تازيون خبرون

Daily Archives: February 21, 2017

افغانين کي ملڪ بدر ڪرڻ جا بندوبست ڪيا وڃن: آصف زرداريءَ جي وڏي وزير کي هدايت

ڪراچي (ويب ڊيسڪ) وزيراعليٰ هائوس ۾ امن امان بابت اڳوڻي صدر آصف علي زرداريءَ جي صدارت هيٺ ٿيندڙ اجلاس دوران وڏي وزير ڪو چيئرمين کي بريفنگ ڏيندي چيو ته پوليس جون صلاحيتون وڌائڻ تي خاص ڌيان ڏئي رهيا آهيون، پوليس بهتر ڪم ڪري رهي آهي پر اڃا گھڻو ڪجھه ڪرڻو آهي، سنڌ حڪومت 94 مدرسن جي فهرست وفاق کي موڪلي هئي، هيءَ فهرست انٽيلي جنس ايجنسين جي اطلاعن جي بنياد تي ٺاهي وئي هئي، پر اسان کي ڪا خاص مدد نه ملي، اسان چاهيون ٿا ته انهن تي نظر رکي وڃي،ان موقعي تي اجلاس ۾ ڳالهائيندي اڳوڻي صدر آصف علي زرداريءَ جو چوڻ هو ته اسان کي خبر آهي ته سرحد کان هي دهشتگرد داخل ٿي رهيا آهن، اسان کي خبر آهي ته اسان جي ڪهڙن شهرن ۾ ڪير سهولتڪار آهي، جيڪڏهن اسان قدم کنيا ته دهشتگردن جو ڪم ڏکيو ڪري سگھون ٿا، اسان کي پنهنجي حڪمت عملي بهتر ڪرڻ جي ضرورت آهي، اسان جي وڏن به هڪ مدرسو ٺاهيو هو جنهن قائد اعظم تعليم حاصل ڪئي، ڪجھه مدرسا اسان جي ٻارن کي ڀٽڪائڻ جو ڪم ڪري رهيا آهن، ڪجھه طاقتون پاڪستان ۾ دهشتگردي ڪري ملڪ کي ڪمزور ڪرڻ چاهين ٿيون، هي اسان ججو ملڪ آهي، اسان پنهنجي ملڪ کي ڪمزور ڪرڻ جي ڪنهن اجازت نه ڏني ويندي، اڳوڻي صدر آصف عيل زرداريءَ وڏي وزير کي هدايت ڪئي ته افغانين کي ملڪ بدر ڪرڻ جو بندوبس ڪيو وڃي. وڏي وزير اجلاس کي آگاهه ڪندي چيو ته اسان پوليس ۾ ڏوهارين جي ڊيٽا بيس جوڙِ ورتي آهي، پوليس جي کاتي ۾ آءِ ٽي قائم ڪئي قائم ڪئي آهي، ان ڊيٽابيس سان ڏوهارين تائين پهچي سگھجي ٿو، وڏي وزير وڌيڪ چيو ته سنڌ جا ماڻهو پرامن آهن، دهشتگردن کي هتي ڪو آپگھاتي حملو ڪندڙ نه مليو، اهو ئي سبب آهي جو دهشتگرد آپگھاتي بمبار ٻين علائقن مان ٿا آڻين، باقي اها ڳالهه آهي ته هتي سهولتڪار موجود آهن، اسان سهولتڪارن خي ڳچيءَ تائين پهچنداسين، آص علي زرداريءَ وڏي وزير کي وفاق سان ڳالهائي غير ملڪين جي نيڪاليءَ سميت سمارٽ سٽي منصوبو شروع ڪرڻ جي هدايت پڻ ڪئي، ان موقعي تي آءِ جي سنڌ اي ڊي خواجا اجلاس کي بريفنگ ڏيندي چيو ته سنڌ ۾ 700 صوفين جو درگاهون آهن، اتي ڪجھه مسئلا آهن، ڪجھه درگاهن کي چؤديواري به ناهي جيڪڏهن آهي ته ننڍيون آهن، ڪجھه درگاهن جي چوڌاري حد دخليون به آهن، جڏهن ته ڪجھه مدرسن کي اندريون ۽ ٻاهريون ڀتيون به نه آهن، اتي ڪي نظر رکندڙ ٽاور به نه آهن، عورتن جي جھڙتي وٺندڙ به نه آهن.36

 

آرمي چيف پاڪ -افغان سرحد تي دهشتگردن ۽ ٻين عنصرن جي چُرپر روڪڻ جو حڪم ڏئي ڇڏيو

راولپنڊي (ويب ڊيسڪ) آرمي چيف جي صدارت هيٺ جي ايڇ ڪيو ۾ سڪيورٽي بابت اعليٰ سطحي اجلاس ٿيو آهي، آءِ ايس پي آر موجب آرمي چيف جنرل قمر جاويد باجوا جي صدارت ۾ سڪيورٽيءَ بابت اعليءِ سطحي اجلاس ٿيو، ان موقعي تي آرمي چيف ڳالهائيندي چيو ته پاڪ افغان سرحد تي واڌو سڪيورٽي قدمن جو مقصد گڏيل دشمن سان وڙهڻ آهي، پاڪستان ۽ افغانستان دهشتگرديءَ خلاف بنا فرق جي جنگ وڙهي آهي، ٻئي ملڪ گڏيل طور پنهنجون ڪوششون جاري رکندا، آرمي چيف افغان سڪيورٽي فورسز جي سهڪار سان وڌيڪ بهتر بارڊر ڪو آرڊينيشن جي هدايت ڪئي، آرمي چيف جو چوڻ هو ته پاڪ افغان سرحد تي دهشتگردن ۽ ٻين عنصرن جي عير قانوني چُرپر کي روڪيو وڃي، دهشتگرديءَ خلاف نتيجا ڏيندڙ ڪوششن تي افغان عملدارن جي صلاحن جي آجيان ڪيون ٿا.36

 

وڏي وزير دهشتگرديءَ جي انت وارين عدالتن کي سينٽرل جيل منتقل ڪرڻ جي منظوري ڏئي ڇڏي

ڪراچي (ويب ڊيسڪ) وڏي وزير سيد مراد علي شاهه جي صدارت ۾ اعليٰ سطح جو اجلاس ٿيو آهي جنهن دوران وڏي وزير  مراد علي شاهه دهشتگرديءَ جي انت وارين عدالتن کي جيلن ۾ منتقل ڪرڻ جي منظوري ڏئي ڇڏي، اجلاس دوران وڏي 8 اي ٽي سي عدالتن کي سينٽرل جيل منتقل ڪرڻ جي منظوري ڏني، وزير سيد مراد علي شاهه جو چوڻ هو ته عدالتن کي منتقل ڪرڻ جو جلد کان جلد نوٽيفڪيشن جاري ڪيو وڃي، دهشتگردي ٽور علداتن کي فوري طور منتق ڪيو وڃي، وڏي وزير جو چوڻ هو ته مون کي امن امان قائم ڪرڻو آهي، وڏي وزير کي بريفنگ پڻ ڏني وئي جنهن دوران عملدارن جو چوڻ هو ته خطرناڪ قيدين کي عدالت آڻڻ ۽ وٺي وڃڻ سڪيورٽي رسڪ آهي. سينٽل جيل ۾ اڳ ئي 2 دهشتگرديءَ جي انت واردون عدالتون ڪم ڪري رهيون آهن، ڪلفٽن ۾ 8 ڪورٽو ڪم ڪري رهيون، جنهن کان پوءِ وڏي وزير دهشتگرديءَ جي انت واريون عدالتون سيٽرل جيل منتقل ڪرڻ جي منظوري ڏئي ڇڏي. اجلاس ۾ سنڌ جو چيف سيڪريٽري، ايڊووڪيٽ جنرل، وڏي وزير جوپرنسل سيڪريٽري نويد ڪامران بلوچ، گھرو کاتي جو اسيپيشل سيڪريٽري ۽ خزاني وارو سيڪريٽري ۽ ٻيا شريڪ ٿيا.36

 

بارڊر مئنيجمينٽ لاءِ افغانستان جي تعاون جي ضرورت آهي: پاڪستان

اسلام آباد  (اين اين آءِ) گڏيل قومن جي جنرل سيڪريٽري جي خصوصي نمائندي افغانستان تادا مڇي ياما موتو وزيراعظم جي معاون خاص طارق فاطمي سان ملاقات ڪئي، ان دوران افغانستان جي صورتحال ۽ ملڪ ۾ امن ۽ استحڪام کي هٿي ڏيڻ جي حوالي سان ڪوششن تي غور ڪيو ويو، افغانستان ۾ امن جي قيام واري پاڪستاني خواهش تي زور ڀريندي هن چيو ته پاڪستان افغانستان حڪومت سان مضبوط رابطا قائم ڪرڻ ۽ ڪيترن ئي شعبن ۾ تعاون وڌائڻ سميت دهشتگردي خلاف جنگ لاءِ مسلسل ڪوششون جاري رکيون آهن، طارق فاطمي موثر بارڊر مئنيجمينٽ جي پاڪستاني عزم ڪندي چيو ته ان سلسلي ۾ افغانستان پاران تعاون جي ضرورت آهي، افغانستان ۾ امن کي هٿي ڏيڻ لاءِ گڏيل قومن جي جنرل سيڪريٽري پاڪستان جي مثبت ڪردار کي ساراهيو، هن وزيراعظم جي معاون کي گڏيل قومن پاران افغانستان ۾ امن ۽ ترقي لاءِ ڪيل مختلف سرگرمين کان به آگاهه ڪيو.

 

ڊگهي عرصي تائين انسانيت جي خدمت ڪندڙ ادارا قائم ڪرڻ جي ضرورت آهي: صدر

اسلام آباد(بيورو)  صدر ممنون حسين ڊگهي عرصي تائين انسانيت جي خدمت ڪندڙ ادارا قائم ڪرڻ جي ضرورت تي زور ڏيندي چيو آهي ته رنگ، نسل، مذهب ۽ ملت جي فرق کانسواءِ سماجي خدمت ئي اصل خدمت آهي، صدر اها ڳالهه ايوان صدر ۾ لائنز ڪلب انٽرنيشنل جي عهديدارن سان ملاقات دوران چئي، ملاقات ۾ صدر چيو ته پاڪستان دنيا ۾ خلق خدمت ۽ مالي ايثار جي روايت جي حوالي سان سر فهرست آهي، هن چيو ته ضروتمندن جي مدد انسانيت جي معراج آهي ۽ سرندي وارن ماڻهن ۽ ادارن کي پوري سگهه سان عوامي ڀلائي جي منصوبن جي قيام ۾ وڌي چڙهي حصو وٺڻ گهرجي. صدر پاڪستان ۾ لائنز ڪلب جي خدمتن کي ساراهيندي چيو ته لائنز ڪلب پاڪستان جي غير مراعت يافتا طبقن ۽ ضرورتمندن جي انهن جي بنيادي ضرورتن جي فراهمي لاءِ اهم ڪردار ادا ڪري رهي آهي، نسل، مذهب ۽ قوم جي فرق کانسواءِ لائنز ڪلب جون سماجي خدمتون واکاڻ جوڳيون آهن، هن چيو ته پاڪستان جي پوئتي پيل طبقن جي خدمت لاءِ ايوان صدر جو سهڪار لائنز ڪلب کي سدائين حاصل رهندو، ان موقعي تي صدر کي لائنز ڪلب طرفان هيڊ آف اسٽيٽ ميڊل به پيش ڪيو ويو.

 

آصف زرداري ۽ بلاول ڀٽو چونڊن ۾ حصو وٺڻ جو فيصلو ملتوي ڪري ڇڏيو

ڪراچي (اين اين آءِ)اڳوڻي صدر آصف علي زرداري ۽ پ پ چيئرمين بلاول ڀٽو زرداري پارٽي جي اهم اڳواڻن جي صلاح مشوري کانپوءِ قومي اسيمبلي جي چونڊن ۾ حصو وٺڻ وارو فيصلو ملتوي ڪري ڇڏيو آهي، پ پ پنجاب جي اڳواڻن ٻنهي اڳواڻن کي مشورو ڏنو هو ته هڪ اهڙي وقت ۾ جڏهن سپريم ڪورٽ ۾ پاناما ليڪس جي حوالي سان وزيراعظم جي خلاف اهم ڪيس جي ٻڌڻي ٿي رهي آهي ته چونڊن ۾ حصو وٺڻ فائديمند نه ٿيندو، جڏهن ته پ پ جي قيادت پاران حڪومت جي خلاف اعلان ڪيل احتجاجي تحريڪ به اڃاتائين شروع نه ٿي سگهي آهي، جنهن سبب سپريم ڪورٽ ۾ ٻڌڻي هيٺ پاناما ڪيس ٻڌايو پيو وڃي، پ پ جا حلقا سمجهن ٿا ته حڪومت جي خلاف ڪنهن به تحريڪ کي شروع ڪرڻ کان اڳ سپريم ڪورٽ جي فيصلي جو انتظار ڪرڻ وڌيڪ مناسب هوندو، عدالت جيڪڏهن نواز شريف جي خلاف فيصلو ٻڌائي ٿي ته پوءِ ڪنهن احتجاج جي ضرورت نه پوندي ۽ جيڪڏهن فيصلو وزيراعظم جي حق ۾ اچي ٿو ته سياسي صورتحال جو جائزو وٺڻ ۽ اپوزيشن جي وڌيڪ پارٽين سان صلاح کانپوءِ مستقبل جو لائحه عمل جوڙيو ويندو، پ پ قيادت بينظير ڀٽو شهيد جي ورسي جي موقعي تي حڪومت جي خلاف احتجاجي تحريڪ جو چتاءُ ۽ آصف علي زرداري ۽ بلاول ڀٽو جي ضمني چونڊن ذريعي قومي اسيمبلي جو حصو بڻجڻ واري پاليسي تي نظرثاني ڪرڻ جو پيغام ڏنو، پارٽي قيادت مرڪزي، صوبائي ۽ ضلعي سطح تي سمورن اڳواڻن کي هدايتون جاري ڪيون آهن ته آدمشماري جي عمل ۾ ڀرپور حصو ورتو وڃي ۽ ان ڳالهه کي يقيني بڻايو وڃي ته عوام ڀرپور طريقي سان ان عمل ۾ حصو وٺي.

 

دهشتگردن جي چُرپر تي نظر، پاڪ افغان سرحد تي توپون پهچايون ويون، سڪيورٽي سخت

اسلام آباد (ويب ڊيسڪ) دهشتگردن جي چُرپر مڪمل روڪڻ جي لاءِ پاڪ افغان سرحد تي انتظام سخت ڪيا ويا آهن، سڪيورٽي ذريعن جو چوڻ آهي پاڪ افغان بارڊر تي سڪيورٽي تمام سخت ڪئي وئي آهي، پاڪستان سان لڳندڙ افغانستان جي سرحد تي ڳريون توپون پڻ پهچايون ويون آهن، واڌو آرٽلري به پاڪ افغان سرحد تي موڪلي وئي آهي، ذريعن موجب سڪيورٽي پاڪ افغان سرحد تي چيڪنگ سخت ڪرڻ جي لاءِ وڌائي وئي آهي. ياد رهي ته گذريل ڏينهن افغان پرڏيهي وزارت پاران جاري ڪيل بيان ۾ چيو ويو آهي ته جيڪڏهن پاڪستان اسان جي زمين تي گولا باري جو سلسلو بند نه ڪيو ته ان جي خلاف هر امڪاني طاقت جو استعمال ڪندي ڀرپور جواب ڏنو ويندو.36

 

سپريم ڪورٽ شريف فيملي جي شگرملن جي ڪريشنگ روڪڻ خلاف داخل درخواستون خارج ڪري ڇڏيون

اسلام آباد(ويب ڊيسڪ) سپريم ڪورٽ شريف فيملي جي ٽن شگرملن جي ڪريشنگ روڪڻ خلاف داخل نظرثاني واريون درخواستون خارج ڪري ڇڏيون آهن، عدالت رمارڪس ۾ چيو ته شگر ملز بابت ڪيس هاءِ ڪورٽ ۾ شروع ٿي چڪو آهي، ان کي فيصلو ڪرڻ ڏنو وڃي. چيف جسٽس، جٽس ثاقب نثار جي سربراهي ۾ 3 رڪني بئنچ نظرثاني وارين درخواستن جي ٻڌڻي ڪئي. عدالت رمارڪس ۾ چيو ته شگرملز بابت ڪيس هاءِ ڪورٽ ۾ شروع ٿي چڪو آهي، تنهن ڪري ان کي فيصلو ڪرڻ ڏنو وڃي.

 

فوجي عدالتن جي لاءِ آئيني ترميم سينيٽ مان پاس ٿيڻ به ضروري آهي: اسحاق ڊار

اسلام آباد (اين اين آءِ) ناڻي جي وفاقي وزير اسحاق ڊار چيو آهي ته فوجي عدالتن جي قيام ۾ واڌ واري معاملي تي 23 فيبروري جو 11 وڳي اجلاس ٿيندو، آئين ۾ ترميم لاءِ مشوري ۾ سينيٽ جي ميمبرن کي به دعوت ڏني ويندي، پهريان 5 اجلاس ٿي چڪا آهن ۽ هاڻ غير رسمي صلاح مشورا هلي رهيا آهن، اتفاق راءِ سان پيغام ڏينداسين، لاهور ۽ حيات آباد جي تازن ٻن ڌماڪن ۾ پرڏيهي هٿ ملوث آهن، حملا پرڏيهي ڌرتي مان ڪنٽرول ڪيا ويا آهن، ثبوت ملي ويا آهن، ٻين ملڪن مان پاڻ تي حملي جي اجازت نه ڏينداسين، سومر تي سينيٽ اجلاس دوران ڳالهائيندي ناڻي واري وفاقي وزير چيو ته فوجي عدالتن جي قيام ۾ واڌ ۽ سيڪيورٽي جي صورتحال ۾ آئيني ترميم جي حوالي سان مشوري لاءِ قومي اسيمبلي جي ڪنهن ڪميٽي جو رسمي طور تي اعلان نه ڪيو آهي، غير رسمي مشورو ٿيو آهي، ڪميٽي ۾ ڊرافٽ تيار ڪيو ويو ته جيئن سڀ نمائندا ان تي پنهنجين پارٽين سان مشورو ڪري سگهن، هي ايوان به ايترو ئي احترام وارو آهي جيترو ٻيو ايوان آهي، هن چيو ته 76 ماڻهن جا نالا ڏنا ويا آهن جيڪي پاڙيسري ملڪ ۾ آهن، اسان نه پنهنجي ملڪ جي ڌرتي ڪنهن جي خلاف استعمال ٿيڻ ڏينداسين ۽ نه ئي ٻئي ملڪ کي پنهنجي خلاف استعمال ڪرڻ ڏينداسين، هن چيو ته 14 ميمبرن جي لسٽ مون کي قانون واري وزير ڏني آهي، 23 فيبروري تي صبح 11 وڳي اجلاس ٿيندو، هن ايوان ۽ ميمبرن کي آگاهه ڪري رهيو آهيان.

 

حيدرآباد ۾ ڪريڪر بم ڌماڪو ڪندڙ عوام جي حوصلي کي ڪمزور نٿا ڪري سگهن: مولا بخش چانڊيو

حيدرآباد (اي پي پي) پاڪستان پيپيلزپارٽي پارليامينٽيرين جي مرڪزي اطلاعات سيڪريٽري مولابخش چانڊيو چيو آهي ته حيدرآباد ۾ ڪريڪر بم ڌماڪو  ڪندڙ  عوام جي حوصلي کي ڪمزور نٿا ڪري سگهن. حيدرآباد جو عوام محبتي ۽ صبر وارو آهي جنهن به اها ڪريل  حرڪت ڪري ماڻهن ۾ خوف. حراس ۽ افراتفري جي ڪوشش ڪئي آهي اهي ناڪام ٿي ويندا. اهڙن خيالن جو اظهار هن سومر ڏينهن سول اسپتال حيدرآباد ۾ نئين پل لڳ ڪريڪر ڌماڪي  ۾ زخمي  ٿيل 8 ڄڻن جي عيادت ۽ خيرمعلوم ڪرڻ جي موقعي تي ڳالهائيندي ڪيو. هن چيو ته سنڌ حڪومت طرفان دهشتگردي جي خطرن کي نظر ۾ رکندي سڄي صوبي ۾ سيڪيورٽي جا سختي انتظام ڪيا ويا آهن. دهشتگردي خلاف پوري قوم سول ۽ عسڪري قيادت سان ڪلهوڪلهي ۾ ملائي گڏ بيٺل آهي جيڪي پاڪستان کي غير مستحڪم ڪرڻ جي ڪوشش ڪري رهيا آهن انهن کي شڪست ئي نصيب ٿيندي. هن وڌيڪ چيو ته قومي سلامتي ڪائونسل  جي پاليسي تي عمل نه ٿيڻ ڪري سڄي ملڪ کي دهشتگردي  جي لپيٽ ۾ آڻي ڇڏيو آهي. پيپلزپارٽي  ڪنهن به صورت ۾ عوام کي اڪليو نه ڇڏيندي اسان هر ڏک سک ۾ عوام جي خدمت جاري رکنداسين، عوام جا حوصلا بلند آهن ۽ انهن ڪريل حرڪتن جي ڪري پيپلزپارٽي پنهنجي عوام جي خدمت کان ڪڏهن به پوئتي نه هٽندي.