تازيون خبرون

Monthly Archives: April 2017

نواز شريف ضياءُ الحق جي پيداوار آهي سياست به ان واري پيو ڪري: آصف زرداري

مالا ڪنڊ ايجنسي(ويب ڊيسڪ) اڳوڻي صدر ۽ پاڪستان پيپلز پارٽي جي شريڪ چيئرمين آصف علي زرداري چيو آهي ته نواز شريف آمر ضياءُ الحق جي پيداوار آهي، هو ان جو شاگرد آهي ۽ ان جي ئي سياست ڪري رهيو آهي. توهان جي دعائن سان سوات ۽ مالاڪنڊ ۾ پاڪستان جو جهنڊو لڳايو. سخا ڪوٽ ۾ جلسي کي خطاب ڪندي آصف زرداري چيو ته اسان پنهنجي جهنڊي ۾ شهيدن کي دفن ڪندا آهيون ۽ هميشگ انهن کي ياد ڪندا آهيون، بنا ڪنهن ڊپ جي پختونن کي سڃاڻپ ڏني، اسان کي خبر هئي ته غيرت مند پٺاڻ سڃاڻپ گهرن ٿا، مون کي ڪنهن نه چيو ته پٺاڻن کي سڃاڻپ ڏيو پر مون کي خبر هئي ته اهو ڇا ٿا چاهن. هن چيو ته پيپلز پارٽِ هميشه غريبن جي دل جي ڌڙڪن تي ڪم ڪيو آهي، مون ڳڙهي خدا بخش ۾ عوام جي خدمت جو قسم کنيو، شوباز شريف عوام جو کاڌو ڦري رهيو آهي، سي پيڪ جي انهن کي خبر ئي ناهي. هن چيو ته سي پيڪ مون توهان جي لاءِ ۽ بلوچستان جي ٺاهيو آهي. سڀ توهان جي لاءِ هو پر ڦورو ڦري ويا ۽ آئون انهن کان واپس وٺندس. اهو سڀ عوام کي ملندو جيڪو هنن ڦريو، ڏک جهڙي ڳالهه آهي جو مشال هڪ ٻارڙ جنهن کي ڪاليج ۾ قتل ڪيو ويو. اهو اهو ئي فلسفو آهي جنهن تي اوهان پنهنجي سياست چمڪائي رهيا آهيو ۽ ان جو ذميوار آئون توهان جي فلسفي کي قرار ڏيندس. پاڪستان ناهي ته ڪجهه به ناهي، 30 لک اسان جا شهري هتي هئا جڏهن جنگ لڳي اسان انهن کي سنڀاليو ۽ بي بي ڪارڊ ڏنو. هن وڌيڪ چيو ته ايندڙ حڪومت ۾ بي بي ڪارڊ کي ڊبل ڪيو ويندو، ڦاٽا لاءِ بي بي آواز اٿاريو، اسان فاٽا کي ڪي پي ڪي جي اندر ڪنداسين ۽ فاٽا کي ان جو حصو بڻائينداسين. هڪ سياست پئي ڪئي وڃي، عوام سان ڪو به مذاق نه هلندو.

 

ڪرم ايجنسي ۾ مسافر وين ڀرسان ڌماڪو، ٻارن سميت 12 ڄڻا شهيد

ڪرم ايجنسي (اين اين آءِ) ڪرم ايجنسي جي علائقي گودر ۾ مسافر بس ويجهو بم ڌماڪي سان ٻن عورتن سميت 12 ڄڻا مارجي ويا ۽ آدمشماري جي ٽيم جي ٻن ميمبرن سميت 13 ڄڻا زخمي ٿي پيا اطلاعن مطابق پارا چنار جي علائقي گودر ۾ دهشتگردن رات جي اونداهي جو فائدو وٺندي رستي جي ڪناري بارودي مواد رکيو هو پاراچنار کان چارسده ويندو مسافر وين جيئن ئي ويجهو پهتي ته دهشتگردن ريموٽ ڪنٽرول سان ڌماڪو ڪيو واقعي کان پوءِ اتان جي ماڻهن ۽ امدادي اهلڪارن زخمين کي ويجهي واري اسپتال پهچايو اسپتال جي انتظاميه 12 ڄڻن جي فوت ٿيڻ جي تصديق ڪري ڇڏي آهي 13 زخمين کي طبي امداد فراهم ڪئي پئي وڃي جن مان 5 جي حالت ڳڻتي جوڳي آهي. زخمين ۾ آدمشماري جي ٽيم جا 2 ميمبر شامل آهن ڌماڪي کان پوءِ سيڪيورٽي اهلڪارن ان علائقي کي گهيري ۾ وٺي سرچ آپريشن شروع ڪري ڏنو.

 

سنڌ ۾ پنجاب ۽ بلوچستان جو زهريلو پاڻي ايندو آهي ان ڪري زرعي زمين تباهه ٿي: مراد علي شاهه

ڪراچي(ويب ڊيسڪ)سنڌ جي وڏي وزير سيد مراد علي شاهه جي صدارت هيٺ اجلاس ۾ 28 اپريل تي اسلام آباد ۾ ٿيندڙ سي سي آءِ اجلاس ۾ پن فيڊر ۽کير ٿر ڪينال ۾ پاڻي جي کوٽ سميت ٻيا معاملا اٿارڻ تي اتفاق ڪيو ويو. سي ايم هائوس ۾ ٿيل اجلاس ۾ اعليٰ تعليم، قومي غذائي تحفظ، ايل اين جي آڻڻ، ڇهين آدمشماري بلن جي پاليسي 2015 ۽ ڪراچي جي لاءِ 12 ڪيوسڪ پاڻي آڻڻ بابت تياري تي غور ويچار ڪيو ويو. ان موقعي تي وڏي وزير سيد مراد علي شاهه چيو ته سنڌ ۾ پنجاب ۽ بلوچستان جو زهريلو پاڻي ايندو آهي جنهن ڪري گهوٽڪي جي هزارين ايڪڙ ذرعي زمين تباهه ٿي وئي آهي. وڏي وزير چيو ته سڌ جي 11 ضلعن ۾ گيس پيدا ٿيندي آهي، جتان جي 5 ڪلو ميٽر آس پاس رهندڙ ماڻهن کي گيس جي فراهمي بابت سي سي آءِ ۾ ڳالهائيو ويندو مراد علي شاهه چيو ته ڪراچي کي 12 سئو ڪيوسڪ پاڻي ملڻ کپي، اسلام آباد ۽ راولپندي کي پاڻي ڏيڻ لاءِ ان لاءِ رضامند ٿيا هئا ته ڪراچي کي 1200 ڪيوسڪ پاڻي ڏنو وڃي.

 

پ پ سڄي سنڌ ۾ ڌرڻن جو شيڊول جاري ڪري ڇڏيو، شروعات اڄ کان ٿيندي

ڪراچي (ويب ڊيسڪ): سينئر صوبائي وزير نثار کهڙو چيو آهي ته سڀاڻي ڪراچيءَ ۾ قائداعظم جي مزار جي گيٽ تي ڌرڻو هنيو ويندو، ڌرڻو ٽپهري 3 وڳي شروع ٿيندو، پارٽي جا هزارين ڪارڪن شرڪت ڪندا، 30 اپريل تي حيدرآباد ۾ حيدر چوڪ تي ڌرڻو هنيو ويندو، هن چيو ته پيپلز پارٽي 6 مئي تي لاڙڪاڻي ۾ جناح باغ چوڪ تي ڌرڻو هڻندي، سينئر صوبائي وزير چيو ته 11 مئي تي ميرپور خاص ۾ ڌرڻو هنيو ويندو، 16 مئي تي شهيد بينظير آباد ۾ ڌرڻو هنيو ويندو، هن چيو ته 21 مئي تي سکر ۾ ڌرڻو هنيو ويندو.

 

پاڪستان مالديپ سان لاڳاپن کي تمام گهڻي اهميت ڏي ٿو: نواز شريف

اسلام آباد  (اين اين آءِ) وزيراعظم نوازشريف چيو ته ڏکڻ ايشيا ۾ امن ۽ تعاون کي هٿي وٺرائڻ پاڪستان جي دلي خواهش آهي اڱاري تي وزيراعظم هائوس ۾ مالديپ جي پرڏيهي وزير ڊاڪٽر محمد عاصم سان ملاقات دوران ڳالهائيندي وزيراعظم چيو ته پاڪستان سارڪ کي وڏي اهميت ڏي ٿو هن چيو ته پاڪستان سارڪ چارٽر جي حصولن ۽ مقصد سان وابستگي رکي ٿو وزيراعظم چيو ته پاڪستان مالديپ سان لاڳاپن کي اهميت ڏي ٿو پاڪستان ۽ مالديپ ۾ ٻطرفي واپار ۾ واڌ جي لاءِ ڪم ڪرڻ تي وزيراعظم زور ڀريو. وزيراعظم چيو ته اها ڳالهه سٺي آهي ته پاڪستان ۽ مالديپ ۾ پارليماني تعاون ۾ واڌ ٿي آهي ۽ مالديپ جي سيٽ جي چيئرمين جو گذريل سال پاڪستان جو دورو مستحب پاڪستاني لاڳاپن جو ثبوت آهي ڊاڪٽر محمد عاصم ٻنهي ملڪن ۾ ٻطرفي لاڳاپن کي وڌيڪ مضبوط بنائڻ جي اميد جو اظهار ڪيو ان موقعي تي وزيراعظم جي پرڏيهي صلاحڪار سرتاج عزيز ۽ خاص صلاحڪار طارق فاطمي به ساڻس گڏ هو.

 

ڊان ليڪس بابت رپورٽ وزير اعظم کي پيش، پرنسپل آفيسر ۽ طارق فاطمي کي عهدي تان هٽائڻ جي منظوري

اسلام آباد(ويب ڊيسڪ) ڊان ليڪس بابت رپورٽ وزير اعظم نواز شريف کي پيش ڪئي وئي آهي ۽ وزير اعظم رائو تحسين ۽ طارق فاطمي کي عهدي تان هٽائڻ جي منظوري ڏئي ڇڏي آهي جڏهن ته اڳوڻي وفاقي وزير پرويز رشيد خلاف ڪو به ڳجهو ثبوت سامهون ناهي آيو. وزير اعظم جي پرنسپل آفيسر رائو تحسين ۽ خاص مددگار کي عهدي تان هٽائڻ جي منظوري ڇڏي آهي. ڊان ليڪس بابت رپورٽ وزير اعظم کي پيش ڪئي وئي آهي ۽ پرويز رشيد خلاف ڪو به ڳجهو ثبوت پيش ناهي اچي سگهيو، پرويز رشيد جي موبائيل فارنزڪ رپورٽ موجب رپورٽر هن کي 11 ميسيج ڪيا جن مان هن رپورٽر کي اڪثر ميسجن جو جواب ناهي ڏنو. وزير اعظم کي پيش ڪيل رپورٽ ۾ سيف سٽي مان حاصل ڪيل تصويرون به لڳايون ويون آهن، پرنسپل آفيسر رائو تحسين ۽ خاص مددگار طارق فاطمي خلاف به ڪارروائي جي سفارش ڪئي وئي هئي.

 

فوجي عدالتن مان سزا يافتا ۴ دهشتگردن کي ڦاهي ڏني وئي آهي: آءِ ايس پي آر

راولپنڊي (اين اين آءِ) فوجي عدالتن مان موت جي سزا ماڻيندڙ 4 خطرناڪ دهشتگردن کي ڦاهي تي لٽڪايو ويو پاڪ فوج جي آءِ ايس پي آر مطابق جاري بيان مطابق انهن دهشتگردن کي دهشتگردي معصوم شهرين ۽ قانون نافذ ڪندڙ ادارن جي اهلڪارن تي حملن جي الزام ۾ موت جي سزا ٻڌائي ويئي هئي پابندي مڙهيل تحريڪ طالبان سان تعلق رکندڙ چئن دهشتگردن کي فوجي عدالتن ۾ ڪيس هلايا ويا هئا آءِ ايس پي آر موجب رحمان الدين پابندي مڙهيل تحريڪ طالبان پاڪستان جو رڪن هو جيڪو پاڪستان جي هٿياربند فوج قانون نافذ ڪندڙ ادارن تي حملن ۽ امن ڪميٽي جي هڪ ميمبر جي قتل ۾ ملوث هو. هن ٽرائيل ڪورٽ ۽ مئجسٽريٽ اڳيان پنهنجي ڏوهه جو اعتراف ڪيو هو مشتاق خان ولد عمر سليم به پابندي مڙهيل تحريڪ طالبان پاڪستان جو ميمبر هو ۽ هي به قانون نافذ ڪندڙ ادارن تي حملن ۾ ملوث هو عبدالرحمان ولد فضل هادي به پابندي مڙهيل ٽي ٽي پي جو ميمبر هو جيڪو بيگناهه شهرين جي قتل ۾ ملوث هو. پابندي مڙهيل تحريڪ طالبان پاڪستان جو سرگرم ميمبر ظفراقبال ولد محمد خان قانون نافذ ڪندڙ ادارن تي حملي ۾ ملوث هو جنهن جي نتيجي ۾ هڪ جونيئر ڪميشن آفيسر ۽ فرنٽيئر ڪانسٽبيلري جو هڪ سپاهي شهيد ٿيو هو.ٻئي طرف  آدم ۽ گهر شماري جو ٻيون مرحلو اڄ کان 87 ضلعن ۾ شروع ٿي چڪو آهي، ان دوران آدم شماري ڪندڙ نمائندن ۽ فوجين آرمي هائوس راولپنڊي وڃي ڊيٽا حاصل ڪيو ۽ آرمي چيف جنرل قمر جاويد باجوه جي گهر لي 103 نمبر ڏنو ويو آهي. آءِ ايس پي آر موجب آدم ۽ گهر شماري جي ٻين مرحلي دوران آرمي چيف قمر جاويد باجوه جي گهر کي 103 نمبر ڏنو ويو آهي. آءِ ايس پي آر ان دوران نمائندن ۽ فوجي اهلڪارن آرمي هائوس راولپنڊي مان ڊيٽا جمع ڪيو.

 

مريم نواز کي ڊان ليڪس جي خبر سان جوڙيو پيو وڃي، الزام هڻندڙ معافي وٺن: مريم اورنگزيب

اسلام آباد (ويب ڊيسڪ): سڌ سماءَ واري مملڪتي وزير مريم اورنگزيب چيو آهي ته ڪلچرل چيني سينٽر ٻنهي ملڪن جي دوستي جو ثبوت آهي، چيني ڪلچرل تقريب کي خطاب ڪندي مريم اورنگزيب چيو ته ڪلچرل سينٽر سان نوجوانن کي چيني ثقافت سان واقف ٿيڻ ۾ مدد ملندي، پاڪستان جي جڏهن به ڪو چئلينج سامهون آيو آهي ته چين پاڪستان سان گڏ بيٺل هوندو آهي، پاڪ چين ڪلچرل سينٽر جو افتتاح به گڏيل لاڳاپن جي صورت ۾ سي پيڪ جو حصو آهي، سي پيڪ پاڪ چين سياسي دوستي جو مثال آهي، پاڪستان ۽ چين دنيا جي 65 ملڪن کي پنهنجي دوستي سان گڏ ڪري ڇڏيو آهي، هن چيو ته ثقافتي موقعن سان ٻنهي ملڪن جي مثبت تصوير جوڙي سگهجي ٿي، چيني صدر جي دوري بعد چيني سفارتخاني جي فعال ٿيڻ ۾ مثبت اضافو ٿيو، هن چيو ته اپوزيشن مريم نواز کان ڊنل آهي، هن چيو ته مريم نواز کي ڊان ليڪس جي خبر سان جوڙيو پيو وڃي، ڪوڙن الزامن جي روايت هاڻي ختم ٿيڻ گهرجي، ڊان ليڪس تي مريم نواز کي ڪوڙي تاثر سان ڳنڍيو پيو وڃي، هن چيو ته مريم نواز بابت انهن جا ٻئي الزام عدالت رد ڪيا، عمران خان جي ڳالهه ۾ ڪوڙ کانسواءِ ڪجهه ناهي، ڪوڙ ڳالهائڻ واري جي قسمت ۾ رڳو مايوسي هوندي آهي، ڊان ليڪس جي سرڪاري رپورٽ اچڻ جو انتظار ڪرڻ کپي، مريم نواز تي ڪوڙا الزام لڳائيندڙ معافي وٺن.

 

 

ڪراچي جي اردو بازار ۾ دهشتگردن خلاف آپريشن مڪمل، 5 دهشتگرد مارجي ويا

ڪراچي (اين اين آءِ)رينجرز ڪراچي ۾ دهشتگردي جو وڏو منصوبو ناڪام بڻائيندي مقابلي ۾ عورت سميت پابندي مڙهيل تنظيم جي پنجن دهشتگردن کي قتل ڪري ڇڏيو مقابلي دوران اردو بازار جو علائقو ڪيترن ئي ڪلاڪن تائين جنگ جو ميدان ٻڻيو رهيو رينجرز دهشتگردن جي استعمال هيٺ فليٽ کي سيل ڪري ڇڏيو جڏهن ته جاچ جي لاءِ فليٽ جي مالڪ ۽ دهشتگرد جي چئن ضامنن سميت 10 ڄڻن کي حراست ۾ ورتو ويو پوليس جي جاچ ٽيم ڊي آءِ جي جي سربراهي ۾ واردات واري هنڌ جو جائزو ورتو ۽ شاهديون گڏ ڪيون پاڪستان رينجرز سنڌ پاران جاري بيان مطابق ترجمان ٻڌايو ته رينجرز اتحاد ٽائون جي علائقي ۾ ڪارروائي ڪندي هڪ ڪالعدم پارٽي جي انتهائي گهربل دهشتگرد کي گرفتار ڪيو گرفتار دهشتگرد جي نشاندهي تي رينجرز 24 اپريل واري شام 7 لڳي 17 منٽن تي اردو بازار گهٽي نمبر ٽي جي هڪ عمارت تي ڇاپو هنيو جنهن کان پوءِ عمارت ۾ لڪيل دهشتگردن رينجرز کي ڏسندي ئي دستي بم ۽ ٻين هٿيارن سان حملو ڪيو ترجمان وڌيڪ ٻڌايو ته حملي ۾ رينجرز جا 4 اهلڪار به زخمي ٿيا آهن جنهن کان پوءِ رينجرز فورن عمارت کي گهيري ۾ وٺي ڇڏيو ان کان پوءِ 4 دهشتگرد جنهن ۾ هڪ عورت پاڻ کي هڪ ڪمري ۾ بند ڪيو اهو به ٻڌايو ويو ته شڪي دهشتگردن ۽ رينجرز ۾ 7 ڪلاڪن تائين فائرنگ جي ڏي وٺ ٿي جيڪا رات 2 لڳي 45 منٽن تائين جاري رهي. رينجرز موجب ان دوران جوابدارن وقفي وقفي سان 3 ڌماڪا به ڪيا ۽ فرار ٿيڻ جي ڪوشش ۾ هڪ دهشتگرد رينجرز جي گولين جو نشانو بڻجي ويو ۽ وڌيڪ 3 دهشتگرد پاڻ کي ڌماڪي سان اڏائي ڇڏيو ڌماڪي جي نتيجي ۾ دهشتگردن سان گڏ تقريبن 5 سالن جو ٻارڙو به مارجي ويو جڏهن ته گهر مان وڏي انگ ۾ هٿيار گوليون ۽ دستي بم هٿ ڪيا ويا آهن رينجرز موجب هڪ دهشتگرد جي سڃاڻپ محمد زاهد جي نالي سان ٿي آهي جڏهن ته ڌماڪي سبب لاش جون باڊيون زرا زرا ٿيڻ سبب وڌيڪ سڃاڻپ نه ٿي سگهي آهي. ٻئي طرف ڊي آءِ جي سائوٿ آزاد خان فارنزڪ ٽيم سان گڏ فليٽ جو دورو ڪيو ۽ واقعي واري هنڌ جو جائزو ورتو ڊي آءِ جي سائوٿ مطابق جاچ اختيار فارنزڪ ٽيم جي سروي ۽ شاهديون گڏ ڪرڻ کان پوءِ ڪارروائي کي وڌيڪ اڳتي وڌايو ويندو.

 

جمعي کان گو نواز گو ٿيندو: عمران خان هڪ وڌيڪ اعلان ڪري ڇڏيو

بني گالا(ويب ڊيسڪ) پاڪستان تحريڪ انصاف جي سربراهه عمران خان چيو آهي ته پاناما تحريڪ جي ڪاميابي سان نئين پاڪستان کي بنياد ميسر ٿي ۽ 21 سال اڳ ڪرپشن خلاف برپا ڪيل تحريڪ کي رب العزت سرفراز ڪيو. تحريڪ انصاف جي 21هين يوم تاسيس تي پارٽي چيئرمين عمران خان پنهنجي پيغام ۾ چيو ته يوم تاسيس تي تحريڪ انصاف سان جڙيل اهل وطن کي مبارڪ پيش ڪيان ٿو، خدا وند جو فضل ۽ احسان آهي جو ان اسان کي صبر جي دولت عطا فرمائي، اها تاريخ حقيق ۾ ڪشمڪش جي داستان آهي.  هن وڌيڪ چيو ته صحيح معنيٰ ۾ اقبال ۽ قائد جو پاڪستان بڻجڻ تائين چين سان گڏ نه ويهنداسين. تحريڪ ۾ جان ۽ مال جون قربانيون پيش ڪندڙن جو ٿورائتو آهيان.ٻئي طرف پي ٽي آءِ چيئرمين عمران خان چيو آهي ته جمعي کان گو نواز گو ٿيندو، چيمپئن اهو هوندو آهي، جيڪو شڪست تي به هار ناهي مڃيندو، پشاور جي حيات آباد اسپورٽس ڪمپليڪس ۾ خيبر پختونخواهه انڊر 23 گيمز جي افتتاحي تقريب کي خطاب ڪندي عمران خان گيمز منعقد ڪرڻ تي خيبر پختونخواهه حڪومت ۽ راندين واري کاتي کي مبارڪون ڏنيون، سندس چوڻ هو ته يونس خان پهريون پاڪستاني آهي، جنهن 10 هزار رنز مڪمل ڪيون، جيڪڏهن مان اسپورٽس ۾ نه هجان ها ته اڄ هتي نه هجان ها، زندگيءَ ۾ ڪو شارٽ ڪٽ ناهي هوندو، رانديون کٽڻ ۽ هارائڻ سيکارينديون آهن، ڪي پي ڪي ۾ راندين جا سئو ميدان تيار ڪيا پيا وڃن، حيات آباد اسپورٽس ڪمپليڪس ۾ موجود ماڻهن تاڙيون وڄائي يونس خان کي خراج تحسين پيش ڪيو