تازيون خبرون

Daily Archives: November 23, 2016

شاهه رخ خان چاهيندڙن کي ٽارڻ لاءِ هم شڪل جو سهارو ورتو

ممبئي (شوبز نيوز) هونئن ته فلمن ۾ ڏکيا منظر ڀرائڻ لاءِ يا ڪو خطرناڪ اسٽنٽس ڪرڻ لاءِ اداڪارن کي هم شڪلن جو سهارو وٺڻو پوندو آهي، پر گوري شندي جي نئين فلم ”ڊيئر زندگي“ جي شوٽنگ وقت شاهه رخ جي هم شڪل هجڻ جو ٻڌايو ويو آهي. ڀارتي ميڊيا رپورٽن موجب هدايتڪار گوري شندي جي نئين فلم ”ڊيئر زندگي“ ۾ شاهه رخ خان ۽ اداڪارا عاليه ڀٽ اداڪاري ڪري رهيا هئا،  فلم جي شوٽنگ ڀارتي شهر گووا جي دريا ۾ ٻيڙي ۾ ڪئي پئي وئي ته چاهيندڙن کي ٻنهي اداڪارن جي موجودگي جي خبر پئجي پئي، جنهن کانپوءِ اتي چاهيندڙن جو هڪ ميڙ گڏ ٿي ويو، جنهن تي ضابطو رکڻ ڏکيو ٿي پيو هو، جڏهن ته چاهيندڙ اداڪارن جي هڪ جهلڪ ڏسڻ لاءِ هڪٻئي کي ڌڪا ڏيڻ شروع ڪيا. ڀارتي ميڊيا جي رپورٽن ۾ چيو ويو آهي ته چاهيندڙن جي وڏي انگ کي روڪڻ لاءِ اداڪار شاهه رخ خان همشڪل جو سهارو ورتو، جڏهن ته اداڪار شاهه رخ خان ۽ عاليه ڀٽ شوٽنگ کانپوءِ ٻيڙي تي صورتحال ضابطي ۾ اچڻ تائين ويٺل رهيا ۽ پوءِ ڪافي دير کانپوءِ ٻئي رستي کان هليا ويا، واضح رهي ته گوري شندي جي فلم ”ڊيئر زندگي“ هلندڙ مهيني 25 نومبر تي سئنيما گهرن جي زينت بڻجندي.

 

اڪشي ڪمار شاندار اداڪاري سان رجني ڪانت کي به موهي وڌو

ممبئي (شوبز نيوز) تامل ۽ هندي فلم انڊسٽري جو ليجنڊ اداڪار رجني ڪانت به کلاڙِ اداڪار اڪشي ڪمار جو چاهيندڙ نڪتو، هن اڪشي جي  اداڪاري کي واکاڻيندي چيو آهي ته سندس نئين فلم 2.0 ۾ اصل هيرو  هو پاڻ نه پر اڪشي ڪمار آهي. ممبئي ۾ رجني ڪانت جي بلاڪ بسٽر فلم روبوٽ جي سيڪيول 2.0 جي حوالي سان تقريب رٿي وئي، جنهن ۾ فلم ۾ شامل رجني ڪانت، اڪشي ڪمار،  ايمي جيڪسن، ميوزڪ ڊائريڪٽر شنڪر ۽ اي آر رحمان کانسواءِ بالي ووڊ جو سلطان سلمان خان به شامل ٿيو،جڏهن ته تقريب ۾ ميزباني جا فرض ڪرن جوهر نڀايا. تقريب ۾ فلم جي خاص حصن کي ڏسي سڀني اداڪاري ۽ ٽيڪنيڪي عملي جي مهارت جي واکاڻ ڪئي. ان موقعي تي رجني ڪانت جو چوڻ هو ته فلم ۾ اڪشي ڪمار جو ڪردار ناڪاري آهي پر فلم جو اصلي هيرو اهو ئي آهي.

 

گولڊ برگ هڪ طرفي مقابلي کانپوءِ بروڪ ليسنر کي شڪست ڏئي ڇڏي

ٽورنٽو (اسپورٽس نيوز) نوٻارنهن سالن کانپوءِ ميدان ۾ واپس ايندڙ نالي واري ريسلر گولڊ  برگ تاريخي ميچ ۾ پنهنجي مخالف بروڪ ليسنر کي هڪ طرفي  مقابلي کانپوءِ شڪست ڏئي ڇڏي. ڪينيڊا جي ايئر ڪينيڊا سينٽر ۾ ٿيندڙ مقابلي کي ڏسڻ لاءِ پويلين ماڻهن سان سٿيو پيو  هو، 12 سالن کانپوءِ ميدان ۾ واپسي ڪندڙ گولڊ برگ هڪ طرفا مقابلا کٽڻ جي حوالي سان مشهور آهي، ۽ هن اها ڳالهه ثابت ڪندي 2 منٽن جي گهٽ وقت ۾ بروڪ ليسنر کي داءُ هڻي مقابلو پنهنجي نالي ڪيو.

 

آسٽريليا کي آخري ٽيسٽ ۾ هارائي سيريز ۾ ڪلين سوئيپ ڪنداسين: هاشم آمله

ايڊيليڊ (اسپورٽس نيوز) ڏکڻ آفريقا جي ڪرڪيٽ ٽيم جي مشهور اوپننگ بيٽسمين هاشم آمله چيو آهي ته هو مڪمل طور تي فٽ آهن ۽ ڪينگروز خلاف سيريز جي آخري ٽيسٽ ۾ شرڪت لاءِ آتا آهن. هن چيو ته سندس ٽيم ڀرپور فارم ۾ آهي ۽ ميزبان ٽيم کي ٽئين ميچ ۾ پڻ مات ڏئي سيريز ۾ ڪلين سوئيپ ڪنداسين پر هن پنهنجي ٽيم کي خبردار ڪيو ته اهو مقصد حاصل ڪرڻ لاءِ شاندار ڪارڪردگي جو تسلسل برقرار رکڻو پوندو، ٻنهي ٽيمن وچ ۾ ٽين ۽ آخري ٽيسٽ ميچ 24 کان 28 نومبر تائين ايڊليڊ اوول ۾ کيڏي ويندي.

 

آصف جو وطن واپسي وارو اعلان ۽ ڊاڪٽر عاصم ڪيس.!!!: غلام مصطفيٰ جمالي

ڪيترن ئي ڏينهن کان وٺِي پرنٽ ميڊيا ۽ اليڪٽرونڪ ميڊيا توڙي سوشل ميڊيا تي بلاول جي شادي کي وٺي ڪري ڪيترون ئي ڳاليهون ٿي رهيو آهن پر انهي ڳالهين کي هر ڪوئي پنهنجي اندر سان پيش ڪري رهيو هوُ،۽ خد بلاول کان جڏهن سندس شادي جي باري ۾ پڇيو ويو ته هوُ شادي ڪڏهن ۽ ڪنهن سان ڪندو ته بلاول شادي  معاملي جي پنهنجو جوابي بيان ڏنو ته هوُ شادي انهي سان ڪندو جنهن کي سندس ڀئينرون پسند ڪيون.جڏهن ته بلاول جي شادي کي وٺي ڪري ڪالهه پاڪستان جي اڳوڻي صدر ۽ پ پ جي چيئرپرسن آصف علي زرداري هڪ نچي ٽي وي کي انٽريو ڏيندي چيو ته بلاول لاءِ ڪنوار ڳولي رهيا آهيون. جنهن بيان مان اهو صاف ظاهر آهي ته بلاول شادي جي ٻنڌڻ ۾ جلدي ٻڌجي ويندو.. پر انکان علاوا جيڪو آصف علي زرداي بيان ڏنو ته هوُ جلاوطن ناهي ۽ ڪجهه ئي هفتن اندر هُو واپس پاڪستان اچي ويندو.انڪري آصف جي واپسي کي وٺي ڪري ڪيترائي وسوسا پيدا ڪندڙ سوال ذهن ۾ اڀرن ٿا ته آخر هن وقت ته ڪو اهڙو ماحول ئي ناهي نه اليڪشن جي تياري آهي ۽ ڪو ٻيو سياسي ماحول ڇو ته هن وقت پاناما ليڪس کي وٺي ڪري پاڪستان جي سياست اندر رڳو پاناما ليڪس جو شور گونجي رهيو آهي ٻيو ڪجهه به نظر نه اچي رهيو آهي.جڏهن ته آصف پنهنجي بيان ۾ چيو ته هوُ جلاوطن ناهي انڪري اهو به سوال ذهن ۾ اچي ٿو ته جيڪڏهن آصف جلاوطن ناهي ته آزاد ڪشمير ۾ ٿيندڙ اليڪشن ۾ جتي پ پ کي سندس سخت ضرورت هئي جتان پ پ جي شڪت به ملي ان وقت آصف پاڪستان ڇو ڪون آيو.؟ ۽ انکان پوءِ بلدياتي اليڪشن اندر جتي پڻ پ پ کي آصف جي تمام گهڻي سخت ضروت هئي.جتي پنجاب جون اهم سيٽون جتان پ پ هميشه کٽيندي آئي هئي اهي سيٽون به پ پ هارائي وئي،پر آصف وطن نه آيو ۽ سنڌ صوبي اندر به پ پ کي تمام گهڻيون پريشانيون ڏسڻ ۾ آيو سنڌ صوبي جي ٻين ضلعن جي ڇڏي ڪري رڳو بدين تي نظر وجهون ته انهي ضلعي اندر پ پ کي ڊاڪٽر ذوالفقار مرزا  پگهر ڏياري ڇڏيا هئا. پوءِ به آصف علي زرداي پاڪستان نه اچي سگهيو.اها سڀني کي خبر آهي ته آصف واري دور اندر پ پ جي وزيرن تمام گهڻي ڪرپشن ڪئي جن ۾  شرجيل ميمڻ،مظفرٽپي ۽ ٻيا شامل آهن جيڪي سنڌ کي لٽي روانا ٿي ويا ۽ پوءِ پويان لوڻو هڻي به نه ڏئائون.!! ۽ اهو سڀ ڪجهه آصف جي دور ۾ ٿيو ۽ اهو آصف ئي هوُ جنهن انهي وزيرن کي اقتدار جي ڪرسي تي ويهاريو جن عوام سان ويساه گهاتيون ڪيون.۽ انکان علاوا آصف جي ويجهي دوست ڊاڪٽر  عاصم جو قصو ڪير ٿو وساري سگهي.جيڪو ڪرپشن ڪيس ۾ اڃان تائين پيو لوڙي.پر ان هوندي به پ پ سنڌ ۾ مظبوط ڏسڻ ۾ اچي رهي آهي ۽  انهي ڳالهه کان انڪار نه ٿو ڪري سگهجي جي سنڌ پ پ جو مظبوط قعلو آهي جتي ڪير به کيس شڪت نه ٿو ڏئي سگهي.پر اها به حقيقت آهي ته انهي سنڌ جي پ پ سواءِ سورن جي ٻيو ڪجهه به ناهي ڏنو. پ پ خلاف سنڌ اندر مخالف پارٽِين جو ٺهيل اتحاد ٺهيو جيڪو باري ۾ اها سوچيو ويو هت پ پ لاءِ اهو اتحاد مشڪلاتون پيدا ڪري سگهندو.

پر اهو اتحاد به پ پ جو ڪجهه به ڪري سگهيو ۽ اها پارٽِي جيڪا هن وقت به سنڌ حڪومت جون واڳون سنڀاليندي اچي پرهاڻ وقت پ پ تي اهڙو به وقت آيو آهي جنهن وقت سنڌ اندر پ پ خلاف  ڪرپشن ڪرڻ جا ڪيترائي ڪيس هلي رهيا آهن.۽ ڪيترائي ڪيس پ پ  وزيرن تي داخل ٿي چڪا آهن. جيڪي ماضي ۾ پ پ جو حصو رهيا هئا.۽ هن وقت گرفتاري جي ڊپ کان  ٻاهر هليا ويا آهن.جڏهن ته ڪرپشن ڪيس اندر هن وقت پ پ جو هڪ پراڻو جيالو ۽ آصف جي ويجهي دوستن مان هڪ دوست ڊاڪٽرعاصم جيڪو نيب ڪيس جي چانج اندر جيل ڪاٽي رهيو آهي.جڏهن ته .ڊاڪٽر عاصم کي ڪرپشن ڪيس اندر پهرين ڀيرو ريجنرس گرفتار ڪيو جنهن کان پوءِ پڇا ڳاڇا لاءِ کيس پوليس حوالي ڪيو ويو..۽  ڊاڪٽر عاصم کان نيب  جيڪا ڪرپشن جي باري ۾ پڇا ڳاڇا ڪئي ان بابت ڊاڪٽر عاصم جا ڪيترائي اعتراف سامهون آيا آهن.ان ڪيل ڪرپشن جي حوالي سان هڪ نظر وجهون ته وفاق انهي ڪرپشن جي ڪيسن کي ظاهر ڪرڻ  ۾ِ وڏو ڪردار ادا ڪيو هوُ.چوڌري نثار اهڙا به بيان ڏنا هئا ته پ پ خلاف ڊاڪٽر عاصم جي اسان وٽ هڪ اهڙي وڊيو موجود آهي.جنهن اندر هن طوطي وانگر فرفر اعترافي بيان ڏنو هو.پر ان وقت انهي بيان تي  حيرت اها هئي ته واقعي  انهي بيان اندر ڪا سچائي به آهي يا نه يا اهو ان وقت صرف پ پ کي ڊڄارڻ لاءِ ڏنو ويو هوُ.ڇو ته ان وقت ڪراچي اندر ريجنرز مدي جي واڌ تي پ پ  ضد ڪري رهي هئي ته ريجنرس مدي ۾ واڌ نه ڪئي وڃِي..اها به هڪ حقيقت آهي ته  جيڪڏهن وفاق وٽ اهڙي قسم جي ڪا وڊيو آهي جنهن اندر ڊاڪٽر عاصم طوطي وانگر فر فر اعترافي بيان ڏنل آهي ته پوءِ .پوءِ اها وڊيو عوام جي سامهون ڪندي،.ٿيڻ ته اهي گهرجي ها ته انهي وڊيو کي هڪ دفعو عدالت آڻي ڊاڪٽر عاصم جي ڪيل ڪرپشن ڪيس کي هلائي ڪري جيڪڏهن مٿس جرم لاڳو ڪري کيس سزا ڏني وڃي ها..پوءِ ڇو کيس هر هفتي يا پندرهن ڏينهن کانپوءِ عدالت اندر گهليو پيو وڃي.!! ڊاڪٽر عاصم هڪ ضعيف ماڻهو آهي.وٺس ايتري سگهه ناهي جو هو عدالتي جا چڪر ڪاٽي سگهي.پر جيڪڏهن انهي جي خلاف ثبوت آهن ته پيش ڪري انهي ڪهاڻي کي ختم ڪيو وڃي ها.پر اهڙا بيان ڏيڻ کان پوءِ به عدالت ۾ ڪي ثبوت جن جي هجڻ جو وفاق دعويٰ به ڪري چڪو هجي ۽ پوءِ به عدالت اندر اهي ثبوت پيش نه ڪري ته ڪيترا شڪ ذهن ۾ جنم وٺن ٿا. ته آخر ڊاڪٽر عاصم اهڙو هڪڙو فر فر اعترافي بيان ڏنو جيڪو وفاق عدالت اندر پيش نه پئي ڪري.ڇا انهي فر فر اعترافي بيان ۾ ڊاڪٽر عاصم ڪنهن وڏي مڇي جو نالو ته ناهي کنيو هو. جيڪو حال فلحال وفاق دنيا جي سامهون پيش ڪرڻ به پئي چاهي.ڇو ته انهي جو هڪ سبب اهو به آهي ته وفاق کي پاڪستان جي حڪومت جي ايندڙ ٻين پنج سالن جو آسرو پڪو آهي.انهي ڪري شايد اها وڊيو وفاق انهي لاءِ لڪائي رکي آهي ته جڏهن ايندڙ ضمني چونڊون ٿينديون ته کيس حڪومت ٺاهڻ لاءِ صوبن جي ضرورت پوندي.ڇو ته اها ڳالهه ته يقيني آهي ته وفاق پنهنجي زور تي پاڪستان تي حڪومت نه ٺاهي سگهندي.!کيس صوبن جي ضروت ضرور پوندي.ڇو ته پاڪستان جي سياست به هن وقت صوبن تائين محدود ٿي چڪي آهي.ن ليگ پنجاب ولاريو ويٺي آهي.سنڌ پ پ کي مليل آهي،ڪي پي ڪي عمران خان ۽ ٻين سياسي پارٽين جي حوالي آهي.۽ بلوچستان ته هوئنن به قبيلائي سردارن وٽ آهي.پر هاڻ آصف علي زرداري به پاڪستان اچڻ جو اعلان ڪري ڇڏيو آهي ۽ آصف اهو به چيو آهي ته هوُ جلاوطن ناهي  ۽ هوُ پاڪستان ضرور ايندو ان ڪري آصف جي واپسي ۽  عاصم جي فر فر واري وڊيو ۽ وفاق پاران لڪايل راز لکڻ جا وڏا امڪان آهن هن ڪري شايد وفاق سوچي پئي ته انهي انهي فرفر اعترافي وڊيو کي ان وقت سخت ضورت پوندي جڏهن اها وڊيو ڪنهن جي ڳڄي ۾ پوندي..

 

 

واڳ ڌڻين ڏانهن کليل خط: شيخ نورالله آزاد ڪراچي

سنڌ جا وزير، مشير، وڪيل، جج صاحئبو! پوليس، فوج جا سڀئي وڏا آفيسر صاحئبو! چونڊيل نمائيندا، بيوروڪريٽس ۽ ٻيا طاقت ۽ اختيار رکندڙ سڀ مالدار، زميندار، ڪارخانيدارئو…! توهان رڳو پاڪستان جي تاريخ مان عبرت وٺي ڪو سبق سکو، ڪو ته خوفِ خدا رکي آخرت ۾ جهنم جي دل دهڪائيندڙ باهه ۽ سخت عذاب کان ڊڄو ۽ اُن واحدُالقهار جي قهر غضب کان ڇو نٿا ڊڄو؟ جو هِن جنت نظير هزار نعمتن سان نوازيل سنڌ جي اصلي، ستن پيڙهين، نسلن، صدين کان آباد ٿيل سنڌ جي غريب ۽ ڏتڙيل عوام کي اُن جيجل امڙ جي جهوليءَ مان ڪڍي ڇو ڌار ٿا ڪيو؟  اڳ ته جيترو وقت گذريو پر جڏهن ستر سالن کان پاڪستان ٺهي  هر صوبي تي پنهنجن جي حڪومت ٺهي آ ته پوي توهان مٿي ذڪر ڪيل سڀني بااختيار صاحبن سنڌي قوم کي ڇو نه حق ڏئي سُکيو ۽ خوشحال بڻايو؟ ۽ اُنهن تي هٿ رکي پنهنجو سمجهي ڳوٺن، واهڻ، وسندين ۾ ترقياتي ڪم ڪرائي زراعت ۽ صنعت ۾ اُنهن کي اڳتي آڻي ڪم وٺي سندن کي سُکيو ۽ سنڌ کي سينگاري سهڻو ڇو نه بڻايو؟ توهان پاڻ کي ڏاڍو ۽ طاقتور سمجهي اُنهن کان نفرت ڪندي ڪنهن کي چور ، ڌاڙيل، ڪنهن کي جُواري نشئي بڻائي ڪُوڙا ڪيس ٺاهي ڇو ٿاڻن، ڪورٽن ۾ پاڻ ۽ اُنهن جا ٻچا ٻار رُلائي زمينون، روزگار، علم، علاج، امن ۽ انصاف کسي ديس هوندي پرديسي، گهر هوندي بي گهر ذهني طرح مفلوج ۽ بيمار ، معاشي طرح غريب ڏتڙيل، معاشرتي طرح بيوس ۽ لاچار بڻائي غلامن جو به غلام ۽ بي سهارو بڻائي ڇڏيو آهي؟ توهان ته اُنهن کي شايد انسان به نٿا سمجهو جو اُنهن کان وڌيڪ توهان مان ڪيترا زميندار، مالدار ۽ طاقتور ماڻهو پنهنجن ڪبوترن، تترن، گوءِ وارن ڏاندن ۽ اُٺن، گهوڙن، گڏهن، ڪُڪُڙن، ڪُتن ۽ رڇن سان گهڻو پيار ڪندا آهن، اُنهن جي کاڌي پيتي ۽ بيماريءَ ۾ اُنهن جو وڌيڪ خيال رکندا آهن، ڇو ته اُنهن لاءِ قسمين قسمين جي خوراڪ ۽ علاج ڪرڻ لاءِ ڊاڪٽر به آهن اُهي بيوس لاچار نوڪر پاڻ بيمار ۽ بکيا رهي اول اُنهن جو علاج ۽ کاڌي جو خيال رکندا آهن.

توهان پنهنجن کان وڌيڪ ڌارين کي اهميت ڏيندي اُنهن کي ڇُڙواڳ ڇڏيو جو هاڻي ته گهڻو ڪري وڏا شهر به ڌارين جي قبضي ۾ آهن، جتي جيڪڏهن سنڌي آهن به تا اُهي ڇڙوڇڙ، هڪ جاءِ تي ڪنهن هڪ علائقي ۾ ناهن، ڇو ته توهانکي ستر 70 سالن ۾ به عقل ته نه پر نقل ڪري ڪنهن منصوبه بنديءَ سان پنهنجن کي گهُرائي ڪراچيءَ جي ڪنهن به علائقي ۾ اهڙيءَ طرح آباد نه ڪري سگهيئو جو اُنهن کي پلاٽ، گهر ۽ بنيادي سهولتون ڏيئي اسڪول، ڪاليج، اسپتالون ڏيئي روڊ رستا، بجلي ۽ مالڪاڻا حق ڏيئي تُڪبنديءَ سان تڪ بندي ڪرائي شناختي ڪارڊز ٺهرائي، ووٽ داخل ڪرايو ها ۽ سنڌي اسڪول کولرائي سنڌي لکايو ۽ پڙهايو ها ته سنڌي ٻولي به طاقتور ٿي ترقي ڪري ها، هاڻي ته لکين سنڌين کي سنڌي لکڻ ته ڇا ڳالهائڻ به نٿي اچي ۽ توهان ۽ اسان به مجبور ٿي ڌاري ٻولي ٿا ڳالهايون، ڇو ته اُها زبان جنهن کي رابطي جي زبان چئجي، جيڪا نه ڪنهن قوم جي، نه علائقي جي نه ڪنهن صوبي جي زبان آ، اُن کي پاڪستان جي قومي زبان جو درجو ڏنو ويو آ، ڇو ته هتي ٻين صوبن پنجاب، بلوچستان ۽ پختونخواه جي زبان جي رسمُ الخط اُردو آهي، باقي آهي سنڌي زبان جيڪا ٻولي سڏجي ڇو ته اُن کي پنهنجي رسم الخط آهي، پر اُن جا وارث سڏائڻ وارا وڏا ننڊ پيل ۽ سُتل يا بزدل يا لالچي آهن جو انهن کي پنهنجي هر شيءِ کان نفرت آ، هر شئي ڌارين جي پسند ڪندا آهن، محبت ۽ دوستي به ڌارين سان ۽ ڪيترائي شادي به ڌارين مان ڪندا آهن. اردو ته اڻپوري زبان ۽ تُرڪيءَ جي لشڪري زبان آهي، اُن ۾ ته گذريل ڏينهن ڪالهه کي به “ڪل” ائين وري ايندڙ ڏينهن سُڀاڻي کي به“ڪل” ٿو سڏيو وڃي، ۽ هفتي جي هڪ ڏينهن “خميس” کي وري رات  “جمعرات”  سڏيو ٿو وڃي.

عجيب ڳالهه آ ته اسانجا پنهنجا اڃا تائين به خاموش آهن جو ٻوليءَ تي ڌارين جو قبضو، ڌرتيءَ تي ڌارين جو قبضو، روزگار تي ڌارين جو قبضو، حڪومت جي تقريبن سڀني ادارن تي ڌارين جو قبضو آهي، ڪراچيءَ ۾ هاڻي ته سنڌين کي ڊوميسائيل ۽ سڃاڻپ “شناختي” ڪارڊ، ڄم جو سرٽيفيڪٽ به ٺهرائڻ ڏکيو ٿي ويو آ، بلڪه ٺهي ئي ڪونه ٿو،  ڇو ته ڪراچيءَ مان ڌرتيءَ ڌڻين کي قومي ۽ صوبائي اسيمبليءَ ۾ نمائندگي 5 کان 10 سيڪڙو  به مشڪل سان ئي آهي جنهن سبب شهري حڪومت گهڻو ڪري ڌارين (مهاجرن) جي هوندي آ، وڏي عجب جي ڳاله آ، شايد ئي دُنيا ۾ ڪٿي ايئين هوندو جو صوبي جي گاديءَ واري شهر ۾ ڌرتي ڌڻين جي حڪومت ئي ڇا پر نمائيندگي به نه هئڻ برابر هجي.

اي سنڌ جا حاڪمئو! سنڌ جيجل امڙ جي هزارين نه پر لکين ايڪڙن تي ڪنهن نه ڪنهن نموني ڌارين جو قبضو آهي، ڌارين سنڌ جي وڏن شهرن ۾ گهر، بنگلا، فليٽ ۽ ڪالونيون ٺاهي چئوديواري ڏيئي پنهنجن جي آبادين کي سوسائٽيز جو نالو ڏيئي، پنهنجن کي سيڪيورٽي ڏئي محفوظ ٿا ڪن ۽ اُهي چاليهه گز پلاٽ وٺي اوهانجي ئي حڪومت مان ليز ڪرائي، ڪنهن به ماڻهوءَ جي ڪيس ۾ ضامن به پئجي سگهن ۽ مالڪاڻي حق جي دعوا ڪن ٿا، اسان سنڌي ڌرتي ڌڻي ٿي ڪري به سنڌ جي شهرن ۾ ڪچيون آباديون ٿا سڏجئون، هزار گز هُجي ته به چون ٿا ته “اس ڪِي ڪوئي ويليو نهين هي، يه تو گوٺ آباد زمين هي”

خُدا جي واسطي نوانCM  صاحب! جلد ئي اجلاس سڏائيئ ڪراچيءَ ۽ حيدرآباد جي سنڌين جي سڀني ڳوٺن کي مفت ليز ڏيئي پڪو ڪيو ۽ ٻاهران آيال ماڻهن کي واپس ڪيو، پراڻن ترسيل ڌارين جي رجسٽريشن ڪرائيو ۽ ٻاهران ايندڙن کي روڪيو، پنهنجن غريبن کي هر طرح سان گهر روزگار ۽ بنيادي حق مفت، سستا ۽ جلدي ڏيئي ڌارين جي محتاجيءَ کان بچايو، وڏ ظلم ته ڏسو جو هڪ ڌاريو، ٻيو مهاجر  ۽ قتل، ڦر، ڌاڙن سميت 23 مختلف ڪيسن ۾ گهربل، گرفتاريءَ تي لکين رپين جو انعام رکيل وڏو مُجرم 14 سال سنڌ جو گورنر مڙهيل رهيو، توهان چپ جو روزو رکي ويٺا رهيئو، هڪ ڀيرو ٻيهر غير سنڌي ڳالهائيندڙ ۽ 80 سالن کان وڌيڪ جو پيرسن شخص هن صوبي جو گورنر مقرر ٿيو آ جيڪو اچڻ شرط اسپتال وڃي داخل ٿيو جيڪو پنهنجي پاڻ کي ته ڪونه ٿو سنڀالي سگهي اُهو اسانجي صوبي لاءِ هن عمر ۾ ڇا ڪندو؟ ڇا توهان سڀ ننڊ ۾ آهيو؟ ڪوئي آهي ئي ڪونه جيڪو پڇا ڪري هن ظلم، ڏاڍ جي؟

عرض خاص آهي ته بهادر ٿيو، اي سنڌ جا ڀوتارئو! انا کي ڇڏي خُدا کان ڊڄو اتحاد ڪري، دِل ٻڌي لالچون ڇڏي، سچا ٿي سنڌي قوم جي سچن ماڻهن، پوڙهن ۽ جوانن، ساڃاهه وندن کي ساڻ کڻي قومي جذبو رکندڙ اهليت رکندڙ نوجوانن کي وڏن عُهدن تي آڻي اُنهن کان ڪم وٺو، حلفيه هڪ ٻئي جو ساٿ ڏيو، گڏجي سڀ هڪ ڳالهه ڪيو، ڌرتي ڌڻي سياسي مخالفن، قوم پرست، اديب، دانشور، شاعر، پڙهيل لکيل ماڻهن کي پاڻ سان ساڻ ڪري غريبن ۽ سڄي قوم کي حق ڏيو ۽ پنهنجي ڌرتي جي مالڪي ڪيو ته پوءِ ڪاميابي ضرور ملندي.

 

 

آصف علي زرداري جو ڏيهه ورڻ جو اعلان ۽ پ پ پاران کيس تڪڙ نه ڪرڻ جو مشورو…!!!

اڳوڻي صدر آصف علي زرداري چيو آهي ته جلد ئي ڪجهه هفتن اندر پاڪستان ۾ هوندس اڳوڻي آرمي چيف جنرل اشفاق پرويز ڪياني کي ايڪسٽينشن ڏئي جمهوريت ۽ پاڻ کي مضبوط ڪيو، ان وقت گهر ويندڙ ڪافي دوست اهڙا هوندا جن مائينڊ سيٽ پرويز مشرف وارو هوندو. مشرف ووٽن لاءِ خيرات گهري، اسان کيس کير مان مک جيان ٻاهر ڪڍي ڇڏيو. لنڊن ۾ مون وٽ ڪوبه اپارٽمينٽ ناهي. سري محل به هاڻي ناهي رهيو. اسان کي حڪومت ۾ نه ڪيل ڏوهن جي سزا به ملندي آهي. جلا وطن ناهيان، سياست ۾ ٽائمنگ هوندي آهي، چاهيم پئي ته بلاول اڳتي اچي ذميداري سنڀالي،خطرا ضرور آهن پر مارڻ واري کان بچائڻ وارو وڌيڪ طاقتور هوندو آهي. بلاول جي امڙ شهيد محترمه بينظير ڀٽو به هڪ حملي ۾ بچي وئي هئي، کيس ٻيو حملو ڪري شهيد ڪيو ويو. ڊاڪٽر عاصم خانداني ماڻهو آهي، سندس خاندان پڙهيل لکيل آهي. هو آسان ٽارگيٽ هو، ان ڪري نشانو بڻيو، اميد آهي هو جلد ٻاهر اچي ويندو. مرتضيٰ ڀٽو ڪيس ۾ به واعدي معاف گواهه هئا، ڪيس مان عزت سان آزاد ٿيس. 6 سال بعد ٻيهر مون تي بي ايڇ ڊبليو جو ڪيس بڻايو ويو، جيل ڏٺل آهي، هي هٿ آزمايل آهن، جيڪي جيلن کان ڊڄن ٿا اهي سياست بدران ٻيو ڪو ڪم ڪن، چين تمام سٺو دوست آهي، حڪومتي دور ۾ هر هفتي چيني وفد مون سان ملاقات لاءِ ايندو هو. ان کي ٻڌائيندو هئس ته گوادر وچ چين کان ڪيترو پري آهي، اسان 35 ملين ڊالرن ۾ گوادر پورٽ چين کي ڏنو. عمران خان پاناما ليڪس جو معاملو سپريم ڪورٽ ۾ کڻي ويو آهي، بابر اعواڻ پروفيشنل وڪيل آهي. جيڪو فيس ڏيندو ان جو ڪيس وڙهندو. اعتزاز احسن ۽ عمران خان پراڻا پاڙيسري آهن. اسان اهو نه پيا چئون ته حنا رباني کي پرڏيهي وزير بڻايو وڃي، حڪومت پنهنجو ڪو وزير آڻي. 2013ع جي چونڊ آر اوز جي هئي، 18هين ترميم ذريعي صوبن کي اسلام آباد سان جوڙيو، ڊونلڊ ٽرمپ ڪاروباري شخص آهي، آمريڪين کي مضبوط ڪرڻ چاهي ٿو. اڪثر دنيا ۾ ٽرمپ جي صدر بڻجڻ کان مونجهارو پکڙجي ويو آهي، هو واپاري ماڻهو آهي، واپاري حالتن موجب هلندو آهي، آمريڪين چاهيو پئي ته اوباما وڃي، آمريڪي چونڊ ڪجهه پاليسين جو ري ايڪشن آهي. واشنگٽن کان نيويارڪ ويندڙ ريل ۾ چڙهڻ سان لڳي ٿو ته ڪلڪتي جي ٽرين ۾ ويٺا آهيون. ڪراچي مان ڪچرو کڻڻ لاءِ چيني ڪمپني سان معاهدو ٿي ويو آهي، چين جي ڪمپني سان ڪچرو کڻڻ لاءِ معاهدو گهٽ اگهه تي آهي. ڪراچي لاءِ مرڪزي حڪومت کي سوچڻ گهرجي. شهر قائد لاءِ مرڪزي حڪومت کي خاص فنڊ رکڻا پوندا.

پيپلز پارٽي جي سينيئر اڳواڻن اڳوڻي صدر آصف علي زرداري کي ڏيهه ورڻ ۾ تڪڙ نه ڪرڻ جو مشورو ڏيندي حتمي مشاورت لاءِ ايندڙ هفتي دبئي ۾ اهم گڏجاڻي طلب ڪري ورتي آهي، مليل ڄاڻ موجب پارٽي اڳواڻن آصف زرداري کي چيو آهي ته في الحال ڏيهه اچڻ لاءِ ماحول بهتر نه آهي، تنهن ڪري پارٽي جا معاملا بلاول ڀٽو زرداري کي ئي هلائڻ ڏنا وڃن. سينيئر قيادت آصف زرداري کي چيو آهي ته هــُو جيڪڏهن ڏيهه اچي ٿو به ته تمام جلد واپس هليو وڃي.