تازيون خبرون

Monthly Archives: March 2017

دنيا ڄاڻي ٿي ته ڀارت پاڪستان ۾دهشتگردن جي مالي سرپرستي ۾ ملوث آهي: پرڏيهي کاتو

اسلام آباد (اين اين آءِ) پاڪستان چيو آهي ته ممبئي ۾ جناح هائوس قائداعظم جي رهائشگاهه رهي آهي ڀارت جناح هائوس جي پاڪستاني ملڪيت ۽ اهميت جو خيال رکي والاريل ڪشمير ۾ تحريڪ آزادي دٻائڻ لاءِ ظلم جي بازار گرم آهي عالمي برادري ۽ گڏيل قومون ڀارت کي ڪشميرين جي قتل عام کان روڪي ڪلڀوشن جي پاڪستان ۾ موجودگي ۽ گرفتاري کان وڌيڪ ڀارتي مداخلتجو ٻيو ڪوبه ثبوت نٿو ٿي سگهي سي پيڪ سان ملڪ ۾ توانائي جي کوٽ کي ڪنٽرول ڪرڻ ۾ مدد ملي آهي خميس تي پرڏيهي آفيس ۾ هفتيوار بريفنگ دوران ترجمان نفيس ذڪريا چيو ته والاريل ڪشمير ۾ تحريڪ آزادي دٻائڻ لاءِ ظلم جي بازار گرم آهي ڀارتي فوج گذريل ڏينهن به 4 نوجوان ڪشميرين جو قتل ڪيو ڪشمير ۾ هڪ شهيد جي جنازي تي بارود جو استعمال ڪيو ويو شهادت جو انگ 150 ٿي ويو آهي هن چيو ته ممبئي ۾ جناح هائوس قائداعظم جي رهائشگاهه رهي آهي هن چيو ته ڀارت ۾ اتان جي هندو انتهاپسند تنظيمون دهشتگردي ڪري الزام ٻين جي مٿان مڙهي رهيون آهن افغان سرحد کي دهشتگردي جي موجب بڻجڻ کان روڪي سگهجي ٿو هن چيو ته دهشتگردي کي ناسور کي ختم ڪرڻ لاءِ پاڪستان ۽ افغانستان کي گڏجي ڪم ڪرڻو پوندو نفيس ذڪريا موجب 4 ملڪي گروپ مسئلو افغانستان ۽ مفاهمتي عمل ۾ اهم ڪردار ادا ڪري سگهي ٿو هن چيو ته روس اپريل ۾ افغاني معاملي تي 6 ملڪي گروپ جو اجلاس گهرايو آهي ۽ پاڪستان به ان اجلاس ۾ شرڪت ڪندو.

 

فوج نيشنل سيڪيورٽي لاءِ پنهنجو ڪردار ادا ڪندي رهندي: آرمي چيف

راولپنڊي (اين اين آءِ) آرمي چيف جنرل قمر جاويد باجوا چيو آهي ته فوج قومي سلامتي لاءِ پنهنجو ڪردار ادا ڪندي رهندي وطن جي مقابلي ۾ ڪا ٻي شئي وڌيڪ نه آهي ڪنهن به ماڻهو يا اداري کان وڌيڪ ملڪ اهم آهي آءِ ايس پي آر مطابق آرمي چيف خميس تي بلوچ ريجمينٽ سينٽر ايبٽ آباد جو دورو ڪيو آرمي چيف پنهنجي آمد کان پوءِ ملڪ جي بچاءُ لاءِ پنهنجون جانيون قربان ڪندڙ بلوچ ريجمينٽ جي شهيدن کي خراج عقيدت پيش ڪرڻ لاءِ شهيدن جي يادگار تي گلن جي چادر چاڙهي آرمي چيف بلوچن جي گهر اچڻ تي خوشي جو اظهار ڪندي چيو ته ان لاءِ اها اعزاز جهڙي ڳالهه آهي هن چيو ته ان جي بلوچ ريجمينٽ سان خاص وابستگي آهي ان جو والد ۽ هو خود بلوچ ريجمينٽ جا آفيسر رهيا آهن آرمي چيف ايف سي ڪي پي ڪي سميت سينٽر ۾ تربيت حاصل ڪندڙ ريڪروٽس ۽ آفيسرن سان به ڳالهيون ڪيون آرمي چيف چيو ته فوج قومي سلامتي لاءِ پنهنجو ڪردار ادا ڪندي رهندي.

 

ملڪ ۾ لاقانونيت کي روڪڻ لاءِ آپريشن ردالفساد شروع ڪيو ويو: مريم اورنگزيب

اسلام آباد( ويب ڊيسڪ)  اسلام آباد: اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته پاڪستان مسلم ليگ (ن) دهشتگردي جي لعنت ۽ توانائي جي کوٽ جهڙن چئلينجن تي ضابطو آڻڻ سان گڏوگڏ پائيدار اقتصادي واڌويجهه حاصل ڪرڻ جا واعدا پورا ڪيا آهن ۽ ايندڙ چونڊون ڪارڪردگي جي بنياد تي وڙهندي، پاڪستان فيصلائتي دور مان گذري رهيو آهي ۽ جمهوريت مضبوط ٿي رهي آهي، پاڪ چين اقتصادي لنگهه ملڪ لاءِ هڪ نعمت آهي جنهن سان نه رڳو پاڪستان پر پورو خطو پاڻ ۾ ڳنڍجي ويندو. هن چيو ته پاڪستان مسلم ليگ (ن) جي حڪومت ٻين پارٽين جي پاليسين جو مقابلو پنهنجي ڪارڪردگي سان ڪري رهي آهي جنهن جي نتيجي ۾ پاڪستان بدلجي رهيو آهي ۽ هتي استحڪام اچي رهيو آهي. هن چيو ته هاڻي سياست ۽ ڪارڪردگي هڪ ٻئي سان ڳنڍيل آهن ۽ عوام پارٽين کي ڪارڪردگي جي بنياد تي ووٽ ڏيندي. مملڪتي وزير چيو ته پاڪستان فيصلائتي دور مان گذري رهيو آهي، هتي جمهوريت مضبوط ٿي رهي آهي، ترقياتي منصوبا مڪمل ڪيا پيا وڃن ۽ جمهوري عمل ۾ عوام جو اعتماد بحال ٿيو آهي. هن چيو ته پاڪستان مسلم ليگ (ن) پنهنجي منشور ۾ ڪيل واعدا پورا ڪيا آهن. مريم اورنگزيب چيو ته جنهن وقت پاڪستان مسلم ليگ (ن) حڪومت سنڀالي ته ملڪ ۾ ۱٦ کان ۱۷ ڪلاڪ روزاني لوڊشيڊنگ ٿي رهي هئي پر هاڻي صورتحال واضح طور تي مختلف آهي. شهرن ۾ لوڊشيڊنگ گهٽ ٿي ٽي ڪلاڪ ۽ ڳوٺاڻن علائقن ۾ ٦ ڪلاڪن تائين اچي وئي آهي، ۱۴ سالن کانپوءِ گذريل ٻن سالن کان صنعتن کي بنا ڪنهن وقفي جي بجلي فراهم ڪئي پئي وڃي جنهن جي نتيجي ۾ ملڪي معيشت ۽ روزگار تي مثبت اثر پيا آهن. هن چيو ته فوج، قانون لاڳو ڪندڙ ادارا ۽ عوام گذريل ڪيترن ئي سالن کان دهشتگردي جي خلاف جنگ وڙهي رهيا آهن، ۲۰۱۳ع تائين دهشتگردن جي خلاف جنگ بنا ڪنهن جوابي بيانيه جي وڙهي وئي ان سال ڪراچي ۾ آپريشن شروع ڪيو ويو ۽ قومي داخلي سيڪيورٽي پاليسي جو اعلان ڪيو ويو. هن چيو ته پشاور ۾ آرمي پبلڪ اسڪول جي افسوسناڪ واقعي کانپوءِ قومي ايڪشن پلان تي عمل شروع ڪيو ويو، ۲۰۱۳ع ۾ دهشتگردي جا ۲۴۰۰ واقعا ٿيا جڏهن ته ۲۰۱۷ع ۾ ۱۷۰ کان ۱۸۰ واقعا ٿيا. مريم اورنگزيب چيو ته دنيا جي دهشتگردي جي خاتمي جي سڀ کان وڏي قدم آپريشن ضرب جي نتيجي ۾ دهشتگرد ڀڄي رهيا آهن، ملڪ ۾ لاقانونيت کي روڪڻ لاءِ آپريشن ردالفساد پڻ شروع ڪيو ويو آهي. هن چيو ته موجوده حڪومت ملڪي معيشت کي بلند واڌ ويجهه جي شرح جي راهه تي گامزن ڪري ڇڏيو آهي ۽ سمورين سروي جا انگ اکر پاڪستاني معيشت کي وڌندڙ ظاهر ڪري رهيا آهن. هن چيو ته ۲۰۱۳ع ۾ پاڪستان ڏيوالپڻي جو شڪار هو ۽ دنيا ان جي استحڪام جي حوالي سان پنهنجا خدشا ظاهر ڪري رهي هئي جڏهن ته اڄ پاڪستان جي اسٽاڪ ايڪسچينج ايشيا جي سڀ کان وڌيڪ تيزي سان ترقي ڪندڙ اسٽاڪ ايڪسچينج بڻجي وئي آهي. مملڪتي وزير چيو ته حڪومت ملڪ ۾ تعليم جو معيار بلند ڪرڻ لاءِ وزيراعظم جي تعليمي سڌارن وارو پروگرام شروع ڪري پنهنجي هڪ ٻئي واعدي کي مڪمل ڪيو آهي. پاڪستان ٻارن جي داخلا جي ۱۰۰ سيڪڙو شرح حاصل ڪرڻ جي لاءِ ڪوششون ڪري رهيو آهي، ان سلسلي ۾ پنجاب ۵۵ هزار اسڪولن سان نمايان اڳڀرائي ڪئي آهي. هن چيو ته پاڪ چين اقتصادي لنگهه ملڪ لاءِ هڪ نعمت آهي جنهن سان نه رڳو پاڪستان پر پورو خطو پاڻ ۾ ڳنڍجي ويندو، اقتصادي لنگهه دنيا جي سمورن وڏن اقتصادي مرڪزن کي ڳنڍيندو، ان منصوبي کي پوري دنيا گيم چينجر قرار ڏنو آهي. مريم اورنگزيب چيو ته جيڪي عنصر پاڪستان کي پٺتي ڌڪڻ چاهين ٿا اهي سي پيڪ کان ڊنل آهن پر پاڪستان جي عوام اهڙن عنصرن جي ڪڌن ارادن کي ڪامياب ٿيڻ نه ڏيندي. هن چيو ته ميڊيا کي اهڙن نازڪ معاملن کان پاسو ڪرڻ گهرجي جيڪي حقيقتن جي خلاف هجن. ميڊيا ذميواراڻو ڪردار ادا ڪندي سي پيڪ کي متاثر ڪندڙ عمل کان پاسو ڪري. هن چيو ته جيڪي عنصر پاڪستان ۽ هن خطي جا سڄڻ نه آهن اهي افراتفري چاهين ٿا ته جيئن سي پيڪ تي ڪم جي رفتار ۾ رڪاوٽ اچي، سياست ڪندڙن جي لاءِ ٻيا به اشوز موجود آهن ان لاءِ قومي مفادن جي معاملن تي سياست ڪرڻ کان پاسو ڪرڻ گهرجي.

 

قانون ٽوڙيندڙن خلاف سخت قدم کنيو ويندو: مراد علي شاهه

بدين (اين اين آءِ) پ پ پ جي مرڪزي اطلاع واري سيڪريٽري مولابخش چانڊيو بدين پريس ڪلب ۾ صحافين سان ڳالهائيندي چيو ته مسلم ليگ (ن) هڪ صوبي جي اڪثريت تي سڄي پاڪستان تي حڪومت ڪري رهي آهي جڏهن ته ننڍا 3 صوبا نواز ليگ کي رد ڪري چڪا آهن هن چيو ته نوازشريف حڪومت جون پاليسيون ننڍن صوبن جي عوام ۾ احساس محرومي پيدا ڪري رهي آهي جنهن جا نتيجا ايندڙ وقت ۾ نقصان ڏيندڙ ٿي سگهن ٿا هن چيو ته آدمشماري اين ايف سي ايوارڊ پاڻي ۽ گئس جي مسئلن تي وفاقي حڪومت سنڌ سان ناانصافي ۽ زيادتي ڪري رهي آهي ننڍن صوبن کي اعتماد ۾ وٺڻ کان سواءِ وفاقي حڪومت جنهن انداز ۾ آدمشماري جي شروعات ڪئي آهي ان تي سنڌ کي سخت خدشا آهن وفاقي حڪومت جا اهڙا قدم شڪ ۽ شبهو پيدا ڪري رهيا آهن ته وفاقي حڪومت هڪ سازش جي تحت ننڍن صوبن جي آبادي کي گهٽ ظاهر ڪرڻ چاهي ٿي. مولابخش چانڊيو چيو ته چوڌري نثار ۽ عمران خان کي صرف ماڊل ايان علي هر ڀيري ياد اچي ٿي خبر ناهي ته انهن سان ان جو ڪهڙو رشتو آهي ۽ هڪ صوبي تي ووٽن تي پاڪستان جو حڪمران مقرر ڪرڻ ٽن صوبن سان زيادتي آهي وفاقي حڪومت ۾ صوبن جي نمائندگي ضروري آهي هن چيو ته مسلم ليگ سنڌ جي صدر اسماعيل راهو جي پ پ پ ۾ شموليت جي ان کي ڪابه خبر نه آهي ۽ حقيقت اها آهي ته مسلم ليگ (ن) صرف پنجاب جي پارٽي آهي. ۽ ان جا سمورو ڌيان صرف پنجاب ڏانهن آهي.

 

وزير اعظم سان ڊي جي آءِ ايس آءِ جي ملاقات، ڊان ليڪس بابت جاچ تي ڳالهيون

اسلام آباد(م.ڊ) وزير اعظم ميان محمد نواز شريف سان ڊي جي آئي ايس  آئي ليفٽيننٽ جنرل نويد مختار ملاقات ڪئي، ذريعن موجب ملاقات ۾ ملڪي سلامتي ۽ دهشتگردي خلاف جاري آپريشن تي ڳالهين جي ڏي وٺ ڪئي وئي، جڏهن ته ڊان ليڪس جي حوالي سان جاري تحقيقاتي عمل جي معاملن تي به غور ڪيو ويو.

 

آصف زرداري ۽ طاهر القادري ۾ ٽيليفونڪ رابطو، مختلف معاملن تي ڳالهيون

ڪراچي(ويب ڊيسڪ) اڳوڻي صدر ۽ پيپلز پارٽي جي ڪو چيئرمين آصف علي زرداري عوامي تحريڪ جي سربراهه ڊاڪٽر طاهر القادري کي ٽيلي فون ڪيو آهي. پيپلز پارٽي جي شريڪ چيئرمين ۽ اڳوڻي صدر رابطامهم تيز ڪندي ڊاڪٽر طاهر القادري کان طبيعت بابت پڇاڻو ڪندي چيو ته توهان ٺيڪ ٿي ويندا پوءِ پنجاب ۾ ڪم ڪنداسين. ٻنهي اڳواڻن موجوده ملڪي صورتحال تي ڳالهيون ڪيون ۽ بنهي اڳواڻن وچ ۾ 20 منٽن تائين ڳالهيون ٿيون. آصف زرداري طاهر القادري جي جلد صحتيابي جي لاءِ دعا به ڪئي.

 

ظالم جاگيردار بجيٽ ٺاهڻ وقت پنهنجو فائدو ڏسندا آهن: سراج الحق

رحيم يار خان(ويب ڊيسڪ) جماعت اسلامي جي امير سراج الحق چيو آهي ته مونکي سيڪيورٽي خدشن جو چئي رحيم يار خان نه اچڻ جو مشورو ڏنو ويو، هن چيو ته اسان الله کان سواءِ ڪنهن ٻئي کان ڊڄڻ وارا ناهيون، جماعت اسلامي جي امير سراج الحق جلسي کي خطاب ڪندي چيو ته لاهور کان ڏکڻ پنجاب آيس ته غربت ۾ اضافو ڏٺو، هن چيو ته محنت مزدور ڪندو آهي پر هو بکيو سمهندو آهي، هن جلسي کي خطاب ڪندي چيو ته نوجوانن وٽ ڊگريون آهن پر اهي بيروزگار آهن، هن چيو ته ظالم جاگيردار بجيٽ ٺاهڻ وقت پنهنجو فائدو ڏسندا آهن، هن جو چوڻ هو ته هو هارين جو راڄ ڏسڻ ٿو چاهي، هن چيو ته شوگر مافيا به هارين مٿان راڄ ڪري رهي آهي، جماعت اسلامي جي امير چيو ته اسان جي نوجوانن کي اداڪار نه بڻايو وڃي، سراج الحق جو چوڻ هو ته پاڪستان جا حڪمران پاناما ڪيس ۾ ملوث آهن، هن چيو ته 7 ارب رپين کان وڌيڪ هڪ خاندان جي سيڪيورٽي تي خرچ ايندو آهي، هن چيو ته ڀارت ڪُلڀوشن موڪليندو آهي ۽ اسان بجلي ڏيڻ جو اعلان ڪندا آهيون، سندس چوڻ هو ته عوام نسل درنسل حڪمراني لاءِ تيار ناهي.

 

رحمان ملڪ جو آمريڪين کي ويزا جاري ڪرڻ بابت بيان غلط ۽ ڪوڙو آهي: گهرو وزارت

اسلام آباد(ويب ڊيسڪ) گهرو وزارت جي ترجمان چيو آهي ته آمريڪين کي ويزا جاري ڪرڻ واري معاملي ۾ ڪا به نرمي ناهي ڪئي وئي ان حوالي سان پيپلز پارٽي جي اڳواڻ رحمان ملڪ جو بيان سراسر غلط ۽ ڪوڙ تي ٻڌل آهي. اڳوڻي گهرو وزير رحمان ڪجهه ڏينهن پهرين ميڊيا سان ڳالهائيندي چيو هو ته حڪومت طرفان اسان تي ته تنقيد ڪئي ٿي وڃي پر آمريڪين کي ويزا ڏيڻ جو سلسلو ته هاڻ به جاري آهي، هڪ پاسي اتحادي سپورٽ فنڊ ورتو پيو وڃي ۽ جيسيتائين آمريڪا مان امداد ملندي آمريڪين کي ويزا به ملندي رهندي. گهرو وزارت طرفان پيپلز پارٽي جي اڳواڻ سينيٽر رحمان ملڪ جي ويزا جاري ڪرڻ بابت بيان جي ترديد ڪئي آهي ۽ چيو آهي ته اڳوڻي گهرو وزير جو بيان معصوم، غلط ۽ ڪوڙ تي ٻڌل آهي. گهرو وزارت جي ترجمان جو چوڻ آهي ته ويزا جاري ڪرڻ جو اتحادي سپورٽ فنڊ سان ڪو به تعلق ناهي جڏهن ته رحمان ملڪ کي اها به خبر ناهي ته ڪوليشڻ سپورٽ فنڊ بند ٿي چڪو آهي.

 

عمران خان پ پ  ۽ نواز ليگ ۾ ڊيل جو غلط الزام لڳايو آهي: قمر زمان ڪائره

اسلام آباد (اين اين آءِ) پ پ پ حڪومت تي وقت کان اڳ ڌانڏلي جو الزام لڳائيندي چيو ته ايندڙ چونڊن کي شفاف بنائڻ جي ڪوشش ڪئي وڃي نڪي تڪراري بڻايو وڃي حڪومت فرضي منصوبا اڌ ۾ ڇڏي پنڪ مهم شروع ڪئي آهي ۽ چونڊن کي فوڪس ڪري ترقياتي اسڪيمون ڏنيون آهن اهڙن خيالن جو اظهار پ پ پ وچ پنجاب جي صدر قمرزمان ڪائره منظور وٽو جي رهائشگاهه تي ميڊيا سان ڳالهائيندي ڪيو ان موقعي تي نديم افضل چن ۽ وڌيڪ ٻيا اڳواڻ به موجود هئا قمرزمان ڪائره چيو ته حڪومت وٽ پهريان کان اعلان ٿيل اسڪيمن لاءِ پئسا نه آهي جڏهن ته نون منصوبن جا اعلان ڪيا پيا وڃن. هن چيو ته اسان جي عدالتن کي ڇو نه نظر اچي رهيو آهي ته وقت کان اڳ ڌانڌلي شروع ڪئي ويئي آهي. هن چيو ته گذريل ڏينهن خانصاحب وڏي دونهادار پريس ڪانفرنس ڪئي ۽ الزام لڳايو ته (ن) ليگ ۽ پ پ پ ۾ ٻيهر ڳٺجوڙ ٿي ويو آهي خانصاحب جو خيال هو ته ايندڙ اليڪشن ۾ رستا خالي هوندا پر ايئن نه هوندو هن چيو ته پ پ پ ري آرگنائيزيشن جو عمل شروع ڪيو هو اهو پنهنجي اصل موقف تي بيٺي آهي ۽ وڏي پارٽي جي شڪل ۾ اڀرندي.

 

ملڪ ۾ دهشتگردي ۽ معصوم ماڻهن جي قتل ۽ هنگامي حالتن سبب فوجي عدالتن جي حمايت ڪئي آهي: مولا بخش چانڊيو

بدين(ڊ.ر)  هڪ صوبي جي ووٽن تي پاڪستان جو حڪمران مقرر ڪرڻ ٽن ننڍن صوبن سان زيادتي آهي، وفاقي حڪومت ۾ صوبن جي نمائندگي هجڻ لازمي آهي جيڪا نظر نٿي اچي، اهڙن خيالن جو اظهار پاڪستان پيپلز پارٽي جي مرڪزي اطلاعات سيڪريٽري سينيٽر مولابخش چانڊيو بدين ۾ هڪ سماجي تنظيم اين آر ڊي پي جي سيمينار ۾ شرڪت ڪرڻ کان پوءِ بدين پريس ڪلب ۾ صحافين سان ڳالهائيندي ڪيو. هن چيو ته پ پ پ پنهنجي دور ۾ تاريخي قانون سازيون ڪيون پر هِن وقت حڪمران اسيمبلين ۾ نظر نه ٿا اچن، پ پ پ قيادت ڪڏهن به اين آر او نه ڪيو آهي پر ن ليگ سعودي عرب جي سرپرستيءَ ۾ اين آر او ڪيو ۽ مُشرف کان تحريري معافي وٺي ۱۰ سال ملڪ کان ٻاهر رهي سياست کان ڪنارا ڪشي ڪئي، هن چيو ته پ پ پ هميشه عدالتن مان رليف ورتو آهي، هن وقت به ڊاڪٽر عاصم، شرجيل ميمڻ ۽ ٻين پ پ پ اڳواڻن کي ملڪ جي صدر ۽ وزيراعظم نه پر عدالتن رليف ڏنو آهي، اين آر او ذريعي سودي بازيون ڪندڙ پ پ پ قيادت تي ڪوڙا الزام هڻي رهيا آهن، هن چيو ته ملڪ ۾ دهشتگردي ۽ معصوم ماڻهن جي قتل ۽ هنگامي حالتن سبب فوجي عدالتن جي حمايت ڪئي آهي، سنڌ ۾ پوليس سڌارن جي ضرورت آهي، پوليس ۱۹۳٦ع جي سڌارن هيٺ ڪم ڪري رهي آهي، انهي لاءِ قانون سازي جي ضرورت آهي، ان هوندي به پوليس ۽ رينجرز سنڌ ۾ امن امان قائم ڪرڻ لاءِ پنهنجو ڀرپور ڪردار ادا ڪري رهيا آهن، هن چيو ته آدم شماري جي مسئلي تي وفاق سنڌ کي اعتماد ۾ وٺڻ کان سواءِ ڪم ڪري رهيو آهي، جنهن تي سنڌ حڪومت کي سخت خدشا آهن، سنڌي ماڻهن کي خدشو آهي ته وفاق جنهن طريقي سان آدم شماري ڪري رهيو آهي ان سان کين اقليت ۾ بدلايو ويندو ۽ اهڙي آدم شماري کي سنڌ جو عوام ڪڏهن به قبول نه ڪندو، وفاق گئس، بجلي ۽ اين ايف سي ايوارڊ جي سلسلي ۾ سنڌ سان وڏيون زيادتيون ڪيون آهن، وفاقي حڪومت تي هڪ صوبي جي ماڻهن جو قبضو آهي ۽ انهن ننڍن صوبن جي عوام کي سندن حقن کان محروم ڪري ڇڏيو آهي، هن چيو ته بدين جي عوام کي جائز شڪايتون آهن، اهي ان ڪري پيدا ٿيون جو پ پ پ غلطي ڪري پورو ضلعو هڪ شخص جي حوالي ڪري ڇڏيو، جنهنڪري هتي گھڻا مسئلا ٿيا آهن، انهن کي حل ڪرڻ لاءِ قدم کنيا پيا وڃن، هن چيو ته مسلم ليگ ن سنڌ جي صدر اسماعيل راهو جي پ پ پ شامل ٿيڻ بابت کيس معلومات ناهي پر اسان جا اسماعيل راهو سميت سڀني جمهوريت پسندن لاءِ دروازا کليل آهن. ان موقعي تي پ پ پ اڳواڻ فدا مينڌرو، ضلعي ڪائونسل جو وائيس چيئرمين الهڏنو چانڊيو، برڪت ٻٻر ۽ ٻيا پ پ پ اڳواڻ موجود هئا. پيپلز پارٽي جي مرڪزي اطلاعات سيڪريٽري مولا بخش چانڊيو پ پ پ جي گذريل وفاقي حڪومت طرفان بدين پريس ڪلب ۾ اعلانيل شهيد بينظيرڀٽو آڊيٽوريم هال جي پلاٽ جو معائنو ڪيو ۽ چيو ته ڄاڻايل هال کي سنڌ حڪومت جي خرچ تي تعمير ڪيو ويندو. ان سلسلي ۾ هو سنڌ جي وڏي وزير سان ڳالهائي گرانٽ جاري ڪرائيندو. ان موقعي تي هن بدين پريس ڪلب جي صحافين طرفان سينيئر صحافي انيس ميمڻ جي گھر ۾ لڳل ڌاڙي جي نشاندهي ۽ جوابدار گرفتار نه ٿيڻ تي هن چيو ته هو ان سلسلي ۾ پوليس جي اعليٰ اختيارين سان ڳالهائي ٿيل چوري واپس ڪرائي جوابدارن کي ڪيفر ڪردار تائين پهچائيندو. ان موقعي تي پريس ڪلب جو صدر تنوير آرائين، جنرل سيڪريٽري شوڪت ميمڻ، حميد سومرو، اشفاق ميمڻ، عبداللطيف زرگر، انيس ميمڻ، شڪور ميمڻ، مجيد ملاح ۽ ٻيا صحافي پڻ موجود هئا.