تازيون خبرون

Daily Archives: July 27, 2017

رشي ڪپور پٽ جي فلم جگا جاسوس جي ناڪامي تي هدايتڪارانوراگ باسو تي مڇرجي پيو

ممبئي (اين اين آءِ)باليووڊ انڊسٽري ۾ پنهنجي بلاوجه غصي ۽ خراب زبان سميت ٻين کي تنقيد جو نشانون بنائڻ وارو مشهور اداڪار رشي ڪپور هاڻي پٽ جي فلم جگا جاسوس جي ناڪاميءَ تي هدايتڪار انوراگ  باسو تي ئي مڇرجي پيو.  باليووڊ ۾ هدايتڪار انوراگ باسو جي فلم جگا جاسوس ۽ اداڪار رنبير ڪپور ۽ اداڪارا ڪترينا ڪيف جي دوستي  کان پوءِ عليحدگي جي باعث   لڳاتار 3 سال تاخير جي شڪار رهي پر فلم هلندڙ سال باڪس آفيس تي ناڪام رهي.  رشي ڪپور چيو ته اڄڪلهه هدايتڪار ڪنهن کان به مشورو نه ٿا وٺن ۽ اهڙي طرح جگا جاسوس جي هدايتڪار انوراگ باسو فلم جي رليز ٿيڻ کان پهريان ڪنهن کان مشورو نه ورتو  جڏهن ته ائين ٿو لڳي ٿو ته هدايتڪار ڪا فلم نه پر نيوڪليئر بم ٺاهي رهيا آهن.  رشي ڪپور جو چوڻ هو ته انکي فلم به بري لڳي نه سٺي لڳي پر فلم 20 منٽ گھٽ هجڻ گھرجي هان. رشي ڪپور جو چوڻ هو ته انوراگ باسو هڪ بلڪل غير ذميوار هدايتڪار آهي جيڪو فلم کي پورو ئي نه ٿو ڪري . واضع رهي ته اداڪار رنبير ڪپور جي فلم جگا جاسوس اڃان تائين باڪس آفيس تي صرف 45 ڪروڙ ڪمائڻ ۾ ڪامياب رهي آهي جيڪو فلم جي توقع جي حوالي سان بلڪ گھٽ آهي.

 

سلمان خان ڪترينا ڪيف کي اسٽنٽ ڪرڻ کان روڪي ڇڏيو

ممبئي(شوبز نيوز) بالي ووڊ اسٽار سلمان خان ڪترينا ڪيف کي فلم ٽائيگر زندا هي ۾ سمنڊ ۾ سرفنگ جو مشڪل اسٽنٽ ڪرڻ کان روڪي ڇڏيو سلمان ۽ ڪترينا جي پاڻ ۾ گهري دوستي رهي آهي پر رنبي سان معاشقي کانپوءِ ٻنهي جي لاڳاپن ۾ ويڇا اچي ويا هئا پر هاڻ ايئن محسوس ٿي رهيو آهي ته ٻنهي ۾ صلح ٿي وئي آهي ڪترينا جي زوال پذير فلمي ڪيريئر کي سلمان هڪ ڀيرو ٻيهر اونچائڻ تي پهچائڻ جو پڪو پهه ڪري ڇڏيو آهي ۽ ٻئي مراڪش ۾ يش راج فلمز جي بينر هيٺ ٺهندڙ فلم ٽائيگر زندا هي جي شوٽنگ ۾ مصروف آهن، ميڊيا رپورٽن مطابق فلم جي شوٽنگ دوران ڪترينا کي سمنڊ ۾ سرفنگ جو خطرناڪ اسٽنٽ ڪرڻو آهي پر سلمان پنهنجي دوست جي زندگي کي خطري ۾ وجهڻ کان ڪيٻائي رهيو آهي ۽ هن ڪترينا کي خطرناڪ اسٽنٽ ڪرڻ کان صاف منع ڪري ڇڏيو آهي.

 

محمد عامر پاران ٽيسٽ ڪرڪيٽ تان رٽائرمينٽ جي ترديد

اسلام آباد(اسپورٽس نيوز) محمد عامر ٽيسٽ ڪرڪيٽ تان رٽائر ٿيڻ جون خبرون سختي سان رد ڪري ڇڏيون آهن فاسٽ بالر جو چوڻ آهي ته هو ٽنهي فارميٽ لاءِ سخت محنت ڪري رهيو آهي ۽ مڪمل فٽ آهي پاڪستاني فاسٽ بالر محمد عامر ٽيسٽ ڪرڪيٽ تان رٽائرمينٽ جون خبرون سختي سان رد ڪندي چيو آهي ته فاسٽ بالر طور ٽنهي فارميٽ ۾ اعليٰ معيار برقرار رکڻ لاءِ سخت محنت ضروري آهي ڪرڪيٽ ۾ واپسي کانپوءِ ڪجهه وقت مشڪلاتون پيش آيون پر هاڻ هو ٽنهي فارميٽ لاءِ مڪمل فٽ ۽ پاڪستان جي ڪاميابي ۾ حضو وٺڻ لاءِ پوري طرح تيار آهي، هڪ انٽرويو ۾ محمد عامر چيو ته اسپاٽ فڪسنگ کانپوءِ ۵ سالن جي پابندي وارو دور تمام ڏکيو هو، هو پنهنجي ڪيريئر جي عروج تي غلط حرڪت سبب راند کان پري ٿي ويو پر هن غلطي مان سبق سکيو آهي ۽ پهريان کان وڌيڪ مضبوط ٿي ويو آهي.

 

ڏکڻ آفريڪا جي بيٽسمين ڪوئنٽن ڊي ڪوڪ پشاور زلمي سان معاهدو ڪري ورتو

لاهور(شوبز نيوز) پاڪستان سپر ليگ جي ٽئين ايڊيشن جون تياريون شروع ٿي ويون آهن ۽ ان ۾ ڇهين ٽيم جي شموليت سبب پاڪستانين جي جوش ۾ اڃان به وڌيڪ اضافو ٿي ويو آهي ان کان وڌيڪ خوشي جي ڳالهه اها آهي ته هن ڀيري ڪرڪيٽ جي دنيا جا اهڙا ستارا به ٽورنامينٽ ۾ پنهنجا جلوا ڏيکاريندي نظر ايندا جن کي ڏسڻ لاءِ هر ڪو بيتاب هوندو آهي ذريعن مطابق پي ايس ايل ۲ جي چيمپيئن ٽيم پشاور زلمي جي مالڪن جي دعويٰ آهي ته انهن ليگ جي ٽئين ايڊيشن لاءِ ڏکڻ آفريڪا جي اوپننگ بيٽسمين ۽ وڪيٽ ڪيپر ڪوئنٽن ڊي ڪوڪ سان معاهدو ڪري ورتو آهي ۽ هو ان ٽورنامينٽ ۾ پنهنجا جلوا وکيريندي نظر ايندو.

 

قرضن هيٺ دٻيل پاڪستاني عوام ۽ حڪمرانن جي  نااهلين جا مطالبا…؟: غلام مصطفيٰ جمالي

پاناما لڪيس هڪ ڊرامو ٿو لڳي ٿو جيڪو پنهنجي مقصد کان هٽي پاڪستاني عوام جا سمورا حق ڳڙڪائيندو پيو وڃي،اوهان ٿورو اهو سوچيو ته پاناما ليڪس بابت احتساب ڪير ۽ ڪنهن کان پيو گهري،جيڪڏهن احستاب جي ڳالهه آهي ته پوءِ هن ملڪ اندر ڪنهن جو احتساب ٿيو آهي ۽ ڪنهن کي انصاف مليو آهي،،ڇا هن ملڪ اندر انصاف جا سمورا تقاضا پورا ٿي رهيا آهن،پاناما ليڪس پاڪستاني جي سياست اندر اهڙو ته اچي ٻڙڪ مچايو آهي جو هر ماڻهو جي وات جي رڳو پاناما لڪيس ئي آهي ڀلي انهي کي اصل حقيقت جي ڄاڻ هجي يا نه هجي.!پهرين پاناما لڪيس اهو شور هوُ ته ميان نواز شريف ڪرپشن ڪري پاڪستاني پسئو لٽيو ۽ ٻاهرين ملڪن اندر پنهنجا فليٽ خريد ڪيا،ٿوري دير لاءِ مڃون به ته اها ڳالهه درست آهي پر انهي جو ڪو ثبوت،،جي ڳالهه ثبوتن جي آهي ته عمران خان صاحب اهو چئي رهيو هوُ ته وٺس ثبوت آهن جيڪي هوُ عدالت ۾ پيش ڪري چڪو آهي،پر جڏهن پاناما لڪيس معاملي ته عدالت عمران خان ثبوت گهريا ته عمران خان واضع چيو ته ڏوهاري ميان صاحب آهي انهي ڪري هوُ ڇو ثبوت پيش ڪري،جيڪڏهن ميان صاحب بي گناهه آهي ته هو عدالت اندر پنهنجا ثبوت پيش ڪري،جڏهن ته ميان نواز شريف ته پهرين ئي قطر واري شهزادي جو خط پاسي واري کيس ۾ کڻيو پئي گهميو،۽ اهو خط جڏهن عدالت ۾ پهتو ته عمران خان پاران وري بيان آيو ته اهو خط نقلي آهي،ته وري خان صاحب کان پڇيو ويو ته جيڪڏهن اهو خط نقلي آهي ته ثبوت پيش ڪري،وري به اپوزيشن پارٽين پنهنجا هٿ مٿي کڻي ڇڏيا،ته اهو ڪم اسانجو ناهي آخر ٿيو اهو جو انهي خط مان بيزاري ڏيکاري عدالت پاناما ليڪس ڪيس جي شنوائي ڏينهن به  ڏينهن تائين ملتوي ٿينديون رهيون ۽ آخرڪار عدالت به انهي پاناما لڪيس معاملي تي  جي آءِ ٽي جوڙي ورتي،انهي ڪري ڪيترائي تجزيڪار اهو چئي رهيا آهن ته پي ٽي آءِ پاڻي مان دهي ٺاهڻ جي ڪوشش ڪري رهي آهي جنهن مان نه لسي نڪرندي ۽ نه ئي مکڻ نڪرندو،؟ هڪ پاسي پاناما ليڪس ۽ ٻين ڳجيهن ملڪيت واري ڪيمپنين ملڪ جي مشهور ماڻهن جي ڪارنامن کي سڀني جي سامهون رکي ڇڏيو آهي.جن ناجائز طريقي سان ملڪيت ٺاهي ڪري بيرون ملڪن اندر پنهنجون وڏيون وڏيون ڪيمپنيون تيار ڪيون.جن پاڪستاني مسڪين ۽ غريب عوام جو پئسو ٻنهي هٿن سان لٺيو، ان وقت ڪو به اهڙو هٿ نه هيو جيڪو انهن کي روڪي سگهي.ملڪي پسئو آف شور ڪمپنين جي نالي تي هجي يا پاناما ليڪس معاملي تي مني لارڊينگ هجي. پر قومي پئسي جي وڏي بي دردي سان ٻاهر جي ملڪن ۾ لٽائڻ قانوني ڏوهه ۽ عوام کان ويساهه گهاتي آهي .جنهن جو نتيجو اهو نڪتو ته ملڪ جو هر روز ڏيوالو نڪرندي ويو.۽ ملڪ پنهنجي پئسي اندر بيرون ملڪن جو قرضي ٿيندو ويو ۽ ملڪي معيشت به هر روز خراب ٿيندي وئي.جڏهن ته ڏٺو وڃي ته پاناما ليڪس هڪ اهڙو ڊرامو آهي جيڪو پوري دنيا جي اسٽيج تي ڪيو ويو آهي جنهن کي ڪير به روڪي ناهي سگهيو.پر انهي ڊرامي جي ڪري ڪيترائي مسئلا پيدا ٿيا آهن انهن جي باري ۾ ڪير به سوچي ناهي سگهيو.پر مان سمجهان ٿو ته انهي پاناما ليڪس جي حوالي سان جيڪي مسئلا پيدا ٿيا آهن انهن تي بحث ڪرڻ تمام گهڻو ضروري آهي.پراڻي انگ اکرن جي مطابق پاڪستاني ويهه ڪروڙ عوام تي به نظر وجهون ته انهن جون بنيادي ضرورتون ڪهڙيون آهن.جيڪي پنهنجي پگهر جي پسئي مان ڪروڙين رپين جو ٽيڪس جمع ڪري رهي آهي.جيڪا رقم قرضن جي صورت ۾ واپس ڪئي پئي وڃي ۽ حڪمرانن جي عياشين تي خرچ ڪئي پئي وڃي.حڪومت ڪشڪول ٽوڙڻ جون ڳالهيون ڪري قوم جي برباد ڪري ر ڇڏيو آهي.چين کان قرض کڻِي پنجاب اندر اونرج ٽرين ۽ ٻيا منصوبا جوڙيندڙ نواز حڪومت به سنڌ جي ڪهڙا سک ڏنا آهن، ملڪ اندر سري عام ڪرپشن ٿي رهي آهي جن جي وار جو به ڪير نالو وٺي پيو سگهي.انڪري ملڪي معيشت جا حدف ڪئين پورا ٿيندا پوءِ به ظاهر آهي ته ملڪ جي معيشت مظبوط ٿيڻ بدران بحران جو شڪار ٿيندي.؟هڪ طرف بجلي تي ڪم ڪندڙ ڪمپنين جا اربين رپيا روڪي ڇڏيا آهن.۽ ٻئي پاسي انڪم ٽيڪس ،سيلز ٽيڪس جا حڪومت جي طرفان الاداري ٽينڊر ٿيا آهن..جناب اعليٰ:اها راند آئي ايف کي ته اکين ۾ ڌوڙ وجهي سگهي ٿي پر عوام جي اکين ۾ ڌوڙ نه ٿي وجهي سگهي.ايترو آسان ناهي ماڻهن کي روزگار،تعليم،صحت،جون سهولتون ۽ صاف پاڻي ۽ اسلامتي ڏيڻ، ميگا پرجيڪٽ،ميگا ڪڪ بيڪس ته ملي سگهن ٿا،پر اتي عوام جي حصي ۾ سواءِ غريبي مهنگائي ۽ غربت کان سواءِ ڪجهه به ناهي ايندو.ماهرين اقتصادي جي مطابق جي ڊي پي ۽ ٽيڪسن جي اضافي جي متوازن حد تائين اڪانومي کي مظبوط ٻڌايو آهي.پر عد م توازن سان انسان جو ڪيتريون ئي زندگيون اجڙي ويون آهن..ڇو ته ان ۾ به هيرا ڦيري ٿي رهي آهي.حقيقي ڊي جي پي 3.5آهي جڏهن ته آئي ايم ايف کي 5.5ڏيکاريو پيو وڃي.ڀارت اندر ڊي جي شرح 7آهي جڏهن ته ٽيڪسن ۾ اضافو 11فيصد آهي سان وٽ جي ڊي پي 3.5آهي ۽ ٽيڪسن ۾ اضافو 19فيصد آهي.جنهن جو اهو کڻي مطلب چئي ته جئين ڪمنڊ جي رس ڪڍڻ لاءِ ڪمنڊ جي چيچڙي ۾ وڌو ويندو آهي ۽ باربار وڌو ويندو آهي تئين ئي عوام کي پيسو پيو وڃي.ترقي يافته ملڪن اندر ٽيڪس اندر انصاف آهي جنهن جي ڪري اتي جي ملڪن جي آمدني اندر به تمام گهڻو اضافو آهي.ان ڪري ٽيڪس مساوي ڪرڻ لاءِ نون ٽڪيس گزارن کي آڻڻ لازمي آهي..ان وقت قومي سطح تي 61000تاجر چار لک رپين کان وڌيڪ جي آمدني جمع ڪرائي رهيا آهن.جن سان 850ملين جو ٽيڪس وصول ٿيو آهي جنهن جي وضاحيت رانا افضل پارليامينٽ سڪيٽري ڪئي هئي534000رضاڪارنه طور تي ٽيڪس ادا ڪرڻ وارن اندر ڇهه لک کان وڌيڪ ٽيڪس ڏيڻ وارن جي شرح 36838۽ 77فيصد ٽيڪس ڪارپوريٽ سيڪٽر کان وصول ڪيو ويندو هو.باقي 23فيصد انفرادي ۽ اشتراڪي ڪاوربار مان وصول ڪيو ويندو هو.سيڪٽري ايڪس چينج ڪارپوريشن پاڪستان وٽ 65000ڪمپينيون رجسٽرڊ آهي،جن کان هو 25000فيصد ٽيڪس جمع ڪرائينديون آهن.جڏهن ته ان مجهان به 40فيصد ڪيمپنيون نقصان جو بهانو ڪري ٽڪيس ادا ناهن ڪنديون.جڏهن ته آفيسر طبقي مان به ڪجهه فيصد ٽيڪس ادا ڪندا آهن.انهي جو وڏي ۾ وڏو ڪارڻ اهو ئي آهي ته پاڪستان ترقي به ڪري رهيو آهي.اسين خد بحيثيت قوم ئي پنهنجو ڪم سرانجام نه ڏئي رهيا آهيون.پر انهي سان گڏ اهو به وڏي ۾ وڏو سبب آهي ته قوم جنهن کاتي سان ڀلائي ڪري اهو به قوم جو خيرخواه هجي اهو به ته قوم لاءِ سٺو سوچي..پر ڏوهه خالي هڪ کاتي جو نالو پاڪستان اندر هر کاتو اهڙن ڪارنامن سان ڀريو پيو آهي.انهي ڪري هن وقت پاڪستاني اندر پنهنجو نالو چمڪائڻ لاءِ پاناما لڪيس جو ڊرامو ڪيو پيو وڃي،ڇو ته هڪ ڳالهه ويهي ڪري سوچيو ته هلو پاناما لڪيس معاملي ته احستاب ٿي به ٿو ته ڇا عوام جو ڦريل پسئو وري عوام تي خرچ ٿيندو..يا وري اهو پئسو ڀورتارن جون بيئڪنون ڀريندو،ڳالهه صاف پئي آهي جيستائين ملڪ جي عوام سکيُ ناهي ان وقت تائين اهڙا هزارين اشوز عوام جي تقدير نه ٿا بدلائي سگهن…هن ڪري وقت پاڪستان اندر پاناما ليڪس تي جيڪو بحث هليو اهو به سڀني ڏٺو ان ڪري اهو به هڪ ڊرامو ئي چئبو جيڪو هن قوم جي ڏيکاري ويو پيو وڃي.۽ هي قوم به آسرن جي عادي آهي ان ڪري آسرن تي پلجي رهي آهي

 

 

آصف علي زرداري جي سالگره جي مناسبت سان……. سياست جي ميدان ۾ جاگنگ ڪندڙ آصف علي زرداري: ڪاشف نوراني

محترمه شهيد بينظير ڀٽو جي اولاد جي وارث آصف علي زرداري، سياست جي ميدان ۾ جاگنگ ڪندي “سياست جا ڪيئي رنگ روپ ڏٺا ، ڪيترائي سال عوامي سياست ڪرڻ جي باوجود هن جو حقيقي عوامي رنگ لڪيل رهيو ، ڇو ته هو اڳ ۾ جيڪا سياست ڪري رهيو هو ان ۾ هن جو عوام سان سنئون ســڌو واسطونه هيو ، ڇو ته هو عوامي سياست کي ايمان سمجهندڙ پيپلز پارٽي جي قيادت شهيد راڻي محترمه ٻينظير ڀٽو جي ليڊرشپ ۾ هڪ عام ادنيٰ ڪارڪن جيان پير کڻندو رهيو ۽ پارٽي اصولن ،ضابطن ءِ قاعدن جو احترام ڪندڙ آصف علي زرداري پنهنجي قيادت سان پير۾ پير ۾ ملائي هلڻ بدران انهن جي پيرن جي ڇڏيل نشانن پٺيان پير کڻي هلڻ ۾ عافيت محسوس ڪئي جيڪا هڪ نظرياتي ڪارڪن نشاني آهي . سياست جي سپه سالار ڀٽي خاندان سان سچائي ءِ ايمانداراڻي انداز ۾ پنهنجي وفائن جا مثال قائم ڪندي هر تڪليف، هردرد کي پنهنجي سر تي کڻندو رهيو.
شهيد عوام مٿان صعوبتن جا پهاڙ هجن، محترمه بيگم نصرت ڀٽو مٿان آيل اذيتون هجن، توڙي شهيد محترمه جي مٿان آتش فشان جيان ڪرندڙ تڪليفن جا جبل هجن ۽ ڏٺو وڃي ته خود آصف علي زرداري مٿان عوامي سياست جي ڏوهه ۾ ٽٽل عذابن جا بند به اکيون ٻوٽي پنهنجي سر تي کنيون بيٺو رهيو.

شهيد محترمه جي ٻئي حڪومتي دور ختم ٿيڻ کان محترمه جي جلاوطني ۽ مشرف جي آمريتي راڄ تائين ڊگهو عرصو جيلن ۾ واڙيل آصف علي زرداري ڪڏهن به محترمه جي ساٿ ۽ عوام لاءِ سياست تي ڪو به ڪمپرومائيز نه ڪيو. عوامي سياست هن جي رڳ رڳ ۾ رت وانگر ڊوڙي رهي آهي. هن جي زندگي جو سڀ کان پهريون عزم سمورن عوامي اهنجن جو خاتمو آهي. محترمه جي ساٿ تي پنهنجي حياتي گهورڪرڻ هن جي وفا جو شعار رهيو. وفائن جي ميدان تي سدائين ثابت قدم رهندڙ هي بي ڊپو عوامي ليڊر آفريقين لاءِ جدوجهد ڪندڙ نيلسن منڊيلا کان گهٽ حيثيت وارو نه آهي. هو اڄ به محترمه شهيد پاران کيس منڊيلا ڪوٺڻ واري ڳالهه کي پنهنجي لاءِ سند جهڙو اعزاز سمجهندو رهي ٿو، ڇو ته هن لاءِ اهڙي ڪمينٽ کان وڌيڪ ٻيو ڪوبه سرٽيفڪيٽ ڪونه آهي.
پاڪستان جي سياست جا شينهن سڌجندڙ جڏهن آمريت سان سوديبازي ڪري عيش و عشرت کي اهميت ڏئي خاموشي سان ملڪ ڇڏي وڃڻ لاءِ نڪتا تڏهن جيلن جا جبل آصف علي زرداري مٿان ڪريل هئا،سوديبازي بدران پنهنجي فهم، فراصت توڙي سياسي عمل ۽ ثابت قدمي سان مشرف جي ڊگهي آمريتي راڄ جو خاتمو آڻيندڙ آصف علي زرداري ان ڏينهن سنئون سڌو عوام جي اڳيان آيو، جنهن ڏينهن سڄي ملڪ ۾ شهيد محترمه بينظير ڀٽو جي وڇوڙي جو صدمو مليو ۽ هر پاسي کان انارڪي جي آنڌي جا سڙٻاٽ ٻڌڻ ۾ پئي آيا ته  اوچتو محترمه جي مزار تي پهتل غم ۽ غصي ۾ وڪوڙيل عوامي انبوهه مان پاڪستان نه کپي جو نعرو ٻڌجڻ ۾ آيو ته ان نعري جو جواب شهيدراڻي  جي ٽيجهي واري تقريب ۾ ڪارا ڪپڙا پهري ويٺل آصف علي زرداري پاڪستان نه کپي چوڻ وارن کي پاڪستان کپي جو نعرو لڳائڻ جي دعوت ڏيندي اهو چيو ته هي ملڪ اسان جو آهي. هن ملڪ جي حفاظت اسان جي ذميداري آهي اسان پنهنجي ذميداري کان منهن نه موڙينداسين. اهڙي عزم، وچن واري خطاب کان پوءِ سڄي ان غم ۽ غصي واري ماحول ۾ ماٺار پئجي وئي. هن پاڪستان کپي واري نعري جو جواب انهن سياسي پارٽين کان به گهريو جيڪي پارٽيون ان وقت عام چونڊن جي بائيڪاٽ جو اعلان ڪري چڪيون هيون، انهن پارٽين کي عام چونڊن ۾ حصو وٺڻ جي اپيل ڪئي ته جيئن جمهوريت جو سج اڀري ۽ ملڪ کي هر قسم جي انارڪي کان آجو ڪرائي سگهجي.

اهو آصف علي زرداري جو اهو اصلي روپ هيو، جنهن هڪ وقت ۾ سمورو وايومندل غم ۽ غصي جي ڪيفيت کي گهٽ ڪري اليڪشن کي انتقام قرار ڏيئي عوام کي شهيد راڻي جي شهادت جو بدلو وٺڻ واري جنگ ۾ حصيدار بنائي ڇڏيو. اهو سندس فڪر ۽ فهم جي فراخدلي هئي جو غم ۽ غصي کي گهٽ ڪرڻ لاءِ ان وقت ان کان وڌيڪ ٻيو ڪوبه عمل نه هيو. آصف علي زرداري فڪر، فهم ۽ سندس سوچ توڙي سياست جي اها اهڙي پهرين منزل هئي جنهن کي دنيا ڪڏهن به وساري نه ٿي سگهي. عوام انتقام ورتو جيڪي ڊنل هئا اهي ڊڄي ڊڄي ميدان ۾ لٿا، هر ڪنهن کي شهيد محترمه جي شهادت جي انتقام جي نالي تي ڪجهه نه ڪجهه ووٽ مليا پر نتيجا صرف ۽ صرف حقيقي عوامي فيصلي وارا ظاهر ٿيا جمهوريت اچي وئي. پوءِ ڪيمرائن جي اکين اهي لمحا  به ڪيپچر ڪيا، جيڪي لمحا هڪ الڳ تاريخ رقم ڪري رهيا هيا. ڪيميرا جي لينسز اهي منظر به محفوط ڪري ورتا، جن منطرن ۾ جمهوريت پنهنجي ڦوھ  جوانيءَ ۽ جمال سان پروان چڙهندي رهي. جمهوري حڪومت جڙڻ وقت پاڪستان پيپلز پارٽي پنهنجي تنطيمي ڍانچي اندر به هر طرح سان جمهوري قدرن کي برقرار رکندي پارٽي اندر موجود سموري قيادتي قوتن کي هڪ راءِ فيصلو مڃرائيندي ولين جي سرزمين ملتان سان واسطو رکندڙ پ پ جي پراڻي ڪارڪن سيد يوسف رضا گيلاني کي وزارت عظمي جي ذميواري سنڀالڻ لاءِ اڳتي وڌايو. يوسف رضا گيلاني کي ان عهدي جي ذميواري لاءِ ورتل فيصلو به آصف علي زرداري جي سياسي ڏاهپ جو شاندار مثال آهي جيڪو پارٽي اندر ڊسپلين کي برقرار رکندي اهڙو فيصلو ورتو، جنهن سان سندس قد ڪاٺ اڃان وڌيو. شهيدراڻي جي شهادت کان پوءِ توڙي جو سڄي ملڪ مان ڀٽو جي جان نثار جيالن آصف علي زرداري کي پ پ جو حقيقي جان نشين سمجهيو، جيالن ڀٽو جي سياسي وراثي سندس حوالي ڪئي پر هن  بهادر انسان پ پ جي سياسي وراثت شهيدراڻي جي فرزند جي حوالي ڪندي پاڻ کي پارٽي جو ڪارڪن سمجھڻ کي پدند ڪيوڪيو. هي سندس ٽيون فيصلو هيو، جنهن سان ملڪ ۾ موجود پ پ جي جيالن جي دلين ۾ به ساڻس لاءِ همدردي ۽ محبت وڌي رهي هئي.

پنجاب اندر ڪيتري ئي وقت کان سرائيڪي بيلٽ جو عوام احساس محرومي جو دانهون ڪري رهيو هو ۽ ملتان سميت سرائيڪي بيلٽ جو عوام الڳ صوبي جو مطالبو پڻ ڪري رهيو هو. احساس محرومي جي دانهن هيٺ رهندڙ علائقي مان وزير اعظم منتخب ڪرڻ سان ڪنهن حد تائين ان احساس محرومي ۽ الڳ صوبي واري مطالبي کي ٻنجو اچي ويو۽ ان فيصلي سان ڪنهن حد تائين احساس محرومي واري ڌٻڻ جهڙي مشڪل تي حڪمت عملي سان ڪنٽرول رکڻ جي ڪوشش ڪامياب ٿي وئي. وزير اعظم جي عهدي جي حوالي سان ڪيل فيصلي کي سموري ملڪ جي نه رڳو جيالن قبوليو پر ان سان سرائيڪي بيلٽ جي عوام جون دليون پڻ وڌيون. حقيقت ۾ اهي ئي فيصلا آهن جن کي ڏسي سياست ۾ اهم مقام رکندڙ ملڪ جي مايه ناز سياسي اڳواڻ اعتراف ڪيو هو ته ”سندس سياست کي سمجهڻ لاءِ پي ايڇ ڊي ڪرڻئي پوندي.“ ۽ سچ به اهو ئي آهي ته آصف علي زرداري جي سياست کي سمجهڻ ۽ سندس حڪمت عملين کي پرکڻ هر ڪنهن جي وس جي ڳالهه ئي نه آهي.

هو جيڪڏهن آمريڪي صدارت جي عهدي جي اميدوار سارا پالن سان هٿ ملائي سندس سونهن جي تعريف ڪري ٿو ته مٿس چٿرون ڪيون وڃن ٿيون.  هن جي دلفريب مسڪراهٽ تي ٽوڪون ڪندڙن کي انهن تعريفي جملن جي اهميت کي سمجهڻ گهرجي. هو جڏهن صدارتي عهدو حاصل ڪندي مٿي تي سنڌي ٽوپي رکي ڪنهن دوست ملڪ جي دوري تي وڃي ٿو ته ان عمل تي طنز ڪرڻ بدران اها ڳالهه ذهن نشين ڪرڻ گهرجي ته هن جي حڪمت عملين کي سمجهڻ لاءِ ”پي ايڇ ڊي ڪرڻ“ جي ڳاله ڪندڙ ڪو گڏه گاڏو هلائڻ وارو چارن چريو نه آهي، اهو اعتراف صرف لفاظي نه اهي. ڇو ته جاويد هاشمي کي سياست ۾ اهم مقام حاصل آهي. ان جو احترام ڪرڻ به ضروري اهي. پر احترام جو اعتراف خود آصف علي زرداري به ان ڏينهن ڪيو، جنهن ڏينهن ملڪ جي ٻنهي وڏن معتبر ايوانن اندر صدارت جو حلف کڻي رهيو هو ته سندس خاص دعوت تي حلف برداري تقريب ۾ شرڪت لاءِ پهتل پاڪستان جي وڏي سياسي اڳواڻ، موجوده وزير اعطم ميان محمد نواز شريف تي نطر پئي. پوءِ ڪيميرا جي اکين اهو منظر قيد ڪري ورتو ته حلف کڻڻ کان فورن بعد صدر مملڪت جي حيثيت ۾ هو هيٺ لٿو ۽ تڪڙو وڃي ميان صاحب سان مليو. اهو احترام جو اعتراف هيو.  آصف علي زرداري جو صدر مملڪت بڻجڻ وارو فيصلو به وڏي مدبراني حڪمت عملي جو سبب هيو. هن اهو چاهيو پئي ته طاقت جو سرچشمو عوام کي سمجهندڙ پارٽي مڪمل طرح سان عوامي جمهوري حڪومت هلائي ۽ پوءِ ڏٺو ويو ته ڪيئن جمهوريت مضبوط ٿيڻ لڳي. دنيا ڏٺو ته ڪيئن جمهوري ادارا سگهارا ٿيا. سڀني اعتراف ڪيو ته ڪنهن وڏي مصيبت جي ڪنڌيءَ تي پهتل ملڪ کي پاڪستان کپي وارو مشن سگهارو ڪندو رهيو. ميثاق جمهوريت تي عمل نه ٿيڻ جون دانهون ڪندڙ ملڪي سطح جي هر سنگين فيصلي ۾ ان وقت برابر جا شريڪ رهيا. ملڪ جي سمورين اندروني ۽ بيروني مشڪلاتن مان نجات ڏيارڻ وارو هر فيصلو سمورين سياسي قيادتن سان گڏجي ٿيندو رهيو. اڪيلي سر حڪومت ٺاهي سگهڻ جهڙي حيثيت رکڻ جي باوجود مفاهمت جو هڪ نئون تاريخي لاڙو متعارف ڪرائي سمورين سياسي ڌرين کي گڏ هلايو ويو. اين ايف سي ايوارڊ جي ورهاست هجي يا ايران پاڪستان گئس لائين ذريعي هڪ ٻئي کي ڳنڍڻ هجي يا مفاهمت جي نالي تي سمورين سياسي ڌرين کي هڪ هنڌ گڏ رکي ملڪي سطح جي فيصلن ۾ انهن جي شراڪتداري، آصف علي زرداري جي هڪ اهڙي حڪمت عملي رهي آهي جنهن سان ملڪ مان بي چيني ختم ٿي. اڄ اسان سڀني کي گڏجي اهو اعتراف ڪرڻ گهرجي ته هو جيڪو مدبراني انداز ۾ ملڪ کي مشڪلاتن مان نجات ڏياريندڙ آهي، جنهن وٽ ملڪي مسئلن جو حل مفاهمت جي نالي واري دوا ۾ آهي، ۽ ان جو طريقه علاج به وٽس ئي موجود آهي. اڄ اسان سڀني کي اهو اعتراف ڪرڻ گهرجي ته هڪ ڀيرو ٻيهر هن ملڪ کي ان مسيحا جي ضرورت آهي، جيڪو اچي ويو آهي جنهن وٽ اها صلاحيت آهي ته ملڪي معاملن کي ڪيئن هلائجي؟

مخالفن کي آصف زرداري سياست منجهائي ڇڏيو آهي ڇو ته آصف زرداري جي سياست کي سمجهڻ لاءِ سندن وٽ پي ايڇ ڊي جي ڊگري نه آهي، هنن کي خبر آهي ته آصف زرداري واري مفاهمتي پاليسي واري شطرنج جا مهرا شطرنج وڇائڻ واري جي چئي ۾ اچي ويندا آهن. جيالن ۽ جمهوريت پسند ڌريون کيس ملڪ لا۽ هڪ نيڪ شگون قرار پيا ڏين. جڏهن ته سياسي ۽ ادبي اداڪار سندس ان رمز کي سمجهڻ لا۽ تجزياتي ضرورتن لا۽ ڪتابن ۾ گم ٿي ويا آهن. هوڏانهن ڪرڪيٽ راند جا بيٽسمين آصف زرداري جي هن ان سوئنگ يارڪر ڊليوري کي سمجھڻ لاءِ سندن ٽيم ۾ شامل مختلف رانديگرن کان صلاحون وٺي رهيا آهن، جيڪي ماضيءَ ۾ آصف زرداريءَ جي ڪرڪيٽ ٽيم ۾ شامل هئا ۽ مشڪل وقت کيس ڇڏي آيا هئا. انهن جو کين اهو ئي چوڻ آهي ته ٿورو عقل کان ڪم وٺجو ورنا سندس هر اوور ۾ پنهنجا رانديگر آئوٽ ٿي ويندا. جڏهن ته لڪي ايراني سرڪس جا شينهن به هن جي سياسي بصيرت تي حيران ۽ پريشان ٿي پيا آهن.

 

سنڌ اسيمبلي ۾ وزير اعظم خلاف ٺهراءُ منظور…

ڊپٽي اسپيڪر شهلا رضا جي صدارت ۾ گذريل ڏينهن سنڌ اسيمبلي جو اجلاس ٿيو، اجلاس دوران وزير اعظم خلاف خانگي ٺهراءُ اسيمبلي جي ايجنڊا ۾ تحريڪ انصاف جي خرم شيرزمان جو رکيل هو جنهن کي پڻ ڊپٽي اسپيڪر پڙهڻ جي اجازت ڏني پر حڪومتي ڌر  تحريڪ انصاف جي خانگي ٺهراءُ بعد پنهنجو خانگي ٺهراءُ خرم شيرزمان جي واپس وٺڻ بعد پيش ڪري  ان کي ايوان مان پاس ڪرائي ورتو،  ٺهراءُ پاس ٿيڻ وقت نثار کهڙو ۽ ٻيا وزير حيران ٿي پڇندا رهيا ته ٺهراءُ اسان جو پاس ٿيو يا تحريڪ انصاف وارن جو،؟ وزير اعظم خلاف خانگي ٺهراءُ جي متن ۾ چيو ويو آهي ته جي آءِ ٽي کي تڪراري بڻائڻ جي ڪوشش ڪئي وئي پر جي آءِ ٽي کي سلام پيش ڪيون ٿا جنهن حڪومت جي دٻاءُ کي رد ڪري ڇڏيو، نواز شريف عهدي جو اخلاقي جواز وڃائي ويٺو آهي.

سينيئر صوبائي وزير نثار کهڙي وزير اعظم کي  عهدو جلد ڇڏڻ گهرجي، هو نااهل حڪمران آهي ٻين ملڪن جي وزير اعظمن استعيفيٰ ڏني پر هن ضد ڪيو آهي، وزير اعظم کي جي آئي ٽي  ۽ سپريم ڪورٽ واضع ڪري ڇڏيو آهي ان کي هاڻي وڃڻ گهرجي، عمران خان آڱر  جي اشاري جو انتظار ڪيو ان تي اسان کي سخت اعتراض هو، پنهنجا ڪنٽينر ڇڏي کلندو ٻاهر آيو پر ريفري نه آيو هو، هن مشرف جي ريفرنڊم جي حمايت ڪئي هئي، اتي منهنجو سوال آهي سنڌ ۾ جن کي گوليون هڻي ماريو ويو انهن جو ڇا ٿيو،؟ هو هر مهيني معافي گهري ڇوته هتي اسان جون  ڀينرون ماريو ويون هيون، جڏهن سپريم ڪورٽ چوي ٿي ته وزير اعظم چور آهي ته پوءِ هو ڇو ويٺو آهي، سپريم ڪورٽ جي فيصلي  ۾ هڪ مهينو لڳي ويندو، اسان چاهيون ٿا وزير اعظم استعيفيٰ ڏئي، پ پ کي ن ليگ کي سياسي شهيد ٿيڻ نه ڏيندي. ملڪ ۾ هڪ وزيراعظم جي وڃڻ ۽ ٻئي جي اچڻ سان فرق نه پوندو. اسان چاهيون ٿا جمهوريت هلندي رهي ۽ حڪومت مدو پورو ڪري،پ پ جي ايم پي اي خيرالنساءَ مغل ڪرپشن جي باڪس ۾ دنيا جا ملڪ شامل هيا ۽ انهن جا نالا آيا ۽ انهن مان ڪجهه ملڪن جي وزير اعظمن استعفيٰ ڏني پر اسان جي ملڪ جي وزير اعظم استعفيٰ نه ڏني، ان کي جلد عهدو ڇڏڻ گهرجي، اسان شرم ۾ وٺجي ويا آهيون ڇو ته اسان جو وزير اعظم الزامن ثابت ٿيڻ باوجود عهدو ڇڏڻ لاءِ تيار ناهي،

خانگي ٺهراءُ تي شرميلا فاروقي به وزير اعظم کان جلد استعيفيٰ جو مطالبو ڪيو، ايم پي اي سعيد غني چيو ته وزير اعظم عهدو ڇڏي ڇو ته ان سان پاڪستان جو وقار جڙيل آهي، نواز کي عزت جو خيال ناهي اهو ان جو پنهنجو مامرو آهي پر اخلاقي طور تي کيس  پنهنجي عزت کان وڌيڪ ملڪ جي عزت جو خيال ڪندي عهدو ڇڏڻ گهرجي، ٺهراءُ تي ايم ڪيو ايم جي فيصل سبزواري ڳالهائيندي چيو ته وزير اعظم تي جيڪو پاناما ڪيس هلي رهيو آهي ان ملڪ جي حڪمراني کي لوڏائي ڇڏيو آهي، ايم ڪيو ايم پاڪستان به وزير اعظم جي استعيفيٰ جو مطالبو ڪري ٿي، بري ۽ ڀلي جي نشاندهي ٿيڻ جي حوالي سان ملڪ ۾ طئه  ٿيڻ گهرجي ته جئين ايندڙ ڪنهن وزير اعظم کي جي آءِ ٽي ۾ پيش نه ٿيڻو پوي. جي آءِ ٽي سمورن ڪرپشن ڪندڙ تي قائم ڪئي وڃي ان جو تعلق ڪنهن به صوبي سان ڇو نه هجي، اسان کي بدعنواني ۽ ڪرپشن جو خاتمي تي ڪم ڪرڻو پوندو اهو اسان جو مطالبو آهي، مني لانڊرنگ سان تعلق رکندڙ جو احتساب ڪيو وڃي. جنهن بعد سنڌ اسيمبلي خانگي ٺهراءُ اڪثريت راءِ سان منظور ڪري ڇڏيو.