تازيون خبرون

Daily Archives: March 18, 2017

آمريڪا، ريلوي لائين تي فوٽو شوٽ ڪندڙ ماڊل فوت

ٽيڪساس (شوبز نيوز) آمريڪا جي رياست ٽيڪساس ۾ هڪ نوجوان ماڊل ريلوي لائين تي تصوير ڪڍرائي رهي هئي ته اوچتو سامهون ايندڙ ٽرين سان ٽڪرائجي فوت ٿي وئي، 19 سالن جي فريزانيا ٿامسن ريلوي لائين تي فوٽو ڪڍرائي رهي هئي ته ان وقت هڪ ٽرين اچي وئي ۽ ان سان ٽڪرائجي فوت ٿي وئي. ريلوي لائين تي بيٺل ان جي آخري تصوير شوشل ميڊيا تي اچي وئي آهي، مقامي پوليس موجب فريزانيا حادثي جي وقت ڳورهاري هئي، هو هڪ ٽرين مان لهڻ کانپوءِ ڀر واري ريلوي لائين تي تصوير ڪڍرائي رهي هئي ته ٻئي پاسي کان هڪ ٽرين اچي وئي ۽ ان کي ڪلچي هلي وئي، سندس امڙ مقامي اخبار سان ڳالهائيندي چيو ته اهو مرحومه جو پهريون فوٽو شوٽ هو ۽ هوءَ يقيني طور تي اهو پيشو  اختيار ڪرڻ چاهي پئي.

 

تمام جلد گرينڊ ورلڊ ٽور ”دبنگ“ ۾ سلمان خان سان گڏ پرفارم ڪنديس: بپاشا

ممبئي (شوبز نيوز) بالي ووڊ اداڪارا بپاشا باسو چيو آهي ته مان تمام جلد گرينڊ ورلڊ ٽور ”دبنگ“ ۾ سلمان خان سان گڏ پرفارم ڪنديس، جنهن لاءِ پرجوش آهيان. بپاشا باسو هيلٿ ميگزين جي ڪور لانچ دوران صحافين سان ڳالهائيندي چيو ته مان گرينڊ ورلڊ ٽور ”دبنگ“ ۾ سلمان خان سان گڏ پرفارم ڪرڻ لاءِ حد کان وڌيڪ پرجوش آهيان.هن چيو ته ان کان اڳ مان 2003ع ۾ سلمان خان سان گڏ پرفارم ڪيو هو، ان وقت مان ننڍي هيس ۽ ماڻهن اڳيان پرفارم ڪرڻ کان ڊڄندي هيس.27

 

ويسٽ انڊيز کان کٽي سڌو سئنون ورلڊ ڪپ کيڏڻ هدف آهي: سرفراز احمد

لاهور (اسپورٽس نيوز) ملڪي ون ڊي ۽ ٽي 20 ٽيم جي ڪپتان سرفراز احمد چيو آهي ته ٽنهي شعبن ۾ محنت جي ضرورت آهي، ڪوچن اسٽاف فٽنس ۽ فيلڊنگ تي ڏاڍو ڪم ڪيو آهي، شرجيل خان جي نه هجڻ سان ٽيم تي فرق پوندو پر ان جي جاءِ تي سٺا رانديگر مليا آهن، قذافي اسٽيڊيم ۾ ميڊيا سان ڳالهائيندي سرفراز احمد جو چوڻ هو ته ويسٽ انڊيز کان سيريز کٽي سڌو سنئون ورلڊڪپ کيڏڻ هدف آهي، ٽنهي شعبن ۾ محنت جي ضرورت آهي، ڪوچنگ اسٽاف فٽنس ۽ فيلڊنگ تي تمام گھڻو ڪم ڪيو آهي، سرفراز احمد وڌيڪ چيو ته محمد عامر ۽ وهاب رياض مان گھڻيون اميدون آهن، ڪامران اڪمل سٺي ڪاڪردگيءَ سان ٽيم ۾ جاءِ ٺاهي آهي، نوجوان رانديگرن کي موقعو مليو آهي، اميد آهي ته پرفارم ڪندا، ويسٽ انڊيز جي دوري دوران سٺو پرفارم ڪرڻ جي ڪوشش ڪنداسين.36

 

اسپاٽ فڪسنگ اسڪينڊل: شاهه زيب حسن به معطل

لاهور (اين اين آءِ)  پي سي بي اينٽي ڪرپشن يونٽ پاڪستان سپر ليگ ۾ اسپاٽ فڪنسگ جي الزام ۾ اوپنر شاهزيب حسن کي به چارج شيٽ جاري ڪندي هر قسم جي ڪرڪيٽ کيڏڻ کان معطل ڪري ڇڏيو آهي، پي سي بي پاران جاري ڪيل بيان موجب شاهزيب حسن لاهور جي قذافي اسٽيڊيم ۾ پي سي بي هيڊڪوارٽر ۾ اينٽي ڪرپشن يونٽ سان ملاقات ڪئي جتي کيس چارج شيٽ ڏني وئي، جنهن جو جواب کيس 14 ڏينهن اندر ڏيڻو پوندو، چارج شيٽ ۾ الزام لاڳو ڪيو ويو آهي ته هو سٽي بازن بابت انتظاميا کي دير سان ڇو ٻڌايو.

 

اقتصادي راهداري منصوبو ۽ ڪشمير تي ٿيندڙ ظلم…!!: غلام مصطفيٰ جمالي

جڏهن کان ڀارت خلاف ڪشمير اندر آزادي جي لهر گهُلي آهي،ان ڏينهن کان وٺي ڀارتي فوجين ڪشمير اندر ڪرفيو نافض ڪري ڇڏيو آهي.۽ ان ڏينهن کان وٺي نشي ۾ ڌت ڀارتي فوجين مظلوم ڪشميرين تي ظلمن جا انبار ڪيرائي ڇڏيا آهن.۽ ڀارت جي ظلمن جي هڪ ڊگهي قطار جيڪا ختم ٿيڻ جو نالو ئي نه پئي وٺي، جڏهن کان اڙي واقعي ٿيو آهي ان ڏينهن کان وٺي ڀارت آپي کان ٻاهر نڪري ويو آهي.۽ سندس مت وڃائجي چڪي آهي. هوُ هڪ زخمي نانگ وانگر جيڪو ڪنهن ماري کان موت جي ڊپ ۾ ڦونگارو  هڻي لڪي ويهي رهيو هجي ۽ پري کان صرف ڦونگارو هڻڻ ۾ پورو هجي، تنهن نانگ وانگر ڀارت ڦونگارو هڻي ويهي رهيو آهي. انڊيا جي وزير اعظم مودي سرڪار بيان ڏنو آهي  ته هنُ پاڪستان جي اڪيلو ڪري ڇڏيو آهي،ڪالهه وري به ڀارت جي وزيراعظم نيندر موڌي پاران هڪ بيان جاري ڪيو ويو هو هوُ پاڪ چين اقتصادي راهداري منصوبي جي خلاف آهي ڇو ته اقتصادي راهداري منصوبو ڀارت جي خدمختياري جي خلاف ورزي آهي،ڀارت جي ميڊيائي رپورٽ مطابق ته ڀارت جي دفاع واري وزير پارليامنيٽ اندر سالياني  دفاعي رپورٽ پيش ڪئي آهي جنهن اندر اهو ٻڌايو آهي،پاڪ چين اقتصادي راهداري منصوبو ڀارت جي خلاف آهي،مان سمجهان ٿو ته ڀارت هن وقت جيڪو مظلوم ڪشميرين جي ظلم ڪري رهي آهي، تنهن ڪري ڀارت کي اها خبر هجڻ گهرجي ته اڪيلو اهو هوندو آهي جنهن جو ڪو يار  دوست ناهي هوندو جڏهن ته پاڪستان اهو ملڪ آهي جنهن سان هر ملڪ دوستي جو هٿ وڌائڻ ٿو چاهي.ڀارت هن وقت جهڙي ريت بيان ڏئي رهيو آهي انهن کي ڏسي ڪري  دنيا حيرت ۾  آهي ته کيس آخر ڇا ٿي ويو آهي،بي گناهه ڪشميرن تي ظلمن جي انتها ڪري ڇڏي آهي،بي گناهه ڪشميرين کي هر روز ماريو پيو وڃي.جنهن مان اهو صاف ظاهر ٿي چڪو آهي ته ڀارت يقينن چريو پاڳل ٿي چڪو آهي،ڀارت اندر ايتري جنويت ڇو اچي وئي آهي.؟ سندس اندر جي باهه شعلا ٿي ڇو ڀڙڪي رهي آهي،؟ڇا مقبوضه ڪشمير اندر هن وقت آزادي جي تحريڪ زور وٺي وئي آهي، ان ڪري.؟ يا انهي جو ڪو ٻيو سبب  آهي وضايت ڪندو هلان ته نريندر مودي تي اندورني طور تي هڪ دٻاءُ پئجي چڪو آهي. انهي جي ڪري هو ڪا چال وڙهي رهيو آهي. ڪشمير اندر جيڪا آزادي جي تحريڪ هلي رهي آهي اها پهرين به هلي هئي. ها اها ڳالهه ضرور آهي ته انهي تحريڪ هاڻي زرو ورتو آهي، جنهن ڀارت جي فوجين کي رُڪ جا چڻا چِٻايا آهن،رهي ڳالهه ڀارت جي فوج مٿان حملي جو سوال.. ته اهي حملا پهرين کان ئي ٿيندا پيا اچن،جنهن ۾ ڀارت جا هزارين فوجي مارجي چڪا آهن،جنهن جا الزام ڀارت پهرين به پاڪستان تي ئي لڳائي چڪو آهي،جڏهن ته ڀارت جو وزيراعظم نريندر مودي ته اهڙو ڊارمي باز ماڻهو آهي جيڪو پنهنجي مٿان پوندڙ دٻاءُ جي باري ۾ ڪجهه به ڪري سگهي ٿو،اها به ڳالهه سچ آهي ته اڙي واقعو هڪ ڊرامو هوُ جيڪو ڀارت اڪثر ڪندو رهندو آهي،پر هن وقت ڀارت کي جيڪي پريشانيون آهن ۽  جنهن وجهه جي ڪري مٿس وڏي ۾ وڏو اندورني دٻاءُ پئجي رهيو آهي. اهو دٻاءٌ پاڪستان اقتصادي راهداري منصوبو آهي،جنهن ۾ پاڪستان جي ترقي آهي، جيڪا ڀارت کان ڏٺي ڪون ٿي ٿئي.ڇو ته جڏهن پاڪستان اقتصادي راهدري منصوبو مڪمل ٿيندو ته ڀارت پاڪستان جي اڳيان گوڏا کوڙڻ تي مجبور ٿي ويندو،جڏهن ته ڀارت انهي جي ڀيٽ اندر هڪ وڏو ملڪ ضرور هوندو پر اهيمت جي لحاظ کان هوُ ڀوٽان جي برابر به نه هوندو،جڏهن ته پاڪ چين اقتصادي راهداري سان پاڪستان، چين ۽ روس طاقت ۽ ترقي جي لحاظ کان سڀني ملڪن کان اڳ ڀرا  هوندا. جڏهن ته هي اهي ملڪ هوندا جيڪي خطي جي معاملن تي ڳاليهون ڪندا، دنيا جي سموري تجارت پاڪ چين اقتصادي راهداري منصوبي تحت ڪئي ويندي،انهي سموري معاملن اندر ڀارت هڪ تماشو ٿي ويندو،جيڪو صرف ۽ صرف ڏسندو رهندو جئين تيز هلندڙ ريل کي ڏسڻ لاءِ ماڻهو اکيون کوڙي ڏسندا آهن ۽ ريل تيز رفتاري تان گذري ويندي آهي ۽ ڏسڻ وارو ڏسندو ئي رهجي ويندو آهي،.ڀارت هن وقت  پاڪستاني جي ترقي جي راهه اقتصادي راهداري منصوبي کي روڪڻ لاءِ هر قسم جو حربو هلائي رهيو آهي ۽ پر ڀارت  هر حربي ۾ ناڪام ئي ويو آهي، کيس سندس پلي ۾ ڪجهه به نه پيو آهي.

ضرب عضب آپريشن جتي پاڪستان اندر دهشتگردن جون ڪوششون ناڪام ڪري کين ختم ڪيو آهي اُتي پاڪستاني فوج ڀارت جي ڪيترن ئي سازشن کي پڻ ناڪام ڪيو آهي،جڏهن ته ڀارت پاڪستان اندر دهشتگردي کي عام ڪرڻ جي ڪوشش ڪري دنيا کي اهو ٻڌائڻ ٿي چاهيو ته پاڪستان امن پرست ملڪ ناهي جنهن اندر اقتصادي راهداري منصوبو به ٿو جڙي سگهي، جڏهن ته پاڪستان جي بهادر فوج ڀارت جي هر ڪوشش کي ناڪام ڪيو.جڏهن ته اتر وزيرستان اندر دهشتگردن جي ٺڪاڻن کي تباه ڪري انهن علائقن اندر امن ڪرائي پاڪ چين منصوبي جو رستو آزاد ڪري ڇڏيو.جڏهن ته پاڪ افغانستان گيٽ کي تعمير ڪرائي ۽ ويزا سسٽم کي قائم ڪري دهشتگردن جي اچ وڃ کي به ملڪمل طور بند ڪري ڇڏيو،۽ دهشتگردي جا سمورا رستا بند ڪري ڇڏيا .دهشگردن جي اچ وڃ به مڪمل طور بند ٿي وئي ۽ ڀارت جي خفيه ايجنسي را جي دهشتگردي به بند ٿي وئي ۽ اهڙا اهڙا رستا به بند ٿي ويا جن رستن جي ڪري ڀارت پاڪستان اندر دهشتگردي ڪرڻ ۾ ڪامياب ويندو هوُ،جڏهن ته بلوچستان  ڀارت جو هڪ وڏو هدف آهي جتان هوُ پاڪستان اندر دهشتگردي ڪندو آهي،جتي ايران ۽ افغانستان جي سرحدن وٽ پنهنجو موثر نيٽ ورڪ قائم ڪري رکيو هوُ، پر اُن وقت ڀارت جا هوش خطا ٿي ويا جڏهن انهن علائقن مان ڀارت جي ايجنسي را جو ايجنٽ ڪلهوبشن ياديو گرفتار ٿيو،جيڪو ڀارت لاءِ ڪم ڪري رهيو هوُ،جنهن سان نه رڳو ڀارت جا حوصلا ختم ٿي ويا پر کيس سمجهه ۾ نه پئي آيو ته هوُ ڇا ڪري،پاڪ چين اقتصادي راهداري منصوبو ڀارت لاءِ اکين ۾ مرچ برابر آهي تنهن ڪري اهو منصوبو کيس هضم نه پيو ٿي،جڏهن ته ڀارت چاهيو پئي ته الطاف سان ملي ڪري ڪراچي جو امن به خراب ڪجي جئين ڪراچي جو خراب ٿيندڙ امن پاڪ چين اقتصادي راهداري منصوبي ۾ رڪاوٽ بڻجي پر ائين به ٿي نه سگهيو. الطاف کي ملڪ غدار قرار ڏنو ويو آهي ۽ باقي بچيل ايم ڪيو ايم پاڪستان زنده باد جا نعرا هڻڻ لڳي آهي،ان ڪري هاڻ ڀارت وٽ ڪو منصوبو رهيو ئي ناهي جنهن سان پاڪ چين اقتصادي منصوبي تي اثر پوي،پاڪ چين اقتصادي راهداري منصوبي جي ڪاميابي انڊيا کان ڏٺي ڪون ٿي ٿئي انهي ڪري هوُ پاڪستان جون ڪسرون مظلوم ڪشميرين مان ڪڍي رهيو آهي،پر اُتي به کيس تمام گهڻيون پريشانيون پيدا ٿي رهيون آهن، آزادي جي هلندڙ تحريڪ زور وٺي وئي آهي ۽ لڳندڙ ڪرفيو اندر به ڪشميرين جي عوام روڊن تي نڪري ڀارتي فوجين کي پٿرن سان زخمي ڪريو ڇڏي،پر انجي باوجود اڄ دنيا اندر ڀارت کي ظالم ۽ جابر ملڪ تصور ڪيو پيو وڃي..۽ ڀارت مظلوم ڪشمرين مٿان مسلسل ظلم ڪري آهي،جڏهن ته اهڙا ظلم ڀارت جي صرف ۽ صرف شڪت کي ظاهر ڪن ٿا ٻيو ڪجهه به نه، پاڪ چين  اقتصادي منصوبي کي روڪڻ لاءِ ڀارت ڪوششون ته تمام گهڻيون ڪري رهيو آهي پر سندس هر ڪوشش ناڪام ٿيندي پئي وڃي. جنهن جي ڪري کيس پنهنجي ئي ناڪامي ڏسڻ ۾ اچي رهي آهي جنهن جي ڪري هوُ پنهنجو مٿو پاڻ پٽي رهيو آهي،

 

 

آءُ انسان هوندي انسانيت جو ويري ٿي پوندو آهيان: تحرير ربنواز راز ڄا مڙو

ضروري ٿو سمجھان ته انسانجي  هڏ ڪاٺ ۽ قد بت جي ڳالھ ڪرڻ کان پهريان انسان جو شروعاتي تعارف پيش ڪيان  سڀ کا پهريان هڪ ئي وقت ڪافي سارا روح پيدا ڪيا ويا جن کي رب پاڪ پنهنجي عبادت لاءِ پيدا ڪيو پوءِ انهن کان هڪ واعدو ورتو ويو  بعد ۾ مٽي ، پاڻي باھ ۽ هوا جي ميلاپ سان هڪ جسم تخليق ڪيو ويو ان ۾ روح کي داخل ٿيڻ جي اجازت ملي ان جسم  ۾ کوڙ سارا پرذا فٽ ڪيا ويا  جن ۾  اکيون ، ڪن ، نيڻ وار ، هڏا ، گوشت ، وات ، ڏند ، هٿ ، پير ، ڄنگھون ، دل ، دماغ ، چمڙي شامل ڪري ڪري منهنجو هڪڙو ڍانچو جوڙيو ويو.   ڪي مون کي انسان ته ڪي مين ، ته آدمي ته ڪي ماڻهون چوندا آهن . مون ۾ پنج حواس به آهن جيڪي منهنجي چکڻ ، ٻڌڻ ، ڏسڻ ، ڇهڻ ۽ سنگھڻ جي ڪم ايندا آهن اکين سان مان ڏسندو آهيان ڪنن  سان مان ٻڌندو آهيان زبان سان مان چکندو آهيان . کل سان مان ڇهندو آهيان اکين سان مان ڏسندو آهيان نڪ سان مان سگھندو آهيان ٽوٽل آهيان 6 فٽن جي قدامت رکندڙ پر ڪم ڪاريون وڏين وڏين مشينن جيترا سر انجام ڏيندو آهيان سڀ ڪم منهنجي کاٻي هٿ جو کيل آهن جيڪو چاهيندو آهيان سو ڪري وٺندو آهيان . آهيان ته اهو ئي آدم عه جي اولاد پر منهنجو سرجڻهار پر منهنجو ، مالڪ پوري ڪئنات جو خالق آهي جيڪو وڏو مهربان ۽ ٻاجھارو آهي هن پنهنجي قدرت سان زمين ۽ آسمان منهنجي جوڙي مون انسان کي حيران ڪري ڇڏيو آهي . هي وڏا وڏا پهاڙ ، هي هي زمين جي مٿاڇري تي گڏ ٿيل پاڻي ڏسي ڪنهن مهل دل ساڪن ٿي ڌڙڪڻ ئي روڪي ڇڏيندي آهي پر ڪڏهن وري خالق ڪائنات جو ڊپ وسري ويندو آهي ۽ آءُ انسان هوندي انسانيت جو ويري ٿي پوندو آهيان ۽ منهنجو نظرون اوچيون ٿي وينديون آهن ۽ جيت جڻيا به منهنجي پيرن هيٺان چيڀاٽجي ويندا آهن . جڏهن مان شروعاتي تخليق هيس ته منهنجو قد حيرت جوڳو هو اگر مان پنهنجي قدامت جي ڳالھ ڪري ويهندس ته اوهان يقين ئي نه ڪندوءُ انڪري مان پاسڙو وٺي اهو چوندس ابتدائي  مرحلن مان جھنگن ۽ ٻرن ۽ غارن ۾ رهندو هيس کائڻ پائڻ جي خبر ڪانه هوندي هئي نه اڏامڻ جي خبر هئي نه سواري ڪرڻ خبر هئي جيئن ۽ جتي جي بنياد تي جيئرو رهندو هئس جيڪا شيءِ ايندي هئي بس هڙپ ڪري ڇڏيندو هئس آهستي آهستي زندگي گھڻو ڪجھ سيکاري ورتو ۽ منهنجي سوچ ۾ تبديليون آيون پٿرن واري دور ۾ ٿيندو اچي ماڙين محلاتن ۾ رهڻ سکيو آهي . جڏهن کان علم مون تائين پهتو آهي تڏهن کان منهنجا ڀاڳ ٻيڻا ٿي پيا آهن  پاڻي ۾ پن کي ترندو ڏسي مان ٻيڙي ايجاد ڪئي جڏهن مان جانور کي گھمندي ڏٺو ته سائيڪل ايجاد ڪئي جڏهن مان پکي  اڏامندي ڏٺو ته هوائي جهاز ايجادڪيو. جڏهن آسمان تي کنوڻ کي ڇمڪندي ڏٺو ته بجلي ايجاد ڪئي جڏهن ٻن پٿرن کي پاڻ ۾ گسندي ڏٺو ته باھ ايجاد ڪئي جڏهن درياھ اڳيان رڪاوٽ بڻيا ته پليون ايجادڪيون جڏهن بيماريون ازلي دشمن بڻيون ته ڊاڪٽر بڻيا جڏهن رستن جي جھيڪن جيئڻ جنجال ڪيو ته انجنيئر بڻيا هن وقت دنيا منهنجي ٻن آڱرين جي اشاري تي هلي رهي آهي ٻن پيرن تي ڪندو آهيان نڪ سان هر بد بوءِ ۽ سرهاڻ کي جلدي محسوس ڪري وٺندو آهيان ڪنن سان هر  قسم جو گوڙ  ٻڌي سگھندو آهيان زبان سان ڪوڙاڻ ، کٽاڻ ، مٺهاڻ جي خبر لهي وٺندو آهيان ڪنهن شي ءِ کي ڌڪڻ ڇهڻ جو ڪم وري چمڙي کان وٺي وٺندو آهيان . جيڪڏهن بدلجي پوان ته پهاڙ به منهنجي اڳيان لا به حيثيت نه رکندا آهن . انهن کي به اکيڙي مسمار ڇڏيندو آهيان هاڻي ته وڃي ٺٺ ٿيان آهن ڏکن جا ڏينهن ويا هاڻي زندگي مان مزو پيو ماڻيان هاڻي ته انسان پاڻ جهڙو ڪير به ڪنهن مڃ ئي ڪو نه ٿو توڙي جو اهي هڪ ئي آدم جي اولاد آهن ماڻهن مون کي هاڻي صحيح سڃاتو آهي مان ڪير آهيان مان ساڳيو ئي انسان آهيان فقط ويس ۽ سوچ بدلائي آهي مون کي ناز آهي پنهنجي انسانيت تي مان ڪيترو نه نازڪ ۽ نفيسٽيڪنالاجي انسان ذات کي تباهه ڪري سگهي ٿي. هڪ عالمي حڪومت ئي اسان جي واحد اميد ٿي سگهي ٿي جنهن کي پوري سان دنيا سان ملي گڏجي ڪم ڪرڻو پوندو تڏهن وڃي ايندڙ وڏين ڏکين مصيبتن کي منهن ڏيئي سگهجي ٿو. انسان ذات کي بچائڻ لاءِ ان کان سواءِ ٻيو ڪو به حل ناهي اهڙين ڳالهين جو اظهار پروفيسر اسٽيفن هاڪنگ ڪيمبرج يونيورسٽي ۾ خطاب ڪندي ڪيو. هن جو وڌيڪ چوڻ هو ته انسان پنهنجو پاڻ پنهنجي هٿن سان بربادي جو سامان گڏ ڪري رهيو آهي. ٽيڪنالاجي هڪ نه هڪ ڏينهن انسان ذات کي تباهه ڪري ڇڏيندي. بنا ڊرائيور جي پاڻمرادو هلندڙ گاڏين ماڻهن کي بي روزگار ڪري ڇڏيو آهي، روبوٽ، پلوشن، ڪلائمينٽ چينج، خوراڪ جي گهٽتائي ۽ اقوامي متحدا جي خود غرضي اسان کي تباهي ڏانهن ڌڪي رهيون آهن. جنهن سان اثر ڏينهون ڏينهن وڌندا ويندا ۽ ڪجهه نتيجا اسان جي سامهون آهن. جيڪڏهن سڀ ڪجهه ائين هلندو رهيو ته جلد ئي دنيا مان انسان ذات جو خاتمو ٿي ويندو. هن مسئلن کي حل ڪرڻ لاءِ پروفيسر عالمي حڪومت کي هڪ رپورٽ ڏني آهي جنهن ۾ چيو ويو آهي ته سڀني کي خود غرضي ڇڏي ايندڙ مسئلن کي منهن ڏيڻ لاءِ سڀني کي گڏ ڪم ڪرڻو پوندو ائين نه ٿيو ته انسان ذات جو تصور ئي ختم ٿي ويندو.

انسان جي جسم مان ساهه نڪرڻ کان پوءِ به دماغ جون سرگرميون ۱۰ منٽن کان وڌيڪ جاري رهنديون آهن. اها دعويٰ ڪينيڊا ۾ ٿيل هڪ طبي تحقيق ۾ سامهون آئي آهي. ويسٽرن اونٽاريو يونيورسٽي جي تحقيق ڪندڙن کي اهو تجربو آئي سي يو ۾ انهي وقت ٿيو جڏهن هڪ مري ويل شخص جو دماغ سندس مري وڃڻ کان پوءِ به ڪم ڪري رهيو هو. انهي ڪيس ۾ ڊاڪٽرن ٻيا معائنا جيئن دل جي ڌڙڪڻ بيهي وڃڻ ۽ جسم جون نسون بيهي وڃڻ وغيرا کان پوءِ به مريض کي مئل قرار ڏنو، پر ٽيسٽ مان ثابت ٿيو ته سندس دماغ بدستور ڪم ڪري رهيو هو. حقيقت ۾ دماغ جو لهرون بلڪل انهي طرح ڪم ڪري رهيو هيون جيئن ڪو انسان ننڊ وقت ڪندو آهي. تحقيق دوران ڊاڪٽرن ڏٺو ته سنگل دماغ جي لهر انهي وقت به حرڪت ڪري رهي هئي، جڏهن رڳن جو بلڊ پريشر ۽ دل جو هلڻ ختم يا بيهي رهيو هو. تحقيق دوران چار مان رڳو هڪ شخص ۾ ڊگهي وقت تائين انهي پراسرار دماغي سرگرمي ڏٺي وئي پر ٻين جي جسماني طور تي موت کان ڪجهه منٽن تائين دماغي رويو بلڪل مختلف نظر آيو. تحقيق ڪندڙ جي خيال ۾ اهو اسرار وڌي وڃي ٿو، دماغ سان گڏ موت کان پوءِ ڇا ٿيندو آهي هينئر تائين انهي جو جواب ڪنهن کي نه ملي سگهيو آهي. تحقيق ڪندڙ جو چوڻ هو ته انهي سرگرمي جو ڪارڻ هينئر خبر نه پئجي سگهي آهي ۽ اهو تجربو ڪنهن غلطي جو نتيجو نٿو چئي سگهجي، ڇو ته سڀئي اوزار بلڪل صحيح ڪم ڪري رهيا هئا.

 

فوجي عدالتن جي مدي ۾ واڌ تي سياسي پارٽيون راضي ٿي ويون…!

ڏيڍ مهيني جي ڪوشش بعد گذريل ڏينهن سياسي جماعتن وچ ۾ فوجي عدالتن جي مدي ۾ واڌ تي اتفاق ڪيو ويو آهي، اسيپڪر قومي اسيمبلي اياز صادق جو چوڻ آهي ته سڀني جماعتن جي اها راءِ هئي ته اهو قومي مفادن جو معاملو آهي، جي يو آءِ، جماعت اسلامي کي مذهب جي لفظ تي اعتراض هو، جڏهن ته پيپلزپارٽي جي 9 مان چئن مطالبن تي اتفاق ٿي ويو آهي، ان حوالي سان ترميمي مسودو قومي اسيمبلي ۾ پيش ڪيو ويندو، جيڪو ايندڙ سومر تي منظور ڪيو ويندو. اڱاري تي سينيٽ ۾ ترميمي بل پيش ڪيو ويندو، پاڪستان حالت جنگ ۾ آهي، فوجي عدالتن جي مدي ۾ ٻن سالن جي واڌ تي اتفاق ڪيو ويو آهي. هاڻي پارلياماني ڪميٽي جوڙي ويندي، جيڪا فوجي عدالتن جي معاملي ۽ ملڪي سلامتي کي ڏسندي. ناڻي جي وزير اسحاق ڊار جو چوڻ هو ته پارلياماني ڪميٽي سيڪيورٽي ۽ فوجي عدالتن جي معاملي جو جائزو وٺندي، آئيني ترميم ۽ آرمي ايڪٽ تي مڪمل اتفاق ٿي ويو آهي.

پيپلز پارٽي اڳواڻ اعتزاز احسن چيو آهي ته فوجي عدالتن جي مدت ۾ واڌ تي اتفاق ٿيو آهي، ان معاملي تي اسان کي خدشا هئا، جيڪي ختم ٿي ويا، اسان جي نڪتن کي تسليم ڪيو ويو آهي، بلاول نيشنل سڪيورٽي ڪميٽي جي تجويز ڏني هئي، اميد ٿا ڪريون ته ڪميٽي بڻجندي ته بلاول جي مطالبي موجب هوندي، فوجي عدالتن جي مدي ۾ 2 سال واڌ تي راضي آهيون، عبارت طئي ٿي چڪي آهي، ان کي ايڪٽ ۾ تبديل ڪرڻو آهي، مسودي کي سومر ڏهاڙي قومي اسيمبلي ۾ پيش ڪيو ويندو، ملٽري ڪورٽس ۾ سيشن ججز جي لاءِ اسان زور نه ڀريو.

پي ٽي آءِ جي وائس چيئرمين شاهه محمود قريشي چيو آهي ته ان ڳالهه تي اتفاق ڪيو ويو آهي ته ڪنهن به خاص مذهبي طبقي کي نشانو نه بڻايو ويندو، جڏهن ته اڄ ٻيهر ثابت ٿي ويو ته جمهوريت جا نتيجا هميشه سٺا نڪرندا آهن، ٻه ڀاڱي ٽي جي اڪثريت سان بل پاس ٿي سگهيو پئي، پر اتفاق راءِ سان بل پاس ٿئي ته ان جي خوبصورتي وڌيڪ هوندي آهي. فوجي عدالتن ۾ سيشن ججن جي مقرري تي اسان زور ناهي ڀريو.