تازيون خبرون

Daily Archives: July 18, 2017

سونم ڪپور شادي جي ترديد يا تصديق ڪرڻ بجاءِ ميڊيا تي هئي ڪاوڙ ڪڍي ڇڏي

ممبئي (شوبز نيوز)  بالي ووڊ اداڪارا سونم ڪپور شادي بابت خبرن جي ترديد ۽ تصديق ڪرڻ بجاءِ ميڊيا تي ڪاوڙجي پئي، سونم ڪپور ۽ ان جي ويجهي دوست آنند آهوجا وچ ۾ ويجهڙائپ وڌي چڪي آهي ۽ ٻنهي کي تقريبن ۾ هڪ ٻئي سان گڏ ڏٺو ويو آهي جڏهن ته گذريل ڪيترن ئي ڏينهن کان اداڪارا جي پنهنجي ويجهي دوست سان شادي جون خبرون گردش ڪري رهيون آهن، ڀارتي ميڊيا انيل ڪپور پاران ڌيءُ جي پسند تي شادي تي راضپو ظاهر ڪرڻ جي دعويٰ ڪئي هئي پر هاڻ پاڻ سونم ڪپور شادي جي ترديد يا تصديق ڪرڻ بجاءِ ميڊيا تي هئي ڪاوڙ ڪڍي ڇڏي آهي.

 

ثنا مير هڪ ئي وقت ۾ ۱۸ درجا ترقي ڪندي ۳۷ هين پوزيشن حاصل ڪري ورتي

دبئي (اسپورٽس نيوز) وومينز ورلڊ ڪپ ۾ ناڪامين ۾ الجهيل پاڪستاني ڪرڪيٽرن لاءِ آخرڪار سٺي خبر اچي وئي رينڪنگ ۾ ثنا مير هڪ ئي وقت ۾ ۱۸ درجا ترقي ڪندي ۳۷ هين پوزيشن حاصل ڪري ورتي، بالرن ۾ نشرح سنڌو کي به ۱۳ درجا ترقي ملي وومينز ورلڊ ڪپ ۾ پاڪستاني ٽيم جو سفر تمام گهڻو مايسو ڪندڙ رهيو سموري ايونٽ ۾ هڪ به ڪاميابي انهن جي هٿ نه آئي جڏهن ته ڪجهه رانديگرياڻين کي انفرادي طور سٺي راندو پيش ڪرڻ جو صلو رينڪنگ ۾ ملي ويو ان ۾ ڪپتان ثنا مير سڀني کان اڳتي آهي هن بيٽنگ رينڪنگ ۾ هڪ ئي وقت ۱۸ درجا ترقي حاصل ڪندي ۳۷ هين پوزيشن تي قبضو ڄمائي ورتو آهي.

 

ورلڊ ڪپ ۾ ناڪام سفر کانپوءِ وومين ڪرڪيٽ ٽيم وطن واپس پهچي وئي

لاهور(اسپورٽس نيوز)  وومين ورلڊ ڪپ ۲۰۱۷ع ۾ ست ئي ميچون هارائڻ کانپوءِ پاڪستان وومين ڪرڪيٽ ٽيم جون رانديگرياڻيون اداس چهرن سان نجي اڏام وسيلي وطن واپس پهچي ويون، وطن واپس ايندڙ رانديگرياڻين ۾ بسما معارف، ڊينا بيگ، مارينا اقبال، ناهيدا بيبي، اسماويا سميت ٻيون رانديگرياڻيون ۽ آفيشلز به لاهور ايئرپورٽ پهتا جڏهن ته ڪپتان ثناءَ مير نجي مصروفيتن سبب واپس نه اچي سگهي، لاهور ايئرپورٽ تي رانديگرياڻين سان ڳالهائڻ کان انڪار ڪري ڇڏيو جڏهن ته رانديگرياڻين جي استقبال لاءِ ماڻهو به موجود نه هئا.

 

سنڌ جي هر ضلعي ۾ هڪ سياسي  پارٽي جا ٻه ٻه ڌڙا ..!: سعيد احمد مڱريو

سياست عوام جي مفادن جي لاءِ ڪئي ويندي آ ۽ سياسي پارٽي ٺاهڻ جو سبب به ايهو ئي هوندو آ ته عوام جا مسئلا حل ڪيا وڃن ملڪي ليول تي يا علائقي ليول تي پر بدقسمتي سنڌ جي ايها رهي آ ته هتي ڪجه عرصي کان وٺي  ڪا مخلص سياسي پارٽي   سنڌ کي نه ملي آ ، جيڪا مخلص ٿي ڪري سنڌ جي عوام جا مسئلا حل ڪري  پر ايئن نه آهي . هتي  افسوس سان چوڻون ٿو پوي ته هئن ته سنڌ گهڻن مسئلن مان گذري رهي آ پر ٻين  مسئلن  سان گڏو گڏ سياسي مسئلا به ان جي قمست ۾ لکيل آهن جتي هڪ سياسي  پارٽي  پيپلز پارٽي  جو هجڻ  ۽ ان پارٽي جو مسلسل سنڌ مٿان حڪومت ڪرڻ ئي سنڌي عوام جي مقدر ۾  ئي لکيل آهي يا ڪٿي سنڌي عوام جي مجبوري آ  ، پر ايهو به ڏسون ته سنڌي عوام  کي ڪا ٻئي چوائيس به نه آهي  ، جيڪڏهن ٻيون سياسي پارٽيون ننڍيون وڏيون آهن به ته انهن جي هيٺين ليول عوام تائين ڪا پنهنچ نه آهي جنهن جو سبب ايهو ئي آهي  ته عوام کي ٻئي ڪا سياسي پارٽي نظر ئي نه ٿي اچي  سنڌي عوام  ان جي حمايت ڪري  ۽ ان کي ووٽ ڏئي پر ايئن آهي نه ..!  سنڌ ۾ صرف ۽ صرف پيپلز پارٽي آ جيڪا سنڌي عوام جي صوبي کان وٺي وفاق تائين ان جي نمائندگي ٿي ڪري جنهن کي سنڌي عوام جي ووٽ جي ڦل سپورٽ آ ، هاڻي سوال  ايهو ٿو پيدا ٿي ته آخر  سنڌ جي سياسي  سگهه کي ڪمزور ڪرڻ ۾ ڪنهن جو هٿ آ .. ؟  اها ڪنهن کي به خبر نه آهي  ته آخر سنڌ جي قومي سياست کان و ٺي ملڪي سياست تائين سنڌ جي سياست کي مٽي سان ملائي ڪري ختم ڪيو ويو آهي ۽ سنڌين کان سياسي شعور کي ختم ڪرڻ ۾ ٻن طبقن  جا هٿ آهن   هڪ اهو ملڪي طبقو جنهن کي اسان اسٽيبلشمينٽ چوندا آهيون  جنهن ڪڏهن به ايهو نه چاهيو آهي ته سنڌ جي اندر هڪ سياسي يا جا کوڙي سوچ مظبوط هجي جنهن سان سنڌي پنهنجا حق آساني سان وٺي سگهن ۽ سنڌين کي ڪو مڪمل اختيار ملي  ، ٻيو اهو طبقو آهي جيڪو سنڌ جو سرمائيدار وڏيرو ،  جيئن ڏسون ته  سنڌ جي سياست ۽ سماج جي اندر انهن ۾ کوڙ سارا پير سيد ، وڏيرا ، تاجر ، سياسي اڳواڻ ، نام نهاد سماجي رهنما ۽ آفيسر شاهي جيڪي سنڌ سان سياسي مفادن خاطر سنڌ سان غداري ڪندا ٿا اچن جن ڪڏهن به سنڌ جي ترقي جي لاءِ  نه سوچو آهي  سنڌ جي  سرمائيدار وڏيري تمام گهڻو وڏو نقصان ڏنو آهي جنهن وقتن فوقتن پنهنجي سياست جا  قبلا تبديل ڪندو ٿو اچي پنهنجي ذاتي مفادن جي خاطر ،  جنهن جي ڪري سنڌ جي سياسي سگهه ڪمزور کان ڪمزور تر ٿي ٿيندي  ٿي وڃي . ان جي ذاتي مفادن  سنڌ جي عام ماڻهون کان سياسي شعور ئي ختم ڪري ڇڏيو آ ، هاڻي سنڌ جي سياست جو ايهو حال آ ته هتي هڪ  ئي سياسي پارٽي آ جنهن جي نمائندگي هر ضلعي ۾ ٻن ٻن ڌڙن تي مشتمل آ ۽ اهي ٻئي ڌڙا هڪ پارٽي جا ٿي ڪري هڪ ٻئي جي مخالفت ٿا ڪن   انهن ٻن ڌڙن جي مخالفت سان سنڌ جي ترقي جو سوال به  پيدا ٿي ٿو  ته آخر ايهو سلسلو ڪيستائين  رهندو ڇا ايها راند سنڌ ۾ ٿيندي رهندي يا ان جو ڪو خاتمو به ٿي سگهي ٿو ، منهنجي خيال ۾ ان جو خاتمو هڪ طرح سان ئي ٿي سگهي ٿو اهو آ ته سنڌين وٽ مضبوط ڪا متبادل سياسي پارٽي اچي ۽ ان جي نمائندگي يو سي ليول کان وٺي صوبي تائين هجي پوءِ  ڪا تبديل اچي سگهي ٿي . هينئر سنڌ جي اندر جيڪي ضلعي ليول تي هڪ سياسي پارٽي جا ٻه ٻه ڌڙا ٺاهيا ويا  آهن ايهو سمجه ۾ نه ٿو اچي ته ايها پاليسي    ان  ليڊر شپ جي  آ يا ڪنهن ٻئي  مضبوط سياسي پارٽي جو نه هجڻ ڪري آ ، پر لڳندو ته ايئن آ ته ايها پاليسي ان ليڊرشپ جي آ ته هر هڪ ضلعي ۾ ٻه ٻه ڌڙا ٺاهي ٻنهن جي سپورٽ ڪئي وڃي جيئن ايندڙ يا هر اليڪشن  ۾ ان علائقي ٻه پتا ڦٽي ڪجن هڪ نه هڪ کٽي ته ضرور  ايندو . اهڙي صورتحال اڄ جي هن دور ۾ سنڌ کي متبادل سياسي پارٽي جو هجڻ لازمي آهي ، باقي هڪ پارٽي وٽ يرغمال رهڻ سان سنڌ ۾ ڪڏهن ڪا تبديلي نه ٿي اچي سگهي  سنڌ جي مسئلن کي حل ڪرڻ  جي لاءِ  سنڌين کي متبادل سياست ڪرڻي پوندي ۽ هاڻي ايهو به سمجهڻو به پوندو ته اقتدار ي سياست ۽ عوامي سياست ۾ به هڪ فرق  آ  ڇو ته سنڌي پوين چاليهن سالن کان پيپلز پارٽي کي ئي سپورٽ ڪندا ٿا اچن ان حمايت مان ايهو سکڻو پوندو ته ماضي جي سياسي پارٽي هميشه اقتداري ئي رهي آ جنهن عوام جي ڀلائي لاءِ ڪي خاص اقدام ئي نه کنيا آهن .

هينئر سنڌ بگڙيل معاشي ۽ سماجي حالتن کان پئي گذري ان جو سبب ايهو ئي آهي ته سنڌين وٽ ڪا متبادل سياسي پارٽي نه آهي جنهن جي اهي حمايت ڪن ۽ ڪجه سياسي تبديلي آڻن ۽ هاڻي  ايهو  سنڌين جي لاءِ لازمي  آهي ته اهي پنهنجو متبادل سياسي رستو ڳولين ، ڇو جو  زندگي جي هر شعبي ۾ بدعنوانيون، لاقانونيت ۽ ڇڙواڳي سنڌي عوام ڪن ڌاهن کان ڀوڳيندو ٿو اچي ، جنهن ۾ حڪومت هجڻ جو تصور ئي نه رهيو آهي، اهڙين حالتن جي اندر  پيپلزپارٽي وري هر ضلعي جي اندر پنهنجن ئي ماڻهن جا ٻه ٻه گروپ ٺاهي ڇڏيا آهن جيڪي هڪ ٻئي جي مخالفت ڪري اڃا وڌيڪ شهرن جي مسئلن کي الجهائن ٿا . جيڪڏهن سنڌ جي  سياسي سماجي ، ترقياتي ڪمن تي ڪجه سوال اٿاريون  به ته انهن جو رک هڪ ئي سياسي پارٽي  جي طرف ويندو جيڪا ڪيتري عرصي  کان وٺي سنڌ جي مٿان حڪومت ٿي ڪندي اچي پر سنڌ جا مسئلا اهڙي جا اهڙا ئي آهن  جيئن سنڌ جي شهرن ۽ ڳوٺن جي حالت ڏسو ته انهن کي ڏسي ائين بلڪل نه لڳندو ته اهي ڪي 21 صدي جا شهر آهن جتي انفرا اسٽيڪچر تباه ٿيل  ، روڊ رستن جو حال ڏسو اهي بدترين شڪل ۾ آهن، تعليم جي تباهي ۾ ٻارن جو مستقبل تباهه پيو ٿئي، تحفظ عوام کي مليل ناهي، صحت جي حوالي سان ڏٺو وڃي ته اتي به سنڌ حڪومت جي ڪارڪردگي زيرو آهي ۽ هاڻي پاڻي جي قلت صاف پاڻي  پيئڻ جو شهرن ۾ اڻلڀ آهي ته اتي جيڪڏهن سنڌ ۾ هڪ ٻئي مظبوط سياسي پارٽي هجي ته منهنجي خيال ۾ ان جو اقتدار ۾ اچڻ هڪ آسان رستو مليل آ ، هئن به ڏٺو ايهو ويو آ ته بين جمهوري ملڪن ۾ جيڪڏهن ڪنهن سياسي پارٽي کي حڪومت ملندي آ ۽ اها  حڪومت عوام جا مسئلا حل ڪرڻ ۾ ناڪام ويندي آ  يا عوام جا مسئلا حل ڪرڻ جي موڊ ۾ ناهي هوندي ته اتان جو عوام وري ڪنهن ٻي پارٽي جي سپورٽ ڪري ان کي اقتدار ۾ آڻيندا آهن ، جيئن انهن جا مسئلا حل ٿين ۽ هڪ پرسڪون ماحول ۾ اهي رهي سگهن  . پر سنڌ ۾ ايهو ابتڙ آ ڇو جو هتي ٻئي ڪا سياسي پارٽي آهي ئي ڪون جنهن جو پاڙون هيٺين ليول تائين مظبوط هجن ۽ عوام ان کي سپورٽ ڪري . هتان جي صورتحال ڪجه الڳ آ هتي هڪ پارٽي آ جنهن جا ٻه ٻه گروپ سنڌ جي هڪ هڪ شهر ۾ سرگرم آهن . جيئن هڪ ئي گهر ۾ ٻه سياسي گروپ اهڙي صورتحال ۾ اسان ڪٿي ترقي ڪري سگهنداسين يا ڪيئن اڳيان ايندا سين بحراحال ايندڙ اليڪشن ۾ اسان کي سوچڻ کپندو ته پوين ڏهن سالن  کان وٺي جيڪي اسان جا مسئلا حل ٿي نه سگهيا آهن انهن جو اصل ڪارڻ ڇا آهي ۽ هاڻي ان جو حل ڇا ٿيندو .

 

سياسي احستاب اندر ورسي ويل دهشتگردي .!!!!: غلام مصطفيٰ جمالي

ميان نواز شريف هن وقت پاڪستاني وزيراعظم آهي ۽ پاناما ليڪس معاملي جي آءِ ٽي جي رپورٽن کانپوءِ پاڪستان جو هڪ وڏو سياسي حلقو ميان نواز شريف کان استيفيٰ جو مطالبو ڪري رهيو آهي،پر ميان صاحب نه استيفيٰ ٿو ڏي ۽ نه ئي انهي ڳالهه کي تلسيم ٿو ڪري ته آف شور ڪمپينن اندر سندس پئسو لڳل آهي،جڏهن ته سموري اپوزيشن جماعتون اهو واضع ڪري چڪيون آهن ته ميان نواز شريف جي خلاف سمورا ثبوت عدالتن اندر جمع ڪرائي ڇڏيا آهن،جنهن جي ڪري ميان نواز شريف کي استيفيٰ کان سواءِ ٻيو ڪو به گس نه ملندو،پر مان سمجهان ٿو ته جتي سوال پاڪستان جي سياست جو آهي اتي اهم سوال پاڪستان جي امن جو به آهي،جيڪو سياسي ڄونڊا پٽ اندر مسلسل نظر انداز ٿي رهيو آهي،جنهن ڪري ملڪ اندر دهشتگردي واقعن ۾ واڌ اچڻ جا وڏا امڪان نظر اچي رهيا آهن،ڇو ته سپاڪستاني عوام ۽ پاڪستان جي حڪومت ڪيترن ئي سالن کان وٺي دهشتگردي جي وڌندڙ ناسور سان وڙهي رهي آهن.پر انهي وڌندڙ دهشتگردي نه رڳو پاڪستان معيشت کي نقصان پهچايو آهي پر هن وقت تائين 50هزارکان وڌيڪ بي گناهه شهرين جي زندگي جو ڏيئو پڻ اجهايو آهي.جڏهن ته ان سان گڏ پاڪ فوج جا جوان ۽ پاڪستاني پوليس ۽ ٻين سڪيورٽِي جن ۾ معصوم ٻار عورتون.مرد شامل آهن.جڏهن ته انهي دهشتگردي هن وقت تائين نه رڳو پاڪستان عوام جون زندگيون ضايع ڪيون آهن پر هزارن جي تعداد اندر سڪيورٽي اهلڪارن کي پڻ نشانو بڻايو آهي،۽ کين شهيد ڪيو ويو آهي.جڏهن ته ڪالهه تازو حساس اداري خيبرپختون خواهه جي دارالحڪومت پشاور جي علائقي حيات آباد اندر سڪيورٽِي اهلڪارن جي گاڏي اڳيان خدڪش ڌماڪو ٿيو جنهن جي نتيجي ۾ ٻن ڪاسٽيبلن سميت (ايف ايس) جي هل شهيد ڪيو ويو جڏهن ته ان ڌماڪي جي ٿوري وقت کانپوءِ بلوچستان جي افغان سرحد وٽ ۾ هڪ بم ڌماڪو ٿيو جنهن اندر به هڪ(ايف ايس) اهلڪار شهيد ٿي ويو.

ملڪ اندر جتي ٻيا صوبا انهي دهشتگردي جي ور چڙهيل آهن جنهن اندر امن امان هڪ سواليه نشان بڻيل آهي اتي پاڪستاني جي صوبي سنڌ جو شهر ڪراچي به انهي دهشتگردي جي مڪلمل لپيٽ ۾ ايندو.؟جتي پاڪ فوج آرمي جي ڪوششن سان دهشتگردي تي ڪنٽرول ڪري ڪراچي جي شهرين کي جئيڻ جو جياپو مس ڏنو ويندو.جئين تازو ڪراچي اندر ريجنرس آپريشن شروع ٿيو ان ڏينهن کان وٺي ڪراچي اندر گهڻي حد تائين امن امان بحال ٿيو آهي ۽  هر شهري زندگي معمول جي مطابق هلي رهي آهي ۽  گهڻين دلين مان دهشتگردي وارو خوف ختم ٿي ويو آهي.پر پاڪستان اندر جڏهن به اهڙن بم ڌماڪن جون خبرون نشر ٿينديون آهن ته هر ماڻهو اهو سوچڻ تي مجبور ٿي ويندو آهي ته ڇا واقعي دهشتگرد پاڪستان جي حاووي ٿي ويا آهن.؟ پاڪستان تي حيقيقت جي نظر وجهجي ته پاڪستان انهن ملڪن مان هڪ ملڪ آهي.جيڪو معيشت جي اعتبارسان وڏي اڪثريت رکي ٿو،دنيا جا ڪيترائي ملڪ پاڪستان جي معيشت جي سڪپورٽ جي سهاري هلي رهيا آهن.پر هن وڌندڙ دهشتگردي جي ڪري ان پاڪستاني معيشت کي به تمام گهڻو نقصان پهتو آهي.جڏهن ته وڏن وڏن سرمائيڪارن پاڪستان تان پنهنجو نظرون هٽائي ڇڏيو آهن. ۽ پهنهنجا ڪاروبار دنيا تي ٻين ملڪن ته شروع ڪري ڇڏيا آهن.جنهن جي ڪري پاڪستاني معيشت کي تمام گهڻو نقصان پهتو آهي.شايد اوهانکي خبر هجي ته پاڪستان.کير ۽ ڪپهه پيدا ڪرڻ وارو دنيا جو چوٿون ملڪ آهي ۽ ڪڻڪ پيدا ڪرڻ وارو اٺون ملڪ آهي ۽ چانور پيدا ڪرڻ وارو دنيا جو ڏهون ملڪ آهي.جڏهن ته افسوس جهڙي ڳالهه آهي ته اهڙي وڏي ملڪ جي معيشت ڏينهن ڏينهن تباهي جي ڪناري جي طرف وڃي رهي آهي.جنهن جو اصل ڪارڻ پاڪستان اندر وڌندڙ دهشتگردي آهي.جنهن جي ڪري دنيا جو ڪوبه ملڪ پاڪستان سان معاشي تعلقات رکڻ لاءِ تيار ناهي سواءِ چند ملڪن جي.جن مان چين سرفهرت آهي..پر هن وقت پاڪ فوج جي محنت سان ايتري ضرور اميد جاڳي آهي ته پاڪستان ۽ هلندڙ دهشتگردي جو خاتمو ضرور ايندو ۽ اهي دهشتگرد جيڪي پاڪستاني معيشت ۽ عوام کي نقصان پهچائڻ ٿا چاهين انهن جو خاتمو ضرور ٿيندو،انهي ڪارنامي ۾ پاڪ فوج جو ڪرادر ساراهه جوڳو آهي.جڏهن ته پاڪستان اندر هلندڙ دهشتگردي جي خلاف ضرب عضب دهشتگردي جي خاتمي جي نهايت ئي بهتر ثابت ٿيو ۽ ڪراچي اندر به انهن دهشتگردن جي خلاف رينجرس  آپريشن به ڪامياب ويو،.جنهن ۾ ڪيترائي دهشتگرد موت جي سولي تي چاڙهيا ويا آهن ۽ ڪيترن ئي گرفتار ڪري جيل جي ڪارين ڪوٺڙين ۾ قيد ڪيو ويو آهي.

پاڪستان اندر هن وقت اقتصادي راءِ داري کان ويندي.توانائي منصوبن جي افتاح هڪ سٺي ۽ پرامن موسم جي اچڻ تي شروعات آهي.ماضي ۾ جيڪي ملڪ پاڪستان سان پنهنجا معاشي تعقات رکڻ لاءِ تيار ئي نه هئا اهي پاڪستان سان پنهنجا معاشي تعلقات رکڻ لاءِ پاڪستان جي ويجهو اچڻ جي ڪوشش ڪري رهيا آهن.جڏهن ته پاڪستان جي ويجهي دوست ءِ پاڙيسري ملڪ چين پاڪستان سان اقتصادي راءِ جو منصوبو جوڙي دنيا کي پڻ اهو پيغام ڏنوآهي ته پاڪستان سرمايه ڪاري لاءِ هڪ بهترين ملڪ آهي.جنهن سان دنيا جي ملڪن کي انهي سرمايه ڪاري مان ڀرپور فائدو وٺڻ گهرجي.جڏهن ته ماضي جي ڀيٽ ۾ هن وقت تي نظر وجهون ته ڪيترائي سوال ذهن ۾ اچي ويندا.۽ ڪجهه اهڙا به معاملا آهن جن کي حل حڪومت جي زميواري آهي.جڏهن ته ڪجهه وقت پهرين پاڪستان جي ڪوششن سان يورپين يونين پاڪستان کي (جي ايس پي پلس)اسٽيس ڏنوهو جنهن سان پوءِ اها توقع ڪئي پئي وئي ته انهي سان پاڪستان جي باآرمدکي فائدو ملندو.پر ائين نه  ٿئي سگهيو.پاڪستان کي انهي مان فائدو ملڻ بجاءِ نقصان پهتو.جنهن جا ڪارڻ معملوم ڪرڻ جي لاءِ پاڪستان نجڪاري جي شعبي جي نمائنيدن جي هڪ ٽيم  تيار ڪئي هئي.جنهن جي ضرورت پڻ هئي.پر بارآمد جي گهٽتائي جي وجهه مان سمجهان ٿو ته پيداوار جي کوٽ آهي.جڏهن ته هن وقت پاڪستان سان صرف ڪجهه ملڪ اهڙي معاملي تي راضي هئا باقي ڪيترائي ملڪ پاڪستان ۾ وڌندڙ دهشتگردي جي ڪري پاڪستان سان معاشي معاملا نه پئي رکيو آيا.۽ پاڪستان اندرجيڪي معدني وسيلا آهن جن مان پاڪستان کي جيترو فائدو پهچڻ کپي اوتري فائدو به نه پهچي رهيو آهي.پر هن وقت اميد جي هڪ آس ضرور جاڳي آهي ته پاڪستان پنهنجي معدنيات جي مطبوظ بڻائڻ ۽ توانائي جي بحران کي ختم ڪرڻ لاءِ ڪيترائي منصوبا جوڙي ڇڏيا آهن.جن ۾ ٿرپاوار پلانٽ.جهنگ پاور پلانٽ.۽ بلوڪي پاور پلانٽ سميت ڪيترائي منصوبا آهن جن تي ڪم جاري آهي.۽ جڏهن اهي پنهنجي ملڪمل تڪميل تي پهتا ته پاڪستان توانائي جي نه رڳو بحران مان نڪرندو پر پاڪستاني اندر بجلي سستي ٿيندي ۽ پاڪستان پنهنجي بجلي دنيا جي ملڪن کي وڪڻي ڏئي سهگندو.جنهن سان پاڪستان جي معيشت جي بحالي يقيني آهي.پر اتي به هڪ سوال آهي ته پاڪستاني حڪومت جن منصوبن جي شروعات ڪئي آهي.انهي تي پنهنجي تڪميل تي پهچائڻ جو عزم ضرور دل ۾ هجي.رڳو منصوبا جاري ڪرڻ نه پوءِ انهن کي ڪنهن مقصد تي به پهچائڻ سان نه پاڪستان جي معيشت مظبوط ٿيندي پر پاڪستان سان توانائي جو بحران به ڪڏهن ختم نه ٿيندو.

انهن سڀ ڳالهين جو ڇيڙو وري به پاڪستان جي امن امان تي ختم ٿئي ٿو.جيستائين ملڪ ۾ امن آهي ۽ ملڪ دنيا جي سطح تي امن لاءِ ڪوششون ڪندو رهندو ته پاڪستان کي ترقي کان ڪير به روڪي ڪون ٿو سگهي.جڏهن ته دنيا ئي قوتون پاڪستان ۾ دهشتگردي پکيڙڻ ئي انهي لاءِ ٿيون چاهين ته پاڪستان ترقي نه ڪري.پاڪستاني معيشت تباه ٿي ۽ پاڪستاني عوام پنهنجي ملڪ جي حڪمران خلاف روڊن تي نڪري ۽ پاڪستان اندر گهرو ويڙه پيدا ٿي جنهن سان پاڪستان ڪمزو ٿي.جڏهن ته پاڪستان اندر وڌندڙ دهشتگردي انهي قسم جي هڪ شطرنج جي چال آهي.جيڪي پاڪستاني مخالف ملڪ کيڏي رهيا آهن.پاڪستان هن وقت دهشتگدري خلاف وڙهي رهيو آهي ۽ پاڪستان فوج ۽ عوام به هڪ ٿي ڪري انهي دشمنن جي ناپاڪ ارادن کي ختم ڪرڻ جون ڪوششون ڪري رهيا آهن.

 

پيادل لانگ مارچ جي ڪراچي ۾ پڄاڻي…!

سنڌ هيومن رائيٽس، قوم پرستن ۽ وائيس آف مسنگ پرسن پاران سنڌ جي گُم ٿيل نوجوانن جي آزادي جي لاءِ حيدرآباد مان نڪتل لانگ مارچ جي تاريخي پُڄاڻي ڪراچي پريس ڪلب آڏو ٿي، 29 جولاءِ تي حيدرآباد پريس ڪلب ۾ ڪانفرنس جو اعلان ڪيو ويو آهي. عالمي ضمير ۽ انساني حقن جي تنظيمن کان نوجوانن جي آزادي ۾ مدد جو مطالبو ڪيو ويو آهي، پير پِٿون ڪري سنڌ جي گادي واري شهر ڪراچي پهتل گُم ٿيل نوجوانن جي مائرن ۽ قومي ڪارڪنن سميت سول سوسائٽي جي اڳواڻن جو چوڻ  هو ته سنڌ جي باشعور ۽ حقن جي ڳالهه ڪندڙ نوجوانن کي ڏوھ ٻڌائڻ بِنا ئي کنڀي گُم ڪيو پيو وڃي. گذريل ڏينهن کنڀيل نوجوانن جي آزادي لاءِ نڪتل پيادل لانگ مارچ ڪراچي پريس ڪلب وٽ پڄاڻي تي پهتو، مارچ ۾ ڪراچي جي سنڌي نوجوانن ۽ قومي ڪارڪنن شريڪ عورتن کي اجرڪون اوڍايون ۽ مٿن گُلن جي ورکا ڪئي. جڏهن ته ڪراچي پريس ڪلب اڳيان گُم ٿيل ماڻهن جي آزادي جي لاءِ احتجاجي مظاهرو ڪري ڌرڻو پڻ هنيو ويو. ان موقعي تي سول سوسائٽي جي اڳواڻ پنهل ساريو، جسقم آريسر جي ڊاڪٽر مير عالم مري، ڊاڪٽر نياز ڪالاڻي، سورٺ لوهار، معشوق چانڊيو، امر فياض، تنوير آريجو، ادل سولنگي، نيلم آريجو، سسئي لوهار ۽ ٻين خطاب ڪندي چيو ته سنڌ مان نوجوانن کي کنڀي گُم ڪرڻ وارو سلسلو تيز ڪيو ويو آهي. جنهن تي ڳڻتي آهي. سنڌ جي ماڻهن کي ڳجھا ادارا کنڀي گُم ڪرڻ کان اڳ کين پنهنجو ڏوھ ئي نه پيا ٻڌائين. جنهن ڪري نوجوانن جي گھرن ۾ ڪهرام متل آهي. پيادل مارچ وقت گُم ٿيل نوجوانن جو انگ 50 هيو پر پيادل مارچ دوران وڌيڪ 11 نوجوانن کي کنڀي گُم ڪيو ويو آهي. جنهن بعد انگ 61 ٿي ويو آهي. کنڀي گُم ڪيل نوجوانن مٿان تشدد ڪيو پيو وڃي. پر ڪو به ادارو توڙي جمهوري حڪومتون سنڌ جي ماڻهن مٿان ٿيندڙ ان ظلم خلاف آواز اٿارڻ لاءِ تيار ناهن. 29 جولاءِ تي حيدرآباد پريس ڪلب ۾ ڪانفرسن ڪوٺائي وئي آهي. جنهن ۾ سنڌ جا ليکڪ، شاعر اديب شرڪت ڪندا. سنڌ جي ماڻهن کي اپيل ڪئي  وئي آهي ته هر ماڻهو ان ڪانفرنس ۾ وڏي انگ ۾ شرڪت ڪري جيئن گُم ٿيل نوجوانن جو آواز بين الاقوامي سطح تائين پهچائي سگھون. ڳجھا ادارا سنڌ جي شعور کي گُم ڪري رهيا آهن، اها اهڙي سازش آهي جنهن کي سنڌ ڪڏهن به برداشت نه ڪندي. سنڌ جا ماڻهو پرامن ۽ پنهنجي حقن خاطر اظهار جي آزادي جو استعمال ڪري رهيا آهن پر کين کنڀي گُم ڪري انهن جا لاش گھرن ڏانهن موڪليا پيا وڃن. اهڙو عمل مذمت جوڳو آهي. انساني حقن جون تنظيمون ان معاملي جو نوٽس وٺن. ۽ هن اها پڻ گھُر ڪئي آهي ته کنڀي گُم ڪيل نوجوانن کي جلد آزاد ڪيو وڃي.اسين هنن کي قومي ڪارڪن نه پر سنڌ جا سپوت چونداسين، جيڪي پنهنجي حقن جي ڳالهه ڪرڻ سبب عتاب هيٺ آهن، آئون انهن جو ڪيس مفت ۾ وڙهندس، اسان کي ڪڏهن زهر پياري ماريو وڃي ٿو ڪڏهن ساڙي لاش ڏنا وڃن ٿا، ڌرتي سان محبت يا پنهنجا حق گهرڻ دهشتگردي ناهي، جيڪڏهن اسان جا نوجوان ڪنهن ڏوهن ۾ گهربل آهن ته انهن کي عدالتن ۾ پيش ڪيو وڃي.