تازيون خبرون

Monthly Archives: January 2017

سني ليون شاهه رخ خان کي اسٽار سان گڏ سٺو پيءُ به قرار ڏئي ڇڏيو

ممبئي (شوبز نيوز) بالي ووڊ اداڪارا سني ليون شاهه رخ خان کي فلم نگري جي اسٽار سان گڏوگڏ هڪ پيار ڪندڙ پيءُ به قرار ڏنو آهي. بالي ووڊ اداڪار سني ليون فلمي ڪيريئر جو آغاز 2012ع ۾ ريليز ٿيندڙ فلم” جسم 2“ کان ڪيو پر هن شهرت جاندار اداڪاري جي ذريعي حاصل ڪئي هئي، جڏهن ته اداڪارا تازوئي ۾ ڪنگ خان سان گڏ فلم”رئيس“ ۾ جوهر به ڏيکاريا هئا جنهن تي کيس ڏاڍي خوشي ٿي، سني ليون شاهه رخ خان سان گڏ فلمي تجربي دوران ان جي زندگي جي راضن تان پڙدو کڻي ڇڏيو آهي. ڀارتي ٽي وي کي ڏنل انٽرويو ۾ هن جو چوڻ هو ته هو شاهه رخ خان ننڍي پٽ ابرام کان فلم” رئيس“ جي سيٽ تي ملي ۽ ان سان گڏ راند ڪندي سٺو وقت گذاريو جڏهن ته ان دوران به ڪنگ خان پنهنجي پٽ تي تواجا ڏئي ويٺو هيو، سني ليون جو وڌيڪ چوڻ هو ته فلم جي شوٽنگ دوران سندس وڏو پٽ سيٽ تي آيو هو جنهن تي هن توجا ۽ ملنسار  سان گڏ پٽ کي وقت ڏنو هو ۽ هي عمل رڳو شفيق پيءُ ئي ڪري سگهي ٿو.

 

ديشا پٽاني ٽائيگر سان افيئر واريون خبرون رد ڪري ڇڏيون

ممبئي (شوبز نيوز) اداڪارا ديشا پٽاني اداڪار ٽائيگر شيروف سان گڏ افيئر واريون خبرون رد ڪري ڇڏيون. رپورٽن موجب ديشان پٽاني جيڪا بالي ووڊ ۾ نئي آيل اداڪار آهي ۽ سندس نئي ايندڙ فلم” ڪنگ فويوگا“ آهي، جنهن ۾ هنن جيڪي چن ۽ سونو سعود سان گڏ ڪم ڪيو آهي، هن چيو ته سندس ٽائيگر شيروف سان گڏ ڪو افيئر يا پيار تي ٻڌل لاڳاپو ناهي، جڏهن ته هن هڪ ٽي وي پروگرام ۾ ان حوالي سان هڪ سوال جو جواب ڏيندي چيو ته اهڙيون افوائون بي بنياد آهن ۽ ٽائيگر سندس هڪ سٺو دوست آهي.

 

پاڪستان ٽيم جي موجوده حالت جو سبب ٽئلينٽ جو فقدان آهي: عبدالرزاق

دبئي (اسپورٽس نيوز) پاڪستان جي اڳوڻي اسٽار آل رائونڊر عبدالرزاق پاڪستان ٽيم جي موجوده حالت جو ذميوار ٽيلينٽ جو فقدان قرار ڏنو آهي. ميڊيا سان ڳالهائيندي عبدالرزاق چيو ته هن وقت ٽيم ۾ صلاحيت رکندڙ رانديگر موجود نه آهن، هاڻوڪن رانديگرن ۾ اڳوڻن رانديگرن جهڙي خوبي ناهي، ان باوجود جيڪڏهن گڏجي هڪ ٽيم طور کيڏن ته شايد رينڪنگ ڪجهه بهتر ٿي وڃي. هن چيو ته پاڪستان کي ورلڊ ڪپ جو ڪواليفائينگ رائونڊ کيڏندي ڏسڻ هن لاءِ انتهائي تڪليف جوڳو هوندو، هو آسٽريليا ۾ ناڪامين جو ذميوار ڪپتان کي نٿو سمجهي. عبدالرزاق چيو ته ڪپتاني به ان وقت ڪم ڪندي آهي، جڏهن توهان وٽ صلاحيت واري ٽيم ۽ ان ۾ بهترين آل رائونڊر موجود هجن، آسٽريليا جي وري ڪنڊيشنز به مشڪل هئي. مصباح جي جانشين بابت اڳوڻي آل رائونڊر جو چوڻ هو ته ان جو فيصلو ڪرڪيٽ بورڊ کي ڪرڻ گهرجي، پر سرفراز احمد لاءِ اهو هڪ سٺو موقعو آهي. عبدالرزاق وڌيڪ چيو ته جيڪڏهن سرفراز کي ڪپتاني ڏني وڃي ته هو سٺي نموني ذميواري نڀائي سگهندو.

 

ڀارت ۽ انگلينڊ وچ ۾ ٽين ۽ آخري ٽي ٽوئنٽي ڪرڪيٽ ميچ (اڄ) کيڏي ويندي

بنگلور (اسپورٽس نيوز) ڀارت ۽ انگلينڊ جي ڪرڪيٽ ٽيمن وچ ۾ ٽي ٽوئنٽي ميچن تي ٻڌل سيريز جي ٽين ۽ آخري ميچ (اڄ) اربع تي بنگلور ۾ کيڏي ويندي. ٻنهي ٽيمن وچ ۾ ٽن ميچن جي سييز 1-1 تان برابر آهي. انگلينڊ جي ٽيم پهرين ٽي ٽوئنٽي ميچ ۾ ڀارت کي 7 وڪيٽن تان سڪست ڏني هئي. پر ميزبان ٽيم شاندار ڪم بيڪ ڪندي انگلينڊ کي ٻين ٽي ٽوئنٽي ميچ ۾ 5 رنسن تان شڪست ڏئي سيريز 1-1 تان برابر ڪري ڇڏي هئي. ٻنهي ٽيمن وچ ۾ ٽين ۽ آخري ٽي ٽوئنٽي ميچ سڀاڻي کيڏي ويندي جنهن ۾ ڪاميابي لاءِ ٻنهي ٽيمن جي ڪپتانن بيان ڏنا آهن.

 

انساني حقن لاءِ جاکوڙيندڙ خيرپورميرس جي ادي شهناز شيخ…!: غلام مصطفيٰ جمالي

سنڌ اندر بهادر نياڻين جي کوٽ ناهي جن پنهنجي پنهنجي شعبي ۾ پاڻ ملهايو آهي،جن به اڄ نالو اڄ به وڏي فخر سان وٺندي آهي،اهڙي ڪردارن ۾ ادي خيرپورمير جي ڀيڻ شهناز شيخ به هڪ آهي، ادي شهناز شيخ هميشه غريبن مسڪينن جي مدد ڪئي آهي ۽ انهن جي غمن جي پنهنجو غم سمجهي ڪري اندر سان اندر جو حال اوريو آهي، جڏهن ته دنيا ۾ وڏن ماڻهن جي ڪابه هڪ وصف، صورت، معيار ۽ ماڻ ياماپو نه آهي. وڏا ماڻهو هر شعبي ۾، هر صورت ۾، هر سطح تي ۽ هر رنگ ۾ ٿي سگهن ٿا ۽ انساني اتهاس جي رِلهيءَ ۾ وڏن ماڻهن جي هستين، ڪارنامن، خيالن، ڪردارن، سورهيائين، فلسفن، فڪري واٽُن، قربانين، تخليقن ۽ فني شاهڪارن جا انيڪ گوناگون رنگ ڀريل آهن.ڪنهن چيو هو ته عظيم فن اُهو جيڪو حيرت کي جنم ڏئي، ان حوالي سان مان چوندس ته وڏو ماڻهو اُهو جنهن جي هستي ۽ حياتي ڏسي ماڻهو اچرج ۾ پئجيو وڃي- ته وَڃُ! ماڻهو ايئنبه ٿي سگهي ٿو! يا حياتي ايئن به گذاري سگهي ٿو! اڄ به جيڪڏهن سنڌ تي نظر وجهنداسين ته اسانکي انيڪ اهڙيون شخصتيون ملي وينديون جن اڄ به پنهنجي ڪردار سان پاڻ ملهايو آهي.اهڙي جي هڪ بهادر نياڻي جنهن خيرپيرميرس جي مٽي جي ڳوٺ امام بخش شيخ ۾ جنم ورتو،جنهن نالي کان اڄ شايد ئي ڪو اڻڄاڻ هجي،خيرپور جي ميرس جي ادي شهناز شيخ  عورتن جي مسئلن توڙي ٻارن جي جبري مزدوري تي تمام گهڻو ڪم ڪيو آهي ، شهناز شِيخ هڪ  تنظيم احساس وومين ڊولمپنٽ اورگنائزيشن خيرپور ميرس ۾ پنهنجي مدد پاڻ هلائي رهي آهي،جنهن ۾ هن اڄ تائين ڪنهن اين جي او کان پروجيڪٽ ناهي ورتو، سندس مقصد الله جي راه  ۾  الله جي مخلوق جي مدد ڪرڻ آهي ڇو ته نيڪ ڪم  ئي سڪون رکيل آهي ادي شهناز شيخ، جنهن کي اسان ڪنهن به عالمي انساني معيارم طابق حقيقي طور هڪ وڏو ماڻهو چئي سگهون ٿا. جيئن ڪنهن عظيم فن پاري کي ڏسي ماڻهوءَ کي ڏندين آڱريون اچيو وڃن،ادي شهناز شيخ، ڪارنامن، قلمي ۽ تخليقي پورهيو، قربانيون ۽ انقلابيت ڏسي  ماڻهو حيرت ۾ پئجيو وڃي. مان جڏهن به اهڙن ماڻهن جو ڪمن ۽ ڪارنامن جو مطالعو ڪندو آهيان ته ڄڻ سچ پچ به اتساهه جي سرچشمن مان سيراب ٿيندو آهيان. سنڌ ۾ ادي شهناز شيخ هڪ اها بهادر نياڻي آهي جنهن منهنجي مدد پاڻ انساني زندگي جي ڪمن لاءِ پاڻ پتوڙيو آهي.؟ طيف سائينءَ شايد اهڙن کاهوڙين لاءِ ئي چيو هو ته:
جوڳيئڙا جهانَ ۾، نُوري ۽ نارِي،
ٻَري جن ٻاري، آئون نه جيئندي اُن ريءَ.

ان دنيا جي تاريخ کي ڦلهوري ڏسنداسين ته اسان کي انساني تاريخ ٽن پاسن تي بيٺل نظر ايندي هڪڙيون اهي انسان ۽ وطن دوست ڌريون جيڪي هر وقت پنهنجي وت ۽ وس آهر پنهنجي ملڪ، عوام ۽ انسانيت لاءِ پيون جاکوڙينديون آهن ٻيا وري هر وقت پيا انهن لاءِ کاهيون کوٽيندا، انهن جون ويٺا پاڙون پٽيندا   ۽ وتندا انهن خلاف سازشون سٽيندا، اهي ٻئي ڌريون پنهنجي پنهنجي طبقي کي پاور ۾ آڻڻ لاءِ، انهن کي مظبوط ڪرڻ، انهن جا مسئلا حل ڪري انهن لاءِ ترقي جي راح هموار ڪرڻ لاءِ ڪوشان رهنديون آهن،  ٽيان وري اهي جيڪي نه ڪنهن جي حئي ۾ نه خئي ۾ رڳو پنهنجو ڪرت پيا ڪندا ۽ پنهنجي ڪم سان مطلب رکندا، انهن کان پڇبو ته ڪنهن سان گڏ آهيو ته چوندا “ادا ڳاله توهين صحيح ٿا ڪريو پر غلط هو به ڪونهي” ملڪ ۽  وطن دشمن ڌريون هر وقت عوام لاءِ جاکوڙيندڙ  ۽ جدوجهد ڪندڙ ڌرين خلاف پيون سازشون سٽينديون، انهن کي ڇڙوڇڙ ڪرڻ ۽ انهن ۾ ڏفيڙ وجھڻ لاءِ پيون واويلا ڪنديون آهن، جڏهن کان انسان جو هن ڌرتي تي وجود پيو آهي تڏهن کان صحيح ۽ غلط، سچ ۽ ڪوڙ جو پاڻ ۾ تضاد هلندو اچي، هر دور ۾ ڀلائي جي بدلي ۾ ڀلائي ناهي ملي، نيڪي ڪرڻ ۽ سچ ڳالهائڻ جي ڏوه ۾ ڪيترائي سقراط زهر جا پيالا پي ويا پر دنيا جو دستور اڄ به ساڳيو آهي ته “جيڪو چري سو گھري” مطلب جيڪو انسان ذات جي ڀلائي، اڪثريت عوام جي حقن ۽ مظلومن کي طاقت ڏيارڻ جي ڳاله ڪري سو آهي ملڪ ۽ وطن جو دشمن، انسانيت جو ويري ۽ سامراج جو ڇاڙتو ۽ وري جيڪو انسان ذات تي ٿيندڙ ڪِيس ۽ ناانصافي تي ماٺ ڪري ويهي اهو آهي باڪردار ۽ وطن دوست ماڻهو، مطلب ته سنڌ ۽ ملڪ دشمن ڌريون هر وقت پنهنجا ڀاڙيتو ۽ پگھاردار مقرر ڪنديون رهيون آهن  جيڪي هر چرندڙ پرندڙ خلاف واويلا مچائينديون الزامن جا انبوه کڻي، غدار غدار جا نعرا هڻي انهن پٺيان پيون ڀنڊڙي ٻارينديون آهن پر خيرپورميرس جي ادي شهناز شيخ انساني حقن لاءِ جاکوڙ ۽ غريبن جي مدد ڪرڻ لاءِ جيڪي نوان مثال قائم ڪيا اهي واقعي ساراهه جوڳا آهي ادي شهناز شيخ پنهنجي سموري حياتي پاڻ کي هڪ پرواني جيئن پاٽ  ٻاري آهي، جنهن ۾  سنڌ جي روشن خياليءَ، ترقي پسنديءَ، قومي ۽ طبقاتي جدوجهدجون شامل آهن انهي انساني حقن جي ڪوششن اندر ادي شهناز شيخ ڪڏهن به پنهنجو پاڻ تي اهو سمورو ڪم بوج نه سمجهيو.ڏينهن هجي يا رات مينهن هجي يا آندي پر شهناز شيخ ادي اها بهاد نياڻي آهي جيڪا ڪڏهن به مسڪينن ۽ غريبن جي ڪمن ۾ ٿَڪي، نه ساهي پٽيائين، نه عوام ۽ قوم کي بي شناسيءَ جون ميارون ڏنيون ۽ نه وري پنهنجي “ٻري” ٻارڻ تي خود قياسي ڪئي.ادي شهاز شِيخ جون جيڪي عوام ۽ انسان لاءِ خدمتون آهن اهي واقعي ساراهه جوڳيون آهن ۽ اسانجي سنڌ جي اها بهادر نياڻي اهڙي ماحول ۾ جتي سنڌ اندر نياڻين سان ڪلور ٿي رهيا آهن اتي ادي شهناز انهن جي حقن لاءِ آواز اٿاري رهي آهي،مان کيس سلام پيش ٿو ڪيان،۽ ۽ کيس مبارڪ باد پيش ٿو ڪيان ته ادي اهڙي ريت پنهنجو سماجي ڪمن ۾ ڪردار ادا ڪري رهي آهي انهي ۾ ادي شهناز شيخ جي جس هجي الله جي وڏي حياتي ڏي ۽ ادي شهناز غريبن مسڪين جا جهدوجهد ڪندي رهي جيڪا اسان سڀني تي فرض آهي

 

 

پاڪستان جو امن ڀريو پيغام: تحرير. شيرمحمد سولنگي (اچيورس)

پاڪستان جون پاليسيون سدائين مثبت رهيون . پاڪستان جو بنياد ئي امن ۽ سلامتي تي رکيل آهي . تنهن ڪري پاڪستاني قوم انساني قدر و قيمت کان واقف آهي . پاڪ فوج به سدائين بردباري جو مظاهرو ڪندي رهندي آهي پاڪستان جي پاليسي ۾ جنگ تصور به نه آهي پاڪستان امن جو سفير ملڪ رهيو آهي پر اسان جو پاڙيسري ملڪ ڀارت سدائين خطي جي امن کي خراب ڪرڻ جي ڪوشش ڪئي آهي. پر پوءِ به پاڪستان پنهنجي پاليسي ناهي تبديل ڪئي .اسان پنهنجي سرزمين ڪنهن ٻئي ملڪ خلاف استعمال ٿيڻ نه ڏينداسين، آرمي چيف واضح ڪيو آهي ته پاڪستان افغانستان ۾ امن چاهي ٿو، اسان ڪنهن به قسم جي مهم جوئيءَ جو ڀرپور جواب ڏينداسين، پاڪستان ڪنهن سان جنگ نه ٿو ڍاهي پر امن جي خواهش کي ڪمزور نه سمجھيو وڃي، ڀارت ڪولڊ وار شروع ڪري يا نه ڪري اسان هر اڳرائيءَ جو ڀرپور جواب ڏينداسين، ڀارت سرحد تي سرجيڪل اسٽرائيڪ جو ڊرامو رچايو، ايل او سي 46 پاڪستاني شهيد ۽ 40 ڀارتي فوج ماريا. پريس ڪانفرنس ڪندي ڊي جي آءِ ايس پي آر ميجر جنرل آصف غفور چيو ته ملڪ ۾ امن جي فضا هڪ ڏينهن جي ڳالهه نه آهي، قومي مفادن تي ڪنهن به شيءِ کي ترجيح نه ڏني ويندي، ملڪ ۾ گڏيل طور دهشتگرديءَ خلاف جنگ ۾ 70920 ماڻهن پنهنجيون جانيون ڏنيون، جن ۾ 21839 شهيد ۽ 49081 زخمي شامل آهن، قوم جي حيثيت ۾ اسان قربانيون ڏيندا پيا اچون ۽ ڏيندا رهنداسين. حساس معاملن تي اڳڪٿيون ملڪ کي نقصان پهچائي سگھن ٿيون، تازو ئي بابر 3 ۽ ابابيل ميزائل جو تجربو ڪيو آهي جيڪو پاڪستان جي مضبوط دفاع جو آئينو آهي. ڊي جي آءِ ايس پي آر جو وڌيڪ چيو هڪ چند عنصر بي يقينيءَ جو تاثر ڏئي امن جي ڪوششن کي نقصان پهچائڻ چاهين ٿا، ڪنهن سان جنگ نه ٿا چاهيون، گڏيل قومن جي قرارداد موجب ڪشمير جو حل چاهيون ٿا، اسان مسئلن جو پرامن حل چاهيون پر پنهنجي عزت تي ڪو ٺاهه نه ٿيندو، سي پيڪ ۽ گوادر پورٽ بلوچستان جي بهتر مستقبل جي خوشخبري آهي، بلوچستان ۾ گذريل چند سالن کان قانون لاڳو ڪندڙ ادارن جي ڪري امن امان جي صورتحال بهتر ٿي آهي، ايف سي جا 34 هزار جوان پاڪ افغان سرحد تي موجود آهن، هاڻي اسان ايف سيءَ جي لاءِ نوان قلعا ۽ چيڪ پوسٽون اڏرائي رهيا آهيون، جنهن سان رابطي جي صورتحال بهتر ٿيندي، افعانستان سميت خطي جي بدلجندڙ صورتحال تي نظر آهي، افغانستان ۽ پاڪستان ڀائر ملڪ آهن، پاڪستان افغانستان ۾ ٿيندڙ دهشتگرديءَ ۾ ملوث نه آهي، فاٽا ۾ موجود دهشتگردن جي ٺڪاڻن کي ختم ڪيو آهي ۽ ٽي ٽي پي جي قيادت به وڏي وقت کان افغانستان ۾ رهندڙ آهي، دهشتگرديءَ خلاف جنگ اڃا جاري آهي. ميجر جنرل آصف غفور جو ڪراچي آپريشن بابت چوڻ هو ته 26 هزار کان وڌيڪ ڪومبنگ ۽ آءِ بي اوز آپريشن ڪيا ويا، گذريل ٻن سالن دوران رينجرز ڪراچيءَ ۾ ڪامياب آپريشن ڪندي 90 سيڪڙو ڏوهن تي ڪنٽرول ڪري ورتو آهي، هن وقت تائين 9 هزار آپريشن ڪيا ويا آهن جن ۾33 ريجرز اهلڪار شهيد ۽ 100 کان وڌيڪ زخمي ٿي چڪا آهن. آرمي چيف دهشتگرديءَ خلاف جنگ ۾ ڪومبنگ آپريشن جاري رکڻ جي هدايت ڪئي آهي، پاڪستان افغانستان سان سهڪار جاري رکندو. آدم شماريءَ بابت پاڪ فوج جي ترجمان وڌيڪ چيو ته 15 مارچ کان آدم شماري جي لاءِ پاڪ فوج سول انتظاميا سان گڏجي ڪم ڪندي ۽ ان مقصد جي لاءِ 2 لک جوانن جي منظوري آرمي چيف ڏئي ڇڏي آهي ته هو سول انتظاميا جي مدد ڪن. دهشتگرديءَ جي مڪمل خاتمي جي لاءِ جنگ ۾ ميڊيا جي ڪردار کي ساراهيندي سندس چوڻ هو ته ميڊيا کي گھرجي ته غير زميواري عنصرن جا حوصلا گھٽ ڪيا وڃن.  وفاقي گهرو وزير چوڌري نثار چيو آهي ته سي پيڪ خطي جي خوشحالي ۽ ترقي جي لاءِ نئون  باب رقم ڪندو ان منصوبي ۽ ان سان لاڳاپيل ماڻهن جي سيڪيورٽي حڪومت جي پهرين ترجيح آهي. اسلام آباد وفاقي گهرو وزير چوڌري نثار سان سي پيڪ جي اسپيشل سيڪيورٽي ڊويزن جي سربراهه ميجر جنرل عابد رفيق ملاقات ڪئي جنهن ۾ سي پيڪ منصوبي جي سيڪيورٽي بابت ڪيل بندوبستن تي غور ۽ سي پيڪ جي اسپيشل سيڪيورٽي ڊويزن بابت معاملن تي  به ڳالهيون ڪيون ويون. ان موقعي تي وفاقي گهرو وزير جو چوڻ هو ته سي پيڪ منصوبا نه رڳو پاڪ چين دوستي جي رشتي کي وڌيڪ مضبوط بڻائڻ ۾ مددگار ثابت ٿيندا بلڪ خطي جي خوشحالي ۽ ترقي جي لاءِ نئون باب رقم ڪندا.

ڊي جي آءِ ايس پي آر جو چوڻ آهي ته ضرب عضب جي سلسلي ۾ پاڪستان افغانستان بارڊر تي قدم کنيا آهن، ڀارت سرجيڪل اسٽرائيڪ جو ڊرامو ڪيو، پاڪ فوج جي جوابي ڪارروائيءَ 40 ڀارتي فوجي مارجي ويا، ڊي جي آءِ ايس پي آر ميجر جنرل آصف غفور جو چوڻ هو ته 34 هزار اهلڪار پاڪ افغان سرحد تي مقرر آهن، ڊي جي آءِ ايس پي آر حافظ شعيد جي نظربنديءَ بابت پڇيل سوال جي جواب ۾ چيو ته هيءَ اهم پاليسيءَ بابت فيصلو آهي، حافظ سعيد جي نظر بنديءَ جو فيصلو قومي مفادن ۾ ڪيو ويو، وڌيڪ ڄاڻ به سامهون اچي ويندي، فيصلو ڪنهن جي دٻاءَ ۾ اچي ناهي ڪيو، هر اداري ۽ فرد پنهنجو ڪم ڪيو، دهشتگرديءَ خلاف جنگ ۾ افغان ڀائرن سان گڏ بيٺل آهيون، بلاگرن جي گم ٿيڻ سان اسان جو ڪو لاڳاپو نه آهي، دهشتگرديءَ خلاف جنگ اڃا ختم ناهي ٿي، لائين آف ڪنٽرول تي حالتون معمول تي آڻڻ جون ڪوششون ڪري رهيا آهيون، ڀارت 945 ڀيرا جنگ بنديءَ جي معاهدي جي ڀڃڪڙي ڪئي، بلاگر واپس اچي ويا آهن، گھرو وزير جي بيان جو مطلب انٽيلي جنس ادارن بابت نه هو، ڀارتي جاسوس ڪلڀوشن يادو بابت فيصلو ملڪي قانون موجب ٿيندو، پاڪستاني فوج ۾ سپاهين جو سڀ کان وڌيڪ خيال رکيو ويندو آهي، پاڪ فوج ۾ سپاهين ۽ آفيسرن ۾ وچ ۾ گھاٽا رشتا آهن، دهشتگرديءَ خلاف جنگ ۾ سپاهين ۽ آفيسرن ٻنهي جانيون ڏنيون، آفيسر ۽ سپاهيءَ جو محبت جو لاڳاپو آهي، پاڪ فوج هڪ خاندان جيان آهي، اُميد آهي ته ڊان ليڪ معاملي جي انڪوائري جلد سامهون اچي ويندي، جيستائين انڪوائري ٿي رهي آهي اڳڪٿيون نه ٿا ڪري سگھون، اڄ امن امان جي بهتر صورتحال ۾ سڀ ساهه کڻي رهيا آهن، اسان 70 هزار کان وڌيڪ ماڻهن جي رت جي قرباني ڏني آهي، دهشتگرديءَ جي مڪمل خاتمي جي لاءِ آپريشن ڪيا، قبيلائي علائقا پر اهي علائقا جتي دهشتگرد هئا هاڻي اتي ترقي ٿي رهي آهي، 84 سيڪڙو آءِ ڊي پيز گھرن  ڏانهن واپس اچي ويا آهن، ضرب عضب جي سلسلي ۾ پاڪستان افغانستان بارڊر تي قدم کنيا، آرمي چيف کي افغانستان جو دورو ڪرڻو آهي، ڳجھا ادارا اسٽيٽ جو حصو نه آهن، ملٽري ڪورٽون پهريان به باقاعدي طريقي ڪار تحت ٺهيون، جن ڀرپور ڪم ڪيو، ملٽري ڪورٽن بابت فيصلو حڪومت ڪندي.هن وقت پاڪستان دهشتگردن کان پاڪ ملڪ بڻجي ويو آهي . اسان جي ملڪي پاليسي واضع آهي جنهن تي ڪنهن کي به شڪ نه ڪرڻ گھرجي .اسان جون پاليسيون اڄ پوري دنيا جي ملڪن لاءِ ڀائيچاري ۽ امن واريون آهن جنهن ڪري پاڪستان جو وقار بلند ٿيو آهي .

*****

 

 

 

پورهيتن جي اجرت وارو بل ترميمن سان منظور

سنڌ اسيمبلي ۾ اپوزيشن پاران شديد هنگامه آرائي ۽ شور شرابي دوران سنڌ پئمينٽ آف ويجز بل 2015ع کي مختلف ترميمن بعد اڪثريت سان منظور ڪرايو ويو، اپوزيشن جي ميمبرن قائم مقام اسپيڪر جي نشست آڏو بيهي ايجنڊا جون ڪاپيون ڦاڙي ڇڏيون، شديد نعريبازي جي جواب ۾ پارلياماني معاملن واري صوبائي وزير نثار احمد کهڙو ايم ڪيو ايم ميمبرن کي طعنو ڏنو ته هو ڪراچي ۾ گذريل آچر واري ڏينهن ٿيندڙ هڪ وڏي جلسي بعد ايوان ۾ سڀ ڪجهه ڪري رهيا آهن، ڇاڪاڻ ته هاڻي انهن کان ڪجهه به نه پيو ٿئي. نثار کهڙو ايم ڪيو ايم کي اهو به طعنو ڏنو ته هو هميشه ڪنهن جي اشاري جي منتظر رهندي آهي، هاڻي ان کي اهڙو ڪو به اشارو ڪونه پيو مليو ۽ هي ماڻهو سنڌ جي حقن جي باري ۾ به سنجيده ناهن، ايوان جي ڪارروائي پرسڪون ماحول جاري هئي ته ان دوران جڏهن پورهيتن جي اجرتن متعلق بل تي غور ڪرڻ وارو مرحلو آيو ته نثار احمد کهڙو قائم مقام اسپيڪر سيده شهلا رضا کي چيو ته هو اها گذارش ڪرڻ چاهي ٿو ته ايوان پنهنجي گذريل ڪارروائي دوران سنڌ پئمينٽ آف ويجز بل جي شق نمبر 2 ۾ گڏيل طور ترميم جي منظوري ڏني هئي پر هو سمجهي ٿو ته هن بل تي وڌيڪ غور ڪرڻ جي ضرورت آهي ان حوالي سان ڇنڇر ڏينهن هن ايم ڪيو ايم جي پارلياماني اڳواڻ سيد سردار احمد محنت ۽ قانونن وارن کاتن جي لاڳاپيل اعليٰ عملدارن سان مشاورت به ڪئي هئي. رول 256 تحت ڪلاس-2 پاس ٿي چڪي آهي ۽ هاڻي اها اسيمبلي جي ملڪيت آهي. چاهيان ٿو ته ڪلاس-2 جهڙي طريقي سان پاس ٿي ان کي واپس وٺڻ ۽ ان تي هڪ دفعو ٻيهر نئين سري سان غور ڪرڻ جي اجازت ڏني وڃي. ائين ڪرڻ پورهيتن جي حقن ۽ قانوني پيچيدگين جي خاتمي لاءِ ضروري آهي جيڪڏهن ايوان اجازت ڏئي ڇڏي ته مان تحريڪ پيش ڪريان.  بل کي بهتر بڻائڻ لاءِ ضروري آهي ته پهريان ان کي پراڻي شڪل ۾ آندو وڃي. صحت واري صوبائي وزير ڊاڪٽر سڪندر منڌرو نثار کهڙي جي موقف جي حمايت ڪندي چيو ته صوبي ۾ ڪم ڪندڙ پورهيتن جو تحفظ ڪرڻ سنڌ حڪومت جي ذميواري آهي ۽ اهو ڪهڙي طرح ممڪن آهي ته صوبائي حڪومت پنهنجي 37 انتظامي کاتن جي ڪمن متعلق هر معاملي ۾ وفاق کي پڇندي رهي.  ايم ڪيو ايم جي اڳواڻ خواجه اظهار الحسن ۽ سردار احمد چيو ته اسان بل جي اصل روح جي خلاف نه آهيون، اڪثريت جو اهو مطلب ناهي ته هر شيءِ کي بغير ڪنهن سوچڻ سمجهڻ جي منظور ڪرايو وڃي، سنڌ حڪومت وفاق کي خط لکڻ چاهي ٿي ته ڀل لکي جيڪڏهن توهان اڪثريتي بنياد تي هن بل کي منظور ڪئي ته اسان ان جي مخالفت ڪنداسين. ڇنڇر ڏينهن اسان جي ان معاملي تي ڳالهه ٻولهه ضرور ٿي هئي، هن تجويز پيش ڪئي ته جيستائين وفاق سان مشاورتي عمل مڪمل نه ٿي وڃي تيستائين ان بل کي جيئن آهي تيئن جي بنياد تي رکيو وڃي. ايم ڪيو ايم پاران منظور ٿيل ترميم واپس وٺڻ لاءِ مسلسل مخالفت ڪئي وئي جنهن تي نثار کهڙو ڪاوڙجي پيو ۽ هن انتهائي تلخ لهجي ۾ چيو ته مون تي ڪو به فرق نٿو پوي ته توهان مخالفت ڪندا آهيو ڇاڪاڻ ته توهان ماڻهن جي اندر صوبائي خودمختياري جو جذبو اڃا پيدا ئي ناهي ٿيو پر هي ماڻهو پاڻ کي سنڌ جو پٽ سڏرائين ٿا، صوبائي وزير جي اهڙي رمارڪس تي اپوزيشن ميمبر ڪاوڙجي پيا ۽ هنن شور شرابو شروع ڪري ڇڏيو.  شديد شور شرابي دوران نثار کهڙو مرحليوار بل ۾ ترميمون پيش ڪندو رهيو. اهڙي هنگامه آرائي دوران ايوان اڪثريت سان بل جي منظوري ڏئي ڇڏي.

 

پانامه ڪيس، شريف فئملي آف شور ڪمپنين جو رڪارڊ جمع ڪرائي: سپريم ڪورٽ

اسلام آباد (اين اين آءِ) سپريم ڪورٽ آف پاڪستان ۾ پانامه ڪيس جي ٻڌڻي دوران وزيراعظم جي وڪيل شريف خاندان جي ورهاستي ملڪيت جي ورڇ جا تفصيل ۽ نيب اسحاق ڊار جي معافي بابت رڪارڊ جمع ڪرائي ڇڏيا آهن سومر تي سپريم ڪورٽ جي سينيئر جج آصف سعيد کوسي اعجاز افضل اعجازالاسن گلزار احمد ۽ عظمت سعيد شيخ تي ٻڌل سپريم ڪورٽ جي 5 رڪني بئنچ ڪيس جي ٻڌڻي ڪئي ٻڌڻي جي شروعات ۾ وزيراعظم جي وڪيل شريف خاندان جي ورهاستي ملڪيت جي ورڇ جڏهن ته نيب مني لانڊرنگ جي ڪيس ۾ وفاقي ناڻي واري وزير اسحاق ڊار جي معافي بابت رڪارڊ جمع ڪرائي ڇڏيا. نيب جي رڪارڊ موجب 20 اپريل 2000 تي اسحاق ڊار معافي جي درخواست ڏني جنهن کي نيب جي چيئرمين 21 اپريل 2000 تي منظور ڪري ورتو 24 اپريل تي جاچ آفيسر بيان رڪارڊ ڪرڻ جي درخواست ڏني 25 اپريل تي اسحاق ڊار جو اعترافي بيان مئجسٽريٽ اڳيان رڪارڊ ٿيو ٻڌڻي دوران بئنچ جي اڳواڻ آصف سعيد کوسي وڪيل کان پڇا ڪئي ته ڇا فيصلي ۾ ريفرنس رد ۽ جاچ نه ڪرڻ جو چيو ويو هو جنهن تي شاهد حامد عدالت کي ٻڌايو ته ٻيهر جاچ ڪرائڻ جي معاملي تي ٻه رڪني بئنچ ۾ اختلاف هو ان لاءِ معاملي جي ٻڌڻي ريفري جج ڪئي جسٽس آصف کوسي سوال ڪيو ته مني لانڊرنگ ڪيس ۾ ريفري جج کي پنهنجي راءِ تي فيصلو ڏيڻو هو جنهن تي شاهد حامد عدالت کي ٻڌايو ته ريفري جج نيب جي ٻيهر جاچ واري درخواست رد ڪئي هئي جسٽس گلزار احمد چيو ته ڇا ان عدالتي فيصلي کي سپريم ڪورٽ ۾ چئلينج ڪيو ويو شاهد حامد ان کي ٻڌايو ته اهو فيصلو سپريم ڪورٽ ۾ چئلينج نه ڪيو ويو ۽ عدالتي فيصلي جي خلاف اپيل جو وقت ختم ٿي چڪو جسٽس آصف سعيد کوسي شاهد حامد کي هدايت ڏني ته هو پنهنجا دليل مڪمل ڪري جنهن ان پوءِ پراسيڪيوٽر جنرل نيب ان بابت ان کان پڇيو ويندو جسٽس اعجاز افضل چيو ته اسحاق ڊار جو اعترافي بيان واعده معاف گواهه بڻجڻ کان پوءِ رڪارڊ ٿيو شاهد حامد عدالت کي ٻڌايو ته اسحاق ڊار تي مني لانڊرنگ ڪيس ختم ٿي ويو آهي ۽ هاڻي صرف ان الزام جي بنياد تي ان کي نااهل قرار نٿو ڏيئي سگهجي هن جو چوڻ هو ته هي 25 سال پراڻو معاملو آهي جنهن تي 13 کان وڌيڪ جج ٻڌي چڪا آهن جنهن وقت ان جي مئوڪل تي مني لانڊرنگ جو الزام هو ان وقت هو ڪنهن عوامي عهدي جو مالڪ نه هو شاهد حامد عدالت کي ٻڌايو ته نيب جي رڪارڊ موجب اسحاق ڊار ۽ هاڻي جوابدار نه رهيو آهي جسٽس اعجاز افضل چيو ته گواهه بڻجڻ جي حفاظت لاءِ ان کي تحويل ۾ رکيو ويندو آهي شاهد حامد عدالت کي ٻڌايو ته لاهور هاءِ ڪورٽ جي پنجن ججن چيو آهي ته ايف آءِ اي کي پرڏيهي اڪائونٽنٽ جي جاچ جو اختيار نه آهي جسٽس اعجاز افضل وڪيل کان سوال ڪيو ته ڇا بيان رڪارڊ ڪرڻ وارو مئجسٽريٽ احتساب عدالت ۾ پيش ٿيو جنهن تي شاهد حامد ٻڌايو ته ان وقت نيب قانون جي تحت مئجسٽريٽ جو احتساب عدالت ۾ پيش ٿيڻ ضروري نه هو اسحاق ڊار جي وڪيل شاهد حامد جو چوڻ هو ته گواهه بڻجڻ جو بيان حلفي ۽ ان جي خلاف استعمال نٿو ٿي سگهي جنهن تي جسٽس اعجاز افضل جواب ڏنو ته هو گواهه بڻجڻ کان پوءِ بيان اسحاق ڊار نه پر وزيراعظم جي خلاف استعمال ٿي سگهي ٿو جسٽس اعجاز افضل چيو ته گواهه بڻجڻ کان پوءِ اسحاق ڊار جي خلاف نااهلي جو حڪم جاري نٿو ڪري سگهجي شاهد حامد چيو ته فوجداري جي قانون جي قلم 26 تحت اسحاق ڊار جو ٻيهر ٽرائيل نٿو ڪري سگهجي جنهن تي ججن چيو ته اسان اسحاق ڊار جي عترافي بيان تي قانون کان سواءِ غور نه ڪنداسين ۽ اسحاق ڊار ڪيس تي ڊبل جيو پر ڊي جو اصول لاڳو ٿيندو نجي ٽي وي موجب رڪارڊ کي ڏسندي جسٽس آصف سعيد کوسي ريمارڪس ڏنا ته اسحاق ڊار نيب جي چيئرمين کي معافي جي تحريري درخواست خود ڏني هئي ۽ معافي ملڻ کان پوءِ هو جوابدار نه رهيو اهي عدالت چيو ته اسحاق ڊار کي ان ڪيس ۾ معافي کان پوءِ سزا نه ٿي ۽ شاهد حامد کان مطالبو ڪيو ويو ته هو ان نقطي تي دليل ڏي ته هڪ شخص جو ٻه ڀيرا ٽرائيل ٿي سگهي ٿو يا نه شاهد حامد عدالت جا دليل مڪمل ٿيڻ کان پوءِ پنج رڪني لارجر بئنچ اڳيان پراسيڪيوٽر جنرل نيب اسحاق ڊار جي ڪيس بابت دليلن جو سلسلو شروع ڪيو پراسيڪيوٽر جنرل نيب وقاص قدير عدالت کي ٻڌايو ته نيب جي اجلاس ۾ فيصلو ٿيو هو ته حديبيه پيپر مل ڪيس ۾ اپيل داخل نه ڪئي ويندي جڏهن ته 20 اپريل تي اسحاق ڊار معافي جي درخواست ڏني هئي ان موقعي تي عدالت پراسيڪيوٽر جنرل کان نيب جي ان اجلاس جي تفصيل طلب ڪري ورتي جنهن ۾ ان ڳالهه جو فيصلو ڪيو ويو هو ته حديبيه پيپر مل جي اپيل داخل نه ڪئي ويندي جنهن تي آصف سعيد پڇا ته نيب شريف فئملي جي خلاف سپريم ڪورٽ ۾ اپيل داخل ڇو نه ڪئي پراسيڪيوٽر جنرل نيب جواب ۾ چيو ته هاءِ ڪورٽ جي ججن جي عقلمندي کي نظر رکندي اپيل داخل نه ڪئي جنهن تي جسٽس آصف سعيد کوسي ٻيهر پڇا ڪئي ته ڇا نيب هاءِ ڪورٽ جي ڪنهن فيصلي جي خلاف اپيل داخل نٿو ڪري سپريم ڪورٽ نيب اسٽيٽ بئنڪ ۽ ايس اِي سي پي پاران فيصلي جي خلاف اپيل داخل نه ڪرڻ تي اٽارني جنرل کان لکت ۾ جواب طلب ڪري ورتو ورتو ٻڌڻي دوران حسن ۽ حسين نواز جي وڪيل سلمان اڪرم راجا پنهنجي دليلن ۾ چيو ته ان تي وڏو ٻوجهه آهي جنهن جي ان کي وضاحت ڪرڻي آهي عدالت نوازشريف حسن نواز ۽ حسين نواز جا بيان ۽ دستاويزن جو جائزو وٺي جسٽس اعجاز افضل ريمارڪس ڏنا ته حسن نواز ۽ حسين نواز جي خلاف ته ڪوبه اپيل نه ڪئي هئي اها ڪنهن ٻئي جي ملڪيت هئي جيڪا مختلف ذريعن کان ٿيندي توهان وٽ آئي سموري شيون نوازشريف ڏانهن ئي موٽي اچن ٿيون وڪيل چيو ته درخواست ڪندڙ جي اپيل آهي ته لنڊن فليٽ موٽايل رقم مان ٺاهيا ويا حسين نواز نه پر اصل مالڪ نوازشريف آهي ان لاءِ لنڊن فليٽن کي ضبط ڪيو وڃي حالانڪه نوازشريف جو لنڊن فليٽن سان ڪوبه تعلق نه آهي ۽ ان فليٽن جي بينيفشل اونر حسين نواز آهي جسٽس اعجاز افضل ريمارڪس ڏنا ته توهان کي ثابت ڪرڻو پوندو ته نوازشريف لنڊن فليٽن جو مالڪ نه آهي ۽ ملڪيت توهان جي مئوڪل جي آهي جنهن تي سلمان اڪرم چيو ته ان ڳالهه جو تعين جاچ کان بغير ممڪن نه آهي سلمان اڪرم چيو ته درخواست ڪندڙ جي اپيل ۾ تضاد آهي جوابدار الزام ثابت ٿيڻ تائين بيگناهه هوندو آهي شاهديون فراهم ڪرڻ الزام لڳائڻ واري جي ذميواري آهي مني لانڊرنگ جو تعين آرٽيڪل 184/3 جي ڪيس ۾ نٿو ٿي سگهي عدالت ٻين ادارن جو ڪم نٿي ڪري سگهي عدالت جي اڳيان الزام مڙهيندڙ شاهديون نه رکيون عدالت پهريان قانون کي ڏسي جسٽس اعجاز احسن چيو ته حسين نواز وزيراعظم جو پٽ آهي ۽ هو چوي ٿو ته هو ڪمپني جو بينيفشل مالڪ آهي ڇا ڪمپنين جو رڪارڊ تائين حسين نواز کي اها شئي حاصل آهي آفشور ڪمپني جو رڪارڊ عدالت ۾ پيش ڪيو وڃي رڪارڊ سامهون آندا وڃن ته حقيقت جي خبر پوندي. سلمان اڪرم راجا چيو ته ميان شريف کي لوهه جي ڪاروبار جو چئن ڏهاڪن جو تجربو هو 1973 ۾ ميان شريف دبئي جي شاهي خاندان سان رابطو ڪيو دبئي جي شاهي خاندان اسٽيل پلانٽ لڳائڻ لاءِ ان کي ڀليڪار چيو ۽ 175 ۾ گلف اسٽيل جا 75 سيڪڙو شيئر وڪرو ڪيا جسٽس عظمت سعيد ريمارڪس ڏنا ته 1978 ۾ فيڪٽري جو 75 سيڪڙو حصو وڪرو ڪري به 15 ملين بقايا باقي هئي گلف فيڪٽري جي مڪمل قيمت وڪرو 33.375 ملين درهم ٺهي ٿي جڏهن ته گلف فيڪٽري جون رهتون 36 ملين درهم هيون وڪيل چيو ته نئين ڪمپني جڏهن گلف فيڪٽري جو انتظام سنڀاليو ته ان وقت خساري ۾ نه هئي جسٽس عظمت سعيد شيخ پڇا ڪئي ته ڇا توهان کي ڪوئي اندازو آهي ته باقي رهتون ڪيئن ادا ڪيون ويون جنهن تي وڪيل چيو ته ان کي ڪوبه اندازو نه آهي نجي ٽي وي موجب جسٽس عظمت شيخ پڇا ڪئي ته طارق شفيع جي بيان ۽ فيڪٽري وڪرو معاهدي تي صحيحن ۾ فرق چٽو آهي جنهن تي سلمان اڪرم چيو ته ايتري عرصي ۾ صيحن ۾ فرق اچي ويندو آهي جسٽس آصف سعيد کوسي ريمارڪس ڏنا ته توهان جي موقف ۾ پهريان پيش ڪيل موقف کان ڪجهه نئون نه آهي. 1972 ۾ فيڪٽري جو پئسو دبئي ويو پر ڪابه وضاحت نه ڪئي ويئي ته پئسو ڪٿان آيو توهان جو چوڻ آهي ته دبئي فيڪٽري کان 12 ملين درهم حاصل ٿيا 12 ملين درهم ڪيئن حاصل ڪيا خبر نه آهي. صرف چيو ويو ته قرض وٺي فيڪٽري لڳائي. وزيراعظم تقرير ۾ چيو ته ثبوتن جا ڍير موجود آهن ۽ پوءِ چيو ته پئسي جو حساب حسين نواز کان پڇيو وڃي جنهن تي وڪيل چيو ته دبئي فيڪٽري لاءِ پئسو پاڪستان مان دبئي نه ويو رقم ڪيش جي ذريعي منتقل ڪئي ويئي ٻڌڻي دوران وزيراعظم جي وڪيل مخدوم علي خان به عدالت ۾ شريف خاندان جي ورثي واري ملڪيت جي ورڇ جو رڪارڊ جمع ڪرائي ڇڏيو ان کان پوءِ ڪيس جي ٻڌڻي اڄ اڱاري تي ملتوي ڪئي ويئي.

 

ماڻهو گم ڪرڻ حڪومتي پاليسي ناهي، آمريڪي قدمن سان دهشتگردي متاثر سخت متاثر ٿيندا: چوڌري نٽار

اسلام آباد (م.ڊ) وفاقي گھرو وزير چوڌري نثار عليءَ چيو آهي ته نادارا ۽ پاسپورٽ آفيسون سڄي ملڪ ۾ قائم ڪرڻ جو ٽاسڪ هڪ سال اڳ ڏنو هو، چوڌري نثار علي خان اسلام آباد ۾ ايگزيڪيوٽو پاسپورٽ جي آفيس جو افتتاح ڪري ڇڏيو، افتتاح بعد ميڊيا سان ڳالهائيندي چوڌري نثار عليءَ جو چوڻ هو ته پاسپورٽ ايگزيڪيوٽو جي آفيس جو افتتاح خوشيءَ جھڙي ڳالهه آهي، مارچ جي پڄاڻيءَ تائين وڌيڪ 14 پاسپورٽ آفيسون ٺاهيون وينديون، ٽِن وڏن شهرن ۾ ميگا سينٽر به ٺاهيا ويندا، مارچ جي آخر تائين پاڪستان جو ڪو ضلعو پاسپورٽ آفيس کان سواءِ نه هوندو، جلد پاڪستان جي مختلف شهرن ۾ 14 ايگزيڪيوٽو پاسپورٽ آفيسون کوليو وينديون، اسان سوا سال 74 نيون پاسپورٽ جون آفيسون کولڻ جو ارادو آهي، پشاور، ڪوئيٽا ۽ گجرانوالا ۾ به پاسپورٽ آفيسون جلد کوليون وينديون، گم ٿيل پروفيسر جي گھر وارن گھرو وزارت جي ڪوششن کي ساراهيو آهي، سلمان حيدر رپورٽ داخل ڪرائڻ کان انڪار ڪيو آهي، ڪنهن کي غائب ڪرڻ حڪومت جي پاليسي ناهي، گم ٿيل ماڻهن بابت گذريل هفتي گھڻيون ڳالهيون ٿيون، معاملي تي سينيٽ ۾ بيان ڏنو، سينيٽ چيئرمين کي به آگاهه ڪيو، گم ٿيل ماڻهو پنهنجي گھر پهچي چڪا آهن، عمران خان آمريڪا جي ويزا نه ملڻ جي ڳالهه ڪنهن بابت ڪئي، اها مون کي خبر نه آهي، گھرو وزير وڌيڪ چيو ته  دهشتگرديءَ خلاف عالمي سطح تي اتحاد ۽ اتفاق وڌائڻو پوندو، آمريڪي قدمن سان دهشتگرديءَ ۾ گھٽتائي نه ايندي، دهشتگرديءَ کي اسلام سان جوڙن مناسب نه آهي، دنيا ڄاڻي ٿي ته دهشتگرديءَ کي ڪنهن مذهب سان ڳنڍي نه ٿو سگھجي، اوباما سميت دنيا جي 60 ملڪن جي سربراهن دستاويزن تي صحيحون ڪيون، آمريڪا اسلام دشمن قدمن سان دهشتگردن کي فائدو پهچائي رهي آهي، دنيا ۾ ڏيڍ ارب کان وڌيڪ مسلمان آهن، چند هزار ڀٽڪي وڃن ته ڏيڍ ارب کي سزا نه ٿي ڏئي سگھجي، دهشتگرديءَ جو سڀ کان وڌيڪ نشانو مسلمان ئي بڻيا آهن.36

حڪومت جو پهريون اصول عوام جي خدمت ۽ بااختيار بنائڻ آهي: نوازشريف

اسلام آباد (اين اين آءِ) وزيراعظم نوازشريف چيو آهي ته موجوده حڪومت جي پاليسين جو پهريون اصول عوام جي خدمت ۽ بااختيار بنائڻ آهي امن جي صورتحال ۾ بهتري کان سواءِ مواصلاتي رابطن ۾ واڌ ٿي آهي بجلي جي شعبي ۾ وڏي سيڙپڪاري ڪئي پئي وڃي. هو قومي اسيمبلي جي ميمبر غلام بي بي بروانا سان سومر تي ايوان وزيراعظم ۾ ڳالهائي رهيو هو ملاقات ۾ غلام بي بي بروانا چيو ته ملڪ ۾ سيڪيورٽي جي گڏيل صورتحال ۾ وڏي بهتري آئي آهي جنهن سان وزيراعظم جي قيادت ۾ اقتصادي مضبوطي جو رستو هموار ٿيو آهي هن چيو ته ملڪ جي منصوبن ۽ بجلي جي شعبن ۾ وڏي سيڙپڪاري سان ملڪ جي معاشي صورتحال ۾ وڌيڪ بهتري ايندي هن وزيراعظم کي پنهنجي تڪ جي مختلف فلاحي اسڪيمن بابت معاملن کان به آگاهه ڪيو وزيراعظم چيو ته موجوده حڪومت جي پاليسين جو پهريون اصول عوام جي خدمت ڪرڻ آهي وزيراعظم ان ڳالهه تي زور ڀريو ته پارليامينٽ جا ميمبر پنهنجن پنهنجن تڪن جي عوام سان ويجهن رابطن ۾ رهن ته جيئن انهن جي ٽيم به راءِ ۽ تجويزون حاصل ڪري سگهن وزيراعظم چيو ته امن امان جي صورتحال ۾ بهتري آئي آهي ۽ مواصلاتي رابطن ۾ به واڌ ٿي آهي ان سان گڏوگڏ صحت ۽ تعليم جي اهم شعبن ڏانهن مناسب ڌيان ڏنو پيو وڃي.ٻئي طرف وزير اعظم نواز شريف ملڪ جي بچاءَ جي لاءِ پاڪ بحريا جي ڪردار کي ساراهيندي چيو آهي ته بحريا طاقت وڌائڻ جي لاءِ هر ممڪن قدم کڻنداسين. پاڪ بحريا جي سربرهاه ايڊمرل ذڪا الله وزير اعظم نواز شريف سان ملاقات ڪئي ۽ ان کي پاڪ بحريا جي پيشيوراڻي معاملن تي بريفنگ ڏني. ان موقعي تي وزير اعظم نواز شريف سامونڊي حدن جي نگراني ۾ پاڪ بحريا جي ڪردار کي ساراهيندي چيو ته ملڪ جي بچاءُ جي لاءِ پاڪ بحريا جو ڪردار انتهائي اهم آهي.