تازيون خبرون

Daily Archives: March 18, 2017

سنڌ حڪومت ايمبولينس سروس شروع ڪري ڇڏي، گهربل وسيلا فراهم ڪرڻ جو اعلان

ڪراچي (17 مارچ) پاڪستان پيپلز پارٽي جي چيئرمين بلاول ڀٽو زرداريءَ چيو آهي ته سنڌ حڪومت ٺٽي ۽ سجاول ۾ صحت جي سهولتن کي بهتر بڻائيندي سنڌ پيپلز ايمبيولنس سروس شروع ڪري شهيد محترمه بينظير ڀٽو جي خواب کي حقيقت جو روپ ڏنو آهي. هن اها ڳالهه اڄ وزيراعليٰ هائوس جي بينڪيوئٽ هال ۾ ٺٽي ۽ سجاول لاءِ سنڌ پيپلز ايمبيولنس سروس جي افتتاحي تقريب کي خطاب ڪندي ڪئي. هن چيو ته شهيد بينظير ڀٽو پاڪستان جي پهرين عورت وزيراعظم هئي ۽ شهيد ذوالفقار علي ڀٽو معاشري جي سمورن طبقن لاءِ بهترين خدمتن جي فراهمي لاءِ تمام گهڻو ڪم ڪيو. هن چيو ته سنڌ حڪومت امن فائونڊيشن سان گڏيل شراڪت سان ايمبيولنس سروس شروع ڪري اسان جي قيادت جي خواب کي حقيقت جو روپ ڏئي ڇڏيو آهي. چيئرمين بلاول ڀٽو زرداري چيو ته ٺٽي ۽ سجاول جي 200 کان وڌيڪ مقامي رهواسين کي سندن لاڳاپيل علائقن ۾ ايمرجنسي هيلٿ سروس جي فراهميءَ جي تربيت ڏني وئي آهي. هن چيو ته هي هڪ نئين جهد جي شروعات آهي جنهن تحت ٺٽي ۽ سجاول جي غريب ماڻهن کي ٽرانسپورٽ جي بهترين سهولت مهيا ٿيندي، جڏهن ته سنڌ حڪومت ڀرپاسي جي علائقن ۾ صحت جي سهولتن جي فراهميءَ ۽ ان کي بهتر بڻائڻ لاءِ ڪم ڪيو آهي. هن چيو ته پاڪستان پيپلز پارٽي جي قيادت جي ڏاهپ تحت سنڌ حڪومت صوبي جي ماڻهن کي بهترين سهولتن جي فراهميءَ شروع ڪئي آهي ۽ ان (ايمبيولينس) سروس جي دائري کي صوبي جي ٻين ضلعن تائين وڌايو ويندو. وڏي وزير سيد مراد علي شاهه چيو ته اڳوڻي صدر آصف علي زرداريءَ صوبي ۾ پبلڪ پرائيوٽ پارٽنرشپ (پي پي پي) جو فروغ چاهن ٿا، کين جڏهن پاڪستان جي صدر جو عهدو سنڀاليو هو ته بحيثيت پاڪستان جي صدر هن سنڌ حڪومت ۽ سندن (جڏهن مان ناڻي وارو صوبائي وزير هيس)  رهنمائي ڪئي هئي ۽ پي پي پي موڊ تحت ڪيترن کي ميگا پروجيڪٽس شروع ڪيا ويا. هن چيو ته آصف علي زرداريءَ جي گائيڊ لائينز جي پيروي ڪندي سنڌ حڪومت پي پي پي موڊ تحت ميگا پروجيڪٽس شروع ڪيا، جن ۾ سنڌو درياهه تي جهرڪ-ملاڪاتيار پُل، حيدرآباد-ميرپورخاص روڊ ۽ ٻيا منصوبا شامل آهن. سيد مراد علي شاهه چيو ته هن پنهنجي سياسي قيادت جي رهنمائيءَ تحت سنڌ صوبي ۾ تعليم ۽ صحت وارين سهولتن کي بهتر بڻائڻ لاءِ سخت محنت ڪئي آهي. هن چيو ته ٺٽي ۽ سجاول ۾ امن فائونڊيشن سان گڏيل شراڪت سان ايمبيولينس سروس شروع ڪرڻ پهريون قدم آهي. هن چيو ته اهڙي قسم جون سهولتون هر ضلعي ۾ شروع ڪيون وينديون. هن سنڌ واسين کي يقين ڏياريون ته صحت جون بهترين سهولتون فراهم ڪيون وينديون. سنڌ حڪومت امن فائونڊيشن سان گڏيل شراڪت تحت سنڌ پيپلز ايمبيولينس سروس شروع ڪئي آهي جنهن جو سجاول ۽ ٺٽي ۾ ڪالنگ ڪوڊ 1036 آهي. هن چيو ته اٽڪل 206 مقامي رهواسين کي چونڊي ڪري ۽ سندن تربت ڏئي وئي صوبي جي ٻن ضلعن ٺٽي ۽ سجاول ۾ ماڻهن کي ايمرجنسي هيلٿ سروسز جي فراهميءَ لاءِ مقرر ڪيو ويو آهي. هن ٻڌايو ته 25 ايمبيولينسز ذريعي ان منصوبي جي شروعات ڪئي وئي آهي ۽ انهن ايمبيولنسز ۾ زندگي بچائڻ جو سموريون بنيادي سهولتون ۽ اوزار موجود آهن، انهن 25 ايمبيولنسز مان 12 ٺٽي ۽ 10 سجاول کي ڏنيون ويون آهن ۽ باقي 3 بيڪ اپ ۾ رکيون ويون آهن. انهن ايمبيولنسز جي آپريٽنگ تي خرچ تقريبن 268.31 ملين رپيا ايندو. ان موقعي تي سيڪريٽري صحت ڊاڪٽر فضل الله پيچوهي به خطاب ڪيو ۽ ايمبيولينس سروس جي آپريشن بابت بريفنگ ڏني ۽ امن فائونڊيشن جي سي اي او ملڪ احمد جلال پڻ خطاب ڪيو ۽ ان به ان سروس جي آپريشن بابت بريفنگ ڏيندي يقين ڏياريو ته اهو ٺٽي ۽ سجاول ۾ بهتري ۽ موئثر سروس ثابت ٿيندي. انهيءَ اڳ چيئرمين بلاول ڀٽو زرداريءَ ربن ڪاٽي سروس جو افتتاح ڪيو ۽ بعد ۾ سندن ايمبيولنسز ۾ لڳل اوزارن ۽ سهولتن بابت بريفنگ ڏني وئي.

 

مردم شماري: وفاق سنڌ حڪومت جون تجويزون مڃڻ کان انڪار ڪري ڇڏيو

اسلام آباد(ويب ڊيسڪ) وفاق مردم شماري جي عمل کي شفاف بڻائڻ جي حوالي سان سنڌ جي تجويزن کي مڃڻ کان انڪار ڪري ڇڏيو آهي. چيف شماريات آصف باجوه ٻڌايو ته ناڻي واري وزير اسحاق ڊار سنڌ جي وڏي وزير جي خط جو جواب ڏئي ڇڏيو آهي. شماريات واري چيف آصف باجوه جيو نيوز سان ڳالهائيندي چيو ته ناڻي واري وفاقي وزير اسحاق ڊار سيد مراد علي شاهه جي خط جو جواب ڏيندي لکيو آهي ته روزاني جي بنياد تي هر ضلعي جي سطح تي ڊيٽا نٿي ٻڌائي سگهجي. خط ۾ چيو ويو آهي ته جيڪڏهن سنڌ حڪومت پنهنجو ڪو نمائندو موڪلي ته ان کي اسلام آباد ۾ انگ اکر جي عمل ۾ گواهه جي طور تي شامل ڪري سگهجي ٿو. آصف باجوه چيو آهي ته اسان عملي جي ڪنهن ميمبر کي پينسل ناهي ڏني, ڪا به وڏي عمارت ڳڻپ نمبر کان ناهي رهجي وئي، جيڪڏهن ڪا رهجي وئي آهي ته نشاندهي ڪئي وڃي، نمبر لڳايو ويندو، هن چيو ته اسان جي عملي سائي رنگ جي جيڪٽ پهري رکي آهي، گهر شماري عملي جي زبردستي گهر ۾ داخل ٿيڻ جي به شڪايت آئي هئي، اسان وٽ 10 سيڪڙو تربيت يافته عملو موجود آهي، موڪلي رهيا آهيون، عملي سان گڏ هڪ فوجي جوان آهي، عملي کي ڪارڊ به پاتل آهي، ان نشاندهي کان علاوه ڪو به فرد آدمشماري وارو ناهي، هن چيو ته جيڪڏهن ڪنهن شهري کي شڪ آهي ته آدمشماري عملي کان سڃاڻپ معلوم ڪري، عدالتي حڪم تي 3 ڪالم جو اضافو ڪيو آهي، سمورن علائقن ۾ آدمشماري ڪرڻي آهي، ڪو به علائقو نه ڇڏيو ويندو، چيف ڪمشنر سينسس چيو ته آدمشماري جي عمل کي اڳتي وڌائڻ جي ڪا تجويز غور هيٺ ناهي، جيڪڏهن ڪنهن جڳهه تي هدف پورو نه ٿي سگهيو ته اضافي عملو مقرر ڪيو ويندو.

 

ايف سي جي چيڪ پوسٽ تي حملو، 2 بمبارن سميت 6 دهشتگرد مارجي ويا،3 جوان شهيد

خيبرايجنسي/شبقدر(ويب ڊيسڪ) پاڪ افغان بارڊر تي ايف سي چيڪ پوسٽ تي دهشتگردن جي حملي ۾ 2 جوان شهيد جڏهن ته جوابي فائرنگ ۾ 6 دهشتگرد مارجي ويا. آءِ ايس پي آر موجب پاڪ افغان بارڊر تي دهشتگردن سرحد پار کان ايف سي جي چيڪ پوسٽ تي حملو ڪيو تنهن هوندي پاڪ فوج دشمنن کي منهن ٽوڙ جواب ڏيندي 6 دهشتگردي کي دوزخ ڀيڙو ڪيو. دهشتگردن جي فائرنگ سبب ايف سي جا 2 جوان به شهيد ٿي ويا. آءِ ايس پي آر جو چوڻ آهي ته واقعي کان پوءِ فورسز جو دهشتگردن خلاف سرچ آپريشن به جاري آهي. ٻئي طرف چارسده(ويب ڊيسڪ) خيبرپختونخواهه جي علائقي شبقدر ۾ ايف سي ٽريننگ سينٽر تي دهشتگردن طرفان آپگهاتي حملي جي ڪوشش ناڪام بڻائيندي سيڪيورٽي فورسز ٻن آپگهاتي بمبارن کي ماري ڇڏيو جڏهن ته هڪ اهلڪار شهيد ۽ 2 زخمي پڻ ٿي پيا. تحصيل شبقدر ۾ مچني جي علائقي عائشه ڪورونا ۾ دهشتگردن ايف سي ٽريننگ سينٽر کي نشانو بڻائڻ جي ڪوشش ڪئي جنهن کي ناڪام بڻايو ويو ۽ فائرنگ جي ڏي وٺ ۾ 2 آپگهاتي بمبار مارجي ويا. فائرنگ دوران ايف سي جو هڪ جواب به شهيد ٿي ويو جڏهن ته 2 زخمي ٿي پيا جن کي طبي امداد جي لاءِ ٽي ايڇ ڪيو شبقدر منتقل ڪيو ويو آهي.

 

ملڪ سميت سنڌ ۾ گھر شماري جاري، ڪيترن ئي علائقن ۾ ٽيمون نه پهتيون

ڪراچي (ويب ڊيسڪ) آدمشماري جي پهرين مرحلي دوران ڪراچي ڊويزن، حيدرآباد ۽ گهوٽڪي ضلعي ۽ سيوهڻ تعلقي سميت ملڪ جي 63 ضلعن ۾  گهر شماري جو اڄ آخري ڏينهن آهي، ڪراچي سميت سنڌ جي مختلف علائقن ۾ اڄ به ٽيمن جي نه پهچڻ جون شڪايتون ملي رهيون آهن، ڪراچي ڊويزن، حيدرآباد ۽ گهوٽڪي ضلعن توڙي ڄامشوري ضلعي جي سيوهڻ تعلقي ۾ اڄ آخري ڏينهن به گهرن جي ڳڻپ ڪئي پئي وڃي، گهر شماريءَ جي اڄ آخري ڏينهن اڪثر علائقن ۾ شماريات کاتي جون ٽيمون نه پهچي سگهيون آهن، جنهن ڪري ڪيترن ئي علائقن ۾ گهر ڳڻپ کان رهجڻ جو کٽڪو آهي، گهر شماريءَ جو مرحلو ختم ٿيڻ بعد سڀاڻي کان ماڻهن جي ڳڻپ ڪئي ويندي، جيڪا 28 مارچ تائين جاري رهندي، آدمشماري ٽيمن جي سڪيورٽي لاءِ پوليس ۽ رينجرز سان گڏ پاڪ فوج جا جوان به فرض انجام ڏئي رهيا آهن، گهوٽڪي جي امام بارگاهه پاڙي، ڳوٺ قادل شر ۽ ڳوٺ حضور بخش چاچڙ ۾ آدمشماري ٽيمون گهرن جي ڳڻپ کان سواءِ ئي واپس موٽي ويون، ڳوٺاڻن الزام هنيو آهي ته آدم شماري عملي گهرن ۾ مرد موجود نه هئڻ جو جواز ڄاڻائي گهر شماري نه ڪئي، ڪنٽرول روم جي انچارج جو چوڻ آهي ته شڪايتن جي ازالي لاءِ فوري طور هدايتون جاري ڪيون ويون آهن، واضح رهي ته گهرشماري جي پهرين ڏينهن پينسل ذريعي گهرن جي ڳڻپ وارا فارم ڀريا ويا، جنهن جون مختلف علائقن مان شڪايتون اچڻ کان پوءِ انتظاميا حرڪت ۾ اچي وئي هئي.36

 

حڪومت صحافين جي پيشيوراڻي تربيت جي منصوبي تي ڪم ڪري رهي آهي: مريم اورنگزيب

اسلام آباد (ويب ڊيسڪ): سڌ سماءَ واري مملڪتي وزير مريم اورنگزيب چيو آهي ته حڪومت صحافين جي پيشيوراڻي تربيت جي منصوبي تي ڪم ڪري رهي آهي، اميد آهي ته صحافين جي تربيتي پروگرام ۾ يورپي يونين سهڪار ڪندو، هن چيو ته پاڪستان يورپي يونين سان لاڳاپن کي تمام گهڻي اهميت ڏيندو آهي، مملڪتي وزير چيو ته وزيراعظم نواز شريف اظهار جي آزادي تي يقين رکي ٿو، جمهوريت، آزاد معاشري لاءِ اظهار جي آزادي اڻٽر آهي، هن چيو ته صحافين يج ڀلائي لاءِ حڪومت ڪيترائي قدم کنيا آهن، پاڪستان جو مثبت رخ اجاگر ڪرڻ لاءِ قومي ثقافت کي اجاگر ڪري رهيا آهيون، هن چيو ته وزيراعظم جي ويزن مطابق تفريحي سرگرمين لاءِ فلم پروڊڪشن جي جامع پاليسي بڻائي رهيا آهيون، معياري پروڊڪشن سان عوام کي سماجي ۽ اقتصادي ترقي کان آگاهي حاصل ٿيندي.

 

پيپلز پارٽي هميشه بلوچستان جي عوام جي حقن لاءِ جدوجهد ڪئي آهي: آصف زرداري

ڪراچي (ويب ڊيسڪ): بلاول هائوس ترجمان پنهنجي پڌرائي ۾ ڄاڻايو آهي ته اڳوڻي صدر آصف زرداري سان سردار اختر مينگل ۽ سردار اسرارالله زهري ملاقات ڪئي آهي، ملاقات ۾ پيپلز پارٽي چيئرمين بلاول ڀٽو زرداري، اڳوڻو وزيراعظم يوسف رضا گيلاني ۽ علي مدد جتڪ به موجود هئا، ترجمان موجب آصف علي زرداري کي بلوچستان صورتحال بابت آگاهه ڪيو ويو، آصف زرداري چيو ته پيپلز پارٽي هميشه بلوچستان جي عوام جي حقن لاءِ جدوجهد ڪئي آهي، پيپلز پارٽي ”آغاز حقوق بلوچستان“ پروگرام شروع ڪيو، آصف زرداري چيو ته جمهوريت جي مضبوطي سان ئي صوبن جي حقن جو تحفظ ٿي سگهي ٿو.

 

آرمي چيف جي چين جي پرڏيهي وزير سان ملاقات، مختلف معاملن تي ڳالهيون

راولپنڊي(ويب ڊيسڪ) آرمي چيف قمر جاويد باجوه سان چيني پرڏيهي وزير بيجنگ ۾ ملاقات ڪئي. آءِ ايس پي آر آرمي چيف جنرل قمر جاويد باجوه ۽ چيني پرڏيهي وزير وچ ۾ بيجنگ ۾ ملاقات ٿي آهي جنهن ۾ علائقائي امن ۽ مضبوطي تي ڳالهيون ڪيون ويون.  چيني پرڏيهي وزير چيو ته سي پيڪ کي حقيقت بڻائڻ جي لاءِ پاڪستان جون ڪوششون تعريف جوڳيون آهن ۽ پاڪستان جي مڪمل حمايت جاري رکنداسين. چيني پرڏيهي وزير امن امان جي حوالي سان پاڪستاني ڪاوشن جي تعريف ڪندي چيو ته علائقائي امن ۽ مضبوطي جي لاءِ پاڪستان جو ڪردار اهم آهي.  آءِ ايس پي آر موجب آرمي چيف جنرل قمر جاويد باجوه ان موقعي تي چيو ته پاڪستان چين سان مضبوط دوستي کي ساراهي ٿو ۽ جوش ۽ جذبي سان ان دوستي کي اڳتي وڌائڻ چاهي ٿو. آرمي چيف اهم مسئلن تي پاڪستان جي سفارتي حمايت تي چين جا ٿورا مڃيا.ا

 

پاڪستان ۾ ايندڙ پي ايس ايل تحريڪ انصاف جي دور ۾ ٿيندو: عمران خان

اسلام آباد (ويب ڊيسڪ): پي ٽي آءِ سربراهه عمران خان چيو آهي ته پاڪستان ۾ ايندڙ پي ايس ايل تحريڪ انصاف جي دور ۾ ٿيندو، هن چيو ته پاڪستان سپر ليگ ڦٽيچر نجم سيٺي کان سٺو ڪنداسين، اسان پاڪستان ۾ علائقائي ڪرڪيٽ جو نظام آڻينداسين، اسان اهڙي ٽيم ٺاهينداسين، جيڪا ورلڊ ڪپ کٽي اچي، عمران خان چيو ته اسان خيبر پختونخواهه ۾ 70 اسپورٽس گرائونڊ بڻائي چڪا آهيون، پي سي بي کي هڪ ادارو بڻائينداسين، اسان ريلو ڪٽن نه ٻاهرين ڪوالٽي وارن رانديگرن کي آڻينداسين، گرائونڊ هوندا ته نئون ٽئلينٽ سامهون ايندو، پي ٽي آءِ سربراهه چيو ته راندين مان سفارشي نظام جو خاتمو آڻينداسين.

 

خيبر ايجنسي: شلمان ۾ ڄاڃين سان ڀريل گاڏي کاهيءَ ۾ ڪري پئي، 5 ڄڻا فوت، 10زخمي

خيبر ايجنسي (ويب ڊيسڪ) خيبر ايجنسيءَ جي علائقي شلمان ۾ ڄاڃين سان ڀريل گاڏي اونهي کاهيءَ ۾ ڪرڻ جي نتيجي 5 ڄاڃي فوت جڏهن ته 10 ڄڻا زخمي ٿي پيا آهن، شروعاتي اطلاعن موجب خيبر ايجنسيءَ جي ويجھي علائقي ۾ شلمان ۾ ڄاڃين سان ڀريل مني بس ڊرائيور جي ڪنٽرول مان نڪري اونهي کائيءَ ۾ ڪري پئي، حادثي جي نتيجي ۾ عورت سميت 5 ڄڻا فوت ٿي ويا، جڏهن ته خوفناڪ حادثي جي نتيجي ۾ 10 ڄڻا زخمي ٿي پيا آهن، حادثي کان پوءِ امدادي ٽيمون واقعي واري هنڌ پهتيون جن لاشن ۽ زخمين کي ويجھي اسپتالن ڏانهن پهچايو، خوفناڪ حادثي جي نتيجي ۾ ڪيترن ئي زخمين جي حالت ڳڻتيءَ جوڳي آهي، فوتين جي انگ وڌڻ جو کٽڪو ظاهر ڪيو پيو وڃي.36

 

گستاخ مواد ڪيس، پاڪستان ۾ ناروي جو آئين نه ٿو هلي سگھي: اسلام آباد هاءِ ڪورٽ

اسلام آباد (اين اين آءِ) اسلام آباد هاءِ ڪورٽ جي جسٽس شوڪت عزيز صديقي ايف آءِ اي جي ڪارڪردگي تي عدم اعتماد جو اظهار ڪندي چيو آهي ته ڇا ڊائريڪٽر ايف آءِ اي اهو چاهي ٿو ته گستاخي وارو مواد جي بندش لاءِ عسڪري ادارن کان مدد گهري وڃي، جمعي تي سوشل ميڊيا تي گستاخ واري مواد جي حوالي سان ڪيس جي ٻڌڻي ڪندي اسلام آباد هاءِ ڪورٽ جي جج شوڪت عزيز صديقي ايف آءِ اي جي ڊائريڪٽر کان پڇيو ته جوابدار کي پڪڙڻ جي حوالي سان هن وقت تائين ڪهڙي اڳڀرائي ٿي آهي جنهن تي ڊائريڪٽر جنرل مظهر ان کي ٻڌايو ته ايف آءِ اي فيس بڪ جي جواب جي انتظار ۾ آهي، تڪرار ۽ گستاخي واري مواد وارا پيج هلائيندڙ 70 ماڻهن جي نشاندهي ڪئي وئي آهي، جڏهن ته آمريڪا ۾ هرجاڻي جي دعويٰ داخل ڪرڻ لاءِ وڪيل سان به مشورو ڪيو ويو آهي، هن ٻڌايو ته ان سلسلي ۾ انٽرپول جي سائبر ونگ سان به رابطو ڪيو ويو آهي ۽ واشنگٽن ۾ هڪ آفيسر کي مقرر ڪيو ويو آهي، جسٽس شوڪت عزيز ڪاوڙ جو اظهار ڪندي چيو ته ايف آءِ اي جو ڊائريڪٽر ڪهاڻي نه ٻڌائي ۽ ان حساس نوعيت جي معاملي تي اڳڀرائي کان آگاهه ڪري.