تازيون خبرون

Daily Archives: March 24, 2017

انتهاپسندي جو بنياد ختم ٿي چڪو، آپريشن ردرالفساد سان فتني کي هميشه لاءِ ختم ڪيو ويندو: صدر

اسلام آباد، لاهور، ڪراچي، ڪوئيٽا، پشاور (اين اين آءِ) آزاد ڪشمير ۽ گلگت بلتستان سميت سڄي ملڪ ۾ 77هون يوم پاڪستان انتهائي جوش ۽ جذبي سان ملهايو ويو اسلام آباد ۾ شاندار قومي پريڊ جو اهتمام ڪيو ويو جنهن ۾ ٽنهي هٿياربند فوج جا جٿا رينجرز پوليس ۽ چئني صوبن سميت آزاد ڪشمير ۽ گلگت بلتستان جي ثقافتي جٿن تي پرفارمنس جو مظاهرو ڪيو ويو عورتن ۾ مردن سان گڏ پريڊ ۾ حصو ورتو پاڪستان جي سمورن ننڍن وڏن شهرن ڳوٺن ۾ تقريبن جو انعقاد ڪيو ويو صبح جي شروعات اسلام آباد ۾ 31 ۽ صوبائي دارالحڪومت ۾ 21-21 توبن جي سلامي سان ٿيو فجر جي نمازن کان پوءِ مسجدن ۾ ملڪ جي ترقي ۽ خوشحالي ۽ سلامتي امن لاءِ خاص دعائون گهريون ويون دهشتگردي جي خطري جي پيش نظر سيڪيورٽي جا سخت انتظام ڪيا ويا تفصيل موجب يوم پاڪستان جي شروعات وفاقي گاڌي واري هنڌ ۾ 3 ۽ صوبائي گادي وارن هنڌن ۾ 21-21 توبن جي سلامتي سان ٿي اڄ کان 77 سال اڳ 1940 تي هن ڏينهن تي لاهور جي منٽو پارڪ ۾ مسلم ليگ جي ميڙ ۾ تاريخي قرارداد پاڪستان جي منظوري ڏني ويئي جنهن سبب ڏکڻ ايشيا جي مسلمانن جي لاءِ هڪ جدا ملڪ جي قيام جي راهه هموار ٿي پاڪستان ۾ حڪومتي سطح تي هر سال 23 مارچ تي تقريبون ڪوٺايو ويندون آهن جڏهن ته فوجي پريڊ کي تقريبن ۾ وڏي اهميت حاصل آهي فوجي پريڊ ۾ سڀ کان پهريان آرمي چيف جنرل قمر جاويد باجوا پهتو جنهن وڌيڪ مهمانن سان گڏ وزيراعظم نوازشريف جي آجيان ڪئي. تقريب جي مهمان خاص صدر ممنون حسين هو. تقريب ۾ وزيراعظم نوازشريف آرمي چيف جنرل قمر جاويد باجوا سميت هٿياربند فوج جي اڳواڻن بچاءُ واري وزير خواجه آصف سميت پارليامان جي ميمبرن ۽ وڌيڪ اڳواڻن ۽ مهمانن شرڪت ڪئي. پريڊ جي مهمان خصوصي طور تي صدر ممنون حسين هو تقريب جو باقاعده شروعات قومي تراني سان ڪئي ويئي جنهن کان پوءِ صدر ممنون حسين جيپ ۾ سوار ٿي هٿياربند فوج جي جٿن جو معائنو ڪيو ايئر چيف مارشل سهيل امان جي قيادت ۾ ايف 16 جهازن شاندار فلائي پاسٽ جو مظاهرو ڪندي صدر ممنون حسين کي سلامي ڏني صدر يوم پاڪستان جي تقريب ۾ شرڪت تي چين ترڪي ۽ سعودي عرب جي فوجي جٿن کي ڀليڪار چوندي چيو ته دوست ملڪن پاران فوجي جٿن کي موڪلڻ تي انهن جو ٿورائتو آهيان پريڊ جا جٿا دشمنن کي منهن ٽوڙ جواب ڏيڻ جي صلاحيت رکڻ واري ملڪ ۾ تيار ڪيل ناقابل شڪست الخالد ٽينڪ الرزا ٽينڪ بختربند گاڏيون جديد ويپن سسٽم ۽ جديد ريڊار ٽريڊ جو حصو هئا. الخالد ٽينڪ ڪيميائي ۽ ائٽمي حملي کان بچڻ جي صلاحيت رکي ٿي يوم پاڪستان جي روايتي پريڊ دوران ملڪ جي چئني صوبن پنجاب سنڌ ڪي پي ڪي ۽ بلوچستان سميت گلگت بلتستان ۽ آزاد ڪشمير جي روايتي ثقافتي پريڊ به پيش ڪئي ويئي چئني صوبن پاران پيش ڪيل ثقافتي پريڊ ۾ جتي علائقائي ثقافت کي پيش ڪيو ويو اتي صوبي جي مشهور ۽ تاريخي هنڌن جا ماڊل به پيش ڪيا ويا آرمي ايويئيشن پاران ڪيل فلائي پاسٽ مارچ ۾ ڪوبرا، ڪوما، فينڪ ۽ ايم آءِ 17 سميت 19 هيليڪاپٽرن حصو ورتو. ياد رهي ته ڪوبرا هيليڪاپٽرن جو آپريشن ضرب سڌوسنئون ۽ ضرب عضب ۾ خاص ڪردار هو ان کان پوءِ فينڪ هيليڪاپٽرن پاران فلائي پاسٽ پيش ڪيو ويو اهي هيليڪاپٽر فوج پاران فوري چرپر ۽ آپريشن لاءِ استعمال ڪيا وڃن ٿا آخر ۾ ايم آءِ 17 هيليڪاپٽرن پاران به فلائي پاسٽ جو مظاهرو ڪيو ويو مظاهري دوران ايئرفورس جي جهازن هوا ۾ رنگ اڇلائيندي پريڊ ايونيو مان ٻاهر ۽ هزارين ڪلوميٽرن جي اوچائي تي مظاهرو ڪيو انهن مظاهرن ۾ 6 جهاز شامل هئا. تقريب ۾ ايئرفورس جي ايف 16 ۽ پاڪ چين دوستي جي شاهڪار جي ايف 17 ٿنڊر به شاندار مظاهرو ڪيو آءِ ايس پي آر پاران تيار ڪيل نغمن تي اسڪول جي ٻارڙن شاندار پرفارمنس جو مظاهرو ڪري شوقينن جي دل کٽي ورتي. يوم پاڪستان جي موقعي تي مزار اقبال تي گارڊز جي تبديلي جي پروقار تقريب ڪوٺائي ويئي جنهن دوران ايئرفورس جي ڦڙٿ جٿن علامه اقبال کي سلامي پيش ڪئي ۽ شاندار پرفارمنس جو مظاهرو ڪيو گارڊ تبديلي جي تقريب جو مهمان خاص ايئرفورس جو ايئر ڪموڊور سلمان محبوب هو. تقريب دوران ايئرفورس مزار اقبال جون ذميواريون سنڀالي ورتيون.صدر ممنون حسين چيو آهي ته انتهاپسندي جو دور ويو آپريسن ردالفساد سان فتني کي هميشه لاءِ ڪچليو ويندو غازي ۽ شهيدن جي قرباني پاڪستان کي وڌيڪ محفوظ بڻايو ملڪ جي ترقي ۽ سلامتي لاءِ ڪنهن به قرباني کان پوئتي نه هٽنداسين ڀارت پاران سيز فائر جون مسلسل خلاف ورزيون جاري آهن پاڪستان ڪشميري ڀائرن جي اخلاقي ۽ سياسي حمايت جاري رکندو ڀارت سان ڳالهين جي لاءِ تيار آهيون خميس تي شڪر پڙيان پريڊ اوينيو گرائونڊ ۾ يوم پاڪستان جي پروقار تقريب جي موقعي تي صدر ممنون حسين خطاب دوران يوم پاڪستان تي قوم کي مبارڪباد ڏيندي چيو ته اڄ جو ڏينهن ان عزم کي ياد ڏياري ٿو جڏهن قوم کي هڪ واضح سڃاڻپ ملي هئي اڄ جو ڏينهن جو اهو عزم جيڪو يقين ۾ تبديل ٿيو ته ان جي طاقت برصغير جي مسلمانن کي قائداعظم جي قيادت ۾ هڪ اهڙي قوت عطا ڪري ڇڏي جنهن جي جمهوري جدوجهد جي نتيجي ۾ دنيا جي تاريخ ۽ جاگريافيائي ٻئي تبديل ٿي ويون هن چيو ته پاڪستان ٺهڻ سان قوم کي واضح نظرياتي سڃاڻپ ملي ملڪ جي ترقي ۽ سلامتي لاءِ ڪنهن به قرباني کان پوئتي نه هٽنداسين. هن چيو ته مون کي خوشي آهي ته پاڪستان جي معيشت مضبوط ٿي آهي هن چيو ته اسان سڄي دنيا خاص طور تي پنهنجي پاڙيسرين سان دوستي چاهيون ٿا پر ڀارت جو اهڙو عمل ۽ ان پاران لائين آف ڪنترول ۽ ورڪنگ بائونڊري تي مسلسل خلاف ورزي جي واقعن کي خطي جي امن کي داءُ تي لڳايو آهي دهشتگردن جي خلاف جنگ ۾ پاڪستان سيڪيورٽي فورسز جانين جون قربانيون ڏنيون آهن آپريشن ردالفساد تحت ڪارروايون بچيل سچيل دهشتگردن جي ختم ٿيڻ تائين جاري رهندي. هن چيو ته خوشي آهي ته پريڊ ۾ پيپلز لبريشن آرمي چين جو فوجي جتو به پهريون ڀيرو سامل ٿيو آهي پاڪستاني فوج کي پيغام ڏنو ته بهادر جوان انهيءَ جوش ۽ جذبي سان پاڪستان جي حفاظت ڪندا رهن.

 

پاڪستان بچائڻ جي ڳالهه ٿي ته اسان پاڪستان کپي جو نعرو لڳايو: آصف زرداري

لاهور (اين اين آءِ) اڳوڻي صدر آصف علي زرداري چيو آهي ته اسان جمهوريت لاءِ آر اوز ۽ چوڌري افتخار جي چونڊ کي تسليم ڪيو، مستقبل ۾ به صرف پاڪستان جي بهتري لاءِ سياست ڪنداسين، بادشاهن وانگر اسان جي حڪمرانن جي سوچ ۾ به غرور ۽ تڪبر آهي ۽ انهن کي عوام، مزدرون، هارين جي ڪا به پرواهه نه آهي، اهي چون ٿا ته رستا، پلون ٺاهي ڪميشن ڪمائڻ جو ڌنڌو ڪندا رهو، اهڙن خيالن جو اظهار هن بلاول هائوس لاهور ۾ پاڪستان ڏهاڙي ۽ بيگم نصرت ڀٽو جي سالگره جي حوالي سان ڪيڪ ڪاٽڻ واري تقريب کي خطاب ڪندي ڪيو، ان موقعي تي يوسف رضا گيلاني، قمر زمان ڪائرا، سردر لطيف کوسو، چوڌري منظور سميت ٻيا به ساڻس گڏ هئا، تقريب ۾ شهيدن لاءِ فاتح خواني ڪئي وئي، آصف زرداري چيو ته اسان بيگم نصرت ڀٽو جي ڏکن ۽ خوشين کي ڏٺو آهي، هو 7 کان 8 سالن تائين ڪوما ۾ هئي ۽ منهنجي نياڻين ان کي سنڀاليو، اسان هميشه پنهنجي ڏک، تڪليف، جيلن جون ازتين ۽ شهادتن کي پنهنجي طاقت ۾ تبديل ڪيو جڏهن به پاڪستان بچائڻ جي ڳالهه آئي ته اسان پاڪستان کپي جو نعرو هنيو، ڇو ته اسان پاڪستان جي قدر ۽ قيمت سمجهون ٿا، جتي انصاف ڪرڻ وارا وڪيل ۽ اسلام جي ٺيڪيدارن کان پڇيو ويندو اتي اسان کان به ان بابت پڇيو ويندو، اسان کي تاريخ ۾ به ان جو ازالو ڪرڻو پوندو، اسان کي شهيد ڀٽو جي اڳيان به جواب ڏيڻو پوندو، اسان کان ڪنهن سياسي پارٽي مطالبو نه ڪيو هو ۽ پارٽي تقريبن ۾ به اسان جا دوست پڇندا هئا ته صدر جا اختيار پارليامينٽ کي ڏنا پيا وڃن، ان بابت سوچيو وڃي، ڇو ته هاڻ بي بي اسان سان گڏ نه آهي، جنهن تي مون جواب ڏنو هو ته ان جو مشن ته اسان سان گڏ آهي، آر اوز ۽ چوڌري افتخار جي چونڊ سان فرق نه پيو، حڪومتون اينديون ۽ وينديون آهن پر تاريخ رهندي آهي، اسان هميشه تاريخ ۾ زنده رهڻ چاهيون ٿا، اسان افغانستان، ايران ۽ روس کي به ڏٺو آهي، بنگلاديش کي سانحي کي ڏٺو آهي پر اسان سبق نٿا سکون، جڏهن مان بلوچستان کان معافي گهران ته ان تي به ماڻهن اعتراز ڪيو، جڏهن اسان ڪي پي ڪي کي نالو ڏنو ته ان تي به اعتراز ٿيو پر اسان کي انهن اعترازن تي ڪو به اعتراز نه آهي ڇو ته اسان پاڪستان لاءِ جيڪو بهتر سمجهون ٿا اهو ڪيون ٿا، هن چيو ته پ پ جي هڪ ڊگهي تاريخ آهي، اسان هر هنڌ پهرين سوچ پاڪستان جي سلامتي تي رکي آهي، اسان تاريخ ۽ دنيا جي واقعن مان سبق سکيو آهي، شام، عراق، يمن ۽ لبيا ۾ ڇا ٿي رهيو آهي، شام ۾ ڳالهين ڪرڻ جي ڪوشش ڪئي اسان چيو ته ان رستي تي نه هلو ان ۾ هزارين مرندا، لکين بي گهر ٿيندا پر سنگ دل ڪٿي ٿا سوچين، هن چيو ته جڏهن مان صدام ۽ وڏن وڏن بادشاهن سان ملندو هيس ته انهن جي رويي ۾ تڪبر ڏسندو هيس ۽ اهو اڄ اسان جي حڪمرانن ۾ به آهي، اهي نٿا سمجهن ته غريب جو ڇا ٿيندو، ان کي پاڻي ۽ بک جي ڪا به پرواهه نه آهي، نوڪريون ڪٿان اينديون.  بلاول هائوس لاهور ۾ ڪوٺايل تقريب ۾ پاڪستان تنهنجا جانثار بي شمار بي شمار جا نعرا لڳايا ويا، تقريب دوران ڪارڪنن زرداري تنهنجا جانثار بي شمار بي شمار جا نعرا هنيا ته آصف زرداري مسڪرائيندي چيو ته اڄ جي ڏينهن جي مناسبت سان زرداري نه پر پاڪستان تنهنجا جانثار بي شمار بي شمار جا نعرا لڳائڻ جو وقت آهي.

 

امن لاءِ ڏنل قربانيون رائيگان نه وينديون، دهشتگرديءَ خلاف جنگ کٽينداسين: جنرل باجوه

راولپنڊي (ويب ڊيسڪ) آرمي چيف سميت هٿياربند قيادت پاران دهشتگرديءَ خلاف جنگ ۾ زخمي ٿيندڙ غازين سان ملاقات ڪئي آهي، پريڊ ايوينيو ۾ پاڪستان ڏهاڙي جي پريڊ کان پوءِ آرمي چيف غازين سان ملاقات ڪئي جنهن دوران آرمي چيف جنرل قمر جاويد باجوا چيو ته اوهان اسان جا هيرو آهيو، اوهان کي ڪڏهن به نظر انداز نٿو ڪري سگھجي، امن جي لاءِ آپريشن رد الفساد ڪاميابيءَ سان جاري آهي ۽ دهشتگرديءَ خلاف جنگ کٽينداسين.23 مارچ جي ڪامياب پريڊ تي قوم کي مبارڪون ڏيندي آرمي چيف سڪيورٽي قدمن کي به ساراهيو، آرمي چيف چيو ته ملڪ جا غازي ۽ شهيد اسان جو اثاثو آهن، پاڪستان هڪ پرامن ملڪ آهي، جنرل قمر جاويد باجوه چيو ته پاڪستان دنيا ۾ نمايان اهميت رکي ٿو، پريڊ جي موقعي تي سڪيورٽي جا بهترين انتظام ڪيا ويا، نيول چيف چيو ته هٿياربند فوج شهيدن ۽ زخمين جي پونئرن جو خاص خيال رکي رهي آهي. ايئر چيف چيو ته امن جي لاءِ ڏنل قربانيون زيان نه وينديون ڳڪڏهن ته چيئرمين جوائنٽ چيفس آف اسٽاف جنرل زبير محمود حيات جوچوڻ هو ته قربانين کي نظرانداز نه ٿو ڪري سگھجي. ايئر چيف چيني مهمانن سان خاص طور مليو.

 

پاڪستان جي 42 ايئرپورٽن تي سڪيورٽي فورس جي کوٽ جو انڪشاف

اسلام آباد (ويب ڊيسڪ) امن امان جي صويرتحال کي نظر ۾ رکندي اڪثر هنڌن تي سڪيورٽي تمام سخت ڪئي وئي آهي پر ايئرپورٽن تي سڪيورٽي اسٽاف جي ئي کوٽ جو انڪشاف ڪيو ويو آهي، پاڪستان ۾ گڏيل طور 42 ايئرپورٽ آهن جڏهن ته ضرورت جي ابتر اڌ انگ ۾ سڪيورٽي اسٽاف مقرر ڪيو ويو آهي، ايڪسپريس ٽربيون موجب ملڪ جي 42 ايئرپورٽن تي ايئرپورٽ سڪيورٽي اسٽاف (اي ايس ايف) کي لڳ ڀڳ 13559 اهلڪارن جي کوٽ کي منهن ڏيڻو پئجي رهيو آهي جڏهن ته ضرورت موجب 24226 اهلڪار هجڻ گھرجن. اهلڪارن جي سڀ کان گھڻي کوٽ لاهور جي علامه اقبال انٽرنيشنل ايئرپورٽ تي آهي جتي وڌيڪ 1026 اهلڪارن جي ضرورت آهي جڏهن ته هِن وقت 2577 ماڻهن جي ضرورت جي ابتڙ هِن وقت مختلف پوسٽن تي رڳو 1551 اهلڪار ڪم ڪري رهيا آهن. اي ايس ايف هيڊ ڪوارٽر ڪراچيءَ ۾ 1618 اهلڪار جڏهن ته  مختلف ايئرپورٽن تي ريجنل ڪمانڊرز جي 194 پوسٽون به خالي پيل آهن جڏهن ته هي سڀ تفصيل سينيٽ ۾ پيش ڪيا ويا آهن، سيوهڻ شريف، رحيم يار خان ۽ ڊيرا غازي خان ايئرپورٽ تي 164 ماڻهو مقرر ڪرڻ جي گنجائش آهي پر ايئرپورٽ اندر يا ٻاهر ڪو اهلڪار مقرر ناهي ڪيو ويو، پشاور ايئرپورٽ تي 593، ڪراچي 977، فيصل آباد 923، ڪوئيتا 810 ۽ ملتان ايئرپورٽ تي553 اهلڪارن جي کوٽ آهي. اهڙيءَ طرح پاڪ چين اقصادي راهداري منصوبي تحت وڌيڪ واڌ کائيندڙ گوادر ايئرپورٽ تي 479 اهلڪارن جي کوٽ آهي.36

 

اسان کي اڪيلو ڪرڻ جو خواب ڏسندڙ پاڻ اڪيلا ٿيندا پيا وڃن: مريم اورنگزيب

اسلام آباد (اين اين آءِ) سڌ سماءَ جي مملڪتي وزير مريم اورنگزيب چيو آهي ته وزيراعظم محمد نواز شريف جي قيادت ۾ پاڪستان جي پرڏيهي پاليسي نئين مصرتن سان هم ڪنار آهي، اسان کي اڪيلو ڪرڻ جا خواب ڏسندڙ خود اڪيلو ٿي ويا آهن، هڪ بيان ۾ هن چيو ته اڄ 23 مارچ جي پريڊ اسلامي جمهوريا پاڪستان جي دفاع، سياسي نظرياتي ۽ معاشي استحڪام ۽ ترقي جي روشن علامت جو ڏينهن آهي. هن چيو ته اڄ جي پريڊ ۾ خاص طور تي دوست ملڪن سعودي عرب، ترڪي، سائوٿ آفريڪا ۽ چين جي فوجي جٿن جي پهريون ڀيرو شرڪت سڄي پاڪستاني قوم لاءِ اعزاز جي ڳالهه آهي ۽ پرڏيهي پاليسي ڪاميابيءَ جو چٽو دليل آهي، هن چيو ته اها شرڪت ان ڳالهه جو پيغام آهي ته اسان جي گڏيل رشتي، سلامتي ۽ بچاءَ سان گڏ تعمير ۽ ترقي جي نون مرحلن ۾ داخل ٿي رهيا آهيون، هن چيو ته اها ڳالهه ان کي ظاهر ڪري ٿي ته وزيراعظم نواز شريف جي قيادت ۾ پاڪستان جي پرڏيهي پاليسي نئين رستي هلي چڪي آهي، هن چيو ته اڄ قوم کي اهو پيغام به مليو آهي ته وزيراعظم نواز شريف جي قيادت ۾ پاڪستان جي پرڏيهي پاليسي، قومي سلامتي، بچاءَ ۽ معاشي ترقي جي شعبي ۾ ثابت قدمي سان اڳتي وڌي رهي آهي، هن چيو ته مان اڄ جي پريڊ ۾ شريڪ دوست ملڪن جي فوجي جٿن پنهنجي بهادر هٿياربند فوج ۽ عوام کي دلي مبارڪ ڏيان ٿي.

 

ڪشميرين کي حق خوداراديت ڏيڻ جي موقف کان پوئتي نه هٽنداسين: بلاول ڀٽو

لاهور (ويب ڊيسڪ): پيپلز پارٽي چيئرمين بلاول ڀٽو زرداري جي صدارت هيٺ آزاد ڄمون ۽ ڪشمير ڪو آرڊينيشن ڪميٽي جو اجلاس ٿيو، اجلاس دوران ڳالهائيندي بلاول ڀٽو زرداري چيو ته ڪشمير ڪاز پيپلز پارٽي جي نظريي ۾ شامل آهي، ڪشميرين کي حق خوداراديت ڏيڻ جي موقف کان پوئتي نه هٽنداسين، هن چيو ته ن ليگ آزاد ڪشمير ۾ پ پ ڪارڪنن کي انتقام ڪارروائين جو نشانو بڻائي رهي آهي، آزاد ڪشمير سميت سڄي ملڪ ۾ پارٽي جي نئين سر تنظيم سازي جو ڪم جاري آهي، بلاول ڀٽو زرداري چيو ته آزاد ڪشمير جي تنظيم لاءِ نون عهديدارن جو اعلان جلد ڪيو ويندو.

 

ڀارت پاران عالمي بئنڪ جي ٽياڪڙي قبول نه ڪرڻ تي ايندڙ مهيني ٿيندڙ آبي ڳالهين جو ٻيو دور ملتوي ٿيڻ جو امڪان

واشنگٽن (اين اين آءِ)ڀارت پاران عالمي بئنڪ جي ٽياڪڙي قبول نه ڪرڻ تي واشنگٽن ۾ ايندڙ مهيني ٿيندڙ آبي ڳالهين جو ٻيو دور معطل يا ملتوي ٿيڻ جو امڪان آهي نجي ٽي وي موجب پاڪستان ۽ ڀارت ۾ هلندڙ آبي ڇڪتاڻ تي عالمي بئنڪ ٽياڪڙي جي پيشڪش ڪئي هئي ۽ ان ڏس ۾ ڳالهين جو ٻيو دور ايندڙ مهيني واشنگٽن ۾ منعقد ٿيڻو هو رپورٽ موجب پاڪستان نه صرف انهن ڳالهين جو انعقاد طئي ٿيل وقت تي چاهي ٿو پر بطور سنڌ طاس معاهدي جي ضامن هجڻ جي عالمي بئنڪ جي ٽياڪڙي جو به خواهشمند آهي ميڊي ارپورٽ مطابق ڀارت ڪنهن به ٽياڪڙي جي خلاف آهي ۽ معاملي کي سنڌ طاس معاهدي جي فريم ورڪ تحت حل ڪرڻ گهري ٿو خيال رهي ته ڳالهين جي ٻئي دور ۾ ڀارت جا 2 تڪراري هائڊرو پاور منصوبا ڪشن گنگا ۽ رتلي تي ڳالهه ٻولهه عمل ۾ اچڻي هئي جنهن تي پاڪستان عالمي بئنڪ جي ذريعي بين الاقوامي ٽياڪڙي عدالت جي مدد حاصل ڪرڻ چاهي ٿو هلندڙ هفتي اسلام آباد ۽ لاهور ۾ ڀارت ۽ پاڪستاني اختيارين ۾ ٿيندڙ ملاقات ۾ ٽن ڀارتي منصوبن جي حوالي سان ڳالهه ٻولهه ڪئي ويئي ڀارت ٽئي منصوبا درياهه چناب تي ٺاهڻ چاهي ٿو جنهن سان اپاڪستان کي پاڻي جي وهڪڙي م گهٽتائي جو خدشو آهي ملاقات کان پوءِ پاڻي ۽ بجلي واري وزير خواجه آصف صحافين کي ٻڌايو ته ڪشن گنگا ۽ رتلي منصوبي تي ڳالهه ٻولهه ايندڙ مهيني واشنگٽن ۾ ٿيندڙ ملاقات ۾ ٿيندي. جنهن ۾ عالمي بئنڪ ٽياڪڙي جو ڪردار ادا ڪندو.

 

2025 تائين پاڪستان دنيا جي پهرين 25 معيشتن ۾ شامل ٿي ويندو: احسن اقبال

نارووال (ويب ڊيسڪ): منصوبابندي واري وفاقي وزير احسن اقبال چيو آهي ته 2025 تائين پاڪستان دنيا جي پهرين 25 معيشتن ۾ شامل ٿي ويندو، يوم پاڪستان تقريب کي خطاب ڪندي هن چيو ته ڪجهه سالن ۾ وڌيڪ ملڪن جا ماڻهو به پاڪستان ۾ روزگار لاءِ ايندا، اسان جي ملڪ ۾ هر رنگ ۽ مذهب جي ماڻهن کي مڪمل آزادي حاصل آهي، احسن اقبال چيو ته اسان پاڪستان کي علم ۽ ترقيءَ جي راهه تي گامزن ڪري هڪ باوقار ۽ عظيم قوم بڻائينداسين.

 

سيوهڻ ۾ ٻن روڊ حادثن جي نتيجي ۾ ۳ نوجوان فوت

سيوهڻ شريف(رپورٽر)  سيوهڻ ۾ ٻن روڊ حادثن جي نتيجي ۾ ۳ ڄڻا فوت ٿي ويا آهن، سيوهڻ باءِ پاس انڊس هاءِ وي تي دادو کان ايندڙ تيز رفتار ڪار روڊ ڪراس ڪندڙ ٻن نوجوانن مٿان چڙهي وئي، جنهن جي نتيجي ۾ ٻئي نوجوان فهد ولد اقبال سولنگي عمر ۲٦ سال ۽ ياسر ولد لالو ملاح عمر ۲۵ سال موقعي تي ئي فوت ٿي ويا، ڊرائيور ڪار ڇڏي فرار ٿي ويو، فوتين جي لاشن کي سيوهڻ اسپتال آندو ويو، جتي ضروري ڪارروائي کانپوءِ لاش وارثن حوالي ڪيا ويا. ٻنهي نوجوانن جا لاش گهر پهچڻ تي گهر ۾ ڪهرام مچي ويو. ٻئي پاسي سيوهڻ جي لال باغ جي علائقي وٽ جهانگارا کان بوهه ڀري ڀان سيدآباد ويندڙ ٽرڪ جي مٿان ويٺل مزدور امداد ولد اربيلو جلباڻي عمر ۴۰ سال بريڪ لڳڻ سبب هيٺ ڪري ٽرڪ هيٺان اچي چيڀاٽجي مرڻينگ ٿي ويو، جنهن کي ڳڻتي جوڳي حالت ۾ سيوهڻ اسپتال آندو ويو، جتي هو زخمن جا سور نه سهي فوت ٿي ويو، جنهن جو لاش ضروري ڪارروائي بعد وارثن حوالي ڪيو ويو جيڪي فوتي جو لاش کڻائي ڀان سيدآباد سندس گهر پهتا ته ڪهرام مچي ويو ۽ وارثن کي بيهوشي جا دورا پوڻ لڳا، پوليس ٽرڪ ڊرائيور کي تحويل ۾ وٺي ۽ حادثي جي ابتدائي رپورٽ داخل ڪري وڌيڪ جاچ ڪري رهي آهي.

 

23 مارچ جو واعدو پاڙڻ لاءِ لکين مسلمانن قربانيون ڏنيون: عمران خان

اسلام آباد (ويب ڊيسڪ) پاڪستان تحريڪ انصاف جي چيئرمين عمران خان چيو آهي ته 23 مارچ 1940ع تي هندستان تي مسلمانن پنهنجي مستقبل جو تعين ڪيو، قرارداد وسيلي مسلمان غلامي رد ڪري آزاد وطن جو فيصلو ڪيو، پاڪستان ڏهاڙي جي حوالي سان پنهنجي جاري ڪيل پيغام ۾ عمران خان سڄي قوم کي واڌايون پڻ ڏنيون ۽ چيو ته 23 مارچ تي ڪيل واعدي کي پاڙڻ لاءِ لکين مسلمانن قربانيون ڏنيون، هن چيو ته 23 مارچ 1940ع تي هندستان تي مسلمانن پنهنجي مستقبل جو تعين ڪيو،قرارداد ذريعي مسلمان غلامي رد ڪري آزاد وطن جو فيصلو ڪيو.36