تازيون خبرون

Daily Archives: December 7, 2016

پانامه ليڪس ڪيس: سپريم ڪورٽ شريف خاندان جي وڪيلن کان 3 سوالن جا جواب گهري ورتا

اسلام آباد  (اين اين آءِ) سپريم ڪورٽ آف پاڪستان پانامه ليڪس معاملي جي ٻڌڻي دوران واضح ڪيو آهي ته جيڪڏهن نتيجي تي پهتاسين ته ڪميشن جي بغير انصاف جا تقاضا پورا نه ٿيندا ته ڪميشن ضرور جوڙينداسين سمورا آپشن کليل رکيل آهن نيب ايف بي آر ۽ ايف آءِ اي ڪجهه به نه ڪيو ادارن کي ڪوبه ڪم نه ڪرڻو آهي ته بند ڪيا وڃن عدالت ۾ پي ٽي آءِ پاران دليل مڪمل ڪيا ويا وزيراعظم نوازشريف جي ٻارڙن پانامه ڪيس جي ٻڌڻي روزانو جي بنياد تي ڪرڻ جي درخواست داخل ڪري ڇڏي اڱاري تي چيف جسٽس انور ظهير جمالي جي اڳواڻي ۾ 5 رڪني لارجر بئنچ پانامه ليڪس جي جاچ بابت درخواست جي ٻڌڻي ڪئي ٻڌڻي دوران جماعت اسلامي جي وڪيل اسد منظور بٽ چيو ته 556 آف شور ڪمپنيون آهن صرف وزيراعظم جو حساب نه ٿيڻ گهرجي معاملو انڪوائري ڪميشن جي حوالي ڪيو وڃي جنهن تي چيف جسٽس جماعت اسلامي جي وڪيل اسد منظور بٽ کي مخاطب ڪندي ريمارڪس ڏنا ته توهان چيو آهي ته ڪميشن جوڙي وڃي اسان سمورا آپشن کليل ڇڏيا آهن جيڪڏهن ان نتيجي تي پهتو وڃي ته ڪميشن جي بغير انصاف جا تقاضا پورا نه ٿيندا ته ضرور ڪميشن جوڙينداسين عمران خان جي وڪيل نعيم بخاري پنهنجي دليلن ۾ موقف اختيار ڪيو ته وزيراعظم جي پهرين تقرير ۾ سعودي عرب مل جي وڪرو جي تاريخ نه ڏني ويئي لنڊن وارا فليٽ سعودي مل وڪرو ڪري خريد ڪئي ويئي يا دبئي مل وڪرو ڪري بيان ۾ واضح تضاد آهي نوازشريف چيو ته لنڊن فليٽ جدي ۽ دبئي ملن جي وڪري جي لاءِ 33 مليل درهم ۾ دبئي اسٽيل مل خريد ڪئي ويئي ۽ اها قيمت وزيراعظم ٻڌائي حسين نواز چيو ته لنڊن فليٽ قطر ۾ سيڙپڪاري جي بدلي حاصل ٿيا. وزيراعظم مسلسل ٽيڪس چوري ڪئي آهي 2014 ۽ 2015 ۾ حسين نواز پنهنجي والد کي 74 ڪروڙ جو تحفو ڏنو انهن تحفن تي وزيراعظم ٽيڪس ادا نه ڪئي جسٽس اعجاز احسن پڇيو ته وزيراعظم جي گوشوارن ۾ ڪٿي لکيل آهي ته مريم نواز ان جي ڪفالت هيٺ آهي جنهن تي نعيم بخاري چيو ته ان وٽ مريم جي والد جي ڪفالت هيٺ هجڻ جا چٽا ثبوت آهن جسٽس اعجاز الحسن پڇيو ته ويلٽ ٽيڪس 2011 ۾ مريم نواز پنهنجي والد جي ڪفالت هيٺ هجڻ جا ثبوت ٻڌائي جنهن تي نعيم بخاري چيو ته ان جون به ٺوس شاهديون موجود آهي مريم صفدر کي 3 ڪروڙ 17 لک ۽ حسين نواز کي 2 ڪروڙ جو تحفو والد ڏنو جسٽس آصف سعيد کوسي نعيم بخاري کي مخاطب ڪندي ريمارڪس ڏنا ته توهان جي دليلن مان ظاهر ٿئي ٿو ته مريم نواز ڪفالت هيٺ آهي پر اڃا اهو تعين ڪرڻو آهي ته مريم نواز ڪنهن جي ڪفالت هيٺ آهي نعيم بخاري چيوت ه مريم نواز چوڌري شگر مل جي شيئر هولڊر آهي جنهن تي چيف جسٽس ريمارڪس ڏنا ته ٿي سگهي ٿو ته مريم نواز جي آمدني جو ذريعو چوڌري شگر مل هجي نعيم بخاري چيو ته مريم نواز جاتي امره ۾ پنهنجي والد سان رهڻ جو اعتراف ڪيو مريم نواز موجب هو ڪنهن پراپرٽي جي مالڪ نه آهي هن ڪوبه يوٽلٽي بل جمع ناهي ڪرايو 2011 کان 2012 دوران مريم نواز جي اثاثن ۾ واڌ ٿي مريم نواز والد کان ٽن سالن ۾ گڏيل طور تي 8 ڪروڙ رپيا ورتا ان جي ڀاءُ حسن نواز کان 2 ڪروڙ رپيا قرض ورتو مريم نواز جا شيئر ۽ زرعي ايراضي به آهي ڪمپنين جي ٽرسٽ ڊيڊ جي ڪابه حيثيت نه آهي قانون موجب مريم نواز ان جي مالڪ آهي چيف جسٽس پڇيو ته بي ايم ڊبليو گاڏي ته پهريان استعمال هيٺ هئي گاڏي جي ماليت ۾ هڪ ڪروڙ 96 لک جي واڌ ڪيئن ٿي ويئي. جسٽس عظمت سعيد ريمارڪس ڏنا ته بل جمع ڪرائڻ گهر جي مردن جو ڪم هوندو آهي ڇا ان مان اهو ثابت ٿئي ٿو ته مريم والد جي ڪفالت هيٺ آهي ڪفالت هيٺ هجڻ جو معاملو وڏي اهميت وارو آهي اسان کي جائزو وٺڻو پوندو ته ملڪ جي قانون ۾ ڪفالت هيٺ جي ڪهڙي تعريف ڪئي ويئي آهي اسان به ڳولي رهيا آهيون توهان به ڳوليو نعيم بخاري چيو ته جناب مان عمر ۾ توهان کان وڏو آهيان جنهن تي جسٽس شيخ عظمت سعيد چيو ته بخاري صاحب توهان پنهنجي عمر ٻڌايو پوءِ ڪجهه نه چوندس نعيم بخاري چيو ته منهنجي عمر 68 سالن کان وڌيڪ آهي مون سان مذاق نه ڪندا ڪيو جنهن تي جسٽس سعيد چيو ته پوءِ توهان هاڻي تسبيع کڻو ۽ گهر هليا وڃون ۽ الله الله ڪيو پنهنجي دليل ۾ نعيم بخاري چيو ته 1999 ۾ حسن نواز هڪ انٽرويو ۾ چيو آهي ته فليٽن ۾ ڪرائي تي رهندو آهيان فليٽن جو ڪرايو پاڪستان مان ايندو آهي جنهن تي جسٽس آصف سعيد کوسي ريمارڪس ڏنا ته ڪرايو پاڪستان مان ضرور ايندوآهي اهو بزنس مان ايندو آهي اها ڳالهه اسان نوٽ ڪئي آهي قطر جي شهزادي جي خط ۾ چيو ويو آهي ته لنڊن جي ملڪيت ان جي هئي سوال آهي ته ڇا حسن نواز جو بيان قطر جي شهزادي جي خط سان مشابهت رکي ٿو نعيم بخاري چيو ته ڪرايو ڪاروبار مان ادا ڪرڻ جو ڪوبه به دستاويزي ثبوت نه آهي 1999 ۾ حسن نواز شاگرد هو ٻن سالن کان پوءِ فليگ شپ ڪمپني جي رقم ڪٿان آئي ڪرايو ڏاڏي جو شروع ڪيل ڪاروبار کان اچي ٿو اهو حسن نواز مڃي چڪو آهي حسين نواز چيو ته حسن نواز کي ڪاروبار جو پئسو ان ڏنو چيف جسٽس پڇيو ته ڇا ميان شريف پاڻ ڪاروبار سنڀاليندو هو ٿي سگهي ٿو ته ميان شريف ٻارڙن ۽ پوٽن جي سارسنڀال ڪندو هجي جسٽس شيخ عظمت سعيد ريمارڪس ڏنا ته سمورن بيانن کي گڏ ڪري پڙهيو وڃي ته پئسو دبئي مان قطر پوءِ سعودي عرب ۽ پوءِ لنڊن ويو جسٽس اعجازالحسن ريمارڪس ڏنا ته ڪوونبر ڪمپني جي نالي سان به هڪ آف شور ڪمپني آهي ان کي جيڪا ڪمپني فنڊ فراهم ڪري ٿي اها دبئي ۾ ڪوونبر کي اها رقم ڪٿان اچي ٿي اهو سوال وڪيل دفاع واري کان پڇا ڪنداسين عمران خان جي وڪيل چيو ته نوازشريف جي گوشوارن موجب مريم نواز 2011 ۾ ان جي ڪفالت هيٺ هئي پهريان نوازشريف مريم کي 3 ۽ پوءِ 5 ڪروڙ رپين جو تحفو ڏنو پانامه ليڪس جي دستاويز ڊائون لوڊ ڪئي ويئي آهي جنوري 2099 ۾ فليٽن جي بورڊ آف ڊائريڪٽرن ۾ ميان شريف شهبازشريف حمزه شريف شميم اختر صبحه اختر ۽ مريم نواز شامل هئا 1999 ۾ لنڊن جي هڪ عدالت فيصلو جاري ڪيو هو ته وزيراعظم جي بيان ۾ تضاد آهي ان سبب هو صادق ۽ امين هاڻي ناهي رهيو چيف جسٽس ريمارڪس ڏنا ته اسان کي توهان کان گهڻا ڪجهه سوال ڪرڻا آهن بخاري صاحب توهان جنهن دور جي ڳالهه ڪري رهيا آهيو ان وقت وفاق مشرف کي ظاهر ڪندو هو ڇا مفاد جي تحت درخواست ۾ صادق ۽ امين جو معاملو ٻڌي سگهجي ٿو ان حوالي سان قانون مطابق فورم موجود آهي جسٽس آصف سعيد کوسي چيو ته يوسف رضا گيلاني کي پهريان سزا ٿي پوءِ هو نااهل ٿيو نعيم بخاري پاران دليل مڪمل ٿيڻ تي عوامي مسلم ليگ جي اڳواڻ شيخ رشيد پنهنجا دليل شروع ڪيا ۽ چيو ته ان جو ڪيس شارٽ سوئٽ ۽ سمارٽ آهي اسان پانامه ليڪس تي ٽي او آر ڪميٽي اليڪشن ڪميشن ۽ ٻين فورمن تي به وياسين پر فائدو نه ٿيو قائمه ڪميٽي ۾ ايف بي آر پارليامينٽ جي ميمبرن جي توهين ڪئي کير جي سنڀال تي ٻلن کي نٿو ويهاري سگهجي عام ماڻهو آهيان منهنجو وڪيل منهنجو رب آهي منهنجو ايمان آهي ته عدالت کي ڪيس جي ڄاڻ آهي ۽ الله تعاليٰ توهان کان فيصلو وٺڻ چاهي ٿو مان جدي ۽ دبئي جي ملڪيت جي تفصيل ۾ نه ويندس نوازشريف جي ڪاغذ نامزدگي تي قانون جا ماهر موجود آهن اهو چوڻ صحيح نه آهي ته ڪاغذ نامزدگي ۾ ڪفالت هيٺ هجڻ جو خانو نه هو ڪفالت هيٺ ۾ ٻن ماڻهن جو نالو داخل آهي هڪ ڪفالت هيٺ گهرواري ۽ ٻي ڌيءَ آهي عوامي مسلم ليگ جي اڳواڻ چيو ته ڄاڻ نه آهي ته 12 ملين درهم ڪيتري برڪت وارا آهن جيڪي 1989 کان وٺي اڄ تائين ختم نه ٿي رهيا آهن انهن کي ٿورڙو به شڪ نه آهي ته آف شور ڪمپنيون نوازشريف جون آهن مريم نواز ڪفالت هيٺ آهي ته آف شور ڪمپنيون ظاهر ڪرڻيون هيون ٽيڪس ۽ نيسپول کي گوشوارن ۾ ظاهر ڪرڻ گهرجي ها. شيخ رشيد چيو ته تاريخ ۾ اهڙا موقعا ايندا رهندا آهن پر جمهوريت کي مضبوط ڪرڻ جو آخري موقعو آهي وقفي کان پوءِ جڏهن ڪيس جي ٻڌڻي ٻيهر شروع ٿي ته وزيراعظم جي وڪيل اسلم بٽ دليل ڏيندي چيو ته درخواست ڪندڙن ڪوبه ثبوت فراهم نه ڪيو آهي هن چيو ته 1992 ۾ مريم نواز جي شادي کان پوءِ هو وزيراعطم جي ڪفالت هيٺ نه آهي سلمان اسلم بٽ چيو ته ڪاغذ نامزدگي جمع ڪرائڻ وقت صرف بيگم ڪلثوم نواز ڪفالت هيٺ هئي جسٽس آصف سعيد کوسي سلمان اسلم بٽ کي مخاطب ڪندي چيو ته پئسو ڪٿان آيو اهو توهان کي ثابت ڪرڻو آهي سلمان بٽ چيو ته مريم نواز جي ملڪيت جي تفصيل فراهم ڪرڻ لاءِ ڪو ٻيو ڪالم موجود نه هو جسٽس آصف سعيد کوسي پڇا ڪئي ته جيڪڏهن ڪو مخصوص ڪالم نه هو ته نالو لکڻ جي ڪهڙي ضرورت هئي جيڪڏهن نالو لکڻ ضروري هو ته ڪنهن ٻئي ڪالم ۾ لکيو وڃي ها عدالت 3 سوال اٿاريا وزيراعظم جي ٻارڙن جون ڪمپنيون ڪيئن ٺهيون ڪفالت هيٺ جي معاملي جي وضاحت ڪئي وڃي ۽ وزيراعظم جي تقريرن ۾ سچ ڳالهيون ويو آهي يا نه ان کان پوءِ پڇيل ٽنهي سوالن جو جواب گهرندي ڪيس جي ٻڌڻي اربع تائين ملتوي ڪري ڇڏي.

 

دهشتگردن خلاف بنا فرق ڪارروائي جاري رکي وڃي: آرمي چيف

راولپنڊي (م.ڊ) پاڪ فوج جي سڌ سماءَ بابت شعبي آءِ ايس پي آر جو چوڻ آهي ته آرمي چيف جنرل قمر جاويد باجوا ڪوئيٽا جو دورو ڪيو آهي، ان موقعي تي ڪور ڪمانڊر سدرن ڪمانڊ ليفٽينينٽ جنرل عامر رياض آرمي چيف جو استقبال ڪيو، جنرل قمر جاويد باجوا شهيدن جي يادگارن جي گلن جون چادرون چاڙهيون، آءِ ايس پي آر موجب آرمي چيف ڪور هيڊ ڪوارٽر سدرن ڪمانڊ جو به دورو ڪيو آهي، ان موقعي تي آرمي چيف جنرل قمر جاويد باجوا کي بلوچستان جي سڪيورٽي صورتحال تي به بريفنگ ڏني وئي آهي. آرمي چيف جو چوڻ هو ته بلوچستان ۾ جاري منصوبن کي جلد مڪمل ڪيو وڃي، اقتصادي راهداري منصوبي کي فول پروف سڪيورٽي ڏني وڃي، آپريشن ۾ انٽيليجنس ۽ سڪيورٽي ادارن سان سهڪار ڪئي وڃي.36

 

 

پ پ پارن پارٽي شيڊيول جو اعلان، 3 مهينا گو نواز گو ۽ 3 مهينا چونڊ مهم هلائينداسين: بلاول

لاهور (اين اين آءِ) پ پ چيئرمين بلاول ڀٽو زرداري پنهنجي پيش ڪيل 4 مطالبن تي حڪومت سان ڳالهيون ڪرڻ ۽ ان تي عمل ڪرائڻ لاءِ ڪميٽي جوڙڻ جو اعلان ڪندي چيو آهي ته جيڪڏهن حڪومت مطالبا تسليم نه ڪيا ته پوءِ لانگ مارچ جو اعلان ۽ ڌما ڌم مست قلندر ٿيندو، اسان 6 مهينن لاءِ نڪرنداسين، جنهن ۾ 3 مهينا گو نواز گو باقي 3 مهينا چونڊ مهم هوندي، 2018 ۾ نواز شريف کي هميشه لاءِ خدا حافظ ڪنداسين ۽ ان کانپوءِ هو جيل ۾ يا سعودي عرب  ۾ هوندو، دنيا جي سڀ کان وڏي ۽ تاريخي ڪرپشن جي اسڪينڊل وزيراعظم کي پريشان ڪري ڇڏيو آهي جنهن به وزيراعظم جو ان اسڪينڊل ۾ نالو آيو آهي ان جو احتساب ٿيو آهي پر وزيراعظم نواز شريف قطري شهزادي جي خط پويا لڪي رهيو آهي، 27 ڊسمبر کانپوءِ بلاول هائوس ۾ رهي سياست ڪندس ۽ رائيونڊ تخت وارن کي خبر پئجي ويندي ته ڀٽو ۽ عوام جي طاقت ڇا هوندي آهي، اهڙن خيالن جو اظهار هن پارٽي جي 49 هين يوم تاسيس جي حوالي سان ڏکڻ پنجاب جي ڪنويشن کي خطاب ڪندي ڪيو، ان موقعي تي سيد خورشيد شاهه، قائم علي شاهه، قمر زمان ڪائرا، لطيف کوسو ۽ ٻيا موجود هئا، بلاول ڀٽو خطاب ڪندي چيو ته مان سنڌ، بلوچستان، ڪي پي ڪي، ڏکڻ پنجاب، آزاد ڪشمير، گلگت بلتستان جي جيالن جا ٿورا مڃا ٿو جن شوباز شريفن ۽ ناڪام شريفن کي ڏيکاري ڇڏيو آهي ته پ پ زنده آهي، هن چيو ته اسان جي تنظيم 7 ڏينهن جي مختصر نوٽيس تي زبردست انتظام ڪيا آهن، هن چيو ته ذوالفقار علي ڀٽو هن ملڪ کي جمهوريت ڏني، بينظير ڀٽو ۽ آصف زرداري جمهوريت واپس آندي پر پنجاب ۾ شريفن جي تخت رائيونڊ ۾ ضيا ءُ الحق جي باقيات واري آمريت هلي رهي آهي، اسان شريفن کي سمجهائڻ چاهيون ٿا ته اهو توهان جو آخري ڀيرو آهي ان کانپوءِ توهان جي شڪل نظر نه ايندي، هن چيو ته سنڌ ۾ تبديلي آندي آهي، پارٽي ۾ تبديلي آڻي رهيو آهيان، ڇا اسان 2018 ۾ تبديلي نه آڻي سگهنداسين، شريفن اسان جي پياري ملڪ ۽ پنجاب لاءِ ڇا ڪيو آهي، معيشت کي تباهه ڪري ڇڏيو آهي، تيل جي قيمتن ۾ گهٽتائي جو فائدو عوام تائين نه پهچي رهيو آهي، لوڊشينگ ختم ڪرڻ جي نعري تي چونڊ وڙهي وئي پر لوڊشيڊنگ ختم  نه پر بجلي جي قيمت ٻيڻي ڪئي وئي، هن چيو ته مان 27 ڊسمبر کانپوءِ لاهور ايندس ۽ اتي ئي رهندس، منهنجي سياست لاهور ۾ هوندي پوءِ ڀٽو جا نعرا لڳندا، هن چيو ته اڀي تو پارٽي شروع هئي، جڏهن کان ميدان ۾ نڪرنداسين ته انهن کي هوش اچي ويندو ته بلاول ڀٽو ميدان ۾ اچي رهيو آهي.

 

عدالتي حڪم تي پٽ کي نه قبوليندڙ پيءُ ۽ ڏاڏي جي ملڪيت جا تفصيل ڏئي: ن ليگ

اسلام آباد (م.ڊ) مملڪتي وزير مريم اورنگزيب چيو آهي ته وزيراعظم چيو هو ته وڌيڪ شاهديون سند يافته فورم تي پيش ڪندس، وزيراعظم سڀ شاهديون پيش ڪري ڇڏيون آهن، عمران خان جا وڪيل وزيراعظم جي تقريرن مان فرق ڳولي رهيا آهن، اسلام آباد ۾ مملڪتي وزير مريم اورنگزيب ۽ طلال چوڌريءَ پريس ڪانفرنس ڪئي، جنهن دوران مريم اورنگزيب جو وڌيڪ چوڻ هو ته هيءُ ڪيس مريم نواز کان ڊپ جو آهي، عمران خان 2018ع ۾ مقابلي جي تياري ڪري، مريم نواز ملڪي قانون تحت خودمختيار عورت آهي، نواز شريف عوام کي موٽر وي ۽ سي پيڪ جھڙا منصوبا ڏنا. ن ليگ اڳواڻ طلال چوڌريءَ چيو آهي ته ن ليگ تي 4 الزام هئا ته ڇا ڪا ڪرپشن ٿي آهي يا نه؟ ٻيو الزام اهو هو ته ملڪ کان ٻاهر پيسو ويو يا نه، مريم نواز وزيراعظم جي ڪفالت هيٺ آهي يا نه پر اهي سڀ الزام ثابت نه ٿيا، اخباري ڪٽنگن کان سواءِ عمران خان وٽ ڪو به ڪيس نه آهي، عمران خان سياسي يتيم لڳي رهيو آهي، نومبر مٿس ڏاڍو ڳرو گذريو، عمران خان مريم ۽ حسين نواز کان پيءُ ۽ ڏاڏي جي ڪمائيءَ جا ثبوت گھري رهيو آهي، ثبوت کيس ڏينداسين پر پوءِ عمران خان کي پنهنجي پيءُ ۽ بزرگن جي ڪاروبار جو به ٻڌائڻو پوندو، پٽن جي مٿي تي هٿُ به رکيو ويندو آهي ۽ تحفا به ڏنا ويندا آهن، عمران خان ته عدالت جي حڪم کان پوءِ به پٽ کي قبول نه ٿو ڪري.

 

مڪاني ادارن جي بهتر طريقي سان ڪم ڪرڻ کانسواءِ جمهوريت کي هٿي نه ملي سگهندي: نواز شريف

اسلام آباد (اين اين آءِ) وزيراعظم نوا زشريف چيو آهي ته مڪاني ادارن جو بهتر ڪم ڪرڻ کانسواءِ جمهوريت کي هٿي نه ملي سگهندي، مڪاني نمائندن کي عوام جا بنيادي مسئلا حل ڪرڻ لاءِ بااختيار بڻائڻو پوندو، هو اڱاري تي وزيراعظم هائوس ۾ پاڪستان مسلم ليگ ن پنجاب جي صوبائي اڳواڻ جي اجلاس جي صدارت ڪري رهيو هو، صوبائي اڳواڻن وزيراعظم کي صوبي ۾ مڪاني ادارن جي چونڊن کانپوءِ ميئرز ۽ ڊپٽي ميئرز جي چونڊ بابت آگاهه ڪيو، وزيراعظم چيو ته مڪاني ادارا صوبائي ۽ قومي سطح تي تربيت يافته ۽ باصلاحيت قيادت فراهم ڪن ٿا، اجلاس ۾ خواجه آصف، چوڌري نثار علي خان، شاهد خاقان عباسي، احسن قبال، خواجه سعد رفيق شرڪت ڪئي، وزيراعظم چيو ته مڪاني نظام جمهوريت جو بنيادي حصو آهي، مڪاني نظام جي بحال ٿيڻ سان جمهوري نظام مضبوط ٿيندو، هن اهو عزم ڪيو ته بنيادي مسئلا حل ڪرڻ لاءِ مڪاني نمائندن کي بااختيار بڻايو ويندو.

 

لوڊيشيڊنگ ختم ڪرڻ جون ڪوڙيون دعوائون ڪيون ويون، پ پ ڪارڪن هر طاقت سان ٽڪرائي سگھي ٿو: خورشيد شاهه/ اعتزاز احسن

لاهور (م.ڊ) قومي اسيمبليءَ ۾ مخالف ڌر اڳواڻ سيد خورشيد احمد شاهه جو چوڻ آهي ته بلاول هائوس ڀُٽي جو گھر آهي، ڀٽو جو گھر چاهيندڙن جو گھر آهي، جيالا جبل اورانگھي جنگ جي ميدان ۾ لهي ايندا آهن، لاهور ۾ پ پ جي يوم تاسيس واري جلسي ۾ ڪارڪنن کي خطاب سيد خورشيد شاهه جو چوڻ هو ته بدقسمتيءَ سان مفادن خاطر عوام سان ڪوڙ ڳالهايو ويو، منافقت ڪئي وئي، لوڊشيڊنگ ختم ڪرڻ جي دعويدارن لوڊشيڊنگ ته ختم نه ڪئي پر غريبن جي کيسن تي ڌاڙو هنيو، ڪاڏي وئي سستي ماني، ڪاڏي وئي آشيانا اسڪيم، سستي ماني ۽ تندور جو اسٽيج سجايو ويو، چيو ويو ته غريبن کي سستي ماني ڏينداسين، سستي مانيءَ جي نالي تي منافقت ڪئي وئي، لوڊشيڊنگ ختم ڪرڻ جا ڪوڙا واعدا ڪيا ويا،  ان موقعي تي ڪارڪنن کي خطاب سينيٽر اعتزاز احسن جو چوڻ هو ته حڪمران خاندان هڪ ٻئي کي بچائڻ جي لاءِ اڳتي ايندا آهن، پاناما ليڪس ۾ قطر جو شاهي خاندان کين بچائڻ اچي ويو آهي، جڏهن ته ڪارڪنن کي خطاب ڪندي اڳوڻي وزيراعظم راجا پرويز اشرف جو چوڻ هو ته پيپلز پارٽيءَ جو هر ڪارڪن هر طاقت سان ٽڪرائڻ جي لاءِ تيار آهي، جيڪڏهن مطالبن تي عمل نه ٿيو سڄو پاڪستان دمادم مست قلندر جي لاءِ تيار رهي، حڪومت بلاول جي چئن نقطن تي عمل ڪري.36

 

عالمي ميڊيا جي تاثر جي برعڪس پاڪستان هڪ پرامن ملڪ آهي: خواجه آصف

اسلام آباد (اين اين آءِ) دفاع واري وزير خواجه محمد آصف چيو آهي ته عالمي ميڊيا جي تاثر جي برعڪس پاڪستان هڪ پرامن ملڪ آهي اسان آپريشن ضرب عظب جي ذريعي اهي ڪاميابيون حاصل ڪيون آهن جيڪي افغانستان ۾ نيٽو جي 16 ملڪ به ملي ڪري حاصل نه ڪري سگهيا پاڪ اٽلي واپاري ڪانفرنس کي خطاب ڪندي خواجه آصف چيو ته پاڪستان جي حوالي سان عالمي ميڊيا جي تاثر جي برعڪس پاڪستان هڪ پرامن ملڪ آهي انتهاپسندي ۽ دهشتگردي جي خلاف آپريشن ضرب عضب ۾ اهي ڪاميابيون حاصل ٿيون آهن جيڪي افغانستان ۾ نيٽو جي 16 ملڪن به حاصل نه ڪيون هن چيو ته ملڪ ۾ دهشتگردي کان سواءِ توانائي بحران جي شدت به ختم ڪئي ويئي آهي پاڪستان ۾ تجارت ۽ توانائي جي شعبن ۾ سيڙپڪاري جا بهترين موقعا موجود آهن پاڪستان سيڙپڪاري لاءِ دنيا جو سڀ کان پسنديده ملڪ آهي هن چيو ته اٽلي سان اسان جا پراڻا لاڳاپا آهن. اٽلي اسان جي دفاعي ضرورتن ۾ هميشه تعاون ڪيو لاڳاپن کي وڌيڪ مضبوط ڪرڻ لاءِ اٽلي جي خدمتن جي ساراهه ڪئي.

 

نواز شريف وٽ ثبوت آهن نه ئي دولت جو جواب، وزيراعظم پاڻ بچائڻ لاءِ ٽرمپ کي نه گهرائي: عمران خان

اسلام آباد (اين اين آءِ) پي ٽي آءِ جي اڳواڻ عمران خان چيو آهي ته نواز شريف نه ثبوت آهن ۽ نه ئي سموري دولت جو جواب آهي، چاهيون ٿا ته ڪيس جو فيصلو سپريم ڪورٽ جي اها ئي بينچ ڪري، ملڪيت ورهائڻ کانپوءِ فليٽ ڪمپنني جو جواب ڏيڻو پوندو، عدالت شريف فيملي کان ثبوت ورتا آهن، هاڻ سوال جج ڪندا، اڱاري تي بني گالا ۾ ميڊيا سان ڳالهائيندي هن چيو ته نعيم بخاري ۽ وڪيلن جي ٽيم کي مبارڪ ڏيان ٿو، اسان جي وڪيلن پوري تياري ڪئي هئي، جڏهن ته هاڻ نه صرف نواز شريف پر ان جي وڪيلن کي به گهڻن سوالن جا جواب ڏيڻا پوندا، هاڻي جج شريف فيملي کان سوال ڪندا، هن چيو ته مون سان ماڻهو نه نڪرن هان ته پاناما ڪيس دٻجي وڃي ها، پي ٽي آءِ کي جيڪو ڪم ڪرڻُو اهو ڪري ڇڏيو، وزيراعظم قوم ۽ پارليامينٽ سان ڪوڙ ڳالهايو، ثابت ٿي ويو ته نواز شريف وٽ پنهنجي دولت بابت نه ڪو ثبوت آهي ۽ نه ئي ڪو جواب.

 

حڪومت پاناما ليڪس جو معاملو حل ڪرڻ نٿي چاهي، سڄي قوم عدالت ڏانهن ڏسي رهي آهي: سراج الحق

اسلام آباد (اين اين آءِ) جماعت اسلامي جي امير سينيٽر سراج الحق چيو آهي ته سڄي قوم عدالت ڏانهن ڏسي رهي آهي، ملڪ ڪرپشن جي ڌٻڻ ۾ بري طرح ڦاسي چڪو آهي، هن ڌٻڻ مان ڪڍڻ سپريم ڪورٽ جو فرض آهي، هي ڪنهن جو ذاتي مسئلو ناهي پر اهو ملڪ جي نسلن جو معاملو  آهي، پاناما ليڪس هڪ قومي مسئلو بڻجي ويو آهي  سياسي ڪارڪن ۽ غير سياسي ماڻهو به ڪرپشن کان پاڪ معاشرو چاهين ٿا پر حڪومت پاناما معاملو حل ڪرڻ نٿي چاهي ۽ دير جا طريڪا استعمال ڪري رهي آهي، اسان چاهيون ٿا ته عدالت ڊسمبر ۾ اهو معاملو حل ڪري، اهو ڪيس 2017 ۾ نه ٿيڻ گهرجي، هي فيصلي جو وقت آهي، اسان چئون ٿا ته ان معاملي جو فيصلو ڪرڻ لاءِ ڪميشن جوڙي وڃي، اهو ئي موقف سمورين سياسي پارٽين جو هو، ان لاءِ گڏيل طور تي ٽي او آرز جوڙيو هو جنهن کي حڪومت نه مڃيو، حڪومت ڪميشن کان ڊنل هئي، هاڻ سپريم ڪورٽ کي اهو ڪم ڪرڻ گهرجي ته اسان سپريم ڪورٽ کان چاهيون ٿا ته اها خود ٽي او آرز جوڙي ۽ ڪميشن لاءِ ڪو لامحدود مدو نه هئڻ گهرجي، جيڪڏهن جذبو موجود هجي ته 25 ڏينهن ۾ ڪيس مڪمل ڪري سگهجي ٿو، پاناما ڪيس ۾ گهڻا ڪردار آهن، جماعت اسلامي چاهي ٿي ته سمورن ڪردارن جي انڪوائري ۽ ٽرائيل ڪيو وڃي ان ۾ اپوزيشن، حڪومت، عدليا ۽ بيورڪريٽس شامل آهن.

 

جمرود پاڪ افغان شاهراه تي ٽرالر ڪيري وين تي چڙهي ويو، 7 ڄڻا فوت

جمرود (اين اين آءِ) خيبر ايجنسي جي تعلقي جمرود ۾ پاڪ افغان رستي تي سمينٽ سان ڀريل ٽرالر سامهون ايندڙ ڪيري وين سان ٽڪرائڻ جي نتيجي ۾ 7 ڄڻا فوت 4 زخمي ٿي پيا زخمين کي فوري طور تي پشاور پهچايو تفصيل موجب واقعو جمرود جي علائقي شاهزمان ڪلي ۾ پيش آيو جتي افغانستان ويندڙ سيمينٽ سان ڀريل ٽرالر سامهون ايندڙ ڪيري سان ٽڪرائجي ويو جنهن کان پوءِ ڪيتريون ئي گاڏيون تيز رفتاري سبب هڪ ٻئي سان ٽڪرائجي ويو جنهن سبب ست ڄڻا موقعي تي ئي فوت ٿي ويا جڏهن ته 4 زخمي ٿيا جن کي فوري طور علاج جي لاءِ پشاور پهچايو ويو آهي. جتي انهن جي حالت خطري کان ٻاهر ٻڌائي پئي وڃي.