تازيون خبرون

Daily Archives: March 13, 2017

بوري والا ۾ تي رفتار ٽرڪ 4 ڄڻن کي چٿي ڇڏيو، 3 ڄڻا زخمي

بوري والا (ويب ڊيسڪ) بوري والا جي علائقي لڊن روڊ تي تيز رفتار ٽرڪ جي ٽڪر ۾ چار ڄڻا فوت ٿي ويا ۽ ٽي ڄڻا زخمي ٿي پيا، ان بابت ذريعن جو چوڻ آهي ته بوري والا لڊن روڊ تي ٻن ٽرڪن ۾ ريس لڳائڻ جو مقابلو ٿي رهيو هو، ان دوران هڪ مني ٽرڪ ڊرائيور جي ڪنٽرول مان نڪري روڊ ڪناري قائم هڪ هوٽل ۾ گھري وئي، نتيجي ۾ 4 ڄڻا مارجي ويا، حادثي جو اطلاع ملندي ئي پوليس جي وڏي نفري موقعي تي پهچي وئي جنهن حادثي واري هنڌ تان شاهديون گڏ ڪيون ۽ لاشن کي اسپتال منتقل ڪري ڇڏيو، ٽرڪ ڊرائيور بابت ڪو اطلاع نه آهي.36

 

پيپلز پارٽي کي سمجهڻ گهرجي ته اهي اپوزيشن ۾ نه حڪومت ۾ آهن: فيصل سبزواري

ڪراچي (ويب ڊيسڪ): ايم ڪيو ايم پاڪستان جي اڳواڻ فيصل سبزواري چيو آهي ته پيپلز پارٽي حڪومت باوجود شرمناڪ رويو اختيار ڪري رکيو آهي، پيپلز پارٽي کي سمجهڻ گهرجي ته اهي اپوزيشن ۾ ناهن، حڪومت ۾ آهن، ڪراچي پاڪستان جو معاشي گادي وارو هنڌ آهي، هن چيو ته هڪ هزار ارب رپين کان وڌيڪ سنڌ جو بجيٽ آهي، سنڌ جي ٻهراڙي وارن علائقن لاءِ 900 ارب رپين جو بجيٽ ڏيکاريو ويو، سنڌ حومت 900 ارب رپين مان هڪ به ماڊل يوسي ناهي بڻائي سگهي، پيپلز پارٽي حڪومت سنڌ لاءِ ڇا ڪيو آهي.

 

سنجي جهڙي زندگي گذارڻ لاءِ سئو ڀيرا جنم وٺڻو پوندو: رنبير ڪپور

ڀو پال  (شوبز نيوز) بالي ووڊ جي چاڪليٽي هيرو رنبيرو ڪپور چيو آهي ته سنجي دت جهڙي زندگي گذارڻ لاءِ سئو ڀيرا جنم وٺڻو پوندو، بالي ووڊ اسٽار سنجيدت جي زندگي تي فلم ٺاهيندڙ هدايتڪار راج ڪمار ۽ رنبير ڪپور ڀارت جي شهر ڀوپال ۾ فلم بابت پريس ڪانفرنس ڪئي، ان موقعي تي فلم ۾ مک ڪردار ادا ڪندڙ رنبير جو چوڻ هو ته سنجيدت جي زندگي گذارڻ لاءِ سئو ڀيرا جنم وٺڻو پوندو، هن چيو ته ان فلم جي ڪردار ذريعي والدين ۽ دوستي سميت زندگي جي وڌيڪ رشتن کي نڀائڻ جو طريقو سکي رهيو آهيان، جڏهن ته ان فلم مان منهنجي ذاتي زندگي ۾ ڪافي تبديلون ٿيون آهن، هدايتڪار راج ڪمار جو چوڻ هو ته سنجيدت پي رول تي 25 ڏينهن لاءِ جيل کان ٻاهر آيو ته ان سان منا ڀائي جي سيڪيوئل بابت ڳالهه ڪرڻ ويو هيس پر ڳالهين ڳالهين ۾هن پنهنجي زندگي بابت ٻڌائڻ شروع ڪيو ته منا ڀائي بدران ان جي زندگي تي فلم ٺاهڻ بهتر لڳو.

 

سڄو ڌيان ايندڙ ورلڊ ڪپ لاءِ ٽيم جي تياري تي آهي: مڪي آرٿر

لاهور(اسپورٽس نيوز) پاڪستان ڪرڪيٽ ٽيم جي هيڊ ڪوچ مڪي آرٿر جو چوڻ آهي ته رانديگرن جي ڪارڪردگي مان مطمئن آهيان ۽ سمورو ڌيان ايندڙ ورلڊ ڪپ لاءِ ٽيم چونڊن تي لڳل آهي. لاهور ۾ ميڊيا سان ڳالهائيندي هيڊ ڪوچ مڪي آرٿر جو چوڻ هو ته پي ايس ايل جو ڪامياب ٿيڻ هڪ سٺو تجربو هو، ٽورنامينٽ ذريعي رانديگرن جي پرفارمنس جاچڻ جو موقعو مليو ۽ جن نوجوان رانديگرن پي ايس ايل دوران متاثر ڪيو، انهن کي ٽريننگ ڪيمپ ۾ شامل ڪيو آهي. مڪي آرٿر جو چوڻ هو ته رانديگرن جي ڪارڪردگي مان مطمئن آهيان ۽ رانديگرن جي فٽنس پهرين ترجيح آهي پر اڳتي اچڻ لاءِ ضروري آهي ته رانديگر ڊوميسٽڪ ليول تي سٺي پرفارم ڪن.27

 

ٿيندڙ آدمشماري گهر شماري ۾ سنڌ جي ماڻهن کي ڀرپور نموني حصو وٺڻ گهرجي: ربنواز کوسو

ملڪ ۾ ٿيندڙ ڇهين گهر شماري 18سالن کان پوءِ ٿي رهي آهي. جنهن ۾ سنڌ جي سمورين رهندڙ کي اپيل آهي ته پنهنجي خاندان، مٽن مائٽن کي هوشياري سان ۽ حوصلو بند ڪري هر ننڍي وڏي ٻار توڙي پوڙهي بيواهه عورت سميت پنهنجو الڳ الڳ گهر لکرائي پنهنجي سنڌ جي سڃاڻپ ظاهر ڪرڻ جو فرض پورو ڪري ۽ قومي خاني ۾خاص طور تي هر سنڌ ۾ رهندڙ سنڌي لکرائي پنهنجو فرض نڀائي سنڌ امڙ سان ٿڃ ملهائي ڇو ته ٿيندڙ آدمشماري گهر شماري تحت ئي صوبن کي اين ايف سي ايوارڊ، ايم اين اي، ايم پي اي جون سيٽون توڙي نوڪرين جي کوٽا توڙي ٻيا ترقياتي رٿائن لاءِ فنڊ مقرر ٿيندا. تنهن ڪري اسان سنڌ ۾ رهندڙ ڀلي ڪهڙي به ذات پات قوم جا سڏايون. پر هن وقت سنڌ امڙ جي ڌرتي جا رهواسي توڙي ان جو نيمڪ کائي رهيا آهيون، تنهنڪري اسان هن سنڌ ۾ٿيندڙ گهر شماري آدمشماري ۾ڪنهن شئي کان نه ڪيٻايون ڇو هي وقت خاموش ويهڻ ناهي. پنهنجا حق چني وٺڻ جو وقت آيو آهي.  تنهن ڪري اسان پاڻ کي ۽ پنهنجي خاندان ۽ گهرن کي ڳڻپ کان گهٽ نه ڪيون.ڇو ته پوءِ اسان کي جيڪي آدمشماري جون گهربل سهولتون آهن اهي ملي نه سگهنديون تنهن ڪري اسان پنهنجو فرض سمجهي آدمشماري کي پورو ڪري ڏيکاريون.جڏهن هن وقت سنڌ جي آبادي 6ڪروڙ چاليهه لک ماڻهن جي سڃاڻپ آهي جن ۾ پنجاهه لک ڌاريا بيهاري، بنگالي، افغاني، برمي، سوڊاني، پٺاڻ ۽ مهاجر موجود آهن. تنهن ڪري حڪمرانن کي گهرجي ته سنڌ صوبي جي صاف شفاف آدمشماري گهر شماري ڪرائڻ کان اڳ ۾ سنڌ ۾ آباد ٿيل غيرقانوني ڌارين کي نيڪالي ڏئي باقي اصل ڌرتي واسين جي ڳڻپ ڪرائي انهن کي حق ڏنا وڃن. ڇو ته آدمشماري سنڌ جي زندگي موت جو مسئلو آهي. ڇو ته پاڪستان اندر سنڌ واحد صوبو آهي، جيڪو آبادي جي شديد دٻاءُ هيٺ آهي. جڏهن ته سنڌ جي وڏن شهرن ۾ خاص طورتي ڌارين جي آبادي جو ريشو وڌيڪ آهي. اگر سنڌ جا ماڻهو باشعور نه بڻجي پاڻ کي گهر شماري آدمشماري ۾ ڳڻپ نه ڪرائيندا ته اسان سنڌ واسي هر ملندڙ رائلٽي کان ويتر رهجي وينداسين. ۽ مسلسل اقليت جو شڪار بڻجي وينداسين. جنهن جا ذميوار سنڌ جا سياسي، سماجي، ادبي، صحافي، مذهبي، تعليم دادن، سڀئي ذميوار بڻجباسين، تنهن ڪري هن وقت اسان جي ملڪ ۾ ڇهين آدمشماري اڙهه سالن کان  کان پوءِ ٿي رهي آهي سڀ سنڌي واسين کي اکيون کولڻ گهرجن.  ۽ پنهنجي جائز حقن وٺڻ جو هي بهترين موقعو آهي. تنهن موقعي مان اسان سڀئي فائدو حاصل ڪيو. ڇو ته اڙهه سالن جو انتهائي هڪ وڏو پيرڊ ڊگهو سفر آهي. ڇو ته ڪيترائي خاندان توڙي گهر آبادي جي حساب سان وڌيا آهن. اسان کي ان مان فائدو حاصل نه ڪنداسيون ته  پنهنجي ئي ڌرتي تان هميشه مٽجي ۽ ڌڪارجي وينداسين، اسان جي ڌرتي تي آيل ڌاريا آباد ٿي اسان مٿان قابض ٿي ويندا. ڇو ته اسان سنڌين کي اڳ ئي ڌارين جي مهمان نوازي ڳچي ۾ پئجي رهي آهي، جنهن جو ڪيتو سنڌ بيدردي سان لوڙهي رهي آهي. جنهن سبب اڄ سنڌ جا  لکين خاندان بيروزگاري، مهانگائي، بدامني جي باهه ۾سڙي رهيا آهن. سنڌ جي ملڪيت تي اڄ به وڏن شهرن ۾ ڌاريا هاوي بڻيل آهن. تنهن ڪري مايوس، پريشان ٿيڻ جي ڪا به ڳالهه نه آهي. هيءَ اسان کي حقن جو وقت آيو آهي ته اسان پنهنجو قومي فرض پورو ڪري ڏيکاريون نه ته اسان کي سنڌ ڌرتي ڪڏهن به معاف نه ڪندي، ڇو ته ڌاريا اڳ ئي اسان جي نه سنڌ جا سڄڻ ٿيا نه هاڻي ئي ٿيندا.

جئين ڀٽائي چوي ٿو ته

ڌاريا ئي ڌاريا

مٽ موئي جا نه ٿيا……..

سنڌ جي سڃاڻ ڌرين توڙي حڪمرانن توڙي چونڊيل ايم اين اي، ايم پي اي ۽ چونڊيل عهديدارن ۽ چيئرمينن کي گهرجي ته آدمشماري ۽ گهر شماري واري مهم ۾ ڀرپور نموني سان ڳڻپ ڪرائين ۽ پنهنجي تڪن ۾ ماڻهن کي هوشيار ڪن. گهر شماري ڪندڙ عملي کي سهولتون ۽ تحفظ ڏيڻ سان گڏوگڏ انهن جي مدد ته جيئن سنڌ اندر ڪو به گهر يا فرد ڳڻپ کان رهجي نه وڃي، جيئن ته سنڌ ڪارڊ استعمال ڪندڙ حڪمرانن ۽ سياسي پارٽين کي صوبائي مفادن کان وڌيڪ  آهي،

جيئن استاد بخاري چوي ٿو ته ……!

جو قوم جيئاري اهو جيئندو رهندو

جو عام اجاري اهو جيئندو رهندو

مون کي تاريخ ۽ تقدير ڏني پڪ آهي

جو سنڌ سنواري اهو جيئندو رهندو……..!

 

 

بند ٻڌڻ سان ڊيلٽا بچي سگهندو؟: صاحب خان ڀٽي

وزيراعظم نوازشريف ٺٽي ۾ جلسي دوران اعلان ڪيو هو ته هو ڊيلٽا کي بچائڻ لاءِ بند ٻڌندو، جنهن سان ٺٽي سميت مختلف سامونڊي پٽي وارن علائقن جون زمينون بچي وينديون، جيڪڏهن ڏٺو وڃي ته وزيراعظم نوازشريف اهو تمام سٺو اعلان ڪيو آهي، جيڪڏهن سمنڊ کي بند ڏنو ويندو ته ان جو پاڻي اڳتي وڌي نه سگهندو، هن وقت سڄي سنڌ  ۾ ڊيلٽا تي ئي بحث ٿي رهيو آهي، سياسي، سماجي اڳواڻ به گذريل ڪيتري ئي عرصي کان ڊيلٽا کي تباهه ٿيڻ کان بچائڻ لاءِ احتجاج ڪري رهيا آهن، سنڌ حڪومت ۾ ويٺل ڪامورا به اسيمبلين ۾ اهي ئي رڙيون ڪري رهيا آهن ته سمنڊ ۾ مٺو پاڻي ڇوڙ نه ڪرڻ سبب سمنڊ زمين ڳڙڪائي رهيو آهي، جنهن سبب وفاقي حڪومت کي قدم کڻڻ گهرجن پر افسوس جو هن وقت تائين سمنڊ ۾ مٺو پاڻي ڇوڙ ڪرڻ لاءِ ڪي به قدم نه پيا کنيا وڃن، جنهن سبب هن وقت به سنڌ جي ڪيترن ئي شهرن ۾ احتجاجن جو سلسلو هلندڙ آهي، هونءَ ته سنڌ حڪومت ڪيتري ئي عرصي کان ڊيلٽا کي بچائڻ لاءِ  وفاق سان ڳالهائيندي رهي آهي پر افسوس جو وفاقي حڪومت ان تي ڪو به ڌيان نه ڏئي رهي آهي، ايتري قدر جو سنڌ کي پنهنجي حصي جو پاڻي نه پيو فراهم ڪيو وڃي، جنهن سبب آبادگار به سراپا احتجاج بڻيل آهن،

اڳ جڏهن قومپرست ڌريون سنڌ ۾ ڊيلٽا کي بچائڻ لاءِ احتجاج ٿي رهيا هئا ته ان وقت ڪو به سندن دانهن ٻڌڻ وارو نه هو پر هاڻ سنڌ سرڪار به ڊيلٽا کي  بچائڻ لاءِ  وفاق آڏو آواز اٿاري رهي آهي. ايتري قدر جو سنڌ اسيمبلي ۾ ويٺل وزير به ڊيلٽا تي ڳڻتي جو اظهار ڪري چڪا آهن پر ان باوجود وفاقي حڪومت جي ڪن تي جونءَ به نه چري رهي آهي. بهرحال ٺٽي ۾ جڏهن وزيراعظم نوازشريف آيو هو ته ان وقت هن پريس ڪانفرنس ڪندي چيو هو ته هو سمنڊ کي بند ٻڌندو جنهن سان پاڻي اڳتي وڌي نه سگهندو، جيڪڏهن ڏٺو وڃي ته اهو سٺو اعلان هو، ٻين ملڪن ۾ سمنڊ کي بند ڏنا ويندا آهن ته جئين سامونڊي پاڻي اڳتي نه وڌي سگهي پر هتي سمنڊ جي پاڻي اڳتي وڌڻ جو مسئلو نه آهي پر سنڌ ۾ ان ڪري احتجاج ٿي رهيو آهي ته هتي ڊيلٽا تباهه ٿي رهي آهي، جنهن سبب سمنڊ ۾ مٺو پاڻي ڇوڙ ڪرڻ تمام گهڻو ضروري آهي، تنهن جي ڪري حڪومت کي گهرجي ته جلد کان جلد سمنڊ ۾ پڇڙي تائين مٺو پاڻي پهچايو وڃي ته جئين ڊيلٽا کي بچائي سگهجي نه ته ٻي صورت ۾ سنڌ جي هزارين ايڪڙ زمين سمنڊ ڳڙڪائي ويندو، صرف بند ٻڌڻ سان ڊيلٽا بچي نه سگهندي،

سمنڊ ۾ مٺو پاڻي ڇوڙ ڪرڻ به انتهائي ضروري آهي، بهرحال هن وقت سڄي سنڌ ۾  سمنڊ ۾ مٺي پاڻي ڇوڙ نه ڪرڻ خلاف احتجاجن جو سلسلو به جاري آهي، اڳ ۾ قومپرست ڌريون احتجاج ڪنديون هيون هاڻ ڪامورا به ايوانن ۾ آواز اٿاري رهيا آهن،  جيڪڏهن وزيراعظم نوازشريف ٺٽي ۾ سمنڊ کي بند ٻڌڻ سان گڏ ڊيلٽا کي بچائڻ لاءِ مٺو پاڻي ڇوڙ ڪرڻ لاءِ به  جو اعلان ڪري ها ته  تمام ڀلو ٿي وڃي ها،  جيڪڏهن ڏٺو وڃي ته هن وقت سمنڊ جو لوڻياٺو پاڻي جر جي مٺي پاڻي کي به نقصان پهچائي رهيو آهي، سامونڊي پٽي وارن علائقن ۾ جر جو مٺو پاڻي به لوڻياٺو ٿيندو پيو وڃي، جيڪڏهن سمنڊ ۾ مٺي پاڻي کي ڇوڙ نه ڪيو ويو ته سامونڊي پٽي وارن علائقن کي سمنڊ ڳڙڪائي ويندو. بهرحال هن وقت  ڊيلٽا کي بچائڻ لاءِ سنڌ سرڪار کي قدم کڻڻ گهرجن، وزيراعظم نوازشريف ته سمنڊ کي بند ٻڌڻ جو اعلان ڪيو هليو ويو آهي، جيڪڏهن بند ڏنو به ويو ته ان سان ڊيلٽا تباهه ٿيڻ کان بچڻ ناممڪن آهي، جيستائين مٺو پاڻي ڇوڙ نه ٿيندو، تيستائين سمنڊ زمين کي ڳڙڪائڻ بند نه ڪندو، هن وقت سمنڊ ڪيتر ائي ايڪڙ زمين ڳڙڪائي چڪو آهي، تنهن لاءِ ضروري آهي، سنڌ سرڪار وفاق سان رابطو ڪري ۽ پنهنجي حصي جو پاڻي وٺي سمنڊ ۾ ڇوڙ ڪري ته جئين سامونڊي پٽي وارا علائقا بچي سگهن. هونءَ ته وزيراعظم نوازشريف ايندڙ اليڪشن کان اڳ ئي سنڌ جو رخ ڪيوآهي جنهن بابت قومي اسيمبلي ۾ مخالف ڌر جي اڳواڻ خورشيد شاهه به ڪجهه ڏينهن  اهو ئي چيو هو ته نوازشريف سنڌ ايندي ايندي تمام گهڻي دير لڳائي ڇڏي،

بهرحال هن وقت  وزيراعظم  جي سنڌ آمد بعد سمنڊ کي بند ٻڌڻ جو اعلان به ٿيو آهي، جيڪڏهن وزيراعظم پنهنجي ٺٽي جي جلسي ۾ سنڌ کي پنهنجي حصي جو پاڻي ڏيڻ جو اعلان به ڪري ها ته سنڌ جا ماڻهو تمام گهڻو خوش ٿي وڃن ها پر افسوس جو وزيراعظم سنڌ جي پاڻي واري اهم مسئلي تي ڪو به اهڙو جملو نه ڳالهايو ۽ نه ئي وري سنڌ جي آبادگارن کي ڪي رعائتون ڏيڻ جو اعلان ڪيو، بهرحال  ذڪر  ڊيلٽا جو هلي رهيو هو، هاڻ ڏسڻو اهو آهي ته وفاقي حڪومت ڪهڙي ريت سمنڊ کي بند ٻڌي ٿي؟ اهو ان ڪري سوال ڪيو ته هتي ته سنڌو دريا کي به صحيح  نموني بند نه ٻڌيو ويو آهي، اهو ڪو مهنيو نه گذريو هوندو جتي سنڌ اندر ڪٿي گهارو نه لڳو هجي، سنڌ جا ڪيترائي اهڙا علائقا آهن جتي روز ڪٿي نه ڪٿي بند ٽٽي پوندا آهن ۽ ڳوٺ ٻڏي ويندا آهن، وفاقي توڙي صوبائي حڪومت اڄ تائين  انهن شاخن ۽ واهن جي ڪپن کي ئي مضبوط نه ڪري سگهي آهي ته سمنڊ کي وفاقي حڪومت ڪهڙي نموني بند ڏيندي، جنهن سان زمين  بچي ويندي  ۽ سمنڊ به اڳتي نه وڌي سگهندو.وزيراعظم نوازشريف کي ته سنڌو درياءَ جي ٻنهي ڪپرن کي به پڪو ڪرڻ لاءِ قدم کڻڻ گهرجن ها پر افسوس جو نه ته وفاقي حڪومت ڪو قدم کڻي رهي آهي ۽ نه ئي صوبائي حڪومت  قدم کڻڻ لاءِ اڳتي وڌي رهي آهي. هن وقت ته سمورا اڳواڻ صرف بيان ڏيڻ ۾ پورا نظر اچي رهيا آهن، بهرحال هن وقت وزيراعظم کي صرف ايترو ئي عرض ڪري سگهجي ٿو ته ڊيلٽا کي بچائڻ لاءِ سمنڊ ۾ مٺو پاڻي ڇوڙ ڪرڻ لاءِ قدم کنيا وڃن ته جئين ڊيلٽا کي بچائي سگهجي، جيڪڏهن سنڌ ۾ سامونڊي پٽي وارن علائقن کي بچائڻو ئي آهي ته پوءَ فوري طور تي سمنڊ  ۾ مٺو پاڻي ڇوڙ ڪيو وڃي، ٻي صورت ۾  سمنڊ کي بند ڏيڻ سان ڪجهه به ڪو نه ورندو. جيڪڏهن هن وقت وفاقي حڪومت ڊيلٽا کي بچائڻ لاءِ ڪي به قدم نه کنيا ته اها سنڌ سان تمام وڏي ناانصافي هوندي.هونءَ ته وزيراعظم نوازشريف سمنڊ کي بند ٻڌڻ واري اعلان سان گڏ سمنڊ ۾ مٺي پاڻي کي ڇوڙ ڪرڻ قدم کڻي ته جئين سنڌ جي ماڻهن جي بيچيني ختم ٿي سگهي.

sahibalsindhi@gmail.com

 

دين جي نالي تي ٿيندڙ انتهاپسندي….!

وزيراعظم نواز شريف چيو آهي ته دين جي نالي تي انتهاپسندي ڦهلائي پئي وڃي، دهشتگردي جو خاتمو عالمن جي مدد کانسواءِ نٿو ٿي سگهي، دنيا ۾ اسلام جي نالي تي انسان جو رت وهايو پيو وڃي، جهاد جي پاڪيزه تصور کي چٿيو ويو، هاڻي اسان کي فتوائن کان اڳتي نڪرڻو پوندو،  انسانيت ۾ پکڙجندڙ نفرت واري زهر کي عالم ئي ختم ڪري سگهن ٿا، اسلام امن ۽ محبت جو درس ڏي ٿو. عالمن کي قوم اڳيان دين جو مڪمل بيان رکڻ گهرجي.  اسان گڏجي دهشتگردي ۽ خاص سوچ خلاف جنگ کٽينداسين، فوج جو ڪردار اهم آهي. دهشتگردي خلاف جنگ ۾ پاڪستان جي عوام وڏيون قربانيون ڏنيون آهن، دهشتگردن کي ختم ڪري سک جو ساهه کنيو ويندو .سڌارا ادارن ۽ کاتن کي بهتر انداز ۾ فعال بڻائڻ جي بنياد هوندا آهن، ادارا بڻجڻ گهرجن، جيڪي ماڻهو چونڊيا وڃن انهن کي انفرادي جهڪاءُ کانسواءِ اجتماعي ڀلائي کي ترجيح ڏيڻ گهرجي، بدقسمتي سان ملڪ جي ادارن ۾ ڪيتريون ئي مداخلتون ڪيون ويون ۽ ڪجهه ماڻهن پنهنجي مرضي مڙهڻ جي ڪوشش ڪئي پر کين ناڪامي ٿي. وزيراعظم عالمن تي زور ڏنو ته هو معاشري ۾ اتحاد، اتفاق، ڪامل، هم آهنگي جي فروغ ۽ حقيقي اسلامي تعليم جي خلاف ڪوڙي پروپيگنڊا کي موثر انداز ۾ زائل ڪرڻ لاءِ پنهنجو موثر ڪردار ادا ڪن، ن ليگ حڪومت ۽ عالم سڳورا معاشري ۾ انتشار پکيڙيندڙن جي سمورين ڪوششن کي ناڪام بڻائڻ لاءِ اجتماعي ڪوششون ڪندا ۽ پنهنجي گڏيل ڪوششن سان گڏوگڏ ملڪ کي امن جو گهوارو بڻائيندا ۽ ان کي مستحڪم ڪندا، فرقيواريت جي منفي جذبن کي هوا ڏئي ۽ جهاد جي حقيقي پيغام کي ٽوڙي مروڙي دنيا ۾ انتهاپسندي پکيڙي وئي،

سڄي دنيا ۾ اسلام جي تعليم کي ٽوڙي مروڙي پيش ڪيو ويو پر عالمن منبر ۽ محراب جي ذريعي اهڙن چئلينجن کي منهن ڏيڻ ۽ اسلام جو حقيقي تشخص اجاگر ڪرڻ ۽ حقيقي تعليم کي عام ڪرڻ ۾ پنهنجو ڪردار ادا ڪيو. 2013ع ۾ جڏهن پاڪستان مسلم ليگ (ن) کي عوام حڪومتي معاملا هلائڻ جو مينيڊيٽ ڏنو ته ان جو سڀ کان وڏو مقصد ماڻهن جي زندگين کي محفوظ بڻائڻ ۽ پائيدار امن آڻڻ هو، حڪومت اهو پڪو پهه ڪيو آهي ته سمورين سياسي قوتن کي اعتماد ۾ ورتو ويندو، فوج ۽ پوليس جي جوانن دليراڻي انداز ۾ ان چئلينج جو مقابلو ڪيو ۽ قربانيون ڏنيو جڏهن ته عوام به دهشتگردي جي لعنت جي خلاف اتحاد جو مظاهرو ڪيو، اسان دهشتگردي جي خلاف دنيا جي مقابلي ۾ سڀ کان وڏي جنگ وڙهي ۽ دهشتگردن جا هٿ ٽوڙي ڇڏيا، ملڪ ۾ هيڪڙ ٻيڪڙ حملا ٿيا جيڪي اهڙن عنصرن جي سهولتڪارن ۽ انهن جي همدردي رکندڙن جي مدد سان ٿيا تنهن هوندي به رياست انهن جو به پيڇو ڪري رهي آهي ۽ کين ڪيفر ڪردار تائين پهچايو ويندو. انهن ڪوششن ۾ عالمن جو ڪردار تمام اهميت رکندڙ آهي،

دنيا ۾ فرقيواريت جي منفي جذبن کي هوا ڏئي ۽ جهاد جي حقيقي پيغام کي ٽوڙي مروڙي انتهاپسندي پکيڙي وئي، انتهاپسند عنصر مسلمانن جي وچ ۾ نفرتن جو ٻج پوکيو ۽ کين ڇڙوڇڙ ڪري قتل ۽ غارت جهڙيون غير انساني ڪارروايون ڪيون، شهيد مفتي سرفراز نعيمي ۽ مولانا حسن جان جهڙن عالمن ۽ مذهبي اڳواڻن اهڙن عنصرن جي خلاف فتويٰ جاري ڪيون ۽ پنهنجي ان مذهبي فرض جي ادائيگي ۽ قوم ۾ اتحاد پيدا ڪرڻ جي لاءِ جانيون قربان ڪري ڇڏيون.