تازيون خبرون

Daily Archives: March 11, 2017

پيپلز پارٽي جو ڪشمير مسئلي تي قومي ڪانفرنس ڪوٺائڻ جو اعلان

اسلام آباد (اين اين آءِ) اڳوڻي صدر آصف علي زرداري ڪشمير مسئلي تي سمورين سياسي پارٽين تي ٻڌل هڪ قومي ڪانفرنس ڪوٺائڻ جو اعلان ڪيو آهي ڇو ته موجوده حڪومت ڪمزور ڏسڻ ۾ اچي رهي آهي ۽ سمورين سياسي پارٽين جي اها ڪانفرنس ان ڳالهه کي يقيني بڻائيندي ته ڪشمير ڪاز تي ڪنهن به قسم جو ٺاهه نه ڪيو ويندو. هن اها ڳالهه جمعي تي زرداري هائوس اسلام آباد ۾ ڪشميري ليڊرن جي هڪ وفد سان ڳالهائيندي ڪئي. ان وفد ۾ اي جي ڪي اسيمبلي جي اسپيڪر شاهه غلام قادر، اڳوڻي صدر اي جي ڪي سردار يعقوب خان ۽ اڳوڻي وزيراعظم سردار عتيق ۽ ٻيا شامل هئا. آصف علي زرداري چيو ته ڪشمير جو ڪو به حل ڪشميرين جي خواهشن ۽ گڏيل قومن جي ٺهرائن مطابق ٿيڻ گهرجي. ڪشمير جي عوام جي خواهشن خلاف ڪو به اهڙو حل ناڪام ٿيندو. هن والاريل ڪشمير ۾ انساني حقن جي ڀڃڪڙين جي سخت مذمت ڪئي جنهن سان ڪشميري نوجوان پنهنجي اکين جي نور کان محروم ٿي رهيا آهن هن چيو ته بين الاقوامي برادري کي ان جو نوٽيس وٺڻ لاءِ چيو آهي. هن چيو ته ان ڳالهه تي ڪو به تڪرار ناهي ته هڪ طرف ڀارت سان سٺا لاڳاپا قائم ڪيا وڃن ۽ ٻئي طرف پنهنجن اصولن تي قائم رهيو وڃي ۽ ڪشمير مسئلو گڏيل قومن جي ٺهرائن موجب حل ڪيو وڃي. اڳوڻي صدر ياد ڏياريو ته شهيد محتترمه بينظير ڀٽو خبردار ڪيو هو ته هڪ طرفي طور تي گڏيل قومن جي ٺهرائن تي پنهنجو اصولي موقف ختم ڪرڻ جي تباهه ڪندڙ نتيجا هوندا پر انهن خدشن کي جنرل مشرف ڌيان نه ڏنو ۽ هن گڏيل قومن جي ٺهرائن کي نظرانداز ڪيو.

 

اسلام آباد ۾ به عورتن جي عزت محفوط ناهي: چوڌري نثار جو اعتراف

اسلام آباد (ويب ڊيسڪ) وفاقي گھرو وزير چوڌري نثار گذريل هڪ سال دوران قتل ۽ قتل جي قدم جي واقعن ۾ واڌ جو اعتراف ڪندي چيو ته وفاقي گاديءَ واري شهر ۾ عورتن جي عزت لٽڻ جا واقعا وڌيڪ پيش آيا، سينيٽ اجلاس دوران سوالن جي وقفي تي لکت ۾ جواب جمع ڪرائيندي وفاقي گھرو وزير چوڌري نثار ٻڌايو ته 205ع ۾ عورتن سان ڏاڍائي جا 15 واقعا رپورٽ ٿيا جڏهن ته 2016ع ۾ عورتن سان جنسي ڏاڍ جا 39 واقعا رپورٽ ٿيا، هن ٻڌايو ته اسلام آباد ۾ عورتن جي عزت محفوظ ناهي، گذريل هڪ سال دوران اسلام آباد ۾ عورتن سان جنسي ڏاڍ جي واقعن ۾ 160 سيڪڙو واڌ ٿي آهي، هن ٻڌايو ته هڪ سال دوران 9 ٻارڙن کي بازياب ڪرايو ويو جڏهن ته 7 ٻارڙا اڃا تائين گم آهن جن جي ڳولا جاري آهي. ان کان سواءِ گھرو وزارت طرفان 2016ع ۾ سڄي ملڪ مان گرفتار ڪيل دهشتگردن جا تفصيل به سينيٽ ۾ جمع ڪرايا جنهن ۾ ٻڌايو ويو آهي ته گذريل سال خيبرپختون خواهه مان 799 دهشتگردن کي گرفتار ڪيو ويو جڏهن ته پنجاب مان 417، سنڌ مان 178 ۽ بلوچستان مان 40 دهشتگردن کي گرفتار ڪيو ويو، گھرو وزارت بابت مملڪتي وزير بليغ الرحمان سينيٽ اجلاس کي ٻڌايو ته ڏڦيڙ ڦهلائڻ لاءِ دهشتگردن جي فنڊنگ روڪڻ جي لاءِ قدم کنيا ويا آهن، نيشنل ايڪشن پلان تحت دهشتگرد تنظيمن کي پئسن جي منتقلي روڪڻ جي لاءِ سب ڪميٽي جوڙي وئي آهي، هن وڌيڪ چيو ته پابندي پيل تنظيمن تي بئنڪ اڪائونٽ کولڻ يا مالي سهولت حاصل ڪرڻ تي پابندي هنئي وئي آهي، دهشتگرديءَ جي انت واري ايڪٽ تحت 4 هزار 461 بئنڪ اڪائونٽ فريز ڪيا ويا آهن جن ۾ 40 ڪروڙ رپيا موجود آهن.36

 

سي ٽي ڊيءَ 20 دهشتگردن جا ريڊ بڪ جاري ڪري ڇڏيا، انعام مقرر

اسلام آباد (اين اين آءِ) سي ٽي ڊي پاران انتهائي گهربل خطرناڪ دهشتگردن جو ريڊ بوڪ جاري ڪيو آهي دهشتگردن تي انعام هڪ ڪروڙ رپين تائين رکيو ويو آهي جنهن ۾ اڳوڻي وزيراعظم بينظير ڀٽو اڳوڻي صدر پرويز مشرف ۽ پنجاب جي اڳوڻي گهرو وزير شجاع خانزاده تي حملي ۾ ملوث دهشتگرد به شامل آهن ڳجهن ادارن ۽ قانون نافذ ڪندڙن پاران انتهائي خطرناڪ گهربل دهشتگردن جو ڪتاب ريڊ بوڪ 2017 جاري ڪيو ويو آهي ريڊ بوڪ ۾ شامل ڪيل دهشتگردن کي زنده يا مرده صورت ۾ پڪڙڻ تي انعام رقم 20 لک رپين کان هڪ ڪروڙ رپين تائين مقرر ڪئي ويئي آهي. دهشتگردن ۾ بينظِر ڀٽو تي آپگهاتي حملي ۾ ملوث بيت الله مهسود گروپ جو دهشتگرد اڪرام الله تي 20 لک رپيا انعام مقرر ڪيو ويو آهي. شجاع خانزاده تي آپگهاتي حملي ۾ ملوث ٽن دهشتگردن محمد نياز، حافظ محمد سعيد ۽ ظهير احمد تي انعام 75 لک رپيا رکيو ويو آهي جڏهن ته پرويز مشرف تي حملي ۾ ملوث دهشتگرد مطيع الرحمان جي قميت سڀ کان وڌيڪ هڪ ڪروڙ رپيا رکي ويئي آهي.

 

سنڌ جي مختلف شهرن ۾ روڊ حادثا، 7 ڄڻا فوت، 5 زخمي

ڪراچي (ويب ڊيسڪ) سنڌ جي مختلف شهرن ۾ ڌار ڌار روڊ حادثن جي نتيجي ۾ عورت سميت 7 ڄڻا فوت ٿي ويا، جڏهن ته 5 زخمي ٿي پيا.ٽنڊي الهيار ويجهو ٽرڪ ۽ ڪار وچ ۾ خوفناڪ ٽڪر جي نتيجي ۾ محمد خان ڳاهو، سندس ڌيءُ فضا ۽ پٽ نزاڪت فوت ٿي ويا.پوليس فوتين جي لاشن ۽ زخمين کي ميرپور خاص اسپتال پهچايو، جتان پوسٽ مارٽم بعد لاش وارثن حوالي ڪيا ويا. پوليس جو چوڻ آهي ته حادثو تيز رفتاري سبب پيش آيو. ڪراچيءَ جي ملير ويجهو به پورٽ قاسم روڊ تي ڪار، موٽرسائيڪل ۽گڏهه گاڏي ۾ ٽڪر ٿي پيو، نتيجي ۾ هڪ ڄڻو فوت ۽ 3 ڄڻا زخمي ٿي پيا. حيدرآباد ۾ ڪوٽڙي جي ٽيليگراف ڦاٽڪ وٽ تيز رفتار ٽرالر موٽرسائيڪل مٿان چڙهي ويو، جنهن جي نتيجي ۾ عديل  ڀلائي ۽ چاڪر چاچڙ ٿڏي تي فوت ٿي ويا. پوليس ٽرالر کي تحويل ۾ وٺي ڊرائيور معروف پٺاڻ کي گرفتار ڪري ورتو آهي، پوليس موجب، حادثو ٽرالر  جي تيز رفتاري سبب پيش آيو. ڪنڌڪوٽ ويجهوانڊس هاءِ وي تي ڪوچ ۽ موٽرسائيڪل ۾ ٽڪر جي نتيجي ۾ هڪ ڄڻو فوت ٿي ويو.36

 

2019 کانپوءِ 18 ملڪن سان معلومات جي مٽا سٽا ٿي سگهندي: اسحاق ڊار

اسلام آباد (ويب ڊيسڪ): ناڻي واري وفاقي وزير اسحاق ڊار چيو آهي ته 2019 کانپوءِ 18 ملڪن سان معلومات جي مٽا سٽا ٿي سگهندي، حڪومت ۾ ڪير به هجي معاهدي جو پاڪستان جي فائدي ۾ هجڻ گهرجي، پاڪستان جو اميج سڄي دنيا ۾ تبديل ٿي رهيو آهي، هن چيو ته ڊان ليڪس تي ڪميشن پنهنجو ڪم ڪري رهيو آهي، ڊان ليڪس تي ڪميشن اڃا رپورٽ جمع ناهي ڪرائي، اسحاق ڊار چيو ته رپورٽ جي اچڻ ۾ دير سان ڪو نقصان نه ٿيندو، ڊان ليڪس ڪميشن جي رپورٽ جو حشر حمود الرحمان رپورٽ جهڙو نه ٿيندو، ان ڳالهه جو حامي آهيان ته ڊان ليڪس جي رپورت کي عام ڪيو وڃي.

 

سنڌ حڪومت جو ڀارتي جيلن ۾ قيد مهاڻن جي خاندانن جي مالي سهڪار جو فيصلو

ڪراچي (ويب ڊيسڪ) سنڌ حڪومت ڀارتي جيلن ۾ قيد مهاڻن جي خاندانن جي مالي سهڪار ڪرڻ جو فيصلو ڪيو آهي، سنڌ حڪومت ڀارتي جيلن ۾ قيد مهاڻن جي خاندانن جي مالي سهڪار ڪندي جڏهن ته وزير وڏزير سيد مراد علي ساهه مهاڻن جي خاندان جي لاءِ هڪ ڪروڙ 5 لک 60 هزار رپين جي منظوري ڏئي ڇڏي آهي، ذريعن جو چوڻ آهي ته پهرئين مرحلي ۾ پرڏيهي وزارت جي ڏنل لسٽ تي 176 خاندانن جي مالي مدد ڪئي ويندي جن کي کي سنڌ حڪومت طرفا ماهوار 10 هزار رپيا ڏنا ويندا

 

دهشتگردن جو وڌيڪ محفوظ پناهگاهون پنجاب ۾ آهن: خورشيد شاهه

اسلام آٻاد(م.ڊ) : قومي اسيمبلي ۾ مخالف ڌر جي اڳواڻ سيد خورشيد شاهه چيو آهي ته دهشتگردن جون محفوظ پناهه گاهون پنجاب ۾ آهن، نيشنل ايڪشن پلان تي سنڌ سرڪار سڀ کان وڌيڪ عمل ڪيو باقي ان تي صحيح عمل ناهي ٿي سگهيو، پنجاب ان ۾ رڪاوٽ بڻيل آهي. اهڙن خيالن جو اظهار هن پاڻي ۽ بجلي جي اڳوڻي وفاقي وزير ۽ پ پ اڳواڻ سيد نويد قمر الزمان شاهه سان ماءُ جي وفات تي تعزيت ڪرڻ بعد صحافين سان ڳالهائيندي ڪيو. هن چيو ته اسان فوج جي ماضي ۾ به حمايت ڪئي پر اسان سمجهون ٿا ته فوجي عدالتون مسئلن جو حل ناهن. هن چيو ته هڪ مائينڊ سيٽ آهي جنهن کي گولي سان ختم نٿو ڪري سگهجي. اسانجون سرحدون غيرمحفوظ آهن، افغانستان کليءَ طرح پاڪستان ۾ دهشتگرديءَ ۾ ملوث آهي، دهشتگرديءَ ۾ ملوث ماڻهن کي پناهه ڏيئي رهيو آهي. هن چيو ته محفوظ پاڪستان افغانستان جي حق ۾ آهي ۽ اهڙيءَ طرح محفوظ افغانستان پڻ پاڪستان جي حق ۾ آهي. هن چيو ته اسان اڪيلا ناهيون ٿيندا، اسان سڀني کي گڏ کڻي هلون ٿا. اسان انهن جماعتن کي به جمهوريت جي مفاد ۾ گڏ کڻي هليا آهيون جيڪا ماضيءَ ۾ ضياءَ جي حڪومت ۾ شامل هيون.

 

پارليامينٽ جي لابيءَ ۾ ميمبرن جي جھيڙي تي شرمندگي آهي: اياز صادق

اسلام آباد (ويب ڊيسڪ) قومي اسيمبليءَ جي اسپيڪر اياز صادق جو چوڻ آهي ته پارليامينٽ ٻاهر ٿيندڙ واقعي تي شرمنده آهي ۽ اسان کي پارليامينٽ پنهنجا رويا جمهوري ۽ برداشت وارا بڻائڻا پوندا، اسلام آباد ۾ جمهوريت جي راهه ۾ قربانيون ڏيندڙ شهيدن جي يادگار جي افتتاحي تقريب  ٿي، جنهن جو افتتاح سينيٽ چيئرمين ميان رضا ربانيءَ ۽ سردار اياز صادق ڪيو، ميڊيا سان ڳالهائيندي اياز صادق جو چوڻ هو ته تاريخ ۾ پهريون ڀيرو جمهوريت جي شهيدن جي يادگار بڻي آهي، ان سلسلي ۾ سينيٽ چيئرمين جي ڪاوشن کي ساراهيان ٿيو، رضا رباني جي جمهوريت جي لاءِ قربانيون مون کان وڌيڪ آهن، گذريل ڏينهن پارليامينٽ جي ٻاهر ٿيندڙ واقعي تي شرمندگي آهي، اهڙا واقعا جمهوريت کي ڪمزور ڪندڙن کي فائدو پهچائي رهيا اهن، اسان کي پارليا مينٽ ۾ پنهنجا رويا جمهوري ۽ برداشت وارا بڻائڻا پوندا. 2013ع ۾ پڪو پَهه ڪيو هو ته جمهوريت کي مضبوط ڪرڻ جي لاءِ هر ڪوشش ڪندس.

 

چئن سالن تان وفاق ڪجھه نه ڪيو، هاڻ کين سنڌ ياد آئي آهي: مولا بخش چانڊيو

حيدرآباد (اين اين آءِ) پ پ پارليامينٽريز جي مرڪزي اطلاعات واري سيڪريٽري مولا بخش چانڊيو چيو آهي ته وزيراعظم کي چئن سالن کان علم نه هو ته سنڌ حڪومت ڪم نه ڪري رهي آهي ڪرڪيٽ کٽي ورتي ته ائين لڳي رهيو آهي ته ايٽم بم بڻائي ڇڏيو. سول اسپتال حيدرآباد ۾ هڙتال وارن ڊاڪٽرن سان ڪامياب ڳالهين کانپوءِ ميڊيا سان ڳالهائيندي مولا بخش چانڊيو چيو ته ڳالهه مڃڻ تي ڊاڪٽرن ۽ نرسن جو ٿورائتو آهيان انهن جي وفد جي وڏي وزير سان ملاقات جي ڪوشش سان انهن جا مطالبا مڃرائڻ لاءِ پاڻ ڳالهه ٻولهه به ڪندس هن وزيراعظم جي ٺٽي واري دوري تي چيو ته سيوهڻ جي ويجهو هجڻ باوجود وزيراعظم مزار تي نه ويو ان کي اقتدار جي آخري سال سنڌ ياد آئي آهي. مولا بخش چانڊيو وڌيڪ چيو ته ميان صاحب جا ڊراما هاڻي نه هلندا، سڄو مال لاهور جي لاءِ ۽ اسان جي لاءِ صرف آسرا، اسان کي آسري ۾ نه رکيو وڃي ، سنڌ وارا ڊرامن کي سمجهن ٿا. هن چيو ته جمهوري نظام سان عشق آهي، ن ليگ سان محبت نه آهي، جيڪا تعصب سان ڀريل آهي، هن چيو ته مخدوم خاندان پ پ جو حصو آهي، هن مشڪل حالتن ۾ به پ پ جو ساٿ ڏنو. هن چيو ته ڪو کٽي يا نه عدالت کي کٽڻ گهرجي، پاناما ۾ سڀ ٿي ويو هاڻي اسان جي جان ڇڏين.

 

عمران خان جو ن ليگ اڳواڻ جاويد لطيف جي سوشل بائيڪاٽ جو اعلان

اسلام آباد (ويب ڊيسڪ) تحريڪ انصاف جي چيئرمين عمران خان گذريل ڏينهن مراد سعيد سان پارليامينٽ جي لابي ۾ ٿيندڙ جھيڙي جي واقعي کان پوءِ (ن) ليگي اڳواڻ جاويد لطيف جي سوشل بائيڪات جو اعلان ڪري ڇڏيو آهي، عمران خان سوشل ميڊيا تي پنهنجي ٽوئيت ۾ چيو ته تحريڪ انصاف جو ڪو به ميمبر ڪنهن به اهڙي پروگرام ۾ شرڪت نه ڪري جنهن ۾ جاويد لطيف کي گھرايو وڃي. تحريڪ انصاف چيئرمين جو چوڻ آهي ته جيڪڏهن ڪنهن مهذب معاهشري ۾ جاويد لطيف ايئن ڪري ها ته ان تي هر قسم جي عوامي پروگرامن ۾ شرڪت تي پابندي لڳائي وڃي ها.