڄ اسحاق ڊار تي فرد جرم لاڳو ٿي وئي، هاڻي باقي ڇا رهجي ويو، سينيٽ ڪميٽي ۾ اسحاق ڊار کي عهدو ڇڏڻ جو مشورو ڏنو هيو، اسحاق ڊار کي ملڪي مفادن خاطر عهدو ڇڏي ڏيڻ گهرجي.

 

وڏي وزير گهوٽڪي-غوثپور پل جي نئين الائنمينٽ جي منظوري ڏئي ڇڏي، آر ايف وي جاري ڪرڻ جي هدايت

ڪراچي  (اين اين آءِ) سنڌ جي وڏي وزير سيد مراد علي شاهه سنڌو درياهه تي گهوٽڪي-غوثپور پل جي نئين الائنمينٽ جي منظوري ڏني آهي، ان سان 2.7 ڪلوميٽرن گهٽتائي ٿيندي ۽ رٿا جي لاڳت ۾916 ملين رپين جي بچت به ٿيندي. هن اها منظوري اڄ وزيراعليٰ هائوس ۾ رٿيل اجلاس جي صدارت ڪندي ڏني. اجلاس ۾ صوبائي وزير مير هزار خان بجاراڻي، صوبائي وزير ورڪس اينڊ سروسز امداد پتافي، پلاننگ اينڊ ڊولپمينٽ ڊپارٽمينٽ جي چيئرمين محمد وسيم، وڏي وزير جي پرنسپل سيڪريٽري سهيل راجپوت، ناڻي واري سيڪريٽري حسن نقوي، سيڪريٽري ورڪس اعجاز ميمڻ، پبلڪ پرائيوٽ پارٽنرشپ يونٽ جا سينئر آفيسر ۽ ڪنسلٽنٽس شريڪ هئا. رٿابندي ۽ ترقيات جي وزير چيو ته سنڌو درياهه تي پل جي اصل الائنمينٽ گهوٽڪي ۽ ڪنڌڪوٽ وچ ۾ هئي، آڇ جاري ڪئي وئي جنهن تحت قومي ۽ بين الاقوامي 20 بڊرس نيلاميءَ ۾ حصو ورتو. ان عرصي دوران وڏي وزير سيد مراد علي شاهه گهوٽڪي کان ڪنڌڪوٽ ايپروچ روڊ کي تبديل ڪندي گهوٽڪي کان غوثپور ڪيو. هن چيو ته وڏي وزير جي ان فيصلي جي بنياد تي ڪم جي ايڊوائيزري ڪنسورشيم اسڪوپ تي ٻيهر نظرثاني ڪئي وئي، تعميري لاڳت، مالي معاملن ۽ ٻين ٽرانزيڪشن اسٽرڪچر وغيره کي به اپ ڊيٽ ڪيو ويو. صوبائي وزير مير هزار خان بجاراڻيءَ چيو ته الائنمينٽ تي نظرثاني جي شديد ضرورت هئي، ڇو جو پنج ڪلوميٽر ڊگهي لنڪ روڊ ٺل روڊ کي ڳنڍندو هو جنهن کي جيڪب آباد ۽ بلوچستان جي ٽريفڪ کي مدد ملندي. وڏي وزير جي هڪ سوال جي جواب ۾ ڪنسلٽنٽ چيو ته پنج ڪلوميٽر لنڪ روڊ جيڪو ٺل روڊ کي ملائيندو آهي ان نئين الائنمينٽ جي ڊزائن جي شروعاتي جيوميٽرڪ سيٽلائيٽ ذريعي اميج ٺاهي وئي آهي، ان سان گڏوگڏ ان جي فنانشل ماڊل کي به اپ ڊيٽ ڪيو ويو آهي. وڏي وزير کي ٻڌايو ويو ته اڳوڻو الائنمينٽ 34.7 ڪلوميٽر جي هئي جڏهن ته گهوٽڪي-غوٽپور 32 ڪلوميٽر آهي ۽ اهڙي ريت 2.7 ڪلوميٽر جي بچت ٿيندي. اڳوڻي پل جي ڊيگهه 2000 ميٽر هئي جڏهن ته نئين الائيمنيٽ پل جي ڊيگهه 1200 ميٽر آهي اهڙي ريت پل جي ڊيگهه ۾ 800 ميٽر جي بچت ٿي آهي. اڳوڻي الائنمينٽ جي لاڳت 6952 ملين رپيا هئي جڏهن ته نئين الائنمينٽ جي لاڳت 6036 ملين رپيا ٿيندي، اهڙي ريت 916 ملين رپين جي بچت ٿيندي. وڏي وزير اجلاس ۾ شرڪت ڪندڙن، انجنيئرن ۽ مير هزار خان بجاراڻي (جنهنجو واسطو ضلعي ڪنڌڪوٽ-ڪشمور سان آهي) سان نئين الائنمينٽ تي تفصيلي  ڳالهه ٻول ڪئي. وڏي وزير نئين الائنمينٽ جي منظوري ڏيندي پبلڪ پرائيوٽ پارٽنرشپ يونٽ کي هدايت ڪئي ته اهي رڪيويسٽ فار پرپوزل (آر آيف پي) جاري ڪري ۽ هڪ هفتي جي اندر بين الاقوامي ٽينڊرز گهرايا وڃن ته جيئن ٽن مهينن جي اندر ان رٿا تي ڪم شروع ٿي سگهي. هن ورڪس کاتي کي هدايت ڪئي ته رٿا کي شروع ڪرڻ وقت اريگيشن کاتي کان ماهر ورتا وڃن. فنانشل ماڊل ۽ اسٽرڪچر بابت وڏي وزير کي ٻڌايو ويو ته اصولي طور تي حڪومت ايڪوٽي جو 14 سيڪڙو ادا ڪندي جڏهن ته خانگي شراڪتدار ايڪوٽي جو 16 سيڪڙو ڏيندا ۽ 70 سيڪڙي جو قرض هوندو. ان تي چيئرمين پي اينڊ ڊي محمد وسيم چيو ته هن اي ڊي بي سان اجلاس منعقد ڪيو هو ۽ اهي ان رٿا تي سيڙپڪاري ڪرڻ لاءِ تيار آهن. وڏي وزير چيو ته مان ڊسمبر 2017ع جي آخر تائين ان جي پيڙهه جو پٿر رکڻ چاهيان ٿو ته جيئن اهو ٽن سالن جي مدي ۾ مڪمل ٿي سگهي. ٻئي طرف سنڌ جي وڏي وزير سيد مراد علي شاهه ٽماٽرن، بصرن، پٽاٽن ۽ ٻين ڀاڄين جي اگهن ۾ حد کان وڌيڪ واڌ جو سختي سان نوٽيس وٺندي زراعت کاتي کي هدايت ڪئي آهي ته اهي مداخلت ڪندي ٿوڪ فروش جي ڪردار کي گهٽ ڪري ۽ قيمتن کي ڪنٽرول ڪيو وڃي. وزيراعليٰ هائوس مان جاري هڪ بيان ۾ وڏي وزير چيو ويو آهي ته ٽماٽر جا اگهه 250 رپيا في ڪلوگرام تائين پهچي ويا آهن ۽ اهو غريب ماڻهوءَ جي پهچ کان ٻاهر آهي. هن چيو ته منهنجي خيال ۾ اهو زخيرو ڪندڙ پاران هٿراڌو طور اگهه وڌايا ويا آهن. وڏي وزير گهرو ۽ زراعت واري صوبائي وزير گهرو سهيل انور سيال کي هدايت ڪئي ته هُو ذاتي طور تي ان مامري کي ڏسي ۽ ڀاڄين جي مارڪيٽ ۾ مداخلت ڪري جتي مڊل مين پنهنجي منافعي خاطر حد کان وڌيڪ اگهه واڌايا آهن. هن چيو ته ٺٽي ۽ سجاول ضلعن ۾ ٽماٽر جي فصل جلد تيار ٿي ويندي آهي انڪري ٺٽي ۽ سجاول مان ڪراچي جي مارڪيٽ ۾ ٽماٽر آڻڻ جا ضروري انتظام ڪيا وڃن ۽ جيڪڏهن ٿي سگهي ٿو ته مڊل مين به ٽماٽر جي فصل ٺٽي ۽ سجاول ضلعن مان خريد ڪن پيا ته پر ان کي لازمي طور تي روڪڻو آهي. وڏي وزير زراعت کاتي تي اهو به زور ڀريو ته اهي ٻين ڀاڄين جي اگهن جي چڪاس ڪرڻ اوري مامري تي به ضرور اپاءَ ورتا وڃن، ڇاڪاڻ ته ڀاڄيون غريب ماڻهن جي خوراڪ ڪو واحد ذريعو آهي. هن ڪمشنرن، ڊپٽي ڪمشنرن ۽ مارڪيٽ ڪميٽين کي به هدايت جاري ڪئي ته اهي هٿرادو طور تي اگهن ۾ واڌ تي ضابطو آڻڻ جي حوالي سان پنهنجو ڪردار ادا ڪن. هن ٽماٽر ۽ ڀاڄين جي اگهن ۾ هٿراڌو طور تي واڌ ڪندڙن کي گرفتار ڪرڻ جو حڪم ڏنو.

 

پيپلزپارٽي جي بينظير ڀٽو قتل ڪيس ۾ ڌر بڻجڻ واري درخواست منظور

راولپنڊي  (اين اين آءِ) اڳوڻي وزيراعظم بينظير ڀٽو قتل ڪيس ۾عدالت پيپلز پارٽيءَ جي ڌر بڻجن واري درخوست منظور ڪري ورتي ، لاهور هائي ڪورٽ جي راولپنڊي  بينچ ۾ بينظير ڀٽو قتل ڪيس سزا ملندڙ پوليس آڦيسر اڳوڻون ايس پي خرم شهزاد ۽ اڳوڻو سي پي او سعود عزيز به درخواست ڏني هئي ، ان موقعي تي عدالت پي پي پي پاران ڌر بڻجن جي داخل ٿيل درخواست منظور ڪئي وئي، پ پ پ پاران وڪيل لطيف کوسو عدالت جي اڳيان پيش ٿيو، ياد  رهي ته راولپنِڊي جي دهشتگردي خاتمي واري عدالت 31 آگست تي  بينظير ڀٽو قتل ڪيس جو فيصلو ٻڌائيندي پنجن جوابدارن کي آزاد ۽ پنجن کي سزا جڏهن ته پرويزمشرف کي اشتهاري قرار  ڏيندي ان جي ملڪيت ضبط ڪرڻ جو حڪم ڏنو.

 

ڀارت ۽ ٻيا ملڪ خطي جي امن لاءِ گڏجي ڪم ڪن، فغانستان امن لاءِ تيار آهي، بال پاڪستان جي ڪورٽ ۾ آهي: اشرف غني/جيمز ميٽس

ڪابل (ويب ڊيسڪ): افغان صدر اشرف غني چيو آهي ته افغانستان امن لاءِ تيار آهي، جڏهن ته هاڻي بال پاڪستان جي ڪورٽ ۾ آهي، ڪابل ۾ آمريڪي بچاءَ واري وزير جيمز ميٽس ۽ نيٽو جنرل سيڪريٽري سان گڏ پريس ڪانفرنس ڪندي هن چيو ته انتهاپسند افغان عمل ۾ شامل ٿي وڃن، هن چيو ته ڀارت، روس ۽ ٻيا ملڪ خطي جي امن لاءِ گڏجي ڪم ڪن، هن چيو ته افغان حڪومت چئن سالن جو فوجي منصوبو تيار ڪيو آهي، جنهن کي نيٽو جي منظوري ملي وئي آهي، ان موقعي تي آمريڪي بچاءَ واري وزير چيو ته دهشتگردن جي محفوظ پناهه گاهن بابت الزامن تي آمريڪا پاڪستان سان ڳالهه ڪرڻ چاهي ٿو، جڏهن ته نئين آمريڪي پاليسي پاڪستان لاءِ شورش سان وڙهڻ جو موقعو آهي، هن چيو ته القاعده، حقاني ۽ ٻين انتهاپسند گروپن کي پير ڄمائڻ نه ڏينداسين، اتحادين سان گڏجي افغانستان کي محفوظ بڻائڻ لاءِ ڪوششون ڪيون وينديون، جيمز ميٽس چيو ته ڏکڻ ايشيا ۾ عدم استحڪام دنيا جي لاءِ خطرو هوندو.

 

سڀ کان گهري پاڻي ۾ اسحاق ڊار آهي، ڪجهه ماڻهن کي عزت نه دولت پياري آهي: شيخ رشيد

اسلام آباد( ويب ڊيسڪ ) عوامي مسلم ليگ جي سربراهه شيخ رشيد احمد چيو آهي ته سڀ کان گهري پاڻي ۾ اسحاق ڊار آهي، ڪجهه ماڻهن کي عزت نه پر دولت پياري آهي. اسلام آباد ۾ ميڊيا سان ڳالهائيندي شيخ رشيد چيو ته اسحاق ڊار جهڙن ماڻهن جمهوريت جو ٻيڙو ٻوڙي ڇڏيو آهي. هن چيو ته حديبيا پيپرز ملز جو فيصلو ستن کان اٺن ڏينهن اندر اچي ويندو.