تازيون خبرون

Daily Archives: March 21, 2017

پاڪ-ڀارت انڊس واٽر ڪيمشن ڳالهيون: پاڪستان 3 تڪراري آبي منصوبن جي ڊزائن تي اعتراض واري ڇڏيا

اسلام آباد (ويب ڊيسڪ): پاڪ ڀارت انڊس واٽر ڪيمشن جي پهرين ڏينهن جون ڳالهيون ختم ٿي ويون، ذريعن موجب پاڪستان ڀارت جي 3 تڪراري آبي منصوبن جي ڊيزائن تي اعتراض واريا، ذريعن موجب پاڪستاني وفد چيو آهي ته پڪال دل، لوئر ڪينلائي ۽ ميار جو دورو ڪرڻ چاهيون ٿا، ڀارتي وفد چيو آهي ته منصوبن جي هنڌن جي دورن لاءِ حالتون سازگار ناهن، منصوبن تي پاڪستان جي اعتراضن جو جائزو وٺنداسين، ذريعن موجب ڀارتي ڪميشن فلڊ ڊيٽا، اضافي معلومات فراهم ڪرڻ جي خاطري ڪرائي، پاڪ ڀارت انڊس واٽر ڪمشنرز جي ٻن ڏينهن وارين ڳالهين جو ٻيو دور سڀاڻي ٿيندو.

 

مردم شماري: شماريات ڊويزن پاران 10 لک ماڻهن جي ڊيٽا نادرا کان تصديق ڪرائڻ جو فيصلو

ڪراچي(ويب ڊيسڪ) شماريات ڊويزن مردم شماري ۾ 10 لک ماڻهن جي ڊيٽا نادرا کان تصديق ڪرائڻ جو فيصلو ڪيو آهي. شماريات ڊويزن ۽ نادرا وچ ۾ مردم شماري ڊيٽا جي تصديق جي معاملي تي ڳالهيون اڄ ٿينديون جنهن ۾ معاهدو طئي ٿيڻ جو امڪان آهي تنهن هوندي مردم شماري اختيارين جو چوڻ آهي ته اميد آهي ته نادرا کان ڊيٽا تصديق ڪرائڻ جو معاهدو طئي ٿيندو، هن چيو ته مردم شماري ۾ نادرا کان رڳو شڪين جي ڊيٽا جي تصديق ڪرائڻ جو فيصلو ڪيو ويو آهي. شماريات ڊويزن جي اختيارين موجب مردم شماري جي تصديق جي لاءِ في اي ايس ايم ايس 10 رپيا گهريا ويا آهن اختيارين موجب مردم شماري ۾ سمورن ماڻهن جي ڊيٽا جي تصديق ممڪن ناهي ۽ نه ئي هر فرد جي ڊيٽا جي تصديق ڪرائڻ جو بجٽ موجود آهي.

 

وڏي وزير پاران خريف ۾ پاڻي کوٽ کي منهن ڏيڻ لاءِ حڪمت عملي واضح ڪرڻ جي هدايت

ڪراچي (اين اين آءِ)  سنڌ جي وڏي وزير سيد مراد علي شاهه چيو آهي ته خريف ۾ پاڻيءَ جي کوٽ 10 کان 60 سيڪڙو تائين ٿي سگهي ٿي انڪري آبپاشي کاتي کي پاڻي جي کوٽ کي منهن ڏيڻ لاءِ حڪمت عملي واضح ڪرڻ جي هدايت ۽ پيئڻ جي پاڻيءَ جي فراهميءَ کي ترجيح ڏني وڃي. هن اها ڳالهه اڄ وزيراعليٰ هائوس ۾ ايندڙ خريف دوران امڪاني پاڻيءَ جي کوٽ بابت اجلاس جي صدارت ڪندي ڪئي. اجلاس ۾ چيف سيڪريٽري سنڌ رضوان ميمڻ، وڏي وزير جو پرنسپل سيڪريٽري نويد ڪامران بلوچ، سيڪريٽري آبپاشي سيد جمال شاهه ۽ ٻين لاڳاپيل آفيسرن ۽ انجنيئرن شرڪت ڪئي. سيڪريٽري آبپاشي جمال شاهه وڏي وزير کي بريفنگ ڏيندي چيو ته 9 مارچ 2017ع کان واهن ۾ موجود پاڻيءَ جي مختص ڪيل ڊسچارج ۾ کوٽ ٿي سگهي ٿي، اترين علائقن ۾ ٿيندڙ هاڻوڪي برفباريءَ ۽ گرمي پد سبب صورتحال وڌيڪ خراب ٿي آهي ۽ اتان پاڻي جي وهڪري ۾ گهٽتائيءَ ڪري تربيلا ۽ منگلا ڊيمن ۾ به پاڻي جي آمد ۾ کوٽ پيدا ٿي آهي. هن چيو ته جيتري تائين سنڌ جو تعلق آهي 2 کان 10 مارچ تي چشما بئراج وٽ روزانو 40000 سي ايف ايس پاڻيءَ بدران 22798 سي ايف ايس چشما ڊائون اسٽريم جو مجموعي وهڪري آهي، ان ۾ پنجاب جا واهه تونسا بئراج مان پنهنجي گهرج جو پاڻي وٺندا آهن. سيڪريٽري آبپاشيءَ چيو ته 18 مارچ کان پاڻيءَ جي امڪاني کوٽ شروع ٿي آهي ۽ اها اپريل پهرين ڏهن ڏينهن ۾ 10 کان 60 سيڪڙو ٿيندي. هن چيو ته اهڙي صورتحال سال 2012ع ۾ ٿي هئي ۽ 2017ع ۾ ان وقت کان وڌيڪ برفباري ٿي آهي. برفباريءَ سبب اسڪردو ۾ گرمي پد گهٽيو آهي. ارسا ٻڌايو آهي ته جيڪڏهن برف پگهرڻ ۾دير يا برسات پوڻ ۾ تاخير ٿي ته صرتحال وڌيڪ خراب ٿي سگهي ٿي ۽ پاڻي جي کوٽ اپريل 2017ع جي آخر تائين ٿي سگهي ٿي. وڏي وزير سيد مراد علي شاهه چيو ته هن سيڪريٽري آبپاشيءَ کي هدايت ڪئي هئي ته هُو سمورن ٽنهي بئراجن جي چيف انجنيئرز سان اجلاس منعقد ڪري ۽ کين صوبي کي پيش ايندڙ پاڻي جي کوٽ ۽ ان سان پيدا ٿيندڙ صورتحال بابت خيالن جي ڏي وٺ ڪري. سيڪريٽري آبپاشيءَ چيو ته هن چيف انجنيئرز سان اجلاس منعقد ڪيو آهي ۽ ان حوالي سان حڪمت عملي واضح ڪئي آهي. هن حڪمت عمليءَ بابت ٻڌائيندي چيو ته 31 مارچ کان گڊو بئراج جو ساليانو بندش جي عرصي وارو شيڊول هوندو، تيستائين واهن جي سطح گهٽ هوندي ۽ اها بلوچستان (1000 سي ايف ايس) کي پاڻيءَ جي فراهميءَ لاءِ 249 آر ايل، پاور اسٽيشن ۽ گهوٽڪي ڪئنال (1000 سي ايف ايس) هوندي. پهرين اپريل تي بئراجن جا دروازا کوليا ويندا ۽ پاڻي ڊائون اسٽيم ڏانهن موڪليو ويندو. سکر بئراج بابت ڳالهائيندي هن چيو ته سکر بئراج جو مجموعي انخلا ان عرصي دوران 10100 سي ايف سي هوندو. اين ڊبليو سي تي رائيٽ بينڪ ۽ دادو ڪئنال 31 مارچ تائين شيڊول بندش ڪري بند هوندو، بلوچستان جو 3 مارچ تائين سکر بئراج رائيٽ بينڪ مان روزانو جو حصو 700 سي ايف ايس آهي جنهن کي 31 مارچ تائين يقيني بڻايو ويندو، جيتوڻيڪ اين ڊبليو سي ۽ دادو ڪئنال ۾ پاڻيءَ جي کوٽ هوندي. خيرپور فيڊر ايسٽ ۽ ويسٽ هر هڪ ۾ (-50%) 650 سي ايف ايس پاڻي جاري ڪيو ويندو، روهڙي ڪئنال 3 ۾ آپريٽ ٿيندو ۽ 5000 سي ايف ايس پاڻي وصول ٿيندو. نارا ڪئنال ۾ به ٻن گروپس ۾ آپريٽ ٿيندو ۽ 3800 سي ايف ايس وصول ٿيندو. ڪوٽڙي بئراج بابت حڪمت عملي تي ڳالهائيندي جمال شاهه چيو ته سکر بئراج کان ڪوٽڙي بئراج لاءِ 3000 سي ايف ايس پاڻي جاري ڪيو ويندو. ڪوٽڙي بئراج جي 3 مارچ دوران مختص پاڻي روزانو 4000 سي ايف ايس آهي. سکر بئراج ۾ پاڻي جي وهڪري ۾ بهتري ايندي ئي ڪوٽڙي بئراج کي پاڻي جي فراهمي ۾ ترجيح ڏني ويندي ته جيئن خريف جي شروعاتي گهرجن کي پورو ڪري سگهجي. پهرين اپريل دوران ڪوٽڙيءَ لاءِ مختص ڪيل پاڻي 6500 سي ايف ايس هوندو. ان تي وڏي وزير آپباشي کاتي کي هدايت ڪئي ته اهي پاڻيءَ جي کوٽ بابت عوام کي فوري طور تي آگاهه ڪري. هن چيو ته پيئڻ جي پاڻيءَ کي پورو ڪرڻ لاءِ خاص ڌيان ڏنو وڃي. هن چيو ته نارا ۽ روهڙي ڪئنال لاءِ پهرين مئي کان ڪپهه جي پوکي ۾ دير ڪئي وڃي ۽ گهوٽڪي ڪئنال لاءِ 15 مئي ڪئي وڃي. اپريل جي آخر ۾ صورتحال کي ڏسندي سارين جي پوکي بابت غور ڪيو وڃي. هن چيو ته رائس ڪئنال ڪمانڊ جي کاتيدارن کي سهولتن جي فراهميءَ لاءِ هڪ نئين حڪمت عملي واضح ڪئي وڃي. سيد مراد علي شاهه چيو ته لاڳاپيل چيف انجنيئرز سان صلاح مشوري بعد واهن ۾ پاڻيءَ جي ايڊجسٽمينٽ ۽ ڊسچارج هئڻ گهرجي. ڪوٽڙي بئراج ۾ وصول ٿيندڙ پاڻيءَ جي تناسب بابت اتان کان پاڻي وٺندڙ واهن ۽ بئراجن جي حوالي سان پيئڻ جي پاڻي جي ضرورتن کي ترجيح ڏني وڃي. سيڪريٽري آبپاشيءَ چيو ته اٽڪل سمورن واهن جي پاڻيءَ جي فراهميءَ ۾ 50 سيڪڙو پاڻي جي کوٽ برداشت ڪرڻ آهي. هن چيو ته اهڙي قسم جي صورتحال پهرين به ٿي آهي ۽ اهڙي صورتحال کي بهتر ريت منهن ڏنو ويندو. هن چيو ته ڪينجهر ڍنڍ جي آپريشن کي وڌايو ويندو ته جيئن گهڻي عرصي تائين ڪراچيءَ جي پاڻي جي گهرج کي پورو ڪري سگهجي. وڏي وزير آبپاشي کاتي کي هدايت ڪئي ته هُو واٽر اينڊ ڊرينج سسٽم واري اداري کي مشورو ڏئي ته هو سمورن درياهن ۾ پاڻيءَ جي وهڪري ۾ کوٽ ۽ واهن ۾ موجوده پاڻيءَ جي قلت کي ڏسندي شهر ۾ پاڻيءَ جي بهتر استعمال کي يقيني بڻايو وڃي. ٻئي طرف پاڪستان پيپلز پارٽي ڪراچي ڊويزن جي هڪ وفد وڏي وزير سيد مراد علي شاهه سان وزيراعليٰ هائوس ۾ ملاقات ڪئي ۽ ساڻس مختلف مامرن بشمول ترقياتي اسڪيمن، پاڻي جي فراهمي جي اسڪيم سميت ٻين معاملن تي خيالن جي ڏي وٺ ڪئي. وفد جي اڳواڻي سينيٽر سعيد غني ڪري رهيو هو، جڏهن ته وفد جي ٻين ميمبرن ۾ صوبائي اسيمبلي ميمبر مرتضيٰ بلوچ، ساجد جوکيو، ضلعي صدرن ۽ جنرل سيڪريٽرز ۽ ٻيا شامل هئا. پيپلز پارٽي سنڌ جي صدر نثار کهڙو ۽ جنرل سيڪريٽري پي پي پي سنڌ وقار مهديءَ خاص طور تي اجلاس ۾ شرڪت ڪئي. پي پي پي جي نون چونڊيل ميمبرن شهر ۾ جاري ترقياتي ڪمن جي واکاڻ ڪندي وڏي وزير کي درخواست ڪئي ته ترقياتي ڪمن جي مقرر ڪيل مدي ۾ تڪميل لاءِ سمورا قدم کنيا وڃن. هنن چيو ته ڪراچيءَ جي ريگيولرائيڊ آبادي ۽ ڪچي آبادين ۾ سمورين بنيادي سهولتن جي فراهميءَ کي به يقيني بڻايو وڃي. هنن چيو ته ضلعي شرقي ۽ ملير جي مختلف ڳوٺن ۾ بجلي ۽ پاڻي دستياب نه آهي. وڏي وزير کين يقين ڏياريو ته شهر ۾ جاري ڪمن جي هُو ذاتي طور تي مانيٽرنگ ڪري رهيو آهي جيتري قدر ٻهراڙين وارن علائقن ۾ ترقياتي ڪمن جو تعلق آهي ته اهي به تمام جلد شروع ڪيا ويندا. هن چيو ته ڪراچي جي ٻهراڙي وارن علائقن کي بجلي فراهميءَ لاءِ ڪي اليڪٽرڪ کي ضروري فنڊ جاري ڪيا ويا آهن. سيد مراد علي شاهه چيو ته هُو ڪراچي جي شهرين ۽ ٻهراڙي جي رهواسين بهتر کان بهتر خدمت لاءِ ڪوشان آهي. هن چيو ته مقامي پارٽي اڳوڻن کي به گهرجي ته اهي اڳتي وڌي درپيش مسئلن جي نشاندهي ڪن ته جيئن انهن جو تدارڪ ڪري سگهجي.

 

پاڪستان ۾ دھشتگرد واقعن جي گهٽجڻ جو پوري دنيا اعتراف ڪيو آھي: چودري نثار

اسلام آباد (اين اين آءِ) وفاقي گهرو وزير چوڌري نثار علي خان چيو آهي ته پاڪستان ۾ ڪنهن دهشتگرد تنظيم جو نيٽ ورڪ يا هيڊ ڪوارٽر موجود ناهي ۽ نه ئي ڪنهن دهشتگرد تنظيم کي پاڪ ڌرتي تي ڪم ڪرڻ جي اجازت آهي جيڪڏهن ڪنهن کي ڄاڻ آهي ته اها شيئر ڪري ڪارروائي ڪئي ويندي ۽ هاڻي دهشتگردي جا نيٽ ورڪ سرحد کان ٻاهر آهن سڄي ملڪ ۾ هزارين گرفتاريون ٿيون آهن، امن امان جي بهتر صورتحال جي تعريف سڄي دنيا ڪري رهي آهي، دهشتگردن ۽ فرقيواراڻا تنظيمن ۾ فرق آهي. ڪراچي جي صورتحال سڀني گڏجي بهتر ڪئي، ڪيترن ئي ماڻهن کي هرو ڀرو پوائنٽ اسڪورنگ جو شوق آهي. هن چيو ته ايوان ۾ ڏنل منهنجي گذريل بيان کان پوءِ ان بيان کي ايوان جي ٻاهران نوان نوان لفظ ڏنا ويا جنهن ڏينهن مان اهو بيان ڏنو هو بهتر ٿئي ها ته انهيءَ ڏينهن وضاحت گهري وڃي ها مان سينيٽ جي چيئرمين کي اهو چوندس ته اسان کي حقيقتن ۽ دليل سان گڏ سچ ڳالهائڻ گهرجي. ايوان ۾ جيڪا ڳالهه ٿئي ان جو ايوان ۾ جواب اچڻ گهرجي. پنهنجي بيان جي وضاحت ڪرڻ چاهيان ٿو ان لاءِ پاڻ ايوان م آيو آهيان. منهنجي اڳوڻي بيان جي ڪاپي هن ايوان ۾ ورهائي وڃي، جيڪڏهن مان اهو چيو آهي ته دهشتگردن سان نرمي ڪئي وڃي ته ان جو جوابدار آهيان. مان اهڙي قسم جا لفظ استعمال ناهن ڪيا انهن سينيٽرن جو ٿورو مڃان ٿو جنهن هوش مان ۽ حقيقت ۽ دليل سان ڳالهه ڪئي اڄ اسان پابندي مڙهيل تنظيمن جي باري ۾ ٻنهي ايوانن ۾ ڳالهه ڪيون ٿا ان معاملي تي ميڊيا ۾ به ڳالهه ٿيندي آهي. مان ٻنهي ايوانن ۾ ظاهر چيو ته سيڪيورٽي سڀني جي گڏيل ذميواري آهي، ڪراچي جي صورتحال جي حوالي سان 28 آگسٽ 2013 جون اخبارون ڪڍيون وڃن ڊاڪٽر فاروق ستار ڪهڙو مطالبو رکيو هو ان کانپوءِ مان سنڌ جي وڏي وزير کي ڪپتان چيو رينجرز هيڊ ڪوارٽرز، گورنر، سينيئر سياسي اڳواڻن سميت وڏي وزير سان گڏ سڀني سان ملاقاتون ڪيون مان وڏي وزير کي چيو ته اهو صوبائي مسئلو آهي سڄو ڪريڊٽ توهان جو آهي صورتحال کي بهتر ڪيو ، مان هميشه چيو ته اها گڏيل ذميواري آهي قائم علي شاهه تي وڏو دٻاءُ هو پر هن بهترين ڪم ڪيو. فيصلا وفاقي حڪومت ڪيا گهرو وزارت جو بنيادي ڪردار هو پر پاڪستان فوج، سول آرمڊ فورسز، ڳجهن ادارن، عوام ۽ پوليس سميت صوبائي حڪومتون سڀ گڏ نه هجن ها ته صورتحال بهتر نه ٿئي ها پنج کان ڇهه ڌماڪا هر ڏينهن ٿيندا هئا هاڻي مهينن هفتن تائين ڌماڪا نه ٿا ٿين. اتروزيرستان مان دهشتگرد حملا ٿيندا هئا ڇو نه ڪنهن ڪارروائي ڪئي دهشتگردن جو نيٽ ورڪ هاڻي سرحد پار آهي انهن جي سهولتڪارن ۽ مدد ڪندڙن خلاف به ڪارروائي ٿي آهي هزارين ماڻهن کي پڪڙيو ويو آهي ڪيترن جي خلاف ڪيس ٺاهيا ويا آهن ۽ ڪيترن تي نظر کتل آهي هن چيو ته فرقيوراڻي سرگرمين ۾ ملوث تنظيمن جا اڳواڻ ته ڪالعدم ٿي وڃن ٿا اهي به اهڙي طرح ڪيس ڀوڳي رهيا آهن جهڙي نموني دهشتگرد پر انهن جا ورڪرز ۽ پيروڪار جن تي الزام نه ٿو لڳايو وڃي انهن جي خلاف ڪارروائي لاءِ قانون ناهي ڇو ته هو دهشتگردي ۾ ملوث نه هوندا آهن. هتي چيو ويو ته مان جماعتن سان ملندو آهيان جنهن سان مان مليل آهيان جي يو آءِ (ف) جي يو آءِ (س) ۽ جماعت اسلامي جي اڳواڻن سان مليو آهيان. اڳوڻين حڪومتن جي وزيرن سان ڪڏهن هو ملندو رهيو تڏهن به گوڙ نه ڪيو ويو، ان وقت جي صدر سان به جڏهن هڪ صاحب مليو ان جون تصويرون به موجود آهن تڏهن ته ڪنهن به ڳالهه نه ڪئي. هڪ صاحب قومي اسيمبلي جي چونڊ وڙهي تڏهن ڪنهن ڪارروائي نه ڪئي هو پي ايم ايل اين جي اميدوار کان هارجي ويو ان کانپوءِ اسان جي اميدوار کي ڊي سيٽ ڪيو ويو تڏهن ته ڪنهن ٻرنڪ به نه پڇي سپريم ڪورٽ هاءِ ڪورٽس ۾ به ڀڄندا رهيا تڏهن به اهي گوڙ ڪن ٿا ته مون کي سٺو لڳي ٿو. دهشتگرد تنظِيم جي ڪابه گنجائش ناهي پر فرقيوراڻي سرگرمي ۾ ملوث ماڻهن جي حوالي سان قانون ۾ فرق آهي، سمورن ادارن کي گڏجي ڪم ڪرڻ گهرجي، هن اسيمبلي جي ميمبرن کي اپيل ڪئي ته سيڪيورٽي جي معاملي کي سياست جي ور نه چاڙهيو وڃي ڪڏهن سنڌ  ۽ ڪي پي ڪي جي حڪومت تي تنقيد نه ڪئي آهي سيوهڻ واقعي کانپوءِ منهنجي مٿان تنقيد ڪئي جنهن جي وضاحت ڪئي. ان کان اڳ سينيٽر سحر ڪامران رٿ پيش ڪئي هي ايوان وفاقي گهرو وزير جي سينيٽ ۾ 10 جنوري 2017 تي ڏنل بيان کي بحث هيٺ آندو وڃي رٿ تي بحث دوران هن چيو ته پابندي مڙهيل دهشتگرد گروهن ، پابندي مڙهيل فرقيواراڻي تنظيمن ۾ فرق نه ڪرڻ گهرجي سينيٽر تاج حيدر چيو ته پرائيويٽ هٿياربند گروپن کي پاڪستاني ڌرتي ڪم ڪرڻ جي اجازت ڪنهن به صورت ۾ نه ڏيڻ گهرجي. سينيٽر ميان عتيق شيخ ٻڌايو ته اسان جا دشمن ملڪ ۾ به آهن ۽ ٻاهر به جهونا ڳڙهه، حيدرآباد ۽ والاريل ڪشمير جي نمائندن جو سيٽون به هن ايوان ۾ رکڻ لاءِ ٺهراءُ پيش ڪرڻ گهرجي جهڙي طرح ڀارت جي اسيمبلي ۾ ڪيون ويون آهن. ن ليگ جي سينيٽر نهال هاشمي چيو ته نه صرف گهرو وزير کي تنقيد جو نشانو بنائڻ مناسب نه آهي ڪجهه ماڻهن کي چوڌري نثار پسند ناهي.

 

وزير اعظم پاڪ- افغان بارڊر کي فوري طور کولڻ جو حڪم ڏئي ڇڏيو

اسلام آباد(ويب ڊيسڪ) وزير اعظم نواز شريف پاڪستان افغانستان بارڊر کي فوري طور کولڻ جو حڪم جاري ڪري ڇڏيو آهي. وزير اعظم پاڪ افغان بارڊ کي فوري طور کولڻ جو حڪم ڏئي ڇڏيو آهي. ميڊيا سان ڳالهه ٻولهه ڪندي نواز شريف چيو ته دهشتگردن جا پار پتا افغانستان جي سر زمين تي موجود پاڪستان دشمن عنصرن سان ملن ٿا. ٻنهي ملڪن جي وچ ۾ مذهبي ۽ ثقافتي لاڳاپا آهن. هن وڌيڪ چيو ته فيصلو ڪيو ويو آهي ته خيريت واري جذبي تحت سرحدون کوليون وڃن.

 

ڪا به طاقت پاڪستان کي دنيا تان ميٽائي نٿي سگهي: خواجا آصف

اسلام آباد (اين اين آءِ) پاڻي ۽ بجلي واري وفاقي وزير خواجا محمد آصف انڊس واٽر ڪمشنر جي سطح تي ڳالهه ٻولهه لاءِ ڀارتي وفد جي پاڪستان اچڻ تي ڀليڪار ڪندي چيو آهي ته پاڪستان پاڻي تي پنهنجي مفادن جو تحفظ ڪندو پاڪستان ڀارت انڊس واٽر ڪمشنر جي وچ ۾ ڳالهين ۾ ٽن تڪراري ڊيمن جي اڏاوت ۽ ٻوڏ جي پاڻي جي ڊيٽا فراهم ڪرڻ جي حُوالي سان ڳالهه ٻولهه ڪئي. ماضي ۾ ٻنهي ملڪن ۾ ڪشن گنگا سميت وڌيڪ مسئلن جي حل ۾ تمام وڌيڪ دير ٿي وئي جنهن سان اسان جي مفادن کي نقصان پهتو، سنڌ طاس معادي تي عملدرآمد ٻنهي ملڪن جي مفاد وٽان آهي ڪشن ديم جي حوالي سان ٽياڪڙي عدالت جي فيصلي تي زور ڀري رهيا آهيون. رتلي ڊيم جي حوالي سان اسان جو موقف چٽو آهي. ڊيم جي اڏاوت سنڌ طاس معاهدي موجب ٿيڻ گهرجي. رتلي ڊيم جي حوالي سان ايندڙ مهيني آمريڪا ۾ ڳالهيون ٿينديون جنهن ۾ اسان پنهنجي مفادن جو ڀرپور تحفظ ڪرڻ جي پوزيشن ۾ هونداسين. سومر تي پريس ڪانفرنس کي خطاب ڪندي پاڻي ۽ بجلي واري وزير خواجا محمد آصف چيو ته 14 ۽ 15 جولاءِ 2016 تي پاڪستان جي پاڻي ۽ بجلي واري سيڪريٽري جي ڀارت هم منصب سان نئين دهلي ۾ ٿيندڙ ڳالهين کانپوءِ پاڪستان انهن ٻن تڪرارن تي ٽياڪڙي جو رستو اختيار ڪيو آهي. هن چيو ته سنڌ طاس معاهدي تي ڳالهيون 2015 کان دير جو شڪار رهيون آهن حڪومتي ڪوششن سبب سنڌ طاس معاهدي تي ڳالهين جي ٻيهر شروعات ٿي آحي هن چيو ته پاڪستان جو هميشه اهو موقف ريهو آهي ته سنڌ طاس معاهدو ان چند عالمي معاهدن مان هڪ آحي جيڪو ٻن ملڪن وچ ۾ آبي ذخيرن جي استعمال جهڙن سنجيده معاملن تي امن ذريعن سان طئه ڪيل طريقيڪار کي فراهم ڪري ٿو. هن چيو ته اسان انهن ڳالهين مان بهتري جي اميد آهي.

 

سپريم ڪورٽ بني گالا ۾ قبضن ۽ وڻن جي واڍي بابت عمران جي خط جو نوٽيس وٺي ڇڏيو، رپورٽ طلب

اسلام آباد (ويب ڊيسڪ): چيف جسٽس آف پاڪستان، جسٽس ثاقب نثار بني گالا ۾ قبضن ۽ وڻن جي ڪٽائي بابت عمران خان جي خط جو نوٽيس وٺي ڇڏيو، چيف جسٽس سي ڊي اي کي نوٽيس جاري ڪندي 10 ڏينهن اندر رپورٽ طلب ڪري ورتي، چيف جسٽس آف پاڪستان، جسٽس ثاقب نثار پي ٽي آءِ سربراهه عمران خان جي بني گالا ۾ غير قانوني اڏاوتن ۽ وڻن جي ڪٽائي جي حوالي سان خط جو نوٽيس وٺي ڇڏيو آهي، چيف جسٽس سي ڊي اي اختيارين کي نوٽيس جاري ڪندي 10 ڏينهن اندر رپورٽ پيش ڪرڻ جو حڪم ڏئي ڇڏيو آهي.، پي ٽي آءِ سربراهه عمران خان چيف جسٽس کي خط لکي بني گالا ۾ ٿيندڙ اڏاوتن توڙي وڻن جي واڍي تي ڌيان ڇڪايو هو، عمران خان پنهنجي خط ۾ چيو هو ته بني گالا جي پارڪ ۽ باغ تي به اڏاوتون ڪيون پيون وڃن ۽ بنا نقشن جي وڏا وڏا پلازه تعمير ڪري ڇڏيا آهن.

 

پاڪستان پيپلز پارٽي مردم شماري جي طريقي ڪار کي چيلينج ڪري ڇڏيو

ڪراچي (اين اين آءِ) ايم ڪيو ايم پاڪستان کان پوءِ پ پ پ به آدمشماري جي طريقيڪار کي عدالت ۾ چئلينج ڪيو آهي پ پ پ پاران سنڌ هاءِ ڪورٽ ۾ داخل درخواست ۾ وفاقي حڪومت شماريات واري اداري ۽ وڌيڪ کي در بڻايو آهي جڏهن ته درخواست ۾ موقف اختيار ڪيو ويو ته آدمشماري ۾ ڪيترن ئي اهم معاملن کي ڳجهو رکيو ويو آهي ڄاڻ حاصل ڪرڻ اسان جو بنيادي حق آهي ان ڪري آئين مطابق آدمشماري جو طريقيڪار شفاف ٿيڻ گهرجي جڏهن ته ان حوالي سان 12 مارچ تي سنڌ جي وڏي وزير وفاقي ناڻي واري وزير اسحاق ڊار کي خط به لکيو هو درخواست ۾ چيو ويو آهي ته آدمشماري غير منصفاڻه ٿي رهي آهي آدمشماري جي عمل ۾ آئين جي آرٽيڪل 4219 جي خلاف ورزي ڪئي پئي وڃي پ پ پ عدالت سان آدمشماري لاءِ غير جانبدارانه عملو مقرر ڪرڻ جو مطالبو ڪيو آهي ٻڌڻي دوران سينيٽر فرحت الله بابر چيو ته آدمشماري جو عمل سنڌ جي اصل وارثن کي گهٽ ڏيکارڻ جي سازش آهي پ پ پ موقف اختيار ڪيو ته آدمشماري ۾ صرف پاڪستاني ۽ سنڌ جي اصل رهواسين کي ڳڻيو وڃي آدمشماري جو عمل غير شفاف ۽ جانبدارانه آهي. پ پ پ موقف ڏنو ته عوام کي ڄاڻ حاصل ڪرڻ لاءِ ممڪن بڻايو وڃي غلط داخل ٿيڻ جي صورت ۾ ٻيهر ڄاڻ فراهم ڪرڻ جي اجازت هجڻ گهرجي ٻئي ۽ ٽئين رجسٽريشن جي عمل کي روڪڻ لاءِ به قدم کنيا وڃن. سنڌ هاءِ ڪورٽ جي ٻاهران ڳالهائيندي سينيٽر فرحت الله بابر چيو ته آدمشماري تي اسان جا خدشا آهن آدمشماري انتهائي اهم معاملو آهي جيڪڏهن معاملو شفاف نه ٿيو ته وفاق ۽ ان جي وحدت لاءِ خطرناڪ ٿي سگهي ٿو آدمشماري جي معاملي ۾ بداعتمادي کي ختم نه ڪيو ويو ته وفاق لاءِ مناسب نه هوندو هن چيو ته معاشري جي مختلف طبقن ۽ صوبن مان شڪايتون اچي رهيون آهن ان کي پ پ پ جو بنيادي مطالبو ان عمل کي شفاف بنائڻ آهي. فرحت الله بابر چيو ته اسان ٻيهر آدمشماري جو مطالبو نه ڪري رهيا آهيون موجوده طريقيڪار کي به شفاف بڻايو وڃي ۽ آدمشمري جي طريقيڪار ۾ آئين کان تڪراري شڪن کي ختم ڪيو وڃي جڏهن ته وفاق کان مطالبو آهي ته شهرين جي خدشن کي ختم ڪيو وڃي.

 

پي ايم آفيس جي هڪ فرد جي اشاري تي اعليٰ عملدارن جي ترقي ٿيندي آهي: خورشيد شاهه

اسلام آباد (ويب ڊيسڪ): قومي اسيمبلي ۾ مخالف ڌر اڳواڻ سيد خورشيد شاهه قومي اسيمبلي ۾ بيان ڏيندي چيو آهي ته سليڪشن بورڊ 2015 کي عدالت معطل ڪيو، پهريون ڀيرو ايئن ٿيو ته عدالت فيصلو ڪالعدم قرار ڏنو، هن چيو ته پي ايم آفيس جي هڪ فرد جي اشاري تي اعليٰ عملدارن جي ترقي ٿيندي آهي، 90 جي لڳ ڀڳ اعليٰ عملدارن جي ترقي واپس ڪئي وئي، پي ايم آفيس جو اهو معاملو سياسي ٿي چڪو آهي، پارليامينٽ غور ڪري، مخالف ڌر اڳواڻ چيو ته عملدارن جي ترقي جي جائزي لاءِ گڏيل پارلياماني ڪميٽي بڻائي وڃي، پارلياماني ڪميٽي ۾ بيوروڪريٽس کي به شامل ڪيو وڃي، من پسند ماڻهن کي چونڊڻ جو سلسلو ختم ڪيو وڃي، وفاق سان کيڏڻ بند ڪيو وڃي.

 

جڏهن کان اسان ڪرڪيٽ کي ڪفر قرار ڏنو، تڏهن کان معاملا خراب ٿيا: اعتزاز احسن

اسلام آباد (ويب ڊيسڪ): پيپلز پارٽي اڳواڻ اعتزاز احسن چيو آهي ته جڏهن کان اسان ڪرڪيٽ کي ڪفر قرار ڏنو، تڏهن کان معاملا خراب ٿيا، ضياءَ الحق جي دور ۾ اهو معاملو خراب ٿيو، اسان تفريح جي دشمن قوم آهيون، ڇوڪرين جي راند جي به ايتري ئي اهميت هجڻ گهرجي، جيتري ڇوڪرن جي آهي، جبل چاڙهو ثمينه بيگ به بلند ترين چوٽيون سر ڪيون.