تازيون خبرون

Daily Archives: November 23, 2016

خطي ۾ هٿيارن جي ڊوڙ خلاف آهيون،حڪومت معيشت کي مستحڪم بنائڻ لاءِ پر عزم آهي: نواز شريف

ڪراچي (اين اين آءِ) وزيراعظم ميان نوازشريف چيو آهي ته پاڪستان خطي ۾ هٿيارن جي ڊور جي خلاف آهي ۽ ان جي مخالفت ڪري ٿو اسان جو سامان صرف امن جي لاءِ آهي اسان جون دفاعي مصنوعات اسٽيٽ آف دي آرٽ  آهن پاڪستان دفاعي پيداوار ۾ تيزي سان اڀرندڙ ملڪ آهي جنهن جو چٽو ثبوت عالمي سطحي تي آئيڊياز جو نمايان مقام حاصل ڪرڻ آهي پاڪستان ۾ دهشتگردي جي واقعن ۾ گهٽتائي ٿي آهي پاڪستان ۾ اڄ پرڏيهي سرمايو گڏيل منصوبو ۽ تجارت جا وسيع موقعا موجود آهن لڪ ۾ وياج جي شرح به گهٽ سطح تي آهي سمورن سيڙپڪارن کي دعوت ڏيان ٿو ته پاڪستان جي سمورن شعبن ۾ سيڙپڪاري ڪن حڪومت ان کي سازگار ماحول سان گڏوگڏ هر ممڪن سهولت فراهم ڪندي ملڪ جي گڏيل پيداوار 4.71 سيڪڙو ٿي ويئي آهي جنهن ۾ وڌيڪ اضافو ڪنداسين حڪومت معيشت کي وڌيڪ مضبوط بنائڻ لاءِ پرعزم آهي عالمي مالياتي ادارن ۾ پاڪستان جي درجه بندي بهتر ٿي آهي حڪومت جي موثر پاليسي جي نتيجي ۾ توانائي جي فراهمي ۾ به اضافو ٿيو آهي گذريل هڪ سال کان صنعتي شعبي ۾ بجلي جي لوڊشيڊنگ نه ٿي رهي آهي 2018 تائين توانائي بحران تي مڪمل ڪنٽرول ڪنداسين اهڙن خيالن جو اظهار هن اڱاري تي ڪراچي ايڪسپو سينٽر ۾ نائين بين الاقوامي نمائش 2016 جي افتتاحي تقريب کي خطاب ڪندي ڪيو افتتاحي تقريب جي آغاز ۾ قومي ترانو وڄايو ويو افتتاحي تقريب ۾ ٽنهي هٿياربند فوجن جا اڳواڻ سنڌ جو وڏو وزير مرادعلي شاهه دفاعي پيداوار وارو وزير رانا تنوير حسين خواجه آصف به گڏ هئا. تقريب کي وفاقي وزير رانا تنوير حسين ڊي جي ڊفينس ميجر جنرل آغا مسعود اڪرم ۽ ٻين به خطاب ڪيو وزيراعظم نوازشريف پنهنجي خطاب ۾ چيو آهي ته تقريب ۾ شرڪت ڪري خوشي محسوس ٿي رهي آهي دعوت ڏيڻ تي انتظام ڪندڙن جو ٿورائتو آهيان آئيڊياز 2016 دفاعي صنعت جي نمايان ڪاميابين جو ثبوت آهي. هن چيو ته دفاعي نمائش جي ڪامياب انعقاد تي سمورن واسطيدارن ۽ ماڻهن کي مبارڪباد ڏيان ٿو نمائش ۾ پرڏيهي وفد جي وڏي انگ ۾ شرڪت حوصله افزا آهي پاڪستان ۾ منافعي بخش سيڙپڪارن جا وسيع موقعا موجود آهن وزيراعظم چيو ته اسٽيٽ بئنڪ 16 سالن ۾ پهريون ڀيرو گهٽ شرح وياج جو اعلان ڪيو اسان جي جي ڊي پي ايندڙ سال 5 سيڪڙو مان وڌڻ جو امڪان آهي وزيراعظم کان اڳ رانا تنوير چيو ته آئيڊياز 2016 جو سلوگن هٿيار براءِ امن آهي رانا تنوير حسين چيو ته موجوده حڪومت کي دفاعي صنعت کي هٿي ملي وزيراعظم جي اڳواڻي ۽ تعاون تي ٿورائتو آهيان ميجر جنرل آغا مسعود افتتاحي تقريب کي خطاب ۾ چيو ته آئيڊياز خطي جي وڏن نمائشن ۾ شامل آهي نمائش ۾ 418 نمائنده شرڪت ڪري رهيا آهن. هلندڙ سال نمائش ۾ 14 معاهدن تي صحيحون ڪرڻ جو امڪان آهي آئيڊياز 2014 ۾ 2 ايم او يوز تي صحيحون ٿيون هيون ان کانپ وءِ وزيراعظم نوازشريف جڏهن ايڪسپور سينٽر پهتو ته آرمي چيف جنرل راحيل شريف وزيراعظم جو آجياڻو ڪيو ايئرپورٽ تي سنڌ جي وڏي وزير وزيراعظم جو آجياڻو ڪيو نوازشريف ۽ سيد مرادعلي شاهه هڪ ئي گاڏي ۾ ايڪسپو سينٽر پهتا. خيال رهي ته دفاعي نمائش آئيڊياز 2016 حڪومت پاڪستان جي تعاون سان ڊفينس ايڪپو رٽ پروموشن آرگنائيزيشن منعقد ڪري رهي اهي نمائش ۾ 43 ملڪن مان 90 وفد شرڪت ڪندا. جڏهن ته 261 پرڏيهي ۽ 157 پاڪستاني هٿيار ٺاهيندڙ ڪمپنيون پنهنجي مصنوعات پيش ڪري رهي آهي.

 

عوام دهشتگردن جو نيٽ ورڪ تباهه ڪرڻ ۾ سهڪار ڪيو آهي: آرمي چيف

راولپنڊي (م.ڊز پاڪ فوج جي سڌ سماءَ بابت شعبي آءِ ايس پي آر جو چوڻ آهي ته آرمي چيف جنرل راحيل شريف 10 دهشتگردن جي موت واري سزا جي منظوري ڏئي آهي آهي، دهشتگردن کي فوجي عدالتن موت جي سزا ٻڌائي هئي، آءِ ايس پي آر پاران جاري بيان ۾ وڌيڪ چيو ويو آهي ته هي دهشتگرد فوجي جوانن، عام شهرين جي قتل ۾ ملوث هئا، جن کي فوجي عدالتن سزائون ٻڌايو، دهشتگردن تي ٽرائل دوران ڏوهه ثابت ٿيو جيڪي ڪيپٽن جُنيد ۽ ڪيپٽن نجم رياض سميت ٻين جوانن جي قتل ۾ ملوث ثابت ٿيا. سزا ملندڙ دهشتگردن ۾ حنيفو، تيراه گل، محمد ولي، خائسته گل، رحمان، نثار خان، خيال جان، پائيو جان شامل آهن جيڪي ملڪ جو مواصلاتي نظام ۽ اسڪول تباهه ڪرڻ ۾ ملوث آهن. آءِ ايس پي آر موجب چئن دهشتگرن جو تعلق پابندي پيل لشڪر اسلام جڏهن ته 6 جو تعلق ٽي ٽي پي سان آهي. حنيفو فوجي جوانن کي اغوا ڪرڻ واري ڏوهه جو اعتراف ڪيو. دهشتگردن جي قبضي ۾ هٿيار ۽ بارود به پڪڙيو ويو هو، اڄ آرمي چيف جنرل راحيل شريف پنهنجي نوڪريءَ جو مُدو ختم ٿيڻ کان چند ڏينهن اڳ دهشتگردن کي ڦاهي تي لٽڪائڻ جي اجازت ڏئي ڇڏي آهي. ٻئي طرف آرمي چيف جنرل راحيل شريف چيو آهي ته بلوچستان ۾ ڪيترن ئي هٿياربند گروپن هٿيار ڦٽا ڪيا آهن. آءِ ايس پي آر پنهنجي جاري ڪيل بيان ۾ چيو آهي ته آرمي چيف سدرن ڪمانڊر جي دورو ڪيو. آرمي چيف ڪور ۽ ايف سي بلوچستان جي آفيسرن ۽ جوانن سان ملاقات ڪئي جڏهن ته آرمي چيف پاڪ فوج، ايف سي اهلڪارن ۽ جوانن جي قربانين کي ساراهيو. ان موقعي تي ميڊيا سان ڳالهه ٻولهه ڪندي آرمي چيف چيو ته عوام دهشتگردن جو نيٽ ورڪ تباهه ڪرڻ ۾ سهڪار ڪيو آهي. هن چيو ته صوبائي حڪومت جي سهڪار کي اولين ترجيح ڏني آهي. سي پيڪ منصوبي سان علائقي ۾ خوشحالي ايندي. بلوچستان ۾ ڪيترن ئي هٿياربند گروپن هٿيار فٽا ڪيا آهن.

 

ڀارت پاڪستان ۾ ٿيندڙ دهشتگردي ۾ سڌوسنئون ملوث آهي: سرتاج عزيز

اسلام آباد (اين اين آءِ) وزيراعظم جي پرڏيهي معاملن واري صلاحڪار سرتاج عزيز چيو آهي ته ڀارت پاڪستان ۾ دهشتگردي ۾ سڌوسنئون ملوث آهي هن امن قدمن کي ڪمزور ڪرڻ جي ڪوشش ڪري رهيو آهي پاڪستان نيو ڪليئر سپلائر گروپ ۾ پنهنجي درخواست تي بنا فرق جي ڳالهه ڪري ٿو خطي ۾ امن لاءِ ڪشمير مسئلو جو حل تمام ضروري آهي اڱاري تي ڏکڻ ايشيا ۾ امن ۽ تعاون بابت ڪانفرنس کي خطاب ڪندي سرتاج عزيز چيو آهي ته پاڪستان جي امن ڪوششن باوجود ڀارت ڪنٽرول لائين تي جنگبندي جي خلاف ورزي ڪري رهيو آهي هن چيو ته ڪشمير پاڪستان ۽ ڀارت جي وچ ۾ پرامن لاڳاپن ۾ مسئلو آهي ڀارت ڪشمير ۾ انساني حقن جي خلاف ورزيون ڪري رهيو آهي ۽ والاريل ڪشمير جي عوام کي ان جي حق ڏيڻ لاءِ تيار نه آهي خطي ۾ امن جي لاءِ ڪشمير مسئلي جو حل نهايت ضروري آهي سرتاج عزيز چيو ته صرف ڀارت جي گروپ ۾ شموليت سان خطي ۾ طاقت جو توازن بري طرح متاثر ٿي سگهي ٿو بدقسمتي سان بين الاقوامي برادري ان کي درپيش چئلينجز کي نه سمجهي رهي آهي پرڏيهي صلاحڪار چيو ته پاڪستان افغانستان ۾ امن جي لاءِ ڪوششون ڪيون آهن.

 

پاناما ليڪس بل منظور نه ٿيو ته سڀني سياسي جماعتن کي گڏائينداسين : خورشيد شاهه

لاهور (م.ڊ/اين اين آءِ) قومي اسيمبلي ۾ مخالف ڌر جي اڳواڻ خورشيد شاهه چيو آهي ته عمران خان سياست کي ٻارن جي راند سمجهي رهيو آهي اڪيلي شو ڪرڻ جي چڪر ۾ پانامه ليڪس جي معاملي تي اپوزيشن جي اتحاد کي نقصان پهچايو اڄ تحريڪ انصاف اسان جي پارٽي جي وڪيل بابر اعواڻ کي ادهارو وٺي پنهنجو ڪيس وڙهي رهي آهي اسان جو عدالتن جي فيصلن جي حوالي سان ماضي جو وڏو تجربو آهي ان لاءِ اسان پانامه ليڪس جي معاملي تي عدالت ۾ نه وياسين عوام پارليامينٽ اعتماد جو اظهار ڪيو آهي پوءِ اسان پنهنجي فيصلن لاءِ ٻين ادارن وٽ ڇو وڃون. جنرل راحيل شريف وڏين ڏکين حالتن ۾ فوج جي قيادت ڪئي دهشتگردي خلاف جنگ ۾ کنيل ان جي قدمن جو تسلسل جاري رهڻ گهرجي ۽ جيڪڏهن ان ۾ تبديلي اٿيندي ته وڏو نقصان کڻڻو پوندو. آصف علي هن ملڪ جو صدر رهيو آهي هو واپس ڇو نه ايندو اهڙن خيالن جو اظهار هن پيپلزپارٽي جي سينيئر اڳواڻن جهانگير بدر جي لاڏاڻي تي ان جي وارثن سان تعزيت جو اظهار ۽ فاتحه خواني کان پوءِ ميڊيا سان ڳالهائيندي ڪئي خورشيد شاهه چيو ته جهانگير بدر جهڙو سياسي ڪارڪن صدين ۾ پيدا ٿيندو آهي ان جي لاڏاڻي سان پيدا ٿيندڙ خال ڪڏهن به ڀرجي نٿو سگهي هن چيو ته سياست ۾ جلدبازي نه هلندي آهي پر صبر سان اڳتي وڌڻ ۽ پنهنجن مقصدن ۾ ڪاميابي حاصل ڪرڻي پوندي آهي عمران خان ڪڏهن به سياست نه ڪئي آهي ان جي ڪري ان کي ڪابه خبر نه آهي ۽ هو ان کي ٻارن جي راند سمجهي ٿو ته سڀڪجهه ٺيڪ ٿي ويندو هن چيو ته بينظير ڀٽو شهيد انهن ماڻهن کي به پاڻ سان گڏ ملايو جيڪي ذوالفقارعلي ڀٽو جي خلاف رستن تي نڪتا پر اسان سڀني کي گڏ وٺي هلي ۽ وڏيون ڪاميابيون حاصل ڪيون هن ڀارت جي جارحيت تي چيو ته پاڪ فوج پاران دشمن کي ڀرپور جواب ڏنو پيو وڃي حڪومت کي گهرجي ته ان تي عالمي برادري جي اڳيان آواز بلند ڪري. سياست ۾ تڪڙ ناهي ٿيندي، سياست ۾ سڀني کي گڏ کڻي هلڻو پوندو آهي، پاناما ليڪس جي معاملي تي ٽي او آرز ٺاهيا، آل پارٽيز ڪانفرنس ڪئي، لاهور ۾ ميڊيا سان ڳالهائيندي سيد خورشيد شاهه جو چوڻ هو ته جيڪڏهن پاناما ليڪس بل منظور نه ٿيو ته سڀ سياسي جماعتن کي گڏائينداسين، اسان وڏي محنت کان پوءِ سڀني کي هڪ هنڌ گڏ ڪيو هو، سيد خورشيد شاهه جو وڌيڪ چوڻ هو ته عمران خان پاڻ سان پاڻ ڪئي، سياست ۾ تڪڙ ناهي هلندي، عمران خان جي ايڪشن سان نواز شريف طاقت ور ٿي رهيو آهي، عمران خان ان ئي وقت مخالف ڌر کي ٽوڙي ڇڏيو، فيصلو ٿيو ته پاناما بل منظور نه ٿيو ته سڀ سياسي جماعتون گڏجي تحريڪ هلائينديون، پر صبح جو 10 هين وڳي خبر پئي ته عمران خان لاڪ ڊائون ڪرڻ جو اعلان به ڪري ڇڏيو آهي، جنرل راحيل شريف ڏکئي وقت ۾ پاڪ فوج ڪمان سنڀالي، جنرل راحيل شريف کي ڀيٽا پيش ڪريان ٿو، 40 سالن جي دوستي آهي خبر ناهي عمران کي چوڌري نثار مس گائيڊ ڪيو جو هو ٻاهر نڪري آيو، عمران خان نواز شريف جو دشمن ناهي، دوستيءَ جو ڪم ڪري رهيو آهي، فوج وڙهي آهي ۽ دهشتگردن کي پوئتي هٽايو آهي، هاڻي ان سلسلي کي اڳتي وڌائڻ جي ضرورت آهي، جيڪڏهن ان پاليسيءَ ۾ بدلاءُ آيو ته وڏو نقصان ٿيندو، خورشيد شاهه موجب اوچتو عمران خان اسلام آباد کي لاڪ ڊائون ڪرڻ جو اعلان ڪيو، شاهه محمود قريسي سان رابطو ڪيو ته اعلان ڪيئن ڪيوَ ته هن چيو ته کيس به خبر ناهي.

 

دفاعي نمائش ڪراچي سميت صوبي لاءِ اعزاز آهي: مراد علي شاهه

ڪراچي (م.ڊ/اسٽاف رپورٽر) وڏي وزير سيد مراد علي شاهه چيو آهي اڄ 55 ملڪن مان آيل مهمان دفاعي نمائش ۾ شرڪت ڪري رهيا آهن، اسان سڀ گڏجي ڪراچيءَ کي پرامن بڻائڻ چاهيون ٿا، آئيڊياز 2016ع جو ٿيڻ ڪراچيءَ جي عوام ۽ سڄي صوبي جي لاءِ اعزاز آهي، آئيڊياز 2016ع جي افتتاحي تقريب کي خطاب ڪندي سيد مراد علي شاهه چيو ته ٻاهران آيل معزز مهمانن جي سڪيورٽيءَ جي ڪري ڪجھه ٽريفڪ جا مسئلا ٿيندا، ٽريفڪ ڏکيائين تي عوام جي سهڪار گھرجي ته هيءُ اوهان جو اعزاز آهي. سنڌ جي وڏي وزير سيد مراد علي شاهه چيو ته ڪراچي ۾ آئيڊياز 2016ع تحت عالمي دفاعي نمائش جو ٿيڻ قابل فخر ۽ تحسين لائق آهي. هن چيو ته ڪراچي شهر تي قومي ۽ عالمي ادارن جنهن اعتماد جو اظهار ڪيو آهي ان لاءِ سموري صوبي خاص طور تي ڪراچي جا شهري واڌاين جا مستحق آهن. هن اها ڳالهه اولڊ ٽرمنل ڪراچي تي وزيراعظم نواز شريف جي آجيان جي موقعي تي ڪئي. هن چيو ته ڪراچي جا ماڻهو گذريل ڪيترن ئي سالن کان دهشتگردن جي حملن ۽ امن امان جي بدتر حالتن کي منهن ڏئي رهيا هئا، جنهن جي نتيجي ۾ سيڙپڪار پري ٿي رهيا هئا ۽ شهر جو اهم انفرا اسٽريڪچر مڪمل طور تي زبون حاليءَ جو شڪار هو. هن چيو ته سياسي ۽ دفاعي قيادت جي گڏيل ڏاهپ ۽ صوبي ۾ پيپلز پارٽي جي سياسي عزم ۽ عوام جي ڀرپور سهڪار سان قانون جي خلاف ڀڃڪري ڪندڙ ۽ دهشتگردن خلاف انٽيليجنس بنيادن تي سخت ٽارگيٽڊ آپريشن شروع ڪيو ويو. هن چيو ته آپريشن جا حوصلي وڌائڻ وارا نتيجا سامهون آيا آهن ۽ اڄ هر هڪ قومي ۽ عالمي ادارن هن شهر تي پنهنجي اعتماد جو اظهار ڪيو آهي ۽ هتي منقعده نمائشن، پروگرامن شرڪت لاءِ اچڻ شروع ڪيو ۽ مختلف شعبن ۾ سيڙپڪاري به ڪري رهيا آهن. هن چيو ته اهو هڪ حوصلي وڌائيندڙ ڳالهه آهي جنهن لاءِ مان پنهنجي شهر جي ماڻهن کي سهڪار ڪرڻ تي واڌيون ڏيان ٿو ۽ هن ڪامياب آپريشن  ڪرڻ تي قانون لاڳو ڪندڙ ادارن جو پڻ شڪريو ادا ڪيو. هن چيو ته هن شهر جي انفرا اسٽريڪچر کي ترقي ڏيڻ جي ڪم جو عمل شروع ڪيو آهي ۽ ان حوالي سان ڪجهه ڪم شروع ڪيا ويا آهن ۽ ڪجهه شروع ٿيڻا آهن. هن چيو ته ڊسمبر جي آخر کان ڪچرو کڻڻ جو ڪم به شروع ڪيو ويندو، ڇاڪاڻ ته هڪ چائينز ڪمپني کي ڪچرو گڏ ڪري ان کي گاربيج ٽرانسفر اسٽيشن ۾ اڇلائڻ جو ٺيڪو ڏنو ويو آهي. سيد مراد علي شاهه چيو ته ڪي فور بلڪ واٽر سپلاءِ اسڪيم جو به آغا ٿي چڪو آهي ۽ اميد آهي ته ان سان جلد ئي شهر کي پاڻي جي سپلاءِ شروع ٿي ويندي. هن چيو ته مان صنعتي شعبي جي گهرجن مطابق پاڻيءَ جي فراهمي لاءِ جدا انتظام ڪري رهيو آهيان. انهيءَ کان اڳ وڏي وزير سيد مراد علي شاهه پاڪستان جي وزيراعظم نواز شريف جو اولڊ ٽرمينل تي آجيان ڪئي ۽ ان سان گڏ ايڪسپو ۾ منعقد ڪيل آئيڊياز 2016ع ڊفينس ايگزيبيشن ۾ شرڪت ڪئي. اتي هن آرمي چيف جنرل راحيل شريف سان پڻ ملاقات ڪئي. وزيراعظم دفاعي نمائش جو باضابطا طور تي افتتاح ڪيو ۽ ان کانپوءِ هر هڪ اسٽال جو دورو ڪيو ۽ ڊسپلي ۾ رکيل هٿيارن ۽ گولا بارود کي ڏٺو. ان بعد وڏي وزير وزيراعظم نواز شريف سان گڏ سائوٿ سٽي اسپتال ۾ گورنر سنڌ جسٽس رٽائرڊ سعيد الزمان صديقي جي عيادت ڪئي ۽ سندس خيرئت دريافت ڪئي. ان بعد وزيراعظم سان گڏ اولڊ ٽرمينل تي ويا ۽ اتي کين الوداع ڪيو.

 

نواز شريف ملڪ کي قرضن جي ڌٻڻ ۾ پيو ڌڪي: بلاول ڀٽو زرداري

لاهور(م.ڊ) پاڪستان پيپلز پارٽي جي چيئرمين بلاول ڀٽو زرداري چيو آهي ته وزير اعظم نواز شريف ملڪ کي قرضن جي ڌٻڻ ۾ ڌڪي پيو. لاهور ۾ پيپلز پارٽي جي چيئرمين بلاول ڀٽو جي صدارت هيٺ ڪور ڪميٽي جو اجلاس ٿيو. اجلاس ۾ ڳالهائيندي بلاول ڀٽو زرداري چيو ته وزير اعظم نواز شريف ٽن سالن ۾ 80 کرب رپين جي قرض جو بار وڌو آهي.  اسٽيٽ بينڪ جي رپورٽ اکيون کولڻ لاءِ ڪافي آهي.

 

ڪيس شريف ڪُٽنب خلاف پيو وڃي، تحريڪ انصاف وڌيڪ محنت نه ڪري: اعتزاز احسن

لاهور (م.ڊ) ناليواري قانون ۽ سينيٽر چوڌري اعزاز احسن چيو آهي ته تحريڪ انصاف کي وڌيڪ محنت جي ضرورت ناهي، ڪيس شريف ڪُٽنب خلاف وڃي رهيو آهي. عدالت نواز شريف کي ڪٽهڙي ۾ گهرائي ته سڀ ڪجهه سامهون اچي ويندو. صحافين سان ڳالهائيندي اعزاز احسن جو چوڻ هو ته شريف خاندان پنهنجي جائداد جو اعتراف ڪري چڪو آهي. پي ٽي آءِ کي وڌيڪ محنت جي ضرورت ناهي. نواز شريف کي ڪٽهڙي ۾ گهرايو ويو ته سڀ خبر پئجي ويندي. هن چيو ته ناڻي ۽ گهرو وزير جا بيان به تضاد جي زمري ۾ اچن ٿا.27

 

بلاول ڀٽو سياسي خوف جو نالو آهي، جلد پي ٽي آءَ جي دوڪانداري ختم ٿي ويندي: مولابخش چانڊيو

ڪراچي( اي پي پي)  اطلاعات بابت صوبائي صلاحڪار مولابخش چانڊيو اڱاري تي اطلاعات کاتي سنڌ جي آفيس جو اوچتو دورو ڪيو ۽ مختلف سيڪشنز جو معائنو ڪيو ۽ ملازمن جي حاضري بابت معلومات ورتي ۽ هدايت ڪئي ته غيرحاضر ملازمن خلاف کاتيوار ڪارروائي ڪئي وڃي. هن وڌيڪ چيو ته ڪم نه ڪندڙ ملازمن لاءِ کاتي ۾ ڪابه جاءِ نه آهي. مولابخش چانڊيو چيو ته اطلاعات کاتو سنڌ حڪومت جو هڪ اهم کاتو آهي، جنهن جي ذريعي حڪومتي ڪارڪردگي کي عوام تائين پهچائڻ جو اهم ڪم سرانجام ڏنو وڃي ٿو. دوري دوران مولابخش چانڊيو ڊائريڪٽر پريس انفارميشن زينت جهان ۽ سندس سيڪشن جي ڪارڪردگي جي تعريف ڪندي چيو ته توهان جي فرض شناسي ساراهه جوڳي آهي ۽ آئون اوهان جي ڪارڪردگي کان تمام گهڻو مطمئن آهيان. ان موقعي تي سيڪريٽري اطلاعات عمران عطاءُ سومرو، ڊائريڪٽر پريس انفارميشن زينت جهان ۽ ٻيا آفيسر موجود هئا. ان کان علاوه صلاحڪار مولابخش چانڊيو اتي موجود صحافين سان ڳالهائيندي چيو ته چيئرمين بلاول ڀٽو سياسي مخالفن جي هوش حواس تي طاري ٿي چڪو آهي ۽ مخالفن لاءِ بلاول ڀٽو سياسي خوف جو نئون نالو آهي. هن وڌيڪ چيو ته پي ٽي آئي جا اڳواڻ عجيب ۽ غريب ڳالهيون ڪري رهيا آهن. انهن جي دڪانداري ختم ٿيڻ واري آهي ۽ مسلسل ناڪامين سبب پي ٽي آئي بوکلاهٽ جو شڪار آهي ۽ ان لاءِ سندن اڳواڻن جي لهجي ۾ چڙ نظري اچڻ لڳي آهي. هن چيو ته هر جماعت سان جهيڙي جي عادت سبب اڄ پي ٽي آئي اڪيلائپ جو شڪار آهي. مولابخش چانڊيو چيو ته پيپلز پارٽي ۽ ان جو نوجوان باحوصلا اڳواڻ بلاول ڀٽو زرداري ئي هن ملڪ ۽ عوام جي مسئلن جو واحد حل آهي.

 

تحريڪ انصاف پاناما ڪيس لاءِ وڪيلن جي 4 رڪني ٽيم جوڙي ڇڏي، گهڻا ثبوت مليا آهن: عمران خان

اسلام آباد (م.ڊ) تحريڪ انصاف جي سربراهه عمران خان چيو آهي ته اسان پاناما ڪيس لاءِ وڪيلن جي 4 رڪني ڪميٽي جوڙي ڇڏي آهي، جنهن جي سربراهي نعيم بخاري ڪندو. بني گالا ۾ صحافين سان ڳالهائيندي عمران خان جو چوڻ هو ته پاناما ڪيس لاءِ چئن وڪيلن تي ٻڌل ٽيم جوڙي رهيا آهيون، جنهن جي سربراهي نعيم بخاري ڪندو، ڇو ته درخواست به ان ئي داخل ڪرائي هئي، جڏهن ته بابر اعواڻ به وڪيلن جي ٽيم ۾ شامل هوندو. اسان کي ڪيس جي حوالي سان گهڻا ثبوت مليا آهن. هن چيو ته جڏهن ڪرپشن ختم ٿيندي ته قوم کي فائدو ٿيندو، حامد خان تحريڪ انصاف سان گڏ هيو ۽ رهندو. عمران خان چيو ته مان لنڊن ثبوت ڳولڻ نه پر پنهنجي ٻارن سان ملڻ لاءِ ويو هيس.27

 

مرتضيٰ وهاب کي قانون واري وزارت جو قلمدان ڇڏڻ جو حڪم، سنڌ هاءِ ڪورٽ فيصلو ڏئي ڇڏيو

ڪراچي (اين اين آءِ) سنڌ هاءِ ڪورٽ قانون صلاحڪار مرتضيٰ وهاب صديقي جي مقرري کي غير قانوني قرار ڏنو آهي جڏهن ته مرتضيٰ وهاب کي لا ڪاليج جي بورڊ آف گورنرز جي اڳواڻي تان هٽائڻ جو حڪم به جاري ڪيو آهي اڱاري تي سنڌ هاءِ ڪورٽ جي چيف جسٽس سجاد علي شاهه جي اڳواڻي ۾ 2 رڪني بئنچ قانون واري صلاحڪار مرتضي وهاب صديقي جي مقرري خلاف درخواست جي ٻڌڻي ڪئي عدالت وڪيلن جا دليل ٻڌڻ کان پوءِ قانون واري صلاحڪارن جي مقرري غير قانوني قرار ڏيئي ڇڏي درخواست ڪندڙ فريد دايو موقف اختيار ڪيو هو ته آئين ۾ صلاحڪار کي کاتو نٿو ڏيئي سگهجي مرتضيٰ وهاب صديقي جو هڪ سياسي پارٽي سان تعلق آهي جڏهن ته ان وٽ نه ته ڪوئي قانوني ۽ نه ئي ٽيچنگ جو ڪو تجربو موجود آهي ان کان علاوه هو عدالت کان انرولڊ به نه آهي مرتضيٰ وهاب صديقي جي مقرري غير قانوني آهي ۽ ان جي مقرري تي ڪراچي جي لا ڪاليجن جي چيئرمين بورڊ آڦ گورنرز کي به اعتراض هئا ان ڪري اپيل آهي ته مرتضيٰ وهاب جي مقرري کي غير قانوني قرار ڏنو وڃي جنهن تي عدالت قانون واري صلاحڪار جي حيثيت سان مرتضيٰ وهاب جي مقرري جو نوٽيفڪيشن ڪالعدم قرار ڏيڻ جي درخواست منظور ڪري ورتي ۽ مرتضيٰ وهاب جي مقرري غير قانوني قرار ڏيندي عهدو ڇڏڻ جو حڪم ڏنو آهي.